Brahma Purana — Chapter 6
BrP 6.1
विवस्वान् कश्यपाज् जज्ञे दाक्षायण्यां द्विजोत्तमाः तस्य भार्याभवत् संज्ञा त्वाष्ट्री देवी विवस्वतः ॥
vivasvān kaśyapāj jajñe dākṣāyaṇyāṃ dvijottamāḥ tasya bhāryābhavat saṃjñā tvāṣṭrī devī vivasvataḥ //
Vivasvat was born from Kaśyapa in Dākṣāyaṇī, O best of the twice-born; the wife of that Vivasvat was the goddess Saṃjñā, daughter of Tvaṣṭṛ.
AI translation rendered from the Sanskrit, not a published edition
BrP 6.2
सुरेश्वरीति विख्याता त्रिषु लोकेषु भाविनी सा वै भार्या भगवतो मार्तण्डस्य महात्मनः ॥
sureśvarīti vikhyātā triṣu lokeṣu bhāvinī sā vai bhāryā bhagavato mārtaṇḍasya mahātmanaḥ //
Renowned in the three worlds as the mistress of the gods, that beautiful lady was indeed the wife of the great-souled lord Mārtaṇḍa.
AI translation rendered from the Sanskrit, not a published edition
BrP 6.3
भर्तृरूपेण नातुष्यद् रूपयौवनशालिनी संज्ञा नाम सुतपसा सुदीप्तेन समन्विता ॥
bhartṛrūpeṇa nātuṣyad rūpayauvanaśālinī saṃjñā nāma sutapasā sudīptena samanvitā //
She named Saṃjñā, possessed of beauty and youth, endowed with excellent and blazing austerity, was not content with her husband's form.
AI translation rendered from the Sanskrit, not a published edition
BrP 6.4
आदित्यस्य हि तद् रूपं मण्डलस्य सुतेजसा गात्रेषु परिदग्धं वै नातिकान्तम् इवाभवत् ॥
ādityasya hi tad rūpaṃ maṇḍalasya sutejasā gātreṣu paridagdhaṃ vai nātikāntam ivābhavat //
For that form of the Sun, of the (solar) disc, being scorched on its limbs by (its own) great heat, appeared as if not very lovely.
AI translation rendered from the Sanskrit, not a published edition
BrP 6.5
न खल्व् अयं मृतो ऽण्डस्य इति स्नेहाद् अभाषत अजानन् काश्यपस् तस्मान् मार्तण्ड इति चोच्यते ॥
na khalv ayaṃ mṛto 'ṇḍasya iti snehād abhāṣata ajānan kāśyapas tasmān mārtaṇḍa iti cocyate //
"Surely this one, (born) of the egg, is not dead"—so, out of affection and in ignorance, Kaśyapa spoke; therefore he is called Mārtaṇḍa.
AI translation rendered from the Sanskrit, not a published edition — the model flagged this verse as uncertain
BrP 6.6
तेजस् त्व् अभ्यधिकं तस्य नित्यम् एव विवस्वतः येनातितापयाम् आस त्रींल् लोकान् कश्यपात्मजः ॥
tejas tv abhyadhikaṃ tasya nityam eva vivasvataḥ yenātitāpayām āsa trīṃl lokān kaśyapātmajaḥ //
But the heat of that Vivasvat was always excessive, by which the son of Kaśyapa scorched the three worlds exceedingly.
AI translation rendered from the Sanskrit, not a published edition
BrP 6.7
त्रीण्य् अपत्यानि भो विप्राः संज्ञायां तपतां वरः आदित्यो जनयाम् आस कन्यां द्वौ च प्रजापती ॥
trīṇy apatyāni bho viprāḥ saṃjñāyāṃ tapatāṃ varaḥ ādityo janayām āsa kanyāṃ dvau ca prajāpatī //
O brahmins, the Sun, best of the burning ones, begot three children upon Saṃjñā: a daughter and two lords of creatures.
AI translation rendered from the Sanskrit, not a published edition
BrP 6.8
मनुर् वैवस्वतः पूर्वं श्राद्धदेवः प्रजापतिः यमश् च यमुना चैव यमजौ संबभूवतुः ॥
manur vaivasvataḥ pūrvaṃ śrāddhadevaḥ prajāpatiḥ yamaś ca yamunā caiva yamajau saṃbabhūvatuḥ //
First Manu Vaivasvata, the Śrāddhadeva, a lord of creatures; and Yama and Yamunā were born as twins.
AI translation rendered from the Sanskrit, not a published edition
BrP 6.9
श्यामवर्णं तु तद् रूपं संज्ञा दृष्ट्वा विवस्वतः असहन्ती तु स्वां छायां सवर्णां निर्ममे ततः ॥
śyāmavarṇaṃ tu tad rūpaṃ saṃjñā dṛṣṭvā vivasvataḥ asahantī tu svāṃ chāyāṃ savarṇāṃ nirmame tataḥ //
But Saṃjñā, seeing that form of Vivasvat to be dark in hue, and unable to bear it, then fashioned from her own shadow a woman of like appearance.
AI translation rendered from the Sanskrit, not a published edition
BrP 6.10
मायामयी तु सा संज्ञा तस्यां छायासमुत्थिताम् प्राञ्जलिः प्रणता भूत्वा छाया संज्ञां द्विजोत्तमाः ॥
māyāmayī tu sā saṃjñā tasyāṃ chāyāsamutthitām prāñjaliḥ praṇatā bhūtvā chāyā saṃjñāṃ dvijottamāḥ //
That Saṃjñā (was) made of magic; Chāyā, who had arisen from her (own) shadow, bowing with palms joined, O best of the twice-born, (addressed) Saṃjñā.
AI translation rendered from the Sanskrit, not a published edition — the model flagged this verse as uncertain
BrP 6.11
उवाच किं मया कार्यं कथयस्व शुचिस्मिते स्थितास्मि तव निर्देशे शाधि मां वरवर्णिनि ॥
uvāca kiṃ mayā kāryaṃ kathayasva śucismite sthitāsmi tava nirdeśe śādhi māṃ varavarṇini //
She said: "What is to be done by me? Tell me, O bright-smiling one. I stand at your command; instruct me, O lady of lovely hue."
AI translation rendered from the Sanskrit, not a published edition
BrP 6.12
अहं यास्यामि भद्रं ते स्वम् एव भवनं पितुः त्वयैव भवने मह्यं वस्तव्यं निर्विशङ्कया ॥
ahaṃ yāsyāmi bhadraṃ te svam eva bhavanaṃ pituḥ tvayaiva bhavane mahyaṃ vastavyaṃ nirviśaṅkayā //
"I shall go—blessings on you—to my own father's house; you alone must dwell in (this) house for me, without any hesitation."
AI translation rendered from the Sanskrit, not a published edition
BrP 6.13
इमौ च बालकौ मह्यं कन्या चेयं सुमध्यमा संभाव्यास् ते न चाख्येयम् इदं भगवते क्वचित् ॥
imau ca bālakau mahyaṃ kanyā ceyaṃ sumadhyamā saṃbhāvyās te na cākhyeyam idaṃ bhagavate kvacit //
"And these two boys of mine, and this slender-waisted girl, are to be cared for by you; and this must never be told to the lord (the Sun)."
AI translation rendered from the Sanskrit, not a published edition
BrP 6.14
आ कचग्रहणाद् देवि आ शापान् नैव कर्हिचित् आख्यास्यामि नमस् तुभ्यं गच्छ देवि यथासुखम् ॥
ā kacagrahaṇād devi ā śāpān naiva karhicit ākhyāsyāmi namas tubhyaṃ gaccha devi yathāsukham //
"Until (I am) seized by the hair, O goddess, until (I am) cursed, I shall never at any time tell it. Homage to you—go, goddess, as you please."
AI translation rendered from the Sanskrit, not a published edition
BrP 6.15
समादिश्य सवर्णां तु तथेत्य् उक्ता तया च सा त्वष्टुः समीपम् अगमद् व्रीडितेव तपस्विनी ॥
samādiśya savarṇāṃ tu tathety uktā tayā ca sā tvaṣṭuḥ samīpam agamad vrīḍiteva tapasvinī //
Having thus instructed Savarṇā, and being answered "So be it" by her, that ascetic woman went, as if ashamed, into the presence of Tvaṣṭṛ.
AI translation rendered from the Sanskrit, not a published edition
BrP 6.16
पितुः समीपगा सा तु पित्रा निर्भर्त्सिता शुभा भर्तुः समीपं गच्छेति नियुक्ता च पुनः पुनः ॥
pituḥ samīpagā sā tu pitrā nirbhartsitā śubhā bhartuḥ samīpaṃ gaccheti niyuktā ca punaḥ punaḥ //
But she, the fair one, having come into her father's presence, was rebuked by her father and was directed again and again: "Go to your husband's presence."
AI translation rendered from the Sanskrit, not a published edition
BrP 6.17
आगच्छद् वडवा भूत्वा आच्छाद्य रूपम् अनिन्दिता कुरून् अथोत्तरान् गत्वा तृणान्य् अथ चचार ह ॥
āgacchad vaḍavā bhūtvā ācchādya rūpam aninditā kurūn athottarān gatvā tṛṇāny atha cacāra ha //
The blameless one came, becoming a mare and concealing her (own) form, and then, having gone to the northern Kurus, she grazed on grasses.
AI translation rendered from the Sanskrit, not a published edition
BrP 6.18
द्वितीयायां तु संज्ञायां संज्ञेयम् इति चिन्तयन् आदित्यो जनयाम् आस पुत्रम् आत्मसमं तदा ॥
dvitīyāyāṃ tu saṃjñāyāṃ saṃjñeyam iti cintayan ādityo janayām āsa putram ātmasamaṃ tadā //
Then upon the second Saṃjñā, thinking "this is Saṃjñā," the Sun begot a son equal to himself.
AI translation rendered from the Sanskrit, not a published edition
BrP 6.19
पूर्वजस्य मनोर् विप्राः सदृशो ऽयम् इति प्रभुः मनुर् एवाभवन् नाम्ना सावर्ण इति चोच्यते ॥
pūrvajasya manor viprāḥ sadṛśo 'yam iti prabhuḥ manur evābhavan nāmnā sāvarṇa iti cocyate //
"This one is like the earlier-born Manu"—thus, O brahmins, the lord (declared); and he became Manu indeed, and by name he is called Sāvarṇa.
AI translation rendered from the Sanskrit, not a published edition
BrP 6.20
द्वितीयो यः सुतस् तस्याः स विज्ञेयः शनैश्चरः संज्ञा तु पार्थिवी विप्राः स्वस्य पुत्रस्य वै तदा ॥
dvitīyo yaḥ sutas tasyāḥ sa vijñeyaḥ śanaiścaraḥ saṃjñā tu pārthivī viprāḥ svasya putrasya vai tadā //
He who was her second son is to be known as Śanaiścara (Saturn); but then, O brahmins, that earthly Saṃjñā, for her own son,
AI translation rendered from the Sanskrit, not a published edition
BrP 6.21
चकाराभ्यधिकं स्नेहं न तथा पूर्वजेषु वै मनुस् तस्याः क्षमत् तत् तु यमस् तस्या न चक्षमे ॥
cakārābhyadhikaṃ snehaṃ na tathā pūrvajeṣu vai manus tasyāḥ kṣamat tat tu yamas tasyā na cakṣame //
showed excessive affection, but not so toward the earlier-born ones. Manu bore that of hers, but Yama did not bear it of her.
AI translation rendered from the Sanskrit, not a published edition
BrP 6.22
स वै रोषाच् च बाल्याच् च भाविनो ऽर्थस्य वानघ पदा संतर्जयाम् आस संज्ञां वैवस्वतो यमः ॥
sa vai roṣāc ca bālyāc ca bhāvino 'rthasya vānagha padā saṃtarjayām āsa saṃjñāṃ vaivasvato yamaḥ //
He, out of anger and out of childishness, or because of what was destined to happen, O sinless one — Yama Vaivasvata threatened Saṃjñā with his foot.
AI translation rendered from the Sanskrit, not a published edition
BrP 6.23
तं शशाप ततः क्रोधात् सावर्णजननी तदा चरणः पतताम् एष तवेति भृशदुःखिता ॥
taṃ śaśāpa tataḥ krodhāt sāvarṇajananī tadā caraṇaḥ patatām eṣa taveti bhṛśaduḥkhitā //
Then, out of anger, the mother of Sāvarṇa cursed him, exceedingly pained: "Let this foot of yours fall off!"
AI translation rendered from the Sanskrit, not a published edition
BrP 6.24
यमस् तु तत् पितुः सर्वं प्राञ्जलिः प्रत्यवेदयत् भृशं शापभयोद्विग्नः संज्ञावाक्यैर् विशङ्कितः ॥
yamas tu tat pituḥ sarvaṃ prāñjaliḥ pratyavedayat bhṛśaṃ śāpabhayodvignaḥ saṃjñāvākyair viśaṅkitaḥ //
But Yama, with palms joined, reported all that to his father, deeply shaken by fear of the curse and made doubtful by Saṃjñā's words.
AI translation rendered from the Sanskrit, not a published edition
BrP 6.25
शापो ऽयं विनिवर्तेत प्रोवाच पितरं द्विजाः मात्रा स्नेहेन सर्वेषु वर्तितव्यं सुतेषु वै ॥
śāpo 'yaṃ vinivarteta provāca pitaraṃ dvijāḥ mātrā snehena sarveṣu vartitavyaṃ suteṣu vai //
"May this curse be turned aside!" — he said to his father, O twice-born ones — "a mother ought to behave with (equal) affection toward all her sons.
AI translation rendered from the Sanskrit, not a published edition
BrP 6.26
सेयम् अस्मान् अपास्येह विवस्वन् संबुभूषति तस्यां मयोद्यतः पादो न तु देहे निपातितः ॥
seyam asmān apāsyeha vivasvan saṃbubhūṣati tasyāṃ mayodyataḥ pādo na tu dehe nipātitaḥ //
But this woman, casting us aside here, wishes to prosper (only her own), O Vivasvān; my foot was indeed raised against her, but it was not brought down on her body.
AI translation rendered from the Sanskrit, not a published edition — the model flagged this verse as uncertain
BrP 6.27
बाल्याद् वा यदि वा लौल्यान् मोहात् तत् क्षन्तुम् अर्हसि शप्तो ऽहम् अस्मि लोकेश जनन्या तपतां वर तव प्रसादाच् चरणो न पतेन् मम गोपते ॥
bālyād vā yadi vā laulyān mohāt tat kṣantum arhasi śapto 'ham asmi lokeśa jananyā tapatāṃ vara tava prasādāc caraṇo na paten mama gopate //
Whether from childishness, or from impulsiveness, or from delusion, you ought to forgive that. I have been cursed, O lord of the world, by my mother, O best of those that give heat; by your grace let my foot not fall off, O lord of rays.
AI translation rendered from the Sanskrit, not a published edition
BrP 6.28
असंशयं पुत्र महद् भविष्यत्य् अत्र कारणम् येन त्वाम् आविशत् क्रोधो धर्मज्ञं सत्यवादिनम् ॥
asaṃśayaṃ putra mahad bhaviṣyaty atra kāraṇam yena tvām āviśat krodho dharmajñaṃ satyavādinam //
"Without doubt, my son, there will be some great cause in this, by which anger entered you, who know the law and speak the truth.
AI translation rendered from the Sanskrit, not a published edition
BrP 6.29
न शक्यम् एतन् मिथ्या तु कर्तुं मातृवचस् तव कृमयो मांसम् आदाय यास्यन्त्य् अवनिम् एव च ॥
na śakyam etan mithyā tu kartuṃ mātṛvacas tava kṛmayo māṃsam ādāya yāsyanty avanim eva ca //
Yet it is not possible to make this word of your mother false: worms, taking flesh (from your foot), will go into the earth.
AI translation rendered from the Sanskrit, not a published edition
BrP 6.30
कृतम् एवं वचस् तथ्यं मातुस् तव भविष्यति शापस्य परिहारेण त्वं च त्रातो भविष्यसि ॥
kṛtam evaṃ vacas tathyaṃ mātus tava bhaviṣyati śāpasya parihāreṇa tvaṃ ca trāto bhaviṣyasi //
Done thus, your mother's word will come true, and by the averting of the curse you too will be saved."
AI translation rendered from the Sanskrit, not a published edition
BrP 6.31
आदित्यश् चाब्रवीत् संज्ञां किमर्थं तनयेषु वै तुल्येष्व् अभ्यधिकः स्नेह एकस्मिन् क्रियते त्वया ॥
ādityaś cābravīt saṃjñāṃ kimarthaṃ tanayeṣu vai tulyeṣv abhyadhikaḥ sneha ekasmin kriyate tvayā //
And the Sun said to Saṃjñā: "Why, when the sons are equal, is greater affection shown by you toward one?"
AI translation rendered from the Sanskrit, not a published edition
BrP 6.32
सा तत् परिहरन्ती तु नाचचक्षे विवस्वते स चात्मानं समाधाय योगात् तथ्यम् अपश्यत ॥
sā tat pariharantī tu nācacakṣe vivasvate sa cātmānaṃ samādhāya yogāt tathyam apaśyata //
But she, evading that, did not tell Vivasvān; and he, collecting himself, saw the truth through yoga.
AI translation rendered from the Sanskrit, not a published edition
BrP 6.33
तां शप्तुकामो भगवान् नाशपन् मुनिसत्तमाः मूर्धजेषु निजग्राह स तु तां मुनिसत्तमाः ॥
tāṃ śaptukāmo bhagavān nāśapan munisattamāḥ mūrdhajeṣu nijagrāha sa tu tāṃ munisattamāḥ //
Wishing to curse her, the Lord did not curse her, O best of sages; but he seized her by the hair, O best of sages.
AI translation rendered from the Sanskrit, not a published edition
BrP 6.34
ततः सर्वं यथावृत्तम् आचचक्षे विवस्वते विवस्वान् अथ तच् छ्रुत्वा क्रुद्धस् त्वष्टारम् अभ्यगात् ॥
tataḥ sarvaṃ yathāvṛttam ācacakṣe vivasvate vivasvān atha tac chrutvā kruddhas tvaṣṭāram abhyagāt //
Then she told Vivasvān everything as it had happened; and Vivasvān, hearing that, went in anger to Tvaṣṭṛ.
AI translation rendered from the Sanskrit, not a published edition
BrP 6.35
दृष्ट्वा तु तं यथान्यायम् अर्चयित्वा विभावसुम् निर्दग्धुकामं रोषेण सान्त्वयाम् आस वै तदा ॥
dṛṣṭvā tu taṃ yathānyāyam arcayitvā vibhāvasum nirdagdhukāmaṃ roṣeṇa sāntvayām āsa vai tadā //
But seeing him, the light-bearer, and honouring him as was proper, when he was bent on burning (all) up in his fury, he then pacified him.
AI translation rendered from the Sanskrit, not a published edition
BrP 6.36
तवातितेजसाविष्टम् इदं रूपं न शोभते असहन्ती च संज्ञा सा वने चरति शाड्वले ॥
tavātitejasāviṣṭam idaṃ rūpaṃ na śobhate asahantī ca saṃjñā sā vane carati śāḍvale //
"This form of yours, pervaded by excessive heat, is not comely; and Saṃjñā, unable to bear it, roams in the grassy forest.
AI translation rendered from the Sanskrit, not a published edition
BrP 6.37
द्रष्टा हि तां भवान् अद्य स्वां भार्यां शुभचारिणीम् श्लाघ्यां योगबलोपेतां योगम् आस्थाय गोपते ॥
draṣṭā hi tāṃ bhavān adya svāṃ bhāryāṃ śubhacāriṇīm ślāghyāṃ yogabalopetāṃ yogam āsthāya gopate //
For today you shall see her, your own wife of fair conduct, praiseworthy, endowed with the power of yoga — by resorting to yoga, O lord of rays.
AI translation rendered from the Sanskrit, not a published edition
BrP 6.38
अनुकूलं तु ते देव यदि स्यान् मम संमतम् रूपं निर्वर्तयाम्य् अद्य तव कान्तम् अरिंदम ॥
anukūlaṃ tu te deva yadi syān mama saṃmatam rūpaṃ nirvartayāmy adya tava kāntam ariṃdama //
But if it be agreeable to you, O god, and my proposal approved, I shall today fashion for you a lovely form, O subduer of foes."
AI translation rendered from the Sanskrit, not a published edition
BrP 6.39
ततो ऽभ्युपगमात् त्वष्टा मार्तण्डस्य विवस्वतः भ्रमिम् आरोप्य तत् तेजः शातयाम् आस भो द्विजाः ॥
tato 'bhyupagamāt tvaṣṭā mārtaṇḍasya vivasvataḥ bhramim āropya tat tejaḥ śātayām āsa bho dvijāḥ //
Then, with his consent, Tvaṣṭṛ set that radiance of Mārtaṇḍa Vivasvān upon the lathe and pared it down, O twice-born ones.
AI translation rendered from the Sanskrit, not a published edition
BrP 6.40
ततो निर्भासितं रूपं तेजसा संहतेन वै कान्तात् कान्ततरं द्रष्टुम् अधिकं शुशुभे तदा ॥
tato nirbhāsitaṃ rūpaṃ tejasā saṃhatena vai kāntāt kāntataraṃ draṣṭum adhikaṃ śuśubhe tadā //
Then the form, made to shine with the radiance now compacted, shone forth exceedingly, lovelier than lovely to behold.
AI translation rendered from the Sanskrit, not a published edition
BrP 6.41
ददर्श योगम् आस्थाय स्वां भार्यां वडवां ततः अधृष्यां सर्वभूतानां तेजसा नियमेन च ॥
dadarśa yogam āsthāya svāṃ bhāryāṃ vaḍavāṃ tataḥ adhṛṣyāṃ sarvabhūtānāṃ tejasā niyamena ca //
Then, resorting to yoga, he saw his own wife in the form of a mare, unassailable by all beings by reason of her radiance and her (ascetic) discipline.
AI translation rendered from the Sanskrit, not a published edition
BrP 6.42
वडवावपुषा विप्राश् चरन्तीम् अकुतोभयाम् सो ऽश्वरूपेण भगवांस् तां मुखे समभावयत् ॥
vaḍavāvapuṣā viprāś carantīm akutobhayām so 'śvarūpeṇa bhagavāṃs tāṃ mukhe samabhāvayat //
O brahmins, (seeing) her roaming in a mare's body, fearing nothing from any quarter, the Lord, in the form of a horse, united with her at the mouth.
AI translation rendered from the Sanskrit, not a published edition
BrP 6.43
मैथुनाय विचेष्टन्तीं परपुंसो ऽवशङ्कया सा तन् निरवमच् छुक्रं नासिकाभ्यां विवस्वतः ॥
maithunāya viceṣṭantīṃ parapuṃso 'vaśaṅkayā sā tan niravamac chukraṃ nāsikābhyāṃ vivasvataḥ //
As she struggled against the coupling, out of suspicion that he was another male, she expelled that semen of Vivasvat through her nostrils.
AI translation rendered from the Sanskrit, not a published edition
BrP 6.44
देवौ तस्याम् अजायेताम् अश्विनौ भिषजां वरौ नासत्यश् चैव दस्रश् च स्मृतौ द्वाव् अश्विनाव् इति ॥
devau tasyām ajāyetām aśvinau bhiṣajāṃ varau nāsatyaś caiva dasraś ca smṛtau dvāv aśvināv iti //
In her were born the two gods, the Aśvins, the best of physicians; the two Aśvins are remembered as Nāsatya and Dasra.
AI translation rendered from the Sanskrit, not a published edition
BrP 6.45
मार्तण्डस्यात्मजाव् एताव् अष्टमस्य प्रजापतेः तां तु रूपेण कान्तेन दर्शयाम् आस भास्करः ॥
mārtaṇḍasyātmajāv etāv aṣṭamasya prajāpateḥ tāṃ tu rūpeṇa kāntena darśayām āsa bhāskaraḥ //
These two are the sons of Mārtaṇḍa, the eighth Prajāpati. And the sun-maker showed himself to her in a lovely form.
AI translation rendered from the Sanskrit, not a published edition
BrP 6.46
सा तु दृष्ट्वैव भर्तारं तुतोष मुनिसत्तमाः यमस् तु कर्मणा तेन भृशं पीडितमानसः ॥
sā tu dṛṣṭvaiva bhartāraṃ tutoṣa munisattamāḥ yamas tu karmaṇā tena bhṛśaṃ pīḍitamānasaḥ //
On merely seeing her husband she was satisfied, O best of sages. But Yama, his mind sorely afflicted by that deed,
AI translation rendered from the Sanskrit, not a published edition
BrP 6.47
धर्मेण रञ्जयाम् आस धर्मराज इमाः प्रजाः स लेभे कर्मणा तेन शुभेन परमद्युतिः ॥
dharmeṇa rañjayām āsa dharmarāja imāḥ prajāḥ sa lebhe karmaṇā tena śubhena paramadyutiḥ //
as king of dharma delighted these creatures by dharma; and by that auspicious deed he of supreme splendour obtained
AI translation rendered from the Sanskrit, not a published edition
BrP 6.48
पितॄणाम् आधिपत्यं च लोकपालत्वम् एव च मनुः प्रजापतिस् त्व् आसीत् सावर्णिः स तपोधनाः ॥
pitṝṇām ādhipatyaṃ ca lokapālatvam eva ca manuḥ prajāpatis tv āsīt sāvarṇiḥ sa tapodhanāḥ //
lordship over the ancestors and the state of being a world-guardian. And Sāvarṇi was Manu, a Prajāpati, O you whose wealth is austerity.
AI translation rendered from the Sanskrit, not a published edition
BrP 6.49
भाव्यः समागते तस्मिन् मनुः सावर्णिके ऽन्तरे मेरुपृष्ठे तपो नित्यम् अद्यापि स चरत्य् उत ॥
bhāvyaḥ samāgate tasmin manuḥ sāvarṇike 'ntare merupṛṣṭhe tapo nityam adyāpi sa caraty uta //
He is to be Manu when that Sāvarṇika interval arrives; and even now he practises austerity constantly on the back of Meru.
AI translation rendered from the Sanskrit, not a published edition
BrP 6.50
भ्राता शनैश्चरस् तस्य ग्रहत्वं स तु लब्धवान् त्वष्टा तु तेजसा तेन विष्णोश् चक्रम् अकल्पयत् ॥
bhrātā śanaiścaras tasya grahatvaṃ sa tu labdhavān tvaṣṭā tu tejasā tena viṣṇoś cakram akalpayat //
His brother Śanaiścara obtained the status of a planet; and Tvaṣṭṛ fashioned Viṣṇu's discus out of that fiery energy,
AI translation rendered from the Sanskrit, not a published edition
BrP 6.51
तद् अप्रतिहतं युद्धे दानवान्तचिकीर्षया यवीयसी तु साप्य् आसीद् यमी कन्या यशस्विनी ॥
tad apratihataṃ yuddhe dānavāntacikīrṣayā yavīyasī tu sāpy āsīd yamī kanyā yaśasvinī //
that (discus) unobstructed in battle, out of a wish to make an end of the Dānavas. And the younger one was the glorious maiden Yamī,
AI translation rendered from the Sanskrit, not a published edition
BrP 6.52
अभवच् च सरिच्छ्रेष्ठा यमुना लोकपावनी मनुर् इत्य् उच्यते लोके सावर्ण इति चोच्यते ॥
abhavac ca saricchreṣṭhā yamunā lokapāvanī manur ity ucyate loke sāvarṇa iti cocyate //
and she became the best of rivers, the Yamunā, purifier of the world. In the world he is called Manu, and he is also called Sāvarṇa.
AI translation rendered from the Sanskrit, not a published edition
BrP 6.53
द्वितीयो यः सुतस् तस्य मनोर् भ्राता शनैश्चरः ग्रहत्वं स च लेभे वै सर्वलोकाभिपूजितः ॥
dvitīyo yaḥ sutas tasya manor bhrātā śanaiścaraḥ grahatvaṃ sa ca lebhe vai sarvalokābhipūjitaḥ //
He who was the second son, the brother of that Manu, Śanaiścara, he too obtained the status of a planet, honoured by all the worlds.
AI translation rendered from the Sanskrit, not a published edition
BrP 6.54
य इदं जन्म देवानां शृणुयान् नरसत्तमः आपदं प्राप्य मुच्येत प्राप्नुयाच् च महद् यशः ॥
ya idaṃ janma devānāṃ śṛṇuyān narasattamaḥ āpadaṃ prāpya mucyeta prāpnuyāc ca mahad yaśaḥ //
That best of men who hears this birth of the gods, though he meet with calamity, would be freed from it and would attain great fame.
AI translation rendered from the Sanskrit, not a published edition