Brahma Purana — Chapter 51
BrP 51.1
नाहं देवो न यक्षो वा न दैत्यो न च देवराट् न ब्रह्मा न च रुद्रो ऽहं विद्धि मां पुरुषोत्तमम् ॥
nāhaṃ devo na yakṣo vā na daityo na ca devarāṭ na brahmā na ca rudro 'haṃ viddhi māṃ puruṣottamam //
"I am not a god, nor a Yakṣa, nor a Daitya, nor the king of the gods; I am not Brahmā, nor am I Rudra: know me as the Supreme Person."
AI translation rendered from the Sanskrit, not a published edition
BrP 51.2
अर्तिहा सर्वलोकानाम् अनन्तबलपौरुषः आराधनीयो भूतानाम् अन्तो यस्य न विद्यते ॥
artihā sarvalokānām anantabalapauruṣaḥ ārādhanīyo bhūtānām anto yasya na vidyate //
"(I am) the remover of the distress of all the worlds, of endless strength and valour, to be worshipped by (all) beings, he of whom no end is found."
AI translation rendered from the Sanskrit, not a published edition
BrP 51.3
पठ्यते सर्वशास्त्रेषु वेदान्तेषु निगद्यते यम् आहुर् ज्ञानगम्येति वासुदेवेति योगिनः ॥
paṭhyate sarvaśāstreṣu vedānteṣu nigadyate yam āhur jñānagamyeti vāsudeveti yoginaḥ //
"(He who) is recited in all the scriptures, is proclaimed in the Vedāntas, whom the yogins call 'the one attainable through knowledge' and 'Vāsudeva'."
AI translation rendered from the Sanskrit, not a published edition
BrP 51.4
अहम् एव स्वयं ब्रह्मा अहं विष्णुः शिवो ऽप्य् अहम् इन्द्रो ऽहं देवराजश् च जगत्संयमनो यमः ॥
aham eva svayaṃ brahmā ahaṃ viṣṇuḥ śivo 'py aham indro 'haṃ devarājaś ca jagatsaṃyamano yamaḥ //
"I myself am Brahmā, I am Viṣṇu, I too am Śiva; I am Indra and the king of the gods, and Yama who restrains the world."
AI translation rendered from the Sanskrit, not a published edition
BrP 51.5
पृथिव्यादीनि भूतानि त्रेताग्निर् हुतभुङ् नृप वरुणो ऽपां पतिश् चाहं धरित्री च महीधरः ॥
pṛthivyādīni bhūtāni tretāgnir hutabhuṅ nṛpa varuṇo 'pāṃ patiś cāhaṃ dharitrī ca mahīdharaḥ //
"The elements beginning with earth, the threefold fire, the eater of oblations, O king; and I am Varuṇa the lord of the waters, and the Earth, and the upholder of the earth."
AI translation rendered from the Sanskrit, not a published edition
BrP 51.6
यत् किंचिद् वाङ्मयं लोके जगत् स्थावरजङ्गमम् चराचरं च यद् विश्वं मदन्यन् नास्ति किंचन ॥
yat kiṃcid vāṅmayaṃ loke jagat sthāvarajaṅgamam carācaraṃ ca yad viśvaṃ madanyan nāsti kiṃcana //
"Whatever consists of speech in the world, the world of things standing and moving, and whatever universe there is, moving and unmoving — there is nothing at all other than me."
AI translation rendered from the Sanskrit, not a published edition
BrP 51.7
प्रीतो ऽहं ते नृपश्रेष्ठ वरं वरय सुव्रत यद् इष्टं तत् प्रयच्छामि हृदि यत् ते व्यवस्थितम् ॥
prīto 'haṃ te nṛpaśreṣṭha varaṃ varaya suvrata yad iṣṭaṃ tat prayacchāmi hṛdi yat te vyavasthitam //
"I am pleased with you, best of kings; choose a boon, you of good vows. Whatever is desired, that I grant — whatever is fixed in your heart."
AI translation rendered from the Sanskrit, not a published edition
BrP 51.8
मद्दर्शनम् अपुण्यानां स्वप्नान्ते ऽपि न जायते त्वं पुनर् दृढभक्तित्वात् प्रत्यक्षं दृष्टवान् असि ॥
maddarśanam apuṇyānāṃ svapnānte 'pi na jāyate tvaṃ punar dṛḍhabhaktitvāt pratyakṣaṃ dṛṣṭavān asi //
"The sight of me does not come about for those without merit even at the end of a dream; you, however, because of your firm devotion, have seen (me) directly."
AI translation rendered from the Sanskrit, not a published edition
BrP 51.9
श्रुत्वैवं वासुदेवस्य वचनं तस्य भो द्विजाः रोमाञ्चिततनुर् भूत्वा इदं स्तोत्रं जगौ नृपः ॥
śrutvaivaṃ vāsudevasya vacanaṃ tasya bho dvijāḥ romāñcitatanur bhūtvā idaṃ stotraṃ jagau nṛpaḥ //
Having thus heard that speech of Vāsudeva, O brahmins, the king, his body bristling with (thrilled) hair, sang this hymn of praise:
AI translation rendered from the Sanskrit, not a published edition
BrP 51.10
श्रियः कान्त नमस् ते ऽस्तु श्रीपते पीतवाससे श्रीद श्रीश श्रीनिवास नमस् ते श्रीनिकेतन ॥
śriyaḥ kānta namas te 'stu śrīpate pītavāsase śrīda śrīśa śrīnivāsa namas te śrīniketana //
"O beloved of Śrī, homage be to you, O lord of Śrī, clad in yellow; O giver of Śrī, O master of Śrī, O abode of Śrī, homage to you, O dwelling-place of Śrī."
AI translation rendered from the Sanskrit, not a published edition
BrP 51.11
आद्यं पुरुषम् ईशानं सर्वेशं सर्वतोमुखम् निष्कलं परमं देवं प्रणतो ऽस्मि सनातनम् ॥
ādyaṃ puruṣam īśānaṃ sarveśaṃ sarvatomukham niṣkalaṃ paramaṃ devaṃ praṇato 'smi sanātanam //
"I bow to the primordial Person, the ruler, the lord of all, facing in every direction, undivided, the supreme god, the eternal one."
AI translation rendered from the Sanskrit, not a published edition
BrP 51.12
शब्दातीतं गुणातीतं भावाभावविवर्जितम् निर्लेपं निर्गुणं सूक्ष्मं सर्वज्ञं सर्वभावनम् ॥
śabdātītaṃ guṇātītaṃ bhāvābhāvavivarjitam nirlepaṃ nirguṇaṃ sūkṣmaṃ sarvajñaṃ sarvabhāvanam //
"(I bow to him who is) beyond sound, beyond the guṇas, free of being and non-being, unstained, without qualities, subtle, all-knowing, bringing all things into being."
AI translation rendered from the Sanskrit, not a published edition
BrP 51.13
प्रावृण्मेघप्रतीकाशं गोब्राह्मणहिते रतम् सर्वेषाम् एव गोप्तारं व्यापिनं सर्वभाविनम् ॥
prāvṛṇmeghapratīkāśaṃ gobrāhmaṇahite ratam sarveṣām eva goptāraṃ vyāpinaṃ sarvabhāvinam //
"(To him who) resembles a rain-cloud, who delights in the welfare of cows and brahmins, the protector of all indeed, all-pervading, becoming all things."
AI translation rendered from the Sanskrit, not a published edition
BrP 51.14
शङ्खचक्रधरं देवं गदामुशलधारिणम् नमस्ये वरदं देवं नीलोत्पलदलच्छविम् ॥
śaṅkhacakradharaṃ devaṃ gadāmuśaladhāriṇam namasye varadaṃ devaṃ nīlotpaladalacchavim //
"I pay homage to the god who holds the conch and discus, who bears the mace and the pestle, the boon-giving god whose hue is that of a blue lotus petal."
AI translation rendered from the Sanskrit, not a published edition
BrP 51.15
नागपर्यङ्कशयनं क्षीरोदार्णवशायिनम् नमस्ये ऽहं हृषीकेशं सर्वपापहरं हरिम् ॥
nāgaparyaṅkaśayanaṃ kṣīrodārṇavaśāyinam namasye 'haṃ hṛṣīkeśaṃ sarvapāpaharaṃ harim //
"(To him whose) couch is the serpent, who lies on the milk-ocean's sea — I pay homage to Hṛṣīkeśa, Hari, remover of all sins."
AI translation rendered from the Sanskrit, not a published edition
BrP 51.16
पुनस् त्वां देवदेवेशं नमस्ये वरदं विभुम् सर्वलोकेश्वरं विष्णुं मोक्षकारणम् अव्ययम् ॥
punas tvāṃ devadeveśaṃ namasye varadaṃ vibhum sarvalokeśvaraṃ viṣṇuṃ mokṣakāraṇam avyayam //
"Again I pay homage to you, lord of the gods of gods, boon-giver, all-pervading, the lord of all worlds, Viṣṇu, the cause of liberation, imperishable."
AI translation rendered from the Sanskrit, not a published edition
BrP 51.17
एवं स्तुत्वा तु तं देवं प्रणिपत्य कृताञ्जलिः उवाच प्रणतो भूत्वा निपत्य धरणीतले ॥
evaṃ stutvā tu taṃ devaṃ praṇipatya kṛtāñjaliḥ uvāca praṇato bhūtvā nipatya dharaṇītale //
Having praised that god thus, and bowed down with his palms joined, he spoke, humbled, falling upon the surface of the earth:
AI translation rendered from the Sanskrit, not a published edition
BrP 51.18
प्रीतो ऽसि यदि मे नाथ वृणोमि वरम् उत्तमम् देवासुराः सगन्धर्वा यक्षरक्षोमहोरगाः ॥
prīto 'si yadi me nātha vṛṇomi varam uttamam devāsurāḥ sagandharvā yakṣarakṣomahoragāḥ //
"If you are pleased with me, lord, I choose the highest boon: the gods and asuras together with the gandharvas, the yakṣas, rākṣasas and great serpents,"
AI translation rendered from the Sanskrit, not a published edition
BrP 51.19
सिद्धविद्याधराः साध्याः किंनरा गुह्यकास् तथा ऋषयो ये महाभागा नानाशास्त्रविशारदाः ॥
siddhavidyādharāḥ sādhyāḥ kiṃnarā guhyakās tathā ṛṣayo ye mahābhāgā nānāśāstraviśāradāḥ //
the siddhas, vidyādharas, sādhyas, kiṃnaras and likewise the guhyakas, and those greatly blessed seers who are versed in the various sciences,
AI translation rendered from the Sanskrit, not a published edition
BrP 51.20
परिव्राड्योगयुक्ताश् च वेदतत्त्वार्थचिन्तकाः मोक्षमार्गविदो ये ऽन्ये ध्यायन्ति परमं पदम् ॥
parivrāḍyogayuktāś ca vedatattvārthacintakāḥ mokṣamārgavido ye 'nye dhyāyanti paramaṃ padam //
and the wandering ascetics joined to yoga, who ponder the true meaning of the Vedas, and the others who know the path of liberation—(all these) meditate on the supreme abode:
AI translation rendered from the Sanskrit, not a published edition
BrP 51.21
निर्गुणं निर्मलं शान्तं यत् पश्यन्ति मनीषिनः तत् पदं गन्तुम् इच्छामि त्वत्प्रसादात् सुदुर्लभम् ॥
nirguṇaṃ nirmalaṃ śāntaṃ yat paśyanti manīṣinaḥ tat padaṃ gantum icchāmi tvatprasādāt sudurlabham //
that abode without qualities, stainless, at peace, which the wise behold—there I wish to go, (though it is) very hard to reach, by your grace.
AI translation rendered from the Sanskrit, not a published edition
BrP 51.22
सर्वं भवतु भद्रं ते यथेष्टं सर्वम् आप्नुहि भविष्यति यथाकामं मत्प्रसादान् न संशयः ॥
sarvaṃ bhavatu bhadraṃ te yatheṣṭaṃ sarvam āpnuhi bhaviṣyati yathākāmaṃ matprasādān na saṃśayaḥ //
(The god said:) "Let all be well with you; obtain everything as you wish. It will come to pass according to your desire by my grace—there is no doubt."
AI translation rendered from the Sanskrit, not a published edition
BrP 51.23
दश वर्षसहस्राणि तथा नव शतानि च अविच्छिन्नं महाराज्यं कुरु त्वं नृपसत्तम ॥
daśa varṣasahasrāṇi tathā nava śatāni ca avicchinnaṃ mahārājyaṃ kuru tvaṃ nṛpasattama //
"For ten thousand years and nine hundred more, exercise unbroken great kingship, O best of kings."
AI translation rendered from the Sanskrit, not a published edition
BrP 51.24
प्रयास्यसि पदं दिव्यं दुर्लभं यत् सुरासुरैः पूर्णमनोरथं शान्तं गुह्यम् अव्यक्तम् अव्ययम् ॥
prayāsyasi padaṃ divyaṃ durlabhaṃ yat surāsuraiḥ pūrṇamanorathaṃ śāntaṃ guhyam avyaktam avyayam //
"You will go to that divine abode, hard for gods and asuras to attain, where desires are fulfilled, peaceful, secret, unmanifest, imperishable,"
AI translation rendered from the Sanskrit, not a published edition
BrP 51.25
परात् परतरं सूक्ष्मं निर्लेपं निष्कलं ध्रुवम् चिन्ताशोकविनिर्मुक्तं क्रियाकारणवर्जितम् ॥
parāt parataraṃ sūkṣmaṃ nirlepaṃ niṣkalaṃ dhruvam cintāśokavinirmuktaṃ kriyākāraṇavarjitam //
higher than the highest, subtle, unstained, undivided, constant, wholly freed from anxiety and grief, devoid of action and (its) cause.
AI translation rendered from the Sanskrit, not a published edition
BrP 51.26
तद् अहं दर्शयिष्यामि ज्ञेयाख्यं परमं पदम् यं प्राप्य परमानन्दं प्राप्स्यसि परमां गतिम् ॥
tad ahaṃ darśayiṣyāmi jñeyākhyaṃ paramaṃ padam yaṃ prāpya paramānandaṃ prāpsyasi paramāṃ gatim //
"That supreme abode, called 'what is to be known,' I shall show you; having reached it, you will attain supreme bliss (and) the highest goal."
AI translation rendered from the Sanskrit, not a published edition
BrP 51.27
कीर्तिश् च तव राजेन्द्र भवत्य् अत्र महीतले यावद् घना नभो यावद् यावच् चन्द्रार्कतारकम् ॥
kīrtiś ca tava rājendra bhavaty atra mahītale yāvad ghanā nabho yāvad yāvac candrārkatārakam //
"And your fame, O lord of kings, will endure here on the surface of the earth as long as the clouds (endure), as long as the sky, as long as moon, sun and stars,"
AI translation rendered from the Sanskrit, not a published edition
BrP 51.28
यावत् समुद्राः सप्तैव यावन् मेर्वादिपर्वताः तिष्ठन्ति दिवि देवाश् च तावत् सर्वत्र चाव्यया ॥
yāvat samudrāḥ saptaiva yāvan mervādiparvatāḥ tiṣṭhanti divi devāś ca tāvat sarvatra cāvyayā //
as long as the seven oceans, as long as Meru and the other mountains, and the gods in heaven, remain—so long (will it endure), everywhere and undecaying.
AI translation rendered from the Sanskrit, not a published edition
BrP 51.29
इन्द्रद्युम्नसरो नाम तीर्थं यज्ञाङ्गसंभवम् यत्र स्नात्वा सकृल् लोकः शक्रलोकम् अवाप्नुयात् ॥
indradyumnasaro nāma tīrthaṃ yajñāṅgasaṃbhavam yatra snātvā sakṛl lokaḥ śakralokam avāpnuyāt //
There is a sacred place, a lake named Indradyumna, arisen from a part of the sacrifice, where a man, having bathed but once, would attain Śakra's world.
AI translation rendered from the Sanskrit, not a published edition
BrP 51.30
दापयिष्यति यः पिण्डांस् तटे ऽस्मिन् सरसः शुभे कुलैकविंशम् उद्धृत्य शक्रलोकं गमिष्यति ॥
dāpayiṣyati yaḥ piṇḍāṃs taṭe 'smin sarasaḥ śubhe kulaikaviṃśam uddhṛtya śakralokaṃ gamiṣyati //
Whoever will have piṇḍas offered on this auspicious bank of the lake will, having raised up twenty-one generations of his family, go to Śakra's world.
AI translation rendered from the Sanskrit, not a published edition
BrP 51.31
पूज्यमानो ऽप्सरोभिश् च गन्धर्वैर् गीतनिस्वनैः विमानेन वसेत् तत्र यावद् इन्द्राश् चतुर्दश ॥
pūjyamāno 'psarobhiś ca gandharvair gītanisvanaiḥ vimānena vaset tatra yāvad indrāś caturdaśa //
Honoured by apsarases and by gandharvas with the sounds of song, he would dwell there in a celestial chariot for as long as fourteen Indras (reign).
AI translation rendered from the Sanskrit, not a published edition
BrP 51.32
सरसो दक्षिणे भागे नैरृत्यां तु समाश्रिते न्यग्रोधस् तिष्ठते तत्र तत्समीपे तु मण्डपः ॥
saraso dakṣiṇe bhāge nairṛtyāṃ tu samāśrite nyagrodhas tiṣṭhate tatra tatsamīpe tu maṇḍapaḥ //
On the southern side of the lake, resting toward the south-west, a banyan tree stands there, and near it a pavilion,
AI translation rendered from the Sanskrit, not a published edition
BrP 51.33
केतकीवनसंछन्नो नानापादपसंकुलः नारिकेलैर् असंख्येयैश् चम्पकैर् बकुलावृतैः ॥
ketakīvanasaṃchanno nānāpādapasaṃkulaḥ nārikelair asaṃkhyeyaiś campakair bakulāvṛtaiḥ //
covered over by a grove of ketakī, thick with various trees—with countless coconut palms, with campakas surrounded by bakulas,
AI translation rendered from the Sanskrit, not a published edition
BrP 51.34
अशोकैः कर्णिकारैश् च पुंनागैर् नागकेसरैः पाटलाम्रातसरलैश् चन्दनैर् देवदारुभिः ॥
aśokaiḥ karṇikāraiś ca puṃnāgair nāgakesaraiḥ pāṭalāmrātasaralaiś candanair devadārubhiḥ //
with aśokas and karṇikāras, with puṃnāgas and nāgakesaras, with pāṭalas, āmrātas and saralas, with sandal trees and devadārus,
AI translation rendered from the Sanskrit, not a published edition
BrP 51.35
न्यग्रोधाश्वत्थखदिरैः पारिजातैः सहार्जुनैः हिन्तालैश् चैव तालैश् च शिंशपैर् बदरैस् तथा ॥
nyagrodhāśvatthakhadiraiḥ pārijātaiḥ sahārjunaiḥ hintālaiś caiva tālaiś ca śiṃśapair badarais tathā //
with banyans, aśvatthas and khadiras, with pārijātas along with arjunas, and with hintālas and palmyras, with śiṃśapās and jujubes,
AI translation rendered from the Sanskrit, not a published edition
BrP 51.36
करञ्जैर् लकुचैः प्लक्षैः पनसैर् बिल्वधातुकैः अन्यैर् बहुविधैर् वृक्षैः शोभितः समलंकृतः ॥
karañjair lakucaiḥ plakṣaiḥ panasair bilvadhātukaiḥ anyair bahuvidhair vṛkṣaiḥ śobhitaḥ samalaṃkṛtaḥ //
with karañjas, lakucas, plakṣas, jackfruits, bilvas and dhātukas, and with many other kinds of trees—(so) it is made beautiful and well adorned.
AI translation rendered from the Sanskrit, not a published edition
BrP 51.37
आषाढस्य सिते पक्षे पञ्चम्यां पितृदैवते ऋक्षे नेष्यन्ति नस् तत्र नीत्वा सप्त दिनानि वै ॥
āṣāḍhasya site pakṣe pañcamyāṃ pitṛdaivate ṛkṣe neṣyanti nas tatra nītvā sapta dināni vai //
In the bright fortnight of Āṣāḍha, on the fifth day, under the asterism whose deity is the ancestors, they will convey us there, and having conveyed (us), for seven days indeed
AI translation rendered from the Sanskrit, not a published edition
BrP 51.38
मण्डपे स्थापयिष्यन्ति सुवेश्याभिः सुशोभनैः क्रीडाविशेषबहुलैर् नृत्यगीतमनोहरैः ॥
maṇḍape sthāpayiṣyanti suveśyābhiḥ suśobhanaiḥ krīḍāviśeṣabahulair nṛtyagītamanoharaiḥ //
they will place (us) in a pavilion, (attended) by well-dressed, beautiful courtesans, (a pavilion) abounding in special amusements and charming with dance and song.
AI translation rendered from the Sanskrit, not a published edition
BrP 51.39
चामरैः स्वर्णदण्डैश् च व्यजनै रत्नभूषणैः वीजयन्तस् तथास्मभ्यं स्थापयिष्यन्ति मङ्गलाः ॥
cāmaraiḥ svarṇadaṇḍaiś ca vyajanai ratnabhūṣaṇaiḥ vījayantas tathāsmabhyaṃ sthāpayiṣyanti maṅgalāḥ //
And fanning (us) with yak-tail whisks with golden handles and with fans set with jewel ornaments, the auspicious ones will thus install (us).
AI translation rendered from the Sanskrit, not a published edition
BrP 51.40
ब्रह्मचारी यतिश् चैव स्नातकाश् च द्विजोत्तमाः वानप्रस्था गृहस्थाश् च सिद्धाश् चान्ये च ब्राह्मणाः ॥
brahmacārī yatiś caiva snātakāś ca dvijottamāḥ vānaprasthā gṛhasthāś ca siddhāś cānye ca brāhmaṇāḥ //
The celibate student and the ascetic, the graduates (snātakas), the best of the twice-born, the forest-dwellers and the householders, the perfected ones and other brahmins—
AI translation rendered from the Sanskrit, not a published edition
BrP 51.41
नानावर्णपदैः स्तोत्रैर् ऋग्यजुःसामनिस्वनैः करिष्यन्ति स्तुतिं राजन् रामकेशवयोः पुनः ॥
nānāvarṇapadaiḥ stotrair ṛgyajuḥsāmanisvanaiḥ kariṣyanti stutiṃ rājan rāmakeśavayoḥ punaḥ //
with hymns of praise having words of various kinds, with the sounds of the Ṛg, Yajus and Sāman, they will again make praise of Rāma and Keśava, O king.
AI translation rendered from the Sanskrit, not a published edition
BrP 51.42
ततः स्तुत्वा च दृष्ट्वा च संप्रणम्य च भक्तितः नरो वर्षायुतं दिव्यं श्रीमद्धरिपुरे वसेत् ॥
tataḥ stutvā ca dṛṣṭvā ca saṃpraṇamya ca bhaktitaḥ naro varṣāyutaṃ divyaṃ śrīmaddharipure vaset //
Then, having praised and seen and bowed down with devotion, a man would dwell ten thousand divine years in the glorious city of Hari.
AI translation rendered from the Sanskrit, not a published edition
BrP 51.43
पूज्यमानो ऽप्सरोभिश् च गन्धर्वैर् गीतनिस्वनैः हरेर् अनुचरस् तत्र क्रीडते केशवेन वै ॥
pūjyamāno 'psarobhiś ca gandharvair gītanisvanaiḥ harer anucaras tatra krīḍate keśavena vai //
Honoured by apsarases and by gandharvas with the sounds of song, as an attendant of Hari he sports there with Keśava.
AI translation rendered from the Sanskrit, not a published edition
BrP 51.44
विमानेनार्कवर्णेन रत्नहारेण भ्राजता सर्वकामैर् महाभोगैस् तिष्ठते भुवनोत्तमे ॥
vimānenārkavarṇena ratnahāreṇa bhrājatā sarvakāmair mahābhogais tiṣṭhate bhuvanottame //
With a sun-coloured aerial car shining with a necklace of jewels, he abides in that highest world with all desires (fulfilled) and with great enjoyments.
AI translation rendered from the Sanskrit, not a published edition
BrP 51.45
तपःक्षयादिहागत्य मनुष्यो ब्राह्मणो भवेत् कोटीधनपतिः श्रीमांश् चतुर्वेदी भवेद् ध्रुवम् ॥
tapaḥkṣayādihāgatya manuṣyo brāhmaṇo bhavet koṭīdhanapatiḥ śrīmāṃś caturvedī bhaved dhruvam //
And on the exhaustion of his merit, coming here, the man would be born a brahmin; he would surely be a wealthy man owning crores and a knower of the four Vedas.
AI translation rendered from the Sanskrit, not a published edition
BrP 51.46
एवं तस्मै वरं दत्त्वा कृत्वा च समयं हरिः जगामादर्शनं विप्राः सहितो विश्वकर्मणा ॥
evaṃ tasmai varaṃ dattvā kṛtvā ca samayaṃ hariḥ jagāmādarśanaṃ viprāḥ sahito viśvakarmaṇā //
Having thus given him a boon and made an agreement, Hari vanished from sight, O brahmins, together with Viśvakarman.
AI translation rendered from the Sanskrit, not a published edition
BrP 51.47
स तु राजा तदा हृष्टो रोमाञ्चिततनूरुहः कृतकृत्यम् इवात्मानं मेने संदर्शनाद् धरेः ॥
sa tu rājā tadā hṛṣṭo romāñcitatanūruhaḥ kṛtakṛtyam ivātmānaṃ mene saṃdarśanād dhareḥ //
And that king was then delighted, the hairs of his body bristling; he considered himself as one whose task was accomplished, from the sight of Hari.
AI translation rendered from the Sanskrit, not a published edition
BrP 51.48
ततः कृष्णं च रामं च सुभद्रां च वरप्रदाम् रथैर् विमानसंकाशैर् मणिकाञ्चनचित्रितैः ॥
tataḥ kṛṣṇaṃ ca rāmaṃ ca subhadrāṃ ca varapradām rathair vimānasaṃkāśair maṇikāñcanacitritaiḥ //
Then Kṛṣṇa and Rāma and Subhadrā the boon-giver, on chariots resembling celestial cars, variegated with gems and gold—
AI translation rendered from the Sanskrit, not a published edition
BrP 51.49
संवाह्य तास् तदा राजा महामङ्गलनिःस्वनैः आनयाम् आस मतिमान् सामात्यः सपुरोहितः ॥
saṃvāhya tās tadā rājā mahāmaṅgalaniḥsvanaiḥ ānayām āsa matimān sāmātyaḥ sapurohitaḥ //
having conveyed them, the wise king then, with his ministers and his household priest, brought (them) with great auspicious sounds.
AI translation rendered from the Sanskrit, not a published edition
BrP 51.50
नानावादित्रनिर्घोषैर् नानावेदस्वनैः शुभैः संस्थाप्य च शुभे देशे पवित्रे सुमनोहरे ॥
nānāvāditranirghoṣair nānāvedasvanaiḥ śubhaiḥ saṃsthāpya ca śubhe deśe pavitre sumanohare //
And having installed (them), with the noise of various musical instruments and with the auspicious sounds of the various Vedas, in a good, pure and most lovely place,
AI translation rendered from the Sanskrit, not a published edition
BrP 51.51
ततः शुभतिथौ काले नक्षत्रे शुभलक्षणे प्रतिष्ठां कारयाम् आस सुमुहूर्ते द्विजैः सह ॥
tataḥ śubhatithau kāle nakṣatre śubhalakṣaṇe pratiṣṭhāṃ kārayām āsa sumuhūrte dvijaiḥ saha //
then, at an auspicious lunar day and hour, under a star of auspicious character, at a good moment, he had the consecration performed together with the twice-born.
AI translation rendered from the Sanskrit, not a published edition
BrP 51.52
यथोक्तेन विधानेन विधिदृष्टेन कर्मणा आचार्यानुमतेनैव सर्वं कृत्वा महीपतिः ॥
yathoktena vidhānena vidhidṛṣṭena karmaṇā ācāryānumatenaiva sarvaṃ kṛtvā mahīpatiḥ //
With the prescribed procedure, with rites laid down by the rule, and just as approved by the preceptor, the lord of the earth, having done everything,
AI translation rendered from the Sanskrit, not a published edition
BrP 51.53
आचार्याय तदा दत्त्वा दक्षिणां विधिवत् प्रभुः ऋत्विग्भ्यश् च विधानेन तथान्येभ्यो धनं ददौ ॥
ācāryāya tadā dattvā dakṣiṇāṃ vidhivat prabhuḥ ṛtvigbhyaś ca vidhānena tathānyebhyo dhanaṃ dadau //
the lord then, having given the sacrificial fee to the preceptor according to rule, gave wealth also to the officiating priests as prescribed, and to others likewise.
AI translation rendered from the Sanskrit, not a published edition
BrP 51.54
कृत्वा प्रतिष्ठां विधिवत् प्रासादे भवनोत्तमे स्थापयाम् आस तान् सर्वान् विधिदृष्टेन कर्मणा ॥
kṛtvā pratiṣṭhāṃ vidhivat prāsāde bhavanottame sthāpayām āsa tān sarvān vidhidṛṣṭena karmaṇā //
Having duly performed the consecration in the temple, the best of buildings, he installed them all with rites laid down by the rule.
AI translation rendered from the Sanskrit, not a published edition
BrP 51.55
ततः संपूज्य विधिना नानापुष्पैः सुगन्धिभिः सुवर्णमणिमुक्ताद्यैर् नानावस्त्रैः सुशोभनैः ॥
tataḥ saṃpūjya vidhinā nānāpuṣpaiḥ sugandhibhiḥ suvarṇamaṇimuktādyair nānāvastraiḥ suśobhanaiḥ //
Then, having worshipped (them) according to rule with various fragrant flowers, with gold, gems, pearls and the like, and with various beautiful garments,
AI translation rendered from the Sanskrit, not a published edition
BrP 51.56
रत्नैश् च विविधैर् दिव्यैर् आसनैर् ग्रामपत्तनैः ददौ चान्यान् स विषयान् पुराणि नगराणि च ॥
ratnaiś ca vividhair divyair āsanair grāmapattanaiḥ dadau cānyān sa viṣayān purāṇi nagarāṇi ca //
and with various divine jewels, with seats, with villages and market-towns, he also gave other territories, towns and cities.
AI translation rendered from the Sanskrit, not a published edition
BrP 51.57
एवं बहुविधं दत्त्वा राज्यं कृत्वा यथोचितम् इष्ट्वा च विविधैर् यज्ञैर् दत्त्वा दानान्य् अनेकशः ॥
evaṃ bahuvidhaṃ dattvā rājyaṃ kṛtvā yathocitam iṣṭvā ca vividhair yajñair dattvā dānāny anekaśaḥ //
Having thus given (gifts) of many kinds, having ordered the kingdom as was fitting, having sacrificed with various sacrifices and given donations many times over—
AI translation rendered from the Sanskrit, not a published edition
BrP 51.58
कृतकृत्यस् ततो राजा त्यक्तसर्वपरिग्रहः जगाम परमं स्थानं तद् विष्णोः परमं पदम् ॥
kṛtakṛtyas tato rājā tyaktasarvaparigrahaḥ jagāma paramaṃ sthānaṃ tad viṣṇoḥ paramaṃ padam //
then the king, having done what was to be done, abandoning all possessions, went to that supreme abode, the highest station of Viṣṇu.
AI translation rendered from the Sanskrit, not a published edition
BrP 51.59
एवं मया मुनिश्रेष्ठाः कथितो वो नृपोत्तमः क्षेत्रस्य चैव माहात्म्यं किम् अन्यच् छ्रोतुम् इच्छथ ॥
evaṃ mayā muniśreṣṭhāḥ kathito vo nṛpottamaḥ kṣetrasya caiva māhātmyaṃ kim anyac chrotum icchatha //
Thus, best of sages, I have related to you the foremost of kings and also the greatness of the holy field; what else do you wish to hear?
AI translation rendered from the Sanskrit, not a published edition
BrP 51.60
श्रुत्वैवं वचनं तस्य ब्रह्मणो ऽव्यक्तजन्मनः आश्चर्यं मेनिरे विप्राः पप्रच्छुश् च पुनर् मुदा ॥
śrutvaivaṃ vacanaṃ tasya brahmaṇo 'vyaktajanmanaḥ āścaryaṃ menire viprāḥ papracchuś ca punar mudā //
Having heard this speech of his, of Brahmā whose birth is unmanifest, the brahmins thought it a marvel and asked again, with joy:
AI translation rendered from the Sanskrit, not a published edition
BrP 51.61
कस्मिन् काले सुरश्रेष्ठ गन्तव्यं पुरुषोत्तमम् विधिना केन कर्तव्यं पञ्चतीर्थम् इति प्रभो ॥
kasmin kāle suraśreṣṭha gantavyaṃ puruṣottamam vidhinā kena kartavyaṃ pañcatīrtham iti prabho //
"At what time, best of the gods, should one go to Puruṣottama? By what rule is the (visiting of the) five holy waters to be performed, O lord?
AI translation rendered from the Sanskrit, not a published edition
BrP 51.62
एकैकस्य च तीर्थस्य स्नानदानस्य यत् फलम् देवताप्रेक्षणे चैव ब्रूहि सर्वं पृथक् पृथक् ॥
ekaikasya ca tīrthasya snānadānasya yat phalam devatāprekṣaṇe caiva brūhi sarvaṃ pṛthak pṛthak //
And what is the fruit of bathing and of giving at each single holy water, and in the beholding of the deity—tell us all of it, one by one."
AI translation rendered from the Sanskrit, not a published edition
BrP 51.63
निराहारः कुरुक्षेत्रे पादेनैकेन यस् तपेत् जितेन्द्रियो जितक्रोधः सप्तसंवत्सरायुतम् ॥
nirāhāraḥ kurukṣetre pādenaikena yas tapet jitendriyo jitakrodhaḥ saptasaṃvatsarāyutam //
Whoever, taking no food, should practice austerity at Kurukṣetra standing on one foot, his senses subdued and his anger subdued, for seventy thousand years—
AI translation rendered from the Sanskrit, not a published edition
BrP 51.64
दृष्ट्वा सदा ज्येष्ठशुक्लद्वादश्यां पुरुषोत्तमम् कृतोपवासः प्राप्नोति ततो ऽधिकतरं फलम् ॥
dṛṣṭvā sadā jyeṣṭhaśukladvādaśyāṃ puruṣottamam kṛtopavāsaḥ prāpnoti tato 'dhikataraṃ phalam //
(yet) one who, having kept the fast, beholds Puruṣottama on the twelfth day of the bright fortnight of Jyeṣṭha gains a fruit greater than that.
AI translation rendered from the Sanskrit, not a published edition
BrP 51.65
तस्माज् ज्येष्ठे मुनिश्रेष्ठाः प्रयत्नेन सुसंयतैः स्वर्गलोकेप्सुविप्राद्यैर् द्रष्टव्यः पुरुषोत्तमः ॥
tasmāj jyeṣṭhe muniśreṣṭhāḥ prayatnena susaṃyataiḥ svargalokepsuviprādyair draṣṭavyaḥ puruṣottamaḥ //
Therefore, best of sages, in Jyeṣṭha, Puruṣottama is to be beheld with effort by well-restrained brahmins and others who desire the world of heaven.
AI translation rendered from the Sanskrit, not a published edition
BrP 51.66
पञ्चतीर्थं तु विधिवत् कृत्वा ज्येष्ठे नरोत्तमः शुक्लपक्षस्य द्वादश्यां पश्येत् तं पुरुषोत्तमम् ॥
pañcatīrthaṃ tu vidhivat kṛtvā jyeṣṭhe narottamaḥ śuklapakṣasya dvādaśyāṃ paśyet taṃ puruṣottamam //
But the best of men, having duly performed the (rite of the) five holy waters in Jyeṣṭha, should behold that Puruṣottama on the twelfth day of the bright fortnight.
AI translation rendered from the Sanskrit, not a published edition
BrP 51.67
ये पश्यन्त्य् अव्ययं देवं द्वादश्यां पुरुषोत्तमम् ते विष्णुलोकम् आसाद्य न च्यवन्ते कदाचन ॥
ye paśyanty avyayaṃ devaṃ dvādaśyāṃ puruṣottamam te viṣṇulokam āsādya na cyavante kadācana //
Those who behold the imperishable god Puruṣottama on the twelfth day, having reached the world of Viṣṇu, never fall from it.
AI translation rendered from the Sanskrit, not a published edition
BrP 51.68
तस्माज् ज्येष्ठे प्रयत्नेन गन्तव्यं भो द्विजोत्तमाः कृत्वा तस्मिन् पञ्चतीर्थं द्रष्टव्यः पुरुषोत्तमः ॥
tasmāj jyeṣṭhe prayatnena gantavyaṃ bho dvijottamāḥ kṛtvā tasmin pañcatīrthaṃ draṣṭavyaḥ puruṣottamaḥ //
Therefore, O best of the twice-born, one should go with effort in Jyeṣṭha; having performed there the (rite of the) five holy waters, Puruṣottama is to be beheld.
AI translation rendered from the Sanskrit, not a published edition
BrP 51.69
सुदूरस्थो ऽपि यो भक्त्या कीर्तयेत् पुरुषोत्तमम् अहन्य् अहनि शुद्धात्मा सो ऽपि विष्णुपुरं व्रजेत् ॥
sudūrastho 'pi yo bhaktyā kīrtayet puruṣottamam ahany ahani śuddhātmā so 'pi viṣṇupuraṃ vrajet //
Even one who dwells very far away, if with devotion, of purified self, he praises Puruṣottama day after day, he too will go to Viṣṇu's city.
AI translation rendered from the Sanskrit, not a published edition
BrP 51.70
यात्रां करोति कृष्णस्य श्रद्धया यः समाहितः सर्वपापविनिर्मुक्तो विष्णुलोकं व्रजेन् नरः ॥
yātrāṃ karoti kṛṣṇasya śraddhayā yaḥ samāhitaḥ sarvapāpavinirmukto viṣṇulokaṃ vrajen naraḥ //
The man who, collected in mind, makes the pilgrimage to Kṛṣṇa with faith, freed from all sins, will go to the world of Viṣṇu.
AI translation rendered from the Sanskrit, not a published edition
BrP 51.71
चक्रं दृष्ट्वा हरेर् दूरात् प्रासादोपरि संस्थितम् सहसा मुच्यते पापान् नरो भक्त्या प्रणम्य तत् ॥
cakraṃ dṛṣṭvā harer dūrāt prāsādopari saṃsthitam sahasā mucyate pāpān naro bhaktyā praṇamya tat //
Seeing from afar the discus of Hari set upon the top of the temple, and bowing to it with devotion, a man is at once released from sin.
AI translation rendered from the Sanskrit, not a published edition