Brahma Purana — Chapter 3
BrP 3.1
देवानां दानवानां च गन्धर्वोरगरक्षसाम् उत्पत्तिं विस्तरेणैव लोमहर्षण कीर्तय ॥
devānāṃ dānavānāṃ ca gandharvoragarakṣasām utpattiṃ vistareṇaiva lomaharṣaṇa kīrtaya //
Recount at full length, Lomaharṣaṇa, the origin of the gods and the dānavas, of the gandharvas, serpents and rākṣasas.
AI translation rendered from the Sanskrit, not a published edition
BrP 3.2
प्रजाः सृजेति व्यादिष्टः पूर्वं दक्षः स्वयंभुवा यथा ससर्ज भूतानि तथा शृणुत भो द्विजाः ॥
prajāḥ sṛjeti vyādiṣṭaḥ pūrvaṃ dakṣaḥ svayaṃbhuvā yathā sasarja bhūtāni tathā śṛṇuta bho dvijāḥ //
Formerly Dakṣa was commanded by the Self-existent, "Bring forth offspring"; hear then, O twice-born ones, how he brought forth beings.
AI translation rendered from the Sanskrit, not a published edition
BrP 3.3
मानसान्य् एव भूतानि पूर्वम् एवासृजत् प्रभुः ऋषीन् देवान् सगन्धर्वान् असुरान् यक्षराक्षसान् ॥
mānasāny eva bhūtāni pūrvam evāsṛjat prabhuḥ ṛṣīn devān sagandharvān asurān yakṣarākṣasān //
First of all the lord created beings born of his mind: seers, gods together with gandharvas, asuras, yakṣas and rākṣasas.
AI translation rendered from the Sanskrit, not a published edition
BrP 3.4
यदास्य मानसी विप्रा न व्यवर्धत वै प्रजा तदा संचिन्त्य धर्मात्मा प्रजाहेतोः प्रजापतिः ॥
yadāsya mānasī viprā na vyavardhata vai prajā tadā saṃcintya dharmātmā prajāhetoḥ prajāpatiḥ //
When, O brahmins, his mind-born offspring did not increase, then the Lord of Creatures, whose nature is dharma, reflected for the sake of offspring.
AI translation rendered from the Sanskrit, not a published edition
BrP 3.5
स मैथुनेन धर्मेण सिसृक्षुर् विविधाः प्रजाः असिक्नीम् आवहत् पत्नीं वीरणस्य प्रजापतेः ॥
sa maithunena dharmeṇa sisṛkṣur vividhāḥ prajāḥ asiknīm āvahat patnīṃ vīraṇasya prajāpateḥ //
Wishing to bring forth manifold offspring by the law of sexual union, he took as wife Asiknī, (daughter) of Vīraṇa the Lord of Creatures,
AI translation rendered from the Sanskrit, not a published edition
BrP 3.6
सुतां सुतपसा युक्तां महतीं लोकधारिणीम् अथ पुत्रसहस्राणि वैरण्यां पञ्च वीर्यवान् ॥
sutāṃ sutapasā yuktāṃ mahatīṃ lokadhāriṇīm atha putrasahasrāṇi vairaṇyāṃ pañca vīryavān //
his daughter, endowed with good austerity, great, a supporter of the world; then the mighty one (begot) five thousand sons on Vairaṇī,
AI translation rendered from the Sanskrit, not a published edition
BrP 3.7
असिक्न्यां जनयाम् आस दक्ष एव प्रजापतिः तांस् तु दृष्ट्वा महाभागान् संविवर्धयिषून् प्रजाः ॥
asiknyāṃ janayām āsa dakṣa eva prajāpatiḥ tāṃs tu dṛṣṭvā mahābhāgān saṃvivardhayiṣūn prajāḥ //
— Dakṣa the Lord of Creatures begot them on Asiknī. But seeing them, the greatly fortunate ones, intent on multiplying offspring,
AI translation rendered from the Sanskrit, not a published edition
BrP 3.8
देवर्षिः प्रियसंवादो नारदः प्राब्रवीद् इदम् नाशाय वचनं तेषां शापायैवात्मनस् तथा ॥
devarṣiḥ priyasaṃvādo nāradaḥ prābravīd idam nāśāya vacanaṃ teṣāṃ śāpāyaivātmanas tathā //
the divine seer Nārada, pleasant in converse, spoke this word, for their destruction and likewise for the cursing of himself.
AI translation rendered from the Sanskrit, not a published edition
BrP 3.9
यं कश्यपः सुतवरं परमेष्ठी व्यजीजनत् दक्षस्य वै दुहितरि दक्षशापभयान् मुनिः ॥
yaṃ kaśyapaḥ sutavaraṃ parameṣṭhī vyajījanat dakṣasya vai duhitari dakṣaśāpabhayān muniḥ //
— he whom Kaśyapa Parameṣṭhin, the sage, begot as his excellent son upon Dakṣa's daughter, out of fear of Dakṣa's curse.
AI translation rendered from the Sanskrit, not a published edition — the model flagged this verse as uncertain
BrP 3.10
पूर्वं स हि समुत्पन्नो नारदः परमेष्ठिनः असिक्न्याम् अथ वैरण्यां भूयो देवर्षिसत्तमः ॥
pūrvaṃ sa hi samutpanno nāradaḥ parameṣṭhinaḥ asiknyām atha vairaṇyāṃ bhūyo devarṣisattamaḥ //
For formerly that Nārada was born of Parameṣṭhin, and then again, the best of divine seers, upon Asiknī Vairaṇī.
AI translation rendered from the Sanskrit, not a published edition — the model flagged this verse as uncertain
BrP 3.11
तं भूयो जनयाम् आस पितेव मुनिपुंगवम् तेन दक्षस्य वै पुत्रा हर्यश्वा इति विश्रुताः ॥
taṃ bhūyo janayām āsa piteva munipuṃgavam tena dakṣasya vai putrā haryaśvā iti viśrutāḥ //
He begot that bull among sages again, like a father. Through him Dakṣa's sons, renowned as the Haryaśvas,
AI translation rendered from the Sanskrit, not a published edition
BrP 3.12
निर्मथ्य नाशिताः सर्वे विधिना च न संशयः तस्योद्यतस् तदा दक्षो नाशायामितविक्रमः ॥
nirmathya nāśitāḥ sarve vidhinā ca na saṃśayaḥ tasyodyatas tadā dakṣo nāśāyāmitavikramaḥ //
were all agitated and destroyed by (his) device — of this there is no doubt. Then Dakṣa of measureless valour set himself to destroy him,
AI translation rendered from the Sanskrit, not a published edition
BrP 3.13
ब्रह्मर्षीन् पुरतः कृत्वा याचितः परमेष्ठिना ततो ऽभिसंधिश् चक्रे वै दक्षस्य परमेष्ठिना ॥
brahmarṣīn purataḥ kṛtvā yācitaḥ parameṣṭhinā tato 'bhisaṃdhiś cakre vai dakṣasya parameṣṭhinā //
(but) placing the brahman-seers in front, he was entreated by Parameṣṭhin; thereupon an agreement was made by Parameṣṭhin with Dakṣa:
AI translation rendered from the Sanskrit, not a published edition
BrP 3.14
कन्यायां नारदो मह्यं तव पुत्रो भवेद् इति ततो दक्षः सुतां प्रादात् प्रियां वै परमेष्ठिने स तस्यां नारदो जज्ञे भूयः शापभयाद् ऋषिः ॥
kanyāyāṃ nārado mahyaṃ tava putro bhaved iti tato dakṣaḥ sutāṃ prādāt priyāṃ vai parameṣṭhine sa tasyāṃ nārado jajñe bhūyaḥ śāpabhayād ṛṣiḥ //
"Let Nārada become your son (born) in my daughter" — thereupon Dakṣa gave his dear daughter to Parameṣṭhin, and the seer Nārada was born again of her, out of fear of the curse.
AI translation rendered from the Sanskrit, not a published edition — the model flagged this verse as uncertain
BrP 3.15
कथं प्रणाशिताः पुत्रा नारदेन महर्षिणा प्रजापतेः सूतवर्य श्रोतुम् इच्छाम तत्त्वतः ॥
kathaṃ praṇāśitāḥ putrā nāradena maharṣiṇā prajāpateḥ sūtavarya śrotum icchāma tattvataḥ //
How were the sons of the Lord of Creatures destroyed by the great seer Nārada? Best of bards, we wish to hear it as it truly happened.
AI translation rendered from the Sanskrit, not a published edition
BrP 3.16
दक्षस्य पुत्रा हर्यश्वा विवर्धयिषवः प्रजाः समागता महावीर्या नारदस् तान् उवाच ह ॥
dakṣasya putrā haryaśvā vivardhayiṣavaḥ prajāḥ samāgatā mahāvīryā nāradas tān uvāca ha //
Dakṣa's sons, the Haryaśvas, of great might, had assembled wishing to increase the creatures; Nārada said to them:
AI translation rendered from the Sanskrit, not a published edition
BrP 3.17
बालिशा बत यूयं वै नास्या जानीत वै भुवः प्रमाणं स्रष्टुकामा वै प्रजाः प्राचेतसात्मजाः ॥
bāliśā bata yūyaṃ vai nāsyā jānīta vai bhuvaḥ pramāṇaṃ sraṣṭukāmā vai prajāḥ prācetasātmajāḥ //
"Alas, you are childish indeed! You do not know the measure of this earth, you sons of the Prācetasa, though you desire to create creatures.
AI translation rendered from the Sanskrit, not a published edition
BrP 3.18
अन्तर् ऊर्ध्वम् अधश् चैव कथं सृजथ वै प्रजाः ते तु तद्वचनं श्रुत्वा प्रयाताः सर्वतो दिशः ॥
antar ūrdhvam adhaś caiva kathaṃ sṛjatha vai prajāḥ te tu tadvacanaṃ śrutvā prayātāḥ sarvato diśaḥ //
How will you create creatures within, above, and below?" And they, hearing that speech of his, set out in all directions.
AI translation rendered from the Sanskrit, not a published edition
BrP 3.19
अद्यापि न निवर्तन्ते समुद्रेभ्य इवापगाः हर्यश्वेष्व् अथ नष्टेषु दक्षः प्राचेतसः पुनः ॥
adyāpi na nivartante samudrebhya ivāpagāḥ haryaśveṣv atha naṣṭeṣu dakṣaḥ prācetasaḥ punaḥ //
Even today they do not return, like rivers from the oceans. Then, when the Haryaśvas were lost, Dakṣa the son of Pracetas again
AI translation rendered from the Sanskrit, not a published edition
BrP 3.20
वैरण्याम् अथ पुत्राणां सहस्रम् असृजत् प्रभुः विवर्धयिषवस् ते तु शबलाश्वास् तथा प्रजाः ॥
vairaṇyām atha putrāṇāṃ sahasram asṛjat prabhuḥ vivardhayiṣavas te tu śabalāśvās tathā prajāḥ //
—the lord—begot in Vairaṇī a thousand sons; and they, the Śabalāśvas, likewise wished to increase the creatures.
AI translation rendered from the Sanskrit, not a published edition
BrP 3.21
पूर्वोक्तं वचनं ते तु नारदेन प्रचोदिताः अन्योन्यम् ऊचुस् ते सर्वे सम्यग् आह महान् ऋषिः ॥
pūrvoktaṃ vacanaṃ te tu nāradena pracoditāḥ anyonyam ūcus te sarve samyag āha mahān ṛṣiḥ //
But they, urged on by Nārada with the speech spoken before, all said to one another: "The great seer speaks rightly.
AI translation rendered from the Sanskrit, not a published edition
BrP 3.22
भ्रातॄणां पदवीं ज्ञातुं गन्तव्यं नात्र संशयः ज्ञात्वा प्रमाणं पृथ्व्याश् च सुखं स्रक्ष्यामहे प्रजाः ॥
bhrātṝṇāṃ padavīṃ jñātuṃ gantavyaṃ nātra saṃśayaḥ jñātvā pramāṇaṃ pṛthvyāś ca sukhaṃ srakṣyāmahe prajāḥ //
We must go to learn the track of our brothers — there is no doubt of that; and having learned the measure of the earth, we shall create creatures easily."
AI translation rendered from the Sanskrit, not a published edition
BrP 3.23
ते ऽपि तेनैव मार्गेण प्रयाताः सर्वतो दिशम् अद्यापि न निवर्तन्ते समुद्रेभ्य इवापगाः ॥
te 'pi tenaiva mārgeṇa prayātāḥ sarvato diśam adyāpi na nivartante samudrebhya ivāpagāḥ //
They too set out by that very road in every direction; even today they do not return, like rivers from the oceans.
AI translation rendered from the Sanskrit, not a published edition
BrP 3.24
तदा प्रभृति वै भ्राता भ्रातुर् अन्वेषणे द्विजाः प्रयातो नश्यति क्षिप्रं तन् न कार्यं विपश्चिता ॥
tadā prabhṛti vai bhrātā bhrātur anveṣaṇe dvijāḥ prayāto naśyati kṣipraṃ tan na kāryaṃ vipaścitā //
From that time on, twice-born ones, a brother who goes out in search of a brother quickly perishes; therefore a wise man should not do it.
AI translation rendered from the Sanskrit, not a published edition
BrP 3.25
तांश् चैव नष्टान् विज्ञाय पुत्रान् दक्षः प्रजापतिः षष्टिं ततो ऽसृजत् कन्या वैरण्याम् इति नः श्रुतम् ॥
tāṃś caiva naṣṭān vijñāya putrān dakṣaḥ prajāpatiḥ ṣaṣṭiṃ tato 'sṛjat kanyā vairaṇyām iti naḥ śrutam //
And learning that those sons too were lost, Dakṣa the Lord of Creatures then begot sixty daughters in Vairaṇī — so we have heard.
AI translation rendered from the Sanskrit, not a published edition
BrP 3.26
तास् तदा प्रतिजग्राह भार्यार्थं कश्यपः प्रभुः सोमो धर्मश् च भो विप्रास् तथैवान्ये महर्षयः ॥
tās tadā pratijagrāha bhāryārthaṃ kaśyapaḥ prabhuḥ somo dharmaś ca bho viprās tathaivānye maharṣayaḥ //
Those the lord Kaśyapa then accepted as wives, and Soma and Dharma, O brahmins, and likewise other great seers.
AI translation rendered from the Sanskrit, not a published edition
BrP 3.27
ददौ स दश धर्माय कश्यपाय त्रयोदश सप्तविंशति सोमाय चतस्रो ऽरिष्टनेमिने ॥
dadau sa daśa dharmāya kaśyapāya trayodaśa saptaviṃśati somāya catasro 'riṣṭanemine //
He gave ten to Dharma, thirteen to Kaśyapa, twenty-seven to Soma, four to Ariṣṭanemi,
AI translation rendered from the Sanskrit, not a published edition
BrP 3.28
द्वे चैव बहुपुत्राय द्वे चैवाङ्गिरसे तथा द्वे कृशाश्वाय विदुषे तासां नामानि मे शृणु ॥
dve caiva bahuputrāya dve caivāṅgirase tathā dve kṛśāśvāya viduṣe tāsāṃ nāmāni me śṛṇu //
two to Bahuputra, two likewise to Aṅgiras, and two to the learned Kṛśāśva. Hear from me their names.
AI translation rendered from the Sanskrit, not a published edition
BrP 3.29
अरुन्धती वसुर् यामी लम्बा भानुर् मरुत्वती संकल्पा च मुहूर्ता च साध्या विश्वा च भो द्विजाः ॥
arundhatī vasur yāmī lambā bhānur marutvatī saṃkalpā ca muhūrtā ca sādhyā viśvā ca bho dvijāḥ //
Arundhatī, Vasu, Yāmī, Lambā, Bhānu, Marutvatī, Saṃkalpā, Muhūrtā, Sādhyā and Viśvā, O twice-born ones —
AI translation rendered from the Sanskrit, not a published edition
BrP 3.30
धर्मपत्न्यो दश त्व् एतास् तास्व् अपत्यानि बोधत विश्वेदेवास् तु विश्वायाः साध्या साध्यान् व्यजायत ॥
dharmapatnyo daśa tv etās tāsv apatyāni bodhata viśvedevās tu viśvāyāḥ sādhyā sādhyān vyajāyata //
these ten are the wives of Dharma; learn of their offspring. Viśvā bore the Viśvedevas, and Sādhyā bore the Sādhyas.
AI translation rendered from the Sanskrit, not a published edition
BrP 3.31
मरुत्वत्यां मरुत्वन्तो वसोस् तु वसवः सुताः भानोस् तु भानवः पुत्रा मुहूर्तास् तु मुहूर्तजाः ॥
marutvatyāṃ marutvanto vasos tu vasavaḥ sutāḥ bhānos tu bhānavaḥ putrā muhūrtās tu muhūrtajāḥ //
In Marutvatī were born the Marutvants, and Vasu's sons were the Vasus; Bhānu's sons were the Bhānus, and the Muhūrtas were born of Muhūrtā.
AI translation rendered from the Sanskrit, not a published edition
BrP 3.32
लम्बायाश् चैव घोषो ऽथ नागवीथी च यामिजा पृथिवी विषयं सर्वम् अरुन्धत्यां व्यजायत ॥
lambāyāś caiva ghoṣo 'tha nāgavīthī ca yāmijā pṛthivī viṣayaṃ sarvam arundhatyāṃ vyajāyata //
Of Lambā came Ghoṣa; Nāgavīthī was born of Yāmī; and of Arundhatī was born the earth with all its domain.
AI translation rendered from the Sanskrit, not a published edition
BrP 3.33
संकल्पायास् तु विश्वात्मा जज्ञे संकल्प एव हि नागवीथ्यां च यामिन्यां वृषलश् च व्यजायत ॥
saṃkalpāyās tu viśvātmā jajñe saṃkalpa eva hi nāgavīthyāṃ ca yāminyāṃ vṛṣalaś ca vyajāyata //
Of Saṃkalpā was born the universal self, Saṃkalpa himself; and Vṛṣala was born of Nāgavīthī, daughter of Yāminī.
AI translation rendered from the Sanskrit, not a published edition — the model flagged this verse as uncertain
BrP 3.34
परा याः सोमपत्नीश् च दक्षः प्राचेतसो ददौ सर्वा नक्षत्रनाम्न्यस् ता ज्योतिषे परिकीर्तिताः ॥
parā yāḥ somapatnīś ca dakṣaḥ prācetaso dadau sarvā nakṣatranāmnyas tā jyotiṣe parikīrtitāḥ //
And the other women, the wives of Soma, whom Dakṣa the son of Pracetas gave (in marriage) — all those, bearing the names of the lunar mansions, are proclaimed (as belonging) to Jyotis.
AI translation rendered from the Sanskrit, not a published edition — the model flagged this verse as uncertain
BrP 3.35
ये त्व् अन्ये ख्यातिमन्तो वै देवा ज्योतिष्पुरोगमाः वसवो ऽष्टौ समाख्यातास् तेषां वक्ष्यामि विस्तरम् ॥
ye tv anye khyātimanto vai devā jyotiṣpurogamāḥ vasavo 'ṣṭau samākhyātās teṣāṃ vakṣyāmi vistaram //
But as for the other renowned gods, headed by Jyotis, they are declared to be the eight Vasus; of them I shall speak at length.
AI translation rendered from the Sanskrit, not a published edition
BrP 3.36
आपो ध्रुवश् च सोमश् च धवश् चैवानिलो ऽनलः प्रत्यूषश् च प्रभासश् च वसवो नामभिः स्मृताः ॥
āpo dhruvaś ca somaś ca dhavaś caivānilo 'nalaḥ pratyūṣaś ca prabhāsaś ca vasavo nāmabhiḥ smṛtāḥ //
Āpa, Dhruva, Soma, Dhava, Anila, Anala, Pratyūṣa and Prabhāsa — these are recorded as the Vasus by name.
AI translation rendered from the Sanskrit, not a published edition
BrP 3.37
आपस्य पुत्रो वैतण्ड्यः श्रमः श्रान्तो मुनिस् तथा ध्रुवस्य पुत्रो भगवान् कालो लोकप्रकालनः ॥
āpasya putro vaitaṇḍyaḥ śramaḥ śrānto munis tathā dhruvasya putro bhagavān kālo lokaprakālanaḥ //
Āpa's sons are Vaitaṇḍya, Śrama, Śrānta and Muni; Dhruva's son is the lord Kāla, the destroyer of the worlds.
AI translation rendered from the Sanskrit, not a published edition
BrP 3.38
सोमस्य भगवान् वर्चा वर्चस्वी येन जायते धवस्य पुत्रो द्रविणो हुतहव्यवहस् तथा मनोहरायाः शिशिरः प्राणो ऽथ रमणस् तथा ॥
somasya bhagavān varcā varcasvī yena jāyate dhavasya putro draviṇo hutahavyavahas tathā manoharāyāḥ śiśiraḥ prāṇo 'tha ramaṇas tathā //
Soma's (son) is the lord Varcas, by whom one is born radiant; Dhava's son is Draviṇa and also Hutahavyavaha; from Manoharā (were born) Śiśira, Prāṇa and Ramaṇa.
AI translation rendered from the Sanskrit, not a published edition — the model flagged this verse as uncertain
BrP 3.39
अनिलस्य शिवा भार्या तस्याः पुत्रो मनोजवः अविज्ञातगतिश् चैव द्वौ पुत्राव् अनिलस्य च ॥
anilasya śivā bhāryā tasyāḥ putro manojavaḥ avijñātagatiś caiva dvau putrāv anilasya ca //
Anila's wife is Śivā; her son is Manojava, and Avijñātagati — these two are Anila's sons.
AI translation rendered from the Sanskrit, not a published edition
BrP 3.40
अग्निपुत्रः कुमारस् तु शरस्तम्बे श्रिया वृतः तस्य शाखो विशाखश् च नैगमेयश् च पृष्ठजः ॥
agniputraḥ kumāras tu śarastambe śriyā vṛtaḥ tasya śākho viśākhaś ca naigameyaś ca pṛṣṭhajaḥ //
But Agni's son is Kumāra, endowed with splendour, (born) in a thicket of reeds; his (sons) are Śākha, Viśākha, and Naigameya, born from his back.
AI translation rendered from the Sanskrit, not a published edition
BrP 3.41
अपत्यं कृत्तिकानां तु कार्त्तिकेय इति स्मृतः प्रत्यूषस्य विदुः पुत्रम् ऋषिं नाम्नाथ देवलम् ॥
apatyaṃ kṛttikānāṃ tu kārttikeya iti smṛtaḥ pratyūṣasya viduḥ putram ṛṣiṃ nāmnātha devalam //
As the offspring of the Kṛttikās he is recorded as Kārttikeya; and they know Pratyūṣa's son to be the seer named Devala.
AI translation rendered from the Sanskrit, not a published edition
BrP 3.42
द्वौ पुत्रौ देवलस्यापि क्षमावन्तौ मनीषिणौ बृहस्पतेस् तु भगिनी वरस्त्री ब्रह्मवादिनी ॥
dvau putrau devalasyāpi kṣamāvantau manīṣiṇau bṛhaspates tu bhaginī varastrī brahmavādinī //
Devala too had two sons, patient and wise; and Bṛhaspati's sister was an excellent woman, an expounder of brahman,
AI translation rendered from the Sanskrit, not a published edition
BrP 3.43
योगसिद्धा जगत् कृत्स्नम् असक्ता विचचार ह प्रभासस्य तु सा भार्या वसूनाम् अष्टमस्य तु ॥
yogasiddhā jagat kṛtsnam asaktā vicacāra ha prabhāsasya tu sā bhāryā vasūnām aṣṭamasya tu //
perfected in yoga, unattached, she roamed the whole world; and she became the wife of Prabhāsa, the eighth of the Vasus,
AI translation rendered from the Sanskrit, not a published edition
BrP 3.44
विश्वकर्मा महाभागो यस्यां जज्ञे प्रजापतिः कर्ता शिल्पसहस्राणां त्रिदशानां च वार्धकिः ॥
viśvakarmā mahābhāgo yasyāṃ jajñe prajāpatiḥ kartā śilpasahasrāṇāṃ tridaśānāṃ ca vārdhakiḥ //
on whom was begotten the greatly fortunate Viśvakarman, a lord of creatures, the maker of thousands of crafts and the carpenter of the thirty (gods),
AI translation rendered from the Sanskrit, not a published edition
BrP 3.45
भूषणानां च सर्वेषां कर्ता शिल्पवतां वरः यः सर्वेषां विमानानि दैवतानां चकार ह ॥
bhūṣaṇānāṃ ca sarveṣāṃ kartā śilpavatāṃ varaḥ yaḥ sarveṣāṃ vimānāni daivatānāṃ cakāra ha //
the maker of all ornaments, the best of those possessing craft, who made the aerial cars of all the deities,
AI translation rendered from the Sanskrit, not a published edition
BrP 3.46
मानुषाश् चोपजीवन्ति यस्य शिल्पं महात्मनः सुरभी कश्यपाद् रुद्रान् एकादश विनिर्ममे ॥
mānuṣāś copajīvanti yasya śilpaṃ mahātmanaḥ surabhī kaśyapād rudrān ekādaśa vinirmame //
and men live by the craft of that great one. Surabhi produced eleven Rudras from Kaśyapa,
AI translation rendered from the Sanskrit, not a published edition
BrP 3.47
महादेवप्रसादेन तपसा भाविता सती अजैकपाद् अहिर्बुध्न्यस् त्वष्टा रुद्रश् च वीर्यवान् ॥
mahādevaprasādena tapasā bhāvitā satī ajaikapād ahirbudhnyas tvaṣṭā rudraś ca vīryavān //
that virtuous woman, matured by austerity, through the favour of Mahādeva: Ajaikapād, Ahirbudhnya, Tvaṣṭā, and the valiant Rudra,
AI translation rendered from the Sanskrit, not a published edition
BrP 3.48
हरश् च बहुरूपश् च त्र्यम्बकश् चापराजितः वृषाकपिश् च शंभुश् च कपर्दी रैवतस् तथा ॥
haraś ca bahurūpaś ca tryambakaś cāparājitaḥ vṛṣākapiś ca śaṃbhuś ca kapardī raivatas tathā //
and Hara, Bahurūpa, Tryambaka, Aparājita, Vṛṣākapi, Śambhu, Kapardī and Raivata,
AI translation rendered from the Sanskrit, not a published edition
BrP 3.49
मृगव्याधश् च शर्वश् च कपाली च द्विजोत्तमाः एकादशैते विख्याता रुद्रास् त्रिभुवनेश्वराः ॥
mṛgavyādhaś ca śarvaś ca kapālī ca dvijottamāḥ ekādaśaite vikhyātā rudrās tribhuvaneśvarāḥ //
and Mṛgavyādha, Śarva and Kapālī, O best of the twice-born: these eleven are the renowned Rudras, lords of the three worlds.
AI translation rendered from the Sanskrit, not a published edition
BrP 3.50
शतं त्व् एवं समाख्यातं रुद्राणाम् अमितौजसाम् पुराणे मुनिशार्दूला यैर् व्याप्तं सचराचरम् ॥
śataṃ tv evaṃ samākhyātaṃ rudrāṇām amitaujasām purāṇe muniśārdūlā yair vyāptaṃ sacarācaram //
Thus a hundred Rudras of measureless might are declared in the Purāṇa, O tigers among sages, by whom (all this) with its moving and unmoving beings is pervaded.
AI translation rendered from the Sanskrit, not a published edition
BrP 3.51
दाराञ् शृणुध्वं विप्रेन्द्राः कश्यपस्य प्रजापतेः अदितिर् दितिर् दनुश् चैव अरिष्टा सुरसा खसा ॥
dārāñ śṛṇudhvaṃ viprendrāḥ kaśyapasya prajāpateḥ aditir ditir danuś caiva ariṣṭā surasā khasā //
Hear now, O chief of brahmins, of the wives of Kaśyapa the lord of creatures: Aditi, Diti, Danu, Ariṣṭā, Surasā, Khasā,
AI translation rendered from the Sanskrit, not a published edition
BrP 3.52
सुरभिर् विनता चैव ताम्रा क्रोधवशा इरा कद्रुर् मुनिश् च भो विप्रास् तास्व् अपत्यानि बोधत ॥
surabhir vinatā caiva tāmrā krodhavaśā irā kadrur muniś ca bho viprās tāsv apatyāni bodhata //
Surabhi, Vinatā, Tāmrā, Krodhavaśā, Irā, Kadrū and Muni — O brahmins, learn of the offspring (born) in them.
AI translation rendered from the Sanskrit, not a published edition
BrP 3.53
पूर्वमन्वन्तरे श्रेष्ठा द्वादशासन् सुरोत्तमाः तुषिता नाम ते ऽन्योन्यम् ऊचुर् वैवस्वते ऽन्तरे ॥
pūrvamanvantare śreṣṭhā dvādaśāsan surottamāḥ tuṣitā nāma te 'nyonyam ūcur vaivasvate 'ntare //
In a former manvantara there were twelve most excellent gods, foremost (of all), named the Tuṣitas; in the Vaivasvata (manvantara) they said to one another,
AI translation rendered from the Sanskrit, not a published edition
BrP 3.54
उपस्थिते ऽतियशसश् चाक्षुषस्यान्तरे मनोः हितार्थं सर्वलोकानां समागम्य परस्परम् ॥
upasthite 'tiyaśasaś cākṣuṣasyāntare manoḥ hitārthaṃ sarvalokānāṃ samāgamya parasparam //
When the interval of the exceedingly glorious Manu Cākṣuṣa had arrived, they came together with one another for the benefit of all the worlds (and said):
AI translation rendered from the Sanskrit, not a published edition
BrP 3.55
आगच्छत द्रुतं देवा अदितिं संप्रविश्य वै मन्वन्तरे प्रसूयामस् तन् नः श्रेयो भविष्यति ॥
āgacchata drutaṃ devā aditiṃ saṃpraviśya vai manvantare prasūyāmas tan naḥ śreyo bhaviṣyati //
"Come quickly, O gods! Entering into Aditi, let us be born in that Manu-interval; that will be our good."
AI translation rendered from the Sanskrit, not a published edition
BrP 3.56
एवम् उक्त्वा तु ते सर्वे चाक्षुषस्यान्तरे मनोः मारीचात् कश्यपाज् जातास् त्व् अदित्या दक्षकन्यया ॥
evam uktvā tu te sarve cākṣuṣasyāntare manoḥ mārīcāt kaśyapāj jātās tv adityā dakṣakanyayā //
Having spoken thus, they were all born, in the interval of Manu Cākṣuṣa, from Kaśyapa the son of Marīci, upon Aditi, the daughter of Dakṣa.
AI translation rendered from the Sanskrit, not a published edition
BrP 3.57
तत्र विष्णुश् च शक्रश् च जज्ञाते पुनर् एव हि अर्यमा चैव धाता च त्वष्टा पूषा तथैव च ॥
tatra viṣṇuś ca śakraś ca jajñāte punar eva hi aryamā caiva dhātā ca tvaṣṭā pūṣā tathaiva ca //
There Viṣṇu and Śakra were born again, and Aryaman and Dhātṛ, and Tvaṣṭṛ and Pūṣan likewise,
AI translation rendered from the Sanskrit, not a published edition
BrP 3.58
विवस्वान् सविता चैव मित्रो वरुण एव च अंशो भगश् चातितेजा आदित्या द्वादश स्मृताः ॥
vivasvān savitā caiva mitro varuṇa eva ca aṃśo bhagaś cātitejā ādityā dvādaśa smṛtāḥ //
Vivasvat and Savitṛ, and Mitra and Varuṇa, and Aṃśa and the exceedingly brilliant Bhaga: these are remembered as the twelve Ādityas.
AI translation rendered from the Sanskrit, not a published edition
BrP 3.59
सप्तविंशति याः प्रोक्ताः सोमपत्न्यो महाव्रताः तासाम् अपत्यान्य् अभवन् दीप्तान्य् अमिततेजसः ॥
saptaviṃśati yāḥ proktāḥ somapatnyo mahāvratāḥ tāsām apatyāny abhavan dīptāny amitatejasaḥ //
The twenty-seven wives of Soma who have been mentioned, (women) of great vows — their offspring were shining ones of immeasurable brilliance.
AI translation rendered from the Sanskrit, not a published edition
BrP 3.60
अरिष्टनेमिपत्नीनाम् अपत्यानीह षोडश बहुपुत्रस्य विदुषश् चतस्रो विद्युतः स्मृताः ॥
ariṣṭanemipatnīnām apatyānīha ṣoḍaśa bahuputrasya viduṣaś catasro vidyutaḥ smṛtāḥ //
The offspring of the wives of Ariṣṭanemi here are sixteen; of the learned Bahuputra four are remembered, the lightnings.
AI translation rendered from the Sanskrit, not a published edition
BrP 3.61
चाक्षुषस्यान्तरे पूर्वे ऋचो ब्रह्मर्षिसत्कृताः कृशाश्वस्य च देवर्षेर् देवप्रहरणाः स्मृताः ॥
cākṣuṣasyāntare pūrve ṛco brahmarṣisatkṛtāḥ kṛśāśvasya ca devarṣer devapraharaṇāḥ smṛtāḥ //
In the interval of Cākṣuṣa the ancient ṛc-verses, honoured by the brahman-seers (were born); and of the divine seer Kṛśāśva are remembered the divine weapons.
AI translation rendered from the Sanskrit, not a published edition — the model flagged this verse as uncertain
BrP 3.62
एते युगसहस्रान्ते जायन्ते पुनर् एव हि सर्वे देवगणाश् चात्र त्रयस्त्रिंशत् तु कामजाः ॥
ete yugasahasrānte jāyante punar eva hi sarve devagaṇāś cātra trayastriṃśat tu kāmajāḥ //
These are born again at the end of a thousand yugas; and here all the troops of gods, thirty-three, are born of desire (kāma).
AI translation rendered from the Sanskrit, not a published edition
BrP 3.63
तेषाम् अपि च भो विप्रा निरोधोत्पत्तिर् उच्यते यथा सूर्यस्य गगन उदयास्तमयाव् इह ॥
teṣām api ca bho viprā nirodhotpattir ucyate yathā sūryasya gagana udayāstamayāv iha //
And of these too, O brahmins, a ceasing and an arising is spoken of, as here the rising and setting of the sun in the sky.
AI translation rendered from the Sanskrit, not a published edition
BrP 3.64
एवं देवनिकायास् ते संभवन्ति युगे युगे दित्याः पुत्रद्वयं जज्ञे कश्यपाद् इति नः श्रुतम् ॥
evaṃ devanikāyās te saṃbhavanti yuge yuge dityāḥ putradvayaṃ jajñe kaśyapād iti naḥ śrutam //
Thus those companies of gods come into being in age after age. Of Diti two sons were born from Kaśyapa — so we have heard.
AI translation rendered from the Sanskrit, not a published edition
BrP 3.65
हिरण्यकशिपुश् चैव हिरण्याक्षश् च वीर्यवान् सिंहिका चाभवत् कन्या विप्रचित्तेः परिग्रहः ॥
hiraṇyakaśipuś caiva hiraṇyākṣaś ca vīryavān siṃhikā cābhavat kanyā vipracitteḥ parigrahaḥ //
Hiraṇyakaśipu and the valiant Hiraṇyākṣa; and there was a daughter, Siṃhikā, who was taken in marriage by Vipracitti.
AI translation rendered from the Sanskrit, not a published edition
BrP 3.66
सैंहिकेया इति ख्याता यस्याः पुत्रा महाबलाः हिरण्यकशिपोः पुत्राश् चत्वारः प्रथितौजसः ॥
saiṃhikeyā iti khyātā yasyāḥ putrā mahābalāḥ hiraṇyakaśipoḥ putrāś catvāraḥ prathitaujasaḥ //
Her mighty sons are known as the Saiṃhikeyas. Hiraṇyakaśipu's sons were four, of renowned might:
AI translation rendered from the Sanskrit, not a published edition
BrP 3.67
ह्रादश् च अनुह्रादश् च प्रह्रादश् चैव वीर्यवान् संह्रादश् च चतुर्थो ऽभूद् ध्रादपुत्रो ह्रदस् तथा ॥
hrādaś ca anuhrādaś ca prahrādaś caiva vīryavān saṃhrādaś ca caturtho 'bhūd dhrādaputro hradas tathā //
Hrāda and Anuhrāda and the valiant Prahrāda, and Saṃhrāda was the fourth; and Hrada was the son of Hrāda.
AI translation rendered from the Sanskrit, not a published edition
BrP 3.68
ह्रदस्य पुत्रौ द्वौ वीरौ शिवः कालस् तथैव च विरोचनश् च प्राह्रादिर् बलिर् जज्ञे विरोचनात् ॥
hradasya putrau dvau vīrau śivaḥ kālas tathaiva ca virocanaś ca prāhrādir balir jajñe virocanāt //
Hrada's two sons were heroes, Śiva and Kāla likewise; and Virocana was Prahrāda's son, and from Virocana Bali was born.
AI translation rendered from the Sanskrit, not a published edition
BrP 3.69
बलेः पुत्रशतम् आसीद् बाणज्येष्ठं तपोधनाः धृतराष्ट्रश् च सूर्यश् च चन्द्रमाश् चन्द्रतापनः ॥
baleḥ putraśatam āsīd bāṇajyeṣṭhaṃ tapodhanāḥ dhṛtarāṣṭraś ca sūryaś ca candramāś candratāpanaḥ //
Bali had a hundred sons, with Bāṇa as the eldest, O you rich in austerity: Dhṛtarāṣṭra and Sūrya and Candramas and Candratāpana,
AI translation rendered from the Sanskrit, not a published edition
BrP 3.70
कुम्भनाभो गर्दभाक्षः कुक्षिर् इत्य् एवमादयः बाणस् तेषाम् अतिबलो ज्येष्ठः पशुपतेः प्रियः ॥
kumbhanābho gardabhākṣaḥ kukṣir ity evamādayaḥ bāṇas teṣām atibalo jyeṣṭhaḥ paśupateḥ priyaḥ //
Kumbhanābha, Gardabhākṣa, Kukṣi, and others of this sort. Bāṇa, the eldest among them, exceedingly strong, was dear to Paśupati.
AI translation rendered from the Sanskrit, not a published edition
BrP 3.71
पुरा कल्पे तु बाणेन प्रसाद्योमापतिं प्रभुम् पार्श्वतो विहरिष्यामि इत्य् एवं याचितो वरः ॥
purā kalpe tu bāṇena prasādyomāpatiṃ prabhum pārśvato vihariṣyāmi ity evaṃ yācito varaḥ //
In a former kalpa, Bāṇa, having propitiated the lord, the husband of Umā, asked this boon: "I shall dwell at (your) side."
AI translation rendered from the Sanskrit, not a published edition
BrP 3.72
हिरण्याक्षसुताश् चैव विद्वांसश् च महाबलाः भर्भरः शकुनिश् चैव भूतसंतापनस् तथा ॥
hiraṇyākṣasutāś caiva vidvāṃsaś ca mahābalāḥ bharbharaḥ śakuniś caiva bhūtasaṃtāpanas tathā //
And the sons of Hiraṇyākṣa were learned and of great strength: Bharbhara and Śakuni, and Bhūtasaṃtāpana likewise,
AI translation rendered from the Sanskrit, not a published edition
BrP 3.73
महानाभश् च विक्रान्तः कालनाभस् तथैव च अभवन् दनुपुत्राश् च शतं तीव्रपराक्रमाः ॥
mahānābhaś ca vikrāntaḥ kālanābhas tathaiva ca abhavan danuputrāś ca śataṃ tīvraparākramāḥ //
and the valorous Mahānābha, and Kālanābha likewise. And the sons of Danu were a hundred, of fierce prowess,
AI translation rendered from the Sanskrit, not a published edition
BrP 3.74
तपस्विनो महावीर्याः प्राधान्येन ब्रवीमि तान् द्विमूर्धा शङ्कुकर्णश् च तथा हयशिरा विभुः ॥
tapasvino mahāvīryāḥ prādhānyena bravīmi tān dvimūrdhā śaṅkukarṇaś ca tathā hayaśirā vibhuḥ //
Ascetics of great might — I shall name the chief of them: Dvimūrdhan and Śaṅkukarṇa, and likewise the mighty Hayaśiras;
AI translation rendered from the Sanskrit, not a published edition
BrP 3.75
अयोमुखः शम्बरश् च कपिलो वामनस् तथा मारीचिर् मघवांश् चैव इल्वलः स्वसृमस् तथा ॥
ayomukhaḥ śambaraś ca kapilo vāmanas tathā mārīcir maghavāṃś caiva ilvalaḥ svasṛmas tathā //
Ayomukha and Śambara, Kapila and Vāmana, Marīci and Maghavān, Ilvala and Svasṛma;
AI translation rendered from the Sanskrit, not a published edition
BrP 3.76
विक्षोभणश् च केतुश् च केतुवीर्यशतह्रदौ इन्द्रजित् सर्वजिच् चैव वज्रनाभस् तथैव च ॥
vikṣobhaṇaś ca ketuś ca ketuvīryaśatahradau indrajit sarvajic caiva vajranābhas tathaiva ca //
Vikṣobhaṇa and Ketu, Ketuvīrya and Śatahradā, Indrajit and Sarvajit, and likewise Vajranābha;
AI translation rendered from the Sanskrit, not a published edition
BrP 3.77
एकचक्रो महाबाहुस् तारकश् च महाबलः वैश्वानरः पुलोमा च विद्रावणमहाशिराः ॥
ekacakro mahābāhus tārakaś ca mahābalaḥ vaiśvānaraḥ pulomā ca vidrāvaṇamahāśirāḥ //
Ekacakra, Mahābāhu, and Tāraka of great strength, Vaiśvānara and Pulomā, Vidrāvaṇa and Mahāśiras;
AI translation rendered from the Sanskrit, not a published edition
BrP 3.78
स्वर्भानुर् वृषपर्वा च विप्रचित्तिश् च वीर्यवान् सर्व एते दनोः पुत्राः कश्यपाद् अभिजज्ञिरे ॥
svarbhānur vṛṣaparvā ca vipracittiś ca vīryavān sarva ete danoḥ putrāḥ kaśyapād abhijajñire //
Svarbhānu and Vṛṣaparvan, and the valorous Vipracitti — all these were the sons of Danu, begotten of Kaśyapa.
AI translation rendered from the Sanskrit, not a published edition
BrP 3.79
विप्रचित्तिप्रधानास् ते दानवाः सुमहाबलाः एतेषां पुत्रपौत्रं तु न तच् छक्यं द्विजोत्तमाः ॥
vipracittipradhānās te dānavāḥ sumahābalāḥ eteṣāṃ putrapautraṃ tu na tac chakyaṃ dvijottamāḥ //
Those Dānavas, of very great strength, with Vipracitti at their head — their sons and grandsons, O best of the twice-born, cannot be
AI translation rendered from the Sanskrit, not a published edition
BrP 3.80
प्रसंख्यातुं बहुत्वाच् च पुत्रपौत्रम् अनन्तकम् स्वर्भानोस् तु प्रभा कन्या पुलोम्नस् तु शची सुता ॥
prasaṃkhyātuṃ bahutvāc ca putrapautram anantakam svarbhānos tu prabhā kanyā pulomnas tu śacī sutā //
reckoned up, because of their multitude; their sons and grandsons are endless. Prabhā was the daughter of Svarbhānu, and Śacī the daughter of Pulomā.
AI translation rendered from the Sanskrit, not a published edition
BrP 3.81
उपदीप्तिर् हयशिराः शर्मिष्ठा वार्षपर्वणी पुलोमा कालिका चैव वैश्वानरसुते उभे ॥
upadīptir hayaśirāḥ śarmiṣṭhā vārṣaparvaṇī pulomā kālikā caiva vaiśvānarasute ubhe //
Upadīpti (was the daughter) of Hayaśiras, Śarmiṣṭhā of Vṛṣaparvan; Pulomā and Kālikā were the two daughters of Vaiśvānara.
AI translation rendered from the Sanskrit, not a published edition
BrP 3.82
बह्वपत्ये महापत्ये मरीचेस् तु परिग्रहः तयोः पुत्रसहस्राणि षष्टिर् दानवनन्दनाः ॥
bahvapatye mahāpatye marīces tu parigrahaḥ tayoḥ putrasahasrāṇi ṣaṣṭir dānavanandanāḥ //
These two, rich in offspring and with mighty offspring, were the wives of Marīci; from the two of them came sixty thousand sons, the delight of the Dānavas.
AI translation rendered from the Sanskrit, not a published edition
BrP 3.83
चतुर्दशशतान् अन्यान् हिरण्यपुरवासिनः मरीचिर् जनयाम् आस महता तपसान्वितः ॥
caturdaśaśatān anyān hiraṇyapuravāsinaḥ marīcir janayām āsa mahatā tapasānvitaḥ //
Marīci, endowed with great ascetic power, begot another fourteen hundred, dwellers in Hiraṇyapura.
AI translation rendered from the Sanskrit, not a published edition
BrP 3.84
पौलोमाः कालकेयाश् च दानवास् ते महाबलाः अवध्या देवतानां हि हिरण्यपुरवासिनः ॥
paulomāḥ kālakeyāś ca dānavās te mahābalāḥ avadhyā devatānāṃ hi hiraṇyapuravāsinaḥ //
Those Dānavas of great strength, the Paulomas and the Kālakeyas, dwellers in Hiraṇyapura, were indeed not to be slain by the gods —
AI translation rendered from the Sanskrit, not a published edition
BrP 3.85
पितामहप्रसादेन ये हताः सव्यसाचिना ततो ऽपरे महावीर्या दानवास् त्व् अतिदारुणाः ॥
pitāmahaprasādena ye hatāḥ savyasācinā tato 'pare mahāvīryā dānavās tv atidāruṇāḥ //
they who were slain by the Left-handed Archer (Arjuna) through the favour of the Grandfather. Then there were other Dānavas of great might and exceeding fierceness,
AI translation rendered from the Sanskrit, not a published edition
BrP 3.86
सिंहिकायाम् अथोत्पन्ना विप्रचित्तेः सुतास् तथा दैत्यदानवसंयोगाज् जातास् तीव्रपराक्रमाः ॥
siṃhikāyām athotpannā vipracitteḥ sutās tathā daityadānavasaṃyogāj jātās tīvraparākramāḥ //
born of Siṃhikā, being the sons of Vipracitti, sprung from the union of a Daitya and a Dānavī, of keen prowess.
AI translation rendered from the Sanskrit, not a published edition
BrP 3.87
सैंहिकेया इति ख्यातास् त्रयोदश महाबलाः वंश्यः शल्यश् च बलिनौ नलश् चैव तथा बलः ॥
saiṃhikeyā iti khyātās trayodaśa mahābalāḥ vaṃśyaḥ śalyaś ca balinau nalaś caiva tathā balaḥ //
Known as the Saiṃhikeyas, thirteen of great strength: Vaṃśya and Śalya, both powerful, and Nala and Bala,
AI translation rendered from the Sanskrit, not a published edition
BrP 3.88
वातापिर् नमुचिश् चैव इल्वलः स्वसृमस् तथा अञ्जिको नरकश् चैव कालनाभस् तथैव च ॥
vātāpir namuciś caiva ilvalaḥ svasṛmas tathā añjiko narakaś caiva kālanābhas tathaiva ca //
Vātāpi and Namuci, Ilvala and Svasṛma, Añjika and Naraka, and likewise Kālanābha,
AI translation rendered from the Sanskrit, not a published edition
BrP 3.89
सरमानस् तथा चैव स्वरकल्पश् च वीर्यवान् एते वै दानवाः श्रेष्ठा दनोर् वंशविवर्धनाः ॥
saramānas tathā caiva svarakalpaś ca vīryavān ete vai dānavāḥ śreṣṭhā danor vaṃśavivardhanāḥ //
Saramāna, and the valorous Svarakalpa. These indeed were the foremost Dānavas, the increasers of Danu's line.
AI translation rendered from the Sanskrit, not a published edition
BrP 3.90
तेषां पुत्राश् च पौत्राश् च शतशो ऽथ सहस्रशः संह्रादस्य तु दैत्यस्य निवातकवचाः कुले ॥
teṣāṃ putrāś ca pautrāś ca śataśo 'tha sahasraśaḥ saṃhrādasya tu daityasya nivātakavacāḥ kule //
Their sons and grandsons were by hundreds and by thousands. In the family of the Daitya Saṃhrāda the Nivātakavacas
AI translation rendered from the Sanskrit, not a published edition
BrP 3.91
समुत्पन्नाः सुमहता तपसा भावितात्मनः तिस्रः कोट्यः सुतास् तेषां मणिवत्यां निवासिनः ॥
samutpannāḥ sumahatā tapasā bhāvitātmanaḥ tisraḥ koṭyaḥ sutās teṣāṃ maṇivatyāṃ nivāsinaḥ //
were born, their selves purified by very great asceticism; their sons were three crores, dwelling in Maṇivatī.
AI translation rendered from the Sanskrit, not a published edition
BrP 3.92
अवध्यास् ते ऽपि देवानाम् अर्जुनेन निपातिताः षट् सुताः सुमहाभागास् ताम्रायाः परिकीर्तिताः ॥
avadhyās te 'pi devānām arjunena nipātitāḥ ṣaṭ sutāḥ sumahābhāgās tāmrāyāḥ parikīrtitāḥ //
They too, not to be slain by the gods, were struck down by Arjuna. Six sons of Tāmrā, of great fortune, are celebrated.
AI translation rendered from the Sanskrit, not a published edition
BrP 3.93
क्रौञ्ची श्येनी च भासी च सुग्रीवी शुचिगृध्रिका क्रौञ्ची तु जनयाम् आस उलूकप्रत्युलूककान् ॥
krauñcī śyenī ca bhāsī ca sugrīvī śucigṛdhrikā krauñcī tu janayām āsa ulūkapratyulūkakān //
Krauñcī, Śyenī, Bhāsī, Sugrīvī, Śuci, and Gṛdhrikā. Krauñcī gave birth to the owls and the horned owls;
AI translation rendered from the Sanskrit, not a published edition
BrP 3.94
श्येनी श्येनांस् तथा भासी भासान् गृध्रांश् च गृध्र्य् अपि शुचिर् औदकान् पक्षिगणान् सुग्रीवी तु द्विजोत्तमाः ॥
śyenī śyenāṃs tathā bhāsī bhāsān gṛdhrāṃś ca gṛdhry api śucir audakān pakṣigaṇān sugrīvī tu dvijottamāḥ //
Śyenī (bore) hawks, and Bhāsī the bhāsa birds, and Gṛdhrī the vultures, and Śuci the flocks of water birds, but Sugrīvī — O best of the twice-born —
AI translation rendered from the Sanskrit, not a published edition
BrP 3.95
अश्वान् उष्ट्रान् गर्दभांश् च ताम्रावंशः प्रकीर्तितः विनतायास् तु द्वौ पुत्रौ विख्यातौ गरुडारुणौ ॥
aśvān uṣṭrān gardabhāṃś ca tāmrāvaṃśaḥ prakīrtitaḥ vinatāyās tu dvau putrau vikhyātau garuḍāruṇau //
— horses, camels and asses. Thus the lineage of Tāmrā has been declared. But of Vinatā there were two well-known sons, Garuḍa and Aruṇa.
AI translation rendered from the Sanskrit, not a published edition
BrP 3.96
गरुडः पततां श्रेष्ठो दारुणः स्वेन कर्मणा सुरसायाः सहस्रं तु सर्पाणाम् अमितौजसाम् ॥
garuḍaḥ patatāṃ śreṣṭho dāruṇaḥ svena karmaṇā surasāyāḥ sahasraṃ tu sarpāṇām amitaujasām //
Garuḍa, the best of flying creatures, was terrible by his own deeds. And of Surasā (there were) a thousand serpents of measureless might,
AI translation rendered from the Sanskrit, not a published edition
BrP 3.97
अनेकशिरसां विप्राः खचराणां महात्मनाम् काद्रवेयास् तु बलिनः सहस्रम् अमितौजसः ॥
anekaśirasāṃ viprāḥ khacarāṇāṃ mahātmanām kādraveyās tu balinaḥ sahasram amitaujasaḥ //
many-headed, O brahmins, sky-going, great of soul. And of Kadrū there were a thousand powerful ones of measureless might,
AI translation rendered from the Sanskrit, not a published edition
BrP 3.98
सुपर्णवशगा नागा जज्ञिरे नैकमस्तकाः येषां प्रधानाः सततं शेषवासुकितक्षकाः ॥
suparṇavaśagā nāgā jajñire naikamastakāḥ yeṣāṃ pradhānāḥ satataṃ śeṣavāsukitakṣakāḥ //
the nāgas, subject to Suparṇa (Garuḍa), were born with many heads; among whom the chief ones always are Śeṣa, Vāsuki and Takṣaka:
AI translation rendered from the Sanskrit, not a published edition
BrP 3.99
ऐरावतो महापद्मः कम्बलाश्वतराव् उभौ एलापत्त्रश् च शङ्खश् च कर्कोटकधनंजयौ ॥
airāvato mahāpadmaḥ kambalāśvatarāv ubhau elāpattraś ca śaṅkhaś ca karkoṭakadhanaṃjayau //
Airāvata, Mahāpadma, both Kambala and Aśvatara, and Elāpattra and Śaṅkha, Karkoṭaka and Dhanaṃjaya,
AI translation rendered from the Sanskrit, not a published edition
BrP 3.100
महानीलमहाकर्णौ धृतराष्ट्रबलाहकौ कुहरः पुष्पदंष्ट्रश् च दुर्मुखः सुमुखस् तथा ॥
mahānīlamahākarṇau dhṛtarāṣṭrabalāhakau kuharaḥ puṣpadaṃṣṭraś ca durmukhaḥ sumukhas tathā //
Mahānīla and Mahākarṇa, Dhṛtarāṣṭra and Balāhaka, Kuhara and Puṣpadaṃṣṭra, Durmukha and likewise Sumukha,
AI translation rendered from the Sanskrit, not a published edition
BrP 3.101
शङ्खश् च शङ्खपालश् च कपिलो वामनस् तथा नहुषः शङ्खरोमा च मणिर् इत्य् एवमादयः ॥
śaṅkhaś ca śaṅkhapālaś ca kapilo vāmanas tathā nahuṣaḥ śaṅkharomā ca maṇir ity evamādayaḥ //
and Śaṅkha and Śaṅkhapāla, Kapila and likewise Vāmana, Nahuṣa and Śaṅkharomā and Maṇi — such are they and others like them.
AI translation rendered from the Sanskrit, not a published edition
BrP 3.102
तेषां पुत्राश् च पौत्राश् च शतशो ऽथ सहस्रशः चतुर्दशसहस्राणि क्रूराणाम् अनिलाशिनाम् ॥
teṣāṃ putrāś ca pautrāś ca śataśo 'tha sahasraśaḥ caturdaśasahasrāṇi krūrāṇām anilāśinām //
Their sons and grandsons (are) by hundreds and by thousands: fourteen thousand cruel ones who feed on wind.
AI translation rendered from the Sanskrit, not a published edition
BrP 3.103
गणं क्रोधवंशं विप्रास् तस्य सर्वे च दंष्ट्रिणः स्थलजाः पक्षिणो ऽब्जाश् च धरायाः प्रसवाः स्मृताः ॥
gaṇaṃ krodhavaṃśaṃ viprās tasya sarve ca daṃṣṭriṇaḥ sthalajāḥ pakṣiṇo 'bjāś ca dharāyāḥ prasavāḥ smṛtāḥ //
(This is) the group called the lineage of Krodhā, O brahmins, and all of it (consists of) the fanged ones. The land-born, the birds and the water-born are held to be the offspring of Dharā.
AI translation rendered from the Sanskrit, not a published edition — the model flagged this verse as uncertain
BrP 3.104
गास् तु वै जनयाम् आस सुरभिर् महिषीस् तथा इरा वृक्षलता वल्लीस् तृणजातीश् च सर्वशः ॥
gās tu vai janayām āsa surabhir mahiṣīs tathā irā vṛkṣalatā vallīs tṛṇajātīś ca sarvaśaḥ //
Surabhi brought forth cows and likewise buffaloes; Irā, trees, creepers, vines and all the kinds of grasses.
AI translation rendered from the Sanskrit, not a published edition
BrP 3.105
खसा तु यक्षरक्षांसि मुनिर् अप्सरसस् तथा अरिष्टा तु महासिद्धा गन्धर्वान् अमितौजसः ॥
khasā tu yakṣarakṣāṃsi munir apsarasas tathā ariṣṭā tu mahāsiddhā gandharvān amitaujasaḥ //
Khasā (bore) the yakṣas and rākṣasas, and Muni the apsarases; and Ariṣṭā, of great accomplishment, (bore) the gandharvas of measureless might.
AI translation rendered from the Sanskrit, not a published edition
BrP 3.106
एते कश्यपदायादाः कीर्तिताः स्थाणुजङ्गमाः येषां पुत्राश् च पौत्राश् च शतशो ऽथ सहस्रशः ॥
ete kaśyapadāyādāḥ kīrtitāḥ sthāṇujaṅgamāḥ yeṣāṃ putrāś ca pautrāś ca śataśo 'tha sahasraśaḥ //
These have been declared to be the heirs of Kaśyapa, the fixed and the moving, whose sons and grandsons (are) by hundreds and by thousands.
AI translation rendered from the Sanskrit, not a published edition
BrP 3.107
एष मन्वन्तरे विप्राः सर्गः स्वारोचिषे स्मृतः वैवस्वते ऽतिमहति वारुणे वितते क्रतौ ॥
eṣa manvantare viprāḥ sargaḥ svārociṣe smṛtaḥ vaivasvate 'timahati vāruṇe vitate kratau //
This creation, O brahmins, is held to be that of the Svārociṣa manvantara. In the Vaivasvata (manvantara), at the very great, extended Vāruṇa sacrifice,
AI translation rendered from the Sanskrit, not a published edition
BrP 3.108
जुह्वानस्य ब्रह्मणो वै प्रजासर्ग इहोच्यते पूर्वं यत्र समुत्पन्नान् ब्रह्मर्षीन् सप्त मानसान् ॥
juhvānasya brahmaṇo vai prajāsarga ihocyate pūrvaṃ yatra samutpannān brahmarṣīn sapta mānasān //
the creation of creatures by Brahmā as he was offering the oblation is here recounted — wherein formerly the seven brahmarṣis born of his mind arose,
AI translation rendered from the Sanskrit, not a published edition
BrP 3.109
पुत्रत्वे कल्पयाम् आस स्वयम् एव पितामहः ततो विरोधे देवानां दानवानां च भो द्विजाः ॥
putratve kalpayām āsa svayam eva pitāmahaḥ tato virodhe devānāṃ dānavānāṃ ca bho dvijāḥ //
whom the Grandfather himself appointed to the status of sons. Then, in the conflict of the gods and the dānavas, O twice-born ones,
AI translation rendered from the Sanskrit, not a published edition
BrP 3.110
दितिर् विनष्टपुत्रा वै तोषयाम् आस कश्यपम् कश्यपस् तु प्रसन्नात्मा सम्यग् आराधितस् तया ॥
ditir vinaṣṭaputrā vai toṣayām āsa kaśyapam kaśyapas tu prasannātmā samyag ārādhitas tayā //
Diti, whose sons had been destroyed, propitiated Kaśyapa; and Kaśyapa, well worshipped by her, became gracious of heart.
AI translation rendered from the Sanskrit, not a published edition
BrP 3.111
वरेण च्छन्दयाम् आस सा च वव्रे वरं तदा पुत्रम् इन्द्रवधार्थाय समर्थम् अमितौजसम् ॥
vareṇa cchandayām āsa sā ca vavre varaṃ tadā putram indravadhārthāya samartham amitaujasam //
He offered her (the choice of) a boon, and she then chose as her boon a son, capable and of measureless might, for the purpose of slaying Indra.
AI translation rendered from the Sanskrit, not a published edition
BrP 3.112
स च तस्मै वरं प्रादात् प्रार्थितः सुमहातपाः दत्त्वा च वरम् अत्युग्रो मारीचः समभाषत ॥
sa ca tasmai varaṃ prādāt prārthitaḥ sumahātapāḥ dattvā ca varam atyugro mārīcaḥ samabhāṣata //
And he, of very great austerity, being entreated, granted her the boon; and having granted the boon, the most fierce son of Marīci spoke:
AI translation rendered from the Sanskrit, not a published edition
BrP 3.113
इन्द्रं पुत्रो निहन्ता ते गर्भं वै शरदां शतम् यदि धारयसे शौचतत्परा व्रतम् आस्थिता ॥
indraṃ putro nihantā te garbhaṃ vai śaradāṃ śatam yadi dhārayase śaucatatparā vratam āsthitā //
"Your son will be the slayer of Indra, if you carry the embryo for a hundred autumns, intent on purity and keeping to the observance."
AI translation rendered from the Sanskrit, not a published edition
BrP 3.114
तथेत्य् अभिहितो भर्ता तया देव्या महातपाः धारयाम् आस गर्भं तु शुचिः सा मुनिसत्तमाः ॥
tathety abhihito bhartā tayā devyā mahātapāḥ dhārayām āsa garbhaṃ tu śuciḥ sā munisattamāḥ //
Thus addressed by that goddess, her husband, of great austerity, (consented); and she, pure, bore the embryo, O best of sages.
AI translation rendered from the Sanskrit, not a published edition
BrP 3.115
ततो ऽभ्युपागमद् दित्यां गर्भम् आधाय कश्यपः रोधयन् वै गणं श्रेष्ठं देवानाम् अमितौजसम् ॥
tato 'bhyupāgamad dityāṃ garbham ādhāya kaśyapaḥ rodhayan vai gaṇaṃ śreṣṭhaṃ devānām amitaujasam //
Then Kaśyapa, having deposited the embryo, went away from Diti, (the embryo) obstructing the foremost troop of the gods, of measureless might.
AI translation rendered from the Sanskrit, not a published edition — the model flagged this verse as uncertain
BrP 3.116
तेजः संहृत्य दुर्धर्षम् अवध्यम् अमरैर् अपि जगाम पर्वतायैव तपसे संशितव्रता ॥
tejaḥ saṃhṛtya durdharṣam avadhyam amarair api jagāma parvatāyaiva tapase saṃśitavratā //
Having gathered in her energy, hard to assail and unslayable even by the immortals, she of firm vows went to the mountain for austerity.
AI translation rendered from the Sanskrit, not a published edition
BrP 3.117
तस्याश् चैवान्तरप्रेप्सुर् अभवत् पाकशासनः जाते वर्षशते चास्या ददर्शान्तरम् अच्युतः ॥
tasyāś caivāntaraprepsur abhavat pākaśāsanaḥ jāte varṣaśate cāsyā dadarśāntaram acyutaḥ //
And the chastiser of Pāka (Indra) sought an opening in her; and when a hundred years had passed, the imperishable one saw his opening.
AI translation rendered from the Sanskrit, not a published edition
BrP 3.118
अकृत्वा पादयोः शौचं दितिः शयनम् आविशत् निद्रां चाहारयाम् आस तस्यां कुक्षिं प्रविश्य सः ॥
akṛtvā pādayoḥ śaucaṃ ditiḥ śayanam āviśat nidrāṃ cāhārayām āsa tasyāṃ kukṣiṃ praviśya saḥ //
Without washing her feet, Diti went to her bed, and he, entering her womb, caused her to sleep.
AI translation rendered from the Sanskrit, not a published edition
BrP 3.119
वज्रपाणिस् ततो गर्भं सप्तधा तं न्यकृन्तयत् स पाट्यमानो गर्भो ऽथ वज्रेण प्ररुरोद ह ॥
vajrapāṇis tato garbhaṃ saptadhā taṃ nyakṛntayat sa pāṭyamāno garbho 'tha vajreṇa praruroda ha //
Then the wielder of the thunderbolt cut that embryo into seven; and the embryo, being split by the thunderbolt, cried out.
AI translation rendered from the Sanskrit, not a published edition
BrP 3.120
मा रोदीर् इति तं शक्रः पुनः पुनर् अथाब्रवीत् सो ऽभवत् सप्तधा गर्भस् तम् इन्द्रो रुषितः पुनः ॥
mā rodīr iti taṃ śakraḥ punaḥ punar athābravīt so 'bhavat saptadhā garbhas tam indro ruṣitaḥ punaḥ //
"Do not cry!" Śakra said to it again and again; the embryo became sevenfold, and Indra, angered, again (struck) it.
AI translation rendered from the Sanskrit, not a published edition
BrP 3.121
एकैकं सप्तधा चक्रे वज्रेणैवारिकर्षणः मरुतो नाम ते देवा बभूवुर् द्विजसत्तमाः ॥
ekaikaṃ saptadhā cakre vajreṇaivārikarṣaṇaḥ maruto nāma te devā babhūvur dvijasattamāḥ //
The harrier of foes made each one sevenfold with the thunderbolt; those gods came to be named the Maruts, O best of the twice-born.
AI translation rendered from the Sanskrit, not a published edition
BrP 3.122
यथोक्तं वै मघवता तथैव मरुतो ऽभवन् देवाश् चैकोनपञ्चाशत् सहाया वज्रपाणिनः ॥
yathoktaṃ vai maghavatā tathaiva maruto 'bhavan devāś caikonapañcāśat sahāyā vajrapāṇinaḥ //
Just as Maghavan had said, so the Maruts came to be — forty-nine gods, helpers of the thunderbolt-wielder.
AI translation rendered from the Sanskrit, not a published edition
BrP 3.123
तेषाम् एवं प्रवृत्तानां भूतानां द्विजसत्तमाः रोचयन् वै गणश्रेष्ठान् देवानाम् अमितौजसाम् ॥
teṣām evaṃ pravṛttānāṃ bhūtānāṃ dvijasattamāḥ rocayan vai gaṇaśreṣṭhān devānām amitaujasām //
Of those beings thus set forth, O best of the twice-born, (he) took pleasure in the foremost troops of the gods, of measureless might.
AI translation rendered from the Sanskrit, not a published edition — the model flagged this verse as uncertain
BrP 3.124
निकायेषु निकायेषु हरिः प्रादात् प्रजापतीन् क्रमशस् तानि राज्यानि पृथुपूर्वाणि भो द्विजाः ॥
nikāyeṣu nikāyeṣu hariḥ prādāt prajāpatīn kramaśas tāni rājyāni pṛthupūrvāṇi bho dvijāḥ //
In class after class Hari appointed lords of creatures, and in due order those sovereignties, beginning with Pṛthu's, O twice-born ones.
AI translation rendered from the Sanskrit, not a published edition — the model flagged this verse as uncertain
BrP 3.125
स हरिः पुरुषो वीरः कृष्णो जिष्णुः प्रजापतिः पर्जन्यस् तपनो ऽनन्तस् तस्य सर्वम् इदं जगत् ॥
sa hariḥ puruṣo vīraḥ kṛṣṇo jiṣṇuḥ prajāpatiḥ parjanyas tapano 'nantas tasya sarvam idaṃ jagat //
That Hari is the Person, the hero, Kṛṣṇa, the victorious, the lord of creatures, the rain-cloud, the burning one, the endless; all this world is his.
AI translation rendered from the Sanskrit, not a published edition
BrP 3.126
भूतसर्गम् इमं सम्यग् जानतो द्विजसत्तमाः नावृत्तिभयम् अस्तीह परलोकभयं कुतः ॥
bhūtasargam imaṃ samyag jānato dvijasattamāḥ nāvṛttibhayam astīha paralokabhayaṃ kutaḥ //
For one who rightly knows this creation of beings, O best of the twice-born, there is here no fear of rebirth — whence then fear of the other world?
AI translation rendered from the Sanskrit, not a published edition