Brahma Purana — Chapter 44
BrP 44.1
तस्यां स नृपतिः पूर्वं कुर्वन् राज्यम् अनुत्तमम् पालयाम् आस मतिमान् प्रजाः पुत्रान् इवौरसान् ॥
tasyāṃ sa nṛpatiḥ pūrvaṃ kurvan rājyam anuttamam pālayām āsa matimān prajāḥ putrān ivaurasān //
There that king formerly, exercising unsurpassed sovereignty, wise, protected his subjects as (he would) sons born of his own body.
AI translation rendered from the Sanskrit, not a published edition
BrP 44.2
सत्यवादी महाप्राज्ञः शूरः सर्वगुणाकरः मतिमान् धर्मसंपन्नः सर्वशस्त्रभृतां वरः ॥
satyavādī mahāprājñaḥ śūraḥ sarvaguṇākaraḥ matimān dharmasaṃpannaḥ sarvaśastrabhṛtāṃ varaḥ //
(He was) a speaker of truth, greatly wise, valiant, a mine of all virtues, intelligent, endowed with righteousness, the best of all bearers of weapons,
AI translation rendered from the Sanskrit, not a published edition
BrP 44.3
सत्यवाञ् शीलवान् दान्तः श्रीमान् परपुरंजयः आदित्य इव तेजोभी रूपैर् आश्विनयोर् इव ॥
satyavāñ śīlavān dāntaḥ śrīmān parapuraṃjayaḥ āditya iva tejobhī rūpair āśvinayor iva //
truthful, of good character, self-controlled, glorious, conqueror of the cities of his foes, like the sun in his splendour, like the two Aśvins in his beauty,
AI translation rendered from the Sanskrit, not a published edition
BrP 44.4
वर्धमानसुराश्चर्यः शक्रतुल्यपराक्रमः शारदेन्दुर् इवाभाति लक्षणैः समलंकृतः ॥
vardhamānasurāścaryaḥ śakratulyaparākramaḥ śāradendur ivābhāti lakṣaṇaiḥ samalaṃkṛtaḥ //
a growing wonder to the gods, of prowess equal to Indra's; adorned with (auspicious) marks he shines like the autumn moon.
AI translation rendered from the Sanskrit, not a published edition — the model flagged this verse as uncertain
BrP 44.5
आहर्ता सर्वयज्ञानां हयमेधादिकृत् तथा दानैर् यज्ञैस् तपोभिश् च तत्तुल्यो नास्ति भूपतिः ॥
āhartā sarvayajñānāṃ hayamedhādikṛt tathā dānair yajñais tapobhiś ca tattulyo nāsti bhūpatiḥ //
(He was) a performer of all sacrifices, a doer of the horse-sacrifice and the rest; in gifts, sacrifices and austerities there is no king equal to him.
AI translation rendered from the Sanskrit, not a published edition
BrP 44.6
सुवर्णमणिमुक्तानां गजाश्वानां च भूपतिः प्रददौ विप्रमुख्येभ्यो यागे यागे महाधनम् ॥
suvarṇamaṇimuktānāṃ gajāśvānāṃ ca bhūpatiḥ pradadau vipramukhyebhyo yāge yāge mahādhanam //
At sacrifice after sacrifice the king gave great wealth of gold, gems and pearls, and of elephants and horses, to the foremost brahmins.
AI translation rendered from the Sanskrit, not a published edition
BrP 44.7
हस्त्यश्वरथमुख्यानां कम्बलाजिनवाससाम् रत्नानां धनधान्यानाम् अन्तस् तस्य न विद्यते ॥
hastyaśvarathamukhyānāṃ kambalājinavāsasām ratnānāṃ dhanadhānyānām antas tasya na vidyate //
Of his choice elephants, horses and chariots, of his blankets, hides and garments, of his jewels, wealth and grain, there was no end.
AI translation rendered from the Sanskrit, not a published edition
BrP 44.8
एवं सर्वधनैर् युक्तो गुणैः सर्वैर् अलंकृतः सर्वकामसमृद्धात्मा कुर्वन् राज्यम् अकण्टकम् ॥
evaṃ sarvadhanair yukto guṇaiḥ sarvair alaṃkṛtaḥ sarvakāmasamṛddhātmā kurvan rājyam akaṇṭakam //
Thus, possessed of all riches, adorned with all virtues, himself abounding in every object of desire, exercising a sovereignty free of thorns,
AI translation rendered from the Sanskrit, not a published edition
BrP 44.9
तस्येयं मतिर् उत्पन्ना सर्वयोगेश्वरं हरिम् कथम् आराधयिष्यामि भुक्तिमुक्तिप्रदं प्रभुम् ॥
tasyeyaṃ matir utpannā sarvayogeśvaraṃ harim katham ārādhayiṣyāmi bhuktimuktipradaṃ prabhum //
this thought arose in him: "How shall I propitiate Hari, the lord of all yoga, the Lord who bestows enjoyment and liberation?"
AI translation rendered from the Sanskrit, not a published edition
BrP 44.10
विचार्य सर्वशास्त्राणि तन्त्राण्य् आगमविस्तरम् इतिहासपुराणानि वेदाङ्गानि च सर्वशः ॥
vicārya sarvaśāstrāṇi tantrāṇy āgamavistaram itihāsapurāṇāni vedāṅgāni ca sarvaśaḥ //
Having examined all the treatises, the Tantras, the whole extent of the Āgamas, the epics and Purāṇas, and the Vedic auxiliaries in every respect,
AI translation rendered from the Sanskrit, not a published edition
BrP 44.11
धर्मशास्त्राणि सर्वाणि नियमान् ऋषिभाषितान् वेदाङ्गानि च शास्त्राणि विद्यास्थानानि यानि च ॥
dharmaśāstrāṇi sarvāṇi niyamān ṛṣibhāṣitān vedāṅgāni ca śāstrāṇi vidyāsthānāni yāni ca //
all the law-books, the observances spoken by the seers, the Vedic auxiliaries and the treatises, and whatever branches of learning there are,
AI translation rendered from the Sanskrit, not a published edition
BrP 44.12
गुरुं संसेव्य यत्नेन ब्राह्मणान् वेदपारगान् आधाय परमां काष्ठां कृतकृत्यो ऽभवत् तदा ॥
guruṃ saṃsevya yatnena brāhmaṇān vedapāragān ādhāya paramāṃ kāṣṭhāṃ kṛtakṛtyo 'bhavat tadā //
and having diligently served his teacher and brahmins who had mastered the Vedas, he then, having fixed (his mind on) the highest goal, became one whose task was accomplished.
AI translation rendered from the Sanskrit, not a published edition
BrP 44.13
संप्राप्य परमं तत्त्वं वासुदेवाख्यम् अव्ययम् भ्रान्तिज्ञानाद् अतीतस् तु मुमुक्षुः संयतेन्द्रियः ॥
saṃprāpya paramaṃ tattvaṃ vāsudevākhyam avyayam bhrāntijñānād atītas tu mumukṣuḥ saṃyatendriyaḥ //
Having attained the supreme reality, the imperishable one called Vāsudeva, gone beyond deluded knowledge, desiring liberation, with senses restrained (he thought):
AI translation rendered from the Sanskrit, not a published edition
BrP 44.14
कथम् आराधयिष्यामि देवदेवं सनातनम् पीतवस्त्रं चतुर्बाहुं शङ्खचक्रगदाधरम् ॥
katham ārādhayiṣyāmi devadevaṃ sanātanam pītavastraṃ caturbāhuṃ śaṅkhacakragadādharam //
"How shall I propitiate the eternal God of gods, clad in yellow, four-armed, bearing conch, discus and mace,
AI translation rendered from the Sanskrit, not a published edition
BrP 44.15
वनमालावृतोरस्कं पद्मपत्त्रायतेक्षणम् श्रीवत्सोरःसमायुक्तं मुकुटाङ्गदशोभितम् ॥
vanamālāvṛtoraskaṃ padmapattrāyatekṣaṇam śrīvatsoraḥsamāyuktaṃ mukuṭāṅgadaśobhitam //
(Him) whose chest is wreathed with a forest-garland, whose eyes are wide as lotus petals, who bears the Śrīvatsa on his breast, adorned with crown and armlets.
AI translation rendered from the Sanskrit, not a published edition
BrP 44.16
स्वपुरात् स तु निष्क्रान्त उज्जयिन्याः प्रजापतिः बलेन महता युक्तः सभृत्यः सपुरोहितः ॥
svapurāt sa tu niṣkrānta ujjayinyāḥ prajāpatiḥ balena mahatā yuktaḥ sabhṛtyaḥ sapurohitaḥ //
But he, the lord of creatures, went forth from his own city, from Ujjayinī, accompanied by a great army, with his servants and with his priest.
AI translation rendered from the Sanskrit, not a published edition
BrP 44.17
अनुजग्मुस् तु तं सर्वे रथिनः शस्त्रपाणयः रथैर् विमानसंकाशैः पताकाध्वजसेवितैः ॥
anujagmus tu taṃ sarve rathinaḥ śastrapāṇayaḥ rathair vimānasaṃkāśaiḥ patākādhvajasevitaiḥ //
And all the chariot-warriors, weapons in hand, followed him with chariots resembling flying palaces, decked with pennants and banners.
AI translation rendered from the Sanskrit, not a published edition
BrP 44.18
सादिनश् च तथा सर्वे प्रासतोमरपाणयः अश्वैः पवनसंकाशैर् अनुजग्मुस् तु तं नृपम् ॥
sādinaś ca tathā sarve prāsatomarapāṇayaḥ aśvaiḥ pavanasaṃkāśair anujagmus tu taṃ nṛpam //
And likewise all the horsemen, with lances and iron clubs in hand, followed that king on horses swift as the wind.
AI translation rendered from the Sanskrit, not a published edition
BrP 44.19
हिमवत्संभवैर् मत्तैर् वारणैः पर्वतोपमैः ईषादन्तैः सदा मत्तैः प्रचण्डैः षष्टिहायनैः ॥
himavatsaṃbhavair mattair vāraṇaiḥ parvatopamaiḥ īṣādantaiḥ sadā mattaiḥ pracaṇḍaiḥ ṣaṣṭihāyanaiḥ //
With rutting elephants born in the Himālaya, like mountains, with tusks like chariot-poles, always in rut, fierce, sixty years old,
AI translation rendered from the Sanskrit, not a published edition
BrP 44.20
हेमकक्षैः सपताकैर् घण्टारवविभूषितैः अनुजग्मुश् च तं सर्वे गजयुद्धविशारदाः ॥
hemakakṣaiḥ sapatākair ghaṇṭāravavibhūṣitaiḥ anujagmuś ca taṃ sarve gajayuddhaviśāradāḥ //
—(elephants) with golden girths, bearing pennants, adorned with the sound of bells—all those skilled in elephant-warfare followed him.
AI translation rendered from the Sanskrit, not a published edition
BrP 44.21
असंख्येयाश् च पादाता धनुष्प्रासासिपाणयः दिव्यमाल्याम्बरधरा दिव्यगन्धानुलेपनाः ॥
asaṃkhyeyāś ca pādātā dhanuṣprāsāsipāṇayaḥ divyamālyāmbaradharā divyagandhānulepanāḥ //
And countless foot-soldiers, with bows, lances and swords in hand, wearing divine garlands and garments, anointed with divine perfumes,
AI translation rendered from the Sanskrit, not a published edition
BrP 44.22
अनुजग्मुश् च तं सर्वे युवानो मृष्टकुण्डलाः सर्वास्त्रकुशलाः शूराः सदा संग्रामलालसाः ॥
anujagmuś ca taṃ sarve yuvāno mṛṣṭakuṇḍalāḥ sarvāstrakuśalāḥ śūrāḥ sadā saṃgrāmalālasāḥ //
—all of them young men with polished earrings, skilled in every weapon, brave, always eager for battle—followed him.
AI translation rendered from the Sanskrit, not a published edition
BrP 44.23
अन्तःपुरनिवासिन्यः स्त्रियः सर्वाः स्वलंकृताः बिम्बौष्ठचारुदशनाः सर्वाभरणभूषिताः ॥
antaḥpuranivāsinyaḥ striyaḥ sarvāḥ svalaṃkṛtāḥ bimbauṣṭhacārudaśanāḥ sarvābharaṇabhūṣitāḥ //
The women dwelling in the inner apartments, all well adorned, with bimba-red lips and lovely teeth, decked with every ornament,
AI translation rendered from the Sanskrit, not a published edition
BrP 44.24
दिव्यवस्त्रधराः सर्वा दिव्यमाल्यविभूषिताः दिव्यगन्धानुलिप्ताङ्गाः शरच्चन्द्रनिभाननाः ॥
divyavastradharāḥ sarvā divyamālyavibhūṣitāḥ divyagandhānuliptāṅgāḥ śaraccandranibhānanāḥ //
all wearing divine garments, adorned with divine garlands, their limbs anointed with divine perfumes, their faces like the autumn moon,
AI translation rendered from the Sanskrit, not a published edition
BrP 44.25
सुमध्यमाश् चारुवेषाश् चारुकर्णालकाञ्चिताः ताम्बूलरञ्जितमुखा रक्षिभिश् च सुरक्षिताः ॥
sumadhyamāś cāruveṣāś cārukarṇālakāñcitāḥ tāmbūlarañjitamukhā rakṣibhiś ca surakṣitāḥ //
fair-waisted, charmingly dressed, graced with lovely curls at the ears, their mouths reddened with betel, and well guarded by guards,
AI translation rendered from the Sanskrit, not a published edition
BrP 44.26
यानैर् उच्चावचैः शुभ्रैर् मणिकाञ्चनभूषितैः उपगीयमानास् ताः सर्वा गायनैः स्तुतिपाठकैः ॥
yānair uccāvacaiḥ śubhrair maṇikāñcanabhūṣitaiḥ upagīyamānās tāḥ sarvā gāyanaiḥ stutipāṭhakaiḥ //
in bright conveyances of high and low (kinds), adorned with gems and gold—all of them being sung to by singers and reciters of praise,
AI translation rendered from the Sanskrit, not a published edition
BrP 44.27
वेष्टिताः शस्त्रहस्तैश् च पद्मपत्त्रायतेक्षणाः ब्राह्मणाः क्षत्रिया वैश्या अनुजग्मुश् च तं नृपम् ॥
veṣṭitāḥ śastrahastaiś ca padmapattrāyatekṣaṇāḥ brāhmaṇāḥ kṣatriyā vaiśyā anujagmuś ca taṃ nṛpam //
surrounded by men with weapons in hand—and brāhmaṇas, kṣatriyas and vaiśyas, with eyes wide as lotus petals, followed that king.
AI translation rendered from the Sanskrit, not a published edition
BrP 44.28
वणिग्ग्रामगणाः सर्वे नानापुरनिवासिनः धनै रत्नैः सुवर्णैश् च सदाराः सपरिच्छदाः ॥
vaṇiggrāmagaṇāḥ sarve nānāpuranivāsinaḥ dhanai ratnaiḥ suvarṇaiś ca sadārāḥ saparicchadāḥ //
All the guilds of the merchant-communities, dwellers in various cities, (came) with riches, gems and gold, with their wives and their retinues.
AI translation rendered from the Sanskrit, not a published edition
BrP 44.29
अस्त्रविक्रयकाश् चैव ताम्बूलपण्यजीविनः तृणविक्रयकाश् चैव काष्ठविक्रयकारकाः ॥
astravikrayakāś caiva tāmbūlapaṇyajīvinaḥ tṛṇavikrayakāś caiva kāṣṭhavikrayakārakāḥ //
And the sellers of weapons, and those who live by trading in betel, and the sellers of grass, and the dealers in wood,
AI translation rendered from the Sanskrit, not a published edition
BrP 44.30
रङ्गोपजीविनः सर्वे मांसविक्रयिणस् तथा तैलविक्रयकाश् चैव वस्त्रविक्रयकास् तथा ॥
raṅgopajīvinaḥ sarve māṃsavikrayiṇas tathā tailavikrayakāś caiva vastravikrayakās tathā //
all those who live by the stage, and likewise the sellers of meat, and the sellers of oil, and likewise the sellers of cloth,
AI translation rendered from the Sanskrit, not a published edition
BrP 44.31
फलविक्रयिणश् चैव पत्त्रविक्रयिणस् तथा तथा जवसहाराश् च रजकाश् च सहस्रशः ॥
phalavikrayiṇaś caiva pattravikrayiṇas tathā tathā javasahārāś ca rajakāś ca sahasraśaḥ //
and the sellers of fruit, and likewise the sellers of leaves, and likewise the swift carriers and washermen by the thousands,
AI translation rendered from the Sanskrit, not a published edition — the model flagged this verse as uncertain
BrP 44.32
गोपाला नापिताश् चैव तथान्ये वस्त्रसूचकाः मेषपालाश् चाजपाला मृगपालाश् च हंसकाः ॥
gopālā nāpitāś caiva tathānye vastrasūcakāḥ meṣapālāś cājapālā mṛgapālāś ca haṃsakāḥ //
cowherds and barbers, and others, tailors of cloth, sheep-keepers and goat-keepers and deer-keepers and goose-keepers,
AI translation rendered from the Sanskrit, not a published edition
BrP 44.33
धान्यविक्रयिणश् चैव सक्तुविक्रयिणश् च ये गुडविक्रयिकाश् चैव तथा लवणजीविनः ॥
dhānyavikrayiṇaś caiva saktuvikrayiṇaś ca ye guḍavikrayikāś caiva tathā lavaṇajīvinaḥ //
and the sellers of grain, and those who sell barley-meal, and the sellers of raw sugar, and likewise those who live by salt,
AI translation rendered from the Sanskrit, not a published edition
BrP 44.34
गायना नर्तकाश् चैव तथा मङ्गलपाठकाः शैलूषाः कथकाश् चैव पुराणार्थविशारदाः ॥
gāyanā nartakāś caiva tathā maṅgalapāṭhakāḥ śailūṣāḥ kathakāś caiva purāṇārthaviśāradāḥ //
singers and dancers, and likewise reciters of auspicious verses, actors and story-tellers skilled in the matter of the Purāṇas,
AI translation rendered from the Sanskrit, not a published edition
BrP 44.35
कवयः काव्यकर्तारो नानाकाव्यविशारदाः विषघ्ना गारुडाश् चैव नानारत्नपरीक्षकाः ॥
kavayaḥ kāvyakartāro nānākāvyaviśāradāḥ viṣaghnā gāruḍāś caiva nānāratnaparīkṣakāḥ //
Poets, composers of poetry, skilled in the various kinds of poems; removers of poison, Gāruḍa-charmers, and testers of the various gems.
AI translation rendered from the Sanskrit, not a published edition
BrP 44.36
व्योकारास् ताम्रकाराश् च कांस्यकाराश् च रूठकाः कौषकाराश् चित्रकाराः कुन्दकाराश् च पावकाः ॥
vyokārās tāmrakārāś ca kāṃsyakārāś ca rūṭhakāḥ kauṣakārāś citrakārāḥ kundakārāś ca pāvakāḥ //
Iron-smiths, copper-smiths, bell-metal workers, and rūṭhakas; silk-workers(?), painters, lathe-turners, and pāvakas (refiners?).
AI translation rendered from the Sanskrit, not a published edition — the model flagged this verse as uncertain
BrP 44.37
दण्डकाराश् चासिकाराः सुराधूतोपजीविनः मल्ला दूताश् च कायस्था ये चान्ये कर्मकारिणः ॥
daṇḍakārāś cāsikārāḥ surādhūtopajīvinaḥ mallā dūtāś ca kāyasthā ye cānye karmakāriṇaḥ //
Staff-makers and sword-makers, those living by liquor and gambling, wrestlers, messengers, scribes, and whatever other workmen there were.
AI translation rendered from the Sanskrit, not a published edition
BrP 44.38
तन्तुवाया रूपकारा वार्तिकास् तैलपाठकाः लावजीवास् तैत्तिरिका मृगपक्ष्युपजीविनः ॥
tantuvāyā rūpakārā vārtikās tailapāṭhakāḥ lāvajīvās taittirikā mṛgapakṣyupajīvinaḥ //
Weavers, image-makers, traders(?), oil-pressers, those living by (catching) quails, partridge-catchers, and those who live by (hunting) beasts and birds.
AI translation rendered from the Sanskrit, not a published edition — the model flagged this verse as uncertain
BrP 44.39
गजवैद्याश् च वैद्याश् च नरवैद्याश् च ये नराः वृक्षवैद्याश् च गोवैद्या ये चान्ये छेददाहकाः ॥
gajavaidyāś ca vaidyāś ca naravaidyāś ca ye narāḥ vṛkṣavaidyāś ca govaidyā ye cānye chedadāhakāḥ //
Elephant-doctors and (other) physicians, and those men who are doctors of men, and tree-doctors and cattle-doctors, and whatever others practise cutting and cauterizing.
AI translation rendered from the Sanskrit, not a published edition
BrP 44.40
एते नागरकाः सर्वे ये चान्ये नानुकीर्तिताः अनुजग्मुस् तु राजानं समस्तपुरवासिनः ॥
ete nāgarakāḥ sarve ye cānye nānukīrtitāḥ anujagmus tu rājānaṃ samastapuravāsinaḥ //
All these townsfolk, and the others not enumerated—all the city's inhabitants—followed the king.
AI translation rendered from the Sanskrit, not a published edition
BrP 44.41
यथा व्रजन्तं पितरं ग्रामान्तरं समुत्सुकाः अनुयान्ति यथा पुत्रास् तथा तं ते ऽपि नागराः ॥
yathā vrajantaṃ pitaraṃ grāmāntaraṃ samutsukāḥ anuyānti yathā putrās tathā taṃ te 'pi nāgarāḥ //
Just as sons, full of longing, follow their father going to another village, so did those townsmen follow him.
AI translation rendered from the Sanskrit, not a published edition
BrP 44.42
एवं स नृपतिः श्रीमान् वृतः सर्वैर् महाजनैः हस्त्यश्वरथपादातैर् जगाम च शनैः शनैः ॥
evaṃ sa nṛpatiḥ śrīmān vṛtaḥ sarvair mahājanaiḥ hastyaśvarathapādātair jagāma ca śanaiḥ śanaiḥ //
Thus that illustrious king, surrounded by all the great throng, with elephants, horses, chariots and foot-soldiers, went on slowly, slowly.
AI translation rendered from the Sanskrit, not a published edition
BrP 44.43
एवं गत्वा स नृपतिर् दक्षिणस्योदधेस् तटम् सर्वैस् तैर् दीर्घकालेन बलैर् अनुगतः प्रभुः ॥
evaṃ gatvā sa nṛpatir dakṣiṇasyodadhes taṭam sarvais tair dīrghakālena balair anugataḥ prabhuḥ //
Having gone in this way, that lord of a king reached the shore of the southern ocean after a long time, followed by all those forces.
AI translation rendered from the Sanskrit, not a published edition
BrP 44.44
ददर्श सागरं रम्यं नृत्यन्तम् इव च स्थितम् अनेकशतसाहस्रैर् ऊर्मिभिश् च समाकुलम् ॥
dadarśa sāgaraṃ ramyaṃ nṛtyantam iva ca sthitam anekaśatasāhasrair ūrmibhiś ca samākulam //
He saw the lovely sea, standing as if dancing, crowded with many hundreds of thousands of waves,
AI translation rendered from the Sanskrit, not a published edition
BrP 44.45
नानारत्नालयं पूर्णं नानाप्राणिसमाकुलम् वीचीतरङ्गबहुलं महाश्चर्यसमन्वितम् ॥
nānāratnālayaṃ pūrṇaṃ nānāprāṇisamākulam vīcītaraṅgabahulaṃ mahāścaryasamanvitam //
the abode of the various jewels, full, teeming with various living creatures, abounding in ripples and billows, endowed with great marvels,
AI translation rendered from the Sanskrit, not a published edition
BrP 44.46
तीर्थराजं महाशब्दम् अपारं सुभयंकरम् मेघवृन्दप्रतीकाशम् अगाधं मकरालयम् ॥
tīrtharājaṃ mahāśabdam apāraṃ subhayaṃkaram meghavṛndapratīkāśam agādhaṃ makarālayam //
the king of holy fords, loud-sounding, shoreless, most fearsome, resembling a mass of clouds, unfathomable, the home of sea-monsters,
AI translation rendered from the Sanskrit, not a published edition
BrP 44.47
मत्स्यैः कूर्मैश् च शङ्खैश् च शुक्तिकानक्रशङ्कुभिः शिंशुमारैः कर्कटैश् च वृतं सर्पैर् महाविषैः ॥
matsyaiḥ kūrmaiś ca śaṅkhaiś ca śuktikānakraśaṅkubhiḥ śiṃśumāraiḥ karkaṭaiś ca vṛtaṃ sarpair mahāviṣaiḥ //
encircled by fishes, turtles, conches, oysters, crocodiles and shell-spikes(?), by porpoises, crabs, and highly venomous serpents,
AI translation rendered from the Sanskrit, not a published edition
BrP 44.48
लवणोदं हरेः स्थानं शयनस्य नदीपतिम् सर्वपापहरं पुण्यं सर्ववाञ्छाफलप्रदम् ॥
lavaṇodaṃ hareḥ sthānaṃ śayanasya nadīpatim sarvapāpaharaṃ puṇyaṃ sarvavāñchāphalapradam //
salt-watered, the place of Hari's sleeping, the lord of rivers, remover of all sins, holy, granting the fruit of every wish,
AI translation rendered from the Sanskrit, not a published edition
BrP 44.49
अनेकावर्तगम्भीरं दानवानां समाश्रयम् अमृतस्यारणिं दिव्यं देवयोनिम् अपां पतिम् ॥
anekāvartagambhīraṃ dānavānāṃ samāśrayam amṛtasyāraṇiṃ divyaṃ devayonim apāṃ patim //
deep with its many whirlpools, the refuge of the Dānavas, the divine fire-stick (source) of the nectar, the womb of the gods, the lord of waters,
AI translation rendered from the Sanskrit, not a published edition
BrP 44.50
विशिष्टं सर्वभूतानां प्राणिनां जीवधारणम् सुपवित्रं पवित्राणां मङ्गलानां च मङ्गलम् ॥
viśiṣṭaṃ sarvabhūtānāṃ prāṇināṃ jīvadhāraṇam supavitraṃ pavitrāṇāṃ maṅgalānāṃ ca maṅgalam //
pre-eminent, the sustainer of the life of all beings that breathe, most purifying of purifiers, and the auspiciousness of auspicious things,
AI translation rendered from the Sanskrit, not a published edition
BrP 44.51
तीर्थानाम् उत्तमं तीर्थम् अव्ययं यादसां पतिम् चन्द्रवृद्धिक्षयस्येव यस्य मानं प्रतिष्ठितम् ॥
tīrthānām uttamaṃ tīrtham avyayaṃ yādasāṃ patim candravṛddhikṣayasyeva yasya mānaṃ pratiṣṭhitam //
the best ford of fords, imperishable, lord of water-creatures, whose measure is established as if by the waxing and waning of the moon,
AI translation rendered from the Sanskrit, not a published edition
BrP 44.52
अभेद्यं सर्वभूतानां देवानाम् अमृतालयम् उत्पत्तिस्थितिसंहारहेतुभूतं सनातनम् ॥
abhedyaṃ sarvabhūtānāṃ devānām amṛtālayam utpattisthitisaṃhārahetubhūtaṃ sanātanam //
indestructible, the abode of the nectar of the gods for all beings, being the cause of origination, maintenance and dissolution, eternal,
AI translation rendered from the Sanskrit, not a published edition
BrP 44.53
उपजीव्यं च सर्वेषां पुण्यं नदनदीपतिम् दृष्ट्वा तं नृपतिश्रेष्ठो विस्मयं परमं गतः ॥
upajīvyaṃ ca sarveṣāṃ puṇyaṃ nadanadīpatim dṛṣṭvā taṃ nṛpatiśreṣṭho vismayaṃ paramaṃ gataḥ //
and to be lived upon by all, holy, the lord of streams and rivers—seeing it, that best of kings fell into the utmost astonishment.
AI translation rendered from the Sanskrit, not a published edition
BrP 44.54
निवासम् अकरोत् तत्र वेलाम् असाद्य सागरीम् पुण्ये मनोहरे देशे सर्वभूमिगुणैर् युते ॥
nivāsam akarot tatra velām asādya sāgarīm puṇye manohare deśe sarvabhūmiguṇair yute //
He made his dwelling there, having reached the sea-shore, in a holy and charming region endowed with all the qualities of good ground.
AI translation rendered from the Sanskrit, not a published edition
BrP 44.55
वृतं शालैः कदम्बैश् च पुंनागैः सरलद्रुमैः पनसैर् नारिकेलैश् च बकुलैर् नागकेसरैः ॥
vṛtaṃ śālaiḥ kadambaiś ca puṃnāgaiḥ saraladrumaiḥ panasair nārikelaiś ca bakulair nāgakesaraiḥ //
(The place was) encircled by śāla trees and kadambas, by puṃnāgas and sarala trees, by breadfruit and coconut trees, by bakulas and nāgakesaras.
AI translation rendered from the Sanskrit, not a published edition
BrP 44.56
तालैः पिप्पलैः खर्जूरैर् नारङ्गैर् बीजपूरकैः शालैर् आम्रातकैर् लोध्रैर् बकुलैर् बहुवारकैः ॥
tālaiḥ pippalaiḥ kharjūrair nāraṅgair bījapūrakaiḥ śālair āmrātakair lodhrair bakulair bahuvārakaiḥ //
By palmyras, pippalas, and date palms, by orange trees and citrons, by śālas, hog-plums, lodhras, bakulas, and bahuvāras.
AI translation rendered from the Sanskrit, not a published edition
BrP 44.57
कपित्थैः कर्णिकारैश् च पाटलाशोकचम्पकैः दाडिमैश् च तमालैश् च पारिजातैस् तथार्जुनैः ॥
kapitthaiḥ karṇikāraiś ca pāṭalāśokacampakaiḥ dāḍimaiś ca tamālaiś ca pārijātais tathārjunaiḥ //
By wood-apples and karṇikāras, by pāṭalās, aśokas, and campakas, by pomegranates and tamālas, by pārijātas and also arjunas.
AI translation rendered from the Sanskrit, not a published edition
BrP 44.58
प्राचीनामलकैर् बिल्वैः प्रियङ्गुवटखादिरैः इङ्गुदीसप्तपर्णैश् च अश्वत्थागस्त्यजम्बुकैः ॥
prācīnāmalakair bilvaiḥ priyaṅguvaṭakhādiraiḥ iṅgudīsaptaparṇaiś ca aśvatthāgastyajambukaiḥ //
By prācīnāmalaka and bilva trees, by priyaṅgus, banyans, and khadiras, by iṅgudīs and saptaparṇas, and by aśvatthas, agastyas, and jambus.
AI translation rendered from the Sanskrit, not a published edition
BrP 44.59
मधुकैः कर्णिकारैश् च बहुवारैः सतिन्दुकैः पलाशबदरैर् नीपैः सिद्धनिम्बशुभाञ्जनैः ॥
madhukaiḥ karṇikāraiś ca bahuvāraiḥ satindukaiḥ palāśabadarair nīpaiḥ siddhanimbaśubhāñjanaiḥ //
By madhukas and karṇikāras, by bahuvāras together with tindukas, by palāśas and jujubes, by nīpas, by siddha, nimba, and śubhāñjana trees.
AI translation rendered from the Sanskrit, not a published edition
BrP 44.60
वारकैः कोविदारैश् च भल्लातामलकैस् तथा इति हिन्तालकाङ्कोलैः करञ्जैः सविभीतकैः ॥
vārakaiḥ kovidāraiś ca bhallātāmalakais tathā iti hintālakāṅkolaiḥ karañjaiḥ savibhītakaiḥ //
By vāraka trees and kovidāras, and likewise by bhallātakas and āmalakas, and so too by hintālas and aṅkolas, by karañjas together with vibhītakas.
AI translation rendered from the Sanskrit, not a published edition
BrP 44.61
ससर्जमधुकाश्मर्यैः शाल्मलीदेवदारुभिः शाखोठकैर् निम्बवटैः कुम्भीकौष्ठहरीतकैः ॥
sasarjamadhukāśmaryaiḥ śālmalīdevadārubhiḥ śākhoṭhakair nimbavaṭaiḥ kumbhīkauṣṭhaharītakaiḥ //
By sarjas, madhukas, and kāśmaryas, by śālmalīs and devadārus, by śākhoṭhakas, nimbas, and banyans, by kumbhīs, kauṣṭhas, and harītakas.
AI translation rendered from the Sanskrit, not a published edition
BrP 44.62
गुग्गुलैश् चन्दनैर् वृक्षैस् तथैवागुरुपाटलैः जम्बीरकरुणैर् वृक्षैस् तिन्तिडीरक्तचन्दनैः ॥
guggulaiś candanair vṛkṣais tathaivāgurupāṭalaiḥ jambīrakaruṇair vṛkṣais tintiḍīraktacandanaiḥ //
By guggulu trees and sandal trees, and likewise by aguru and pāṭala trees, by jambīra and karuṇa trees, by tintiḍīs and red sandal trees.
AI translation rendered from the Sanskrit, not a published edition
BrP 44.63
एवं नानाविधैर् वृक्षैस् तथान्यैर् बहुपादपैः कल्पद्रुमैर् नित्यफलैः सर्वर्तुकुसुमोत्करैः ॥
evaṃ nānāvidhair vṛkṣais tathānyair bahupādapaiḥ kalpadrumair nityaphalaiḥ sarvartukusumotkaraiḥ //
Thus by trees of many kinds and by other numerous trees, by wish-granting trees ever in fruit, with masses of blossoms of every season;
AI translation rendered from the Sanskrit, not a published edition
BrP 44.64
नानापक्षिरुतैर् दिव्यैर् मत्तकोकिलनादितैः मयूरवरसंघुष्टैः शुकसारिकसंकुलैः ॥
nānāpakṣirutair divyair mattakokilanāditaiḥ mayūravarasaṃghuṣṭaiḥ śukasārikasaṃkulaiḥ //
(the place was filled) with the divine cries of various birds, resounding with intoxicated cuckoos, loud with the calls of peacocks, thronged with parrots and mynas,
AI translation rendered from the Sanskrit, not a published edition
BrP 44.65
हारीतैर् भृङ्गराजैश् च चातकैर् बहुपुत्रकैः जीवंजीवककाकोलैः कलविङ्कैः कपोतकैः ॥
hārītair bhṛṅgarājaiś ca cātakair bahuputrakaiḥ jīvaṃjīvakakākolaiḥ kalaviṅkaiḥ kapotakaiḥ //
with hārītas and bhṛṅgarājas, with cātakas and bahuputrakas, with jīvaṃjīvakas and kākolas, with sparrows and doves,
AI translation rendered from the Sanskrit, not a published edition
BrP 44.66
खगैर् नानाविधैश् चान्यैः श्रोत्ररम्यैर् मनोहरैः पुष्पिताग्रेषु वृक्षेषु कूजद्भिश् चार्वधिष्ठितैः ॥
khagair nānāvidhaiś cānyaiḥ śrotraramyair manoharaiḥ puṣpitāgreṣu vṛkṣeṣu kūjadbhiś cārvadhiṣṭhitaiḥ //
and with other birds of many kinds, pleasing to the ear and charming, perching gracefully and cooing on the trees whose tops were in flower;
AI translation rendered from the Sanskrit, not a published edition
BrP 44.67
केतकीवनखण्डैश् च सदा पुष्पधरैः सितैः मल्लिकाकुन्दकुसुमैर् यूथिकातगरैस् तथा ॥
ketakīvanakhaṇḍaiś ca sadā puṣpadharaiḥ sitaiḥ mallikākundakusumair yūthikātagarais tathā //
and with thickets of ketakī groves, white and always bearing flowers, with the blossoms of mallikā and kunda, and with yūthikā and tagara,
AI translation rendered from the Sanskrit, not a published edition
BrP 44.68
कुटजैर् बाणपुष्पैश् च अतिमुक्तैः सकुब्जकैः मालतीकरवीरैश् च तथा कदलकाञ्चनैः ॥
kuṭajair bāṇapuṣpaiś ca atimuktaiḥ sakubjakaiḥ mālatīkaravīraiś ca tathā kadalakāñcanaiḥ //
with kuṭajas and bāṇa flowers, with atimuktas together with kubjakas, with mālatīs and karavīras, and likewise with kadalas and kāñcanas,
AI translation rendered from the Sanskrit, not a published edition
BrP 44.69
अन्यैर् नानाविधैः पुष्पैः सुगन्धैश् चारुदर्शनैः वनोद्यानोपवनजैर् नानावर्णैः सुगन्धिभिः ॥
anyair nānāvidhaiḥ puṣpaiḥ sugandhaiś cārudarśanaiḥ vanodyānopavanajair nānāvarṇaiḥ sugandhibhiḥ //
and with other flowers of many kinds, fragrant and lovely to look at, growing in the woods, gardens, and groves, of many colours and sweet-scented;
AI translation rendered from the Sanskrit, not a published edition
BrP 44.70
विद्याधरगणाकीर्णैः सिद्धचारणसेवितैः गन्धर्वोरगरक्षोभिर् भूताप्सरसकिंनरैः ॥
vidyādharagaṇākīrṇaiḥ siddhacāraṇasevitaiḥ gandharvoragarakṣobhir bhūtāpsarasakiṃnaraiḥ //
(those groves were) crowded with hosts of vidyādharas, frequented by siddhas and cāraṇas, by gandharvas, serpents, and rākṣasas, by bhūtas, apsarases, and kiṃnaras,
AI translation rendered from the Sanskrit, not a published edition
BrP 44.71
मुनियक्षगणाकीर्णैर् नानासत्त्वनिषेवितैः मृगैः शाखामृगैः सिंहैर् वराहमहिषाकुलैः ॥
muniyakṣagaṇākīrṇair nānāsattvaniṣevitaiḥ mṛgaiḥ śākhāmṛgaiḥ siṃhair varāhamahiṣākulaiḥ //
crowded with throngs of sages and yakṣas, frequented by many creatures, thronged with deer, monkeys, lions, boars, and buffaloes,
AI translation rendered from the Sanskrit, not a published edition
BrP 44.72
तथान्यैः कृष्णसाराद्यैर् मृगैः सर्वत्र शोभितैः शार्दूलैर् दीप्तमातङ्गैस् तथान्यैर् वनचारिभिः ॥
tathānyaiḥ kṛṣṇasārādyair mṛgaiḥ sarvatra śobhitaiḥ śārdūlair dīptamātaṅgais tathānyair vanacāribhiḥ //
and likewise adorned everywhere with other deer, black antelope and the rest, with tigers, with fierce elephants, and with other forest-roaming beasts;
AI translation rendered from the Sanskrit, not a published edition
BrP 44.73
एवं नानाविधैर् वृक्षैर् उद्यानैर् नन्दनोपमैः लतागुल्मवितानैश् च विविधैश् च जलाशयैः ॥
evaṃ nānāvidhair vṛkṣair udyānair nandanopamaiḥ latāgulmavitānaiś ca vividhaiś ca jalāśayaiḥ //
thus with trees of many kinds, with gardens like Nandana, with canopies of creepers and shrubs, and with pools of various sorts,
AI translation rendered from the Sanskrit, not a published edition
BrP 44.74
हंसकारण्डवाकीर्णैः पद्मिनीखण्डमण्डितैः कादम्बैश् च प्लवैर् हंसैश् चक्रवाकोपशोभितैः ॥
haṃsakāraṇḍavākīrṇaiḥ padminīkhaṇḍamaṇḍitaiḥ kādambaiś ca plavair haṃsaiś cakravākopaśobhitaiḥ //
strewn with geese and kāraṇḍava ducks, adorned with beds of lotuses, made beautiful with kādamba geese, plava birds, swans, and cakravākas,
AI translation rendered from the Sanskrit, not a published edition
BrP 44.75
कमलैः शतपत्त्रैश् च कह्लारैः कुमुदोत्पलैः खगैर् जलचरैश् चान्यैः पुष्पैर् जलसमुद्भवैः ॥
kamalaiḥ śatapattraiś ca kahlāraiḥ kumudotpalaiḥ khagair jalacaraiś cānyaiḥ puṣpair jalasamudbhavaiḥ //
(adorned) with lotuses and hundred-petalled lotuses, with white water-lilies, night-lotuses and blue lotuses, with other water-dwelling birds, and with flowers born in the water;
AI translation rendered from the Sanskrit, not a published edition
BrP 44.76
पर्वतैर् दीप्तशिखरैश् चारुकन्दरमण्डितैः नानावृक्षसमाकीर्णैर् नानाधातुविभूषितैः ॥
parvatair dīptaśikharaiś cārukandaramaṇḍitaiḥ nānāvṛkṣasamākīrṇair nānādhātuvibhūṣitaiḥ //
(adorned) with mountains whose peaks blazed, graced with lovely caverns, covered over with all sorts of trees and ornamented with many kinds of minerals,
AI translation rendered from the Sanskrit, not a published edition
BrP 44.77
सर्वाश्चर्यमयैः शृङ्गैः सर्वभूतालयैः शुभैः सर्वौषधिसमायुक्तैर् विपुलैश् चित्रसानुभिः ॥
sarvāścaryamayaiḥ śṛṅgaiḥ sarvabhūtālayaiḥ śubhaiḥ sarvauṣadhisamāyuktair vipulaiś citrasānubhiḥ //
with crests made of every wonder, auspicious, the dwellings of all beings, furnished with all healing herbs, vast, with variegated tablelands —
AI translation rendered from the Sanskrit, not a published edition
BrP 44.78
एवं सर्वैः समुदितैः शोभितं सुमनोहरैः ददर्श स महीपालः स्थानं त्रैलोक्यपूजितम् ॥
evaṃ sarvaiḥ samuditaiḥ śobhitaṃ sumanoharaiḥ dadarśa sa mahīpālaḥ sthānaṃ trailokyapūjitam //
thus that protector of the earth beheld the place honoured in the three worlds, made beautiful by all these gathered together, most delightful to the mind,
AI translation rendered from the Sanskrit, not a published edition
BrP 44.79
दशयोजनविस्तीर्णं पञ्चयोजनम् आयतम् नानाश्चर्यसमायुक्तं क्षेत्रं परमदुर्लभम् ॥
daśayojanavistīrṇaṃ pañcayojanam āyatam nānāścaryasamāyuktaṃ kṣetraṃ paramadurlabham //
ten yojanas broad and five yojanas long, endowed with many marvels — a sacred field most hard to obtain.
AI translation rendered from the Sanskrit, not a published edition