Brahma Purana — Chapter 4
BrP 4.1
अभिषिच्याधिराजेन्द्रं पृथुं वैण्यं पितामहः ततः क्रमेण राज्यानि व्यादेष्टुम् उपचक्रमे ॥
abhiṣicyādhirājendraṃ pṛthuṃ vaiṇyaṃ pitāmahaḥ tataḥ krameṇa rājyāni vyādeṣṭum upacakrame //
Having consecrated Pṛthu, son of Vena, as overlord among kings, the Grandfather then began in due order to assign the sovereignties.
AI translation rendered from the Sanskrit, not a published edition
BrP 4.2
द्विजानां वीरुधां चैव नक्षत्रग्रहयोस् तथा यज्ञानां तपसां चैव सोमं राज्ये ऽभ्यषेचयत् ॥
dvijānāṃ vīrudhāṃ caiva nakṣatragrahayos tathā yajñānāṃ tapasāṃ caiva somaṃ rājye 'bhyaṣecayat //
He consecrated Soma into the sovereignty over the twice-born, over plants, over the stars and the planets, and over sacrifices and austerities.
AI translation rendered from the Sanskrit, not a published edition
BrP 4.3
अपां तु वरुणं राज्ये राज्ञां वैश्रवणं पतिम् आदित्यानां तथा विष्णुं वसूनाम् अथ पावकम् ॥
apāṃ tu varuṇaṃ rājye rājñāṃ vaiśravaṇaṃ patim ādityānāṃ tathā viṣṇuṃ vasūnām atha pāvakam //
Varuṇa into the sovereignty over the waters, Vaiśravaṇa as lord over kings, Viṣṇu over the Ādityas, and the Fire-god over the Vasus;
AI translation rendered from the Sanskrit, not a published edition
BrP 4.4
प्रजापतीनां दक्षं तु मरुताम् अथ वासवम् दैत्यानां दानवानां वै प्रह्रादम् अमितौजसम् ॥
prajāpatīnāṃ dakṣaṃ tu marutām atha vāsavam daityānāṃ dānavānāṃ vai prahrādam amitaujasam //
Dakṣa over the lords of creatures, Vāsava over the Maruts, and Prahrāda of measureless might over the Daityas and Dānavas;
AI translation rendered from the Sanskrit, not a published edition
BrP 4.5
वैवस्वतं पितॄणां च यमं राज्ये ऽभ्यषेचयत् यक्षाणां राक्षसानां च पार्थिवानां तथैव च ॥
vaivasvataṃ pitṝṇāṃ ca yamaṃ rājye 'bhyaṣecayat yakṣāṇāṃ rākṣasānāṃ ca pārthivānāṃ tathaiva ca //
and he consecrated Yama Vaivasvata into the sovereignty over the fathers, and likewise over the Yakṣas, the Rākṣasas, and the earthly (beings);
AI translation rendered from the Sanskrit, not a published edition
BrP 4.6
सर्वभूतपिशाचानां गिरीशं शूलपाणिनम् शैलानां हिमवन्तं च नदीनाम् अथ सागरम् ॥
sarvabhūtapiśācānāṃ girīśaṃ śūlapāṇinam śailānāṃ himavantaṃ ca nadīnām atha sāgaram //
Girīśa, the trident-bearer, over all spirits and piśācas; Himavat over the mountains, and Sāgara over the rivers;
AI translation rendered from the Sanskrit, not a published edition
BrP 4.7
गन्धर्वाणाम् अधिपतिं चक्रे चित्ररथं प्रभुम् नागानां वासुकिं चक्रे सर्पाणाम् अथ तक्षकम् ॥
gandharvāṇām adhipatiṃ cakre citrarathaṃ prabhum nāgānāṃ vāsukiṃ cakre sarpāṇām atha takṣakam //
He made the lord Citraratha overlord of the Gandharvas, made Vāsuki (lord) of the Nāgas, and Takṣaka of the serpents;
AI translation rendered from the Sanskrit, not a published edition
BrP 4.8
वारणानां तु राजानम् ऐरावतम् अथादिशत् उच्चैःश्रवसम् अश्वानां गरुडं चैव पक्षिणाम् ॥
vāraṇānāṃ tu rājānam airāvatam athādiśat uccaiḥśravasam aśvānāṃ garuḍaṃ caiva pakṣiṇām //
And he appointed Airāvata king of the elephants, Uccaiḥśravas of the horses, and Garuḍa of the birds.
AI translation rendered from the Sanskrit, not a published edition
BrP 4.9
मृगाणाम् अथ शार्दूलं गोवृषं तु गवां पतिम् वनस्पतीनां राजानं प्लक्षम् एवाभ्यषेचयत् ॥
mṛgāṇām atha śārdūlaṃ govṛṣaṃ tu gavāṃ patim vanaspatīnāṃ rājānaṃ plakṣam evābhyaṣecayat //
Then the tiger of the wild animals, and the bull as lord of the cattle; and he consecrated the plakṣa tree as king of the trees.
AI translation rendered from the Sanskrit, not a published edition
BrP 4.10
एवं विभज्य राज्यानि क्रमेणैव पितामहः दिशां पालान् अथ ततः स्थापयाम् आस स प्रभुः ॥
evaṃ vibhajya rājyāni krameṇaiva pitāmahaḥ diśāṃ pālān atha tataḥ sthāpayām āsa sa prabhuḥ //
Having thus apportioned the kingdoms in due order, the Grandfather, that mighty lord, then established guardians of the directions.
AI translation rendered from the Sanskrit, not a published edition
BrP 4.11
पूर्वस्यां दिशि पुत्रं तु वैराजस्य प्रजापतेः दिशः पालं सुधन्वानं राजानं सो ऽभ्यषेचयत् ॥
pūrvasyāṃ diśi putraṃ tu vairājasya prajāpateḥ diśaḥ pālaṃ sudhanvānaṃ rājānaṃ so 'bhyaṣecayat //
In the eastern direction he consecrated as king, as guardian of that quarter, Sudhanvan, the son of Vairāja the Lord of Creatures.
AI translation rendered from the Sanskrit, not a published edition
BrP 4.12
दक्षिणस्यां दिशि तथा कर्दमस्य प्रजापतेः पुत्रं शङ्खपदं नाम राजानं सो ऽभ्यषेचयत् ॥
dakṣiṇasyāṃ diśi tathā kardamasya prajāpateḥ putraṃ śaṅkhapadaṃ nāma rājānaṃ so 'bhyaṣecayat //
And in the southern direction he consecrated as king the son of Kardama the Lord of Creatures, named Śaṅkhapada.
AI translation rendered from the Sanskrit, not a published edition
BrP 4.13
पश्चिमस्यां दिशि तथा रजसः पुत्रम् अच्युतम् केतुमन्तं महात्मानं राजानं सो ऽभ्यषेचयत् ॥
paścimasyāṃ diśi tathā rajasaḥ putram acyutam ketumantaṃ mahātmānaṃ rājānaṃ so 'bhyaṣecayat //
And in the western direction he consecrated as king the imperishable, great-souled Ketumat, the son of Rajas.
AI translation rendered from the Sanskrit, not a published edition
BrP 4.14
तथा हिरण्यरोमाणं पर्जन्यस्य प्रजापतेः उदीच्यां दिशि दुर्धर्षं राजानं सो ऽभ्यषेचयत् ॥
tathā hiraṇyaromāṇaṃ parjanyasya prajāpateḥ udīcyāṃ diśi durdharṣaṃ rājānaṃ so 'bhyaṣecayat //
So too in the northern direction he consecrated as king the unassailable Hiraṇyaroman, son of Parjanya the Lord of Creatures.
AI translation rendered from the Sanskrit, not a published edition
BrP 4.15
तैर् इयं पृथिवी सर्वा सप्तद्वीपा सपत्तना यथाप्रदेशम् अद्यापि धर्मेण प्रतिपाल्यते ॥
tair iyaṃ pṛthivī sarvā saptadvīpā sapattanā yathāpradeśam adyāpi dharmeṇa pratipālyate //
By them this whole earth, with its seven continents and its towns, is even today protected according to their allotted regions, in accordance with dharma.
AI translation rendered from the Sanskrit, not a published edition
BrP 4.16
राजसूयाभिषिक्तस् तु पृथुर् एतैर् नराधिपैः वेददृष्टेन विधिना राजा राज्ये नराधिपः ॥
rājasūyābhiṣiktas tu pṛthur etair narādhipaiḥ vedadṛṣṭena vidhinā rājā rājye narādhipaḥ //
But Pṛthu was consecrated by these rulers of men with the rājasūya, by the rule seen in the Vedas, as king, ruler of men, in the kingship.
AI translation rendered from the Sanskrit, not a published edition
BrP 4.17
ततो मन्वन्तरे ऽतीते चाक्षुषे ऽमिततेजसि वैवस्वताय मनवे पृथिव्यां राज्यम् आदिशत् ॥
tato manvantare 'tīte cākṣuṣe 'mitatejasi vaivasvatāya manave pṛthivyāṃ rājyam ādiśat //
Then, when the Cākṣuṣa manvantara of immeasurable brilliance had passed, he assigned the kingship over the earth to Manu Vaivasvata.
AI translation rendered from the Sanskrit, not a published edition
BrP 4.18
तस्य विस्तरम् आख्यास्ये मनोर् वैवस्वतस्य ह भवतां चानुकूल्याय यदि श्रोतुम् इहेच्छथ महद् एतद् अधिष्ठानं पुराणे तद् अधिष्ठितम् ॥
tasya vistaram ākhyāsye manor vaivasvatasya ha bhavatāṃ cānukūlyāya yadi śrotum ihecchatha mahad etad adhiṣṭhānaṃ purāṇe tad adhiṣṭhitam //
I shall recount in detail (the story) of that Manu Vaivasvata, for your gratification, if you wish to hear it here; this is a great topic, and it is established in the ancient lore.
AI translation rendered from the Sanskrit, not a published edition
BrP 4.19
विस्तरेण पृथोर् जन्म लोमहर्षण कीर्तय यथा महात्मना तेन दुग्धा वेयं वसुंधरा ॥
vistareṇa pṛthor janma lomaharṣaṇa kīrtaya yathā mahātmanā tena dugdhā veyaṃ vasuṃdharā //
Recount, Lomaharṣaṇa, the birth of Pṛthu in detail, and how this earth was milked by that great-souled one;
AI translation rendered from the Sanskrit, not a published edition
BrP 4.20
यथा वापि नृभिर् दुग्धा यथा देवैर् महर्षिभिः यथा दैत्यैश् च नागैश् च यथा यक्षैर् यथा द्रुमैः ॥
yathā vāpi nṛbhir dugdhā yathā devair maharṣibhiḥ yathā daityaiś ca nāgaiś ca yathā yakṣair yathā drumaiḥ //
and how she was milked by men, how by the gods and the great seers, how by the Daityas and the Nāgas, how by the Yakṣas, how by the trees;
AI translation rendered from the Sanskrit, not a published edition
BrP 4.21
यथा शैलैः पिशाचैश् च गन्धर्वैश् च द्विजोत्तमैः राक्षसैश् च महासत्त्वैर् यथा दुग्धा वसुंधरा ॥
yathā śailaiḥ piśācaiś ca gandharvaiś ca dvijottamaiḥ rākṣasaiś ca mahāsattvair yathā dugdhā vasuṃdharā //
how the earth was milked by the mountains, by the Piśācas, by the Gandharvas, by the best of the twice-born, and by the Rākṣasas of great strength.
AI translation rendered from the Sanskrit, not a published edition
BrP 4.22
तेषां पात्रविशेषांश् च वक्तुम् अर्हसि सुव्रत वत्सक्षीरविशेषांश् च दोग्धारं चानुपूर्वशः ॥
teṣāṃ pātraviśeṣāṃś ca vaktum arhasi suvrata vatsakṣīraviśeṣāṃś ca dogdhāraṃ cānupūrvaśaḥ //
You ought to tell, O you of good vows, the particular vessels of these, and the particular calves and the particular milk, and the milker, each in order.
AI translation rendered from the Sanskrit, not a published edition
BrP 4.23
यस्माच् च कारणात् पाणिर् वेणस्य मथितः पुरा क्रुद्धैर् महर्षिभिस् तात कारणं तच् च कीर्तय ॥
yasmāc ca kāraṇāt pāṇir veṇasya mathitaḥ purā kruddhair maharṣibhis tāta kāraṇaṃ tac ca kīrtaya //
And for what reason the hand of Veṇa was churned long ago by the angry great seers — recount that reason too, dear sir.
AI translation rendered from the Sanskrit, not a published edition
BrP 4.24
शृणुध्वं कीर्तयिष्यामि पृथोर् वैण्यस्य विस्तरम् एकाग्राः प्रयताश् चैव पुण्यार्थं वै द्विजर्षभाः ॥
śṛṇudhvaṃ kīrtayiṣyāmi pṛthor vaiṇyasya vistaram ekāgrāḥ prayatāś caiva puṇyārthaṃ vai dvijarṣabhāḥ //
Listen: I shall recount at length (the story) of Pṛthu son of Veṇa; be single-minded and pure, O bulls among the twice-born, for the sake of merit.
AI translation rendered from the Sanskrit, not a published edition
BrP 4.25
नाशुचेः क्षुद्रमनसो नाशिष्यस्याव्रतस्य च कीर्तयेयम् इदं विप्राः कृतघ्नायाहिताय च ॥
nāśuceḥ kṣudramanaso nāśiṣyasyāvratasya ca kīrtayeyam idaṃ viprāḥ kṛtaghnāyāhitāya ca //
I would not recount this, brahmins, to one who is impure, of mean mind, not a pupil, without vows, ungrateful, or unfriendly.
AI translation rendered from the Sanskrit, not a published edition
BrP 4.26
स्वर्ग्यं यशस्यम् आयुष्यं धन्यं वेदैश् च संमितम् रहस्यम् ऋषिभिः प्रोक्तं शृणुध्वं वै यथातथम् ॥
svargyaṃ yaśasyam āyuṣyaṃ dhanyaṃ vedaiś ca saṃmitam rahasyam ṛṣibhiḥ proktaṃ śṛṇudhvaṃ vai yathātatham //
Heaven-giving, fame-giving, life-giving, wealth-giving, equal in measure to the Vedas, a secret told by the seers — listen to it just as it is.
AI translation rendered from the Sanskrit, not a published edition
BrP 4.27
यश् चेमं कीर्तयेन् नित्यं पृथोर् वैण्यस्य विस्तरम् ब्राह्मणेभ्यो नमस्कृत्य न स शोचेत् कृताकृतम् ॥
yaś cemaṃ kīrtayen nityaṃ pṛthor vaiṇyasya vistaram brāhmaṇebhyo namaskṛtya na sa śocet kṛtākṛtam //
And he who, having bowed to the brahmins, constantly recites this full account of Pṛthu son of Veṇa, will not grieve over what he has done or left undone.
AI translation rendered from the Sanskrit, not a published edition
BrP 4.28
आसीद् धर्मस्य संगोप्ता पूर्वम् अत्रिसमः प्रभुः अत्रिवंशे समुत्पन्नस् त्व् अङ्गो नाम प्रजापतिः ॥
āsīd dharmasya saṃgoptā pūrvam atrisamaḥ prabhuḥ atrivaṃśe samutpannas tv aṅgo nāma prajāpatiḥ //
Formerly there was a protector of dharma, a lord equal to Atri, born in Atri's lineage, a Prajāpati named Aṅga.
AI translation rendered from the Sanskrit, not a published edition
BrP 4.29
तस्य पुत्रो ऽभवद् वेणो नात्यर्थं धर्मकोविदः जातो मृत्युसुतायां वै सुनीथायां प्रजापतिः ॥
tasya putro 'bhavad veṇo nātyarthaṃ dharmakovidaḥ jāto mṛtyusutāyāṃ vai sunīthāyāṃ prajāpatiḥ //
His son was Vena, not very skilled in dharma; that Prajāpati was born of Sunīthā, the daughter of Death (Mṛtyu).
AI translation rendered from the Sanskrit, not a published edition
BrP 4.30
स मातामहदोषेण तेन कालात्मजात्मजः स्वधर्मं पृष्ठतः कृत्वा कामलोभेष्व् अवर्तत ॥
sa mātāmahadoṣeṇa tena kālātmajātmajaḥ svadharmaṃ pṛṣṭhataḥ kṛtvā kāmalobheṣv avartata //
Through that fault of his maternal grandfather, he, the son of the daughter of Time's son, put his own dharma behind him and moved among desires and greeds.
AI translation rendered from the Sanskrit, not a published edition
BrP 4.31
मर्यादां भेदयाम् आस धर्मोपेतां स पार्थिवः वेदधर्मान् अतिक्रम्य सो ऽधर्मनिरतो ऽभवत् ॥
maryādāṃ bhedayām āsa dharmopetāṃ sa pārthivaḥ vedadharmān atikramya so 'dharmanirato 'bhavat //
That king caused the boundary (of conduct) endowed with dharma to be broken; transgressing the dharmas of the Veda, he became devoted to adharma.
AI translation rendered from the Sanskrit, not a published edition
BrP 4.32
निःस्वाध्यायवषट्काराः प्रजास् तस्मिन् प्रजापतौ प्रवृत्तं न पपुः सोमं हुतं यज्ञेषु देवताः ॥
niḥsvādhyāyavaṣaṭkārāḥ prajās tasmin prajāpatau pravṛttaṃ na papuḥ somaṃ hutaṃ yajñeṣu devatāḥ //
Under that Prajāpati the people were without Vedic recitation and without the vaṣaṭ-call; the gods did not drink the soma poured out and offered at sacrifices.
AI translation rendered from the Sanskrit, not a published edition
BrP 4.33
न यष्टव्यं न होतव्यम् इति तस्य प्रजापतेः आसीत् प्रतिज्ञा क्रूरेयं विनाशे प्रत्युपस्थिते ॥
na yaṣṭavyaṃ na hotavyam iti tasya prajāpateḥ āsīt pratijñā krūreyaṃ vināśe pratyupasthite //
"There is to be no sacrificing, no offering" — such was that Prajāpati's cruel resolve, when destruction stood at hand.
AI translation rendered from the Sanskrit, not a published edition
BrP 4.34
अहम् इज्यश् च यष्टा च यज्ञश् चेति भृगूद्वह मयि यज्ञो विधातव्यो मयि होतव्यम् इत्य् अपि ॥
aham ijyaś ca yaṣṭā ca yajñaś ceti bhṛgūdvaha mayi yajño vidhātavyo mayi hotavyam ity api //
"I am the one to be worshipped, and the sacrificer, and the sacrifice, O foremost of the Bhṛgus; the sacrifice is to be performed in me, and in me too the offering is to be made."
AI translation rendered from the Sanskrit, not a published edition
BrP 4.35
तम् अतिक्रान्तमर्यादम् आददानम् असांप्रतम् ऊचुर् महर्षयः सर्वे मरीचिप्रमुखास् तदा ॥
tam atikrāntamaryādam ādadānam asāṃpratam ūcur maharṣayaḥ sarve marīcipramukhās tadā //
Then all the great seers headed by Marīci spoke to him, who had overstepped the bounds and was taking up what was improper.
AI translation rendered from the Sanskrit, not a published edition
BrP 4.36
वयं दीक्षां प्रवेक्ष्यामः संवत्सरगणान् बहून् अधर्मं कुरु मा वेण एष धर्मः सनातनः ॥
vayaṃ dīkṣāṃ pravekṣyāmaḥ saṃvatsaragaṇān bahūn adharmaṃ kuru mā veṇa eṣa dharmaḥ sanātanaḥ //
"We shall enter upon consecration for many groups of years. Do not do adharma, Vena; this is the eternal dharma.
AI translation rendered from the Sanskrit, not a published edition
BrP 4.37
निधने ऽत्रेः प्रसूतस् त्वं प्रजापतिर् असंशयम् प्रजाश् च पालयिष्ये ऽहम् इतीह समयः कृतः ॥
nidhane 'treḥ prasūtas tvaṃ prajāpatir asaṃśayam prajāś ca pālayiṣye 'ham itīha samayaḥ kṛtaḥ //
At (Aṅga's) death you were born in Atri's (line), a Prajāpati without doubt, and an agreement was made here: 'I shall protect the subjects.'"
AI translation rendered from the Sanskrit, not a published edition — the model flagged this verse as uncertain
BrP 4.38
तांस् तथा ब्रुवतः सर्वान् महर्षीन् अब्रवीत् तदा वेणः प्रहस्य दुर्बुद्धिर् इमम् अर्थम् अनर्थवित् ॥
tāṃs tathā bruvataḥ sarvān maharṣīn abravīt tadā veṇaḥ prahasya durbuddhir imam artham anarthavit //
Then to all those great seers, speaking thus, the evil-minded Vena, who did not know his own good, laughed and said this.
AI translation rendered from the Sanskrit, not a published edition
BrP 4.39
स्रष्टा धर्मस्य कश् चान्यः श्रोतव्यं कस्य वा मया श्रुतवीर्यतपःसत्यैर् मया वा कः समो भुवि ॥
sraṣṭā dharmasya kaś cānyaḥ śrotavyaṃ kasya vā mayā śrutavīryatapaḥsatyair mayā vā kaḥ samo bhuvi //
"Who else is the creator of dharma, or to whom should I listen? Or who on earth is my equal in learning, valour, austerity and truth?
AI translation rendered from the Sanskrit, not a published edition
BrP 4.40
प्रभवं सर्वभूतानां धर्माणां च विशेषतः संमूढा न विदुर् नूनं भवन्तो मां विचेतसः ॥
prabhavaṃ sarvabhūtānāṃ dharmāṇāṃ ca viśeṣataḥ saṃmūḍhā na vidur nūnaṃ bhavanto māṃ vicetasaḥ //
Utterly deluded and out of your senses, you surely do not know me as the source of all beings and especially of the dharmas.
AI translation rendered from the Sanskrit, not a published edition
BrP 4.41
इच्छन् दहेयं पृथिवीं प्लावयेयं जलैस् तथा द्यां वै भुवं च रुन्धेयं नात्र कार्या विचारणा ॥
icchan daheyaṃ pṛthivīṃ plāvayeyaṃ jalais tathā dyāṃ vai bhuvaṃ ca rundheyaṃ nātra kāryā vicāraṇā //
If I wished, I could burn the earth, or flood it with waters, and I could block heaven and the earth; there need be no doubt about this."
AI translation rendered from the Sanskrit, not a published edition
BrP 4.42
यदा न शक्यते मोहाद् अवलेपाच् च पार्थिवः अपनेतुं तदा वेणस् ततः क्रुद्धा महर्षयः ॥
yadā na śakyate mohād avalepāc ca pārthivaḥ apanetuṃ tadā veṇas tataḥ kruddhā maharṣayaḥ //
When the king Vena could not, because of his delusion and arrogance, be turned away, then the great seers grew angry.
AI translation rendered from the Sanskrit, not a published edition
BrP 4.43
तं निगृह्य महात्मानो विस्फुरन्तं महाबलम् ततो ऽस्य सव्यम् ऊरुं ते ममन्थुर् जातमन्यवः ॥
taṃ nigṛhya mahātmāno visphurantaṃ mahābalam tato 'sya savyam ūruṃ te mamanthur jātamanyavaḥ //
Those great-souled ones, their fury arisen, seized him, the very strong one, as he struggled, and then churned his left thigh.
AI translation rendered from the Sanskrit, not a published edition
BrP 4.44
तस्मिन् निमथ्यमाने वै राज्ञ ऊरौ तु जज्ञिवान् ह्रस्वो ऽतिमात्रः पुरुषः कृष्णश् चेति बभूव ह ॥
tasmin nimathyamāne vai rājña ūrau tu jajñivān hrasvo 'timātraḥ puruṣaḥ kṛṣṇaś ceti babhūva ha //
When that thigh of the king was being churned, there was born a man, exceedingly short and black, who came into being.
AI translation rendered from the Sanskrit, not a published edition
BrP 4.45
स भीतः प्राञ्जलिर् भूत्वा तस्थिवान् द्विजसत्तमाः तम् अत्रिर् विह्वलं दृष्ट्वा निषीदेत्य् अब्रवीत् तदा ॥
sa bhītaḥ prāñjalir bhūtvā tasthivān dvijasattamāḥ tam atrir vihvalaṃ dṛṣṭvā niṣīdety abravīt tadā //
Frightened, he stood with his palms joined, O best of the twice-born; and Atri, seeing him agitated, then said to him "Sit down (niṣīda)."
AI translation rendered from the Sanskrit, not a published edition
BrP 4.46
निषादवंशकर्तासौ बभूव वदतां वराः धीवरान् असृजच् चापि वेणकल्मषसंभवान् ॥
niṣādavaṃśakartāsau babhūva vadatāṃ varāḥ dhīvarān asṛjac cāpi veṇakalmaṣasaṃbhavān //
He became the founder of the lineage of the Niṣādas, O best of speakers; and he also produced the fishermen, who arose from Vena's defilement.
AI translation rendered from the Sanskrit, not a published edition
BrP 4.47
ये चान्ये विन्ध्यनिलयास् तथा पर्वतसंश्रयाः अधर्मरुचयो विप्रास् ते तु वै वेणकल्मषाः ॥
ye cānye vindhyanilayās tathā parvatasaṃśrayāḥ adharmarucayo viprās te tu vai veṇakalmaṣāḥ //
And those others who dwell in the Vindhyas and likewise those who resort to the mountains, taking pleasure in adharma — those, O brahmins, are indeed Vena's defilements.
AI translation rendered from the Sanskrit, not a published edition
BrP 4.48
ततः पुनर् महात्मानः पाणिं वेणस्य दक्षिणम् अरणीम् इव संरब्धा ममन्थुर् जातमन्यवः ॥
tataḥ punar mahātmānaḥ pāṇiṃ veṇasya dakṣiṇam araṇīm iva saṃrabdhā mamanthur jātamanyavaḥ //
Then again the great-souled (sages), grown furious with anger, churned Veṇa's right hand as if it were a fire-drill.
AI translation rendered from the Sanskrit, not a published edition
BrP 4.49
पृथुस् तस्मात् समुत्पन्नः कराज् ज्वलनसंनिभः दीप्यमानः स्ववपुषा साक्षाद् अग्निर् इव ज्वलन् ॥
pṛthus tasmāt samutpannaḥ karāj jvalanasaṃnibhaḥ dīpyamānaḥ svavapuṣā sākṣād agnir iva jvalan //
From that hand Pṛthu arose, resembling fire, blazing with his own body, shining like Agni himself.
AI translation rendered from the Sanskrit, not a published edition
BrP 4.50
अथ सो ऽजगवं नाम धनुर् गृह्य महारवम् शरांश् च दिव्यान् रक्षार्थं कवचं च महाप्रभम् ॥
atha so 'jagavaṃ nāma dhanur gṛhya mahāravam śarāṃś ca divyān rakṣārthaṃ kavacaṃ ca mahāprabham //
Then he took up the loud-roaring bow named Ajagava, and divine arrows, and, for protection, a splendidly gleaming coat of mail.
AI translation rendered from the Sanskrit, not a published edition
BrP 4.51
तस्मिञ् जाते ऽथ भूतानि संप्रहृष्टानि सर्वशः समापेतुर् महाभागा वेणस् तु त्रिदिवं ययौ ॥
tasmiñ jāte 'tha bhūtāni saṃprahṛṣṭāni sarvaśaḥ samāpetur mahābhāgā veṇas tu tridivaṃ yayau //
When he was born, the beings, greatly blessed, thoroughly delighted, came running from all sides; but Veṇa went to heaven.
AI translation rendered from the Sanskrit, not a published edition
BrP 4.52
समुत्पन्नेन भो विप्राः सत्पुत्रेण महात्मना त्रातः स पुरुषव्याघ्रः पुंनाम्नो नरकात् तदा ॥
samutpannena bho viprāḥ satputreṇa mahātmanā trātaḥ sa puruṣavyāghraḥ puṃnāmno narakāt tadā //
O brahmins, by the great-souled good son who had been born, that tiger among men was then rescued from the hell called Put.
AI translation rendered from the Sanskrit, not a published edition
BrP 4.53
तं समुद्राश् च नद्यश् च रत्नान्य् आदाय सर्वशः तोयानि चाभिषेकार्थं सर्व एवोपतस्थिरे ॥
taṃ samudrāś ca nadyaś ca ratnāny ādāya sarvaśaḥ toyāni cābhiṣekārthaṃ sarva evopatasthire //
The oceans and the rivers, bringing jewels from every quarter and waters for the consecration, all of them approached him.
AI translation rendered from the Sanskrit, not a published edition
BrP 4.54
पितामहश् च भगवान् देवैर् आङ्गिरसैः सह स्थावराणि च भूतानि जङ्गमानि च सर्वशः ॥
pitāmahaś ca bhagavān devair āṅgirasaiḥ saha sthāvarāṇi ca bhūtāni jaṅgamāni ca sarvaśaḥ //
And the lord Grandfather (Brahmā) together with the gods and the Āṅgirasas, and beings unmoving and moving, from all sides—
AI translation rendered from the Sanskrit, not a published edition
BrP 4.55
समागम्य तदा वैण्यम् अभ्यषिञ्चन् नराधिपम् महता राजराजेन प्रजास् तेनानुरञ्जिताः ॥
samāgamya tadā vaiṇyam abhyaṣiñcan narādhipam mahatā rājarājena prajās tenānurañjitāḥ //
—having assembled, then consecrated Vaiṇya, the lord of men, with the great (rank of) king of kings; and by him the subjects were made content.
AI translation rendered from the Sanskrit, not a published edition
BrP 4.56
सो ऽभिषिक्तो महातेजा विधिवद् धर्मकोविदैः आधिराज्ये तदा राज्ञां पृथुर् वैण्यः प्रतापवान् ॥
so 'bhiṣikto mahātejā vidhivad dharmakovidaiḥ ādhirājye tadā rājñāṃ pṛthur vaiṇyaḥ pratāpavān //
That mighty-splendoured, majestic Pṛthu, son of Veṇa, was then consecrated according to rule by those learned in dharma in the overlordship of kings.
AI translation rendered from the Sanskrit, not a published edition
BrP 4.57
पित्रापरञ्जितास् तस्य प्रजास् तेनानुरञ्जिताः अनुरागात् ततस् तस्य नाम राजाभ्यजायत ॥
pitrāparañjitās tasya prajās tenānurañjitāḥ anurāgāt tatas tasya nāma rājābhyajāyata //
His subjects, who had not been made content by his father, were made content by him; hence from that affection (anurāga) the name 'king' (rājan) arose for him.
AI translation rendered from the Sanskrit, not a published edition
BrP 4.58
आपस् तस्तम्भिरे तस्य समुद्रम् अभियास्यतः पर्वताश् च ददुर् मार्गं ध्वजभङ्गश् च नाभवत् ॥
āpas tastambhire tasya samudram abhiyāsyataḥ parvatāś ca dadur mārgaṃ dhvajabhaṅgaś ca nābhavat //
The waters stood still for him as he advanced upon the ocean, and the mountains gave him a path, and his banner was not broken.
AI translation rendered from the Sanskrit, not a published edition
BrP 4.59
अकृष्टपच्या पृथिवी सिध्यन्त्य् अन्नानि चिन्तनात् सर्वकामदुघा गावः पुटके पुटके मधु ॥
akṛṣṭapacyā pṛthivī sidhyanty annāni cintanāt sarvakāmadughā gāvaḥ puṭake puṭake madhu //
The earth (yielded crops) ripe without ploughing, foods came about by a mere thought, the cows gave all that was desired, and there was honey in every honeycomb-cell.
AI translation rendered from the Sanskrit, not a published edition
BrP 4.60
एतस्मिन्न् एव काले तु यज्ञे पैतामहे शुभे सूतः सूत्यां समुत्पन्नः सौत्ये ऽहनि महामतिः ॥
etasminn eva kāle tu yajñe paitāmahe śubhe sūtaḥ sūtyāṃ samutpannaḥ sautye 'hani mahāmatiḥ //
And at just this time, at the auspicious sacrifice of the Grandfather, on the soma-pressing day, at the pressing, the Sūta, of great intellect, was born.
AI translation rendered from the Sanskrit, not a published edition
BrP 4.61
तस्मिन्न् एव महायज्ञे जज्ञे प्राज्ञो ऽथ मागधः पृथोः स्तवार्थं तौ तत्र समाहूतौ महर्षिभिः ॥
tasminn eva mahāyajñe jajñe prājño 'tha māgadhaḥ pṛthoḥ stavārthaṃ tau tatra samāhūtau maharṣibhiḥ //
At that very great sacrifice the wise Māgadha was then born; the two of them were summoned there by the great seers for the praising of Pṛthu.
AI translation rendered from the Sanskrit, not a published edition
BrP 4.62
ताव् ऊचुर् ऋषयः सर्वे स्तूयताम् एष पार्थिवः कर्मैतद् अनुरूपं वां पात्रं चायं नराधिपः ॥
tāv ūcur ṛṣayaḥ sarve stūyatām eṣa pārthivaḥ karmaitad anurūpaṃ vāṃ pātraṃ cāyaṃ narādhipaḥ //
All the seers said to those two: "Let this ruler of earth be praised. This task befits you both, and this lord of men is a worthy vessel (for it)."
AI translation rendered from the Sanskrit, not a published edition
BrP 4.63
ताव् ऊचतुस् तदा सर्वांस् तान् ऋषीन् सूतमागधौ आवां देवान् ऋषींश् चैव प्रीणयावः स्वकर्मभिः ॥
tāv ūcatus tadā sarvāṃs tān ṛṣīn sūtamāgadhau āvāṃ devān ṛṣīṃś caiva prīṇayāvaḥ svakarmabhiḥ //
Then the Sūta and the Māgadha said to all those seers: "We two do gratify the gods and the seers with our own proper work.
AI translation rendered from the Sanskrit, not a published edition
BrP 4.64
न चास्य विद्मो वै कर्म नाम वा लक्षणं यशः स्तोत्रं येनास्य कुर्याव राज्ञस् तेजस्विनो द्विजाः ॥
na cāsya vidmo vai karma nāma vā lakṣaṇaṃ yaśaḥ stotraṃ yenāsya kuryāva rājñas tejasvino dvijāḥ //
But we do not know this king's deeds, nor his name, nor his mark, nor his fame, by which we might make a hymn of praise for this splendid king, O twice-born ones."
AI translation rendered from the Sanskrit, not a published edition
BrP 4.65
ऋषिभिस् तौ नियुक्तौ तु भविष्यैः स्तूयताम् इति यानि कर्माणि कृतवान् पृथुः पश्चान् महाबलः ॥
ṛṣibhis tau niyuktau tu bhaviṣyaiḥ stūyatām iti yāni karmāṇi kṛtavān pṛthuḥ paścān mahābalaḥ //
But the two were directed by the seers: "Let him be praised by (his deeds) yet to come"—namely the deeds that the greatly powerful Pṛthu performed afterwards.
AI translation rendered from the Sanskrit, not a published edition
BrP 4.66
ततः प्रभृति वै लोके स्तवेषु मुनिसत्तमाः आशीर्वादाः प्रयुज्यन्ते सूतमागधबन्दिभिः ॥
tataḥ prabhṛti vai loke staveṣu munisattamāḥ āśīrvādāḥ prayujyante sūtamāgadhabandibhiḥ //
From that time onward in the world, O best of sages, in hymns of praise benedictions are employed by Sūtas, Māgadhas and bards.
AI translation rendered from the Sanskrit, not a published edition
BrP 4.67
तयोः स्तवान्ते सुप्रीतः पृथुः प्रादात् प्रजेश्वरः अनूपदेशं सूताय मगधं मागधाय च ॥
tayoḥ stavānte suprītaḥ pṛthuḥ prādāt prajeśvaraḥ anūpadeśaṃ sūtāya magadhaṃ māgadhāya ca //
At the end of their praise, Pṛthu, the lord of creatures, greatly pleased, gave the Anūpa country to the Sūta and Magadha to the Māgadha.
AI translation rendered from the Sanskrit, not a published edition
BrP 4.68
तं दृष्ट्वा परमप्रीताः प्रजाः प्रोचुर् मनीषिणः वृत्तीनाम् एष वो दाता भविष्यति नराधिपः ॥
taṃ dṛṣṭvā paramaprītāḥ prajāḥ procur manīṣiṇaḥ vṛttīnām eṣa vo dātā bhaviṣyati narādhipaḥ //
Seeing him, the thoughtful people, extremely pleased, said: "This lord of men will be the giver of livelihoods to you."
AI translation rendered from the Sanskrit, not a published edition
BrP 4.69
ततो वैण्यं महात्मानं प्रजाः समभिदुद्रुवुः त्वं नो वृत्तिं विधत्स्वेति महर्षिवचनात् तदा ॥
tato vaiṇyaṃ mahātmānaṃ prajāḥ samabhidudruvuḥ tvaṃ no vṛttiṃ vidhatsveti maharṣivacanāt tadā //
Then, on the word of the great seer, the people ran up to the great-souled son of Vena, saying, "Provide us a livelihood!"
AI translation rendered from the Sanskrit, not a published edition
BrP 4.70
सो ऽभिद्रुतः प्रजाभिस् तु प्रजाहितचिकीर्षया धनुर् गृह्य पृषत्कांश् च पृथिवीम् आद्रवद् बली ॥
so 'bhidrutaḥ prajābhis tu prajāhitacikīrṣayā dhanur gṛhya pṛṣatkāṃś ca pṛthivīm ādravad balī //
But he, thus beset by the people, wishing to do what was good for them, took up his bow and arrows, and, mighty one, rushed at the Earth.
AI translation rendered from the Sanskrit, not a published edition
BrP 4.71
ततो वैण्यभयत्रस्ता गौर् भूत्वा प्राद्रवन् मही तां पृथुर् धनुर् आदाय द्रवन्तीम् अन्वधावत ॥
tato vaiṇyabhayatrastā gaur bhūtvā prādravan mahī tāṃ pṛthur dhanur ādāya dravantīm anvadhāvata //
Then the Earth, terrified with fear of Vena's son, became a cow and fled; and Pṛthu, taking up his bow, ran after her as she fled.
AI translation rendered from the Sanskrit, not a published edition
BrP 4.72
सा लोकान् ब्रह्मलोकादीन् गत्वा वैण्यभयात् तदा प्रददर्शाग्रतो वैण्यं प्रगृहीतशरासनम् ॥
sā lokān brahmalokādīn gatvā vaiṇyabhayāt tadā pradadarśāgrato vaiṇyaṃ pragṛhītaśarāsanam //
Going then, out of fear of Vena's son, to the worlds beginning with Brahmā's world, she saw the son of Vena before her with his bow drawn up,
AI translation rendered from the Sanskrit, not a published edition
BrP 4.73
ज्वलद्भिर् निशितैर् बाणैर् दीप्ततेजसम् अन्ततः महायोगं महात्मानं दुर्धर्षम् अमरैर् अपि ॥
jvaladbhir niśitair bāṇair dīptatejasam antataḥ mahāyogaṃ mahātmānaṃ durdharṣam amarair api //
(saw him) with blazing sharpened arrows, of flaming brilliance on every side, of great yoga, great-souled, hard to assail even by the immortals.
AI translation rendered from the Sanskrit, not a published edition
BrP 4.74
अलभन्ती तु सा त्राणं वैण्यम् एवान्वपद्यत कृताञ्जलिपुटा भूत्वा पूज्या लोकैस् त्रिभिस् तदा ॥
alabhantī tu sā trāṇaṃ vaiṇyam evānvapadyata kṛtāñjalipuṭā bhūtvā pūjyā lokais tribhis tadā //
Finding no protection, she resorted to Vena's son himself, having made her palms into a cupped gesture of reverence—she who was then to be honoured by the three worlds—
AI translation rendered from the Sanskrit, not a published edition
BrP 4.75
उवाच वैण्यं नाधर्मं स्त्रीवधे परिपश्यसि कथं धारयिता चासि प्रजा राजन् विना मया ॥
uvāca vaiṇyaṃ nādharmaṃ strīvadhe paripaśyasi kathaṃ dhārayitā cāsi prajā rājan vinā mayā //
and said to Vena's son: "Do you not see the unrighteousness in killing a woman? And how, O king, will you sustain the people without me?
AI translation rendered from the Sanskrit, not a published edition
BrP 4.76
मयि लोकाः स्थिता राजन् मयेदं धार्यते जगत् मद्विनाशे विनश्येयुः प्रजाः पार्थिव विद्धि तत् ॥
mayi lokāḥ sthitā rājan mayedaṃ dhāryate jagat madvināśe vinaśyeyuḥ prajāḥ pārthiva viddhi tat //
On me the worlds rest, O king; by me this world is upheld; at my destruction the people would perish—know that, O lord of earth.
AI translation rendered from the Sanskrit, not a published edition
BrP 4.77
न माम् अर्हसि हन्तुं वै श्रेयश् चेत् त्वं चिकीर्षसि प्रजानां पृथिवीपाल शृणु चेदं वचो मम ॥
na mām arhasi hantuṃ vai śreyaś cet tvaṃ cikīrṣasi prajānāṃ pṛthivīpāla śṛṇu cedaṃ vaco mama //
You ought not to kill me, if indeed you wish to do good for the people, O protector of the earth; and hear this word of mine.
AI translation rendered from the Sanskrit, not a published edition
BrP 4.78
उपायतः समारब्धाः सर्वे सिध्यन्त्य् उपक्रमाः उपायं पश्य येन त्वं धारयेथाः प्रजाम् इमाम् ॥
upāyataḥ samārabdhāḥ sarve sidhyanty upakramāḥ upāyaṃ paśya yena tvaṃ dhārayethāḥ prajām imām //
All undertakings, when begun with the (right) means, succeed; look for the means by which you may sustain this people.
AI translation rendered from the Sanskrit, not a published edition
BrP 4.79
हत्वापि मां न शक्तस् त्वं प्रजानां पोषणे नृप अनुकूला भविष्यामि यच्छ कोपं महामते ॥
hatvāpi māṃ na śaktas tvaṃ prajānāṃ poṣaṇe nṛpa anukūlā bhaviṣyāmi yaccha kopaṃ mahāmate //
Even having killed me, you will not be able to nourish the people, O king; I will be compliant—restrain your anger, O great-minded one.
AI translation rendered from the Sanskrit, not a published edition
BrP 4.80
अवध्यां च स्त्रियं प्राहुस् तिर्यग्योनिगतेष्व् अपि यद्य् एवं पृथिवीपाल न धर्मं त्यक्तुम् अर्हसि ॥
avadhyāṃ ca striyaṃ prāhus tiryagyonigateṣv api yady evaṃ pṛthivīpāla na dharmaṃ tyaktum arhasi //
And they say a female is not to be slain, even among those born in animal wombs; if that is so, O protector of the earth, you ought not to abandon dharma.
AI translation rendered from the Sanskrit, not a published edition
BrP 4.81
एवं बहुविधं वाक्यं श्रुत्वा राजा महामनाः कोपं निगृह्य धर्मात्मा वसुधाम् इदम् अब्रवीत् ॥
evaṃ bahuvidhaṃ vākyaṃ śrutvā rājā mahāmanāḥ kopaṃ nigṛhya dharmātmā vasudhām idam abravīt //
Having heard this manifold speech, the great-minded king, righteous in soul, restrained his anger and said this to the Earth:
AI translation rendered from the Sanskrit, not a published edition
BrP 4.82
एकस्यार्थे तु यो हन्याद् आत्मनो वा परस्य वा बहून् वा प्राणिनो ऽनन्तं भवेत् तस्येह पातकम् ॥
ekasyārthe tu yo hanyād ātmano vā parasya vā bahūn vā prāṇino 'nantaṃ bhavet tasyeha pātakam //
"But he who, for the sake of one—whether himself or another—would kill many living beings, his sin here would be endless.
AI translation rendered from the Sanskrit, not a published edition
BrP 4.83
सुखम् एधन्ति बहवो यस्मिंस् तु निहते ऽशुभे तस्मिन् हते नास्ति भद्रे पातकं चोपपातकम् ॥
sukham edhanti bahavo yasmiṃs tu nihate 'śubhe tasmin hate nāsti bhadre pātakaṃ copapātakam //
But when some evil one is slain and many thereby thrive in happiness, in his being killed, good lady, there is neither major nor minor sin.
AI translation rendered from the Sanskrit, not a published edition
BrP 4.84
सो ऽहं प्रजानिमित्तं त्वां हनिष्यामि वसुंधरे यदि मे वचनान् नाद्य करिष्यसि जगद्धितम् ॥
so 'haṃ prajānimittaṃ tvāṃ haniṣyāmi vasuṃdhare yadi me vacanān nādya kariṣyasi jagaddhitam //
So I shall kill you for the people's sake, O Earth-bearer, if today you will not, at my word, do what benefits the world.
AI translation rendered from the Sanskrit, not a published edition
BrP 4.85
त्वां निहत्याद्य बाणेन मच्छासनपराङ्मुखीम् आत्मानं प्रथयित्वाहं प्रजा धारयिता स्वयम् ॥
tvāṃ nihatyādya bāṇena macchāsanaparāṅmukhīm ātmānaṃ prathayitvāhaṃ prajā dhārayitā svayam //
Having slain you today with an arrow, you who turn your face from my command, and having extended myself, I shall sustain the people myself.
AI translation rendered from the Sanskrit, not a published edition
BrP 4.86
सा त्वं शासनम् आस्थाय मम धर्मभृतां वरे संजीवय प्रजाः सर्वाः समर्था ह्य् असि धारणे ॥
sā tvaṃ śāsanam āsthāya mama dharmabhṛtāṃ vare saṃjīvaya prajāḥ sarvāḥ samarthā hy asi dhāraṇe //
So you, abiding by my command, O best of the upholders of dharma, revive all the people; for you are capable of sustaining them.
AI translation rendered from the Sanskrit, not a published edition
BrP 4.87
दुहितृत्वं च मे गच्छ तत एनम् अहं शरम् नियच्छेयं त्वद्वधार्थम् उद्यन्तं घोरदर्शनम् ॥
duhitṛtvaṃ ca me gaccha tata enam ahaṃ śaram niyaccheyaṃ tvadvadhārtham udyantaṃ ghoradarśanam //
And become my daughter; then I shall hold back this arrow, terrible to look at, raised for your killing."
AI translation rendered from the Sanskrit, not a published edition
BrP 4.88
सर्वम् एतद् अहं वीर विधास्यामि न संशयः वत्सं तु मम संपश्य क्षरेयं येन वत्सला ॥
sarvam etad ahaṃ vīra vidhāsyāmi na saṃśayaḥ vatsaṃ tu mama saṃpaśya kṣareyaṃ yena vatsalā //
"All this I shall arrange, hero, without doubt; but find a calf for me, by which, made affectionate, I may let my milk flow."
AI translation rendered from the Sanskrit, not a published edition
BrP 4.89
समां च कुरु सर्वत्र मां त्वं धर्मभृतां वर यथा विस्यन्दमानं मे क्षीरं सर्वत्र भावयेत् ॥
samāṃ ca kuru sarvatra māṃ tvaṃ dharmabhṛtāṃ vara yathā visyandamānaṃ me kṣīraṃ sarvatra bhāvayet //
"And make me level everywhere, best of the upholders of dharma, so that (the earth) may cause my flowing milk to spread everywhere."
AI translation rendered from the Sanskrit, not a published edition
BrP 4.90
तत उत्सारयाम् आस शैलाञ् शतसहस्रशः धनुष्कोट्या तदा वैण्यस् तेन शैला विवर्धिताः ॥
tata utsārayām āsa śailāñ śatasahasraśaḥ dhanuṣkoṭyā tadā vaiṇyas tena śailā vivardhitāḥ //
Then the son of Vena drove away the mountains by the hundreds of thousands with the tip of his bow, and by that the mountains were made to grow (elsewhere).
AI translation rendered from the Sanskrit, not a published edition
BrP 4.91
नहि पूर्वविसर्गे वै विषमे पृथिवीतले संविभागः पुराणां वा ग्रामाणां वाभवत् तदा ॥
nahi pūrvavisarge vai viṣame pṛthivītale saṃvibhāgaḥ purāṇāṃ vā grāmāṇāṃ vābhavat tadā //
For in the earlier creation, when the surface of the earth was uneven, there was then no division into towns or villages.
AI translation rendered from the Sanskrit, not a published edition
BrP 4.92
न सस्यानि न गोरक्ष्यं न कृषिर् न वणिक्पथः नैव सत्यानृतं चासीन् न लोभो न च मत्सरः ॥
na sasyāni na gorakṣyaṃ na kṛṣir na vaṇikpathaḥ naiva satyānṛtaṃ cāsīn na lobho na ca matsaraḥ //
There were no grains, no cattle-keeping, no agriculture, no trade-routes; nor was there truth and falsehood, nor greed, nor envy.
AI translation rendered from the Sanskrit, not a published edition
BrP 4.93
वैवस्वते ऽन्तरे तस्मिन् सांप्रतं समुपस्थिते वैण्यात् प्रभृति वै विप्राः सर्वस्यैतस्य संभवः ॥
vaivasvate 'ntare tasmin sāṃprataṃ samupasthite vaiṇyāt prabhṛti vai viprāḥ sarvasyaitasya saṃbhavaḥ //
In that Vaivasvata interval, when the present (age) had arrived, beginning from the son of Vena, O brahmins, came the origin of all this.
AI translation rendered from the Sanskrit, not a published edition
BrP 4.94
यत्र यत्र समं त्व् अस्या भूमेर् आसीत् तदा द्विजाः तत्र तत्र प्रजाः सर्वा निवासं समरोचयन् ॥
yatra yatra samaṃ tv asyā bhūmer āsīt tadā dvijāḥ tatra tatra prajāḥ sarvā nivāsaṃ samarocayan //
Wherever there was level ground of this earth then, O twice-born, there all the people took pleasure in dwelling.
AI translation rendered from the Sanskrit, not a published edition
BrP 4.95
आहारः फलमूलानि प्रजानाम् अभवत् तदा कृच्छ्रेण महता युक्त इत्य् एवम् अनुशुश्रुम ॥
āhāraḥ phalamūlāni prajānām abhavat tadā kṛcchreṇa mahatā yukta ity evam anuśuśruma //
The food of the people then was fruits and roots, obtained with great difficulty — thus have we heard it.
AI translation rendered from the Sanskrit, not a published edition
BrP 4.96
स कल्पयित्वा वत्सं तु मनुं स्वायंभुवं प्रभुम् स्वपाणौ पुरुषव्याघ्रो दुदोह पृथिवीं ततः ॥
sa kalpayitvā vatsaṃ tu manuṃ svāyaṃbhuvaṃ prabhum svapāṇau puruṣavyāghro dudoha pṛthivīṃ tataḥ //
Having made Manu Svāyaṃbhuva, the lord, the calf, that tiger among men then milked the earth into his own hand.
AI translation rendered from the Sanskrit, not a published edition
BrP 4.97
सस्यजातानि सर्वाणि पृथुर् वैण्यः प्रतापवान् तेनान्नेन प्रजाः सर्वा वर्तन्ते ऽद्यापि सर्वशः ॥
sasyajātāni sarvāṇi pṛthur vaiṇyaḥ pratāpavān tenānnena prajāḥ sarvā vartante 'dyāpi sarvaśaḥ //
All the kinds of grain (were milked out by) the majestic Pṛthu, son of Vena; by that food all people subsist even today, in every way.
AI translation rendered from the Sanskrit, not a published edition
BrP 4.98
ऋषयश् च तदा देवाः पितरो ऽथ सरीसृपाः दैत्या यक्षाः पुण्यजना गन्धर्वाः पर्वता नगाः ॥
ṛṣayaś ca tadā devāḥ pitaro 'tha sarīsṛpāḥ daityā yakṣāḥ puṇyajanā gandharvāḥ parvatā nagāḥ //
And then the seers, the gods, the ancestors, and the creeping things, the Daityas, the Yakṣas, the pure-born ones, the Gandharvas, the mountains and the trees —
AI translation rendered from the Sanskrit, not a published edition
BrP 4.99
एते पुरा द्विजश्रेष्ठा दुदुहुर् धरणीं किल क्षीरं वत्सश् च पात्रं च तेषां दोग्धा पृथक् पृथक् ॥
ete purā dvijaśreṣṭhā duduhur dharaṇīṃ kila kṣīraṃ vatsaś ca pātraṃ ca teṣāṃ dogdhā pṛthak pṛthak //
These, O best of the twice-born, formerly milked the earth, it is said; and their milk, calf, vessel and milker were each separate.
AI translation rendered from the Sanskrit, not a published edition
BrP 4.100
ऋषीणाम् अभवत् सोमो वत्सो दोग्धा बृहस्पतिः क्षीरं तेषां तपो ब्रह्म पात्रं छन्दांसि भो द्विजाः ॥
ṛṣīṇām abhavat somo vatso dogdhā bṛhaspatiḥ kṣīraṃ teṣāṃ tapo brahma pātraṃ chandāṃsi bho dvijāḥ //
For the seers, Soma was the calf, Bṛhaspati the milker, their milk was ascetic power and brahman, and the vessel the metres, O twice-born.
AI translation rendered from the Sanskrit, not a published edition
BrP 4.101
देवानां काञ्चनं पात्रं वत्सस् तेषां शतक्रतुः क्षीरम् ओजस्करं चैव दोग्धा च भगवान् रविः ॥
devānāṃ kāñcanaṃ pātraṃ vatsas teṣāṃ śatakratuḥ kṣīram ojaskaraṃ caiva dogdhā ca bhagavān raviḥ //
For the gods the vessel was golden, their calf was Śatakratu (Indra), the milk was vigour-producing, and the milker was the lord Sun.
AI translation rendered from the Sanskrit, not a published edition
BrP 4.102
पितॄणां राजतं पात्रं यमो वत्सः प्रतापवान् अन्तकश् चाभवद् दोग्धा क्षीरं तेषां सुधा स्मृता ॥
pitṝṇāṃ rājataṃ pātraṃ yamo vatsaḥ pratāpavān antakaś cābhavad dogdhā kṣīraṃ teṣāṃ sudhā smṛtā //
For the ancestors the vessel was of silver, the majestic Yama was the calf, and Antaka became the milker; their milk is said to be nectar.
AI translation rendered from the Sanskrit, not a published edition
BrP 4.103
नागानां तक्षको वत्सः पात्रं चालाबुसंज्ञकम् दोग्धा त्व् ऐरावतो नागस् तेषां क्षीरं विषं स्मृतम् ॥
nāgānāṃ takṣako vatsaḥ pātraṃ cālābusaṃjñakam dogdhā tv airāvato nāgas teṣāṃ kṣīraṃ viṣaṃ smṛtam //
For the serpents Takṣaka was the calf, and the vessel was one called a gourd; the milker was the serpent Airāvata, and their milk is said to be poison.
AI translation rendered from the Sanskrit, not a published edition
BrP 4.104
असुराणां मधुर् दोग्धा क्षीरं मायामयं स्मृतम् विरोचनस् तु वत्सो ऽभूद् आयसं पात्रम् एव च ॥
asurāṇāṃ madhur dogdhā kṣīraṃ māyāmayaṃ smṛtam virocanas tu vatso 'bhūd āyasaṃ pātram eva ca //
For the Asuras Madhu was the milker, the milk is said to be made of magic; Virocana was the calf, and the vessel was of iron.
AI translation rendered from the Sanskrit, not a published edition
BrP 4.105
यक्षाणाम् आमपात्रं तु वत्सो वैश्रवणः प्रभुः दोग्धा रजतनाभस् तु क्षीरान्तर्धानम् एव च ॥
yakṣāṇām āmapātraṃ tu vatso vaiśravaṇaḥ prabhuḥ dogdhā rajatanābhas tu kṣīrāntardhānam eva ca //
For the Yakṣas the vessel was of unbaked clay, the calf was lord Vaiśravaṇa, the milker was Rajatanābha, and the milk was invisibility.
AI translation rendered from the Sanskrit, not a published edition
BrP 4.106
सुमाली राक्षसेन्द्राणां वत्सः क्षीरं च शोणितम् दोग्धा रजतनाभस् तु कपालं पात्रम् एव च ॥
sumālī rākṣasendrāṇāṃ vatsaḥ kṣīraṃ ca śoṇitam dogdhā rajatanābhas tu kapālaṃ pātram eva ca //
For the lords of the Rākṣasas Sumālī was the calf and the milk was blood; the milker was Rajatanābha, and the vessel a skull.
AI translation rendered from the Sanskrit, not a published edition
BrP 4.107
गन्धर्वाणां चित्ररथो वत्सः पात्रं च पङ्कजम् दोग्धा च सुरुचिः क्षीरं तेषां गन्धः शुचिः स्मृतः ॥
gandharvāṇāṃ citraratho vatsaḥ pātraṃ ca paṅkajam dogdhā ca suruciḥ kṣīraṃ teṣāṃ gandhaḥ śuciḥ smṛtaḥ //
For the Gandharvas Citraratha was the calf and the vessel a lotus; the milker was Suruci, and their milk is said to be pure fragrance.
AI translation rendered from the Sanskrit, not a published edition
BrP 4.108
शैलं पात्रं पर्वतानां क्षीरं रत्नौषधीस् तथा वत्सस् तु हिमवान् आसीद् दोग्धा मेरुर् महागिरिः ॥
śailaṃ pātraṃ parvatānāṃ kṣīraṃ ratnauṣadhīs tathā vatsas tu himavān āsīd dogdhā merur mahāgiriḥ //
Of the mountains the vessel was of stone, and the milk was gems and herbs; the calf was Himavat, and the milker was Meru, the great mountain.
AI translation rendered from the Sanskrit, not a published edition
BrP 4.109
प्लक्षो वत्सस् तु वृक्षाणां दोग्धा शालस् तु पुष्पितः पालाशपात्रं क्षीरं च च्छिन्नदग्धप्ररोहणम् ॥
plakṣo vatsas tu vṛkṣāṇāṃ dogdhā śālas tu puṣpitaḥ pālāśapātraṃ kṣīraṃ ca cchinnadagdhaprarohaṇam //
Of the trees the calf was the plakṣa, and the milker the flowering sāla; the vessel was of palāśa wood, and the milk was the resprouting of what has been cut and burned.
AI translation rendered from the Sanskrit, not a published edition
BrP 4.110
सेयं धात्री विधात्री च पावनी च वसुंधरा चराचरस्य सर्वस्य प्रतिष्ठा योनिर् एव च ॥
seyaṃ dhātrī vidhātrī ca pāvanī ca vasuṃdharā carācarasya sarvasya pratiṣṭhā yonir eva ca //
This same Vasuṃdharā is the sustainer and the ordainer and the purifier, and she is the support and the very womb of all that moves and does not move.
AI translation rendered from the Sanskrit, not a published edition
BrP 4.111
सर्वकामदुघा दोग्ध्री सर्वसस्यप्ररोहणी आसीद् इयं समुद्रान्ता मेदिनी परिविश्रुता ॥
sarvakāmadughā dogdhrī sarvasasyaprarohaṇī āsīd iyaṃ samudrāntā medinī pariviśrutā //
Yielding all desires as a milk-cow, causing all crops to grow, this (earth) bounded by the ocean became widely renowned as Medinī.
AI translation rendered from the Sanskrit, not a published edition
BrP 4.112
मधुकैटभयोः कृत्स्ना मेदसा समभिप्लुता तेनेयं मेदिनी देवी उच्यते ब्रह्मवादिभिः ॥
madhukaiṭabhayoḥ kṛtsnā medasā samabhiplutā teneyaṃ medinī devī ucyate brahmavādibhiḥ //
The whole (earth) was flooded over with the fat (medas) of Madhu and Kaiṭabha; therefore this goddess is called Medinī by the expounders of brahman.
AI translation rendered from the Sanskrit, not a published edition
BrP 4.113
ततो ऽभ्युपगमाद् राज्ञः पृथोर् वैण्यस्य भो द्विजाः दुहितृत्वम् अनुप्राप्ता देवी पृथ्वीति चोच्यते ॥
tato 'bhyupagamād rājñaḥ pṛthor vaiṇyasya bho dvijāḥ duhitṛtvam anuprāptā devī pṛthvīti cocyate //
Then, O brahmins, by her acceptance of (the sovereignty of) king Pṛthu, son of Vena, she attained the status of his daughter, and the goddess is called Pṛthvī.
AI translation rendered from the Sanskrit, not a published edition
BrP 4.114
पृथुना प्रविभक्ता च शोधिता च वसुंधरा सस्याकरवती स्फीता पुरपत्तनशालिनी ॥
pṛthunā pravibhaktā ca śodhitā ca vasuṃdharā sasyākaravatī sphītā purapattanaśālinī //
And by Pṛthu Vasuṃdharā was divided up and made clean, full of crops and mines, prosperous, adorned with cities and towns.
AI translation rendered from the Sanskrit, not a published edition
BrP 4.115
एवंप्रभावो वैण्यः स राजासीद् राजसत्तमः नमस्यश् चैव पूज्यश् च भूतग्रामैर् न संशयः ॥
evaṃprabhāvo vaiṇyaḥ sa rājāsīd rājasattamaḥ namasyaś caiva pūjyaś ca bhūtagrāmair na saṃśayaḥ //
Such was the power of that son of Vena, that king, best of kings; and he is to be bowed to and worshipped by the hosts of beings — there is no doubt.
AI translation rendered from the Sanskrit, not a published edition
BrP 4.116
ब्राह्मणैश् च महाभागैर् वेदवेदाङ्गपारगैः पृथुर् एव नमस्कार्यो ब्रह्मयोनिः सनातनः ॥
brāhmaṇaiś ca mahābhāgair vedavedāṅgapāragaiḥ pṛthur eva namaskāryo brahmayoniḥ sanātanaḥ //
And by greatly fortunate brahmins who have mastered the Vedas and the Vedāṅgas, Pṛthu alone is to be saluted, he who is sprung from brahman, the eternal one.
AI translation rendered from the Sanskrit, not a published edition
BrP 4.117
पार्थिवैश् च महाभागैः पार्थिवत्वम् इहेच्छुभिः आदिराजो नमस्कार्यः पृथुर् वैण्यः प्रतापवान् ॥
pārthivaiś ca mahābhāgaiḥ pārthivatvam ihecchubhiḥ ādirājo namaskāryaḥ pṛthur vaiṇyaḥ pratāpavān //
And by greatly fortunate kings who desire kingship here, the first king, the majestic Pṛthu son of Vena, is to be saluted.
AI translation rendered from the Sanskrit, not a published edition
BrP 4.118
योधैर् अपि च विक्रान्तैः प्राप्तुकामैर् जयं युधि आदिराजो नमस्कार्यो योधानां प्रथमो नृपः ॥
yodhair api ca vikrāntaiḥ prāptukāmair jayaṃ yudhi ādirājo namaskāryo yodhānāṃ prathamo nṛpaḥ //
And by valiant warriors who wish to win victory in battle, the first king is to be saluted, that ruler who was the foremost of warriors.
AI translation rendered from the Sanskrit, not a published edition
BrP 4.119
यो हि योद्धा रणं याति कीर्तयित्वा पृथुं नृपम् स घोररूपात् संग्रामात् क्षेमी भवति कीर्तिमान् ॥
yo hi yoddhā raṇaṃ yāti kīrtayitvā pṛthuṃ nṛpam sa ghorarūpāt saṃgrāmāt kṣemī bhavati kīrtimān //
For the warrior who goes to battle after proclaiming king Pṛthu comes safe and famous out of the dreadful fight.
AI translation rendered from the Sanskrit, not a published edition
BrP 4.120
वैश्यैर् अपि च वित्ताढ्यैर् वैश्यवृत्तिविधायिभिः पृथुर् एव नमस्कार्यो वृत्तिदाता महायशाः ॥
vaiśyair api ca vittāḍhyair vaiśyavṛttividhāyibhiḥ pṛthur eva namaskāryo vṛttidātā mahāyaśāḥ //
And by vaiśyas too, rich in wealth, who follow the vaiśya way of life, Pṛthu alone is to be saluted, the great-famed giver of livelihood.
AI translation rendered from the Sanskrit, not a published edition
BrP 4.121
तथैव शूद्रैः शुचिभिस् त्रिवर्णपरिचारिभिः पृथुर् एव नमस्कार्यः श्रेयः परम् इहेप्सुभिः ॥
tathaiva śūdraiḥ śucibhis trivarṇaparicāribhiḥ pṛthur eva namaskāryaḥ śreyaḥ param ihepsubhiḥ //
And likewise by pure śūdras who serve the three classes, and who desire the highest good here, Pṛthu alone is to be saluted.
AI translation rendered from the Sanskrit, not a published edition
BrP 4.122
एते वत्सविशेषाश् च दोग्धारः क्षीरम् एव च पात्राणि च मयोक्तानि किं भूयो वर्णयामि वः ॥
ete vatsaviśeṣāś ca dogdhāraḥ kṣīram eva ca pātrāṇi ca mayoktāni kiṃ bhūyo varṇayāmi vaḥ //
These particular calves, and the milkers, and the milk, and the vessels have been told by me; what more shall I describe to you?
AI translation rendered from the Sanskrit, not a published edition