Brahma Purana — Chapter 54
BrP 54.1
स प्रविश्योदरे तस्य बालस्य मुनिसत्तमः ददर्श पृथिवीं कृत्स्नां नानाजनपदैर् वृताम् ॥
sa praviśyodare tasya bālasya munisattamaḥ dadarśa pṛthivīṃ kṛtsnāṃ nānājanapadair vṛtām //
Having entered the belly of that child, the best of sages saw the whole earth, encompassed by its many countries;
AI translation rendered from the Sanskrit, not a published edition
BrP 54.2
लवणेक्षुसुरासर्पिर्दधिदुग्धजलोदधीन् ददर्श तान् समुद्रांश् च जम्बु प्लक्षं च शाल्मलम् ॥
lavaṇekṣusurāsarpirdadhidugdhajalodadhīn dadarśa tān samudrāṃś ca jambu plakṣaṃ ca śālmalam //
he saw those oceans—of salt, sugarcane juice, liquor, ghee, curds, milk and water—and Jambu, Plakṣa and Śālmala,
AI translation rendered from the Sanskrit, not a published edition
BrP 54.3
कुशं क्रौञ्चं च शाकं च पुष्करं च ददर्श सः भारतादीनि वर्षाणि तथा सर्वांश् च पर्वतान् ॥
kuśaṃ krauñcaṃ ca śākaṃ ca puṣkaraṃ ca dadarśa saḥ bhāratādīni varṣāṇi tathā sarvāṃś ca parvatān //
and he saw Kuśa, Krauñca, Śāka and Puṣkara, and the continents beginning with Bhārata, and likewise all the mountains.
AI translation rendered from the Sanskrit, not a published edition
BrP 54.4
मेरुं च सर्वरत्नाढ्यं अपश्यत् कनकाचलम् नानारत्नान्वितैः शृङ्गैर् भूषितं बहुकन्दरम् ॥
meruṃ ca sarvaratnāḍhyaṃ apaśyat kanakācalam nānāratnānvitaiḥ śṛṅgair bhūṣitaṃ bahukandaram //
And he saw Meru, the golden mountain, rich in all jewels, adorned with peaks set with manifold gems, having many caverns.
AI translation rendered from the Sanskrit, not a published edition
BrP 54.5
नानामुनिजनाकीर्णं नानावृक्षवनाकुलम् नानासत्त्वसमायुक्तं नानाश्चर्यसमन्वितम् ॥
nānāmunijanākīrṇaṃ nānāvṛkṣavanākulam nānāsattvasamāyuktaṃ nānāścaryasamanvitam //
Thronged with many kinds of sages, crowded with woods of many kinds of trees, filled with many kinds of creatures, endowed with many marvels.
AI translation rendered from the Sanskrit, not a published edition
BrP 54.6
व्याघ्रैः सिंहैर् वराहैश् च चामरैर् महिषैर् गजैः मृगैः शाखामृगैश् चान्यैर् भूषितं सुमनोहरम् ॥
vyāghraiḥ siṃhair varāhaiś ca cāmarair mahiṣair gajaiḥ mṛgaiḥ śākhāmṛgaiś cānyair bhūṣitaṃ sumanoharam //
Adorned with tigers, lions, boars, yaks, buffaloes, elephants, deer, monkeys and other (beasts) — most delightful.
AI translation rendered from the Sanskrit, not a published edition
BrP 54.7
शक्राद्यैर् विविधैर् देवैः सिद्धचारणपन्नगैः मुनियक्षाप्सरोभिश् च वृतैश् चान्यैः सुरालयैः ॥
śakrādyair vividhair devaiḥ siddhacāraṇapannagaiḥ muniyakṣāpsarobhiś ca vṛtaiś cānyaiḥ surālayaiḥ //
(Surrounded) by Indra and the various other gods, by Siddhas, Cāraṇas and serpents, and encircled by sages, Yakṣas and Apsarases, and by the other dwellings of the gods.
AI translation rendered from the Sanskrit, not a published edition — the model flagged this verse as uncertain
BrP 54.8
एवं सुमेरुं श्रीमन्तम् अपश्यन् मुनिसत्तमः पर्यटन् स तदा विप्रस् तस्य बालस्य चोदरे ॥
evaṃ sumeruṃ śrīmantam apaśyan munisattamaḥ paryaṭan sa tadā vipras tasya bālasya codare //
Thus the best of sages, the brahmin, wandering about, then saw glorious Sumeru — and (all this) within the belly of that child.
AI translation rendered from the Sanskrit, not a published edition
BrP 54.9
हिमवन्तं हेमकूटं निषधं गन्धमादनम् श्वेतं च दुर्धरं नीलं कैलासं मन्दरं गिरिम् ॥
himavantaṃ hemakūṭaṃ niṣadhaṃ gandhamādanam śvetaṃ ca durdharaṃ nīlaṃ kailāsaṃ mandaraṃ girim //
Himavat, Hemakūṭa, Niṣadha, Gandhamādana, Śveta, Durdhara, Nīla, Kailāsa, and Mount Mandara;
AI translation rendered from the Sanskrit, not a published edition
BrP 54.10
महेन्द्रं मलयं विन्ध्यं पारियात्रं तथार्बुदम् सह्यं च शुक्तिमन्तं च मैनाकं वक्रपर्वतम् ॥
mahendraṃ malayaṃ vindhyaṃ pāriyātraṃ tathārbudam sahyaṃ ca śuktimantaṃ ca mainākaṃ vakraparvatam //
Mahendra, Malaya, Vindhya, Pāriyātra, and Arbuda, Sahya, Śuktimat, Maināka, and Mount Vakra;
AI translation rendered from the Sanskrit, not a published edition
BrP 54.11
एताश् चान्याश् च बहवो यावन्तः पृथिवीधराः ततस् तांस् तु मुनिश्रेष्ठाः सो ऽपश्यद् रत्नभूषितान् ॥
etāś cānyāś ca bahavo yāvantaḥ pṛthivīdharāḥ tatas tāṃs tu muniśreṣṭhāḥ so 'paśyad ratnabhūṣitān //
These and many others, as many as are the mountains that bear the earth — these he then saw, O best of sages, adorned with jewels.
AI translation rendered from the Sanskrit, not a published edition
BrP 54.12
कुरुक्षेत्रं च पाञ्चालान् मत्स्यान् मद्रान् सकेकयान् बाह्लीकान् शूरसेनांश् च काश्मीरांस् तङ्गणान् खसान् ॥
kurukṣetraṃ ca pāñcālān matsyān madrān sakekayān bāhlīkān śūrasenāṃś ca kāśmīrāṃs taṅgaṇān khasān //
And Kurukṣetra, the Pāñcālas, the Matsyas, the Madras together with the Kekayas, the Bāhlīkas, the Śūrasenas, the Kāśmīras, the Taṅgaṇas, the Khasas;
AI translation rendered from the Sanskrit, not a published edition
BrP 54.13
पार्वतीयान् किरातांश् च कर्णप्रावरणान् मरून् अन्त्यजान् अन्त्यजातींश् च सो ऽपश्यत् तस्य चोदरे ॥
pārvatīyān kirātāṃś ca karṇaprāvaraṇān marūn antyajān antyajātīṃś ca so 'paśyat tasya codare //
The mountaineers, the Kirātas, the Karṇaprāvaraṇas, the Marus, the low-born and the lowest castes — these he saw within his belly.
AI translation rendered from the Sanskrit, not a published edition
BrP 54.14
मृगाञ् शाखामृगान् सिंहान् वराहान् सृमराञ् शशान् गजांश् चान्यांस् तथा सत्त्वान् सो ऽपश्यत् तस्य चोदरे ॥
mṛgāñ śākhāmṛgān siṃhān varāhān sṛmarāñ śaśān gajāṃś cānyāṃs tathā sattvān so 'paśyat tasya codare //
Deer, monkeys, lions, boars, sṛmara-antelopes, hares, elephants and other creatures too — these he saw within his belly.
AI translation rendered from the Sanskrit, not a published edition
BrP 54.15
पृथिव्यां यानि तीर्थानि ग्रामाश् च नगराणि च कृषिगोरक्षवाणिज्यं क्रयविक्रयणं तथा ॥
pṛthivyāṃ yāni tīrthāni grāmāś ca nagarāṇi ca kṛṣigorakṣavāṇijyaṃ krayavikrayaṇaṃ tathā //
The sacred fords on the earth, and the villages and the cities, agriculture, cattle-tending and trade, and buying and selling likewise;
AI translation rendered from the Sanskrit, not a published edition
BrP 54.16
शक्रादीन् विबुधाञ् श्रेष्ठांस् तथान्यांश् च दिवौकसः गन्धर्वाप्सरसो यक्षान् ऋषींश् चैव सनातनान् ॥
śakrādīn vibudhāñ śreṣṭhāṃs tathānyāṃś ca divaukasaḥ gandharvāpsaraso yakṣān ṛṣīṃś caiva sanātanān //
Indra and the other foremost gods, and the other heaven-dwellers as well, Gandharvas, Apsarases, Yakṣas, and the eternal seers;
AI translation rendered from the Sanskrit, not a published edition
BrP 54.17
दैत्यदानवसंघांश् च नागांश् च मुनिसत्तमाः सिंहिकातनयांश् चैव ये चान्ये सुरशत्रवः ॥
daityadānavasaṃghāṃś ca nāgāṃś ca munisattamāḥ siṃhikātanayāṃś caiva ye cānye suraśatravaḥ //
And the hosts of Daityas and Dānavas, and the Nāgas, O best of sages, and the sons of Siṃhikā, and whatever others are enemies of the gods.
AI translation rendered from the Sanskrit, not a published edition
BrP 54.18
यत् किंचित् तेन लोके ऽस्मिन् दृष्टपूर्वं चराचरम् अपश्यत् स तदा सर्वं तस्य कुक्षौ द्विजोत्तमाः ॥
yat kiṃcit tena loke 'smin dṛṣṭapūrvaṃ carācaram apaśyat sa tadā sarvaṃ tasya kukṣau dvijottamāḥ //
Whatever moving and unmoving thing he had ever seen before in this world, all of that he then saw in his belly, O best of the twice-born.
AI translation rendered from the Sanskrit, not a published edition
BrP 54.19
अथवा किं बहूक्तेन कीर्तितेन पुनः पुनः ब्रह्मादिस्तम्बपर्यन्तं यत् किंचित् सचराचरम् ॥
athavā kiṃ bahūktena kīrtitena punaḥ punaḥ brahmādistambaparyantaṃ yat kiṃcit sacarācaram //
Or rather, what use is much speaking, of recounting again and again? Whatever there is, with moving and unmoving beings, from Brahmā down to a clump of grass —
AI translation rendered from the Sanskrit, not a published edition
BrP 54.20
भूर्लोकं च भुवर्लोकं स्वर्लोकं च द्विजोत्तमाः महर् जनस् तपः सत्यम् अतलं वितलं तथा ॥
bhūrlokaṃ ca bhuvarlokaṃ svarlokaṃ ca dvijottamāḥ mahar janas tapaḥ satyam atalaṃ vitalaṃ tathā //
And Bhūrloka, Bhuvarloka and Svarloka, O best of the twice-born, Mahar, Jana, Tapas, Satya, and Atala and Vitala;
AI translation rendered from the Sanskrit, not a published edition
BrP 54.21
पातालं सुतलं चैव वितलं च रसातलम् महातलं च ब्रह्माण्डम् अपश्यत् तस्य चोदरे ॥
pātālaṃ sutalaṃ caiva vitalaṃ ca rasātalam mahātalaṃ ca brahmāṇḍam apaśyat tasya codare //
And Pātāla, Sutala, Vitala, Rasātala, and Mahātala, and the egg of Brahmā — (all these) he saw within his belly.
AI translation rendered from the Sanskrit, not a published edition
BrP 54.22
अव्याहता गतिस् तस्य तदाभूद् द्विजसत्तमाः प्रसादात् तस्य देवस्य स्मृतिलोपश् च नाभवत् ॥
avyāhatā gatis tasya tadābhūd dvijasattamāḥ prasādāt tasya devasya smṛtilopaś ca nābhavat //
His movement was then unimpeded, O best of the twice-born, and by the grace of that god no loss of memory befell (him).
AI translation rendered from the Sanskrit, not a published edition
BrP 54.23
भ्रममाणस् तदा कुक्षौ कृत्स्नं जगद् इदं द्विजाः नान्तं जगाम देहस्य तस्य विष्णोः कदाचन ॥
bhramamāṇas tadā kukṣau kṛtsnaṃ jagad idaṃ dvijāḥ nāntaṃ jagāma dehasya tasya viṣṇoḥ kadācana //
Roaming then in that belly, (which held) this whole world, O twice-born ones, he never came to the end of the body of that Viṣṇu.
AI translation rendered from the Sanskrit, not a published edition
BrP 54.24
यदासौ नागतश् चान्तं तस्य देहस्य भो द्विजाः तदा तं वरदं देवं शरणं गतवान् मुनिः ॥
yadāsau nāgataś cāntaṃ tasya dehasya bho dvijāḥ tadā taṃ varadaṃ devaṃ śaraṇaṃ gatavān muniḥ //
When he did not reach the end of that body, O twice-born ones, then the sage went for refuge to that boon-granting god.
AI translation rendered from the Sanskrit, not a published edition
BrP 54.25
ततो ऽसौ सहसा विप्रा वायुवेगेन निःसृतः महात्मनो मुखात् तस्य विवृतात् पुरुषस्य सः ॥
tato 'sau sahasā viprā vāyuvegena niḥsṛtaḥ mahātmano mukhāt tasya vivṛtāt puruṣasya saḥ //
Then, O brahmins, he was suddenly expelled with the speed of the wind from the opened mouth of that great-souled Person.
AI translation rendered from the Sanskrit, not a published edition