Brahma Purana — Chapter 28
BrP 28.1
तत्रास्ते भारते वर्षे दक्षिणोदधिसंस्थितः ओण्ड्रदेश इति ख्यातः स्वर्गमोक्षप्रदायकः ॥
tatrāste bhārate varṣe dakṣiṇodadhisaṃsthitaḥ oṇḍradeśa iti khyātaḥ svargamokṣapradāyakaḥ //
There in the land of Bharata, situated on the southern ocean, lies (the region) known as the Oṇḍra country, which bestows heaven and liberation.
AI translation rendered from the Sanskrit, not a published edition
BrP 28.2
समुद्राद् उत्तरं तावद् यावद् विरजमण्डलम् देशो ऽसौ पुण्यशीलानां गुणैः सर्वैर् अलंकृतः ॥
samudrād uttaraṃ tāvad yāvad virajamaṇḍalam deśo 'sau puṇyaśīlānāṃ guṇaiḥ sarvair alaṃkṛtaḥ //
From the ocean northward as far as the region of the Virajā — that country of people of holy conduct is adorned with all excellences.
AI translation rendered from the Sanskrit, not a published edition
BrP 28.3
तत्र देशप्रसूता ये ब्राह्मणाः संयतेन्द्रियाः तपःस्वाध्यायनिरता वन्द्याः पूज्याश् च ते सदा ॥
tatra deśaprasūtā ye brāhmaṇāḥ saṃyatendriyāḥ tapaḥsvādhyāyaniratā vandyāḥ pūjyāś ca te sadā //
Those brahmins who are born in that country, with senses controlled, devoted to austerity and to recitation of the Veda — they are always to be saluted and honoured.
AI translation rendered from the Sanskrit, not a published edition
BrP 28.4
श्राद्धे दाने विवाहे च यज्ञे वाचार्यकर्मणि प्रशस्ताः सर्वकार्येषु तत्रदेशोद्भवा द्विजाः ॥
śrāddhe dāne vivāhe ca yajñe vācāryakarmaṇi praśastāḥ sarvakāryeṣu tatradeśodbhavā dvijāḥ //
In the śrāddha rite, in giving, in marriage, in sacrifice and in the office of teacher, the twice-born arisen in that country are commended in all undertakings.
AI translation rendered from the Sanskrit, not a published edition
BrP 28.5
षट्कर्मनिरतास् तत्र ब्राह्मणा वेदपारगाः इतिहासविदश् चैव पुराणार्थविशारदाः ॥
ṣaṭkarmaniratās tatra brāhmaṇā vedapāragāḥ itihāsavidaś caiva purāṇārthaviśāradāḥ //
There the brahmins are devoted to the six duties, have gone to the far shore of the Vedas, are knowers of the ancient narratives, and are skilled in the meaning of the Purāṇas.
AI translation rendered from the Sanskrit, not a published edition
BrP 28.6
सर्वशास्त्रार्थकुशला यज्वानो वीतमत्सराः अग्निहोत्ररताः केचित् केचित् स्मार्ताग्नितत्पराः ॥
sarvaśāstrārthakuśalā yajvāno vītamatsarāḥ agnihotraratāḥ kecit kecit smārtāgnitatparāḥ //
Skilled in the meaning of all the scriptures, sacrificers, free of envy; some are devoted to the agnihotra, some intent upon the smārta fire.
AI translation rendered from the Sanskrit, not a published edition
BrP 28.7
पुत्रदारधनैर् युक्ता दातारः सत्यवादिनः निवसन्त्य् उत्कले पुण्ये यज्ञोत्सवविभूषिते ॥
putradāradhanair yuktā dātāraḥ satyavādinaḥ nivasanty utkale puṇye yajñotsavavibhūṣite //
Endowed with sons, wives and wealth, givers, speakers of truth, they dwell in holy Utkala, adorned with sacrifices and festivals.
AI translation rendered from the Sanskrit, not a published edition
BrP 28.8
इतरे ऽपि त्रयो वर्णाः क्षत्रियाद्याः सुसंयताः स्वकर्मनिरताः शान्तास् तत्र तिष्ठन्ति धार्मिकाः ॥
itare 'pi trayo varṇāḥ kṣatriyādyāḥ susaṃyatāḥ svakarmaniratāḥ śāntās tatra tiṣṭhanti dhārmikāḥ //
The other three classes too, the kṣatriyas and the rest, well restrained, devoted to their own duties, peaceful and righteous, abide there.
AI translation rendered from the Sanskrit, not a published edition
BrP 28.9
कोणादित्य इति ख्यातस् तस्मिन् देशे व्यवस्थितः यं दृष्ट्वा भास्करं मर्त्यः सर्वपापैः प्रमुच्यते ॥
koṇāditya iti khyātas tasmin deśe vyavasthitaḥ yaṃ dṛṣṭvā bhāskaraṃ martyaḥ sarvapāpaiḥ pramucyate //
(A sun) known as Koṇāditya is established in that country; seeing that Bhāskara, a mortal is released from all sins.
AI translation rendered from the Sanskrit, not a published edition
BrP 28.10
श्रोतुम् इच्छाम तद् ब्रूहि क्षेत्रं सूर्यस्य सांप्रतम् तस्मिन् देशे सुरश्रेष्ठ यत्रास्ते स दिवाकरः ॥
śrotum icchāma tad brūhi kṣetraṃ sūryasya sāṃpratam tasmin deśe suraśreṣṭha yatrāste sa divākaraḥ //
We wish to hear that; tell (us) now of the sacred field of the Sun in that country, O best of the gods, where that maker of day dwells.
AI translation rendered from the Sanskrit, not a published edition
BrP 28.11
लवणस्योदधेस् तीरे पवित्रे सुमनोहरे सर्वत्र वालुकाकीर्णे देशे सर्वगुणान्विते ॥
lavaṇasyodadhes tīre pavitre sumanohare sarvatra vālukākīrṇe deśe sarvaguṇānvite //
On the shore of the salt ocean, in a pure and most delightful country, strewn everywhere with sand, endowed with all good qualities —
AI translation rendered from the Sanskrit, not a published edition
BrP 28.12
चम्पकाशोकबकुलैः करवीरैः सपाटलैः पुंनागैः कर्णिकारैश् च बकुलैर् नागकेसरैः ॥
campakāśokabakulaiḥ karavīraiḥ sapāṭalaiḥ puṃnāgaiḥ karṇikāraiś ca bakulair nāgakesaraiḥ //
with campakas, aśokas and bakulas, with karavīras together with pāṭalas, with puṃnāgas and karṇikāras, with bakulas and nāgakesaras,
AI translation rendered from the Sanskrit, not a published edition
BrP 28.13
तगरैर् धवबाणैश् च अतिमुक्तैः सकुब्जकैः मालतीकुन्दपुष्पैश् च तथान्यैर् मल्लिकादिभिः ॥
tagarair dhavabāṇaiś ca atimuktaiḥ sakubjakaiḥ mālatīkundapuṣpaiś ca tathānyair mallikādibhiḥ //
with tagaras and dhava and bāṇa trees, with atimuktas together with kubjakas, with mālatī and kunda flowers, and likewise with others such as mallikā,
AI translation rendered from the Sanskrit, not a published edition
BrP 28.14
केतकीवनखण्डैश् च सर्वर्तुकुसुमोज्ज्वलैः कदम्बैर् लकुचैः शालैः पनसैर् देवदारुभिः ॥
ketakīvanakhaṇḍaiś ca sarvartukusumojjvalaiḥ kadambair lakucaiḥ śālaiḥ panasair devadārubhiḥ //
and with tracts of ketakī groves brilliant with blossoms of every season, with kadambas, lakucas, śāla trees, jackfruits and deodars,
AI translation rendered from the Sanskrit, not a published edition
BrP 28.15
सरलैर् मुचुकुन्दैश् च चन्दनैश् च सितेतरैः अश्वत्थैः सप्तपर्णैश् च आम्रैर् आम्रातकैस् तथा ॥
saralair mucukundaiś ca candanaiś ca sitetaraiḥ aśvatthaiḥ saptaparṇaiś ca āmrair āmrātakais tathā //
with sarala and mucukunda trees, and with sandal trees both white and other (than white), with aśvatthas and saptaparṇas, with mangoes and with āmrātakas,
AI translation rendered from the Sanskrit, not a published edition
BrP 28.16
तालैः पूगफलैश् चैव नारिकेरैः कपित्थकैः अन्यैश् च विविधैर् वृक्षैः सर्वतः समलंकृतम् ॥
tālaiḥ pūgaphalaiś caiva nārikeraiḥ kapitthakaiḥ anyaiś ca vividhair vṛkṣaiḥ sarvataḥ samalaṃkṛtam //
with palmyras and areca palms, with coconuts and wood-apples, and with various other trees — (the place is) adorned on every side.
AI translation rendered from the Sanskrit, not a published edition
BrP 28.17
क्षेत्रं तत्र रवेः पुण्यम् आस्ते जगति विश्रुतम् समन्ताद् योजनं साग्रं भुक्तिमुक्तिफलप्रदम् ॥
kṣetraṃ tatra raveḥ puṇyam āste jagati viśrutam samantād yojanaṃ sāgraṃ bhuktimuktiphalapradam //
There is the holy field (sacred precinct) of the Sun, famed throughout the world, a full yojana on every side, granting the fruits of enjoyment and liberation.
AI translation rendered from the Sanskrit, not a published edition
BrP 28.18
आस्ते तत्र स्वयं देवः सहस्रांशुर् दिवाकरः कोणादित्य इति ख्यातो भुक्तिमुक्तिफलप्रदः ॥
āste tatra svayaṃ devaḥ sahasrāṃśur divākaraḥ koṇāditya iti khyāto bhuktimuktiphalapradaḥ //
There the god himself abides, the thousand-rayed maker of day, known as Koṇāditya, giver of the fruits of enjoyment and liberation.
AI translation rendered from the Sanskrit, not a published edition
BrP 28.19
माघे मासि सिते पक्षे सप्तम्यां संयतेन्द्रियः कृतोपवासो यत्रेत्य स्नात्वा तु मकरालये ॥
māghe māsi site pakṣe saptamyāṃ saṃyatendriyaḥ kṛtopavāso yatretya snātvā tu makarālaye //
In the month of Māgha, in the bright fortnight, on the seventh day, with senses restrained and having kept a fast, (one) goes there and bathes at Makarālaya (the sea-mouth),
AI translation rendered from the Sanskrit, not a published edition
BrP 28.20
कृतशौचो विशुद्धात्मा स्मरन् देवं दिवाकरम् सागरे विधिवत् स्नात्वा शर्वर्यन्ते समाहितः ॥
kṛtaśauco viśuddhātmā smaran devaṃ divākaram sāgare vidhivat snātvā śarvaryante samāhitaḥ //
having performed the purificatory rites, purified in self, remembering the god the maker of day, having bathed according to rule in the ocean at the end of night, collected in mind,
AI translation rendered from the Sanskrit, not a published edition
BrP 28.21
देवान् ऋषीन् मनुष्यांश् च पितॄन् संतर्प्य च द्विजाः उत्तीर्य वाससी धौते परिधाय सुनिर्मले ॥
devān ṛṣīn manuṣyāṃś ca pitṝn saṃtarpya ca dvijāḥ uttīrya vāsasī dhaute paridhāya sunirmale //
and having satisfied (with libations) the gods, the seers, men, and the ancestors — O brahmins — coming out (of the water) and putting on two washed, very clean garments,
AI translation rendered from the Sanskrit, not a published edition
BrP 28.22
आचम्य प्रयतो भूत्वा तीरे तस्य महोदधेः उपविश्योदये काले प्राङ्मुखः सवितुस् तदा ॥
ācamya prayato bhūtvā tīre tasya mahodadheḥ upaviśyodaye kāle prāṅmukhaḥ savitus tadā //
having sipped water and become purified, sitting on the shore of that great ocean at the time of sunrise, then facing east toward the Sun,
AI translation rendered from the Sanskrit, not a published edition
BrP 28.23
विलिख्य पद्मं मेधावी रक्तचन्दनवारिणा अष्टपत्त्रं केसराढ्यं वर्तुलं चोर्ध्वकर्णिकम् ॥
vilikhya padmaṃ medhāvī raktacandanavāriṇā aṣṭapattraṃ kesarāḍhyaṃ vartulaṃ cordhvakarṇikam //
the wise (man), having drawn a lotus with water mixed with red sandal — eight-petalled, rich with filaments, round, and with the pericarp raised —
AI translation rendered from the Sanskrit, not a published edition
BrP 28.24
तिलतण्डुलतोयं च रक्तचन्दनसंयुतम् रक्तपुष्पं सदर्भं च प्रक्षिपेत् ताम्रभाजने ॥
tilataṇḍulatoyaṃ ca raktacandanasaṃyutam raktapuṣpaṃ sadarbhaṃ ca prakṣipet tāmrabhājane //
he should put into a copper vessel water with sesame and rice grains, mixed with red sandal, together with a red flower and darbha grass.
AI translation rendered from the Sanskrit, not a published edition
BrP 28.25
ताम्राभावे ऽर्कपत्त्रस्य पुटे कृत्वा तिलादिकम् पिधाय तन् मुनिश्रेष्ठाः पात्रं पात्रेण विन्यसेत् ॥
tāmrābhāve 'rkapattrasya puṭe kṛtvā tilādikam pidhāya tan muniśreṣṭhāḥ pātraṃ pātreṇa vinyaset //
In the absence of copper, having placed the sesame and the rest in a cup made of an arka leaf and covered it, O best of sages, he should set the vessel down with (another) vessel.
AI translation rendered from the Sanskrit, not a published edition
BrP 28.26
करन्यासाङ्गविन्यासं कृत्वाङ्गैर् हृदयादिभिः आत्मानं भास्करं ध्यात्वा सम्यक् श्रद्धासमन्वितः ॥
karanyāsāṅgavinyāsaṃ kṛtvāṅgair hṛdayādibhiḥ ātmānaṃ bhāskaraṃ dhyātvā samyak śraddhāsamanvitaḥ //
Having performed the placing (of mantras) on the hands and the placing on the limbs with the limb-(mantras) beginning with the heart, and having meditated on himself as the Sun, rightly, filled with faith,
AI translation rendered from the Sanskrit, not a published edition
BrP 28.27
मध्ये चाग्निदले धीमान् नैरृते श्वसने दले कामारिगोचरे चैव पुनर् मध्ये च पूजयेत् ॥
madhye cāgnidale dhīmān nairṛte śvasane dale kāmārigocare caiva punar madhye ca pūjayet //
the wise (man) should worship in the centre and on the fire (southeast) petal, on the southwest, on the wind (northwest) petal, and in the range of Kāma's foe (northeast?), and again in the centre.
AI translation rendered from the Sanskrit, not a published edition — the model flagged this verse as uncertain
BrP 28.28
प्रभूतं विमलं सारम् आराध्यं परमं सुखम् संपूज्य पद्मम् आवाह्य गगनात् तत्र भास्करम् ॥
prabhūtaṃ vimalaṃ sāram ārādhyaṃ paramaṃ sukham saṃpūjya padmam āvāhya gaganāt tatra bhāskaram //
Having worshipped the lotus (with the mantras) 'the abundant, the stainless, the essence, the one to be propitiated, the supreme, bliss,' and having invoked the Sun there from the sky,
AI translation rendered from the Sanskrit, not a published edition — the model flagged this verse as uncertain
BrP 28.29
कर्णिकोपरि संस्थाप्य ततो मुद्रां प्रदर्शयेत् कृत्वा स्नानादिकं सर्वं ध्यात्वा तं सुसमाहितः ॥
karṇikopari saṃsthāpya tato mudrāṃ pradarśayet kṛtvā snānādikaṃ sarvaṃ dhyātvā taṃ susamāhitaḥ //
having established (him) upon the pericarp, he should then display the mudrā; having performed all (the rites) beginning with bathing, and having meditated on him, well collected —
AI translation rendered from the Sanskrit, not a published edition
BrP 28.30
सितपद्मोपरि रविं तेजोबिम्बे व्यवस्थितम् पिङ्गाक्षं द्विभुजं रक्तं पद्मपत्त्रारुणाम्बरम् ॥
sitapadmopari raviṃ tejobimbe vyavasthitam piṅgākṣaṃ dvibhujaṃ raktaṃ padmapattrāruṇāmbaram //
(meditating on) the Sun upon a white lotus, stationed within an orb of light, tawny-eyed, two-armed, red, with garments red as lotus petals,
AI translation rendered from the Sanskrit, not a published edition
BrP 28.31
सर्वलक्षणसंयुक्तं सर्वाभरणभूषितम् सुरूपं वरदं शान्तं प्रभामण्डलमण्डितम् ॥
sarvalakṣaṇasaṃyuktaṃ sarvābharaṇabhūṣitam surūpaṃ varadaṃ śāntaṃ prabhāmaṇḍalamaṇḍitam //
endowed with all (auspicious) marks, adorned with all ornaments, fair of form, boon-giving, tranquil, encircled by a halo of radiance —
AI translation rendered from the Sanskrit, not a published edition
BrP 28.32
उद्यन्तं भास्करं दृष्ट्वा सान्द्रसिन्दूरसंनिभम् ततस् तत् पात्रम् आदाय जानुभ्यां धरणीं गतः ॥
udyantaṃ bhāskaraṃ dṛṣṭvā sāndrasindūrasaṃnibham tatas tat pātram ādāya jānubhyāṃ dharaṇīṃ gataḥ //
seeing the rising Sun, like thick vermilion, then taking up that vessel, kneeling with both knees on the ground,
AI translation rendered from the Sanskrit, not a published edition
BrP 28.33
कृत्वा शिरसि तत् पात्रम् एकचित्तस् तु वाग्यतः त्र्यक्षरेण तु मन्त्रेण सूर्यायार्घ्यं निवेदयेत् ॥
kṛtvā śirasi tat pātram ekacittas tu vāgyataḥ tryakṣareṇa tu mantreṇa sūryāyārghyaṃ nivedayet //
placing that vessel on his head, single-minded and restrained in speech, with the three-syllabled mantra he should offer the arghya to the Sun.
AI translation rendered from the Sanskrit, not a published edition
BrP 28.34
अदीक्षितस् तु तस्यैव नाम्नैवार्घं प्रयच्छति श्रद्धया भावयुक्तेन भक्तिग्राह्यो रविर् यतः ॥
adīkṣitas tu tasyaiva nāmnaivārghaṃ prayacchati śraddhayā bhāvayuktena bhaktigrāhyo ravir yataḥ //
But one not initiated offers the arghya with his name alone, with faith joined to (sincere) feeling — since the Sun is to be won by devotion.
AI translation rendered from the Sanskrit, not a published edition
BrP 28.35
अग्निनिरृतिवाय्वीशमध्यपूर्वादिदिक्षु च हृच् छिरश् च शिखावर्मनेत्राण्य् अस्त्रं च पूजयेत् ॥
agninirṛtivāyvīśamadhyapūrvādidikṣu ca hṛc chiraś ca śikhāvarmanetrāṇy astraṃ ca pūjayet //
In the southeast, southwest, northwest, northeast, in the centre, and in the east and the other directions, he should worship the heart, the head, the crest, the armour, the eyes, and the weapon.
AI translation rendered from the Sanskrit, not a published edition
BrP 28.36
दत्त्वार्घ्यं गन्धधूपं च दीपं नैवेद्यम् एव च जप्त्वा स्तुत्वा नमस् कृत्वा मुद्रां बद्ध्वा विसर्जयेत् ॥
dattvārghyaṃ gandhadhūpaṃ ca dīpaṃ naivedyam eva ca japtvā stutvā namas kṛtvā mudrāṃ baddhvā visarjayet //
Having given the arghya, perfume and incense, a lamp and also a food-offering, having muttered (the mantra), praised (him) and made obeisance, having formed the mudrā, he should dismiss (the god).
AI translation rendered from the Sanskrit, not a published edition
BrP 28.37
ये वार्घ्यं संप्रयच्छन्ति सूर्याय नियतेन्द्रियाः ब्राह्मणाः क्षत्रिया वैश्याः स्त्रियः शूद्राश् च संयताः ॥
ye vārghyaṃ saṃprayacchanti sūryāya niyatendriyāḥ brāhmaṇāḥ kṣatriyā vaiśyāḥ striyaḥ śūdrāś ca saṃyatāḥ //
And those who present the arghya (water-offering) to the Sun with senses restrained — brahmins, kshatriyas, vaishyas, women, and shudras, self-controlled —
AI translation rendered from the Sanskrit, not a published edition
BrP 28.38
भक्तिभावेन सततं विशुद्धेनान्तरात्मना ते भुक्त्वाभिमतान् कामान् प्राप्नुवन्ति परां गतिम् ॥
bhaktibhāvena satataṃ viśuddhenāntarātmanā te bhuktvābhimatān kāmān prāpnuvanti parāṃ gatim //
constantly with a devoted disposition, with a wholly purified inner self — they, having enjoyed the pleasures they desired, attain the highest goal.
AI translation rendered from the Sanskrit, not a published edition
BrP 28.39
त्रैलोक्यदीपकं देवं भास्करं गगनेचरम् ये संश्रयन्ति मनुजास् ते स्युः सुखस्य भाजनम् ॥
trailokyadīpakaṃ devaṃ bhāskaraṃ gaganecaram ye saṃśrayanti manujās te syuḥ sukhasya bhājanam //
The men who take refuge in the god Bhāskara, the lamp of the three worlds, who moves in the sky — they become vessels of happiness.
AI translation rendered from the Sanskrit, not a published edition
BrP 28.40
यावन् न दीयते चार्घ्यं भास्कराय यथोदितम् तावन् न पूजयेद् विष्णुं शंकरं वा सुरेश्वरम् ॥
yāvan na dīyate cārghyaṃ bhāskarāya yathoditam tāvan na pūjayed viṣṇuṃ śaṃkaraṃ vā sureśvaram //
So long as the arghya has not been given to Bhāskara as prescribed, so long one should not worship Viṣṇu, nor Śaṃkara the lord of the gods.
AI translation rendered from the Sanskrit, not a published edition
BrP 28.41
तस्मात् प्रयत्नम् आस्थाय दद्याद् अर्घ्यं दिने दिने आदित्याय शुचिर् भूत्वा पुष्पैर् गन्धैर् मनोरमैः ॥
tasmāt prayatnam āsthāya dadyād arghyaṃ dine dine ādityāya śucir bhūtvā puṣpair gandhair manoramaiḥ //
Therefore, making an effort, having become pure, one should give the arghya day after day to Āditya, with flowers and delightful fragrances.
AI translation rendered from the Sanskrit, not a published edition
BrP 28.42
एवं ददाति यश् चार्घ्यं सप्तम्यां सुसमाहितः आदित्याय शुचिः स्नातः स लभेद् ईप्सितं फलम् ॥
evaṃ dadāti yaś cārghyaṃ saptamyāṃ susamāhitaḥ ādityāya śuciḥ snātaḥ sa labhed īpsitaṃ phalam //
Whoever, thus, well-composed, pure and bathed, gives the arghya to Āditya on the seventh day, he obtains the fruit he desires.
AI translation rendered from the Sanskrit, not a published edition
BrP 28.43
रोगाद् विमुच्यते रोगी वित्तार्थी लभते धनम् विद्यां प्राप्नोति विद्यार्थी सुतार्थी पुत्रवान् भवेत् ॥
rogād vimucyate rogī vittārthī labhate dhanam vidyāṃ prāpnoti vidyārthī sutārthī putravān bhavet //
The sick man is freed from sickness; one who seeks wealth obtains riches; one who seeks learning attains learning; one who seeks offspring becomes possessed of a son.
AI translation rendered from the Sanskrit, not a published edition
BrP 28.44
यं यं कामम् अभिध्यायन् सूर्यायार्घ्यं प्रयच्छति तस्य तस्य फलं सम्यक् प्राप्नोति पुरुषः सुधीः ॥
yaṃ yaṃ kāmam abhidhyāyan sūryāyārghyaṃ prayacchati tasya tasya phalaṃ samyak prāpnoti puruṣaḥ sudhīḥ //
Whatever desire he has in mind when he presents the arghya to the Sun, the fruit of just that the wise man fully obtains.
AI translation rendered from the Sanskrit, not a published edition
BrP 28.45
स्नात्वा वै सागरे दत्त्वा सूर्यायार्घ्यं प्रणम्य च नरो वा यदि वा नारी सर्वकामफलं लभेत् ॥
snātvā vai sāgare dattvā sūryāyārghyaṃ praṇamya ca naro vā yadi vā nārī sarvakāmaphalaṃ labhet //
Having bathed in the ocean and given the arghya to the Sun and bowed down, whether man or woman, one would obtain the fruit of all desires.
AI translation rendered from the Sanskrit, not a published edition
BrP 28.46
ततः सूर्यालयं गच्छेत् पुष्पम् आदाय वाग्यतः प्रविश्य पूजयेद् भानुं कृत्वा तु त्रिः प्रदक्षिणम् ॥
tataḥ sūryālayaṃ gacchet puṣpam ādāya vāgyataḥ praviśya pūjayed bhānuṃ kṛtvā tu triḥ pradakṣiṇam //
Then, taking a flower, restraining his speech, he should go to the temple of the Sun; having entered and made three circumambulations, he should worship Bhānu.
AI translation rendered from the Sanskrit, not a published edition
BrP 28.47
पूजयेत् परया भक्त्या कोणार्कं मुनिसत्तमाः गन्धैः पुष्पैस् तथा दीपैर् धूपैर् नैवेद्यकैर् अपि ॥
pūjayet parayā bhaktyā koṇārkaṃ munisattamāḥ gandhaiḥ puṣpais tathā dīpair dhūpair naivedyakair api //
He should worship Koṇārka with supreme devotion, O best of sages, with fragrances, flowers, and lamps, with incense and food-offerings too,
AI translation rendered from the Sanskrit, not a published edition
BrP 28.48
दण्डवत् प्रणिपातैश् च जयशब्दैस् तथा स्तवैः एवं संपूज्य तं देवं सहस्रांशुं जगत्पतिम् ॥
daṇḍavat praṇipātaiś ca jayaśabdais tathā stavaiḥ evaṃ saṃpūjya taṃ devaṃ sahasrāṃśuṃ jagatpatim //
and with prostrations flat like a staff, with cries of "Victory!" and with hymns. Having thus fully worshipped that god, the thousand-rayed lord of the world,
AI translation rendered from the Sanskrit, not a published edition
BrP 28.49
दशानाम् अश्वमेधानां फलं प्राप्नोति मानवः सर्वपापविनिर्मुक्तो युवा दिव्यवपुर् नरः ॥
daśānām aśvamedhānāṃ phalaṃ prāpnoti mānavaḥ sarvapāpavinirmukto yuvā divyavapur naraḥ //
a man obtains the fruit of ten horse-sacrifices; the man is freed from all sins, young, with a divine body.
AI translation rendered from the Sanskrit, not a published edition
BrP 28.50
सप्तावरान् सप्त परान् वंशान् उद्धृत्य भो द्विजाः विमानेनार्कवर्णेन कामगेन सुवर्चसा ॥
saptāvarān sapta parān vaṃśān uddhṛtya bho dvijāḥ vimānenārkavarṇena kāmagena suvarcasā //
Having rescued seven generations of ancestors and seven of descendants, O twice-born ones, by a chariot the colour of the sun, moving at will, of great splendour,
AI translation rendered from the Sanskrit, not a published edition
BrP 28.51
उपगीयमानो गन्धर्वैः सूर्यलोकं स गच्छति भुक्त्वा तत्र वरान् भोगान् यावद् आभूतसंप्लवम् ॥
upagīyamāno gandharvaiḥ sūryalokaṃ sa gacchati bhuktvā tatra varān bhogān yāvad ābhūtasaṃplavam //
being sung to by the gandharvas, he goes to the world of the Sun; having enjoyed excellent pleasures there until the dissolution of beings,
AI translation rendered from the Sanskrit, not a published edition
BrP 28.52
पुण्यक्षयाद् इहायातः प्रवरे योगिनां कुले चतुर्वेदो भवेद् विप्रः स्वधर्मनिरतः शुचिः ॥
puṇyakṣayād ihāyātaḥ pravare yogināṃ kule caturvedo bhaved vipraḥ svadharmanirataḥ śuciḥ //
come here (again) through the exhaustion of his merit, in an eminent family of yogins he becomes a brahmin knowing the four Vedas, devoted to his own duty, pure.
AI translation rendered from the Sanskrit, not a published edition
BrP 28.53
योगं विवस्वतः प्राप्य ततो मोक्षम् अवाप्नुयात् चैत्रे मासि सिते पक्षे यात्रां दमनभञ्जिकाम् ॥
yogaṃ vivasvataḥ prāpya tato mokṣam avāpnuyāt caitre māsi site pakṣe yātrāṃ damanabhañjikām //
Having attained union with Vivasvat, he would then obtain liberation. In the month of Caitra, in the bright fortnight, the procession (called) the Damana-breaking —
AI translation rendered from the Sanskrit, not a published edition
BrP 28.54
यः करोति नरस् तत्र पूर्वोक्तं स फलं लभेत् शयनोत्थापने भानोः संक्रान्त्यां विषुवायने ॥
yaḥ karoti naras tatra pūrvoktaṃ sa phalaṃ labhet śayanotthāpane bhānoḥ saṃkrāntyāṃ viṣuvāyane //
the man who performs it there obtains the aforesaid fruit; likewise at the laying-down and raising-up of Bhānu, at a solstitial passage, at an equinox or a solstice,
AI translation rendered from the Sanskrit, not a published edition — the model flagged this verse as uncertain
BrP 28.55
वारे रवेस् तिथौ चैव पर्वकाले ऽथवा द्विजाः ये तत्र यात्रां कुर्वन्ति श्रद्धया संयतेन्द्रियाः ॥
vāre raves tithau caiva parvakāle 'thavā dvijāḥ ye tatra yātrāṃ kurvanti śraddhayā saṃyatendriyāḥ //
on the Sun's day (Sunday), or on (its) lunar day, or at the time of a festival, O twice-born ones — those who make the procession there with faith, their senses controlled,
AI translation rendered from the Sanskrit, not a published edition
BrP 28.56
विमानेनार्कवर्णेन सूर्यलोकं व्रजन्ति ते आस्ते तत्र महादेवस् तीरे नदनदीपतेः ॥
vimānenārkavarṇena sūryalokaṃ vrajanti te āste tatra mahādevas tīre nadanadīpateḥ //
they go to the world of the Sun by a chariot the colour of the sun. There, on the shore of the lord of rivers and streams, dwells Mahādeva,
AI translation rendered from the Sanskrit, not a published edition
BrP 28.57
रामेश्वर इति ख्यातः सर्वकामफलप्रदः ये तं पश्यन्ति कामारिं स्नात्वा सम्यङ् महोदधौ ॥
rāmeśvara iti khyātaḥ sarvakāmaphalapradaḥ ye taṃ paśyanti kāmāriṃ snātvā samyaṅ mahodadhau //
(He is) known as Rāmeśvara, granting the fruit of every desire. Those who, after duly bathing in the great ocean, behold him, the foe of Kāma —
AI translation rendered from the Sanskrit, not a published edition
BrP 28.58
गन्धैः पुष्पैस् तथा धूपैर् दीपैर् नैवेद्यकैर् वरैः प्रणिपातैस् तथा स्तोत्रैर् गीतैर् वाद्यैर् मनोहरैः ॥
gandhaiḥ puṣpais tathā dhūpair dīpair naivedyakair varaiḥ praṇipātais tathā stotrair gītair vādyair manoharaiḥ //
— with perfumes, flowers, and incense, with lamps and with choice food-offerings, and with prostrations, hymns of praise, songs and delightful instrumental music —
AI translation rendered from the Sanskrit, not a published edition
BrP 28.59
राजसूयफलं सम्यग् वाजिमेधफलं तथा प्राप्नुवन्ति महात्मानः संसिद्धिं परमां तथा ॥
rājasūyaphalaṃ samyag vājimedhaphalaṃ tathā prāpnuvanti mahātmānaḥ saṃsiddhiṃ paramāṃ tathā //
those great souls obtain in full the fruit of the Rājasūya and likewise the fruit of the horse sacrifice, and also the highest perfection.
AI translation rendered from the Sanskrit, not a published edition
BrP 28.60
कामगेन विमानेन किङ्किणीजालमालिना उपगीयमाना गन्धर्वैः शिवलोकं व्रजन्ति ते ॥
kāmagena vimānena kiṅkiṇījālamālinā upagīyamānā gandharvaiḥ śivalokaṃ vrajanti te //
In a celestial car that goes where one wishes, garlanded with networks of little bells, sung to by the Gandharvas, they go to the world of Śiva.
AI translation rendered from the Sanskrit, not a published edition
BrP 28.61
आहूतसंप्लवं यावद् भुक्त्वा भोगान् मनोरमान् पुण्यक्षयाद् इहागत्य चातुर्वेदा भवन्ति ते ॥
āhūtasaṃplavaṃ yāvad bhuktvā bhogān manoramān puṇyakṣayād ihāgatya cāturvedā bhavanti te //
Having enjoyed delightful pleasures until the dissolution of created things, when their merit is exhausted they come here (again) and become masters of the four Vedas.
AI translation rendered from the Sanskrit, not a published edition
BrP 28.62
शांकरं योगम् आस्थाय ततो मोक्षं व्रजन्ति ते यस् तत्र सवितुः क्षेत्रे प्राणांस् त्यजति मानवः ॥
śāṃkaraṃ yogam āsthāya tato mokṣaṃ vrajanti te yas tatra savituḥ kṣetre prāṇāṃs tyajati mānavaḥ //
Then, resorting to Śiva's yoga, they go to liberation. And the man who gives up his life-breaths there, in the field of the Sun,
AI translation rendered from the Sanskrit, not a published edition
BrP 28.63
स सूर्यलोकम् आस्थाय देववन् मोदते दिवि पुनर् मानुषतां प्राप्य राजा भवति धार्मिकः ॥
sa sūryalokam āsthāya devavan modate divi punar mānuṣatāṃ prāpya rājā bhavati dhārmikaḥ //
he, abiding in the world of the Sun, rejoices in heaven like a god; and attaining human birth again, he becomes a righteous king.
AI translation rendered from the Sanskrit, not a published edition
BrP 28.64
योगं रवेः समासाद्य ततो मोक्षम् अवाप्नुयात् एवं मया मुनिश्रेष्ठाः प्रोक्तं क्षेत्रं सुदुर्लभम् ॥
yogaṃ raveḥ samāsādya tato mokṣam avāpnuyāt evaṃ mayā muniśreṣṭhāḥ proktaṃ kṣetraṃ sudurlabham //
Attaining union with the Sun, he would then obtain liberation. Thus by me, O best of sages, has this most hard-to-win holy field been declared —
AI translation rendered from the Sanskrit, not a published edition
BrP 28.65
कोणार्कस्योदधेस् तीरे भुक्तिमुक्तिफलप्रदः ॥
koṇārkasyodadhes tīre bhuktimuktiphalapradaḥ //
(the field) of Koṇārka on the shore of the ocean, bestowing the fruits of enjoyment and of liberation.
AI translation rendered from the Sanskrit, not a published edition