Brahma Purana — Chapter 60
BrP 60.1
श्वेतमाधवम् आलोक्य समीपे मत्स्यमाधवम् एकार्णवजले पूर्वं रोहितं रूपम् आस्थितम् ॥
śvetamādhavam ālokya samīpe matsyamādhavam ekārṇavajale pūrvaṃ rohitaṃ rūpam āsthitam //
Having beheld Śvetamādhava, (and) nearby Matsyamādhava, who in the primeval time, in the water of the single ocean, took on the form of a fish (rohita),
AI translation rendered from the Sanskrit, not a published edition
BrP 60.2
वेदानां हरणार्थाय रसातलतले स्थितम् चिन्तयित्वा क्षितिं सम्यक् तस्मिन् स्थाने प्रतिष्ठितम् ॥
vedānāṃ haraṇārthāya rasātalatale sthitam cintayitvā kṣitiṃ samyak tasmin sthāne pratiṣṭhitam //
and who, in order to recover the Vedas, stood at the bottom of the netherworld — having duly meditated on the earth (?) established in that place,
AI translation rendered from the Sanskrit, not a published edition — the model flagged this verse as uncertain
BrP 60.3
आद्यावतरणं रूपं माधवं मत्स्यरूपिणम् प्रणम्य प्रणतो भूत्वा सर्वदुःखाद् विमुच्यते ॥
ādyāvataraṇaṃ rūpaṃ mādhavaṃ matsyarūpiṇam praṇamya praṇato bhūtvā sarvaduḥkhād vimucyate //
having bowed low to Mādhava in the fish-form, that form which was the first descent, one is freed from all suffering.
AI translation rendered from the Sanskrit, not a published edition
BrP 60.4
प्रयाति परमं स्थानं यत्र देवो हरिः स्वयम् काले पुनर् इहायातो राजा स्यात् पृथिवीतले ॥
prayāti paramaṃ sthānaṃ yatra devo hariḥ svayam kāle punar ihāyāto rājā syāt pṛthivītale //
He goes to the highest abode, where the god Hari himself is; and if in time he comes back here, he becomes a king on the face of the earth.
AI translation rendered from the Sanskrit, not a published edition
BrP 60.5
वत्समाधवम् आसाद्य दुराधर्षो भवेन् नरः दाता भोक्ता भवेद् यज्वा वैष्णवः सत्यसंगरः ॥
vatsamādhavam āsādya durādharṣo bhaven naraḥ dātā bhoktā bhaved yajvā vaiṣṇavaḥ satyasaṃgaraḥ //
Having reached Vatsamādhava, a man becomes unassailable; he becomes a giver, an enjoyer, a sacrificer, a Vaiṣṇava, true to his promises.
AI translation rendered from the Sanskrit, not a published edition
BrP 60.6
योगं प्राप्य हरेः पश्चात् ततो मोक्षम् अवाप्नुयात् मत्स्यमाधवमाहात्म्यं मया संपरिकीर्तितम् यं दृष्ट्वा मुनिशार्दूलाः सर्वान् कामान् अवाप्नुयात् ॥
yogaṃ prāpya hareḥ paścāt tato mokṣam avāpnuyāt matsyamādhavamāhātmyaṃ mayā saṃparikīrtitam yaṃ dṛṣṭvā muniśārdūlāḥ sarvān kāmān avāpnuyāt //
Attaining union with Hari, thereafter he obtains liberation. The greatness of Matsyamādhava has been fully proclaimed by me — seeing whom, O tigers among sages, one obtains all one's desires.
AI translation rendered from the Sanskrit, not a published edition
BrP 60.7
भगवञ् श्रोतुम् इच्छामो मार्जनं वरुणालये क्रियते स्नानदानादि तस्याशेषफलं वद ॥
bhagavañ śrotum icchāmo mārjanaṃ varuṇālaye kriyate snānadānādi tasyāśeṣaphalaṃ vada //
"Lord, we wish to hear about the 'cleansing' at Varuṇa's abode: the bathing, giving and the rest that is performed (there) — tell (us) its full fruit."
AI translation rendered from the Sanskrit, not a published edition
BrP 60.8
शृणुध्वं मुनिशार्दूला मार्जनस्य यथाविधि भक्त्या तु तन्मना भूत्वा संप्राप्य पुण्यम् उत्तमम् ॥
śṛṇudhvaṃ muniśārdūlā mārjanasya yathāvidhi bhaktyā tu tanmanā bhūtvā saṃprāpya puṇyam uttamam //
"Hear, O tigers among sages, about the cleansing according to rule, (performed) with devotion, with the mind fixed upon it, whereby the highest merit is won.
AI translation rendered from the Sanskrit, not a published edition — the model flagged this verse as uncertain
BrP 60.9
मार्कण्डेयह्रदे स्नानं पूर्वकाले प्रशस्यते चतुर्दश्यां विशेषेण सर्वपापप्रणाशनम् ॥
mārkaṇḍeyahrade snānaṃ pūrvakāle praśasyate caturdaśyāṃ viśeṣeṇa sarvapāpapraṇāśanam //
Bathing in Mārkaṇḍeya's pool is commended in the earlier (part of the day / former age), and especially on the fourteenth day it destroys all sins.
AI translation rendered from the Sanskrit, not a published edition
BrP 60.10
तद्वत् स्नानं समुद्रस्य सर्वकालं प्रशस्यते पौर्णमास्यां विशेषेण हयमेधफलं लभेत् ॥
tadvat snānaṃ samudrasya sarvakālaṃ praśasyate paurṇamāsyāṃ viśeṣeṇa hayamedhaphalaṃ labhet //
Likewise bathing in the ocean is commended at all times, and especially on the full-moon day one obtains the fruit of a horse-sacrifice.
AI translation rendered from the Sanskrit, not a published edition
BrP 60.11
मार्कण्डेयं वटं कृष्णं रौहिणेयं महोदधिम् इन्द्रद्युम्नसरश् चैव पञ्चतीर्थीविधिः स्मृतः ॥
mārkaṇḍeyaṃ vaṭaṃ kṛṣṇaṃ rauhiṇeyaṃ mahodadhim indradyumnasaraś caiva pañcatīrthīvidhiḥ smṛtaḥ //
Mārkaṇḍeya (pool), the banyan, Kṛṣṇa, the son of Rohiṇī, the great ocean, and Indradyumna's lake: this is known as the rule of the five holy places.
AI translation rendered from the Sanskrit, not a published edition
BrP 60.12
पूर्णिमा ज्येष्ठमासस्य ज्येष्ठा ऋक्षं यदा भवेत् तदा गच्छेद् विशेषेण तीर्थराजं परं शुभम् ॥
pūrṇimā jyeṣṭhamāsasya jyeṣṭhā ṛkṣaṃ yadā bhavet tadā gacched viśeṣeṇa tīrtharājaṃ paraṃ śubham //
When the full moon of the month of Jyeṣṭha falls with the asterism Jyeṣṭhā, then especially should one go to that king of holy places, supremely auspicious.
AI translation rendered from the Sanskrit, not a published edition
BrP 60.13
कायवाङ्मानसैः शुद्धस् तद्भावो नान्यमानसः सर्वद्वंद्वविनिर्मुक्तो वीतरागो विमत्सरः ॥
kāyavāṅmānasaiḥ śuddhas tadbhāvo nānyamānasaḥ sarvadvaṃdvavinirmukto vītarāgo vimatsaraḥ //
Pure in body, speech and mind, absorbed in that, his mind on nothing else, released from all pairs of opposites, free of passion, free of envy —
AI translation rendered from the Sanskrit, not a published edition
BrP 60.14
कल्पवृक्षवटं रम्यं तत्र स्नात्वा जनार्दनम् प्रदक्षिणं प्रकुर्वीत त्रिवारं सुसमाहितः ॥
kalpavṛkṣavaṭaṃ ramyaṃ tatra snātvā janārdanam pradakṣiṇaṃ prakurvīta trivāraṃ susamāhitaḥ //
having bathed there, he should circumambulate the lovely wishing-tree banyan (and) Janārdana three times, well collected.
AI translation rendered from the Sanskrit, not a published edition
BrP 60.15
यं दृष्ट्वा मुच्यते पापात् सप्तजन्मसमुद्भवात् पुण्यं चाप्नोति विपुलं गतिम् इष्टां च भो द्विजाः ॥
yaṃ dṛṣṭvā mucyate pāpāt saptajanmasamudbhavāt puṇyaṃ cāpnoti vipulaṃ gatim iṣṭāṃ ca bho dvijāḥ //
Seeing whom, one is freed from the sin arising in seven births, and obtains abundant merit and the desired destination, O twice-born ones.
AI translation rendered from the Sanskrit, not a published edition
BrP 60.16
तस्य नामानि वक्ष्यामि प्रमाणं च युगे युगे यथासंख्यं च भो विप्राः कृतादिषु यथाक्रमम् ॥
tasya nāmāni vakṣyāmi pramāṇaṃ ca yuge yuge yathāsaṃkhyaṃ ca bho viprāḥ kṛtādiṣu yathākramam //
I shall tell his names and his measure in each age, in order and in number, O brahmins, in the Kṛta age and the rest, in sequence.
AI translation rendered from the Sanskrit, not a published edition
BrP 60.17
वटं वटेश्वरं कृष्णं पुराणपुरुषं द्विजाः वटस्यैतानि नामानि कीर्तितानि कृतादिषु ॥
vaṭaṃ vaṭeśvaraṃ kṛṣṇaṃ purāṇapuruṣaṃ dvijāḥ vaṭasyaitāni nāmāni kīrtitāni kṛtādiṣu //
Vaṭa, Vaṭeśvara, Kṛṣṇa, Purāṇapuruṣa, O twice-born: these names of the banyan are proclaimed for the Kṛta age and the rest.
AI translation rendered from the Sanskrit, not a published edition
BrP 60.18
योजनं पादहीनं च योजनार्धं तदर्धकम् प्रमाणं कल्पवृक्षस्य कृतादौ परिकीर्तितम् ॥
yojanaṃ pādahīnaṃ ca yojanārdhaṃ tadardhakam pramāṇaṃ kalpavṛkṣasya kṛtādau parikīrtitam //
A yojana, a yojana less a quarter, half a yojana, and half of that: such is declared to be the measure of the wishing-tree in the Kṛta age and thereafter.
AI translation rendered from the Sanskrit, not a published edition
BrP 60.19
यथोक्तेन तु मन्त्रेण नमस्कृत्वा तु तं वटम् दक्षिणाभिमुखो गच्छेद् धन्वन्तरशतत्रयम् ॥
yathoktena tu mantreṇa namaskṛtvā tu taṃ vaṭam dakṣiṇābhimukho gacched dhanvantaraśatatrayam //
Having saluted that banyan with the mantra as stated, one should go facing south three hundred bow-lengths.
AI translation rendered from the Sanskrit, not a published edition
BrP 60.20
यत्रासौ दृश्यते विष्णुः स्वर्गद्वारं मनोरमम् सागराम्भःसमाकृष्टं काष्ठं सर्वगुणान्वितम् ॥
yatrāsau dṛśyate viṣṇuḥ svargadvāraṃ manoramam sāgarāmbhaḥsamākṛṣṭaṃ kāṣṭhaṃ sarvaguṇānvitam //
where that Viṣṇu is seen — the delightful gate of heaven — the wood drawn in by the ocean water, endowed with all good qualities.
AI translation rendered from the Sanskrit, not a published edition — the model flagged this verse as uncertain
BrP 60.21
प्रणिपत्य ततस् तं भोः परिपूज्य ततः पुनः मुच्यते सर्वरोगाद्यैस् तथा पापैर् ग्रहादिभिः ॥
praṇipatya tatas taṃ bhoḥ paripūjya tataḥ punaḥ mucyate sarvarogādyais tathā pāpair grahādibhiḥ //
Then, having bowed down to him, sirs, and then again having worshipped (him) fully, one is freed from all diseases and the like, and likewise from sins and from planets (i.e. their evil influences) and the rest.
AI translation rendered from the Sanskrit, not a published edition
BrP 60.22
उग्रसेनं पुरा दृष्ट्वा स्वर्गद्वारेण सागरम् गत्वाचम्य शुचिस् तत्र ध्यात्वा नारायणं परम् ॥
ugrasenaṃ purā dṛṣṭvā svargadvāreṇa sāgaram gatvācamya śucis tatra dhyātvā nārāyaṇaṃ param //
Having first seen Ugrasena, (and) having gone to the ocean by way of the Gate of Heaven, having sipped water and being pure, having there meditated on the supreme Nārāyaṇa,
AI translation rendered from the Sanskrit, not a published edition
BrP 60.23
न्यसेद् अष्टाक्षरं मन्त्रं पश्चाद् धस्तशरीरयोः ॐ नमो नारायणायेति यं वदन्ति मनीषिणः ॥
nyased aṣṭākṣaraṃ mantraṃ paścād dhastaśarīrayoḥ oṃ namo nārāyaṇāyeti yaṃ vadanti manīṣiṇaḥ //
one should then place the eight-syllabled mantra upon the hand and the body—(the mantra) which the wise declare to be "Oṃ, homage to Nārāyaṇa."
AI translation rendered from the Sanskrit, not a published edition
BrP 60.24
किं कार्यं बहुभिर् मन्त्रैर् मनोविभ्रमकारकैः ॐ नमो नारायणायेति मन्त्रः सर्वार्थसाधकः ॥
kiṃ kāryaṃ bahubhir mantrair manovibhramakārakaiḥ oṃ namo nārāyaṇāyeti mantraḥ sarvārthasādhakaḥ //
What need is there of many mantras, which cause confusion of the mind? The mantra "Oṃ, homage to Nārāyaṇa" accomplishes every purpose.
AI translation rendered from the Sanskrit, not a published edition
BrP 60.25
आपो नरस्य सूनुत्वान् नारा इतीह कीर्तिताः विष्णोस् तास् त्व् अयनं पूर्वं तेन नारायणः स्मृतः ॥
āpo narasya sūnutvān nārā itīha kīrtitāḥ viṣṇos tās tv ayanaṃ pūrvaṃ tena nārāyaṇaḥ smṛtaḥ //
The waters, since they are offspring of Nara, are here called "nārā"; and they were formerly the abode (ayana) of Viṣṇu—hence he is remembered as Nārāyaṇa.
AI translation rendered from the Sanskrit, not a published edition
BrP 60.26
नारायणपरा वेदा नारायणपरा द्विजाः नारायणपरा यज्ञा नारायणपराः क्रियाः ॥
nārāyaṇaparā vedā nārāyaṇaparā dvijāḥ nārāyaṇaparā yajñā nārāyaṇaparāḥ kriyāḥ //
The Vedas have Nārāyaṇa as their highest (goal); the twice-born have Nārāyaṇa as their highest; the sacrifices have Nārāyaṇa as their highest; the rites have Nārāyaṇa as their highest.
AI translation rendered from the Sanskrit, not a published edition
BrP 60.27
नारायणपरा पृथ्वी नारायणपरं जलम् नारायणपरो वह्निर् नारायणपरं नभः ॥
nārāyaṇaparā pṛthvī nārāyaṇaparaṃ jalam nārāyaṇaparo vahnir nārāyaṇaparaṃ nabhaḥ //
The earth has Nārāyaṇa as its highest; the water has Nārāyaṇa as its highest; fire has Nārāyaṇa as its highest; the sky has Nārāyaṇa as its highest.
AI translation rendered from the Sanskrit, not a published edition
BrP 60.28
नारायणपरो वायुर् नारायणपरं मनः अहंकारश् च बुद्धिश् च उभे नारायणात्मके ॥
nārāyaṇaparo vāyur nārāyaṇaparaṃ manaḥ ahaṃkāraś ca buddhiś ca ubhe nārāyaṇātmake //
The wind has Nārāyaṇa as its highest; the mind has Nārāyaṇa as its highest; and both the I-sense and the intellect have Nārāyaṇa as their essence.
AI translation rendered from the Sanskrit, not a published edition
BrP 60.29
भूतं भव्यं भविष्यं च यत् किंचिज् जीवसंज्ञितम् स्थूलं सूक्ष्मं परं चैव सर्वं नारायणात्मकम् ॥
bhūtaṃ bhavyaṃ bhaviṣyaṃ ca yat kiṃcij jīvasaṃjñitam sthūlaṃ sūkṣmaṃ paraṃ caiva sarvaṃ nārāyaṇātmakam //
What has been, what is coming to be, and what will be, whatever is called a living being, the gross, the subtle, and the supreme too—all has Nārāyaṇa as its essence.
AI translation rendered from the Sanskrit, not a published edition
BrP 60.30
शब्दाद्या विषयाः सर्वे श्रोत्रादीनीन्द्रियाणि च प्रकृतिः पुरुषश् चैव सर्वे नारायणात्मकाः ॥
śabdādyā viṣayāḥ sarve śrotrādīnīndriyāṇi ca prakṛtiḥ puruṣaś caiva sarve nārāyaṇātmakāḥ //
All the objects (of sense) beginning with sound, and the sense-organs beginning with the ear, and primal nature and the person—all have Nārāyaṇa as their essence.
AI translation rendered from the Sanskrit, not a published edition
BrP 60.31
जले स्थले च पाताले स्वर्गलोके ऽम्बरे नगे अवष्टभ्य इदं सर्वम् आस्ते नारायणः प्रभुः ॥
jale sthale ca pātāle svargaloke 'mbare nage avaṣṭabhya idaṃ sarvam āste nārāyaṇaḥ prabhuḥ //
In water, on land, in the netherworld, in the world of heaven, in the sky, on the mountain—Lord Nārāyaṇa abides, supporting all this.
AI translation rendered from the Sanskrit, not a published edition
BrP 60.32
किं चात्र बहुनोक्तेन जगद् एतच् चराचरम् ब्रह्मादिस्तम्बपर्यन्तं सर्वं नारायणात्मकम् ॥
kiṃ cātra bahunoktena jagad etac carācaram brahmādistambaparyantaṃ sarvaṃ nārāyaṇātmakam //
And what need of much talk here? This world, moving and unmoving, from Brahmā down to a clump of grass—all has Nārāyaṇa as its essence.
AI translation rendered from the Sanskrit, not a published edition
BrP 60.33
नारायणात् परं किंचिन् नेह पश्यामि भो द्विजाः तेन व्याप्तम् इदं सर्वं दृश्यादृश्यं चराचरम् ॥
nārāyaṇāt paraṃ kiṃcin neha paśyāmi bho dvijāḥ tena vyāptam idaṃ sarvaṃ dṛśyādṛśyaṃ carācaram //
I see here nothing higher than Nārāyaṇa, O twice-born ones; by him is all this pervaded, the seen and the unseen, moving and unmoving.
AI translation rendered from the Sanskrit, not a published edition
BrP 60.34
आपो ह्य् आयतनं विष्णोः स च एवाम्भसां पतिः तस्माद् अप्सु स्मरेन् नित्यं नारायणम् अघापहम् ॥
āpo hy āyatanaṃ viṣṇoḥ sa ca evāmbhasāṃ patiḥ tasmād apsu smaren nityaṃ nārāyaṇam aghāpaham //
For the waters are Viṣṇu's dwelling-place, and he himself is the lord of the waters; therefore, in the waters, one should constantly remember Nārāyaṇa, the remover of sin.
AI translation rendered from the Sanskrit, not a published edition
BrP 60.35
स्नानकाले विशेषेण चोपस्थाय जले शुचिः स्मरेन् नारायणं ध्यायेद् धस्ते काये च विन्यसेत् ॥
snānakāle viśeṣeṇa copasthāya jale śuciḥ smaren nārāyaṇaṃ dhyāyed dhaste kāye ca vinyaset //
And especially at the time of bathing, standing in the water and pure, one should remember Nārāyaṇa, should meditate (on him), and should place (the mantra) on the hand and on the body.
AI translation rendered from the Sanskrit, not a published edition
BrP 60.36
ॐकारं च नकारं च अङ्गुष्ठे हस्तयोर् न्यसेत् शेषैर् हस्ततलं यावत् तर्जन्यादिषु विन्यसेत् ॥
oṃkāraṃ ca nakāraṃ ca aṅguṣṭhe hastayor nyaset śeṣair hastatalaṃ yāvat tarjanyādiṣu vinyaset //
He should place the syllable oṃ and the syllable na on the thumbs of the two hands; with the remaining (syllables) he should place them on the index finger and the rest, as far as the palm of the hand.
AI translation rendered from the Sanskrit, not a published edition
BrP 60.37
ॐकारं वामपादे तु नकारं दक्षिणे न्यसेत् मोकारं वामकट्यां तु नाकारं दक्षिणे न्यसेत् ॥
oṃkāraṃ vāmapāde tu nakāraṃ dakṣiṇe nyaset mokāraṃ vāmakaṭyāṃ tu nākāraṃ dakṣiṇe nyaset //
He should place the syllable oṃ on the left foot, and the syllable na on the right; the syllable mo on the left hip, and the syllable nā on the right.
AI translation rendered from the Sanskrit, not a published edition
BrP 60.38
राकारं नाभिदेशे तु यकारं वामबाहुके णाकारं दक्षिणे न्यस्य यकारं मूर्ध्नि विन्यसेत् ॥
rākāraṃ nābhideśe tu yakāraṃ vāmabāhuke ṇākāraṃ dakṣiṇe nyasya yakāraṃ mūrdhni vinyaset //
The syllable rā on the region of the navel, the syllable ya on the left arm; having placed the syllable ṇā on the right, he should place the syllable ya on the head.
AI translation rendered from the Sanskrit, not a published edition
BrP 60.39
अधश् चोर्ध्वं च हृदये पार्श्वतः पृष्ठतो ऽग्रतः ध्यात्वा नारायणं पश्चाद् आरभेत् कवचं बुधः ॥
adhaś cordhvaṃ ca hṛdaye pārśvataḥ pṛṣṭhato 'grataḥ dhyātvā nārāyaṇaṃ paścād ārabhet kavacaṃ budhaḥ //
Below and above, in the heart, at the sides, behind, in front—having meditated on Nārāyaṇa, the wise man should then begin the (recitation of the) armour (kavaca).
AI translation rendered from the Sanskrit, not a published edition
BrP 60.40
पूर्वे मां पातु गोविन्दो दक्षिणे मधुसूदनः पश्चिमे श्रीधरो देवः केशवस् तु तथोत्तरे ॥
pūrve māṃ pātu govindo dakṣiṇe madhusūdanaḥ paścime śrīdharo devaḥ keśavas tu tathottare //
In the east may Govinda protect me, in the south Madhusūdana, in the west the god Śrīdhara, and in the north Keśava.
AI translation rendered from the Sanskrit, not a published edition
BrP 60.41
पातु विष्णुस् तथाग्नेये नैरृते माधवो ऽव्ययः वायव्ये तु हृषीकेशस् तथेशाने च वामनः ॥
pātu viṣṇus tathāgneye nairṛte mādhavo 'vyayaḥ vāyavye tu hṛṣīkeśas tatheśāne ca vāmanaḥ //
May Viṣṇu protect (me) in the southeast, and in the southwest the imperishable Mādhava; in the northwest Hṛṣīkeśa, and in the northeast Vāmana.
AI translation rendered from the Sanskrit, not a published edition
BrP 60.42
भूतले पातु वाराहस् तथोर्ध्वं च त्रिविक्रमः कृत्वैवं कवचं पश्चाद् आत्मानं चिन्तयेत् ततः ॥
bhūtale pātu vārāhas tathordhvaṃ ca trivikramaḥ kṛtvaivaṃ kavacaṃ paścād ātmānaṃ cintayet tataḥ //
On the earth's surface may the Boar protect (me), and above, Trivikrama. Having made the armor thus, one should then afterwards contemplate oneself.
AI translation rendered from the Sanskrit, not a published edition
BrP 60.43
अहं नारायणो देवः शङ्खचक्रगदाधरः एवं ध्यात्वा तदात्मानम् इमं मन्त्रम् उदीरयेत् ॥
ahaṃ nārāyaṇo devaḥ śaṅkhacakragadādharaḥ evaṃ dhyātvā tadātmānam imaṃ mantram udīrayet //
"I am the god Nārāyaṇa, bearer of conch, discus, and mace" — having meditated thus on oneself at that time, one should utter this mantra.
AI translation rendered from the Sanskrit, not a published edition
BrP 60.44
त्वम् अग्निर् द्विपदां नाथ रेतोधाः कामदीपनः प्रधानः सर्वभूतानां जीवानां प्रभुर् अव्ययः ॥
tvam agnir dvipadāṃ nātha retodhāḥ kāmadīpanaḥ pradhānaḥ sarvabhūtānāṃ jīvānāṃ prabhur avyayaḥ //
You are fire, lord of bipeds, the bestower of seed, the kindler of desire, the foremost of all beings, the imperishable lord of living creatures.
AI translation rendered from the Sanskrit, not a published edition
BrP 60.45
अमृतस्यारणिस् त्वं हि देवयोनिर् अपां पते वृजिनं हर मे सर्वं तीर्थराज नमो ऽस्तु ते ॥
amṛtasyāraṇis tvaṃ hi devayonir apāṃ pate vṛjinaṃ hara me sarvaṃ tīrtharāja namo 'stu te //
For you are the kindling-wood of immortality, the womb of the gods, O lord of waters; take away all my sin, O king of sacred fords — homage be to you.
AI translation rendered from the Sanskrit, not a published edition
BrP 60.46
एवम् उच्चार्य विधिवत् ततः स्नानं समाचरेत् अन्यथा भो द्विजश्रेष्ठाः स्नानं तत्र न शस्यते ॥
evam uccārya vidhivat tataḥ snānaṃ samācaret anyathā bho dvijaśreṣṭhāḥ snānaṃ tatra na śasyate //
Having uttered (this) thus according to the rule, one should then perform the bath; otherwise, O best of twice-born, bathing there is not commended.
AI translation rendered from the Sanskrit, not a published edition
BrP 60.47
कृत्वा तु वैदिकैर् मन्त्रैर् अभिषेकं च मार्जनम् अन्तर् जले जपेत् पश्चात् त्रिर् आवृत्त्याघमर्षणम् ॥
kṛtvā tu vaidikair mantrair abhiṣekaṃ ca mārjanam antar jale japet paścāt trir āvṛttyāghamarṣaṇam //
But having performed the aspersion and the wiping with Vedic mantras, one should afterwards, within the water, recite the Aghamarṣaṇa (hymn), repeating it three times.
AI translation rendered from the Sanskrit, not a published edition
BrP 60.48
हयमेधो यथा विप्राः सर्वपापहरः क्रतुः तथाघमर्षणं चात्र सूक्तं सर्वाघनाशनम् ॥
hayamedho yathā viprāḥ sarvapāpaharaḥ kratuḥ tathāghamarṣaṇaṃ cātra sūktaṃ sarvāghanāśanam //
Just as the horse-sacrifice, O brahmins, is a rite that removes all sin, so too here the Aghamarṣaṇa hymn destroys all sin.
AI translation rendered from the Sanskrit, not a published edition
BrP 60.49
उत्तीर्य वाससी धौते निर्मले परिधाय वै प्राणान् आयम्य चाचम्य संध्यां चोपास्य भास्करम् ॥
uttīrya vāsasī dhaute nirmale paridhāya vai prāṇān āyamya cācamya saṃdhyāṃ copāsya bhāskaram //
Having come out (of the water) and put on two washed, spotless garments, having restrained the breaths and sipped water, and having worshipped the twilight (prayer) and the sun,
AI translation rendered from the Sanskrit, not a published edition
BrP 60.50
उपतिष्ठेत् ततश् चोर्ध्वं क्षिप्त्वा पुष्पजलाञ्जलिम् उपस्थायोर्ध्वबाहुश् च तल्लिङ्गैर् भास्करं ततः ॥
upatiṣṭhet tataś cordhvaṃ kṣiptvā puṣpajalāñjalim upasthāyordhvabāhuś ca talliṅgair bhāskaraṃ tataḥ //
one should then stand in attendance and, throwing upward a handful of flowers and water, standing with arms raised, then (worship) the sun with the mantras belonging to him.
AI translation rendered from the Sanskrit, not a published edition
BrP 60.51
गायत्रीं पावनीं देवीं जपेद् अष्टोत्तरं शतम् अन्यांश् च सौरमन्त्रांश् च जप्त्वा तिष्ठन् समाहितः ॥
gāyatrīṃ pāvanīṃ devīṃ japed aṣṭottaraṃ śatam anyāṃś ca sauramantrāṃś ca japtvā tiṣṭhan samāhitaḥ //
He should recite the purifying goddess Gāyatrī one hundred and eight times, and having recited also the other solar mantras, remaining standing and collected,
AI translation rendered from the Sanskrit, not a published edition
BrP 60.52
कृत्वा प्रदक्षिणं सूर्यं नमस्कृत्योपविश्य च स्वाध्यायं प्राङ्मुखः कृत्वा तर्पयेद् दैवतान्य् ऋषीन् ॥
kṛtvā pradakṣiṇaṃ sūryaṃ namaskṛtyopaviśya ca svādhyāyaṃ prāṅmukhaḥ kṛtvā tarpayed daivatāny ṛṣīn //
having circumambulated the sun and made obeisance, and having sat down and performed his Vedic recitation facing east, he should offer water-libations to the gods and the seers,
AI translation rendered from the Sanskrit, not a published edition
BrP 60.53
मनुष्यांश् च पितॄंश् चान्यान् नामगोत्रेण मन्त्रवित् तोयेन तिलमिश्रेण विधिवत् सुसमाहितः ॥
manuṣyāṃś ca pitṝṃś cānyān nāmagotreṇa mantravit toyena tilamiśreṇa vidhivat susamāhitaḥ //
and to men and to the fathers and others, by name and lineage, one who knows the mantras, with water mixed with sesame, according to the rule, well collected.
AI translation rendered from the Sanskrit, not a published edition
BrP 60.54
तर्पणं देवतानां च पूर्वं कृत्वा समाहितः अधिकारी भवेत् पश्चात् पितॄणां तर्पणे द्विजः ॥
tarpaṇaṃ devatānāṃ ca pūrvaṃ kṛtvā samāhitaḥ adhikārī bhavet paścāt pitṝṇāṃ tarpaṇe dvijaḥ //
Having first performed, collected in mind, the libation to the gods, the twice-born then becomes entitled to the libation of the fathers.
AI translation rendered from the Sanskrit, not a published edition
BrP 60.55
श्राद्धे हवनकाले च पाणिनैकेन निर्वपेत् तर्पणे तूभयं कुर्याद् एष एव विधिः सदा ॥
śrāddhe havanakāle ca pāṇinaikena nirvapet tarpaṇe tūbhayaṃ kuryād eṣa eva vidhiḥ sadā //
At a śrāddha and at the time of oblation one should offer with one hand, but at the libation one should use both: this is always the rule.
AI translation rendered from the Sanskrit, not a published edition
BrP 60.56
अन्वारब्धेन सव्येन पाणिना दक्षिणेन तु तृप्यताम् इति सिञ्चेत् तु नामगोत्रेण वाग्यतः ॥
anvārabdhena savyena pāṇinā dakṣiṇena tu tṛpyatām iti siñcet tu nāmagotreṇa vāgyataḥ //
With the left hand laid along (the right), and with the right hand, he should pour, saying "may they be satisfied," with name and lineage, keeping silence.
AI translation rendered from the Sanskrit, not a published edition
BrP 60.57
कायस्थैर् यस् तिलैर् मोहात् करोति पितृतर्पणम् तर्पितास् तेन पितरस् त्वङ्मांसरुधिरास्थिभिः ॥
kāyasthair yas tilair mohāt karoti pitṛtarpaṇam tarpitās tena pitaras tvaṅmāṃsarudhirāsthibhiḥ //
Whoever out of confusion performs the libation to the fathers with sesame seeds (grown) on the body, by him the fathers are satisfied with skin, flesh, blood, and bones.
AI translation rendered from the Sanskrit, not a published edition — the model flagged this verse as uncertain
BrP 60.58
अङ्गस्थैर् न तिलैः कुर्याद् देवतापितृतर्पणम् रुधिरं तद् भवेत् तोयं प्रदाता किल्बिषी भवेत् ॥
aṅgasthair na tilaiḥ kuryād devatāpitṛtarpaṇam rudhiraṃ tad bhavet toyaṃ pradātā kilbiṣī bhavet //
One should not perform the libation to gods and fathers with sesame(-moles) situated on the body; that water would become blood, and the giver would become guilty of sin.
AI translation rendered from the Sanskrit, not a published edition
BrP 60.59
भूम्यां यद् दीयते तोयं दाता चैव जले स्थितः वृथा तन् मुनिशार्दूला नोपतिष्ठति कस्यचित् ॥
bhūmyāṃ yad dīyate toyaṃ dātā caiva jale sthitaḥ vṛthā tan muniśārdūlā nopatiṣṭhati kasyacit //
Water that is given upon the ground while the giver himself stands in water — that is in vain, O tigers among sages; it does not reach anyone.
AI translation rendered from the Sanskrit, not a published edition
BrP 60.60
स्थले स्थित्वा जले यस् तु प्रयच्छेद् उदकं नरः पितॄणां नोपतिष्ठेत सलिलं तन् निरर्थकम् ॥
sthale sthitvā jale yas tu prayacched udakaṃ naraḥ pitṝṇāṃ nopatiṣṭheta salilaṃ tan nirarthakam //
But the man who, standing on dry ground, offers water into the water — that water would not reach the fathers; it is useless.
AI translation rendered from the Sanskrit, not a published edition
BrP 60.61
उदके नोदकं कुर्यात् पितृभ्यश् च कदाचन उत्तीर्य तु शुचौ देशे कुर्याद् उदकतर्पणम् ॥
udake nodakaṃ kuryāt pitṛbhyaś ca kadācana uttīrya tu śucau deśe kuryād udakatarpaṇam //
One should never make the water(-offering) to the ancestors in water; rather, having come out (of the water), one should perform the water-libation on a clean spot.
AI translation rendered from the Sanskrit, not a published edition
BrP 60.62
नोदकेषु न पात्रेषु न क्रुद्धो नैकपाणिना नोपतिष्ठति तत् तोयं यद् भूम्यां न प्रदीयते ॥
nodakeṣu na pātreṣu na kruddho naikapāṇinā nopatiṣṭhati tat toyaṃ yad bhūmyāṃ na pradīyate //
Not into waters, nor into vessels, nor while angry, nor with one hand: that water does not reach (them) which is not given upon the ground.
AI translation rendered from the Sanskrit, not a published edition
BrP 60.63
पितॄणाम् अक्षयं स्थानं मही दत्ता मया द्विजाः तस्मात् तत्रैव दातव्यं पितॄणां प्रीतिम् इच्छता ॥
pitṝṇām akṣayaṃ sthānaṃ mahī dattā mayā dvijāḥ tasmāt tatraiva dātavyaṃ pitṝṇāṃ prītim icchatā //
The earth is the imperishable seat of the ancestors, given by me, O twice-born; therefore one who desires the ancestors' satisfaction should give (the water) just there.
AI translation rendered from the Sanskrit, not a published edition
BrP 60.64
भूमिपृष्ठे समुत्पन्ना भूम्यां चैव च संस्थिताः भूम्यां चैव लयं याता भूमौ दद्यात् ततो जलम् ॥
bhūmipṛṣṭhe samutpannā bhūmyāṃ caiva ca saṃsthitāḥ bhūmyāṃ caiva layaṃ yātā bhūmau dadyāt tato jalam //
(The ancestors) came into being on the surface of the earth, and on the earth they abode, and on the earth they went to dissolution; therefore one should give the water on the ground.
AI translation rendered from the Sanskrit, not a published edition
BrP 60.65
आस्तीर्य च कुशान् साग्रांस् तान् आवाह्य स्वमन्त्रतः प्राचीनाग्रेषु वै देवान् याम्याग्रेषु तथा पितॄन् ॥
āstīrya ca kuśān sāgrāṃs tān āvāhya svamantrataḥ prācīnāgreṣu vai devān yāmyāgreṣu tathā pitṝn //
And having spread out kuśa grasses with their tips (intact), having invoked them with their proper mantras — the gods on (grasses) with tips to the east, and the ancestors on (grasses) with tips to the south.
AI translation rendered from the Sanskrit, not a published edition