Brahma Purana — Chapter 68
BrP 68.1
श्रोतुम् इच्छामहे देव विष्णुलोकम् अनामयम् लोकानन्दकरं कान्तं सर्वाश्चर्यसमन्वितम् ॥
śrotum icchāmahe deva viṣṇulokam anāmayam lokānandakaraṃ kāntaṃ sarvāścaryasamanvitam //
We wish to hear, O god, of Viṣṇu's world, free of ill, giving joy to the worlds, lovely, filled with every marvel.
AI translation rendered from the Sanskrit, not a published edition
BrP 68.2
प्रमाणं तस्य लोकस्य भोगं कान्तिं बलं प्रभो कर्मणा केन गच्छन्ति तत्र धर्मपरायणाः ॥
pramāṇaṃ tasya lokasya bhogaṃ kāntiṃ balaṃ prabho karmaṇā kena gacchanti tatra dharmaparāyaṇāḥ //
(Tell us) the measure of that world, its enjoyment, its beauty, its power, O lord, and by what deed those devoted to dharma go there;
AI translation rendered from the Sanskrit, not a published edition
BrP 68.3
दर्शनात् स्पर्शनाद् वापि तीर्थस्नानादिनापि वा विस्तराद् ब्रूहि तत्त्वेन परं कौतूहलं हि नः ॥
darśanāt sparśanād vāpi tīrthasnānādināpi vā vistarād brūhi tattvena paraṃ kautūhalaṃ hi naḥ //
whether by seeing, or by touching, or even by bathing at a holy ford and the like — tell it in detail and truly, for our curiosity is great.
AI translation rendered from the Sanskrit, not a published edition
BrP 68.4
शृणुध्वं मुनयः सर्वे यत् परं परमं पदम् भक्तानाम् ईहितं धन्यं पुण्यं संसारनाशनम् ॥
śṛṇudhvaṃ munayaḥ sarve yat paraṃ paramaṃ padam bhaktānām īhitaṃ dhanyaṃ puṇyaṃ saṃsāranāśanam //
Hear, all you sages, of that highest supreme abode, sought by the devotees, blessed, holy, destroyer of transmigration —
AI translation rendered from the Sanskrit, not a published edition
BrP 68.5
प्रवरं सर्वलोकानां विष्ण्वाख्यं वदतो मम सर्वाश्चर्यमयं पुण्यं स्थानं त्रैलोक्यपूजितम् ॥
pravaraṃ sarvalokānāṃ viṣṇvākhyaṃ vadato mama sarvāścaryamayaṃ puṇyaṃ sthānaṃ trailokyapūjitam //
as I tell of the place named Viṣṇu's, foremost of all worlds, made of every marvel, holy, honoured in the three worlds.
AI translation rendered from the Sanskrit, not a published edition
BrP 68.6
अशोकैः पारिजातैश् च मन्दारैश् चम्पकद्रुमैः मालतीमल्लिकाकुन्दैर् बकुलैर् नागकेसरैः ॥
aśokaiḥ pārijātaiś ca mandāraiś campakadrumaiḥ mālatīmallikākundair bakulair nāgakesaraiḥ //
With aśokas and pārijātas, with mandāras and campaka trees, with mālatī, mallikā and kunda, with bakulas and nāgakesaras,
AI translation rendered from the Sanskrit, not a published edition
BrP 68.7
पुंनागैर् अतिमुक्तैश् च प्रियङ्गुतगरार्जुनैः पाटलाचूतखदिरैः कर्णिकारवनोज्ज्वलैः ॥
puṃnāgair atimuktaiś ca priyaṅgutagarārjunaiḥ pāṭalācūtakhadiraiḥ karṇikāravanojjvalaiḥ //
with puṃnāgas and atimuktas, with priyaṅgu, tagara and arjuna, with pāṭalā, mango and khadira, bright with karṇikāra groves,
AI translation rendered from the Sanskrit, not a published edition
BrP 68.8
नारङ्गैः पनसैर् लोध्रैर् निम्बदाडिमसर्जकैः द्राक्षालकुचखर्जूरैर् मधुकेन्द्रफलैर् द्रुमैः ॥
nāraṅgaiḥ panasair lodhrair nimbadāḍimasarjakaiḥ drākṣālakucakharjūrair madhukendraphalair drumaiḥ //
with oranges, jackfruits, lodhras, with nimba, pomegranate and sarjaka trees, with grapevines, lakuca and date palms, with madhuka and indraphala trees,
AI translation rendered from the Sanskrit, not a published edition
BrP 68.9
कपित्थैर् नारिकेरैश् च तालैः श्रीफलसंभवैः कल्पवृक्षैर् असंख्यैश् च वन्यैर् अन्यैः सुशोभनैः ॥
kapitthair nārikeraiś ca tālaiḥ śrīphalasaṃbhavaiḥ kalpavṛkṣair asaṃkhyaiś ca vanyair anyaiḥ suśobhanaiḥ //
with wood-apples and coconuts, with palmyras and bearing bilva fruit, with countless wish-granting trees and other lovely forest trees,
AI translation rendered from the Sanskrit, not a published edition
BrP 68.10
सरलैश् चन्दनैर् नीपैर् देवदारुशुभाञ्जनैः जातीलवङ्गकङ्कोलैः कर्पूरामोदवासिभिः ॥
saralaiś candanair nīpair devadāruśubhāñjanaiḥ jātīlavaṅgakaṅkolaiḥ karpūrāmodavāsibhiḥ //
with saralas, sandalwoods, nīpas, with devadāru and fine añjana trees, with jātī, clove and kaṅkola, fragrant with the scent of camphor,
AI translation rendered from the Sanskrit, not a published edition
BrP 68.11
ताम्बूलपत्त्रनिचयैस् तथा पूगीफलद्रुमैः अन्यैश् च विविधैर् वृक्षैः सर्वर्तुफलशोभितैः ॥
tāmbūlapattranicayais tathā pūgīphaladrumaiḥ anyaiś ca vividhair vṛkṣaiḥ sarvartuphalaśobhitaiḥ //
with masses of betel leaves and likewise with areca-nut trees, and with various other trees adorned with the fruits of every season,
AI translation rendered from the Sanskrit, not a published edition
BrP 68.12
पुष्पैर् नानाविधैश् चैव लतागुच्छसमुद्भवैः नानाजलाशयैः पुण्यैर् नानापक्षिरुतैर् वरैः ॥
puṣpair nānāvidhaiś caiva latāgucchasamudbhavaiḥ nānājalāśayaiḥ puṇyair nānāpakṣirutair varaiḥ //
and with flowers of many kinds sprung from clusters on the creepers, with many holy ponds, with the fine cries of many birds,
AI translation rendered from the Sanskrit, not a published edition
BrP 68.13
दीर्घिकाशतसंघातैस् तोयपूर्णैर् मनोहरैः कुमुदैः शतपत्त्रैश् च पुष्पैः कोकनदैर् वरैः ॥
dīrghikāśatasaṃghātais toyapūrṇair manoharaiḥ kumudaiḥ śatapattraiś ca puṣpaiḥ kokanadair varaiḥ //
with clusters of a hundred oblong pools, full of water, delightful, with lilies and hundred-petalled lotuses and fine red lotuses,
AI translation rendered from the Sanskrit, not a published edition
BrP 68.14
रक्तनीलोत्पलैः कान्तैः कह्लारैश् च सुगन्धिभिः अन्यैश् च जलजैः पुष्पैर् नानावर्णैः सुशोभनैः ॥
raktanīlotpalaiḥ kāntaiḥ kahlāraiś ca sugandhibhiḥ anyaiś ca jalajaiḥ puṣpair nānāvarṇaiḥ suśobhanaiḥ //
with lovely red and blue water-lilies and fragrant kahlāras, and with other water-born flowers of many colours, beautiful,
AI translation rendered from the Sanskrit, not a published edition
BrP 68.15
हंसकारण्डवाकीर्णैश् चक्रवाकोपशोभितैः कोयष्टिकैश् च दात्यूहैः कारण्डवरवाकुलैः ॥
haṃsakāraṇḍavākīrṇaiś cakravākopaśobhitaiḥ koyaṣṭikaiś ca dātyūhaiḥ kāraṇḍavaravākulaiḥ //
strewn with geese and kāraṇḍava ducks, graced by cakravākas, thronged with koyaṣṭikas, dātyūhas and the fine cries of kāraṇḍavas,
AI translation rendered from the Sanskrit, not a published edition
BrP 68.16
चातकैः प्रियपुत्रैश् च जीवंजीवकजातिभिः अन्यैर् दिव्यैर् जलचरैर् विहारमधुरस्वनैः ॥
cātakaiḥ priyaputraiś ca jīvaṃjīvakajātibhiḥ anyair divyair jalacarair vihāramadhurasvanaiḥ //
with cuckoos and priyaputras and kinds of jīvaṃjīvaka birds, and with other divine water-dwelling creatures sweet-voiced in their play,
AI translation rendered from the Sanskrit, not a published edition
BrP 68.17
एवं नानाविधैर् दिव्यैर् नानाश्चर्यसमन्वितैः वृक्षैर् जलाशयैः पुण्यैर् भूषितं सुमनोहरैः ॥
evaṃ nānāvidhair divyair nānāścaryasamanvitaiḥ vṛkṣair jalāśayaiḥ puṇyair bhūṣitaṃ sumanoharaiḥ //
Thus it is adorned with divine trees and holy pools of many kinds, endowed with many marvels, and most delightful.
AI translation rendered from the Sanskrit, not a published edition
BrP 68.18
तत्र दिव्यैर् विमानैश् च नानारत्नविभूषितैः कामगैः काञ्चनैः शुभ्रैर् दिव्यगन्धर्वनादितैः ॥
tatra divyair vimānaiś ca nānāratnavibhūṣitaiḥ kāmagaiḥ kāñcanaiḥ śubhrair divyagandharvanāditaiḥ //
There, with divine flying palaces adorned with many jewels, golden and gleaming, going where one wishes, resounding with divine gandharva (music),
AI translation rendered from the Sanskrit, not a published edition
BrP 68.19
तरुणादित्यसंकाशैर् अप्सरोभिर् अलंकृतैः हेमशय्यासनयुतैर् नानाभोगसमन्वितैः ॥
taruṇādityasaṃkāśair apsarobhir alaṃkṛtaiḥ hemaśayyāsanayutair nānābhogasamanvitaiḥ //
(palaces) resembling the young sun, decorated with apsarases, furnished with golden couches and seats, provided with many enjoyments,
AI translation rendered from the Sanskrit, not a published edition
BrP 68.20
खेचरैः सपताकैश् च मुक्ताहारावलम्बिभिः नानावर्णैर् असंख्यातैर् जातरूपपरिच्छदैः ॥
khecaraiḥ sapatākaiś ca muktāhārāvalambibhiḥ nānāvarṇair asaṃkhyātair jātarūpaparicchadaiḥ //
moving in the sky, bearing banners, hung with strings of pearls, of many colours, countless, with coverings of gold,
AI translation rendered from the Sanskrit, not a published edition
BrP 68.21
नानाकुसुमगन्धाढ्यैश् चन्दनागुरुभूषितैः सुखप्रचारबहुलैर् नानावादित्रनिःस्वनैः ॥
nānākusumagandhāḍhyaiś candanāgurubhūṣitaiḥ sukhapracārabahulair nānāvāditraniḥsvanaiḥ //
rich with the fragrance of many flowers, adorned with sandal and aloe-wood, abounding in pleasant movement, sounding with many musical instruments,
AI translation rendered from the Sanskrit, not a published edition
BrP 68.22
मनोमारुततुल्यैश् च किङ्किणीस्तबकाकुलैः विहरन्ति पुरे तस्मिन् वैष्णवे लोकपूजिते ॥
manomārutatulyaiś ca kiṅkiṇīstabakākulaiḥ viharanti pure tasmin vaiṣṇave lokapūjite //
equal to thought and the wind, thick with clusters of little bells — (with these) they roam about in that Vaiṣṇava city honoured by the world.
AI translation rendered from the Sanskrit, not a published edition
BrP 68.23
नानाङ्गनाभिः सततं गन्धर्वाप्सरसादिभिः चन्द्राननाभिः कान्ताभिर् योषिद्भिः सुमनोहरैः ॥
nānāṅganābhiḥ satataṃ gandharvāpsarasādibhiḥ candrānanābhiḥ kāntābhir yoṣidbhiḥ sumanoharaiḥ //
constantly with many women — gandharva women, apsarases and the rest — moon-faced, lovely, with charming young women,
AI translation rendered from the Sanskrit, not a published edition
BrP 68.24
पीनोन्नतकुचाग्राभिः सुमध्याभिः समन्ततः श्यामावदातवर्णाभिर् मत्तमातङ्गगामिभिः ॥
pīnonnatakucāgrābhiḥ sumadhyābhiḥ samantataḥ śyāmāvadātavarṇābhir mattamātaṅgagāmibhiḥ //
with full, high-tipped breasts, with beautiful waists, on all sides, dark and bright in hue, walking like elephants in rut,
AI translation rendered from the Sanskrit, not a published edition
BrP 68.25
परिवार्य नरश्रेष्ठं वीजयन्ति स्म ताः स्त्रियः चामरै रुक्मदण्डैश् च नानारत्नविभूषितैः ॥
parivārya naraśreṣṭhaṃ vījayanti sma tāḥ striyaḥ cāmarai rukmadaṇḍaiś ca nānāratnavibhūṣitaiḥ //
surrounding the best of men, those women fan (him) with yak-tail whisks having golden handles and adorned with many jewels.
AI translation rendered from the Sanskrit, not a published edition
BrP 68.26
गीतनृत्यैस् तथा वाद्यैर् मोदमानैर् मदालसैः यक्षविद्याधरैः सिद्धैर् गन्धर्वैर् अप्सरोगणैः ॥
gītanṛtyais tathā vādyair modamānair madālasaiḥ yakṣavidyādharaiḥ siddhair gandharvair apsarogaṇaiḥ //
with songs and dances and also with instrumental music, rejoicing and languid with intoxication, with yakṣas, vidyādharas, siddhas, gandharvas and hosts of apsarases,
AI translation rendered from the Sanskrit, not a published edition
BrP 68.27
सुरसंघैश् च ऋषिभिः शुशुभे भुवनोत्तमम् तत्र प्राप्य महाभोगान् प्राप्नुवन्ति मनीषिणः ॥
surasaṃghaiś ca ṛṣibhiḥ śuśubhe bhuvanottamam tatra prāpya mahābhogān prāpnuvanti manīṣiṇaḥ //
and with throngs of gods and with sages, that highest of worlds shone. Having reached there, the wise obtain great enjoyments.
AI translation rendered from the Sanskrit, not a published edition
BrP 68.28
वटराजसमीपे तु दक्षिणस्योदधेस् तटे दृष्टो यैर् भगवान् कृष्णः पुष्कराक्षो जगत्पतिः ॥
vaṭarājasamīpe tu dakṣiṇasyodadhes taṭe dṛṣṭo yair bhagavān kṛṣṇaḥ puṣkarākṣo jagatpatiḥ //
But by whom the Lord Kṛṣṇa, the lotus-eyed lord of the world, has been seen near the king of banyan trees on the shore of the southern ocean —
AI translation rendered from the Sanskrit, not a published edition
BrP 68.29
क्रीडन्त्य् अप्सरसैः सार्धं यावद् द्यौश् चन्द्रतारकम् प्रतप्तहेमसंकाशा जरामरणवर्जिताः ॥
krīḍanty apsarasaiḥ sārdhaṃ yāvad dyauś candratārakam prataptahemasaṃkāśā jarāmaraṇavarjitāḥ //
they sport together with the apsarases as long as the sky has moon and stars, resembling refined gold, free from old age and death,
AI translation rendered from the Sanskrit, not a published edition
BrP 68.30
सर्वदुःखविहीनाश् च तृष्णाग्लानिविवर्जिताः चतुर्भुजा महावीर्या वनमालाविभूषिताः ॥
sarvaduḥkhavihīnāś ca tṛṣṇāglānivivarjitāḥ caturbhujā mahāvīryā vanamālāvibhūṣitāḥ //
free from all sorrow, rid of thirst and weariness, four-armed, of great vigour, adorned with forest garlands,
AI translation rendered from the Sanskrit, not a published edition
BrP 68.31
श्रीवत्सलाञ्छनैर् युक्ताः शङ्खचक्रगदाधराः केचिन् नीलोत्पलश्यामाः केचित् काञ्चनसंनिभाः ॥
śrīvatsalāñchanair yuktāḥ śaṅkhacakragadādharāḥ kecin nīlotpalaśyāmāḥ kecit kāñcanasaṃnibhāḥ //
marked with the śrīvatsa sign, bearing conch, discus and mace; some dark as blue lotuses, some like gold,
AI translation rendered from the Sanskrit, not a published edition
BrP 68.32
केचिन् मरकतप्रख्याः केचिद् वैदूर्यसंनिभाः श्यामवर्णाः कुण्डलिनस् तथान्ये वज्रसंनिभाः ॥
kecin marakataprakhyāḥ kecid vaidūryasaṃnibhāḥ śyāmavarṇāḥ kuṇḍalinas tathānye vajrasaṃnibhāḥ //
some like emerald, some resembling beryl, dark-coloured and wearing earrings, and others like diamond.
AI translation rendered from the Sanskrit, not a published edition
BrP 68.33
न तादृक् सर्वदेवानां भान्ति लोका द्विजोत्तमाः यादृग् भाति हरेर् लोकः सर्वाश्चर्यसमन्वितः ॥
na tādṛk sarvadevānāṃ bhānti lokā dvijottamāḥ yādṛg bhāti harer lokaḥ sarvāścaryasamanvitaḥ //
The worlds of all the gods do not shine so, O best of twice-born, as shines the world of Hari, endowed with every marvel.
AI translation rendered from the Sanskrit, not a published edition
BrP 68.34
न तत्र पुनरावृत्तिर् गमनाज् जायते द्विजाः प्रभावात् तस्य देवस्य यावद् आभूतसंप्लवम् ॥
na tatra punarāvṛttir gamanāj jāyate dvijāḥ prabhāvāt tasya devasya yāvad ābhūtasaṃplavam //
There is no returning again from going there, O twice-born, by the power of that god, until the dissolution of beings.
AI translation rendered from the Sanskrit, not a published edition
BrP 68.35
विचरन्ति पुरे दिव्ये रूपयौवनगर्विताः कृष्णं रामं सुभद्रां च पश्यन्ति पुरुषोत्तमे ॥
vicaranti pure divye rūpayauvanagarvitāḥ kṛṣṇaṃ rāmaṃ subhadrāṃ ca paśyanti puruṣottame //
They wander in the divine city, proud of their beauty and youth, and they behold Kṛṣṇa, Rāma and Subhadrā in Puruṣottama.
AI translation rendered from the Sanskrit, not a published edition
BrP 68.36
प्रतप्तहेमसंकाशं तरुणादित्यसंनिभम् पुरमध्ये हरेर् भाति मन्दिरं रत्नभूषितम् ॥
prataptahemasaṃkāśaṃ taruṇādityasaṃnibham puramadhye harer bhāti mandiraṃ ratnabhūṣitam //
Resembling refined gold, like the young sun, in the middle of the city Hari's palace shines, adorned with jewels.
AI translation rendered from the Sanskrit, not a published edition
BrP 68.37
अनेकशतसाहस्रैः पताकैः समलंकृतम् योजनायुतविस्तीर्णं हेमप्राकारवेष्टितम् ॥
anekaśatasāhasraiḥ patākaiḥ samalaṃkṛtam yojanāyutavistīrṇaṃ hemaprākāraveṣṭitam //
It is adorned with many hundreds of thousands of banners, extending ten thousand leagues, encircled by a golden rampart.
AI translation rendered from the Sanskrit, not a published edition
BrP 68.38
नानावर्णैर् ध्वजैश् चित्रैः कल्पितैः सुमनोहरैः विभाति शारदो यद्वन् नक्षत्रैः सह चन्द्रमाः ॥
nānāvarṇair dhvajaiś citraiḥ kalpitaiḥ sumanoharaiḥ vibhāti śārado yadvan nakṣatraiḥ saha candramāḥ //
With bright flags of many colors, fashioned most charmingly, it shines as the autumn moon does together with the stars.
AI translation rendered from the Sanskrit, not a published edition
BrP 68.39
चतुर्द्वारं सुविस्तीर्णं कञ्चुकिभिः सुरक्षितम् पुरसप्तकसंयुक्तं महोत्सेकं मनोहरम् ॥
caturdvāraṃ suvistīrṇaṃ kañcukibhiḥ surakṣitam purasaptakasaṃyuktaṃ mahotsekaṃ manoharam //
Having four gates, very broad, well guarded by mail-clad (warriors), joined with a set of seven walls, greatly towering, delightful.
AI translation rendered from the Sanskrit, not a published edition
BrP 68.40
प्रथमं काञ्चनं तत्र द्वितीयं मरकतैर् युतम् इन्द्रनीलं तृतीयं तु महानीलं ततः परम् ॥
prathamaṃ kāñcanaṃ tatra dvitīyaṃ marakatair yutam indranīlaṃ tṛtīyaṃ tu mahānīlaṃ tataḥ param //
There the first is of gold, the second set with emeralds, the third of sapphire (indranīla), and next beyond that of great sapphire (mahānīla).
AI translation rendered from the Sanskrit, not a published edition
BrP 68.41
पुरं तु पञ्चमं दीप्तं पद्मरागमयं पुरम् षष्ठं वज्रमयं विप्रा वैदूर्यं सप्तमं पुरम् ॥
puraṃ tu pañcamaṃ dīptaṃ padmarāgamayaṃ puram ṣaṣṭhaṃ vajramayaṃ viprā vaidūryaṃ saptamaṃ puram //
And the fifth city is blazing, a city made of rubies; the sixth is made of diamond, O brahmins, and the seventh city is of beryl.
AI translation rendered from the Sanskrit, not a published edition
BrP 68.42
नानारत्नमयैर् हेमप्रवालाङ्कुरभूषितैः स्तम्भैर् अद्भुतसंकाशैर् भाति तद् भवनं महत् ॥
nānāratnamayair hemapravālāṅkurabhūṣitaiḥ stambhair adbhutasaṃkāśair bhāti tad bhavanaṃ mahat //
With pillars made of various gems, adorned with gold and with coral shoots, of wondrous appearance, that great palace shines.
AI translation rendered from the Sanskrit, not a published edition
BrP 68.43
दृश्यन्ते तत्र सिद्धाश् च भासयन्ति दिशो दश पौर्णमास्यां सनक्षत्रो यथा भाति निशाकरः ॥
dṛśyante tatra siddhāś ca bhāsayanti diśo daśa paurṇamāsyāṃ sanakṣatro yathā bhāti niśākaraḥ //
There the Siddhas too are seen; they illumine the ten directions, as the moon with the stars shines on the full-moon night.
AI translation rendered from the Sanskrit, not a published edition
BrP 68.44
आरूढस् तत्र भगवान् सलक्ष्मीको जनार्दनः पीताम्बरधरः श्यामः श्रीवत्सलक्ष्मसंयुतः ॥
ārūḍhas tatra bhagavān salakṣmīko janārdanaḥ pītāmbaradharaḥ śyāmaḥ śrīvatsalakṣmasaṃyutaḥ //
There the Lord Janārdana is seated, together with Lakṣmī, wearing yellow garments, dark-hued, bearing the mark of the śrīvatsa.
AI translation rendered from the Sanskrit, not a published edition
BrP 68.45
ज्वलत् सुदर्शनं चक्रं घोरं सर्वास्त्रनायकम् दधार दक्षिणे हस्ते सर्वतेजोमयं हरिः ॥
jvalat sudarśanaṃ cakraṃ ghoraṃ sarvāstranāyakam dadhāra dakṣiṇe haste sarvatejomayaṃ hariḥ //
The blazing discus Sudarśana, terrible, the chief of all weapons, made wholly of splendor, Hari held in his right hand.
AI translation rendered from the Sanskrit, not a published edition
BrP 68.46
कुन्देन्दुरजतप्रख्यं हारगोक्षीरसंनिभम् आदाय तं मुनिश्रेष्ठाः सव्यहस्तेन केशवः ॥
kundendurajataprakhyaṃ hāragokṣīrasaṃnibham ādāya taṃ muniśreṣṭhāḥ savyahastena keśavaḥ //
Taking with his left hand, O best of sages, that (conch) which is like jasmine, the moon, and silver, resembling a pearl-necklace and cow's milk—Keśava (held it).
AI translation rendered from the Sanskrit, not a published edition
BrP 68.47
यस्य शब्देन सकलं संक्षोभं जायते जगत् विश्रुतं पाञ्चजन्येति सहस्रावर्तभूषितम् ॥
yasya śabdena sakalaṃ saṃkṣobhaṃ jāyate jagat viśrutaṃ pāñcajanyeti sahasrāvartabhūṣitam //
—by whose sound the whole world is thrown into agitation, famed as Pāñcajanya, adorned with a thousand whorls.
AI translation rendered from the Sanskrit, not a published edition
BrP 68.48
दुष्कृतान्तकरीं रौद्रां दैत्यदानवनाशिनीम् ज्वलद्वह्निशिखाकारां दुःसहां त्रिदशैर् अपि ॥
duṣkṛtāntakarīṃ raudrāṃ daityadānavanāśinīm jvaladvahniśikhākārāṃ duḥsahāṃ tridaśair api //
(The mace) that makes an end of evil-doers, fierce, destroyer of Daityas and Dānavas, shaped like a blazing tongue of fire, unbearable even by the gods,
AI translation rendered from the Sanskrit, not a published edition
BrP 68.49
कौमोदकीं गदां चासौ धृतवान् दक्षिणे करे वामे विस्फुरति ह्य् अस्य शार्ङ्गं सूर्यसमप्रभम् ॥
kaumodakīṃ gadāṃ cāsau dhṛtavān dakṣiṇe kare vāme visphurati hy asya śārṅgaṃ sūryasamaprabham //
—that Kaumodakī mace he held in his right hand; and in his left flashes his Śārṅga bow, radiant as the sun.
AI translation rendered from the Sanskrit, not a published edition
BrP 68.50
शरैर् आदित्यसंकाशैर् ज्वालामालाकुलैर् वरैः यो ऽसौ संहरते देवस् त्रैलोक्यं सचराचरम् ॥
śarair ādityasaṃkāśair jvālāmālākulair varaiḥ yo 'sau saṃharate devas trailokyaṃ sacarācaram //
With excellent arrows like the sun, wreathed in garlands of flame, this god withdraws the three worlds with all that moves and does not move.
AI translation rendered from the Sanskrit, not a published edition
BrP 68.51
सर्वानन्दकरः श्रीमान् सर्वशास्त्रविशारदः सर्वलोकगुरुर् देवः सर्वैर् देवैर् नमस्कृतः ॥
sarvānandakaraḥ śrīmān sarvaśāstraviśāradaḥ sarvalokagurur devaḥ sarvair devair namaskṛtaḥ //
Maker of all joy, glorious, skilled in all the sciences, the god who is teacher of all the worlds, saluted by all the gods,
AI translation rendered from the Sanskrit, not a published edition
BrP 68.52
सहस्रमूर्धा देवेशः सहस्रचरणेक्षणः सहस्राख्यः सहस्राङ्गः सहस्रभुजवान् प्रभुः ॥
sahasramūrdhā deveśaḥ sahasracaraṇekṣaṇaḥ sahasrākhyaḥ sahasrāṅgaḥ sahasrabhujavān prabhuḥ //
Thousand-headed lord of gods, with a thousand feet and eyes, having a thousand names, a thousand limbs, the mighty one possessed of a thousand arms,
AI translation rendered from the Sanskrit, not a published edition
BrP 68.53
सिंहासनगतो देवः पद्मपत्त्रायतेक्षणः विद्युद्विस्पष्टसंकाशो जगन्नाथो जगद्गुरुः ॥
siṃhāsanagato devaḥ padmapattrāyatekṣaṇaḥ vidyudvispaṣṭasaṃkāśo jagannātho jagadguruḥ //
the god seated on the lion-throne, with eyes long as lotus-petals, of appearance vivid as lightning, lord of the world, teacher of the world,
AI translation rendered from the Sanskrit, not a published edition
BrP 68.54
परीतः सुरसिद्धैश् च गन्धर्वाप्सरसां गणैः यक्षविद्याधरैर् नागैर् मुनिसिद्धैः सचारणैः ॥
parītaḥ surasiddhaiś ca gandharvāpsarasāṃ gaṇaiḥ yakṣavidyādharair nāgair munisiddhaiḥ sacāraṇaiḥ //
surrounded by gods and Siddhas, by the troops of Gandharvas and Apsarases, by Yakṣas, Vidyādharas, Nāgas, by sages and Siddhas along with Cāraṇas,
AI translation rendered from the Sanskrit, not a published edition
BrP 68.55
सुपर्णैर् दानवैर् दैत्यै राक्षसैर् गुह्यकिंनरैः अन्यैर् देवगणैर् दिव्यैः स्तूयमानो विराजते ॥
suparṇair dānavair daityai rākṣasair guhyakiṃnaraiḥ anyair devagaṇair divyaiḥ stūyamāno virājate //
Praised by garuḍas, dānavas, daityas, rākṣasas, guhyakas and kiṃnaras, and by other divine hosts of gods, he shines forth.
AI translation rendered from the Sanskrit, not a published edition
BrP 68.56
तत्रस्था सततं कीर्तिः प्रज्ञा मेधा सरस्वती बुद्धिर् मतिस् तथा क्षान्तिः सिद्धिमूर्तिस् तथा द्युतिः ॥
tatrasthā satataṃ kīrtiḥ prajñā medhā sarasvatī buddhir matis tathā kṣāntiḥ siddhimūrtis tathā dyutiḥ //
There dwell always Fame (Kīrti), Wisdom, Intelligence, Sarasvatī, Understanding, Thought, and Patience, and Perfection embodied, and Splendour.
AI translation rendered from the Sanskrit, not a published edition
BrP 68.57
गायत्री चैव सावित्री मङ्गला सर्वमङ्गला प्रभा मतिस् तथा कान्तिस् तत्र नारायणी स्थिता ॥
gāyatrī caiva sāvitrī maṅgalā sarvamaṅgalā prabhā matis tathā kāntis tatra nārāyaṇī sthitā //
And Gāyatrī and Sāvitrī, Maṅgalā, Sarvamaṅgalā, Prabhā, Mati and Kānti — there Nārāyaṇī abides.
AI translation rendered from the Sanskrit, not a published edition
BrP 68.58
श्रद्धा च कौशिकी देवी विद्युत् सौदामिनी तथा निद्रा रात्रिस् तथा माया तथान्यामरयोषितः ॥
śraddhā ca kauśikī devī vidyut saudāminī tathā nidrā rātris tathā māyā tathānyāmarayoṣitaḥ //
And Śraddhā and the goddess Kauśikī, Vidyut and Saudāminī, Sleep, Night, and Māyā, and the other women of the immortals.
AI translation rendered from the Sanskrit, not a published edition
BrP 68.59
वासुदेवस्य सर्वास् ता भवने संप्रतिष्ठिताः अथ किं बहुनोक्तेन सर्वं तत्र प्रतिष्ठितम् ॥
vāsudevasya sarvās tā bhavane saṃpratiṣṭhitāḥ atha kiṃ bahunoktena sarvaṃ tatra pratiṣṭhitam //
All of these are established in the dwelling of Vāsudeva; but what use is much speaking — everything is established there.
AI translation rendered from the Sanskrit, not a published edition
BrP 68.60
घृताची मेनका रम्भा सहजन्या तिलोत्तमा उर्वशी चैव निम्लोचा तथान्या वामना परा ॥
ghṛtācī menakā rambhā sahajanyā tilottamā urvaśī caiva nimlocā tathānyā vāmanā parā //
Ghṛtācī, Menakā, Rambhā, Sahajanyā, Tilottamā, and Urvaśī, Nimlocā, and another, Vāmanā, besides.
AI translation rendered from the Sanskrit, not a published edition
BrP 68.61
मन्दोदरी च सुभगा विश्वाची विपुलानना भद्राङ्गी चित्रसेना च प्रम्लोचा सुमनोहरा ॥
mandodarī ca subhagā viśvācī vipulānanā bhadrāṅgī citrasenā ca pramlocā sumanoharā //
And Mandodarī, Subhagā, Viśvācī, Vipulānanā, Bhadrāṅgī and Citrasenā, Pramlocā, Sumanoharā.
AI translation rendered from the Sanskrit, not a published edition
BrP 68.62
मुनिसंमोहिनी रामा चन्द्रमध्या शुभानना सुकेशी नीलकेशा च तथा मन्मथदीपिनी ॥
munisaṃmohinī rāmā candramadhyā śubhānanā sukeśī nīlakeśā ca tathā manmathadīpinī //
Munisaṃmohinī, Rāmā, Candramadhyā, Śubhānanā, Sukeśī and Nīlakeśā, and Manmathadīpinī.
AI translation rendered from the Sanskrit, not a published edition
BrP 68.63
अलम्बुषा मिश्रकेशी तथान्या मुञ्जिकस्थला क्रतुस्थला वराङ्गी च पूर्वचित्तिस् तथा परा ॥
alambuṣā miśrakeśī tathānyā muñjikasthalā kratusthalā varāṅgī ca pūrvacittis tathā parā //
Alambuṣā, Miśrakeśī, and another, Muñjikasthalā, Kratusthalā and Varāṅgī, and Pūrvacitti besides.
AI translation rendered from the Sanskrit, not a published edition
BrP 68.64
परावती महारूपा शशिलेखा शुभानना हंसलीलानुगामिन्यो मत्तवारणगामिनी ॥
parāvatī mahārūpā śaśilekhā śubhānanā haṃsalīlānugāminyo mattavāraṇagāminī //
Parāvatī, Mahārūpā, Śaśilekhā, Śubhānanā, (women) who move with the grace of a goose, and one who walks like a rutting elephant.
AI translation rendered from the Sanskrit, not a published edition — the model flagged this verse as uncertain
BrP 68.65
बिम्बौष्ठी नवगर्भा च विख्याताः सुरयोषितः एताश् चान्या अप्सरसो रूपयौवनगर्विताः ॥
bimbauṣṭhī navagarbhā ca vikhyātāḥ surayoṣitaḥ etāś cānyā apsaraso rūpayauvanagarvitāḥ //
And Bimbauṣṭhī and Navagarbhā — these are the renowned women of the gods; these and other apsarases, proud of their beauty and youth,
AI translation rendered from the Sanskrit, not a published edition
BrP 68.66
सुमध्याश् चारुवदनाः सर्वालंकारभूषिताः गीतमाधुर्यसंयुक्ताः सर्वलक्षणसंयुताः ॥
sumadhyāś cāruvadanāḥ sarvālaṃkārabhūṣitāḥ gītamādhuryasaṃyuktāḥ sarvalakṣaṇasaṃyutāḥ //
fair of waist, with lovely faces, adorned with every ornament, endowed with the sweetness of song, possessed of all auspicious marks,
AI translation rendered from the Sanskrit, not a published edition
BrP 68.67
गीतवाद्ये च कुशलाः सुरगन्धर्वयोषितः नृत्यन्त्य् अनुदिनं तत्र यत्रासौ पुरुषोत्तमः ॥
gītavādye ca kuśalāḥ suragandharvayoṣitaḥ nṛtyanty anudinaṃ tatra yatrāsau puruṣottamaḥ //
and skilled in singing and instrumental music — these women of the gods and gandharvas dance there day after day, where that Supreme Person is.
AI translation rendered from the Sanskrit, not a published edition
BrP 68.68
न तत्र रोगो नो ग्लानिर् न मृत्युर् न हिमातपौ न क्षुत् पिपासा न जरा न वैरूप्यं न चासुखम् ॥
na tatra rogo no glānir na mṛtyur na himātapau na kṣut pipāsā na jarā na vairūpyaṃ na cāsukham //
There is no disease there, no weariness, no death, no cold or heat, no hunger or thirst, no old age, no deformity, and no unhappiness.
AI translation rendered from the Sanskrit, not a published edition
BrP 68.69
परमानन्दजननं सर्वकामफलप्रदम् विष्णुलोकात् परं लोकं नात्र पश्यामि भो द्विजाः ॥
paramānandajananaṃ sarvakāmaphalapradam viṣṇulokāt paraṃ lokaṃ nātra paśyāmi bho dvijāḥ //
Producing the highest bliss, granting the fruit of every desire — I see here no world higher than Viṣṇu's world, O brahmins.
AI translation rendered from the Sanskrit, not a published edition
BrP 68.70
ये लोकाः स्वर्गलोके तु श्रूयन्ते पुण्यकर्मणाम् विष्णुलोकस्य ते विप्राः कलां नार्हन्ति षोडशीम् ॥
ye lokāḥ svargaloke tu śrūyante puṇyakarmaṇām viṣṇulokasya te viprāḥ kalāṃ nārhanti ṣoḍaśīm //
Those worlds of men of meritorious deeds that are spoken of in the heavenly realm — they, O brahmins, are not worth a sixteenth part of Viṣṇu's world.
AI translation rendered from the Sanskrit, not a published edition
BrP 68.71
एवं हरेः पुरस्थानं सर्वभोगगुणान्वितम् सर्वसौख्यकरं पुण्यं सर्वाश्चर्यमयं द्विजाः ॥
evaṃ hareḥ purasthānaṃ sarvabhogaguṇānvitam sarvasaukhyakaraṃ puṇyaṃ sarvāścaryamayaṃ dvijāḥ //
Such is the city-abode of Hari, furnished with all enjoyments and excellences, bringing every happiness, holy, full of every wonder, O brahmins.
AI translation rendered from the Sanskrit, not a published edition
BrP 68.72
न तत्र नास्तिका यान्ति पुरुषा विषयात्मकाः न कृतघ्ना न पिशुना नो स्तेना नाजितेन्द्रियाः ॥
na tatra nāstikā yānti puruṣā viṣayātmakāḥ na kṛtaghnā na piśunā no stenā nājitendriyāḥ //
Men who are unbelievers, given over to sense-objects, do not go there, nor the ungrateful, nor slanderers, nor thieves, nor those who have not subdued their senses.
AI translation rendered from the Sanskrit, not a published edition
BrP 68.73
ये ऽर्चयन्ति सदा भक्त्या वासुदेवं जगद्गुरुम् ते तत्र वैष्णवा यान्ति विष्णुलोकं न संशयः ॥
ye 'rcayanti sadā bhaktyā vāsudevaṃ jagadgurum te tatra vaiṣṇavā yānti viṣṇulokaṃ na saṃśayaḥ //
Those who always worship with devotion Vāsudeva, the teacher of the world — those Vaiṣṇavas go there, to Viṣṇu's world; there is no doubt.
AI translation rendered from the Sanskrit, not a published edition
BrP 68.74
दक्षिणस्योदधेस् तीरे क्षेत्रे परमदुर्लभे दृष्ट्वा कृष्णं च रामं च सुभद्रां च द्विजोत्तमाः ॥
dakṣiṇasyodadhes tīre kṣetre paramadurlabhe dṛṣṭvā kṛṣṇaṃ ca rāmaṃ ca subhadrāṃ ca dvijottamāḥ //
On the shore of the southern ocean, in that most hard-to-attain holy field, having seen Kṛṣṇa and Rāma and Subhadrā, O best of brahmins —
AI translation rendered from the Sanskrit, not a published edition
BrP 68.75
कल्पवृक्षसमीपे तु ये त्यजन्ति कलेवरम् ते तत्र मनुजा यान्ति मृता ये पुरुषोत्तमे ॥
kalpavṛkṣasamīpe tu ye tyajanti kalevaram te tatra manujā yānti mṛtā ye puruṣottame //
And those men who give up the body near the wish-granting tree — they go to that place (too), like those who have died at Puruṣottama.
AI translation rendered from the Sanskrit, not a published edition
BrP 68.76
वटसागरयोर् मध्ये यः स्मरेत् पुरुषोत्तमम् ते ऽपि तत्र नरा यान्ति ये मृताः पुरुषोत्तमे ॥
vaṭasāgarayor madhye yaḥ smaret puruṣottamam te 'pi tatra narā yānti ye mṛtāḥ puruṣottame //
Whoever, between the banyan tree and the ocean, remembers Puruṣottama — those men too go there, (as do) those who have died at Puruṣottama.
AI translation rendered from the Sanskrit, not a published edition
BrP 68.77
ते ऽपि तत्र परं स्थानं यान्ति नास्त्य् अत्र संशयः एवं मया मुनिश्रेष्ठा विष्णुलोकः सनातनः सर्वानन्दकरः प्रोक्तो भुक्तिमुक्तिफलप्रदः ॥
te 'pi tatra paraṃ sthānaṃ yānti nāsty atra saṃśayaḥ evaṃ mayā muniśreṣṭhā viṣṇulokaḥ sanātanaḥ sarvānandakaraḥ prokto bhuktimuktiphalapradaḥ //
They too go there, to the supreme abode; there is no doubt in this. Thus by me, O best of sages, the eternal world of Viṣṇu has been declared, which brings all joy and grants the fruits of enjoyment and liberation.
AI translation rendered from the Sanskrit, not a published edition