Brahma Purana — Chapter 57
BrP 57.1
अतः परं प्रवक्ष्यामि पञ्चतीर्थविधिं द्विजाः यत् फलं स्नानदानेन देवताप्रेक्षणेन च ॥
ataḥ paraṃ pravakṣyāmi pañcatīrthavidhiṃ dvijāḥ yat phalaṃ snānadānena devatāprekṣaṇena ca //
Next I shall declare the rule of the five sacred fords, O twice-born, and what fruit (comes) from bathing and giving and from beholding the deity.
AI translation rendered from the Sanskrit, not a published edition
BrP 57.2
मार्कण्डेयह्रदं गत्वा नरश् चोदङ्मुखः शुचिः निमज्जेत् तत्र वारांस् त्रीन् इमं मन्त्रम् उदीरयेत् ॥
mārkaṇḍeyahradaṃ gatvā naraś codaṅmukhaḥ śuciḥ nimajjet tatra vārāṃs trīn imaṃ mantram udīrayet //
Having gone to Mārkaṇḍeya's lake, a man, facing north and pure, should plunge in there three times and utter this mantra:
AI translation rendered from the Sanskrit, not a published edition
BrP 57.3
संसारसागरे मग्नं पापग्रस्तम् अचेतनम् त्राहि मां भगनेत्रघ्न त्रिपुरारे नमो ऽस्तु ते ॥
saṃsārasāgare magnaṃ pāpagrastam acetanam trāhi māṃ bhaganetraghna tripurāre namo 'stu te //
"Save me, sunk in the ocean of transmigration, seized by sin, unconscious, O destroyer of Bhaga's eye, O foe of Tripura — homage to you!"
AI translation rendered from the Sanskrit, not a published edition
BrP 57.4
नमः शिवाय शान्ताय सर्वपापहराय च स्नानं करोमि देवेश मम नश्यतु पातकम् ॥
namaḥ śivāya śāntāya sarvapāpaharāya ca snānaṃ karomi deveśa mama naśyatu pātakam //
"Homage to Śiva, the tranquil, the remover of all sin. I perform the bath, O lord of gods; may my sin be destroyed."
AI translation rendered from the Sanskrit, not a published edition
BrP 57.5
नाभिमात्रे जले स्नात्वा विधिवद् देवता ऋषीन् तिलोदकेन मतिमान् पितॄंश् चान्यांश् च तर्पयेत् ॥
nābhimātre jale snātvā vidhivad devatā ṛṣīn tilodakena matimān pitṝṃś cānyāṃś ca tarpayet //
Having bathed in water up to the navel, the wise man should duly satisfy the gods, the seers, the ancestors and others with water mixed with sesame.
AI translation rendered from the Sanskrit, not a published edition
BrP 57.6
स्नात्वा तथैव चाचम्य ततो गच्छेच् छिवालयम् प्रविश्य देवतागारं कृत्वा तं त्रिः प्रदक्षिणम् ॥
snātvā tathaiva cācamya tato gacchec chivālayam praviśya devatāgāraṃ kṛtvā taṃ triḥ pradakṣiṇam //
Having bathed and likewise sipped water, he should then go to the abode of Śiva; entering the god's house, having circumambulated it three times,
AI translation rendered from the Sanskrit, not a published edition
BrP 57.7
मूलमन्त्रेण संपूज्य मार्कण्डेयस्य चेश्वरम् अघोरेण च भो विप्राः प्रणिपत्य प्रसादयेत् ॥
mūlamantreṇa saṃpūjya mārkaṇḍeyasya ceśvaram aghoreṇa ca bho viprāḥ praṇipatya prasādayet //
and having worshipped Mārkaṇḍeya's Lord with the root-mantra and with the Aghora (mantra), O brahmins, he should bow down and propitiate (him):
AI translation rendered from the Sanskrit, not a published edition
BrP 57.8
त्रिलोचन नमस् ते ऽस्तु नमस् ते शशिभूषण त्राहि मां त्वं विरूपाक्ष महादेव नमो ऽस्तु ते ॥
trilocana namas te 'stu namas te śaśibhūṣaṇa trāhi māṃ tvaṃ virūpākṣa mahādeva namo 'stu te //
"O three-eyed one, homage be to you; homage to you, adorned with the moon. Save me, O you of misshapen eyes, O Mahādeva — homage to you!"
AI translation rendered from the Sanskrit, not a published edition
BrP 57.9
मार्कण्डेयह्रदे त्व् एवं स्नात्वा दृष्ट्वा च शंकरम् दशानाम् अश्वमेधानां फलं प्राप्नोति मानवः ॥
mārkaṇḍeyahrade tv evaṃ snātvā dṛṣṭvā ca śaṃkaram daśānām aśvamedhānāṃ phalaṃ prāpnoti mānavaḥ //
Bathing thus in Mārkaṇḍeya's lake and beholding Śaṃkara, a man obtains the fruit of ten horse sacrifices.
AI translation rendered from the Sanskrit, not a published edition
BrP 57.10
पापैः सर्वैर् विनिर्मुक्तः शिवलोकं स गच्छति तत्र भुक्त्वा वरान् भोगान् यावद् आभूतसंप्लवम् ॥
pāpaiḥ sarvair vinirmuktaḥ śivalokaṃ sa gacchati tatra bhuktvā varān bhogān yāvad ābhūtasaṃplavam //
Freed from all sins, he goes to the world of Śiva; there he enjoys choice pleasures until the dissolution of beings.
AI translation rendered from the Sanskrit, not a published edition
BrP 57.11
इहलोकं समासाद्य भवेद् विप्रो बहुश्रुतः शांकरं योगम् आसाद्य ततो मोक्षम् अवाप्नुयात् ॥
ihalokaṃ samāsādya bhaved vipro bahuśrutaḥ śāṃkaraṃ yogam āsādya tato mokṣam avāpnuyāt //
Coming (back) to this world, he becomes a brahmin of much learning; and having attained the yoga of Śiva, he thereafter obtains liberation.
AI translation rendered from the Sanskrit, not a published edition
BrP 57.12
कल्पवृक्षं ततो गत्वा कृत्वा तं त्रिः प्रदक्षिणम् पूजयेत् परया भक्त्या मन्त्रेणानेन तं वटम् ॥
kalpavṛkṣaṃ tato gatvā kṛtvā taṃ triḥ pradakṣiṇam pūjayet parayā bhaktyā mantreṇānena taṃ vaṭam //
Then, going to the wish-granting tree and circumambulating it three times, he should worship that banyan with supreme devotion, with this mantra:
AI translation rendered from the Sanskrit, not a published edition
BrP 57.13
ॐ नमो व्यक्तरूपाय महाप्रलयकारिणे महद्रसोपविष्टाय न्यग्रोधाय नमो ऽस्तु ते ॥
oṃ namo vyaktarūpāya mahāpralayakāriṇe mahadrasopaviṣṭāya nyagrodhāya namo 'stu te //
"Oṃ, homage to (you) of manifest form, the maker of the great dissolution, seated in the great water — homage be to you, O banyan (nyagrodha)!"
AI translation rendered from the Sanskrit, not a published edition — the model flagged this verse as uncertain
BrP 57.14
अमरस् त्वं सदा कल्पे हरेश् चायतनं वट न्यग्रोध हर मे पापं कल्पवृक्ष नमो ऽस्तु ते ॥
amaras tvaṃ sadā kalpe hareś cāyatanaṃ vaṭa nyagrodha hara me pāpaṃ kalpavṛkṣa namo 'stu te //
"You are always undying through the aeon, and the abode of Hari, O banyan; O nyagrodha, take away my sin; O wish-granting tree, homage be to you!"
AI translation rendered from the Sanskrit, not a published edition
BrP 57.15
भक्त्या प्रदक्षिणं कृत्वा नत्वा कल्पवटं नरः सहसा मुच्यते पापाज् जीर्णत्वच इवोरगः ॥
bhaktyā pradakṣiṇaṃ kṛtvā natvā kalpavaṭaṃ naraḥ sahasā mucyate pāpāj jīrṇatvaca ivoragaḥ //
Having with devotion circumambulated and bowed to the wish-granting banyan, a man is at once freed from sin, as a snake from its worn-out skin.
AI translation rendered from the Sanskrit, not a published edition
BrP 57.16
छायां तस्य समाक्रम्य कल्पवृक्षस्य भो द्विजाः ब्रह्महत्यां नरो जह्यात् पापेष्व् अन्येषु का कथा ॥
chāyāṃ tasya samākramya kalpavṛkṣasya bho dvijāḥ brahmahatyāṃ naro jahyāt pāpeṣv anyeṣu kā kathā //
Merely by stepping into the shade of that wish-granting tree, O twice-born, a man would cast off (even) the killing of a brahmin — what to say of other sins?
AI translation rendered from the Sanskrit, not a published edition
BrP 57.17
दृष्ट्वा कृष्णाङ्गसंभूतं ब्रह्मतेजोमयं परम् न्यग्रोधाकृतिकं विष्णुं प्रणिपत्य च भो द्विजाः ॥
dṛṣṭvā kṛṣṇāṅgasaṃbhūtaṃ brahmatejomayaṃ param nyagrodhākṛtikaṃ viṣṇuṃ praṇipatya ca bho dvijāḥ //
And having seen and bowed down, O twice-born, to Viṣṇu in the form of the banyan, born from Kṛṣṇa's body, supreme, made of brahman-splendour,
AI translation rendered from the Sanskrit, not a published edition
BrP 57.18
राजसूयाश्वमेधाभ्यां फलं प्राप्नोति चाधिकम् तथा स्ववंशम् उद्धृत्य विष्णुलोकं स गच्छति ॥
rājasūyāśvamedhābhyāṃ phalaṃ prāpnoti cādhikam tathā svavaṃśam uddhṛtya viṣṇulokaṃ sa gacchati //
he obtains a fruit greater than that of the Rājasūya and the Aśvamedha; and so, having lifted up his own lineage, he goes to the world of Viṣṇu.
AI translation rendered from the Sanskrit, not a published edition
BrP 57.19
वैनतेयं नमस्कृत्य कृष्णस्य पुरतः स्थितम् सर्वपापविनिर्मुक्तस् ततो विष्णुपुरं व्रजेत् ॥
vainateyaṃ namaskṛtya kṛṣṇasya purataḥ sthitam sarvapāpavinirmuktas tato viṣṇupuraṃ vrajet //
Having saluted the son of Vinatā (Garuḍa), who stands before Kṛṣṇa, freed from all sins, he would then go to the city of Viṣṇu.
AI translation rendered from the Sanskrit, not a published edition
BrP 57.20
दृष्ट्वा वटं वैनतेयं यः पश्येत् पुरुषोत्तमम् संकर्षणं सुभद्रां च स याति परमां गतिम् ॥
dṛṣṭvā vaṭaṃ vainateyaṃ yaḥ paśyet puruṣottamam saṃkarṣaṇaṃ subhadrāṃ ca sa yāti paramāṃ gatim //
He who, after seeing the banyan and the son of Vinatā, beholds Puruṣottama, Saṃkarṣaṇa and Subhadrā, goes to the highest goal.
AI translation rendered from the Sanskrit, not a published edition
BrP 57.21
प्रविश्यायतनं विष्णोः कृत्वा तं त्रिः प्रदक्षिणम् संकर्षणं स्वमन्त्रेण भक्त्यापूज्य प्रसादयेत् ॥
praviśyāyatanaṃ viṣṇoḥ kṛtvā taṃ triḥ pradakṣiṇam saṃkarṣaṇaṃ svamantreṇa bhaktyāpūjya prasādayet //
Having entered the shrine of Viṣṇu and circumambulated it three times, he should propitiate Saṃkarṣaṇa, worshipping (him) with devotion by his own mantra:
AI translation rendered from the Sanskrit, not a published edition
BrP 57.22
नमस् ते हलधृग् राम नमस् ते मुशलायुध नमस् ते रेवतीकान्त नमस् ते भक्तवत्सल ॥
namas te haladhṛg rāma namas te muśalāyudha namas te revatīkānta namas te bhaktavatsala //
"Homage to you, plough-bearing Rāma; homage to you, whose weapon is the pestle; homage to you, beloved of Revatī; homage to you, fond of your devotees."
AI translation rendered from the Sanskrit, not a published edition
BrP 57.23
नमस् ते बलिनां श्रेष्ठ नमस् ते धरणीधर प्रलम्बारे नमस् ते ऽस्तु त्राहि मां कृष्णपूर्वज ॥
namas te balināṃ śreṣṭha namas te dharaṇīdhara pralambāre namas te 'stu trāhi māṃ kṛṣṇapūrvaja //
"Homage to you, best of the strong; homage to you, upholder of the earth; homage be to you, foe of Pralamba; protect me, O elder brother of Kṛṣṇa."
AI translation rendered from the Sanskrit, not a published edition
BrP 57.24
एवं प्रसाद्य चानन्तम् अजेयं त्रिदशार्चितम् कैलासशिखराकारं चन्द्रात् कान्ततराननम् ॥
evaṃ prasādya cānantam ajeyaṃ tridaśārcitam kailāsaśikharākāraṃ candrāt kāntatarānanam //
Having thus propitiated Ananta, the unconquerable, worshipped by the thirty (gods), whose form is like the peak of Kailāsa, whose face is lovelier than the moon,
AI translation rendered from the Sanskrit, not a published edition
BrP 57.25
नीलवस्त्रधरं देवं फणाविकटमस्तकम् महाबलं हलधरं कुण्डलैकविभूषितम् ॥
nīlavastradharaṃ devaṃ phaṇāvikaṭamastakam mahābalaṃ haladharaṃ kuṇḍalaikavibhūṣitam //
the god who wears blue garments, whose head is fearsome with hoods, of great strength, bearing the plough, adorned with a single earring —
AI translation rendered from the Sanskrit, not a published edition
BrP 57.26
रौहिणेयं नरो भक्त्या लभेद् अभिमतं फलम् सर्वपापैर् विनिर्मुक्तो विष्णुलोकं स गच्छति ॥
rauhiṇeyaṃ naro bhaktyā labhed abhimataṃ phalam sarvapāpair vinirmukto viṣṇulokaṃ sa gacchati //
— a man (who worships) the son of Rohiṇī with devotion obtains the fruit he desires; freed from all sins, he goes to the world of Viṣṇu.
AI translation rendered from the Sanskrit, not a published edition
BrP 57.27
आभूतसंप्लवं यावद् भुक्त्वा तत्र सुखं नरः पुण्यक्षयाद् इहागत्य प्रवरे योगिनां कुले ॥
ābhūtasaṃplavaṃ yāvad bhuktvā tatra sukhaṃ naraḥ puṇyakṣayād ihāgatya pravare yogināṃ kule //
Having enjoyed happiness there until the dissolution of beings, the man, when his merit is exhausted, comes here (again) into an eminent family of yogins,
AI translation rendered from the Sanskrit, not a published edition
BrP 57.28
ब्राह्मणप्रवरो भूत्वा सर्वशास्त्रार्थपारगः ज्ञानं तत्र समासाद्य मुक्तिं प्राप्नोति दुर्लभाम् ॥
brāhmaṇapravaro bhūtvā sarvaśāstrārthapāragaḥ jñānaṃ tatra samāsādya muktiṃ prāpnoti durlabhām //
and becoming a foremost brahmin, master of the meaning of all the śāstras, attaining knowledge there, he obtains liberation, hard to win.
AI translation rendered from the Sanskrit, not a published edition
BrP 57.29
एवम् अभ्यर्च्य हलिनं ततः कृष्णं विचक्षणः द्वादशाक्षरमन्त्रेण पूजयेत् सुसमाहितः ॥
evam abhyarcya halinaṃ tataḥ kṛṣṇaṃ vicakṣaṇaḥ dvādaśākṣaramantreṇa pūjayet susamāhitaḥ //
Having thus worshipped the plough-bearer, the discerning man should then worship Kṛṣṇa with the twelve-syllable mantra, well concentrated.
AI translation rendered from the Sanskrit, not a published edition
BrP 57.30
द्विषट्कवर्णमन्त्रेण भक्त्या ये पुरुषोत्तमम् पूजयन्ति सदा धीरास् ते मोक्षं प्राप्नुवन्ति वै ॥
dviṣaṭkavarṇamantreṇa bhaktyā ye puruṣottamam pūjayanti sadā dhīrās te mokṣaṃ prāpnuvanti vai //
Those steadfast ones who with devotion always worship the Supreme Person with the mantra of twice-six syllables — they indeed attain liberation.
AI translation rendered from the Sanskrit, not a published edition
BrP 57.31
न तां गतिं सुरा यान्ति योगिनो नैव सोमपाः यां गतिं यान्ति भो विप्रा द्वादशाक्षरतत्पराः ॥
na tāṃ gatiṃ surā yānti yogino naiva somapāḥ yāṃ gatiṃ yānti bho viprā dvādaśākṣaratatparāḥ //
The gods do not go to that state, nor do the yogins, nor the soma-drinkers — that state to which, O brahmins, those devoted to the twelve-syllabled (mantra) go.
AI translation rendered from the Sanskrit, not a published edition
BrP 57.32
तस्मात् तेनैव मन्त्रेण भक्त्या कृष्णं जगद्गुरुम् संपूज्य गन्धपुष्पाद्यैः प्रणिपत्य प्रसादयेत् ॥
tasmāt tenaiva mantreṇa bhaktyā kṛṣṇaṃ jagadgurum saṃpūjya gandhapuṣpādyaiḥ praṇipatya prasādayet //
Therefore, having worshipped Kṛṣṇa, the teacher of the world, with devotion by means of that very mantra, with perfumes, flowers and the rest, one should bow down and propitiate (him).
AI translation rendered from the Sanskrit, not a published edition
BrP 57.33
जय कृष्ण जगन्नाथ जय सर्वाघनाशन जय चाणूरकेशिघ्न जय कंसनिषूदन ॥
jaya kṛṣṇa jagannātha jaya sarvāghanāśana jaya cāṇūrakeśighna jaya kaṃsaniṣūdana //
Victory to you, Kṛṣṇa, Lord of the world! Victory, destroyer of all sin! Victory, slayer of Cāṇūra and Keśin! Victory, killer of Kaṃsa!
AI translation rendered from the Sanskrit, not a published edition
BrP 57.34
जय पद्मपलाशाक्ष जय चक्रगदाधर जय नीलाम्बुदश्याम जय सर्वसुखप्रद ॥
jaya padmapalāśākṣa jaya cakragadādhara jaya nīlāmbudaśyāma jaya sarvasukhaprada //
Victory, you whose eyes are lotus petals! Victory, bearer of the discus and mace! Victory, dark as a blue cloud! Victory, giver of all happiness!
AI translation rendered from the Sanskrit, not a published edition
BrP 57.35
जय देव जगत्पूज्य जय संसारनाशन जय लोकपते नाथ जय वाञ्छाफलप्रद ॥
jaya deva jagatpūjya jaya saṃsāranāśana jaya lokapate nātha jaya vāñchāphalaprada //
Victory, O God, worthy of the world's worship! Victory, destroyer of transmigration! Victory, O Lord, master of the worlds! Victory, granter of the fruit of (our) desires!
AI translation rendered from the Sanskrit, not a published edition
BrP 57.36
संसारसागरे घोरे निःसारे दुःखफेनिले क्रोधग्राहाकुले रौद्रे विषयोदकसंप्लवे ॥
saṃsārasāgare ghore niḥsāre duḥkhaphenile krodhagrāhākule raudre viṣayodakasaṃplave //
In the dreadful ocean of transmigration, without substance, foaming with sorrow, terrible, teeming with the crocodiles of anger, flooded with the water of sense-objects,
AI translation rendered from the Sanskrit, not a published edition
BrP 57.37
नानारोगोर्मिकलिले मोहावर्तसुदुस्तरे निमग्नो ऽहं सुरश्रेष्ठ त्राहि मां पुरुषोत्तम ॥
nānārogormikalile mohāvartasudustare nimagno 'haṃ suraśreṣṭha trāhi māṃ puruṣottama //
whose waters are the waves of various diseases, very hard to cross because of the whirlpools of delusion — in it I am sunk, O best of gods; save me, Supreme Person!
AI translation rendered from the Sanskrit, not a published edition
BrP 57.38
एवं प्रसाद्य देवेशं वरदं भक्तवत्सलम् सर्वपापहरं देवं सर्वकामफलप्रदम् ॥
evaṃ prasādya deveśaṃ varadaṃ bhaktavatsalam sarvapāpaharaṃ devaṃ sarvakāmaphalapradam //
Having thus propitiated the Lord of gods, the boon-giver, fond of his devotees, the god who removes all sins and grants the fruit of all wishes —
AI translation rendered from the Sanskrit, not a published edition
BrP 57.39
पीनांसं द्विभुजं कृष्णं पद्मपत्त्रायतेक्षणम् महोरस्कं महाबाहुं पीतवस्त्रं शुभाननम् ॥
pīnāṃsaṃ dvibhujaṃ kṛṣṇaṃ padmapattrāyatekṣaṇam mahoraskaṃ mahābāhuṃ pītavastraṃ śubhānanam //
(having seen) Kṛṣṇa, thick-shouldered, two-armed, with eyes long as lotus petals, broad-chested, mighty-armed, clad in yellow, of auspicious face,
AI translation rendered from the Sanskrit, not a published edition
BrP 57.40
शङ्खचक्रगदापाणिं मुकुटाङ्गदभूषणम् सर्वलक्षणसंयुक्तं वनमालाविभूषितम् ॥
śaṅkhacakragadāpāṇiṃ mukuṭāṅgadabhūṣaṇam sarvalakṣaṇasaṃyuktaṃ vanamālāvibhūṣitam //
with conch, discus and mace in his hands, adorned with crown and armlets, endowed with all (auspicious) marks, decorated with a forest garland —
AI translation rendered from the Sanskrit, not a published edition
BrP 57.41
दृष्ट्वा नरो ऽञ्जलिं कृत्वा दण्डवत् प्रणिपत्य च अश्वमेधसहस्राणां फलं प्राप्नोति वै द्विजाः ॥
dṛṣṭvā naro 'ñjaliṃ kṛtvā daṇḍavat praṇipatya ca aśvamedhasahasrāṇāṃ phalaṃ prāpnoti vai dvijāḥ //
having seen (him), and having made the folded-hands gesture and bowed down like a staff, a man indeed obtains the fruit of a thousand horse-sacrifices, O twice-born ones.
AI translation rendered from the Sanskrit, not a published edition
BrP 57.42
यत् फलं सर्वतीर्थेषु स्नाने दाने प्रकीर्तितम् नरस् तत् फलम् आप्नोति दृष्ट्वा कृष्णं प्रणम्य च ॥
yat phalaṃ sarvatīrtheṣu snāne dāne prakīrtitam naras tat phalam āpnoti dṛṣṭvā kṛṣṇaṃ praṇamya ca //
Whatever fruit is proclaimed for bathing and giving at all sacred fords, that fruit a man obtains by seeing Kṛṣṇa and bowing to him.
AI translation rendered from the Sanskrit, not a published edition
BrP 57.43
यत् फलं सर्वरत्नाद्यैर् इष्टे बहुसुवर्णके नरस् तत् फलम् आप्नोति दृष्ट्वा कृष्णं प्रणम्य च ॥
yat phalaṃ sarvaratnādyair iṣṭe bahusuvarṇake naras tat phalam āpnoti dṛṣṭvā kṛṣṇaṃ praṇamya ca //
Whatever fruit (comes) from a sacrifice performed with all jewels and the rest, with much gold, that fruit a man obtains by seeing Kṛṣṇa and bowing to him.
AI translation rendered from the Sanskrit, not a published edition
BrP 57.44
यत् फलं सर्ववेदेषु सर्वयज्ञेषु यत् फलम् तत् फलं समवाप्नोति नरः कृष्णं प्रणम्य च ॥
yat phalaṃ sarvavedeṣu sarvayajñeṣu yat phalam tat phalaṃ samavāpnoti naraḥ kṛṣṇaṃ praṇamya ca //
Whatever fruit (lies) in all the Vedas, whatever fruit in all the sacrifices, that fruit a man fully obtains by bowing to Kṛṣṇa.
AI translation rendered from the Sanskrit, not a published edition
BrP 57.45
यत् फलं सर्वदानेन व्रतेन नियमेन च नरस् तत् फलम् आप्नोति दृष्ट्वा कृष्णं प्रणम्य च ॥
yat phalaṃ sarvadānena vratena niyamena ca naras tat phalam āpnoti dṛṣṭvā kṛṣṇaṃ praṇamya ca //
Whatever fruit (comes) from every gift, from vows and from restraints, that fruit a man obtains by seeing Kṛṣṇa and bowing to him.
AI translation rendered from the Sanskrit, not a published edition
BrP 57.46
तपोभिर् विविधैर् उग्रैर् यत् फलं समुदाहृतम् नरस् तत् फलम् आप्नोति दृष्ट्वा कृष्णं प्रणम्य च ॥
tapobhir vividhair ugrair yat phalaṃ samudāhṛtam naras tat phalam āpnoti dṛṣṭvā kṛṣṇaṃ praṇamya ca //
Whatever fruit is declared (to come) from various severe austerities, that fruit a man obtains by seeing Kṛṣṇa and bowing to him.
AI translation rendered from the Sanskrit, not a published edition
BrP 57.47
यत् फलं ब्रह्मचर्येण सम्यक् चीर्णेन तत्कृतम् नरस् तत् फलम् आप्नोति दृष्ट्वा कृष्णं प्रणम्य च ॥
yat phalaṃ brahmacaryeṇa samyak cīrṇena tatkṛtam naras tat phalam āpnoti dṛṣṭvā kṛṣṇaṃ praṇamya ca //
Whatever fruit is produced by chastity properly practised, that fruit a man obtains by seeing Kṛṣṇa and bowing to him.
AI translation rendered from the Sanskrit, not a published edition
BrP 57.48
यत् फलं च गृहस्थस्य यथोक्ताचारवर्तिनः नरस् तत् फलम् आप्नोति दृष्ट्वा कृष्णं प्रणम्य च ॥
yat phalaṃ ca gṛhasthasya yathoktācāravartinaḥ naras tat phalam āpnoti dṛṣṭvā kṛṣṇaṃ praṇamya ca //
And whatever fruit belongs to a householder who conducts himself according to the prescribed practice, that fruit a man obtains by seeing Kṛṣṇa and bowing to him.
AI translation rendered from the Sanskrit, not a published edition
BrP 57.49
यत् फलं वनवासेन वानप्रस्थस्य कीर्तितम् नरस् तत् फलम् आप्नोति दृष्ट्वा कृष्णं प्रणम्य च ॥
yat phalaṃ vanavāsena vānaprasthasya kīrtitam naras tat phalam āpnoti dṛṣṭvā kṛṣṇaṃ praṇamya ca //
Whatever fruit is declared for a forest-dweller through dwelling in the woods, that fruit a man obtains by seeing Kṛṣṇa and bowing to him.
AI translation rendered from the Sanskrit, not a published edition
BrP 57.50
संन्यासेन यथोक्तेन यत् फलं समुदाहृतम् नरस् तत् फलम् आप्नोति दृष्ट्वा कृष्णं प्रणम्य च ॥
saṃnyāsena yathoktena yat phalaṃ samudāhṛtam naras tat phalam āpnoti dṛṣṭvā kṛṣṇaṃ praṇamya ca //
Whatever fruit is declared (to come) from renunciation as prescribed, that fruit a man obtains by seeing Kṛṣṇa and bowing (to him).
AI translation rendered from the Sanskrit, not a published edition
BrP 57.51
किं चात्र बहुनोक्तेन माहात्म्ये तस्य भो द्विजाः दृष्ट्वा कृष्णं नरो भक्त्या मोक्षं प्राप्नोति दुर्लभम् ॥
kiṃ cātra bahunoktena māhātmye tasya bho dvijāḥ dṛṣṭvā kṛṣṇaṃ naro bhaktyā mokṣaṃ prāpnoti durlabham //
And what is the use of much talk here about his greatness, O brahmins? By seeing Kṛṣṇa with devotion a man attains liberation, hard to win.
AI translation rendered from the Sanskrit, not a published edition
BrP 57.52
पापैर् विमुक्तः शुद्धात्मा कल्पकोटिसमुद्भवैः श्रिया परमया युक्तः सर्वैः समुदितो गुणैः ॥
pāpair vimuktaḥ śuddhātmā kalpakoṭisamudbhavaiḥ śriyā paramayā yuktaḥ sarvaiḥ samudito guṇaiḥ //
Freed from the sins arisen through ten million aeons, pure of self, endowed with the highest splendour, furnished with all good qualities—
AI translation rendered from the Sanskrit, not a published edition
BrP 57.53
सर्वकामसमृद्धेन विमानेन सुवर्चसा त्रिसप्तकुलम् उद्धृत्य नरो विष्णुपुरं व्रजेत् ॥
sarvakāmasamṛddhena vimānena suvarcasā trisaptakulam uddhṛtya naro viṣṇupuraṃ vrajet //
—in a radiant celestial car abounding in all desired things, having raised up thrice seven generations of his family, a man would go to the city of Viṣṇu.
AI translation rendered from the Sanskrit, not a published edition
BrP 57.54
तत्र कल्पशतं यावद् भुक्त्वा भोगान् मनोरमान् गन्धर्वाप्सरसैः सार्धं यथा विष्णुश् चतुर्भुजः ॥
tatra kalpaśataṃ yāvad bhuktvā bhogān manoramān gandharvāpsarasaiḥ sārdhaṃ yathā viṣṇuś caturbhujaḥ //
There, for a hundred aeons, having enjoyed delightful pleasures together with gandharvas and apsarases, four-armed like Viṣṇu (himself)—
AI translation rendered from the Sanskrit, not a published edition
BrP 57.55
च्युतस् तस्माद् इहायातो विप्राणां प्रवरे कुले सर्वज्ञः सर्ववेदी च जायते गतमत्सरः ॥
cyutas tasmād ihāyāto viprāṇāṃ pravare kule sarvajñaḥ sarvavedī ca jāyate gatamatsaraḥ //
—fallen from there and come here, he is born in an excellent family of brahmins, all-knowing and knowing all, free from envy;
AI translation rendered from the Sanskrit, not a published edition
BrP 57.56
स्वधर्मनिरतः शान्तो दाता भूतहिते रतः आसाद्य वैष्णवं ज्ञानं ततो मुक्तिम् अवाप्नुयात् ॥
svadharmanirataḥ śānto dātā bhūtahite rataḥ āsādya vaiṣṇavaṃ jñānaṃ tato muktim avāpnuyāt //
devoted to his own duty, calm, generous, intent on the welfare of beings; having obtained the knowledge of Viṣṇu, he would then attain liberation.
AI translation rendered from the Sanskrit, not a published edition
BrP 57.57
ततः संपूज्य मन्त्रेण सुभद्रां भक्तवत्सलाम् प्रसादयेत् ततो विप्राः प्रणिपत्य कृताञ्जलिः ॥
tataḥ saṃpūjya mantreṇa subhadrāṃ bhaktavatsalām prasādayet tato viprāḥ praṇipatya kṛtāñjaliḥ //
Then, having worshipped with the mantra Subhadrā, who is fond of her devotees, he should propitiate her, O brahmins, bowing down with joined palms.
AI translation rendered from the Sanskrit, not a published edition
BrP 57.58
नमस् ते सर्वगे देवि नमस् ते शुभसौख्यदे त्राहि मां पद्मपत्त्राक्षि कात्यायनि नमो ऽस्तु ते ॥
namas te sarvage devi namas te śubhasaukhyade trāhi māṃ padmapattrākṣi kātyāyani namo 'stu te //
"Homage to you, O goddess who go everywhere; homage to you, giver of auspicious happiness. Protect me, O lotus-petal-eyed one; O Kātyāyanī, homage be to you."
AI translation rendered from the Sanskrit, not a published edition
BrP 57.59
एवं प्रसाद्य तां देवीं जगद्धात्रीं जगद्धिताम् बलदेवस्य भगिनीं सुभद्रां वरदां शिवाम् ॥
evaṃ prasādya tāṃ devīṃ jagaddhātrīṃ jagaddhitām baladevasya bhaginīṃ subhadrāṃ varadāṃ śivām //
Having thus propitiated that goddess, the sustainer of the world and its benefactor, the sister of Baladeva, Subhadrā, the boon-giving, auspicious one—
AI translation rendered from the Sanskrit, not a published edition
BrP 57.60
कामगेन विमानेन नरो विष्णुपुरं व्रजेत् आभूतसंप्लवं यावत् क्रीडित्वा तत्र देववत् ॥
kāmagena vimānena naro viṣṇupuraṃ vrajet ābhūtasaṃplavaṃ yāvat krīḍitvā tatra devavat //
—in a celestial car going where he wishes a man would go to the city of Viṣṇu, having sported there like a god until the dissolution of beings.
AI translation rendered from the Sanskrit, not a published edition
BrP 57.61
इह मानुषतां प्राप्तो ब्राह्मणो वेदविद् भवेत् प्राप्य योगं हरेस् तत्र मोक्षं च लभते ध्रुवम् ॥
iha mānuṣatāṃ prāpto brāhmaṇo vedavid bhavet prāpya yogaṃ hares tatra mokṣaṃ ca labhate dhruvam //
Attaining human birth here, he would become a brahmin who knows the Veda; and attaining there union with Hari, he surely obtains liberation.
AI translation rendered from the Sanskrit, not a published edition