Brahma Purana — Chapter 35
BrP 35.1
ततस् ताम् अब्रुवन् देवास् तदा गत्वा तु सुन्दरीम् देवि शीघ्रेण कालेन धूर्जटिर् नीललोहितः ॥
tatas tām abruvan devās tadā gatvā tu sundarīm devi śīghreṇa kālena dhūrjaṭir nīlalohitaḥ //
Then the gods, having gone to that beautiful one, said to her: "Goddess, in a short time Dhūrjaṭi, the blue-and-red one —
AI translation rendered from the Sanskrit, not a published edition
BrP 35.2
स भर्ता तव देवेशो भविता मा तपः कृथाः ततः प्रदक्षिणीकृत्य देवा विप्रा गिरेः सुताम् ॥
sa bhartā tava deveśo bhavitā mā tapaḥ kṛthāḥ tataḥ pradakṣiṇīkṛtya devā viprā gireḥ sutām //
"That lord of the gods shall be your husband; do not perform (further) austerity." Then the gods and the brahmins, having circumambulated the daughter of the mountain,
AI translation rendered from the Sanskrit, not a published edition
BrP 35.3
जग्मुश् चादर्शनं तस्याः सा चापि विरराम ह सा देवी सूक्तम् इत्य् एवम् उक्त्वा स्वस्याश्रमे शुभे ॥
jagmuś cādarśanaṃ tasyāḥ sā cāpi virarāma ha sā devī sūktam ity evam uktvā svasyāśrame śubhe //
went out of her sight, and she too ceased (her austerity). That goddess, having spoken thus, (namely) the hymn, in her own auspicious hermitage,
AI translation rendered from the Sanskrit, not a published edition
BrP 35.4
द्वारि जातम् अशोकं च समुपाश्रित्य चास्थिता अथागाच् चन्द्रतिलकस् त्रिदशार्तिहरो हरः ॥
dvāri jātam aśokaṃ ca samupāśritya cāsthitā athāgāc candratilakas tridaśārtiharo haraḥ //
took her place resting against an aśoka tree grown at the door; and then came Hara, who has the moon as his forehead-mark, the remover of the gods' distress,
AI translation rendered from the Sanskrit, not a published edition
BrP 35.5
विकृतं रूपम् आस्थाय ह्रस्वो बाहुक एव च विभग्ननासिको भूत्वा कुब्जः केशान्तपिङ्गलः ॥
vikṛtaṃ rūpam āsthāya hrasvo bāhuka eva ca vibhagnanāsiko bhūtvā kubjaḥ keśāntapiṅgalaḥ //
having assumed a deformed shape: short and with (stunted) arms, with a broken nose, hunchbacked, with tawny hair-ends,
AI translation rendered from the Sanskrit, not a published edition
BrP 35.6
उवाच विकृतास्यश् च देवि त्वां वरयाम्य् अहम् अथोमा योगसंसिद्धा ज्ञात्वा शंकरम् आगतम् ॥
uvāca vikṛtāsyaś ca devi tvāṃ varayāmy aham athomā yogasaṃsiddhā jñātvā śaṃkaram āgatam //
and with a misshapen face he said: "Goddess, I choose you." Then Umā, perfected in yoga, knowing that Śaṃkara had come,
AI translation rendered from the Sanskrit, not a published edition
BrP 35.7
अन्तर्भावविशुद्धात्मा कृपानुष्ठानलिप्सया तम् उवाचार्घपाद्याभ्यां मधुपर्केण चैव ह ॥
antarbhāvaviśuddhātmā kṛpānuṣṭhānalipsayā tam uvācārghapādyābhyāṃ madhuparkeṇa caiva ha //
her inner being and self purified, out of the wish to obtain (his) practice of grace, addressed him with (water for) the guest-offering and for the feet, and with the honey-mixture,
AI translation rendered from the Sanskrit, not a published edition — the model flagged this verse as uncertain
BrP 35.8
संपूज्य सुमनोभिस् तं ब्राह्मणं ब्राह्मणप्रिया ॥
saṃpūjya sumanobhis taṃ brāhmaṇaṃ brāhmaṇapriyā //
having honoured that brahmin with flowers, she who was fond of brahmins (said):
AI translation rendered from the Sanskrit, not a published edition
BrP 35.9
भगवन् न स्वतन्त्राहं पिता मे त्व् अग्रणीर् गृहे स प्रभुर् मम दाने वै कन्याहं द्विजपुंगव ॥
bhagavan na svatantrāhaṃ pitā me tv agraṇīr gṛhe sa prabhur mama dāne vai kanyāhaṃ dvijapuṃgava //
"Sir, I am not independent; my father is the foremost in the house. He indeed is the master in giving me away; I am a maiden, O bull among the twice-born.
AI translation rendered from the Sanskrit, not a published edition
BrP 35.10
गत्वा याचस्व पितरं मम शैलेन्द्रम् अव्ययम् स चेद् ददाति मां विप्र तुभ्यं तद् उचितं मम ॥
gatvā yācasva pitaraṃ mama śailendram avyayam sa ced dadāti māṃ vipra tubhyaṃ tad ucitaṃ mama //
Go and ask my father, the imperishable lord of mountains. If he gives me to you, brahmin, that is proper for me."
AI translation rendered from the Sanskrit, not a published edition
BrP 35.11
ततः स भगवान् देवस् तथैव विकृतः प्रभुः उवाच शैलराजानं सुतां मे यच्छ शैलराट् ॥
tataḥ sa bhagavān devas tathaiva vikṛtaḥ prabhuḥ uvāca śailarājānaṃ sutāṃ me yaccha śailarāṭ //
Then that blessed god, the lord, still deformed just so, said to the king of mountains: "King of mountains, give me your daughter."
AI translation rendered from the Sanskrit, not a published edition
BrP 35.12
स तं विकृतरूपेण ज्ञात्वा रुद्रम् अथाव्ययम् भीतः शापाच् च विमना इदं वचनम् अब्रवीत् ॥
sa taṃ vikṛtarūpeṇa jñātvā rudram athāvyayam bhītaḥ śāpāc ca vimanā idaṃ vacanam abravīt //
Recognizing him in that deformed form to be Rudra the imperishable, afraid of a curse and dejected, he spoke these words:
AI translation rendered from the Sanskrit, not a published edition
BrP 35.13
भगवन् नावमन्ये ऽहं ब्राह्मणान् भुवि देवताः मनीषितं तु यत् पूर्वं तच् छृणुष्व महामते ॥
bhagavan nāvamanye 'haṃ brāhmaṇān bhuvi devatāḥ manīṣitaṃ tu yat pūrvaṃ tac chṛṇuṣva mahāmate //
"Sir, I do not slight the brahmins, the gods on earth; but hear, O great-minded one, what has been my intention before this:
AI translation rendered from the Sanskrit, not a published edition
BrP 35.14
स्वयंवरो मे दुहितुर् भविता विप्रपूजितः वरयेद् यं स्वयं तत्र स भर्तास्या भविष्यति ॥
svayaṃvaro me duhitur bhavitā viprapūjitaḥ varayed yaṃ svayaṃ tatra sa bhartāsyā bhaviṣyati //
there shall be a self-choice ceremony for my daughter, honoured by brahmins; whomever she herself chooses there, he shall become her husband."
AI translation rendered from the Sanskrit, not a published edition
BrP 35.15
तच् छ्रुत्वा शैलवचनं भगवान् वृषभध्वजः देव्याः समीपम् आगत्य इदम् आह महामनाः ॥
tac chrutvā śailavacanaṃ bhagavān vṛṣabhadhvajaḥ devyāḥ samīpam āgatya idam āha mahāmanāḥ //
Hearing that speech of the mountain, the blessed one whose banner is the bull, the great-minded, came near the goddess and said this:
AI translation rendered from the Sanskrit, not a published edition
BrP 35.16
देवि पित्रा त्व् अनुज्ञातः स्वयंवर इति श्रुतिः तत्र त्वं वरयित्री यं स ते भर्ता भवेद् इति ॥
devi pitrā tv anujñātaḥ svayaṃvara iti śrutiḥ tatra tvaṃ varayitrī yaṃ sa te bhartā bhaved iti //
"Goddess, permitted by your father, a self-choice — so is the report. There you are the chooser: whomever (you choose), he shall be your husband.
AI translation rendered from the Sanskrit, not a published edition
BrP 35.17
तद् आपृच्छ्य गमिष्यामि दुर्लभां त्वां वरानने रूपवन्तं समुत्सृज्य वृणोष्य् असदृशं कथम् ॥
tad āpṛcchya gamiṣyāmi durlabhāṃ tvāṃ varānane rūpavantaṃ samutsṛjya vṛṇoṣy asadṛśaṃ katham //
So, having taken leave, I shall go — you who are hard to obtain, O fair-faced one. How would you choose one unequal (to you), passing over a handsome man?"
AI translation rendered from the Sanskrit, not a published edition
BrP 35.18
तेनोक्ता सा तदा तत्र भावयन्ती तदीरितम् भावं च रुद्रनिहितं प्रसादं मनसस् तथा ॥
tenoktā sā tadā tatra bhāvayantī tadīritam bhāvaṃ ca rudranihitaṃ prasādaṃ manasas tathā //
Thus addressed by him, she then, reflecting there on what he had said, and on the intention placed (in her) by Rudra, and likewise the graciousness of (his) mind,
AI translation rendered from the Sanskrit, not a published edition — the model flagged this verse as uncertain
BrP 35.19
संप्राप्योवाच देवेशं मा ते ऽभूद् बुद्धिर् अन्यथा अहं त्वां वरयिष्यामि नाद्भुतं तु कथंचन ॥
saṃprāpyovāca deveśaṃ mā te 'bhūd buddhir anyathā ahaṃ tvāṃ varayiṣyāmi nādbhutaṃ tu kathaṃcana //
having grasped (it), said to the lord of the gods: "Let your thought not be otherwise. I shall choose you — that is in no way surprising.
AI translation rendered from the Sanskrit, not a published edition — the model flagged this verse as uncertain
BrP 35.20
अथवा ते ऽस्ति संदेहो मयि विप्र कथंचन इहैव त्वां महाभाग वरयामि मनोगतम् ॥
athavā te 'sti saṃdeho mayi vipra kathaṃcana ihaiva tvāṃ mahābhāga varayāmi manogatam //
Or if you have any doubt at all about me, brahmin, then right here, O greatly fortunate one, I choose you who are (already) in my mind."
AI translation rendered from the Sanskrit, not a published edition
BrP 35.21
गृहीत्वा स्तबकं सा तु हस्ताभ्यां तत्र संस्थिता स्कन्धे शंभोः समाधाय देवी प्राह वृतो ऽसि मे ॥
gṛhītvā stabakaṃ sā tu hastābhyāṃ tatra saṃsthitā skandhe śaṃbhoḥ samādhāya devī prāha vṛto 'si me //
And she, taking a cluster of blossoms in both hands as she stood there, placed it on Śambhu's shoulder, and the goddess said: "You are chosen by me."
AI translation rendered from the Sanskrit, not a published edition
BrP 35.22
ततः स भगवान् देवस् तया देव्या वृतस् तदा उवाच तम् अशोकं वै वाचा संजीवयन्न् इव ॥
tataḥ sa bhagavān devas tayā devyā vṛtas tadā uvāca tam aśokaṃ vai vācā saṃjīvayann iva //
Then that lord god, having been chosen by the goddess at that time, spoke to that aśoka tree with words, as though reviving it.
AI translation rendered from the Sanskrit, not a published edition
BrP 35.23
यस्मात् तव सुपुण्येन स्तबकेन वृतो ऽस्म्य् अहम् तस्मात् त्वं जरया त्यक्तस् त्व् अमरः संभविष्यसि ॥
yasmāt tava supuṇyena stabakena vṛto 'smy aham tasmāt tvaṃ jarayā tyaktas tv amaraḥ saṃbhaviṣyasi //
"Since I have been chosen (by her) with your most holy cluster of blossoms, therefore you shall be free of old age and become immortal.
AI translation rendered from the Sanskrit, not a published edition
BrP 35.24
कामरूपी कामपुष्पः कामदो दयितो मम सर्वाभरणपुष्पाढ्यः सर्वपुष्पफलोपगः ॥
kāmarūpī kāmapuṣpaḥ kāmado dayito mama sarvābharaṇapuṣpāḍhyaḥ sarvapuṣpaphalopagaḥ //
"(You shall be) one taking any form at will, having flowers at will, granting wishes, dear to me, rich in every ornament and flower, bearing every flower and fruit.
AI translation rendered from the Sanskrit, not a published edition
BrP 35.25
सर्वान्नभक्षकश् चैव अमृतस्वाद एव च सर्वगन्धश् च देवानां भविष्यसि दृढप्रियः ॥
sarvānnabhakṣakaś caiva amṛtasvāda eva ca sarvagandhaś ca devānāṃ bhaviṣyasi dṛḍhapriyaḥ //
"And you shall be one who feeds on every food, of the taste of nectar, possessing every fragrance, and firmly dear to the gods.
AI translation rendered from the Sanskrit, not a published edition
BrP 35.26
निर्भयः सर्वलोकेषु भविष्यसि सुनिर्वृतः आश्रमं वेदम् अत्यर्थं चित्रकूटेति विश्रुतम् ॥
nirbhayaḥ sarvalokeṣu bhaviṣyasi sunirvṛtaḥ āśramaṃ vedam atyarthaṃ citrakūṭeti viśrutam //
"You shall be fearless in all the worlds and wholly content. (Know) the hermitage exceedingly renowned as Citrakūṭa:
AI translation rendered from the Sanskrit, not a published edition — the model flagged this verse as uncertain
BrP 35.27
यो हि यास्यति पुण्यार्थी सो ऽश्वमेधम् अवाप्स्यति यस् तु तत्र मृतश् चापि ब्रह्मलोकं स गच्छति ॥
yo hi yāsyati puṇyārthī so 'śvamedham avāpsyati yas tu tatra mṛtaś cāpi brahmalokaṃ sa gacchati //
"Whoever, seeking merit, will go (there) shall obtain (the fruit of) a horse-sacrifice; and whoever dies there goes to the world of Brahmā.
AI translation rendered from the Sanskrit, not a published edition
BrP 35.28
यश् चात्र नियमैर् युक्तः प्राणान् सम्यक् परित्यजेत् स देव्यास् तपसा युक्तो महागणपतिर् भवेत् ॥
yaś cātra niyamair yuktaḥ prāṇān samyak parityajet sa devyās tapasā yukto mahāgaṇapatir bhavet //
"And whoever here, devoted to the observances, duly gives up his life-breaths, he, joined with the goddess's ascetic power, shall become a great lord of the (Śiva's) hosts."
AI translation rendered from the Sanskrit, not a published edition
BrP 35.29
एवम् उक्त्वा तदा देव आपृच्छ्य हिमवत्सुताम् अन्तर्दधे जगत्स्रष्टा सर्वभूतप ईश्वरः ॥
evam uktvā tadā deva āpṛcchya himavatsutām antardadhe jagatsraṣṭā sarvabhūtapa īśvaraḥ //
Having spoken thus, the god then took leave of the daughter of Himavat and vanished — the creator of the world, the protector of all beings, the Lord.
AI translation rendered from the Sanskrit, not a published edition
BrP 35.30
सापि देवी गते तस्मिन् भगवत्य् अमितात्मनि तत एवोन्मुखी भूत्वा शिलायां संबभूव ह ॥
sāpi devī gate tasmin bhagavaty amitātmani tata evonmukhī bhūtvā śilāyāṃ saṃbabhūva ha //
And when that lord of immeasurable self had gone, the goddess too, gazing upward from that very place, remained seated upon the rock.
AI translation rendered from the Sanskrit, not a published edition
BrP 35.31
उन्मुखी सा भवे तस्मिन् महेशे जगतां प्रभौ निशेव चन्द्ररहिता न बभौ विमनास् तदा ॥
unmukhī sā bhave tasmin maheśe jagatāṃ prabhau niśeva candrarahitā na babhau vimanās tadā //
Gazing up after that Bhava, the great lord, the master of the worlds, she did not shine, downcast then, like a night without the moon.
AI translation rendered from the Sanskrit, not a published edition
BrP 35.32
अथ शुश्राव शब्दं च बालस्यार्तस्य शैलजा सरस्य् उदकसंपूर्णे समीपे चाश्रमस्य च ॥
atha śuśrāva śabdaṃ ca bālasyārtasya śailajā sarasy udakasaṃpūrṇe samīpe cāśramasya ca //
Then the mountain-born goddess heard the cry of a child in distress, in a lake full of water near the hermitage.
AI translation rendered from the Sanskrit, not a published edition
BrP 35.33
स कृत्वा बालरूपं तु देवदेवः स्वयं शिवः क्रीडाहेतोः सरोमध्ये ग्राहग्रस्तो ऽभवत् तदा ॥
sa kṛtvā bālarūpaṃ tu devadevaḥ svayaṃ śivaḥ krīḍāhetoḥ saromadhye grāhagrasto 'bhavat tadā //
But he, Śiva himself, the god of gods, having assumed the form of a boy, for the sake of play became seized by a crocodile in the middle of the lake.
AI translation rendered from the Sanskrit, not a published edition
BrP 35.34
योगमायां समास्थाय प्रपञ्चोद्भवकारणम् तद् रूपं सरसो मध्ये कृत्वैवं समभाषत ॥
yogamāyāṃ samāsthāya prapañcodbhavakāraṇam tad rūpaṃ saraso madhye kṛtvaivaṃ samabhāṣata //
Resorting to yoga-māyā, the cause of the arising of the manifold world, and having made that form in the middle of the lake, he spoke thus:
AI translation rendered from the Sanskrit, not a published edition
BrP 35.35
त्रातु मां कश्चिद् इत्य् आह ग्राहेण हृतचेतसम् धिक् कष्टं बाल एवाहम् अप्राप्तार्थमनोरथः ॥
trātu māṃ kaścid ity āha grāheṇa hṛtacetasam dhik kaṣṭaṃ bāla evāham aprāptārthamanorathaḥ //
"Let someone save me!" he said, his senses carried away by the crocodile. "Alas, what misery! I am only a boy, my aims and desires unattained.
AI translation rendered from the Sanskrit, not a published edition
BrP 35.36
प्रयामि निधनं वक्त्रे ग्राहस्यास्य दुरात्मनः शोचामि न स्वकं देहं ग्राहग्रस्तः सुदुःखितः ॥
prayāmi nidhanaṃ vaktre grāhasyāsya durātmanaḥ śocāmi na svakaṃ dehaṃ grāhagrastaḥ suduḥkhitaḥ //
"I am going to my death in the mouth of this evil-natured crocodile. Seized by the crocodile and greatly wretched, I do not grieve for my own body
AI translation rendered from the Sanskrit, not a published edition
BrP 35.37
यथा शोचामि पितरं मातरं च तपस्विनीम् ग्राहगृहीतं मां श्रुत्वा प्राप्तं निधनम् उत्सुकौ ॥
yathā śocāmi pitaraṃ mātaraṃ ca tapasvinīm grāhagṛhītaṃ māṃ śrutvā prāptaṃ nidhanam utsukau //
"so much as I grieve for my father and my ascetic mother; hearing that I have been taken by a crocodile and met my death, the two anxious ones,
AI translation rendered from the Sanskrit, not a published edition
BrP 35.38
प्रियपुत्राव् एकपुत्रौ प्राणान् नूनं त्यजिष्यतः अहो बत सुकष्टं वै यो ऽहं बालो ऽकृताश्रमः अन्तर्ग्राहेण ग्रस्तस् तु यास्यामि निधनं किल ॥
priyaputrāv ekaputrau prāṇān nūnaṃ tyajiṣyataḥ aho bata sukaṣṭaṃ vai yo 'haṃ bālo 'kṛtāśramaḥ antargrāheṇa grastas tu yāsyāmi nidhanaṃ kila //
"loving their son, having but one son, will surely give up their lives. Ah, alas, how very hard it is — that I, a boy who has not (yet) fulfilled his stage of life, seized by a crocodile within (the water), am indeed going to my death!"
AI translation rendered from the Sanskrit, not a published edition
BrP 35.39
श्रुत्वा तु देवी तं नादं विप्रस्यार्तस्य शोभना उत्थाय प्रस्थिता तत्र यत्र तिष्ठत्य् असौ द्विजः ॥
śrutvā tu devī taṃ nādaṃ viprasyārtasya śobhanā utthāya prasthitā tatra yatra tiṣṭhaty asau dvijaḥ //
But the beautiful goddess, hearing that cry of the brahmin in distress, rose and set out to where that twice-born one was.
AI translation rendered from the Sanskrit, not a published edition
BrP 35.40
सापश्यद् इन्दुवदना बालकं चारुरूपिणम् ग्राहस्य मुखम् आपन्नं वेपमानम् अवस्थितम् ॥
sāpaśyad induvadanā bālakaṃ cārurūpiṇam grāhasya mukham āpannaṃ vepamānam avasthitam //
And she of the moon-like face saw a lovely-formed boy, come into the crocodile's mouth, standing there trembling.
AI translation rendered from the Sanskrit, not a published edition
BrP 35.41
सो ऽपि ग्राहवरः श्रीमान् दृष्ट्वा देवीम् उपागताम् तं गृहीत्वा द्रुतं यातो मध्यं सरस एव हि ॥
so 'pi grāhavaraḥ śrīmān dṛṣṭvā devīm upāgatām taṃ gṛhītvā drutaṃ yāto madhyaṃ sarasa eva hi //
And that splendid, glorious crocodile, seeing the goddess approach, seized him and swiftly went to the very middle of the lake.
AI translation rendered from the Sanskrit, not a published edition
BrP 35.42
स कृष्यमाणस् तेजस्वी नादम् आर्तं तदाकरोत् अथाह देवी दुःखार्ता बालं दृष्ट्वा ग्रहावृतम् ॥
sa kṛṣyamāṇas tejasvī nādam ārtaṃ tadākarot athāha devī duḥkhārtā bālaṃ dṛṣṭvā grahāvṛtam //
As he was being dragged along, that splendid (boy) then uttered a cry of distress; and the goddess, stricken with grief, seeing the child seized by the crocodile, said:
AI translation rendered from the Sanskrit, not a published edition
BrP 35.43
ग्राहराज महासत्त्व बालकं ह्य् एकपुत्रकम् विमुञ्चेमं महादंष्ट्र क्षिप्रं भीमपराक्रम ॥
grāharāja mahāsattva bālakaṃ hy ekaputrakam vimuñcemaṃ mahādaṃṣṭra kṣipraṃ bhīmaparākrama //
"King of crocodiles, great being, (this is) a child, an only son — release him, O great-tusked one, quickly, O you of terrible might!"
AI translation rendered from the Sanskrit, not a published edition
BrP 35.44
यो देवि दिवसे षष्ठे प्रथमं समुपैति माम् स आहारो मम पुरा विहितो लोककर्तृभिः ॥
yo devi divase ṣaṣṭhe prathamaṃ samupaiti mām sa āhāro mama purā vihito lokakartṛbhiḥ //
"Goddess, whoever comes to me first on the sixth day, he is my food, ordained long ago by the makers of the world.
AI translation rendered from the Sanskrit, not a published edition
BrP 35.45
सो ऽयं मम महाभागे षष्ठे ऽहनि गिरीन्द्रजे ब्रह्मणा प्रेरितो नूनं नैनं मोक्ष्ये कथंचन ॥
so 'yaṃ mama mahābhāge ṣaṣṭhe 'hani girīndraje brahmaṇā prerito nūnaṃ nainaṃ mokṣye kathaṃcana //
So this one, O greatly blessed daughter of the lord of mountains, (has come) to me on the sixth day, surely impelled by Brahmā; I shall not release him on any account."
AI translation rendered from the Sanskrit, not a published edition
BrP 35.46
यन् मया हिमवच्छृङ्गे चरितं तप उत्तमम् तेन बालम् इमं मुञ्च ग्राहराज नमो ऽस्तु ते ॥
yan mayā himavacchṛṅge caritaṃ tapa uttamam tena bālam imaṃ muñca grāharāja namo 'stu te //
"By that supreme austerity which I performed on the peak of Himavat, by that (merit) release this child, king of crocodiles — homage be to you!"
AI translation rendered from the Sanskrit, not a published edition
BrP 35.47
मा व्ययस् तपसो देवि भृशं बाले शुभानने यद् ब्रवीमि कुरु श्रेष्ठे तथा मोक्षम् अवाप्स्यति ॥
mā vyayas tapaso devi bhṛśaṃ bāle śubhānane yad bravīmi kuru śreṣṭhe tathā mokṣam avāpsyati //
"Do not spend your austerity so lavishly on a child, O goddess of lovely face; do what I say, O best one, and thus he will obtain release."
AI translation rendered from the Sanskrit, not a published edition
BrP 35.48
ग्राहाधिप वदस्वाशु यत् सताम् अविगर्हितम् तत् कृतं नात्र संदेहो यतो मे ब्राह्मणाः प्रियाः ॥
grāhādhipa vadasvāśu yat satām avigarhitam tat kṛtaṃ nātra saṃdeho yato me brāhmaṇāḥ priyāḥ //
"Lord of crocodiles, speak quickly whatever is not censured by the good; it is done, there is no doubt of it, since brahmins are dear to me."
AI translation rendered from the Sanskrit, not a published edition
BrP 35.49
यत् कृतं वै तपः किंचिद् भवत्या स्वल्पम् उत्तमम् तत् सर्वं मे प्रयच्छाशु ततो मोक्षम् अवाप्स्यति ॥
yat kṛtaṃ vai tapaḥ kiṃcid bhavatyā svalpam uttamam tat sarvaṃ me prayacchāśu tato mokṣam avāpsyati //
"Whatever austerity you have performed, be it little or supreme, give all of it to me at once; then he will obtain release."
AI translation rendered from the Sanskrit, not a published edition
BrP 35.50
जन्मप्रभृति यत् पुण्यं महाग्राह कृतं मया तत् ते सर्वं मया दत्तं बालं मुञ्च महाग्रह ॥
janmaprabhṛti yat puṇyaṃ mahāgrāha kṛtaṃ mayā tat te sarvaṃ mayā dattaṃ bālaṃ muñca mahāgraha //
"Whatever merit I have accumulated from my birth onward, O great crocodile, all of that is given by me to you — release the child, O great crocodile!"
AI translation rendered from the Sanskrit, not a published edition
BrP 35.51
प्रजज्वाल ततो ग्राहस् तपसा तेन भूषितः आदित्य इव मध्याह्ने दुर्निरीक्षस् तदाभवत् उवाच चैवं तुष्टात्मा देवीं लोकस्य धारिणीम् ॥
prajajvāla tato grāhas tapasā tena bhūṣitaḥ āditya iva madhyāhne durnirīkṣas tadābhavat uvāca caivaṃ tuṣṭātmā devīṃ lokasya dhāriṇīm //
Then the crocodile blazed up, adorned by that austerity; he became hard to look at, like the sun at midday; and, well pleased in himself, he spoke thus to the goddess who upholds the world:
AI translation rendered from the Sanskrit, not a published edition
BrP 35.52
देवि किं कृत्यम् एतत् ते सुनिश्चित्य महाव्रते तपसो ऽप्य् अर्जनं दुःखं तस्य त्यागो न शस्यते ॥
devi kiṃ kṛtyam etat te suniścitya mahāvrate tapaso 'py arjanaṃ duḥkhaṃ tasya tyāgo na śasyate //
"Goddess, what a thing you have done, having so firmly resolved, O you of the great vow! Even the earning of austerity is painful; the giving away of it is not commended.
AI translation rendered from the Sanskrit, not a published edition
BrP 35.53
गृहाण तप एव त्वं बालं चेमं सुमध्यमे तुष्टो ऽस्मि ते विप्रभक्त्या वरं तस्माद् ददामि ते सा त्व् एवम् उक्ता ग्राहेण उवाचेदं महाव्रता ॥
gṛhāṇa tapa eva tvaṃ bālaṃ cemaṃ sumadhyame tuṣṭo 'smi te viprabhaktyā varaṃ tasmād dadāmi te sā tv evam uktā grāheṇa uvācedaṃ mahāvratā //
Take back the austerity itself, and this child too, O slender-waisted one; I am pleased with your devotion to brahmins, and therefore I grant you a boon." But she, thus addressed by the crocodile, said this, she of the great vow:
AI translation rendered from the Sanskrit, not a published edition
BrP 35.54
देहेनापि मया ग्राह रक्ष्यो विप्रः प्रयत्नतः तपः पुनर् मया प्राप्यं न प्राप्यो ब्राह्मणः पुनः ॥
dehenāpi mayā grāha rakṣyo vipraḥ prayatnataḥ tapaḥ punar mayā prāpyaṃ na prāpyo brāhmaṇaḥ punaḥ //
"Even with my body, O crocodile, a brahmin is to be protected by me with all effort. Austerity can be gained by me again, but a brahmin cannot be regained.
AI translation rendered from the Sanskrit, not a published edition
BrP 35.55
सुनिश्चित्य महाग्राह कृतं बालस्य मोक्षणम् न विप्रेभ्यस् तपः श्रेष्ठं श्रेष्ठा मे ब्राह्मणा मताः ॥
suniścitya mahāgrāha kṛtaṃ bālasya mokṣaṇam na viprebhyas tapaḥ śreṣṭhaṃ śreṣṭhā me brāhmaṇā matāḥ //
After firm resolve, O great crocodile, the release of the child was accomplished; austerity is not better than brahmins — brahmins are held by me to be the best.
AI translation rendered from the Sanskrit, not a published edition
BrP 35.56
दत्त्वा चाहं न गृह्णामि ग्राहेन्द्र विहितं हि ते नहि कश्चिन् नरो ग्राह प्रदत्तं पुनर् आहरेत् ॥
dattvā cāhaṃ na gṛhṇāmi grāhendra vihitaṃ hi te nahi kaścin naro grāha pradattaṃ punar āharet //
And having given, I do not take back, O lord of crocodiles, for it has been assigned to you; no man, O crocodile, should take back again what has been given.
AI translation rendered from the Sanskrit, not a published edition
BrP 35.57
दत्तम् एतन् मया तुभ्यं नाददानि हि तत् पुनः त्वय्य् एव रमताम् एतद् बालश् चायं विमुच्यताम् ॥
dattam etan mayā tubhyaṃ nādadāni hi tat punaḥ tvayy eva ramatām etad bālaś cāyaṃ vimucyatām //
This has been given by you (i.e. to you) by me; I will not take it again. Let it delight in you alone, and let this child be set free."
AI translation rendered from the Sanskrit, not a published edition
BrP 35.58
तथोक्तस् तां प्रशस्याथ मुक्त्वा बालं नमस्य च देवीम् आदित्यावभासस् तत्रैवान्तरधीयत ॥
tathoktas tāṃ praśasyātha muktvā bālaṃ namasya ca devīm ādityāvabhāsas tatraivāntaradhīyata //
Thus addressed, he then praised her, and having released the child and bowed to the goddess, he, radiant as the sun, vanished on that very spot.
AI translation rendered from the Sanskrit, not a published edition
BrP 35.59
बालो ऽपि सरसस् तीरे मुक्तो ग्राहेण वै तदा स्वप्नलब्ध इवार्थौघस् तत्रैवान्तरधीयत ॥
bālo 'pi sarasas tīre mukto grāheṇa vai tadā svapnalabdha ivārthaughas tatraivāntaradhīyata //
And the child too, released by the crocodile there on the lake's shore, vanished on that very spot, like a mass of wealth obtained in a dream.
AI translation rendered from the Sanskrit, not a published edition
BrP 35.60
तपसो ऽपचयं मत्वा देवी हिमगिरीन्द्रजा भूय एव तपः कर्तुम् आरेभे नियमस्थिता ॥
tapaso 'pacayaṃ matvā devī himagirīndrajā bhūya eva tapaḥ kartum ārebhe niyamasthitā //
Reckoning her austerity diminished, the goddess born of the lord of snowy mountains began once more to perform austerity, established in her observances.
AI translation rendered from the Sanskrit, not a published edition
BrP 35.61
कर्तुकामां तपो भूयो ज्ञात्वा तां शंकरः स्वयम् प्रोवाच वचनं विप्रा मा कृथास् तप इत्य् उत ॥
kartukāmāṃ tapo bhūyo jñātvā tāṃ śaṃkaraḥ svayam provāca vacanaṃ viprā mā kṛthās tapa ity uta //
Knowing that she wished to perform austerity again, Śaṃkara himself spoke these words, O brahmins: "Do not perform austerity."
AI translation rendered from the Sanskrit, not a published edition
BrP 35.62
मह्यम् एतत् तपो देवि त्वया दत्तं महाव्रते तत् तेनैवाक्षयं तुभ्यं भविष्यति सहस्रधा ॥
mahyam etat tapo devi tvayā dattaṃ mahāvrate tat tenaivākṣayaṃ tubhyaṃ bhaviṣyati sahasradhā //
"This ascetic practice, O goddess, was given to me by you, (O you) of the great vow; by that very (act) it will become imperishable for you a thousandfold."
AI translation rendered from the Sanskrit, not a published edition
BrP 35.63
इति लब्ध्वा वरं देवी तपसो ऽक्षयम् उत्तमम् स्वयंवरम् उदीक्षन्ती तस्थौ प्रीता मुदा युता ॥
iti labdhvā varaṃ devī tapaso 'kṣayam uttamam svayaṃvaram udīkṣantī tasthau prītā mudā yutā //
Having thus obtained the excellent boon of imperishable ascetic merit, the goddess remained awaiting her own choosing (of a husband), pleased and filled with joy.
AI translation rendered from the Sanskrit, not a published edition
BrP 35.64
इदं पठेद् यो हि नरः सदैव बालानुभावाचरणं हि शंभोः स देहभेदं समवाप्य पूतो भवेद् गणेशस् तु कुमारतुल्यः
idaṃ paṭhed yo hi naraḥ sadaiva bālānubhāvācaraṇaṃ hi śaṃbhoḥ sa dehabhedaṃ samavāpya pūto bhaved gaṇeśas tu kumāratulyaḥ
The man who constantly recites this — the account of Śambhu's childhood doings — he, upon the dissolution of the body, becomes purified, and (becomes) a lord of the hosts, equal to Kumāra.
AI translation rendered from the Sanskrit, not a published edition