Brahma Purana — Chapter 27
BrP 27.1
शृणुध्वं मुनयः सर्वे यद् वो वक्ष्यामि सांप्रतम् पुराणं वेदसंबद्धं भुक्तिमुक्तिप्रदं शुभम् ॥
śṛṇudhvaṃ munayaḥ sarve yad vo vakṣyāmi sāṃpratam purāṇaṃ vedasaṃbaddhaṃ bhuktimuktipradaṃ śubham //
"Listen, all you sages, to what I shall now tell you: an ancient account connected with the Veda, auspicious, bestowing enjoyment and liberation.
AI translation rendered from the Sanskrit, not a published edition
BrP 27.2
पृथिव्यां भारतं वर्षं कर्मभूमिर् उदाहृता कर्मणः फलभूमिश् च स्वर्गं च नरकं तथा ॥
pṛthivyāṃ bhārataṃ varṣaṃ karmabhūmir udāhṛtā karmaṇaḥ phalabhūmiś ca svargaṃ ca narakaṃ tathā //
On the earth, the region of Bhārata is declared to be the land of action; and the land of the fruit of action is heaven, and likewise hell.
AI translation rendered from the Sanskrit, not a published edition
BrP 27.3
तस्मिन् वर्षे नरः पापं कृत्वा धर्मं च भो द्विजाः अवश्यं फलम् आप्नोति अशुभस्य शुभस्य च ॥
tasmin varṣe naraḥ pāpaṃ kṛtvā dharmaṃ ca bho dvijāḥ avaśyaṃ phalam āpnoti aśubhasya śubhasya ca //
In that region a man, having done evil and also righteousness, O brāhmaṇas, inevitably obtains the fruit of the inauspicious and of the auspicious.
AI translation rendered from the Sanskrit, not a published edition
BrP 27.4
ब्राह्मणाद्याः स्वकं कर्म कृत्वा सम्यक् सुसंयताः प्राप्नुवन्ति परां सिद्धिं तस्मिन् वर्षे न संशयः ॥
brāhmaṇādyāḥ svakaṃ karma kṛtvā samyak susaṃyatāḥ prāpnuvanti parāṃ siddhiṃ tasmin varṣe na saṃśayaḥ //
Brāhmaṇas and the rest, having performed their own duty properly, well self-restrained, attain the highest perfection in that region—there is no doubt.
AI translation rendered from the Sanskrit, not a published edition
BrP 27.5
धर्मं चार्थं च कामं च मोक्षं च द्विजसत्तमाः प्राप्नोति पुरुषः सर्वं तस्मिन् वर्षे सुसंयतः ॥
dharmaṃ cārthaṃ ca kāmaṃ ca mokṣaṃ ca dvijasattamāḥ prāpnoti puruṣaḥ sarvaṃ tasmin varṣe susaṃyataḥ //
Righteousness, wealth, pleasure, and liberation, O best of brāhmaṇas—a man well self-restrained obtains all of it in that region.
AI translation rendered from the Sanskrit, not a published edition
BrP 27.6
इन्द्राद्याश् च सुराः सर्वे तस्मिन् वर्षे द्विजोत्तमाः कृत्वा सुशोभनं कर्म देवत्वं प्रतिपेदिरे ॥
indrādyāś ca surāḥ sarve tasmin varṣe dvijottamāḥ kṛtvā suśobhanaṃ karma devatvaṃ pratipedire //
And Indra and all the other gods, O best of brāhmaṇas, having performed very fine action in that region, attained godhood.
AI translation rendered from the Sanskrit, not a published edition
BrP 27.7
अन्ये ऽपि लेभिरे मोक्षं पुरुषाः संयतेन्द्रियाः तस्मिन् वर्षे बुधाः शान्ता वीतरागा विमत्सराः ॥
anye 'pi lebhire mokṣaṃ puruṣāḥ saṃyatendriyāḥ tasmin varṣe budhāḥ śāntā vītarāgā vimatsarāḥ //
Other men too, with senses restrained, wise, calm, free of passion, free of envy, obtained liberation in that region.
AI translation rendered from the Sanskrit, not a published edition
BrP 27.8
ये चापि स्वर्गे तिष्ठन्ति विमानेन गतज्वराः ते ऽपि कृत्वा शुभं कर्म तस्मिन् वर्षे दिवं गताः ॥
ye cāpi svarge tiṣṭhanti vimānena gatajvarāḥ te 'pi kṛtvā śubhaṃ karma tasmin varṣe divaṃ gatāḥ //
And those who dwell in heaven with a celestial car, their fever gone—they too went to heaven by doing auspicious action in that region.
AI translation rendered from the Sanskrit, not a published edition
BrP 27.9
निवासं भारते वर्ष आकाङ्क्षन्ति सदा सुराः स्वर्गापवर्गफलदे तत् पश्यामः कदा वयम् ॥
nivāsaṃ bhārate varṣa ākāṅkṣanti sadā surāḥ svargāpavargaphalade tat paśyāmaḥ kadā vayam //
The gods always long for a dwelling in the region of Bhārata: 'When shall we behold that (land) which bestows the fruit of heaven and of final release?'"
AI translation rendered from the Sanskrit, not a published edition
BrP 27.10
यद् एतद् भवता प्रोक्तं कर्म नान्यत्र पुण्यदम् पापाय वा सुरश्रेष्ठ वर्जयित्वा च भारतम् ॥
yad etad bhavatā proktaṃ karma nānyatra puṇyadam pāpāya vā suraśreṣṭha varjayitvā ca bhāratam //
"As for this that has been said by you—that action nowhere else gives merit, or (leads) to sin, O best of the gods, excepting Bhārata:
AI translation rendered from the Sanskrit, not a published edition
BrP 27.11
ततः स्वर्गश् च मोक्षश् च मध्यमं तच् च गम्यते न खल्व् अन्यत्र मर्त्यानां भूमौ कर्म विधीयते ॥
tataḥ svargaś ca mokṣaś ca madhyamaṃ tac ca gamyate na khalv anyatra martyānāṃ bhūmau karma vidhīyate //
from there (come) heaven and liberation, and that middle (state) is reached too; indeed, nowhere else on earth is action ordained for mortals.
AI translation rendered from the Sanskrit, not a published edition
BrP 27.12
तस्माद् विस्तरतो ब्रह्मन्न् अस्माकं भारतं वद यदि ते ऽस्ति दयास्मासु यथावस्थितिर् एव च ॥
tasmād vistarato brahmann asmākaṃ bhārataṃ vada yadi te 'sti dayāsmāsu yathāvasthitir eva ca //
Therefore, O Brahmā, tell us of Bhārata in detail, if you have compassion for us, and just as it actually stands.
AI translation rendered from the Sanskrit, not a published edition
BrP 27.13
तस्माद् वर्षम् इदं नाथ ये वास्मिन् वर्षपर्वताः भेदाश् च तस्य वर्षस्य ब्रूहि सर्वान् अशेषतः ॥
tasmād varṣam idaṃ nātha ye vāsmin varṣaparvatāḥ bhedāś ca tasya varṣasya brūhi sarvān aśeṣataḥ //
Therefore, O lord, tell us all without remainder: this region, and the mountains of the region that are in it, and the divisions of that region."
AI translation rendered from the Sanskrit, not a published edition
BrP 27.14
शृणुध्वं भारतं वर्षं नवभेदेन भो द्विजाः समुद्रान्तरिता ज्ञेयास् ते समाश् च परस्परम् ॥
śṛṇudhvaṃ bhārataṃ varṣaṃ navabhedena bho dvijāḥ samudrāntaritā jñeyās te samāś ca parasparam //
"Hear of the region of Bhārata by its ninefold division, O brāhmaṇas; they are to be known as separated from one another by the ocean, and equal to each other.
AI translation rendered from the Sanskrit, not a published edition
BrP 27.15
इन्द्रद्वीपः कशेरुश् च ताम्रवर्णो गभस्तिमान् नागद्वीपस् तथा सौम्यो गान्धर्वो वारुणस् तथा ॥
indradvīpaḥ kaśeruś ca tāmravarṇo gabhastimān nāgadvīpas tathā saumyo gāndharvo vāruṇas tathā //
Indradvīpa, Kaśeru, Tāmravarṇa, Gabhastimān, and Nāgadvīpa, Saumya, Gāndharva, and likewise Vāruṇa;
AI translation rendered from the Sanskrit, not a published edition
BrP 27.16
अयं तु नवमस् तेषां द्वीपः सागरसंवृतः योजनानां सहस्रं वै द्वीपो ऽयं दक्षिणोत्तरः ॥
ayaṃ tu navamas teṣāṃ dvīpaḥ sāgarasaṃvṛtaḥ yojanānāṃ sahasraṃ vai dvīpo 'yaṃ dakṣiṇottaraḥ //
but this is the ninth of them, an island surrounded by the sea; this island (extends) a thousand yojanas from south to north.
AI translation rendered from the Sanskrit, not a published edition
BrP 27.17
पूर्वे किराता यस्यासन् पश्चिमे यवनास् तथा ब्राह्मणाः क्षत्रिया वैश्याः शूद्राश् चान्ते स्थिता द्विजाः ॥
pūrve kirātā yasyāsan paścime yavanās tathā brāhmaṇāḥ kṣatriyā vaiśyāḥ śūdrāś cānte sthitā dvijāḥ //
In its eastern part were the Kirātas, and in the west likewise the Yavanas; brāhmaṇas, kṣatriyas, vaiśyas and śūdras — the twice-born dwelt in between.
AI translation rendered from the Sanskrit, not a published edition — the model flagged this verse as uncertain
BrP 27.18
इज्यायुद्धवणिज्याद्यैः कर्मभिः कृतपावनाः तेषां संव्यवहारश् च एभिः कर्मभिर् इष्यते ॥
ijyāyuddhavaṇijyādyaiḥ karmabhiḥ kṛtapāvanāḥ teṣāṃ saṃvyavahāraś ca ebhiḥ karmabhir iṣyate //
They are made pure by their acts — sacrificing, fighting, trading and so forth; and their mutual dealings too are conducted by these very acts.
AI translation rendered from the Sanskrit, not a published edition
BrP 27.19
स्वर्गापवर्गहेतुश् च पुण्यं पापं च वै तथा महेन्द्रो मलयः सह्यः शुक्तिमान् ऋक्षपर्वतः ॥
svargāpavargahetuś ca puṇyaṃ pāpaṃ ca vai tathā mahendro malayaḥ sahyaḥ śuktimān ṛkṣaparvataḥ //
(These acts) are the cause of heaven and of release, and also of merit and of sin. Mahendra, Malaya, Sahya, Śuktimān, the Ṛkṣa mountain,
AI translation rendered from the Sanskrit, not a published edition — the model flagged this verse as uncertain
BrP 27.20
विन्ध्यश् च पारियात्रश् च सप्तैवात्र कुलाचलाः तेषां सहस्रशश् चान्ये भूधरा ये समीपगाः ॥
vindhyaś ca pāriyātraś ca saptaivātra kulācalāḥ teṣāṃ sahasraśaś cānye bhūdharā ye samīpagāḥ //
Vindhya and Pāriyātra — just these seven are the principal mountains here; and besides them there are thousands of other mountains that lie near them,
AI translation rendered from the Sanskrit, not a published edition
BrP 27.21
विस्तारोच्छ्रयिणो रम्या विपुलाश् चित्रसानवः कोलाहलः स वैभ्राजो मन्दरो दर्दलाचलः ॥
vistārocchrayiṇo ramyā vipulāś citrasānavaḥ kolāhalaḥ sa vaibhrājo mandaro dardalācalaḥ //
broad and lofty, delightful, vast, with variegated ridges: Kolāhala, that Vaibhrāja, Mandara, the Dardala mountain,
AI translation rendered from the Sanskrit, not a published edition
BrP 27.22
वातंधयो वैद्युतश् च मैनाकः सुरसस् तथा तुङ्गप्रस्थो नागगिरिर् गोधनः पाण्डराचलः ॥
vātaṃdhayo vaidyutaś ca mainākaḥ surasas tathā tuṅgaprastho nāgagirir godhanaḥ pāṇḍarācalaḥ //
Vātaṃdhaya and Vaidyuta, Maināka and likewise Surasa, Tuṅgaprastha, Nāgagiri, Godhana, the Pāṇḍara mountain,
AI translation rendered from the Sanskrit, not a published edition
BrP 27.23
पुष्पगिरिर् वैजयन्तो रैवतो ऽर्बुद एव च ऋष्यमूकः स गोमन्थः कृतशैलः कृताचलः ॥
puṣpagirir vaijayanto raivato 'rbuda eva ca ṛṣyamūkaḥ sa gomanthaḥ kṛtaśailaḥ kṛtācalaḥ //
Puṣpagiri, Vaijayanta, Raivata and Arbuda too, Ṛṣyamūka, that Gomantha, Kṛtaśaila, the Kṛta mountain,
AI translation rendered from the Sanskrit, not a published edition
BrP 27.24
श्रीपार्वतश् चकोरश् च शतशो ऽन्ये च पर्वताः तैर् विमिश्रा जनपदा म्लेच्छाद्याश् चैव भागशः ॥
śrīpārvataś cakoraś ca śataśo 'nye ca parvatāḥ tair vimiśrā janapadā mlecchādyāś caiva bhāgaśaḥ //
Śrīpārvata and Cakora, and hundreds of other mountains; mixed among them are the settled countries and, region by region, the Mlecchas and the rest.
AI translation rendered from the Sanskrit, not a published edition
BrP 27.25
तैः पीयन्ते सरिच्छ्रेष्ठास् ता बुध्यध्वं द्विजोत्तमाः गङ्गा सरस्वती सिन्धुश् चन्द्रभागा तथापरा ॥
taiḥ pīyante saricchreṣṭhās tā budhyadhvaṃ dvijottamāḥ gaṅgā sarasvatī sindhuś candrabhāgā tathāparā //
By these (mountains) are drunk the best of rivers — learn them, O foremost of the twice-born: Gaṅgā, Sarasvatī, Sindhu, and Candrabhāgā as another,
AI translation rendered from the Sanskrit, not a published edition
BrP 27.26
यमुना शतद्रुर् विपाशा वितस्तैरावती कुहूः गोमती धूतपापा च बाहुदा च दृषद्वती ॥
yamunā śatadrur vipāśā vitastairāvatī kuhūḥ gomatī dhūtapāpā ca bāhudā ca dṛṣadvatī //
Yamunā, Śatadru, Vipāśā, Vitastā, Irāvatī, Kuhū, Gomatī and Dhūtapāpā, and Bāhudā and Dṛṣadvatī,
AI translation rendered from the Sanskrit, not a published edition
BrP 27.27
विपाशा देविका चक्षुर् निष्ठीवा गण्डकी तथा कौशिकी चापगा चैव हिमवत्पादनिःसृताः ॥
vipāśā devikā cakṣur niṣṭhīvā gaṇḍakī tathā kauśikī cāpagā caiva himavatpādaniḥsṛtāḥ //
Vipāśā, Devikā, Cakṣu, Niṣṭhīvā and likewise Gaṇḍakī, Kauśikī and Āpagā — these flow forth from the foot of the Himavat.
AI translation rendered from the Sanskrit, not a published edition
BrP 27.28
देवस्मृतिर् देववती वातघ्नी सिन्धुर् एव च वेण्या तु चन्दना चैव सदानीरा मही तथा ॥
devasmṛtir devavatī vātaghnī sindhur eva ca veṇyā tu candanā caiva sadānīrā mahī tathā //
Devasmṛti, Devavatī, Vātaghnī and Sindhu too, and Veṇyā and Candanā, Sadānīrā and likewise Mahī,
AI translation rendered from the Sanskrit, not a published edition
BrP 27.29
चर्मण्वती वृषी चैव विदिशा वेदवत्य् अपि सिप्रा ह्य् अवन्ती च तथा पारियात्रानुगाः स्मृताः ॥
carmaṇvatī vṛṣī caiva vidiśā vedavaty api siprā hy avantī ca tathā pāriyātrānugāḥ smṛtāḥ //
Carmaṇvatī and Vṛṣī, Vidiśā and Vedavatī too, Siprā and Avantī — these are known as following from the Pāriyātra.
AI translation rendered from the Sanskrit, not a published edition
BrP 27.30
शोणा महानदी चैव नर्मदा सुरथा क्रिया मन्दाकिनी दशार्णा च चित्रकूटा तथापरा ॥
śoṇā mahānadī caiva narmadā surathā kriyā mandākinī daśārṇā ca citrakūṭā tathāparā //
Śoṇā and Mahānadī, Narmadā, Surathā, Kriyā, Mandākinī and Daśārṇā, and Citrakūṭā as another,
AI translation rendered from the Sanskrit, not a published edition
BrP 27.31
चित्रोत्पला वेत्रवती करमोदा पिशाचिका तथान्यातिलघुश्रोणी विपाप्मा शैवला नदी ॥
citrotpalā vetravatī karamodā piśācikā tathānyātilaghuśroṇī vipāpmā śaivalā nadī //
Citrotpalā, Vetravatī, Karamodā, Piśācikā, and another, Atilaghuśroṇī, Vipāpmā, and the river Śaivalā,
AI translation rendered from the Sanskrit, not a published edition
BrP 27.32
सधेरुजा शक्तिमती शकुनी त्रिदिवा क्रमुः ऋक्षपादप्रसूता वै तथान्या वेगवाहिनी ॥
sadherujā śaktimatī śakunī tridivā kramuḥ ṛkṣapādaprasūtā vai tathānyā vegavāhinī //
Sadherujā, Śaktimatī, Śakunī, Tridivā, Kramu — these are born from the foot of the Ṛkṣa (mountain), and likewise another, Vegavāhinī.
AI translation rendered from the Sanskrit, not a published edition
BrP 27.33
सिप्रा पयोष्णी निर्विन्ध्या तापी चैव सरिद्वरा वेणा वैतरणी चैव सिनीवाली कुमुद्वती ॥
siprā payoṣṇī nirvindhyā tāpī caiva saridvarā veṇā vaitaraṇī caiva sinīvālī kumudvatī //
Siprā, Payoṣṇī, Nirvindhyā, and Tāpī the best of rivers, and Veṇā and Vaitaraṇī, Sinīvālī, Kumudvatī,
AI translation rendered from the Sanskrit, not a published edition
BrP 27.34
तोया चैव महागौरी दुर्गा चान्तःशिला तथा विन्ध्यपादप्रसूतास् ता नद्यः पुण्यजलाः शुभाः ॥
toyā caiva mahāgaurī durgā cāntaḥśilā tathā vindhyapādaprasūtās tā nadyaḥ puṇyajalāḥ śubhāḥ //
and Toyā, Mahāgaurī, Durgā and likewise Antaḥśilā — those rivers, with holy and auspicious waters, are born from the foot of the Vindhya.
AI translation rendered from the Sanskrit, not a published edition
BrP 27.35
गोदावरी भीमरथी कृष्णवेणा तथापगा तुङ्गभद्रा सुप्रयोगा तथान्या पापनाशिनी ॥
godāvarī bhīmarathī kṛṣṇaveṇā tathāpagā tuṅgabhadrā suprayogā tathānyā pāpanāśinī //
Godāvarī, Bhīmarathī, Kṛṣṇaveṇā and likewise Āpagā, Tuṅgabhadrā, Suprayogā, and another, Pāpanāśinī —
AI translation rendered from the Sanskrit, not a published edition
BrP 27.36
सह्यपादविनिष्क्रान्ता इत्य् एताः सरितां वराः कृतमाला ताम्रपर्णी पुष्यजा प्रत्यलावती ॥
sahyapādaviniṣkrāntā ity etāḥ saritāṃ varāḥ kṛtamālā tāmraparṇī puṣyajā pratyalāvatī //
these best of rivers are the ones that issue from the foot of the Sahya. Kṛtamālā, Tāmraparṇī, Puṣyajā, Pratyalāvatī —
AI translation rendered from the Sanskrit, not a published edition
BrP 27.37
मलयाद्रिसमुद्भूताः पुण्याः शीतजलास् त्व् इमाः पितृसोमर्षिकुल्या च वञ्जुला त्रिदिवा च या ॥
malayādrisamudbhūtāḥ puṇyāḥ śītajalās tv imāḥ pitṛsomarṣikulyā ca vañjulā tridivā ca yā //
And these, pure and with cool waters, are the ones arising from the Malaya mountain: Pitṛsomarṣikulyā, and Vañjulā, and she who is Tridivā.
AI translation rendered from the Sanskrit, not a published edition — the model flagged this verse as uncertain
BrP 27.38
लाङ्गुलिनी वंशकरा महेन्द्रप्रभवाः स्मृताः सुविकाला कुमारी च मनूगा मन्दगामिनी ॥
lāṅgulinī vaṃśakarā mahendraprabhavāḥ smṛtāḥ suvikālā kumārī ca manūgā mandagāminī //
Lāṅgulinī, Vaṃśakarā — these are remembered as having their source in Mahendra; (also) Suvikālā and Kumārī, Manūgā, Mandagāminī.
AI translation rendered from the Sanskrit, not a published edition — the model flagged this verse as uncertain
BrP 27.39
क्षयापलासिनी चैव शुक्तिमत्प्रभवाः स्मृताः सर्वाः पुण्याः सरस्वत्यः सर्वा गङ्गाः समुद्रगाः ॥
kṣayāpalāsinī caiva śuktimatprabhavāḥ smṛtāḥ sarvāḥ puṇyāḥ sarasvatyaḥ sarvā gaṅgāḥ samudragāḥ //
And Kṣayā, Palāsinī — these are remembered as having their source in Śuktimat. All (these rivers) are holy; all are Sarasvatīs, all are Gaṅgās flowing to the sea.
AI translation rendered from the Sanskrit, not a published edition
BrP 27.40
विश्वस्य मातरः सर्वाः सर्वाः पापहराः स्मृताः अन्याः सहस्रशः प्रोक्ताः क्षुद्रनद्यो द्विजोत्तमाः ॥
viśvasya mātaraḥ sarvāḥ sarvāḥ pāpaharāḥ smṛtāḥ anyāḥ sahasraśaḥ proktāḥ kṣudranadyo dvijottamāḥ //
All are mothers of the world, all are remembered as removers of sin. Others, small rivers by the thousand, have been declared, O best of the twice-born.
AI translation rendered from the Sanskrit, not a published edition
BrP 27.41
प्रावृट्कालवहाः सन्ति सदाकालवहाश् च याः मत्स्या मुकुटकुल्याश् च कुन्तलाः काशिकोशलाः ॥
prāvṛṭkālavahāḥ santi sadākālavahāś ca yāḥ matsyā mukuṭakulyāś ca kuntalāḥ kāśikośalāḥ //
There are (rivers) that flow in the rainy season and those that flow at all times. (The peoples are) the Matsyas and the Mukuṭakulyas, the Kuntalas, the Kāśis and Kosalas.
AI translation rendered from the Sanskrit, not a published edition — the model flagged this verse as uncertain
BrP 27.42
अन्ध्रकाश् च कलिङ्गाश् च शमकाश् च वृकैः सह मध्यदेशा जनपदाः प्रायशो ऽमी प्रकीर्तिताः ॥
andhrakāś ca kaliṅgāś ca śamakāś ca vṛkaiḥ saha madhyadeśā janapadāḥ prāyaśo 'mī prakīrtitāḥ //
And the Andhrakas and the Kaliṅgas, and the Śamakas together with the Vṛkas — these, for the most part, are proclaimed as the peoples of the Middle Country.
AI translation rendered from the Sanskrit, not a published edition
BrP 27.43
सह्यस्य चोत्तरे यस् तु यत्र गोदावरी नदी पृथिव्याम् अपि कृत्स्नायां स प्रदेशो मनोरमः ॥
sahyasya cottare yas tu yatra godāvarī nadī pṛthivyām api kṛtsnāyāṃ sa pradeśo manoramaḥ //
And that which is to the north of the Sahya, where the river Godāvarī is — that region is the most delightful in the whole earth.
AI translation rendered from the Sanskrit, not a published edition
BrP 27.44
गोवर्धनपुरं रम्यं भार्गवस्य महात्मनः वाहीकराटधानाश् च सुतीराः कालतोयदाः ॥
govardhanapuraṃ ramyaṃ bhārgavasya mahātmanaḥ vāhīkarāṭadhānāś ca sutīrāḥ kālatoyadāḥ //
(There is) the lovely city Govardhana of the great-souled descendant of Bhṛgu; and the Vāhīkas, the Rāṭadhānas, the Sutīras, the Kālatoyadas.
AI translation rendered from the Sanskrit, not a published edition — the model flagged this verse as uncertain
BrP 27.45
अपरान्ताश् च शूद्राश् च वाह्लिकाश् च सकेरलाः गान्धारा यवनाश् चैव सिन्धुसौवीरमद्रकाः ॥
aparāntāś ca śūdrāś ca vāhlikāś ca sakeralāḥ gāndhārā yavanāś caiva sindhusauvīramadrakāḥ //
And the Aparāntas and the Śūdras, and the Vāhlikas along with the Keralas, the Gāndhāras and the Yavanas, the Sindhus, Sauvīras and Madrakas.
AI translation rendered from the Sanskrit, not a published edition
BrP 27.46
शतद्रुहाः कलिङ्गाश् च पारदा हारभूषिकाः माठराश् चैव कनकाः कैकेया दम्भमालिकाः ॥
śatadruhāḥ kaliṅgāś ca pāradā hārabhūṣikāḥ māṭharāś caiva kanakāḥ kaikeyā dambhamālikāḥ //
The Śatadruhas and the Kaliṅgas, the Pāradas, the Hārabhūṣikas, and the Māṭharas, the Kanakas, the Kaikeyas, the Dambhamālikas.
AI translation rendered from the Sanskrit, not a published edition
BrP 27.47
क्षत्रियोपमदेशाश् च वैश्यशूद्रकुलानि च काम्बोजाश् चैव विप्रेन्द्रा बर्बराश् च सलौकिकाः ॥
kṣatriyopamadeśāś ca vaiśyaśūdrakulāni ca kāmbojāś caiva viprendrā barbarāś ca salaukikāḥ //
And the regions comparable to kṣatriyas, and the families of vaiśyas and śūdras, and the Kāmbojas, O chief of brahmins, and the Barbaras along with the Laukikas.
AI translation rendered from the Sanskrit, not a published edition — the model flagged this verse as uncertain
BrP 27.48
वीराश् चैव तुषाराश् च पह्लवाधायता नराः आत्रेयाश् च भरद्वाजाः पुष्कलाश् च दशेरकाः ॥
vīrāś caiva tuṣārāś ca pahlavādhāyatā narāḥ ātreyāś ca bharadvājāḥ puṣkalāś ca daśerakāḥ //
And the Vīras and the Tuṣāras, the men (called) Pahlavas and Ādhāyatas, and the Ātreyas, the Bharadvājas, the Puṣkalas and the Daśerakas.
AI translation rendered from the Sanskrit, not a published edition — the model flagged this verse as uncertain
BrP 27.49
लम्पकाः शुनशोकाश् च कुलिका जाङ्गलैः सह औषध्यश् चलचन्द्रा च किरातानां च जातयः ॥
lampakāḥ śunaśokāś ca kulikā jāṅgalaiḥ saha auṣadhyaś calacandrā ca kirātānāṃ ca jātayaḥ //
The Lampakas and the Śunaśokas, the Kulikas together with the Jāṅgalas, the Auṣadhyas and Calacandrā, and the tribes of the Kirātas.
AI translation rendered from the Sanskrit, not a published edition — the model flagged this verse as uncertain
BrP 27.50
तोमरा हंसमार्गाश् च काश्मीराः करुणास् तथा शूलिकाः कुहकाश् चैव मागधाश् च तथैव च ॥
tomarā haṃsamārgāś ca kāśmīrāḥ karuṇās tathā śūlikāḥ kuhakāś caiva māgadhāś ca tathaiva ca //
The Tomaras and the Haṃsamārgas, the Kāśmīras and likewise the Karuṇas, the Śūlikas and the Kuhakas, and just so the Māgadhas.
AI translation rendered from the Sanskrit, not a published edition
BrP 27.51
एते देशा उदीच्यास् तु प्राच्यान् देशान् निबोधत अन्धा वामङ्कुराकाश् च वल्लकाश् च मखान्तकाः ॥
ete deśā udīcyās tu prācyān deśān nibodhata andhā vāmaṅkurākāś ca vallakāś ca makhāntakāḥ //
These are the northern countries; now learn the eastern countries: the Andhas and the Vāmaṅkurākas, and the Vallakas and the Makhāntakas.
AI translation rendered from the Sanskrit, not a published edition
BrP 27.52
तथापरे ऽङ्गा वङ्गाश् च मलदा मालवर्तिकाः भद्रतुङ्गाः प्रतिजया भार्याङ्गाश् चापमर्दकाः ॥
tathāpare 'ṅgā vaṅgāś ca maladā mālavartikāḥ bhadratuṅgāḥ pratijayā bhāryāṅgāś cāpamardakāḥ //
And likewise the others: the Aṅgas and the Vaṅgas, the Maladas, the Mālavartikas, the Bhadratuṅgas, the Pratijayas, the Bhāryāṅgas and the Apamardakas.
AI translation rendered from the Sanskrit, not a published edition — the model flagged this verse as uncertain
BrP 27.53
प्राग्ज्योतिषाश् च मद्राश् च विदेहास् ताम्रलिप्तकाः मल्ला मगधका नन्दाः प्राच्या जनपदास् तथा ॥
prāgjyotiṣāś ca madrāś ca videhās tāmraliptakāḥ mallā magadhakā nandāḥ prācyā janapadās tathā //
And the Prāgjyotiṣas and the Madras, the Videhas, the Tāmraliptakas, the Mallas, the Magadhakas, the Nandas — such are the eastern peoples.
AI translation rendered from the Sanskrit, not a published edition
BrP 27.54
अथापरे जनपदा दक्षिणापथवासिनः पूर्णाश् च केवलाश् चैव गोलाङ्गूलास् तथैव च ॥
athāpare janapadā dakṣiṇāpathavāsinaḥ pūrṇāś ca kevalāś caiva golāṅgūlās tathaiva ca //
Now the other peoples, dwellers of the southern route: the Pūrṇas and the Kevalas, and likewise the Golāṅgūlas.
AI translation rendered from the Sanskrit, not a published edition
BrP 27.55
ऋषिका मुषिकाश् चैव कुमारा रामठाः शकाः महाराष्ट्रा माहिषकाः कलिङ्गाश् चैव सर्वशः ॥
ṛṣikā muṣikāś caiva kumārā rāmaṭhāḥ śakāḥ mahārāṣṭrā māhiṣakāḥ kaliṅgāś caiva sarvaśaḥ //
The Ṛṣikas and the Muṣikas, the Kumāras, the Rāmaṭhas, the Śakas, the Mahārāṣṭras, the Māhiṣakas, and the Kaliṅgas in all their branches.
AI translation rendered from the Sanskrit, not a published edition
BrP 27.56
आभीराः सह वैशिक्या अटव्याः सरवाश् च ये पुलिन्दाश् चैव मौलेया वैदर्भा दण्डकैः सह ॥
ābhīrāḥ saha vaiśikyā aṭavyāḥ saravāś ca ye pulindāś caiva mauleyā vaidarbhā daṇḍakaiḥ saha //
The Ābhīras along with the Vaiśikyas, and those who are the Aṭavyas and the Saravas, and the Pulindas, the Mauleyas, the Vaidarbhas together with the Daṇḍakas.
AI translation rendered from the Sanskrit, not a published edition
BrP 27.57
पौलिका मौलिकाश् चैव अश्मका भोजवर्धनाः कौलिकाः कुन्तलाश् चैव दम्भका नीलकालकाः ॥
paulikā maulikāś caiva aśmakā bhojavardhanāḥ kaulikāḥ kuntalāś caiva dambhakā nīlakālakāḥ //
The Paulikas and the Maulikas, the Aśmakas, the Bhojavardhanas, the Kaulikas and the Kuntalas, the Dambhakas and the Nīlakālakas.
AI translation rendered from the Sanskrit, not a published edition
BrP 27.58
दाक्षिणात्यास् त्व् अमी देशा अपरान्तान् निबोधत शूर्पारकाः कालिधना लोलास् तालकटैः सह ॥
dākṣiṇātyās tv amī deśā aparāntān nibodhata śūrpārakāḥ kālidhanā lolās tālakaṭaiḥ saha //
These, then, are the southern countries; now learn of the western borderlands: the Śūrpārakas, the Kālidhanas, the Lolas, together with the Tālakaṭas.
AI translation rendered from the Sanskrit, not a published edition
BrP 27.59
इत्य् एते ह्य् अपरान्ताश् च शृणुध्वं विन्ध्यवासिनः मलजाः कर्कशाश् चैव मेलकाश् चोलकैः सह ॥
ity ete hy aparāntāś ca śṛṇudhvaṃ vindhyavāsinaḥ malajāḥ karkaśāś caiva melakāś colakaiḥ saha //
Such are the western borderlands; now hear of the dwellers in the Vindhyas: the Malajas and the Karkaśas, the Melakas together with the Colakas.
AI translation rendered from the Sanskrit, not a published edition
BrP 27.60
उत्तमार्णा दशार्णाश् च भोजाः किष्किन्धकैः सह तोषलाः कोशलाश् चैव त्रैपुरा वैदिशास् तथा ॥
uttamārṇā daśārṇāś ca bhojāḥ kiṣkindhakaiḥ saha toṣalāḥ kośalāś caiva traipurā vaidiśās tathā //
The Uttamārṇas and the Daśārṇas, the Bhojas together with the Kiṣkindhakas, the Toṣalas and the Kośalas, and likewise the Traipuras and the Vaidiśas.
AI translation rendered from the Sanskrit, not a published edition
BrP 27.61
तुम्बुरास् तु चराश् चैव यवनाः पवनैः सह अभया रुण्डिकेराश् च चर्चरा होत्रधर्तयः ॥
tumburās tu carāś caiva yavanāḥ pavanaiḥ saha abhayā ruṇḍikerāś ca carcarā hotradhartayaḥ //
The Tumburas and the Caras, the Yavanas together with the Pavanas, the Abhayas and the Ruṇḍikeras, the Carcaras and the Hotradhartayas.
AI translation rendered from the Sanskrit, not a published edition
BrP 27.62
एते जनपदाः सर्वे तत्र विन्ध्यनिवासिनः अतो देशान् प्रवक्ष्यामि पर्वताश्रयिणश् च ये ॥
ete janapadāḥ sarve tatra vindhyanivāsinaḥ ato deśān pravakṣyāmi parvatāśrayiṇaś ca ye //
All these peoples there are dwellers in the Vindhyas. Next I shall declare the countries, those that rest upon the mountains.
AI translation rendered from the Sanskrit, not a published edition
BrP 27.63
नीहारास् तुषमार्गाश् च कुरवस् तुङ्गणाः खसाः कर्णप्रावरणाश् चैव ऊर्णा दर्घाः सकुन्तकाः ॥
nīhārās tuṣamārgāś ca kuravas tuṅgaṇāḥ khasāḥ karṇaprāvaraṇāś caiva ūrṇā darghāḥ sakuntakāḥ //
The Nīhāras and the Tuṣamārgas, the Kurus, the Tuṅgaṇas, the Khasas, and the Karṇaprāvaraṇas, the Ūrṇas, the Darghas, along with the Kuntakas.
AI translation rendered from the Sanskrit, not a published edition
BrP 27.64
चित्रमार्गा मालवाश् च किरातास् तोमरैः सह कृतत्रेतादिकश् चात्र चतुर्युगकृतो विधिः ॥
citramārgā mālavāś ca kirātās tomaraiḥ saha kṛtatretādikaś cātra caturyugakṛto vidhiḥ //
The Citramārgas and the Mālavas, the Kirātas together with the Tomaras. And here the ordinance made for the four ages, beginning with Kṛta and Tretā, (holds).
AI translation rendered from the Sanskrit, not a published edition — the model flagged this verse as uncertain
BrP 27.65
एवं तु भारतं वर्षं नवसंस्थानसंस्थितम् दक्षिणे परतो यस्य पूर्वे चैव महोदधिः ॥
evaṃ tu bhārataṃ varṣaṃ navasaṃsthānasaṃsthitam dakṣiṇe parato yasya pūrve caiva mahodadhiḥ //
Thus is the land of Bharata, set out in a ninefold arrangement, having the great ocean to its south, its west, and its east.
AI translation rendered from the Sanskrit, not a published edition
BrP 27.66
हिमवान् उत्तरेणास्य कार्मुकस्य यथा गुणः तद् एतद् भारतं वर्षं सर्वबीजं द्विजोत्तमाः ॥
himavān uttareṇāsya kārmukasya yathā guṇaḥ tad etad bhārataṃ varṣaṃ sarvabījaṃ dvijottamāḥ //
To its north is the Himavat, like the string of a bow. This land of Bharata is the seed of all things, O best of the twice-born.
AI translation rendered from the Sanskrit, not a published edition
BrP 27.67
ब्रह्मत्वम् अमरेशत्वं देवत्वं मरुतां तथा मृगयक्षाप्सरोयोनिं तद्वत् सर्पसरीसृपाः ॥
brahmatvam amareśatvaṃ devatvaṃ marutāṃ tathā mṛgayakṣāpsaroyoniṃ tadvat sarpasarīsṛpāḥ //
Brahmāhood, lordship over the immortals, the godhood of the Maruts, birth as a beast, a yakṣa or an apsaras, and likewise (birth as) serpents and creeping things—
AI translation rendered from the Sanskrit, not a published edition
BrP 27.68
स्थावराणां च सर्वेषां मितो विप्राः शुभाशुभैः प्रयान्ति कर्मभूर् विप्रा नान्या लोकेषु विद्यते ॥
sthāvarāṇāṃ ca sarveṣāṃ mito viprāḥ śubhāśubhaiḥ prayānti karmabhūr viprā nānyā lokeṣu vidyate //
and (the state) of all immobile beings—these, O brahmins, men reach by their good and bad deeds, measured out (accordingly); it is the land of works, O brahmins, and there is no other such in (all) the worlds.
AI translation rendered from the Sanskrit, not a published edition — the model flagged this verse as uncertain
BrP 27.69
देवानाम् अपि भो विप्राः सदैवैष मनोरथः अपि मानुष्यम् आप्स्यामो देवत्वात् प्रच्युताः क्षितौ ॥
devānām api bho viprāḥ sadaivaiṣa manorathaḥ api mānuṣyam āpsyāmo devatvāt pracyutāḥ kṣitau //
Even the gods, O brahmins, always have this wish: 'May we too, fallen from godhood, obtain human birth on the earth.'
AI translation rendered from the Sanskrit, not a published edition
BrP 27.70
मनुष्यः कुरुते यत् तु तन् न शक्यं सुरासुरैः तत्कर्मनिगडग्रस्तैस् तत्कर्मक्षपणोन्मुखैः ॥
manuṣyaḥ kurute yat tu tan na śakyaṃ surāsuraiḥ tatkarmanigaḍagrastais tatkarmakṣapaṇonmukhaiḥ //
What a man does, that the gods and the asuras cannot do, seized as they are by the fetters of their (own) deeds and bent (only) on wearing that karma away.
AI translation rendered from the Sanskrit, not a published edition
BrP 27.71
न भारतसमं वर्षं पृथिव्याम् अस्ति भो द्विजाः यत्र विप्रादयो वर्णाः प्राप्नुवन्त्य् अभिवाञ्छितम् ॥
na bhāratasamaṃ varṣaṃ pṛthivyām asti bho dvijāḥ yatra viprādayo varṇāḥ prāpnuvanty abhivāñchitam //
There is no land on earth equal to Bharata, O twice-born, where the classes, beginning with the brahmins, obtain what they desire.
AI translation rendered from the Sanskrit, not a published edition
BrP 27.72
धन्यास् ते भारते वर्षे जायन्ते ये नरोत्तमाः धर्मार्थकाममोक्षाणां प्राप्नुवन्ति महाफलम् ॥
dhanyās te bhārate varṣe jāyante ye narottamāḥ dharmārthakāmamokṣāṇāṃ prāpnuvanti mahāphalam //
Blessed are those best of men who are born in the land of Bharata; they obtain the great fruit of dharma, wealth, pleasure, and liberation.
AI translation rendered from the Sanskrit, not a published edition
BrP 27.73
प्राप्यते यत्र तपसः फलं परमदुर्लभम् सर्वदानफलं चैव सर्वयज्ञफलं तथा ॥
prāpyate yatra tapasaḥ phalaṃ paramadurlabham sarvadānaphalaṃ caiva sarvayajñaphalaṃ tathā //
Where the exceedingly hard-won fruit of austerity is obtained, and the fruit of every gift, and likewise the fruit of every sacrifice,
AI translation rendered from the Sanskrit, not a published edition
BrP 27.74
तीर्थयात्राफलं चैव गुरुसेवाफलं तथा देवताराधनफलं स्वाध्यायस्य फलं द्विजाः ॥
tīrthayātrāphalaṃ caiva gurusevāphalaṃ tathā devatārādhanaphalaṃ svādhyāyasya phalaṃ dvijāḥ //
and the fruit of pilgrimage to holy places, and the fruit of service to the teacher, and the fruit of worshipping the deities, and the fruit of private recitation, O twice-born;
AI translation rendered from the Sanskrit, not a published edition
BrP 27.75
यत्र देवाः सदा हृष्टा जन्म वाञ्छन्ति शोभनम् नानाव्रतफलं चैव नानाशास्त्रफलं तथा ॥
yatra devāḥ sadā hṛṣṭā janma vāñchanti śobhanam nānāvrataphalaṃ caiva nānāśāstraphalaṃ tathā //
where the gods, ever delighted, desire a fair birth; and the fruit of the various observances, and likewise the fruit of the various treatises,
AI translation rendered from the Sanskrit, not a published edition
BrP 27.76
अहिंसादिफलं सम्यक् फलं सर्वाभिवाञ्छितम् ब्रह्मचर्यफलं चैव गार्हस्थ्येन च यत् फलम् ॥
ahiṃsādiphalaṃ samyak phalaṃ sarvābhivāñchitam brahmacaryaphalaṃ caiva gārhasthyena ca yat phalam //
the full fruit of non-injury and the rest, the fruit that is desired by all, and the fruit of chastity, and the fruit that comes from the householder's life,
AI translation rendered from the Sanskrit, not a published edition
BrP 27.77
यत् फलं वनवासेन संन्यासेन च यत् फलम् इष्टापूर्तफलं चैव तथान्यच् छुभकर्मणाम् ॥
yat phalaṃ vanavāsena saṃnyāsena ca yat phalam iṣṭāpūrtaphalaṃ caiva tathānyac chubhakarmaṇām //
The fruit (won) by dwelling in the forest, and the fruit (won) by renunciation, and the fruit of sacrifices and works of public benefit, and likewise the other (fruits) of meritorious deeds —
AI translation rendered from the Sanskrit, not a published edition
BrP 27.78
प्राप्यते भारते वर्षे न चान्यत्र द्विजोत्तमाः कः शक्नोति गुणान् वक्तुं भारतस्याखिलान् द्विजाः ॥
prāpyate bhārate varṣe na cānyatra dvijottamāḥ kaḥ śaknoti guṇān vaktuṃ bhāratasyākhilān dvijāḥ //
(all that) is obtained in the land of Bharata and nowhere else, O best of the twice-born. Who is able to tell all the excellences of Bharata, O brahmins?
AI translation rendered from the Sanskrit, not a published edition
BrP 27.79
एवं सम्यङ् मया प्रोक्तं भारतं वर्षम् उत्तमम् सर्वपापहरं पुण्यं धन्यं बुद्धिविवर्धनम् ॥
evaṃ samyaṅ mayā proktaṃ bhārataṃ varṣam uttamam sarvapāpaharaṃ puṇyaṃ dhanyaṃ buddhivivardhanam //
Thus has the excellent land of Bharata been rightly declared by me — remover of all sins, holy, bringing prosperity, increasing the intellect.
AI translation rendered from the Sanskrit, not a published edition
BrP 27.80
य इदं शृणुयान् नित्यं पठेद् वा नियतेन्द्रियः सर्वपापैर् विनिर्मुक्तो विष्णुलोकं स गच्छति ॥
ya idaṃ śṛṇuyān nityaṃ paṭhed vā niyatendriyaḥ sarvapāpair vinirmukto viṣṇulokaṃ sa gacchati //
Whoever, with senses restrained, should constantly hear this or recite it, he is freed from all sins and goes to the world of Viṣṇu.
AI translation rendered from the Sanskrit, not a published edition