Brahma Purana — Chapter 61
BrP 61.1
देवान् पितॄंस् तथा चान्यान् संतर्प्याचम्य वाग्यतः हस्तमात्रं चतुष्कोणं चतुर्द्वारं सुशोभनम् ॥
devān pitṝṃs tathā cānyān saṃtarpyācamya vāgyataḥ hastamātraṃ catuṣkoṇaṃ caturdvāraṃ suśobhanam //
Having satisfied the gods, the ancestors and the others, having sipped water, restrained in speech, (he should draw) a beautiful (figure) a cubit in size, four-cornered, with four gates —
AI translation rendered from the Sanskrit, not a published edition
BrP 61.2
पुरं विलिख्य भो विप्रास् तीरे तस्य महोदधेः मध्ये तत्र लिखेत् पद्मम् अष्टपत्त्रं सकर्णिकम् ॥
puraṃ vilikhya bho viprās tīre tasya mahodadheḥ madhye tatra likhet padmam aṣṭapattraṃ sakarṇikam //
having drawn a city (thus), O brahmins, on the shore of that great ocean, in the middle of it he should draw a lotus of eight petals with a pericarp.
AI translation rendered from the Sanskrit, not a published edition
BrP 61.3
एवं मण्डलम् आलिख्य पूजयेत् तत्र भो द्विजाः अष्टाक्षरविधानेन नारायणम् अजं विभुम् ॥
evaṃ maṇḍalam ālikhya pūjayet tatra bho dvijāḥ aṣṭākṣaravidhānena nārāyaṇam ajaṃ vibhum //
Having drawn the maṇḍala thus, he should worship there, O twice-born, by the rite of the eight-syllabled (mantra), Nārāyaṇa, the unborn, the pervading lord.
AI translation rendered from the Sanskrit, not a published edition
BrP 61.4
अतः परं प्रवक्ष्यामि कायशोधनम् उत्तमम् अकारं हृदये ध्यात्वा चक्ररेखासमन्वितम् ॥
ataḥ paraṃ pravakṣyāmi kāyaśodhanam uttamam akāraṃ hṛdaye dhyātvā cakrarekhāsamanvitam //
Next I shall declare the excellent purification of the body: having meditated on the syllable 'a' in the heart, furnished with the lines of a disc,
AI translation rendered from the Sanskrit, not a published edition
BrP 61.5
ज्वलन्तं त्रिशिखं चैव दहन्तं पापनाशनम् चन्द्रमण्डलमध्यस्थं राकारं मूर्ध्नि चिन्तयेत् ॥
jvalantaṃ triśikhaṃ caiva dahantaṃ pāpanāśanam candramaṇḍalamadhyasthaṃ rākāraṃ mūrdhni cintayet //
blazing, three-flamed, burning, destroying sin — (and) he should think of the syllable 'ra' on the head, standing in the middle of the moon's orb,
AI translation rendered from the Sanskrit, not a published edition
BrP 61.6
शुक्लवर्णं प्रवर्षन्तम् अमृतं प्लावयन् महीम् एवं निर्धूतपापस् तु दिव्यदेहस् ततो भवेत् ॥
śuklavarṇaṃ pravarṣantam amṛtaṃ plāvayan mahīm evaṃ nirdhūtapāpas tu divyadehas tato bhavet //
white in colour, raining down nectar, flooding the earth. Thus with sin shaken off, he then becomes of divine body.
AI translation rendered from the Sanskrit, not a published edition
BrP 61.7
अष्टाक्षरं ततो मन्त्रं न्यसेद् एवात्मनो बुधः वामपादं समारभ्य क्रमशश् चैव विन्यसेत् ॥
aṣṭākṣaraṃ tato mantraṃ nyased evātmano budhaḥ vāmapādaṃ samārabhya kramaśaś caiva vinyaset //
Then the wise man should place the eight-syllabled mantra upon himself; beginning with the left foot, he should set (the syllables) down in order.
AI translation rendered from the Sanskrit, not a published edition
BrP 61.8
पञ्चाङ्गं वैष्णवं चैव चतुर्व्यूहं तथैव च करशुद्धिं प्रकुर्वीत मूलमन्त्रेण साधकः ॥
pañcāṅgaṃ vaiṣṇavaṃ caiva caturvyūhaṃ tathaiva ca karaśuddhiṃ prakurvīta mūlamantreṇa sādhakaḥ //
The practitioner should perform the five-limbed (rite) of Viṣṇu, and likewise the four-fold group (of forms), and the purification of the hands with the root-mantra,
AI translation rendered from the Sanskrit, not a published edition
BrP 61.9
एकैकं चैव वर्णं तु अङ्गुलीषु पृथक् पृथक् ॐकारं पृथिवीं शुक्लां वामपादे तु विन्यसेत् ॥
ekaikaṃ caiva varṇaṃ tu aṅgulīṣu pṛthak pṛthak oṃkāraṃ pṛthivīṃ śuklāṃ vāmapāde tu vinyaset //
(placing) each single syllable separately on the fingers. He should set the syllable 'oṃ', the white earth, on the left foot.
AI translation rendered from the Sanskrit, not a published edition
BrP 61.10
नकारः शांभवः श्यामो दक्षिणे तु व्यवस्थितः मोकारं कालम् एवाहुर् वामकट्यां निधापयेत् ॥
nakāraḥ śāṃbhavaḥ śyāmo dakṣiṇe tu vyavasthitaḥ mokāraṃ kālam evāhur vāmakaṭyāṃ nidhāpayet //
The syllable 'na' is Śaṃbhu's, dark-coloured, placed on the right (foot); the syllable 'mo' they call Time — he should set it on the left hip.
AI translation rendered from the Sanskrit, not a published edition
BrP 61.11
नाकारः सर्वबीजं तु दक्षिणस्यां व्यवस्थितः राकारस् तेज इत्य् आहुर् नाभिदेशे व्यवस्थितः ॥
nākāraḥ sarvabījaṃ tu dakṣiṇasyāṃ vyavasthitaḥ rākāras teja ity āhur nābhideśe vyavasthitaḥ //
The syllable 'nā' is the seed of all, placed on the right (hip); the syllable 'rā' they call fire, placed in the region of the navel.
AI translation rendered from the Sanskrit, not a published edition
BrP 61.12
वायव्यो ऽयं यकारस् तु वामस्कन्धे समाश्रितः णाकारः सर्वगो ज्ञेयो दक्षिणांसे व्यवस्थितः यकारो ऽयं शिरस्थश् च यत्र लोकाः प्रतिष्ठिताः ॥
vāyavyo 'yaṃ yakāras tu vāmaskandhe samāśritaḥ ṇākāraḥ sarvago jñeyo dakṣiṇāṃse vyavasthitaḥ yakāro 'yaṃ śirasthaś ca yatra lokāḥ pratiṣṭhitāḥ //
This syllable 'ya' belongs to the wind, resting on the left shoulder; the syllable 'ṇā' is to be known as the all-pervading, placed on the right shoulder; and this syllable 'ya' stands on the head, wherein the worlds are established.
AI translation rendered from the Sanskrit, not a published edition
BrP 61.14
ममाग्रे ऽवस्थितो विष्णुः पृष्ठतश् चापि केशवः गोविन्दो दक्षिणे पार्श्वे वामे तु मधुसूदनः ॥
mamāgre 'vasthito viṣṇuḥ pṛṣṭhataś cāpi keśavaḥ govindo dakṣiṇe pārśve vāme tu madhusūdanaḥ //
Viṣṇu stands before me, and Keśava behind, Govinda on the right side, and Madhusūdana on the left;
AI translation rendered from the Sanskrit, not a published edition
BrP 61.15
उपरिष्टात् तु वैकुण्ठो वाराहः पृथिवीतले अवान्तरदिशो यास् तु तासु सर्वासु माधवः ॥
upariṣṭāt tu vaikuṇṭho vārāhaḥ pṛthivītale avāntaradiśo yās tu tāsu sarvāsu mādhavaḥ //
above is Vaikuṇṭha, and Varāha on the surface of the earth; and whatever the intermediate directions are, in all of them is Mādhava.
AI translation rendered from the Sanskrit, not a published edition
BrP 61.16
गच्छतस् तिष्ठतो वापि जाग्रतः स्वपतो ऽपि वा नरसिंहकृता गुप्तिर् वासुदेवमयो ह्य् अहम् ॥
gacchatas tiṣṭhato vāpi jāgrataḥ svapato 'pi vā narasiṃhakṛtā guptir vāsudevamayo hy aham //
Whether I go or stand, whether I wake or sleep, the protection is made by Narasiṃha, for I consist of Vāsudeva.
AI translation rendered from the Sanskrit, not a published edition
BrP 61.17
एवं विष्णुमयो भूत्वा ततः कर्म समारभेत् यथा देहे तथा देवे सर्वतत्त्वानि योजयेत् ॥
evaṃ viṣṇumayo bhūtvā tataḥ karma samārabhet yathā dehe tathā deve sarvatattvāni yojayet //
Having thus become filled with Viṣṇu, one should then begin the rite; as in the body, so in the deity one should place all the principles (tattvas).
AI translation rendered from the Sanskrit, not a published edition
BrP 61.18
ततश् चैव प्रकुर्वीत प्रोक्षणं प्रणवेन तु फट्कारान्तं समुद्दिष्टं सर्वविघ्नहरं शुभम् ॥
tataś caiva prakurvīta prokṣaṇaṃ praṇavena tu phaṭkārāntaṃ samuddiṣṭaṃ sarvavighnaharaṃ śubham //
Then one should perform the sprinkling with the praṇava (oṃ); (the formula) ending in the syllable phaṭ is prescribed, auspicious and removing all obstacles.
AI translation rendered from the Sanskrit, not a published edition
BrP 61.19
तत्रार्कचन्द्रवह्नीनां मण्डलानि विचिन्तयेत् पद्ममध्ये न्यसेद् विष्णुं पवनस्याम्बरस्य च ॥
tatrārkacandravahnīnāṃ maṇḍalāni vicintayet padmamadhye nyased viṣṇuṃ pavanasyāmbarasya ca //
There one should meditate on the discs of the sun, the moon, and fire; in the middle of the lotus one should place Viṣṇu, and (the discs) of wind and of ether.
AI translation rendered from the Sanskrit, not a published edition — the model flagged this verse as uncertain
BrP 61.20
ततो विचिन्त्य हृदय ॐकारं ज्योतीरूपिणम् कर्णिकायां समासीनं ज्योतीरूपं सनातनम् ॥
tato vicintya hṛdaya oṃkāraṃ jyotīrūpiṇam karṇikāyāṃ samāsīnaṃ jyotīrūpaṃ sanātanam //
Then, having meditated in the heart on Oṃkāra, whose form is light, seated on the pericarp (of the lotus), eternal, of the form of light—
AI translation rendered from the Sanskrit, not a published edition
BrP 61.21
अष्टाक्षरं ततो मन्त्रं विन्यसेच् च यथाक्रमम् तेन व्यस्तसमस्तेन पूजनं परमं स्मृतम् ॥
aṣṭākṣaraṃ tato mantraṃ vinyasec ca yathākramam tena vyastasamastena pūjanaṃ paramaṃ smṛtam //
Then one should place the eight-syllabled mantra in due order; worship with it, separately and as a whole, is held to be supreme.
AI translation rendered from the Sanskrit, not a published edition
BrP 61.22
द्वादशाक्षरमन्त्रेण यजेद् देवं सनातनम् ततो ऽवधार्य हृदये कर्णिकायां बहिर् न्यसेत् ॥
dvādaśākṣaramantreṇa yajed devaṃ sanātanam tato 'vadhārya hṛdaye karṇikāyāṃ bahir nyaset //
With the twelve-syllabled mantra one should worship the eternal god; then, having fixed (him) in the heart, one should place (him) outside, on the pericarp.
AI translation rendered from the Sanskrit, not a published edition
BrP 61.23
चतुर्भुजं महासत्त्वं सूर्यकोटिसमप्रभम् चिन्तयित्वा महायोगं ज्योतीरूपं सनातनम् ततश् चावाहयेन् मन्त्रं क्रमेणाचिन्त्य मानसे ॥
caturbhujaṃ mahāsattvaṃ sūryakoṭisamaprabham cintayitvā mahāyogaṃ jyotīrūpaṃ sanātanam tataś cāvāhayen mantraṃ krameṇācintya mānase //
Having meditated on (him as) four-armed, of great being, radiant like ten million suns, the great yoga, of the form of light, eternal—then one should invoke the mantra, contemplating (it) step by step in the mind.
AI translation rendered from the Sanskrit, not a published edition
BrP 61.25
ॐ नमो नारायणाय नमः ॥(ब्र्प्_६१।२४) स्थापनमन्त्रः: कर्णिकायां सुपीठे ऽत्र पद्मकल्पितम् आसनम् सर्वसत्त्वहितार्थाय तिष्ठ त्वं मधुसूदन ॥
oṃ namo nārāyaṇāya namaḥ ||(BrP_61.24) sthāpanamantraḥ: karṇikāyāṃ supīṭhe 'tra padmakalpitam āsanam sarvasattvahitārthāya tiṣṭha tvaṃ madhusūdana //
Oṃ, homage to Nārāyaṇa, homage. Mantra of installation: Here on the pericarp, on the fine seat, a place fashioned of lotus (has been made); for the welfare of all beings, take your stand, O Madhusūdana.
AI translation rendered from the Sanskrit, not a published edition
BrP 61.27
अर्घमन्त्रः: ॐ त्रैलोक्यपतीनां पतये देवदेवाय हृषीकेशाय विष्णवे नमः । ॐ नमो नारायणाय नमः ॥(ब्र्प्_६१।२६) पाद्यमन्त्रः: ॐ पाद्यं पादयोर् देव पद्मनाभ सनातन विष्णो कमलपत्त्राक्ष गृहाण मधुसूदन ॥
arghamantraḥ: oṃ trailokyapatīnāṃ pataye devadevāya hṛṣīkeśāya viṣṇave namaḥ | oṃ namo nārāyaṇāya namaḥ ||(BrP_61.26) pādyamantraḥ: oṃ pādyaṃ pādayor deva padmanābha sanātana viṣṇo kamalapattrākṣa gṛhāṇa madhusūdana //
Mantra of the guest-offering: Oṃ, homage to the lord of the lords of the three worlds, to the god of gods, to Hṛṣīkeśa, to Viṣṇu. Oṃ, homage to Nārāyaṇa, homage. Mantra of the foot-water: Oṃ, water for (your) feet, O god, O Padmanābha, eternal one; O Viṣṇu, lotus-petal-eyed, receive (it), O Madhusūdana.
AI translation rendered from the Sanskrit, not a published edition
BrP 61.28
ॐ नमो नारायणाय नमः ॥(ब्र्प्_६१।२७) मधुपर्कमन्त्रः: मधुपर्कं महादेव ब्रह्माद्यैः कल्पितं तव मया निवेदितं भक्त्या गृहाण पुरुषोत्तम ॥
oṃ namo nārāyaṇāya namaḥ ||(BrP_61.27) madhuparkamantraḥ: madhuparkaṃ mahādeva brahmādyaiḥ kalpitaṃ tava mayā niveditaṃ bhaktyā gṛhāṇa puruṣottama //
Oṃ, homage to Nārāyaṇa, homage. Mantra of the honey-mixture: The madhuparka, O great god, prepared for you by Brahmā and the others, offered by me with devotion—receive it, O Puruṣottama.
AI translation rendered from the Sanskrit, not a published edition
BrP 61.29
मन्दाकिन्याः सितं वारि सर्वपापहरं शिवम् गृहाणाचमनीयं त्वं मया भक्त्या निवेदितम् ॥
mandākinyāḥ sitaṃ vāri sarvapāpaharaṃ śivam gṛhāṇācamanīyaṃ tvaṃ mayā bhaktyā niveditam //
The white water of the Mandākinī, auspicious, remover of all sins—receive it as water for sipping, offered by me with devotion.
AI translation rendered from the Sanskrit, not a published edition
BrP 61.30
त्वम् आपः पृथिवी चैव ज्योतिस् त्वं वायुर् एव च लोकेश वृत्तिमात्रेण वारिणा स्नापयाम्य् अहम् ॥
tvam āpaḥ pṛthivī caiva jyotis tvaṃ vāyur eva ca lokeśa vṛttimātreṇa vāriṇā snāpayāmy aham //
You are the waters and the earth, you are light and the wind as well; O lord of the world, I bathe (you) with water merely as an observance.
AI translation rendered from the Sanskrit, not a published edition
BrP 61.31
देवतत्त्वसमायुक्त यज्ञवर्णसमन्वित स्वर्णवर्णप्रभे देव वाससी तव केशव ॥
devatattvasamāyukta yajñavarṇasamanvita svarṇavarṇaprabhe deva vāsasī tava keśava //
O you joined with the essence of the gods, endowed with the color of sacrifice, shining with the hue of gold—here are two garments for you, O god, O Keśava.
AI translation rendered from the Sanskrit, not a published edition
BrP 61.32
शरीरं ते न जानामि चेष्टां चैव च केशव मया निवेदितो गन्धः प्रतिगृह्य विलिप्यताम् ॥
śarīraṃ te na jānāmi ceṣṭāṃ caiva ca keśava mayā nivedito gandhaḥ pratigṛhya vilipyatām //
I do not know your body nor your movement, O Keśava; let the fragrant paste offered by me be accepted and smeared on.
AI translation rendered from the Sanskrit, not a published edition
BrP 61.33
ऋग्यजुःसाममन्त्रेण त्रिवृतं पद्मयोनिना सावित्रीग्रन्थिसंयुक्तम् उपवीतं तवार्पये ॥
ṛgyajuḥsāmamantreṇa trivṛtaṃ padmayoninā sāvitrīgranthisaṃyuktam upavītaṃ tavārpaye //
With the mantra of the Ṛg, Yajus and Sāman, threefold, (made) by the lotus-born (Brahmā), joined with the Sāvitrī knot—I present the sacred thread to you.
AI translation rendered from the Sanskrit, not a published edition
BrP 61.34
दिव्यरत्नसमायुक्त वह्निभानुसमप्रभ गात्राणि तव शोभन्तु सालंकाराणि माधव ॥
divyaratnasamāyukta vahnibhānusamaprabha gātrāṇi tava śobhantu sālaṃkārāṇi mādhava //
O you set with divine jewels, radiant as fire and the sun, let your limbs shine adorned with ornaments, O Mādhava.
AI translation rendered from the Sanskrit, not a published edition
BrP 61.36
वनस्पतिरसो दिव्यो गन्धाढ्यः सुरभिश् च ते मया निवेदितो भक्त्या धूपो ऽयं प्रतिगृह्यताम् ॥
vanaspatiraso divyo gandhāḍhyaḥ surabhiś ca te mayā nivedito bhaktyā dhūpo 'yaṃ pratigṛhyatām //
The divine sap of the forest trees, rich in scent and fragrant—this incense, offered by me with devotion, let it be accepted.
AI translation rendered from the Sanskrit, not a published edition
BrP 61.37
सूर्यचन्द्रसमो ज्योतिर् विद्युदग्न्योस् तथैव च त्वम् एव ज्योतिषां देव दीपो ऽयं प्रतिगृह्यताम् ॥
sūryacandrasamo jyotir vidyudagnyos tathaiva ca tvam eva jyotiṣāṃ deva dīpo 'yaṃ pratigṛhyatām //
The light equal to the sun and moon, and likewise that of lightning and fire—you alone are (the light) of lights, O god; let this lamp be accepted.
AI translation rendered from the Sanskrit, not a published edition
BrP 61.38
अन्नं चतुर्विधं चैव रसैः षड्भिः समन्वितम् मया निवेदितं भक्त्या नैवेद्यं तव केशव ॥
annaṃ caturvidhaṃ caiva rasaiḥ ṣaḍbhiḥ samanvitam mayā niveditaṃ bhaktyā naivedyaṃ tava keśava //
Food of four kinds, endowed with the six flavors, offered by me with devotion—this is your food-offering, O Keśava.
AI translation rendered from the Sanskrit, not a published edition
BrP 61.39
पूर्वे दले वासुदेवं याम्ये संकर्षणं न्यसेत् प्रद्युम्नं पश्चिमे कुर्याद् अनिरुद्धं तथोत्तरे ॥
pūrve dale vāsudevaṃ yāmye saṃkarṣaṇaṃ nyaset pradyumnaṃ paścime kuryād aniruddhaṃ tathottare //
On the eastern petal one should place Vāsudeva, on the southern Saṃkarṣaṇa; one should set Pradyumna on the western and Aniruddha on the northern.
AI translation rendered from the Sanskrit, not a published edition
BrP 61.40
वाराहं च तथाग्नेये नरसिंहं च नैरृते वायव्ये माधवं चैव तथैशाने त्रिविक्रमम् ॥
vārāhaṃ ca tathāgneye narasiṃhaṃ ca nairṛte vāyavye mādhavaṃ caiva tathaiśāne trivikramam //
And (he should place) the Boar in the southeast and the Man-Lion in the southwest, Mādhava in the northwest, and Trivikrama in the northeast.
AI translation rendered from the Sanskrit, not a published edition
BrP 61.41
तथाष्टाक्षरदेवस्य गरुडं पुरतो न्यसेत् वामपार्श्वे तथा चक्रं शङ्खं दक्षिणतो न्यसेत् ॥
tathāṣṭākṣaradevasya garuḍaṃ purato nyaset vāmapārśve tathā cakraṃ śaṅkhaṃ dakṣiṇato nyaset //
Then he should place Garuḍa in front of the god of the eight-syllable (mantra), and the discus on the left side, and the conch he should place on the right.
AI translation rendered from the Sanskrit, not a published edition
BrP 61.42
तथा महागदां चैव न्यसेद् देवस्य दक्षिणे ततः शार्ङ्गं धनुर् विद्वान् न्यसेद् देवस्य वामतः ॥
tathā mahāgadāṃ caiva nyased devasya dakṣiṇe tataḥ śārṅgaṃ dhanur vidvān nyased devasya vāmataḥ //
So too the great mace he should place on the god's right; then the knowing (worshipper) should place the horn bow on the god's left.
AI translation rendered from the Sanskrit, not a published edition
BrP 61.43
दक्षिणेनेषुधी दिव्ये खड्गं वामे च विन्यसेत् श्रियं दक्षिणतः स्थाप्य पुष्टिम् उत्तरतो न्यसेत् ॥
dakṣiṇeneṣudhī divye khaḍgaṃ vāme ca vinyaset śriyaṃ dakṣiṇataḥ sthāpya puṣṭim uttarato nyaset //
On the right he should set the two divine quivers, and on the left the sword; having placed Śrī on the right, he should place Puṣṭi on the north.
AI translation rendered from the Sanskrit, not a published edition
BrP 61.44
वनमालां च पुरतस् ततः श्रीवत्सकौस्तुभौ विन्यसेद् धृदयादीनि पूर्वादिषु चतुर्दिशम् ॥
vanamālāṃ ca puratas tataḥ śrīvatsakaustubhau vinyased dhṛdayādīni pūrvādiṣu caturdiśam //
And in front the forest-garland, then the Śrīvatsa and the Kaustubha; he should place the heart and the rest in the four directions beginning with the east.
AI translation rendered from the Sanskrit, not a published edition
BrP 61.45
ततो ऽस्त्रं देवदेवस्य कोणे चैव तु विन्यसेत् इन्द्रम् अग्निं यमं चैव नैरृतं वरुणं तथा ॥
tato 'straṃ devadevasya koṇe caiva tu vinyaset indram agniṃ yamaṃ caiva nairṛtaṃ varuṇaṃ tathā //
Then he should place the weapon (mantra) of the god of gods in the corner; and (he should place) Indra, Agni, Yama, Nirṛti, and Varuṇa,
AI translation rendered from the Sanskrit, not a published edition
BrP 61.46
वायुं धनदम् ईशानम् अनन्तं ब्रह्मणा सह पूजयेत् तान्त्रिकैर् मन्त्रैर् अधश् चोर्ध्वं तथैव च ॥
vāyuṃ dhanadam īśānam anantaṃ brahmaṇā saha pūjayet tāntrikair mantrair adhaś cordhvaṃ tathaiva ca //
Vāyu, the Giver of Wealth (Kubera), Īśāna, Ananta together with Brahmā — these he should worship with tantric mantras, and likewise below and above.
AI translation rendered from the Sanskrit, not a published edition
BrP 61.47
एवं संपूज्य देवेशं मण्डलस्थं जनार्दनम् लभेद् अभिमतान् कामान् नरो नास्त्य् अत्र संशयः ॥
evaṃ saṃpūjya deveśaṃ maṇḍalasthaṃ janārdanam labhed abhimatān kāmān naro nāsty atra saṃśayaḥ //
Having thus worshipped Janārdana, lord of gods, present in the maṇḍala, a man obtains the desires he wishes for; there is no doubt in this.
AI translation rendered from the Sanskrit, not a published edition
BrP 61.48
अनेनैव विधानेन मण्डलस्थं जनार्दनम् पूजितं यः संपश्येत स विशेद् विष्णुम् अव्ययम् ॥
anenaiva vidhānena maṇḍalasthaṃ janārdanam pūjitaṃ yaḥ saṃpaśyeta sa viśed viṣṇum avyayam //
Whoever should behold Janārdana present in the maṇḍala, worshipped by just this rite, he enters the imperishable Viṣṇu.
AI translation rendered from the Sanskrit, not a published edition
BrP 61.49
सकृद् अप्य् अर्चितो येन विधिनानेन केशवः जन्ममृत्युजरां तीर्त्वा स विष्णोः पदम् आप्नुयात् ॥
sakṛd apy arcito yena vidhinānena keśavaḥ janmamṛtyujarāṃ tīrtvā sa viṣṇoḥ padam āpnuyāt //
He by whom Keśava has been worshipped by this rite even once, having crossed over birth, death, and old age, would attain the state of Viṣṇu.
AI translation rendered from the Sanskrit, not a published edition
BrP 61.50
यः स्मरेत् सततं भक्त्या नारायणम् अतन्द्रितः अन्वहं तस्य वासाय श्वेतद्वीपः प्रकल्पितः ॥
yaḥ smaret satataṃ bhaktyā nārāyaṇam atandritaḥ anvahaṃ tasya vāsāya śvetadvīpaḥ prakalpitaḥ //
For him who, unwearied, constantly remembers Nārāyaṇa with devotion, day after day, Śvetadvīpa is appointed as his dwelling.
AI translation rendered from the Sanskrit, not a published edition
BrP 61.51
ॐकारादिसमायुक्तं नमःकारान्तदीपितम् तन्नाम सर्वतत्त्वानां मन्त्र इत्य् अभिधीयते ॥
oṃkārādisamāyuktaṃ namaḥkārāntadīpitam tannāma sarvatattvānāṃ mantra ity abhidhīyate //
Joined with the syllable Oṃ at the beginning and made bright with "namaḥ" at the end, that name (of him) is called the mantra of all realities.
AI translation rendered from the Sanskrit, not a published edition
BrP 61.52
अनेनैव विधानेन गन्धपुष्पं निवेदयेत् एकैकस्य प्रकुर्वीत यथोद्दिष्टं क्रमेण तु ॥
anenaiva vidhānena gandhapuṣpaṃ nivedayet ekaikasya prakurvīta yathoddiṣṭaṃ krameṇa tu //
By this very procedure he should offer perfume and flowers; he should do it for each one severally, in order, as prescribed.
AI translation rendered from the Sanskrit, not a published edition
BrP 61.53
मुद्रास् ततो निबध्नीयाद् यथोक्तक्रमचोदिताः जपं चैव प्रकुर्वीत मूलमन्त्रेण मन्त्रवित् ॥
mudrās tato nibadhnīyād yathoktakramacoditāḥ japaṃ caiva prakurvīta mūlamantreṇa mantravit //
Then he should form the hand-gestures, prompted in the sequence as stated; and the knower of mantras should perform the recitation with the root mantra.
AI translation rendered from the Sanskrit, not a published edition
BrP 61.54
अष्टाविंशतिम् अष्टौ वा शतम् अष्टोत्तरं तथा कामेषु च यथाप्रोक्तं यथाशक्ति समाहितः ॥
aṣṭāviṃśatim aṣṭau vā śatam aṣṭottaraṃ tathā kāmeṣu ca yathāproktaṃ yathāśakti samāhitaḥ //
Twenty-eight, or eight, or a hundred and eight (times), and in (rites for particular) desires as has been stated, according to his ability, with concentrated mind.
AI translation rendered from the Sanskrit, not a published edition
BrP 61.55
पद्मं शङ्खश् च श्रीवत्सो गदा गरुड एव च चक्रं खड्गश् च शार्ङ्गं च अष्टौ मुद्राः प्रकीर्तिताः ॥
padmaṃ śaṅkhaś ca śrīvatso gadā garuḍa eva ca cakraṃ khaḍgaś ca śārṅgaṃ ca aṣṭau mudrāḥ prakīrtitāḥ //
The lotus, the conch, the Śrīvatsa, the mace, and Garuḍa, the discus, the sword, and the horn bow — these are proclaimed as the eight gestures.
AI translation rendered from the Sanskrit, not a published edition
BrP 61.56
गच्छ गच्छ परं स्थानं पुराणपुरुषोत्तम यत्र ब्रह्मादयो देवा विन्दन्ति परमं पदम् ॥
gaccha gaccha paraṃ sthānaṃ purāṇapuruṣottama yatra brahmādayo devā vindanti paramaṃ padam //
"Go, go to the highest place, O ancient supreme Person, where the gods beginning with Brahmā find the supreme station."
AI translation rendered from the Sanskrit, not a published edition
BrP 61.57
अर्चनं ये न जानन्ति हरेर् मन्त्रैर् यथोदितम् ते तत्र मूलमन्त्रेण पूजयन्त्व् अच्युतं सदा ॥
arcanaṃ ye na jānanti harer mantrair yathoditam te tatra mūlamantreṇa pūjayantv acyutaṃ sadā //
Those who do not know the worship of Hari with the mantras as stated — let them there always worship Acyuta with the root mantra.
AI translation rendered from the Sanskrit, not a published edition