Brahma Purana — Chapter 64
BrP 64.1
यदा भवेन् महाज्यैष्ठी राशिनक्षत्रयोगतः प्रयत्नेन तदा मर्त्यैर् गन्तव्यं पुरुषोत्तमम् ॥
yadā bhaven mahājyaiṣṭhī rāśinakṣatrayogataḥ prayatnena tadā martyair gantavyaṃ puruṣottamam //
When, through the conjunction of the zodiacal sign and the lunar asterism, the Great Jyeṣṭhī (full moon) occurs, then mortals should go with effort to Puruṣottama.
AI translation rendered from the Sanskrit, not a published edition
BrP 64.2
कृष्णं दृष्ट्वा महाज्यैष्ठ्यां रामं भद्रां च भो द्विजाः नरो द्वादशयात्रायाः फलं प्राप्नोति चाधिकम् ॥
kṛṣṇaṃ dṛṣṭvā mahājyaiṣṭhyāṃ rāmaṃ bhadrāṃ ca bho dvijāḥ naro dvādaśayātrāyāḥ phalaṃ prāpnoti cādhikam //
Having beheld Kṛṣṇa, Rāma and Bhadrā on the Great Jyeṣṭhī day, O brahmins, a man obtains the fruit of the twelve pilgrimages, and more.
AI translation rendered from the Sanskrit, not a published edition
BrP 64.3
प्रयागे च कुरुक्षेत्रे नैमिषे पुष्करे गये गङ्गाद्वारे कुशावर्ते गङ्गासागरसंगमे ॥
prayāge ca kurukṣetre naimiṣe puṣkare gaye gaṅgādvāre kuśāvarte gaṅgāsāgarasaṃgame //
At Prayāga, at Kurukṣetra, at Naimiṣa, at Puṣkara, at Gayā, at Gaṅgādvāra, at Kuśāvarta, at the confluence of the Gaṅgā and the ocean,
AI translation rendered from the Sanskrit, not a published edition
BrP 64.4
कोकामुखे शूकरे च मथुरायां मरुस्थले शालग्रामे वायुतीर्थे मन्दरे सिन्धुसागरे ॥
kokāmukhe śūkare ca mathurāyāṃ marusthale śālagrāme vāyutīrthe mandare sindhusāgare //
at Kokāmukha and at Śūkara, at Mathurā, in the desert country, at Śālagrāma, at Vāyutīrtha, at Mandara, at the Sindhu-ocean (junction),
AI translation rendered from the Sanskrit, not a published edition
BrP 64.5
पिण्डारके चित्रकूटे प्रभासे कनखले द्विजाः शङ्खोद्धारे द्वारकायां तथा बदरिकाश्रमे ॥
piṇḍārake citrakūṭe prabhāse kanakhale dvijāḥ śaṅkhoddhāre dvārakāyāṃ tathā badarikāśrame //
at Piṇḍāraka, at Citrakūṭa, at Prabhāsa, at Kanakhala, O brahmins, at Śaṅkhoddhāra, at Dvārakā, and likewise at the Badarikā hermitage,
AI translation rendered from the Sanskrit, not a published edition
BrP 64.6
लोहकुण्डे चाश्वतीर्थे सर्वपापप्रमोचने कामालये कोटितीर्थे तथा चामरकण्टके ॥
lohakuṇḍe cāśvatīrthe sarvapāpapramocane kāmālaye koṭitīrthe tathā cāmarakaṇṭake //
at Lohakuṇḍa and at Aśvatīrtha, at Sarvapāpapramocana, at Kāmālaya, at Koṭitīrtha, and likewise at Amarakaṇṭaka,
AI translation rendered from the Sanskrit, not a published edition
BrP 64.7
लोहार्गले जम्बुमार्गे सोमतीर्थे पृथूदके उत्पलावर्तके चैव पृथुतुङ्गे सुकुब्जके ॥
lohārgale jambumārge somatīrthe pṛthūdake utpalāvartake caiva pṛthutuṅge sukubjake //
at Lohārgala, at Jambumārga, at Somatīrtha, at Pṛthūdaka, and at Utpalāvartaka, at Pṛthutuṅga, at Sukubjaka,
AI translation rendered from the Sanskrit, not a published edition
BrP 64.8
एकाम्रके च केदारे काश्यां च विरजे द्विजाः कालञ्जरे च गोकर्णे श्रीशैले गन्धमादने ॥
ekāmrake ca kedāre kāśyāṃ ca viraje dvijāḥ kālañjare ca gokarṇe śrīśaile gandhamādane //
at Ekāmraka and at Kedāra, at Kāśī and at Virajā, O brahmins, at Kālañjara and at Gokarṇa, at Śrīśaila, at Gandhamādana,
AI translation rendered from the Sanskrit, not a published edition
BrP 64.9
महेन्द्रे मलये विन्ध्ये पारियात्रे हिमालये सह्ये च शुक्तिमन्ते च गोमन्ते चार्बुदे तथा ॥
mahendre malaye vindhye pāriyātre himālaye sahye ca śuktimante ca gomante cārbude tathā //
on Mahendra, Malaya, Vindhya, Pāriyātra, Himālaya, on Sahya and on Śuktimat, and on Gomanta and Arbuda too,
AI translation rendered from the Sanskrit, not a published edition
BrP 64.10
गङ्गायां सर्वतीर्थेषु यामुनेषु च भो द्विजाः सारस्वतेषु गोमत्यां ब्रह्मपुत्रेषु सप्तसु ॥
gaṅgāyāṃ sarvatīrtheṣu yāmuneṣu ca bho dvijāḥ sārasvateṣu gomatyāṃ brahmaputreṣu saptasu //
in the Gaṅgā, in all the sacred fords, and in those of the Yamunā, O brahmins, in those of the Sarasvatī, in the Gomatī, and in the seven Brahmaputras,
AI translation rendered from the Sanskrit, not a published edition
BrP 64.11
गोदावरी भीमरथी तुङ्गभद्रा च नर्मदा तापी पयोउष्णी कावेरी शिप्रा चर्मण्वती द्विजाः ॥
godāvarī bhīmarathī tuṅgabhadrā ca narmadā tāpī payouṣṇī kāverī śiprā carmaṇvatī dvijāḥ //
Godāvarī, Bhīmarathī, Tuṅgabhadrā and Narmadā, Tāpī, Payoṣṇī, Kāverī, Śiprā, Carmaṇvatī, O brahmins,
AI translation rendered from the Sanskrit, not a published edition
BrP 64.12
वितस्ता चन्द्रभागा च शतद्रुर् बाहुदा तथा ऋषिकुल्या कुमारी च विपाशा च दृषद्वती ॥
vitastā candrabhāgā ca śatadrur bāhudā tathā ṛṣikulyā kumārī ca vipāśā ca dṛṣadvatī //
Vitastā and Candrabhāgā, Śatadru and likewise Bāhudā, Ṛṣikulyā and Kumārī, and Vipāśā and Dṛṣadvatī,
AI translation rendered from the Sanskrit, not a published edition
BrP 64.13
शरयूर् नाकगङ्गा च गण्डकी च महानदी कौशिकी करतोया च त्रिस्रोता मधुवाहिनी ॥
śarayūr nākagaṅgā ca gaṇḍakī ca mahānadī kauśikī karatoyā ca trisrotā madhuvāhinī //
Śarayū and Nākagaṅgā, and Gaṇḍakī and Mahānadī, Kauśikī and Karatoyā, Trisrotā, Madhuvāhinī,
AI translation rendered from the Sanskrit, not a published edition
BrP 64.14
महानदी वैतरणी याश् चान्या नानुकीर्तिताः अथवा किं बहूक्तेन भाषितेन द्विजोत्तमाः ॥
mahānadī vaitaraṇī yāś cānyā nānukīrtitāḥ athavā kiṃ bahūktena bhāṣitena dvijottamāḥ //
Mahānadī, Vaitaraṇī, and the others that have not been enumerated — or rather, what is the use of much speaking, O best of brahmins?
AI translation rendered from the Sanskrit, not a published edition
BrP 64.15
पृथिव्यां सर्वतीर्थेषु सर्वेष्व् आयतनेषु च सागरेषु च शैलेषु नदीषु च सरःसु च ॥
pṛthivyāṃ sarvatīrtheṣu sarveṣv āyataneṣu ca sāgareṣu ca śaileṣu nadīṣu ca saraḥsu ca //
In all the sacred fords on earth and in all the sanctuaries, in the oceans and on the mountains, in the rivers and in the lakes,
AI translation rendered from the Sanskrit, not a published edition
BrP 64.16
यत् फलं स्नानदानेन राहुग्रस्ते दिवाकरे तत् फलं कृष्णम् आलोक्य महाज्यैष्ठ्यां लभेन् नरः ॥
yat phalaṃ snānadānena rāhugraste divākare tat phalaṃ kṛṣṇam ālokya mahājyaiṣṭhyāṃ labhen naraḥ //
whatever fruit (there is) from bathing and giving when the sun is seized by Rāhu — that fruit a man obtains by beholding Kṛṣṇa on the Great Jyeṣṭhī day.
AI translation rendered from the Sanskrit, not a published edition
BrP 64.17
तस्मात् सर्वप्रयत्नेन गन्तव्यं पुरुषोत्तमे महाज्यैष्ठ्यां मुनिश्रेष्ठा सर्वकामफलेप्सुभिः ॥
tasmāt sarvaprayatnena gantavyaṃ puruṣottame mahājyaiṣṭhyāṃ muniśreṣṭhā sarvakāmaphalepsubhiḥ //
Therefore, O best of sages, those who desire the fruit of all their wishes should go with every effort to Puruṣottama on the Great Jyeṣṭhī day.
AI translation rendered from the Sanskrit, not a published edition
BrP 64.18
दृष्ट्वा रामं महाज्येष्ठं कृष्णं सुभद्रया सह विष्णुलोकं नरो याति समुद्धृत्य समं कुलम् ॥
dṛṣṭvā rāmaṃ mahājyeṣṭhaṃ kṛṣṇaṃ subhadrayā saha viṣṇulokaṃ naro yāti samuddhṛtya samaṃ kulam //
Having seen Rāma, Kṛṣṇa and Subhadrā on the great Jyeṣṭhā (full-moon day), a man goes to the world of Viṣṇu, having lifted up his whole family along with him.
AI translation rendered from the Sanskrit, not a published edition
BrP 64.19
भुक्त्वा तत्र वरान् भोगान् यावद् आभूतसंप्लवम् पुण्यक्षयाद् इहागत्य चतुर्वेदी द्विजो भवेत् ॥
bhuktvā tatra varān bhogān yāvad ābhūtasaṃplavam puṇyakṣayād ihāgatya caturvedī dvijo bhavet //
Having enjoyed excellent pleasures there until the dissolution of beings, when his merit is exhausted he comes back here and becomes a twice-born knower of the four Vedas.
AI translation rendered from the Sanskrit, not a published edition
BrP 64.20
स्वधर्मनिरतः शान्तः कृष्णभक्तो जितेन्द्रियः वैष्णवं योगम् आस्थाय ततो मोक्षम् अवाप्नुयात् ॥
svadharmanirataḥ śāntaḥ kṛṣṇabhakto jitendriyaḥ vaiṣṇavaṃ yogam āsthāya tato mokṣam avāpnuyāt //
Devoted to his own duty, tranquil, a devotee of Kṛṣṇa, with senses conquered, taking his stand on the Vaiṣṇava yoga, he then attains liberation.
AI translation rendered from the Sanskrit, not a published edition