Brahma Purana — Chapter 59

BrP 59.1

अनन्ताख्यं वासुदेवं दृष्ट्वा भक्त्या प्रणम्य च सर्वपापविनिर्मुक्तो नरो याति परं पदम् ॥

anantākhyaṃ vāsudevaṃ dṛṣṭvā bhaktyā praṇamya ca sarvapāpavinirmukto naro yāti paraṃ padam //

Having seen Vāsudeva called Ananta and bowed to (him) with devotion, the man, freed from all sins, goes to the highest state.

AI translation rendered from the Sanskrit, not a published edition

BrP 59.2

मया चाराधितश् चासौ शक्रेण तदनन्तरम् विभीषणेन रामेण कस् तं नाराधयेत् पुमान् ॥

mayā cārādhitaś cāsau śakreṇa tadanantaram vibhīṣaṇena rāmeṇa kas taṃ nārādhayet pumān //

And he was worshipped by me, and after that by Śakra, by Vibhīṣaṇa and by Rāma — what man would not worship him?

AI translation rendered from the Sanskrit, not a published edition

BrP 59.3

श्वेतगङ्गां नरः स्नात्वा यः पश्येच् छ्वेतमाधवम् मत्स्याख्यं माधवं चैव श्वेतद्वीपं स गच्छति ॥

śvetagaṅgāṃ naraḥ snātvā yaḥ paśyec chvetamādhavam matsyākhyaṃ mādhavaṃ caiva śvetadvīpaṃ sa gacchati //

The man who, having bathed in the Śveta-gaṅgā, sees Śvetamādhava and also Mādhava called Matsya, goes to Śvetadvīpa.

AI translation rendered from the Sanskrit, not a published edition

BrP 59.4

श्वेतमाधवमाहात्म्यं वक्तुम् अर्हस्य् अशेषतः विस्तरेण जगन्नाथ प्रतिमां तस्य वै हरेः ॥

śvetamādhavamāhātmyaṃ vaktum arhasy aśeṣataḥ vistareṇa jagannātha pratimāṃ tasya vai hareḥ //

You ought to tell in full and at length the greatness of Śvetamādhava, O Lord of the world, and (about) that image of Hari,

AI translation rendered from the Sanskrit, not a published edition

BrP 59.5

तस्मिन् क्षेत्रवरे पुण्ये विख्याते जगतीतले श्वेताख्यं माधवं देवं कस् तं स्थापितवान् पुरा ॥

tasmin kṣetravare puṇye vikhyāte jagatītale śvetākhyaṃ mādhavaṃ devaṃ kas taṃ sthāpitavān purā //

(and) who it was that in former times installed in that holy, excellent field, famed on the face of the earth, the god Mādhava called Śveta.

AI translation rendered from the Sanskrit, not a published edition

BrP 59.6

अभूत् कृतयुगे विप्राः श्वेतो नाम नृपो बली मतिमान् धर्मविच् छूरः सत्यसंधो दृढव्रतः ॥

abhūt kṛtayuge viprāḥ śveto nāma nṛpo balī matimān dharmavic chūraḥ satyasaṃdho dṛḍhavrataḥ //

In the Kṛta age, O brahmins, there was a mighty king named Śveta, wise, knowing dharma, valiant, true to his word, firm in his vows,

AI translation rendered from the Sanskrit, not a published edition

BrP 59.7

यस्य राज्ये तु वर्षाणां सहस्रं दश मानवाः भवन्त्य् आयुष्मन्तो लोका बालस् तस्मिन् न सीदति ॥

yasya rājye tu varṣāṇāṃ sahasraṃ daśa mānavāḥ bhavanty āyuṣmanto lokā bālas tasmin na sīdati //

in whose reign men lived long, ten thousand years; in his (realm) no child perished.

AI translation rendered from the Sanskrit, not a published edition

BrP 59.8

वर्तमाने तदा राज्ये किंचित् काले गते द्विजाः कपालगौतमो नाम ऋषिः परमधार्मिकः ॥

vartamāne tadā rājye kiṃcit kāle gate dvijāḥ kapālagautamo nāma ṛṣiḥ paramadhārmikaḥ //

While that reign was continuing, when some time had passed, O twice-born, there was a most righteous sage named Kapālagautama.

AI translation rendered from the Sanskrit, not a published edition

BrP 59.9

सुतो ऽस्याजातदन्तश् च मृतः कालवशाद् द्विजाः तम् आदाय ऋषिर् धीमान् नृपस्यान्तिकम् आनयत् ॥

suto 'syājātadantaś ca mṛtaḥ kālavaśād dvijāḥ tam ādāya ṛṣir dhīmān nṛpasyāntikam ānayat //

His son, whose teeth had not yet come, died by the force of time, O brahmins; taking him, the wise sage brought (him) into the king's presence.

AI translation rendered from the Sanskrit, not a published edition

BrP 59.10

दृष्ट्वैवं नृपतिः सुप्तं कुमारं गतचेतसम् प्रतिज्ञाम् अकरोद् विप्रा जीवनार्थं शिशोस् तदा ॥

dṛṣṭvaivaṃ nṛpatiḥ suptaṃ kumāraṃ gatacetasam pratijñām akarod viprā jīvanārthaṃ śiśos tadā //

Seeing the boy thus asleep, with his consciousness gone, the king then made a vow, O brahmins, for the child's coming to life:

AI translation rendered from the Sanskrit, not a published edition

BrP 59.11

यावद् बालम् अहं त्व् एनं यमस्य सदने गतम् नानये सप्तरात्रेण चितां दीप्तां समारुहे ॥

yāvad bālam ahaṃ tv enaṃ yamasya sadane gatam nānaye saptarātreṇa citāṃ dīptāṃ samāruhe //

"If I do not bring back within seven nights this boy who has gone to Yama's abode, I shall mount a blazing pyre."

AI translation rendered from the Sanskrit, not a published edition

BrP 59.12

एवम् उक्त्वासितैः पद्मैः शतैर् दशशतादिकैः संपूज्य च महादेवं राजा विद्यां पुनर् जपेत् ॥

evam uktvāsitaiḥ padmaiḥ śatair daśaśatādikaiḥ saṃpūjya ca mahādevaṃ rājā vidyāṃ punar japet //

Having spoken thus, and having worshipped Mahādeva with a thousand and more hundreds of blue lotuses, the king should again recite the (sacred) formula.

AI translation rendered from the Sanskrit, not a published edition

BrP 59.13

अतिभक्तिं तु संचिन्त्य नृपस्य जगदीश्वरः सांनिध्यम् अगमत् तुष्टो श्मीत्य् उवाच सहोमया ॥

atibhaktiṃ tu saṃcintya nṛpasya jagadīśvaraḥ sāṃnidhyam agamat tuṣṭo śmīty uvāca sahomayā //

But the Lord of the world, considering the king's exceeding devotion, became pleased and made himself present, and together with Umā he said, "We are (here)."

AI translation rendered from the Sanskrit, not a published edition — the model flagged this verse as uncertain

BrP 59.14

श्रुत्वैवं गिरम् ईशस्य विलोक्य सहसा हरम् भस्मदिग्धं विरूपाक्षं शरत्कुन्देन्दुवर्चसम् ॥

śrutvaivaṃ giram īśasya vilokya sahasā haram bhasmadigdhaṃ virūpākṣaṃ śaratkundenduvarcasam //

Hearing thus the speech of the Lord, and suddenly beholding Hara, smeared with ash, with misshapen eyes, radiant as the autumn jasmine and the moon,

AI translation rendered from the Sanskrit, not a published edition

BrP 59.15

शार्दूलचर्मवसनं शशाङ्काङ्कितमूर्धजम् महीं निपत्य सहसा प्रणम्य स तदाब्रवीत् ॥

śārdūlacarmavasanaṃ śaśāṅkāṅkitamūrdhajam mahīṃ nipatya sahasā praṇamya sa tadābravīt //

clothed in a tiger's skin, his head-hair marked with the crescent moon—falling at once to the ground and bowing, he then said:

AI translation rendered from the Sanskrit, not a published edition

BrP 59.16

कारुण्यं यदि मे दृष्ट्वा प्रसन्नो ऽसि प्रभो यदि कालस्य वशम् आपन्नो बालको द्विजपुत्रकः ॥

kāruṇyaṃ yadi me dṛṣṭvā prasanno 'si prabho yadi kālasya vaśam āpanno bālako dvijaputrakaḥ //

"O Lord, if out of compassion, having seen me, you are pleased, (and) if the boy, the brahmin's little son, has fallen under the power of Time—

AI translation rendered from the Sanskrit, not a published edition

BrP 59.17

जीवत्व् एष पुनर् बाल इत्य् एवं व्रतम् आहितम् अकस्माच् च मृतं बालं नियम्य भगवन् स्वयम् यथोक्तायुष्यसंयुक्तं क्षेमं कुरु महेश्वर ॥

jīvatv eṣa punar bāla ity evaṃ vratam āhitam akasmāc ca mṛtaṃ bālaṃ niyamya bhagavan svayam yathoktāyuṣyasaṃyuktaṃ kṣemaṃ kuru maheśvara //

'let this boy live again'—such was the vow undertaken (by me). O Blessed One, restraining Time yourself, make the boy, who died untimely, safe and endowed with the lifespan that was foretold, O Maheśvara."

AI translation rendered from the Sanskrit, not a published edition

BrP 59.18

श्वेतस्यैतद् वचः श्रुत्वा मुदं प्राप हरस् तदा कालम् आज्ञापयाम् आस सर्वभूतभयंकरम् ॥

śvetasyaitad vacaḥ śrutvā mudaṃ prāpa haras tadā kālam ājñāpayām āsa sarvabhūtabhayaṃkaram //

Hearing this speech of Śveta, Hara then felt joy, and he gave a command to Kāla, who strikes fear into all beings.

AI translation rendered from the Sanskrit, not a published edition

BrP 59.19

नियम्य कालं दुर्धर्षं यमस्याज्ञाकरं द्विजाः बालं संजीवयाम् आस मृत्योर् मुखगतं पुनः ॥

niyamya kālaṃ durdharṣaṃ yamasyājñākaraṃ dvijāḥ bālaṃ saṃjīvayām āsa mṛtyor mukhagataṃ punaḥ //

Having restrained the unassailable Kāla, the executor of Yama's command, O twice-born ones, he brought the boy, who had gone into the mouth of Death, back to life.

AI translation rendered from the Sanskrit, not a published edition

BrP 59.20

कृत्वा क्षेमं जगत् सर्वं मुनेः पुत्रं स तं द्विजाः देव्या सहोमया देवस् तत्रैवान्तरधीयत ॥

kṛtvā kṣemaṃ jagat sarvaṃ muneḥ putraṃ sa taṃ dvijāḥ devyā sahomayā devas tatraivāntaradhīyata //

Having made the whole world safe, and (likewise) the sage's son, that god, O twice-born ones, together with the goddess Umā, vanished on that very spot.

AI translation rendered from the Sanskrit, not a published edition

BrP 59.21

एवं संजीवयाम् आस मुनेः पुत्रं नृपोत्तमः ॥

evaṃ saṃjīvayām āsa muneḥ putraṃ nṛpottamaḥ //

Thus that best of kings brought the sage's son back to life.

AI translation rendered from the Sanskrit, not a published edition

BrP 59.22

देवदेव जगन्नाथ त्रैलोक्यप्रभवाव्यय ब्रूहि नः परमं तथ्यं श्वेताख्यस्य च सांप्रतम् ॥

devadeva jagannātha trailokyaprabhavāvyaya brūhi naḥ paramaṃ tathyaṃ śvetākhyasya ca sāṃpratam //

"O God of gods, Lord of the world, source of the three worlds, imperishable one, tell us now the highest truth, and (that) of the one named Śveta."

AI translation rendered from the Sanskrit, not a published edition

BrP 59.23

शृणुध्वं मुनिशार्दूलाः सर्वसत्त्वहितावहम् प्रवक्ष्यामि यथातथ्यं यत् पृच्छथ ममानघाः ॥

śṛṇudhvaṃ muniśārdūlāḥ sarvasattvahitāvaham pravakṣyāmi yathātathyaṃ yat pṛcchatha mamānaghāḥ //

"Hear, O tigers among sages, what brings benefit to all beings; I shall declare it just as it is, what you ask of me, O sinless ones—

AI translation rendered from the Sanskrit, not a published edition

BrP 59.24

माधवस्य च माहात्म्यं सर्वपापप्रणाशनम् यच् छ्रुत्वाभिमतान् कामान् ध्रुवं प्राप्नोति मानवः ॥

mādhavasya ca māhātmyaṃ sarvapāpapraṇāśanam yac chrutvābhimatān kāmān dhruvaṃ prāpnoti mānavaḥ //

and the greatness of Mādhava, which destroys all sins, hearing which a man surely obtains the desires he cherishes.

AI translation rendered from the Sanskrit, not a published edition

BrP 59.25

श्रुतवान् ऋषिभिः पूर्वं माधवाख्यस्य भो द्विजाः शृणुध्वं तां कथां दिव्यां भयशोकार्तिनाशिनीम् ॥

śrutavān ṛṣibhiḥ pūrvaṃ mādhavākhyasya bho dvijāḥ śṛṇudhvaṃ tāṃ kathāṃ divyāṃ bhayaśokārtināśinīm //

I have heard before from the sages about the one named Mādhava, O twice-born ones; hear that divine tale, which destroys fear, grief and distress.

AI translation rendered from the Sanskrit, not a published edition

BrP 59.26

स कृत्वा राज्यम् एकाग्र्यं वर्षाणां च सहस्रशः विचार्य लौकिकान् धर्मान् वैदिकान् नियमांस् तथा ॥

sa kṛtvā rājyam ekāgryaṃ varṣāṇāṃ ca sahasraśaḥ vicārya laukikān dharmān vaidikān niyamāṃs tathā //

He, having ruled the kingdom single-mindedly for thousands of years, and having examined the worldly duties and likewise the Vedic observances,

AI translation rendered from the Sanskrit, not a published edition

BrP 59.27

केशवाराधने विप्रा निश्चितं व्रतम् आस्थितः स गत्वा परमं क्षेत्रं सागरं दक्षिणाश्रयम् ॥

keśavārādhane viprā niścitaṃ vratam āsthitaḥ sa gatvā paramaṃ kṣetraṃ sāgaraṃ dakṣiṇāśrayam //

undertook, O brahmins, a vow firmly resolved upon the worship of Keśava; he went to the supreme sacred field, which rests upon the southern sea,

AI translation rendered from the Sanskrit, not a published edition

BrP 59.28

तटे तस्मिञ् शुभे रम्ये देशे कृष्णस्य चान्तिके श्वेतो ऽथ कारयाम् आस प्रासादं शुभलक्षणम् ॥

taṭe tasmiñ śubhe ramye deśe kṛṣṇasya cāntike śveto 'tha kārayām āsa prāsādaṃ śubhalakṣaṇam //

and there on that auspicious, delightful shore, in a place near Kṛṣṇa, Śveta then had a temple built, of auspicious marks.

AI translation rendered from the Sanskrit, not a published edition

BrP 59.29

धन्वन्तरशतं चैकं देवदेवस्य दक्षिणे ततः श्वेतेन विप्रेन्द्राः श्वेतशैलमयेन च ॥

dhanvantaraśataṃ caikaṃ devadevasya dakṣiṇe tataḥ śvetena viprendrāḥ śvetaśailamayena ca //

One hundred and one bow-lengths to the south of the God of gods; then by Śveta, O foremost of brahmins, with (stone) made of white rock,

AI translation rendered from the Sanskrit, not a published edition — the model flagged this verse as uncertain

BrP 59.30

कृतः स भगवाञ् श्वेतो माधवश् चन्द्रसंनिभः प्रतिष्ठां विधिवच् चक्रे यथोद्दिष्टां स्वयं तु सः ॥

kṛtaḥ sa bhagavāñ śveto mādhavaś candrasaṃnibhaḥ pratiṣṭhāṃ vidhivac cakre yathoddiṣṭāṃ svayaṃ tu saḥ //

that blessed white Mādhava, like the moon, was made; and he himself performed the consecration according to rule, as prescribed.

AI translation rendered from the Sanskrit, not a published edition

BrP 59.31

दत्त्वा दानं द्विजातिभ्यो दीनानाथतपस्विनाम् अथानन्तरतो राजा माधवस्य च संनिधौ ॥

dattvā dānaṃ dvijātibhyo dīnānāthatapasvinām athānantarato rājā mādhavasya ca saṃnidhau //

Having given gifts to the twice-born, and to the poor, the helpless and the ascetics, then immediately afterwards the king, in the presence of Mādhava,

AI translation rendered from the Sanskrit, not a published edition

BrP 59.32

महीं निपत्य सहसा ॐकारं द्वादशाक्षरम् जपन् स मौनम् आस्थाय मासम् एकं समाधिना ॥

mahīṃ nipatya sahasā oṃkāraṃ dvādaśākṣaram japan sa maunam āsthāya māsam ekaṃ samādhinā //

Suddenly falling to the ground, murmuring the syllable Om and the twelve-syllable (mantra), he kept silence for one month in deep concentration.

AI translation rendered from the Sanskrit, not a published edition

BrP 59.33

निराहारो महाभागः सम्यग् विष्णुपदे स्थितः जपान्ते स तु देवेशं संस्तोतुम् उपचक्रमे ॥

nirāhāro mahābhāgaḥ samyag viṣṇupade sthitaḥ japānte sa tu deveśaṃ saṃstotum upacakrame //

Without food, that greatly fortunate one stood duly in the station of Viṣṇu; and at the end of his muttered recitation he began to praise the lord of the gods.

AI translation rendered from the Sanskrit, not a published edition

BrP 59.34

ॐ नमो वासुदेवाय नमः संकर्षणाय च प्रद्युम्नायानिरुद्धाय नमो नारायणाय च ॥

oṃ namo vāsudevāya namaḥ saṃkarṣaṇāya ca pradyumnāyāniruddhāya namo nārāyaṇāya ca //

Om, homage to Vāsudeva, and homage to Saṃkarṣaṇa, to Pradyumna, to Aniruddha, and homage to Nārāyaṇa.

AI translation rendered from the Sanskrit, not a published edition

BrP 59.35

नमो ऽस्तु बहुरूपाय विश्वरूपाय वेधसे निर्गुणायाप्रतर्क्याय शुचये शुक्लकर्मणे ॥

namo 'stu bahurūpāya viśvarūpāya vedhase nirguṇāyāpratarkyāya śucaye śuklakarmaṇe //

Homage be to him of many forms, to him whose form is the universe, to the ordainer, to the one without qualities, beyond reasoning, pure, of pure deeds.

AI translation rendered from the Sanskrit, not a published edition

BrP 59.36

ॐ नमः पद्मनाभाय पद्मगर्भोद्भवाय च नमो ऽस्तु पद्मवर्णाय पद्महस्ताय ते नमः ॥

oṃ namaḥ padmanābhāya padmagarbhodbhavāya ca namo 'stu padmavarṇāya padmahastāya te namaḥ //

Om, homage to the lotus-naveled one, and to him who arose from the lotus-womb; homage be to the lotus-colored one, homage to you, the lotus-handed.

AI translation rendered from the Sanskrit, not a published edition

BrP 59.37

ॐ नमः पुष्कराक्षाय सहस्राक्षाय मीढुषे नमः सहस्रपादाय सहस्रभुजमन्यवे ॥

oṃ namaḥ puṣkarākṣāya sahasrākṣāya mīḍhuṣe namaḥ sahasrapādāya sahasrabhujamanyave //

Om, homage to the lotus-eyed one, to the thousand-eyed, to the bountiful one; homage to the thousand-footed one, whose wrath is of a thousand arms.

AI translation rendered from the Sanskrit, not a published edition

BrP 59.38

ॐ नमो ऽस्तु वराहाय वरदाय सुमेधसे वरिष्ठाय वरेण्याय शरण्यायाच्युताय च ॥

oṃ namo 'stu varāhāya varadāya sumedhase variṣṭhāya vareṇyāya śaraṇyāyācyutāya ca //

Om, homage be to the Boar, to the giver of boons, to the wise one, to the most excellent, to the choicest, to the giver of refuge, and to the unfallen (Acyuta).

AI translation rendered from the Sanskrit, not a published edition

BrP 59.39

ॐ नमो बालरूपाय बालपद्मप्रभाय च बालार्कसोमनेत्राय मुञ्जकेशाय धीमते ॥

oṃ namo bālarūpāya bālapadmaprabhāya ca bālārkasomanetrāya muñjakeśāya dhīmate //

Om, homage to him of a child's form, with the radiance of a young lotus, whose eyes are the young sun and the moon, whose hair is like muñja grass, the wise one.

AI translation rendered from the Sanskrit, not a published edition

BrP 59.40

केशवाय नमो नित्यं नमो नारायणाय च माधवाय वरिष्ठाय गोविन्दाय नमो नमः ॥

keśavāya namo nityaṃ namo nārāyaṇāya ca mādhavāya variṣṭhāya govindāya namo namaḥ //

Homage always to Keśava, and homage to Nārāyaṇa, to Mādhava, to the most excellent, to Govinda homage and homage.

AI translation rendered from the Sanskrit, not a published edition

BrP 59.41

ॐ नमो विष्णवे नित्यं देवाय वसुरेतसे मधुसूदनाय नमः शुद्धायांशुधराय च ॥

oṃ namo viṣṇave nityaṃ devāya vasuretase madhusūdanāya namaḥ śuddhāyāṃśudharāya ca //

Om, homage always to Viṣṇu, to the god whose seed is wealth (or: whose seed is the Vasus), homage to the slayer of Madhu, to the pure one who wears rays of light.

AI translation rendered from the Sanskrit, not a published edition

BrP 59.42

नमो अनन्ताय सूक्ष्माय नमः श्रीवत्सधारिणे त्रिविक्रमाय च नमो दिव्यपीताम्बराय च ॥

namo anantāya sūkṣmāya namaḥ śrīvatsadhāriṇe trivikramāya ca namo divyapītāmbarāya ca //

Homage to the endless one, to the subtle one, homage to the wearer of the śrīvatsa, and homage to Trivikrama, and to him of the divine yellow garment.

AI translation rendered from the Sanskrit, not a published edition

BrP 59.43

सृष्टिकर्त्रे नमस् तुभ्यं गोप्त्रे धात्रे नमो नमः नमो ऽस्तु गुणभूताय निर्गुणाय नमो नमः ॥

sṛṣṭikartre namas tubhyaṃ goptre dhātre namo namaḥ namo 'stu guṇabhūtāya nirguṇāya namo namaḥ //

Homage to you, the maker of creation; homage, homage to the protector, the sustainer; homage be to him who has become the qualities, homage, homage to the qualityless one.

AI translation rendered from the Sanskrit, not a published edition

BrP 59.44

नमो वामनरूपाय नमो वामनकर्मणे नमो वामननेत्राय नमो वामनवाहिने ॥

namo vāmanarūpāya namo vāmanakarmaṇe namo vāmananetrāya namo vāmanavāhine //

Homage to him of dwarf form, homage to the dwarf's deed, homage to the dwarf's eye, homage to him who rides as the dwarf.

AI translation rendered from the Sanskrit, not a published edition

BrP 59.45

नमो रम्याय पूज्याय नमो ऽस्त्व् अव्यक्तरूपिणे अप्रतर्क्याय शुद्धाय नमो भयहराय च ॥

namo ramyāya pūjyāya namo 'stv avyaktarūpiṇe apratarkyāya śuddhāya namo bhayaharāya ca //

Homage to the delightful one, the worshipful; homage be to him whose form is unmanifest, to the one beyond reasoning, the pure, and homage to the remover of fear.

AI translation rendered from the Sanskrit, not a published edition

BrP 59.46

संसारार्णवपोताय प्रशान्ताय स्वरूपिणे शिवाय सौम्यरूपाय रुद्रायोत्तारणाय च ॥

saṃsārārṇavapotāya praśāntāya svarūpiṇe śivāya saumyarūpāya rudrāyottāraṇāya ca //

(Homage) to the boat across the ocean of transmigration, to the wholly calm, to him who has his own true form, to the auspicious one, of gentle form, to Rudra, and to the one who carries (us) across.

AI translation rendered from the Sanskrit, not a published edition

BrP 59.47

भवभङ्गकृते चैव भवभोगप्रदाय च भवसंघातरूपाय भवसृष्टिकृते नमः ॥

bhavabhaṅgakṛte caiva bhavabhogapradāya ca bhavasaṃghātarūpāya bhavasṛṣṭikṛte namaḥ //

And to the maker of the breaking of existence, and to the giver of the enjoyments of existence, to him whose form is the aggregate of existence, to the maker of the creation of existence — homage.

AI translation rendered from the Sanskrit, not a published edition

BrP 59.48

ॐ नमो दिव्यरूपाय सोमाग्निश्वसिताय च सोमसूर्यांशुकेशाय गोब्राह्मणहिताय च ॥

oṃ namo divyarūpāya somāgniśvasitāya ca somasūryāṃśukeśāya gobrāhmaṇahitāya ca //

Om, homage to him of divine form, whose breath is the moon and fire, whose hair is the rays of the moon and sun, and who is a benefactor of cows and brahmins.

AI translation rendered from the Sanskrit, not a published edition

BrP 59.49

ॐ नम ऋक्स्वरूपाय पदक्रमस्वरूपिणे ऋक्स्तुताय नमस् तुभ्यं नम ऋक्साधनाय च ॥

oṃ nama ṛksvarūpāya padakramasvarūpiṇe ṛkstutāya namas tubhyaṃ nama ṛksādhanāya ca //

Om, homage to him whose form is the Ṛg (verses), whose form is the pada and krama (recitations); homage to you who are praised by the Ṛg, and homage to him who is attained by the Ṛg.

AI translation rendered from the Sanskrit, not a published edition

BrP 59.50

ॐ नमो यजुषां धात्रे यजूरूपधराय च यजुर्याज्याय जुष्टाय यजुषां पतये नमः ॥

oṃ namo yajuṣāṃ dhātre yajūrūpadharāya ca yajuryājyāya juṣṭāya yajuṣāṃ pataye namaḥ //

Om, homage to the ordainer of the Yajus formulas, and to him who bears the form of the Yajus, to him who is to be worshipped with the Yajus, to the beloved one; homage to the lord of the Yajus formulas.

AI translation rendered from the Sanskrit, not a published edition

BrP 59.51

ॐ नमः श्रीपते देव श्रीधराय वराय च श्रियः कान्ताय दान्ताय योगिचिन्त्याय योगिने ॥

oṃ namaḥ śrīpate deva śrīdharāya varāya ca śriyaḥ kāntāya dāntāya yogicintyāya yogine //

Om, homage, O god, lord of Śrī, to the bearer of Śrī and to the excellent one, to the beloved of Śrī, to the self-controlled, to him whom yogins contemplate, to the yogin.

AI translation rendered from the Sanskrit, not a published edition

BrP 59.52

ॐ नमः सामरूपाय सामध्वनिवराय च ॐ नमः सामसौम्याय सामयोगविदे नमः ॥

oṃ namaḥ sāmarūpāya sāmadhvanivarāya ca oṃ namaḥ sāmasaumyāya sāmayogavide namaḥ //

Om, homage to him whose form is the Sāman, and to the best of Sāman-sounds; om, homage to him who is gentle as the Sāman, homage to the knower of the Sāman-yoga.

AI translation rendered from the Sanskrit, not a published edition

BrP 59.53

साम्ने च सामगीताय ॐ नमः सामधारिणे सामयज्ञविदे चैव नमः सामकराय च ॥

sāmne ca sāmagītāya oṃ namaḥ sāmadhāriṇe sāmayajñavide caiva namaḥ sāmakarāya ca //

To the Sāman, and to him who is sung by the Sāman, om, homage to him who upholds the Sāman; and homage to the knower of the Sāman-sacrifice, and to the maker of the Sāman.

AI translation rendered from the Sanskrit, not a published edition — the model flagged this verse as uncertain

BrP 59.54

नमस् त्व् अथर्वशिरसे नमो ऽथर्वस्वरूपिणे नमो ऽस्त्व् अथर्वपादाय नमो ऽथर्वकराय च ॥

namas tv atharvaśirase namo 'tharvasvarūpiṇe namo 'stv atharvapādāya namo 'tharvakarāya ca //

Homage indeed to him whose head is the Atharva(-veda), homage to him whose own form is the Atharva; let there be homage to him whose foot is the Atharva, and homage to the maker of the Atharva.

AI translation rendered from the Sanskrit, not a published edition

BrP 59.55

ॐ नमो वज्रशीर्षाय मधुकैटभघातिने महोदधिजलस्थाय वेदाहरणकारिणे ॥

oṃ namo vajraśīrṣāya madhukaiṭabhaghātine mahodadhijalasthāya vedāharaṇakāriṇe //

Om, homage to him whose head is (hard as) a thunderbolt, to the slayer of Madhu and Kaiṭabha, to him who abode in the waters of the great ocean, to him who carried off (i.e. recovered) the Vedas.

AI translation rendered from the Sanskrit, not a published edition

BrP 59.56

नमो दीप्तस्वरूपाय हृषीकेशाय वै नमः नमो भगवते तुभ्यं वासुदेवाय ते नमः ॥

namo dīptasvarūpāya hṛṣīkeśāya vai namaḥ namo bhagavate tubhyaṃ vāsudevāya te namaḥ //

Homage to him whose form is blazing, homage indeed to Hṛṣīkeśa; homage to you, the Blessed One, homage to you, Vāsudeva.

AI translation rendered from the Sanskrit, not a published edition

BrP 59.57

नारायण नमस् तुभ्यं नमो लोकहिताय च ॐ नमो मोहनाशाय भवभङ्गकराय च ॥

nārāyaṇa namas tubhyaṃ namo lokahitāya ca oṃ namo mohanāśāya bhavabhaṅgakarāya ca //

Nārāyaṇa, homage to you, and homage to him who benefits the worlds; om, homage to him who destroys delusion, and who brings about the breaking of (mundane) existence.

AI translation rendered from the Sanskrit, not a published edition

BrP 59.58

गतिप्रदाय च नमो नमो बन्धहराय च त्रैलोक्यतेजसां कर्त्रे नमस् तेजःस्वरूपिणे ॥

gatipradāya ca namo namo bandhaharāya ca trailokyatejasāṃ kartre namas tejaḥsvarūpiṇe //

And homage to the giver of (a good) course, and homage to him who removes bondage; homage to the maker of the splendours of the three worlds, to him whose own form is splendour.

AI translation rendered from the Sanskrit, not a published edition

BrP 59.59

योगीश्वराय शुद्धाय रामायोत्तरणाय च सुखाय सुखनेत्राय नमः सुकृतधारिणे ॥

yogīśvarāya śuddhāya rāmāyottaraṇāya ca sukhāya sukhanetrāya namaḥ sukṛtadhāriṇe //

To the lord of yogins, to the pure one, to Rāma, and to him who carries (one) across; to happiness, to him whose eye is happiness, homage to him who upholds good deeds.

AI translation rendered from the Sanskrit, not a published edition — the model flagged this verse as uncertain

BrP 59.60

वासुदेवाय वन्द्याय वामदेवाय वै नमः देहिनां देहकर्त्रे च भेदभङ्गकराय च ॥

vāsudevāya vandyāya vāmadevāya vai namaḥ dehināṃ dehakartre ca bhedabhaṅgakarāya ca //

Homage indeed to Vāsudeva, to him who is to be praised, to Vāmadeva; and to the maker of the bodies of the embodied, and to him who breaks up division.

AI translation rendered from the Sanskrit, not a published edition

BrP 59.61

देवैर् वन्दितदेहाय नमस् ते दिव्यमौलिने नमो वासनिवासाय वासव्यवहराय च ॥

devair vanditadehāya namas te divyamauline namo vāsanivāsāya vāsavyavaharāya ca //

To him whose body is praised by the gods, homage to you of the divine crown; homage to him who dwells in dwellings, and to him who removes what is to be dwelt in.

AI translation rendered from the Sanskrit, not a published edition — the model flagged this verse as uncertain

BrP 59.62

ॐ नमो वसुकर्त्रे च वसुवासप्रदाय च नमो यज्ञस्वरूपाय यज्ञेशाय च योगिने ॥

oṃ namo vasukartre ca vasuvāsapradāya ca namo yajñasvarūpāya yajñeśāya ca yogine //

Om, homage to the maker of wealth (or of the Vasus), and to the giver of the abode of wealth; homage to him whose own form is the sacrifice, and to the lord of sacrifice, the yogin.

AI translation rendered from the Sanskrit, not a published edition — the model flagged this verse as uncertain

BrP 59.63

यतियोगकरेशाय नमो यज्ञाङ्गधारिणे संकर्षणाय च नमः प्रलम्बमथनाय च ॥

yatiyogakareśāya namo yajñāṅgadhāriṇe saṃkarṣaṇāya ca namaḥ pralambamathanāya ca //

To the lord who works the yoga of ascetics, homage to him who bears the limbs of the sacrifice; and homage to Saṃkarṣaṇa, and to the crusher of Pralamba.

AI translation rendered from the Sanskrit, not a published edition — the model flagged this verse as uncertain

BrP 59.64

मेघघोषस्वनोत्तीर्णवेगलाङ्गलधारिणे नमो ऽस्तु ज्ञानिनां ज्ञान नारायणपरायण ॥

meghaghoṣasvanottīrṇavegalāṅgaladhāriṇe namo 'stu jñānināṃ jñāna nārāyaṇaparāyaṇa //

To him who bears the plough whose speed surpasses the roaring sound of thunderclouds — homage be (to you), O knowledge of the knowers, O you devoted to Nārāyaṇa.

AI translation rendered from the Sanskrit, not a published edition — the model flagged this verse as uncertain

BrP 59.65

न मे ऽस्ति त्वाम् ऋते बन्धुर् नरकोत्तारणे प्रभो अतस् त्वां सर्वभावेन प्रणतो नतवत्सल ॥

na me 'sti tvām ṛte bandhur narakottāraṇe prabho atas tvāṃ sarvabhāvena praṇato natavatsala //

I have no kinsman apart from you for deliverance from hell, O Lord; therefore with my whole being I bow to you, O you who are fond of those who bow.

AI translation rendered from the Sanskrit, not a published edition

BrP 59.66

मलं यत् कायजं वापि मानसं चैव केशव न तस्यान्यो ऽस्ति देवेश क्षालकस् त्वाम् ऋते ऽच्युत ॥

malaṃ yat kāyajaṃ vāpi mānasaṃ caiva keśava na tasyānyo 'sti deveśa kṣālakas tvām ṛte 'cyuta //

Whatever impurity arises from the body or from the mind, O Keśava, there is no other washer of it, O lord of gods, apart from you, O Acyuta.

AI translation rendered from the Sanskrit, not a published edition

BrP 59.67

संसर्गाणि समस्तानि विहाय त्वाम् उपस्थितः सङ्गो मे ऽस्तु त्वया सार्धम् आत्मलाभाय केशव ॥

saṃsargāṇi samastāni vihāya tvām upasthitaḥ saṅgo me 'stu tvayā sārdham ātmalābhāya keśava //

Abandoning all attachments, I have come to you; let my association be with you, for the gaining of the self, O Keśava.

AI translation rendered from the Sanskrit, not a published edition

BrP 59.68

कष्टम् आपत् सुदुष्पारं संसारं वेद्मि केशव तापत्रयपरिक्लिष्टस् तेन त्वां शरणं गतः ॥

kaṣṭam āpat suduṣpāraṃ saṃsāraṃ vedmi keśava tāpatrayaparikliṣṭas tena tvāṃ śaraṇaṃ gataḥ //

I know transmigratory existence to be painful, a calamity very hard to cross over, O Keśava; tormented by the three sufferings, I have therefore gone to you for refuge.

AI translation rendered from the Sanskrit, not a published edition

BrP 59.69

एषणाभिर् जगत् सर्वं मोहितं मायया तव आकर्षितं च लोभाद्यैर् अतस् त्वाम् अहम् आश्रितः ॥

eṣaṇābhir jagat sarvaṃ mohitaṃ māyayā tava ākarṣitaṃ ca lobhādyair atas tvām aham āśritaḥ //

The whole world is deluded by cravings, through your māyā, and dragged along by greed and the rest; therefore I have taken shelter in you.

AI translation rendered from the Sanskrit, not a published edition

BrP 59.70

नास्ति किंचित् सुखं विष्णो संसारस्थस्य देहिनः यथा यथा हि यज्ञेश त्वयि चेतः प्रवर्तते ॥

nāsti kiṃcit sukhaṃ viṣṇo saṃsārasthasya dehinaḥ yathā yathā hi yajñeśa tvayi cetaḥ pravartate //

There is no happiness at all, O Viṣṇu, for an embodied being situated in saṃsāra; for in the measure that the mind turns toward you, O lord of sacrifice —

AI translation rendered from the Sanskrit, not a published edition

BrP 59.71

तथा फलविहीनं तु सुखम् आत्यन्तिकं लभेत् नष्टो विवेकशून्यो ऽस्मि दृश्यते जगद् आतुरम् ॥

tathā phalavihīnaṃ tu sukham ātyantikaṃ labhet naṣṭo vivekaśūnyo 'smi dṛśyate jagad āturam //

— in that measure one attains the absolute happiness that is free of (any) fruit. I am ruined, devoid of discernment; the world is seen to be afflicted.

AI translation rendered from the Sanskrit, not a published edition — the model flagged this verse as uncertain

BrP 59.72

गोविन्द त्राहि संसारान् माम् उद्धर्तुं त्वम् अर्हसि मग्नस्य मोहसलिले निरुत्तारे भवार्णवे उद्धर्ता पुण्डरीकाक्ष त्वाम् ऋते ऽन्यो न विद्यते ॥

govinda trāhi saṃsārān mām uddhartuṃ tvam arhasi magnasya mohasalile niruttāre bhavārṇave uddhartā puṇḍarīkākṣa tvām ṛte 'nyo na vidyate //

"Govinda, save (me) from the round of rebirth; you ought to lift me up. For one sunk in the water of delusion, in the ocean of becoming that cannot be crossed, there is no other rescuer, O lotus-eyed one, but you."

AI translation rendered from the Sanskrit, not a published edition

BrP 59.73

इत्थं स्तुतस् ततस् तेन राज्ञा श्वेतेन भो द्विजाः तस्मिन् क्षेत्रवरे दिव्ये विख्याते पुरुषोत्तमे ॥

itthaṃ stutas tatas tena rājñā śvetena bho dvijāḥ tasmin kṣetravare divye vikhyāte puruṣottame //

Thus praised then by that king Śveta, O brahmins, in that best of holy places, divine and renowned, Puruṣottama—

AI translation rendered from the Sanskrit, not a published edition

BrP 59.74

भक्तिं तस्य तु संचिन्त्य देवदेवो जगद्गुरुः आजगाम नृपस्याग्रे सर्वैर् देवैर् वृतो हरिः ॥

bhaktiṃ tasya tu saṃcintya devadevo jagadguruḥ ājagāma nṛpasyāgre sarvair devair vṛto hariḥ //

—reflecting on his devotion, the God of gods, teacher of the world, Hari, came before the king, surrounded by all the gods.

AI translation rendered from the Sanskrit, not a published edition

BrP 59.75

नीलजीमूतसंकाशः पद्मपत्त्रायतेक्षणः दधत् सुदर्शनं धीमान् कराग्रे दीप्तमण्डलम् ॥

nīlajīmūtasaṃkāśaḥ padmapattrāyatekṣaṇaḥ dadhat sudarśanaṃ dhīmān karāgre dīptamaṇḍalam //

Resembling a dark rain-cloud, with eyes long as lotus petals, the wise one bearing on his fingertips the Sudarśana (discus) with its blazing disc;

AI translation rendered from the Sanskrit, not a published edition

BrP 59.76

क्षीरोदजलसंकाशो विमलश् चन्द्रसंनिभः रराज वामहस्ते ऽस्य पाञ्चजन्यो महाद्युतिः ॥

kṣīrodajalasaṃkāśo vimalaś candrasaṃnibhaḥ rarāja vāmahaste 'sya pāñcajanyo mahādyutiḥ //

like the water of the milk-ocean, spotless, resembling the moon, the greatly radiant Pāñcajanya (conch) shone in his left hand.

AI translation rendered from the Sanskrit, not a published edition

BrP 59.77

पक्षिराजध्वजः श्रीमान् गदाशार्ङ्गासिधृक् प्रभुः उवाच साधु भो राजन् यस्य ते मतिर् उत्तमा यद् इष्टं वर भद्रं ते प्रसन्नो ऽस्मि तवानघ ॥

pakṣirājadhvajaḥ śrīmān gadāśārṅgāsidhṛk prabhuḥ uvāca sādhu bho rājan yasya te matir uttamā yad iṣṭaṃ vara bhadraṃ te prasanno 'smi tavānagha //

He whose banner is the king of birds, the glorious lord, bearer of mace, Śārṅga bow and sword, said: "Well done, O king, in that your mind is so excellent. Choose what you wish—blessings on you; I am pleased with you, O sinless one."

AI translation rendered from the Sanskrit, not a published edition

BrP 59.78

श्रुत्वैवं देवदेवस्य वाक्यं तत् परमामृतम् प्रणम्य शिरसोवाच श्वेतस् तद्गतमानसः ॥

śrutvaivaṃ devadevasya vākyaṃ tat paramāmṛtam praṇamya śirasovāca śvetas tadgatamānasaḥ //

Having heard thus that utterance of the God of gods, that supreme nectar, Śveta, his mind fixed on him, bowed with his head and said:

AI translation rendered from the Sanskrit, not a published edition

BrP 59.79

यद्य् अहं भगवन् भक्तः प्रयच्छ वरम् उत्तमम् आब्रह्मभवनाद् ऊर्ध्वं वैष्णवं पदम् अव्ययम् ॥

yady ahaṃ bhagavan bhaktaḥ prayaccha varam uttamam ābrahmabhavanād ūrdhvaṃ vaiṣṇavaṃ padam avyayam //

"If I am your devotee, Lord, grant (me) the highest boon: the imperishable Vaiṣṇava station, above the abode of Brahmā—

AI translation rendered from the Sanskrit, not a published edition

BrP 59.80

विमलं विरजं शुद्धं संसारासङ्गवर्जितम् तत् पदं गन्तुम् इच्छामि त्वत्प्रसादाज् जगत्पते ॥

vimalaṃ virajaṃ śuddhaṃ saṃsārāsaṅgavarjitam tat padaṃ gantum icchāmi tvatprasādāj jagatpate //

spotless, free of passion, pure, free from attachment to the round of rebirth—that station I wish to reach by your grace, O lord of the world;

AI translation rendered from the Sanskrit, not a published edition

BrP 59.81

यत् पदं विबुधाः सर्वे मुनयः सिद्धयोगिनः नाभिगच्छन्ति यद् रम्यं परं पदम् अनामयम् ॥

yat padaṃ vibudhāḥ sarve munayaḥ siddhayoginaḥ nābhigacchanti yad ramyaṃ paraṃ padam anāmayam //

that station which all the gods, the sages, the perfected ones and yogins do not reach, that delightful supreme station free from affliction."

AI translation rendered from the Sanskrit, not a published edition

BrP 59.82

यास्यसि परमं स्थानं राज्यामृतम् उपास्य च सर्वांल् लोकान् अतिक्रम्य मम लोकं गमिष्यसि ॥

yāsyasi paramaṃ sthānaṃ rājyāmṛtam upāsya ca sarvāṃl lokān atikramya mama lokaṃ gamiṣyasi //

"You shall go to the supreme abode; and having enjoyed the nectar of kingship, having passed beyond all the worlds, you shall come to my world.

AI translation rendered from the Sanskrit, not a published edition

BrP 59.83

कीर्तिस् तवात्र राजेन्द्र त्रींल् लोकांश् च गमिष्यति सांनिध्यं मम चैवात्र सर्वदैव भविष्यति ॥

kīrtis tavātra rājendra trīṃl lokāṃś ca gamiṣyati sāṃnidhyaṃ mama caivātra sarvadaiva bhaviṣyati //

Your fame here, O best of kings, shall go to the three worlds, and my presence here shall be for all time.

AI translation rendered from the Sanskrit, not a published edition

BrP 59.84

श्वेतगङ्गेति गास्यन्ति सर्वे ते देवदानवाः कुशाग्रेणापि राजेन्द्र श्वेतगाङ्गेयम् अम्बु च ॥

śvetagaṅgeti gāsyanti sarve te devadānavāḥ kuśāgreṇāpi rājendra śvetagāṅgeyam ambu ca //

All those gods and dānavas shall sing of it as 'Śvetagaṅgā'; and the water of the Śvetagaṅgā, O best of kings, even with (only) the tip of a kuśa blade—

AI translation rendered from the Sanskrit, not a published edition

BrP 59.85

स्पृष्ट्वा स्वर्गं गमिष्यन्ति मद्भक्ता ये समाहिताः यस् त्व् इमां प्रतिमां गच्छेन् माधवाख्यां शशिप्रभाम् ॥

spṛṣṭvā svargaṃ gamiṣyanti madbhaktā ye samāhitāḥ yas tv imāṃ pratimāṃ gacchen mādhavākhyāṃ śaśiprabhām //

—having touched (it), those devotees of mine who are composed shall go to heaven. And whoever approaches this image called Mādhava, moon-bright,

AI translation rendered from the Sanskrit, not a published edition

BrP 59.86

शङ्खगोक्षीरसंकाशाम् अशेषाघविनाशिनीम् तां प्रणम्य सकृद् भक्त्या पुण्डरीकनिभेक्षणाम् ॥

śaṅkhagokṣīrasaṃkāśām aśeṣāghavināśinīm tāṃ praṇamya sakṛd bhaktyā puṇḍarīkanibhekṣaṇām //

resembling a conch or cow's milk, destroying all sin—having bowed once with devotion to her, whose eyes are like white lotuses,

AI translation rendered from the Sanskrit, not a published edition

BrP 59.87

विहाय सर्वलोकान् वै मम लोके महीयते मन्वन्तराणि तत्रैव देवकन्याभिर् आवृतः ॥

vihāya sarvalokān vai mama loke mahīyate manvantarāṇi tatraiva devakanyābhir āvṛtaḥ //

leaving all the worlds behind, he is honoured in my world; there for manvantaras, surrounded by the daughters of the gods,

AI translation rendered from the Sanskrit, not a published edition

BrP 59.88

गीयमानश् च मधुरं सिद्धगन्धर्वसेवितः भुनक्ति विपुलान् भोगान् यथेष्टं मामकैः सह ॥

gīyamānaś ca madhuraṃ siddhagandharvasevitaḥ bhunakti vipulān bhogān yatheṣṭaṃ māmakaiḥ saha //

and being sweetly sung to, attended by siddhas and gandharvas, he enjoys ample pleasures at will, together with my own people.

AI translation rendered from the Sanskrit, not a published edition

BrP 59.89

च्युतस् तस्माद् इहागत्य मनुष्यो ब्राह्मणो भवेत् वेदवेदाङ्गविच् छ्रीमान् भोगवांश् चिरजीवितः ॥

cyutas tasmād ihāgatya manuṣyo brāhmaṇo bhavet vedavedāṅgavic chrīmān bhogavāṃś cirajīvitaḥ //

Fallen from there, having come here, he would become a man, a brahmin, knower of the Veda and its ancillary sciences, prosperous, having enjoyments, long-lived,

AI translation rendered from the Sanskrit, not a published edition

BrP 59.90

गजाश्वरथयानाढ्यो धनधान्यावृतः शुचिः रूपवान् बहुभाग्यश् च पुत्रपौत्रसमन्वितः ॥

gajāśvarathayānāḍhyo dhanadhānyāvṛtaḥ śuciḥ rūpavān bahubhāgyaś ca putrapautrasamanvitaḥ //

rich in elephants, horses, chariots and conveyances, surrounded by wealth and grain, pure, handsome and very fortunate, possessed of sons and grandsons.

AI translation rendered from the Sanskrit, not a published edition

BrP 59.91

पुरुषोत्तमं पुनः प्राप्य वटमूले ऽथ सागरे त्यक्त्वा देहं हरिं स्मृत्वा ततः शान्तपदं व्रजेत् ॥

puruṣottamaṃ punaḥ prāpya vaṭamūle 'tha sāgare tyaktvā dehaṃ hariṃ smṛtvā tataḥ śāntapadaṃ vrajet //

Reaching Puruṣottama again, at the root of the banyan by the sea, having given up the body while remembering Hari, he would then go to the station of peace.

AI translation rendered from the Sanskrit, not a published edition