Brahma Purana — Chapter 45
BrP 45.1
तस्मिन् क्षेत्रवरे पुण्ये वैष्णवे पुरुषोत्तमे किं तत्र प्रतिमा पूर्वं न स्थिता वैष्णवी प्रभो ॥
tasmin kṣetravare puṇye vaiṣṇave puruṣottame kiṃ tatra pratimā pūrvaṃ na sthitā vaiṣṇavī prabho //
"In that best of holy fields, sacred to Viṣṇu, in Puruṣottama — was there no image of Viṣṇu standing there before, O lord?
AI translation rendered from the Sanskrit, not a published edition
BrP 45.2
येनासौ नृपतिस् तत्र गत्वा सबलवाहनः स्थापयाम् आस कृष्णं च रामं भद्रां शुभप्रदाम् ॥
yenāsau nṛpatis tatra gatvā sabalavāhanaḥ sthāpayām āsa kṛṣṇaṃ ca rāmaṃ bhadrāṃ śubhapradām //
—by reason of which that king, going there with his army and vehicles, installed Kṛṣṇa and Rāma and Bhadrā, the giver of good fortune.
AI translation rendered from the Sanskrit, not a published edition
BrP 45.3
संशयो नो महान् अत्र विस्मयश् च जगत्पते श्रोतुम् इच्छामहे सर्वं ब्रूहि तत्कारणं च नः ॥
saṃśayo no mahān atra vismayaś ca jagatpate śrotum icchāmahe sarvaṃ brūhi tatkāraṇaṃ ca naḥ //
Great is our doubt in this matter, and our astonishment too, O lord of the world; we wish to hear it all — tell us the reason for that."
AI translation rendered from the Sanskrit, not a published edition
BrP 45.4
शृणुध्वं पूर्वसंवृत्तां कथां पापप्रणाशिनीम् प्रवक्ष्यामि समासेन श्रिया पृष्टः पुरा हरिः ॥
śṛṇudhvaṃ pūrvasaṃvṛttāṃ kathāṃ pāpapraṇāśinīm pravakṣyāmi samāsena śriyā pṛṣṭaḥ purā hariḥ //
"Hear the tale of what happened long ago, which destroys sins; I shall tell it in brief — (it is what) Hari, asked by Śrī, (told) formerly.
AI translation rendered from the Sanskrit, not a published edition
BrP 45.5
सुमेरोः काञ्चने शृङ्गे सर्वाश्चर्यसमन्विते सिद्धविद्याधरैर् यक्षैः किंनरैर् उपशोभिते ॥
sumeroḥ kāñcane śṛṅge sarvāścaryasamanvite siddhavidyādharair yakṣaiḥ kiṃnarair upaśobhite //
On the golden peak of Sumeru, endowed with every marvel, made lovely by Siddhas, Vidyādharas, Yakṣas and Kiṃnaras,
AI translation rendered from the Sanskrit, not a published edition
BrP 45.6
देवदानवगन्धर्वैर् नागैर् अप्सरसां गणैः मुनिभिर् गुह्यकैः सिद्धैः सौपर्णैः समरुद्गणैः ॥
devadānavagandharvair nāgair apsarasāṃ gaṇaiḥ munibhir guhyakaiḥ siddhaiḥ sauparṇaiḥ samarudgaṇaiḥ //
by gods, Dānavas and Gandharvas, by Nāgas, by troops of Apsarases, by sages, Guhyakas, Siddhas, the sons of Suparṇa, and the hosts of Maruts,
AI translation rendered from the Sanskrit, not a published edition
BrP 45.7
अन्यैर् देवालयैः साध्यैः कश्यपाद्यैः प्रजेश्वरैः वालखिल्यादिभिश् चैव शोभिते सुमनोहरे ॥
anyair devālayaiḥ sādhyaiḥ kaśyapādyaiḥ prajeśvaraiḥ vālakhilyādibhiś caiva śobhite sumanohare //
and by other abodes of the gods, by the Sādhyas, by Kaśyapa and the other lords of creatures, and by the Vālakhilyas and the rest — (that peak) beautiful and most charming,
AI translation rendered from the Sanskrit, not a published edition — the model flagged this verse as uncertain
BrP 45.8
कर्णिकारवनैर् दिव्यैः सर्वर्तुकुसुमोत्करैः जातरूपप्रतीकाशैर् भूषिते सूर्यसंनिभैः ॥
karṇikāravanair divyaiḥ sarvartukusumotkaraiḥ jātarūpapratīkāśair bhūṣite sūryasaṃnibhaiḥ //
adorned with divine karṇikāra groves with masses of blossoms of every season, resembling gold, like the sun,
AI translation rendered from the Sanskrit, not a published edition
BrP 45.9
अन्यैश् च बहुभिर् वृक्षैः शालतालादिभिर् वनैः पुंनागाशोकसरलन्यग्रोधाम्रातकार्जुनैः ॥
anyaiś ca bahubhir vṛkṣaiḥ śālatālādibhir vanaiḥ puṃnāgāśokasaralanyagrodhāmrātakārjunaiḥ //
and with many other trees, with woods of śāla, tāla and the rest, with puṃnāga, aśoka, sarala, nyagrodha, āmrātaka and arjuna,
AI translation rendered from the Sanskrit, not a published edition
BrP 45.10
पारिजाताम्रखदिरनीपबिल्वकदम्बकैः धवखादिरपालाशशीर्षामलकतिन्दुकैः ॥
pārijātāmrakhadiranīpabilvakadambakaiḥ dhavakhādirapālāśaśīrṣāmalakatindukaiḥ //
with pārijāta, mango, khadira, nīpa, bilva and kadamba, with dhava, khādira, palāśa, śīrṣa, āmalaka and tinduka,
AI translation rendered from the Sanskrit, not a published edition
BrP 45.11
नारिङ्गकोलबकुललोध्रदाडिमदारुकैः सर्जैश् च कर्णैस् तगरैः शिशिभूर्जवनिम्बकैः ॥
nāriṅgakolabakulalodhradāḍimadārukaiḥ sarjaiś ca karṇais tagaraiḥ śiśibhūrjavanimbakaiḥ //
with orange, kola, bakula, lodhra, pomegranate and dāruka, with sarja trees and karṇas, with tagaras, śiśi, birch and nimba,
AI translation rendered from the Sanskrit, not a published edition — the model flagged this verse as uncertain
BrP 45.12
अन्यैश् च काञ्चनैश् चैव फलभारैश् च नामितैः नानाकुसुमगन्धाढ्यैर् भूषिते पुष्पपादपैः ॥
anyaiś ca kāñcanaiś caiva phalabhāraiś ca nāmitaiḥ nānākusumagandhāḍhyair bhūṣite puṣpapādapaiḥ //
and with others of gold, bent down under their burden of fruit — (the peak) adorned with flowering trees rich in the fragrance of many blossoms,
AI translation rendered from the Sanskrit, not a published edition
BrP 45.13
मालतीयूथिकामल्लीकुन्दबाणकुरुण्टकैः पाटलागस्त्यकुटजमन्दारकुसुमादिभिः ॥
mālatīyūthikāmallīkundabāṇakuruṇṭakaiḥ pāṭalāgastyakuṭajamandārakusumādibhiḥ //
with mālatī, yūthikā, mallī, kunda, bāṇa and kuruṇṭaka, with pāṭalā, agastya, kuṭaja and mandāra flowers and the rest,
AI translation rendered from the Sanskrit, not a published edition
BrP 45.14
अन्यैश् च विविधैः पुष्पैर् मनसः प्रीतिदायकैः नानाविहगसंघैश् च कूजद्भिर् मधुरस्वरैः ॥
anyaiś ca vividhaiḥ puṣpair manasaḥ prītidāyakaiḥ nānāvihagasaṃghaiś ca kūjadbhir madhurasvaraiḥ //
and with various other flowers that give delight to the mind, and with flocks of many kinds of birds calling with sweet voices,
AI translation rendered from the Sanskrit, not a published edition
BrP 45.15
पुंस्कोकिलरुतैर् दिव्यैर् मत्तबर्हिणनादितैः एवं नानाविधैर् वृक्षैः पुष्पैर् नानाविधैस् तथा ॥
puṃskokilarutair divyair mattabarhiṇanāditaiḥ evaṃ nānāvidhair vṛkṣaiḥ puṣpair nānāvidhais tathā //
with the divine cries of male cuckoos, with the calls of intoxicated peacocks — thus with trees of many kinds and likewise with flowers of many kinds,
AI translation rendered from the Sanskrit, not a published edition
BrP 45.16
खगैर् नानाविधैश् चैव शोभिते सुरसेविते तत्र स्थितं जगन्नाथं जगत्स्रष्टारम् अव्ययम् ॥
khagair nānāvidhaiś caiva śobhite surasevite tatra sthitaṃ jagannāthaṃ jagatsraṣṭāram avyayam //
(the place) adorned with birds of many kinds and frequented by the gods — (she saw) the Lord of the world seated there, the imperishable creator of the world,
AI translation rendered from the Sanskrit, not a published edition
BrP 45.17
सर्वलोकविधातारं वासुदेवाख्यम् अव्ययम् प्रणम्य शिरसा देवी लोकानां हितकाम्यया पप्रच्छेमं महाप्रश्नं पद्मजा तम् अनुत्तमम् ॥
sarvalokavidhātāraṃ vāsudevākhyam avyayam praṇamya śirasā devī lokānāṃ hitakāmyayā papracchemaṃ mahāpraśnaṃ padmajā tam anuttamam //
the ordainer of all the worlds, the imperishable one called Vāsudeva — having bowed her head (to him), the goddess born of the lotus, wishing the welfare of the worlds, asked him this great, unsurpassed question:
AI translation rendered from the Sanskrit, not a published edition
BrP 45.18
ब्रूहि त्वं सर्वलोकेश संशयं मे हृदि स्थितम् मर्त्यलोके महाश्चर्ये कर्मभूमौ सुदुर्लभे ॥
brūhi tvaṃ sarvalokeśa saṃśayaṃ me hṛdi sthitam martyaloke mahāścarye karmabhūmau sudurlabhe //
"Tell (me), lord of all worlds, the doubt that rests in my heart concerning the world of mortals, so full of wonder, the land of action, so hard to attain —
AI translation rendered from the Sanskrit, not a published edition
BrP 45.19
लोभमोहग्रहग्रस्ते कामक्रोधमहार्णवे येन मुच्येत देवेश अस्मात् संसारसागरात् ॥
lobhamohagrahagraste kāmakrodhamahārṇave yena mucyeta deveśa asmāt saṃsārasāgarāt //
"(the world) seized by the demon of greed and delusion, a great ocean of desire and anger — (tell me) by what, O lord of gods, one might be freed from this ocean of transmigration.
AI translation rendered from the Sanskrit, not a published edition
BrP 45.20
आचक्ष्व सर्वदेवेश प्रणतां यदि मन्यसे त्वदृते नास्ति लोके ऽस्मिन् वक्ता संशयनिर्णये ॥
ācakṣva sarvadeveśa praṇatāṃ yadi manyase tvadṛte nāsti loke 'smin vaktā saṃśayanirṇaye //
"Declare (it), lord of all gods, if you deem (me), who bow (to you), (worthy); apart from you there is no one in this world to speak in the settling of doubt."
AI translation rendered from the Sanskrit, not a published edition
BrP 45.21
श्रुत्वैवं वचनं तस्या देवदेवो जनार्दनः प्रोवाच परया प्रीत्या परं सारामृतोपमम् ॥
śrutvaivaṃ vacanaṃ tasyā devadevo janārdanaḥ provāca parayā prītyā paraṃ sārāmṛtopamam //
Hearing her words thus, Janārdana, the god of gods, spoke with the greatest affection (a speech) supreme, like the nectar of essence:
AI translation rendered from the Sanskrit, not a published edition
BrP 45.22
सुखोपास्यः सुसाध्यश् च ऽभिरामश् च सुसत्फलः आस्ते तीर्थवरे देवि विख्यातः पुरुषोत्तमः ॥
sukhopāsyaḥ susādhyaś ca 'bhirāmaś ca susatphalaḥ āste tīrthavare devi vikhyātaḥ puruṣottamaḥ //
"Easy to worship, easily won, delightful, and yielding excellent true fruit, he dwells in the best of holy places, O goddess, renowned as Puruṣottama.
AI translation rendered from the Sanskrit, not a published edition
BrP 45.23
न तेन सदृशः कश्चित् त्रिषु लोकेषु विद्यते कीर्तनाद् यस्य देवेशि मुच्यते सर्वपातकैः ॥
na tena sadṛśaḥ kaścit triṣu lokeṣu vidyate kīrtanād yasya deveśi mucyate sarvapātakaiḥ //
"There is no one equal to him in the three worlds; by praising him, O mistress of the gods, one is freed from all sins.
AI translation rendered from the Sanskrit, not a published edition
BrP 45.24
न विज्ञातो ऽमरैः सर्वैर् न दैत्यैर् न च दानवैः मरीच्याद्यैर् मुनिवरैर् गोपितं मे वरानने ॥
na vijñāto 'maraiḥ sarvair na daityair na ca dānavaiḥ marīcyādyair munivarair gopitaṃ me varānane //
"He is not known by all the immortals, nor by the Daityas, nor by the Dānavas, nor by the best of sages beginning with Marīci: (this) has been kept hidden by me, O fair-faced one.
AI translation rendered from the Sanskrit, not a published edition
BrP 45.25
तत् ते ऽहं संप्रवक्ष्यामि तीर्थराजं च सांप्रतम् भावेनैकेन सुश्रोणि शृणुष्व वरवर्णिनि ॥
tat te 'haṃ saṃpravakṣyāmi tīrtharājaṃ ca sāṃpratam bhāvenaikena suśroṇi śṛṇuṣva varavarṇini //
"So I shall now declare that to you, and the king of holy places; with a single-minded attitude, O shapely one, listen, O you of lovely hue.
AI translation rendered from the Sanskrit, not a published edition
BrP 45.26
आसीत् कल्पे समुत्पन्ने नष्टे स्थावरजङ्गमे प्रलीना देवगन्धर्वदैत्यविद्याधरोरगाः ॥
āsīt kalpe samutpanne naṣṭe sthāvarajaṅgame pralīnā devagandharvadaityavidyādharoragāḥ //
"Once, when the kalpa had come round and what moves and what does not move had perished, gods, gandharvas, daityas, vidyādharas and serpents were dissolved away.
AI translation rendered from the Sanskrit, not a published edition
BrP 45.27
तमोभूतम् इदं सर्वं न प्राज्ञायत किंचन तस्मिञ् जागर्ति भूतात्मा परमात्मा जगद्गुरुः ॥
tamobhūtam idaṃ sarvaṃ na prājñāyata kiṃcana tasmiñ jāgarti bhūtātmā paramātmā jagadguruḥ //
"All this had become darkness; nothing whatever could be discerned. In that (state) there wakes the Self of beings, the supreme Self, the teacher of the world,
AI translation rendered from the Sanskrit, not a published edition
BrP 45.28
श्रीमांस् त्रिमूर्तिकृद् देवो जगत्कर्ता महेश्वरः वासुदेवेति विख्यातो योगात्मा हरिर् ईश्वरः ॥
śrīmāṃs trimūrtikṛd devo jagatkartā maheśvaraḥ vāsudeveti vikhyāto yogātmā harir īśvaraḥ //
"the glorious god who makes the three forms, the maker of the world, the great lord, renowned as Vāsudeva, whose self is yoga, Hari, the lord.
AI translation rendered from the Sanskrit, not a published edition
BrP 45.29
सो ऽसृजद् योगनिद्रान्ते नाभ्यम्भोरुहमध्यगम् पद्मकेशरसंकाशं ब्रह्माणं भूतम् अव्ययम् ॥
so 'sṛjad yoganidrānte nābhyambhoruhamadhyagam padmakeśarasaṃkāśaṃ brahmāṇaṃ bhūtam avyayam //
"At the end of his yoga-sleep he created Brahmā, seated in the middle of the lotus of his navel, resembling the filament of a lotus, (self-)existent and imperishable.
AI translation rendered from the Sanskrit, not a published edition
BrP 45.30
तादृग्भूतस् ततो ब्रह्मा सर्वलोकमहेश्वरः पञ्चभूतसमायुक्तं सृजते च शनैः शनैः ॥
tādṛgbhūtas tato brahmā sarvalokamaheśvaraḥ pañcabhūtasamāyuktaṃ sṛjate ca śanaiḥ śanaiḥ //
"Then Brahmā, having become such, the great lord of all worlds, creates, little by little, (the world) compounded of the five elements.
AI translation rendered from the Sanskrit, not a published edition
BrP 45.31
मात्रायोनीनि भूतानि स्थूलसूक्ष्माणि यानि च चतुर्विधानि सर्वाणि स्थावराणि चराणि च ॥
mātrāyonīni bhūtāni sthūlasūkṣmāṇi yāni ca caturvidhāni sarvāṇi sthāvarāṇi carāṇi ca //
"(and) the beings whose source is the (subtle) elements, both gross and subtle, all of the four kinds, stationary and moving.
AI translation rendered from the Sanskrit, not a published edition — the model flagged this verse as uncertain
BrP 45.32
ततः प्रजापतिर् ब्रह्मा चक्रे सर्वं चराचरम् संचिन्त्य मनसात्मानं ससर्ज विविधाः प्रजाः ॥
tataḥ prajāpatir brahmā cakre sarvaṃ carācaram saṃcintya manasātmānaṃ sasarja vividhāḥ prajāḥ //
"Then Brahmā the lord of creatures made all that moves and does not move; having contemplated himself in his mind, he emitted the manifold creatures:
AI translation rendered from the Sanskrit, not a published edition
BrP 45.33
मरीच्यादीन् मुनीन् सर्वान् देवासुरपितॄन् अपि यक्षविद्याधरांश् चान्यान् गङ्गाद्याः सरितस् तथा ॥
marīcyādīn munīn sarvān devāsurapitṝn api yakṣavidyādharāṃś cānyān gaṅgādyāḥ saritas tathā //
"all the sages beginning with Marīci, and gods, asuras and ancestors too, yakṣas and vidyādharas and others, and likewise the rivers beginning with the Gaṅgā,
AI translation rendered from the Sanskrit, not a published edition
BrP 45.34
नरवानरसिंहांश् च विविधांश् च विहंगमान् जरायून् अण्डजान् देवि स्वेदजोद्भेदजांस् तथा ॥
naravānarasiṃhāṃś ca vividhāṃś ca vihaṃgamān jarāyūn aṇḍajān devi svedajodbhedajāṃs tathā //
"and men, monkeys and lions, and birds of many kinds, the womb-born, the egg-born, O goddess, and those born of sweat and those born by sprouting,
AI translation rendered from the Sanskrit, not a published edition
BrP 45.35
ब्रह्म क्षत्रं तथा वैश्यं शूद्रं चैव चतुष्टयम् अन्त्यजातांश् च म्लेच्छांश् च ससर्ज विविधान् पृथक् ॥
brahma kṣatraṃ tathā vaiśyaṃ śūdraṃ caiva catuṣṭayam antyajātāṃś ca mlecchāṃś ca sasarja vividhān pṛthak //
"the brahmin, the kṣatriya, and likewise the vaiśya and the śūdra, the set of four, and the lowest-born and the mlecchas — he created them, various, each apart.
AI translation rendered from the Sanskrit, not a published edition
BrP 45.36
यत् किंचिज् जीवसंज्ञं तु तृणगुल्मपिपीलिकम् ब्रह्मा भूत्वा जगत् सर्वं निर्ममे स चराचरम् ॥
yat kiṃcij jīvasaṃjñaṃ tu tṛṇagulmapipīlikam brahmā bhūtvā jagat sarvaṃ nirmame sa carācaram //
And whatever bears the name of living thing — grass, shrub, ant — becoming Brahmā he fashioned the whole world, moving and unmoving.
AI translation rendered from the Sanskrit, not a published edition
BrP 45.37
दक्षिणाङ्गे तथात्मानं संचिन्त्य पुरुषं स्वयम् वामे चैव तु नारीं स द्विधा भूतम् अकल्पयत् ॥
dakṣiṇāṅge tathātmānaṃ saṃcintya puruṣaṃ svayam vāme caiva tu nārīṃ sa dvidhā bhūtam akalpayat //
Having himself conceived of himself as a man on the right side, and as a woman on the left, he formed (that) being as twofold.
AI translation rendered from the Sanskrit, not a published edition
BrP 45.38
ततः प्रभृति लोके ऽस्मिन् प्रजा मैथुनसंभवाः अधमोत्तममध्याश् च मम क्षेत्राणि यानि च ॥
tataḥ prabhṛti loke 'smin prajā maithunasaṃbhavāḥ adhamottamamadhyāś ca mama kṣetrāṇi yāni ca //
From then on in this world creatures arise from sexual union — low, high, and middling — and (so are) whatever fields are mine.
AI translation rendered from the Sanskrit, not a published edition — the model flagged this verse as uncertain
BrP 45.39
एवं संचिन्त्य देवो ऽसौ पुरा सलिलयोनिजः जगाम ध्यानम् आस्थाय वासुदेवात्मिकां तनुम् ॥
evaṃ saṃcintya devo 'sau purā salilayonijaḥ jagāma dhyānam āsthāya vāsudevātmikāṃ tanum //
Having thought thus, that god born of the womb of the waters, of old, took up meditation and reached the form whose essence is Vāsudeva.
AI translation rendered from the Sanskrit, not a published edition
BrP 45.40
ध्यानमात्रेण देवेन स्वयम् एव जनार्दनः तस्मिन् क्षणे समुत्पन्नः सहस्राक्षः सहस्रपात् ॥
dhyānamātreṇa devena svayam eva janārdanaḥ tasmin kṣaṇe samutpannaḥ sahasrākṣaḥ sahasrapāt //
By the god's mere meditation, Janārdana himself arose in that instant, thousand-eyed, thousand-footed,
AI translation rendered from the Sanskrit, not a published edition
BrP 45.41
सहस्रशीर्षा पुरुषः पुण्डरीकनिभेक्षणः सलिलध्वान्तमेघाभः श्रीमाञ् श्रीवत्सलक्षणः ॥
sahasraśīrṣā puruṣaḥ puṇḍarīkanibhekṣaṇaḥ saliladhvāntameghābhaḥ śrīmāñ śrīvatsalakṣaṇaḥ //
a thousand-headed Person, with eyes like white lotuses, dark as a cloud in the gloom over the waters, glorious, marked with the śrīvatsa.
AI translation rendered from the Sanskrit, not a published edition
BrP 45.42
अपश्यत् सहसा तं तु ब्रह्मा लोकपितामहः आसनैर् अर्घ्यपाद्यैश् च अक्षतैर् अभिनन्द्य च ॥
apaśyat sahasā taṃ tu brahmā lokapitāmahaḥ āsanair arghyapādyaiś ca akṣatair abhinandya ca //
Brahmā, the grandfather of the worlds, suddenly beheld him, and welcomed (him) with seats, with water for guest-offering and for the feet, and with unbroken rice grains,
AI translation rendered from the Sanskrit, not a published edition
BrP 45.43
तुष्टाव परमैः स्तोत्रैर् विरिञ्चिः सुसमाहितः ततो ऽहम् उक्तवान् देवं ब्रह्माणं कमलोद्भवम् कारणं वद मां तात मम ध्यानस्य सांप्रतम् ॥
tuṣṭāva paramaiḥ stotrair viriñciḥ susamāhitaḥ tato 'ham uktavān devaṃ brahmāṇaṃ kamalodbhavam kāraṇaṃ vada māṃ tāta mama dhyānasya sāṃpratam //
and Viriñci, well composed, praised (him) with the highest hymns. Then I spoke to the god Brahmā, born from the lotus: "Tell me, dear one, the reason for my meditation now."
AI translation rendered from the Sanskrit, not a published edition
BrP 45.44
जगद्धिताय देवेश मर्त्यलोकैश् च दुर्लभम् स्वर्गद्वारस्य मार्गाणि यज्ञदानव्रतानि च ॥
jagaddhitāya deveśa martyalokaiś ca durlabham svargadvārasya mārgāṇi yajñadānavratāni ca //
"For the good of the world, lord of gods, (tell me) what is hard to obtain by the mortal worlds: the paths of the gate of heaven, and sacrifices, gifts and vows,
AI translation rendered from the Sanskrit, not a published edition — the model flagged this verse as uncertain
BrP 45.45
योगः सत्यं तपः श्रद्धा तीर्थानि विविधानि च विहाय सर्वम् एतेषां सुखं तत्साधनं वद ॥
yogaḥ satyaṃ tapaḥ śraddhā tīrthāni vividhāni ca vihāya sarvam eteṣāṃ sukhaṃ tatsādhanaṃ vada //
yoga, truth, austerity, faith, and the various sacred fords — leaving all these aside, tell (me) the easy means to that.
AI translation rendered from the Sanskrit, not a published edition
BrP 45.46
स्थानं जगत्पते मह्याम् उत्कृष्टं च यद् उच्यते सर्वेषाम् उत्तमं स्थानं ब्रूहि मे पुरुषोत्तम ॥
sthānaṃ jagatpate mahyām utkṛṣṭaṃ ca yad ucyate sarveṣām uttamaṃ sthānaṃ brūhi me puruṣottama //
Lord of the world, the place on earth that is called the most excellent — tell me the highest place of all, O Supreme Person."
AI translation rendered from the Sanskrit, not a published edition
BrP 45.47
विधातुर् वचनं श्रुत्वा ततो ऽहं प्रोक्तवान् प्रिये शृणु ब्रह्मन् प्रवक्ष्यामि निर्मलं भुवि दुर्लभम् ॥
vidhātur vacanaṃ śrutvā tato 'haṃ proktavān priye śṛṇu brahman pravakṣyāmi nirmalaṃ bhuvi durlabham //
Hearing the Creator's words, I then spoke, dear one: "Listen, Brahmā, I shall declare what is stainless and hard to find on earth,
AI translation rendered from the Sanskrit, not a published edition
BrP 45.48
उत्तमं सर्वक्षेत्राणां धन्यं संसारतारणम् गोब्राह्मणहितं पुण्यं चातुर्वर्ण्यसुखोदयम् ॥
uttamaṃ sarvakṣetrāṇāṃ dhanyaṃ saṃsāratāraṇam gobrāhmaṇahitaṃ puṇyaṃ cāturvarṇyasukhodayam //
the highest of all holy fields, blessed, carrying (one) across the round of rebirth, good for cows and brahmins, meritorious, the rise of happiness for the four classes,
AI translation rendered from the Sanskrit, not a published edition
BrP 45.49
भुक्तिमुक्तिप्रदं नॄणां क्षेत्रं परमदुर्लभम् महापुण्यं तु सर्वेषां सिद्धिदं वै पितामहे ॥
bhuktimuktipradaṃ nṝṇāṃ kṣetraṃ paramadurlabham mahāpuṇyaṃ tu sarveṣāṃ siddhidaṃ vai pitāmahe //
granting enjoyment and liberation to men, a field most hard to obtain, of great merit, indeed bestowing success on all, O grandfather.
AI translation rendered from the Sanskrit, not a published edition
BrP 45.50
तस्माद् आसीत् समुत्पन्नं तीर्थराजं सनातनम् विख्यातं परमं क्षेत्रं चतुर्युगनिषेवितम् ॥
tasmād āsīt samutpannaṃ tīrtharājaṃ sanātanam vikhyātaṃ paramaṃ kṣetraṃ caturyuganiṣevitam //
From that there came into being the eternal king of holy fords, the renowned supreme field, frequented through the four ages,
AI translation rendered from the Sanskrit, not a published edition
BrP 45.51
सर्वेषाम् एव देवानाम् ऋषीणां ब्रह्मचारिणाम् दैत्यदानवसिद्धानां गन्धर्वोरगरक्षसाम् ॥
sarveṣām eva devānām ṛṣīṇāṃ brahmacāriṇām daityadānavasiddhānāṃ gandharvoragarakṣasām //
since he is the highest Person of all the gods, of the seers, of the celibate students, of the Daityas, Dānavas and Siddhas, of the Gandharvas, serpents and Rākṣasas,
AI translation rendered from the Sanskrit, not a published edition
BrP 45.52
नागविद्याधराणां च स्थावरस्य चरस्य च उत्तमः पुरुषो यस्मात् तस्मात् स पुरुषोत्तमः ॥
nāgavidyādharāṇāṃ ca sthāvarasya carasya ca uttamaḥ puruṣo yasmāt tasmāt sa puruṣottamaḥ //
of the Nāgas and Vidyādharas, and of what stands still and what moves — therefore he is Puruṣottama.
AI translation rendered from the Sanskrit, not a published edition
BrP 45.53
दक्षिणस्योदधेस् तीरे न्यग्रोधो यत्र तिष्ठति दशयोजनविस्तीर्णं क्षेत्रं परमदुर्लभम् ॥
dakṣiṇasyodadhes tīre nyagrodho yatra tiṣṭhati daśayojanavistīrṇaṃ kṣetraṃ paramadurlabham //
On the shore of the southern ocean, where the banyan tree stands, is that field, ten yojanas in extent, most hard to obtain,
AI translation rendered from the Sanskrit, not a published edition
BrP 45.54
यस् तु कल्पे समुत्पन्ने महदुल्कानिबर्हणे विनाशं नैवम् अभ्येति स्वयं तत्रैवम् आस्थितः ॥
yas tu kalpe samutpanne mahadulkānibarhaṇe vināśaṃ naivam abhyeti svayaṃ tatraivam āsthitaḥ //
which, when the (end of the) kalpa has come with its destruction by great meteors, does not go to destruction, itself standing there just so.
AI translation rendered from the Sanskrit, not a published edition — the model flagged this verse as uncertain
BrP 45.55
दृष्टमात्रे वटे तस्मिंश् छायाम् आक्रम्य चासकृत् ब्रह्महत्यात् प्रमुच्येत पापेष्व् अन्येषु का कथा ॥
dṛṣṭamātre vaṭe tasmiṃś chāyām ākramya cāsakṛt brahmahatyāt pramucyeta pāpeṣv anyeṣu kā kathā //
Merely by that banyan being seen, and by treading on its shade repeatedly, one would be freed from the killing of a brahmin — what to say of other sins?
AI translation rendered from the Sanskrit, not a published edition
BrP 45.56
प्रदक्षिणा कृता यैस् तु नमस्कारश् च जन्तुभिः सर्वे विधूतपाप्मानस् ते गताः केशवालयम् ॥
pradakṣiṇā kṛtā yais tu namaskāraś ca jantubhiḥ sarve vidhūtapāpmānas te gatāḥ keśavālayam //
And those creatures by whom circumambulation and obeisance have been made — all of them, their sins shaken off, have gone to Keśava's abode.
AI translation rendered from the Sanskrit, not a published edition
BrP 45.57
न्यग्रोधस्योत्तरे किंचिद् दक्षिणे केशवस्य तु प्रासादस् तत्र तिष्ठेत् तु पदं धर्ममयं हि तत् ॥
nyagrodhasyottare kiṃcid dakṣiṇe keśavasya tu prāsādas tatra tiṣṭhet tu padaṃ dharmamayaṃ hi tat //
A little to the north of the banyan, but to the south of Keśava, there is a shrine; there one should abide, for that footprint (place) consists of dharma.
AI translation rendered from the Sanskrit, not a published edition — the model flagged this verse as uncertain
BrP 45.58
प्रतिमां तत्र वै दृष्ट्वा स्वयं देवेन निर्मिताम् अनायासेन वै यान्ति भुवनं मे ततो नराः ॥
pratimāṃ tatra vai dṛṣṭvā svayaṃ devena nirmitām anāyāsena vai yānti bhuvanaṃ me tato narāḥ //
Having seen there the image fashioned by the god himself, men then go without effort to my world.
AI translation rendered from the Sanskrit, not a published edition
BrP 45.59
गच्छमानांस् तु तान् प्रेक्ष्य एकदा धर्मराट् प्रिये मदन्तिकम् अनुप्राप्य प्रणम्य शिरसाब्रवीत् ॥
gacchamānāṃs tu tān prekṣya ekadā dharmarāṭ priye madantikam anuprāpya praṇamya śirasābravīt //
But seeing them going (there), once, dear one, the king of dharma came near to me, bowed with his head, and spoke.
AI translation rendered from the Sanskrit, not a published edition
BrP 45.60
नमस् ते भगवन् देव लोकनाथ जगत्पते क्षीरोदवासिनं देवं शेषभोगानुशायिनम् ॥
namas te bhagavan deva lokanātha jagatpate kṣīrodavāsinaṃ devaṃ śeṣabhogānuśāyinam //
Homage to you, O Blessed One, O god, lord of the worlds, master of the universe — the god who dwells in the milk-ocean, who reclines upon the coils of Śeṣa;
AI translation rendered from the Sanskrit, not a published edition
BrP 45.61
वरं वरेण्यं वरदं कर्तारम् अकृतं प्रभुम् विश्वेश्वरम् अजं विष्णुं सर्वज्ञम् अपराजितम् ॥
varaṃ vareṇyaṃ varadaṃ kartāram akṛtaṃ prabhum viśveśvaram ajaṃ viṣṇuṃ sarvajñam aparājitam //
(homage to) the excellent one, the one to be chosen, the giver of boons, the maker who is himself unmade, the lord, the ruler of all, the unborn Viṣṇu, the omniscient, the unconquered;
AI translation rendered from the Sanskrit, not a published edition
BrP 45.62
नीलोत्पलदलश्यामं पुण्डरीकनिभेक्षणम् सर्वज्ञं निर्गुणं शान्तं जगद्धातारम् अव्ययम् ॥
nīlotpaladalaśyāmaṃ puṇḍarīkanibhekṣaṇam sarvajñaṃ nirguṇaṃ śāntaṃ jagaddhātāram avyayam //
dark as the petal of a blue lotus, with eyes like a white lotus, all-knowing, without qualities, tranquil, the sustainer of the world, imperishable;
AI translation rendered from the Sanskrit, not a published edition
BrP 45.63
सर्वलोकविधातारं सर्वलोकसुखावहम् पुराणं पुरुषं वेद्यं व्यक्ताव्यक्तं सनातनम् ॥
sarvalokavidhātāraṃ sarvalokasukhāvaham purāṇaṃ puruṣaṃ vedyaṃ vyaktāvyaktaṃ sanātanam //
the ordainer of all worlds, the bringer of happiness to all worlds, the ancient Person, the one to be known, manifest and unmanifest, eternal;
AI translation rendered from the Sanskrit, not a published edition
BrP 45.64
परावराणां स्रष्टारं लोकनाथं जगद्गुरुम् श्रीवत्सोरस्कसंयुक्तं वनमालाविभूषितम् ॥
parāvarāṇāṃ sraṣṭāraṃ lokanāthaṃ jagadgurum śrīvatsoraskasaṃyuktaṃ vanamālāvibhūṣitam //
the creator of the higher and the lower, lord of the worlds, teacher of the universe, bearing the śrīvatsa on his chest, adorned with a garland of forest flowers;
AI translation rendered from the Sanskrit, not a published edition
BrP 45.65
पीतवस्त्रं चतुर्बाहुं शङ्खचक्रगदाधरम् हारकेयूरसंयुक्तं मुकुटाङ्गदधारिणम् ॥
pītavastraṃ caturbāhuṃ śaṅkhacakragadādharam hārakeyūrasaṃyuktaṃ mukuṭāṅgadadhāriṇam //
clad in yellow, four-armed, holding conch, discus and mace, furnished with necklace and armlets, wearing crown and bracelets;
AI translation rendered from the Sanskrit, not a published edition
BrP 45.66
सर्वलक्षणसंपूर्णं सर्वेन्द्रियविवर्जितम् कूटस्थम् अचलं सूक्ष्मं ज्योतीरूपं सनातनम् ॥
sarvalakṣaṇasaṃpūrṇaṃ sarvendriyavivarjitam kūṭastham acalaṃ sūkṣmaṃ jyotīrūpaṃ sanātanam //
complete with all auspicious marks, yet devoid of all sense-organs, standing at the summit, unmoving, subtle, of the form of light, eternal;
AI translation rendered from the Sanskrit, not a published edition
BrP 45.67
भावाभावविनिर्मुक्तं व्यापिनं प्रकृतेः परम् नमस्यामि जगन्नाथम् ईश्वरं सुखदं प्रभुम् ॥
bhāvābhāvavinirmuktaṃ vyāpinaṃ prakṛteḥ param namasyāmi jagannātham īśvaraṃ sukhadaṃ prabhum //
free of being and non-being, all-pervading, beyond primal nature — I bow to the lord of the world, the ruler, the giver of happiness, the master.
AI translation rendered from the Sanskrit, not a published edition
BrP 45.68
इत्य् एवं धर्मराजस् तु पुरा न्यग्रोधसंनिधौ स्तुत्वा नानाविधैः स्तोत्रैः प्रणामम् अकरोत् तदा ॥
ity evaṃ dharmarājas tu purā nyagrodhasaṃnidhau stutvā nānāvidhaiḥ stotraiḥ praṇāmam akarot tadā //
Thus indeed the king of dharma, formerly, in the presence of the banyan, having praised (me) with hymns of many kinds, then made his obeisance.
AI translation rendered from the Sanskrit, not a published edition
BrP 45.69
तं दृष्ट्वा तु महाभागे प्रणतं प्राञ्जलिस्थितम् स्तोत्रस्य कारणं देवि पृष्टवान् अहम् अन्तकम् ॥
taṃ dṛṣṭvā tu mahābhāge praṇataṃ prāñjalisthitam stotrasya kāraṇaṃ devi pṛṣṭavān aham antakam //
But seeing him, O greatly fortunate one, bowed down and standing with joined palms, O goddess, I asked the Ender the reason for the hymn:
AI translation rendered from the Sanskrit, not a published edition
BrP 45.70
वैवस्वत महाबाहो सर्वदेवोत्तमो ह्य् असि किमर्थं स्तुतवान् मां त्वं संक्षेपात् तद् ब्रवीहि मे ॥
vaivasvata mahābāho sarvadevottamo hy asi kimarthaṃ stutavān māṃ tvaṃ saṃkṣepāt tad bravīhi me //
"O son of Vivasvat, mighty-armed one, you are indeed the best of all the gods; for what purpose have you praised me? Tell me that in brief."
AI translation rendered from the Sanskrit, not a published edition
BrP 45.71
अस्मिन्न् आयतने पुण्ये विख्याते पुरुषोत्तमे इन्द्रनीलमयी श्रेष्ठा प्रतिमा सार्वकामिकी ॥
asminn āyatane puṇye vikhyāte puruṣottame indranīlamayī śreṣṭhā pratimā sārvakāmikī //
"In this holy sanctuary, famed as Puruṣottama, there is a most excellent image made of sapphire, granting all desires.
AI translation rendered from the Sanskrit, not a published edition
BrP 45.72
तां दृष्ट्वा पुण्डरीकाक्ष भावेनैकेन श्रद्धया श्वेताख्यं भवनं यान्ति निष्कामाश् चैव मानवाः ॥
tāṃ dṛṣṭvā puṇḍarīkākṣa bhāvenaikena śraddhayā śvetākhyaṃ bhavanaṃ yānti niṣkāmāś caiva mānavāḥ //
Having seen it, O lotus-eyed one, with single-minded feeling and faith, men — even those without desires — go to the dwelling called White (Śvetadvīpa).
AI translation rendered from the Sanskrit, not a published edition
BrP 45.73
अतः कर्तुं न शक्नोमि व्यापारम् अरिसूदन प्रसीद सुमहादेव संहर प्रतिमां विभो ॥
ataḥ kartuṃ na śaknomi vyāpāram arisūdana prasīda sumahādeva saṃhara pratimāṃ vibho //
Hence I cannot carry on my business, O slayer of foes. Be gracious, O great god; withdraw the image, O pervading one."
AI translation rendered from the Sanskrit, not a published edition
BrP 45.74
श्रुत्वा वैवस्वतस्यैतद् वाक्यम् एतद् उवाच ह यम तां गोपयिष्यामि सिकताभिः समन्ततः ॥
śrutvā vaivasvatasyaitad vākyam etad uvāca ha yama tāṃ gopayiṣyāmi sikatābhiḥ samantataḥ //
Hearing this speech of the son of Vivasvat, (I) said this: "Yama, I shall conceal it with sands on every side."
AI translation rendered from the Sanskrit, not a published edition
BrP 45.75
ततः सा प्रतिमा देवि वल्लिभिर् गोपिता मया यथा तत्र न पश्यन्ति मनुजाः स्वर्गकाङ्क्षिणः ॥
tataḥ sā pratimā devi vallibhir gopitā mayā yathā tatra na paśyanti manujāḥ svargakāṅkṣiṇaḥ //
Then, O goddess, that image was hidden by me with creepers, so that men there who long for heaven do not see it.
AI translation rendered from the Sanskrit, not a published edition
BrP 45.76
प्रच्छाद्य वल्लिकैर् देवि जातरूपपरिच्छदैः यमं प्रस्थापयाम् आस स्वां पुरीं दक्षिणां दिशम् ॥
pracchādya vallikair devi jātarūpaparicchadaiḥ yamaṃ prasthāpayām āsa svāṃ purīṃ dakṣiṇāṃ diśam //
Having covered (it) with creepers, O goddess, with coverings of gold, he sent Yama forth to his own city, the southern quarter.
AI translation rendered from the Sanskrit, not a published edition
BrP 45.77
लुप्तायां प्रतिमायां तु इन्द्रनीलस्य भो द्विजाः तस्मिन् क्षेत्रवरे पुण्ये विख्याते पुरुषोत्तमे ॥
luptāyāṃ pratimāyāṃ tu indranīlasya bho dvijāḥ tasmin kṣetravare puṇye vikhyāte puruṣottame //
But when the image of sapphire had vanished, O twice-born ones, in that most excellent holy field renowned as Puruṣottama—
AI translation rendered from the Sanskrit, not a published edition
BrP 45.78
यो भूतस् तत्र वृत्तान्तो देवदेवो जनार्दनः तं सर्वं कथयाम् आस स तस्यै भगवान् पुरा ॥
yo bhūtas tatra vṛttānto devadevo janārdanaḥ taṃ sarvaṃ kathayām āsa sa tasyai bhagavān purā //
—whatever course of events took place there, all that the god of gods Janārdana, the Blessed One, formerly related to her:
AI translation rendered from the Sanskrit, not a published edition
BrP 45.79
इन्द्रद्युम्नस्य गमनं क्षेत्रसंदर्शनं तथा क्षेत्रस्य वर्णनं चैव प्रासादकरणं तथा ॥
indradyumnasya gamanaṃ kṣetrasaṃdarśanaṃ tathā kṣetrasya varṇanaṃ caiva prāsādakaraṇaṃ tathā //
Indradyumna's journey, and the viewing of the field, and the description of the field, and the building of the temple,
AI translation rendered from the Sanskrit, not a published edition
BrP 45.80
हयमेधस्य यजनं स्वप्नदर्शनम् एव च लवणस्योदधेस् तीरे काष्ठस्य दर्शनं तथा ॥
hayamedhasya yajanaṃ svapnadarśanam eva ca lavaṇasyodadhes tīre kāṣṭhasya darśanaṃ tathā //
the offering of the horse sacrifice, and the vision in the dream, and the sighting of the log on the shore of the salt ocean,
AI translation rendered from the Sanskrit, not a published edition
BrP 45.81
दर्शनं वासुदेवस्य शिल्पिराजस्य च द्विजाः निर्माणं प्रतिमायास् तु यथावर्णं विशेषतः ॥
darśanaṃ vāsudevasya śilpirājasya ca dvijāḥ nirmāṇaṃ pratimāyās tu yathāvarṇaṃ viśeṣataḥ //
the appearance of Vāsudeva and of the king of craftsmen, O twice-born ones, and the fashioning of the image, colour by colour, in detail,
AI translation rendered from the Sanskrit, not a published edition
BrP 45.82
स्थापनं चैव सर्वेषां प्रासादे भुवनोत्तमे यात्राकाले च विप्रेन्द्राः कल्पसंकीर्तनं तथा ॥
sthāpanaṃ caiva sarveṣāṃ prāsāde bhuvanottame yātrākāle ca viprendrāḥ kalpasaṃkīrtanaṃ tathā //
and the installation of them all in the temple, best in the world, and at the time of the festival procession, O best of brahmins, the proclamation of the ritual ordinance,
AI translation rendered from the Sanskrit, not a published edition
BrP 45.83
मार्कण्डेयस्य चरितं स्थापनं शंकरस्य च पञ्चतीर्थस्य माहात्म्यं दर्शनं शूलपाणिनः ॥
mārkaṇḍeyasya caritaṃ sthāpanaṃ śaṃkarasya ca pañcatīrthasya māhātmyaṃ darśanaṃ śūlapāṇinaḥ //
the deeds of Mārkaṇḍeya, and the installation of Śaṃkara, the greatness of the Five Fords, the sight of the Trident-bearer,
AI translation rendered from the Sanskrit, not a published edition
BrP 45.84
वटस्य दर्शनं चैव व्युष्टिं तस्य च भो द्विजाः दर्शनं बलदेवस्य कृष्णस्य च विशेषतः ॥
vaṭasya darśanaṃ caiva vyuṣṭiṃ tasya ca bho dvijāḥ darśanaṃ baladevasya kṛṣṇasya ca viśeṣataḥ //
and the sight of the banyan tree, and its fruit (reward), O twice-born ones, the sight of Baladeva and especially of Kṛṣṇa,
AI translation rendered from the Sanskrit, not a published edition
BrP 45.85
सुभद्रायाश् च तत्रैव माहात्म्यं चैव सर्वशः दर्शनं नरसिंहस्य व्युष्टिसंकीर्तनं तथा ॥
subhadrāyāś ca tatraiva māhātmyaṃ caiva sarvaśaḥ darśanaṃ narasiṃhasya vyuṣṭisaṃkīrtanaṃ tathā //
and of Subhadrā there too, and (her) greatness in every way, the sight of Narasiṃha and the proclamation of its reward,
AI translation rendered from the Sanskrit, not a published edition
BrP 45.86
अनन्तवासुदेवस्य दर्शनं गुणकीर्तनम् श्वेतमाधवमाहात्म्यं स्वर्गद्वारस्य दर्शनम् ॥
anantavāsudevasya darśanaṃ guṇakīrtanam śvetamādhavamāhātmyaṃ svargadvārasya darśanam //
the sight of Ananta Vāsudeva and the recital of his qualities, the greatness of Śveta Mādhava, the sight of the Gate of Heaven,
AI translation rendered from the Sanskrit, not a published edition
BrP 45.87
उदधेर् दर्शनं चैव स्नानं तर्पणम् एव च समुद्रस्नानमाहात्म्यम् इन्द्रद्युम्नस्य च द्विजाः ॥
udadher darśanaṃ caiva snānaṃ tarpaṇam eva ca samudrasnānamāhātmyam indradyumnasya ca dvijāḥ //
and the sight of the ocean, and bathing and the offering of water, the greatness of bathing in the sea, and of Indradyumna, O twice-born ones,
AI translation rendered from the Sanskrit, not a published edition
BrP 45.88
पञ्चतीर्थफलं चैव महाज्येष्ठं तथैव च स्थानं कृष्णस्य हलिनः पर्वयात्राफलं तथा ॥
pañcatīrthaphalaṃ caiva mahājyeṣṭhaṃ tathaiva ca sthānaṃ kṛṣṇasya halinaḥ parvayātrāphalaṃ tathā //
and the fruit of the Five Fords, and likewise the Great Jyeṣṭha (festival), the abode of Kṛṣṇa and of the plough-bearer, and the fruit of the festival procession,
AI translation rendered from the Sanskrit, not a published edition — the model flagged this verse as uncertain
BrP 45.89
वर्णनं विष्णुलोकस्य क्षेत्रस्य च पुनः पुनः पूर्वं कथितवान् सर्वं तस्यै स पुरुषोत्तमः ॥
varṇanaṃ viṣṇulokasya kṣetrasya ca punaḥ punaḥ pūrvaṃ kathitavān sarvaṃ tasyai sa puruṣottamaḥ //
the description of Viṣṇu's world and of the field again and again—all this that Puruṣottama had formerly told her.
AI translation rendered from the Sanskrit, not a published edition