Brahma Purana — Chapter 30
BrP 30.1
अहो देवस्य माहात्म्यं श्रुतम् एवं जगत्पते भास्करस्य सुरश्रेष्ठ वदतस् तेषु दुर्लभम् ॥
aho devasya māhātmyaṃ śrutam evaṃ jagatpate bhāskarasya suraśreṣṭha vadatas teṣu durlabham //
Ah, the greatness of the god, of the sun, has thus been heard, O lord of the world, O best of the gods — hard to obtain among those (accounts), as you tell it.
AI translation rendered from the Sanskrit, not a published edition — the model flagged this verse as uncertain
BrP 30.2
भूयः प्रब्रूहि देवेश यत् पृच्छामो जगत्पते श्रोतुम् इच्छामहे ब्रह्मन् परं कौतूहलं हि नः ॥
bhūyaḥ prabrūhi deveśa yat pṛcchāmo jagatpate śrotum icchāmahe brahman paraṃ kautūhalaṃ hi naḥ //
Speak further, O lord of the gods, what we ask, O lord of the world; we wish to hear, O brahman, for our curiosity is great.
AI translation rendered from the Sanskrit, not a published edition
BrP 30.3
गृहस्थो ब्रह्मचारी च वानप्रस्थो ऽथ भिक्षुकः य इच्छेन् मोक्षम् आस्थातुं देवतां कां यजेत सः ॥
gṛhastho brahmacārī ca vānaprastho 'tha bhikṣukaḥ ya icchen mokṣam āsthātuṃ devatāṃ kāṃ yajeta saḥ //
A householder, a student of the Veda, a forest-dweller, or a mendicant — he who wishes to be established in liberation, which deity should he worship?
AI translation rendered from the Sanskrit, not a published edition
BrP 30.4
कुतो ह्य् अस्याक्षयः स्वर्गः कुतो निःश्रेयसं परम् स्वर्गतश् चैव किं कुर्याद् येन न च्यवते पुनः ॥
kuto hy asyākṣayaḥ svargaḥ kuto niḥśreyasaṃ param svargataś caiva kiṃ kuryād yena na cyavate punaḥ //
From what (source) comes for him an imperishable heaven, from what the highest good? And, having gone to heaven, what should he do, whereby he does not fall again?
AI translation rendered from the Sanskrit, not a published edition
BrP 30.5
देवानां चात्र को देवः पितॄणां चैव कः पिता यस्मात् परतरं नास्ति तन् मे ब्रूहि सुरेश्वर ॥
devānāṃ cātra ko devaḥ pitṝṇāṃ caiva kaḥ pitā yasmāt parataraṃ nāsti tan me brūhi sureśvara //
And who here is the god of the gods, and who is the father of the fathers, than whom there is nothing higher? Tell me that, O lord of the gods.
AI translation rendered from the Sanskrit, not a published edition
BrP 30.6
कुतः सृष्टम् इदं विश्वं सर्वं स्थावरजङ्गमम् प्रलये च कम् अभ्येति तद् भवान् वक्तुम् अर्हति ॥
kutaḥ sṛṣṭam idaṃ viśvaṃ sarvaṃ sthāvarajaṅgamam pralaye ca kam abhyeti tad bhavān vaktum arhati //
From what was this whole universe, moving and unmoving, created, and to whom does it go at the dissolution? You ought to tell that.
AI translation rendered from the Sanskrit, not a published edition
BrP 30.7
उद्यन्न् एवैष कुरुते जगद् वितिमिरं करैः नातः परतरो देवः कश्चिद् अन्यो द्विजोत्तमाः ॥
udyann evaiṣa kurute jagad vitimiraṃ karaiḥ nātaḥ parataro devaḥ kaścid anyo dvijottamāḥ //
Merely by rising, he makes the world free of darkness with his rays; there is no other god higher than he, O best of the twice-born.
AI translation rendered from the Sanskrit, not a published edition
BrP 30.8
अनादिनिधनो ह्य् एष पुरुषः शाश्वतो ऽव्ययः तापयत्य् एष त्रींल् लोकान् भवन् रश्मिभिर् उल्बणः ॥
anādinidhano hy eṣa puruṣaḥ śāśvato 'vyayaḥ tāpayaty eṣa trīṃl lokān bhavan raśmibhir ulbaṇaḥ //
For this Person is without beginning or end, eternal, undecaying; becoming fierce, he heats the three worlds with his rays.
AI translation rendered from the Sanskrit, not a published edition
BrP 30.9
सर्वदेवमयो ह्य् एष तपतां तपनो वरः सर्वस्य जगतो नाथः सर्वसाक्षी जगत्पतिः ॥
sarvadevamayo hy eṣa tapatāṃ tapano varaḥ sarvasya jagato nāthaḥ sarvasākṣī jagatpatiḥ //
For he consists of all the gods, the best heater among those that heat; the lord of the whole world, the witness of all, the master of the world.
AI translation rendered from the Sanskrit, not a published edition
BrP 30.10
संक्षिपत्य् एष भूतानि तथा विसृजते पुनः एष भाति तपत्य् एष वर्षत्य् एष गभस्तिभिः ॥
saṃkṣipaty eṣa bhūtāni tathā visṛjate punaḥ eṣa bhāti tapaty eṣa varṣaty eṣa gabhastibhiḥ //
He draws in the beings and again sends them forth; he shines, he heats, he rains with his beams.
AI translation rendered from the Sanskrit, not a published edition
BrP 30.11
एष धाता विधाता च भूतादिर् भूतभावनः न ह्य् एष क्षयम् आयाति नित्यम् अक्षयमण्डलः ॥
eṣa dhātā vidhātā ca bhūtādir bhūtabhāvanaḥ na hy eṣa kṣayam āyāti nityam akṣayamaṇḍalaḥ //
He is the establisher and the ordainer, the origin of beings and the bringer-into-being of beings; he does not come to decay, for his orb is eternally undecaying.
AI translation rendered from the Sanskrit, not a published edition
BrP 30.12
पितॄणां च पिता ह्य् एष देवतानां हि देवता ध्रुवं स्थानं स्मृतं ह्य् एतद् यस्मान् न च्यवते पुनः ॥
pitṝṇāṃ ca pitā hy eṣa devatānāṃ hi devatā dhruvaṃ sthānaṃ smṛtaṃ hy etad yasmān na cyavate punaḥ //
He indeed is the father of the fathers and the deity of the deities; and this is called the fixed abode, since from it (one) does not fall again.
AI translation rendered from the Sanskrit, not a published edition
BrP 30.13
सर्गकाले जगत् कृत्स्नम् आदित्यात् संप्रसूयते प्रलये च तम् अभ्येति भास्करं दीप्ततेजसम् ॥
sargakāle jagat kṛtsnam ādityāt saṃprasūyate pralaye ca tam abhyeti bhāskaraṃ dīptatejasam //
At the time of creation the whole world is brought forth from the sun, and at the dissolution it goes into him, the maker of light, of blazing radiance.
AI translation rendered from the Sanskrit, not a published edition
BrP 30.14
योगिनश् चाप्य् असंख्यातास् त्यक्त्वा गृहकलेवरम् वायुर् भूत्वा विशन्त्य् अस्मिंस् तेजोराशौ दिवाकरे ॥
yoginaś cāpy asaṃkhyātās tyaktvā gṛhakalevaram vāyur bhūtvā viśanty asmiṃs tejorāśau divākare //
And countless yogins, having abandoned the body that is (their) house, becoming wind, enter into this mass of light, the day-maker.
AI translation rendered from the Sanskrit, not a published edition
BrP 30.15
अस्य रश्मिसहस्राणि शाखा इव विहंगमाः वसन्त्य् आश्रित्य मुनयः संसिद्धा दैवतैः सह ॥
asya raśmisahasrāṇi śākhā iva vihaṃgamāḥ vasanty āśritya munayaḥ saṃsiddhā daivataiḥ saha //
His thousands of rays are like branches; taking refuge in them, sages who have attained perfection dwell there, together with the gods, like birds.
AI translation rendered from the Sanskrit, not a published edition
BrP 30.16
गृहस्था जनकाद्याश् च राजानो योगधर्मिणः वालखिल्यादयश् चैव ऋषयो ब्रह्मवादिनः ॥
gṛhasthā janakādyāś ca rājāno yogadharmiṇaḥ vālakhilyādayaś caiva ṛṣayo brahmavādinaḥ //
Householders such as Janaka, kings whose duty is yoga, and also the seers who speak of brahman, such as the Vālakhilyas—
AI translation rendered from the Sanskrit, not a published edition
BrP 30.17
वानप्रस्थाश् च ये चान्ये व्यासाद्या भिक्षवस् तथा योगम् आस्थाय सर्वे ते प्रविष्टाः सूर्यमण्डलम् ॥
vānaprasthāś ca ye cānye vyāsādyā bhikṣavas tathā yogam āsthāya sarve te praviṣṭāḥ sūryamaṇḍalam //
and forest-dwellers, and those others who are mendicants, such as Vyāsa—all these, having established themselves in yoga, have entered the sun's orb.
AI translation rendered from the Sanskrit, not a published edition
BrP 30.18
शुको व्याससुतः श्रीमान् योगधर्मम् अवाप्य सः आदित्यकिरणान् गत्वा ह्य् अपुनर्भावम् आस्थितः ॥
śuko vyāsasutaḥ śrīmān yogadharmam avāpya saḥ ādityakiraṇān gatvā hy apunarbhāvam āsthitaḥ //
Śuka, the illustrious son of Vyāsa, having attained the discipline of yoga, went to the sun's rays and reached the state of no further becoming.
AI translation rendered from the Sanskrit, not a published edition
BrP 30.19
शब्दमात्रश्रुतिमुखा ब्रह्मविष्णुशिवादयः प्रत्यक्षो ऽयं परो देवः सूर्यस् तिमिरनाशनः ॥
śabdamātraśrutimukhā brahmaviṣṇuśivādayaḥ pratyakṣo 'yaṃ paro devaḥ sūryas timiranāśanaḥ //
Brahmā, Viṣṇu, Śiva and the rest are known only through the hearing of mere words; this supreme god, the sun, destroyer of darkness, is directly visible.
AI translation rendered from the Sanskrit, not a published edition
BrP 30.20
तस्माद् अन्यत्र भक्तिर् हि न कार्या शुभम् इच्छता यस्माद् दृष्टेर् अगम्यास् ते देवा विष्णुपुरोगमाः ॥
tasmād anyatra bhaktir hi na kāryā śubham icchatā yasmād dṛṣṭer agamyās te devā viṣṇupurogamāḥ //
Therefore devotion should not be directed elsewhere by one who desires the good, since those gods, headed by Viṣṇu, are beyond the reach of sight.
AI translation rendered from the Sanskrit, not a published edition
BrP 30.21
अतो भवद्भिः सततम् अभ्यर्च्यो भगवान् रविः स हि माता पिता चैव कृत्स्नस्य जगतो गुरुः ॥
ato bhavadbhiḥ satatam abhyarcyo bhagavān raviḥ sa hi mātā pitā caiva kṛtsnasya jagato guruḥ //
Hence the lord sun is always to be worshipped by you; for he is mother and father and the teacher of the whole world.
AI translation rendered from the Sanskrit, not a published edition
BrP 30.22
अनाद्यो लोकनाथो ऽसौ रश्मिमाली जगत्पतिः मित्रत्वे च स्थितो यस्मात् तपस् तेपे द्विजोत्तमाः ॥
anādyo lokanātho 'sau raśmimālī jagatpatiḥ mitratve ca sthito yasmāt tapas tepe dvijottamāḥ //
He is without beginning, lord of the worlds, garlanded with rays, master of the universe; and since he stood in friendship, he performed ascetic practice, O best of twice-born.
AI translation rendered from the Sanskrit, not a published edition — the model flagged this verse as uncertain
BrP 30.23
अनादिनिधनो ब्रह्मा नित्यश् चाक्षय एव च सृष्ट्वा ससागरान् द्वीपान् भुवनानि चतुर्दश ॥
anādinidhano brahmā nityaś cākṣaya eva ca sṛṣṭvā sasāgarān dvīpān bhuvanāni caturdaśa //
Brahmā, without beginning or end, eternal and indeed undecaying, having created the continents with their oceans and the fourteen worlds—
AI translation rendered from the Sanskrit, not a published edition
BrP 30.24
लोकानां स हितार्थाय स्थितश् चन्द्रसरित्तटे सृष्ट्वा प्रजापतीन् सर्वान् सृष्ट्वा च विविधाः प्रजाः ॥
lokānāṃ sa hitārthāya sthitaś candrasarittaṭe sṛṣṭvā prajāpatīn sarvān sṛṣṭvā ca vividhāḥ prajāḥ //
for the benefit of the worlds he took his station on the bank of the Candrā river, having created all the Prajāpatis and having created creatures of many kinds.
AI translation rendered from the Sanskrit, not a published edition
BrP 30.25
ततः शतसहस्रांशुर् अव्यक्तश् च पुनः स्वयम् कृत्वा द्वादशधात्मानम् आदित्यम् उपपद्यते ॥
tataḥ śatasahasrāṃśur avyaktaś ca punaḥ svayam kṛtvā dvādaśadhātmānam ādityam upapadyate //
Then the unmanifest one of a hundred thousand rays, himself again making his own self twelvefold, comes to be the Āditya (sun).
AI translation rendered from the Sanskrit, not a published edition
BrP 30.26
इन्द्रो धाताथ पर्जन्यस् त्वष्टा पूषार्यमा भगः विवस्वान् विष्णुर् अंशश् च वरुणो मित्र एव च ॥
indro dhātātha parjanyas tvaṣṭā pūṣāryamā bhagaḥ vivasvān viṣṇur aṃśaś ca varuṇo mitra eva ca //
Indra, Dhātā, then Parjanya, Tvaṣṭā, Pūṣā, Aryamā, Bhaga, Vivasvān, Viṣṇu, Aṃśa, Varuṇa, and Mitra.
AI translation rendered from the Sanskrit, not a published edition
BrP 30.27
आभिर् द्वादशभिस् तेन सूर्येण परमात्मना कृत्स्नं जगद् इदं व्याप्तं मूर्तिभिश् च द्विजोत्तमाः ॥
ābhir dvādaśabhis tena sūryeṇa paramātmanā kṛtsnaṃ jagad idaṃ vyāptaṃ mūrtibhiś ca dvijottamāḥ //
By that sun, the supreme self, with these twelve forms, this whole world is pervaded, O best of twice-born.
AI translation rendered from the Sanskrit, not a published edition
BrP 30.28
तस्य या प्रथमा मूर्तिर् आदित्यस्येन्द्रसंज्ञिता स्थिता सा देवराजत्वे देवानां रिपुनाशिनी ॥
tasya yā prathamā mūrtir ādityasyendrasaṃjñitā sthitā sā devarājatve devānāṃ ripunāśinī //
That first form of the sun which is named Indra abides in the kingship of the gods, destroying the enemies of the gods.
AI translation rendered from the Sanskrit, not a published edition
BrP 30.29
द्वितीया तस्य या मूर्तिर् नाम्ना धातेति कीर्तिता स्थिता प्रजापतित्वेन विविधाः सृजते प्रजाः ॥
dvitīyā tasya yā mūrtir nāmnā dhāteti kīrtitā sthitā prajāpatitvena vividhāḥ sṛjate prajāḥ //
That second form of his which is proclaimed by the name Dhātā abides as Prajāpati and creates creatures of many kinds.
AI translation rendered from the Sanskrit, not a published edition
BrP 30.30
तृतीयार्कस्य या मूर्तिः पर्जन्य इति विश्रुता मेघेष्व् एव स्थिता सा तु वर्षते च गभस्तिभिः ॥
tṛtīyārkasya yā mūrtiḥ parjanya iti viśrutā megheṣv eva sthitā sā tu varṣate ca gabhastibhiḥ //
That third form of the sun which is known as Parjanya abides in the clouds and rains down with its rays.
AI translation rendered from the Sanskrit, not a published edition
BrP 30.31
चतुर्थी तस्य या मूर्तिर् नाम्ना त्वष्टेति विश्रुता स्थिता वनस्पतौ सा तु ओषधीषु च सर्वतः ॥
caturthī tasya yā mūrtir nāmnā tvaṣṭeti viśrutā sthitā vanaspatau sā tu oṣadhīṣu ca sarvataḥ //
His fourth form, famed by the name Tvaṣṭṛ, abides in the trees and in the herbs everywhere.
AI translation rendered from the Sanskrit, not a published edition
BrP 30.32
पञ्चमी तस्य या मूर्तिर् नाम्ना पूषेति विश्रुता अन्ने व्यवस्थिता सा तु प्रजां पुष्णाति नित्यशः ॥
pañcamī tasya yā mūrtir nāmnā pūṣeti viśrutā anne vyavasthitā sā tu prajāṃ puṣṇāti nityaśaḥ //
His fifth form, famed by the name Pūṣan, is established in food, and it constantly nourishes creatures.
AI translation rendered from the Sanskrit, not a published edition
BrP 30.33
मूर्तिः षष्ठी रवेर् या तु अर्यमा इति विश्रुता वायोः संसरणा सा तु देवेष्व् एव समाश्रिता ॥
mūrtiḥ ṣaṣṭhī raver yā tu aryamā iti viśrutā vāyoḥ saṃsaraṇā sā tu deveṣv eva samāśritā //
The sun's sixth form, which is famed as Aryaman, is the coursing of the wind, and it dwells among the gods.
AI translation rendered from the Sanskrit, not a published edition
BrP 30.34
भानोर् या सप्तमी मूर्तिर् नाम्ना भगेति विश्रुता भूयिष्व् अवस्थिता सा तु शरीरेषु च देहिनाम् ॥
bhānor yā saptamī mūrtir nāmnā bhageti viśrutā bhūyiṣv avasthitā sā tu śarīreṣu ca dehinām //
The seventh form of the sun, famed by the name Bhaga, abides in beings and in the bodies of the embodied.
AI translation rendered from the Sanskrit, not a published edition — the model flagged this verse as uncertain
BrP 30.35
मूर्तिर् या त्व् अष्टमी तस्य विवस्वान् इति विश्रुता अग्नौ प्रतिष्ठिता सा तु पचत्य् अन्नं शरीरिणाम् ॥
mūrtir yā tv aṣṭamī tasya vivasvān iti viśrutā agnau pratiṣṭhitā sā tu pacaty annaṃ śarīriṇām //
His eighth form, which is famed as Vivasvat, is established in fire, and it cooks the food of embodied beings.
AI translation rendered from the Sanskrit, not a published edition
BrP 30.36
नवमी चित्रभानोर् या मूर्तिर् विष्णुश् च नामतः प्रादुर्भवति सा नित्यं देवानाम् अरिसूदनी ॥
navamī citrabhānor yā mūrtir viṣṇuś ca nāmataḥ prādurbhavati sā nityaṃ devānām arisūdanī //
The ninth form of the brilliant-rayed one, Viṣṇu by name, ever appears as the slayer of the gods' enemies.
AI translation rendered from the Sanskrit, not a published edition
BrP 30.37
दशमी तस्य या मूर्तिर् अंशुमान् इति विश्रुता वायौ प्रतिष्ठिता सा तु प्रह्लादयति वै प्रजाः ॥
daśamī tasya yā mūrtir aṃśumān iti viśrutā vāyau pratiṣṭhitā sā tu prahlādayati vai prajāḥ //
His tenth form, famed as Aṃśumat, is established in the wind, and it gladdens creatures.
AI translation rendered from the Sanskrit, not a published edition
BrP 30.38
मूर्तिस् त्व् एकादशी भानोर् नाम्ना वरुणसंज्ञिता जलेष्व् अवस्थिता सा तु प्रजां पुष्णाति नित्यशः ॥
mūrtis tv ekādaśī bhānor nāmnā varuṇasaṃjñitā jaleṣv avasthitā sā tu prajāṃ puṣṇāti nityaśaḥ //
The sun's eleventh form is designated by the name Varuṇa; it abides in the waters and constantly nourishes creatures.
AI translation rendered from the Sanskrit, not a published edition
BrP 30.39
मूर्तिर् या द्वादशी भानोर् नाम्ना मित्रेति संज्ञिता लोकानां सा हितार्थाय स्थिता चन्द्रसरित्तटे ॥
mūrtir yā dvādaśī bhānor nāmnā mitreti saṃjñitā lokānāṃ sā hitārthāya sthitā candrasarittaṭe //
The sun's twelfth form is designated by the name Mitra; for the benefit of the worlds it abides on the bank of the Candra river.
AI translation rendered from the Sanskrit, not a published edition
BrP 30.40
वायुभक्षस् तपस् तेपे स्थित्वा मैत्रेण चक्षुषा अनुगृह्णन् सदा भक्तान् वरैर् नानाविधैस् तु सः ॥
vāyubhakṣas tapas tepe sthitvā maitreṇa cakṣuṣā anugṛhṇan sadā bhaktān varair nānāvidhais tu saḥ //
Feeding on air he performed austerity, remaining there with friendly eye, ever favouring the devoted with boons of many kinds.
AI translation rendered from the Sanskrit, not a published edition
BrP 30.41
एवं सा जगतां मूर्तिर् हिता विहिता पुरा तत्र मित्रः स्थितो यस्मात् तस्मान् मित्रं परं स्मृतम् ॥
evaṃ sā jagatāṃ mūrtir hitā vihitā purā tatra mitraḥ sthito yasmāt tasmān mitraṃ paraṃ smṛtam //
Thus that form, beneficial to the worlds, was appointed of old; and since Mitra abides there, therefore Mitra is held supreme.
AI translation rendered from the Sanskrit, not a published edition
BrP 30.42
आभिर् द्वादशभिस् तेन सवित्रा परमात्मना कृत्स्नं जगद् इदं व्याप्तं मूर्तिभिश् च द्विजोत्तमाः ॥
ābhir dvādaśabhis tena savitrā paramātmanā kṛtsnaṃ jagad idaṃ vyāptaṃ mūrtibhiś ca dvijottamāḥ //
By him, the Sun, the supreme Self, with these twelve forms this whole world is pervaded, O best of the twice-born.
AI translation rendered from the Sanskrit, not a published edition
BrP 30.43
तस्माद् ध्येयो नमस्यश् च द्वादशस्थासु मूर्तिषु भक्तिमद्भिर् नरैर् नित्यं तद्गतेनान्तरात्मना ॥
tasmād dhyeyo namasyaś ca dvādaśasthāsu mūrtiṣu bhaktimadbhir narair nityaṃ tadgatenāntarātmanā //
Therefore he is to be meditated on and bowed to in his twelve abiding forms, constantly, by devoted men with their inner self fixed on him.
AI translation rendered from the Sanskrit, not a published edition
BrP 30.44
इत्य् एवं द्वादशादित्यान् नमस्कृत्वा तु मानवः नित्यं श्रुत्वा पठित्वा च सूर्यलोके महीयते ॥
ity evaṃ dvādaśādityān namaskṛtvā tu mānavaḥ nityaṃ śrutvā paṭhitvā ca sūryaloke mahīyate //
Thus a man, having bowed to the twelve Ādityas, and having constantly heard and recited (this), is honoured in the world of the sun.
AI translation rendered from the Sanskrit, not a published edition
BrP 30.45
यदि तावद् अयं सूर्यश् चादिदेवः सनातनः ततः कस्मात् तपस् तेपे वरेप्सुः प्राकृतो यथा ॥
yadi tāvad ayaṃ sūryaś cādidevaḥ sanātanaḥ tataḥ kasmāt tapas tepe varepsuḥ prākṛto yathā //
If indeed this Sun is the eternal primal god, then why did he perform austerity, seeking a boon like an ordinary being?
AI translation rendered from the Sanskrit, not a published edition
BrP 30.46
एतद् वः संप्रवक्ष्यामि परं गुह्यं विभावसोः पृष्टं मित्रेण यत् पूर्वं नारदाय महात्मने ॥
etad vaḥ saṃpravakṣyāmi paraṃ guhyaṃ vibhāvasoḥ pṛṣṭaṃ mitreṇa yat pūrvaṃ nāradāya mahātmane //
This supreme secret of the radiant one I shall declare to you, which Mitra was formerly asked about by the great-souled Nārada.
AI translation rendered from the Sanskrit, not a published edition
BrP 30.47
प्राङ् मयोक्तास् तु युष्मभ्यं रवेर् द्वादश मूर्तयः मित्रश् च वरुणश् चोभौ तासां तपसि संस्थितौ ॥
prāṅ mayoktās tu yuṣmabhyaṃ raver dvādaśa mūrtayaḥ mitraś ca varuṇaś cobhau tāsāṃ tapasi saṃsthitau //
Earlier I told you of the twelve forms of the sun; of these, both Mitra and Varuṇa were established in austerity.
AI translation rendered from the Sanskrit, not a published edition
BrP 30.48
अब्भक्षो वरुणस् तासां तस्थौ पश्चिमसागरे मित्रो मित्रवने चास्मिन् वायुभक्षो ऽभवत् तदा ॥
abbhakṣo varuṇas tāsāṃ tasthau paścimasāgare mitro mitravane cāsmin vāyubhakṣo 'bhavat tadā //
Of these, Varuṇa, feeding on water, stood in the western ocean, while Mitra was here in the Mitra forest, feeding then on air.
AI translation rendered from the Sanskrit, not a published edition
BrP 30.49
अथ मेरुगिरेः शृङ्गात् प्रच्युतो गन्धमादनात् नारदस् तु महायोगी सर्वांल् लोकांश् चरन् वशी ॥
atha merugireḥ śṛṅgāt pracyuto gandhamādanāt nāradas tu mahāyogī sarvāṃl lokāṃś caran vaśī //
Then Nārada, the great yogin, self-controlled, descending from the peak of Mount Meru, from Gandhamādana, roaming through all the worlds,
AI translation rendered from the Sanskrit, not a published edition
BrP 30.50
आजगामाथ तत्रैव यत्र मित्रो ऽचरत् तपः तं दृष्ट्वा तु तपस्यन्तं तस्य कौतूहलं ह्य् अभूत् ॥
ājagāmātha tatraiva yatra mitro 'carat tapaḥ taṃ dṛṣṭvā tu tapasyantaṃ tasya kautūhalaṃ hy abhūt //
came to that very place where Mitra was practising austerity; and seeing him performing austerity, curiosity arose in him.
AI translation rendered from the Sanskrit, not a published edition
BrP 30.51
यो ऽक्षयश् चाव्ययश् चैव व्यक्ताव्यक्तः सनातनः धृतम् एकात्मकं येन त्रैलोक्यं सुमहात्मना ॥
yo 'kṣayaś cāvyayaś caiva vyaktāvyaktaḥ sanātanaḥ dhṛtam ekātmakaṃ yena trailokyaṃ sumahātmanā //
(He) who is imperishable and undecaying, both manifest and unmanifest, eternal — by whom, the great-souled one, the three worlds are upheld as of a single essence.
AI translation rendered from the Sanskrit, not a published edition
BrP 30.52
यः पिता सर्वदेवानां पराणाम् अपि यः परः अयजद् देवताः कास् तु पितॄन् वा कान् असौ यजेत् इति संचिन्त्य मनसा तं देवं नारदो ऽब्रवीत् ॥
yaḥ pitā sarvadevānāṃ parāṇām api yaḥ paraḥ ayajad devatāḥ kās tu pitṝn vā kān asau yajet iti saṃcintya manasā taṃ devaṃ nārado 'bravīt //
(He) who is the father of all the gods, who is higher even than the highest — which deities did he worship, or which forefathers would he worship? Having pondered this in his mind, Nārada spoke to that god:
AI translation rendered from the Sanskrit, not a published edition
BrP 30.53
वेदेषु सपुराणेषु साङ्गोपाङ्गेषु गीयसे त्वम् अजः शाश्वतो धाता त्वं निधानम् अनुत्तमम् ॥
vedeṣu sapurāṇeṣu sāṅgopāṅgeṣu gīyase tvam ajaḥ śāśvato dhātā tvaṃ nidhānam anuttamam //
In the Vedas together with the Purāṇas, with their limbs and sub-limbs, you are sung of: you are unborn, everlasting, the ordainer; you are the unsurpassed resting place.
AI translation rendered from the Sanskrit, not a published edition
BrP 30.54
भूतं भव्यं भवच् चैव त्वयि सर्वं प्रतिष्ठितम् चत्वारश् चाश्रमा देव गृहस्थाद्यास् तथैव हि ॥
bhūtaṃ bhavyaṃ bhavac caiva tvayi sarvaṃ pratiṣṭhitam catvāraś cāśramā deva gṛhasthādyās tathaiva hi //
The past, the future, and the present — all is established in you; and likewise, O god, the four stages of life, beginning with the householder.
AI translation rendered from the Sanskrit, not a published edition
BrP 30.55
यजन्ति त्वाम् अहरहस् त्वां मूर्तित्वं समाश्रितम् पिता माता च सर्वस्य दैवतं त्वं हि शाश्वतम् ॥
yajanti tvām aharahas tvāṃ mūrtitvaṃ samāśritam pitā mātā ca sarvasya daivataṃ tvaṃ hi śāśvatam //
Day after day they worship you, you who have taken on embodied form; for you are the father and mother of all, the everlasting deity.
AI translation rendered from the Sanskrit, not a published edition
BrP 30.56
यजसे पितरं कं त्वं देवं वापि न विद्महे ॥
yajase pitaraṃ kaṃ tvaṃ devaṃ vāpi na vidmahe //
Which father, or which god, is it that you worship? We do not know.
AI translation rendered from the Sanskrit, not a published edition
BrP 30.57
अवाच्यम् एतद् वक्तव्यं परं गुह्यं सनातनम् त्वयि भक्तिमति ब्रह्मन् प्रवक्ष्यामि यथातथम् ॥
avācyam etad vaktavyaṃ paraṃ guhyaṃ sanātanam tvayi bhaktimati brahman pravakṣyāmi yathātatham //
This is not to be spoken of, yet it must be told — the supreme, eternal secret; since you are full of devotion, O brahmin, I shall declare it to you as it truly is.
AI translation rendered from the Sanskrit, not a published edition
BrP 30.58
यत् तत् सूक्ष्मम् अविज्ञेयम् अव्यक्तम् अचलं ध्रुवम् इन्द्रियैर् इन्द्रियार्थैश् च सर्वभूतैर् विवर्जितम् ॥
yat tat sūkṣmam avijñeyam avyaktam acalaṃ dhruvam indriyair indriyārthaiś ca sarvabhūtair vivarjitam //
That which is subtle, unknowable, unmanifest, unmoving, fixed, free of the senses and the objects of the senses and of all beings —
AI translation rendered from the Sanskrit, not a published edition
BrP 30.59
स ह्य् अन्तरात्मा भूतानां क्षेत्रज्ञश् चैव कथ्यते त्रिगुणाद् व्यतिरिक्तो ऽसौ पुरुषश् चैव कल्पितः ॥
sa hy antarātmā bhūtānāṃ kṣetrajñaś caiva kathyate triguṇād vyatirikto 'sau puruṣaś caiva kalpitaḥ //
He indeed is the inner self of beings, and is called the knower of the field; distinct from the three constituents, he is conceived of as the Puruṣa.
AI translation rendered from the Sanskrit, not a published edition
BrP 30.60
हिरण्यगर्भो भगवान् सैव बुद्धिर् इति स्मृतः महान् इति च योगेषु प्रधानम् इति कथ्यते ॥
hiraṇyagarbho bhagavān saiva buddhir iti smṛtaḥ mahān iti ca yogeṣu pradhānam iti kathyate //
That same one is the Lord Hiraṇyagarbha, and is remembered as Intellect (buddhi), and in the yoga (teachings) as the Great One (mahat), and is called the primary matter (pradhāna).
AI translation rendered from the Sanskrit, not a published edition
BrP 30.61
सांख्ये च कथ्यते योगे नामभिर् बहुधात्मकः स च त्रिरूपो विश्वात्मा शर्वो ऽक्षर इति स्मृतः ॥
sāṃkhye ca kathyate yoge nāmabhir bahudhātmakaḥ sa ca trirūpo viśvātmā śarvo 'kṣara iti smṛtaḥ //
In Sāṃkhya and in Yoga he is spoken of by many names as being of many natures; and he, of three forms, the self of the universe, is remembered as Śarva and as the Imperishable.
AI translation rendered from the Sanskrit, not a published edition
BrP 30.62
धृतम् एकात्मकं तेन त्रैलोक्यम् इदम् आत्मना अशरीरः शरीरेषु सर्वेषु निवसत्य् असौ ॥
dhṛtam ekātmakaṃ tena trailokyam idam ātmanā aśarīraḥ śarīreṣu sarveṣu nivasaty asau //
By him, by his own self, this triple world is upheld as of a single essence; bodiless, he dwells within all bodies.
AI translation rendered from the Sanskrit, not a published edition
BrP 30.63
वसन्न् अपि शरीरेषु न स लिप्येत कर्मभिः ममान्तरात्मा तव च ये चान्ये देहसंस्थिताः ॥
vasann api śarīreṣu na sa lipyeta karmabhiḥ mamāntarātmā tava ca ye cānye dehasaṃsthitāḥ //
Though dwelling in bodies, he is not stained by their actions; he is the inner self of me and of you and of the others who abide in bodies.
AI translation rendered from the Sanskrit, not a published edition
BrP 30.64
सर्वेषां साक्षिभूतो ऽसौ न ग्राह्यः केनचित् क्वचित् सगुणो निर्गुणो विश्वो ज्ञानगम्यो ह्य् असौ स्मृतः ॥
sarveṣāṃ sākṣibhūto 'sau na grāhyaḥ kenacit kvacit saguṇo nirguṇo viśvo jñānagamyo hy asau smṛtaḥ //
He is the witness of all, not to be grasped by anyone anywhere; he is remembered as having qualities and as without qualities, as the All, and as reachable only through knowledge.
AI translation rendered from the Sanskrit, not a published edition
BrP 30.65
सर्वतःपाणिपादान्तः सर्वतोक्षिशिरोमुखः सर्वतःश्रुतिमांल् लोके सर्वम् आवृत्य तिष्ठति ॥
sarvataḥpāṇipādāntaḥ sarvatokṣiśiromukhaḥ sarvataḥśrutimāṃl loke sarvam āvṛtya tiṣṭhati //
With hands and feet on every side, with eyes, heads and faces on every side, having ears on every side, he stands in the world enveloping all.
AI translation rendered from the Sanskrit, not a published edition
BrP 30.66
विश्वमूर्धा विश्वभुजो विश्वपादाक्षिनासिकः एकश् चरति वै क्षेत्रे स्वैरचारी यथासुखम् ॥
viśvamūrdhā viśvabhujo viśvapādākṣināsikaḥ ekaś carati vai kṣetre svairacārī yathāsukham //
Having the universe as his head, the universe as his arms, the universe as his feet, eyes and nose, he alone moves about in the field, roaming freely as he pleases.
AI translation rendered from the Sanskrit, not a published edition
BrP 30.67
क्षेत्राणीह शरीराणि तेषां चैव यथासुखम् तानि वेत्ति स योगात्मा ततः क्षेत्रज्ञ उच्यते ॥
kṣetrāṇīha śarīrāṇi teṣāṃ caiva yathāsukham tāni vetti sa yogātmā tataḥ kṣetrajña ucyate //
Bodies here are the fields, and (he moves) among them as he pleases; that self of yoga knows them, and therefore he is called the knower of the field.
AI translation rendered from the Sanskrit, not a published edition
BrP 30.68
अव्यक्ते च पुरे शेते पुरुषस् तेन चोच्यते विश्वं बहुविधं ज्ञेयं स च सर्वत्र उच्यते ॥
avyakte ca pure śete puruṣas tena cocyate viśvaṃ bahuvidhaṃ jñeyaṃ sa ca sarvatra ucyate //
And he lies in the unmanifest city (pura), and for that reason he is called Puruṣa; the universe in its many kinds is to be known (as him), and he is said to be everywhere.
AI translation rendered from the Sanskrit, not a published edition
BrP 30.69
तस्मात् स बहुरूपत्वाद् विश्वरूप इति स्मृतः तस्यैकस्य महत्त्वं हि स चैकः पुरुषः स्मृतः ॥
tasmāt sa bahurūpatvād viśvarūpa iti smṛtaḥ tasyaikasya mahattvaṃ hi sa caikaḥ puruṣaḥ smṛtaḥ //
Therefore, because he has many forms, he is remembered as the one of universal form; greatness belongs to him alone, and he alone is remembered as the Puruṣa.
AI translation rendered from the Sanskrit, not a published edition
BrP 30.70
महापुरुषशब्दं हि बिभर्त्य् एकः सनातनः स तु विधिक्रियायत्तः सृजत्य् आत्मानम् आत्मना ॥
mahāpuruṣaśabdaṃ hi bibharty ekaḥ sanātanaḥ sa tu vidhikriyāyattaḥ sṛjaty ātmānam ātmanā //
For he alone, the eternal one, bears the name Mahāpuruṣa; and he, bound to the performance of the ordained procedure, creates himself by himself.
AI translation rendered from the Sanskrit, not a published edition
BrP 30.71
शतधा सहस्रधा चैव तथा शतसहस्रधा कोटिशश् च करोत्य् एष प्रत्यगात्मानम् आत्मना ॥
śatadhā sahasradhā caiva tathā śatasahasradhā koṭiśaś ca karoty eṣa pratyagātmānam ātmanā //
A hundredfold, a thousandfold, and likewise a hundred-thousandfold, and by tens of millions, he makes his own individual self by himself.
AI translation rendered from the Sanskrit, not a published edition
BrP 30.72
आकाशात् पतितं तोयं याति स्वाद्वन्तरं यथा भूमे रसविशेषेण तथा गुणरसात् तु सः ॥
ākāśāt patitaṃ toyaṃ yāti svādvantaraṃ yathā bhūme rasaviśeṣeṇa tathā guṇarasāt tu saḥ //
Just as water fallen from the sky comes to have differing flavors through the particular savor of the soil, so does he (become varied) through the savor of the qualities.
AI translation rendered from the Sanskrit, not a published edition
BrP 30.73
एक एव यथा वायुर् देहेष्व् एव हि पञ्चधा एकत्वं च पृथक्त्वं च तथा तस्य न संशयः ॥
eka eva yathā vāyur deheṣv eva hi pañcadhā ekatvaṃ ca pṛthaktvaṃ ca tathā tasya na saṃśayaḥ //
Just as the wind is one only, yet is fivefold in bodies, so too his oneness and his separateness—of this there is no doubt.
AI translation rendered from the Sanskrit, not a published edition
BrP 30.74
स्थानान्तरविशेषाच् च यथाग्निर् लभते पराम् संज्ञां तथा मुने सो ऽयं ब्रह्मादिषु तथाप्नुयात् ॥
sthānāntaraviśeṣāc ca yathāgnir labhate parām saṃjñāṃ tathā mune so 'yaṃ brahmādiṣu tathāpnuyāt //
And just as fire obtains a further name from the particular difference of place, so too, O sage, does this one obtain (names) among Brahmā and the rest.
AI translation rendered from the Sanskrit, not a published edition
BrP 30.75
यथा दीपसहस्राणि दीप एकः प्रसूयते तथा रूपसहस्राणि स एकः संप्रसूयते ॥
yathā dīpasahasrāṇi dīpa ekaḥ prasūyate tathā rūpasahasrāṇi sa ekaḥ saṃprasūyate //
As one lamp brings forth thousands of lamps, so he, being one, brings forth thousands of forms.
AI translation rendered from the Sanskrit, not a published edition
BrP 30.76
यदा स बुध्यत्य् आत्मानं तदा भवति केवलः एकत्वप्रलये चास्य बहुत्वं च प्रवर्तते ॥
yadā sa budhyaty ātmānaṃ tadā bhavati kevalaḥ ekatvapralaye cāsya bahutvaṃ ca pravartate //
When he awakens to the self, then he becomes alone (unique); and when his oneness dissolves, multiplicity arises.
AI translation rendered from the Sanskrit, not a published edition
BrP 30.77
नित्यं हि नास्ति जगति भूतं स्थावरजङ्गमम् अक्षयश् चाप्रमेयश् च सर्वगश् च स उच्यते ॥
nityaṃ hi nāsti jagati bhūtaṃ sthāvarajaṅgamam akṣayaś cāprameyaś ca sarvagaś ca sa ucyate //
For there is no eternal being in the world, whether unmoving or moving; but he is called imperishable, immeasurable, and all-pervading.
AI translation rendered from the Sanskrit, not a published edition
BrP 30.78
तस्माद् अव्यक्तम् उत्पन्नं त्रिगुणं द्विजसत्तमाः अव्यक्ताव्यक्तभावस्था या सा प्रकृतिर् उच्यते ॥
tasmād avyaktam utpannaṃ triguṇaṃ dvijasattamāḥ avyaktāvyaktabhāvasthā yā sā prakṛtir ucyate //
From him arose the Unmanifest, having the three qualities, O best of twice-born; that which abides in a state both unmanifest and manifest is called prakṛti.
AI translation rendered from the Sanskrit, not a published edition — the model flagged this verse as uncertain
BrP 30.79
तां योनिं ब्रह्मणो विद्धि यो ऽसौ सदसदात्मकः लोके च पूज्यते यो ऽसौ दैवे पित्र्ये च कर्मणि ॥
tāṃ yoniṃ brahmaṇo viddhi yo 'sau sadasadātmakaḥ loke ca pūjyate yo 'sau daive pitrye ca karmaṇi //
Know that (prakṛti) to be the womb of Brahman—he who is of the nature of being and non-being, he who is worshipped in the world in rites for the gods and for the ancestors.
AI translation rendered from the Sanskrit, not a published edition
BrP 30.80
नास्ति तस्मात् परो ह्य् अन्यः पिता देवो ऽपि वा द्विजाः आत्मना स तु विज्ञेयस् ततस् तं पूजयाम्य् अहम् ॥
nāsti tasmāt paro hy anyaḥ pitā devo 'pi vā dvijāḥ ātmanā sa tu vijñeyas tatas taṃ pūjayāmy aham //
There is indeed no other father or god higher than him, O twice-born; but he is to be known by the self, and therefore I worship him.
AI translation rendered from the Sanskrit, not a published edition
BrP 30.81
स्वर्गेष्व् अपि हि ये केचित् तं नमस्यन्ति देहिनः तेन गच्छन्ति देवर्षे तेनोद्दिष्टफलां गतिम् ॥
svargeṣv api hi ye kecit taṃ namasyanti dehinaḥ tena gacchanti devarṣe tenoddiṣṭaphalāṃ gatim //
Even in the heavens, whatever embodied beings bow to him—by that, O divine seer, they go to the goal whose fruit is appointed by him.
AI translation rendered from the Sanskrit, not a published edition
BrP 30.82
तं देवाः स्वाश्रमस्थाश् च नानामूर्तिसमाश्रिताः भक्त्या संपूजयन्त्य् आद्यं गतिश् चैषां ददाति सः ॥
taṃ devāḥ svāśramasthāś ca nānāmūrtisamāśritāḥ bhaktyā saṃpūjayanty ādyaṃ gatiś caiṣāṃ dadāti saḥ //
The gods, abiding in their own stations and resorting to many forms, worship him, the primal one, with devotion; and he grants them their course.
AI translation rendered from the Sanskrit, not a published edition
BrP 30.83
स हि सर्वगतश् चैव निर्गुणश् चैव कथ्यते एवं मत्वा यथाज्ञानं पूजयामि दिवाकरम् ॥
sa hi sarvagataś caiva nirguṇaś caiva kathyate evaṃ matvā yathājñānaṃ pūjayāmi divākaram //
For he is said to be both all-pervading and without qualities; thinking thus, I worship the maker of day according to my knowledge.
AI translation rendered from the Sanskrit, not a published edition
BrP 30.84
ये च तद्भाविता लोक एकतत्त्वं समाश्रिताः एतद् अप्य् अधिकं तेषां यद् एकं प्रविशन्त्य् उत ॥
ye ca tadbhāvitā loka ekatattvaṃ samāśritāḥ etad apy adhikaṃ teṣāṃ yad ekaṃ praviśanty uta //
And those people who are intent on him and have taken refuge in the one reality—for them there is even more than this, namely that they enter the One.
AI translation rendered from the Sanskrit, not a published edition
BrP 30.85
इति गुह्यसमुद्देशस् तव नारद कीर्तितः अस्मद्भक्त्यापि देवर्षे त्वयापि परमं स्मृतम् ॥
iti guhyasamuddeśas tava nārada kīrtitaḥ asmadbhaktyāpi devarṣe tvayāpi paramaṃ smṛtam //
Thus the exposition of the secret has been proclaimed to you, Nārada; through devotion to us too, O divine seer, the highest has been remembered by you as well.
AI translation rendered from the Sanskrit, not a published edition — the model flagged this verse as uncertain
BrP 30.86
सुरैर् वा मुनिभिर् वापि पुराणैर् वरदं स्मृतम् सर्वे च परमात्मानं पूजयन्ति दिवाकरम् ॥
surair vā munibhir vāpi purāṇair varadaṃ smṛtam sarve ca paramātmānaṃ pūjayanti divākaram //
By the gods or by the sages, and in the Purāṇas, he is remembered as the granter of boons; and all worship the supreme self, the maker of day.
AI translation rendered from the Sanskrit, not a published edition
BrP 30.87
एवम् एतत् पुराख्यातं नारदाय तु भानुना मयापि च समाख्याता कथा भानोर् द्विजोत्तमाः ॥
evam etat purākhyātaṃ nāradāya tu bhānunā mayāpi ca samākhyātā kathā bhānor dvijottamāḥ //
Thus this was formerly told to Nārada by the Sun, and the tale of the Sun has been told by me too, O best of twice-born.
AI translation rendered from the Sanskrit, not a published edition
BrP 30.88
इदम् आख्यानम् आख्येयं मयाख्यातं द्विजोत्तमाः न ह्य् अनादित्यभक्ताय इदं देयं कदाचन ॥
idam ākhyānam ākhyeyaṃ mayākhyātaṃ dvijottamāḥ na hy anādityabhaktāya idaṃ deyaṃ kadācana //
This narrative, fit to be told, has been told by me, O best of twice-born; but it should never be given to one who is not a devotee of the Sun.
AI translation rendered from the Sanskrit, not a published edition
BrP 30.89
यश् चैतच् छ्रावयेन् नित्यं यश् चैव शृणुयान् नरः स सहस्रार्चिषं देवं प्रविशेन् नात्र संशयः ॥
yaś caitac chrāvayen nityaṃ yaś caiva śṛṇuyān naraḥ sa sahasrārciṣaṃ devaṃ praviśen nātra saṃśayaḥ //
And the man who has this constantly recited, and he who listens to it, enters the god of a thousand rays—there is no doubt in this.
AI translation rendered from the Sanskrit, not a published edition
BrP 30.90
मुच्येतार्तस् तथा रोगाच् छ्रुत्वेमाम् आदितः कथाम् जिज्ञासुर् लभते ज्ञानं गतिम् इष्टां तथैव च ॥
mucyetārtas tathā rogāc chrutvemām āditaḥ kathām jijñāsur labhate jñānaṃ gatim iṣṭāṃ tathaiva ca //
One who is afflicted would be freed from disease by hearing this tale from the beginning; one who seeks to know obtains knowledge, and likewise the goal he desires.
AI translation rendered from the Sanskrit, not a published edition
BrP 30.91
क्षणेन लभते ऽध्वानम् इदं यः पठते मुने यो यं कामयते कामं स तं प्राप्नोत्य् असंशयम् ॥
kṣaṇena labhate 'dhvānam idaṃ yaḥ paṭhate mune yo yaṃ kāmayate kāmaṃ sa taṃ prāpnoty asaṃśayam //
In an instant he gains this path who recites (this), O sage; whatever desire anyone desires, that he obtains, without doubt.
AI translation rendered from the Sanskrit, not a published edition
BrP 30.92
तस्माद् भवद्भिः सततं स्मर्तव्यो भगवान् रविः स च धाता विधाता च सर्वस्य जगतः प्रभुः ॥
tasmād bhavadbhiḥ satataṃ smartavyo bhagavān raviḥ sa ca dhātā vidhātā ca sarvasya jagataḥ prabhuḥ //
Therefore the Lord Sun is always to be remembered by you (gentlemen), and he is the establisher and the ordainer, the lord of the whole world.
AI translation rendered from the Sanskrit, not a published edition