Brahma Purana — Chapter 48
BrP 48.1
ब्रूहि नो देवदेवेश यत् पृच्छामः पुरातनम् यथा ताः प्रतिमाः पूर्वम् इन्द्रद्युम्नेन निर्मिताः ॥
brūhi no devadeveśa yat pṛcchāmaḥ purātanam yathā tāḥ pratimāḥ pūrvam indradyumnena nirmitāḥ //
Tell us, O lord of the gods of gods, what we ask about ancient times: how those images were formerly fashioned by Indradyumna.
AI translation rendered from the Sanskrit, not a published edition
BrP 48.2
केन चैव प्रकारेण तुष्टस् तस्मै स माधवः तत् सर्वं वद चास्माकं परं कौतूहलं हि नः ॥
kena caiva prakāreṇa tuṣṭas tasmai sa mādhavaḥ tat sarvaṃ vada cāsmākaṃ paraṃ kautūhalaṃ hi naḥ //
And in what manner was that Mādhava pleased with him? Tell us all of that, for our curiosity is great.
AI translation rendered from the Sanskrit, not a published edition
BrP 48.3
शृणुध्वं मुनिशार्दूलाः पुराणं वेदसंमितम् कथयामि पुरा वृत्तं प्रतिमानां च संभवम् ॥
śṛṇudhvaṃ muniśārdūlāḥ purāṇaṃ vedasaṃmitam kathayāmi purā vṛttaṃ pratimānāṃ ca saṃbhavam //
Listen, O tigers among sages, to the ancient lore that is equal to the Vedas; I shall recount what happened long ago and the origin of the images.
AI translation rendered from the Sanskrit, not a published edition
BrP 48.4
प्रवृत्ते च महायज्ञे प्रासादे चैव निर्मिते चिन्ता तस्य बभूवाथ प्रतिमार्थम् अहर्निशम् ॥
pravṛtte ca mahāyajñe prāsāde caiva nirmite cintā tasya babhūvātha pratimārtham aharniśam //
When the great sacrifice had begun and the temple had been built, then day and night he had a worry concerning the image.
AI translation rendered from the Sanskrit, not a published edition
BrP 48.5
न वेद्मि केन देवेशं सर्वेशं लोकपावनम् सर्गस्थित्यन्तकर्तारं पश्यामि पुरुषोत्तमम् ॥
na vedmi kena deveśaṃ sarveśaṃ lokapāvanam sargasthityantakartāraṃ paśyāmi puruṣottamam //
"I do not know by what (means) I may behold the lord of gods, the lord of all, the purifier of the worlds, the maker of creation, preservation and end, the supreme Person."
AI translation rendered from the Sanskrit, not a published edition
BrP 48.6
चिन्ताविष्टस् त्व् अभूद् राजा शेते रात्रौ दिवापि न न भुङ्क्ते विविधान् भोगान् न च स्नानं प्रसाधनम् ॥
cintāviṣṭas tv abhūd rājā śete rātrau divāpi na na bhuṅkte vividhān bhogān na ca snānaṃ prasādhanam //
The king became possessed by worry: he did not sleep by night nor by day, he did not partake of the various enjoyments, nor of bathing and adornment.
AI translation rendered from the Sanskrit, not a published edition
BrP 48.7
नैव वाद्येन गन्धेन गायनैर् वर्णकैर् अपि न गजैर् मदयुक्तैश् च न चानेकैर् हयान्वितैः ॥
naiva vādyena gandhena gāyanair varṇakair api na gajair madayuktaiś ca na cānekair hayānvitaiḥ //
Not by music, nor by perfume, nor by singers, nor even by cosmetic pigments, nor by elephants in rut, nor by the many (things) attended with horses,
AI translation rendered from the Sanskrit, not a published edition
BrP 48.8
नेन्द्रनीलैर् महानीलैः पद्मरागमयैर् न च सुवर्णरजताद्यैश् च वज्रस्फटिकसंयुतैः ॥
nendranīlair mahānīlaiḥ padmarāgamayair na ca suvarṇarajatādyaiś ca vajrasphaṭikasaṃyutaiḥ //
nor by sapphires, great sapphires, or things made of rubies, nor by gold and silver and the like, joined with diamonds and crystal,
AI translation rendered from the Sanskrit, not a published edition
BrP 48.9
बहुरागार्थकामैर् वा न वन्यैर् अन्तरिक्षगैः बभूव तस्य नृपतेर् मनसस् तुष्टिवर्धनम् ॥
bahurāgārthakāmair vā na vanyair antarikṣagaiḥ babhūva tasya nṛpater manasas tuṣṭivardhanam //
nor by things of many colours (serving) wealth and pleasure, nor by forest creatures or by those that move in the sky—was there any increase of satisfaction for that king's mind.
AI translation rendered from the Sanskrit, not a published edition — the model flagged this verse as uncertain
BrP 48.10
शैलमृद्दारुजातेषु प्रशस्तं किं महीतले विष्णुप्रतिमायोग्यं च सर्वलक्षणलक्षितम् ॥
śailamṛddārujāteṣu praśastaṃ kiṃ mahītale viṣṇupratimāyogyaṃ ca sarvalakṣaṇalakṣitam //
"Among things born of stone, clay, or wood, what upon the earth is commended and fit for an image of Viṣṇu, marked with all the (auspicious) marks?
AI translation rendered from the Sanskrit, not a published edition
BrP 48.11
एतैर् एव त्रयाणां तु दयितं स्यात् सुरार्चितम् स्थापिते प्रीतिम् अभ्येति इति चिन्तापरो ऽभवत् ॥
etair eva trayāṇāṃ tu dayitaṃ syāt surārcitam sthāpite prītim abhyeti iti cintāparo 'bhavat //
"Of these three, which one, worshipped by the gods, would be dear (to him), so that when it is installed he comes to be pleased?"—thus he became absorbed in worry.
AI translation rendered from the Sanskrit, not a published edition — the model flagged this verse as uncertain
BrP 48.12
पञ्चरात्रविधानेन संपूज्य पुरुषोत्तमम् चिन्ताविष्टो महीपालः संस्तोतुम् उपचक्रमे ॥
pañcarātravidhānena saṃpūjya puruṣottamam cintāviṣṭo mahīpālaḥ saṃstotum upacakrame //
Having worshipped the supreme Person according to the Pāñcarātra rule, the king, possessed by worry, began to praise (him).
AI translation rendered from the Sanskrit, not a published edition