Brahma Purana — Chapter 47
BrP 47.1
एवं स पृथिवीपालश् चिन्तयित्वा द्विजोत्तमाः प्रासादार्थं हरेस् तत्र प्रारम्भम् अकरोत् तदा ॥
evaṃ sa pṛthivīpālaś cintayitvā dvijottamāḥ prāsādārthaṃ hares tatra prārambham akarot tadā //
Having thus reflected, O best of twice-born, that protector of the earth then made a beginning there for a temple of Hari.
AI translation rendered from the Sanskrit, not a published edition
BrP 47.2
आनाय्य गणकान् सर्वान् आचार्याञ् शास्त्रपारगान् भूमिं संशोध्य यत्नेन राजा तु परया मुदा ॥
ānāyya gaṇakān sarvān ācāryāñ śāstrapāragān bhūmiṃ saṃśodhya yatnena rājā tu parayā mudā //
Having summoned all the astrologers and the teachers who had mastered the śāstras, the king, with the greatest joy, carefully purified the ground —
AI translation rendered from the Sanskrit, not a published edition
BrP 47.3
ब्राह्मणैर् ज्ञानसंपन्नैर् वेदशास्त्रार्थपारगैः अमात्यैर् मन्त्रिभिश् चैव वास्तुविद्याविशारदैः ॥
brāhmaṇair jñānasaṃpannair vedaśāstrārthapāragaiḥ amātyair mantribhiś caiva vāstuvidyāviśāradaiḥ //
— (together) with brahmins endowed with knowledge, masters of the meaning of the Vedas and śāstras, and with counsellors and ministers skilled in the science of building.
AI translation rendered from the Sanskrit, not a published edition
BrP 47.4
तैः सार्धं स समालोच्य सुमुहूर्ते शुभे दिने सुचन्द्रतारासंयोगे ग्रहानुकूल्यसंयुते ॥
taiḥ sārdhaṃ sa samālocya sumuhūrte śubhe dine sucandratārāsaṃyoge grahānukūlyasaṃyute //
Having taken counsel together with them, at a good moment, on an auspicious day, when the moon and stars were in favourable conjunction and the planets were propitious —
AI translation rendered from the Sanskrit, not a published edition
BrP 47.5
जयमङ्गलशब्दैश् च नानावाद्यैर् मनोहरैः वेदाध्ययननिर्घोषैर् गीतैः सुमधुरस्वरैः ॥
jayamaṅgalaśabdaiś ca nānāvādyair manoharaiḥ vedādhyayananirghoṣair gītaiḥ sumadhurasvaraiḥ //
— with cries of "victory" and of blessing, with various delightful instruments, with the sound of Vedic recitation, and with songs in very sweet tones,
AI translation rendered from the Sanskrit, not a published edition
BrP 47.6
पुष्पलाजाक्षतैर् गन्धैः पूर्णकुम्भैः सदीपकैः ददाव् अर्घ्यं ततो राजा श्रद्धया सुसमाहितः ॥
puṣpalājākṣatair gandhaiḥ pūrṇakumbhaiḥ sadīpakaiḥ dadāv arghyaṃ tato rājā śraddhayā susamāhitaḥ //
with flowers, parched grain and unbroken rice, with perfumes, with full jars and lamps, the king then offered the guest-offering, with faith and well composed.
AI translation rendered from the Sanskrit, not a published edition
BrP 47.7
दत्त्वैवम् अर्घ्यं विधिवद् आनाय्य स महीपतिः कलिङ्गाधिपतिं शूरम् उत्कलाधिपतिं तथा कोशलाधिपतिं चैव तान् उवाच तदा नृपः ॥
dattvaivam arghyaṃ vidhivad ānāyya sa mahīpatiḥ kaliṅgādhipatiṃ śūram utkalādhipatiṃ tathā kośalādhipatiṃ caiva tān uvāca tadā nṛpaḥ //
Having thus duly offered the arghya, that lord of the earth summoned the valiant lord of Kaliṅga, the lord of Utkala, and the lord of Kośala, and then the king said to them:
AI translation rendered from the Sanskrit, not a published edition
BrP 47.8
गच्छध्वं सहिताः सर्वे शिलार्थे सुसमाहिताः गृहीत्वा शिल्पिमुख्यांश् च शिलाकर्मविशारदान् ॥
gacchadhvaṃ sahitāḥ sarve śilārthe susamāhitāḥ gṛhītvā śilpimukhyāṃś ca śilākarmaviśāradān //
"Go, all of you together, attentively, for the sake of stone, taking with you the chief craftsmen skilled in stonework.
AI translation rendered from the Sanskrit, not a published edition
BrP 47.9
विन्ध्याचलं सुविस्तीर्णं बहुकन्दरशोभितम् निरूप्य सर्वसानूनि च्छेदयित्वा शिलाः शुभाः संवाह्यन्तां च शकटैर् नौकाभिर् मा विलम्बथ ॥
vindhyācalaṃ suvistīrṇaṃ bahukandaraśobhitam nirūpya sarvasānūni cchedayitvā śilāḥ śubhāḥ saṃvāhyantāṃ ca śakaṭair naukābhir mā vilambatha //
Survey the very extensive Vindhya mountain, adorned with many caverns, and all its ridges; and having auspicious stones cut, let them be conveyed by carts and by boats — do not delay."
AI translation rendered from the Sanskrit, not a published edition
BrP 47.10
एवं गन्तुं समादिश्य तान् नृपान् स महीपतिः पुनर् एवाब्रवीद् वाक्यं सामात्यान् सपुरोहितान् ॥
evaṃ gantuṃ samādiśya tān nṛpān sa mahīpatiḥ punar evābravīd vākyaṃ sāmātyān sapurohitān //
Having thus commanded those kings to go, that lord of the earth spoke again to (his men) together with the counsellors and the household priests:
AI translation rendered from the Sanskrit, not a published edition
BrP 47.11
गच्छन्तु दूताः सर्वत्र ममाज्ञां प्रवदन्तु वै यत्र तिष्ठन्ति राजानः पृथिव्यां तान् सुशीघ्रगाः ॥
gacchantu dūtāḥ sarvatra mamājñāṃ pravadantu vai yatra tiṣṭhanti rājānaḥ pṛthivyāṃ tān suśīghragāḥ //
"Let messengers go everywhere and proclaim my command; wherever kings dwell on the earth, let swift-going (messengers go) to them.
AI translation rendered from the Sanskrit, not a published edition
BrP 47.12
हस्त्यश्वरथपादातैः सामात्यैः सपुरोहितैः गच्छत सहिताः सर्व इन्द्रद्युम्नस्य शासनात् ॥
hastyaśvarathapādātaiḥ sāmātyaiḥ sapurohitaiḥ gacchata sahitāḥ sarva indradyumnasya śāsanāt //
'With elephants, horses, chariots and foot-soldiers, with your counsellors and household priests, go, all of you together, by the order of Indradyumna.'"
AI translation rendered from the Sanskrit, not a published edition
BrP 47.13
एवं दूताः समाज्ञाता राज्ञा तेन महात्मना गत्वा तदा नृपान् ऊचुर् वचनं तस्य भूपतेः ॥
evaṃ dūtāḥ samājñātā rājñā tena mahātmanā gatvā tadā nṛpān ūcur vacanaṃ tasya bhūpateḥ //
Thus instructed by that great-souled king, the messengers went and spoke to the kings the word of that lord of the earth.
AI translation rendered from the Sanskrit, not a published edition
BrP 47.14
श्रुत्वा तु ते तथा सर्वे दूतानां वचनं नृपाः आजग्मुस् त्वरिताः सर्वे स्वसैन्यैः परिवारिताः ॥
śrutvā tu te tathā sarve dūtānāṃ vacanaṃ nṛpāḥ ājagmus tvaritāḥ sarve svasainyaiḥ parivāritāḥ //
And when they had heard the messengers' words, all those kings came in haste, surrounded by their own armies.
AI translation rendered from the Sanskrit, not a published edition
BrP 47.15
ये नृपाः सर्वदिग्भागे ये च दक्षिणतः स्थिताः पश्चिमायां स्थिता ये च उत्तरापथसंस्थिताः ॥
ye nṛpāḥ sarvadigbhāge ye ca dakṣiṇataḥ sthitāḥ paścimāyāṃ sthitā ye ca uttarāpathasaṃsthitāḥ //
Those kings who were in every quarter, and those who were stationed in the south, those in the west, and those established on the northern route,
AI translation rendered from the Sanskrit, not a published edition
BrP 47.16
प्रत्यन्तवासिनो ये ऽपि ये च संनिधिवासिनः पार्वतीयाश् च ये केचित् तथा द्वीपनिवासिनः ॥
pratyantavāsino ye 'pi ye ca saṃnidhivāsinaḥ pārvatīyāś ca ye kecit tathā dvīpanivāsinaḥ //
and those dwelling in the border regions, and those dwelling nearby, and whatever mountain-dwellers there were, and likewise the island-dwellers —
AI translation rendered from the Sanskrit, not a published edition
BrP 47.17
रथैर् नागैः पदातैश् च वाजिभिर् धनविस्तरैः संप्राप्ता बहुशो विप्राः श्रुत्वेन्द्रद्युम्नशासनम् ॥
rathair nāgaiḥ padātaiś ca vājibhir dhanavistaraiḥ saṃprāptā bahuśo viprāḥ śrutvendradyumnaśāsanam //
With chariots, elephants, foot-soldiers and horses, and with abundant wealth, the brahmins arrived in great numbers, having heard Indradyumna's command.
AI translation rendered from the Sanskrit, not a published edition
BrP 47.18
तान् आगतान् नृपान् दृष्ट्वा सामात्यान् सपुरोहितान् प्रोवाच राजा हृष्टात्मा कार्यम् उद्दिश्य सादरम् ॥
tān āgatān nṛpān dṛṣṭvā sāmātyān sapurohitān provāca rājā hṛṣṭātmā kāryam uddiśya sādaram //
Seeing those kings who had come, together with their ministers and their household priests, the king, glad at heart, spoke respectfully, indicating the task (at hand).
AI translation rendered from the Sanskrit, not a published edition
BrP 47.19
शृणुध्वं नृपशार्दूला यथा किंचिद् ब्रवीम्य् अहम् अस्मिन् क्षेत्रवरे पुण्ये भुक्तिमुक्तिप्रदे शिवे ॥
śṛṇudhvaṃ nṛpaśārdūlā yathā kiṃcid bravīmy aham asmin kṣetravare puṇye bhuktimuktiprade śive //
"Listen, tigers among kings, to what I have to say, concerning this excellent, holy, auspicious field that bestows both enjoyment and liberation:
AI translation rendered from the Sanskrit, not a published edition
BrP 47.20
हयमेधं महायज्ञं प्रासादं चैव वैष्णवम् कथं शक्नोम्य् अहं कर्तुम् इति चिन्ताकुलं मनः ॥
hayamedhaṃ mahāyajñaṃ prāsādaṃ caiva vaiṣṇavam kathaṃ śaknomy ahaṃ kartum iti cintākulaṃ manaḥ //
'How can I be able to perform the great sacrifice of the horse, and also the temple of Viṣṇu?' — with this my mind is troubled by anxiety.
AI translation rendered from the Sanskrit, not a published edition
BrP 47.21
भवद्भिः सुसहायैस् तु सर्वम् एतत् करोम्य् अहम् यदि यूयं सहाया मे भवध्वं नृपसत्तमाः ॥
bhavadbhiḥ susahāyais tu sarvam etat karomy aham yadi yūyaṃ sahāyā me bhavadhvaṃ nṛpasattamāḥ //
But with you as good helpers I shall accomplish all this, if you, best of kings, will be my helpers."
AI translation rendered from the Sanskrit, not a published edition
BrP 47.22
इत्य् एवं वदमानस्य राजराजस्य धीमतः सर्वे प्रमुदिता हृष्टा भूपास् ते तस्य शासनात् ॥
ity evaṃ vadamānasya rājarājasya dhīmataḥ sarve pramuditā hṛṣṭā bhūpās te tasya śāsanāt //
When the wise king of kings had spoken thus, all those rulers of the earth were delighted and glad at his instruction,
AI translation rendered from the Sanskrit, not a published edition
BrP 47.23
ववृषुर् धनरत्नैश् च सुवर्णमणिमौक्तिकैः कम्बलाजिनरत्नैश् च राङ्कवास्तरणैः शुभैः ॥
vavṛṣur dhanaratnaiś ca suvarṇamaṇimauktikaiḥ kambalājinaratnaiś ca rāṅkavāstaraṇaiḥ śubhaiḥ //
and they showered (him) with riches and jewels, with gold, gems and pearls, with blankets, hides and precious things, and with fine woollen coverlets,
AI translation rendered from the Sanskrit, not a published edition
BrP 47.24
वज्रवैदूर्यमाणिक्यैः पद्मरागेन्द्रनीलकैः गजैर् अश्वैर् धनैश् चान्यै रथैश् चैव करेणुभिः ॥
vajravaidūryamāṇikyaiḥ padmarāgendranīlakaiḥ gajair aśvair dhanaiś cānyai rathaiś caiva kareṇubhiḥ //
with diamonds, beryls and rubies, with padmarāga gems and sapphires, with elephants, horses, other kinds of wealth, chariots, and cow-elephants,
AI translation rendered from the Sanskrit, not a published edition
BrP 47.25
असंख्येयैर् बहुविधैर् द्रव्यैर् उच्चावचैस् तथा शालिव्रीहियवैश् चैव माषमुद्गतिलैस् तथा ॥
asaṃkhyeyair bahuvidhair dravyair uccāvacais tathā śālivrīhiyavaiś caiva māṣamudgatilais tathā //
with countless goods of many kinds, high and low, and with śāli rice, ordinary rice and barley, and with black gram, mung beans and sesame,
AI translation rendered from the Sanskrit, not a published edition
BrP 47.26
सिद्धार्थचणकैश् चैव गोधूमैर् मसुरादिभिः श्यामाकैर् मधुकैश् चैव नीवारैः सकुलत्थकैः ॥
siddhārthacaṇakaiś caiva godhūmair masurādibhiḥ śyāmākair madhukaiś caiva nīvāraiḥ sakulatthakaiḥ //
and with white mustard and chickpeas, with wheat and lentils and the like, with śyāmāka millet and madhuka, with wild rice and horse gram,
AI translation rendered from the Sanskrit, not a published edition
BrP 47.27
अन्यैश् च विविधैर् धान्यैर् ग्राम्यारण्यैः सहस्रशः बहुधान्यसहस्राणां तण्डुलानां च राशिभिः ॥
anyaiś ca vividhair dhānyair grāmyāraṇyaiḥ sahasraśaḥ bahudhānyasahasrāṇāṃ taṇḍulānāṃ ca rāśibhiḥ //
and with other various grains, cultivated and wild, by the thousand, and with heaps of many thousands of grains and of husked rice,
AI translation rendered from the Sanskrit, not a published edition
BrP 47.28
गव्यस्य हविषः कुम्भैः शतशो ऽथ सहस्रशः तथान्यैर् विविधैर् द्रव्यैर् भक्ष्यभोज्यानुलेपनैः ॥
gavyasya haviṣaḥ kumbhaiḥ śataśo 'tha sahasraśaḥ tathānyair vividhair dravyair bhakṣyabhojyānulepanaiḥ //
with jars of cow's ghee for oblation, by hundreds and by thousands, and likewise with other various substances — foods to chew, foods to eat, and unguents.
AI translation rendered from the Sanskrit, not a published edition
BrP 47.29
राजानः पूरयाम् आसुर् यत् किंचिद् द्रव्यसंभवैः तान् दृष्ट्वा यज्ञसंभारान् सर्वसंपत्समन्वितान् ॥
rājānaḥ pūrayām āsur yat kiṃcid dravyasaṃbhavaiḥ tān dṛṣṭvā yajñasaṃbhārān sarvasaṃpatsamanvitān //
The kings filled (the place) with whatever supply of goods there was. Seeing those sacrificial materials, furnished with every abundance,
AI translation rendered from the Sanskrit, not a published edition
BrP 47.30
यज्ञकर्मविदो विप्रान् वेदवेदाङ्गपारगान् शास्त्रेषु निपुणान् दक्षान् कुशलान् सर्वकर्मसु ॥
yajñakarmavido viprān vedavedāṅgapāragān śāstreṣu nipuṇān dakṣān kuśalān sarvakarmasu //
and brahmins who knew the ritual of sacrifice, who had mastered the Vedas and the Vedāṅgas, skilled in the treatises, competent, expert in all the rites,
AI translation rendered from the Sanskrit, not a published edition
BrP 47.31
ऋषींश् चैव महर्षींश् च देवर्षींश् चैव तापसान् ब्रह्मचारिगृहस्थांश् च वानप्रस्थान् यतींस् तथा ॥
ṛṣīṃś caiva maharṣīṃś ca devarṣīṃś caiva tāpasān brahmacārigṛhasthāṃś ca vānaprasthān yatīṃs tathā //
and seers, great seers, divine seers, and ascetics, and students of the Veda, householders, forest-dwellers and renunciants,
AI translation rendered from the Sanskrit, not a published edition
BrP 47.32
स्नातकान् ब्राह्मणांश् चान्यान् अग्निहोत्रे सदा स्थितान् आचार्योपाध्यायवरान् स्वाध्यायतपसान्वितान् ॥
snātakān brāhmaṇāṃś cānyān agnihotre sadā sthitān ācāryopādhyāyavarān svādhyāyatapasānvitān //
and snātakas and other brahmins ever established in the agnihotra, and the foremost teachers and preceptors, endowed with Vedic recitation and austerity,
AI translation rendered from the Sanskrit, not a published edition
BrP 47.33
सदस्याञ् शास्त्रकुशलांस् तथान्यान् पावकान् बहून् दृष्ट्वा तान् नृपतिः श्रीमान् उवाच स्वं पुरोहितम् ॥
sadasyāñ śāstrakuśalāṃs tathānyān pāvakān bahūn dṛṣṭvā tān nṛpatiḥ śrīmān uvāca svaṃ purohitam //
and assembly-members skilled in the treatises, and many other pure men — seeing them, the illustrious king said to his own household priest:
AI translation rendered from the Sanskrit, not a published edition
BrP 47.34
ततः प्रयान्तु विद्वांसो ब्राह्मणा वेदपारगाः वाजिमेधार्थसिद्ध्यर्थं देशं पश्यन्तु यज्ञियम् ॥
tataḥ prayāntu vidvāṃso brāhmaṇā vedapāragāḥ vājimedhārthasiddhyarthaṃ deśaṃ paśyantu yajñiyam //
"Then let the learned brahmins who have mastered the Veda go forth; for the accomplishment of the purpose of the horse sacrifice, let them inspect a site fit for the sacrifice."
AI translation rendered from the Sanskrit, not a published edition
BrP 47.35
इत्य् उक्तः स तथा चक्रे वचनं तस्य भूपतेः हृष्टः स मन्त्रिभिः सार्धं तदा राजपुरोहितः ॥
ity uktaḥ sa tathā cakre vacanaṃ tasya bhūpateḥ hṛṣṭaḥ sa mantribhiḥ sārdhaṃ tadā rājapurohitaḥ //
Thus addressed, the king's household priest, glad, did accordingly, along with the ministers, (fulfilling) that word of the king.
AI translation rendered from the Sanskrit, not a published edition
BrP 47.36
ततो ययौ पुरोधाश् च प्राज्ञः स्थपतिभिः सह ब्राह्मणान् अग्रतः कृत्वा कुशलान् यज्ञकर्मणि ॥
tato yayau purodhāś ca prājñaḥ sthapatibhiḥ saha brāhmaṇān agrataḥ kṛtvā kuśalān yajñakarmaṇi //
Then the wise household priest went out together with the master builders, putting in front the brahmins expert in the ritual of sacrifice.
AI translation rendered from the Sanskrit, not a published edition
BrP 47.37
तं देशं धीवरग्रामं सप्रतोलिविटङ्किनम् कारयाम् आस विप्रो ऽसौ यज्ञवाटं यथाविधि ॥
taṃ deśaṃ dhīvaragrāmaṃ sapratoliviṭaṅkinam kārayām āsa vipro 'sau yajñavāṭaṃ yathāvidhi //
That place, the fishermen's village, that brahmin had made into a sacrificial enclosure according to rule, furnished with broad streets and turrets.
AI translation rendered from the Sanskrit, not a published edition — the model flagged this verse as uncertain
BrP 47.38
प्रासादशतसंबाधं मणिप्रवरशोभितम् इन्द्रसद्मनिभं रम्यं हेमरत्नविभूषितम् ॥
prāsādaśatasaṃbādhaṃ maṇipravaraśobhitam indrasadmanibhaṃ ramyaṃ hemaratnavibhūṣitam //
(It was) crowded with a hundred palaces, adorned with the finest gems, delightful, like the dwelling of Indra, decorated with gold and jewels.
AI translation rendered from the Sanskrit, not a published edition
BrP 47.39
स्तम्भान् कनकचित्रांश् च तोरणानि बृहन्ति च यज्ञायतनदेशेषु दत्त्वा शुद्धं च काञ्चनम् ॥
stambhān kanakacitrāṃś ca toraṇāni bṛhanti ca yajñāyatanadeśeṣu dattvā śuddhaṃ ca kāñcanam //
And (he had) pillars variegated with gold and lofty archways (made) in the places of the sacrificial hall, giving pure gold (for them).
AI translation rendered from the Sanskrit, not a published edition
BrP 47.40
अन्तःपुराणि राज्ञां च नानादेशनिवासिनाम् कारयाम् आस धर्मात्मा तत्र तत्र यथाविधि ॥
antaḥpurāṇi rājñāṃ ca nānādeśanivāsinām kārayām āsa dharmātmā tatra tatra yathāvidhi //
And that righteous one had inner apartments made for the kings dwelling in various countries, here and there, according to rule.
AI translation rendered from the Sanskrit, not a published edition
BrP 47.41
ब्राह्मणानां च वैश्यानां नानादेशसमीयुषाम् कारयाम् आस विधिवच् छालास् तत्राप्य् अनेकशः ॥
brāhmaṇānāṃ ca vaiśyānāṃ nānādeśasamīyuṣām kārayām āsa vidhivac chālās tatrāpy anekaśaḥ //
And for the brahmins and the vaiśyas who had come together from various countries he had halls made there too, many of them, in due form.
AI translation rendered from the Sanskrit, not a published edition
BrP 47.42
प्रियार्थं तस्य नृपतेर् आययुर् नृपसत्तमाः रत्नान्य् अनेकान्य् आदाय स्त्रियश् चाययुर् उत्सवे ॥
priyārthaṃ tasya nṛpater āyayur nṛpasattamāḥ ratnāny anekāny ādāya striyaś cāyayur utsave //
To please that king the best of rulers came, bringing many jewels, and their women too came to the festival.
AI translation rendered from the Sanskrit, not a published edition
BrP 47.43
तेषां निर्विशतां स्वेषु शिबिरेषु महात्मनाम् नदतः सागरस्येव दिविस्पृग् अभवद् ध्वनिः ॥
teṣāṃ nirviśatāṃ sveṣu śibireṣu mahātmanām nadataḥ sāgarasyeva divispṛg abhavad dhvaniḥ //
As those great-souled ones settled into their own camps, the noise rose touching heaven, like that of a roaring ocean.
AI translation rendered from the Sanskrit, not a published edition
BrP 47.44
तेषाम् अभ्यागतानां च स राजा मुनिसत्तमाः व्यादिदेशायतनानि शय्याश् चाप्य् उपचारतः ॥
teṣām abhyāgatānāṃ ca sa rājā munisattamāḥ vyādideśāyatanāni śayyāś cāpy upacārataḥ //
And for those who had arrived, O best of sages, that king assigned lodgings and also beds, with attentive service.
AI translation rendered from the Sanskrit, not a published edition
BrP 47.45
भोजनानि विचित्राणि शालीक्षुयवगोरसैः उपेत्य नृपतिश्रेष्ठो व्यादिदेश स्वयं तदा ॥
bhojanāni vicitrāṇi śālīkṣuyavagorasaiḥ upetya nṛpatiśreṣṭho vyādideśa svayaṃ tadā //
Then that best of kings, coming (in person), himself assigned varied foods (made) with rice, sugarcane, barley and milk-products.
AI translation rendered from the Sanskrit, not a published edition
BrP 47.46
तथा तस्मिन् महायज्ञे बहवो ब्रह्मवादिनः ये च द्विजातिप्रवरास् तत्रासन् द्विजसत्तमाः ॥
tathā tasmin mahāyajñe bahavo brahmavādinaḥ ye ca dvijātipravarās tatrāsan dvijasattamāḥ //
Likewise at that great sacrifice there were many expounders of the Veda, and those who were foremost of the twice-born, O best of brahmins.
AI translation rendered from the Sanskrit, not a published edition
BrP 47.47
समाजग्मुः सशिष्यास् तान् प्रतिजग्राह पार्थिवः सर्वांश् च तान् अनुययौ यावद् आवसथान् इति ॥
samājagmuḥ saśiṣyās tān pratijagrāha pārthivaḥ sarvāṃś ca tān anuyayau yāvad āvasathān iti //
They assembled together with their pupils; the king received them, and he accompanied them all as far as their lodgings.
AI translation rendered from the Sanskrit, not a published edition
BrP 47.48
स्वयम् एव महातेजा दम्भं त्यक्त्वा नृपोत्तमः ततः कृत्वा स्वशिल्पं च शिल्पिनो ऽन्ये च ये तदा ॥
svayam eva mahātejā dambhaṃ tyaktvā nṛpottamaḥ tataḥ kṛtvā svaśilpaṃ ca śilpino 'nye ca ye tadā //
(He did so) himself, that greatly splendid best of kings, abandoning pretence; then, having each done his own craft, the craftsmen and the others who were there at that time,
AI translation rendered from the Sanskrit, not a published edition — the model flagged this verse as uncertain
BrP 47.49
कृत्स्नं यज्ञविधिं राज्ञे तदा तस्मै न्यवेदयन् ततः श्रुत्वा नृपश्रेष्ठः कृतं सर्वम् अतन्द्रितः हृष्टरोमाभवद् राजा सह मन्त्रिभिर् अच्युतः ॥
kṛtsnaṃ yajñavidhiṃ rājñe tadā tasmai nyavedayan tataḥ śrutvā nṛpaśreṣṭhaḥ kṛtaṃ sarvam atandritaḥ hṛṣṭaromābhavad rājā saha mantribhir acyutaḥ //
they then reported to that king the whole arrangement of the sacrifice; then, hearing that everything had been done, that best of kings, unwearied, the unfailing one, became thrilled with joy, he and his counsellors.
AI translation rendered from the Sanskrit, not a published edition
BrP 47.50
तस्मिन् यज्ञे प्रवृत्ते तु वाग्मिनो हेतुवादिभिः हेतुवादान् बहून् आहुः परस्परजिगीषवः ॥
tasmin yajñe pravṛtte tu vāgmino hetuvādibhiḥ hetuvādān bahūn āhuḥ parasparajigīṣavaḥ //
But when that sacrifice had begun, the eloquent ones, desiring to defeat one another, uttered many argued disputations with the disputants.
AI translation rendered from the Sanskrit, not a published edition
BrP 47.51
देवेन्द्रस्येव विहितं राजसिंहेन भो द्विजाः ददृशुस् तोरणान्य् अत्र शातकुम्भमयानि च ॥
devendrasyeva vihitaṃ rājasiṃhena bho dvijāḥ dadṛśus toraṇāny atra śātakumbhamayāni ca //
O brahmins, (it was) arranged by that lion among kings as if (it were) Indra's own; and there they saw archways made of gold.
AI translation rendered from the Sanskrit, not a published edition
BrP 47.52
शय्यासनविकारांश् च सुबहून् रत्नसंचयान् घटपात्रीकटाहानि कलशान् वर्धमानकान् ॥
śayyāsanavikārāṃś ca subahūn ratnasaṃcayān ghaṭapātrīkaṭāhāni kalaśān vardhamānakān //
And very many varieties of beds and seats, heaps of jewels, jars, dishes, cauldrons, pitchers and vessels of the vardhamānaka shape,
AI translation rendered from the Sanskrit, not a published edition
BrP 47.53
नहि कश्चिद् असौवर्णम् अपश्यद् वसुधाधिपः यूपांश् च शास्त्रपठितान् दारवान् हेमभूषितान् ॥
nahi kaścid asauvarṇam apaśyad vasudhādhipaḥ yūpāṃś ca śāstrapaṭhitān dāravān hemabhūṣitān //
indeed no lord of the earth saw anything that was not of gold; and the sacrificial posts, of wood, as prescribed in the treatises, adorned with gold,
AI translation rendered from the Sanskrit, not a published edition
BrP 47.54
उपक्षिप्तान् यथाकालं विधिवद् भूरिवर्चसः स्थलजा जलजा ये च पशवः केचन द्विजाः ॥
upakṣiptān yathākālaṃ vidhivad bhūrivarcasaḥ sthalajā jalajā ye ca paśavaḥ kecana dvijāḥ //
(they saw) set up at the proper time, in due form, of abundant lustre; and whatever animals there are, born on land or born in water, O brahmins,
AI translation rendered from the Sanskrit, not a published edition
BrP 47.55
सर्वान् एव समानीतान् अपश्यंस् तत्र ते नृपाः गाश् चैव महिषीश् चैव तथा वृद्धस्त्रियो ऽपि च ॥
sarvān eva samānītān apaśyaṃs tatra te nṛpāḥ gāś caiva mahiṣīś caiva tathā vṛddhastriyo 'pi ca //
those kings there saw them all brought together — cows and buffalo-cows, and likewise aged women too,
AI translation rendered from the Sanskrit, not a published edition — the model flagged this verse as uncertain
BrP 47.56
औदकानि च सत्त्वानि श्वापदानि वयांसि च जरायुजाण्डजातानि स्वेदजान्य् उद्भिदानि च ॥
audakāni ca sattvāni śvāpadāni vayāṃsi ca jarāyujāṇḍajātāni svedajāny udbhidāni ca //
and water creatures, beasts of prey and birds, those born from a womb, born from eggs, born from sweat, and those sprouting up (from the earth),
AI translation rendered from the Sanskrit, not a published edition
BrP 47.57
पर्वतान्य् उपधान्यानि भूतानि ददृशुश् च ते एवं प्रमुदितं सर्वं पशुतो धनधान्यतः ॥
parvatāny upadhānyāni bhūtāni dadṛśuś ca te evaṃ pramuditaṃ sarvaṃ paśuto dhanadhānyataḥ //
And they saw the mountains, the (foods) fit to be eaten, and the creatures — all of it thus delighted, (rich) in cattle, in wealth and in grain.
AI translation rendered from the Sanskrit, not a published edition — the model flagged this verse as uncertain
BrP 47.58
यज्ञवाटं नृपा दृष्ट्वा विस्मयं परमं गताः ब्राह्मणानां विशां चैव बहुमिष्टान्नम् ऋद्धिमत् ॥
yajñavāṭaṃ nṛpā dṛṣṭvā vismayaṃ paramaṃ gatāḥ brāhmaṇānāṃ viśāṃ caiva bahumiṣṭānnam ṛddhimat //
Seeing the sacrificial enclosure, the kings fell into the highest astonishment (at seeing) the abundant sweet food, richly supplied, of the brahmins and of the common people.
AI translation rendered from the Sanskrit, not a published edition
BrP 47.59
पूर्णे शतसहस्रे तु विप्राणां तत्र भुञ्जताम् दुन्दुभिर् मेघनिर्घोषान् मुहुर्मुहुर् अथाकरोत् ॥
pūrṇe śatasahasre tu viprāṇāṃ tatra bhuñjatām dundubhir meghanirghoṣān muhurmuhur athākarot //
When a full hundred thousand of the brahmins were eating there, the drum again and again gave forth sounds like thunderclouds.
AI translation rendered from the Sanskrit, not a published edition
BrP 47.60
विननादासकृच् चापि दिवसे दिवसे गते एवं स ववृधे यज्ञस् तस्य राज्ञस् तु धीमतः ॥
vinanādāsakṛc cāpi divase divase gate evaṃ sa vavṛdhe yajñas tasya rājñas tu dhīmataḥ //
And it resounded repeatedly as day after day passed; thus that sacrifice of that wise king grew.
AI translation rendered from the Sanskrit, not a published edition
BrP 47.61
अन्नस्य सुबहून् विप्रा उत्सर्गान् निर्गतोपमान् दधिकुल्याश् च ददृशुः पयसश् च ह्रदांस् तथा ॥
annasya subahūn viprā utsargān nirgatopamān dadhikulyāś ca dadṛśuḥ payasaś ca hradāṃs tathā //
The brahmins saw very many outpourings of food, like (streams) flowing forth, and rivers of curds and lakes of milk.
AI translation rendered from the Sanskrit, not a published edition
BrP 47.62
जम्बूद्वीपो हि सकलो नानाजनपदैर् युतः द्विजाश् च तत्र दृश्यन्ते राज्ञस् तस्य महामखे ॥
jambūdvīpo hi sakalo nānājanapadair yutaḥ dvijāś ca tatra dṛśyante rājñas tasya mahāmakhe //
Indeed the whole of Jambūdvīpa, together with its various regions, and the twice-born too, were seen there at that king's great sacrifice.
AI translation rendered from the Sanskrit, not a published edition
BrP 47.63
तत्र यानि सहस्राणि पुरुषाणां ततस् ततः गृहीत्वा भाजनं जग्मुर् बहूनि द्विजसत्तमाः ॥
tatra yāni sahasrāṇi puruṣāṇāṃ tatas tataḥ gṛhītvā bhājanaṃ jagmur bahūni dvijasattamāḥ //
O best of the twice-born, the many thousands of men who were there took vessels and went about from place to place.
AI translation rendered from the Sanskrit, not a published edition
BrP 47.64
श्राविणश् चापि ते सर्वे सुमृष्टमणिकुण्डलाः पर्यवेषयन् द्विजातीञ् शतशो ऽथ सहस्रशः ॥
śrāviṇaś cāpi te sarve sumṛṣṭamaṇikuṇḍalāḥ paryaveṣayan dvijātīñ śataśo 'tha sahasraśaḥ //
And all of them, attentive (to orders), wearing well-polished jewelled earrings, served the twice-born by hundreds and by thousands.
AI translation rendered from the Sanskrit, not a published edition — the model flagged this verse as uncertain
BrP 47.65
विविधान्य् अनुपानानि पुरुषा ये ऽनुयायिनः ते वै नृपोपभोज्यानि ब्राह्मणेभ्यो ददुः सह ॥
vividhāny anupānāni puruṣā ye 'nuyāyinaḥ te vai nṛpopabhojyāni brāhmaṇebhyo daduḥ saha //
The men who were attendants gave to the brahmins, along (with the food), various drinks such as are enjoyed by kings.
AI translation rendered from the Sanskrit, not a published edition
BrP 47.66
समागतान् वेदविदो राज्ञश् च पृथिवीश्वरान् पूजां चक्रे तदा तेषां विधिवद् भूरिदक्षिणः ॥
samāgatān vedavido rājñaś ca pṛthivīśvarān pūjāṃ cakre tadā teṣāṃ vidhivad bhūridakṣiṇaḥ //
Then he of abundant sacrificial fees duly performed the honouring of those assembled knowers of the Veda and of the kings, lords of the earth.
AI translation rendered from the Sanskrit, not a published edition
BrP 47.67
दिग्देशाद् आगतान् राज्ञो महासंग्रामशालिनः नटनर्तककादींश् च गीतस्तुतिविशारदान् ॥
digdeśād āgatān rājño mahāsaṃgrāmaśālinaḥ naṭanartakakādīṃś ca gītastutiviśāradān //
(And of) the kings come from (every) quarter and country, distinguished in great battles, and the actors, dancers and the rest, skilled in song and praise.
AI translation rendered from the Sanskrit, not a published edition
BrP 47.68
पत्न्यो मनोरमास् तस्य पीनोन्नतपयोधराः इन्दीवरपलाशाक्ष्यः शरच्चन्द्रनिभाननाः ॥
patnyo manoramās tasya pīnonnatapayodharāḥ indīvarapalāśākṣyaḥ śaraccandranibhānanāḥ //
His delightful wives, with full high breasts, with eyes (like) blue-lotus petals, with faces resembling the autumn moon,
AI translation rendered from the Sanskrit, not a published edition
BrP 47.69
कुलशीलगुणोपेताः सहस्रैकं शताधिकम् एवं तद्भूपपरमपत्नीगणसमन्वितम् ॥
kulaśīlaguṇopetāḥ sahasraikaṃ śatādhikam evaṃ tadbhūpaparamapatnīgaṇasamanvitam //
endowed with (good) family, character and virtues, one thousand and a hundred more — thus (the assembly) was attended by that king's throng of chief wives,
AI translation rendered from the Sanskrit, not a published edition
BrP 47.70
रत्नमालाकुलं दिव्यं पताकाध्वजसेवितम् रत्नहारयुतं रम्यं चन्द्रकान्तिसमप्रभम् ॥
ratnamālākulaṃ divyaṃ patākādhvajasevitam ratnahārayutaṃ ramyaṃ candrakāntisamaprabham //
crowded with jewel-garlands, divine, graced with banners and flags, hung with jewelled necklaces, lovely, with a radiance equal to the moon's light,
AI translation rendered from the Sanskrit, not a published edition
BrP 47.71
करिणः पर्वताकारान् मदसिक्तान् महाबलान् शतशः कोटिसंघातैर् दन्तिभिर् दन्तभूषणैः ॥
kariṇaḥ parvatākārān madasiktān mahābalān śataśaḥ koṭisaṃghātair dantibhir dantabhūṣaṇaiḥ //
(and with) elephants shaped like mountains, streaming with rut-fluid, of great strength, by hundreds — with tusked beasts in aggregates of crores, adorned with (ornamented) tusks,
AI translation rendered from the Sanskrit, not a published edition
BrP 47.72
वातवेगजवैर् अश्वैः सिन्धुजातैः सुशोभनैः श्वेताश्वैः श्यामकर्णैश् च कोट्यनेकैर् जवान्वितैः ॥
vātavegajavair aśvaiḥ sindhujātaiḥ suśobhanaiḥ śvetāśvaiḥ śyāmakarṇaiś ca koṭyanekair javānvitaiḥ //
with horses swift as the speed of the wind, bred in Sindhu, very handsome, white horses with dark ears, many crores of them, endowed with speed,
AI translation rendered from the Sanskrit, not a published edition
BrP 47.73
संनद्धबद्धकक्षैश् च नानाप्रहरणोद्यतैः असंख्येयैः पदातैश् च देवपुत्रोपमैस् तथा ॥
saṃnaddhabaddhakakṣaiś ca nānāpraharaṇodyataiḥ asaṃkhyeyaiḥ padātaiś ca devaputropamais tathā //
and with footsoldiers armoured and with girded loins, raising various weapons, countless, resembling sons of the gods.
AI translation rendered from the Sanskrit, not a published edition
BrP 47.74
इत्य् एवं ददृशे राजा यज्ञसंभारविस्तरम् मुदं लेभे तदा राजा संहृष्टो वाक्यम् अब्रवीत् ॥
ity evaṃ dadṛśe rājā yajñasaṃbhāravistaram mudaṃ lebhe tadā rājā saṃhṛṣṭo vākyam abravīt //
Thus the king surveyed the whole extent of the sacrificial provision; then the king obtained joy, and delighted he spoke these words:
AI translation rendered from the Sanskrit, not a published edition
BrP 47.75
आनयध्वं हयश्रेष्ठं सर्वलक्षणलक्षितम् चारयध्वं पृथिव्यां वै राजपुत्राः सुसंयताः ॥
ānayadhvaṃ hayaśreṣṭhaṃ sarvalakṣaṇalakṣitam cārayadhvaṃ pṛthivyāṃ vai rājaputrāḥ susaṃyatāḥ //
"Bring the best of horses, marked with all the (auspicious) marks; and you, princes, well restrained, let it roam over the earth.
AI translation rendered from the Sanskrit, not a published edition
BrP 47.76
विद्वद्भिर् धर्मविद्भिश् च अत्र होमो विधीयताम् कृष्णच्छागं च महिषं कृष्णसारमृगं द्विजान् ॥
vidvadbhir dharmavidbhiś ca atra homo vidhīyatām kṛṣṇacchāgaṃ ca mahiṣaṃ kṛṣṇasāramṛgaṃ dvijān //
Let the oblation here be prescribed by the learned who know the law: a black goat, a buffalo, a black antelope, (and) the twice-born—
AI translation rendered from the Sanskrit, not a published edition — the model flagged this verse as uncertain
BrP 47.77
अनड्वाहं च गाश् चैव सर्वांश् च पशुपालकान् इष्टयश् च प्रवर्तन्तां प्रासादं वैष्णवं ततः ॥
anaḍvāhaṃ ca gāś caiva sarvāṃś ca paśupālakān iṣṭayaś ca pravartantāṃ prāsādaṃ vaiṣṇavaṃ tataḥ //
(Let there be given) an ox and cows and all the herdsmen; and let the iṣṭi offerings proceed, and then a temple of Viṣṇu.
AI translation rendered from the Sanskrit, not a published edition — the model flagged this verse as uncertain
BrP 47.78
सर्वम् एतच् च विप्रेभ्यो दीयतां मनसेप्सितम् स्त्रियश् च रत्नकोट्यश् च ग्रामाश् च नगराणि च ॥
sarvam etac ca viprebhyo dīyatāṃ manasepsitam striyaś ca ratnakoṭyaś ca grāmāś ca nagarāṇi ca //
And let all this be given to the brahmins, whatever is desired in the mind: women, and crores of jewels, and villages and cities.
AI translation rendered from the Sanskrit, not a published edition
BrP 47.79
सम्यक् समृद्धभूम्यश् च विषयाश् चैवम् अर्थिनाम् अन्यानि द्रव्यजातानि मनोज्ञानि बहूनि च ॥
samyak samṛddhabhūmyaś ca viṣayāś caivam arthinām anyāni dravyajātāni manojñāni bahūni ca //
And well-prospering lands and districts, thus, for those who ask; and other kinds of goods, many and pleasing to the mind.
AI translation rendered from the Sanskrit, not a published edition
BrP 47.80
सर्वेषां याचमानानां नास्ति ह्य् एतन् न भाषयेत् तावत् प्रवर्ततां यज्ञो यावद् देवः पुरा त्व् इह प्रत्यक्षं मम चाभ्येति यज्ञस्यास्य समीपतः ॥
sarveṣāṃ yācamānānāṃ nāsti hy etan na bhāṣayet tāvat pravartatāṃ yajño yāvad devaḥ purā tv iha pratyakṣaṃ mama cābhyeti yajñasyāsya samīpataḥ //
Of all those who beg, let no one say 'this is not (to be had)'; let the sacrifice proceed until the god comes here before me in person, close to this sacrifice.
AI translation rendered from the Sanskrit, not a published edition — the model flagged this verse as uncertain
BrP 47.81
एवम् उक्त्वा तदा विप्रा राजसिंहो महाभुजः ददौ सुवर्णसंघातं कोटीनां चैव भूषणम् ॥
evam uktvā tadā viprā rājasiṃho mahābhujaḥ dadau suvarṇasaṃghātaṃ koṭīnāṃ caiva bhūṣaṇam //
Having spoken thus, O brahmins, the lion among kings, the mighty-armed one, then gave a mass of gold and ornaments by the crore.
AI translation rendered from the Sanskrit, not a published edition
BrP 47.82
करेणुशतसाहस्रं वाजिनो नियुतानि च अर्बुदं चैव वृषभं स्वर्णशृङ्गीश् च धेनुकाः ॥
kareṇuśatasāhasraṃ vājino niyutāni ca arbudaṃ caiva vṛṣabhaṃ svarṇaśṛṅgīś ca dhenukāḥ //
A hundred thousand female elephants, and myriads of horses, and a hundred million bulls, and milch cows with gilded horns—
AI translation rendered from the Sanskrit, not a published edition
BrP 47.83
सुरूपाः सुरभीश् चैव कांस्यदोहाः पयस्विनीः प्रायच्छत् स तु विप्रेभ्यो वेदविद्भ्यो मुदा युतः ॥
surūpāḥ surabhīś caiva kāṃsyadohāḥ payasvinīḥ prāyacchat sa tu viprebhyo vedavidbhyo mudā yutaḥ //
fair-formed, fragrant, yielding milk into bronze pails, rich in milk—these he bestowed on the brahmins who know the Vedas, filled with joy.
AI translation rendered from the Sanskrit, not a published edition
BrP 47.84
वासांसि च महार्हाणि राङ्कवास्तरणानि च सुशुक्लानि च शुभ्राणि प्रवालमणिम् उत्तमम् ॥
vāsāṃsi ca mahārhāṇi rāṅkavāstaraṇāni ca suśuklāni ca śubhrāṇi pravālamaṇim uttamam //
And costly garments and coverlets of rāṅkava wool, very white and bright, and the finest coral gem—
AI translation rendered from the Sanskrit, not a published edition
BrP 47.85
अददात् स महायज्ञे रत्नानि विविधानि च ॥
adadāt sa mahāyajñe ratnāni vividhāni ca //
these he gave at the great sacrifice, and jewels of many kinds.
AI translation rendered from the Sanskrit, not a published edition
BrP 47.86
वज्रवैदूर्यमाणिक्यमुक्तिकाद्यानि यानि च अलंकारवतीः शुभ्राः कन्या राजीवलोचनाः ॥
vajravaidūryamāṇikyamuktikādyāni yāni ca alaṃkāravatīḥ śubhrāḥ kanyā rājīvalocanāḥ //
And whatever there was of diamonds, beryls, rubies, pearls and the rest; and bright maidens adorned with ornaments, with eyes like blue lotuses—
AI translation rendered from the Sanskrit, not a published edition
BrP 47.87
शतानि पञ्च विप्रेभ्यो राजा हृष्टः प्रदत्तवान् स्त्रियः पीनपयोभाराः कञ्चुकैः स्वस्तनावृताः ॥
śatāni pañca viprebhyo rājā hṛṣṭaḥ pradattavān striyaḥ pīnapayobhārāḥ kañcukaiḥ svastanāvṛtāḥ //
five hundred of them the king, delighted, gave to the brahmins; women with the burden of their full breasts covered by their bodices,
AI translation rendered from the Sanskrit, not a published edition
BrP 47.88
मध्यहीनाश् च सुश्रोण्यः पद्मपत्त्रायतेक्षणाः हावभावान्वितग्रीवा बह्व्यो वलयभूषिताः ॥
madhyahīnāś ca suśroṇyaḥ padmapattrāyatekṣaṇāḥ hāvabhāvānvitagrīvā bahvyo valayabhūṣitāḥ //
slender-waisted and fair-hipped, with eyes long as lotus petals, their necks full of amorous gestures and expressions—many of them, adorned with bracelets,
AI translation rendered from the Sanskrit, not a published edition
BrP 47.89
पादनूपुरसंयुक्ताः पट्टदुकूलवाससः एकैकशो ऽददात् तस्मिन् काम्याश् च कामिनीर् बहूः ॥
pādanūpurasaṃyuktāḥ paṭṭadukūlavāsasaḥ ekaikaśo 'dadāt tasmin kāmyāś ca kāminīr bahūḥ //
fitted with anklets on their feet, clothed in silk and fine linen—one by one he gave, at that (sacrifice), many desirable and loving women.
AI translation rendered from the Sanskrit, not a published edition
BrP 47.90
अर्थिभ्यो ब्राह्मणादिभ्यो हयमेधे द्विजोत्तमाः भक्ष्यं भोज्यं च संपूर्णं नानासंभारसंयुतम् ॥
arthibhyo brāhmaṇādibhyo hayamedhe dvijottamāḥ bhakṣyaṃ bhojyaṃ ca saṃpūrṇaṃ nānāsaṃbhārasaṃyutam //
To the suppliants, brahmins and others, at the horse sacrifice, O best of the twice-born, (he gave) food to chew and food to eat, in full measure, provided with various accompaniments:
AI translation rendered from the Sanskrit, not a published edition
BrP 47.91
खण्डकाद्यान्य् अनेकानि स्विन्नपक्वांश् च पिष्टकान् अन्नान्य् अन्यानि मेध्यांश् च घृतपूरांश् च खाण्डवान् ॥
khaṇḍakādyāny anekāni svinnapakvāṃś ca piṣṭakān annāny anyāni medhyāṃś ca ghṛtapūrāṃś ca khāṇḍavān //
many sweetmeats and the like, and cakes steamed and baked, and other pure foods, and ghee-filled pastries and sugar confections,
AI translation rendered from the Sanskrit, not a published edition
BrP 47.92
मधुरांस् तर्जितान् पूपान् अन्नं मृष्टं सुपाकिकम् प्रीत्यर्थं सर्वसत्त्वानां दीयते ऽन्नं पुनः पुनः ॥
madhurāṃs tarjitān pūpān annaṃ mṛṣṭaṃ supākikam prītyarthaṃ sarvasattvānāṃ dīyate 'nnaṃ punaḥ punaḥ //
and sweet fried cakes, and food that was savoury and well cooked; for the pleasure of all beings food was given again and again.
AI translation rendered from the Sanskrit, not a published edition
BrP 47.93
दत्तस्य दीयमानस्य धनस्यान्तो न विद्यते एवं दृष्ट्वा महायज्ञं देवदैत्याः सवारणाः ॥
dattasya dīyamānasya dhanasyānto na vidyate evaṃ dṛṣṭvā mahāyajñaṃ devadaityāḥ savāraṇāḥ //
There was no end to the wealth given and being given. Seeing the great sacrifice thus, the gods and demons together with their elephants,
AI translation rendered from the Sanskrit, not a published edition
BrP 47.94
गन्धर्वाप्सरसः सिद्धा ऋषयश् च प्रजेश्वराः विस्मयं परमं याता दृष्ट्वा क्रतुवरं शुभम् ॥
gandharvāpsarasaḥ siddhā ṛṣayaś ca prajeśvarāḥ vismayaṃ paramaṃ yātā dṛṣṭvā kratuvaraṃ śubham //
the gandharvas and apsarases, the siddhas and the seers and the lords of creatures, were filled with the utmost amazement on seeing that auspicious, best of rites.
AI translation rendered from the Sanskrit, not a published edition
BrP 47.95
पुरोधा मन्त्रिणो राजा हृष्टास् तत्रैव सर्वशः न तत्र मलिनः कश्चिन् न दीनो न क्षुधान्वितः ॥
purodhā mantriṇo rājā hṛṣṭās tatraiva sarvaśaḥ na tatra malinaḥ kaścin na dīno na kṣudhānvitaḥ //
The chief priest, the ministers, and the king were delighted there in every way. No one there was unclean, none wretched, none afflicted with hunger.
AI translation rendered from the Sanskrit, not a published edition
BrP 47.96
न वोपसर्गो न ग्लानिर् नाधयो व्याधयस् तथा नाकालमरणं तत्र न दंशो न ग्रहा विषम् ॥
na vopasargo na glānir nādhayo vyādhayas tathā nākālamaraṇaṃ tatra na daṃśo na grahā viṣam //
Nor was there any calamity, nor weariness, nor mental ailments, nor bodily diseases; there was no untimely death there, no biting insect, no malignant planets, no poison.
AI translation rendered from the Sanskrit, not a published edition
BrP 47.97
हृष्टपुष्टजनाः सर्वे तस्मिन् राज्ञो महोत्सवे ये च तत्र तपःसिद्धा मुनयश् चिरजीविनः ॥
hṛṣṭapuṣṭajanāḥ sarve tasmin rājño mahotsave ye ca tatra tapaḥsiddhā munayaś cirajīvinaḥ //
All the people at that great festival of the king were joyful and well-fed, as were the sages there, perfected in austerity and long-lived.
AI translation rendered from the Sanskrit, not a published edition
BrP 47.98
न जातं तादृशं यज्ञं धनधान्यसमन्वितम् एवं स राजा विधिवद् वाजिमेधं द्विजोत्तमाः क्रतुं समापयाम् आस प्रासादं वैष्णवं तथा ॥
na jātaṃ tādṛśaṃ yajñaṃ dhanadhānyasamanvitam evaṃ sa rājā vidhivad vājimedhaṃ dvijottamāḥ kratuṃ samāpayām āsa prāsādaṃ vaiṣṇavaṃ tathā //
No such sacrifice, furnished with wealth and grain, had ever taken place. Thus that king, O best of twice-born ones, duly completed the horse-sacrifice rite, and likewise the temple of Viṣṇu.
AI translation rendered from the Sanskrit, not a published edition