Brahma Purana — Chapter 246
BrP 246.1
एवं पुरा मुनीन् व्यासः पुराणं श्लक्ष्णया गिरा दशाष्टदोषरहितैर् वाक्यैः सारतरैर् द्विजाः ॥
evaṃ purā munīn vyāsaḥ purāṇaṃ ślakṣṇayā girā daśāṣṭadoṣarahitair vākyaiḥ sāratarair dvijāḥ //
Thus formerly Vyāsa (recited) the Purāṇa to the sages in smooth speech, O twice-born ones, with words most essential and free of the eighteen faults,
AI translation rendered from the Sanskrit, not a published edition
BrP 246.2
पूर्णम् अस्तमलैः शुद्धैर् नानाशास्त्रसमुच्चयैः जातिशुद्धसमायुक्तं साधुशब्दोपशोभितम् ॥
pūrṇam astamalaiḥ śuddhair nānāśāstrasamuccayaiḥ jātiśuddhasamāyuktaṃ sādhuśabdopaśobhitam //
(a Purāṇa) full of pure compilations from various treatises with their blemishes removed, endowed with purity of kind, and graced with correct words —
AI translation rendered from the Sanskrit, not a published edition — the model flagged this verse as uncertain
BrP 246.3
पूर्वपक्षोक्तिसिद्धान्तपरिनिष्ठासमन्वितम् श्रावयित्वा यथान्यायं विरराम महामतिः ॥
pūrvapakṣoktisiddhāntapariniṣṭhāsamanvitam śrāvayitvā yathānyāyaṃ virarāma mahāmatiḥ //
provided with the finality of established conclusions stated (after) the prima facie view — having caused (them) to hear it in due order, the greatly wise one fell silent.
AI translation rendered from the Sanskrit, not a published edition — the model flagged this verse as uncertain
BrP 246.4
ते ऽपि श्रुत्वा मुनिश्रेष्ठाः पुराणं वेदसंमितम् आद्यं ब्राह्माभिधानं च सर्ववाञ्छाफलप्रदम् ॥
te 'pi śrutvā muniśreṣṭhāḥ purāṇaṃ vedasaṃmitam ādyaṃ brāhmābhidhānaṃ ca sarvavāñchāphalapradam //
And they too, the best of sages, having heard the Purāṇa that is equal to the Veda, the primal one named Brahmā's, which grants the fruit of every wish,
AI translation rendered from the Sanskrit, not a published edition
BrP 246.5
हृष्टा बभूवुः सुप्रीता विस्मिताश् च पुनः पुनः प्रशशंसुस् तदा व्यासं कृष्णद्वैपायनं मुनिम् ॥
hṛṣṭā babhūvuḥ suprītā vismitāś ca punaḥ punaḥ praśaśaṃsus tadā vyāsaṃ kṛṣṇadvaipāyanaṃ munim //
became delighted, well pleased, and astonished again and again; and then they praised Vyāsa, the sage Kṛṣṇa Dvaipāyana:
AI translation rendered from the Sanskrit, not a published edition
BrP 246.6
अहो त्वया मुनिश्रेष्ठ पुराणं श्रुतिसंमितम् सर्वाभिप्रेतफलदं सर्वपापहरं परम् ॥
aho tvayā muniśreṣṭha purāṇaṃ śrutisaṃmitam sarvābhipretaphaladaṃ sarvapāpaharaṃ param //
"Ah, O best of sages, by you the Purāṇa equal to sacred revelation, which gives the fruit of everything intended and is the supreme remover of all sins,"
AI translation rendered from the Sanskrit, not a published edition
BrP 246.7
प्रोक्तं श्रुतं तथास्माभिर् विचित्रपदम् अक्षरम् न ते ऽस्त्य् अविदितं किंचित् त्रिषु लोकेषु वै प्रभो ॥
proktaṃ śrutaṃ tathāsmābhir vicitrapadam akṣaram na te 'sty aviditaṃ kiṃcit triṣu lokeṣu vai prabho //
(It has been) spoken, and likewise heard by us — (this text) of varied words and imperishable syllables. There is nothing at all unknown to you in the three worlds, O lord.
AI translation rendered from the Sanskrit, not a published edition
BrP 246.8
सर्वज्ञस् त्वं महाभाग देवेष्व् इव बृहस्पतिः नमस्यामो महाप्राज्ञं ब्रह्मिष्ठं त्वां महामुनिम् ॥
sarvajñas tvaṃ mahābhāga deveṣv iva bṛhaspatiḥ namasyāmo mahāprājñaṃ brahmiṣṭhaṃ tvāṃ mahāmunim //
You are all-knowing, O greatly blessed one, as Bṛhaspati is among the gods. We bow to you, the greatly wise, the most devoted to Brahman, the great sage.
AI translation rendered from the Sanskrit, not a published edition
BrP 246.9
येन त्वया तु वेदार्था भारते प्रकटीकृताः कः शक्नोति गुणान् वक्तुं तव सर्वान् महामुने ॥
yena tvayā tu vedārthā bhārate prakaṭīkṛtāḥ kaḥ śaknoti guṇān vaktuṃ tava sarvān mahāmune //
Since it is by you that the meanings of the Vedas have been made manifest in the Bhārata, who is able to tell all your virtues, O great sage?
AI translation rendered from the Sanskrit, not a published edition
BrP 246.10
अधीत्य चतुरो वेदान् साङ्गान् व्याकरणानि च कृतवान् भारतं शास्त्रं तस्मै ज्ञानात्मने नमः ॥
adhītya caturo vedān sāṅgān vyākaraṇāni ca kṛtavān bhārataṃ śāstraṃ tasmai jñānātmane namaḥ //
Having studied the four Vedas together with their limbs, and the grammatical (treatises), he composed the treatise (called) the Bhārata: homage to him whose very self is knowledge.
AI translation rendered from the Sanskrit, not a published edition
BrP 246.11
नमो ऽस्तु ते व्यास विशालबुद्धे फुल्लारविन्दायतपत्त्रनेत्र येन त्वया भारततैलपूर्णः प्रज्वालितो ज्ञानमयः प्रदीपः
namo 'stu te vyāsa viśālabuddhe phullāravindāyatapattranetra yena tvayā bhāratatailapūrṇaḥ prajvālito jñānamayaḥ pradīpaḥ
Homage be to you, Vyāsa of vast intellect, whose eyes are the long petals of a full-blown lotus — you by whom the lamp made of knowledge, filled with the oil of the Bhārata, was kindled.
AI translation rendered from the Sanskrit, not a published edition
BrP 246.12
अज्ञानतिमिरान्धानां भ्रामितानां कुदृष्टिभिः ज्ञानाञ्जनशलाकेन त्वया चोन्मीलिता दृशः ॥
ajñānatimirāndhānāṃ bhrāmitānāṃ kudṛṣṭibhiḥ jñānāñjanaśalākena tvayā conmīlitā dṛśaḥ //
And by you the eyes of those blinded by the darkness of ignorance, made to wander by wrong views, have been opened with the needle-rod of the salve of knowledge.
AI translation rendered from the Sanskrit, not a published edition
BrP 246.13
एवम् उक्त्वा समभ्यर्च्य व्यासं ते चैव पूजिताः जग्मुर् यथागतं सर्वे कृतकृत्याः स्वम् आश्रमम् ॥
evam uktvā samabhyarcya vyāsaṃ te caiva pūjitāḥ jagmur yathāgataṃ sarve kṛtakṛtyāḥ svam āśramam //
Having spoken thus and having duly honoured Vyāsa, and being themselves honoured (by him), they all went as they had come, their purpose accomplished, to their own hermitage.
AI translation rendered from the Sanskrit, not a published edition
BrP 246.14
तथा मया मुनिश्रेष्ठा कथितं हि सनातनम् पुराणं सुमहापुण्यं सर्वपापप्रणाशनम् ॥
tathā mayā muniśreṣṭhā kathitaṃ hi sanātanam purāṇaṃ sumahāpuṇyaṃ sarvapāpapraṇāśanam //
So too by me, O best of sages, has this eternal Purāṇa been recounted, exceedingly meritorious, destroying all sins.
AI translation rendered from the Sanskrit, not a published edition
BrP 246.15
यथा भवद्भिः पृष्टो ऽहं संप्रश्नं द्विजसत्तमाः व्यासप्रसादात् तत् सर्वं मया संपरिकीर्तितम् ॥
yathā bhavadbhiḥ pṛṣṭo 'haṃ saṃpraśnaṃ dvijasattamāḥ vyāsaprasādāt tat sarvaṃ mayā saṃparikīrtitam //
As I was asked the (whole) question by you, O most excellent twice-born ones, all that has been fully proclaimed by me through Vyāsa's grace.
AI translation rendered from the Sanskrit, not a published edition
BrP 246.16
इदं गृहस्थैः श्रोतव्यं यतिभिर् ब्रह्मचारिभिः धनसौख्यप्रदं नॄणां पवित्रं पापनाशनम् ॥
idaṃ gṛhasthaiḥ śrotavyaṃ yatibhir brahmacāribhiḥ dhanasaukhyapradaṃ nṝṇāṃ pavitraṃ pāpanāśanam //
This is to be heard by householders, by ascetics, by students of sacred learning; it grants wealth and comfort to men, it is purifying, it destroys sin.
AI translation rendered from the Sanskrit, not a published edition
BrP 246.17
तथा ब्रह्मपरैर् विप्रैर् ब्राह्मणाद्यैः सुसंयतैः श्रोतव्यं सुप्रयत्नेन सम्यक् श्रेयोभिकाङ्क्षिभिः ॥
tathā brahmaparair viprair brāhmaṇādyaiḥ susaṃyataiḥ śrotavyaṃ suprayatnena samyak śreyobhikāṅkṣibhiḥ //
So too it should be heard properly and with great effort by brahmins devoted to Brahman, by (men of) the brahmin class and the rest, well restrained, who desire what is best.
AI translation rendered from the Sanskrit, not a published edition
BrP 246.18
प्राप्नोति ब्राह्मणो विद्यां क्षत्रियो विजयं रणे वैश्यस् तु धनम् अक्षय्यं शूद्रः सुखम् अवाप्नुयात् ॥
prāpnoti brāhmaṇo vidyāṃ kṣatriyo vijayaṃ raṇe vaiśyas tu dhanam akṣayyaṃ śūdraḥ sukham avāpnuyāt //
A brahmin obtains learning, a kṣatriya victory in battle, a vaiśya imperishable wealth, and a śūdra would obtain happiness.
AI translation rendered from the Sanskrit, not a published edition
BrP 246.19
यं यं कामम् अभिध्यायञ् शृणोति पुरुषः शुचिः तं तं कामम् अवाप्नोति नरो नास्त्य् अत्र संशयः ॥
yaṃ yaṃ kāmam abhidhyāyañ śṛṇoti puruṣaḥ śuciḥ taṃ taṃ kāmam avāpnoti naro nāsty atra saṃśayaḥ //
Whatever desire a pure man has in mind while he listens, that very desire the man obtains; there is no doubt here.
AI translation rendered from the Sanskrit, not a published edition
BrP 246.20
पुराणं वैष्णवं त्व् एतत् सर्वकिल्बिषनाशनम् विशिष्टं सर्वशास्त्रेभ्यः पुरुषार्थोपपादकम् ॥
purāṇaṃ vaiṣṇavaṃ tv etat sarvakilbiṣanāśanam viśiṣṭaṃ sarvaśāstrebhyaḥ puruṣārthopapādakam //
This Purāṇa, moreover, is Vaiṣṇava, destroying all defilement, distinguished above all treatises, and productive of the goals of man.
AI translation rendered from the Sanskrit, not a published edition
BrP 246.21
एतद् वो यन् मयाख्यातं पुराणं वेदसंमितम् श्रुते ऽस्मिन् सर्वदोषोत्थः पापराशिः प्रणश्यति ॥
etad vo yan mayākhyātaṃ purāṇaṃ vedasaṃmitam śrute 'smin sarvadoṣotthaḥ pāparāśiḥ praṇaśyati //
This Purāṇa, equal to the Veda, which has been declared by me to you — when it is heard, the mass of sin arising from every fault perishes.
AI translation rendered from the Sanskrit, not a published edition
BrP 246.22
प्रयागे पुष्करे चैव कुरुक्षेत्रे तथार्बुदे उपोष्य यद् अवाप्नोति तद् अस्य श्रवणान् नरः ॥
prayāge puṣkare caiva kurukṣetre tathārbude upoṣya yad avāpnoti tad asya śravaṇān naraḥ //
What one obtains by fasting at Prayāga, at Puṣkara, at Kurukṣetra and at Arbuda, that a man (obtains) from hearing this.
AI translation rendered from the Sanskrit, not a published edition
BrP 246.23
यद् अग्निहोत्रे सुहुते वर्षे नाप्नोति वै फलम् महापुण्यमयं विप्रास् तद् अस्य श्रवणात् सकृत् ॥
yad agnihotre suhute varṣe nāpnoti vai phalam mahāpuṇyamayaṃ viprās tad asya śravaṇāt sakṛt //
The fruit, full of great merit, that one does not obtain in a year with the agnihotra well offered — that, O brahmins, (comes) from hearing this a single time.
AI translation rendered from the Sanskrit, not a published edition
BrP 246.24
यज् ज्येष्ठशुक्लद्वादश्यां स्नात्वा वै यमुनाजले मथुरायां हरिं दृष्ट्वा प्राप्नोति पुरुषः फलम् ॥
yaj jyeṣṭhaśukladvādaśyāṃ snātvā vai yamunājale mathurāyāṃ hariṃ dṛṣṭvā prāpnoti puruṣaḥ phalam //
The fruit that a man obtains by bathing in the water of the Yamunā on the twelfth of the bright half of Jyeṣṭha and beholding Hari at Mathurā —
AI translation rendered from the Sanskrit, not a published edition
BrP 246.25
तद् आप्नोति फलं सम्यक् समाधानेन कीर्तनात् पुराणे ऽस्य हितो विप्राः केशवार्पितमानसः ॥
tad āpnoti phalaṃ samyak samādhānena kīrtanāt purāṇe 'sya hito viprāḥ keśavārpitamānasaḥ //
that fruit he obtains fully by reciting (this) with concentration; (he who is) devoted to this Purāṇa, O brahmins, with his mind offered up to Keśava.
AI translation rendered from the Sanskrit, not a published edition — the model flagged this verse as uncertain
BrP 246.26
यत् फलं क्रियम् आलोक्य पुरुषो ऽथ लभेन् नरः तत् फलं समवाप्नोति यः पठेच् छृणुयाद् अपि ॥
yat phalaṃ kriyam ālokya puruṣo 'tha labhen naraḥ tat phalaṃ samavāpnoti yaḥ paṭhec chṛṇuyād api //
Whatever fruit a man might then gain from witnessing the rite, that fruit he fully obtains who recites or even hears (this).
AI translation rendered from the Sanskrit, not a published edition — the model flagged this verse as uncertain
BrP 246.27
इदं यः श्रद्धया नित्यं पुराणं वेदसंमितम् यः पठेच् छृणुयान् मर्त्यः स याति भुवनं हरेः ॥
idaṃ yaḥ śraddhayā nityaṃ purāṇaṃ vedasaṃmitam yaḥ paṭhec chṛṇuyān martyaḥ sa yāti bhuvanaṃ hareḥ //
The mortal who with faith constantly reads or hears this Purāṇa, which is equal to the Veda, goes to the world of Hari.
AI translation rendered from the Sanskrit, not a published edition
BrP 246.28
श्रावयेद् ब्राह्मणो यस् तु सदा पर्वसु संयतः एकादश्यां द्वादश्यां च विष्णुलोकं स गच्छति ॥
śrāvayed brāhmaṇo yas tu sadā parvasu saṃyataḥ ekādaśyāṃ dvādaśyāṃ ca viṣṇulokaṃ sa gacchati //
And the brāhmaṇa who, self-restrained, always causes (it) to be heard on the festival days, on the eleventh and the twelfth (lunar days), goes to the world of Viṣṇu.
AI translation rendered from the Sanskrit, not a published edition
BrP 246.29
इदं यशस्यम् आयुष्यं सुखदं कीर्तिवर्धनम् बलपुष्टिप्रदं नॄणां धन्यं दुःस्वप्ननाशनम् ॥
idaṃ yaśasyam āyuṣyaṃ sukhadaṃ kīrtivardhanam balapuṣṭipradaṃ nṝṇāṃ dhanyaṃ duḥsvapnanāśanam //
This (Purāṇa) bestows fame and long life, gives pleasure, increases renown, grants strength and vigour to men, brings prosperity, and destroys bad dreams.
AI translation rendered from the Sanskrit, not a published edition
BrP 246.30
त्रिसंध्यं यः पठेद् विद्वाञ् श्रद्धया सुसमाहितः इदं वरिष्ठम् आख्यानं स सर्वम् ईप्सितं लभेत् ॥
trisaṃdhyaṃ yaḥ paṭhed vidvāñ śraddhayā susamāhitaḥ idaṃ variṣṭham ākhyānaṃ sa sarvam īpsitaṃ labhet //
The learned man who, with faith and well composed, reads this most excellent narrative at the three junctures of the day obtains all that he desires.
AI translation rendered from the Sanskrit, not a published edition
BrP 246.31
रोगार्तो मुच्यते रोगाद् बद्धो मुच्येत बन्धनात् भयाद् विमुच्यते भीत आपदापन्न आपदः ॥
rogārto mucyate rogād baddho mucyeta bandhanāt bhayād vimucyate bhīta āpadāpanna āpadaḥ //
One afflicted by disease is freed from disease; one bound would be freed from bondage; the frightened is released from fear; one fallen into calamity, from calamities.
AI translation rendered from the Sanskrit, not a published edition
BrP 246.32
जातिस्मरत्वं विद्यां च पुत्रान् मेधां पशून् धृतिम् धर्मं चार्थं च कामं च मोक्षं तु लभते नरः ॥
jātismaratvaṃ vidyāṃ ca putrān medhāṃ paśūn dhṛtim dharmaṃ cārthaṃ ca kāmaṃ ca mokṣaṃ tu labhate naraḥ //
A man obtains recollection of (former) births, knowledge, sons, intelligence, cattle, steadfastness, dharma, wealth, pleasure, and indeed liberation.
AI translation rendered from the Sanskrit, not a published edition
BrP 246.33
यान् यान् कामान् अभिप्रेत्य पठेत् प्रयतमानसः तांस् तान् सर्वान् अवाप्नोति पुरुषो नात्र संशयः ॥
yān yān kāmān abhipretya paṭhet prayatamānasaḥ tāṃs tān sarvān avāpnoti puruṣo nātra saṃśayaḥ //
Whatever desires a man has in view when he reads (it) with a purified mind, all those he obtains — there is no doubt in this.
AI translation rendered from the Sanskrit, not a published edition
BrP 246.34
यश् चेदं सततं शृणोति मनुजः स्वर्गापवर्गप्रदं विष्णुं लोकगुरुं प्रणम्य वरदं भक्त्येकचित्तः शुचिः भुक्त्वा चात्र सुखं विमुक्तकलुषः स्वर्गे च दिव्यं सुखं पश्चाद् याति हरेः पदं सुविमलं मुक्तो गुणैः प्राकृतैः
yaś cedaṃ satataṃ śṛṇoti manujaḥ svargāpavargapradaṃ viṣṇuṃ lokaguruṃ praṇamya varadaṃ bhaktyekacittaḥ śuciḥ bhuktvā cātra sukhaṃ vimuktakaluṣaḥ svarge ca divyaṃ sukhaṃ paścād yāti hareḥ padaṃ suvimalaṃ mukto guṇaiḥ prākṛtaiḥ
And the man who constantly hears this (Purāṇa), which grants heaven and liberation, having bowed to Viṣṇu, the teacher of the worlds, the giver of boons, with his mind fixed solely in devotion and pure — having enjoyed happiness here, freed of impurity, and divine happiness in heaven, afterwards he goes to the wholly stainless station of Hari, released from the qualities of material nature.
AI translation rendered from the Sanskrit, not a published edition
BrP 246.35
तस्माद् विप्रवरैः स्वधर्मनिरतैर् मुक्त्येकमार्गेप्सुभिस् तद्वत् क्षत्रियपुंगवैस् तु नियतैः श्रेयोर्थिभिः सर्वदा वैश्यैश् चानुदिनं विशुद्धकुलजैः शूद्रैस् तथा धार्मिकैः श्रोतव्यं त्व् इदम् उत्तमं बहुफलं धर्मार्थमोक्षप्रदम्
tasmād vipravaraiḥ svadharmaniratair muktyekamārgepsubhis tadvat kṣatriyapuṃgavais tu niyataiḥ śreyorthibhiḥ sarvadā vaiśyaiś cānudinaṃ viśuddhakulajaiḥ śūdrais tathā dhārmikaiḥ śrotavyaṃ tv idam uttamaṃ bahuphalaṃ dharmārthamokṣapradam
Therefore this excellent (Purāṇa), of abundant fruit, granting dharma, wealth and liberation, should be heard: by the best of brāhmaṇas devoted to their own duty and desiring the one path of liberation, likewise by bulls among kṣatriyas, restrained and always seeking the good, and daily by vaiśyas born of pure family, and so too by righteous śūdras.
AI translation rendered from the Sanskrit, not a published edition
BrP 246.36
धर्मे मतिर् भवतु वः पुरुषोत्तमानां स ह्य् एक एव परलोकगतस्य बन्धुः अर्थाः स्त्रियश् च निपुणैर् अपि सेव्यमाना नैव प्रभावम् उपयान्ति न च स्थिरत्वम्
dharme matir bhavatu vaḥ puruṣottamānāṃ sa hy eka eva paralokagatasya bandhuḥ arthāḥ striyaś ca nipuṇair api sevyamānā naiva prabhāvam upayānti na ca sthiratvam
Let your minds, O best of men, be set on dharma; for that alone is the kinsman of one who has gone to the other world. Wealth and women, though attended upon even by the skilful, attain neither power nor permanence.
AI translation rendered from the Sanskrit, not a published edition
BrP 246.37
धर्मेण राज्यं लभते मनुष्यः स्वर्गं च धर्मेण नरः प्रयाति आयुश् च कीर्तिं च तपश् च धर्मं धर्मेण मोक्षं लभते मनुष्यः
dharmeṇa rājyaṃ labhate manuṣyaḥ svargaṃ ca dharmeṇa naraḥ prayāti āyuś ca kīrtiṃ ca tapaś ca dharmaṃ dharmeṇa mokṣaṃ labhate manuṣyaḥ
By dharma a man obtains kingship, and by dharma a man goes to heaven; (he obtains) long life, fame, ascetic power and dharma (itself); by dharma a man obtains liberation.
AI translation rendered from the Sanskrit, not a published edition
BrP 246.38
धर्मो ऽत्र मातापितरौ नरस्य धर्मः सखा चात्र परे च लोके त्राता च धर्मस् त्व् इह मोक्षदश् च धर्माद् ऋते नास्ति तु किंचिद् एव
dharmo 'tra mātāpitarau narasya dharmaḥ sakhā cātra pare ca loke trātā ca dharmas tv iha mokṣadaś ca dharmād ṛte nāsti tu kiṃcid eva
Here dharma is a man's mother and father; dharma is his friend here and in the other world; dharma is his protector and the giver of liberation here; apart from dharma there is nothing at all.
AI translation rendered from the Sanskrit, not a published edition
BrP 246.39
इदं रहस्यं श्रेष्ठं च पुराणं वेदसंमितम् न देयं दुष्टमतये नास्तिकाय विशेषतः ॥
idaṃ rahasyaṃ śreṣṭhaṃ ca purāṇaṃ vedasaṃmitam na deyaṃ duṣṭamataye nāstikāya viśeṣataḥ //
This secret and most excellent Purāṇa, equal to the Veda, is not to be given to one of evil mind, and especially not to a denier (of the scriptures).
AI translation rendered from the Sanskrit, not a published edition
BrP 246.40
इदं मयोक्तं प्रवरं पुराणं पापापहं धर्मविवर्धनं च श्रुतं भवद्भिः परमं रहस्यम् आज्ञापयध्वं मुनयो व्रजामि
idaṃ mayoktaṃ pravaraṃ purāṇaṃ pāpāpahaṃ dharmavivardhanaṃ ca śrutaṃ bhavadbhiḥ paramaṃ rahasyam ājñāpayadhvaṃ munayo vrajāmi
This most excellent Purāṇa, which removes sin and increases dharma, has been declared by me; the supreme secret has been heard by you. Give me leave, O sages: I am going.
AI translation rendered from the Sanskrit, not a published edition