Brahma Purana — Chapter 49
BrP 49.1
वासुदेव नमस् ते ऽस्तु नमस् ते मोक्षकारण त्राहि मां सर्वलोकेश जन्मसंसारसागरात् ॥
vāsudeva namas te 'stu namas te mokṣakāraṇa trāhi māṃ sarvalokeśa janmasaṃsārasāgarāt //
"Vāsudeva, homage to you; homage to you, cause of liberation. Save me, lord of all worlds, from the ocean of birth and transmigration.
AI translation rendered from the Sanskrit, not a published edition
BrP 49.2
निर्मलाम्बरसंकाश नमस् ते पुरुषोत्तम संकर्षण नमस् ते ऽस्तु त्राहि मां धरणीधर ॥
nirmalāmbarasaṃkāśa namas te puruṣottama saṃkarṣaṇa namas te 'stu trāhi māṃ dharaṇīdhara //
You who resemble a cloudless sky, homage to you, supreme Person. Saṃkarṣaṇa, homage to you; save me, upholder of the earth.
AI translation rendered from the Sanskrit, not a published edition
BrP 49.3
नमस् ते हेमगर्भाभ नमस् ते मकरध्वज रतिकान्त नमस् ते ऽस्तु त्राहि मां संवरान्तक ॥
namas te hemagarbhābha namas te makaradhvaja ratikānta namas te 'stu trāhi māṃ saṃvarāntaka //
Homage to you, whose splendour is like gold within; homage to you whose banner is the sea-monster. Beloved of Rati, homage to you; save me, destroyer of Saṃvara.
AI translation rendered from the Sanskrit, not a published edition
BrP 49.4
नमस् ते ऽञ्जनसंकाश नमस् ते भक्तवत्सल अनिरुद्ध नमस् ते ऽस्तु त्राहि मां वरदो भव ॥
namas te 'ñjanasaṃkāśa namas te bhaktavatsala aniruddha namas te 'stu trāhi māṃ varado bhava //
Homage to you, dark as collyrium; homage to you, fond of your devotees. Aniruddha, homage to you; save me, be a granter of boons.
AI translation rendered from the Sanskrit, not a published edition
BrP 49.5
नमस् ते विबुधावास नमस् ते विबुधप्रिय नारायण नमस् ते ऽस्तु त्राहि मां शरणागतम् ॥
namas te vibudhāvāsa namas te vibudhapriya nārāyaṇa namas te 'stu trāhi māṃ śaraṇāgatam //
Homage to you, abode of the gods; homage to you, dear to the gods. Nārāyaṇa, homage to you; save me, who have come for refuge.
AI translation rendered from the Sanskrit, not a published edition
BrP 49.6
नमस् ते बलिनां श्रेष्ठ नमस् ते लाङ्गलायुध चतुर्मुख जगद्धाम त्राहि मां प्रपितामह ॥
namas te balināṃ śreṣṭha namas te lāṅgalāyudha caturmukha jagaddhāma trāhi māṃ prapitāmaha //
Homage to you, best of the strong; homage to you, whose weapon is the plough. Four-faced one, dwelling-place of the world, save me, great-grandfather.
AI translation rendered from the Sanskrit, not a published edition
BrP 49.7
नमस् ते नीलमेघाभ नमस् ते त्रिदशार्चित त्राहि विष्णो जगन्नाथ मग्नं मां भवसागरे ॥
namas te nīlameghābha namas te tridaśārcita trāhi viṣṇo jagannātha magnaṃ māṃ bhavasāgare //
Homage to you, whose lustre is that of a dark cloud; homage to you, worshipped by the thirty (gods); save me, Viṣṇu, lord of the world, sunk in the ocean of existence.
AI translation rendered from the Sanskrit, not a published edition
BrP 49.8
प्रलयानलसंकाश नमस् ते दितिजान्तक नरसिंह महावीर्य त्राहि मां दीप्तलोचन ॥
pralayānalasaṃkāśa namas te ditijāntaka narasiṃha mahāvīrya trāhi māṃ dīptalocana //
You who resemble the fire of the world's dissolution, homage to you, destroyer of the sons of Diti; O Narasiṃha of great might, save me, you of blazing eyes.
AI translation rendered from the Sanskrit, not a published edition
BrP 49.9
यथा रसातलाद् उर्वी त्वया दंष्ट्रोद्धृता पुरा तथा महावराहस् त्वं त्राहि मां दुःखसागरात् ॥
yathā rasātalād urvī tvayā daṃṣṭroddhṛtā purā tathā mahāvarāhas tvaṃ trāhi māṃ duḥkhasāgarāt //
As the earth was formerly lifted up by you from Rasātala with your tusk, so, being the great Boar, save me from the ocean of suffering.
AI translation rendered from the Sanskrit, not a published edition
BrP 49.10
तवैता मूर्तयः कृष्ण वरदाः संस्तुता मया तवेमे बलदेवाद्याः पृथग्रूपेण संस्थिताः ॥
tavaitā mūrtayaḥ kṛṣṇa varadāḥ saṃstutā mayā taveme baladevādyāḥ pṛthagrūpeṇa saṃsthitāḥ //
These forms of yours, Kṛṣṇa, granting boons, have been praised by me; these of yours, Baladeva and the rest, stand in separate shapes.
AI translation rendered from the Sanskrit, not a published edition
BrP 49.11
अङ्गानि तव देवेश गरुत्माद्यास् तथा प्रभो दिक्पालाः सायुधाश् चैव केशवाद्यास् तथाच्युत ॥
aṅgāni tava deveśa garutmādyās tathā prabho dikpālāḥ sāyudhāś caiva keśavādyās tathācyuta //
(They are) your limbs, lord of gods, and so too Garutmān and the others, O master, and the guardians of the quarters together with their weapons, and Keśava and the rest, O Acyuta.
AI translation rendered from the Sanskrit, not a published edition
BrP 49.12
ये चान्ये तव देवेश भेदाः प्रोक्ता मनीषिभिः ते ऽपि सर्वे जगन्नाथ प्रसन्नायतलोचन ॥
ye cānye tava deveśa bhedāḥ proktā manīṣibhiḥ te 'pi sarve jagannātha prasannāyatalocana //
And whatever other distinctions of you, lord of gods, have been declared by the wise — all those too, lord of the world, you of gracious wide eyes,
AI translation rendered from the Sanskrit, not a published edition
BrP 49.13
मयार्चिताः स्तुताः सर्वे तथा यूयं नमस्कृताः प्रयच्छत वरं मह्यं धर्मकामार्थमोक्षदम् ॥
mayārcitāḥ stutāḥ sarve tathā yūyaṃ namaskṛtāḥ prayacchata varaṃ mahyaṃ dharmakāmārthamokṣadam //
have been worshipped and praised by me, and you all have been bowed to; grant me the boon that bestows dharma, pleasure, wealth, and liberation.
AI translation rendered from the Sanskrit, not a published edition
BrP 49.14
भेदास् ते कीर्तिता ये तु हरे संकर्षणादयः तव पूजार्थसंभूतास् ततस् त्वयि समाश्रिताः ॥
bhedās te kīrtitā ye tu hare saṃkarṣaṇādayaḥ tava pūjārthasaṃbhūtās tatas tvayi samāśritāḥ //
But those distinctions of yours that are proclaimed, O Hari — Saṃkarṣaṇa and the rest — they have come into being for the purpose of your worship, and therefore rest in you.
AI translation rendered from the Sanskrit, not a published edition
BrP 49.15
न भेदस् तव देवेश विद्यते परमार्थतः विविधं तव यद् रूपम् उक्तं तद् उपचारतः ॥
na bhedas tava deveśa vidyate paramārthataḥ vividhaṃ tava yad rūpam uktaṃ tad upacārataḥ //
In the highest sense no distinction of you exists, lord of gods; that manifold form of yours which is spoken of is (spoken of) figuratively.
AI translation rendered from the Sanskrit, not a published edition
BrP 49.16
अद्वैतं त्वां कथं द्वैतं वक्तुं शक्नोति मानवः एकस् त्वं हि हरे व्यापी चित्स्वभावो निरञ्जनः ॥
advaitaṃ tvāṃ kathaṃ dvaitaṃ vaktuṃ śaknoti mānavaḥ ekas tvaṃ hi hare vyāpī citsvabhāvo nirañjanaḥ //
How can a man call you, who are non-dual, dual? For you, Hari, are one, all-pervading, of the nature of consciousness, unstained.
AI translation rendered from the Sanskrit, not a published edition
BrP 49.17
परमं तव यद् रूपं भावाभावविवर्जितम् निर्लेपं निर्गुणं श्रेष्ठं कूटस्थम् अचलं ध्रुवम् ॥
paramaṃ tava yad rūpaṃ bhāvābhāvavivarjitam nirlepaṃ nirguṇaṃ śreṣṭhaṃ kūṭastham acalaṃ dhruvam //
That supreme form of yours which is free of being and non-being, untainted, without qualities, highest, standing fixed at the summit, unmoving, constant —
AI translation rendered from the Sanskrit, not a published edition
BrP 49.18
सर्वोपाधिविनिर्मुक्तं सत्तामात्रव्यवस्थितम् तद् देवाश् च न जानन्ति कथं जानाम्य् अहं प्रभो ॥
sarvopādhivinirmuktaṃ sattāmātravyavasthitam tad devāś ca na jānanti kathaṃ jānāmy ahaṃ prabho //
free from all limiting conditions, established as mere existence — even the gods do not know that; how should I know it, O master?
AI translation rendered from the Sanskrit, not a published edition
BrP 49.19
अपरं तव यद् रूपं पीतवस्त्रं चतुर्भुजम् शङ्खचक्रगदापाणिमुकुटाङ्गदधारिणम् ॥
aparaṃ tava yad rūpaṃ pītavastraṃ caturbhujam śaṅkhacakragadāpāṇimukuṭāṅgadadhāriṇam //
That other form of yours, yellow-robed, four-armed, bearing conch, discus and mace in its hands, wearing crown and armlets,
AI translation rendered from the Sanskrit, not a published edition
BrP 49.20
श्रीवत्सोरस्कसंयुक्तं वनमालाविभूषितम् तद् अर्चयन्ति विबुधा ये चान्ये तव संश्रयाः ॥
śrīvatsoraskasaṃyuktaṃ vanamālāvibhūṣitam tad arcayanti vibudhā ye cānye tava saṃśrayāḥ //
marked with the Śrīvatsa on its breast, adorned with a forest garland — that the gods worship, and whatever others are dependent on you.
AI translation rendered from the Sanskrit, not a published edition
BrP 49.21
देवदेव सुरश्रेष्ठ भक्तानाम् अभयप्रद त्राहि मां पद्मपत्त्राक्ष मग्नं विषयसागरे ॥
devadeva suraśreṣṭha bhaktānām abhayaprada trāhi māṃ padmapattrākṣa magnaṃ viṣayasāgare //
God of gods, best of the gods, giver of fearlessness to your devotees, save me, lotus-petal-eyed one, sunk in the ocean of sense-objects.
AI translation rendered from the Sanskrit, not a published edition
BrP 49.22
नान्यं पश्यामि लोकेश यस्याहं शरणं व्रजे त्वाम् ऋते कमलाकान्त प्रसीद मधुसूदन ॥
nānyaṃ paśyāmi lokeśa yasyāhaṃ śaraṇaṃ vraje tvām ṛte kamalākānta prasīda madhusūdana //
I see no other, lord of the worlds, to whom I might go for refuge, apart from you, beloved of Kamalā; be gracious, slayer of Madhu.
AI translation rendered from the Sanskrit, not a published edition
BrP 49.23
जराव्याधिशतैर् युक्तो नानादुःखैर् निपीडितः हर्षशोकान्वितो मूढः कर्मपाशैः सुयन्त्रितः ॥
jarāvyādhiśatair yukto nānāduḥkhair nipīḍitaḥ harṣaśokānvito mūḍhaḥ karmapāśaiḥ suyantritaḥ //
Beset by a hundred old ages and diseases, oppressed by various sufferings, subject to joy and grief, deluded, tightly bound by the cords of karma,
AI translation rendered from the Sanskrit, not a published edition
BrP 49.24
पतितो ऽहं महारौद्रे घोरे संसारसागरे विषमोदकदुष्पारे रागद्वेषझषाकुले ॥
patito 'haṃ mahāraudre ghore saṃsārasāgare viṣamodakaduṣpāre rāgadveṣajhaṣākule //
I have fallen into the terribly fearful, dreadful ocean of transmigration, hard to cross with its perilous waters, teeming with the fish of attraction and aversion,
AI translation rendered from the Sanskrit, not a published edition
BrP 49.25
इन्द्रियावर्तगम्भीरे तृष्णाशोकोर्मिसंकुले निराश्रये निरालम्बे निःसारे ऽत्यन्तचञ्चले ॥
indriyāvartagambhīre tṛṣṇāśokormisaṃkule nirāśraye nirālambe niḥsāre 'tyantacañcale //
(This ocean of worldly existence is) deep with the whirlpools of the senses, thronged with the waves of thirst and grief, without refuge, without support, without substance, utterly unsteady.
AI translation rendered from the Sanskrit, not a published edition
BrP 49.26
मायया मोहितस् तत्र भ्रमामि सुचिरं प्रभो नानाजातिसहस्रेषु जायमानः पुनः पुनः ॥
māyayā mohitas tatra bhramāmi suciraṃ prabho nānājātisahasreṣu jāyamānaḥ punaḥ punaḥ //
Deluded by illusion, I wander there a very long time, O Lord, being born again and again among thousands of various species.
AI translation rendered from the Sanskrit, not a published edition
BrP 49.27
मया जन्मान्य् अनेकानि सहस्राण्य् अयुतानि च विविधान्य् अनुभूतानि संसारे ऽस्मिञ् जनार्दन ॥
mayā janmāny anekāni sahasrāṇy ayutāni ca vividhāny anubhūtāni saṃsāre 'smiñ janārdana //
Many births, thousands and tens of thousands of them, of various kinds, have been experienced by me in this round of existence, O Janārdana.
AI translation rendered from the Sanskrit, not a published edition
BrP 49.28
वेदाः साङ्गा मयाधीताः शास्त्राणि विविधानि च इतिहासपुराणानि तथा शिल्पान्य् अनेकशः ॥
vedāḥ sāṅgā mayādhītāḥ śāstrāṇi vividhāni ca itihāsapurāṇāni tathā śilpāny anekaśaḥ //
The Vedas together with their auxiliary sciences have been studied by me, and the various treatises, the epics and Purāṇas, and likewise the crafts of many sorts.
AI translation rendered from the Sanskrit, not a published edition
BrP 49.29
असंतोषाश् च संतोषाः संचयापचया व्ययाः मया प्राप्ता जगन्नाथ क्षयवृद्ध्यक्षयेतराः ॥
asaṃtoṣāś ca saṃtoṣāḥ saṃcayāpacayā vyayāḥ mayā prāptā jagannātha kṣayavṛddhyakṣayetarāḥ //
Discontents and contentments, accumulations and diminutions, expenditures — all have been met with by me, O Lord of the world, along with decrease, increase, imperishability and their opposites.
AI translation rendered from the Sanskrit, not a published edition
BrP 49.30
भार्यारिमित्रबन्धूनां वियोगाः संगमास् तथा पितरो विविधा दृष्टा मातरश् च तथा मया ॥
bhāryārimitrabandhūnāṃ viyogāḥ saṃgamās tathā pitaro vividhā dṛṣṭā mātaraś ca tathā mayā //
Separations from wives, enemies, friends and kinsmen, and likewise reunions (with them); and various fathers and likewise mothers have been seen by me.
AI translation rendered from the Sanskrit, not a published edition
BrP 49.31
दुःखानि चानुभूतानि यानि सौख्यान्य् अनेकशः प्राप्ताश् च बान्धवाः पुत्रा भ्रातरो ज्ञातयस् तथा ॥
duḥkhāni cānubhūtāni yāni saukhyāny anekaśaḥ prāptāś ca bāndhavāḥ putrā bhrātaro jñātayas tathā //
And sorrows have been experienced, and pleasures of many sorts; and kinsmen, sons, brothers and relatives have been obtained.
AI translation rendered from the Sanskrit, not a published edition
BrP 49.32
मयोषितं तथा स्त्रीणां कोष्ठे विण्मूत्रपिच्छले गर्भवासे महादुःखम् अनुभूतं तथा प्रभो ॥
mayoṣitaṃ tathā strīṇāṃ koṣṭhe viṇmūtrapicchale garbhavāse mahāduḥkham anubhūtaṃ tathā prabho //
And I have dwelt in the belly of women, slimy with faeces and urine; and in the abode of the womb great suffering was experienced (by me), O Lord.
AI translation rendered from the Sanskrit, not a published edition
BrP 49.33
दुःखानि यान्य् अनेकानि बाल्ययौवनगोचरे वार्धके च हृषीकेश तानि प्राप्तानि वै मया ॥
duḥkhāni yāny anekāni bālyayauvanagocare vārdhake ca hṛṣīkeśa tāni prāptāni vai mayā //
The many sufferings that fall within the range of childhood and youth, and in old age, O Hṛṣīkeśa — those indeed have been met with by me.
AI translation rendered from the Sanskrit, not a published edition
BrP 49.34
मरणे यानि दुःखानि यममार्गे यमालये मया तान्य् अनुभूतानि नरके यातनास् तथा ॥
maraṇe yāni duḥkhāni yamamārge yamālaye mayā tāny anubhūtāni narake yātanās tathā //
The sufferings that come at death, on Yama's road, in Yama's abode — those have been experienced by me, and the torments in hell as well.
AI translation rendered from the Sanskrit, not a published edition
BrP 49.35
कृमिकीटद्रुमाणां च हस्त्यश्वमृगपक्षिणाम् महिषोष्ट्रगवां चैव तथान्येषां वनौकसाम् ॥
kṛmikīṭadrumāṇāṃ ca hastyaśvamṛgapakṣiṇām mahiṣoṣṭragavāṃ caiva tathānyeṣāṃ vanaukasām //
And (in the wombs) of worms, insects and trees, of elephants, horses, deer and birds, and of buffaloes, camels and cattle, and likewise of the other forest-dwellers —
AI translation rendered from the Sanskrit, not a published edition
BrP 49.36
द्विजातीनां च सर्वेषां शूद्राणां चैव योनिषु धनिनां क्षत्रियाणां च दरिद्राणां तपस्विनाम् ॥
dvijātīnāṃ ca sarveṣāṃ śūdrāṇāṃ caiva yoniṣu dhanināṃ kṣatriyāṇāṃ ca daridrāṇāṃ tapasvinām //
and in the wombs of all the twice-born and of the śūdras, of the rich and of the kṣatriyas, of the poor and of ascetics —
AI translation rendered from the Sanskrit, not a published edition
BrP 49.37
नृपाणां नृपभृत्यानां तथान्येषां च देहिनाम् गृहेषु तेषाम् उत्पन्नो देव चाहं पुनः पुनः ॥
nṛpāṇāṃ nṛpabhṛtyānāṃ tathānyeṣāṃ ca dehinām gṛheṣu teṣām utpanno deva cāhaṃ punaḥ punaḥ //
in the houses of kings, of kings' servants, and likewise of other embodied beings, I have been born again and again, O God.
AI translation rendered from the Sanskrit, not a published edition
BrP 49.38
गतो ऽस्मि दासतां नाथ भृत्यानां बहुशो नृणाम् दरिद्रत्वं चेश्वरत्वं स्वामित्वं च तथा गतः ॥
gato 'smi dāsatāṃ nātha bhṛtyānāṃ bahuśo nṛṇām daridratvaṃ ceśvaratvaṃ svāmitvaṃ ca tathā gataḥ //
I have gone into slavery, O Lord, to servants and to men, many times over; and I have likewise come to poverty, and to lordship, and to mastery.
AI translation rendered from the Sanskrit, not a published edition
BrP 49.39
हतो मया हताश् चान्ये घातितो घातितास् तथा दत्तं ममान्यैर् अन्येभ्यो मया दत्तम् अनेकशः ॥
hato mayā hatāś cānye ghātito ghātitās tathā dattaṃ mamānyair anyebhyo mayā dattam anekaśaḥ //
I have been slain, and others have been slain (by me); I have been caused to be killed, and (others) have been caused to be killed; gifts have been given to me by others, and by me gifts have been given to others many times over.
AI translation rendered from the Sanskrit, not a published edition
BrP 49.40
पितृमातृसुहृद्भ्रातृकलत्राणां कृतेन च धनिनां श्रोत्रियाणां च दरिद्राणां तपस्विनाम् ॥
pitṛmātṛsuhṛdbhrātṛkalatrāṇāṃ kṛtena ca dhanināṃ śrotriyāṇāṃ ca daridrāṇāṃ tapasvinām //
And for the sake of fathers, mothers, friends, brothers and wives, (I have addressed) the rich, the learned brahmins, the poor and the ascetics —
AI translation rendered from the Sanskrit, not a published edition
BrP 49.41
उक्तं दैन्यं च विविधं त्यक्त्वा लज्जां जनार्दन देवतिर्यङ्मनुष्येषु स्थावरेषु चरेषु च ॥
uktaṃ dainyaṃ ca vividhaṃ tyaktvā lajjāṃ janārdana devatiryaṅmanuṣyeṣu sthāvareṣu careṣu ca //
— and, abandoning shame, many a piteous plea has been uttered (by me), O Janārdana, among gods, animals and men, among the immobile and the moving.
AI translation rendered from the Sanskrit, not a published edition
BrP 49.42
न विद्यते तथा स्थानं यत्राहं न गतः प्रभो कदा मे नरके वासः कदा स्वर्गे जगत्पते ॥
na vidyate tathā sthānaṃ yatrāhaṃ na gataḥ prabho kadā me narake vāsaḥ kadā svarge jagatpate //
Thus there is no place where I have not gone, O Lord. Now my dwelling is in hell, now in heaven, O Lord of the world;
AI translation rendered from the Sanskrit, not a published edition
BrP 49.43
कदा मनुष्यलोकेषु कदा तिर्यग्गतेषु च जलयन्त्रे यथा चक्रे घटी रज्जुनिबन्धना ॥
kadā manuṣyalokeṣu kadā tiryaggateṣu ca jalayantre yathā cakre ghaṭī rajjunibandhanā //
now in the worlds of men, now among the states of animals. As on a water-wheel a pot bound to the rope on the wheel
AI translation rendered from the Sanskrit, not a published edition
BrP 49.44
याति चोर्ध्वम् अधश् चैव कदा मध्ये च तिष्ठति तथा चाहं सुरश्रेष्ठ कर्मरज्जुसमावृतः ॥
yāti cordhvam adhaś caiva kadā madhye ca tiṣṭhati tathā cāhaṃ suraśreṣṭha karmarajjusamāvṛtaḥ //
goes up and down, and at times stands in the middle — so too do I, O best of the gods, wrapped about by the rope of karman,
AI translation rendered from the Sanskrit, not a published edition
BrP 49.45
अधश् चोर्ध्वं तथा मध्ये भ्रमन् गच्छामि योगतः एवं संसारचक्रे ऽस्मिन् भैरवे रोमहर्षणे ॥
adhaś cordhvaṃ tathā madhye bhraman gacchāmi yogataḥ evaṃ saṃsāracakre 'smin bhairave romaharṣaṇe //
go wandering below and above and in the middle, by the yoking (of my deeds). Thus in this wheel of transmigration, terrible and hair-raising,
AI translation rendered from the Sanskrit, not a published edition
BrP 49.46
भ्रमामि सुचिरं कालं नान्तं पश्यामि कर्हिचित् न जाने किं करोम्य् अद्य हरे व्याकुलितेन्द्रियः ॥
bhramāmi suciraṃ kālaṃ nāntaṃ paśyāmi karhicit na jāne kiṃ karomy adya hare vyākulitendriyaḥ //
I wander for a very long time, and nowhere do I see an end. I do not know what I should do now, O Hari, my senses in turmoil.
AI translation rendered from the Sanskrit, not a published edition
BrP 49.47
शोकतृष्णाभिभूतो ऽहं कांदिशीको विचेतनः इदानीं त्वाम् अहं देव विह्वलः शरणं गतः ॥
śokatṛṣṇābhibhūto 'haṃ kāṃdiśīko vicetanaḥ idānīṃ tvām ahaṃ deva vihvalaḥ śaraṇaṃ gataḥ //
Overcome by grief and craving, panic-stricken and senseless, now, O God, I in my distress have come to you for refuge.
AI translation rendered from the Sanskrit, not a published edition
BrP 49.48
त्राहि मां दुःखितं कृष्ण मग्नं संसारसागरे कृपां कुरु जगन्नाथ भक्तं मां यदि मन्यसे ॥
trāhi māṃ duḥkhitaṃ kṛṣṇa magnaṃ saṃsārasāgare kṛpāṃ kuru jagannātha bhaktaṃ māṃ yadi manyase //
Save me, Kṛṣṇa, wretched as I am, sunk in the ocean of worldly existence; show mercy, Lord of the world, if you consider me your devotee.
AI translation rendered from the Sanskrit, not a published edition
BrP 49.49
त्वदृते नास्ति मे बन्धुर् यो ऽसौ चिन्तां करिष्यति देव त्वां नाथम् आसाद्य न भयं मे ऽस्ति कुत्रचित् ॥
tvadṛte nāsti me bandhur yo 'sau cintāṃ kariṣyati deva tvāṃ nātham āsādya na bhayaṃ me 'sti kutracit //
Apart from you I have no kinsman who would take thought for me; having gained you, O God, as my master, I have no fear anywhere.
AI translation rendered from the Sanskrit, not a published edition
BrP 49.50
जीविते मरणे चैव योगक्षेमे ऽथवा प्रभो ये तु त्वां विधिवद् देव नार्चयन्ति नराधमाः ॥
jīvite maraṇe caiva yogakṣeme 'thavā prabho ye tu tvāṃ vidhivad deva nārcayanti narādhamāḥ //
In life and in death, or in welfare and security, O Lord — but those lowest of men who do not worship you as prescribed, O God,
AI translation rendered from the Sanskrit, not a published edition
BrP 49.51
सुगतिस् तु कथं तेषां भवेत् संसारबन्धनात् किं तेषां कुलशीलेन विद्यया जीवितेन च ॥
sugatis tu kathaṃ teṣāṃ bhavet saṃsārabandhanāt kiṃ teṣāṃ kulaśīlena vidyayā jīvitena ca //
how could there be a good passage for them out of the bondage of worldly existence? What use to them are family and good conduct, learning and life?
AI translation rendered from the Sanskrit, not a published edition
BrP 49.52
येषां न जायते भक्तिर् जगद्धातरि केशवे प्रकृतिं त्व् आसुरीं प्राप्य ये त्वां निन्दन्ति मोहिताः ॥
yeṣāṃ na jāyate bhaktir jagaddhātari keśave prakṛtiṃ tv āsurīṃ prāpya ye tvāṃ nindanti mohitāḥ //
Those in whom no devotion arises toward Keśava, the sustainer of the world, and who, having taken on a demonic nature, revile you in their delusion —
AI translation rendered from the Sanskrit, not a published edition
BrP 49.53
पतन्ति नरके घोरे जायमानाः पुनः पुनः न तेषां निष्कृतिस् तस्माद् विद्यते नरकार्णवात् ॥
patanti narake ghore jāyamānāḥ punaḥ punaḥ na teṣāṃ niṣkṛtis tasmād vidyate narakārṇavāt //
they fall into a dreadful hell, being born again and again; there is no release for them from that ocean of hells.
AI translation rendered from the Sanskrit, not a published edition
BrP 49.54
ये दूषयन्ति दुर्वृत्तास् त्वां देव पुरुषाधमाः यत्र यत्र भवेज् जन्म मम कर्मनिबन्धनात् ॥
ye dūṣayanti durvṛttās tvāṃ deva puruṣādhamāḥ yatra yatra bhavej janma mama karmanibandhanāt //
Those ill-conducted, lowest of men who defame you, O God — (but as for me): wherever my birth may be, through the binding of my deeds,
AI translation rendered from the Sanskrit, not a published edition
BrP 49.55
तत्र तत्र हरे भक्तिस् त्वयि चास्तु दृढा सदा आराध्य त्वां सुरा दैत्या नराश् चान्ये ऽपि संयताः ॥
tatra tatra hare bhaktis tvayi cāstu dṛḍhā sadā ārādhya tvāṃ surā daityā narāś cānye 'pi saṃyatāḥ //
there, O Hari, let my devotion to you be firm always. Having worshipped you, gods, demons, men and others too, self-controlled,
AI translation rendered from the Sanskrit, not a published edition
BrP 49.56
अवापुः परमां सिद्धिं कस् त्वां देव न पूजयेत् न शक्नुवन्ति ब्रह्माद्याः स्तोतुं त्वां त्रिदशा हरे ॥
avāpuḥ paramāṃ siddhiṃ kas tvāṃ deva na pūjayet na śaknuvanti brahmādyāḥ stotuṃ tvāṃ tridaśā hare //
have attained the highest perfection; who would not worship you, O God? Brahmā and the other thirty (gods) are unable to praise you, O Hari.
AI translation rendered from the Sanskrit, not a published edition
BrP 49.57
कथं मानुषबुद्ध्याहं स्तौमि त्वां प्रकृतेः परम् तथा चाज्ञानभावेन संस्तुतो ऽसि मया प्रभो ॥
kathaṃ mānuṣabuddhyāhaṃ staumi tvāṃ prakṛteḥ param tathā cājñānabhāvena saṃstuto 'si mayā prabho //
How can I with a human intellect praise you, who are beyond primal nature? And so it is out of ignorance that you have been praised by me, O Lord.
AI translation rendered from the Sanskrit, not a published edition
BrP 49.58
तत् क्षमस्वापराधं मे यदि ते ऽस्ति दया मयि कृतापराधे ऽपि हरे क्षमां कुर्वन्ति साधवः ॥
tat kṣamasvāparādhaṃ me yadi te 'sti dayā mayi kṛtāparādhe 'pi hare kṣamāṃ kurvanti sādhavaḥ //
So forgive my offence, if you have any compassion for me; even toward one who has committed an offence, O Hari, the good show forgiveness.
AI translation rendered from the Sanskrit, not a published edition
BrP 49.59
तस्मात् प्रसीद देवेश भक्तस्नेहं समाश्रितः स्तुतो ऽसि यन् मया देव भक्तिभावेन चेतसा साङ्गं भवतु तत् सर्वं वासुदेव नमो ऽस्तु ते ॥
tasmāt prasīda deveśa bhaktasnehaṃ samāśritaḥ stuto 'si yan mayā deva bhaktibhāvena cetasā sāṅgaṃ bhavatu tat sarvaṃ vāsudeva namo 'stu te //
Therefore be gracious, Lord of gods, having taken up affection for your devotee. Whatever praise has been offered by me, O God, with a mind full of devotion — may all of it be complete, Vāsudeva; homage be to you.
AI translation rendered from the Sanskrit, not a published edition
BrP 49.60
इत्थं स्तुतस् तदा तेन प्रसन्नो गरुडध्वजः ददौ तस्मै मुनिश्रेष्ठाः सकलं मनसेप्सितम् ॥
itthaṃ stutas tadā tena prasanno garuḍadhvajaḥ dadau tasmai muniśreṣṭhāḥ sakalaṃ manasepsitam //
Thus praised by him, the one whose banner is Garuḍa was pleased and gave him, O best of sages, all that he desired in his mind.
AI translation rendered from the Sanskrit, not a published edition
BrP 49.61
यः संपूज्य जगन्नाथं प्रत्यहं स्तौति मानवः स्तोत्रेणानेन मतिमान् स मोक्षं लभते ध्रुवम् ॥
yaḥ saṃpūjya jagannāthaṃ pratyahaṃ stauti mānavaḥ stotreṇānena matimān sa mokṣaṃ labhate dhruvam //
The wise man who, after worshipping the Lord of the world, praises him daily with this hymn surely obtains liberation.
AI translation rendered from the Sanskrit, not a published edition
BrP 49.62
त्रिसंध्यं यो जपेद् विद्वान् इदं स्तोत्रवरं शुचिः धर्मं चार्थं च कामं च मोक्षं च लभते नरः ॥
trisaṃdhyaṃ yo japed vidvān idaṃ stotravaraṃ śuciḥ dharmaṃ cārthaṃ ca kāmaṃ ca mokṣaṃ ca labhate naraḥ //
The learned man who, purified, recites this excellent hymn at the three junctures of the day obtains merit, wealth, pleasure and liberation.
AI translation rendered from the Sanskrit, not a published edition
BrP 49.63
यः पठेच् छृणुयाद् वापि श्रावयेद् वा समाहितः स लोकं शाश्वतं विष्णोर् याति निर्धूतकल्मषः ॥
yaḥ paṭhec chṛṇuyād vāpi śrāvayed vā samāhitaḥ sa lokaṃ śāśvataṃ viṣṇor yāti nirdhūtakalmaṣaḥ //
He who reads it, or hears it, or has it heard by others with a concentrated mind, goes, his sins shaken off, to the eternal world of Viṣṇu.
AI translation rendered from the Sanskrit, not a published edition
BrP 49.64
धन्यं पापहरं चेदं भुक्तिमुक्तिप्रदं शिवम् गुह्यं सुदुर्लभं पुण्यं न देयं यस्य कस्यचित् ॥
dhanyaṃ pāpaharaṃ cedaṃ bhuktimuktipradaṃ śivam guhyaṃ sudurlabhaṃ puṇyaṃ na deyaṃ yasya kasyacit //
And this (hymn) is blessed, remover of sin, granting enjoyment and liberation, auspicious, secret, very hard to obtain, meritorious: it is not to be given to just anyone.
AI translation rendered from the Sanskrit, not a published edition
BrP 49.65
न नास्तिकाय मूर्खाय न कृतघ्नाय मानिने न दुष्टमतये दद्यान् नाभक्ताय कदाचन ॥
na nāstikāya mūrkhāya na kṛtaghnāya mānine na duṣṭamataye dadyān nābhaktāya kadācana //
One should never give it to an unbeliever, to a fool, to an ingrate, to an arrogant man, to one of evil mind, or to one without devotion.
AI translation rendered from the Sanskrit, not a published edition
BrP 49.66
दातव्यं भक्तियुक्ताय गुणशीलान्विताय च विष्णुभक्ताय शान्ताय श्रद्धानुष्ठानशालिने ॥
dātavyaṃ bhaktiyuktāya guṇaśīlānvitāya ca viṣṇubhaktāya śāntāya śraddhānuṣṭhānaśāline //
It is to be given to one endowed with devotion, and possessed of virtue and good conduct, to a devotee of Viṣṇu, to one who is calm, to one distinguished by faith and (ritual) practice.
AI translation rendered from the Sanskrit, not a published edition
BrP 49.67
इदं समस्ताघविनाशहेतुः कारुण्यसंज्ञं सुखमोक्षदं च अशेषवाञ्छाफलदं वरिष्ठं स्तोत्रं मयोक्तं पुरुषोत्तमस्य
idaṃ samastāghavināśahetuḥ kāruṇyasaṃjñaṃ sukhamokṣadaṃ ca aśeṣavāñchāphaladaṃ variṣṭhaṃ stotraṃ mayoktaṃ puruṣottamasya
This most excellent hymn of Puruṣottama has been spoken by me: it is the cause of the destruction of all sin, it is named "Compassion," it grants happiness and liberation, and it bestows the fruit of every wish.
AI translation rendered from the Sanskrit, not a published edition
BrP 49.68
ये तं सुसूक्ष्मं विमला मुरारिं ध्यायन्ति नित्यं पुरुषं पुराणम् ते मुक्तिभाजः प्रविशन्ति विष्णुं मन्त्रैर् यथाज्यं हुतम् अध्वराग्नौ
ye taṃ susūkṣmaṃ vimalā murāriṃ dhyāyanti nityaṃ puruṣaṃ purāṇam te muktibhājaḥ praviśanti viṣṇuṃ mantrair yathājyaṃ hutam adhvarāgnau
Those pure ones who constantly meditate on that most subtle Murāri, the ancient Puruṣa — they, partaking of liberation, enter into Viṣṇu, as ghee offered with mantras (enters) the sacrificial fire.
AI translation rendered from the Sanskrit, not a published edition
BrP 49.69
एकः स देवो भवदुःखहन्ता परः परेषां न ततो ऽस्ति चान्यत् द्रष्टा स पाता स तु नाशकर्ता विष्णुः समस्ताखिलसारभूतः
ekaḥ sa devo bhavaduḥkhahantā paraḥ pareṣāṃ na tato 'sti cānyat draṣṭā sa pātā sa tu nāśakartā viṣṇuḥ samastākhilasārabhūtaḥ
He alone is the god who destroys the sorrow of existence, higher than the high; there is nothing other than him. He is the seer, he is the protector, and he is the one who brings destruction — Viṣṇu, who is the essence of all and everything.
AI translation rendered from the Sanskrit, not a published edition
BrP 49.70
किं विद्यया किं स्वगुणैश् च तेषां यज्ञैश् च दानैश् च तपोभिर् उग्रैः येषां न भक्तिर् भवतीह कृष्णे जगद्गुरौ मोक्षसुखप्रदे च
kiṃ vidyayā kiṃ svaguṇaiś ca teṣāṃ yajñaiś ca dānaiś ca tapobhir ugraiḥ yeṣāṃ na bhaktir bhavatīha kṛṣṇe jagadgurau mokṣasukhaprade ca
What use is learning to them, what use their own virtues, their sacrifices, their gifts, their severe austerities — those who have here no devotion to Kṛṣṇa, the teacher of the world, the giver of liberation and happiness?
AI translation rendered from the Sanskrit, not a published edition
BrP 49.71
लोके स धन्यः स शुचिः स विद्वान् मखैस् तपोभिः स गुणैर् वरिष्ठः ज्ञाता स दाता स तु सत्यवक्ता यस्यास्ति भक्तिः पुरुषोत्तमाख्ये
loke sa dhanyaḥ sa śuciḥ sa vidvān makhais tapobhiḥ sa guṇair variṣṭhaḥ jñātā sa dātā sa tu satyavaktā yasyāsti bhaktiḥ puruṣottamākhye
In the world he is blessed, he is pure, he is learned, he is foremost through sacrifices, austerities and virtues; he is a knower, he is a giver, and he is a speaker of truth — he who has devotion to the one named Puruṣottama.
AI translation rendered from the Sanskrit, not a published edition