Brahma Purana — Chapter 245

BrP 245.1

अप्रबुद्धम् अथाव्यक्तम् इमं गुणनिधिं सदा गुणानां धार्यतां तत्त्वं सृजत्य् आक्षिपते तथा ॥

aprabuddham athāvyaktam imaṃ guṇanidhiṃ sadā guṇānāṃ dhāryatāṃ tattvaṃ sṛjaty ākṣipate tathā //

But the not-awakened, that is, the unmanifest, this ever-treasury of the qualities — because the qualities are (its) to be borne, it creates and casts down the (realm of) principles.

AI translation rendered from the Sanskrit, not a published edition — the model flagged this verse as uncertain

BrP 245.2

अजो हि क्रीडया भूप विक्रियां प्राप्त इत्य् उत आत्मानं बहुधा कृत्वा नानेव प्रतिचक्षते ॥

ajo hi krīḍayā bhūpa vikriyāṃ prāpta ity uta ātmānaṃ bahudhā kṛtvā nāneva praticakṣate //

For the unborn one, O ruler of the earth, is said to have come to modification through play; making himself manifold, he appears as though many.

AI translation rendered from the Sanskrit, not a published edition

BrP 245.3

एतद् एवं विकुर्वाणो बुध्यमानो न बुध्यते गुणान् आचरते ह्य् एष सृजत्य् आक्षिपते तथा ॥

etad evaṃ vikurvāṇo budhyamāno na budhyate guṇān ācarate hy eṣa sṛjaty ākṣipate tathā //

Modifying this in this way, the awakening one does not awaken; for this one engages with the qualities, and creates and casts (them) down.

AI translation rendered from the Sanskrit, not a published edition

BrP 245.4

अव्यक्तबोधनाच् चैव बुध्यमानं वदन्त्य् अपि न त्व् एवं बुध्यते ऽव्यक्तं सगुणं तात निर्गुणम् ॥

avyaktabodhanāc caiva budhyamānaṃ vadanty api na tv evaṃ budhyate 'vyaktaṃ saguṇaṃ tāta nirguṇam //

And because of the awakening of the unmanifest they do call (it) 'awakening'; yet the unmanifest is not awakened in this way, dear one, neither with qualities nor without qualities.

AI translation rendered from the Sanskrit, not a published edition — the model flagged this verse as uncertain

BrP 245.5

कदाचित् त्व् एव खल्व् एतत् तद् आहुः प्रतिबुद्धकम् बुध्यते यदि चाव्यक्तम् एतद् वै पञ्चविंशकम् ॥

kadācit tv eva khalv etat tad āhuḥ pratibuddhakam budhyate yadi cāvyaktam etad vai pañcaviṃśakam //

But sometimes, indeed, this they call 'that which is awakened': if the unmanifest awakens, this is indeed the twenty-fifth.

AI translation rendered from the Sanskrit, not a published edition — the model flagged this verse as uncertain

BrP 245.6

बुध्यमानो भवत्य् एष ममात्मक इति श्रुतः अन्योन्यप्रतिबुद्धेन वदन्त्य् अव्यक्तम् अच्युतम् ॥

budhyamāno bhavaty eṣa mamātmaka iti śrutaḥ anyonyapratibuddhena vadanty avyaktam acyutam //

This one becomes 'awakening', being heard of as 'having my own nature'; by (its) being awakened reciprocally they call the unmanifest imperishable.

AI translation rendered from the Sanskrit, not a published edition — the model flagged this verse as uncertain

BrP 245.7

अव्यक्तबोधनाच् चैव बुध्यमानं वदन्त्य् उत पञ्चविंशं महात्मानं न चासाव् अपि बुध्यते ॥

avyaktabodhanāc caiva budhyamānaṃ vadanty uta pañcaviṃśaṃ mahātmānaṃ na cāsāv api budhyate //

And because of the awakening of the unmanifest they call the twenty-fifth, the great self, 'awakening'; yet that one too does not awaken.

AI translation rendered from the Sanskrit, not a published edition

BrP 245.8

षड्विंशं विमलं बुद्धम् अप्रमेयं सनातनम् सततं पञ्चविंशं तु चतुर्विंशं विबुध्यते ॥

ṣaḍviṃśaṃ vimalaṃ buddham aprameyaṃ sanātanam satataṃ pañcaviṃśaṃ tu caturviṃśaṃ vibudhyate //

The twenty-sixth is stainless, awakened, immeasurable, eternal; but the twenty-fifth constantly awakens the twenty-fourth.

AI translation rendered from the Sanskrit, not a published edition

BrP 245.9

दृश्यादृश्ये ह्य् अनुगततत्स्वभावे महाद्युते अव्यक्तं चैव तद् ब्रह्म बुध्यते तात केवलम् ॥

dṛśyādṛśye hy anugatatatsvabhāve mahādyute avyaktaṃ caiva tad brahma budhyate tāta kevalam //

In the seen and the unseen, whose nature it has followed, O greatly radiant one — and it awakens to that unmanifest brahman alone, dear one.

AI translation rendered from the Sanskrit, not a published edition — the model flagged this verse as uncertain

BrP 245.10

पञ्चविंशं चतुर्विंशम् आत्मानम् अनुपश्यति बुध्यमानो यदात्मानम् अन्यो ऽहम् इति मन्यते ॥

pañcaviṃśaṃ caturviṃśam ātmānam anupaśyati budhyamāno yadātmānam anyo 'ham iti manyate //

The twenty-fifth looks upon the twenty-fourth as the self; when, awakening, it thinks of the self, 'I am other' —

AI translation rendered from the Sanskrit, not a published edition

BrP 245.11

तदा प्रकृतिमान् एष भवत्य् अव्यक्तलोचनः बुध्यते च परां बुद्धिं विशुद्धाम् अमलां यथा ॥

tadā prakṛtimān eṣa bhavaty avyaktalocanaḥ budhyate ca parāṃ buddhiṃ viśuddhām amalāṃ yathā //

then this one becomes possessed of prakṛti, having the unmanifest for its eye; and it awakens to the supreme intelligence, just as it is, wholly pure and spotless.

AI translation rendered from the Sanskrit, not a published edition — the model flagged this verse as uncertain

BrP 245.12

षड्विंशं राजशार्दूल तदा बुद्धः कृतो व्रजेत् ततस् त्यजति सो ऽव्यक्तं सर्गप्रलयधर्मिणम् ॥

ṣaḍviṃśaṃ rājaśārdūla tadā buddhaḥ kṛto vrajet tatas tyajati so 'vyaktaṃ sargapralayadharmiṇam //

Then, O tiger among kings, having been made awakened, he would go to the twenty-sixth; thereupon he abandons the unmanifest, whose nature is creation and dissolution.

AI translation rendered from the Sanskrit, not a published edition

BrP 245.13

निर्गुणां प्रकृतिं वेद गुणयुक्ताम् अचेतनाम् ततः केवलधर्मासौ भवत्य् अव्यक्तदर्शनात् ॥

nirguṇāṃ prakṛtiṃ veda guṇayuktām acetanām tataḥ kevaladharmāsau bhavaty avyaktadarśanāt //

He knows prakṛti to be without qualities (in itself), joined with the qualities, and unconscious; then, from the seeing of the unmanifest, he comes to have the nature of the Alone.

AI translation rendered from the Sanskrit, not a published edition — the model flagged this verse as uncertain

BrP 245.14

केवलेन समागम्य विमुक्तात्मानम् आप्नुयात् एतत् तु तत्त्वम् इत्य् आहुर् निस्तत्त्वम् अजरामरम् ॥

kevalena samāgamya vimuktātmānam āpnuyāt etat tu tattvam ity āhur nistattvam ajarāmaram //

Coming together with the Alone, he would attain the liberated self; this they call the (true) principle, which is beyond principles, unaging and deathless.

AI translation rendered from the Sanskrit, not a published edition — the model flagged this verse as uncertain

BrP 245.15

तत्त्वसंश्रवणाद् एव तत्त्वज्ञो जायते नृप पञ्चविंशतितत्त्वानि प्रवदन्ति मनीषिणः ॥

tattvasaṃśravaṇād eva tattvajño jāyate nṛpa pañcaviṃśatitattvāni pravadanti manīṣiṇaḥ //

From merely hearing about the principles one becomes a knower of the principles, O king; the wise declare the principles to be twenty-five.

AI translation rendered from the Sanskrit, not a published edition

BrP 245.16

न चैव तत्त्ववांस् तात संसारेषु निमज्जति एषाम् उपैति तत्त्वं हि क्षिप्रं बुध्यस्व लक्षणम् ॥

na caiva tattvavāṃs tāta saṃsāreṣu nimajjati eṣām upaiti tattvaṃ hi kṣipraṃ budhyasva lakṣaṇam //

And one who possesses (knowledge of) the principles, dear one, does not sink down into the rounds of transmigration; for the truth of these comes to him — learn quickly (their) characteristic.

AI translation rendered from the Sanskrit, not a published edition — the model flagged this verse as uncertain

BrP 245.17

षड्विंशो ऽयम् इति प्राज्ञो गृह्यमाणो ऽजरामरः केवलेन बलेनैव समतां यात्य् असंशयम् ॥

ṣaḍviṃśo 'yam iti prājño gṛhyamāṇo 'jarāmaraḥ kevalena balenaiva samatāṃ yāty asaṃśayam //

'This is the twenty-sixth' — the wise one, thus apprehended, unaging and deathless, by the power of the Alone alone attains sameness (with it), beyond doubt.

AI translation rendered from the Sanskrit, not a published edition — the model flagged this verse as uncertain

BrP 245.18

षड्विंशेन प्रबुद्धेन बुध्यमानो ऽप्य् अबुद्धिमान् एतन् नानात्वम् इत्य् उक्तं सांख्यश्रुतिनिदर्शनात् ॥

ṣaḍviṃśena prabuddhena budhyamāno 'py abuddhimān etan nānātvam ity uktaṃ sāṃkhyaśrutinidarśanāt //

Awakened by the awakened twenty-sixth, the awakening one is still without awakening; this plurality has been stated on the showing of the Sāṃkhya tradition.

AI translation rendered from the Sanskrit, not a published edition — the model flagged this verse as uncertain

BrP 245.19

चेतनेन समेतस्य पञ्चविंशतिकस्य ह एकत्वं वै भवेत् तस्य यदा बुद्ध्यानुबुध्यते ॥

cetanena sametasya pañcaviṃśatikasya ha ekatvaṃ vai bhavet tasya yadā buddhyānubudhyate //

For the twenty-fifth, when it has come together with the conscious one, there would indeed be oneness, when it awakens through intelligence.

AI translation rendered from the Sanskrit, not a published edition — the model flagged this verse as uncertain

BrP 245.20

बुध्यमानेन बुद्धेन समतां याति मैथिल सङ्गधर्मा भवत्य् एष निःसङ्गात्मा नराधिप ॥

budhyamānena buddhena samatāṃ yāti maithila saṅgadharmā bhavaty eṣa niḥsaṅgātmā narādhipa //

Coming together with the awakened (twenty-sixth), the one who is awakening attains sameness (with it), Maithila; this (twenty-fifth) has attachment for its nature, while (the twenty-sixth) is a Self free of attachment, O ruler of men.

AI translation rendered from the Sanskrit, not a published edition — the model flagged this verse as uncertain

BrP 245.21

निःसङ्गात्मानम् आसाद्य षड्विंशं कर्मजं विदुः विभुस् त्यजति चाव्यक्तं यदा त्व् एतद् विबुध्यते ॥

niḥsaṅgātmānam āsādya ṣaḍviṃśaṃ karmajaṃ viduḥ vibhus tyajati cāvyaktaṃ yadā tv etad vibudhyate //

Having reached the Self free of attachment, they know the twenty-sixth as born of action(?); and the pervading one abandons the unmanifest when he awakens to this.

AI translation rendered from the Sanskrit, not a published edition — the model flagged this verse as uncertain

BrP 245.22

चतुर्विंशम् अगाधं च षड्विंशस्य प्रबोधनात् एष ह्य् अप्रतिबुद्धश् च बुध्यमानस् तु ते ऽनघ ॥

caturviṃśam agādhaṃ ca ṣaḍviṃśasya prabodhanāt eṣa hy apratibuddhaś ca budhyamānas tu te 'nagha //

And the twenty-fourth is unfathomable, because of the awakening of the twenty-sixth; for this (twenty-fourth) is unawakened, while (the twenty-fifth) is the one that is awakening, O sinless one.

AI translation rendered from the Sanskrit, not a published edition — the model flagged this verse as uncertain

BrP 245.23

उक्तो बुद्धश् च तत्त्वेन यथाश्रुतिनिदर्शनात् मशकोदुम्बरे यद्वद् अन्यत्वं तद्वद् एतयोः ॥

ukto buddhaś ca tattvena yathāśrutinidarśanāt maśakodumbare yadvad anyatvaṃ tadvad etayoḥ //

And the awakened one has been described as it truly is, according to the illustration given in scripture: just as there is otherness between the gnat and the fig tree, so it is between these two.

AI translation rendered from the Sanskrit, not a published edition — the model flagged this verse as uncertain

BrP 245.24

मत्स्योदके यथा तद्वद् अन्यत्वम् उपलभ्यते एवम् एव च गन्तव्यं नानात्वैकत्वम् एतयोः ॥

matsyodake yathā tadvad anyatvam upalabhyate evam eva ca gantavyaṃ nānātvaikatvam etayoḥ //

And just as otherness is apprehended in the case of a fish and water, in that same way the plurality and the oneness of these two is to be understood.

AI translation rendered from the Sanskrit, not a published edition

BrP 245.25

एतावन् मोक्ष इत्य् उक्तो ज्ञानविज्ञानसंज्ञितः पञ्चविंशतिकस्याशु यो ऽयं देहे प्रवर्तते ॥

etāvan mokṣa ity ukto jñānavijñānasaṃjñitaḥ pañcaviṃśatikasyāśu yo 'yaṃ dehe pravartate //

Just this much has been called liberation, designated as knowledge and discernment, of the twenty-fifth, which operates swiftly in the body.

AI translation rendered from the Sanskrit, not a published edition — the model flagged this verse as uncertain

BrP 245.26

एष मोक्षयितव्यैति प्राहुर् अव्यक्तगोचरात् सो ऽयम् एवं विमुच्येत नान्यथेति विनिश्चयः ॥

eṣa mokṣayitavyaiti prāhur avyaktagocarāt so 'yam evaṃ vimucyeta nānyatheti viniścayaḥ //

"This one is to be liberated" — so they say, because the unmanifest is its field; he would be liberated in just this way and not otherwise: that is the settled conclusion.

AI translation rendered from the Sanskrit, not a published edition — the model flagged this verse as uncertain

BrP 245.27

परश् च परधर्मा च भवत्य् एव समेत्य वै विशुद्धधर्मा शुद्धेन नाशुद्धेन च बुद्धिमान् ॥

paraś ca paradharmā ca bhavaty eva sametya vai viśuddhadharmā śuddhena nāśuddhena ca buddhimān //

And on coming together (with the supreme) he indeed becomes supreme and of supreme nature; the wise one becomes of wholly pure nature through the pure, not through the impure.

AI translation rendered from the Sanskrit, not a published edition — the model flagged this verse as uncertain

BrP 245.28

विमुक्तधर्मा बुद्धेन समेत्य पुरुषर्षभ वियोगधर्मिणा चैव विमुक्तात्मा भवत्य् अथ ॥

vimuktadharmā buddhena sametya puruṣarṣabha viyogadharmiṇā caiva vimuktātmā bhavaty atha //

Coming together with the awakened one, O bull among men, he becomes of liberated nature, and, (united) with that whose nature is separation, he then becomes a liberated self.

AI translation rendered from the Sanskrit, not a published edition — the model flagged this verse as uncertain

BrP 245.29

विमोक्षिणा विमोक्षश् च समेत्येह तथा भवेत् शुचिकर्मा शुचिश् चैव भवत्य् अमितबुद्धिमान् ॥

vimokṣiṇā vimokṣaś ca sametyeha tathā bhavet śucikarmā śuciś caiva bhavaty amitabuddhimān //

And coming together with the liberator he would likewise become liberated here; he becomes pure in action and pure (in himself), of immeasurable understanding.

AI translation rendered from the Sanskrit, not a published edition — the model flagged this verse as uncertain

BrP 245.30

विमलात्मा च भवति समेत्य विमलात्मना केवलात्मा तथा चैव केवलेन समेत्य वै स्वतन्त्रश् च स्वतन्त्रेण स्वतन्त्रत्वम् अवाप्यते ॥

vimalātmā ca bhavati sametya vimalātmanā kevalātmā tathā caiva kevalena sametya vai svatantraś ca svatantreṇa svatantratvam avāpyate //

And on coming together with the stainless Self he becomes stainless in self; likewise, on coming together with the isolated one, (he becomes) isolated in self; and, being independent, through the independent one independence is attained.

AI translation rendered from the Sanskrit, not a published edition — the model flagged this verse as uncertain

BrP 245.31

एतावद् एतत् कथितं मया ते तथ्यं महाराज यथार्थतत्त्वम् अमत्सरस् त्वं प्रतिगृह्य बुद्ध्या सनातनं ब्रह्म विशुद्धम् आद्यम्

etāvad etat kathitaṃ mayā te tathyaṃ mahārāja yathārthatattvam amatsaras tvaṃ pratigṛhya buddhyā sanātanaṃ brahma viśuddham ādyam

This much has been told by you—rather, by me—to you truly, O great king, in accordance with the real nature of things; do you, without envy, receive with your understanding the eternal, wholly pure, primal brahman.

AI translation rendered from the Sanskrit, not a published edition — the model flagged this verse as uncertain

BrP 245.32

तद् वेदनिष्ठस्य जनस्य राजन् प्रदेयम् एतत् परमं त्वया भवेत् विधित्समानाय निबोधकारकं प्रबोधहेतोः प्रणतस्य शासनम्

tad vedaniṣṭhasya janasya rājan pradeyam etat paramaṃ tvayā bhavet vidhitsamānāya nibodhakārakaṃ prabodhahetoḥ praṇatasya śāsanam

Therefore, O king, this supreme (teaching) should be given by you to a person devoted to the Veda — an instruction that produces awakening, given to one who seeks to practise it and who bows down for the sake of awakening.

AI translation rendered from the Sanskrit, not a published edition — the model flagged this verse as uncertain

BrP 245.33

न देयम् एतच् च यथानृतात्मने शठाय क्लीबाय न जिह्मबुद्धये न पण्डितज्ञानपरोपतापिने देयं तथा शिष्यविबोधनाय

na deyam etac ca yathānṛtātmane śaṭhāya klībāya na jihmabuddhaye na paṇḍitajñānaparopatāpine deyaṃ tathā śiṣyavibodhanāya

And this should not be given to one whose nature is untruthful, nor to a deceiver, nor to a weakling, nor to one of crooked mind, nor to one who, in the guise of learning, torments others; it should be given only for the awakening of a (true) pupil.

AI translation rendered from the Sanskrit, not a published edition — the model flagged this verse as uncertain

BrP 245.34

श्रद्धान्वितायाथ गुणान्विताय परापवादाद् विरताय नित्यम् विशुद्धयोगाय बुधाय चैव कृपावते ऽथ क्षमिणे हिताय

śraddhānvitāyātha guṇānvitāya parāpavādād viratāya nityam viśuddhayogāya budhāya caiva kṛpāvate 'tha kṣamiṇe hitāya

(It should be given) to one endowed with faith, endowed with good qualities, ever abstaining from slander of others, of wholly pure discipline, wise, compassionate, patient, and well-disposed;

AI translation rendered from the Sanskrit, not a published edition

BrP 245.35

विविक्तशीलाय विधिप्रियाय विवादहीनाय बहुश्रुताय विनीतवेशाय नहैतुकात्मने सदैव गुह्यं त्व् इदम् एव देयम्

viviktaśīlāya vidhipriyāya vivādahīnāya bahuśrutāya vinītaveśāya nahaitukātmane sadaiva guhyaṃ tv idam eva deyam

to one whose conduct is solitary, who is fond of proper observance, free of contentiousness, widely learned, of modest dress, and not given to (mere) argumentation — to such a one alone should this secret always be given.

AI translation rendered from the Sanskrit, not a published edition — the model flagged this verse as uncertain

BrP 245.36

एतैर् गुणैर् हीनतमे न देयम् एतत् परं ब्रह्म विशुद्धम् आहुः न श्रेयसे योक्ष्यति तादृशे कृतं धर्मप्रवक्तारम् अपात्रदानात्

etair guṇair hīnatame na deyam etat paraṃ brahma viśuddham āhuḥ na śreyase yokṣyati tādṛśe kṛtaṃ dharmapravaktāram apātradānāt

It should not be given to one utterly devoid of these qualities: this, they say, is the supreme, wholly pure brahman; in such a person the act will not be conducive to good, and (it brings ruin upon) the expounder of dharma, through giving to an unfit recipient.

AI translation rendered from the Sanskrit, not a published edition — the model flagged this verse as uncertain

BrP 245.37

पृथ्वीम् इमां वा यदि रत्नपूर्णां दद्याद् अदेयं त्व् इदम् अव्रताय जितेन्द्रियाय प्रयताय देयं देयं परं तत्त्वविदे नरेन्द्र

pṛthvīm imāṃ vā yadi ratnapūrṇāṃ dadyād adeyaṃ tv idam avratāya jitendriyāya prayatāya deyaṃ deyaṃ paraṃ tattvavide narendra

Even if one were to give this earth full of jewels, this is not to be given to one without vows; it is to be given to one who has mastered his senses and is self-restrained — the supreme is to be given to one who knows the truth, O lord of men.

AI translation rendered from the Sanskrit, not a published edition

BrP 245.38

कराल मा ते भयम् अस्ति किंचिद् एतच् छ्रुतं ब्रह्म परं त्वयाद्य यथावद् उक्तं परमं पवित्रं विशोकम् अत्यन्तम् अनादिमध्यम्

karāla mā te bhayam asti kiṃcid etac chrutaṃ brahma paraṃ tvayādya yathāvad uktaṃ paramaṃ pavitraṃ viśokam atyantam anādimadhyam

Karāla, let there be no fear for you at all: this supreme brahman has now been heard by you, declared just as it is — supreme, purifying, free of sorrow, ultimate, without beginning or middle;

AI translation rendered from the Sanskrit, not a published edition

BrP 245.39

अगाधम् एतद् अजरामरं च निरामयं वीतभयं शिवं च समीक्ष्य मोहं परवादसंज्ञम् एतस्य तत्त्वार्थम् इमं विदित्वा

agādham etad ajarāmaraṃ ca nirāmayaṃ vītabhayaṃ śivaṃ ca samīkṣya mohaṃ paravādasaṃjñam etasya tattvārtham imaṃ viditvā

unfathomable is this, unaging and undying, free of disease, free of fear, and auspicious — once one has looked upon the delusion that goes by the name of rival doctrine, and has known this true meaning of it.

AI translation rendered from the Sanskrit, not a published edition — the model flagged this verse as uncertain

BrP 245.40

अवाप्तम् एतद् धि पुरा सनातनाद् धिरण्यगर्भाद् धि ततो नराधिप प्रसाद्य यत्नेन तम् उग्रतेजसं सनातनं ब्रह्म यथा त्वयैतत्

avāptam etad dhi purā sanātanād dhiraṇyagarbhād dhi tato narādhipa prasādya yatnena tam ugratejasaṃ sanātanaṃ brahma yathā tvayaitat

For this was obtained long ago from the eternal Hiraṇyagarbha, O lord of men, after propitiating with effort that one of fierce splendour, the eternal Brahman — just as (it has now been given) to you.

AI translation rendered from the Sanskrit, not a published edition — the model flagged this verse as uncertain

BrP 245.41

पृष्टस् त्वया चास्मि यथा नरेन्द्र तथा मयेदं त्वयि नोक्तम् अन्यत् यथावाप्तं ब्रह्मणो मे नरेन्द्र महाज्ञानं मोक्षविदां परायणम्

pṛṣṭas tvayā cāsmi yathā narendra tathā mayedaṃ tvayi noktam anyat yathāvāptaṃ brahmaṇo me narendra mahājñānaṃ mokṣavidāṃ parāyaṇam

And as I was questioned by you, O chief of men, so has this been told by me to you, and nothing else — just as this great knowledge, the supreme resort of those who know liberation, was obtained by me from Brahmā, O chief of men.

AI translation rendered from the Sanskrit, not a published edition

BrP 245.42

एतद् उक्तं परं ब्रह्म यस्मान् नावर्तते पुनः पञ्चविंशं मुनिश्रेष्ठा वसिष्ठेन यथा पुरा ॥

etad uktaṃ paraṃ brahma yasmān nāvartate punaḥ pañcaviṃśaṃ muniśreṣṭhā vasiṣṭhena yathā purā //

This supreme Brahman, from which one does not return again, has been declared — the twenty-fifth, O best of sages — as it was formerly by Vasiṣṭha.

AI translation rendered from the Sanskrit, not a published edition — the model flagged this verse as uncertain

BrP 245.43

पुनरावृत्तिम् आप्नोति परमं ज्ञानम् अव्ययम् नाति बुध्यति तत्त्वेन बुध्यमानो ऽजरामरम् ॥

punarāvṛttim āpnoti paramaṃ jñānam avyayam nāti budhyati tattvena budhyamāno 'jarāmaram //

He undergoes return again; (he) does not truly comprehend the supreme, imperishable knowledge, (even while) comprehending what is ageless and deathless.

AI translation rendered from the Sanskrit, not a published edition — the model flagged this verse as uncertain

BrP 245.44

एतन् निःश्रेयसकरं ज्ञानं भोः परमं मया कथितं तत्त्वतो विप्राः श्रुत्वा देवर्षितो द्विजाः ॥

etan niḥśreyasakaraṃ jñānaṃ bhoḥ paramaṃ mayā kathitaṃ tattvato viprāḥ śrutvā devarṣito dvijāḥ //

This supreme knowledge, which brings about the highest good, sirs, has been recounted by me as it truly is, O brahmins — having heard it from the divine sage, O twice-born ones.

AI translation rendered from the Sanskrit, not a published edition

BrP 245.45

हिरण्यगर्भाद् ऋषिणा वसिष्ठेन समाहृतम् वसिष्ठाद् ऋषिशार्दूलो नारदो ऽवाप्तवान् इदम् ॥

hiraṇyagarbhād ṛṣiṇā vasiṣṭhena samāhṛtam vasiṣṭhād ṛṣiśārdūlo nārado 'vāptavān idam //

It was collected from Hiraṇyagarbha by the sage Vasiṣṭha; from Vasiṣṭha, Nārada, that tiger among sages, obtained it.

AI translation rendered from the Sanskrit, not a published edition

BrP 245.46

नारदाद् विदितं मह्यम् एतद् उक्तं सनातनम् मा शुचध्वं मुनिश्रेष्ठाः श्रुत्वैतत् परमं पदम् ॥

nāradād viditaṃ mahyam etad uktaṃ sanātanam mā śucadhvaṃ muniśreṣṭhāḥ śrutvaitat paramaṃ padam //

From Nārada it became known to me; this eternal (teaching) has (now) been told. Do not grieve, O best of sages, having heard this supreme state.

AI translation rendered from the Sanskrit, not a published edition

BrP 245.47

येन क्षराक्षरे भिन्ने न भयं तस्य विद्यते विद्यते तु भयं यस्य यो नैनं वेत्ति तत्त्वतः ॥

yena kṣarākṣare bhinne na bhayaṃ tasya vidyate vidyate tu bhayaṃ yasya yo nainaṃ vetti tattvataḥ //

He by whom the perishable and the imperishable have been distinguished — for him no fear exists; but fear exists for the one who does not know this as it truly is.

AI translation rendered from the Sanskrit, not a published edition

BrP 245.48

अविज्ञानाच् च मूढात्मा पुनः पुनर् उपद्रवान् प्रेत्य जातिसहस्राणि मरणान्तान्य् उपाश्नुते ॥

avijñānāc ca mūḍhātmā punaḥ punar upadravān pretya jātisahasrāṇi maraṇāntāny upāśnute //

And through lack of knowledge the deluded one, again and again, after death, undergoes thousands of births that end in death, (full of) afflictions.

AI translation rendered from the Sanskrit, not a published edition

BrP 245.49

देवलोकं तथा तिर्यङ् मानुष्यम् अपि चाश्नुते यदि वा मुच्यते वापि तस्माद् अज्ञानसागरात् ॥

devalokaṃ tathā tiryaṅ mānuṣyam api cāśnute yadi vā mucyate vāpi tasmād ajñānasāgarāt //

He attains the world of the gods, and likewise animal birth, and human birth too — or else he is released from that ocean of ignorance.

AI translation rendered from the Sanskrit, not a published edition

BrP 245.50

अज्ञानसागरे घोरे ह्य् अव्यक्तागाध उच्यते अहन्य् अहनि मज्जन्ति यत्र भूतानि भो द्विजाः ॥

ajñānasāgare ghore hy avyaktāgādha ucyate ahany ahani majjanti yatra bhūtāni bho dvijāḥ //

For in the dreadful ocean of ignorance the unmanifest is called the fathomless (depth), where day after day beings sink, O twice-born ones.

AI translation rendered from the Sanskrit, not a published edition

BrP 245.51

तस्माद् अगाधाद् अव्यक्ताद् उपक्षीणात् सनातनात् तस्माद् यूयं विरजस्का वितमस्काश् च भो द्विजाः ॥

tasmād agādhād avyaktād upakṣīṇāt sanātanāt tasmād yūyaṃ virajaskā vitamaskāś ca bho dvijāḥ //

From that fathomless, unmanifest, wasted-away, eternal (thing) — therefore you, O twice-born ones, are free of dust and free of darkness.

AI translation rendered from the Sanskrit, not a published edition — the model flagged this verse as uncertain

BrP 245.52

एवं मया मुनिश्रेष्ठाः सारात् सारतरं परम् कथितं परमं मोक्षं यं ज्ञात्वा न निवर्तते ॥

evaṃ mayā muniśreṣṭhāḥ sārāt sārataraṃ param kathitaṃ paramaṃ mokṣaṃ yaṃ jñātvā na nivartate //

Thus by me, O best of sages, has been recounted that supreme thing, more essential than the essence — the highest liberation, knowing which one does not return.

AI translation rendered from the Sanskrit, not a published edition

BrP 245.53

न नास्तिकाय दातव्यं नाभक्ताय कदाचन न दुष्टमतये विप्रा न श्रद्धाविमुखाय च ॥

na nāstikāya dātavyaṃ nābhaktāya kadācana na duṣṭamataye viprā na śraddhāvimukhāya ca //

It is not to be given to a denier, nor ever to one without devotion, nor to one of evil mind, O brahmins, nor to one averse to faith.

AI translation rendered from the Sanskrit, not a published edition