Brahma Purana — Chapter 62
BrP 62.1
एवं संपूज्य विधिवद् भक्त्या तं पुरुषोत्तमम् प्रणम्य शिरसा पश्चात् सागरं च प्रसादयेत् ॥
evaṃ saṃpūjya vidhivad bhaktyā taṃ puruṣottamam praṇamya śirasā paścāt sāgaraṃ ca prasādayet //
Having thus duly worshipped with devotion that Supreme Person, and having bowed with the head, afterwards he should propitiate the ocean.
AI translation rendered from the Sanskrit, not a published edition
BrP 62.2
प्राणस् त्वं सर्वभूतानां योनिश् च सरितां पते तीर्थराज नमस् ते ऽस्तु त्राहि माम् अच्युतप्रिय ॥
prāṇas tvaṃ sarvabhūtānāṃ yoniś ca saritāṃ pate tīrtharāja namas te 'stu trāhi mām acyutapriya //
"You are the breath of all beings and the source of the rivers, O lord (of waters); O king of holy places, homage be to you; protect me, O you dear to Acyuta."
AI translation rendered from the Sanskrit, not a published edition
BrP 62.3
स्नात्वैवं सागरे सम्यक् तस्मिन् क्षेत्रवरे द्विजाः तीरे चाभ्यर्च्य विधिवन् नारायणम् अनामयम् ॥
snātvaivaṃ sāgare samyak tasmin kṣetravare dvijāḥ tīre cābhyarcya vidhivan nārāyaṇam anāmayam //
Having thus bathed properly in the ocean at that best of holy fields, O twice-born ones, and having worshipped on the shore, according to the rules, the disease-free Nārāyaṇa,
AI translation rendered from the Sanskrit, not a published edition
BrP 62.4
रामं कृष्णं सुभद्रां च प्रणिपत्य च सागरम् शतानाम् अश्वमेधानां फलं प्राप्नोति मानवः ॥
rāmaṃ kṛṣṇaṃ subhadrāṃ ca praṇipatya ca sāgaram śatānām aśvamedhānāṃ phalaṃ prāpnoti mānavaḥ //
and having bowed down to Rāma, Kṛṣṇa, Subhadrā, and the ocean, a man obtains the fruit of a hundred horse-sacrifices.
AI translation rendered from the Sanskrit, not a published edition
BrP 62.5
सर्वपापविनिर्मुक्तः सर्वदुःखविवर्जितः वृन्दारक इव श्रीमान् रूपयौवनगर्वितः ॥
sarvapāpavinirmuktaḥ sarvaduḥkhavivarjitaḥ vṛndāraka iva śrīmān rūpayauvanagarvitaḥ //
Freed from all sins, rid of all sorrows, splendid like a god, proud of his beauty and youth,
AI translation rendered from the Sanskrit, not a published edition
BrP 62.6
विमानेनार्कवर्णेन दिव्यगन्धर्वनादिना कुलैकविंशम् उद्धृत्य विष्णुलोकं स गच्छति ॥
vimānenārkavarṇena divyagandharvanādinā kulaikaviṃśam uddhṛtya viṣṇulokaṃ sa gacchati //
by a chariot the color of the sun, resounding with divine gandharva music, having raised up twenty-one generations of his family, he goes to Viṣṇu's world.
AI translation rendered from the Sanskrit, not a published edition
BrP 62.7
भुक्त्वा तत्र वरान् भोगान् क्रीडित्वा चाप्सरैः सह मन्वन्तरशतं साग्रं जरामृत्युविवर्जितः ॥
bhuktvā tatra varān bhogān krīḍitvā cāpsaraiḥ saha manvantaraśataṃ sāgraṃ jarāmṛtyuvivarjitaḥ //
Having there enjoyed excellent pleasures and played with the apsarases for a full hundred manvantaras, free of old age and death,
AI translation rendered from the Sanskrit, not a published edition
BrP 62.8
पुण्यक्षयाद् इहायातः कुले सर्वगुणान्विते रूपवान् सुभगः श्रीमान् सत्यवादी जितेन्द्रियः ॥
puṇyakṣayād ihāyātaḥ kule sarvaguṇānvite rūpavān subhagaḥ śrīmān satyavādī jitendriyaḥ //
when his merit is exhausted he comes here (again), into a family endowed with all good qualities, handsome, fortunate, prosperous, truthful, his senses subdued,
AI translation rendered from the Sanskrit, not a published edition
BrP 62.9
वेदशास्त्रार्थविद् विप्रो भवेद् यज्वा तु वैष्णवः योगं च वैष्णवं प्राप्य ततो मोक्षम् अवाप्नुयात् ॥
vedaśāstrārthavid vipro bhaved yajvā tu vaiṣṇavaḥ yogaṃ ca vaiṣṇavaṃ prāpya tato mokṣam avāpnuyāt //
he becomes a brahmin who knows the meaning of the Vedas and the treatises, a sacrificer and a devotee of Viṣṇu; and having attained the yoga of Viṣṇu, he then obtains liberation.
AI translation rendered from the Sanskrit, not a published edition
BrP 62.10
ग्रहोपरागे संक्रान्त्याम् अयने विषुवे तथा युगादिषु षडशीत्यां व्यतीपाते दिनक्षये ॥
grahoparāge saṃkrāntyām ayane viṣuve tathā yugādiṣu ṣaḍaśītyāṃ vyatīpāte dinakṣaye //
At an eclipse of a heavenly body, at a saṃkrānti, at a solstice, at an equinox, at the beginnings of the yugas, at the ṣaḍaśīti, at a vyatīpāta, at a dinakṣaya,
AI translation rendered from the Sanskrit, not a published edition
BrP 62.11
आषाढ्यां चैव कार्त्तिक्यां माघ्यां वान्ये शुभे तिथौ ये तत्र दानं विप्रेभ्यः प्रयच्छन्ति सुमेधसः ॥
āṣāḍhyāṃ caiva kārttikyāṃ māghyāṃ vānye śubhe tithau ye tatra dānaṃ viprebhyaḥ prayacchanti sumedhasaḥ //
and on the full moon of Āṣāḍha, of Kārttika, of Māgha, or on another auspicious lunar day — those wise ones who give a gift there to brahmins
AI translation rendered from the Sanskrit, not a published edition
BrP 62.12
फलं सहस्रगुणितम् अन्यतीर्थाल् लभन्ति ते पितॄणां ये प्रयच्छन्ति पिण्डं तत्र विधानतः ॥
phalaṃ sahasraguṇitam anyatīrthāl labhanti te pitṝṇāṃ ye prayacchanti piṇḍaṃ tatra vidhānataḥ //
obtain a fruit multiplied a thousandfold over (that of) another holy place; and those who offer there the rice-ball to the ancestors according to the rules —
AI translation rendered from the Sanskrit, not a published edition
BrP 62.13
अक्षयां पितरस् तेषां तृप्तिं संप्राप्नुवन्ति वै एवं स्नानफलं सम्यक् सागरस्य मयोदितम् ॥
akṣayāṃ pitaras teṣāṃ tṛptiṃ saṃprāpnuvanti vai evaṃ snānaphalaṃ samyak sāgarasya mayoditam //
their ancestors indeed attain unfailing satisfaction. Thus the fruit of bathing in the ocean has been fully declared by me,
AI translation rendered from the Sanskrit, not a published edition
BrP 62.14
दानस्य च फलं विप्राः पिण्डदानस्य चैव हि धर्मार्थमोक्षफलदम् आयुष्कीर्तियशस्करम् ॥
dānasya ca phalaṃ viprāḥ piṇḍadānasya caiva hi dharmārthamokṣaphaladam āyuṣkīrtiyaśaskaram //
and the fruit of giving, O brahmins, and of the offering of the rice-ball, which bestows the fruit of dharma, wealth, and liberation, and produces long life, renown, and fame,
AI translation rendered from the Sanskrit, not a published edition
BrP 62.15
भुक्तिमुक्तिफलं नॄणां धन्यं दुःस्वप्ननाशनम् सर्वपापहरं पुण्यं सर्वकामफलप्रदम् ॥
bhuktimuktiphalaṃ nṝṇāṃ dhanyaṃ duḥsvapnanāśanam sarvapāpaharaṃ puṇyaṃ sarvakāmaphalapradam //
which yields men enjoyment and liberation, which is blessed, destroys bad dreams, removes all sin, is meritorious, and grants the fruit of every desire.
AI translation rendered from the Sanskrit, not a published edition
BrP 62.16
नास्तिकाय न वक्तव्यं पुराणं च द्विजोत्तमाः तावद् गर्जन्ति तीर्थानि माहात्म्यैः स्वैः पृथक् पृथक् ॥
nāstikāya na vaktavyaṃ purāṇaṃ ca dvijottamāḥ tāvad garjanti tīrthāni māhātmyaiḥ svaiḥ pṛthak pṛthak //
The Purāṇa is not to be told to an unbeliever, O best of the twice-born. The holy places thunder with their own greatnesses, each separately, only so long
AI translation rendered from the Sanskrit, not a published edition
BrP 62.17
यावन् न तीर्थराजस्य माहात्म्यं वर्ण्यते द्विजाः पुष्करादीनि तीर्थानि प्रयच्छन्ति स्वकं फलम् ॥
yāvan na tīrtharājasya māhātmyaṃ varṇyate dvijāḥ puṣkarādīni tīrthāni prayacchanti svakaṃ phalam //
as the greatness of the king of holy places is not being recounted, O twice-born ones; (then) Puṣkara and the other holy places grant (only) their own fruit,
AI translation rendered from the Sanskrit, not a published edition
BrP 62.18
तीर्थराजस् तु स पुनः सर्वतीर्थफलप्रदः भूतले यानि तीर्थानि सरितश् च सरांसि च ॥
tīrtharājas tu sa punaḥ sarvatīrthaphalapradaḥ bhūtale yāni tīrthāni saritaś ca sarāṃsi ca //
but that king of holy places gives the fruit of all holy places. Whatever holy places there are on earth, and rivers and lakes,
AI translation rendered from the Sanskrit, not a published edition
BrP 62.19
विशन्ति सागरे तानि तेनासौ श्रेष्ठतां गतः राजा समस्ततीर्थानां सागरः सरितां पतिः ॥
viśanti sāgare tāni tenāsau śreṣṭhatāṃ gataḥ rājā samastatīrthānāṃ sāgaraḥ saritāṃ patiḥ //
they enter into the ocean; by that it has attained supremacy. The ocean, lord of rivers, is king of all holy places.
AI translation rendered from the Sanskrit, not a published edition
BrP 62.20
तस्मात् समस्ततीर्थेभ्यः श्रेष्ठो ऽसौ सर्वकामदः तमो नाशं यथाभ्येति भास्करे ऽभ्युदिते द्विजाः ॥
tasmāt samastatīrthebhyaḥ śreṣṭho 'sau sarvakāmadaḥ tamo nāśaṃ yathābhyeti bhāskare 'bhyudite dvijāḥ //
Therefore it is the best of all holy places, granting every wish. Just as darkness comes to destruction when the sun has risen, O twice-born ones,
AI translation rendered from the Sanskrit, not a published edition
BrP 62.21
स्नानेन तीर्थराजस्य तथा पापस्य संक्षयः तीर्थराजसमं तीर्थं न भूतं न भविष्यति ॥
snānena tīrtharājasya tathā pāpasya saṃkṣayaḥ tīrtharājasamaṃ tīrthaṃ na bhūtaṃ na bhaviṣyati //
so by bathing at the king of holy places there is the utter destruction of sin. A holy place equal to the king of holy places has not been and will not be.
AI translation rendered from the Sanskrit, not a published edition
BrP 62.22
अधिष्ठानं यदा यत्र प्रभोर् नारायणस्य वै कः शक्नोति गुणान् वक्तुं तीर्थराजस्य भो द्विजाः ॥
adhiṣṭhānaṃ yadā yatra prabhor nārāyaṇasya vai kaḥ śaknoti guṇān vaktuṃ tīrtharājasya bho dvijāḥ //
When and where there is the abode of the lord Nārāyaṇa — who is able to tell the virtues of the king of holy places, O twice-born ones?
AI translation rendered from the Sanskrit, not a published edition
BrP 62.23
कोट्यो नवनवत्यस् तु यत्र तीर्थानि सन्ति वै तस्मात् स्नानं च दानं च होमं जप्यं सुरार्चनम् यत् किंचित् क्रियते तत्र चाक्षयं क्रियते द्विजाः ॥
koṭyo navanavatyas tu yatra tīrthāni santi vai tasmāt snānaṃ ca dānaṃ ca homaṃ japyaṃ surārcanam yat kiṃcit kriyate tatra cākṣayaṃ kriyate dvijāḥ //
Since ninety-nine crores of holy fords are there, therefore bathing, giving, oblation, muttered prayer, worship of the gods — whatever little is done there is made imperishable, O twice-born.
AI translation rendered from the Sanskrit, not a published edition