Brahma Purana — Chapter 63
BrP 63.1
ततो गच्छेद् द्विजश्रेष्ठास् तीर्थं यज्ञाङ्गसंभवम् इन्द्रद्युम्नसरो नाम यत्रास्ते पावनं शुभम् ॥
tato gacched dvijaśreṣṭhās tīrthaṃ yajñāṅgasaṃbhavam indradyumnasaro nāma yatrāste pāvanaṃ śubham //
Then, O best of the twice-born, one should go to the holy ford that arose from a limb of the sacrifice, named Indradyumna's lake, where the purifying, auspicious (water) abides.
AI translation rendered from the Sanskrit, not a published edition
BrP 63.2
गत्वा तत्र शुचिर् धीमान् आचम्य मनसा हरिम् ध्यात्वोपस्थाय च जलम् इमं मन्त्रम् उदीरयेत् ॥
gatvā tatra śucir dhīmān ācamya manasā harim dhyātvopasthāya ca jalam imaṃ mantram udīrayet //
Having gone there, pure and wise, having sipped water, having meditated in his mind on Hari, and having approached the water, he should utter this formula:
AI translation rendered from the Sanskrit, not a published edition
BrP 63.3
अश्वमेधाङ्गसंभूत तीर्थ सर्वाघनाशन स्नानं त्वयि करोम्य् अद्य पापं हर नमो ऽस्तु ते ॥
aśvamedhāṅgasaṃbhūta tīrtha sarvāghanāśana snānaṃ tvayi karomy adya pāpaṃ hara namo 'stu te //
"O holy ford arisen from a limb of the horse-sacrifice, destroyer of all sin, today I perform my bath in you; take away (my) sin, homage be to you."
AI translation rendered from the Sanskrit, not a published edition
BrP 63.4
एवम् उच्चार्य विधिवत् स्नात्वा देवान् ऋषीन् पितॄन् तिलोदकेन चान्यांश् च संतर्प्याचम्य वाग्यतः ॥
evam uccārya vidhivat snātvā devān ṛṣīn pitṝn tilodakena cānyāṃś ca saṃtarpyācamya vāgyataḥ //
Having thus pronounced (the formula) and bathed according to rule, having satisfied the gods, seers, fathers and others with sesame and water, having sipped water, restraining his speech —
AI translation rendered from the Sanskrit, not a published edition
BrP 63.5
दत्त्वा पितॄणां पिण्डांश् च संपूज्य पुरुषोत्तमम् दशाश्वमेधिकं सम्यक् फलं प्राप्नोति मानवः ॥
dattvā pitṝṇāṃ piṇḍāṃś ca saṃpūjya puruṣottamam daśāśvamedhikaṃ samyak phalaṃ prāpnoti mānavaḥ //
— and having given the rice-balls to the fathers and worshipped Puruṣottama, the man duly obtains the fruit of ten horse-sacrifices.
AI translation rendered from the Sanskrit, not a published edition
BrP 63.6
सप्तावरान् सप्त परान् वंशान् उद्धृत्य देववत् कामगेन विमानेन विष्णुलोकं स गच्छति ॥
saptāvarān sapta parān vaṃśān uddhṛtya devavat kāmagena vimānena viṣṇulokaṃ sa gacchati //
Having raised up seven generations of his line below and seven above, godlike, he goes to Viṣṇu's world in a chariot that travels at will.
AI translation rendered from the Sanskrit, not a published edition
BrP 63.7
भुक्त्वा तत्र सुखान् भोगान् यावच् चन्द्रार्कतारकम् च्युतस् तस्माद् इहायातो मोक्षं च लभते ध्रुवम् ॥
bhuktvā tatra sukhān bhogān yāvac candrārkatārakam cyutas tasmād ihāyāto mokṣaṃ ca labhate dhruvam //
Having enjoyed pleasant delights there as long as moon, sun and stars (endure), fallen from there and come here (again), he certainly attains liberation.
AI translation rendered from the Sanskrit, not a published edition
BrP 63.8
एवं कृत्वा पञ्चतीर्थीम् एकादश्याम् उपोषितः ज्येष्ठशुक्लपञ्चदश्यां यः पश्येत् पुरुषोत्तमम् ॥
evaṃ kṛtvā pañcatīrthīm ekādaśyām upoṣitaḥ jyeṣṭhaśuklapañcadaśyāṃ yaḥ paśyet puruṣottamam //
He who, having thus performed the (round of) five holy fords, having fasted on the eleventh day, beholds Puruṣottama on the fifteenth of the bright half of Jyeṣṭha —
AI translation rendered from the Sanskrit, not a published edition
BrP 63.9
स पूर्वोक्तं फलं प्राप्य क्रीडित्वा वाच्युतालये प्रयाति परमं स्थानं यस्मान् नावर्तते पुनः ॥
sa pūrvoktaṃ phalaṃ prāpya krīḍitvā vācyutālaye prayāti paramaṃ sthānaṃ yasmān nāvartate punaḥ //
— he, having gained the aforesaid fruit and sported in Acyuta's abode, goes to the highest place, from which he does not return again.
AI translation rendered from the Sanskrit, not a published edition
BrP 63.10
मासान् अन्यान् परित्यज्य माघादीन् प्रपितामह प्रशंससि कथं ज्येष्ठं ब्रूहि तत्कारणं प्रभो ॥
māsān anyān parityajya māghādīn prapitāmaha praśaṃsasi kathaṃ jyeṣṭhaṃ brūhi tatkāraṇaṃ prabho //
"Leaving aside the other months, Māgha and the rest, O great-grandfather, why do you praise Jyeṣṭha? Tell the reason for that, O lord."
AI translation rendered from the Sanskrit, not a published edition
BrP 63.11
शृणुध्वं मुनिशार्दूलाः प्रवक्ष्यामि समासतः ज्येष्ठं मासं यथा तेभ्यः प्रशंसामि पुनः पुनः ॥
śṛṇudhvaṃ muniśārdūlāḥ pravakṣyāmi samāsataḥ jyeṣṭhaṃ māsaṃ yathā tebhyaḥ praśaṃsāmi punaḥ punaḥ //
"Listen, O tigers among sages; I shall declare it in brief — how it is that, above those (months), I praise the month of Jyeṣṭha again and again.
AI translation rendered from the Sanskrit, not a published edition
BrP 63.12
पृथिव्यां यानि तीर्थानि सरितश् च सरांसि च पुष्करिण्यस् तडागानि वाप्यः कूपास् तथा ह्रदाः ॥
pṛthivyāṃ yāni tīrthāni saritaś ca sarāṃsi ca puṣkariṇyas taḍāgāni vāpyaḥ kūpās tathā hradāḥ //
Whatever holy fords there are on earth, and rivers and lakes, lotus-ponds, tanks, step-wells, wells and pools,
AI translation rendered from the Sanskrit, not a published edition
BrP 63.13
नानानद्यः समुद्राश् च सप्ताहं पुरुषोत्तमे ज्येष्ठशुक्लदशम्यादि प्रत्यक्षं यान्ति सर्वदा ॥
nānānadyaḥ samudrāś ca saptāhaṃ puruṣottame jyeṣṭhaśukladaśamyādi pratyakṣaṃ yānti sarvadā //
and the various rivers and oceans — they always go visibly to Puruṣottama for seven days beginning with the tenth of the bright half of Jyeṣṭha.
AI translation rendered from the Sanskrit, not a published edition
BrP 63.14
स्नानदानादिकं तस्माद् देवताप्रेक्षणं द्विजाः यत् किंचित् क्रियते तत्र तस्मिन् काले ऽक्षयं भवेत् ॥
snānadānādikaṃ tasmād devatāprekṣaṇaṃ dvijāḥ yat kiṃcit kriyate tatra tasmin kāle 'kṣayaṃ bhavet //
Therefore, O twice-born, bathing, giving and the rest, and the beholding of the deity — whatever little is done there at that time becomes imperishable.
AI translation rendered from the Sanskrit, not a published edition
BrP 63.15
शुक्लपक्षस्य दशमी ज्येष्ठे मासि द्विजोत्तमाः हरते दश पापानि तस्माद् दशहरा स्मृता ॥
śuklapakṣasya daśamī jyeṣṭhe māsi dvijottamāḥ harate daśa pāpāni tasmād daśaharā smṛtā //
The tenth of the bright fortnight in the month of Jyeṣṭha, O best of the twice-born, takes away ten sins; therefore it is known as Daśaharā.
AI translation rendered from the Sanskrit, not a published edition
BrP 63.16
यस् तस्यां हलिनं कृष्णं पश्येद् भद्रां सुसंयतः सर्वपापविनिर्मुक्तो विष्णुलोकं व्रजेन् नरः ॥
yas tasyāṃ halinaṃ kṛṣṇaṃ paśyed bhadrāṃ susaṃyataḥ sarvapāpavinirmukto viṣṇulokaṃ vrajen naraḥ //
The man who on that (day), well restrained, beholds the plough-bearer, Kṛṣṇa and Bhadrā, released from all sins, goes to Viṣṇu's world.
AI translation rendered from the Sanskrit, not a published edition
BrP 63.17
उत्तरे दक्षिणे विप्रास् त्व् अयने पुरुषोत्तमम् दृष्ट्वा रामं सुभद्रां च विष्णुलोकं व्रजेन् नरः ॥
uttare dakṣiṇe viprās tv ayane puruṣottamam dṛṣṭvā rāmaṃ subhadrāṃ ca viṣṇulokaṃ vrajen naraḥ //
But at the northern and southern solstice, O brahmins, a man who has seen Puruṣottama, Rāma and Subhadrā goes to Viṣṇu's world.
AI translation rendered from the Sanskrit, not a published edition
BrP 63.18
नरो दोलागतं दृष्ट्वा गोविन्दं पुरुषोत्तमम् फाल्गुन्यां प्रयतो भूत्वा गोविन्दस्य पुरं व्रजेत् ॥
naro dolāgataṃ dṛṣṭvā govindaṃ puruṣottamam phālgunyāṃ prayato bhūtvā govindasya puraṃ vrajet //
A man who, being self-controlled, sees Govinda Puruṣottama seated on the swing on the full moon of Phālguna goes to Govinda's city.
AI translation rendered from the Sanskrit, not a published edition
BrP 63.19
विषुवद्दिवसे प्राप्ते पञ्चतीर्थीं विधानतः कृत्वा संकर्षणं कृष्णं दृष्ट्वा भद्रां च भो द्विजाः ॥
viṣuvaddivase prāpte pañcatīrthīṃ vidhānataḥ kṛtvā saṃkarṣaṇaṃ kṛṣṇaṃ dṛṣṭvā bhadrāṃ ca bho dvijāḥ //
When the equinoctial day has come, O twice-born, having performed the (round of) five holy fords according to rule and having seen Saṃkarṣaṇa, Kṛṣṇa and Bhadrā —
AI translation rendered from the Sanskrit, not a published edition
BrP 63.20
नरः समस्तयज्ञानां फलं प्राप्नोति दुर्लभम् विमुक्तः सर्वपापेभ्यो विष्णुलोकं च गच्छति ॥
naraḥ samastayajñānāṃ phalaṃ prāpnoti durlabham vimuktaḥ sarvapāpebhyo viṣṇulokaṃ ca gacchati //
such a man obtains the hard-to-win fruit of all the sacrifices, and, released from all sins, goes to Viṣṇu's world.
AI translation rendered from the Sanskrit, not a published edition
BrP 63.21
यः पश्यति तृतीयायां कृष्णं चन्दनरूषितम् वैशाखस्यासिते पक्षे स यात्य् अच्युतमन्दिरम् ॥
yaḥ paśyati tṛtīyāyāṃ kṛṣṇaṃ candanarūṣitam vaiśākhasyāsite pakṣe sa yāty acyutamandiram //
He who, on the third day of the dark fortnight of Vaiśākha, beholds Kṛṣṇa smeared with sandal paste goes to the abode of Acyuta.
AI translation rendered from the Sanskrit, not a published edition
BrP 63.22
ज्यैष्ठ्यां ज्येष्ठर्क्षयुक्तायां यः पश्येत् पुरुषोत्तमम् कुलैकविंशम् उद्धृत्य विष्णुलोकं स गच्छति ॥
jyaiṣṭhyāṃ jyeṣṭharkṣayuktāyāṃ yaḥ paśyet puruṣottamam kulaikaviṃśam uddhṛtya viṣṇulokaṃ sa gacchati //
He who beholds Puruṣottama on the full-moon day of Jyeṣṭha when it is joined with the asterism Jyeṣṭhā goes to Viṣṇu's world, having lifted up twenty-one (generations of) his family.
AI translation rendered from the Sanskrit, not a published edition