Brahma Purana — Chapter 56
BrP 56.1
इत्थं स्तुतस् तदा तेन मार्कण्डेयेन भो द्विजाः प्रीतः प्रोवाच भगवान् मेघगम्भीरया गिरा ॥
itthaṃ stutas tadā tena mārkaṇḍeyena bho dvijāḥ prītaḥ provāca bhagavān meghagambhīrayā girā //
Thus praised then by that Mārkaṇḍeya, O brahmins, the Blessed One, pleased, spoke with a voice deep as a cloud:
AI translation rendered from the Sanskrit, not a published edition
BrP 56.2
ब्रूहि कामं मुनिश्रेष्ठ यत् ते मनसि वर्तते ददामि सर्वं विप्रर्षे मत्तो यद् अभिवाञ्छसि ॥
brūhi kāmaṃ muniśreṣṭha yat te manasi vartate dadāmi sarvaṃ viprarṣe matto yad abhivāñchasi //
"Tell (me) your wish, best of sages, whatever is in your mind; I shall give everything, O seer among brahmins, whatever you desire from me."
AI translation rendered from the Sanskrit, not a published edition
BrP 56.3
श्रुत्वा स वचनं विप्राः शिशोस् तस्य महात्मनः उवाच परमप्रीतो मुनिस् तद्गतमानसः ॥
śrutvā sa vacanaṃ viprāḥ śiśos tasya mahātmanaḥ uvāca paramaprīto munis tadgatamānasaḥ //
Hearing that speech of that great-souled child, O brahmins, the sage, supremely delighted, his mind fixed on him, said:
AI translation rendered from the Sanskrit, not a published edition
BrP 56.4
ज्ञातुम् इच्छामि देव त्वां मायां वै तव चोत्तमाम् त्वत्प्रसादाच् च देवेश स्मृतिर् न परिहीयते ॥
jñātum icchāmi deva tvāṃ māyāṃ vai tava cottamām tvatprasādāc ca deveśa smṛtir na parihīyate //
"I wish to know you, O god, and that supreme māyā of yours; and by your grace, O lord of gods, (my) memory does not fail."
AI translation rendered from the Sanskrit, not a published edition
BrP 56.5
द्रुतम् अन्तः शरीरेण सततं पर्यवर्तितम् इच्छामि पुण्डरीकाक्ष ज्ञातुं त्वाम् अहम् अव्ययम् ॥
drutam antaḥ śarīreṇa satataṃ paryavartitam icchāmi puṇḍarīkākṣa jñātuṃ tvām aham avyayam //
"(This world) swiftly drawn in, constantly turned about within (your) body—I wish to know you, O lotus-eyed one, the imperishable."
AI translation rendered from the Sanskrit, not a published edition — the model flagged this verse as uncertain
BrP 56.6
इह भूत्वा शिशुः साक्षात् किं भवान् अवतिष्ठते पीत्वा जगद् इदं सर्वम् एतद् आख्यातुम् अर्हसि ॥
iha bhūtvā śiśuḥ sākṣāt kiṃ bhavān avatiṣṭhate pītvā jagad idaṃ sarvam etad ākhyātum arhasi //
"Having become a child here before (my) eyes, why do you remain (thus), having drunk down this entire world? You ought to explain this."
AI translation rendered from the Sanskrit, not a published edition
BrP 56.7
किमर्थं च जगत् सर्वं शरीरस्थं तवानघ कियन्तं च त्वया कालम् इह स्थेयम् अरिंदम ॥
kimarthaṃ ca jagat sarvaṃ śarīrasthaṃ tavānagha kiyantaṃ ca tvayā kālam iha stheyam ariṃdama //
"And for what purpose is the whole world situated in your body, O sinless one? And how long must you remain here, O subduer of foes?"
AI translation rendered from the Sanskrit, not a published edition
BrP 56.8
ज्ञातुम् इच्छामि देवेश ब्रूहि सर्वम् अशेषतः त्वत्तः कमलपत्त्राक्ष विस्तरेण यथातथम् महद् एतद् अचिन्त्यं च यद् अहं दृष्टवान् प्रभो ॥
jñātum icchāmi deveśa brūhi sarvam aśeṣataḥ tvattaḥ kamalapattrākṣa vistareṇa yathātatham mahad etad acintyaṃ ca yad ahaṃ dṛṣṭavān prabho //
"I wish to know, O lord of gods—tell it all, without remainder, from your own (mouth), O lotus-petal-eyed one, at length and just as it is; for this that I have seen is great and unthinkable, O master."
AI translation rendered from the Sanskrit, not a published edition
BrP 56.9
इत्य् उक्तः स तदा तेन देवदेवो महाद्युतिः सान्त्वयन् स तदा वाक्यम् उवाच वदतां वरः ॥
ity uktaḥ sa tadā tena devadevo mahādyutiḥ sāntvayan sa tadā vākyam uvāca vadatāṃ varaḥ //
Thus addressed by him, the god of gods of great brilliance, the best of speakers, then, reassuring him, spoke these words:
AI translation rendered from the Sanskrit, not a published edition
BrP 56.10
कामं देवाश् च मां विप्र नहि जानन्ति तत्त्वतः तव प्रीत्या प्रवक्ष्यामि यथेदं विसृजाम्य् अहम् ॥
kāmaṃ devāś ca māṃ vipra nahi jānanti tattvataḥ tava prītyā pravakṣyāmi yathedaṃ visṛjāmy aham //
"Granted, even the gods do not know me as I truly am, O brahmin; but out of affection for you I shall declare how it is that I emit this (world)."
AI translation rendered from the Sanskrit, not a published edition
BrP 56.11
पितृभक्तो ऽसि विप्रर्षे माम् एव शरणं गतः ततो दृष्टो ऽस्मि ते साक्षाद् ब्रह्मचर्यं च ते महत् ॥
pitṛbhakto 'si viprarṣe mām eva śaraṇaṃ gataḥ tato dṛṣṭo 'smi te sākṣād brahmacaryaṃ ca te mahat //
"You are devoted to (your) fathers, O seer among brahmins, and you have gone to me alone for refuge; therefore I have been seen by you face to face, and great is your chaste discipline."
AI translation rendered from the Sanskrit, not a published edition
BrP 56.12
आपो नारा इति पुरा संज्ञाकर्म कृतं मया तेन नारायणो ऽस्म्य् उक्तो मम तास् त्व् अयनं सदा ॥
āpo nārā iti purā saṃjñākarma kṛtaṃ mayā tena nārāyaṇo 'smy ukto mama tās tv ayanaṃ sadā //
"'The waters are nāra'—thus the act of naming was made by me long ago; by that (name) I am called Nārāyaṇa, for they are always my abode."
AI translation rendered from the Sanskrit, not a published edition
BrP 56.13
अहं नारायणो नाम प्रभवः शाश्वतो ऽव्ययः विधाता सर्वभूतानां संहर्ता च द्विजोत्तम ॥
ahaṃ nārāyaṇo nāma prabhavaḥ śāśvato 'vyayaḥ vidhātā sarvabhūtānāṃ saṃhartā ca dvijottama //
"I am named Nārāyaṇa, the source, eternal, imperishable, the ordainer of all beings and their destroyer, O best of the twice-born."
AI translation rendered from the Sanskrit, not a published edition
BrP 56.14
अहं विष्णुर् अहं ब्रह्मा शक्रश् चापि सुराधिपः अहं वैश्रवणो राजा यमः प्रेताधिपस् तथा ॥
ahaṃ viṣṇur ahaṃ brahmā śakraś cāpi surādhipaḥ ahaṃ vaiśravaṇo rājā yamaḥ pretādhipas tathā //
"I am Viṣṇu, I am Brahmā, and Śakra too, the lord of the gods; I am king Vaiśravaṇa, and Yama, the lord of the departed."
AI translation rendered from the Sanskrit, not a published edition
BrP 56.15
अहं शिवश् च सोमश् च कश्यपश् च प्रजापतिः अहं धाता विधाता च यज्ञश् चाहं द्विजोत्तम ॥
ahaṃ śivaś ca somaś ca kaśyapaś ca prajāpatiḥ ahaṃ dhātā vidhātā ca yajñaś cāhaṃ dvijottama //
"I am Śiva and Soma, and Kaśyapa the lord of creatures; I am Dhātā and Vidhātā, and I am the sacrifice, O best of the twice-born."
AI translation rendered from the Sanskrit, not a published edition
BrP 56.16
अग्निर् आस्यं क्षितिः पादौ चन्द्रादित्यौ च लोचने द्यौर् मूर्धा खं दिशः श्रोत्रे तथापः स्वेदसंभवाः ॥
agnir āsyaṃ kṣitiḥ pādau candrādityau ca locane dyaur mūrdhā khaṃ diśaḥ śrotre tathāpaḥ svedasaṃbhavāḥ //
"Fire is (my) mouth, the earth (my) feet, the moon and sun (my) two eyes, heaven (my) head, space and the quarters (my) ears, and the waters are born from my sweat."
AI translation rendered from the Sanskrit, not a published edition
BrP 56.17
सदिशं च नभः कायो वायुर् मनसि मे स्थितः मया क्रतुशतैर् इष्टं बहुभिश् चाप्तदक्षिणैः ॥
sadiśaṃ ca nabhaḥ kāyo vāyur manasi me sthitaḥ mayā kratuśatair iṣṭaṃ bahubhiś cāptadakṣiṇaiḥ //
"The sky with its quarters is (my) body; the wind abides in my mind. By me sacrifice has been offered with hundreds of rites and with many (offerings) whose priestly fees were duly given."
AI translation rendered from the Sanskrit, not a published edition
BrP 56.18
यजन्ते वेदविदुषो मां देवयजने स्थितम् पृथिव्यां क्षत्रियेन्द्राश् च पार्थिवाः स्वर्गकाङ्क्षिणः ॥
yajante vedaviduṣo māṃ devayajane sthitam pṛthivyāṃ kṣatriyendrāś ca pārthivāḥ svargakāṅkṣiṇaḥ //
"Those who know the Vedas worship me as present in the sacrifice to the gods, and on earth the foremost kṣatriyas, the rulers, who long for heaven,"
AI translation rendered from the Sanskrit, not a published edition
BrP 56.19
यजन्ते मां तथा वैश्याः स्वर्गलोकजिगीषवः चतुःसमुद्रपर्यन्तां मेरुमन्दरभूषणाम् ॥
yajante māṃ tathā vaiśyāḥ svargalokajigīṣavaḥ catuḥsamudraparyantāṃ merumandarabhūṣaṇām //
"and likewise the vaiśyas, seeking to win the heavenly world, worship me. (The earth,) bounded by the four oceans, adorned with Meru and Mandara—"
AI translation rendered from the Sanskrit, not a published edition
BrP 56.20
शेषो भूत्वाहम् एको हि धारयामि वसुंधराम् वाराहं रूपम् आस्थाय ममेयं जगती पुरा ॥
śeṣo bhūtvāham eko hi dhārayāmi vasuṃdharām vārāhaṃ rūpam āsthāya mameyaṃ jagatī purā //
"having become Śeṣa, I alone indeed uphold the earth. Taking on the boar's form, this world was mine of old:"
AI translation rendered from the Sanskrit, not a published edition
BrP 56.21
मज्जमाना जले विप्र वीर्येणास्मि समुद्धृता अग्निश् च वाडवो विप्र भूत्वाहं द्विजसत्तम ॥
majjamānā jale vipra vīryeṇāsmi samuddhṛtā agniś ca vāḍavo vipra bhūtvāhaṃ dvijasattama //
"as she was sinking in the water, O brahmin, she was lifted up by my might; and having become the submarine fire, O brahmin, O best of the twice-born,"
AI translation rendered from the Sanskrit, not a published edition
BrP 56.22
पिबाम्य् अपः समाविष्टस् ताश् चैव विसृजाम्य् अहम् ब्रह्म वक्त्रं भुजौ क्षत्रम् ऊरू मे संश्रिता विशः ॥
pibāmy apaḥ samāviṣṭas tāś caiva visṛjāmy aham brahma vaktraṃ bhujau kṣatram ūrū me saṃśritā viśaḥ //
"having entered (there) I drink the waters and I release them again. The brahmins are my mouth, the kṣatra my arms, the vaiśyas rest in my thighs,"
AI translation rendered from the Sanskrit, not a published edition
BrP 56.23
पादौ शूद्रा भवन्तीमे विक्रमेण क्रमेण च ऋग्वेदः सामवेदश् च यजुर्वेदस् त्व् अथर्वणः ॥
pādau śūdrā bhavantīme vikrameṇa krameṇa ca ṛgvedaḥ sāmavedaś ca yajurvedas tv atharvaṇaḥ //
"and these śūdras become (my) feet, by stride and in sequence. The Ṛgveda, the Sāmaveda, the Yajurveda, and the Atharvan's (veda)—"
AI translation rendered from the Sanskrit, not a published edition — the model flagged this verse as uncertain
BrP 56.24
मत्तः प्रादुर्भवन्त्य् एते माम् एव प्रविशन्ति च यतयः शान्तिपरमा यतात्मानो बुभुत्सवः ॥
mattaḥ prādurbhavanty ete mām eva praviśanti ca yatayaḥ śāntiparamā yatātmāno bubhutsavaḥ //
From me these come forth, and into me alone they enter — the ascetics whose highest aim is peace, self-controlled, eager for knowledge.
AI translation rendered from the Sanskrit, not a published edition
BrP 56.25
कामक्रोधद्वेषमुक्ता निःसङ्गा वीतकल्मषाः सत्त्वस्था निरहंकारा नित्यम् अध्यात्मकोविदाः ॥
kāmakrodhadveṣamuktā niḥsaṅgā vītakalmaṣāḥ sattvasthā nirahaṃkārā nityam adhyātmakovidāḥ //
Free from desire, anger and hatred, unattached, their stains gone, established in goodness, without egoism, ever skilled in (knowledge of) the inner self —
AI translation rendered from the Sanskrit, not a published edition
BrP 56.26
माम् एव सततं विप्राश् चिन्तयन्त उपासते अहं संवर्तको ज्योतिर् अहं संवर्तको ऽनलः ॥
mām eva satataṃ viprāś cintayanta upāsate ahaṃ saṃvartako jyotir ahaṃ saṃvartako 'nalaḥ //
The brahmins, thinking constantly on me alone, worship (me). I am the light that dissolves (all), I am the fire that dissolves (all).
AI translation rendered from the Sanskrit, not a published edition
BrP 56.27
अहं संवर्तकः सूर्यस् त्व् अहं संवर्तको ऽनिलः तारारूपाणि दृश्यन्ते यान्य् एतानि नभस्तले ॥
ahaṃ saṃvartakaḥ sūryas tv ahaṃ saṃvartako 'nilaḥ tārārūpāṇi dṛśyante yāny etāni nabhastale //
I am the destroying sun, and I am the destroying wind; and these star-shapes that are seen in the vault of the sky —
AI translation rendered from the Sanskrit, not a published edition
BrP 56.28
मम वै रोमकूपाणि विद्धि त्वं द्विजसत्तम रत्नाकराः समुद्राश् च सर्व एव चतुर्दिशः ॥
mama vai romakūpāṇi viddhi tvaṃ dvijasattama ratnākarāḥ samudrāś ca sarva eva caturdiśaḥ //
know them to be the pores of my body, O best of the twice-born; and the oceans, the mines of jewels, and all the four directions —
AI translation rendered from the Sanskrit, not a published edition
BrP 56.29
वसनं शयनं चैव निलयं चैव विद्धि मे कामः क्रोधश् च हर्षश् च भयं मोहस् तथैव च ॥
vasanaṃ śayanaṃ caiva nilayaṃ caiva viddhi me kāmaḥ krodhaś ca harṣaś ca bhayaṃ mohas tathaiva ca //
know them to be my garment, my bed and my dwelling; and desire, anger, joy, fear and likewise delusion —
AI translation rendered from the Sanskrit, not a published edition
BrP 56.30
ममैव विद्धि रूपाणि सर्वाण्य् एतानि सत्तम प्राप्नुवन्ति नरा विप्र यत् कृत्वा कर्म शोभनम् ॥
mamaiva viddhi rūpāṇi sarvāṇy etāni sattama prāpnuvanti narā vipra yat kṛtvā karma śobhanam //
know all these to be my forms alone, O best one. Men attain (them), brahmin, by doing what is a good deed.
AI translation rendered from the Sanskrit, not a published edition
BrP 56.31
सत्यं दानं तपश् चोग्रम् अहिंसां सर्वजन्तुषु मद्विधानेन विहिता मम देहविचारिणः ॥
satyaṃ dānaṃ tapaś cogram ahiṃsāṃ sarvajantuṣu madvidhānena vihitā mama dehavicāriṇaḥ //
Truth, giving, fierce austerity, non-injury toward all creatures — these are ordained by my ordinance, moving within my body.
AI translation rendered from the Sanskrit, not a published edition — the model flagged this verse as uncertain
BrP 56.32
मयाभिभूतविज्ञानाश् चेष्टयन्ति न कामतः सम्यग् वेदम् अधीयाना यजन्तो विविधैर् मखैः ॥
mayābhibhūtavijñānāś ceṣṭayanti na kāmataḥ samyag vedam adhīyānā yajanto vividhair makhaiḥ //
Their understanding overpowered by me, they act, not of their own will, rightly studying the Veda and sacrificing with various offerings.
AI translation rendered from the Sanskrit, not a published edition
BrP 56.33
शान्तात्मानो जितक्रोधाः प्राप्नुवन्ति द्विजातयः प्राप्तुं शक्यो न चैवाहं नरैर् दुष्कृतकर्मभिः ॥
śāntātmāno jitakrodhāḥ prāpnuvanti dvijātayaḥ prāptuṃ śakyo na caivāhaṃ narair duṣkṛtakarmabhiḥ //
With calmed selves, their anger conquered, the twice-born attain (me); but I cannot be attained by men of evil deeds,
AI translation rendered from the Sanskrit, not a published edition
BrP 56.34
लोभाभिभूतैः कृपणैर् अनार्यैर् अकृतात्मभिः तन् मां महाफलं विद्धि नराणां भावितात्मनाम् ॥
lobhābhibhūtaiḥ kṛpaṇair anāryair akṛtātmabhiḥ tan māṃ mahāphalaṃ viddhi narāṇāṃ bhāvitātmanām //
nor by the miserly who are overpowered by greed, ignoble, of undisciplined selves. Know me therefore to be the great fruit of men whose selves are cultivated,
AI translation rendered from the Sanskrit, not a published edition
BrP 56.35
सुदुष्प्रापं विमूढानां मां कुयोगनिषेविणाम् यदा यदा हि धर्मस्य ग्लानिर् भवति सत्तम ॥
suduṣprāpaṃ vimūḍhānāṃ māṃ kuyoganiṣeviṇām yadā yadā hi dharmasya glānir bhavati sattama //
and very hard to reach for the deluded who practise wrong disciplines. For whenever there is a decline of dharma, O best one,
AI translation rendered from the Sanskrit, not a published edition
BrP 56.36
अभ्युत्थानम् अधर्मस्य तदात्मानं सृजाम्य् अहम् दैत्या हिंसानुरक्ताश् च अवध्याः सुरसत्तमैः ॥
abhyutthānam adharmasya tadātmānaṃ sṛjāmy aham daityā hiṃsānuraktāś ca avadhyāḥ surasattamaiḥ //
and a rising up of unrighteousness, then I create myself (in a body). And when demons devoted to violence, unslayable by the foremost of gods,
AI translation rendered from the Sanskrit, not a published edition
BrP 56.37
राक्षसाश् चापि लोके ऽस्मिन् यदोत्पत्स्यन्ति दारुणाः तदाहं संप्रसूयामि गृहेषु पुण्यकर्मणाम् ॥
rākṣasāś cāpi loke 'smin yadotpatsyanti dāruṇāḥ tadāhaṃ saṃprasūyāmi gṛheṣu puṇyakarmaṇām //
and also cruel rākṣasas shall be born in this world, then I take birth in the houses of those of meritorious deeds.
AI translation rendered from the Sanskrit, not a published edition
BrP 56.38
प्रविष्टो मानुषं देहं सर्वं प्रशमयाम्य् अहम् सृष्ट्वा देवमनुष्यांश् च गन्धर्वोरगराक्षसान् ॥
praviṣṭo mānuṣaṃ dehaṃ sarvaṃ praśamayāmy aham sṛṣṭvā devamanuṣyāṃś ca gandharvoragarākṣasān //
Having entered a human body, I quell it all. And having created gods and men, gandharvas, serpents and rākṣasas,
AI translation rendered from the Sanskrit, not a published edition
BrP 56.39
स्थावराणि च भूतानि संहराम्य् आत्ममायया कर्मकाले पुनर् देहम् अनुचिन्त्य सृजाम्य् अहम् ॥
sthāvarāṇi ca bhūtāni saṃharāmy ātmamāyayā karmakāle punar deham anucintya sṛjāmy aham //
and immobile beings, I withdraw (them) by my own māyā; and at the time of (their) karma I again, having reflected, create a body,
AI translation rendered from the Sanskrit, not a published edition
BrP 56.40
आविश्य मानुषं देहं मर्यादाबन्धकारणात् श्वेतः कृतयुगे धर्मः श्यामस् त्रेतायुगे मम ॥
āviśya mānuṣaṃ dehaṃ maryādābandhakāraṇāt śvetaḥ kṛtayuge dharmaḥ śyāmas tretāyuge mama //
entering a human body for the sake of binding the bounds (of dharma). My dharma is white in the Kṛta age, dark grey in the Tretā age,
AI translation rendered from the Sanskrit, not a published edition
BrP 56.41
रक्तो द्वापरम् आसाद्य कृष्णः कलियुगे तथा त्रयो भागा ह्य् अधर्मस्य तस्मिन् काले भवन्ति च ॥
rakto dvāparam āsādya kṛṣṇaḥ kaliyuge tathā trayo bhāgā hy adharmasya tasmin kāle bhavanti ca //
red when the Dvāpara arrives, and black in the Kali age; and in that time three parts belong to unrighteousness.
AI translation rendered from the Sanskrit, not a published edition
BrP 56.42
अन्तकाले च संप्राप्ते कालो भूत्वातिदारुणः त्रैलोक्यं नाशयाम्य् एकः सर्वं स्थावरजङ्गमम् ॥
antakāle ca saṃprāpte kālo bhūtvātidāruṇaḥ trailokyaṃ nāśayāmy ekaḥ sarvaṃ sthāvarajaṅgamam //
And when the final time arrives, becoming Time exceedingly terrible, I alone destroy the three worlds, everything moving and unmoving.
AI translation rendered from the Sanskrit, not a published edition
BrP 56.43
अहं त्रिधर्मा विश्वात्मा सर्वलोकसुखावहः अभिन्नः सर्वगो ऽनन्तो हृषीकेश उरुक्रमः ॥
ahaṃ tridharmā viśvātmā sarvalokasukhāvahaḥ abhinnaḥ sarvago 'nanto hṛṣīkeśa urukramaḥ //
I am he of the threefold dharma, the self of the universe, the bringer of happiness to all the worlds, undivided, all-pervading, endless, Hṛṣīkeśa, of wide stride.
AI translation rendered from the Sanskrit, not a published edition
BrP 56.44
कालचक्रं नयाम्य् एको ब्रह्मरूपं ममैव तत् शमनं सर्वभूतानां सर्वभूतकृतोद्यमम् ॥
kālacakraṃ nayāmy eko brahmarūpaṃ mamaiva tat śamanaṃ sarvabhūtānāṃ sarvabhūtakṛtodyamam //
I alone drive the wheel of time; that (wheel), whose form is brahman, is mine alone — the queller of all beings, whose activity is wrought by all beings.
AI translation rendered from the Sanskrit, not a published edition — the model flagged this verse as uncertain
BrP 56.45
एवं प्रणिहितः सम्यङ् ममात्मा मुनिसत्तम सर्वभूतेषु विप्रेन्द्र न च मां वेत्ति कश्चन ॥
evaṃ praṇihitaḥ samyaṅ mamātmā munisattama sarvabhūteṣu viprendra na ca māṃ vetti kaścana //
Thus, best of sages, my self is well set within all beings, chief of brahmins, and no one knows me.
AI translation rendered from the Sanskrit, not a published edition
BrP 56.46
सर्वलोके च मां भक्ताः पूजयन्ति च सर्वशः यच् च किंचित् त्वया प्राप्तं मयि क्लेशात्मकं द्विज ॥
sarvaloke ca māṃ bhaktāḥ pūjayanti ca sarvaśaḥ yac ca kiṃcit tvayā prāptaṃ mayi kleśātmakaṃ dvija //
And in all the world my devotees worship me in every way. And whatever of a painful nature has come upon you, twice-born one, (it rests) in me.
AI translation rendered from the Sanskrit, not a published edition — the model flagged this verse as uncertain
BrP 56.47
सुखोदयाय तत् सर्वं श्रेयसे च तवानघ यच् च किंचित् त्वया लोके दृष्टं स्थावरजङ्गमम् ॥
sukhodayāya tat sarvaṃ śreyase ca tavānagha yac ca kiṃcit tvayā loke dṛṣṭaṃ sthāvarajaṅgamam //
All that is for the arising of happiness and for your welfare, faultless one. And whatever, moving or unmoving, has been seen by you in the world—
AI translation rendered from the Sanskrit, not a published edition
BrP 56.48
विहितः सर्व एवासौ मयात्मा भूतभावनः अहं नारायणो नाम शङ्खचक्रगदाधरः ॥
vihitaḥ sarva evāsau mayātmā bhūtabhāvanaḥ ahaṃ nārāyaṇo nāma śaṅkhacakragadādharaḥ //
all that has been ordained by me — this self that brings beings into being. I am Nārāyaṇa by name, bearer of conch, discus and mace.
AI translation rendered from the Sanskrit, not a published edition
BrP 56.49
यावद् युगानां विप्रर्षे सहस्रं परिवर्तते तावत् स्वपिमि विश्वात्मा सर्वविश्वानि मोहयन् ॥
yāvad yugānāṃ viprarṣe sahasraṃ parivartate tāvat svapimi viśvātmā sarvaviśvāni mohayan //
As long as a thousand ages revolve, O brahmin seer, for that long I, the self of the universe, sleep, bewildering all the worlds.
AI translation rendered from the Sanskrit, not a published edition
BrP 56.50
एवं सर्वम् अहं कालम् इहासे मुनिसत्तम अशिशुः शिशुरूपेण यावद् ब्रह्मा न बुध्यते ॥
evaṃ sarvam ahaṃ kālam ihāse munisattama aśiśuḥ śiśurūpeṇa yāvad brahmā na budhyate //
Thus I stay here for all that time, best of sages, no infant yet in the form of an infant, so long as Brahmā does not awaken.
AI translation rendered from the Sanskrit, not a published edition
BrP 56.51
मया च दत्तो विप्रेन्द्र वरस् ते ब्रह्मरूपिणा असकृत् परितुष्टेन विप्रर्षिगणपूजित ॥
mayā ca datto viprendra varas te brahmarūpiṇā asakṛt parituṣṭena viprarṣigaṇapūjita //
And a boon was granted you by me in the form of brahman, chief of brahmins, when I was more than once well pleased, O you honoured by the hosts of brahmin seers.
AI translation rendered from the Sanskrit, not a published edition
BrP 56.52
सर्वम् एकार्णवं कृत्वा नष्टे स्थावरजङ्गमे निर्गतो ऽसि मयाज्ञातस् ततस् ते दर्शितं जगत् ॥
sarvam ekārṇavaṃ kṛtvā naṣṭe sthāvarajaṅgame nirgato 'si mayājñātas tatas te darśitaṃ jagat //
When all had been made one ocean and the moving and unmoving had perished, you came forth unknown by me; then the world was shown to you.
AI translation rendered from the Sanskrit, not a published edition
BrP 56.53
अभ्यन्तरं शरीरस्य प्रविष्टो ऽसि यदा मम दृष्ट्वा लोकं समस्तं हि विस्मितो नावबुध्यसे ॥
abhyantaraṃ śarīrasya praviṣṭo 'si yadā mama dṛṣṭvā lokaṃ samastaṃ hi vismito nāvabudhyase //
When you had entered into the interior of my body, having seen the whole world you were astonished and did not comprehend.
AI translation rendered from the Sanskrit, not a published edition
BrP 56.54
ततो ऽसि वक्त्राद् विप्रर्षे द्रुतं निःसारितो मया आख्यातस् ते मया चात्मा दुर्ज्ञेयो हि सुरासुरैः ॥
tato 'si vaktrād viprarṣe drutaṃ niḥsārito mayā ākhyātas te mayā cātmā durjñeyo hi surāsuraiḥ //
Then, brahmin seer, you were quickly expelled by me from my mouth, and my self, hard for gods and demons to know, was declared to you by me.
AI translation rendered from the Sanskrit, not a published edition
BrP 56.55
यावत् स भगवान् ब्रह्मा न बुध्येत महातपाः तावत् त्वम् इह विप्रर्षे विश्रब्धश् चर वै सुखम् ॥
yāvat sa bhagavān brahmā na budhyeta mahātapāḥ tāvat tvam iha viprarṣe viśrabdhaś cara vai sukham //
So long as the lord Brahmā of great austerity does not awaken, for that long, brahmin seer, move about here at ease and in comfort.
AI translation rendered from the Sanskrit, not a published edition
BrP 56.56
ततो विबुद्धे तस्मिंस् तु सर्वलोकपितामहे एको भूतानि स्रक्ष्यामि शरीराणि द्विजोत्तम ॥
tato vibuddhe tasmiṃs tu sarvalokapitāmahe eko bhūtāni srakṣyāmi śarīrāṇi dvijottama //
Then, when he, the grandfather of all the worlds, has awakened, I alone shall create the beings and (their) bodies, best of the twice-born.
AI translation rendered from the Sanskrit, not a published edition
BrP 56.57
आकाशं पृथिवीं ज्योतिर् वायुः सलिलम् एव च लोके यच् च भवेत् किंचिद् इह स्थावरजङ्गमम् ॥
ākāśaṃ pṛthivīṃ jyotir vāyuḥ salilam eva ca loke yac ca bhavet kiṃcid iha sthāvarajaṅgamam //
Space, earth, light, wind, and water, and whatever moving or unmoving there may be here in the world.
AI translation rendered from the Sanskrit, not a published edition
BrP 56.58
एवम् उक्त्वा तदा विप्राः पुनस् तं प्राह माधवः पूर्णे युगसहस्रे तु मेघगम्भीरनिस्वनः ॥
evam uktvā tadā viprāḥ punas taṃ prāha mādhavaḥ pūrṇe yugasahasre tu meghagambhīranisvanaḥ //
Having spoken thus, O brahmins, Mādhava, whose voice was deep as a cloud, spoke to him again when the thousand ages were complete:
AI translation rendered from the Sanskrit, not a published edition
BrP 56.59
मुने ब्रूहि यदर्थं मां स्तुतवान् परमार्थतः वरं वृणीष्व यच् छ्रेष्ठं ददामि नचिराद् अहम् ॥
mune brūhi yadarthaṃ māṃ stutavān paramārthataḥ varaṃ vṛṇīṣva yac chreṣṭhaṃ dadāmi nacirād aham //
"Sage, tell (me) for what purpose you have praised me — truly; choose the boon that is best, and I shall give it without delay.
AI translation rendered from the Sanskrit, not a published edition
BrP 56.60
आयुष्मान् असि देवानां मद्भक्तो ऽसि दृढव्रतः तेन त्वम् असि विप्रेन्द्र पुनर् दीर्घायुर् आप्नुहि ॥
āyuṣmān asi devānāṃ madbhakto 'si dṛḍhavrataḥ tena tvam asi viprendra punar dīrghāyur āpnuhi //
You are long-lived among the gods, you are my devotee, firm in your vows; therefore, chief of brahmins, obtain again a long life."
AI translation rendered from the Sanskrit, not a published edition
BrP 56.61
श्रुत्वा वाणीं शुभां तस्य विलोक्य स तदा पुनः मूर्ध्ना निपत्य सहसा प्रणम्य पुनर् अब्रवीत् ॥
śrutvā vāṇīṃ śubhāṃ tasya vilokya sa tadā punaḥ mūrdhnā nipatya sahasā praṇamya punar abravīt //
Having heard his auspicious speech and looked (upon him), he then again fell suddenly on his head, and bowing, spoke again:
AI translation rendered from the Sanskrit, not a published edition
BrP 56.62
दृष्टं परं हि देवेश तव रूपं द्विजोत्तम मोहो ऽयं विगतः सत्यं त्वयि दृष्टे तु मे हरे ॥
dṛṣṭaṃ paraṃ hi deveśa tava rūpaṃ dvijottama moho 'yaṃ vigataḥ satyaṃ tvayi dṛṣṭe tu me hare //
"Indeed I have seen your supreme form, lord of gods, best of the twice-born; truly this delusion has departed, now that you have been seen by me, Hari.
AI translation rendered from the Sanskrit, not a published edition — the model flagged this verse as uncertain
BrP 56.63
एवम् एवम् अहं नाथ इच्छेयं त्वत्प्रसादतः लोकानां च हितार्थाय नानाभावप्रशान्तये ॥
evam evam ahaṃ nātha iccheyaṃ tvatprasādataḥ lokānāṃ ca hitārthāya nānābhāvapraśāntaye //
Just so, just so would I wish, lord, by your grace, for the benefit of the worlds and for the quieting of manifold states of being.
AI translation rendered from the Sanskrit, not a published edition
BrP 56.64
शैवभागवतानां च वादार्थप्रतिषेधकम् अस्मिन् क्षेत्रवरे पुण्ये निर्मले पुरुषोत्तमे ॥
śaivabhāgavatānāṃ ca vādārthapratiṣedhakam asmin kṣetravare puṇye nirmale puruṣottame //
(A shrine) that puts an end to the disputes of the Śaivas and the Bhāgavatas, here in this best of holy places, pure and stainless, in Puruṣottama.
AI translation rendered from the Sanskrit, not a published edition
BrP 56.65
शिवस्यायतनं देव करोमि परमं महत् प्रतिष्ठेय तथा तत्र तव स्थाने च शंकरम् ॥
śivasyāyatanaṃ deva karomi paramaṃ mahat pratiṣṭheya tathā tatra tava sthāne ca śaṃkaram //
O God, I shall make a supreme, great abode for Śiva, and I shall install Śaṃkara there, in your own place.
AI translation rendered from the Sanskrit, not a published edition
BrP 56.66
ततो ज्ञास्यन्ति लोके ऽस्मिन्न् एकमूर्ती हरीश्वरौ प्रत्युवाच जगन्नाथः स पुनस् तं महामुनिम् ॥
tato jñāsyanti loke 'sminn ekamūrtī harīśvarau pratyuvāca jagannāthaḥ sa punas taṃ mahāmunim //
Then people in this world will know that Hari and Īśvara are one form. The Lord of the world answered that great sage again:
AI translation rendered from the Sanskrit, not a published edition
BrP 56.67
यद् एतत् परमं देवं कारणं भुवनेश्वरम् लिङ्गम् आराधनार्थाय नानाभावप्रशान्तये ॥
yad etat paramaṃ devaṃ kāraṇaṃ bhuvaneśvaram liṅgam ārādhanārthāya nānābhāvapraśāntaye //
"This supreme god, the cause, the lord of the worlds — (this) liṅga, for the purpose of worship, for the quieting of (their) various notions,
AI translation rendered from the Sanskrit, not a published edition — the model flagged this verse as uncertain
BrP 56.68
ममादिष्टेन विप्रेन्द्र कुरु शीघ्रं शिवालयम् तत्प्रभावाच् छिवलोके तिष्ठ त्वं च तथाक्षयम् ॥
mamādiṣṭena viprendra kuru śīghraṃ śivālayam tatprabhāvāc chivaloke tiṣṭha tvaṃ ca tathākṣayam //
by my command, O best of brahmins, make the abode of Śiva quickly; by its power dwell you too in Śiva's world, imperishable likewise.
AI translation rendered from the Sanskrit, not a published edition
BrP 56.69
शिवे संस्थापिते विप्र मम संस्थापनं भवेत् नावयोर् अन्तरं किंचिद् एकभावौ द्विधा कृतौ ॥
śive saṃsthāpite vipra mama saṃsthāpanaṃ bhavet nāvayor antaraṃ kiṃcid ekabhāvau dvidhā kṛtau //
When Śiva is installed, brahmin, my installation is accomplished; there is no difference at all between us two: we are one being made twofold.
AI translation rendered from the Sanskrit, not a published edition
BrP 56.70
यो रुद्रः स स्वयं विष्णुर् यो विष्णुः स महेश्वरः उभयोर् अन्तरं नास्ति पवनाकाशयोर् इव ॥
yo rudraḥ sa svayaṃ viṣṇur yo viṣṇuḥ sa maheśvaraḥ ubhayor antaraṃ nāsti pavanākāśayor iva //
He who is Rudra is himself Viṣṇu; he who is Viṣṇu is Maheśvara. There is no difference between the two, as (there is none) between wind and space.
AI translation rendered from the Sanskrit, not a published edition
BrP 56.71
मोहितो नाभिजानाति य एव गरुडध्वजः वृषध्वजः स एवेति त्रिपुरघ्नं त्रिलोचनम् ॥
mohito nābhijānāti ya eva garuḍadhvajaḥ vṛṣadhvajaḥ sa eveti tripuraghnaṃ trilocanam //
A deluded man does not recognize that the very one who bears Garuḍa on his banner is the same as the bull-bannered one, the destroyer of Tripura, the three-eyed.
AI translation rendered from the Sanskrit, not a published edition
BrP 56.72
तव नामाङ्कितं तस्मात् कुरु विप्र शिवालयम् उत्तरे देवदेवस्य कुरु तीर्थं सुशोभनम् ॥
tava nāmāṅkitaṃ tasmāt kuru vipra śivālayam uttare devadevasya kuru tīrthaṃ suśobhanam //
Therefore, brahmin, make an abode of Śiva marked with your name; and to the north of the god of gods make a very beautiful sacred pool.
AI translation rendered from the Sanskrit, not a published edition
BrP 56.73
मार्कण्डेयह्रदो नाम नरलोकेषु विश्रुतः भविष्यति द्विजश्रेष्ठ सर्वपापप्रणाशनः ॥
mārkaṇḍeyahrado nāma naralokeṣu viśrutaḥ bhaviṣyati dvijaśreṣṭha sarvapāpapraṇāśanaḥ //
It will be famed in the worlds of men by the name Mārkaṇḍeya's lake, O best of the twice-born, destroying all sins.
AI translation rendered from the Sanskrit, not a published edition
BrP 56.74
इत्य् उक्त्वा स तदा देवस् तत्रैवान्तरधीयत मार्कण्डेयं मुनिश्रेष्ठाः सर्वव्यापी जनार्दनः ॥
ity uktvā sa tadā devas tatraivāntaradhīyata mārkaṇḍeyaṃ muniśreṣṭhāḥ sarvavyāpī janārdanaḥ //
Having said this, that god then vanished right there, O best of sages — the all-pervading Janārdana (vanished) from Mārkaṇḍeya.
AI translation rendered from the Sanskrit, not a published edition