Brahma Purana — Chapter 43
BrP 43.1
पुरा कृतयुगे विप्राः शक्रतुल्यपराक्रमः बभूव नृपतिः श्रीमान् इन्द्रद्युम्न इति श्रुतः ॥
purā kṛtayuge viprāḥ śakratulyaparākramaḥ babhūva nṛpatiḥ śrīmān indradyumna iti śrutaḥ //
Long ago in the Kṛta age, brahmins, there was a glorious king, whose valour equalled Śakra's, known as Indradyumna.
AI translation rendered from the Sanskrit, not a published edition
BrP 43.2
सत्यवादी शुचिर् दक्षः सर्वशास्त्रविशारदः रूपवान् सुभगः शूरो दाता भोक्ता प्रियंवदः ॥
satyavādī śucir dakṣaḥ sarvaśāstraviśāradaḥ rūpavān subhagaḥ śūro dātā bhoktā priyaṃvadaḥ //
Truthful, pure, capable, skilled in all the treatises, handsome, blessed, brave, generous, an enjoyer, kindly of speech,
AI translation rendered from the Sanskrit, not a published edition
BrP 43.3
यष्टा समस्तयज्ञानां ब्रह्मण्यः सत्यसंगरः धनुर्वेदे च वेदे च शास्त्रे च निपुणः कृती ॥
yaṣṭā samastayajñānāṃ brahmaṇyaḥ satyasaṃgaraḥ dhanurvede ca vede ca śāstre ca nipuṇaḥ kṛtī //
a performer of all the sacrifices, devoted to brahmins, true to his engagements, skilled and accomplished in the science of archery, in the Veda, and in the treatises,
AI translation rendered from the Sanskrit, not a published edition
BrP 43.4
वल्लभो नरनारीणां पौर्णमास्यां यथा शशी आदित्य इव दुष्प्रेक्ष्यः शत्रुसंघभयंकरः ॥
vallabho naranārīṇāṃ paurṇamāsyāṃ yathā śaśī āditya iva duṣprekṣyaḥ śatrusaṃghabhayaṃkaraḥ //
Beloved of men and women like the moon on the full-moon night, hard to look at like the sun, a terror to the host of his enemies.
AI translation rendered from the Sanskrit, not a published edition
BrP 43.5
वैष्णवः सत्त्वसंपन्नो जितक्रोधो जितेन्द्रियः अध्येता योगसांख्यानां मुमुक्षुर् धर्मतत्परः ॥
vaiṣṇavaḥ sattvasaṃpanno jitakrodho jitendriyaḥ adhyetā yogasāṃkhyānāṃ mumukṣur dharmatatparaḥ //
A devotee of Viṣṇu, endowed with goodness, having conquered anger and subdued his senses, a student of Yoga and Sāṃkhya, desiring liberation, intent on dharma.
AI translation rendered from the Sanskrit, not a published edition
BrP 43.6
एवं स पालयन् पृथ्वीं राजा सर्वगुणाकरः तस्य बुद्धिः समुत्पन्ना हरेर् आराधनं प्रति ॥
evaṃ sa pālayan pṛthvīṃ rājā sarvaguṇākaraḥ tasya buddhiḥ samutpannā harer ārādhanaṃ prati //
Thus, as that king—a mine of all virtues—was protecting the earth, a thought arose in him concerning the worship of Hari.
AI translation rendered from the Sanskrit, not a published edition
BrP 43.7
कथम् आराधयिष्यामि देवदेवं जनार्दनम् कस्मिन् क्षेत्रे ऽथवा तीर्थे नदीतीरे तथाश्रमे ॥
katham ārādhayiṣyāmi devadevaṃ janārdanam kasmin kṣetre 'thavā tīrthe nadītīre tathāśrame //
"How shall I worship Janārdana, the god of gods? In which sacred field, or at which tīrtha, on which riverbank, or in which hermitage?"
AI translation rendered from the Sanskrit, not a published edition
BrP 43.8
एवं चिन्तापरः सो ऽथ निरीक्ष्य मनसा महीम् आलोक्य सर्वतीर्थानि क्षेत्राण्य् अथ पुराण्य् अपि ॥
evaṃ cintāparaḥ so 'tha nirīkṣya manasā mahīm ālokya sarvatīrthāni kṣetrāṇy atha purāṇy api //
Thus absorbed in thought, he then surveyed the earth with his mind, looking over all the tīrthas, the sacred fields, and the cities too.
AI translation rendered from the Sanskrit, not a published edition
BrP 43.9
तानि सर्वाणि संत्यज्य जगामायतनं पुनः विख्यातं परमं क्षेत्रं मुक्तिदं पुरुषोत्तमम् ॥
tāni sarvāṇi saṃtyajya jagāmāyatanaṃ punaḥ vikhyātaṃ paramaṃ kṣetraṃ muktidaṃ puruṣottamam //
Abandoning all of those, he went again to the abode, the renowned supreme field, the giver of liberation, Puruṣottama.
AI translation rendered from the Sanskrit, not a published edition
BrP 43.10
स गत्वा तत् क्षेत्रवरं समृद्धबलवाहनः अयजच् चाश्वमेधेन विधिवद् भूरिदक्षिणः ॥
sa gatvā tat kṣetravaraṃ samṛddhabalavāhanaḥ ayajac cāśvamedhena vidhivad bhūridakṣiṇaḥ //
Having gone to that best of fields with his abundant forces and vehicles, he sacrificed with the horse-sacrifice according to the rules, giving copious gifts.
AI translation rendered from the Sanskrit, not a published edition
BrP 43.11
कारयित्वा महोत्सेधं प्रासादं चैव विश्रुतम् तत्र संकर्षणं कृष्णं सुभद्रां स्थाप्य वीर्यवान् ॥
kārayitvā mahotsedhaṃ prāsādaṃ caiva viśrutam tatra saṃkarṣaṇaṃ kṛṣṇaṃ subhadrāṃ sthāpya vīryavān //
Having had a famous temple of great height built, and having installed there Saṃkarṣaṇa, Kṛṣṇa, and Subhadrā, the valorous one—
AI translation rendered from the Sanskrit, not a published edition
BrP 43.12
पञ्चतीर्थं च विधिवत् कृत्वा तत्र महीपतिः स्नानं दानं तपो होमं देवताप्रेक्षणं तथा ॥
pañcatīrthaṃ ca vidhivat kṛtvā tatra mahīpatiḥ snānaṃ dānaṃ tapo homaṃ devatāprekṣaṇaṃ tathā //
and having duly performed the five-tīrtha (rite) there, that lord of the earth (performed) bathing, giving, austerity, oblation, and the viewing of the deity,
AI translation rendered from the Sanskrit, not a published edition
BrP 43.13
भक्त्या चाराध्य विधिवत् प्रत्यहं पुरुषोत्तमम् प्रसादाद् देवदेवस्य ततो मोक्षम् अवाप्तवान् ॥
bhaktyā cārādhya vidhivat pratyahaṃ puruṣottamam prasādād devadevasya tato mokṣam avāptavān //
and having worshipped Puruṣottama duly with devotion every day, he thereafter attained liberation by the grace of the god of gods.
AI translation rendered from the Sanskrit, not a published edition
BrP 43.14
मार्कण्डेयं च कृष्णं च दृष्ट्वा रामं च भो द्विजाः सागरे चेन्द्रद्युम्नाख्ये स्नात्वा मोक्षं लभेद् ध्रुवम् ॥
mārkaṇḍeyaṃ ca kṛṣṇaṃ ca dṛṣṭvā rāmaṃ ca bho dvijāḥ sāgare cendradyumnākhye snātvā mokṣaṃ labhed dhruvam //
And having seen Mārkaṇḍeya and Kṛṣṇa and Rāma, O brahmins, and having bathed in the sea and in (the lake) named Indradyumna, one surely obtains liberation.
AI translation rendered from the Sanskrit, not a published edition
BrP 43.15
कस्मात् स नृपतिः पूर्वम् इन्द्रद्युम्नो जगत्पतिः जगाम परमं क्षेत्रं मुक्तिदं पुरुषोत्तमम् ॥
kasmāt sa nṛpatiḥ pūrvam indradyumno jagatpatiḥ jagāma paramaṃ kṣetraṃ muktidaṃ puruṣottamam //
Why did that king Indradyumna, lord of the world, formerly go to the supreme field, the giver of liberation, Puruṣottama?
AI translation rendered from the Sanskrit, not a published edition
BrP 43.16
गत्वा तत्र सुरश्रेष्ठ कथं स नृपसत्तमः वाजिमेधेन विधिवद् इष्टवान् पुरुषोत्तमम् ॥
gatvā tatra suraśreṣṭha kathaṃ sa nṛpasattamaḥ vājimedhena vidhivad iṣṭavān puruṣottamam //
Having gone there, O best of gods, how did that most excellent of kings duly worship Puruṣottama with the horse-sacrifice?
AI translation rendered from the Sanskrit, not a published edition
BrP 43.17
कथं स सर्वफलदे क्षेत्रे परमदुर्लभे प्रासादं कारयाम् आस चेष्टं त्रैलोक्यविश्रुतम् ॥
kathaṃ sa sarvaphalade kṣetre paramadurlabhe prāsādaṃ kārayām āsa ceṣṭaṃ trailokyaviśrutam //
How did he have a desired temple, famed in the three worlds, built in that field which grants all fruits and is most hard to attain?
AI translation rendered from the Sanskrit, not a published edition
BrP 43.18
कथं स कृष्णं रामं च सुभद्रां च प्रजापते निर्ममे राजशार्दूलः क्षेत्रं रक्षितवान् कथम् ॥
kathaṃ sa kṛṣṇaṃ rāmaṃ ca subhadrāṃ ca prajāpate nirmame rājaśārdūlaḥ kṣetraṃ rakṣitavān katham //
How, O Prajāpati, did that tiger among kings fashion Kṛṣṇa, Rāma, and Subhadrā, and how did he guard the field?
AI translation rendered from the Sanskrit, not a published edition
BrP 43.19
कथं तत्र महीपालः प्रासादे भुवनोत्तमे स्थापयाम् आस मतिमान् कृष्णादींस् त्रिदशार्चितान् ॥
kathaṃ tatra mahīpālaḥ prāsāde bhuvanottame sthāpayām āsa matimān kṛṣṇādīṃs tridaśārcitān //
How did that wise protector of the earth install there, in that temple best in the world, Kṛṣṇa and the others, worshipped by the thirty (gods)?
AI translation rendered from the Sanskrit, not a published edition
BrP 43.20
एतत् सर्वं सुरश्रेष्ठ विस्तरेण यथातथम् वक्तुम् अर्हस्य् अशेषेण चरितं तस्य धीमतः ॥
etat sarvaṃ suraśreṣṭha vistareṇa yathātatham vaktum arhasy aśeṣeṇa caritaṃ tasya dhīmataḥ //
All this, O best of gods, you should tell in detail, exactly as it was, completely—the deeds of that wise one.
AI translation rendered from the Sanskrit, not a published edition
BrP 43.21
न तृप्तिम् अधिगच्छामस् तव वाक्यामृतेन वै श्रोतुम् इच्छामहे ब्रह्मन् परं कौतूहलं हि नः ॥
na tṛptim adhigacchāmas tava vākyāmṛtena vai śrotum icchāmahe brahman paraṃ kautūhalaṃ hi naḥ //
We do not reach satiety with the nectar of your speech; we wish to hear, O brahman, for our curiosity is great.
AI translation rendered from the Sanskrit, not a published edition
BrP 43.22
साधु साधु द्विजश्रेष्ठा यत् पृच्छध्वं पुरातनम् सर्वपापहरं पुण्यं भुक्तिमुक्तिप्रदं शुभम् ॥
sādhu sādhu dvijaśreṣṭhā yat pṛcchadhvaṃ purātanam sarvapāpaharaṃ puṇyaṃ bhuktimuktipradaṃ śubham //
Good, good, O best of brahmins, that you ask about this ancient (story), which removes all sins, meritorious, auspicious, granting enjoyment and liberation.
AI translation rendered from the Sanskrit, not a published edition
BrP 43.23
वक्ष्यामि तस्य चरितं यथावृत्तं कृते युगे शृणुध्वं मुनिशार्दूलाः प्रयताः संयतेन्द्रियाः ॥
vakṣyāmi tasya caritaṃ yathāvṛttaṃ kṛte yuge śṛṇudhvaṃ muniśārdūlāḥ prayatāḥ saṃyatendriyāḥ //
I shall tell his deeds as they happened in the Kṛta age. Listen, O tigers among sages, purified and with your senses restrained.
AI translation rendered from the Sanskrit, not a published edition
BrP 43.24
अवन्ती नाम नगरी मालवे भुवि विश्रुता बभूव तस्य नृपतेः पृथिवी ककुदोपमा ॥
avantī nāma nagarī mālave bhuvi viśrutā babhūva tasya nṛpateḥ pṛthivī kakudopamā //
There was a city named Avantī, famous on the earth in Mālava; it was, for that king, like the hump (the highest point) of the earth.
AI translation rendered from the Sanskrit, not a published edition
BrP 43.25
हृष्टपुष्टजनाकीर्णा दृढप्राकारतोरणा दृढयन्त्रार्गलद्वारा परिखाभिर् अलंकृता ॥
hṛṣṭapuṣṭajanākīrṇā dṛḍhaprākāratoraṇā dṛḍhayantrārgaladvārā parikhābhir alaṃkṛtā //
It was crowded with cheerful, well-fed people, with firm ramparts and archways, with gates having strong bolts and machines, and adorned with moats.
AI translation rendered from the Sanskrit, not a published edition
BrP 43.26
नानावणिक्समाकीर्णा नानाभाण्डसुविक्रिया रथ्यापणवती रम्या सुविभक्तचतुष्पथा ॥
nānāvaṇiksamākīrṇā nānābhāṇḍasuvikriyā rathyāpaṇavatī ramyā suvibhaktacatuṣpathā //
It was thronged with all kinds of merchants, with fine trade in all kinds of wares, provided with streets and markets, delightful, with well-laid-out crossroads.
AI translation rendered from the Sanskrit, not a published edition
BrP 43.27
गृहगोपुरसंबाधा वीथीभिः समलंकृता राजहंसनिभैः शुभ्रैश् चित्रग्रीवैर् मनोहरैः ॥
gṛhagopurasaṃbādhā vīthībhiḥ samalaṃkṛtā rājahaṃsanibhaiḥ śubhraiś citragrīvair manoharaiḥ //
It was packed close with houses and gate-towers, adorned with lanes, (and) with (mansions) white as royal geese, lovely, with variegated necks (turrets).
AI translation rendered from the Sanskrit, not a published edition — the model flagged this verse as uncertain
BrP 43.28
अनेकशतसाहस्रैः प्रासादैः समलंकृता यज्ञोत्सवप्रमुदिता गीतवादित्रनिस्वना ॥
anekaśatasāhasraiḥ prāsādaiḥ samalaṃkṛtā yajñotsavapramuditā gītavāditranisvanā //
It was adorned with many hundreds of thousands of palaces, joyful with sacrifices and festivals, resounding with song and instruments.
AI translation rendered from the Sanskrit, not a published edition
BrP 43.29
नानावर्णपताकाभिर् ध्वजैश् च समलंकृता हस्त्यश्वरथसंकीर्णा पदातिगणसंकुला ॥
nānāvarṇapatākābhir dhvajaiś ca samalaṃkṛtā hastyaśvarathasaṃkīrṇā padātigaṇasaṃkulā //
It was adorned with banners and flags of many colours, thronged with elephants, horses and chariots, thick with troops of foot-soldiers.
AI translation rendered from the Sanskrit, not a published edition
BrP 43.30
नानायोधसमाकीर्णा नानाजनपदैर् युता ब्राह्मणैः क्षत्रियैर् वैश्यैः शूद्रैश् चैव द्विजातिभिः ॥
nānāyodhasamākīrṇā nānājanapadair yutā brāhmaṇaiḥ kṣatriyair vaiśyaiḥ śūdraiś caiva dvijātibhiḥ //
It was filled with warriors of many kinds, joined with people from many regions—with brahmins, kshatriyas, vaiśyas and śūdras, and with the twice-born.
AI translation rendered from the Sanskrit, not a published edition
BrP 43.31
समृद्धा सा मुनिश्रेष्ठा विद्वद्भिः समलंकृता न तत्र मलिनाः सन्ति न मूर्खा नापि निर्धनाः ॥
samṛddhā sā muniśreṣṭhā vidvadbhiḥ samalaṃkṛtā na tatra malināḥ santi na mūrkhā nāpi nirdhanāḥ //
That (city), O best of sages, was prosperous, adorned with learned men; there were no dirty people there, none stupid, and none without wealth.
AI translation rendered from the Sanskrit, not a published edition
BrP 43.32
न रोगिणो न हीनाङ्गा न द्यूतव्यसनान्विताः सदा हृष्टाः सुमनसो दृश्यन्ते पुरुषाः स्त्रियः ॥
na rogiṇo na hīnāṅgā na dyūtavyasanānvitāḥ sadā hṛṣṭāḥ sumanaso dṛśyante puruṣāḥ striyaḥ //
There were no sick, none maimed in limb, none addicted to the vice of gambling; the men and women were seen always cheerful and glad in mind.
AI translation rendered from the Sanskrit, not a published edition
BrP 43.33
क्रीडन्ति स्म दिवा रात्रौ हृष्टास् तत्र पृथक् पृथक् सुवेषाः पुरुषास् तत्र दृश्यन्ते मृष्टकुण्डलाः ॥
krīḍanti sma divā rātrau hṛṣṭās tatra pṛthak pṛthak suveṣāḥ puruṣās tatra dṛśyante mṛṣṭakuṇḍalāḥ //
There they played by day and by night, delighted, each group apart; the men there were seen well dressed, with polished earrings.
AI translation rendered from the Sanskrit, not a published edition
BrP 43.34
सुरूपाः सुगुणाश् चैव दिव्यालंकारभूषिताः कामदेवप्रतीकाशाः सर्वलक्षणलक्षिताः ॥
surūpāḥ suguṇāś caiva divyālaṃkārabhūṣitāḥ kāmadevapratīkāśāḥ sarvalakṣaṇalakṣitāḥ //
(They were) handsome and of good qualities, adorned with divine ornaments, resembling the god of love, marked with all (auspicious) marks.
AI translation rendered from the Sanskrit, not a published edition
BrP 43.35
सुकेशाः सुकपोलाश् च सुमुखाः श्मश्रुधारिणः ज्ञातारः सर्वशास्त्राणां भेत्तारः शत्रुवाहिनीम् ॥
sukeśāḥ sukapolāś ca sumukhāḥ śmaśrudhāriṇaḥ jñātāraḥ sarvaśāstrāṇāṃ bhettāraḥ śatruvāhinīm //
With fine hair, fine cheeks, fine faces, wearing beards, knowers of all the sciences, breakers of the enemy's army,
AI translation rendered from the Sanskrit, not a published edition
BrP 43.36
दातारः सर्वरत्नानां भोक्तारः सर्वसंपदाम् स्त्रियस् तत्र मुनिश्रेष्ठा दृश्यन्ते सुमनोहराः ॥
dātāraḥ sarvaratnānāṃ bhoktāraḥ sarvasaṃpadām striyas tatra muniśreṣṭhā dṛśyante sumanoharāḥ //
givers of all jewels, enjoyers of all riches. The women there, O best of sages, were seen to be most charming.
AI translation rendered from the Sanskrit, not a published edition
BrP 43.37
हंसवारणगामिन्यः प्रफुल्लाम्भोजलोचनाः सुमध्यमाः सुजघनाः पीनोन्नतपयोधराः ॥
haṃsavāraṇagāminyaḥ praphullāmbhojalocanāḥ sumadhyamāḥ sujaghanāḥ pīnonnatapayodharāḥ //
They walked like geese and elephants, with eyes like full-blown lotuses, with fine waists, fine hips, and full high breasts.
AI translation rendered from the Sanskrit, not a published edition
BrP 43.38
सुकेशाश् चारुवदनाः सुकपोलाः स्थिरालकाः हावभावानतग्रीवाः कर्णाभरणभूषिताः ॥
sukeśāś cāruvadanāḥ sukapolāḥ sthirālakāḥ hāvabhāvānatagrīvāḥ karṇābharaṇabhūṣitāḥ //
With fine hair, lovely faces, fine cheeks, curls that stayed in place, necks bent with amorous gestures, adorned with ear-ornaments,
AI translation rendered from the Sanskrit, not a published edition
BrP 43.39
बिम्बौष्ठ्यो रञ्जितमुखास् ताम्बूलेन विराजिताः सुवर्णाभरणोपेताः सर्वालंकारभूषिताः ॥
bimbauṣṭhyo rañjitamukhās tāmbūlena virājitāḥ suvarṇābharaṇopetāḥ sarvālaṃkārabhūṣitāḥ //
with lips like the bimba fruit, their mouths reddened, resplendent with betel, provided with gold ornaments, decked with every adornment,
AI translation rendered from the Sanskrit, not a published edition
BrP 43.40
श्यामावदाताः सुश्रोण्यः काञ्चीनूपुरनादिताः दिव्यमाल्याम्बरधरा दिव्यगन्धानुलेपनाः ॥
śyāmāvadātāḥ suśroṇyaḥ kāñcīnūpuranāditāḥ divyamālyāmbaradharā divyagandhānulepanāḥ //
dark yet bright, with fine buttocks, sounding with girdles and anklets, wearing divine garlands and garments, anointed with divine perfumes,
AI translation rendered from the Sanskrit, not a published edition
BrP 43.41
विदग्धाः सुभगाः कान्ताश् चार्वङ्ग्यः प्रियदर्शनाः रूपलावण्यसंयुक्ताः सर्वाः प्रहसिताननाः ॥
vidagdhāḥ subhagāḥ kāntāś cārvaṅgyaḥ priyadarśanāḥ rūpalāvaṇyasaṃyuktāḥ sarvāḥ prahasitānanāḥ //
clever, fortunate, lovely, with graceful limbs, pleasing to look at, endowed with beauty and charm, all of them with smiling faces,
AI translation rendered from the Sanskrit, not a published edition
BrP 43.42
क्रीडन्त्यश् च मदोन्मत्ताः सभासु चत्वरेषु च गीतवाद्यकथालापै रमयन्त्यश् च ताः स्त्रियः ॥
krīḍantyaś ca madonmattāḥ sabhāsu catvareṣu ca gītavādyakathālāpai ramayantyaś ca tāḥ striyaḥ //
and those women played, intoxicated with wine, in assembly halls and in squares, delighting (others) with song, music, and conversation.
AI translation rendered from the Sanskrit, not a published edition
BrP 43.43
वारमुख्याश् च दृश्यन्ते नृत्यगीतविशारदाः प्रेक्षणालापकुशलाः सर्वयोषिद्गुणान्विताः ॥
vāramukhyāś ca dṛśyante nṛtyagītaviśāradāḥ prekṣaṇālāpakuśalāḥ sarvayoṣidguṇānvitāḥ //
And courtesans were seen there, skilled in dance and song, expert in glances and in talk, endowed with all the qualities of women.
AI translation rendered from the Sanskrit, not a published edition
BrP 43.44
अन्याश् च तत्र दृश्यन्ते गुणाचार्याः कुलस्त्रियः पतिव्रताश् च सुभगा गुणैः सर्वैर् अलंकृताः ॥
anyāś ca tatra dṛśyante guṇācāryāḥ kulastriyaḥ pativratāś ca subhagā guṇaiḥ sarvair alaṃkṛtāḥ //
And other women are seen there, mistresses of good qualities, women of good family, devoted to their husbands, fortunate, adorned with all virtues.
AI translation rendered from the Sanskrit, not a published edition
BrP 43.45
वनैश् चोपवनैः पुण्यैर् उद्यानैश् च मनोरमैः देवतायतनैर् दिव्यैर् नानाकुसुमशोभितैः ॥
vanaiś copavanaiḥ puṇyair udyānaiś ca manoramaiḥ devatāyatanair divyair nānākusumaśobhitaiḥ //
And (the city is adorned) with forests and holy groves, with delightful gardens, and with divine temples of the gods bright with many kinds of flowers.
AI translation rendered from the Sanskrit, not a published edition
BrP 43.46
शालैस् तालैस् तमालैश् च बकुलैर् नागकेसरैः पिप्पलैः कर्णिकारैश् च चन्दनागुरुचम्पकैः ॥
śālais tālais tamālaiś ca bakulair nāgakesaraiḥ pippalaiḥ karṇikāraiś ca candanāgurucampakaiḥ //
With sāla, palmyra and tamāla trees, with bakula and nāgakesara, with pippala and karṇikāra trees, with sandal, aloewood and campaka,
AI translation rendered from the Sanskrit, not a published edition
BrP 43.47
पुंनागैर् नारिकेरैश् च पनसैः सरलद्रुमैः नारङ्गैर् लकुचैर् लोध्रैः सप्तपर्णैः शुभाञ्जनैः ॥
puṃnāgair nārikeraiś ca panasaiḥ saraladrumaiḥ nāraṅgair lakucair lodhraiḥ saptaparṇaiḥ śubhāñjanaiḥ //
with puṃnāga and coconut trees, with breadfruit (panasa) and sarala trees, with orange, lakuca and lodhra trees, with saptaparṇa and fine drumstick (śobhāñjana) trees,
AI translation rendered from the Sanskrit, not a published edition
BrP 43.48
चूतबिल्वकदम्बैश् च शिंशपैर् धवखादिरैः पाटलाशोकतगरैः करवीरैः सितेतरैः ॥
cūtabilvakadambaiś ca śiṃśapair dhavakhādiraiḥ pāṭalāśokatagaraiḥ karavīraiḥ sitetaraiḥ //
with mango, bilva and kadamba trees, with śiṃśapā, dhava and khadira, with pāṭalā, aśoka and tagara, with oleanders both white and other-coloured,
AI translation rendered from the Sanskrit, not a published edition
BrP 43.49
पीतार्जुनकभल्लातैः सिद्धैर् आम्रातकैस् तथा न्यग्रोधाश्वत्थकाश्मर्यैः पलाशैर् देवदारुभिः ॥
pītārjunakabhallātaiḥ siddhair āmrātakais tathā nyagrodhāśvatthakāśmaryaiḥ palāśair devadārubhiḥ //
with pīta-arjunaka and bhallātaka trees, with siddha and likewise āmrātaka trees, with banyan, aśvattha and kāśmarī, with palāśa and devadāru trees,
AI translation rendered from the Sanskrit, not a published edition
BrP 43.50
मन्दारैः पारिजातैश् च तिन्तिडीकविभीतकैः प्राचीनामलकैः प्लक्षैर् जम्बूशिरीषपादपैः ॥
mandāraiḥ pārijātaiś ca tintiḍīkavibhītakaiḥ prācīnāmalakaiḥ plakṣair jambūśirīṣapādapaiḥ //
with mandāra and pārijāta trees, with tamarind (tintiḍīka) and vibhītaka, with prācīnāmalaka and plakṣa, with jambū and śirīṣa trees,
AI translation rendered from the Sanskrit, not a published edition
BrP 43.51
कालेयैः काञ्चनारैश् च मधुजम्बीरतिन्दुकैः खर्जूरागस्त्यबकुलैः शाखोटकहरीतकैः ॥
kāleyaiḥ kāñcanāraiś ca madhujambīratindukaiḥ kharjūrāgastyabakulaiḥ śākhoṭakaharītakaiḥ //
with kāleyaka and kāñcanāra trees, with sweet lemon (madhu-jambīra) and tinduka, with date palm, agastya and bakula, with śākhoṭaka and harītaka,
AI translation rendered from the Sanskrit, not a published edition
BrP 43.52
कङ्कोलैर् मुचुकुन्दैश् च हिन्तालैर् बीजपूरकैः केतकीवनखण्डैश् च अतिमुक्तैः सकुब्जकैः ॥
kaṅkolair mucukundaiś ca hintālair bījapūrakaiḥ ketakīvanakhaṇḍaiś ca atimuktaiḥ sakubjakaiḥ //
with kaṅkola and mucukunda trees, with hintāla and citron (bījapūraka), with thickets of ketakī groves, with atimukta and kubjaka creepers,
AI translation rendered from the Sanskrit, not a published edition
BrP 43.53
मल्लिकाकुन्दबाणैश् च कदलीखण्डमण्डितैः मातुलुङ्गैः पूगफलैः करुणैः सिन्धुवारकैः ॥
mallikākundabāṇaiś ca kadalīkhaṇḍamaṇḍitaiḥ mātuluṅgaiḥ pūgaphalaiḥ karuṇaiḥ sindhuvārakaiḥ //
with mallikā, kunda and bāṇa flowers, adorned with clumps of plantain, with citrons, with areca nuts, with karuṇa and sindhuvāra trees,
AI translation rendered from the Sanskrit, not a published edition
BrP 43.54
बहुवारैः कोविदारैर् बदरैः सकरञ्जकैः अन्यैश् च विविधैः पुष्पवृक्षैश् चान्यैर् मनोहरैः ॥
bahuvāraiḥ kovidārair badaraiḥ sakarañjakaiḥ anyaiś ca vividhaiḥ puṣpavṛkṣaiś cānyair manoharaiḥ //
with bahuvāra, kovidāra and badara trees, together with karañja, and with various other flowering trees, and with other delightful ones,
AI translation rendered from the Sanskrit, not a published edition
BrP 43.55
लतागुल्मैर् वितानैश् च उद्यानैर् नन्दनोपमैः सदा कुसुमगन्धाढ्यैः सदा फलभरानतैः ॥
latāgulmair vitānaiś ca udyānair nandanopamaiḥ sadā kusumagandhāḍhyaiḥ sadā phalabharānataiḥ //
with creepers, shrubs and canopies (of foliage), with gardens like Nandana, always rich with the fragrance of blossoms, always bent down under a load of fruit,
AI translation rendered from the Sanskrit, not a published edition
BrP 43.56
नानापक्षिरुतै रम्यैर् नानामृगगणावृतैः चकोरैः शतपत्त्रैश् च भृङ्गारैः प्रियपुत्रकैः ॥
nānāpakṣirutai ramyair nānāmṛgagaṇāvṛtaiḥ cakoraiḥ śatapattraiś ca bhṛṅgāraiḥ priyaputrakaiḥ //
(with gardens) lovely with the cries of many birds, filled with herds of many kinds of deer, with cakoras and śatapattras, with bhṛṅgāras and priyaputrakas,
AI translation rendered from the Sanskrit, not a published edition
BrP 43.57
कलविङ्कैर् मयूरैश् च शुकैः कोकिलकैस् तथा कपोतैः खञ्जरीटैश् च श्येनैः पारावतैस् तथा ॥
kalaviṅkair mayūraiś ca śukaiḥ kokilakais tathā kapotaiḥ khañjarīṭaiś ca śyenaiḥ pārāvatais tathā //
with sparrows and peacocks, with parrots and likewise cuckoos, with pigeons and wagtails, with hawks and likewise doves,
AI translation rendered from the Sanskrit, not a published edition
BrP 43.58
खगैश् चान्यैर् बहुविधैः श्रोत्ररम्यैर् मनोरमैः सरितः पुष्करिण्यश् च सरांसि सुबहूनि च ॥
khagaiś cānyair bahuvidhaiḥ śrotraramyair manoramaiḥ saritaḥ puṣkariṇyaś ca sarāṃsi subahūni ca //
and with many other kinds of birds, pleasing to the ear and delightful; and (there are) rivers and lotus-ponds and very many lakes,
AI translation rendered from the Sanskrit, not a published edition
BrP 43.59
अन्यैर् जलाशयैः पुण्यैः कुमुदोत्पलमण्डितैः पद्मैः सितेतरैः शुभ्रैः कह्लारैश् च सुगन्धिभिः ॥
anyair jalāśayaiḥ puṇyaiḥ kumudotpalamaṇḍitaiḥ padmaiḥ sitetaraiḥ śubhraiḥ kahlāraiś ca sugandhibhiḥ //
and other holy reservoirs of water, adorned with white and blue water-lilies, with lotuses white and otherwise coloured, and with fragrant kahlāra lilies,
AI translation rendered from the Sanskrit, not a published edition
BrP 43.60
अन्यैर् बहुविधैः पुष्पैर् जलजैः सुमनोहरैः गन्धामोदकरैर् दिव्यैः सर्वर्तुकुसुमोज्ज्वलैः ॥
anyair bahuvidhaiḥ puṣpair jalajaiḥ sumanoharaiḥ gandhāmodakarair divyaiḥ sarvartukusumojjvalaiḥ //
and with many other kinds of water-born flowers, most delightful, spreading fragrance, divine, brilliant with blossoms of every season,
AI translation rendered from the Sanskrit, not a published edition
BrP 43.61
हंसकारण्डवाकीर्णैश् चक्रवाकोपशोभितैः सारसैश् च बलाकैश् च कूर्मैर् मत्स्यैः सनक्रकैः ॥
haṃsakāraṇḍavākīrṇaiś cakravākopaśobhitaiḥ sārasaiś ca balākaiś ca kūrmair matsyaiḥ sanakrakaiḥ //
(with waters) strewn with geese and kāraṇḍava ducks, made lovely by cakravāka birds, with sārasa cranes and herons, with turtles, fish and crocodiles,
AI translation rendered from the Sanskrit, not a published edition
BrP 43.62
जलपादैः कदम्बैश् च प्लवैश् च जलकुक्कुटैः खगैर् जलचरैश् चान्यैर् नानारवविभूषितैः ॥
jalapādaiḥ kadambaiś ca plavaiś ca jalakukkuṭaiḥ khagair jalacaraiś cānyair nānāravavibhūṣitaiḥ //
with jalapādas and kadambas, with plavas and water-fowl, and with other birds moving in the water, adorned with their many cries,
AI translation rendered from the Sanskrit, not a published edition
BrP 43.63
नानावर्णैः सदा हृष्टैर् अञ्चितानि समन्ततः एवं नानाविधैः पुष्पैर् विविधैश् च जलाशयैः ॥
nānāvarṇaiḥ sadā hṛṣṭair añcitāni samantataḥ evaṃ nānāvidhaiḥ puṣpair vividhaiś ca jalāśayaiḥ //
of many colours, ever joyful — (the gardens) are graced on every side. Thus with flowers of many kinds and with various reservoirs of water,
AI translation rendered from the Sanskrit, not a published edition — the model flagged this verse as uncertain
BrP 43.64
विविधैः पादपैः पुण्यैर् उद्यानैर् विविधैस् तथा जलस्थलचरैश् चैव विहगैश् चार्वधिष्ठितैः ॥
vividhaiḥ pādapaiḥ puṇyair udyānair vividhais tathā jalasthalacaraiś caiva vihagaiś cārvadhiṣṭhitaiḥ //
(It is) adorned all around with various holy trees and with various gardens, and with birds that move in water and on land, beautifully stationed (there).
AI translation rendered from the Sanskrit, not a published edition
BrP 43.65
देवतायतनैर् दिव्यैः शोभिता सा महापुरी तत्रास्ते भगवान् देवस् त्रिपुरारिस् त्रिलोचनः ॥
devatāyatanair divyaiḥ śobhitā sā mahāpurī tatrāste bhagavān devas tripurāris trilocanaḥ //
That great city is made splendid by divine temples of the gods; there dwells the Lord, the god, the enemy of Tripura, the three-eyed one.
AI translation rendered from the Sanskrit, not a published edition
BrP 43.66
महाकालेति विख्यातः सर्वकामप्रदः शिवः शिवकुण्डे नरः स्नात्वा विधिवत् पापनाशने ॥
mahākāleti vikhyātaḥ sarvakāmapradaḥ śivaḥ śivakuṇḍe naraḥ snātvā vidhivat pāpanāśane //
(He is) renowned as Mahākāla, Śiva, the giver of all desires. A man, having bathed according to the rule in the Śiva-pool that destroys sins,
AI translation rendered from the Sanskrit, not a published edition
BrP 43.67
देवान् पितॄन् ऋषींश् चैव संतर्प्य विधिवद् बुधः गत्वा शिवालयं पश्चात् कृत्वा तं त्रिः प्रदक्षिणम् ॥
devān pitṝn ṛṣīṃś caiva saṃtarpya vidhivad budhaḥ gatvā śivālayaṃ paścāt kṛtvā taṃ triḥ pradakṣiṇam //
and the wise one, having satisfied the gods, the ancestors and the seers according to the rule, then going to Śiva's abode and circumambulating it three times,
AI translation rendered from the Sanskrit, not a published edition
BrP 43.68
प्रविश्य संयतो भूत्वा धौतवासा जितेन्द्रियः स्नानैः पुष्पैस् तथा गन्धैर् धूपैर् दीपैश् च भक्तितः ॥
praviśya saṃyato bhūtvā dhautavāsā jitendriyaḥ snānaiḥ puṣpais tathā gandhair dhūpair dīpaiś ca bhaktitaḥ //
having entered, being restrained, wearing washed garments, with senses conquered, (worships) with bathings, with flowers, and with perfumes, incenses and lamps, devoutly,
AI translation rendered from the Sanskrit, not a published edition
BrP 43.69
नैवेद्यैर् उपहारैश् च गीतवाद्यैः प्रदक्षिणैः दण्डवत्प्रणिपातैश् च नृत्यैः स्तोत्रैश् च शंकरम् ॥
naivedyair upahāraiś ca gītavādyaiḥ pradakṣiṇaiḥ daṇḍavatpraṇipātaiś ca nṛtyaiḥ stotraiś ca śaṃkaram //
and with food-offerings and presents, with songs and music, with circumambulations, with prostrations like a stick, with dances and with hymns — (worshipping) Śaṃkara,
AI translation rendered from the Sanskrit, not a published edition
BrP 43.70
संपूज्य विधिवद् भक्त्या महाकालं सकृच् छिवम् अश्वमेधसहस्रस्य फलं प्राप्नोति मानवः ॥
saṃpūjya vidhivad bhaktyā mahākālaṃ sakṛc chivam aśvamedhasahasrasya phalaṃ prāpnoti mānavaḥ //
having thus worshipped Mahākāla, Śiva, duly and with devotion but once, a man obtains the fruit of a thousand horse-sacrifices.
AI translation rendered from the Sanskrit, not a published edition
BrP 43.71
पापैः सर्वैर् विनिर्मुक्तो विमानैः सार्वकामिकैः आरुह्य त्रिदिवं याति यत्र शंभोर् निकेतनम् ॥
pāpaiḥ sarvair vinirmukto vimānaiḥ sārvakāmikaiḥ āruhya tridivaṃ yāti yatra śaṃbhor niketanam //
Freed from all sins, mounting celestial cars that grant every wish, he goes to heaven, where the dwelling of Śambhu is.
AI translation rendered from the Sanskrit, not a published edition
BrP 43.72
दिव्यरूपधरः श्रीमान् दिव्यालंकारभूषितः भुङ्क्ते तत्र वरान् भोगान् यावद् आभूतसंप्लवम् ॥
divyarūpadharaḥ śrīmān divyālaṃkārabhūṣitaḥ bhuṅkte tatra varān bhogān yāvad ābhūtasaṃplavam //
Bearing a divine form, glorious, adorned with divine ornaments, he there enjoys excellent pleasures until the dissolution of beings,
AI translation rendered from the Sanskrit, not a published edition
BrP 43.73
शिवलोके मुनिश्रेष्ठा जरामरणवर्जितः पुण्यक्षयाद् इहायातः प्रवरे ब्राह्मणे कुले ॥
śivaloke muniśreṣṭhā jarāmaraṇavarjitaḥ puṇyakṣayād ihāyātaḥ pravare brāhmaṇe kule //
in Śiva's world, O best of sages, free from old age and death. When his merit is exhausted he comes here (again), into an eminent brahmin family.
AI translation rendered from the Sanskrit, not a published edition
BrP 43.74
चतुर्वेदी भवेद् विप्रः सर्वशास्त्रविशारदः योगं पाशुपतं प्राप्य ततो मोक्षम् अवाप्नुयात् ॥
caturvedī bhaved vipraḥ sarvaśāstraviśāradaḥ yogaṃ pāśupataṃ prāpya tato mokṣam avāpnuyāt //
He becomes a brahmin who knows the four Vedas, skilled in all the sciences; having attained the Pāśupata yoga, he then reaches liberation.
AI translation rendered from the Sanskrit, not a published edition
BrP 43.75
आस्ते तत्र नदी पुण्या शिप्रा नामेति विश्रुता तस्यां स्नातस् तु विधिवत् संतर्प्य पितृदेवताः ॥
āste tatra nadī puṇyā śiprā nāmeti viśrutā tasyāṃ snātas tu vidhivat saṃtarpya pitṛdevatāḥ //
There is there a holy river, well known by the name Śiprā. One who has bathed in it according to the rule and has satisfied the ancestors and the gods,
AI translation rendered from the Sanskrit, not a published edition
BrP 43.76
सर्वपापविनिर्मुक्तो विमानवरम् आस्थितः भुङ्क्ते बहुविधान् भोगान् स्वर्गलोके नरोत्तमः ॥
sarvapāpavinirmukto vimānavaram āsthitaḥ bhuṅkte bahuvidhān bhogān svargaloke narottamaḥ //
freed from all sins, seated in an excellent celestial car, that best of men enjoys manifold pleasures in the world of heaven.
AI translation rendered from the Sanskrit, not a published edition
BrP 43.77
आस्ते तत्रैव भगवान् देवदेवो जनार्दनः गोविन्दस्वामिनामासौ भुक्तिमुक्तिप्रदो हरिः ॥
āste tatraiva bhagavān devadevo janārdanaḥ govindasvāmināmāsau bhuktimuktiprado hariḥ //
In that very place dwells the Lord, the god of gods, Janārdana; he is Hari named Govindasvāmin, the giver of enjoyment and liberation.
AI translation rendered from the Sanskrit, not a published edition
BrP 43.78
तं दृष्ट्वा मुक्तिम् आप्नोति त्रिसप्तकुलसंयुतः विमानेनार्कवर्णेन किङ्किणीजालमालिना ॥
taṃ dṛṣṭvā muktim āpnoti trisaptakulasaṃyutaḥ vimānenārkavarṇena kiṅkiṇījālamālinā //
Seeing him one obtains liberation together with three times seven generations of his family, by a celestial car of the colour of the sun, garlanded with networks of little bells,
AI translation rendered from the Sanskrit, not a published edition
BrP 43.79
सर्वकामसमृद्धेन कामगेनास्थिरेण च उपगीयमानो गन्धर्वैर् विष्णुलोके महीयते ॥
sarvakāmasamṛddhena kāmagenāsthireṇa ca upagīyamāno gandharvair viṣṇuloke mahīyate //
replete with all desires, going where one wishes, and not standing still — being sung to by gandharvas, he is honoured in Viṣṇu's world.
AI translation rendered from the Sanskrit, not a published edition
BrP 43.80
भुङ्क्ते च विविधान् कामान् निरातङ्को गतज्वरः आभूतसंप्लवं यावत् सुरूपः सुभगः सुखी ॥
bhuṅkte ca vividhān kāmān nirātaṅko gatajvaraḥ ābhūtasaṃplavaṃ yāvat surūpaḥ subhagaḥ sukhī //
And he enjoys various desires, free from fear and free from distress, until the dissolution of beings, handsome, fortunate, happy.
AI translation rendered from the Sanskrit, not a published edition
BrP 43.81
कालेनागत्य मतिमान् ब्राह्मणः स्यान् महीतले प्रवरे योगिनां गेहे वेदशास्त्रार्थतत्त्ववित् ॥
kālenāgatya matimān brāhmaṇaḥ syān mahītale pravare yogināṃ gehe vedaśāstrārthatattvavit //
In time, having come (back), the intelligent one becomes a brahmin on earth, in an eminent house of yogins, knowing the truth of the meaning of Veda and śāstra.
AI translation rendered from the Sanskrit, not a published edition
BrP 43.82
वैष्णवं योगम् आस्थाय ततो मोक्षम् अवाप्नुयात् विक्रमस्वामिनामानं विष्णुं तत्रैव भो द्विजाः ॥
vaiṣṇavaṃ yogam āsthāya tato mokṣam avāpnuyāt vikramasvāmināmānaṃ viṣṇuṃ tatraiva bho dvijāḥ //
Taking up the Vaiṣṇava yoga, he then obtains liberation. And there too, O twice-born ones, is Viṣṇu named Vikramasvāmin;
AI translation rendered from the Sanskrit, not a published edition
BrP 43.83
दृष्ट्वा नरो वा नारी वा फलं पूर्वोदितं लभेत् अन्ये ऽपि तत्र तिष्ठन्ति देवाः शक्रपुरोगमाः ॥
dṛṣṭvā naro vā nārī vā phalaṃ pūrvoditaṃ labhet anye 'pi tatra tiṣṭhanti devāḥ śakrapurogamāḥ //
seeing (him), whether man or woman, one obtains the fruit stated before. Other gods also dwell there, with Śakra at their head,
AI translation rendered from the Sanskrit, not a published edition
BrP 43.84
मातरश् च मुनिश्रेष्ठाः सर्वकामफलप्रदाः दृष्ट्वा तान् विधिवद् भक्त्या संपूज्य प्रणिपत्य च ॥
mātaraś ca muniśreṣṭhāḥ sarvakāmaphalapradāḥ dṛṣṭvā tān vidhivad bhaktyā saṃpūjya praṇipatya ca //
And (there are) the Mothers, O best of sages, who grant the fruit of every desire; having seen them and worshipped them duly with devotion and bowed down (to them),
AI translation rendered from the Sanskrit, not a published edition
BrP 43.85
सर्वपापविनिर्मुक्तो नरो याति त्रिविष्टपम् एवं सा नगरी रम्या राजसिंहेन पालिता ॥
sarvapāpavinirmukto naro yāti triviṣṭapam evaṃ sā nagarī ramyā rājasiṃhena pālitā //
a man, freed from all sins, goes to heaven. Such is that delightful city, guarded by the lion among kings.
AI translation rendered from the Sanskrit, not a published edition
BrP 43.86
नित्योत्सवप्रमुदिता यथेन्द्रस्यामरावती पुराष्टादशसंयुक्ता सुविस्तीर्णचतुष्पथा ॥
nityotsavapramuditā yathendrasyāmarāvatī purāṣṭādaśasaṃyuktā suvistīrṇacatuṣpathā //
Gladdened by continual festivals, like Indra's Amarāvatī, joined with eighteen towns, with very broad crossroads,
AI translation rendered from the Sanskrit, not a published edition
BrP 43.87
धनुर्ज्याघोषनिनदा सिद्धसंगमभूषिता विद्यावद्गणभूयिष्ठा वेदनिर्घोषनादिता ॥
dhanurjyāghoṣaninadā siddhasaṃgamabhūṣitā vidyāvadgaṇabhūyiṣṭhā vedanirghoṣanāditā //
resounding with the twang of bowstrings, adorned by the gathering of Siddhas, abounding in troops of the learned, made to echo with the chanting of the Vedas —
AI translation rendered from the Sanskrit, not a published edition
BrP 43.88
इतिहासपुराणानि शास्त्राणि विविधानि च काव्यालापकथाश् चैव श्रूयन्ते ऽहर्निशं द्विजाः ॥
itihāsapurāṇāni śāstrāṇi vividhāni ca kāvyālāpakathāś caiva śrūyante 'harniśaṃ dvijāḥ //
the epics and Purāṇas, and the manifold treatises, and poems, discourses and stories are heard (there) day and night, O twice-born ones.
AI translation rendered from the Sanskrit, not a published edition
BrP 43.89
एवं मया गुणाढ्या सा तदुयिनी?? समुदाहृता यस्यां राजाभवत् पूर्वम् इन्द्रद्युम्नो महामतिः ॥
evaṃ mayā guṇāḍhyā sā taduyinī?? samudāhṛtā yasyāṃ rājābhavat pūrvam indradyumno mahāmatiḥ //
Thus that city rich in virtues has been described by me, in which formerly there was a king, the great-minded Indradyumna.
AI translation rendered from the Sanskrit, not a published edition