Brahma Purana — Chapter 55
BrP 55.1
स निष्क्रम्योदरात् तस्य बालस्य मुनिसत्तमाः पुनश् चैकार्णवाम् उर्वीम् अपश्यज् जनवर्जिताम् ॥
sa niṣkramyodarāt tasya bālasya munisattamāḥ punaś caikārṇavām urvīm apaśyaj janavarjitām //
Having come out from the belly of that child, O best of sages, he again saw the earth as a single ocean, devoid of people.
AI translation rendered from the Sanskrit, not a published edition
BrP 55.2
पूर्वदृष्टं च तं देवं ददर्श शिशुरूपिणम् शाखायां वटवृक्षस्य पर्यङ्कोपरि संस्थितम् ॥
pūrvadṛṣṭaṃ ca taṃ devaṃ dadarśa śiśurūpiṇam śākhāyāṃ vaṭavṛkṣasya paryaṅkopari saṃsthitam //
And he saw that god, whom he had seen before, in the form of an infant, resting upon a couch on a branch of a banyan tree.
AI translation rendered from the Sanskrit, not a published edition
BrP 55.3
श्रीवत्सवक्षसं देवं पीतवस्त्रं चतुर्भुजम् जगद् आदाय तिष्ठन्तं पद्मपत्त्रायतेक्षणम् ॥
śrīvatsavakṣasaṃ devaṃ pītavastraṃ caturbhujam jagad ādāya tiṣṭhantaṃ padmapattrāyatekṣaṇam //
The god with the śrīvatsa on his breast, clad in yellow, four-armed, standing while holding the world (within him), with eyes long as lotus petals.
AI translation rendered from the Sanskrit, not a published edition
BrP 55.4
सो ऽपि तं मुनिम् आयान्तं प्लवमानम् अचेतनम् दृष्ट्वा मुखाद् विनिष्क्रान्तं प्रोवाच प्रहसन्न् इव ॥
so 'pi taṃ munim āyāntaṃ plavamānam acetanam dṛṣṭvā mukhād viniṣkrāntaṃ provāca prahasann iva //
And he too, seeing the sage coming, floating, senseless, having come out from his mouth, spoke as if laughing.
AI translation rendered from the Sanskrit, not a published edition
BrP 55.5
कच्चित् त्वयोषितं वत्स विश्रान्तं च ममोदरे भ्रममाणश् च किं तत्र आश्चर्यं दृष्टवान् असि ॥
kaccit tvayoṣitaṃ vatsa viśrāntaṃ ca mamodare bhramamāṇaś ca kiṃ tatra āścaryaṃ dṛṣṭavān asi //
"Did you stay, my child, and rest in my belly? And while wandering there, what marvel did you see?"
AI translation rendered from the Sanskrit, not a published edition
BrP 55.6
भक्तो ऽसि मे मुनिश्रेष्ठ श्रान्तो ऽसि च ममाश्रितः तेन त्वाम् उपकाराय संभाषे पश्य माम् इह ॥
bhakto 'si me muniśreṣṭha śrānto 'si ca mamāśritaḥ tena tvām upakārāya saṃbhāṣe paśya mām iha //
"You are devoted to me, best of sages, and you are weary, and you have taken refuge in me; therefore I speak with you for your benefit — behold me here."
AI translation rendered from the Sanskrit, not a published edition
BrP 55.7
श्रुत्वा स वचनं तस्य संप्रहृष्टतनूरुहः ददर्श तं सुदुष्प्रेक्षं रत्नैर् दिव्यैर् अलंकृतम् ॥
śrutvā sa vacanaṃ tasya saṃprahṛṣṭatanūruhaḥ dadarśa taṃ suduṣprekṣaṃ ratnair divyair alaṃkṛtam //
Hearing his words, with the hairs of his body thrilled, he beheld him, hard to look upon, adorned with divine jewels.
AI translation rendered from the Sanskrit, not a published edition
BrP 55.8
प्रसन्ना निर्मला दृष्टिर् मुहूर्तात् तस्य भो द्विजाः प्रसादात् तस्य देवस्य प्रादुर्भूता पुनर् नवा ॥
prasannā nirmalā dṛṣṭir muhūrtāt tasya bho dvijāḥ prasādāt tasya devasya prādurbhūtā punar navā //
In a moment, O twice-born ones, by the grace of that god, his sight became clear and unclouded, arising anew again.
AI translation rendered from the Sanskrit, not a published edition
BrP 55.9
रक्ताङ्गुलितलौ पादौ ततस् तस्य सुरार्चितौ प्रणम्य शिरसा विप्रा हर्षगद्गदया गिरा ॥
raktāṅgulitalau pādau tatas tasya surārcitau praṇamya śirasā viprā harṣagadgadayā girā //
Then, O brahmins, having bowed with his head to his two feet, whose toes and soles were red, worshipped by the gods, with a voice choked with joy —
AI translation rendered from the Sanskrit, not a published edition
BrP 55.10
कृताञ्जलिस् तदा हृष्टो विस्मितश् च पुनः पुनः दृष्ट्वा तं परमात्मानं संस्तोतुम् उपचक्रमे ॥
kṛtāñjalis tadā hṛṣṭo vismitaś ca punaḥ punaḥ dṛṣṭvā taṃ paramātmānaṃ saṃstotum upacakrame //
then, with palms joined, delighted and astonished again and again at seeing that Supreme Self, he began to praise (him).
AI translation rendered from the Sanskrit, not a published edition
BrP 55.11
देवदेव जगन्नाथ मायाबालवपुर्धर त्राहि मां चारुपद्माक्ष दुःखितं शरणागतम् ॥
devadeva jagannātha māyābālavapurdhara trāhi māṃ cārupadmākṣa duḥkhitaṃ śaraṇāgatam //
"God of gods, lord of the world, wearer of the illusory body of a child, protect me, you of the lovely lotus eyes — me who am suffering and come for refuge."
AI translation rendered from the Sanskrit, not a published edition
BrP 55.12
संतप्तो ऽस्मि सुरश्रेष्ठ संवर्ताख्येन वह्निना अङ्गारवर्षभीतं च त्राहि मां पुरुषोत्तम ॥
saṃtapto 'smi suraśreṣṭha saṃvartākhyena vahninā aṅgāravarṣabhītaṃ ca trāhi māṃ puruṣottama //
"I am scorched, best of gods, by the fire named Saṃvarta; and protect me, who am afraid of the rain of embers, O supreme Person."
AI translation rendered from the Sanskrit, not a published edition
BrP 55.13
शोषितश् च प्रचण्डेन वायुना जगदायुना विह्वलो ऽहं तथा श्रान्तस् त्राहि मां पुरुषोत्तम ॥
śoṣitaś ca pracaṇḍena vāyunā jagadāyunā vihvalo 'haṃ tathā śrāntas trāhi māṃ puruṣottama //
"And I am dried up by the fierce wind that (consumes) the life of the world; I am distraught and likewise exhausted — protect me, O supreme Person."
AI translation rendered from the Sanskrit, not a published edition
BrP 55.14
तापितश् च तशामात्यैः प्रलयावर्तकादिभिः न शान्तिम् अधिगच्छामि त्राहि मां पुरुषोत्तम ॥
tāpitaś ca taśāmātyaiḥ pralayāvartakādibhiḥ na śāntim adhigacchāmi trāhi māṃ puruṣottama //
"And tormented by its attendants, the Pralaya, Āvartaka and the rest, I find no peace — protect me, O supreme Person."
AI translation rendered from the Sanskrit, not a published edition — the model flagged this verse as uncertain
BrP 55.15
तृषितश् च क्षुधाविष्टो दुःखितश् च जगत्पते त्रातारं नात्र पश्यामि त्राहि मां पुरुषोत्तम ॥
tṛṣitaś ca kṣudhāviṣṭo duḥkhitaś ca jagatpate trātāraṃ nātra paśyāmi trāhi māṃ puruṣottama //
"Thirsty, seized by hunger, and suffering, O lord of the world, I see no rescuer here — protect me, O supreme Person."
AI translation rendered from the Sanskrit, not a published edition
BrP 55.16
अस्मिन्न् एकार्णवे घोरे विनष्टे सचराचरे न चान्तम् अधिगच्छामि त्राहि मां पुरुषोत्तम ॥
asminn ekārṇave ghore vinaṣṭe sacarācare na cāntam adhigacchāmi trāhi māṃ puruṣottama //
"In this dreadful single ocean, with all that moves and does not move destroyed, I find no end — protect me, O supreme Person."
AI translation rendered from the Sanskrit, not a published edition
BrP 55.17
तवोदरे च देवेश मया दृष्टं चराचरम् विस्मितो ऽहं विषण्णश् च त्राहि मां पुरुषोत्तम ॥
tavodare ca deveśa mayā dṛṣṭaṃ carācaram vismito 'haṃ viṣaṇṇaś ca trāhi māṃ puruṣottama //
"And in your belly, lord of gods, I saw all that moves and does not move; I am amazed and dismayed — protect me, O supreme Person."
AI translation rendered from the Sanskrit, not a published edition
BrP 55.18
संसारे ऽस्मिन् निरालम्बे प्रसीद पुरुषोत्तम प्रसीद विबुधश्रेष्ठ प्रसीद विबुधप्रिय ॥
saṃsāre 'smin nirālambe prasīda puruṣottama prasīda vibudhaśreṣṭha prasīda vibudhapriya //
"In this transmigratory world without support, be gracious, supreme Person; be gracious, best of the gods; be gracious, you who are dear to the gods."
AI translation rendered from the Sanskrit, not a published edition
BrP 55.19
प्रसीद विबुधां नाथ प्रसीद विबुधालय प्रसीद सर्वलोकेश जगत्कारणकारण ॥
prasīda vibudhāṃ nātha prasīda vibudhālaya prasīda sarvalokeśa jagatkāraṇakāraṇa //
Be gracious, lord of the gods; be gracious, abode of the gods; be gracious, ruler of all worlds, cause of the cause of the universe.
AI translation rendered from the Sanskrit, not a published edition
BrP 55.20
प्रसीद सर्वकृद् देव प्रसीद मम भूधर प्रसीद सलिलावास प्रसीद मधुसूदन ॥
prasīda sarvakṛd deva prasīda mama bhūdhara prasīda salilāvāsa prasīda madhusūdana //
Be gracious, O god who makes all things; be gracious to me, upholder of the earth; be gracious, you who dwell in the waters; be gracious, slayer of Madhu.
AI translation rendered from the Sanskrit, not a published edition
BrP 55.21
प्रसीद कमलाकान्त प्रसीद त्रिदशेश्वर प्रसीद कंसकेशीघ्न प्रसीदारिष्टनाशन ॥
prasīda kamalākānta prasīda tridaśeśvara prasīda kaṃsakeśīghna prasīdāriṣṭanāśana //
Be gracious, beloved of Kamalā; be gracious, lord of the thirty (gods); be gracious, killer of Kaṃsa and Keśin; be gracious, destroyer of Ariṣṭa.
AI translation rendered from the Sanskrit, not a published edition
BrP 55.22
प्रसीद कृष्ण दैत्यघ्न प्रसीद दनुजान्तक प्रसीद मथुरावास प्रसीद यदुनन्दन ॥
prasīda kṛṣṇa daityaghna prasīda danujāntaka prasīda mathurāvāsa prasīda yadunandana //
Be gracious, Kṛṣṇa, slayer of the Daityas; be gracious, ender of the sons of Danu; be gracious, dweller in Mathurā; be gracious, delight of the Yadus.
AI translation rendered from the Sanskrit, not a published edition
BrP 55.23
प्रसीद शक्रावरज प्रसीद वरदाव्यय त्वं मही त्वं जलं देव त्वम् अग्निस् त्वं समीरणः ॥
prasīda śakrāvaraja prasīda varadāvyaya tvaṃ mahī tvaṃ jalaṃ deva tvam agnis tvaṃ samīraṇaḥ //
Be gracious, younger brother of Śakra; be gracious, imperishable giver of boons. You are the earth, you are water, O god; you are fire, you are the wind.
AI translation rendered from the Sanskrit, not a published edition
BrP 55.24
त्वं नभस् त्वं मनश् चैव त्वम् अहंकार एव च त्वं बुद्धिः प्रकृतिश् चैव सत्त्वाद्यास् त्वं जगत्पते ॥
tvaṃ nabhas tvaṃ manaś caiva tvam ahaṃkāra eva ca tvaṃ buddhiḥ prakṛtiś caiva sattvādyās tvaṃ jagatpate //
You are the sky, and you are mind, and you indeed are the I-sense; you are intellect and also primal nature, and you are (the qualities) beginning with sattva, O lord of the world.
AI translation rendered from the Sanskrit, not a published edition
BrP 55.25
पुरुषस् त्वं जगद्व्यापी पुरुषाद् अपि चोत्तमः त्वम् इन्द्रियाणि सर्वाणि शब्दाद्या विषयाः प्रभो ॥
puruṣas tvaṃ jagadvyāpī puruṣād api cottamaḥ tvam indriyāṇi sarvāṇi śabdādyā viṣayāḥ prabho //
You are the Person pervading the universe, and higher even than the Person; you are all the senses, and the objects beginning with sound, O master.
AI translation rendered from the Sanskrit, not a published edition
BrP 55.26
त्वं दिक्पालाश् च धर्माश् च वेदा यज्ञाः सदक्षिणाः त्वम् इन्द्रस् त्वं शिवो देवस् त्वं हविस् त्वं हुताशनः ॥
tvaṃ dikpālāś ca dharmāś ca vedā yajñāḥ sadakṣiṇāḥ tvam indras tvaṃ śivo devas tvaṃ havis tvaṃ hutāśanaḥ //
You are the guardians of the directions and the duties, the Vedas, the sacrifices along with their priestly fees; you are Indra, you are the god Śiva, you are the oblation, you are the fire that eats it.
AI translation rendered from the Sanskrit, not a published edition
BrP 55.27
त्वं यमः पितृराट् देव त्वं रक्षोधिपतिः स्वयम् वरुणस् त्वम् अपां नाथ त्वं वायुस् त्वं धनेश्वरः ॥
tvaṃ yamaḥ pitṛrāṭ deva tvaṃ rakṣodhipatiḥ svayam varuṇas tvam apāṃ nātha tvaṃ vāyus tvaṃ dhaneśvaraḥ //
You are Yama, the king of the ancestors, O god; you yourself are the overlord of the demons; you are Varuṇa the lord of the waters, you are Vāyu, you are the lord of wealth.
AI translation rendered from the Sanskrit, not a published edition
BrP 55.28
त्वम् ईशानस् त्वम् अनन्तस् त्वं गणेशश् च षण्मुखः वसवस् त्वं तथा रुद्रास् त्वम् आदित्याश् च खेचराः ॥
tvam īśānas tvam anantas tvaṃ gaṇeśaś ca ṣaṇmukhaḥ vasavas tvaṃ tathā rudrās tvam ādityāś ca khecarāḥ //
You are Īśāna, you are Ananta, you are Gaṇeśa and the six-faced one; you are the Vasus and likewise the Rudras, and you are the Ādityas who move in the sky.
AI translation rendered from the Sanskrit, not a published edition
BrP 55.29
दानवास् त्वं तथा यक्षास् त्वं दैत्याः समरुद्गणाः सिद्धाश् चाप्सरसो नागा गन्धर्वास् त्वं सचारणाः ॥
dānavās tvaṃ tathā yakṣās tvaṃ daityāḥ samarudgaṇāḥ siddhāś cāpsaraso nāgā gandharvās tvaṃ sacāraṇāḥ //
You are the Dānavas and likewise the Yakṣas, you are the Daityas together with the hosts of Maruts, the Siddhas and Apsarases and Nāgas, you are the Gandharvas along with the Cāraṇas.
AI translation rendered from the Sanskrit, not a published edition
BrP 55.30
पितरो वालखिल्याश् च प्रजानां पतयो ऽच्युत मुनयस् त्वम् ऋषिगणास् त्वम् अश्विनौ निशाचराः ॥
pitaro vālakhilyāś ca prajānāṃ patayo 'cyuta munayas tvam ṛṣigaṇās tvam aśvinau niśācarāḥ //
(You are) the ancestors and the Vālakhilyas and the lords of creatures, O Acyuta; you are the sages, the hosts of seers, you are the two Aśvins and the night-roamers.
AI translation rendered from the Sanskrit, not a published edition
BrP 55.31
अन्याश् च जातयस् त्वं हि यत् किंचिज् जीवसंज्ञितम् किं चात्र बहुनोक्तेन ब्रह्मादिस्तम्बगोचरम् ॥
anyāś ca jātayas tvaṃ hi yat kiṃcij jīvasaṃjñitam kiṃ cātra bahunoktena brahmādistambagocaram //
And you indeed are the other kinds of beings, whatever is called living. And what use is much speaking here: (you are) the whole range from Brahmā down to a clump of grass.
AI translation rendered from the Sanskrit, not a published edition
BrP 55.32
भूतं भव्यं भविष्यं च त्वं जगत् सचराचरम् यत् ते रूपं परं देव कूटस्थम् अचलं ध्रुवम् ॥
bhūtaṃ bhavyaṃ bhaviṣyaṃ ca tvaṃ jagat sacarācaram yat te rūpaṃ paraṃ deva kūṭastham acalaṃ dhruvam //
You are what has been, what is, and what will be, the universe with its moving and unmoving things. That supreme form of yours, O god, which stands at the summit, unmoving, fixed—
AI translation rendered from the Sanskrit, not a published edition
BrP 55.33
ब्रह्माद्यास् तन् न जानन्ति कथम् अन्ये ऽल्पमेधसः देव शुद्धस्वभावो ऽसि नित्यस् त्वं प्रकृतेः परः ॥
brahmādyās tan na jānanti katham anye 'lpamedhasaḥ deva śuddhasvabhāvo 'si nityas tvaṃ prakṛteḥ paraḥ //
—Brahmā and the others do not know it; how then should others of little understanding? O god, you are of pure nature, eternal, beyond primal nature,
AI translation rendered from the Sanskrit, not a published edition
BrP 55.34
अव्यक्तः शाश्वतो ऽनन्तः सर्वव्यापी महेश्वरः त्वम् आकाशः परः शान्तो अजस् त्वं विभुर् अव्ययः ॥
avyaktaḥ śāśvato 'nantaḥ sarvavyāpī maheśvaraḥ tvam ākāśaḥ paraḥ śānto ajas tvaṃ vibhur avyayaḥ //
unmanifest, everlasting, endless, all-pervading, the great lord; you are space, supreme, tranquil; you are unborn, all-powerful, undecaying.
AI translation rendered from the Sanskrit, not a published edition
BrP 55.35
एवं त्वां निर्गुणं स्तोतुं कः शक्नोति निरञ्जनम् स्तुतो ऽसि यन् मया देव विकलेनाल्पचेतसा तत् सर्वं देवदेवेश क्षन्तुम् अर्हसि चाव्यय ॥
evaṃ tvāṃ nirguṇaṃ stotuṃ kaḥ śaknoti nirañjanam stuto 'si yan mayā deva vikalenālpacetasā tat sarvaṃ devadeveśa kṣantum arhasi cāvyaya //
So then, who is able to praise you, who are without qualities and without taint? Since you have been praised by me, O god, an incomplete man of small mind, for all that, O lord of the gods of gods, O undecaying one, you ought to forgive (me).
AI translation rendered from the Sanskrit, not a published edition