Brahma Purana — Chapter 5
BrP 5.1
मन्वन्तराणि सर्वाणि विस्तरेण महामते तेषां पूर्वविसृष्टिं च लोमहर्षण कीर्तय ॥
manvantarāṇi sarvāṇi vistareṇa mahāmate teṣāṃ pūrvavisṛṣṭiṃ ca lomaharṣaṇa kīrtaya //
"O greatly wise one, recount all the manvantaras in detail, and the earlier creation of them, O Lomaharṣaṇa."
AI translation rendered from the Sanskrit, not a published edition
BrP 5.2
यावन्तो मनवश् चैव यावन्तं कालम् एव च मन्वन्तराणि भोः सूत श्रोतुम् इच्छाम तत्त्वतः ॥
yāvanto manavaś caiva yāvantaṃ kālam eva ca manvantarāṇi bhoḥ sūta śrotum icchāma tattvataḥ //
"How many Manus there are, and for how long a time — the manvantaras, O Sūta, we wish to hear of them as they truly are."
AI translation rendered from the Sanskrit, not a published edition
BrP 5.3
न शक्यो विस्तरो विप्रा वक्तुं वर्षशतैर् अपि मन्वन्तराणां सर्वेषां संक्षेपाच् छृणुत द्विजाः ॥
na śakyo vistaro viprā vaktuṃ varṣaśatair api manvantarāṇāṃ sarveṣāṃ saṃkṣepāc chṛṇuta dvijāḥ //
"The full extent of all the manvantaras, O brahmins, cannot be told even in a hundred years; hear it in brief, O twice-born."
AI translation rendered from the Sanskrit, not a published edition
BrP 5.4
स्वायंभुवो मनुः पूर्वं मनुः स्वारोचिषस् तथा उत्तमस् तामसश् चैव रैवतश् चाक्षुषस् तथा ॥
svāyaṃbhuvo manuḥ pūrvaṃ manuḥ svārociṣas tathā uttamas tāmasaś caiva raivataś cākṣuṣas tathā //
First the Manu Svāyaṃbhuva, then the Manu Svārociṣa, and Uttama, and Tāmasa, and Raivata, and Cākṣuṣa.
AI translation rendered from the Sanskrit, not a published edition
BrP 5.5
वैवस्वतश् च भो विप्राः सांप्रतं मनुर् उच्यते सावर्णिश् च मनुस् तद्वद् रैभ्यो रौच्यस् तथैव च ॥
vaivasvataś ca bho viprāḥ sāṃprataṃ manur ucyate sāvarṇiś ca manus tadvad raibhyo raucyas tathaiva ca //
And Vaivasvata, O brahmins, is said to be the present Manu; and likewise the Manu Sāvarṇi, and Raibhya, and Raucya as well.
AI translation rendered from the Sanskrit, not a published edition
BrP 5.6
तथैव मेरुसावर्ण्यश् चत्वारो मनवः स्मृताः अतीता वर्तमानाश् च तथैवानागता द्विजाः ॥
tathaiva merusāvarṇyaś catvāro manavaḥ smṛtāḥ atītā vartamānāś ca tathaivānāgatā dvijāḥ //
Likewise Merusāvarṇi — these four are recorded as Manus, past, present, and likewise still to come, O twice-born.
AI translation rendered from the Sanskrit, not a published edition
BrP 5.7
कीर्तिता मनवस् तुभ्यं मयैवैते यथा श्रुताः ऋषींस् त्व् एषां प्रवक्ष्यामि पुत्रान् देवगणांस् तथा ॥
kīrtitā manavas tubhyaṃ mayaivaite yathā śrutāḥ ṛṣīṃs tv eṣāṃ pravakṣyāmi putrān devagaṇāṃs tathā //
These Manus have been recounted to you by me just as I heard of them; but I shall now declare their seers, their sons, and the classes of gods as well.
AI translation rendered from the Sanskrit, not a published edition
BrP 5.8
मरीचिर् अत्रिर् भगवान् अङ्गिराः पुलहः क्रतुः पुलस्त्यश् च वसिष्ठश् च सप्तैते ब्रह्मणः सुताः ॥
marīcir atrir bhagavān aṅgirāḥ pulahaḥ kratuḥ pulastyaś ca vasiṣṭhaś ca saptaite brahmaṇaḥ sutāḥ //
Marīci, Atri, the venerable Aṅgiras, Pulaha, Kratu, Pulastya, and Vasiṣṭha — these seven are the sons of Brahmā.
AI translation rendered from the Sanskrit, not a published edition
BrP 5.9
उत्तरस्यां दिशि तथा द्विजाः सप्तर्षयस् तथा आग्निइध्रश् चाग्निबाहुश् च मेध्यो मेधातिथिर् वसुः ॥
uttarasyāṃ diśi tathā dvijāḥ saptarṣayas tathā āgniidhraś cāgnibāhuś ca medhyo medhātithir vasuḥ //
And in the northern quarter, O twice-born, are the seven seers; and (there were) Āgnīdhra, Agnibāhu, Medhya, Medhātithi, Vasu,
AI translation rendered from the Sanskrit, not a published edition
BrP 5.10
ज्योतिष्मान् द्युतिमान् हव्यः सवलः पुत्रसंज्ञकः मनोः स्वायंभुवस्यैते दश पुत्रा महौजसः ॥
jyotiṣmān dyutimān havyaḥ savalaḥ putrasaṃjñakaḥ manoḥ svāyaṃbhuvasyaite daśa putrā mahaujasaḥ //
Jyotiṣmān, Dyutimān, Havya, Savala, and the one named Putra: these ten sons of Manu Svāyambhuva (were) of great vigour.
AI translation rendered from the Sanskrit, not a published edition
BrP 5.11
एतद् वै प्रथमं विप्रा मन्वन्तरम् उदाहृतम् और्वो वसिष्ठपुत्रश् च स्तम्बः कश्यप एव च ॥
etad vai prathamaṃ viprā manvantaram udāhṛtam aurvo vasiṣṭhaputraś ca stambaḥ kaśyapa eva ca //
This indeed, O brahmins, is declared to be the first manvantara. Aurva, the son of Vasiṣṭha, Stamba, and Kaśyapa,
AI translation rendered from the Sanskrit, not a published edition
BrP 5.12
प्राणो बृहस्पतिश् चैव दत्तो ऽत्रिच्च्यवनस् तथा एते महर्षयो विप्रा वायुप्रोक्ता महाव्रताः ॥
prāṇo bṛhaspatiś caiva datto 'triccyavanas tathā ete maharṣayo viprā vāyuproktā mahāvratāḥ //
Prāṇa, Bṛhaspati, Datta, Atri, and Cyavana — these, O brahmins, are the great seers of great vows, proclaimed by Vāyu.
AI translation rendered from the Sanskrit, not a published edition
BrP 5.13
देवाश् च तुषिता नाम स्मृताः स्वारोचिषे ऽन्तरे हविघ्नः सुकृतिर् ज्योतिर् आपो मूर्तिर् अपि स्मृतः ॥
devāś ca tuṣitā nāma smṛtāḥ svārociṣe 'ntare havighnaḥ sukṛtir jyotir āpo mūrtir api smṛtaḥ //
And the gods named Tuṣitas are recorded in the Svārociṣa period. Havighna, Sukṛti, Jyotis, Āpa, and Mūrti are also recorded,
AI translation rendered from the Sanskrit, not a published edition
BrP 5.14
प्रतीतश् च नभस्यश् च नभ ऊर्जस् तथैव च स्वारोचिषस्य पुत्रास् ते मनोर् विप्रा महात्मनः ॥
pratītaś ca nabhasyaś ca nabha ūrjas tathaiva ca svārociṣasya putrās te manor viprā mahātmanaḥ //
and Pratīta, Nabhasya, Nabha, and Ūrja likewise: these, O brahmins, are the sons of the great-souled Manu Svārociṣa,
AI translation rendered from the Sanskrit, not a published edition
BrP 5.15
कीर्तिताः पृथिवीपाला महावीर्यपराक्रमाः द्वितीयम् एतत् कथितं विप्रा मन्वन्तरं मया ॥
kīrtitāḥ pṛthivīpālā mahāvīryaparākramāḥ dvitīyam etat kathitaṃ viprā manvantaraṃ mayā //
proclaimed as rulers of the earth, of great valour and prowess. This, O brahmins, is the second manvantara related by me.
AI translation rendered from the Sanskrit, not a published edition
BrP 5.16
इदं तृतीयं वक्ष्यामि तद् बुध्यध्वं द्विजोत्तमाः वसिष्ठपुत्राः सप्तासन् वासिष्ठा इति विश्रुताः ॥
idaṃ tṛtīyaṃ vakṣyāmi tad budhyadhvaṃ dvijottamāḥ vasiṣṭhaputrāḥ saptāsan vāsiṣṭhā iti viśrutāḥ //
Now I shall tell this third one; learn it, best of the twice-born. The sons of Vasiṣṭha were seven, renowned as the Vāsiṣṭhas.
AI translation rendered from the Sanskrit, not a published edition
BrP 5.17
हिरण्यगर्भस्य सुता ऊर्जा जाताः सुतेजसः ऋषयो ऽत्र मया प्रोक्ताः कीर्त्यमानान् निबोधत ॥
hiraṇyagarbhasya sutā ūrjā jātāḥ sutejasaḥ ṛṣayo 'tra mayā proktāḥ kīrtyamānān nibodhata //
They were the sons of Hiraṇyagarbha, born of Ūrjā, of great splendour. The seers here have been declared by me; now hear those (next) being recounted:
AI translation rendered from the Sanskrit, not a published edition
BrP 5.18
औत्तमेयान् मुनिश्रेष्ठा दश पुत्रान् मनोर् इमान् इष ऊर्जस् तनूर्जस् तु मधुर् माधव एव च ॥
auttameyān muniśreṣṭhā daśa putrān manor imān iṣa ūrjas tanūrjas tu madhur mādhava eva ca //
these ten sons of Manu Auttama, O best of sages: Iṣa, Ūrja, Tanūrja, Madhu, Mādhava,
AI translation rendered from the Sanskrit, not a published edition
BrP 5.19
शुचिः शुक्रः सहश् चैव नभस्यो नभ एव च भानवस् तत्र देवाश् च मन्वन्तरम् उदाहृतम् ॥
śuciḥ śukraḥ sahaś caiva nabhasyo nabha eva ca bhānavas tatra devāś ca manvantaram udāhṛtam //
Śuci, Śukra, Saha, Nabhasya, and Nabha. And the gods there are the Bhānus: (thus) the manvantara has been declared.
AI translation rendered from the Sanskrit, not a published edition
BrP 5.20
मन्वन्तरं चतुर्थं वः कथयिष्यामि सांप्रतम् काव्यः पृथुस् तथैवाग्निर् जह्नुर् धाता द्विजोत्तमाः ॥
manvantaraṃ caturthaṃ vaḥ kathayiṣyāmi sāṃpratam kāvyaḥ pṛthus tathaivāgnir jahnur dhātā dvijottamāḥ //
Now I shall relate to you the fourth manvantara: Kāvya, Pṛthu, Agni, Jahnu, Dhātṛ, O best of the twice-born,
AI translation rendered from the Sanskrit, not a published edition
BrP 5.21
कपीवान् अकपीवांश् च तत्र सप्तर्षयो द्विजाः पुराणे कीर्तिता विप्राः पुत्राः पौत्राश् च भो द्विजाः ॥
kapīvān akapīvāṃś ca tatra saptarṣayo dvijāḥ purāṇe kīrtitā viprāḥ putrāḥ pautrāś ca bho dvijāḥ //
Kapīvān and Akapīvān — these are the seven seers there, O twice-born; and in the Purāṇa, O brahmins, their sons and grandsons are recounted.
AI translation rendered from the Sanskrit, not a published edition
BrP 5.22
तथा देवगणाश् चैव तामसस्यान्तरे मनोः द्युतिस् तपस्यः सुतपास् तपोभूतः सनातनः ॥
tathā devagaṇāś caiva tāmasasyāntare manoḥ dyutis tapasyaḥ sutapās tapobhūtaḥ sanātanaḥ //
And likewise the classes of gods in the period of Manu Tāmasa. Dyuti, Tapasya, Sutapas, Tapobhūta, Sanātana,
AI translation rendered from the Sanskrit, not a published edition
BrP 5.23
तपोरतिर् अकल्माषस् तन्वी धन्वी परंतपः तामसस्य मनोर् एते दश पुत्राः प्रकीर्तिताः ॥
taporatir akalmāṣas tanvī dhanvī paraṃtapaḥ tāmasasya manor ete daśa putrāḥ prakīrtitāḥ //
Taporati, Akalmāṣa, Tanvī, Dhanvī, Paraṃtapa — these are proclaimed as the ten sons of Manu Tāmasa,
AI translation rendered from the Sanskrit, not a published edition
BrP 5.24
वायुप्रोक्ता मुनिश्रेष्ठाश् चतुर्थं चैतद् अन्तरम् देवबाहुर् यदुध्रश् च मुनिर् वेदशिरास् तथा ॥
vāyuproktā muniśreṣṭhāś caturthaṃ caitad antaram devabāhur yadudhraś ca munir vedaśirās tathā //
declared by Vāyu, O best of sages; and this is the fourth period. Devabāhu, Yadudhra, the sage Vedaśiras,
AI translation rendered from the Sanskrit, not a published edition
BrP 5.25
हिरण्यरोमा पर्जन्य ऊर्ध्वबाहुश् च सोमजः सत्यनेत्रस् तथात्रेय एते सप्तर्षयो ऽपरे ॥
hiraṇyaromā parjanya ūrdhvabāhuś ca somajaḥ satyanetras tathātreya ete saptarṣayo 'pare //
Hiraṇyaroman, Parjanya, Ūrdhvabāhu, Somaja, Satyanetra, and Ātreya — these are the other seven seers.
AI translation rendered from the Sanskrit, not a published edition
BrP 5.26
देवाश् चाभूतरजसस् तथा प्रकृतयः स्मृताः वारिप्लवश् च रैभ्यश् च मनोर् अन्तरम् उच्यते ॥
devāś cābhūtarajasas tathā prakṛtayaḥ smṛtāḥ vāriplavaś ca raibhyaś ca manor antaram ucyate //
And the gods (are) the Abhūtarajases, and likewise the Prakṛtis are recorded, and the Vāriplavas and the Raibhyas — (thus) the interval of that Manu is declared.
AI translation rendered from the Sanskrit, not a published edition — the model flagged this verse as uncertain
BrP 5.27
अथ पुत्रान् इमांस् तस्य बुध्यध्वं गदतो मम धृतिमान् अव्ययो युक्तस् तत्त्वदर्शी निरुत्सुकः ॥
atha putrān imāṃs tasya budhyadhvaṃ gadato mama dhṛtimān avyayo yuktas tattvadarśī nirutsukaḥ //
Now learn of these sons of his, as I recount (them): Dhṛtimat, Avyaya, Yukta, Tattvadarśin, Nirutsuka,
AI translation rendered from the Sanskrit, not a published edition
BrP 5.28
आरण्यश् च प्रकाशश् च निर्मोहः सत्यवाक् कृती रैवतस्य मनोः पुत्राः पञ्चमं चैतद् अन्तरम् ॥
āraṇyaś ca prakāśaś ca nirmohaḥ satyavāk kṛtī raivatasya manoḥ putrāḥ pañcamaṃ caitad antaram //
and Āraṇya, and Prakāśa, Nirmoha, Satyavāk, Kṛtī — (these are) the sons of Manu Raivata; and this is the fifth interval.
AI translation rendered from the Sanskrit, not a published edition
BrP 5.29
षष्ठं तु संप्रवक्ष्यामि तद् बुध्यध्वं द्विजोत्तमाः भृगुर् नभो विवस्वांश् च सुधामा विरजास् तथा ॥
ṣaṣṭhaṃ tu saṃpravakṣyāmi tad budhyadhvaṃ dvijottamāḥ bhṛgur nabho vivasvāṃś ca sudhāmā virajās tathā //
Now I shall proclaim the sixth; learn that, O best of the twice-born: Bhṛgu, Nabha, Vivasvat, Sudhāman, and Viraja,
AI translation rendered from the Sanskrit, not a published edition
BrP 5.30
अतिनामा सहिष्णुश् च सप्तैते च महर्षयः चाक्षुषस्यान्तरे विप्रा मनोर् देवास् त्व् इमे स्मृताः ॥
atināmā sahiṣṇuś ca saptaite ca maharṣayaḥ cākṣuṣasyāntare viprā manor devās tv ime smṛtāḥ //
Atināman and Sahiṣṇu — these seven are the great seers in the interval of Manu Cākṣuṣa, O brahmins; and these are recorded as the gods (of that period):
AI translation rendered from the Sanskrit, not a published edition
BrP 5.31
आबालप्रथितास् ते वै पृथक्त्वेन दिवौकसः लेखाश् च नामतो विप्राः पञ्च देवगणाः स्मृताः ॥
ābālaprathitās te vai pṛthaktvena divaukasaḥ lekhāś ca nāmato viprāḥ pañca devagaṇāḥ smṛtāḥ //
those heaven-dwellers, famed even to children, (each) separately; and the Lekhas by name, O brahmins — five troops of gods are recorded.
AI translation rendered from the Sanskrit, not a published edition — the model flagged this verse as uncertain
BrP 5.32
ऋषेर् अङ्गिरसः पुत्रा महात्मानो महौजसः नाड्वलेया मुनिश्रेष्ठा दश पुत्रास् तु विश्रुताः ॥
ṛṣer aṅgirasaḥ putrā mahātmāno mahaujasaḥ nāḍvaleyā muniśreṣṭhā daśa putrās tu viśrutāḥ //
The sons of the seer Aṅgiras, great of soul and of great vigour, the Nāḍvaleyas, best of sages, were the ten renowned sons,
AI translation rendered from the Sanskrit, not a published edition
BrP 5.33
रुरुप्रभृतयो विप्राश् चाक्षुषस्यान्तरे मनोः षष्ठं मन्वन्तरं प्रोक्तं सप्तमं तु निबोधत ॥
ruruprabhṛtayo viprāś cākṣuṣasyāntare manoḥ ṣaṣṭhaṃ manvantaraṃ proktaṃ saptamaṃ tu nibodhata //
Ruru and the rest, O brahmins, in the interval of Manu Cākṣuṣa. The sixth manvantara has been declared; now learn the seventh.
AI translation rendered from the Sanskrit, not a published edition
BrP 5.34
अत्रिर् वसिष्ठो भगवान् कश्यपश् च महान् ऋषिः गौतमो ऽथ भरद्वाजो विश्वामित्रस् तथैव च ॥
atrir vasiṣṭho bhagavān kaśyapaś ca mahān ṛṣiḥ gautamo 'tha bharadvājo viśvāmitras tathaiva ca //
Atri, the blessed Vasiṣṭha, and Kaśyapa the great seer, Gautama, then Bharadvāja, and likewise Viśvāmitra,
AI translation rendered from the Sanskrit, not a published edition
BrP 5.35
तथैव पुत्रो भगवान् ऋचीकस्य महात्मनः सप्तमो जमदग्निश् च ऋषयः सांप्रतं दिवि ॥
tathaiva putro bhagavān ṛcīkasya mahātmanaḥ saptamo jamadagniś ca ṛṣayaḥ sāṃprataṃ divi //
and likewise the blessed son of the great-souled Ṛcīka, Jamadagni as the seventh — (these are) the seers at present in heaven.
AI translation rendered from the Sanskrit, not a published edition
BrP 5.36
साध्या रुद्राश् च विश्वे च वसवो मरुतस् तथा आदित्याश् चाश्विनौ चापि देवौ वैवस्वतौ स्मृतौ ॥
sādhyā rudrāś ca viśve ca vasavo marutas tathā ādityāś cāśvinau cāpi devau vaivasvatau smṛtau //
The Sādhyas, the Rudras, the Viśve (devas), the Vasus, the Maruts, the Ādityas, and the two Aśvin gods too are recorded as the (gods) of Vaivasvata.
AI translation rendered from the Sanskrit, not a published edition
BrP 5.37
मनोर् वैवस्वतस्यैते वर्तन्ते सांप्रते ऽन्तरे इक्ष्वाकुप्रमुखाश् चैव दश पुत्रा महात्मनः ॥
manor vaivasvatasyaite vartante sāṃprate 'ntare ikṣvākupramukhāś caiva daśa putrā mahātmanaḥ //
These exist in the present interval of Manu Vaivasvata, and the ten sons of that great-souled one, headed by Ikṣvāku.
AI translation rendered from the Sanskrit, not a published edition
BrP 5.38
एतेषां कीर्तितानां तु महर्षीणां महौजसाम् तेषां पुत्राश् च पौत्राश् च दिक्षु सर्वासु भो द्विजाः ॥
eteṣāṃ kīrtitānāṃ tu maharṣīṇāṃ mahaujasām teṣāṃ putrāś ca pautrāś ca dikṣu sarvāsu bho dvijāḥ //
But of these great seers of great vigour who have been named, their sons and grandsons (are spread) in all the directions, O brahmins.
AI translation rendered from the Sanskrit, not a published edition
BrP 5.39
मन्वन्तरेषु सर्वेषु प्राग् आसन् सप्त सप्तकाः लोके धर्मव्यवस्थार्थं लोकसंरक्षणाय च ॥
manvantareṣu sarveṣu prāg āsan sapta saptakāḥ loke dharmavyavasthārthaṃ lokasaṃrakṣaṇāya ca //
In all the manvantaras there were formerly seven groups of seven, for the establishing of dharma in the world and for the protection of the world.
AI translation rendered from the Sanskrit, not a published edition
BrP 5.40
मन्वन्तरे व्यतिक्रान्ते चत्वारः सप्तका गणाः कृत्वा कर्म दिवं यान्ति ब्रह्मलोकम् अनामयम् ॥
manvantare vyatikrānte catvāraḥ saptakā gaṇāḥ kṛtvā karma divaṃ yānti brahmalokam anāmayam //
When a manvantara has passed, four groups of seven, having done their work, go to heaven, to the disease-free world of Brahmā.
AI translation rendered from the Sanskrit, not a published edition
BrP 5.41
ततो ऽन्ये तपसा युक्ताः स्थानं तत् पूरयन्त्य् उत अतीता वर्तमानाश् च क्रमेणैतेन भो द्विजाः ॥
tato 'nye tapasā yuktāḥ sthānaṃ tat pūrayanty uta atītā vartamānāś ca krameṇaitena bho dvijāḥ //
Then others, endowed with austerity, fill that place; (thus) the past and the present ones (follow) in this sequence, O brahmins.
AI translation rendered from the Sanskrit, not a published edition
BrP 5.42
अनागताश् च सप्तैते स्मृता दिवि महर्षयः मनोर् अन्तरम् आसाद्य सावर्णस्येह भो द्विजाः ॥
anāgatāś ca saptaite smṛtā divi maharṣayaḥ manor antaram āsādya sāvarṇasyeha bho dvijāḥ //
And these seven are recorded as the great seers in heaven yet to come, on reaching the interval of Manu Sāvarṇa here, O brahmins:
AI translation rendered from the Sanskrit, not a published edition
BrP 5.43
रामो व्यासस् तथात्रेयो दीप्तिमन्तो बहुश्रुताः भारद्वाजस् तथा द्रौणिर् अश्वत्थामा महाद्युतिः ॥
rāmo vyāsas tathātreyo dīptimanto bahuśrutāḥ bhāradvājas tathā drauṇir aśvatthāmā mahādyutiḥ //
Rāma, Vyāsa, and Ātreya, the radiant and much-learned, and Bhāradvāja, and Drauṇi Aśvatthāman of great splendour,
AI translation rendered from the Sanskrit, not a published edition
BrP 5.44
गौतमश् चाजरश् चैव शरद्वान् नाम गौतमः कौशिको गालवश् चैव और्वः काश्यप एव च ॥
gautamaś cājaraś caiva śaradvān nāma gautamaḥ kauśiko gālavaś caiva aurvaḥ kāśyapa eva ca //
and Gautama, and Ajara, and the Gautama named Śaradvat, and Kauśika and Gālava, Aurva and Kāśyapa too.
AI translation rendered from the Sanskrit, not a published edition
BrP 5.45
एते सप्त महात्मानो भविष्या मुनिसत्तमाः वैरी चैवाध्वरीवांश् च शमनो धृतिमान् वसुः ॥
ete sapta mahātmāno bhaviṣyā munisattamāḥ vairī caivādhvarīvāṃś ca śamano dhṛtimān vasuḥ //
These seven great-souled ones will be the future best of sages. And Vairī, Adhvarīvat, Śamana, Dhṛtimat, Vasu,
AI translation rendered from the Sanskrit, not a published edition
BrP 5.46
अरिष्टश् चाप्य् अधृष्टश् च वाजी सुमतिर् एव च सावर्णस्य मनोः पुत्रा भविष्या मुनिसत्तमाः ॥
ariṣṭaś cāpy adhṛṣṭaś ca vājī sumatir eva ca sāvarṇasya manoḥ putrā bhaviṣyā munisattamāḥ //
Ariṣṭa and Adhṛṣṭa, Vājin and Sumati — these will be the sons of the Sāvarṇa Manu, best of sages.
AI translation rendered from the Sanskrit, not a published edition
BrP 5.47
एतेषां कल्यम् उत्थाय कीर्तनात् सुखम् एधते यशश् चाप्नोति सुमहद् आयुष्मांश् च भवेन् नरः ॥
eteṣāṃ kalyam utthāya kīrtanāt sukham edhate yaśaś cāpnoti sumahad āyuṣmāṃś ca bhaven naraḥ //
By rising at dawn and reciting (the names) of these, a man's happiness increases, he obtains very great fame, and becomes long-lived.
AI translation rendered from the Sanskrit, not a published edition
BrP 5.48
एतान्य् उक्तानि भो विप्राः सप्त सप्त च तत्त्वतः मन्वन्तराणि संक्षेपाच् छृणुतानागतान्य् अपि ॥
etāny uktāni bho viprāḥ sapta sapta ca tattvataḥ manvantarāṇi saṃkṣepāc chṛṇutānāgatāny api //
These seven and seven have been told to you truly, O brahmins; hear now in brief the manvantaras yet to come as well.
AI translation rendered from the Sanskrit, not a published edition
BrP 5.49
सावर्णा मनवो विप्राः पञ्च तांश् च निबोधत एको वैवस्वतस् तेषां चत्वारस् तु प्रजापतेः ॥
sāvarṇā manavo viprāḥ pañca tāṃś ca nibodhata eko vaivasvatas teṣāṃ catvāras tu prajāpateḥ //
O brahmins, the Sāvarṇa Manus are five; learn of them: one of them is (the son) of Vivasvat, but four are (sons) of Prajāpati.
AI translation rendered from the Sanskrit, not a published edition
BrP 5.50
परमेष्ठिसुता विप्रा मेरुसावर्ण्यतां गताः दक्षस्यैते हि दौहित्राः प्रियायास् तनया नृपाः ॥
parameṣṭhisutā viprā merusāvarṇyatāṃ gatāḥ dakṣasyaite hi dauhitrāḥ priyāyās tanayā nṛpāḥ //
The sons of Parameṣṭhin, O brahmins, attained the state of Meru-sāvarṇi; these kings are indeed the daughter's sons of Dakṣa, the sons of Priyā.
AI translation rendered from the Sanskrit, not a published edition
BrP 5.51
महता तपसा युक्ता मेरुपृष्ठे महौजसः रुचेः प्रजापतेः पुत्रो रौच्यो नाम मनुः स्मृतः ॥
mahatā tapasā yuktā merupṛṣṭhe mahaujasaḥ ruceḥ prajāpateḥ putro raucyo nāma manuḥ smṛtaḥ //
Endowed with great austerity, of great vigour, on the summit of Meru — the son of Ruci Prajāpati is remembered as the Manu named Raucya.
AI translation rendered from the Sanskrit, not a published edition
BrP 5.52
भूत्यां चोत्पादितो देव्यां भौत्यो नाम रुचेः सुतः अनागताश् च सप्तैते कल्पे ऽस्मिन् मनवः स्मृताः ॥
bhūtyāṃ cotpādito devyāṃ bhautyo nāma ruceḥ sutaḥ anāgatāś ca saptaite kalpe 'smin manavaḥ smṛtāḥ //
And begotten upon the goddess Bhūti, Bhautya by name, the son of Ruci; these seven Manus are remembered as (still) to come in this kalpa.
AI translation rendered from the Sanskrit, not a published edition
BrP 5.53
तैर् इयं पृथिवी सर्वा सप्तद्वीपा सपत्तना पूर्णं युगसहस्रं तु परिपाल्या द्विजोत्तमाः ॥
tair iyaṃ pṛthivī sarvā saptadvīpā sapattanā pūrṇaṃ yugasahasraṃ tu paripālyā dvijottamāḥ //
By them this whole earth, with its seven continents and its cities, is to be protected for a full thousand yugas, O best of the twice-born.
AI translation rendered from the Sanskrit, not a published edition
BrP 5.54
प्रजापतिश् च तपसा संहारं तेषु नित्यशः युगानि सप्ततिस् तानि साग्राणि कथितानि च ॥
prajāpatiś ca tapasā saṃhāraṃ teṣu nityaśaḥ yugāni saptatis tāni sāgrāṇi kathitāni ca //
And Prajāpati, by his austerity, (effects) the dissolution among them constantly; those yugas are declared to be seventy and more.
AI translation rendered from the Sanskrit, not a published edition — the model flagged this verse as uncertain
BrP 5.55
कृतत्रेतादियुक्तानि मनोर् अन्तरम् उच्यते चतुर्दशैते मनवः कथिताः कीर्तिवर्धनाः ॥
kṛtatretādiyuktāni manor antaram ucyate caturdaśaite manavaḥ kathitāḥ kīrtivardhanāḥ //
Joined with the Kṛta, Tretā and the rest, (this) is called the interval of a Manu. These fourteen Manus have been declared, increasers of renown.
AI translation rendered from the Sanskrit, not a published edition
BrP 5.56
वेदेषु सपुराणेषु सर्वेषु प्रभविष्णवः प्रजानां पतयो विप्रा धन्यम् एषां प्रकीर्तनम् ॥
vedeṣu sapurāṇeṣu sarveṣu prabhaviṣṇavaḥ prajānāṃ patayo viprā dhanyam eṣāṃ prakīrtanam //
In the Vedas together with all the Purāṇas they are powerful, lords of creatures, O brahmins; the proclaiming of them is blessed.
AI translation rendered from the Sanskrit, not a published edition
BrP 5.57
मन्वन्तरेषु संहाराः संहारान्तेषु संभवाः न शक्यते ऽन्तस् तेषां वै वक्तुं वर्षशतैर् अपि ॥
manvantareṣu saṃhārāḥ saṃhārānteṣu saṃbhavāḥ na śakyate 'ntas teṣāṃ vai vaktuṃ varṣaśatair api //
In the manvantaras there are dissolutions, and at the ends of the dissolutions there are originations; their end cannot be told even in hundreds of years.
AI translation rendered from the Sanskrit, not a published edition
BrP 5.58
विसर्गस्य प्रजानां वै संहारस्य च भो द्विजाः मन्वन्तरेषु संहाराः श्रूयन्ते द्विजसत्तमाः ॥
visargasya prajānāṃ vai saṃhārasya ca bho dvijāḥ manvantareṣu saṃhārāḥ śrūyante dvijasattamāḥ //
Of the emission of creatures, indeed, and of their dissolution, O twice-born — in the manvantaras dissolutions are heard of, O best of the twice-born.
AI translation rendered from the Sanskrit, not a published edition — the model flagged this verse as uncertain
BrP 5.59
सशेषास् तत्र तिष्ठन्ति देवाः सप्तर्षिभिः सह तपसा ब्रह्मचर्येण श्रुतेन च समन्विताः ॥
saśeṣās tatra tiṣṭhanti devāḥ saptarṣibhiḥ saha tapasā brahmacaryeṇa śrutena ca samanvitāḥ //
There the gods remain with a remnant, together with the seven seers, endowed with austerity, chastity, and sacred learning.
AI translation rendered from the Sanskrit, not a published edition
BrP 5.60
पूर्णे युगसहस्रे तु कल्पो निःशेष उच्यते तत्र भूतानि सर्वाणि दग्धान्य् आदित्यरश्मिभिः ॥
pūrṇe yugasahasre tu kalpo niḥśeṣa ucyate tatra bhūtāni sarvāṇi dagdhāny ādityaraśmibhiḥ //
But when the thousand yugas are complete, the kalpa is said to be without remnant; then all beings are burnt up by the sun's rays.
AI translation rendered from the Sanskrit, not a published edition
BrP 5.61
ब्रह्माणम् अग्रतः कृत्वा सहादित्यगणैर् द्विजाः प्रविशन्ति सुरश्रेष्ठं हरिनारायणं प्रभुम् ॥
brahmāṇam agrataḥ kṛtvā sahādityagaṇair dvijāḥ praviśanti suraśreṣṭhaṃ harinārāyaṇaṃ prabhum //
Placing Brahmā in front, together with the hosts of the Ādityas, O twice-born, they enter the lord Hari-Nārāyaṇa, best of the gods,
AI translation rendered from the Sanskrit, not a published edition
BrP 5.62
स्रष्टारं सर्वभूतानां कल्पान्तेषु पुनः पुनः अव्यक्तः शाश्वतो देवस् तस्य सर्वम् इदं जगत् ॥
sraṣṭāraṃ sarvabhūtānāṃ kalpānteṣu punaḥ punaḥ avyaktaḥ śāśvato devas tasya sarvam idaṃ jagat //
the creator of all beings again and again at the ends of the kalpas. Unmanifest and eternal is the god; this whole world is his.
AI translation rendered from the Sanskrit, not a published edition
BrP 5.63
अत्र वः कीर्तयिष्यामि मनोर् वैवस्वतस्य वै विसर्गं मुनिशार्दूलाः सांप्रतस्य महाद्युतेः ॥
atra vaḥ kīrtayiṣyāmi manor vaivasvatasya vai visargaṃ muniśārdūlāḥ sāṃpratasya mahādyuteḥ //
Here I shall proclaim to you the emission (of creatures) by the present Manu Vaivasvata of great splendour, O tigers among sages.
AI translation rendered from the Sanskrit, not a published edition
BrP 5.64
अत्र वंशप्रसङ्गेन कथ्यमानं पुरातनम् यत्रोत्पन्नो महात्मा स हरिर् वृष्णिकुले प्रभुः ॥
atra vaṃśaprasaṅgena kathyamānaṃ purātanam yatrotpanno mahātmā sa harir vṛṣṇikule prabhuḥ //
Here, in connection with the lineage, the ancient (tale) is being told, in which that great-souled lord Hari was born in the family of the Vṛṣṇis.
AI translation rendered from the Sanskrit, not a published edition