Brahma Purana — Chapter 39

BrP 39.1

प्राचेतसस्य दक्षस्य कथं वैवस्वते ऽन्तरे विनाशम् अगमद् ब्रह्मन् हयमेधः प्रजापतेः ॥

prācetasasya dakṣasya kathaṃ vaivasvate 'ntare vināśam agamad brahman hayamedhaḥ prajāpateḥ //

"How, O brahmin, in the Vaivasvata interval, did the horse sacrifice of Dakṣa Prācetasa, the Lord of Creatures, come to destruction?"

AI translation rendered from the Sanskrit, not a published edition

BrP 39.2

देव्या मन्युकृतं बुद्ध्वा क्रुद्धः सर्वात्मकः प्रभुः कथं विनाशितो यज्ञो दक्षस्यामिततेजसः महादेवेन रोषाद् वै तन् नः प्रब्रूहि विस्तरात् ॥

devyā manyukṛtaṃ buddhvā kruddhaḥ sarvātmakaḥ prabhuḥ kathaṃ vināśito yajño dakṣasyāmitatejasaḥ mahādevena roṣād vai tan naḥ prabrūhi vistarāt //

"How was the sacrifice of Dakṣa of measureless splendour destroyed out of rage by Mahādeva, the Lord who is the self of all, when, learning of the anger the goddess had felt, he grew wrathful? Tell us that in full."

AI translation rendered from the Sanskrit, not a published edition

BrP 39.3

वर्णयिष्यामि वो विप्रा महादेवेन वै यथा क्रोधाद् विध्वंसितो यज्ञो देव्याः प्रियचिकीर्षया ॥

varṇayiṣyāmi vo viprā mahādevena vai yathā krodhād vidhvaṃsito yajño devyāḥ priyacikīrṣayā //

"I shall relate to you, O brahmins, how the sacrifice was shattered by Mahādeva out of anger, from his wish to please the goddess."

AI translation rendered from the Sanskrit, not a published edition

BrP 39.4

पुरा मेरोर् द्विजश्रेष्ठाः शृङ्गं त्रैलोक्यपूजितम् ज्योतिःस्थलं नाम चित्रं सर्वरत्नविभूषितम् ॥

purā meror dvijaśreṣṭhāḥ śṛṅgaṃ trailokyapūjitam jyotiḥsthalaṃ nāma citraṃ sarvaratnavibhūṣitam //

Long ago, O best of the twice-born, (there was) a peak of Meru, honoured in the three worlds, named Jyotiḥsthala, bright and adorned with every kind of jewel,

AI translation rendered from the Sanskrit, not a published edition

BrP 39.5

अप्रमेयम् अनाधृष्यं सर्वलोकनमस्कृतम् तत्र देवो गिरितटे सर्वधातुविचित्रिते ॥

aprameyam anādhṛṣyaṃ sarvalokanamaskṛtam tatra devo giritaṭe sarvadhātuvicitrite //

immeasurable, unassailable, saluted by all the worlds. There, on a mountain slope variegated with all (kinds of) minerals,

AI translation rendered from the Sanskrit, not a published edition

BrP 39.6

पर्यङ्क इव विस्तीर्ण उपविष्टो बभूव ह शैलराजसुता चास्य नित्यं पार्श्वस्थिताभवत् ॥

paryaṅka iva vistīrṇa upaviṣṭo babhūva ha śailarājasutā cāsya nityaṃ pārśvasthitābhavat //

broad like a couch, the god sat down; and the daughter of the mountain king was constantly at his side.

AI translation rendered from the Sanskrit, not a published edition

BrP 39.7

आदित्याश् च महात्मानो वसवश् च महौजसः तथैव च महात्मानाव् अश्विनौ भिषजां वरौ ॥

ādityāś ca mahātmāno vasavaś ca mahaujasaḥ tathaiva ca mahātmānāv aśvinau bhiṣajāṃ varau //

And the great-souled Ādityas, and the Vasus of great vigour, and likewise the two great-souled Aśvins, the best of physicians,

AI translation rendered from the Sanskrit, not a published edition

BrP 39.8

तथा वैश्रवणो राजा गुह्यकैः परिवारितः यक्षाणाम् ईश्वरः श्रीमान् कैलासनिलयः प्रभुः ॥

tathā vaiśravaṇo rājā guhyakaiḥ parivāritaḥ yakṣāṇām īśvaraḥ śrīmān kailāsanilayaḥ prabhuḥ //

and likewise King Vaiśravaṇa, surrounded by the Guhyakas, the lord of the Yakṣas, glorious, the mighty one whose abode is Kailāsa —

AI translation rendered from the Sanskrit, not a published edition

BrP 39.9

उपासते महात्मानम् उशना च महामुनिः सनत्कुमारप्रमुखास् तथैव परमर्षयः ॥

upāsate mahātmānam uśanā ca mahāmuniḥ sanatkumārapramukhās tathaiva paramarṣayaḥ //

they attend upon the great-souled one; and Uśanas, the great sage, and likewise the supreme seers headed by Sanatkumāra,

AI translation rendered from the Sanskrit, not a published edition

BrP 39.10

अङ्गिरःप्रमुखाश् चैव तथा देवर्षयो ऽपि च विश्वावसुश् च गन्धर्वस् तथा नारदपर्वतौ ॥

aṅgiraḥpramukhāś caiva tathā devarṣayo 'pi ca viśvāvasuś ca gandharvas tathā nāradaparvatau //

and those headed by Aṅgiras, and also the divine seers, and Viśvāvasu the gandharva, and Nārada and Parvata,

AI translation rendered from the Sanskrit, not a published edition

BrP 39.11

अप्सरोगणसंघाश् च समाजग्मुर् अनेकशः ववौ सुखशिवो वायुर् नानागन्धवहः शुचिः ॥

apsarogaṇasaṃghāś ca samājagmur anekaśaḥ vavau sukhaśivo vāyur nānāgandhavahaḥ śuciḥ //

and hosts of throngs of apsarases came together in great numbers. A pleasant, benign, pure wind blew, carrying various fragrances.

AI translation rendered from the Sanskrit, not a published edition

BrP 39.12

सर्वर्तुकुसुमोपेतः पुष्पवन्तो ऽभवन् द्रुमाः तथा विद्याधराः साध्याः सिद्धाश् चैव तपोधनाः ॥

sarvartukusumopetaḥ puṣpavanto 'bhavan drumāḥ tathā vidyādharāḥ sādhyāḥ siddhāś caiva tapodhanāḥ //

The trees became flowering, endowed with blossoms of every season; likewise Vidyādharas, Sādhyas, and Siddhas whose wealth is austerity

AI translation rendered from the Sanskrit, not a published edition

BrP 39.13

महादेवं पशुपतिं पर्युपासत तत्र वै भूतानि च तथान्यानि नानारूपधराण्य् अथ ॥

mahādevaṃ paśupatiṃ paryupāsata tatra vai bhūtāni ca tathānyāni nānārūpadharāṇy atha //

attended there upon Mahādeva, the lord of creatures; and also other beings, wearing manifold forms,

AI translation rendered from the Sanskrit, not a published edition

BrP 39.14

राक्षसाश् च महारौद्राः पिशाचाश् च महाबलाः बहुरूपधरा धृष्टा नानाप्रहरणायुधाः ॥

rākṣasāś ca mahāraudrāḥ piśācāś ca mahābalāḥ bahurūpadharā dhṛṣṭā nānāpraharaṇāyudhāḥ //

and rākṣasas of terrible fierceness, and piśācas of great strength, wearing many forms, bold, with various weapons and arms —

AI translation rendered from the Sanskrit, not a published edition

BrP 39.15

देवस्यानुचरास् तत्र तस्थुर् वैश्वानरोपमाः नन्दीश्वरश् च भगवान् देवस्यानुमते स्थितः ॥

devasyānucarās tatra tasthur vaiśvānaropamāḥ nandīśvaraś ca bhagavān devasyānumate sthitaḥ //

the god's attendants, like fire (to look upon), stood there; and the lord Nandīśvara stood by the god's permission,

AI translation rendered from the Sanskrit, not a published edition

BrP 39.16

प्रगृह्य ज्वलितं शूलं दीप्यमानं स्वतेजसा गङ्गा च सरितां श्रेष्ठा सर्वतीर्थजलोद्भवा ॥

pragṛhya jvalitaṃ śūlaṃ dīpyamānaṃ svatejasā gaṅgā ca saritāṃ śreṣṭhā sarvatīrthajalodbhavā //

holding up a blazing trident, shining with its own radiance. And Gaṅgā, best of rivers, arisen from the waters of all sacred fords,

AI translation rendered from the Sanskrit, not a published edition

BrP 39.17

पर्युपासत तं देवं रूपिणी द्विजसत्तमाः एवं स भगवांस् तत्र पूज्यमानः सुरर्षिभिः ॥

paryupāsata taṃ devaṃ rūpiṇī dvijasattamāḥ evaṃ sa bhagavāṃs tatra pūjyamānaḥ surarṣibhiḥ //

in bodily form attended upon that god, O most excellent brahmins. Thus that Lord Mahādeva remained there, worshipped by the divine seers

AI translation rendered from the Sanskrit, not a published edition

BrP 39.18

देवैश् च सुमहाभागैर् महादेवो व्यतिष्ठत कस्यचित् त्व् अथ कालस्य दक्षो नाम प्रजापतिः ॥

devaiś ca sumahābhāgair mahādevo vyatiṣṭhata kasyacit tv atha kālasya dakṣo nāma prajāpatiḥ //

Mahādeva remained (there) with the greatly fortunate gods. Then, after some time, a Prajāpati named Dakṣa,

AI translation rendered from the Sanskrit, not a published edition

BrP 39.19

पूर्वोक्तेन विधानेन यक्ष्यमाणो ऽभ्यपद्यत ततस् तस्य मखे देवाः सर्वे शक्रपुरोगमाः ॥

pūrvoktena vidhānena yakṣyamāṇo 'bhyapadyata tatas tasya makhe devāḥ sarve śakrapurogamāḥ //

intending to sacrifice according to the rule stated before, set about (it). Then, at his sacrifice, all the gods with Śakra at their head,

AI translation rendered from the Sanskrit, not a published edition

BrP 39.20

स्वर्गस्थानाद् अथागम्य दक्षम् आपेदिरे तथा ते विमानैर् महात्मानो ज्वलद्भिर् ज्वलनप्रभाः ॥

svargasthānād athāgamya dakṣam āpedire tathā te vimānair mahātmāno jvaladbhir jvalanaprabhāḥ //

coming from their place in heaven, approached Dakṣa; those great-souled ones (came) in blazing celestial cars, with the radiance of fire.

AI translation rendered from the Sanskrit, not a published edition

BrP 39.21

देवस्यानुमते ऽगच्छन् गङ्गाद्वारम् इति श्रुतिः गन्धर्वाप्सरसाकीर्णं नानाद्रुमलतावृतम् ॥

devasyānumate 'gacchan gaṅgādvāram iti śrutiḥ gandharvāpsarasākīrṇaṃ nānādrumalatāvṛtam //

With the god's permission they went to the Gate of the Gaṅgā, so tradition says — (a place) thronged with Gandharvas and Apsarases, covered with many kinds of trees and creepers.

AI translation rendered from the Sanskrit, not a published edition

BrP 39.22

ऋषिसिद्धैः परिवृतं दक्षं धर्मभृतां वरम् पृथिव्याम् अन्तरिक्षे च ये च स्वर्लोकवासिनः ॥

ṛṣisiddhaiḥ parivṛtaṃ dakṣaṃ dharmabhṛtāṃ varam pṛthivyām antarikṣe ca ye ca svarlokavāsinaḥ //

(They approached) Dakṣa, surrounded by seers and Siddhas, the best of the upholders of dharma; and those who dwell on earth and in the middle region and those who dwell in the heavenly world —

AI translation rendered from the Sanskrit, not a published edition

BrP 39.23

सर्वे प्राञ्जलयो भूत्वा उपतस्थुः प्रजापतिम् आदित्या वसवो रुद्राः साध्याः सर्वे मरुद्गणाः ॥

sarve prāñjalayo bhūtvā upatasthuḥ prajāpatim ādityā vasavo rudrāḥ sādhyāḥ sarve marudgaṇāḥ //

all, with palms joined, waited upon the Prajāpati: the Ādityas, the Vasus, the Rudras, the Sādhyas, all the troops of Maruts.

AI translation rendered from the Sanskrit, not a published edition

BrP 39.24

विष्णुना सहिताः सर्व आगता यज्ञभागिनः ऊष्मपा धूमपाश् चैव आज्यपाः सोमपास् तथा ॥

viṣṇunā sahitāḥ sarva āgatā yajñabhāginaḥ ūṣmapā dhūmapāś caiva ājyapāḥ somapās tathā //

Together with Viṣṇu all the sharers in the sacrifice came: the drinkers of steam, the drinkers of smoke, the drinkers of ghee, and the drinkers of soma,

AI translation rendered from the Sanskrit, not a published edition

BrP 39.25

अश्विनौ मरुतश् चैव नानादेवगणैः सह एते चान्ये च बहवो भूतग्रामास् तथैव च ॥

aśvinau marutaś caiva nānādevagaṇaiḥ saha ete cānye ca bahavo bhūtagrāmās tathaiva ca //

the two Aśvins and the Maruts, along with the various troops of gods — these and many others, and likewise the hosts of beings,

AI translation rendered from the Sanskrit, not a published edition

BrP 39.26

जरायुजाण्डजाश् चैव तथैव स्वेदजोद्भिदः आगताः सत्त्रिणः सर्वे देवाः स्त्रीभिः सहर्षिभिः ॥

jarāyujāṇḍajāś caiva tathaiva svedajodbhidaḥ āgatāḥ sattriṇaḥ sarve devāḥ strībhiḥ saharṣibhiḥ //

those born from the womb and from eggs, and likewise those born from sweat and those that sprout up: all came as participants in the sacrificial session, the gods with their wives and with the seers.

AI translation rendered from the Sanskrit, not a published edition

BrP 39.27

विराजन्ते विमानस्था दीप्यमाना इवाग्नयः तान् दृष्ट्वा मन्युनाविष्टो दधीचिर् वाक्यम् अब्रवीत् ॥

virājante vimānasthā dīpyamānā ivāgnayaḥ tān dṛṣṭvā manyunāviṣṭo dadhīcir vākyam abravīt //

Seated in their celestial cars they shone forth like blazing fires. Seeing them, Dadhīci, filled with wrath, spoke these words:

AI translation rendered from the Sanskrit, not a published edition

BrP 39.28

अपूज्यपूजने चैव पूज्यानां चाप्य् अपूजने नरः पापम् अवाप्नोति महद् वै नात्र संशयः ॥

apūjyapūjane caiva pūjyānāṃ cāpy apūjane naraḥ pāpam avāpnoti mahad vai nātra saṃśayaḥ //

"Both in honouring those not to be honoured and in not honouring those who are to be honoured, a man incurs great sin — of this there is no doubt."

AI translation rendered from the Sanskrit, not a published edition

BrP 39.29

एवम् उक्त्वा तु विप्रर्षिः पुनर् दक्षम् अभाषत ॥

evam uktvā tu viprarṣiḥ punar dakṣam abhāṣata //

Having spoken thus, the brahmin-seer addressed Dakṣa again:

AI translation rendered from the Sanskrit, not a published edition

BrP 39.30

पूज्यं च पशुभर्तारं कस्मान् नार्चयसे प्रभुम् ॥

pūjyaṃ ca paśubhartāraṃ kasmān nārcayase prabhum //

"Why do you not worship the Lord, the master of creatures, who is to be worshipped?"

AI translation rendered from the Sanskrit, not a published edition

BrP 39.31

सन्ति मे बहवो रुद्राः शूलहस्ताः कपर्दिनः एकादशस्थानगता नान्यं विद्मो महेश्वरम् ॥

santi me bahavo rudrāḥ śūlahastāḥ kapardinaḥ ekādaśasthānagatā nānyaṃ vidmo maheśvaram //

"I have many Rudras, trident in hand, with braided hair, established in eleven stations; I know no other Maheśvara.

AI translation rendered from the Sanskrit, not a published edition

BrP 39.32

सर्वेषाम् एकमन्त्रो ऽयं ममेशो न निमन्त्रितः यथाहं शंकराद् ऊर्ध्वं नान्यं पश्यामि दैवतम् तथा दक्षस्य विपुलो यज्ञो ऽयं न भविष्यति ॥

sarveṣām ekamantro 'yaṃ mameśo na nimantritaḥ yathāhaṃ śaṃkarād ūrdhvaṃ nānyaṃ paśyāmi daivatam tathā dakṣasya vipulo yajño 'yaṃ na bhaviṣyati //

This one formula (of invocation) is for all of them; my lord (Īśa) has not been invited (separately).

AI translation rendered from the Sanskrit, not a published edition — the model flagged this verse as uncertain

BrP 39.33

विष्णोश् च भागा विविधाः प्रदत्तास् तथा च रुद्रेभ्य उत प्रदत्ताः अन्ये ऽपि देवा निजभागयुक्ता ददामि भागं न तु शंकराय

viṣṇoś ca bhāgā vividhāḥ pradattās tathā ca rudrebhya uta pradattāḥ anye 'pi devā nijabhāgayuktā dadāmi bhāgaṃ na tu śaṃkarāya

"Various shares have been assigned to Viṣṇu, and shares have also been assigned to the Rudras; the other gods too are provided with their own shares — I give a share, but not to Śaṃkara."

AI translation rendered from the Sanskrit, not a published edition

BrP 39.34

गतास् तु देवता ज्ञात्वा शैलराजसुता तदा उवाच वचनं शर्वं देवं पशुपतिं पतिम् ॥

gatās tu devatā jñātvā śailarājasutā tadā uvāca vacanaṃ śarvaṃ devaṃ paśupatiṃ patim //

But the daughter of the mountain king, knowing that the gods had gone, then spoke these words to her husband, the god Śarva, the lord of creatures:

AI translation rendered from the Sanskrit, not a published edition

BrP 39.35

भगवन् कुत्र यान्त्य् एते देवाः शक्रपुरोगमाः ब्रूहि तत्त्वेन तत्त्वज्ञ संशयो मे महान् अयम् ॥

bhagavan kutra yānty ete devāḥ śakrapurogamāḥ brūhi tattvena tattvajña saṃśayo me mahān ayam //

"Lord, where are these gods going, with Śakra at their head? Tell (me) truly, knower of truth; this doubt of mine is great."

AI translation rendered from the Sanskrit, not a published edition

BrP 39.36

दक्षो नाम महाभागे प्रजानां पतिर् उत्तमः हयमेधेन यजते तत्र यान्ति दिवौकसः ॥

dakṣo nāma mahābhāge prajānāṃ patir uttamaḥ hayamedhena yajate tatra yānti divaukasaḥ //

"O greatly fortunate one, a lord of creatures named Dakṣa, the highest (of them), is sacrificing with a horse-sacrifice; the dwellers in heaven are going there."

AI translation rendered from the Sanskrit, not a published edition

BrP 39.37

यज्ञम् एतं महाभाग किमर्थं नानुगच्छसि केन वा प्रतिषेधेन गमनं ते न विद्यते ॥

yajñam etaṃ mahābhāga kimarthaṃ nānugacchasi kena vā pratiṣedhena gamanaṃ te na vidyate //

"O greatly fortunate one, why do you not go along to this sacrifice? Or by what prohibition is there no going for you?"

AI translation rendered from the Sanskrit, not a published edition

BrP 39.38

सुरैर् एव महाभागे सर्वम् एतद् अनुष्ठितम् यज्ञेषु मम सर्वेषु न भाग उपकल्पितः ॥

surair eva mahābhāge sarvam etad anuṣṭhitam yajñeṣu mama sarveṣu na bhāga upakalpitaḥ //

"O greatly fortunate one, all this has been arranged by the gods alone; in none of my sacrifices has a share been allotted (to me)."

AI translation rendered from the Sanskrit, not a published edition

BrP 39.39

पूर्वागतेन गन्तव्यं मार्गेण वरवर्णिनि न मे सुराः प्रयच्छन्ति भागं यज्ञस्य धर्मतः ॥

pūrvāgatena gantavyaṃ mārgeṇa varavarṇini na me surāḥ prayacchanti bhāgaṃ yajñasya dharmataḥ //

"One must go by the road (already) travelled before, O lady of lovely colour; the gods do not give me, as is right, a share of the sacrifice."

AI translation rendered from the Sanskrit, not a published edition

BrP 39.40

भगवन् सर्वदेवेषु प्रभावाभ्यधिको गुणैः अजेयश् चाप्य् अधृष्यश् च तेजसा यशसा श्रिया ॥

bhagavan sarvadeveṣu prabhāvābhyadhiko guṇaiḥ ajeyaś cāpy adhṛṣyaś ca tejasā yaśasā śriyā //

"Lord, among all the gods you are superior in power and in qualities, unconquerable and unassailable in splendour, in fame, and in majesty."

AI translation rendered from the Sanskrit, not a published edition

BrP 39.41

अनेन तु महाभाग प्रतिषेधेन भागतः अतीव दुःखम् आपन्ना वेपथुश् च महान् अयम् ॥

anena tu mahābhāga pratiṣedhena bhāgataḥ atīva duḥkham āpannā vepathuś ca mahān ayam //

"But by this exclusion from a share, O greatly fortunate one, (I) have fallen into extreme sorrow, and this great trembling (has come upon me)."

AI translation rendered from the Sanskrit, not a published edition

BrP 39.44

किं नाम दानं नियमं तपो वा कुर्याम् अहं येन पतिर् ममाद्य लभेत भागं भगवान् अचिन्त्यो यज्ञस्य चेन्द्राद्यमरैर् विचित्रम् ब्र्प्_३९।४२ एवं ब्रुवाणां भगवान् विचिन्त्य ब्र्प्_३९।४३अ पत्नीं प्रहृष्टः क्षुभिताम् उवाच ब्र्प्_३९।४३ब् न वेत्सि मां देवि कृशोदराङ्गि ब्र्प्_३९।४३च् किं नाम युक्तं वचनं तवेदम् ब्र्प्_३९।४३द् अहं विजानामि विशालनेत्रे ध्यानेन सर्वे च विदन्ति सन्तः तवाद्य मोहेन सहेन्द्रदेवा लोकत्रयं सर्वम् अथो विनष्टम्

kiṃ nāma dānaṃ niyamaṃ tapo vā kuryām ahaṃ yena patir mamādya labheta bhāgaṃ bhagavān acintyo yajñasya cendrādyamarair vicitram BrP_39.42 evaṃ bruvāṇāṃ bhagavān vicintya brp_39.43a patnīṃ prahṛṣṭaḥ kṣubhitām uvāca brp_39.43b na vetsi māṃ devi kṛśodarāṅgi brp_39.43c kiṃ nāma yuktaṃ vacanaṃ tavedam brp_39.43d ahaṃ vijānāmi viśālanetre dhyānena sarve ca vidanti santaḥ tavādya mohena sahendradevā lokatrayaṃ sarvam atho vinaṣṭam

"What gift, what observance, or what austerity should I perform, by which my husband, the inconceivable Lord, might today obtain a share of the sacrifice, so variously (apportioned) by Indra and the other immortals?" (39.42) To her who spoke thus the Lord, having reflected, delighted, said to his agitated wife (39.43): "You do not know me, O goddess of slender waist and limbs — how is this speech of yours fitting? I know, O wide-eyed one, and all the good know by meditation; today, through your delusion, the gods with Indra and the whole triple world are as good as destroyed."

AI translation rendered from the Sanskrit, not a published edition — the model flagged this verse as uncertain

BrP 39.45

माम् अध्वरेशं नितरां स्तुवन्ति रथंतरं साम गायन्ति मह्यम् मां ब्राह्मणा ब्रह्ममन्त्रैर् यजन्ति ममाध्वर्यवः कल्पयन्ते च भागम्

mām adhvareśaṃ nitarāṃ stuvanti rathaṃtaraṃ sāma gāyanti mahyam māṃ brāhmaṇā brahmamantrair yajanti mamādhvaryavaḥ kalpayante ca bhāgam

"They praise me exceedingly as lord of the sacrifice; they sing the Rathaṃtara chant for me; brahmins worship me with the brahma-mantras, and my adhvaryus apportion (my) share."

AI translation rendered from the Sanskrit, not a published edition

BrP 39.46

विकत्थसे प्राकृतवत् सर्वस्त्रीजनसंसदि स्तौषि गर्वायसे चापि स्वम् आत्मानं न संशयः ॥

vikatthase prākṛtavat sarvastrījanasaṃsadi stauṣi garvāyase cāpi svam ātmānaṃ na saṃśayaḥ //

"You boast like a common man in the assembly of all womenfolk; you praise your own self and are proud of it too — there is no doubt (of it)."

AI translation rendered from the Sanskrit, not a published edition

BrP 39.47

नात्मानं स्तौमि देवेशि यथा त्वम् अनुगच्छसि संस्रक्ष्यामि वरारोहे भागार्थे वरवर्णिनि ॥

nātmānaṃ staumi deveśi yathā tvam anugacchasi saṃsrakṣyāmi varārohe bhāgārthe varavarṇini //

"I do not praise myself, O queen of the gods; since you insist (thus), I shall create (a being), O fair-hipped, fair-complexioned one, for the sake of the (sacrificial) share."

AI translation rendered from the Sanskrit, not a published edition

BrP 39.48

इत्य् उक्त्वा भगवान् पत्नीम् उमां प्राणैर् अपि प्रियाम् सो ऽसृजद् भगवान् वक्त्राद् भूतं क्रोधाग्निसंभवम् ॥

ity uktvā bhagavān patnīm umāṃ prāṇair api priyām so 'sṛjad bhagavān vaktrād bhūtaṃ krodhāgnisaṃbhavam //

Having spoken thus to his wife Umā, dearer to him even than his own breath, the Lord created from his mouth a being born of the fire of his wrath.

AI translation rendered from the Sanskrit, not a published edition

BrP 39.49

तम् उवाच मखं गच्छ दक्षस्य त्वं महेश्वरः नाशयाशु क्रतुं तस्य दक्षस्य मदनुज्ञया ॥

tam uvāca makhaṃ gaccha dakṣasya tvaṃ maheśvaraḥ nāśayāśu kratuṃ tasya dakṣasya madanujñayā //

He said to him: "Go to Dakṣa's sacrifice — you are Maheśvara — and quickly destroy that sacrifice of Dakṣa's, with my permission."

AI translation rendered from the Sanskrit, not a published edition

BrP 39.50

ततो रुद्रप्रयुक्तेन सिंहवेषेण लीलया देव्या मन्युकृतं ज्ञात्वा हतो दक्षस्य स क्रतुः ॥

tato rudraprayuktena siṃhaveṣeṇa līlayā devyā manyukṛtaṃ jñātvā hato dakṣasya sa kratuḥ //

Then by (that being) commissioned by Rudra, in the guise of a lion, in sport, knowing what had been done by the goddess's anger, that sacrifice of Dakṣa's was destroyed.

AI translation rendered from the Sanskrit, not a published edition — the model flagged this verse as uncertain

BrP 39.51

मन्युना च महाभीमा भद्रकाली महेश्वरी आत्मनः कर्मसाक्षित्वे तेन सार्धं सहानुगा ॥

manyunā ca mahābhīmā bhadrakālī maheśvarī ātmanaḥ karmasākṣitve tena sārdhaṃ sahānugā //

And through (her) wrath the exceedingly terrible Bhadrakālī, the great goddess, (went) along with him, with her attendants, to be a witness to her own deed.

AI translation rendered from the Sanskrit, not a published edition — the model flagged this verse as uncertain

BrP 39.52

स एष भगवान् क्रोधः प्रेतावासकृतालयः वीरभद्रेति विख्यातो देव्या मन्युप्रमार्जकः ॥

sa eṣa bhagavān krodhaḥ pretāvāsakṛtālayaḥ vīrabhadreti vikhyāto devyā manyupramārjakaḥ //

This same one is the Lord's Wrath, who has made his dwelling in the abode of ghosts, renowned as Vīrabhadra, the wiper-away of the goddess's anger.

AI translation rendered from the Sanskrit, not a published edition

BrP 39.53

सो ऽसृजद् रोमकूपेभ्य आत्मनैव गणेश्वरान् रुद्रानुगान् गणान् रौद्रान् रुद्रवीर्यपराक्रमान् ॥

so 'sṛjad romakūpebhya ātmanaiva gaṇeśvarān rudrānugān gaṇān raudrān rudravīryaparākramān //

From the pores of his skin he created by himself the lords of hosts, followers of Rudra, fierce troops with the valour and might of Rudra.

AI translation rendered from the Sanskrit, not a published edition

BrP 39.54

रुद्रस्यानुचराः सर्वे सर्वे रुद्रपराक्रमाः ते निपेतुस् ततस् तूर्णं शतशो ऽथ सहस्रशः ॥

rudrasyānucarāḥ sarve sarve rudraparākramāḥ te nipetus tatas tūrṇaṃ śataśo 'tha sahasraśaḥ //

All of them attendants of Rudra, all of them of Rudra's prowess — they then swooped down at once by hundreds and by thousands.

AI translation rendered from the Sanskrit, not a published edition

BrP 39.55

ततः किलकिलाशब्द आकाशं पूरयन्न् इव समभूत् सुमहान् विप्राः सर्वरुद्रगणैः कृतः ॥

tataḥ kilakilāśabda ākāśaṃ pūrayann iva samabhūt sumahān viprāḥ sarvarudragaṇaiḥ kṛtaḥ //

Then a shrill clamour, as if filling the sky, arose exceedingly loud, O brahmins, made by all the hosts of Rudra.

AI translation rendered from the Sanskrit, not a published edition

BrP 39.56

तेन शब्देन महता त्रस्ताः सर्वे दिवौकसः पर्वताश् च व्यशीर्यन्त चकम्पे च वसुंधरा ॥

tena śabdena mahatā trastāḥ sarve divaukasaḥ parvatāś ca vyaśīryanta cakampe ca vasuṃdharā //

By that great noise all the dwellers in heaven were terrified, and the mountains split apart, and the earth trembled.

AI translation rendered from the Sanskrit, not a published edition

BrP 39.57

मरुतश् च ववुः क्रूराश् चुक्षुभे वरुणालयः अग्नयो वै न दीप्यन्ते न चादीप्यत भास्करः ॥

marutaś ca vavuḥ krūrāś cukṣubhe varuṇālayaḥ agnayo vai na dīpyante na cādīpyata bhāskaraḥ //

Harsh winds blew, the abode of Varuṇa (the ocean) was churned up, the fires did not blaze, and the sun did not shine.

AI translation rendered from the Sanskrit, not a published edition

BrP 39.58

ग्रहा नैव प्रकाशन्ते नक्षत्राणि न तारकाः ऋषयो न प्रभासन्ते न देवा न च दानवाः ॥

grahā naiva prakāśante nakṣatrāṇi na tārakāḥ ṛṣayo na prabhāsante na devā na ca dānavāḥ //

The planets did not shine at all, nor the lunar mansions, nor the stars; the seers gave no light, nor the gods, nor the dānavas.

AI translation rendered from the Sanskrit, not a published edition

BrP 39.59

एवं हि तिमिरीभूते निर्दहन्ति गणेश्वराः प्रभञ्जन्त्य् अपरे यूपान् घोरान् उत्पाटयन्ति च ॥

evaṃ hi timirībhūte nirdahanti gaṇeśvarāḥ prabhañjanty apare yūpān ghorān utpāṭayanti ca //

Thus, when (all) had become dark, the lords of the hosts burned (things) down; others shattered and tore up the terrible sacrificial posts.

AI translation rendered from the Sanskrit, not a published edition

BrP 39.60

प्रणदन्ति तथा चान्ये विकुर्वन्ति तथा परे त्वरितं वै प्रधावन्ति वायुवेगा मनोजवाः ॥

praṇadanti tathā cānye vikurvanti tathā pare tvaritaṃ vai pradhāvanti vāyuvegā manojavāḥ //

Others roar aloud, and yet others work transformations (of their shapes); swift as the wind, quick as thought, they run about in haste.

AI translation rendered from the Sanskrit, not a published edition

BrP 39.61

चूर्ण्यन्ते यज्ञपात्राणि यज्ञस्यायतनानि च शीर्यमाणान्य् अदृश्यन्त तारा इव नभस्तलात् ॥

cūrṇyante yajñapātrāṇi yajñasyāyatanāni ca śīryamāṇāny adṛśyanta tārā iva nabhastalāt //

The sacrificial vessels are ground to powder, and the sacrificial precincts too; they were seen breaking apart like stars (falling) from the vault of heaven.

AI translation rendered from the Sanskrit, not a published edition

BrP 39.62

दिव्यान्नपानभक्ष्याणां राशयः पर्वतोपमाः क्षीरनद्यस् तथा चान्या घृतपायसकर्दमाः ॥

divyānnapānabhakṣyāṇāṃ rāśayaḥ parvatopamāḥ kṣīranadyas tathā cānyā ghṛtapāyasakardamāḥ //

There were heaps of divine food, drink, and eatables, like mountains, and rivers of milk, and others whose mire was ghee and rice-pudding.

AI translation rendered from the Sanskrit, not a published edition

BrP 39.63

मधुमण्डोदका दिव्याः खण्डशर्करवालुकाः षड्रसान् निवहन्त्य् अन्या गुडकुल्या मनोरमाः ॥

madhumaṇḍodakā divyāḥ khaṇḍaśarkaravālukāḥ ṣaḍrasān nivahanty anyā guḍakulyā manoramāḥ //

There were divine (rivers) whose water was clear honey, with sands of sugar-lumps and sugar; others carried the six flavours, delightful streams of molasses.

AI translation rendered from the Sanskrit, not a published edition — the model flagged this verse as uncertain

BrP 39.64

उच्चावचानि मांसानि भक्ष्याणि विविधानि च यानि कानि च दिव्यानि लेह्यचोष्याणि यानि च ॥

uccāvacāni māṃsāni bhakṣyāṇi vividhāni ca yāni kāni ca divyāni lehyacoṣyāṇi yāni ca //

High and low meats, and eatables of many kinds, and whatever divine things there were, and whatever things to be licked and sucked—

AI translation rendered from the Sanskrit, not a published edition

BrP 39.65

भुञ्जन्ति विविधैर् वक्त्रैर् विलुम्पन्ति क्षिपन्ति च रुद्रकोपा महाकोपाः कालाग्निसदृशोपमाः ॥

bhuñjanti vividhair vaktrair vilumpanti kṣipanti ca rudrakopā mahākopāḥ kālāgnisadṛśopamāḥ //

—these they devour with their many mouths, and they tear them apart and scatter them, being (embodiments of) Rudra's wrath, of great fury, resembling the fire of time.

AI translation rendered from the Sanskrit, not a published edition

BrP 39.66

भक्षयन्तो ऽथ शैलाभा भीषयन्तश् च सर्वतः क्रीडन्ति विविधाकाराश् चिक्षिपुः सुरयोषितः ॥

bhakṣayanto 'tha śailābhā bhīṣayantaś ca sarvataḥ krīḍanti vividhākārāś cikṣipuḥ surayoṣitaḥ //

Then, eating, and looking like mountains, and terrifying (all) on every side, they play about in many forms, and they flung about the women of the gods.

AI translation rendered from the Sanskrit, not a published edition

BrP 39.67

एवं गणाश् च तैर् युक्तो वीरभद्रः प्रतापवान् रुद्रकोपप्रयुक्तश् च सर्वदेवैः सुरक्षितम् ॥

evaṃ gaṇāś ca tair yukto vīrabhadraḥ pratāpavān rudrakopaprayuktaś ca sarvadevaiḥ surakṣitam //

Thus the hosts, and the mighty Vīrabhadra joined with them, impelled by Rudra's wrath, (attacked) what was well guarded by all the gods.

AI translation rendered from the Sanskrit, not a published edition — the model flagged this verse as uncertain

BrP 39.68

तं यज्ञम् अदहच् छीघ्रं भद्रकाल्याः समीपतः चक्रुर् अन्ये तथा नादान् सर्वभूतभयंकरान् ॥

taṃ yajñam adahac chīghraṃ bhadrakālyāḥ samīpataḥ cakrur anye tathā nādān sarvabhūtabhayaṃkarān //

He quickly burned that sacrifice, in the presence of Bhadrakālī; and others meanwhile made roars that terrified all beings.

AI translation rendered from the Sanskrit, not a published edition

BrP 39.69

छित्त्वा शिरो ऽन्ये यज्ञस्य व्यनदन्त भयंकरम् ततः शक्रादयो देवा दक्षश् चैव प्रजापतिः ऊचुः प्राञ्जलयो भूत्वा कथ्यतां को भवान् इति ॥

chittvā śiro 'nye yajñasya vyanadanta bhayaṃkaram tataḥ śakrādayo devā dakṣaś caiva prajāpatiḥ ūcuḥ prāñjalayo bhūtvā kathyatāṃ ko bhavān iti //

Others, having cut off the head of the sacrifice, bellowed terribly. Then the gods with Śakra at their head, and Dakṣa the lord of creatures, becoming folded-handed, said: "Let it be told—who are you?"

AI translation rendered from the Sanskrit, not a published edition

BrP 39.70

नाहं देवो न दैत्यो वा न च भोक्तुम् इहागतः नैव द्रष्टुं च देवेन्द्रा न च कौतूहलान्विताः ॥

nāhaṃ devo na daityo vā na ca bhoktum ihāgataḥ naiva draṣṭuṃ ca devendrā na ca kautūhalānvitāḥ //

"I am not a god, nor a demon, nor have I come here to eat, nor indeed to look on, O lords of the gods, nor (are we) filled with curiosity.

AI translation rendered from the Sanskrit, not a published edition

BrP 39.71

दक्षयज्ञविनाशार्थं संप्राप्तो ऽहं सुरोत्तमाः वीरभद्रेति विख्यातो रुद्रकोपाद् विनिःसृतः ॥

dakṣayajñavināśārthaṃ saṃprāpto 'haṃ surottamāḥ vīrabhadreti vikhyāto rudrakopād viniḥsṛtaḥ //

I have arrived for the destruction of Dakṣa's sacrifice, O best of gods; known as Vīrabhadra, I have issued forth from Rudra's wrath.

AI translation rendered from the Sanskrit, not a published edition

BrP 39.72

भद्रकाली च विख्याता देव्याः क्रोधाद् विनिर्गता प्रेषिता देवदेवेन यज्ञान्तिकम् उपागता ॥

bhadrakālī ca vikhyātā devyāḥ krodhād vinirgatā preṣitā devadevena yajñāntikam upāgatā //

And she known as Bhadrakālī has come forth from the Goddess's anger; sent by the God of gods, she has come near to the sacrifice.

AI translation rendered from the Sanskrit, not a published edition

BrP 39.73

शरणं गच्छ राजेन्द्र देवदेवम् उमापतिम् वरं क्रोधो ऽपि देवस्य न वरः परिचारकैः ॥

śaraṇaṃ gaccha rājendra devadevam umāpatim varaṃ krodho 'pi devasya na varaḥ paricārakaiḥ //

Go for refuge, O best of kings, to the God of gods, Umā's husband; even the god's anger is a boon—no boon (comes) from his attendants.

AI translation rendered from the Sanskrit, not a published edition

BrP 39.74

निखातोत्पाटितैर् यूपैर् अपविद्धैस् ततस् ततः उत्पतद्भिः पतद्भिश् च गृध्रैर् आमिषगृध्नुभिः ॥

nikhātotpāṭitair yūpair apaviddhais tatas tataḥ utpatadbhiḥ patadbhiś ca gṛdhrair āmiṣagṛdhnubhiḥ //

With the sacrificial posts uprooted from where they were planted and hurled about here and there, with vultures greedy for flesh flying up and falling down,

AI translation rendered from the Sanskrit, not a published edition

BrP 39.75

पक्षवातविनिर्धूतैः शिवारुतविनादितैः स तस्य यज्ञो नृपतेर् बाध्यमानस् तदा गणैः ॥

pakṣavātavinirdhūtaiḥ śivārutavināditaiḥ sa tasya yajño nṛpater bādhyamānas tadā gaṇaiḥ //

shaken by the wind of their wings, made to resound with the howling of jackals—that sacrifice of the king, being then afflicted by the hosts,

AI translation rendered from the Sanskrit, not a published edition

BrP 39.76

आस्थाय मृगरूपं वै खम् एवाभ्यपतत् तदा तं तु यज्ञं तथारूपं गच्छन्तम् उपलभ्य सः ॥

āsthāya mṛgarūpaṃ vai kham evābhyapatat tadā taṃ tu yajñaṃ tathārūpaṃ gacchantam upalabhya saḥ //

assumed the form of a deer and flew up into the sky. But he (Vīrabhadra), perceiving that sacrifice going off in that form,

AI translation rendered from the Sanskrit, not a published edition

BrP 39.77

धनुर् आदाय बाणं च तदर्थम् अगमत् प्रभुः ततस् तस्य गणेशस्य क्रोधाद् अमिततेजसः ॥

dhanur ādāya bāṇaṃ ca tadartham agamat prabhuḥ tatas tasya gaṇeśasya krodhād amitatejasaḥ //

the lord took up bow and arrow and went after it. Then from the anger of that lord of hosts, of measureless energy,

AI translation rendered from the Sanskrit, not a published edition

BrP 39.78

ललाटात् प्रसृतो घोरः स्वेदबिन्दुर् बभूव ह तस्मिन् पतितमात्रे च स्वेदबिन्दौ तदा भुवि ॥

lalāṭāt prasṛto ghoraḥ svedabindur babhūva ha tasmin patitamātre ca svedabindau tadā bhuvi //

a terrible drop of sweat issued from his forehead. And as soon as that drop of sweat fell to the ground,

AI translation rendered from the Sanskrit, not a published edition

BrP 39.79

प्रादुर्भूतो महान् अग्निर् ज्वलत्कालानलोपमः तत्रोदपद्यत तदा पुरुषो द्विजसत्तमाः ॥

prādurbhūto mahān agnir jvalatkālānalopamaḥ tatrodapadyata tadā puruṣo dvijasattamāḥ //

a great fire appeared, like the blazing fire of time; and there then a man was born, O best of the twice-born—

AI translation rendered from the Sanskrit, not a published edition

BrP 39.80

ह्रस्वो ऽतिमात्रो रक्ताक्षो हरिच्छ्मश्रुर् विभीषणः ऊर्ध्वकेशो ऽतिरोमाङ्गः शोणकर्णस् तथैव च ॥

hrasvo 'timātro raktākṣo haricchmaśrur vibhīṣaṇaḥ ūrdhvakeśo 'tiromāṅgaḥ śoṇakarṇas tathaiva ca //

(He was) exceedingly short, red-eyed, with a tawny beard, terrifying, his hair standing upright, his limbs excessively hairy, and likewise with crimson ears.

AI translation rendered from the Sanskrit, not a published edition

BrP 39.81

करालकृष्णवर्णश् च रक्तवासास् तथैव च तं यज्ञं स महासत्त्वो ऽदहत् कक्षम् इवानलः ॥

karālakṛṣṇavarṇaś ca raktavāsās tathaiva ca taṃ yajñaṃ sa mahāsattvo 'dahat kakṣam ivānalaḥ //

And of a fearsome black color, and likewise clad in red — that being of great power burned up that sacrifice as fire burns dry brushwood.

AI translation rendered from the Sanskrit, not a published edition

BrP 39.82

देवाश् च प्रद्रुताः सर्वे गता भीता दिशो दश तेन तस्मिन् विचरता विक्रमेण तदा तु वै ॥

devāś ca pradrutāḥ sarve gatā bhītā diśo daśa tena tasmin vicaratā vikrameṇa tadā tu vai //

And all the gods fled, and in fear went to the ten directions, because of him as he roamed there then with (such) violence.

AI translation rendered from the Sanskrit, not a published edition

BrP 39.83

पृथिवी व्यचलत् सर्वा सप्तद्वीपा समन्ततः महाभूते प्रवृत्ते तु देवलोकभयंकरे ॥

pṛthivī vyacalat sarvā saptadvīpā samantataḥ mahābhūte pravṛtte tu devalokabhayaṃkare //

The whole earth, with its seven continents, shook on every side, when that great event took place, terrifying to the world of the gods.

AI translation rendered from the Sanskrit, not a published edition

BrP 39.84

तदा चाहं महादेवम् अब्रवं प्रतिपूजयन् भवते ऽपि सुराः सर्वे भागं दास्यन्ति वै प्रभो ॥

tadā cāhaṃ mahādevam abravaṃ pratipūjayan bhavate 'pi surāḥ sarve bhāgaṃ dāsyanti vai prabho //

And then I said to Mahādeva, honoring him: "O Lord, all the gods will give a share to you also.

AI translation rendered from the Sanskrit, not a published edition

BrP 39.85

क्रियतां प्रतिसंहारः सर्वदेवेश्वर त्वया इमाश् च देवताः सर्वा ऋषयश् च सहस्रशः ॥

kriyatāṃ pratisaṃhāraḥ sarvadeveśvara tvayā imāś ca devatāḥ sarvā ṛṣayaś ca sahasraśaḥ //

Let a withdrawal be made by you, O Lord of all the gods; and all these deities and the sages by the thousands

AI translation rendered from the Sanskrit, not a published edition

BrP 39.86

तव क्रोधान् महादेव न शान्तिम् उपलेभिरे यश् चैष पुरुषो जातः स्वेदजस् ते सुरर्षभ ॥

tava krodhān mahādeva na śāntim upalebhire yaś caiṣa puruṣo jātaḥ svedajas te surarṣabha //

have found no peace because of your anger, O Mahādeva. And this man who has been born from your sweat, O bull among the gods —

AI translation rendered from the Sanskrit, not a published edition

BrP 39.87

ज्वरो नामैष धर्मज्ञ लोकेषु प्रचरिष्यति एकीभूतस्य न ह्य् अस्य धारणे तेजसः प्रभो ॥

jvaro nāmaiṣa dharmajña lokeṣu pracariṣyati ekībhūtasya na hy asya dhāraṇe tejasaḥ prabho //

he, named Fever, will range through the worlds, O knower of dharma; for the whole earth is not capable of bearing his heat when he is unified, O Lord —

AI translation rendered from the Sanskrit, not a published edition

BrP 39.88

समर्था सकला पृथ्वी बहुधा सृज्यताम् अयम् इत्य् उक्तः स मया देवो भागे चापि प्रकल्पिते ॥

samarthā sakalā pṛthvī bahudhā sṛjyatām ayam ity uktaḥ sa mayā devo bhāge cāpi prakalpite //

let him be created in many forms." So he was addressed by me, when the share had also been assigned.

AI translation rendered from the Sanskrit, not a published edition

BrP 39.89

भगवान् मां तथेत्य् आह देवदेवः पिनाकधृक् परां च प्रीतिम् अगमत् स स्वयं च पिनाकधृक् ॥

bhagavān māṃ tathety āha devadevaḥ pinākadhṛk parāṃ ca prītim agamat sa svayaṃ ca pinākadhṛk //

The Blessed One, the god of gods, the bearer of the Pināka, said to me, "Let it be so"; and he, the bearer of the Pināka, himself came to the highest satisfaction.

AI translation rendered from the Sanskrit, not a published edition

BrP 39.90

दक्षो ऽपि मनसा देवं भवं शरणम् अन्वगात् प्राणापानौ समारुध्य चक्षुःस्थाने प्रयत्नतः ॥

dakṣo 'pi manasā devaṃ bhavaṃ śaraṇam anvagāt prāṇāpānau samārudhya cakṣuḥsthāne prayatnataḥ //

Dakṣa too went with his mind for refuge to the god Bhava, restraining his out-breath and in-breath and diligently (fixing them) in the place of the eye.

AI translation rendered from the Sanskrit, not a published edition

BrP 39.91

विधार्य सर्वतो दृष्टिं बहुदृष्टिर् अमित्रजित् स्मितं कृत्वाब्रवीद् वाक्यं ब्रूहि किं करवाणि ते ॥

vidhārya sarvato dṛṣṭiṃ bahudṛṣṭir amitrajit smitaṃ kṛtvābravīd vākyaṃ brūhi kiṃ karavāṇi te //

Holding his gaze in all directions, the many-eyed conqueror of foes, smiling, spoke these words: "Say what I should do for you."

AI translation rendered from the Sanskrit, not a published edition

BrP 39.92

श्राविते च महाख्याने देवानां पितृभिः सह तम् उवाचाञ्जलिं कृत्वा दक्षो देवं प्रजापतिः भीतः शङ्कितचित्तस् तु सबाष्पवदनेक्षणः ॥

śrāvite ca mahākhyāne devānāṃ pitṛbhiḥ saha tam uvācāñjaliṃ kṛtvā dakṣo devaṃ prajāpatiḥ bhītaḥ śaṅkitacittas tu sabāṣpavadanekṣaṇaḥ //

And when the great narrative had been recited to the gods together with the fathers, Dakṣa the lord of creatures, making a gesture of reverence with joined palms, spoke to that god — frightened, his mind apprehensive, his face and eyes full of tears:

AI translation rendered from the Sanskrit, not a published edition

BrP 39.93

यदि प्रसन्नो भगवान् यदि वाहं तव प्रियः यदि चाहम् अनुग्राह्यो यदि देयो वरो मम ॥

yadi prasanno bhagavān yadi vāhaṃ tava priyaḥ yadi cāham anugrāhyo yadi deyo varo mama //

"If the Blessed One is pleased, or if I am dear to you, and if I am one to be favored, if a boon is to be given to me —

AI translation rendered from the Sanskrit, not a published edition

BrP 39.94

यद् भक्ष्यं भक्षितं पीतं त्रासितं यच् च नाशितम् चूर्णीकृतापविद्धं च यज्ञसंभारम् ईदृशम् ॥

yad bhakṣyaṃ bhakṣitaṃ pītaṃ trāsitaṃ yac ca nāśitam cūrṇīkṛtāpaviddhaṃ ca yajñasaṃbhāram īdṛśam //

whatever food was eaten (and) drunk, whatever was terrified and destroyed, and the sacrificial materials of this sort that were ground to powder and scattered,

AI translation rendered from the Sanskrit, not a published edition

BrP 39.95

दीर्घकालेन महता प्रयत्नेन च संचितम् न च मिथ्या भवेन् मह्यं त्वत्प्रसादान् महेश्वर ॥

dīrghakālena mahatā prayatnena ca saṃcitam na ca mithyā bhaven mahyaṃ tvatprasādān maheśvara //

gathered over a long time and with great effort — let it not be in vain for me, by your grace, O Maheśvara."

AI translation rendered from the Sanskrit, not a published edition

BrP 39.96

तथास्त्व् इत्य् आह भगवान् भगनेत्रहरो हरः धर्माध्यक्षं महादेवं त्र्यम्बकं च प्रजापतिः ॥

tathāstv ity āha bhagavān bhaganetraharo haraḥ dharmādhyakṣaṃ mahādevaṃ tryambakaṃ ca prajāpatiḥ //

"So be it," said the Blessed One Hara, the destroyer of Bhaga's eye; and the lord of creatures (addressed) Mahādeva, the overseer of dharma, the three-eyed one.

AI translation rendered from the Sanskrit, not a published edition

BrP 39.97

जानुभ्याम् अवनीं गत्वा दक्षो लब्ध्वा भवाद् वरम् नाम्नां चाष्टसहस्रेण स्तुतवान् वृषभध्वजम् ॥

jānubhyām avanīṃ gatvā dakṣo labdhvā bhavād varam nāmnāṃ cāṣṭasahasreṇa stutavān vṛṣabhadhvajam //

Touching the ground with his knees, Dakṣa, having obtained the boon from Bhava, praised the bull-bannered one with eight thousand names.

AI translation rendered from the Sanskrit, not a published edition