Brahma Purana — Chapter 46
BrP 46.1
श्रोतुम् इच्छामहे देव कथाशेषं महीपतेः तस्मिन् क्षेत्रवरे गत्वा किं चकार नराधिपः ॥
śrotum icchāmahe deva kathāśeṣaṃ mahīpateḥ tasmin kṣetravare gatvā kiṃ cakāra narādhipaḥ //
We wish to hear, O god, the remainder of the story of the lord of the earth: having gone to that most excellent field, what did the king of men do?
AI translation rendered from the Sanskrit, not a published edition
BrP 46.2
शृणुध्वं मुनिशार्दूलाः प्रवक्ष्यामि समासतः क्षेत्रसंदर्शनं चैव कृत्यं तस्य च भूपतेः ॥
śṛṇudhvaṃ muniśārdūlāḥ pravakṣyāmi samāsataḥ kṣetrasaṃdarśanaṃ caiva kṛtyaṃ tasya ca bhūpateḥ //
Listen, O tigers among sages; I shall tell it in brief—the viewing of the field and the deed of that lord of the earth.
AI translation rendered from the Sanskrit, not a published edition
BrP 46.3
गत्वा तत्र महीपालः क्षेत्रे त्रैलोक्यविश्रुते ददर्श रमणीयानि स्थानानि सरितस् तथा ॥
gatvā tatra mahīpālaḥ kṣetre trailokyaviśrute dadarśa ramaṇīyāni sthānāni saritas tathā //
Having gone there, to the field renowned in the three worlds, the protector of the earth saw delightful places and rivers as well.
AI translation rendered from the Sanskrit, not a published edition
BrP 46.4
नदी तत्र महापुण्या विन्ध्यपादविनिर्गता स्वित्त्रोपलेति विख्याता सर्वपापहरा शिवा ॥
nadī tatra mahāpuṇyā vindhyapādavinirgatā svittropaleti vikhyātā sarvapāpaharā śivā //
There is a river there of great merit, issuing from the foot of the Vindhya, known as Svittropalā, remover of all sins, auspicious.
AI translation rendered from the Sanskrit, not a published edition
BrP 46.5
गङ्गातुल्या महास्रोता दक्षिणार्णवगामिनी महानदीति नाम्ना सा पुण्यतोया सरिद्वरा ॥
gaṅgātulyā mahāsrotā dakṣiṇārṇavagāminī mahānadīti nāmnā sā puṇyatoyā saridvarā //
Equal to the Ganges, with a great current, flowing to the southern sea, that best of rivers with holy water is called by the name Mahānadī.
AI translation rendered from the Sanskrit, not a published edition
BrP 46.6
दक्षिणस्योदधेर् गर्भं गतावर्तातिशोभिता उभयोस् तटयोर् यस्या ग्रामाश् च नगराणि च ॥
dakṣiṇasyodadher garbhaṃ gatāvartātiśobhitā ubhayos taṭayor yasyā grāmāś ca nagarāṇi ca //
Reaching the womb of the southern ocean, greatly adorned with whirlpools, on both of whose banks there are villages and cities,
AI translation rendered from the Sanskrit, not a published edition
BrP 46.7
दृश्यन्ते मुनिशार्दूलाः सुसस्याः सुमनोहराः हृष्टपुष्टजनाकीर्णा वस्त्रालंकारभूषिताः ॥
dṛśyante muniśārdūlāḥ susasyāḥ sumanoharāḥ hṛṣṭapuṣṭajanākīrṇā vastrālaṃkārabhūṣitāḥ //
(They) are seen, O tigers among sages, rich in crops and most delightful, thronged with joyful, well-fed people adorned with garments and ornaments.
AI translation rendered from the Sanskrit, not a published edition
BrP 46.8
ब्राह्मणाः क्षत्रिया वैश्याः शूद्रास् तत्र पृथक् पृथक् स्वधर्मनिरताः शान्ता दृश्यन्ते शुभलक्षणाः ॥
brāhmaṇāḥ kṣatriyā vaiśyāḥ śūdrās tatra pṛthak pṛthak svadharmaniratāḥ śāntā dṛśyante śubhalakṣaṇāḥ //
Brahmins, Kshatriyas, Vaishyas and Shudras there, each separately, devoted to their own duty, tranquil, are seen with auspicious marks.
AI translation rendered from the Sanskrit, not a published edition
BrP 46.9
ताम्बूलपूर्णवदना मालादामविभूषिताः वेदपूर्णमुखा विप्राः सषडङ्गपदक्रमाः ॥
tāmbūlapūrṇavadanā mālādāmavibhūṣitāḥ vedapūrṇamukhā viprāḥ saṣaḍaṅgapadakramāḥ //
With mouths full of betel, adorned with garlands and wreaths, the brahmins have mouths full of the Veda, (versed) in the six auxiliary sciences together with the pada and krama recitations.
AI translation rendered from the Sanskrit, not a published edition
BrP 46.10
अग्निहोत्ररताः केचित् केचिद् औपासनक्रियाः सर्वशास्त्रार्थकुशला यज्वानो भूरिदक्षिणाः ॥
agnihotraratāḥ kecit kecid aupāsanakriyāḥ sarvaśāstrārthakuśalā yajvāno bhūridakṣiṇāḥ //
Some are devoted to the agnihotra, some to the domestic-fire rites; skilled in the meaning of all the treatises, performers of sacrifices, givers of abundant fees.
AI translation rendered from the Sanskrit, not a published edition
BrP 46.11
चत्वारे राजमार्गेषु वनेषूपवनेषु च सभामण्डलहर्म्येषु देवतायतनेषु च ॥
catvāre rājamārgeṣu vaneṣūpavaneṣu ca sabhāmaṇḍalaharmyeṣu devatāyataneṣu ca //
At the crossroads, on the royal highways, in the forests and the pleasure-groves, in the assembly halls, pavilions and mansions, and in the temples of the gods—
AI translation rendered from the Sanskrit, not a published edition
BrP 46.12
इतिहासपुराणानि वेदाः साङ्गाः सुलक्षणाः काव्यशास्त्रकथास् तत्र श्रूयन्ते च महाजनैः ॥
itihāsapurāṇāni vedāḥ sāṅgāḥ sulakṣaṇāḥ kāvyaśāstrakathās tatra śrūyante ca mahājanaiḥ //
the epics and Purāṇas, the Vedas with their auxiliaries and their fine characteristics, and discourses on poetry and on the sciences are heard there, (recited) by great people.
AI translation rendered from the Sanskrit, not a published edition
BrP 46.13
स्त्रियस् तद्देशवासिन्यो रूपयौवनगर्विताः संपूर्णलक्षणोपेता विस्तीर्णश्रोणिमण्डलाः ॥
striyas taddeśavāsinyo rūpayauvanagarvitāḥ saṃpūrṇalakṣaṇopetā vistīrṇaśroṇimaṇḍalāḥ //
The women dwelling in that land, proud of their beauty and youth, are endowed with all the perfect marks, with broad, rounded hips.
AI translation rendered from the Sanskrit, not a published edition
BrP 46.14
सरोरुहमुखाः श्यामाः शरच्चन्द्रनिभाननाः पीनोन्नतस्तनाः सर्वाः समृद्ध्या चारुदर्शनाः ॥
saroruhamukhāḥ śyāmāḥ śaraccandranibhānanāḥ pīnonnatastanāḥ sarvāḥ samṛddhyā cārudarśanāḥ //
With faces like lotuses, dark-complexioned, their countenances like the autumn moon, all with full, high breasts, lovely to look upon in their abundance.
AI translation rendered from the Sanskrit, not a published edition
BrP 46.15
सौवर्णवलयाक्रान्ता दिव्यैर् वस्त्रैर् अलंकृताः कदलीगर्भसंकाशाः पद्मकिञ्जल्कसप्रभाः ॥
sauvarṇavalayākrāntā divyair vastrair alaṃkṛtāḥ kadalīgarbhasaṃkāśāḥ padmakiñjalkasaprabhāḥ //
Encircled with golden bracelets, adorned with divine garments, resembling the pith of the plantain, glowing like the filaments of a lotus.
AI translation rendered from the Sanskrit, not a published edition
BrP 46.16
बिम्बाधरपुटाः कान्ताः कर्णान्तायतलोचनाः सुमुखाश् चारुकेशाश् च हावभावावनामिताः ॥
bimbādharapuṭāḥ kāntāḥ karṇāntāyatalocanāḥ sumukhāś cārukeśāś ca hāvabhāvāvanāmitāḥ //
With lips like the bimba fruit, lovely, their eyes reaching to the ends of their ears, fair-faced and with beautiful hair, bent low with amorous gestures and moods.
AI translation rendered from the Sanskrit, not a published edition
BrP 46.17
काश्चित् पद्मपलाशाक्ष्यः काश्चिद् इन्दीवरेक्षणाः विद्युद्विस्पष्टदशनास् तन्वङ्ग्यश् च तथापराः ॥
kāścit padmapalāśākṣyaḥ kāścid indīvarekṣaṇāḥ vidyudvispaṣṭadaśanās tanvaṅgyaś ca tathāparāḥ //
Some with eyes like lotus petals, some with eyes like blue water-lilies, some with teeth flashing bright as lightning, and others slender-limbed.
AI translation rendered from the Sanskrit, not a published edition
BrP 46.18
कुटिलालकसंयुक्ताः सीमन्तेन विराजिताः ग्रीवाभरणसंयुक्ता माल्यदामविभूषिताः ॥
kuṭilālakasaṃyuktāḥ sīmantena virājitāḥ grīvābharaṇasaṃyuktā mālyadāmavibhūṣitāḥ //
Having curling locks, resplendent with the parting of the hair, wearing neck-ornaments, adorned with wreaths of garlands.
AI translation rendered from the Sanskrit, not a published edition
BrP 46.19
कुण्डलै रत्नसंयुक्तैः कर्णपूरैर् मनोहरैः देवयोषित्प्रतीकाशा दृश्यन्ते शुभलक्षणाः ॥
kuṇḍalai ratnasaṃyuktaiḥ karṇapūrair manoharaiḥ devayoṣitpratīkāśā dṛśyante śubhalakṣaṇāḥ //
With earrings set with jewels and with charming ear-ornaments, they are seen looking like the wives of the gods, marked with auspicious signs.
AI translation rendered from the Sanskrit, not a published edition
BrP 46.20
दिव्यगीतवरैर् धन्यैः क्रीडमाना वराङ्गनाः वीणावेणुमृदङ्गैश् च पणवैश् चैव गोमुखैः ॥
divyagītavarair dhanyaiḥ krīḍamānā varāṅganāḥ vīṇāveṇumṛdaṅgaiś ca paṇavaiś caiva gomukhaiḥ //
Lovely women playing with excellent, blessed divine songs, and with lutes, flutes and drums, with tabors and with gomukha horns,
AI translation rendered from the Sanskrit, not a published edition
BrP 46.21
शङ्खदुन्दुभिनिर्घोषैर् नानावाद्यैर् मनोहरैः क्रीडन्त्यस् ताः सदा हृष्टा विलासिन्यः परस्परम् ॥
śaṅkhadundubhinirghoṣair nānāvādyair manoharaiḥ krīḍantyas tāḥ sadā hṛṣṭā vilāsinyaḥ parasparam //
with the sounds of conches and kettledrums, with various delightful instruments—those playful women, always joyful, sport with one another.
AI translation rendered from the Sanskrit, not a published edition
BrP 46.22
एवमादि तथानेकगीतवाद्यविशारदाः दिवा रात्रौ समायुक्ताः कामोन्मत्ता वराङ्गनाः ॥
evamādi tathānekagītavādyaviśāradāḥ divā rātrau samāyuktāḥ kāmonmattā varāṅganāḥ //
With these and the like, and skilled likewise in many songs and instrumental musics, by day and by night the lovely women are joined together, mad with desire.
AI translation rendered from the Sanskrit, not a published edition
BrP 46.23
भिक्षुवैखानसैः सिद्धैः स्नातकैर् ब्रह्मचारिभिः मन्त्रसिद्धैस् तपःसिद्धैर् यज्ञसिद्धैर् निषेवितम् ॥
bhikṣuvaikhānasaiḥ siddhaiḥ snātakair brahmacāribhiḥ mantrasiddhais tapaḥsiddhair yajñasiddhair niṣevitam //
(That place is) frequented by mendicants and forest hermits, by Siddhas, by those who have completed their studentship, by celibate students, by those perfected in mantras, perfected in austerity, and perfected in sacrifice.
AI translation rendered from the Sanskrit, not a published edition
BrP 46.24
इत्य् एवं ददृशे राजा क्षेत्रं परमशोभनम् अत्रैवाराधयिष्यामि भगवन्तं सनातनम् ॥
ity evaṃ dadṛśe rājā kṣetraṃ paramaśobhanam atraivārādhayiṣyāmi bhagavantaṃ sanātanam //
Thus did the king behold that supremely beautiful sacred field: "Here indeed shall I worship the eternal Lord,
AI translation rendered from the Sanskrit, not a published edition
BrP 46.25
जगद्गुरुं परं देवं परं पारं परं पदम् सर्वेश्वरेश्वरं विष्णुम् अनन्तम् अपराजितम् ॥
jagadguruṃ paraṃ devaṃ paraṃ pāraṃ paraṃ padam sarveśvareśvaraṃ viṣṇum anantam aparājitam //
the teacher of the world, the supreme god, the supreme far shore, the supreme abode, the lord of all lords, Viṣṇu, the endless, the unconquered.
AI translation rendered from the Sanskrit, not a published edition
BrP 46.26
इदं तन्मानसं तीर्थं ज्ञातं मे पुरुषोत्तमम् कल्पवृक्षो महाकायो न्यग्रोधो यत्र तिष्ठति ॥
idaṃ tanmānasaṃ tīrthaṃ jñātaṃ me puruṣottamam kalpavṛkṣo mahākāyo nyagrodho yatra tiṣṭhati //
This is that sacred place of the mind (Mānasa tīrtha); I have recognized it as Puruṣottama, where the great-bodied banyan, the wish-granting tree, stands.
AI translation rendered from the Sanskrit, not a published edition
BrP 46.27
प्रतिमा चेन्द्रनीलाख्या स्वयं देवेन गोपिता न चात्र दृश्यते चान्या प्रतिमा वैष्णवी शुभा ॥
pratimā cendranīlākhyā svayaṃ devena gopitā na cātra dṛśyate cānyā pratimā vaiṣṇavī śubhā //
And the image called Indranīla has been hidden by the god himself; nor is any other auspicious Vaiṣṇava image to be seen here.
AI translation rendered from the Sanskrit, not a published edition
BrP 46.28
तथा यत्नं करिष्यामि यथा देवो जगत्पतिः प्रत्यक्षं मम चाभ्येति विष्णुः सत्यपराक्रमः ॥
tathā yatnaṃ kariṣyāmi yathā devo jagatpatiḥ pratyakṣaṃ mama cābhyeti viṣṇuḥ satyaparākramaḥ //
I shall make such effort that the god, the lord of the world, Viṣṇu of true prowess, comes into my sight in person.
AI translation rendered from the Sanskrit, not a published edition
BrP 46.29
यज्ञैर् दानैस् तपोभिश् च होमैर् ध्यानैस् तथार्चनैः उपवासैश् च विधिवच् चरेयं व्रतम् उत्तमम् ॥
yajñair dānais tapobhiś ca homair dhyānais tathārcanaiḥ upavāsaiś ca vidhivac careyaṃ vratam uttamam //
With sacrifices, gifts, austerities, oblations, meditations and worship, and with fasts, I shall duly carry out the highest vow.
AI translation rendered from the Sanskrit, not a published edition
BrP 46.30
अनन्यमनसा चैव तन्मना नान्यमानसः विष्ण्वायतनविन्यासे प्रारम्भं च करोम्य् अहम् ॥
ananyamanasā caiva tanmanā nānyamānasaḥ viṣṇvāyatanavinyāse prārambhaṃ ca karomy aham //
And with an undistracted mind, my thoughts on him, thinking of nothing else, I shall make a beginning on the laying out of a temple for Viṣṇu.
AI translation rendered from the Sanskrit, not a published edition