Brahma Purana — Chapter 65
BrP 65.1
कस्मिन् काले भवेत् स्नानं कृष्णस्य कमलोद्भव विधिना केन तद् ब्रूहि ततो विधिविदां वर ॥
kasmin kāle bhavet snānaṃ kṛṣṇasya kamalodbhava vidhinā kena tad brūhi tato vidhividāṃ vara //
At what time should the bathing of Kṛṣṇa take place, O lotus-born one, and by what rite? Tell that, O best of those who know the rites.
AI translation rendered from the Sanskrit, not a published edition
BrP 65.2
शृणुध्वं मुनयः स्नानं कृष्णस्य वदतो मम रामस्य च सुभद्रायाः पुण्यं सर्वाघनाशनम् ॥
śṛṇudhvaṃ munayaḥ snānaṃ kṛṣṇasya vadato mama rāmasya ca subhadrāyāḥ puṇyaṃ sarvāghanāśanam //
Hear, O sages, as I speak, of the bathing of Kṛṣṇa, and of Rāma and Subhadrā—meritorious, destroying all sin.
AI translation rendered from the Sanskrit, not a published edition
BrP 65.3
मासि ज्येष्ठे च संप्राप्ते नक्षत्रे चन्द्रदैवते पौर्णमास्यां तदा स्नानं सर्वकालं हरेर् द्विजाः ॥
māsi jyeṣṭhe ca saṃprāpte nakṣatre candradaivate paurṇamāsyāṃ tadā snānaṃ sarvakālaṃ harer dvijāḥ //
When the month of Jyeṣṭha has arrived, under the constellation whose deity is the moon, on the full-moon day—then, O twice-born, is Hari's bathing, (valid) for all time.
AI translation rendered from the Sanskrit, not a published edition
BrP 65.4
सर्वतीर्थमयः कूपस् तत्रास्ते निर्मलः शुचिः तदा भोगवती तत्र प्रत्यक्षा भवति द्विजाः ॥
sarvatīrthamayaḥ kūpas tatrāste nirmalaḥ śuciḥ tadā bhogavatī tatra pratyakṣā bhavati dvijāḥ //
A well consisting of all sacred fords is there, stainless and pure; then Bhogavatī becomes visible there, O twice-born.
AI translation rendered from the Sanskrit, not a published edition
BrP 65.5
तस्माज् ज्यैष्ठ्यां समुद्धृत्य हैमाढ्यैः कलशैर् जलम् कृष्णरामाभिषेकार्थं सुभद्रायाश् च भो द्विजाः ॥
tasmāj jyaiṣṭhyāṃ samuddhṛtya haimāḍhyaiḥ kalaśair jalam kṛṣṇarāmābhiṣekārthaṃ subhadrāyāś ca bho dvijāḥ //
Therefore on the Jyeṣṭha (full moon), having drawn up water in pots rich with gold, for the anointing of Kṛṣṇa and Rāma and of Subhadrā, O twice-born—
AI translation rendered from the Sanskrit, not a published edition
BrP 65.6
कृत्वा सुशोभनं मञ्चं पताकाभिर् अलंकृतम् सुदृढं सुखसंचारं वस्त्रैः पुष्पैर् अलंकृतम् ॥
kṛtvā suśobhanaṃ mañcaṃ patākābhir alaṃkṛtam sudṛḍhaṃ sukhasaṃcāraṃ vastraiḥ puṣpair alaṃkṛtam //
having made a very beautiful platform adorned with banners, very firm, easy to move about on, decorated with cloths and flowers—
AI translation rendered from the Sanskrit, not a published edition
BrP 65.7
विस्तीर्णं धूपितं धूपैः स्नानार्थं रामकृष्णयोः सितवस्त्रपरिच्छन्नं मुक्ताहारावलम्बितम् ॥
vistīrṇaṃ dhūpitaṃ dhūpaiḥ snānārthaṃ rāmakṛṣṇayoḥ sitavastraparicchannaṃ muktāhārāvalambitam //
broad, fumigated with incense, for the bathing of Rāma and Kṛṣṇa, covered over with white cloth, hung with strings of pearls—
AI translation rendered from the Sanskrit, not a published edition
BrP 65.8
तत्र नानाविधैर् वाद्यैः कृष्णं नीलाम्बरं द्विजाः मध्ये सुभद्रां चास्थाप्य जयमङ्गलनिस्वनैः ॥
tatra nānāvidhair vādyaiḥ kṛṣṇaṃ nīlāmbaraṃ dvijāḥ madhye subhadrāṃ cāsthāpya jayamaṅgalanisvanaiḥ //
there, with various instruments, O twice-born, having set Kṛṣṇa clad in blue, and Subhadrā in the middle, with sounds of 'victory and blessing'—
AI translation rendered from the Sanskrit, not a published edition
BrP 65.9
ब्राह्मणैः क्षत्रियैर् वैश्यैः शूद्रैश् चान्यैश् च जातिभिः अनेकशतसाहस्रैर् वृतं स्त्रीपुरुषैर् द्विजाः ॥
brāhmaṇaiḥ kṣatriyair vaiśyaiḥ śūdraiś cānyaiś ca jātibhiḥ anekaśatasāhasrair vṛtaṃ strīpuruṣair dvijāḥ //
surrounded by brahmins, kṣatriyas, vaiśyas, śūdras and other castes, by many hundreds of thousands of women and men, O twice-born—
AI translation rendered from the Sanskrit, not a published edition
BrP 65.10
गृहस्थाः स्नातकाश् चैव यतयो ब्रह्मचारिणः स्नापयन्ति तदा कृष्णं मञ्चस्थं सहलायुधम् ॥
gṛhasthāḥ snātakāś caiva yatayo brahmacāriṇaḥ snāpayanti tadā kṛṣṇaṃ mañcasthaṃ sahalāyudham //
householders, snātakas, ascetics and celibate students then bathe Kṛṣṇa standing on the platform, together with the plough-armed one (Balarāma).
AI translation rendered from the Sanskrit, not a published edition
BrP 65.11
तथा समस्ततीर्थानि पूर्वोक्तानि द्विजोत्तमाः स्वोदकैः पुष्पमिश्रैश् च स्नापयन्ति पृथक् पृथक् ॥
tathā samastatīrthāni pūrvoktāni dvijottamāḥ svodakaiḥ puṣpamiśraiś ca snāpayanti pṛthak pṛthak //
So too all the sacred fords previously mentioned, O best of the twice-born, bathe (them) each separately with their own waters mixed with flowers.
AI translation rendered from the Sanskrit, not a published edition
BrP 65.12
पश्चात् पटहशङ्खाद्यैर् भेरीमुरजनिस्वनैः काहलैस् तालशब्दैश् च मृदङ्गैर् झर्झरैस् तथा ॥
paścāt paṭahaśaṅkhādyair bherīmurajanisvanaiḥ kāhalais tālaśabdaiś ca mṛdaṅgair jharjharais tathā //
Afterwards, with drums, conches and the rest, with the sounds of kettledrums and muraja drums, with trumpets and the sound of cymbals, with mṛdaṅgas and jharjhara drums,
AI translation rendered from the Sanskrit, not a published edition
BrP 65.13
अन्यैश् च विविधैर् वाद्यैर् घण्टास्वनविभूषितैः स्त्रीणां मङ्गलशब्दैश् च स्तुतिशब्दैर् मनोहरैः ॥
anyaiś ca vividhair vādyair ghaṇṭāsvanavibhūṣitaiḥ strīṇāṃ maṅgalaśabdaiś ca stutiśabdair manoharaiḥ //
and with various other instruments adorned with the sound of bells, and with the auspicious cries of women and charming words of praise,
AI translation rendered from the Sanskrit, not a published edition
BrP 65.14
जयशब्दैस् तथा स्तोत्रैर् वीणावेणुनिनादितैः श्रूयते सुमहाञ् शब्दः सागरस्येव गर्जतः ॥
jayaśabdais tathā stotrair vīṇāveṇunināditaiḥ śrūyate sumahāñ śabdaḥ sāgarasyeva garjataḥ //
and with shouts of 'victory' and with hymns resounding with vīṇā and flute, a very great sound is heard, like that of the roaring ocean.
AI translation rendered from the Sanskrit, not a published edition
BrP 65.15
मुनीनां वेदशब्देन मन्त्रशब्दैस् तथापरैः नानास्तोत्ररवैः पुण्यैः सामशब्दोपबृंहितैः ॥
munīnāṃ vedaśabdena mantraśabdais tathāparaiḥ nānāstotraravaiḥ puṇyaiḥ sāmaśabdopabṛṃhitaiḥ //
With the sound of the Vedas from the sages and with other sounds of mantras, with the holy cries of various hymns swelled by the sound of the Sāmans,
AI translation rendered from the Sanskrit, not a published edition
BrP 65.16
यतिभिः स्नातकैश् चैव गृहस्थैर् ब्रह्मचारिभिः स्नानकाले सुरश्रेष्ठ स्तुवन्ति परया मुदा ॥
yatibhiḥ snātakaiś caiva gṛhasthair brahmacāribhiḥ snānakāle suraśreṣṭha stuvanti parayā mudā //
by ascetics and snātakas, by householders and celibate students, at the time of the bathing, O best of the gods, they praise (him) with the highest joy.
AI translation rendered from the Sanskrit, not a published edition
BrP 65.17
श्यामैर् वेश्याजनैश् चैव कुचभारावनामिभिः पीतरक्ताम्बराभिश् च माल्यदामावनामिभिः ॥
śyāmair veśyājanaiś caiva kucabhārāvanāmibhiḥ pītaraktāmbarābhiś ca mālyadāmāvanāmibhiḥ //
and by dark courtesans bowed down by the weight of their breasts, wearing yellow and red garments, bending under their garlands and wreaths—
AI translation rendered from the Sanskrit, not a published edition
BrP 65.18
सरत्नकुण्डलैर् दिव्यैः सुवर्णस्तबकान्वितैः चामरै रत्नदण्डैश् च वीज्येते रामकेशवौ ॥
saratnakuṇḍalair divyaiḥ suvarṇastabakānvitaiḥ cāmarai ratnadaṇḍaiś ca vījyete rāmakeśavau //
Rāma and Keśava are fanned with divine yak-tail whisks set with jewelled earrings(?), furnished with golden clusters and having jewelled handles.
AI translation rendered from the Sanskrit, not a published edition — the model flagged this verse as uncertain
BrP 65.19
यक्षविद्याधरैः सिद्धैः किंनरैश् चाप्सरोगणैः परिवार्याम्बरगतैर् देवगन्धर्वचारणैः ॥
yakṣavidyādharaiḥ siddhaiḥ kiṃnaraiś cāpsarogaṇaiḥ parivāryāmbaragatair devagandharvacāraṇaiḥ //
Surrounded by yakṣas, vidyādharas, siddhas, kiṃnaras and hosts of apsarases, and by gods, gandharvas and cāraṇas stationed in the sky —
AI translation rendered from the Sanskrit, not a published edition
BrP 65.20
आदित्या वसवो रुद्राः साध्या विश्वे मरुद्गणाः लोकपालास् तथा चान्ये स्तुवन्ति पुरुषोत्तमम् ॥
ādityā vasavo rudrāḥ sādhyā viśve marudgaṇāḥ lokapālās tathā cānye stuvanti puruṣottamam //
The Ādityas, the Vasus, the Rudras, the Sādhyas, the Viśvas, the hosts of Maruts, the guardians of the worlds and others too praise the Highest Person.
AI translation rendered from the Sanskrit, not a published edition
BrP 65.21
नमस् ते देवदेवेश पुराण पुरुषोत्तम सर्गस्थित्यन्तकृद् देव लोकनाथ जगत्पते ॥
namas te devadeveśa purāṇa puruṣottama sargasthityantakṛd deva lokanātha jagatpate //
"Homage to you, lord of the gods of gods, ancient one, Highest Person, god who makes creation, continuance and end, lord of the world, master of the universe.
AI translation rendered from the Sanskrit, not a published edition
BrP 65.22
त्रैलोक्यधारिणं देवं ब्रह्मण्यं मोक्षकारणम् तं नमस्यामहे भक्त्या सर्वकामफलप्रदम् ॥
trailokyadhāriṇaṃ devaṃ brahmaṇyaṃ mokṣakāraṇam taṃ namasyāmahe bhaktyā sarvakāmaphalapradam //
The god who upholds the three worlds, friendly to brahmans, the cause of liberation — him we salute with devotion, the giver of the fruit of all desires."
AI translation rendered from the Sanskrit, not a published edition
BrP 65.23
स्तुत्वैवं विबुधाः कृष्णं रामं चैव महाबलम् सुभद्रां च मुनिश्रेष्ठास् तदाकाशे व्यवस्थिताः ॥
stutvaivaṃ vibudhāḥ kṛṣṇaṃ rāmaṃ caiva mahābalam subhadrāṃ ca muniśreṣṭhās tadākāśe vyavasthitāḥ //
Having thus praised Kṛṣṇa, and Rāma of great strength, and Subhadrā, the gods and the best of sages then remained (stationed) in the sky.
AI translation rendered from the Sanskrit, not a published edition
BrP 65.24
गायन्ति देवगन्धर्वा नृत्यन्त्य् अप्सरसस् तथा देवतूर्याण्य् अवाद्यन्त वाता वान्ति सुशीतलाः ॥
gāyanti devagandharvā nṛtyanty apsarasas tathā devatūryāṇy avādyanta vātā vānti suśītalāḥ //
The gods and gandharvas sing, the apsarases dance likewise; the divine drums were sounded, and very cool breezes blow.
AI translation rendered from the Sanskrit, not a published edition
BrP 65.25
पुष्पमिश्रं तदा मेघा वर्षन्त्य् आकाशगोचराः जयशब्दं च कुर्वन्ति मुनयः सिद्धचारणाः ॥
puṣpamiśraṃ tadā meghā varṣanty ākāśagocarāḥ jayaśabdaṃ ca kurvanti munayaḥ siddhacāraṇāḥ //
Then the clouds moving in the sky rain (water) mixed with flowers, and the sages, siddhas and cāraṇas raise the cry of "Victory!"
AI translation rendered from the Sanskrit, not a published edition
BrP 65.26
शक्राद्या विबुधाः सर्व ऋषयः पितरस् तथा प्रजानां पतयो नागा ये चान्ये स्वर्गवासिनः ॥
śakrādyā vibudhāḥ sarva ṛṣayaḥ pitaras tathā prajānāṃ patayo nāgā ye cānye svargavāsinaḥ //
Śakra and all the other gods, the seers and likewise the fathers, the lords of creatures, the nāgas, and the others who dwell in heaven —
AI translation rendered from the Sanskrit, not a published edition
BrP 65.27
ततो मङ्गलसंभारैर् विधिमन्त्रपुरस्कृतम् आभिषेचनिकं द्रव्यं गृहीत्वा देवतागणाः ॥
tato maṅgalasaṃbhārair vidhimantrapuraskṛtam ābhiṣecanikaṃ dravyaṃ gṛhītvā devatāgaṇāḥ //
Then the hosts of deities, taking with the auspicious equipment the material for the consecration, preceded by the prescribed rites and mantras —
AI translation rendered from the Sanskrit, not a published edition
BrP 65.28
इन्द्रो विष्णुर् महावीर्यः सूर्याचन्द्रमसौ तथा धाता चैव विधाता च तथा चैवानिलानलौ ॥
indro viṣṇur mahāvīryaḥ sūryācandramasau tathā dhātā caiva vidhātā ca tathā caivānilānalau //
Indra, Viṣṇu of great valour, the sun and the moon likewise, Dhātā and Vidhātā, and likewise Wind and Fire,
AI translation rendered from the Sanskrit, not a published edition
BrP 65.29
पूषा भगो ऽर्यमा त्वष्टा अंशुनैव विवस्वता पत्नीभ्यां सहितो धीमान् मित्रेण वरुणेन च ॥
pūṣā bhago 'ryamā tvaṣṭā aṃśunaiva vivasvatā patnībhyāṃ sahito dhīmān mitreṇa varuṇena ca //
Pūṣan, Bhaga, Aryaman, Tvaṣṭā, with Aṃśu himself and with Vivasvat, the wise one accompanied by his two wives, and with Mitra and Varuṇa,
AI translation rendered from the Sanskrit, not a published edition
BrP 65.30
रुद्रैर् वसुभिर् आदित्यैर् अश्विभ्यां च वृतः प्रभुः विश्वैर् देवैर् मरुद्भिश् च साध्यैश् च पितृभिः सह ॥
rudrair vasubhir ādityair aśvibhyāṃ ca vṛtaḥ prabhuḥ viśvair devair marudbhiś ca sādhyaiś ca pitṛbhiḥ saha //
The Lord, encircled by the Rudras, the Vasus, the Ādityas and the two Aśvins, by the Viśve gods and the Maruts, and by the Sādhyas together with the fathers,
AI translation rendered from the Sanskrit, not a published edition
BrP 65.31
गन्धर्वैर् अप्सरोभिश् च यक्षराक्षसपन्नगैः देवर्षिभिर् असंख्येयैस् तथा ब्रह्मर्षिभिर् वरैः ॥
gandharvair apsarobhiś ca yakṣarākṣasapannagaiḥ devarṣibhir asaṃkhyeyais tathā brahmarṣibhir varaiḥ //
By gandharvas and apsarases, by yakṣas, rākṣasas and serpents, by countless divine seers and by the foremost brahman-seers,
AI translation rendered from the Sanskrit, not a published edition
BrP 65.32
वैखानसैर् वालखिल्यैर् वाय्वाहारैर् मरीचिपैः भृगुभिश् चाङ्गिरोभिश् च सर्वविद्यासुनिष्ठितैः ॥
vaikhānasair vālakhilyair vāyvāhārair marīcipaiḥ bhṛgubhiś cāṅgirobhiś ca sarvavidyāsuniṣṭhitaiḥ //
By the Vaikhānasas, the Vālakhilyas, those who feed on wind, those who drink the sun's rays, by the Bhṛgus and the Aṅgirases, well established in all branches of knowledge,
AI translation rendered from the Sanskrit, not a published edition
BrP 65.33
सर्वविद्याधरैः पुण्यैर् योगसिद्धिभिर् आवृतः पितामहः पुलस्त्यश् च पुलहश् च महातपाः ॥
sarvavidyādharaiḥ puṇyair yogasiddhibhir āvṛtaḥ pitāmahaḥ pulastyaś ca pulahaś ca mahātapāḥ //
Encircled by all the vidyādharas, by the meritorious ones perfected in yoga — the Grandfather, and Pulastya, and Pulaha of great austerity,
AI translation rendered from the Sanskrit, not a published edition
BrP 65.34
अङ्गिराः कश्यपो ऽत्रिश् च मरीचिर् भृगुर् एव च क्रतुर् हरः प्रचेताश् च मनुर् दक्षस् तथैव च ॥
aṅgirāḥ kaśyapo 'triś ca marīcir bhṛgur eva ca kratur haraḥ pracetāś ca manur dakṣas tathaiva ca //
Aṅgiras, Kaśyapa and Atri, Marīci and Bhṛgu too, Kratu, Hara, Pracetas, Manu and Dakṣa likewise,
AI translation rendered from the Sanskrit, not a published edition
BrP 65.35
ऋतवश् च ग्रहाश् चैव ज्योतींषि च द्विजोत्तमाः मूर्तिमत्यश् च सरितो देवाश् चैव सनातनाः ॥
ṛtavaś ca grahāś caiva jyotīṃṣi ca dvijottamāḥ mūrtimatyaś ca sarito devāś caiva sanātanāḥ //
And the seasons, and the planets, and the heavenly lights, O best of twice-born, and the rivers in embodied form, and the eternal gods,
AI translation rendered from the Sanskrit, not a published edition
BrP 65.36
समुद्राश् च ह्रदाश् चैव तीर्थानि विविधानि च पृथिवी द्यौर् दिशश् चैव पादपाश् च द्विजोत्तमाः ॥
samudrāś ca hradāś caiva tīrthāni vividhāni ca pṛthivī dyaur diśaś caiva pādapāś ca dvijottamāḥ //
And the oceans and the lakes, and the various sacred fords, the earth, the sky, and the directions, and the trees, O best of the twice-born.
AI translation rendered from the Sanskrit, not a published edition
BrP 65.37
अदितिर् देवमाता च ह्रीः श्रीः स्वाहा सरस्वती उमा शची सिनीवाली तथा चानुमतिः कुहूः ॥
aditir devamātā ca hrīḥ śrīḥ svāhā sarasvatī umā śacī sinīvālī tathā cānumatiḥ kuhūḥ //
And Aditi the mother of the gods, Hrī, Śrī, Svāhā, Sarasvatī, Umā, Śacī, Sinīvālī, and likewise Anumati and Kuhū.
AI translation rendered from the Sanskrit, not a published edition
BrP 65.38
राका च धिषणा चैव पत्न्यश् चान्या दिवौकसाम् हिमवांश् चैव विन्ध्यश् च मेरुश् चानेकशृङ्गवान् ॥
rākā ca dhiṣaṇā caiva patnyaś cānyā divaukasām himavāṃś caiva vindhyaś ca meruś cānekaśṛṅgavān //
And Rākā and Dhiṣaṇā, and the other wives of the sky-dwellers, and Himavat and Vindhya and Meru of many peaks,
AI translation rendered from the Sanskrit, not a published edition
BrP 65.39
ऐरावतः सानुचरः कलाकाष्ठास् तथैव च मासार्धं मास-ऋतवस् तथा रात्र्यहनी समाः ॥
airāvataḥ sānucaraḥ kalākāṣṭhās tathaiva ca māsārdhaṃ māsa-ṛtavas tathā rātryahanī samāḥ //
Airāvata with his attendants, and likewise the kalās and kāṣṭhās, the half-month, the month, the seasons, night and day, and the years,
AI translation rendered from the Sanskrit, not a published edition
BrP 65.40
उच्चैःश्रवा हयश्रेष्ठो नागराजश् च वामनः अरुणो गरुडश् चैव वृक्षाश् चौषधिभिः सह ॥
uccaiḥśravā hayaśreṣṭho nāgarājaś ca vāmanaḥ aruṇo garuḍaś caiva vṛkṣāś cauṣadhibhiḥ saha //
Uccaiḥśravas, best of horses, and the king of serpents, and Vāmana, Aruṇa and Garuḍa, and the trees together with the herbs,
AI translation rendered from the Sanskrit, not a published edition
BrP 65.41
धर्मश् च भगवान् देवः समाजग्मुर् हि संगताः कालो यमश् च मृत्युश् च यमस्यानुचराश् च ये ॥
dharmaś ca bhagavān devaḥ samājagmur hi saṃgatāḥ kālo yamaś ca mṛtyuś ca yamasyānucarāś ca ye //
and the blessed god Dharma — all these came assembled together; also Time, Yama, and Death, and those who are Yama's attendants.
AI translation rendered from the Sanskrit, not a published edition
BrP 65.42
बहुलत्वाच् च नोक्ता ये विविधा देवतागणाः ते देवस्याभिषेकार्थं समायान्ति ततस् ततः ॥
bahulatvāc ca noktā ye vividhā devatāgaṇāḥ te devasyābhiṣekārthaṃ samāyānti tatas tataḥ //
And those various hosts of deities not mentioned because of their great number — they too come together from here and there for the god's consecration.
AI translation rendered from the Sanskrit, not a published edition
BrP 65.43
गृहीत्वा ते तदा विप्राः सर्वे देवा दिवौकसः आभिषेचनिकं द्रव्यं मङ्गलानि च सर्वशः ॥
gṛhītvā te tadā viprāḥ sarve devā divaukasaḥ ābhiṣecanikaṃ dravyaṃ maṅgalāni ca sarvaśaḥ //
Then, O brahmins, all those gods, the sky-dwellers, having taken up the materials for the bathing rite and auspicious things of every kind,
AI translation rendered from the Sanskrit, not a published edition
BrP 65.44
दिव्यसंभारसंयुक्तैः कलशैः काञ्चनैर् द्विजाः सारस्वतीभिः पुण्याभिर् दिव्यतोयाभिर् एव च ॥
divyasaṃbhārasaṃyuktaiḥ kalaśaiḥ kāñcanair dvijāḥ sārasvatībhiḥ puṇyābhir divyatoyābhir eva ca //
with golden pitchers filled with divine ingredients, O twice-born ones, and with the pure waters of the Sarasvatī and with divine waters as well,
AI translation rendered from the Sanskrit, not a published edition
BrP 65.45
तोयेनाकाशगङ्गायाः कृष्णं रामेण संगतम् सपुष्पैः काञ्चनैः कुम्भैः स्नापयन्त्य् अवनिस्थिताः ॥
toyenākāśagaṅgāyāḥ kṛṣṇaṃ rāmeṇa saṃgatam sapuṣpaiḥ kāñcanaiḥ kumbhaiḥ snāpayanty avanisthitāḥ //
standing on the earth, they bathe Kṛṣṇa joined with Rāma with the water of the sky-Gaṅgā, with golden jars containing flowers.
AI translation rendered from the Sanskrit, not a published edition
BrP 65.46
संचरन्ति विमानानि देवानाम् अम्बरे तथा उच्चावचानि दिव्यानि कामगानि स्थिराणि च ॥
saṃcaranti vimānāni devānām ambare tathā uccāvacāni divyāni kāmagāni sthirāṇi ca //
And the chariots of the gods move about in the sky, high and low, divine, going where one wishes, and some standing still.
AI translation rendered from the Sanskrit, not a published edition
BrP 65.47
दिव्यरत्नविचित्राणि सेवितान्य् अप्सरोगणैः गीतैर् वाद्यैः पताकाभिः शोभितानि समन्ततः ॥
divyaratnavicitrāṇi sevitāny apsarogaṇaiḥ gītair vādyaiḥ patākābhiḥ śobhitāni samantataḥ //
variegated with divine jewels, attended by throngs of apsarases, adorned on all sides with songs, instrumental music, and banners.
AI translation rendered from the Sanskrit, not a published edition
BrP 65.50
एवं तदा मुनिश्रेष्ठाः कृष्णं रामेण संगतम् स्नापयित्वा सुभद्रां च संस्तुवन्ति मुदान्विताः ॥ ब्र्प्_६५।४८ जय जय लोकपाल भक्तरक्षक जय जय प्रणतवत्सल जय जय भूतचरण जय जयादिदेव बहुकारण जय जय वासुदेव जय जयासुरसंहरण जय जय दिव्यमीन जय जय त्रिदशवर जय जय जलधिशयन । ब्र्प्_६५।४९।१ । जय जय योगिवर जय जय सूर्यनेत्र जय जय देवराज जय जय कैटभारे जय जय वेदवर जय जय कूर्मरूप जय जय यज्ञवर जय जय कमलनाभ जय जय शैलचर । ब्र्प्_६५।४९।२ । जय जय योगशायिञ् जय जय वेगधर जय जय विश्वमूर्ते जय जय चक्रधर जय जय भूतनाथ जय जय धरणीधर जय जय शेषशायिञ् जय जय पीतवासो जय जय सोमकान्त । ब्र्प्_६५।४९।३ । जय जय योगवास जय जय दहनवक्त्र जय जय धर्मवास जय जय गुणनिधान जय जय श्रीनिवास जय जय गरुडगमन जय जय सुखनिवास जय जय धर्मकेतो जय जय महीनिवास । ब्र्प्_६५।४९।४ । जय जय गहनचरित्र जय जय योगिगम्य जय जय मखनिवास जय जय वेदवेद्य जय शान्तिकर जय जय योगिचिन्त्य जय जय पुष्टिकर जय जय ज्ञानमूर्ते जय जय कमलाकर । ब्र्प्_६५।४९।५ । जय जय भाववेद्य जय जय मुक्तिकर जय जय विमलदेह जय जय सत्त्वनिलय जय जय गुणसमृद्ध जय जय यज्ञकर जय जय गुणविहीन जय जय मोक्षकर जय जय भूशरण्य । ब्र्प्_६५।४९।६ । जय जय कान्तियुत जय जय लोकशरण जय जय लक्ष्मीयुत जय जय पङ्कजाक्ष जय जय सृष्टिकर जय जय योगयुत जय जयातसीकुसुमश्यामदेह जय जय समुद्राविष्टदेह जय जय लक्ष्मीपङ्कजषट्चरण । ब्र्प्_६५।४९।७ । जय जय भक्तवश जय जय लोककान्त जय जय परमशान्त जय जय परमसार जय जय चक्रधर जय जय भोगियुत जय जय नीलाम्बर जय जय शान्तिकर जय जय मोक्षकर जय जय कलुषहर । ब्र्प्_६५।४९।८ । जय कृष्ण जगन्नाथ जय संकर्षणानुज जय पद्मपलाशाक्ष जय वाञ्छाफलप्रद ॥
evaṃ tadā muniśreṣṭhāḥ kṛṣṇaṃ rāmeṇa saṃgatam snāpayitvā subhadrāṃ ca saṃstuvanti mudānvitāḥ // BrP_65.48 jaya jaya lokapāla bhaktarakṣaka jaya jaya praṇatavatsala jaya jaya bhūtacaraṇa jaya jayādideva bahukāraṇa jaya jaya vāsudeva jaya jayāsurasaṃharaṇa jaya jaya divyamīna jaya jaya tridaśavara jaya jaya jaladhiśayana | brp_65.49/1 | jaya jaya yogivara jaya jaya sūryanetra jaya jaya devarāja jaya jaya kaiṭabhāre jaya jaya vedavara jaya jaya kūrmarūpa jaya jaya yajñavara jaya jaya kamalanābha jaya jaya śailacara | brp_65.49/2 | jaya jaya yogaśāyiñ jaya jaya vegadhara jaya jaya viśvamūrte jaya jaya cakradhara jaya jaya bhūtanātha jaya jaya dharaṇīdhara jaya jaya śeṣaśāyiñ jaya jaya pītavāso jaya jaya somakānta | brp_65.49/3 | jaya jaya yogavāsa jaya jaya dahanavaktra jaya jaya dharmavāsa jaya jaya guṇanidhāna jaya jaya śrīnivāsa jaya jaya garuḍagamana jaya jaya sukhanivāsa jaya jaya dharmaketo jaya jaya mahīnivāsa | brp_65.49/4 | jaya jaya gahanacaritra jaya jaya yogigamya jaya jaya makhanivāsa jaya jaya vedavedya jaya śāntikara jaya jaya yogicintya jaya jaya puṣṭikara jaya jaya jñānamūrte jaya jaya kamalākara | brp_65.49/5 | jaya jaya bhāvavedya jaya jaya muktikara jaya jaya vimaladeha jaya jaya sattvanilaya jaya jaya guṇasamṛddha jaya jaya yajñakara jaya jaya guṇavihīna jaya jaya mokṣakara jaya jaya bhūśaraṇya | brp_65.49/6 | jaya jaya kāntiyuta jaya jaya lokaśaraṇa jaya jaya lakṣmīyuta jaya jaya paṅkajākṣa jaya jaya sṛṣṭikara jaya jaya yogayuta jaya jayātasīkusumaśyāmadeha jaya jaya samudrāviṣṭadeha jaya jaya lakṣmīpaṅkajaṣaṭcaraṇa | brp_65.49/7 | jaya jaya bhaktavaśa jaya jaya lokakānta jaya jaya paramaśānta jaya jaya paramasāra jaya jaya cakradhara jaya jaya bhogiyuta jaya jaya nīlāmbara jaya jaya śāntikara jaya jaya mokṣakara jaya jaya kaluṣahara | brp_65.49/8 | jaya kṛṣṇa jagannātha jaya saṃkarṣaṇānuja jaya padmapalāśākṣa jaya vāñchāphalaprada //
Thus then, O best of sages, having bathed Kṛṣṇa joined with Rāma and Subhadrā, they praise (them), filled with joy: Victory, victory, guardian of the world, protector of devotees; victory, victory, lover of those who bow; victory, victory, refuge of beings; victory, victory, primal god, cause of many things; victory, victory, Vāsudeva; victory, victory, destroyer of the asuras; victory, victory, divine Fish; victory, victory, best of the thirty gods; victory, victory, you who sleep on the ocean. Victory, victory, best of yogins; victory, victory, sun-eyed one; victory, victory, king of gods; victory, victory, foe of Kaiṭabha; victory, victory, best of the Vedas; victory, victory, tortoise-formed one; victory, victory, best of sacrifices; victory, victory, lotus-naveled one; victory, victory, mountain-ranger. Victory, victory, you who lie in yoga; victory, victory, bearer of speed; victory, victory, form of the universe; victory, victory, holder of the discus; victory, victory, lord of beings; victory, victory, upholder of the earth; victory, victory, you who sleep on Śeṣa; victory, victory, yellow-robed one; victory, victory, lovely as the moon. Victory, victory, dweller in yoga; victory, victory, fire-faced one; victory, victory, dwelling of dharma; victory, victory, treasury of virtues; victory, victory, abode of Śrī; victory, victory, you who ride Garuḍa; victory, victory, abode of bliss; victory, victory, banner of dharma; victory, victory, dweller in the earth. Victory, victory, you of unfathomable deeds; victory, victory, attainable by yogins; victory, victory, dweller in sacrifice; victory, victory, knowable through the Vedas; victory, maker of peace; victory, victory, you whom yogins meditate on; victory, victory, giver of prosperity; victory, victory, embodiment of knowledge; victory, victory, source of lotuses. Victory, victory, knowable by devotion; victory, victory, giver of liberation; victory, victory, you of spotless body; victory, victory, abode of sattva; victory, victory, rich in qualities; victory, victory, performer of sacrifice; victory, victory, devoid of qualities; victory, victory, giver of release; victory, victory, refuge of the earth. Victory, victory, endowed with splendour; victory, victory, refuge of the world; victory, victory, joined with Lakṣmī; victory, victory, lotus-eyed one; victory, victory, maker of creation; victory, victory, joined with yoga; victory, victory, you whose body is dark as the flax flower; victory, victory, you whose body has entered the ocean; victory, victory, bee at the lotus of Lakṣmī. Victory, victory, you who are subject to your devotees; victory, victory, beloved of the world; victory, victory, supremely tranquil one; victory, victory, supreme essence; victory, victory, holder of the discus; victory, victory, attended by serpents; victory, victory, blue-robed one; victory, victory, maker of peace; victory, victory, giver of release; victory, victory, remover of impurity. Victory, Kṛṣṇa, lord of the world; victory, younger brother of Saṃkarṣaṇa; victory, you whose eyes are lotus petals; victory, giver of the fruit of what is desired.
AI translation rendered from the Sanskrit, not a published edition
BrP 65.51
जय मालावृतोरस्क जय चक्रगदाधर जय पद्मालयाकान्त जय विष्णो नमो ऽस्तु ते ॥
jaya mālāvṛtoraska jaya cakragadādhara jaya padmālayākānta jaya viṣṇo namo 'stu te //
Victory, you whose chest is covered with a garland; victory, bearer of discus and mace; victory, beloved of her who dwells in the lotus; victory, Viṣṇu — homage be to you.
AI translation rendered from the Sanskrit, not a published edition
BrP 65.52
एवं स्तुत्वा तदा देवाः शक्राद्या हृष्टमानसाः सिद्धचारणसंघाश् च ये चान्ये स्वर्गवासिनः ॥
evaṃ stutvā tadā devāḥ śakrādyā hṛṣṭamānasāḥ siddhacāraṇasaṃghāś ca ye cānye svargavāsinaḥ //
Having praised (him) thus, the gods then, Śakra and the rest, with delighted minds, and the throngs of siddhas and cāraṇas, and the others who dwell in heaven,
AI translation rendered from the Sanskrit, not a published edition
BrP 65.53
मुनयो वालखिल्याश् च कृष्णं रामेण संगतम् सुभद्रां च मुनिश्रेष्ठाः प्रणिपत्याम्बरे स्थिताः ॥
munayo vālakhilyāś ca kṛṣṇaṃ rāmeṇa saṃgatam subhadrāṃ ca muniśreṣṭhāḥ praṇipatyāmbare sthitāḥ //
and the sages and the Vālakhilyas, O best of sages, having bowed down to Kṛṣṇa joined with Rāma and to Subhadrā, remained in the sky.
AI translation rendered from the Sanskrit, not a published edition
BrP 65.54
दृष्ट्वा स्तुत्वा नमस्कृत्वा तदा ते त्रिदिवौकसः कृष्णं रामं सुभद्रां च यान्ति स्वं स्वं निवेशनम् ॥
dṛṣṭvā stutvā namaskṛtvā tadā te tridivaukasaḥ kṛṣṇaṃ rāmaṃ subhadrāṃ ca yānti svaṃ svaṃ niveśanam //
Having seen, praised and saluted Kṛṣṇa, Rāma and Subhadrā, those dwellers in the third heaven then go each to his own abode.
AI translation rendered from the Sanskrit, not a published edition
BrP 65.55
संचरन्ति विमानानि देवानाम् अम्बरे तदा उच्चावचानि दिव्यानि कामगानि स्थिराणि च ॥
saṃcaranti vimānāni devānām ambare tadā uccāvacāni divyāni kāmagāni sthirāṇi ca //
The chariots of the gods then move about in the sky, high and low, divine, going where one wishes, and some standing still.
AI translation rendered from the Sanskrit, not a published edition
BrP 65.56
दिव्यरत्नविचित्राणि सेवितान्य् अप्सरोगणैः गीतैर् वाद्यैः पताकाभिः शोभितानि समन्ततः ॥
divyaratnavicitrāṇi sevitāny apsarogaṇaiḥ gītair vādyaiḥ patākābhiḥ śobhitāni samantataḥ //
variegated with divine jewels, attended by throngs of apsarases, adorned on all sides with songs, instrumental music, and banners.
AI translation rendered from the Sanskrit, not a published edition
BrP 65.57
तस्मिन् काले तु ये मर्त्याः पश्यन्ति पुरुषोत्तमम् बलभद्रं सुभद्रां च ते यान्ति पदम् अव्ययम् ॥
tasmin kāle tu ye martyāḥ paśyanti puruṣottamam balabhadraṃ subhadrāṃ ca te yānti padam avyayam //
But those mortals who at that time behold Puruṣottama, Balabhadra and Subhadrā — they go to the imperishable state.
AI translation rendered from the Sanskrit, not a published edition
BrP 65.58
सुभद्रारामसहितं मञ्चस्थं पुरुषोत्तमम् दृष्ट्वा निरामयं स्थानं यान्ति नास्त्य् अत्र संशयः ॥
subhadrārāmasahitaṃ mañcasthaṃ puruṣottamam dṛṣṭvā nirāmayaṃ sthānaṃ yānti nāsty atra saṃśayaḥ //
Having seen Puruṣottama seated on the platform together with Subhadrā and Rāma, they go to the state free of affliction; there is no doubt in this.
AI translation rendered from the Sanskrit, not a published edition
BrP 65.59
कपिलाशतदानेन यत् फलं पुष्करे स्मृतम् तत् फलं कृष्णम् आलोक्य मञ्चस्थं सहलायुधम् सुभद्रां च मुनिश्रेष्ठाः प्राप्नोति शुभकृन् नरः ॥
kapilāśatadānena yat phalaṃ puṣkare smṛtam tat phalaṃ kṛṣṇam ālokya mañcasthaṃ sahalāyudham subhadrāṃ ca muniśreṣṭhāḥ prāpnoti śubhakṛn naraḥ //
Whatever fruit is declared (to come) from the gift of a hundred brown cows at Puṣkara, that fruit, O best of sages, the man who does good obtains by beholding Kṛṣṇa on the platform together with the plough-armed one and with Subhadrā.
AI translation rendered from the Sanskrit, not a published edition
BrP 65.60
कन्याशतप्रदानेन यत् फलं समुदाहृतम् तत् फलं कृष्णम् आलोक्य मञ्चस्थं लभते नरः ॥
kanyāśatapradānena yat phalaṃ samudāhṛtam tat phalaṃ kṛṣṇam ālokya mañcasthaṃ labhate naraḥ //
The fruit that is declared (to come) from giving away a hundred maidens (in marriage) — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.61
सुवर्णशतनिष्काणां दानेन यत् फलं स्मृतम् तत् फलं कृष्णम् आलोक्य मञ्चस्थं लभते नरः ॥
suvarṇaśataniṣkāṇāṃ dānena yat phalaṃ smṛtam tat phalaṃ kṛṣṇam ālokya mañcasthaṃ labhate naraḥ //
The fruit that is recorded (to come) from the gift of a hundred gold niṣkas — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.62
गोसहस्रप्रदानेन यत् फलं परिकीर्तितम् तत् फलं कृष्णम् आलोक्य मञ्चस्थं लभते नरः ॥
gosahasrapradānena yat phalaṃ parikīrtitam tat phalaṃ kṛṣṇam ālokya mañcasthaṃ labhate naraḥ //
The fruit that is proclaimed (to come) from the gift of a thousand cows — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.63
भूमिदानेन विधिवद् यत् फलं समुदाहृतम् तत् फलं कृष्णम् आलोक्य मञ्चस्थं लभते नरः ॥
bhūmidānena vidhivad yat phalaṃ samudāhṛtam tat phalaṃ kṛṣṇam ālokya mañcasthaṃ labhate naraḥ //
The fruit that is declared (to come) from the gift of land made according to the rule — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.64
यत् फलं चान्नदानेन अर्घातिथ्येन कीर्तितम् तत् फलं कृष्णम् आलोक्य मञ्चस्थं लभते नरः ॥
yat phalaṃ cānnadānena arghātithyena kīrtitam tat phalaṃ kṛṣṇam ālokya mañcasthaṃ labhate naraḥ //
And the fruit that is proclaimed (to come) from the giving of food and from honouring a guest with the arghya offering — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.65
वृषोत्सर्गेण विधिवद् यत् फलं समुदाहृतम् तत् फलं कृष्णम् आलोक्य मञ्चस्थं लभते नरः ॥
vṛṣotsargeṇa vidhivad yat phalaṃ samudāhṛtam tat phalaṃ kṛṣṇam ālokya mañcasthaṃ labhate naraḥ //
The fruit that is declared (to come) from the release of a bull according to the rule — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.66
यत् फलं तोयदानेन ग्रीष्मे वान्यत्र कीर्तितम् तत् फलं कृष्णम् आलोक्य मञ्चस्थं लभते नरः ॥
yat phalaṃ toyadānena grīṣme vānyatra kīrtitam tat phalaṃ kṛṣṇam ālokya mañcasthaṃ labhate naraḥ //
The fruit that is proclaimed (to come) from the giving of water in the hot season or elsewhere — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.67
तिलधेनुप्रदानेन यत् फलं संप्रकीर्तितम् तत् फलं कृष्णम् आलोक्य मञ्चस्थं लभते नरः ॥
tiladhenupradānena yat phalaṃ saṃprakīrtitam tat phalaṃ kṛṣṇam ālokya mañcasthaṃ labhate naraḥ //
The fruit that is fully proclaimed (to come) from the gift of a sesame-cow — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.68
गजाश्वरथदानेन यत् फलं समुदाहृतम् तत् फलं कृष्णम् आलोक्य मञ्चस्थं लभते नरः ॥
gajāśvarathadānena yat phalaṃ samudāhṛtam tat phalaṃ kṛṣṇam ālokya mañcasthaṃ labhate naraḥ //
The fruit that is declared (to come) from the gift of elephants, horses and chariots — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.69
सुवर्णशृङ्गीदानेन यत् फलं समुदाहृतम् तत् फलं कृष्णम् आलोक्य मञ्चस्थं लभते नरः ॥
suvarṇaśṛṅgīdānena yat phalaṃ samudāhṛtam tat phalaṃ kṛṣṇam ālokya mañcasthaṃ labhate naraḥ //
The fruit that is declared (to come) from the gift of a golden-horned (cow) — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.70
जलधेनुप्रदानेन यत् फलं समुदाहृतम् तत् फलं कृष्णम् आलोक्य मञ्चस्थं लभते नरः ॥
jaladhenupradānena yat phalaṃ samudāhṛtam tat phalaṃ kṛṣṇam ālokya mañcasthaṃ labhate naraḥ //
The fruit that is declared (to come) from the gift of a water-cow — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.71
दानेन घृतधेन्वाश् च फलं यत् समुदाहृतम् तत् फलं कृष्णम् आलोक्य मञ्चस्थं लभते नरः ॥
dānena ghṛtadhenvāś ca phalaṃ yat samudāhṛtam tat phalaṃ kṛṣṇam ālokya mañcasthaṃ labhate naraḥ //
And the fruit that is declared (to come) from the gift of a ghee-cow — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.72
चान्द्रायणेन चीर्णेन यत् फलं समुदाहृतम् तत् फलं कृष्णम् आलोक्य मञ्चस्थं लभते नरः ॥
cāndrāyaṇena cīrṇena yat phalaṃ samudāhṛtam tat phalaṃ kṛṣṇam ālokya mañcasthaṃ labhate naraḥ //
The fruit that is declared (to come) from performing the cāndrāyaṇa vow — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.73
मासोपवासैर् विधिवद् यत् फलं समुदाहृतम् तत् फलं कृष्णम् आलोक्य मञ्चस्थं लभते नरः ॥
māsopavāsair vidhivad yat phalaṃ samudāhṛtam tat phalaṃ kṛṣṇam ālokya mañcasthaṃ labhate naraḥ //
The fruit that is declared (to come) from month-long fasts (kept) according to the rule — that fruit a man obtains by beholding Kṛṣṇa seated on the platform.
AI translation rendered from the Sanskrit, not a published edition
BrP 65.74
अथ किं बहुनोक्तेन भाषितेन पुनः पुनः तस्य देवस्य माहात्म्यं मञ्चस्थस्य द्विजोत्तमाः ॥
atha kiṃ bahunoktena bhāṣitena punaḥ punaḥ tasya devasya māhātmyaṃ mañcasthasya dvijottamāḥ //
But what (need is there) of much speaking, of saying it again and again, O best of the twice-born, (about) the greatness of that god who is seated on the platform?
AI translation rendered from the Sanskrit, not a published edition
BrP 65.75
यत् फलं सर्वतीर्थेषु व्रतैर् दानैश् च कीर्तितम् तत् फलं कृष्णम् आलोक्य मञ्चस्थं सहलायुधम् ॥
yat phalaṃ sarvatīrtheṣu vratair dānaiś ca kīrtitam tat phalaṃ kṛṣṇam ālokya mañcasthaṃ sahalāyudham //
The fruit that is proclaimed at all the sacred fords, and through vows and gifts — that fruit (a man gains) by beholding Kṛṣṇa seated on the platform together with the plough-bearer (Balarāma),
AI translation rendered from the Sanskrit, not a published edition
BrP 65.76
सुभद्रां च मुनिश्रेष्ठाः प्राप्नोति शुभकृन् नरः तस्मान् नरो ऽथवा नारी पश्येत् तं पुरुषोत्तमम् ॥
subhadrāṃ ca muniśreṣṭhāḥ prāpnoti śubhakṛn naraḥ tasmān naro 'thavā nārī paśyet taṃ puruṣottamam //
and with Subhadrā, O best of sages — (this) the man who does good obtains. Therefore let a man, or a woman, look upon that Supreme Person.
AI translation rendered from the Sanskrit, not a published edition
BrP 65.77
ततः समस्ततीर्थानां लभेत् स्नानादिकं फलम् स्नानशेषेण कृष्णस्य तोयेनात्माभिषिच्यते ॥
tataḥ samastatīrthānāṃ labhet snānādikaṃ phalam snānaśeṣeṇa kṛṣṇasya toyenātmābhiṣicyate //
Then one would gain the fruit of bathing and the rest at all the sacred fords; with the water left over from Kṛṣṇa's bathing one sprinkles oneself.
AI translation rendered from the Sanskrit, not a published edition
BrP 65.78
वन्ध्या मृतप्रजा या तु दुर्भगा ग्रहपीडिता राक्षसाद्यैर् गृहीता वा तथा रोगैश् च संहताः ॥
vandhyā mṛtaprajā yā tu durbhagā grahapīḍitā rākṣasādyair gṛhītā vā tathā rogaiś ca saṃhatāḥ //
But a woman who is barren, whose child has died, who is unfortunate, who is afflicted by (evil) planets, or who is seized by rākṣasas and the like, and (those women) who are stricken by diseases —
AI translation rendered from the Sanskrit, not a published edition
BrP 65.79
सद्यस् ताः स्नानशेषेण उदकेनाभिषेचिताः प्राप्नुवन्तीप्सितान् कामान् यान् यान् वाञ्छन्ति चेप्सितान् ॥
sadyas tāḥ snānaśeṣeṇa udakenābhiṣecitāḥ prāpnuvantīpsitān kāmān yān yān vāñchanti cepsitān //
at once, when they have been sprinkled with the water left over from the bathing, they obtain the desires they wish for, whatever longed-for things they crave.
AI translation rendered from the Sanskrit, not a published edition
BrP 65.80
पुत्रार्थिनी लभेत् पुत्रान् सौभाग्यं च सुखार्थिनी रोगार्ता मुच्यते रोगाद् धनं च धनकाङ्क्षिणी ॥
putrārthinī labhet putrān saubhāgyaṃ ca sukhārthinī rogārtā mucyate rogād dhanaṃ ca dhanakāṅkṣiṇī //
A woman desiring sons obtains sons, and one desiring happiness obtains good fortune; one afflicted by disease is freed from disease, and one who craves wealth (obtains) wealth.
AI translation rendered from the Sanskrit, not a published edition
BrP 65.81
पुण्यानि यानि तोयानि तिष्ठन्ति धरणीतले तानि स्नानावशेषस्य कलां नार्हन्ति षोडशीम् ॥
puṇyāni yāni toyāni tiṣṭhanti dharaṇītale tāni snānāvaśeṣasya kalāṃ nārhanti ṣoḍaśīm //
Whatever holy waters exist on the surface of the earth, they do not equal a sixteenth part of the water left over from (his) bath.
AI translation rendered from the Sanskrit, not a published edition
BrP 65.82
तस्मात् स्नानावशेषं यत् कृष्णस्य सलिलं द्विजाः तेनाभिषिञ्चेद् गात्राणि सर्वकामप्रदं हि तत् ॥
tasmāt snānāvaśeṣaṃ yat kṛṣṇasya salilaṃ dvijāḥ tenābhiṣiñced gātrāṇi sarvakāmapradaṃ hi tat //
Therefore, O twice-born ones, that water which remains from Kṛṣṇa's bathing—with it one should sprinkle one's limbs, for it grants all desires.
AI translation rendered from the Sanskrit, not a published edition
BrP 65.83
स्नातं पश्यन्ति ये कृष्णं व्रजन्तं दक्षिणामुखम् ब्रह्महत्यादिभिः पापैर् मुच्यन्ते ते न संशयः ॥
snātaṃ paśyanti ye kṛṣṇaṃ vrajantaṃ dakṣiṇāmukham brahmahatyādibhiḥ pāpair mucyante te na saṃśayaḥ //
Those who behold Kṛṣṇa bathed, going forth facing south, are freed from the sins beginning with the killing of a brahmin—there is no doubt.
AI translation rendered from the Sanskrit, not a published edition
BrP 65.84
शास्त्रेषु यत् फलं प्रोक्तं पृथिव्-यस् त्रिप्रदक्षिणैः दृष्ट्वा नरो लभेत् कृष्णं व्रजन्तं दक्षिणामुखम् ॥
śāstreṣu yat phalaṃ proktaṃ pṛthiv-yas tripradakṣiṇaiḥ dṛṣṭvā naro labhet kṛṣṇaṃ vrajantaṃ dakṣiṇāmukham //
That fruit which is declared in the scriptures for three circumambulations of the earth, a man obtains by seeing Kṛṣṇa going forth facing south.
AI translation rendered from the Sanskrit, not a published edition
BrP 65.85
तीर्थयात्राफलं यत् तु पृथिव्यां समुदाहृतम् दृष्ट्वा नरो लभेत् कृष्णं तत् फलं दक्षिणामुखम् ॥
tīrthayātrāphalaṃ yat tu pṛthivyāṃ samudāhṛtam dṛṣṭvā naro labhet kṛṣṇaṃ tat phalaṃ dakṣiṇāmukham //
And whatever fruit of pilgrimage to holy places on earth has been proclaimed, a man obtains that fruit by seeing Kṛṣṇa facing south.
AI translation rendered from the Sanskrit, not a published edition
BrP 65.86
बदर्यां यत् फलं प्रोक्तं दृष्ट्वा नारायणं नरम् दृष्ट्वा नरो लभेत् कृष्णं तत् फलं दक्षिणामुखम् ॥
badaryāṃ yat phalaṃ proktaṃ dṛṣṭvā nārāyaṇaṃ naram dṛṣṭvā naro labhet kṛṣṇaṃ tat phalaṃ dakṣiṇāmukham //
Whatever fruit is declared (to come) from seeing Nara and Nārāyaṇa at Badarī, a man obtains that fruit by seeing Kṛṣṇa facing south.
AI translation rendered from the Sanskrit, not a published edition
BrP 65.87
गङ्गाद्वारे कुरुक्षेत्रे स्नानदानेन यत् फलम् दृष्ट्वा नरो लभेत् कृष्णं तत् फलं दक्षिणामुखम् ॥
gaṅgādvāre kurukṣetre snānadānena yat phalam dṛṣṭvā naro labhet kṛṣṇaṃ tat phalaṃ dakṣiṇāmukham //
Whatever fruit (comes) from bathing and giving at Gaṅgādvāra and at Kurukṣetra, a man obtains that fruit by seeing Kṛṣṇa facing south.
AI translation rendered from the Sanskrit, not a published edition
BrP 65.88
प्रयागे च महामाघ्यां यत् फलं समुदाहृतम् दृष्ट्वा नरो लभेत् कृष्णं तत् फलं दक्षिणामुखम् ॥
prayāge ca mahāmāghyāṃ yat phalaṃ samudāhṛtam dṛṣṭvā naro labhet kṛṣṇaṃ tat phalaṃ dakṣiṇāmukham //
Whatever fruit is proclaimed (for observance) at Prayāga on the great Māgha (day), a man obtains that fruit by seeing Kṛṣṇa facing south.
AI translation rendered from the Sanskrit, not a published edition
BrP 65.89
शालग्रामे महाचैत्र्यां स्नानदानेन यत् फलम् दृष्ट्वा नरो लभेत् कृष्णं तत् फलं दक्षिणामुखम् ॥
śālagrāme mahācaitryāṃ snānadānena yat phalam dṛṣṭvā naro labhet kṛṣṇaṃ tat phalaṃ dakṣiṇāmukham //
Whatever fruit (comes) from bathing and giving at Śālagrāma on the great Caitra (day), a man obtains that fruit by seeing Kṛṣṇa facing south.
AI translation rendered from the Sanskrit, not a published edition
BrP 65.90
महाभिधानकार्त्तिक्यां पुष्करे यत् फलं स्मृतम् दृष्ट्वा नरो लभेत् कृष्णं तत् फलं दक्षिणामुखम् ॥
mahābhidhānakārttikyāṃ puṣkare yat phalaṃ smṛtam dṛṣṭvā naro labhet kṛṣṇaṃ tat phalaṃ dakṣiṇāmukham //
Whatever fruit is remembered (as gained) at Puṣkara on the great Kārttikī (full-moon) known by that name, a man obtains that fruit by seeing Kṛṣṇa facing south.
AI translation rendered from the Sanskrit, not a published edition
BrP 65.91
यत् फलं स्नानदानेन गङ्गासागरसंगमे दृष्ट्वा नरो लभेत् कृष्णं तत् फलं दक्षिणामुखम् ॥
yat phalaṃ snānadānena gaṅgāsāgarasaṃgame dṛṣṭvā naro labhet kṛṣṇaṃ tat phalaṃ dakṣiṇāmukham //
Whatever fruit (comes) from bathing and giving at the confluence of the Ganges and the ocean, a man obtains that fruit by seeing Kṛṣṇa facing south.
AI translation rendered from the Sanskrit, not a published edition
BrP 65.92
ग्रस्ते सूर्ये कुरुक्षेत्रे स्नानदानेन यत् फलम् दृष्ट्वा नरो लभेत् कृष्णं तत् फलं दक्षिणामुखम् ॥
graste sūrye kurukṣetre snānadānena yat phalam dṛṣṭvā naro labhet kṛṣṇaṃ tat phalaṃ dakṣiṇāmukham //
Whatever fruit (comes) from bathing and giving at Kurukṣetra when the sun is eclipsed, a man obtains that fruit by seeing Kṛṣṇa facing south.
AI translation rendered from the Sanskrit, not a published edition
BrP 65.93
गङ्गायां सर्वतीर्थेषु यामुनेषु च भो द्विजाः सारस्वतेषु तीर्थेषु तथान्येषु सरःसु च ॥
gaṅgāyāṃ sarvatīrtheṣu yāmuneṣu ca bho dvijāḥ sārasvateṣu tīrtheṣu tathānyeṣu saraḥsu ca //
In the Ganges, in all the holy places, and in those of the Yamunā, O twice-born ones, in the Sārasvata holy places and likewise in other lakes—
AI translation rendered from the Sanskrit, not a published edition
BrP 65.94
यत् फलं स्नानदानेन विधिवत् समुदाहृतम् दृष्ट्वा नरो लभेत् कृष्णं तत् फलं दक्षिणामुखम् ॥
yat phalaṃ snānadānena vidhivat samudāhṛtam dṛṣṭvā naro labhet kṛṣṇaṃ tat phalaṃ dakṣiṇāmukham //
—whatever fruit is proclaimed (as coming) from bathing and giving according to rule, a man obtains that fruit by seeing Kṛṣṇa facing south.
AI translation rendered from the Sanskrit, not a published edition
BrP 65.95
पुष्करे चाथ तीर्थेषु गये चामरकण्टके नैमिषादिषु तीर्थेषु क्षेत्रेष्व् आयतनेषु च ॥
puṣkare cātha tīrtheṣu gaye cāmarakaṇṭake naimiṣādiṣu tīrtheṣu kṣetreṣv āyataneṣu ca //
And at Puṣkara and in the holy places, at Gayā and at Amarakaṇṭaka, in the holy places beginning with Naimiṣa, and in (sacred) fields and sanctuaries—
AI translation rendered from the Sanskrit, not a published edition
BrP 65.96
यत् फलं स्नानदानेन राहुग्रस्ते दिवाकरे दृष्ट्वा नरो लभेत् कृष्णं तत् फलं दक्षिणामुखम् ॥
yat phalaṃ snānadānena rāhugraste divākare dṛṣṭvā naro labhet kṛṣṇaṃ tat phalaṃ dakṣiṇāmukham //
—whatever fruit (comes) from bathing and giving when the sun is seized by Rāhu, a man obtains that fruit by seeing Kṛṣṇa facing south.
AI translation rendered from the Sanskrit, not a published edition
BrP 65.97
अथ किं पुनर् उक्तेन भाषितेन पुनः पुनः यत् किंचित् कथितं चात्र फलं पुण्यस्य कर्मणः ॥
atha kiṃ punar uktena bhāṣitena punaḥ punaḥ yat kiṃcit kathitaṃ cātra phalaṃ puṇyasya karmaṇaḥ //
But what more (need there be) of speech said over and over again? Whatever fruit of meritorious action has been told here in any measure—
AI translation rendered from the Sanskrit, not a published edition
BrP 65.98
वेदशास्त्रे पुराणे च भारते च द्विजोत्तमाः धर्मशास्त्रेषु सर्वेषु तथान्यत्र मनीषिभिः ॥
vedaśāstre purāṇe ca bhārate ca dvijottamāḥ dharmaśāstreṣu sarveṣu tathānyatra manīṣibhiḥ //
—in the Veda and the scriptures, in the Purāṇa and in the Bhārata, O best of the twice-born, in all the dharma treatises and likewise elsewhere, (as declared) by the wise—
AI translation rendered from the Sanskrit, not a published edition
BrP 65.99
दृष्ट्वा नरो लभेत् कृष्णं तत् फलं सहलायुधम् सकलं भद्रया सार्धं व्रजन्तं दक्षिणामुखम् ॥
dṛṣṭvā naro labhet kṛṣṇaṃ tat phalaṃ sahalāyudham sakalaṃ bhadrayā sārdhaṃ vrajantaṃ dakṣiṇāmukham //
—a man obtains that fruit entire by seeing Kṛṣṇa, together with the plough-weaponed one (Balarāma) and with Bhadrā, going forth facing south.
AI translation rendered from the Sanskrit, not a published edition