Brahma Purana — Chapter 58
BrP 58.1
एवं दृष्ट्वा बलं कृष्णं सुभद्रां प्रणिपत्य च धर्मं चार्थं च कामं च मोक्षं च लभते ध्रुवम् ॥
evaṃ dṛṣṭvā balaṃ kṛṣṇaṃ subhadrāṃ praṇipatya ca dharmaṃ cārthaṃ ca kāmaṃ ca mokṣaṃ ca labhate dhruvam //
Thus, having seen Bala and Kṛṣṇa and having bowed to Subhadrā, one surely obtains dharma, wealth, pleasure and liberation.
AI translation rendered from the Sanskrit, not a published edition
BrP 58.2
निष्क्रम्य देवतागारात् कृतकृत्यो भवेन् नरः प्रणम्यायतनं पश्चाद् व्रजेत् तत्र समाहितः ॥
niṣkramya devatāgārāt kṛtakṛtyo bhaven naraḥ praṇamyāyatanaṃ paścād vrajet tatra samāhitaḥ //
Having gone out from the god's house, a man would have accomplished his purpose; and after bowing to the shrine he should go thence, composed.
AI translation rendered from the Sanskrit, not a published edition
BrP 58.3
इन्द्रनीलमयो विष्णुर् यत्रास्ते वालुकावृतः अन्तर्धानगतं नत्वा ततो विष्णुपुरं व्रजेत् ॥
indranīlamayo viṣṇur yatrāste vālukāvṛtaḥ antardhānagataṃ natvā tato viṣṇupuraṃ vrajet //
Where Viṣṇu, made of sapphire, stands covered by sand—having bowed to (him who has) gone into concealment, one would then go to the city of Viṣṇu.
AI translation rendered from the Sanskrit, not a published edition
BrP 58.4
सर्वदेवमयो यो ऽसौ हतवान् असुरोत्तमम् स आस्ते तत्र भो विप्राः सिंहार्धकृतविग्रहः ॥
sarvadevamayo yo 'sau hatavān asurottamam sa āste tatra bho viprāḥ siṃhārdhakṛtavigrahaḥ //
He who consists of all the gods, who slew the foremost of the asuras, he abides there, O brahmins, with a form made half of a lion.
AI translation rendered from the Sanskrit, not a published edition
BrP 58.5
भक्त्या दृष्ट्वा तु तं देवं प्रणम्य नरकेसरीम् मुच्यते पातकैर् मर्त्यः समस्तैर् नात्र संशयः ॥
bhaktyā dṛṣṭvā tu taṃ devaṃ praṇamya narakesarīm mucyate pātakair martyaḥ samastair nātra saṃśayaḥ //
Having seen that god with devotion and bowed to the man-lion, a mortal is freed from all his sins—there is no doubt here.
AI translation rendered from the Sanskrit, not a published edition
BrP 58.6
नरसिंहस्य ये भक्ता भवन्ति भुवि मानवाः न तेषां दुष्कृतं किंचित् फलं स्याद् यद् यद् ईप्सितम् ॥
narasiṃhasya ye bhaktā bhavanti bhuvi mānavāḥ na teṣāṃ duṣkṛtaṃ kiṃcit phalaṃ syād yad yad īpsitam //
Those men on earth who are devotees of Narasiṃha—for them there is no evil deed at all, and whatever is desired becomes their fruit.
AI translation rendered from the Sanskrit, not a published edition
BrP 58.7
तस्मात् सर्वप्रयत्नेन नरसिंहं समाश्रयेत् धर्मार्थकाममोक्षाणां फलं यस्मात् प्रयच्छति ॥
tasmāt sarvaprayatnena narasiṃhaṃ samāśrayet dharmārthakāmamokṣāṇāṃ phalaṃ yasmāt prayacchati //
Therefore with every effort one should take refuge in Narasiṃha, since he grants the fruit of dharma, wealth, pleasure and liberation.
AI translation rendered from the Sanskrit, not a published edition
BrP 58.8
माहात्म्यं नरसिंहस्य सुखदं भुवि दुर्लभम् यथा कथयसे देव तेन नो विस्मयो महान् ॥
māhātmyaṃ narasiṃhasya sukhadaṃ bhuvi durlabham yathā kathayase deva tena no vismayo mahān //
As you tell it, O god, the greatness of Narasiṃha is a giver of happiness and hard to obtain on earth; at that our amazement is great.
AI translation rendered from the Sanskrit, not a published edition
BrP 58.9
प्रभावं तस्य देवस्य विस्तरेण जगत्पते श्रोतुम् इच्छामहे ब्रूहि परं कौतूहलं हि नः ॥
prabhāvaṃ tasya devasya vistareṇa jagatpate śrotum icchāmahe brūhi paraṃ kautūhalaṃ hi naḥ //
We wish to hear at length the power of that god, O lord of the world; tell (it), for our curiosity is great.
AI translation rendered from the Sanskrit, not a published edition
BrP 58.10
यथा प्रसीदेद् देवो ऽसौ नरसिंहो महाबलः भक्तानाम् उपकाराय ब्रूहि देव नमो ऽस्तु ते ॥
yathā prasīded devo 'sau narasiṃho mahābalaḥ bhaktānām upakārāya brūhi deva namo 'stu te //
Tell (us), O god — homage be to you — how that god Narasiṃha of great strength may be made favourable, for the benefit of (his) devotees.
AI translation rendered from the Sanskrit, not a published edition
BrP 58.11
प्रसादान् नरसिंहस्य या भवन्त्य् अत्र सिद्धयः ब्रूहि ताः कुरु चास्माकं प्रसादं प्रपितामह ॥
prasādān narasiṃhasya yā bhavanty atra siddhayaḥ brūhi tāḥ kuru cāsmākaṃ prasādaṃ prapitāmaha //
Tell (us) what perfections arise here from the favour of Narasiṃha, and show us your grace, O great-grandfather.
AI translation rendered from the Sanskrit, not a published edition
BrP 58.12
शृणुध्वं तस्य भो विप्राः प्रभावं गदतो मम अजितस्याप्रमेयस्य भुक्तिमुक्तिप्रदस्य च ॥
śṛṇudhvaṃ tasya bho viprāḥ prabhāvaṃ gadato mama ajitasyāprameyasya bhuktimuktipradasya ca //
Hear, O brahmins, as I speak of the power of that unconquered, immeasurable one, the giver of enjoyment and liberation.
AI translation rendered from the Sanskrit, not a published edition
BrP 58.13
कः शक्नोति गुणान् वक्तुं समस्तांस् तस्य भो द्विजाः सिंहार्धकृतदेहस्य प्रवक्ष्यामि समासतः ॥
kaḥ śaknoti guṇān vaktuṃ samastāṃs tasya bho dvijāḥ siṃhārdhakṛtadehasya pravakṣyāmi samāsataḥ //
Who is able to tell all the qualities of him, O twice-born ones, whose body is made half a lion? I shall declare (them) in brief.
AI translation rendered from the Sanskrit, not a published edition
BrP 58.14
याः काश्चित् सिद्धयश् चात्र श्रूयन्ते दैवमानुषाः प्रसादात् तस्य ताः सर्वाः सिध्यन्ति नात्र संशयः ॥
yāḥ kāścit siddhayaś cātra śrūyante daivamānuṣāḥ prasādāt tasya tāḥ sarvāḥ sidhyanti nātra saṃśayaḥ //
Whatever perfections, divine or human, are heard of here, all of them are attained by his favour — there is no doubt in this.
AI translation rendered from the Sanskrit, not a published edition
BrP 58.15
स्वर्गे मर्त्ये च पाताले दिक्षु तोये पुरे नगे प्रसादात् तस्य देवस्य भवत्य् अव्याहता गतिः ॥
svarge martye ca pātāle dikṣu toye pure nage prasādāt tasya devasya bhavaty avyāhatā gatiḥ //
In heaven, in the mortal world, in the underworld, in the (four) directions, in water, in a city, on a mountain — by the favour of that god one's movement becomes unobstructed.
AI translation rendered from the Sanskrit, not a published edition
BrP 58.16
असाध्यं तस्य देवस्य नास्त्य् अत्र सचराचरे नरसिंहस्य भो विप्राः सदा भक्तानुकम्पिनः ॥
asādhyaṃ tasya devasya nāsty atra sacarācare narasiṃhasya bho viprāḥ sadā bhaktānukampinaḥ //
There is nothing here in (this world) with its moving and unmoving (beings) that is unachievable for that god Narasiṃha, O brahmins, who is ever compassionate to (his) devotees.
AI translation rendered from the Sanskrit, not a published edition
BrP 58.17
विधानं तस्य वक्ष्यामि भक्तानाम् उपकारकम् येन प्रसीदेच् चैवासौ सिंहार्धकृतविग्रहः ॥
vidhānaṃ tasya vakṣyāmi bhaktānām upakārakam yena prasīdec caivāsau siṃhārdhakṛtavigrahaḥ //
I shall declare the ritual procedure for him, which brings benefit to (his) devotees, by which that one whose form is made half a lion becomes favourable.
AI translation rendered from the Sanskrit, not a published edition
BrP 58.18
शृणुध्वं मुनिशार्दूलाः कल्पराजं सनातनम् नरसिंहस्य तत्त्वं च यन् न ज्ञातं सुरासुरैः ॥
śṛṇudhvaṃ muniśārdūlāḥ kalparājaṃ sanātanam narasiṃhasya tattvaṃ ca yan na jñātaṃ surāsuraiḥ //
Hear, O tigers among sages, the eternal king of ritual manuals, and the truth of Narasiṃha, which is not known by gods or demons.
AI translation rendered from the Sanskrit, not a published edition
BrP 58.19
शाकयावकमूलैस् तु फलपिण्याकसक्तुकैः पयोभक्षेण विप्रेन्द्रा वर्तयेत् साधकोत्तमः ॥
śākayāvakamūlais tu phalapiṇyākasaktukaiḥ payobhakṣeṇa viprendrā vartayet sādhakottamaḥ //
The best of practitioners should subsist, O chief brahmins, on vegetables, barley-gruel and roots, on fruits, oil-cake and barley-meal, and on a diet of milk.
AI translation rendered from the Sanskrit, not a published edition
BrP 58.20
कोशकौपीनवासाश् च ध्यानयुक्तो जितेन्द्रियः अरण्ये विजने देशे पर्वते सिन्धुसंगमे ॥
kośakaupīnavāsāś ca dhyānayukto jitendriyaḥ araṇye vijane deśe parvate sindhusaṃgame //
And wearing a sheath-like loincloth, engaged in meditation, with senses subdued, (he should dwell) in a forest, in a deserted place, on a mountain, at the confluence of rivers,
AI translation rendered from the Sanskrit, not a published edition
BrP 58.21
ऊषरे सिद्धक्षेत्रे च नरसिंहाश्रमे तथा प्रतिष्ठाप्य स्वयं वापि पूजां कृत्वा विधानतः ॥
ūṣare siddhakṣetre ca narasiṃhāśrame tathā pratiṣṭhāpya svayaṃ vāpi pūjāṃ kṛtvā vidhānataḥ //
on saline ground, in a field of adepts, or likewise in a hermitage of Narasiṃha — having installed (the image), or even by himself, having performed worship according to the rule,
AI translation rendered from the Sanskrit, not a published edition
BrP 58.22
द्वादश्यां शुक्लपक्षस्य उपोष्य मुनिपुंगवाः जपेल् लक्षाणि वै विंशन् मनसा संयतेन्द्रियः ॥
dvādaśyāṃ śuklapakṣasya upoṣya munipuṃgavāḥ japel lakṣāṇi vai viṃśan manasā saṃyatendriyaḥ //
having fasted on the twelfth day of the bright fortnight, O bulls among sages, with senses restrained he should recite mentally twenty hundred-thousand (times).
AI translation rendered from the Sanskrit, not a published edition
BrP 58.23
उपपातकयुक्तश् च महापातकसंयुतः मुक्तो भवेत् ततो विप्राः साधको नात्र संशयः ॥
upapātakayuktaś ca mahāpātakasaṃyutaḥ mukto bhavet tato viprāḥ sādhako nātra saṃśayaḥ //
Then, O brahmins, the practitioner, though tainted with a minor sin or joined with a great sin, becomes freed — there is no doubt in this.
AI translation rendered from the Sanskrit, not a published edition
BrP 58.24
कृत्वा प्रदक्षिणं तत्र नरसिंहं प्रपूजयेत् पुण्यगन्धादिभिर् धूपैः प्रणम्य शिरसा प्रभुम् ॥
kṛtvā pradakṣiṇaṃ tatra narasiṃhaṃ prapūjayet puṇyagandhādibhir dhūpaiḥ praṇamya śirasā prabhum //
Having made a circumambulation there, he should worship Narasiṃha with holy perfumes and the rest and with incense, bowing to the Lord with his head.
AI translation rendered from the Sanskrit, not a published edition
BrP 58.25
कर्पूरचन्दनाक्तानि जातीपुष्पाणि मस्तके प्रदद्यान् नरसिंहस्य ततः सिद्धिः प्रजायते ॥
karpūracandanāktāni jātīpuṣpāṇi mastake pradadyān narasiṃhasya tataḥ siddhiḥ prajāyate //
He should place on Narasiṃha's head jasmine flowers smeared with camphor and sandal; from that, success arises.
AI translation rendered from the Sanskrit, not a published edition
BrP 58.26
भगवान् सर्वकार्येषु न क्वचित् प्रतिहन्यते तेजः सोढुं न शक्ताः स्युर् ब्रह्मरुद्रादयः सुराः ॥
bhagavān sarvakāryeṣu na kvacit pratihanyate tejaḥ soḍhuṃ na śaktāḥ syur brahmarudrādayaḥ surāḥ //
The Lord is nowhere thwarted in any of his undertakings; the gods, Brahmā, Rudra and the rest, would not be able to bear his blazing energy.
AI translation rendered from the Sanskrit, not a published edition
BrP 58.27
किं पुनर् दानवा लोके सिद्धगन्धर्वमानुषाः विद्याधरा यक्षगणाः सकिंनरमहोरगाः ॥
kiṃ punar dānavā loke siddhagandharvamānuṣāḥ vidyādharā yakṣagaṇāḥ sakiṃnaramahoragāḥ //
How much less the Dānavas in the world, the Siddhas, Gandharvas and men, the Vidyādharas, the hosts of Yakṣas, together with the Kiṃnaras and the great serpents.
AI translation rendered from the Sanskrit, not a published edition
BrP 58.28
मन्त्रं यान् आसुरान् हन्तुं जपन्त्य् एके ऽन्यसाधकाः ते सर्वे प्रलयं यान्ति दृष्ट्वादित्याग्निवर्चसः ॥
mantraṃ yān āsurān hantuṃ japanty eke 'nyasādhakāḥ te sarve pralayaṃ yānti dṛṣṭvādityāgnivarcasaḥ //
Some other practitioners recite the mantra in order to kill those Asuras; all of them go to destruction on seeing (him whose) radiance is (like) the sun and fire.
AI translation rendered from the Sanskrit, not a published edition — the model flagged this verse as uncertain
BrP 58.29
सकृज्जप्तं तु कवचं रक्षेत् सर्वम् उपद्रवम् द्विर्जप्तं कवचं दिव्यं रक्षते देवदानवात् ॥
sakṛjjaptaṃ tu kavacaṃ rakṣet sarvam upadravam dvirjaptaṃ kavacaṃ divyaṃ rakṣate devadānavāt //
The armor (mantra), recited once, protects from every calamity; the divine armor recited twice protects from gods and demons.
AI translation rendered from the Sanskrit, not a published edition
BrP 58.30
गन्धर्वाः किंनरा यक्षा विद्याधरमहोरगाः भूताः पिशाचा रक्षांसि ये चान्ये परिपन्थिनः ॥
gandharvāḥ kiṃnarā yakṣā vidyādharamahoragāḥ bhūtāḥ piśācā rakṣāṃsi ye cānye paripanthinaḥ //
Gandharvas, Kinnaras, Yakṣas, Vidyādharas and great serpents, ghosts, Piśācas, Rākṣasas, and whatever others waylay (a man) —
AI translation rendered from the Sanskrit, not a published edition
BrP 58.31
त्रिर्जप्तं कवचं दिव्यम् अभेद्यं च सुरासुरैः द्वादशाभ्यन्तरे चैव योजनानां द्विजोत्तमाः ॥
trirjaptaṃ kavacaṃ divyam abhedyaṃ ca surāsuraiḥ dvādaśābhyantare caiva yojanānāṃ dvijottamāḥ //
the divine armor recited three times is unbreakable even by gods and demons; and within twelve yojanas, O best of the twice-born,
AI translation rendered from the Sanskrit, not a published edition
BrP 58.32
रक्षते भगवान् देवो नरसिंहो महाबलः ततो गत्वा बिलद्वारम् उपोष्य रजनीत्रयम् ॥
rakṣate bhagavān devo narasiṃho mahābalaḥ tato gatvā biladvāram upoṣya rajanītrayam //
the Lord, the god Narasiṃha of great strength, protects. Then, having gone to the mouth of the cave and fasted for three nights,
AI translation rendered from the Sanskrit, not a published edition
BrP 58.33
पलाशकाष्ठैः प्रज्वाल्य भगवन्तं हुताशनम् पलाशसमिधस् तत्र जुहुयात् त्रिमधुप्लुताः ॥
palāśakāṣṭhaiḥ prajvālya bhagavantaṃ hutāśanam palāśasamidhas tatra juhuyāt trimadhuplutāḥ //
having kindled the blessed fire with palāśa wood, he should offer there palāśa fuel-sticks steeped in the three sweet substances —
AI translation rendered from the Sanskrit, not a published edition
BrP 58.34
द्वे शते द्विजशार्दूला वषट्कारेण साधकः ततो विवरद्वारं तु प्रकटं जायते क्षणात् ॥
dve śate dvijaśārdūlā vaṣaṭkāreṇa sādhakaḥ tato vivaradvāraṃ tu prakaṭaṃ jāyate kṣaṇāt //
two hundred (of them), O tigers among the twice-born, the adept (offering) with the cry vaṣaṭ; thereupon the door of the cavern becomes manifest in an instant.
AI translation rendered from the Sanskrit, not a published edition
BrP 58.35
ततो विशेत् तु निःशङ्कं कवची विवरं बुधः गच्छतः संकटं तस्य तमोमोहश् च नश्यति ॥
tato viśet tu niḥśaṅkaṃ kavacī vivaraṃ budhaḥ gacchataḥ saṃkaṭaṃ tasya tamomohaś ca naśyati //
Then the wise man, armored (with the mantra), should enter the cavern without hesitation; as he goes, his distress and the delusion of darkness perish.
AI translation rendered from the Sanskrit, not a published edition
BrP 58.36
राजमार्गः सुविस्तीर्णो दृश्यते भ्रमराजितः नरसिंहं स्मरंस् तत्र पातालं विशते द्विजाः ॥
rājamārgaḥ suvistīrṇo dṛśyate bhramarājitaḥ narasiṃhaṃ smaraṃs tatra pātālaṃ viśate dvijāḥ //
A very broad royal road is seen, adorned with bees; remembering Narasiṃha there, he enters Pātāla, O twice-born ones.
AI translation rendered from the Sanskrit, not a published edition
BrP 58.37
गत्वा तत्र जपेत् तत्त्वं नरसिंहाख्यम् अव्ययम् ततः स्त्रीणां सहस्राणि वीणावादनकर्मणाम् ॥
gatvā tatra japet tattvaṃ narasiṃhākhyam avyayam tataḥ strīṇāṃ sahasrāṇi vīṇāvādanakarmaṇām //
Having gone there he should recite the imperishable essence (mantra) named Narasiṃha; then thousands of women whose occupation is playing the vīṇā
AI translation rendered from the Sanskrit, not a published edition
BrP 58.38
निर्गच्छन्ति पुरो विप्राः स्वागतं ता वदन्ति च प्रवेशयन्ति ता हस्ते गृहीत्वा साधकेश्वरम् ॥
nirgacchanti puro viprāḥ svāgataṃ tā vadanti ca praveśayanti tā haste gṛhītvā sādhakeśvaram //
come forth before (him), O brahmins, and they say 'welcome!'; taking him by the hand, they lead the lord of adepts inside.
AI translation rendered from the Sanskrit, not a published edition
BrP 58.39
ततो रसायनं दिव्यं पाययन्ति द्विजोत्तमाः पीतमात्रे दिव्यदेहो जायते सुमहाबलः ॥
tato rasāyanaṃ divyaṃ pāyayanti dvijottamāḥ pītamātre divyadeho jāyate sumahābalaḥ //
Then they give (him) a divine elixir to drink, O best of the twice-born; the moment it is drunk he becomes possessed of a divine body and very great strength.
AI translation rendered from the Sanskrit, not a published edition
BrP 58.40
क्रीडते सह कन्याभिर् यावद् आभूतसंप्लवम् भिन्नदेहो वासुदेवे लीयते नात्र संशयः ॥
krīḍate saha kanyābhir yāvad ābhūtasaṃplavam bhinnadeho vāsudeve līyate nātra saṃśayaḥ //
He plays with the maidens until the dissolution of beings; when his body breaks up he merges into Vāsudeva — there is no doubt here.
AI translation rendered from the Sanskrit, not a published edition
BrP 58.41
यदा न रोचते वासस् तस्मान् निर्गच्छते पुनः पट्टं शूलं च खड्गं च रोचनां च मणिं तथा ॥
yadā na rocate vāsas tasmān nirgacchate punaḥ paṭṭaṃ śūlaṃ ca khaḍgaṃ ca rocanāṃ ca maṇiṃ tathā //
When dwelling (there) no longer pleases (him), he goes out from there again, (taking) a cloth, a spear, a sword, yellow pigment, and a gem,
AI translation rendered from the Sanskrit, not a published edition
BrP 58.42
रसं रसायनं चैव पादुकाञ्जनम् एव च कृष्णाजिनं मुनिश्रेष्ठा गुटिकां च मनोहराम् ॥
rasaṃ rasāyanaṃ caiva pādukāñjanam eva ca kṛṣṇājinaṃ muniśreṣṭhā guṭikāṃ ca manoharām //
mercury and elixir, and sandals and eye-salve, a black antelope skin, O best of sages, and a charming pill,
AI translation rendered from the Sanskrit, not a published edition
BrP 58.43
कमण्डलुं चाक्षसूत्रं यष्टिं संजीवनीं तथा सिद्धविद्यां च शास्त्राणि गृहीत्वा साधकेश्वरः ॥
kamaṇḍaluṃ cākṣasūtraṃ yaṣṭiṃ saṃjīvanīṃ tathā siddhavidyāṃ ca śāstrāṇi gṛhītvā sādhakeśvaraḥ //
a water-pot and a rosary, a staff, and the saṃjīvanī (life-restoring herb), and the perfected science and the treatises — taking these, the lord of adepts (goes forth).
AI translation rendered from the Sanskrit, not a published edition
BrP 58.44
ज्वलद्वह्निस्फुलिङ्गोर्मिवेष्टितं त्रिशिखं हृदि सकृन् न्यस्तं दहेत् सर्वं वृजिनं जन्मकोटिजम् ॥
jvaladvahnisphuliṅgormiveṣṭitaṃ triśikhaṃ hṛdi sakṛn nyastaṃ dahet sarvaṃ vṛjinaṃ janmakoṭijam //
The three-pointed (syllable/mark), encircled by waves of sparks of blazing fire, once placed in the heart, burns up all the sin arising from ten million births.
AI translation rendered from the Sanskrit, not a published edition
BrP 58.45
विषे न्यस्तं विषं हन्यात् कुष्ठं हन्यात् तनौ स्थितम् स्वदेहे भ्रूणहत्यादि कृत्वा दिव्येन शुध्यति ॥
viṣe nyastaṃ viṣaṃ hanyāt kuṣṭhaṃ hanyāt tanau sthitam svadehe bhrūṇahatyādi kṛtvā divyena śudhyati //
Placed on poison it destroys the poison; it destroys leprosy situated in the body; having committed the killing of an embryo and the like, one is purified in one's own body by the divine (mantra).
AI translation rendered from the Sanskrit, not a published edition
BrP 58.46
महाग्रहगृहीतेषु ज्वलमानं विचिन्तयेत् हृदन्ते वै ततः शीघ्रं नश्येयुर् दारुणा ग्रहाः ॥
mahāgrahagṛhīteṣu jvalamānaṃ vicintayet hṛdante vai tataḥ śīghraṃ naśyeyur dāruṇā grahāḥ //
In those seized by great (planetary) seizures he should visualize it blazing; then, at the end of the heart, the terrible seizers would swiftly perish.
AI translation rendered from the Sanskrit, not a published edition — the model flagged this verse as uncertain
BrP 58.47
बालानां कण्ठके बद्धं रक्षा भवति नित्यशः गण्डपिण्डकलूतानां नाशनं कुरुते ध्रुवम् ॥
bālānāṃ kaṇṭhake baddhaṃ rakṣā bhavati nityaśaḥ gaṇḍapiṇḍakalūtānāṃ nāśanaṃ kurute dhruvam //
Bound at the throat of children it becomes a constant protection; it surely brings about the destruction of tumors, lumps, and spider-sores.
AI translation rendered from the Sanskrit, not a published edition — the model flagged this verse as uncertain
BrP 58.48
व्याधिजाते समिद्भिश् च घृतक्षीरेण होमयेत् त्रिसंध्यं मासम् एकं तु सर्वरोगान् विनाशयेत् ॥
vyādhijāte samidbhiś ca ghṛtakṣīreṇa homayet trisaṃdhyaṃ māsam ekaṃ tu sarvarogān vināśayet //
When disease has arisen, he should offer oblations with fuel-sticks together with ghee and milk; (doing so) at the three junctures of the day for one month, he would destroy all diseases.
AI translation rendered from the Sanskrit, not a published edition
BrP 58.49
असाध्यं तु न पश्यामि त्रैलोक्ये सचराचरे यां यां कामयते सिद्धिं तां तां प्राप्नोति स ध्रुवम् ॥
asādhyaṃ tu na paśyāmi trailokye sacarācare yāṃ yāṃ kāmayate siddhiṃ tāṃ tāṃ prāpnoti sa dhruvam //
I see nothing unattainable in the three worlds with all that moves and does not move: whatever accomplishment (a man) desires, that he surely obtains.
AI translation rendered from the Sanskrit, not a published edition
BrP 58.50
अष्टोत्तरशतं त्व् एके पूजयित्वा मृगाधिपम् मृत्तिकाः सप्त वल्मीके श्मशाने च चतुष्पथे ॥
aṣṭottaraśataṃ tv eke pūjayitvā mṛgādhipam mṛttikāḥ sapta valmīke śmaśāne ca catuṣpathe //
But some, having worshipped the lord of beasts one hundred and eight times, (take) seven (kinds of) earth—from an anthill, from a cremation ground, and from a crossroads,
AI translation rendered from the Sanskrit, not a published edition
BrP 58.51
रक्तचन्दनसंमिश्रा गवां क्षीरेण लोडयेत् सिंहस्य प्रतिमां कृत्वा प्रमाणेन षडङ्गुलाम् ॥
raktacandanasaṃmiśrā gavāṃ kṣīreṇa loḍayet siṃhasya pratimāṃ kṛtvā pramāṇena ṣaḍaṅgulām //
mixed with red sandal, he should knead (them) with cows' milk, and make an image of the lion six fingers in measure.
AI translation rendered from the Sanskrit, not a published edition
BrP 58.52
लिम्पेत् तथा भूर्जपत्त्रे रोचनया समालिखेत् नरसिंहस्य कण्ठे तु बद्ध्वा चैव हि मन्त्रवित् ॥
limpet tathā bhūrjapattre rocanayā samālikhet narasiṃhasya kaṇṭhe tu baddhvā caiva hi mantravit //
He should smear (it) thus, and inscribe (the mantra) on a birch leaf with yellow pigment, and the knower of the mantra, having bound it on the neck of the Man-Lion,
AI translation rendered from the Sanskrit, not a published edition — the model flagged this verse as uncertain
BrP 58.53
जपेत् संख्याविहीनं तु पूजयित्वा जलाशये यावत् सप्ताहमात्रं तु जपेत् संयमितेन्द्रियः ॥
japet saṃkhyāvihīnaṃ tu pūjayitvā jalāśaye yāvat saptāhamātraṃ tu japet saṃyamitendriyaḥ //
should recite (the mantra) without count, having worshipped (him) at a body of water; for a full seven days he should recite with his senses restrained.
AI translation rendered from the Sanskrit, not a published edition
BrP 58.54
जलाकीर्णा मुहूर्तेन जायते सर्वमेदिनी अथवा शुष्कवृक्षाग्रे नरसिंहं तु पूजयेत् ॥
jalākīrṇā muhūrtena jāyate sarvamedinī athavā śuṣkavṛkṣāgre narasiṃhaṃ tu pūjayet //
In a moment the whole earth becomes covered with water. Or else he may worship the Man-Lion at the top of a dry tree;
AI translation rendered from the Sanskrit, not a published edition
BrP 58.55
जप्त्वा चाष्टशतं तत्त्वं वर्षन्तं विनिवारयेत् तम् एवं पिञ्जके बद्ध्वा भ्रामयेत् साधकोत्तमः ॥
japtvā cāṣṭaśataṃ tattvaṃ varṣantaṃ vinivārayet tam evaṃ piñjake baddhvā bhrāmayet sādhakottamaḥ //
and having recited (the mantra) one hundred and eight times, he may truly stop the raining. The best of adepts, having bound it thus in a cage(?), should whirl it about,
AI translation rendered from the Sanskrit, not a published edition — the model flagged this verse as uncertain
BrP 58.56
महावातो मुहूर्तेन आगच्छेन् नात्र संशयः पुनश् च धारयेत् क्षिप्रं सप्तसप्तेन वारिणा ॥
mahāvāto muhūrtena āgacchen nātra saṃśayaḥ punaś ca dhārayet kṣipraṃ saptasaptena vāriṇā //
and in a moment a great wind will come—there is no doubt of this. And again he may quickly stay (it) with water (charmed) seven times seven.
AI translation rendered from the Sanskrit, not a published edition — the model flagged this verse as uncertain
BrP 58.57
अथ तां प्रतिमां द्वारि निखनेद् यस्य साधकः गोत्रोत्सादो भवेत् तस्य उद्धृते चैव शान्तिदः ॥
atha tāṃ pratimāṃ dvāri nikhaned yasya sādhakaḥ gotrotsādo bhavet tasya uddhṛte caiva śāntidaḥ //
Then, in whose doorway the adept buries that image, there will be the extirpation of his lineage; and when it is dug up again it gives peace.
AI translation rendered from the Sanskrit, not a published edition
BrP 58.58
तस्मात् तं मुनिशार्दूला भक्त्या संपूजयेत् सदा मृगराजं महावीर्यं सर्वकामफलप्रदम् ॥
tasmāt taṃ muniśārdūlā bhaktyā saṃpūjayet sadā mṛgarājaṃ mahāvīryaṃ sarvakāmaphalapradam //
Therefore, O tigers among sages, one should always worship him with devotion—the king of beasts, of great might, granting the fruit of all desires.
AI translation rendered from the Sanskrit, not a published edition
BrP 58.59
विमुक्तः सर्वपापेभ्यो विष्णुलोकं स गच्छति ब्राह्मणाः क्षत्रिया वैश्याः स्त्रियः शूद्रान्त्यजातयः ॥
vimuktaḥ sarvapāpebhyo viṣṇulokaṃ sa gacchati brāhmaṇāḥ kṣatriyā vaiśyāḥ striyaḥ śūdrāntyajātayaḥ //
Freed from all sins, he goes to Viṣṇu's world. Brahmins, kṣatriyas, vaiśyas, women, śūdras and those of the lowest births—
AI translation rendered from the Sanskrit, not a published edition
BrP 58.60
संपूज्य तं सुरश्रेष्ठं भक्त्या सिंहवपुर्धरम् मुच्यन्ते चाशुभैर् दुःखैर् जन्मकोटिसमुद्भवैः ॥
saṃpūjya taṃ suraśreṣṭhaṃ bhaktyā siṃhavapurdharam mucyante cāśubhair duḥkhair janmakoṭisamudbhavaiḥ //
having worshipped with devotion that best of gods who bears the body of a lion, they are freed from the inauspicious sufferings arising from ten million births.
AI translation rendered from the Sanskrit, not a published edition
BrP 58.61
संपूज्य तं सुरश्रेष्ठं प्राप्नुवन्त्य् अभिवाञ्छितम् देवत्वम् अमरेशत्वं गन्धर्वत्वं च भो द्विजाः ॥
saṃpūjya taṃ suraśreṣṭhaṃ prāpnuvanty abhivāñchitam devatvam amareśatvaṃ gandharvatvaṃ ca bho dvijāḥ //
Having worshipped that best of gods, they obtain what they wish for: godhood, lordship over the immortals, and the state of a gandharva, O twice-born ones,
AI translation rendered from the Sanskrit, not a published edition
BrP 58.62
यक्षविद्याधरत्वं च तथान्यच् चाभिवाञ्छितम् दृष्ट्वा स्तुत्वा नमस्कृत्वा संपूज्य नरकेसरीम् ॥
yakṣavidyādharatvaṃ ca tathānyac cābhivāñchitam dṛṣṭvā stutvā namaskṛtvā saṃpūjya narakesarīm //
and the state of a yakṣa or a vidyādhara, and whatever else is desired. Having seen, praised, bowed to and worshipped the Man-Lion,
AI translation rendered from the Sanskrit, not a published edition
BrP 58.63
प्राप्नुवन्ति नरा राज्यं स्वर्गं मोक्षं च दुर्लभम् नरसिंहं नरो दृष्ट्वा लभेद् अभिमतं फलम् ॥
prāpnuvanti narā rājyaṃ svargaṃ mokṣaṃ ca durlabham narasiṃhaṃ naro dṛṣṭvā labhed abhimataṃ phalam //
men obtain kingship, heaven, and liberation, which is hard to attain. A man, by seeing the Man-Lion, would gain the fruit he desires.
AI translation rendered from the Sanskrit, not a published edition
BrP 58.64
निर्मुक्तः सर्वपापेभ्यो विष्णुलोकं स गच्छति सकृद् दृष्ट्वा तु तं देवं भक्त्या सिंहवपुर्धरम् ॥
nirmuktaḥ sarvapāpebhyo viṣṇulokaṃ sa gacchati sakṛd dṛṣṭvā tu taṃ devaṃ bhaktyā siṃhavapurdharam //
Freed from all sins, he goes to Viṣṇu's world. Having but once seen with devotion that god who bears the body of a lion,
AI translation rendered from the Sanskrit, not a published edition
BrP 58.65
मुच्यते चाशुभैर् दुःखैर् जन्मकोटिसमुद्भवैः संग्रामे संकटे दुर्गे चोरव्याघ्रादिपीडिते ॥
mucyate cāśubhair duḥkhair janmakoṭisamudbhavaiḥ saṃgrāme saṃkaṭe durge coravyāghrādipīḍite //
one is freed from the inauspicious sufferings arising from ten million births. In battle, in straits, in a hard pass beset by thieves, tigers and the like,
AI translation rendered from the Sanskrit, not a published edition
BrP 58.66
कान्तारे प्राणसंदेहे विषवह्निजलेषु च राजादिभ्यः समुद्रेभ्यो ग्रहरोगादिपीडिते ॥
kāntāre prāṇasaṃdehe viṣavahnijaleṣu ca rājādibhyaḥ samudrebhyo graharogādipīḍite //
in a wilderness, in peril of life, amid poison, fire and waters, from kings and the like, from oceans, when afflicted by planets, disease and the rest—
AI translation rendered from the Sanskrit, not a published edition
BrP 58.67
स्मृत्वा तं पुरुषः सर्वै राजग्रामैर् विमुच्यते सूर्योदये यथा नाशं तमो ऽभ्येति महत्तरम् ॥
smṛtvā taṃ puruṣaḥ sarvai rājagrāmair vimucyate sūryodaye yathā nāśaṃ tamo 'bhyeti mahattaram //
remembering him, a man is freed from all the hosts of kings(?). Just as at sunrise even the greatest darkness comes to destruction,
AI translation rendered from the Sanskrit, not a published edition — the model flagged this verse as uncertain
BrP 58.68
तथा संदर्शने तस्य विनाशं यान्त्य् उपद्रवाः गुटिकाञ्जनपातालपादुके च रसायनम् ॥
tathā saṃdarśane tasya vināśaṃ yānty upadravāḥ guṭikāñjanapātālapāduke ca rasāyanam //
so at the sight of him calamities go to destruction. The pill, the eye-salve, (entry to) the netherworld, the sandals, and the elixir—
AI translation rendered from the Sanskrit, not a published edition
BrP 58.69
नरसिंहे प्रसन्ने तु प्राप्नोत्य् अन्यांश् च वाञ्छितान् यान् यान् कामान् अभिध्यायन् भजते नरकेसरीम् ॥
narasiṃhe prasanne tu prāpnoty anyāṃś ca vāñchitān yān yān kāmān abhidhyāyan bhajate narakesarīm //
But when Narasiṃha is pleased, (a man) obtains the other things he wishes for too; whatever desires he has in mind while he worships the Man-Lion —
AI translation rendered from the Sanskrit, not a published edition
BrP 58.70
तांस् तान् कामान् अवाप्नोति नरो नास्त्य् अत्र संशयः दृष्ट्वा तं देवदेवेशं भक्त्यापूज्य प्रणम्य च ॥
tāṃs tān kāmān avāpnoti naro nāsty atra saṃśayaḥ dṛṣṭvā taṃ devadeveśaṃ bhaktyāpūjya praṇamya ca //
— those very desires the man obtains; there is no doubt in this. And having seen that Lord of the gods of gods, and worshipped and bowed to (him) with devotion,
AI translation rendered from the Sanskrit, not a published edition
BrP 58.71
दशानाम् अश्वमेधानां फलं दशगुणं लभेत् पापैः सर्वैर् विनिर्मुक्तो गुणैः सर्वैर् अलंकृतः ॥
daśānām aśvamedhānāṃ phalaṃ daśaguṇaṃ labhet pāpaiḥ sarvair vinirmukto guṇaiḥ sarvair alaṃkṛtaḥ //
he wins the fruit of ten horse-sacrifices tenfold; freed from all sins, adorned with all virtues,
AI translation rendered from the Sanskrit, not a published edition
BrP 58.72
सर्वकामसमृद्धात्मा जरामरणवर्जितः सौवर्णेन विमानेन किङ्किणीजालमालिना ॥
sarvakāmasamṛddhātmā jarāmaraṇavarjitaḥ sauvarṇena vimānena kiṅkiṇījālamālinā //
himself abounding in every desire, exempt from old age and death, (he goes) by a golden aerial chariot garlanded with nets of little bells,
AI translation rendered from the Sanskrit, not a published edition
BrP 58.73
सर्वकामसमृद्धेन कामगेन सुवर्चसा तरुणादित्यवर्णेन मुक्ताहारावलम्बिना ॥
sarvakāmasamṛddhena kāmagena suvarcasā taruṇādityavarṇena muktāhārāvalambinā //
(a chariot) abounding in every desire, going where one wills, of fine radiance, of the colour of the young sun, hung about with strings of pearls,
AI translation rendered from the Sanskrit, not a published edition
BrP 58.74
दिव्यस्त्रीशतयुक्तेन दिव्यगन्धर्वनादिना कुलैकविंशम् उद्धृत्य देववन् मुदितः सुखी ॥
divyastrīśatayuktena divyagandharvanādinā kulaikaviṃśam uddhṛtya devavan muditaḥ sukhī //
furnished with a hundred divine women, resounding with divine gandharva music — having raised up twenty-one generations of his family, joyful and happy like a god,
AI translation rendered from the Sanskrit, not a published edition
BrP 58.75
स्तूयमानो ऽप्सरोभिश् च विष्णुलोकं व्रजेन् नरः भुक्त्वा तत्र वरान् भोगान् विष्णुलोके द्विजोत्तमाः ॥
stūyamāno 'psarobhiś ca viṣṇulokaṃ vrajen naraḥ bhuktvā tatra varān bhogān viṣṇuloke dvijottamāḥ //
and praised by apsarases, the man goes to Viṣṇu's world; and having enjoyed there the finest pleasures in Viṣṇu's world, O best of the twice-born,
AI translation rendered from the Sanskrit, not a published edition
BrP 58.76
गन्धर्वैर् अप्सरैर् युक्तः कृत्वा रूपं चतुर्भुजम् मनोह्लादकरं सौख्यं यावद् आभूतसंप्लवम् ॥
gandharvair apsarair yuktaḥ kṛtvā rūpaṃ caturbhujam manohlādakaraṃ saukhyaṃ yāvad ābhūtasaṃplavam //
joined with gandharvas and apsarases, assuming a four-armed form, (he enjoys) heart-gladdening bliss until the dissolution of beings.
AI translation rendered from the Sanskrit, not a published edition
BrP 58.77
पुण्यक्षयाद् इहायातः प्रवरे योगिनां कुले चतुर्वेदी भवेद् विप्रो वेदवेदाङ्गपारगः वैष्णवं योगम् आस्थाय ततो मोक्षम् अवाप्नुयात् ॥
puṇyakṣayād ihāyātaḥ pravare yogināṃ kule caturvedī bhaved vipro vedavedāṅgapāragaḥ vaiṣṇavaṃ yogam āsthāya tato mokṣam avāpnuyāt //
When his merit is exhausted, having come here into an excellent family of yogins, he becomes a brahmin knowing the four Vedas, versed to the end in the Vedas and their ancillary sciences; and then, taking up the Vaiṣṇava yoga, he would attain liberation.
AI translation rendered from the Sanskrit, not a published edition