Brahma Purana — Chapter 32

BrP 32.1

निर्गुणः शाश्वतो देवस् त्वया प्रोक्तो दिवाकरः पुनर् द्वादशधा जातः श्रुतो ऽस्माभिस् त्वयोदितः ॥

nirguṇaḥ śāśvato devas tvayā prokto divākaraḥ punar dvādaśadhā jātaḥ śruto 'smābhis tvayoditaḥ //

The god, the day-maker, was declared by you to be without qualities and everlasting; and again we have heard from you, as you related it, that he was born in twelve forms.

AI translation rendered from the Sanskrit, not a published edition

BrP 32.2

स कथं तेजसो रश्मिः स्त्रिया गर्भे महाद्युतिः संभूतो भास्करो जातस् तत्र नः संशयो महान् ॥

sa kathaṃ tejaso raśmiḥ striyā garbhe mahādyutiḥ saṃbhūto bhāskaro jātas tatra naḥ saṃśayo mahān //

How is it that he, a ray of splendour, of great brilliance, came to be in a woman's womb and was born as the sun? On that point we have a great doubt.

AI translation rendered from the Sanskrit, not a published edition

BrP 32.3

दक्षस्य हि सुताः श्रेष्ठा बभूवुः षष्टिः शोभनाः अदितिर् दितिर् दनुश् चैव विनताद्यास् तथैव च ॥

dakṣasya hi sutāḥ śreṣṭhā babhūvuḥ ṣaṣṭiḥ śobhanāḥ aditir ditir danuś caiva vinatādyās tathaiva ca //

Now Dakṣa had sixty excellent, beautiful daughters: Aditi, Diti, and Danu, and Vinatā and the rest likewise.

AI translation rendered from the Sanskrit, not a published edition

BrP 32.4

दक्षस् ताः प्रददौ कन्याः कश्यपाय त्रयोदश अदितिर् जनयाम् आस देवांस् त्रिभुवनेश्वरान् ॥

dakṣas tāḥ pradadau kanyāḥ kaśyapāya trayodaśa aditir janayām āsa devāṃs tribhuvaneśvarān //

Dakṣa gave thirteen of those maidens to Kaśyapa; Aditi gave birth to the gods, the lords of the three worlds.

AI translation rendered from the Sanskrit, not a published edition

BrP 32.5

दैत्यान् दितिर् दनुश् चोग्रान् दानवान् बलदर्पितान् विनताद्यास् तथा चान्याः सुषुवुः स्थानुजङ्गमान् ॥

daityān ditir danuś cogrān dānavān baladarpitān vinatādyās tathā cānyāḥ suṣuvuḥ sthānujaṅgamān //

Diti (bore) the Daityas, and Danu the fierce Dānavas, proud of their strength; and the others, Vinatā and the rest, brought forth the standing and the moving (beings).

AI translation rendered from the Sanskrit, not a published edition

BrP 32.6

तस्याथ पुत्रदौहित्रैः पौत्रदौहित्रकादिभिः व्याप्तम् एतज् जगत् सर्वं तेषां तासां च वै मुने ॥

tasyātha putradauhitraiḥ pautradauhitrakādibhiḥ vyāptam etaj jagat sarvaṃ teṣāṃ tāsāṃ ca vai mune //

And then, O sage, this whole world was filled with his sons and daughters' sons, with grandsons and their descendants — theirs (the males') and theirs (the females').

AI translation rendered from the Sanskrit, not a published edition

BrP 32.7

तेषां कश्यपपुत्राणां प्रधाना देवतागणाः सात्त्विका राजसाश् चान्ये तामसाश् च गणाः स्मृताः ॥

teṣāṃ kaśyapaputrāṇāṃ pradhānā devatāgaṇāḥ sāttvikā rājasāś cānye tāmasāś ca gaṇāḥ smṛtāḥ //

Among those sons of Kaśyapa the hosts of gods are the foremost; others are held to be hosts of the sattva, rajas, and tamas natures.

AI translation rendered from the Sanskrit, not a published edition

BrP 32.8

देवान् यज्ञभुजश् चक्रे तथा त्रिभुवनेश्वरान् स्रष्टा ब्रह्मविदां श्रेष्ठः परमेष्ठी प्रजापतिः ॥

devān yajñabhujaś cakre tathā tribhuvaneśvarān sraṣṭā brahmavidāṃ śreṣṭhaḥ parameṣṭhī prajāpatiḥ //

The creator, best of the knowers of brahman, Parameṣṭhin the lord of creatures, made the gods eaters of the sacrifice and lords of the three worlds.

AI translation rendered from the Sanskrit, not a published edition

BrP 32.9

तान् अबाधन्त सहिताः सापत्न्याद् दैत्यदानवाः ततो निराकृतान् पुत्रान् दैतेयैर् दानवैस् तथा ॥

tān abādhanta sahitāḥ sāpatnyād daityadānavāḥ tato nirākṛtān putrān daiteyair dānavais tathā //

United, out of rivalry as co-wives' sons, the Daityas and Dānavas oppressed them; then, (seeing) her sons driven out by the Daityas and the Dānavas,

AI translation rendered from the Sanskrit, not a published edition

BrP 32.10

हतं त्रिभुवनं दृष्ट्वा अदितिर् मुनिसत्तमाः आच्छिनद् यज्ञभागांश् च क्षुधा संपीडितान् भृशम् ॥

hataṃ tribhuvanaṃ dṛṣṭvā aditir munisattamāḥ ācchinad yajñabhāgāṃś ca kṣudhā saṃpīḍitān bhṛśam //

and seeing the three worlds ruined, Aditi, O best of sages, (saw) that they had been deprived of their shares of the sacrifice and were sorely tormented by hunger.

AI translation rendered from the Sanskrit, not a published edition — the model flagged this verse as uncertain

BrP 32.11

आराधनाय सवितुः परं यत्नं प्रचक्रमे एकाग्रा नियताहारा परं नियमम् आस्थिता तुष्टाव तेजसां राशिं गगनस्थं दिवाकरम् ॥

ārādhanāya savituḥ paraṃ yatnaṃ pracakrame ekāgrā niyatāhārā paraṃ niyamam āsthitā tuṣṭāva tejasāṃ rāśiṃ gaganasthaṃ divākaram //

She undertook a supreme effort to propitiate Savitṛ; one-pointed, restricted in food, established in the highest observance, she praised the day-maker who stands in the sky, the mass of splendours.

AI translation rendered from the Sanskrit, not a published edition

BrP 32.12

नमस् तुभ्यं परं सूक्ष्मं सुपुण्यं बिभ्रते ऽतुलम् धाम धामवताम् ईशं धामाधारं च शाश्वतम् ॥

namas tubhyaṃ paraṃ sūkṣmaṃ supuṇyaṃ bibhrate 'tulam dhāma dhāmavatām īśaṃ dhāmādhāraṃ ca śāśvatam //

Homage to you, who bear the supreme, subtle, most holy, incomparable light — the lord of the light-possessing ones, the support of light, everlasting.

AI translation rendered from the Sanskrit, not a published edition

BrP 32.13

जगताम् उपकाराय त्वाम् अहं स्तौमि गोपते आददानस्य यद् रूपं तीव्रं तस्मै नमाम्य् अहम् ॥

jagatām upakārāya tvām ahaṃ staumi gopate ādadānasya yad rūpaṃ tīvraṃ tasmai namāmy aham //

For the benefit of the worlds I praise you, O lord of rays; to that fierce form of yours which takes up (the waters) I bow.

AI translation rendered from the Sanskrit, not a published edition

BrP 32.14

ग्रहीतुम् अष्टमासेन कालेनाम्बुमयं रसम् बिभ्रतस् तव यद् रूपम् अतितीव्रं नतास्मि तत् ॥

grahītum aṣṭamāsena kālenāmbumayaṃ rasam bibhratas tava yad rūpam atitīvraṃ natāsmi tat //

That exceedingly fierce form of yours which you bear in order to take up, over a period of eight months, the sap made of water — to that I am bowed down.

AI translation rendered from the Sanskrit, not a published edition

BrP 32.15

समेतम् अग्निसोमाभ्यां नमस् तस्मै गुणात्मने यद् रूपम् ऋग्यजुःसाम्नाम् ऐक्येन तपते तव ॥

sametam agnisomābhyāṃ namas tasmai guṇātmane yad rūpam ṛgyajuḥsāmnām aikyena tapate tava //

Homage to that (form of yours), joined with fire and soma, whose nature is the qualities; and (to) that form of yours which burns through the unity of the Ṛg, Yajus, and Sāman —

AI translation rendered from the Sanskrit, not a published edition

BrP 32.16

विश्वम् एतत् त्रयीसंज्ञं नमस् तस्मै विभावसो यत् तु तस्मात् परं रूपम् ओम् इत्य् उक्त्वाभिसंहितम् अस्थूलं स्थूलम् अमलं नमस् तस्मै सनातन ॥

viśvam etat trayīsaṃjñaṃ namas tasmai vibhāvaso yat tu tasmāt paraṃ rūpam om ity uktvābhisaṃhitam asthūlaṃ sthūlam amalaṃ namas tasmai sanātana //

this whole universe bears the name of the triple Veda: homage to that, O Vibhāvasu. But that form which is higher than this, which is intended when one utters 'Om', not gross yet gross, stainless — homage to that, O eternal one.

AI translation rendered from the Sanskrit, not a published edition — the model flagged this verse as uncertain

BrP 32.17

एवं सा नियता देवी चक्रे स्तोत्रम् अहर्निशम् निराहारा विवस्वन्तम् आरिराधयिषुर् द्विजाः ॥

evaṃ sā niyatā devī cakre stotram aharniśam nirāhārā vivasvantam ārirādhayiṣur dvijāḥ //

Thus that goddess, under vow, made her hymn day and night, without food, desiring to propitiate Vivasvat, O twice-born ones.

AI translation rendered from the Sanskrit, not a published edition

BrP 32.18

ततः कालेन महता भगवांस् तपनो द्विजाः प्रत्यक्षताम् अगात् तस्या दाक्षायण्या द्विजोत्तमाः ॥

tataḥ kālena mahatā bhagavāṃs tapano dvijāḥ pratyakṣatām agāt tasyā dākṣāyaṇyā dvijottamāḥ //

Then after a long time, O twice-born, the blessed burning one became visible to her, the daughter of Dakṣa, O best of the twice-born.

AI translation rendered from the Sanskrit, not a published edition

BrP 32.19

सा ददर्श महाकूटं तेजसो ऽम्बरसंवृतम् भूमौ च संस्थितं भास्वज्ज्वालाभिर् अतिदुर्दृशम् तं दृष्ट्वा च ततो देवी साध्वसं परमं गता ॥

sā dadarśa mahākūṭaṃ tejaso 'mbarasaṃvṛtam bhūmau ca saṃsthitaṃ bhāsvajjvālābhir atidurdṛśam taṃ dṛṣṭvā ca tato devī sādhvasaṃ paramaṃ gatā //

She saw a great mass of splendour, enveloping the sky and standing upon the earth, very hard to look at because of its shining flames; and seeing it the goddess fell into the utmost alarm.

AI translation rendered from the Sanskrit, not a published edition

BrP 32.21

जगदाद्य प्रसीदेति न त्वां पश्यामि गोपते प्रसादं कुरु पश्येयं यद् रूपं ते दिवाकर भक्तानुकम्पक विभो त्वद्भक्तान् पाहि मे सुतान् ॥

jagadādya prasīdeti na tvāṃ paśyāmi gopate prasādaṃ kuru paśyeyaṃ yad rūpaṃ te divākara bhaktānukampaka vibho tvadbhaktān pāhi me sutān //

"O first (source) of the world, be gracious — I cannot see you, O lord of rays. Show favour, that I may behold whatever form is yours, O maker of day. O you who take pity on the devoted, O mighty one, protect my sons, who are devoted to you."

AI translation rendered from the Sanskrit, not a published edition

BrP 32.22

ततः स तेजसस् तस्माद् आविर्भूतो विभावसुः अदृश्यत तदादित्यस् तप्तताम्रोपमः प्रभुः ॥

tataḥ sa tejasas tasmād āvirbhūto vibhāvasuḥ adṛśyata tadādityas taptatāmropamaḥ prabhuḥ //

Then out of that mass of light the shining one became manifest; the Sun, the lord, was then seen, resembling heated copper.

AI translation rendered from the Sanskrit, not a published edition

BrP 32.23

ततस् तां प्रणतां देवीं तस्यासंदर्शने द्विजाः प्राह भास्वान् वृणुष्वैकं वरं मत्तो यम् इच्छसि ॥

tatas tāṃ praṇatāṃ devīṃ tasyāsaṃdarśane dvijāḥ prāha bhāsvān vṛṇuṣvaikaṃ varaṃ matto yam icchasi //

Then, O twice-born ones, since she could not look upon him, the shining one spoke to that bowing goddess: "Choose from me one boon, whichever you wish."

AI translation rendered from the Sanskrit, not a published edition

BrP 32.24

प्रणता शिरसा सा तु जानुपीडितमेदिनी प्रत्युवाच विवस्वन्तं वरदं समुपस्थितम् ॥

praṇatā śirasā sā tu jānupīḍitamedinī pratyuvāca vivasvantaṃ varadaṃ samupasthitam //

And she, bowed down with her head, pressing the earth with her knees, replied to Vivasvat, the boon-giver, who stood present before her.

AI translation rendered from the Sanskrit, not a published edition

BrP 32.25

देव प्रसीद पुत्राणां हृतं त्रिभुवनं मम यज्ञभागाश् च दैतेयैर् दानवैश् च बलाधिकैः ॥

deva prasīda putrāṇāṃ hṛtaṃ tribhuvanaṃ mama yajñabhāgāś ca daiteyair dānavaiś ca balādhikaiḥ //

"O god, be gracious: the three worlds of my sons have been carried off, and their shares of sacrifice too, by the Daityas and Dānavas, who are superior in strength.

AI translation rendered from the Sanskrit, not a published edition

BrP 32.26

तन्निमित्तं प्रसादं त्वं कुरुष्व मम गोपते अंशेन तेषां भ्रातृत्वं गत्वा तान् नाशये रिपून् ॥

tannimittaṃ prasādaṃ tvaṃ kuruṣva mama gopate aṃśena teṣāṃ bhrātṛtvaṃ gatvā tān nāśaye ripūn //

"For that reason grant me your favour, O lord of rays: having become, by a portion (of yourself), a brother of theirs, may I destroy those enemies.

AI translation rendered from the Sanskrit, not a published edition — the model flagged this verse as uncertain

BrP 32.27

यथा मे तनया भूयो यज्ञभागभुजः प्रभो भवेयुर् अधिपाश् चैव त्रैलोक्यस्य दिवाकर ॥

yathā me tanayā bhūyo yajñabhāgabhujaḥ prabho bhaveyur adhipāś caiva trailokyasya divākara //

"So that my sons may again be enjoyers of the shares of sacrifice, O lord, and rulers of the three worlds, O maker of day —

AI translation rendered from the Sanskrit, not a published edition

BrP 32.28

तथानुकल्पं पुत्राणां सुप्रसन्नो रवे मम कुरु प्रसन्नार्तिहर कार्यं कर्ता त्वम् उच्यते ॥

tathānukalpaṃ putrāṇāṃ suprasanno rave mama kuru prasannārtihara kāryaṃ kartā tvam ucyate //

"do accordingly what befits my sons, O Sun, being well pleased with me; O remover of the affliction of those (whom you are) pleased with, you are called the doer of what must be done."

AI translation rendered from the Sanskrit, not a published edition — the model flagged this verse as uncertain

BrP 32.29

ततस् ताम् आह भगवान् भास्करो वारितस्करः प्रणताम् अदितिं विप्राः प्रसादसुमुखो विभुः ॥

tatas tām āha bhagavān bhāskaro vāritaskaraḥ praṇatām aditiṃ viprāḥ prasādasumukho vibhuḥ //

Then, O brahmins, the lord Bhāskara, who wards off thieves, his face gracious with favour, the mighty one, said to that bowing Aditi:

AI translation rendered from the Sanskrit, not a published edition

BrP 32.30

सहस्रांशेन ते गर्भः संभूयाहम् अशेषतः त्वत्पुत्रशत्रून् दक्षो ऽहं नाशयाम्य् आशु निर्वृतः ॥

sahasrāṃśena te garbhaḥ saṃbhūyāham aśeṣataḥ tvatputraśatrūn dakṣo 'haṃ nāśayāmy āśu nirvṛtaḥ //

"With a thousandth part (of myself) I shall become your embryo entirely, and I, being skilled, will swiftly destroy the enemies of your sons, at ease (in doing so)."

AI translation rendered from the Sanskrit, not a published edition

BrP 32.31

इत्य् उक्त्वा भगवान् भास्वान् अन्तर्धानम् उपागतः निवृत्ता सापि तपसः संप्राप्ताखिलवाञ्छिता ॥

ity uktvā bhagavān bhāsvān antardhānam upāgataḥ nivṛttā sāpi tapasaḥ saṃprāptākhilavāñchitā //

Having said this, the lord, the shining one, vanished; and she too turned back from her austerity, having obtained all she desired.

AI translation rendered from the Sanskrit, not a published edition

BrP 32.32

ततो रश्मिसहस्रात् तु सुषुम्नाख्यो रवेः करः ततः संवत्सरस्यान्ते तत्कामपूरणाय सः ॥

tato raśmisahasrāt tu suṣumnākhyo raveḥ karaḥ tataḥ saṃvatsarasyānte tatkāmapūraṇāya saḥ //

Then from among the thousand rays that ray of the Sun called Suṣumṇā — then, at the end of a year, in order to fulfil that desire of hers, he...

AI translation rendered from the Sanskrit, not a published edition — the model flagged this verse as uncertain

BrP 32.33

निवासं सविता चक्रे देवमातुस् तदोदरे कृच्छ्रचान्द्रायणादींश् च सा चक्रे सुसमाहिता ॥

nivāsaṃ savitā cakre devamātus tadodare kṛcchracāndrāyaṇādīṃś ca sā cakre susamāhitā //

Savitṛ made his dwelling in the womb of the mother of the gods; and she, well composed, performed the kṛcchra and cāndrāyaṇa (fasts) and the rest.

AI translation rendered from the Sanskrit, not a published edition

BrP 32.34

शुचिना धारयाम्य् एनं दिव्यं गर्भम् इति द्विजाः ततस् तां कश्यपः प्राह किंचित्कोपप्लुताक्षरम् ॥

śucinā dhārayāmy enaṃ divyaṃ garbham iti dvijāḥ tatas tāṃ kaśyapaḥ prāha kiṃcitkopaplutākṣaram //

"I bear this divine embryo by purity," (she said), O twice-born ones. Then Kaśyapa spoke to her with words somewhat overflowing with anger:

AI translation rendered from the Sanskrit, not a published edition

BrP 32.35

किं मारयसि गर्भाण्डम् इति नित्योपवासिनी सा च तं प्राह गर्भाण्डम् एतत् पश्येति कोपना न मारितं विपक्षाणां मृत्युर् एव भविष्यति ॥

kiṃ mārayasi garbhāṇḍam iti nityopavāsinī sā ca taṃ prāha garbhāṇḍam etat paśyeti kopanā na māritaṃ vipakṣāṇāṃ mṛtyur eva bhaviṣyati //

"Why are you killing the embryo-egg?" — for she was constantly fasting. And she, angered, said to him: "Look at this embryo-egg! It has not been killed; it will be the very death of the adversaries."

AI translation rendered from the Sanskrit, not a published edition

BrP 32.36

इत्य् उक्त्वा तं तदा गर्भम् उत्ससर्ज सुरारणिः जाज्वल्यमानं तेजोभिः पत्युर् वचनकोपिता ॥

ity uktvā taṃ tadā garbham utsasarja surāraṇiḥ jājvalyamānaṃ tejobhiḥ patyur vacanakopitā //

Having said this, she then, the kindling-wood of the gods, angered by her husband's words, cast forth that embryo, blazing with its energies.

AI translation rendered from the Sanskrit, not a published edition

BrP 32.37

तं दृष्ट्वा कश्यपो गर्भम् उद्यद्भास्करवर्चसम् तुष्टाव प्रणतो भूत्वा वाग्भिर् आद्याभिर् आदरात् ॥

taṃ dṛṣṭvā kaśyapo garbham udyadbhāskaravarcasam tuṣṭāva praṇato bhūtvā vāgbhir ādyābhir ādarāt //

Seeing that embryo, with the splendour of the rising sun, Kaśyapa bowed down and praised it reverently with primeval words.

AI translation rendered from the Sanskrit, not a published edition

BrP 32.38

संस्तूयमानः स तदा गर्भाण्डात् प्रकटो ऽभवत् पद्मपत्त्रसवर्णाभस् तेजसा व्याप्तदिङ्मुखः ॥

saṃstūyamānaḥ sa tadā garbhāṇḍāt prakaṭo 'bhavat padmapattrasavarṇābhas tejasā vyāptadiṅmukhaḥ //

Being thus praised, he then came forth from the embryo-egg, with a lustre the colour of a lotus petal, filling the quarters with his radiance.

AI translation rendered from the Sanskrit, not a published edition

BrP 32.39

अथान्तरिक्षाद् आभाष्य कश्यपं मुनिसत्तमम् सतोयमेघगम्भीरा वाग् उवाचाशरीरिणी ॥

athāntarikṣād ābhāṣya kaśyapaṃ munisattamam satoyameghagambhīrā vāg uvācāśarīriṇī //

Then a bodiless voice, deep as a rain-laden cloud, addressed Kaśyapa, the best of sages, from the sky, and said:

AI translation rendered from the Sanskrit, not a published edition

BrP 32.40

मारितंतेपतः प्रोक्तम् एतद् अण्डं त्वयादितेः तस्मान् मुने सुतस् ते ऽयं मार्तण्डाख्यो भविष्यति ॥

māritaṃtepataḥ proktam etad aṇḍaṃ tvayāditeḥ tasmān mune sutas te 'yaṃ mārtaṇḍākhyo bhaviṣyati //

"This egg of Aditi was declared by you to be dead; therefore, O sage, this son of yours will bear the name Mārtaṇḍa."

AI translation rendered from the Sanskrit, not a published edition — the model flagged this verse as uncertain

BrP 32.41

हनिष्यत्य् असुरांश् चायं यज्ञभागहरान् अरीन् देवा निशम्येति वचो गगनात् समुपागतम् ॥

haniṣyaty asurāṃś cāyaṃ yajñabhāgaharān arīn devā niśamyeti vaco gaganāt samupāgatam //

"And he will slay the asuras, the enemies who carry off the shares of sacrifice." The gods, hearing this speech that came down from the sky,

AI translation rendered from the Sanskrit, not a published edition

BrP 32.42

प्रहर्षम् अतुलं याता दानवाश् च हतौजसः ततो युद्धाय दैतेयान् आजुहाव शतक्रतुः ॥

praharṣam atulaṃ yātā dānavāś ca hataujasaḥ tato yuddhāya daiteyān ājuhāva śatakratuḥ //

went to unequalled joy, while the Dānavas' vigour was destroyed; then the Performer of a Hundred Sacrifices (Indra) summoned the Daityas to battle.

AI translation rendered from the Sanskrit, not a published edition

BrP 32.43

सह देवैर् मुदा युक्तो दानवाश् च तम् अभ्ययुः तेषां युद्धम् अभूद् घोरं देवानाम् असुरैः सह ॥

saha devair mudā yukto dānavāś ca tam abhyayuḥ teṣāṃ yuddham abhūd ghoraṃ devānām asuraiḥ saha //

Filled with gladness, together with the gods (he advanced), and the Dānavas came against him; a terrible battle took place between them, between the gods and the asuras,

AI translation rendered from the Sanskrit, not a published edition

BrP 32.44

शस्त्रास्त्रवृष्टिसंदीप्तसमस्तभुवनान्तरम् तस्मिन् युद्धे भगवता मार्तण्डेन निरीक्षिताः ॥

śastrāstravṛṣṭisaṃdīptasamastabhuvanāntaram tasmin yuddhe bhagavatā mārtaṇḍena nirīkṣitāḥ //

one in which the whole interior of the worlds blazed with the rain of weapons and missiles. In that battle they were looked upon by the lord Mārtaṇḍa,

AI translation rendered from the Sanskrit, not a published edition

BrP 32.45

तेजसा दह्यमानास् ते भस्मीभूता महासुराः ततः प्रहर्षम् अतुलं प्राप्ताः सर्वे दिवौकसः ॥

tejasā dahyamānās te bhasmībhūtā mahāsurāḥ tataḥ praharṣam atulaṃ prāptāḥ sarve divaukasaḥ //

and those great asuras, being burnt by his fiery energy, were reduced to ashes; thereupon all the dwellers in heaven attained unequalled joy.

AI translation rendered from the Sanskrit, not a published edition

BrP 32.46

तुष्टुवुस् तेजसां योनिं मार्तण्डम् अदितिं तथा स्वाधिकारांस् ततः प्राप्ता यज्ञभागांश् च पूर्ववत् ॥

tuṣṭuvus tejasāṃ yoniṃ mārtaṇḍam aditiṃ tathā svādhikārāṃs tataḥ prāptā yajñabhāgāṃś ca pūrvavat //

They praised Mārtaṇḍa, the source of the fiery energies, and Aditi likewise; then they regained their own offices and their shares of the sacrifice as before.

AI translation rendered from the Sanskrit, not a published edition

BrP 32.47

भगवान् अपि मार्तण्डः स्वाधिकारम् अथाकरोत् कदम्बपुष्पवद् भास्वान् अधश् चोर्ध्वं च रश्मिभिः वृतो ऽग्निपिण्डसदृशो दध्रे नातिस्फुटं वपुः ॥

bhagavān api mārtaṇḍaḥ svādhikāram athākarot kadambapuṣpavad bhāsvān adhaś cordhvaṃ ca raśmibhiḥ vṛto 'gnipiṇḍasadṛśo dadhre nātisphuṭaṃ vapuḥ //

The lord Mārtaṇḍa too then carried out his own office: shining like a kadamba flower, encircled below and above with his rays, resembling a ball of fire, he bore a form that was not very distinct.

AI translation rendered from the Sanskrit, not a published edition

BrP 32.48

कथं कान्ततरं पश्चाद् रूपं संलब्धवान् रविः कदम्बगोलकाकारं तन् मे ब्रूहि जगत्पते ॥

kathaṃ kāntataraṃ paścād rūpaṃ saṃlabdhavān raviḥ kadambagolakākāraṃ tan me brūhi jagatpate //

"How did the sun afterwards obtain a more lovely form, (having had one) shaped like a kadamba ball? Tell me that, lord of the world."

AI translation rendered from the Sanskrit, not a published edition

BrP 32.49

त्वष्टा तस्मै ददौ कन्यां संज्ञां नाम विवस्वते प्रसाद्य प्रणतो भूत्वा विश्वकर्मा प्रजापतिः ॥

tvaṣṭā tasmai dadau kanyāṃ saṃjñāṃ nāma vivasvate prasādya praṇato bhūtvā viśvakarmā prajāpatiḥ //

Tvaṣṭṛ, that is Viśvakarman the Prajāpati, having propitiated him and bowed low, gave his daughter named Saṃjñā to that Vivasvat.

AI translation rendered from the Sanskrit, not a published edition

BrP 32.50

त्रीण्य् अपत्यान्य् असौ तस्यां जनयाम् आस गोपतिः द्वौ पुत्रौ सुमहाभागौ कन्यां च यमुनां तथा ॥

trīṇy apatyāny asau tasyāṃ janayām āsa gopatiḥ dvau putrau sumahābhāgau kanyāṃ ca yamunāṃ tathā //

That lord of rays begot three children on her: two sons of very great fortune, and a daughter, Yamunā.

AI translation rendered from the Sanskrit, not a published edition

BrP 32.51

यत् तेजो ऽभ्यधिकं तस्य मार्तण्डस्य विवस्वतः तेनातितापयाम् आस त्रींल् लोकान् सचराचरान् ॥

yat tejo 'bhyadhikaṃ tasya mārtaṇḍasya vivasvataḥ tenātitāpayām āsa trīṃl lokān sacarācarān //

With that excessive fiery energy of his, of Mārtaṇḍa Vivasvat, he scorched the three worlds with all that moves and does not move.

AI translation rendered from the Sanskrit, not a published edition

BrP 32.52

तद् रूपं गोलकाकारं दृष्ट्वा संज्ञा विवस्वतः असहन्ती महत् तेजः स्वां छायां वाक्यम् अब्रवीत् ॥

tad rūpaṃ golakākāraṃ dṛṣṭvā saṃjñā vivasvataḥ asahantī mahat tejaḥ svāṃ chāyāṃ vākyam abravīt //

Seeing that ball-shaped form of Vivasvat, Saṃjñā, unable to endure the great heat, spoke these words to her own shadow (Chāyā):

AI translation rendered from the Sanskrit, not a published edition

BrP 32.53

अहं यास्यामि भद्रं ते स्वम् एव भवनं पितुः निर्विकारं त्वयात्रैव स्थेयं मच्छासनाच् छुभे ॥

ahaṃ yāsyāmi bhadraṃ te svam eva bhavanaṃ pituḥ nirvikāraṃ tvayātraiva stheyaṃ macchāsanāc chubhe //

"I shall go — blessings on you — to my own father's house; you must remain here unchanged, by my command, O fair one.

AI translation rendered from the Sanskrit, not a published edition

BrP 32.54

इमौ च बालकौ मह्यं कन्या च वरवर्णिनी संभाव्या नैव चाख्येयम् इदं भगवते त्वया ॥

imau ca bālakau mahyaṃ kanyā ca varavarṇinī saṃbhāvyā naiva cākhyeyam idaṃ bhagavate tvayā //

And these two boys of mine, and the daughter of lovely colour, are to be cared for, and this must not be disclosed by you to the lord."

AI translation rendered from the Sanskrit, not a published edition

BrP 32.55

आ कचग्रहणाद् देवि आ शापान् नैव कर्हिचित् आख्यास्यामि मतं तुभ्यं गम्यतां यत्र वाञ्छितम् ॥

ā kacagrahaṇād devi ā śāpān naiva karhicit ākhyāsyāmi mataṃ tubhyaṃ gamyatāṃ yatra vāñchitam //

"Short of being seized by the hair, O goddess, and short of a curse, I shall never disclose your intention; go where you wish."

AI translation rendered from the Sanskrit, not a published edition

BrP 32.56

इत्य् उक्ता व्रीडिता संज्ञा जगाम पितृमन्दिरम् वत्सराणां सहस्रं तु वसमाना पितुर् गृहे ॥

ity uktā vrīḍitā saṃjñā jagāma pitṛmandiram vatsarāṇāṃ sahasraṃ tu vasamānā pitur gṛhe //

Addressed thus, Saṃjñā went ashamed to her father's mansion, and dwelt in her father's house for a thousand years.

AI translation rendered from the Sanskrit, not a published edition

BrP 32.57

भर्तुः समीपं याहीति पित्रोक्ता सा पुनः पुनः आगच्छद् वडवा भूत्वा कुरून् अथोत्तरांस् ततः ॥

bhartuḥ samīpaṃ yāhīti pitroktā sā punaḥ punaḥ āgacchad vaḍavā bhūtvā kurūn athottarāṃs tataḥ //

Told by her father again and again, "Go to your husband," she came, having become a mare, to the Northern Kurus.

AI translation rendered from the Sanskrit, not a published edition

BrP 32.58

तत्र तेपे तपः साध्वी निराहारा द्विजोत्तमाः पितुः समीपं यातायां संज्ञायां वाक्यतत्परा ॥

tatra tepe tapaḥ sādhvī nirāhārā dvijottamāḥ pituḥ samīpaṃ yātāyāṃ saṃjñāyāṃ vākyatatparā //

There the virtuous woman practised austerity, taking no food, O best of the twice-born. When Saṃjñā had gone to her father's presence, (Chāyā,) intent on her words,

AI translation rendered from the Sanskrit, not a published edition

BrP 32.59

तद्रूपधारिणी छाया भास्करं समुपस्थिता तस्यां च भगवान् सूर्यः संज्ञेयम् इति चिन्तयन् ॥

tadrūpadhāriṇī chāyā bhāskaraṃ samupasthitā tasyāṃ ca bhagavān sūryaḥ saṃjñeyam iti cintayan //

bearing her form, presented herself before the maker of light; and the lord Sūrya, thinking of her, "This is Saṃjñā,"

AI translation rendered from the Sanskrit, not a published edition

BrP 32.60

तथैव जनयाम् आस द्वौ पुत्रौ कन्यकां तथा संज्ञा तु पार्थिवी तेषाम् आत्मजानां तथाकरोत् ॥

tathaiva janayām āsa dvau putrau kanyakāṃ tathā saṃjñā tu pārthivī teṣām ātmajānāṃ tathākarot //

begot on her likewise two sons and a daughter. But that Saṃjñā, being of earth, acted toward those children of hers

AI translation rendered from the Sanskrit, not a published edition — the model flagged this verse as uncertain

BrP 32.61

स्नेहं न पूर्वजातानां तथा कृतवती तु सा मनुस् तत् क्षान्तवांस् तस्या यमस् तस्या न चक्षमे ॥

snehaṃ na pūrvajātānāṃ tathā kṛtavatī tu sā manus tat kṣāntavāṃs tasyā yamas tasyā na cakṣame //

She showed no such affection for the earlier-born ones. Manu bore this from her, but Yama did not tolerate it from her.

AI translation rendered from the Sanskrit, not a published edition

BrP 32.62

बहुधा पीड्यमानस् तु पितुः पत्या सुदुःखितः स वै कोपाच् च बाल्याच् च भाविनो ऽर्थस्य वै बलात् पदा संतर्जयाम् आस न तु देहे न्यपातयत् ॥

bahudhā pīḍyamānas tu pituḥ patyā suduḥkhitaḥ sa vai kopāc ca bālyāc ca bhāvino 'rthasya vai balāt padā saṃtarjayām āsa na tu dehe nyapātayat //

Being tormented in many ways by his father's wife, and much grieved, he—out of anger, out of childishness, and by the force of what was destined to be—threatened (her) with his foot, but did not bring it down on her body.

AI translation rendered from the Sanskrit, not a published edition

BrP 32.63

पदा तर्जयसे यस्मात् पितुर् भार्यां गरीयसीम् तस्मात् तवैष चरणः पतिष्यति न संशयः ॥

padā tarjayase yasmāt pitur bhāryāṃ garīyasīm tasmāt tavaiṣa caraṇaḥ patiṣyati na saṃśayaḥ //

"Since you threaten with your foot your father's wife, who is worthy of greater honour, therefore this foot of yours shall fall off—there is no doubt."

AI translation rendered from the Sanskrit, not a published edition

BrP 32.64

यमस् तु तेन शापेन भृशं पीडितमानसः मनुना सह धर्मात्मा पित्रे सर्वं न्यवेदयत् ॥

yamas tu tena śāpena bhṛśaṃ pīḍitamānasaḥ manunā saha dharmātmā pitre sarvaṃ nyavedayat //

But Yama, his mind sorely afflicted by that curse, righteous as he was, reported everything to his father, together with Manu.

AI translation rendered from the Sanskrit, not a published edition

BrP 32.65

स्नेहेन तुल्यम् अस्मासु माता देव न वर्तते विसृज्य ज्यायसं भक्त्या कनीयांसं बुभूषति ॥

snehena tulyam asmāsu mātā deva na vartate visṛjya jyāyasaṃ bhaktyā kanīyāṃsaṃ bubhūṣati //

"Our mother does not behave with equal affection towards us, O god; setting aside the elder, she wishes to favour the younger with her devotion.

AI translation rendered from the Sanskrit, not a published edition

BrP 32.66

तस्यां मयोद्यतः पादो न तु देहे निपातितः बाल्याद् वा यदि वा मोहात् तद् भवान् क्षन्तुम् अर्हसि ॥

tasyāṃ mayodyataḥ pādo na tu dehe nipātitaḥ bālyād vā yadi vā mohāt tad bhavān kṣantum arhasi //

My foot was raised against her, but it was not brought down on her body—whether from childishness or from confusion, you ought to forgive that.

AI translation rendered from the Sanskrit, not a published edition

BrP 32.67

शप्तो ऽहं तात कोपेन जनन्या तनयो यतः ततो मन्ये न जननीम् इमां वै तपतां वर ॥

śapto 'haṃ tāta kopena jananyā tanayo yataḥ tato manye na jananīm imāṃ vai tapatāṃ vara //

I have been cursed in anger, father, by a mother, seeing that I am her son; therefore, best of the glowing ones, I do not consider this woman a mother.

AI translation rendered from the Sanskrit, not a published edition

BrP 32.68

तव प्रसादाच् चरणो भगवन् न पतेद् यथा मातृशापाद् अयं मे ऽद्य तथा चिन्तय गोपते ॥

tava prasādāc caraṇo bhagavan na pated yathā mātṛśāpād ayaṃ me 'dya tathā cintaya gopate //

By your grace, lord, let this foot of mine not fall today through the mother's curse—so consider (the matter), lord of cattle."

AI translation rendered from the Sanskrit, not a published edition

BrP 32.69

असंशयं महत् पुत्र भविष्यत्य् अत्र कारणम् येन त्वाम् आविशत् क्रोधो धर्मज्ञं धर्मशीलिनम् ॥

asaṃśayaṃ mahat putra bhaviṣyaty atra kāraṇam yena tvām āviśat krodho dharmajñaṃ dharmaśīlinam //

"Without doubt, son, there will be some great cause in this, by which anger entered you, who know the law and are of lawful conduct.

AI translation rendered from the Sanskrit, not a published edition

BrP 32.70

सर्वेषाम् एव शापानां प्रतिघातो हि विद्यते न तु मात्राभिशप्तानां क्वचिच् छापनिवर्तनम् ॥

sarveṣām eva śāpānāṃ pratighāto hi vidyate na tu mātrābhiśaptānāṃ kvacic chāpanivartanam //

For there is a counter-measure against all curses, but for those cursed by a mother there is nowhere any revoking of the curse.

AI translation rendered from the Sanskrit, not a published edition

BrP 32.71

न शक्यम् एतन् मिथ्या तु कर्तुं मातुर् वचस् तव किंचित् ते ऽहं विधास्यामि पुत्रस्नेहाद् अनुग्रहम् ॥

na śakyam etan mithyā tu kartuṃ mātur vacas tava kiṃcit te 'haṃ vidhāsyāmi putrasnehād anugraham //

This word of your mother cannot be made false; (yet) out of affection for a son I shall arrange some favour for you.

AI translation rendered from the Sanskrit, not a published edition

BrP 32.72

कृमयो मांसम् आदाय प्रयास्यन्ति महीतलम् कृतं तस्या वचः सत्यं त्वं च त्रातो भविष्यसि ॥

kṛmayo māṃsam ādāya prayāsyanti mahītalam kṛtaṃ tasyā vacaḥ satyaṃ tvaṃ ca trāto bhaviṣyasi //

Worms, taking the flesh, will go off into the ground; her word will have been made true, and you will be saved."

AI translation rendered from the Sanskrit, not a published edition

BrP 32.73

आदित्यस् त्व् अब्रवीच् छायां किमर्थं तनयेषु वै तुल्येष्व् अप्य् अधिकः स्नेह एकं प्रति कृतस् त्वया ॥

ādityas tv abravīc chāyāṃ kimarthaṃ tanayeṣu vai tulyeṣv apy adhikaḥ sneha ekaṃ prati kṛtas tvayā //

But the Sun said to Chāyā: "Why, when the sons are equal, has greater affection been shown by you towards one?

AI translation rendered from the Sanskrit, not a published edition

BrP 32.74

नूनं नैषां त्वं जननी संज्ञा कापि त्वम् आगता निर्गुणेष्व् अप्य् अपत्येषु माता शापं न दास्यति ॥

nūnaṃ naiṣāṃ tvaṃ jananī saṃjñā kāpi tvam āgatā nirguṇeṣv apy apatyeṣu mātā śāpaṃ na dāsyati //

Surely you are not their mother; you are some other woman come here as Saṃjñā—a mother will not give a curse even to children without merit."

AI translation rendered from the Sanskrit, not a published edition

BrP 32.75

सा तत्परिहरन्ती च शापाद् भीता तदा रवेः कथयाम् आस वृत्तान्तं स श्रुत्वा श्वशुरं ययौ ॥

sā tatpariharantī ca śāpād bhītā tadā raveḥ kathayām āsa vṛttāntaṃ sa śrutvā śvaśuraṃ yayau //

And she, evading that and then afraid of the Sun's curse, told him what had happened; hearing it, he went to his father-in-law.

AI translation rendered from the Sanskrit, not a published edition

BrP 32.76

स चापि तं यथान्यायम् अर्चयित्वा तदा रविम् निर्दग्धुकामं रोषेण सान्त्वयानस् तम् अब्रवीत् ॥

sa cāpi taṃ yathānyāyam arcayitvā tadā ravim nirdagdhukāmaṃ roṣeṇa sāntvayānas tam abravīt //

And he too, having then honoured that Sun as was proper, spoke to him, soothing him as he wished to burn (things) up in his rage:

AI translation rendered from the Sanskrit, not a published edition

BrP 32.77

तवातितेजसा व्याप्तम् इदं रूपं सुदुःसहम् असहन्ती तु तत् संज्ञा वने चरति वै तपः ॥

tavātitejasā vyāptam idaṃ rūpaṃ suduḥsaham asahantī tu tat saṃjñā vane carati vai tapaḥ //

"This form of yours, pervaded by your excessive heat, is very hard to bear; and Saṃjñā, unable to endure it, is practising austerity in the forest.

AI translation rendered from the Sanskrit, not a published edition

BrP 32.78

द्रक्ष्यते तां भवान् अद्य स्वां भार्यां शुभचारिणीम् रूपार्थं भवतो ऽरण्ये चरन्तीं सुमहत् तपः ॥

drakṣyate tāṃ bhavān adya svāṃ bhāryāṃ śubhacāriṇīm rūpārthaṃ bhavato 'raṇye carantīṃ sumahat tapaḥ //

You shall see her today, your own wife of good conduct, practising very great austerity in the wilderness for the sake of your form.

AI translation rendered from the Sanskrit, not a published edition

BrP 32.79

श्रुतं मे ब्रह्मणो वाक्यं तव तेजोवरोधने रूपं निर्वर्तयाम्य् अद्य तव कान्तं दिवस्पते ॥

śrutaṃ me brahmaṇo vākyaṃ tava tejovarodhane rūpaṃ nirvartayāmy adya tava kāntaṃ divaspate //

I have heard Brahmā's word about the restraining of your heat; today I shall fashion a lovely form for you, lord of heaven."

AI translation rendered from the Sanskrit, not a published edition

BrP 32.80

ततस् तथेति तं प्राह त्वष्टारं भगवान् रविः ततो विवस्वतो रूपं प्राग् आसीत् परिमण्डलम् ॥

tatas tatheti taṃ prāha tvaṣṭāraṃ bhagavān raviḥ tato vivasvato rūpaṃ prāg āsīt parimaṇḍalam //

Then the lord Sun said "So be it" to that Tvaṣṭṛ. Now formerly the form of Vivasvat had been a full sphere.

AI translation rendered from the Sanskrit, not a published edition

BrP 32.81

विश्वकर्मा त्व् अनुज्ञातः शाकद्वीपे विवस्वता भ्रमिम् आरोप्य तत्तेजःशातनायोपचक्रमे ॥

viśvakarmā tv anujñātaḥ śākadvīpe vivasvatā bhramim āropya tattejaḥśātanāyopacakrame //

Then Viśvakarman, permitted by Vivasvat, set up a lathe (grinding wheel) on Śākadvīpa and began to pare down his brilliance.

AI translation rendered from the Sanskrit, not a published edition

BrP 32.82

भ्रमताशेषजगतां नाभिभूतेन भास्वता समुद्राद्रिवनोपेता त्व् आरुरोह मही नभः ॥

bhramatāśeṣajagatāṃ nābhibhūtena bhāsvatā samudrādrivanopetā tv āruroha mahī nabhaḥ //

As the shining one, become the hub of all the worlds, spun round, the earth with its oceans, mountains and forests rose up into the sky.

AI translation rendered from the Sanskrit, not a published edition

BrP 32.83

गगनं चाखिलं विप्राः सचन्द्रग्रहतारकम् अधोगतं महाभागा बभूवाक्षिप्तम् आकुलम् ॥

gaganaṃ cākhilaṃ viprāḥ sacandragrahatārakam adhogataṃ mahābhāgā babhūvākṣiptam ākulam //

And the whole heaven, O brahmins, with its moon, planets and stars, went downward, O greatly fortunate ones, and became flung about and confused.

AI translation rendered from the Sanskrit, not a published edition

BrP 32.84

विक्षिप्तसलिलाः सर्वे बभूवुश् च तथार्णवाः व्यभिद्यन्त महाशैलाः शीर्णसानुनिबन्धनाः ॥

vikṣiptasalilāḥ sarve babhūvuś ca tathārṇavāḥ vyabhidyanta mahāśailāḥ śīrṇasānunibandhanāḥ //

And all the oceans had their waters flung out, and the great mountains split apart, the bonds of their peaks shattered.

AI translation rendered from the Sanskrit, not a published edition

BrP 32.85

ध्रुवाधाराण्य् अशेषाणि धिष्ण्यानि मुनिसत्तमाः त्रुट्यद्रश्मिनिबन्धीनि बन्धनानि अधो ययुः ॥

dhruvādhārāṇy aśeṣāṇi dhiṣṇyāni munisattamāḥ truṭyadraśminibandhīni bandhanāni adho yayuḥ //

All the stellar abodes that are fixed to Dhruva, O best of sages, their bindings held by rays snapping, went downward.

AI translation rendered from the Sanskrit, not a published edition — the model flagged this verse as uncertain

BrP 32.86

वेगभ्रमणसंपातवायुक्षिप्ताः सहस्रशः व्यशीर्यन्त महामेघा घोरारावविराविणः ॥

vegabhramaṇasaṃpātavāyukṣiptāḥ sahasraśaḥ vyaśīryanta mahāmeghā ghorārāvavirāviṇaḥ //

Flung about in thousands by the wind of the collision of that rapid whirling, great clouds, roaring with terrible noise, were torn apart.

AI translation rendered from the Sanskrit, not a published edition

BrP 32.87

भास्वद्भ्रमणविभ्रान्तभूम्याकाशरसातलम् जगद् आकुलम् अत्यर्थं तदासीन् मुनिसत्तमाः ॥

bhāsvadbhramaṇavibhrāntabhūmyākāśarasātalam jagad ākulam atyarthaṃ tadāsīn munisattamāḥ //

With earth, sky and the nether world set reeling by the whirling of the shining one, the world was then exceedingly disordered, O best of sages.

AI translation rendered from the Sanskrit, not a published edition

BrP 32.88

त्रैलोक्यम् आकुलं वीक्ष्य भ्रममाणं सुरर्षयः देवाश् च ब्रह्मणा सार्धं भास्वन्तम् अभितुष्टुवुः ॥

trailokyam ākulaṃ vīkṣya bhramamāṇaṃ surarṣayaḥ devāś ca brahmaṇā sārdhaṃ bhāsvantam abhituṣṭuvuḥ //

Seeing the three worlds disordered and spinning, the divine seers and the gods together with Brahmā praised the shining one.

AI translation rendered from the Sanskrit, not a published edition

BrP 32.89

आदिदेवो ऽसि देवानां जातस् त्वं भूतये भुवः सर्गस्थित्यन्तकालेषु त्रिधा भेदेन तिष्ठसि ॥

ādidevo 'si devānāṃ jātas tvaṃ bhūtaye bhuvaḥ sargasthityantakāleṣu tridhā bhedena tiṣṭhasi //

"You are the first god of the gods; you were born for the welfare of the earth. At the times of creation, preservation and end you abide in a threefold division."

AI translation rendered from the Sanskrit, not a published edition

BrP 32.90

स्वस्ति ते ऽस्तु जगन्नाथ घर्मवर्षदिवाकर इन्द्रादयस् तदा देवा लिख्यमानम् अथास्तुवन् ॥

svasti te 'stu jagannātha gharmavarṣadivākara indrādayas tadā devā likhyamānam athāstuvan //

"May there be well-being for you, lord of the world, maker of day, of heat and of rain!" Thus then Indra and the other gods praised him as he was being pared down.

AI translation rendered from the Sanskrit, not a published edition

BrP 32.91

जय देव जगत्स्वामिञ् जयाशेषजगत्पते ऋषयश् च ततः सप्त वसिष्ठात्रिपुरोगमाः ॥

jaya deva jagatsvāmiñ jayāśeṣajagatpate ṛṣayaś ca tataḥ sapta vasiṣṭhātripurogamāḥ //

"Victory, O god, lord of the world! Victory, O master of the entire universe!" And then the seven seers, led by Vasiṣṭha and Atri,

AI translation rendered from the Sanskrit, not a published edition

BrP 32.92

तुष्टुवुर् विविधैः स्तोत्रैः स्वस्ति स्वस्तीतिवादिनः वेदोक्तिभिर् अथाग्र्याभिर् वालखिल्याश् च तुष्टुवुः ॥

tuṣṭuvur vividhaiḥ stotraiḥ svasti svastītivādinaḥ vedoktibhir athāgryābhir vālakhilyāś ca tuṣṭuvuḥ //

praised (him) with various hymns, saying "Hail, hail!"; and the Vālakhilyas too praised (him) with foremost utterances of the Veda.

AI translation rendered from the Sanskrit, not a published edition

BrP 32.93

अग्निर् आद्याश् च भास्वन्तं लिख्यमानं मुदा युताः त्वं नाथ मोक्षिणां मोक्षो ध्येयस् त्वं ध्यानिनां परः ॥

agnir ādyāś ca bhāsvantaṃ likhyamānaṃ mudā yutāḥ tvaṃ nātha mokṣiṇāṃ mokṣo dhyeyas tvaṃ dhyānināṃ paraḥ //

And Agni and the others, filled with joy, (praised) the shining one as he was being pared: "You, Lord, are liberation for those seeking release; you are the supreme object of meditation for meditators."

AI translation rendered from the Sanskrit, not a published edition

BrP 32.94

त्वं गतिः सर्वभूतानां कर्मकाण्डविवर्तिनाम् संपूज्यस् त्वं तु देवेश शं नो ऽस्तु जगतां पते ॥

tvaṃ gatiḥ sarvabhūtānāṃ karmakāṇḍavivartinām saṃpūjyas tvaṃ tu deveśa śaṃ no 'stu jagatāṃ pate //

"You are the goal of all beings who move within the domain of ritual action; you indeed are to be worshipped, O lord of gods. May there be peace for us, O master of the worlds!"

AI translation rendered from the Sanskrit, not a published edition

BrP 32.95

शं नो ऽस्तु द्विपदे नित्यं शं नश् चास्तु चतुष्पदे ततो विद्याधरगणा यक्षराक्षसपन्नगाः ॥

śaṃ no 'stu dvipade nityaṃ śaṃ naś cāstu catuṣpade tato vidyādharagaṇā yakṣarākṣasapannagāḥ //

"May there ever be peace for our two-footed, and may there be peace for our four-footed!" Then the hosts of Vidyādharas, the Yakṣas, Rākṣasas and serpents,

AI translation rendered from the Sanskrit, not a published edition

BrP 32.96

कृताञ्जलिपुटाः सर्वे शिरोभिः प्रणता रविम् ऊचुस् ते विविधा वाचो मनःश्रोत्रसुखावहाः ॥

kṛtāñjalipuṭāḥ sarve śirobhiḥ praṇatā ravim ūcus te vividhā vāco manaḥśrotrasukhāvahāḥ //

all with hands folded in reverence, bowed down with their heads before the sun, spoke various words that brought pleasure to the mind and the ear:

AI translation rendered from the Sanskrit, not a published edition

BrP 32.97

सह्यं भवतु तेजस् ते भूतानां भूतभावन ततो हाहाहूहूश् चैव नारदस् तुम्बुरुस् तथा ॥

sahyaṃ bhavatu tejas te bhūtānāṃ bhūtabhāvana tato hāhāhūhūś caiva nāradas tumburus tathā //

"May your brilliance be bearable for beings, O creator of beings!" Then Hāhā and Hūhū, and Nārada and Tumburu likewise,

AI translation rendered from the Sanskrit, not a published edition

BrP 32.98

उपगायितुम् आरब्धा गान्धर्वकुशला रविम् षड्जमध्यमगान्धारगानत्रयविशारदाः ॥

upagāyitum ārabdhā gāndharvakuśalā ravim ṣaḍjamadhyamagāndhāragānatrayaviśāradāḥ //

skilled in gandharva music, expert in the three songs of ṣaḍja, madhyama and gāndhāra, began to sing to the sun,

AI translation rendered from the Sanskrit, not a published edition

BrP 32.99

मूर्छनाभिश् च तालैश् च संप्रयोगैः सुखप्रदम् विश्वाची च घृताची च उर्वश्य् अथ तिलोत्तमाः ॥

mūrchanābhiś ca tālaiś ca saṃprayogaiḥ sukhapradam viśvācī ca ghṛtācī ca urvaśy atha tilottamāḥ //

(a song) giving delight through modal scales, rhythms and their combinations; and Viśvācī and Ghṛtācī, Urvaśī and Tilottamā,

AI translation rendered from the Sanskrit, not a published edition

BrP 32.100

मेनका सहजन्या च रम्भा चाप्सरसां वरा ननृतुर् जगताम् ईशे लिख्यमाने विभावसौ ॥

menakā sahajanyā ca rambhā cāpsarasāṃ varā nanṛtur jagatām īśe likhyamāne vibhāvasau //

Menakā and Sahajanyā and Rambhā, the best of the apsarases, danced while the lord of the worlds, the radiant one, was being pared down.

AI translation rendered from the Sanskrit, not a published edition

BrP 32.101

भावहावविलासाद्यान् कुर्वत्यो ऽभिनयान् बहून् प्रावाद्यन्त ततस् तत्र वीणा वेण्वादिझर्झराः ॥

bhāvahāvavilāsādyān kurvatyo 'bhinayān bahūn prāvādyanta tatas tatra vīṇā veṇvādijharjharāḥ //

Performing many gestures of expression—emotion, coquetry, playful grace and the rest—there then sounded forth lutes, flutes and jharjhara drums,

AI translation rendered from the Sanskrit, not a published edition

BrP 32.102

पणवाः पुष्कराश् चैव मृदङ्गाः पटहानकाः देवदुन्दुभयः शङ्खाः शतशो ऽथ सहस्रशः ॥

paṇavāḥ puṣkarāś caiva mṛdaṅgāḥ paṭahānakāḥ devadundubhayaḥ śaṅkhāḥ śataśo 'tha sahasraśaḥ //

and paṇava drums and puṣkaras, mṛdaṅgas, paṭahas and ānakas, divine kettledrums and conches, by hundreds and by thousands.

AI translation rendered from the Sanskrit, not a published edition

BrP 32.103

गायद्भिश् चैव नृत्यद्भिर् गन्धर्वैर् अप्सरोगणैः तूर्यवादित्रघोषैश् च सर्वं कोलाहलीकृतम् ॥

gāyadbhiś caiva nṛtyadbhir gandharvair apsarogaṇaiḥ tūryavāditraghoṣaiś ca sarvaṃ kolāhalīkṛtam //

With the Gandharvas and the hosts of Apsarases singing and dancing, and with the noise of trumpets and instruments, everything was turned into an uproar.

AI translation rendered from the Sanskrit, not a published edition

BrP 32.104

ततः कृताञ्जलिपुटा भक्तिनम्रात्ममूर्तयः लिख्यमानं सहस्रांशुं प्रणेमुः सर्वदेवताः ॥

tataḥ kṛtāñjalipuṭā bhaktinamrātmamūrtayaḥ likhyamānaṃ sahasrāṃśuṃ praṇemuḥ sarvadevatāḥ //

Then all the gods, with hands joined in cupped salutation, their bodies bowed in devotion, made obeisance to the thousand-rayed one as he was being portrayed.

AI translation rendered from the Sanskrit, not a published edition

BrP 32.105

ततः कोलाहले तस्मिन् सर्वदेवसमागमे तेजसः शातनं चक्रे विश्वकर्मा शनैः शनैः ॥

tataḥ kolāhale tasmin sarvadevasamāgame tejasaḥ śātanaṃ cakre viśvakarmā śanaiḥ śanaiḥ //

Then, amid that uproar, in that assembly of all the gods, Viśvakarman little by little pared away the (Sun's) fiery brilliance.

AI translation rendered from the Sanskrit, not a published edition

BrP 32.106

आजानुलिखितश् चासौ निपुणं विश्वकर्मणा नाभ्यनन्दत् तु लिखनं ततस् तेनावतारितः ॥

ājānulikhitaś cāsau nipuṇaṃ viśvakarmaṇā nābhyanandat tu likhanaṃ tatas tenāvatāritaḥ //

And he was skilfully portrayed by Viśvakarman as far as the knees; but (the Sun) did not approve of the drawing, and thereupon it was taken down by him.

AI translation rendered from the Sanskrit, not a published edition

BrP 32.107

न तु निर्भर्त्सितं रूपं तेजसो हननेन तु कान्तात् कान्ततरं रूपम् अधिकं शुशुभे ततः ॥

na tu nirbhartsitaṃ rūpaṃ tejaso hananena tu kāntāt kāntataraṃ rūpam adhikaṃ śuśubhe tataḥ //

Yet the form was not marred by the destruction of its brilliance; on the contrary, the form shone the more, lovelier than lovely.

AI translation rendered from the Sanskrit, not a published edition

BrP 32.108

इति हिमजलघर्मकालहेतोर् हरकमलासनविष्णुसंस्तुतस्य तदुपरि लिखनं निशम्य भानोर् व्रजति दिवाकरलोकम् आयुषो ऽन्ते

iti himajalagharmakālahetor harakamalāsanaviṣṇusaṃstutasya tadupari likhanaṃ niśamya bhānor vrajati divākaralokam āyuṣo 'nte

Thus, whoever hears the drawing of him upon it—of the Sun, who is the cause of cold, water, heat and time, praised by Hara, by the lotus-seated one and by Viṣṇu—goes at the end of his life to the world of the day-maker.

AI translation rendered from the Sanskrit, not a published edition — the model flagged this verse as uncertain

BrP 32.109

एवं जन्म रवेः पूर्वं बभूव मुनिसत्तमाः रूपं च परमं तस्य मया संपरिकीर्तितम् ॥

evaṃ janma raveḥ pūrvaṃ babhūva munisattamāḥ rūpaṃ ca paramaṃ tasya mayā saṃparikīrtitam //

Thus was the Sun's birth of old, O best of sages, and his supreme form has been fully declared by me.

AI translation rendered from the Sanskrit, not a published edition