Brahma Purana — Chapter 242
BrP 242.1
एवम् अप्रतिबुद्धत्वाद् अबुद्धम् अनुवर्तते देहाद् देहसहस्राणि तथा च न स भिद्यते ॥
evam apratibuddhatvād abuddham anuvartate dehād dehasahasrāṇi tathā ca na sa bhidyate //
Thus, through not being awakened, (the self) follows after the unawakened; from body (it goes to) thousands of bodies, and yet it is not thereby divided.
AI translation rendered from the Sanskrit, not a published edition
BrP 242.2
तिर्यग्योनिसहस्रेषु कदाचिद् देवतास्व् अपि उत्पद्यति तपोयोगाद् गुणैः सह गुणक्षयात् ॥
tiryagyonisahasreṣu kadācid devatāsv api utpadyati tapoyogād guṇaiḥ saha guṇakṣayāt //
He is born among thousands of animal wombs, sometimes even among the gods; through the practice of austerity, together with the qualities, by the wearing away of the qualities.
AI translation rendered from the Sanskrit, not a published edition — the model flagged this verse as uncertain
BrP 242.3
मनुष्यत्वाद् दिवं याति देवो मानुष्यम् एति च मानुष्यान् निरयस्थानम् आलयं प्रतिपद्यते ॥
manuṣyatvād divaṃ yāti devo mānuṣyam eti ca mānuṣyān nirayasthānam ālayaṃ pratipadyate //
From the human state he goes to heaven, and a god comes to the human state; from the human state he reaches the place of hell as his dwelling.
AI translation rendered from the Sanskrit, not a published edition
BrP 242.4
कोषकारो यथात्मानं कीटः समभिरुन्धति सूत्रतन्तुगुणैर् नित्यं तथायम् अगुणो गुणैः ॥
koṣakāro yathātmānaṃ kīṭaḥ samabhirundhati sūtratantuguṇair nityaṃ tathāyam aguṇo guṇaiḥ //
As the cocoon-making worm continually shuts itself in with the strands of its thread, so does this (self), itself without qualities, (shut itself in) with the qualities.
AI translation rendered from the Sanskrit, not a published edition
BrP 242.5
द्वंद्वम् एति च निर्द्वंद्वस् तासु तास्व् इह योनिषु शीर्षरोगे ऽक्षिरोगे च दन्तशूले गलग्रहे ॥
dvaṃdvam eti ca nirdvaṃdvas tāsu tāsv iha yoniṣu śīrṣaroge 'kṣiroge ca dantaśūle galagrahe //
And though free of the pairs (of opposites), he comes to the pairs here in this birth and that: in headache and eye-disease, in toothache, in seizure of the throat,
AI translation rendered from the Sanskrit, not a published edition
BrP 242.6
जलोदरे ऽतिसारे च गण्डमालाविचर्चिके श्वित्रकुष्ठे ऽग्निदग्धे च सिध्मापस्मारयोर् अपि ॥
jalodare 'tisāre ca gaṇḍamālāvicarcike śvitrakuṣṭhe 'gnidagdhe ca sidhmāpasmārayor api //
in dropsy and dysentery, in scrofula and skin-eruption, in white leprosy and leprosy, in burning by fire, and in ringworm and epilepsy;
AI translation rendered from the Sanskrit, not a published edition
BrP 242.7
यानि चान्यानि द्वंद्वानि प्राकृतानि शरीरिणाम् उत्पद्यन्ते विचित्राणि तान्य् एवात्माभिमन्यते ॥
yāni cānyāni dvaṃdvāni prākṛtāni śarīriṇām utpadyante vicitrāṇi tāny evātmābhimanyate //
and whatever other pairs (of opposites), arising from nature, come into being for embodied beings in their many kinds — those very things the self claims as its own.
AI translation rendered from the Sanskrit, not a published edition
BrP 242.8
अभिमानातिमानानां तथैव सुकृतान्य् अपि एकवासाश् चतुर्वासाः शायी नित्यम् अधस् तथा ॥
abhimānātimānānāṃ tathaiva sukṛtāny api ekavāsāś caturvāsāḥ śāyī nityam adhas tathā //
(These belong) to the proud and the over-proud, and likewise even their good works: wearing one garment, wearing four garments, and always sleeping on the ground.
AI translation rendered from the Sanskrit, not a published edition — the model flagged this verse as uncertain
BrP 242.9
मण्डूकशायी च तथा वीरासनगतस् तथा वीरम् आसनम् आकाशे तथा शयनम् एव च ॥
maṇḍūkaśāyī ca tathā vīrāsanagatas tathā vīram āsanam ākāśe tathā śayanam eva ca //
And sleeping frog-fashion, and likewise sitting in the hero-posture; the hero's seat in the open air, and likewise lying down (there);
AI translation rendered from the Sanskrit, not a published edition — the model flagged this verse as uncertain
BrP 242.10
इष्टकाप्रस्तरे चैव चक्रकप्रस्तरे तथा भस्मप्रस्तरशायी च भूमिशय्यानुलेपनः ॥
iṣṭakāprastare caiva cakrakaprastare tathā bhasmaprastaraśāyī ca bhūmiśayyānulepanaḥ //
and on a spread of bricks, and likewise on a spread of pebbles, and lying on a spread of ashes, and having the bare ground as bed and as ointment;
AI translation rendered from the Sanskrit, not a published edition — the model flagged this verse as uncertain
BrP 242.11
वीरस्थानाम्बुपाके च शयनं फलकेषु च विविधासु च शय्यासु फलगृह्यान्वितासु च ॥
vīrasthānāmbupāke ca śayanaṃ phalakeṣu ca vividhāsu ca śayyāsu phalagṛhyānvitāsu ca //
and in the hero's station and in water-heating(?), and sleeping on boards, and on beds of various kinds, and on those furnished with phalagṛhya;
AI translation rendered from the Sanskrit, not a published edition — the model flagged this verse as uncertain
BrP 242.12
उद्याने खललग्ने तु क्षौमकृष्णाजिनान्वितः मणिवालपरीधानो व्याघ्रचर्मपरिच्छदः ॥
udyāne khalalagne tu kṣaumakṛṣṇājinānvitaḥ maṇivālaparīdhāno vyāghracarmaparicchadaḥ //
but in a garden, fixed on a threshing-floor, provided with linen and a black antelope skin, wearing a maṇivāla garment, with a tiger skin as covering;
AI translation rendered from the Sanskrit, not a published edition — the model flagged this verse as uncertain
BrP 242.13
सिंहचर्मपरीधानः पट्टवासास् तथैव च फलकं परिधानश् च तथा कटकवस्त्रधृक् ॥
siṃhacarmaparīdhānaḥ paṭṭavāsās tathaiva ca phalakaṃ paridhānaś ca tathā kaṭakavastradhṛk //
wearing a lion's skin as garment, and likewise clad in woven silk, wearing a board as garment, and likewise carrying a garment of matting;
AI translation rendered from the Sanskrit, not a published edition — the model flagged this verse as uncertain
BrP 242.14
कटैकवसनश् चैव चीरवासास् तथैव च वस्त्राणि चान्यानि बहून्य् अभिमत्य च बुद्धिमान् ॥
kaṭaikavasanaś caiva cīravāsās tathaiva ca vastrāṇi cānyāni bahūny abhimatya ca buddhimān //
and clothed in a single mat, and likewise clad in bark strips — and the intelligent man, having laid claim to many other garments too,
AI translation rendered from the Sanskrit, not a published edition — the model flagged this verse as uncertain
BrP 242.15
भोजनानि विचित्राणि रत्नानि विविधानि च एकरात्रान्तराशित्वम् एककालिकभोजनम् ॥
bhojanāni vicitrāṇi ratnāni vividhāni ca ekarātrāntarāśitvam ekakālikabhojanam //
(and to) foods of many kinds and jewels of various sorts: eating with a night in between, eating at a single time (of day),
AI translation rendered from the Sanskrit, not a published edition
BrP 242.16
चतुर्थाष्टमकालं च षष्ठकालिकम् एव च षड्रात्रभोजनश् चैव तथा चाष्टाहभोजनः ॥
caturthāṣṭamakālaṃ ca ṣaṣṭhakālikam eva ca ṣaḍrātrabhojanaś caiva tathā cāṣṭāhabhojanaḥ //
(Eating) at the fourth or eighth mealtime, and (eating) only at the sixth mealtime, eating (once) in six nights, and likewise eating (once) in eight days;
AI translation rendered from the Sanskrit, not a published edition
BrP 242.17
मासोपवासी मूलाशी फलाहारस् तथैव च वायुभक्षश् च पिण्याकदधिगोमयभोजनः ॥
māsopavāsī mūlāśī phalāhāras tathaiva ca vāyubhakṣaś ca piṇyākadadhigomayabhojanaḥ //
Fasting for a month, eating roots, and likewise living on fruit, feeding on air, and eating oil-cake, curds and cow-dung;
AI translation rendered from the Sanskrit, not a published edition
BrP 242.18
गोमूत्रभोजनश् चैव काशपुष्पाशनस् तथा शैवालभोजनश् चैव तथा चान्येन वर्तयन् ॥
gomūtrabhojanaś caiva kāśapuṣpāśanas tathā śaivālabhojanaś caiva tathā cānyena vartayan //
Feeding on cow's urine, and likewise eating kāśa-grass blossoms, and feeding on water-moss, and subsisting on yet other (things);
AI translation rendered from the Sanskrit, not a published edition
BrP 242.19
वर्तयञ् शीर्णपर्णैश् च प्रकीर्णफलभोजनः विविधानि च कृच्छ्राणि सेवते सिद्धिकाङ्क्षया ॥
vartayañ śīrṇaparṇaiś ca prakīrṇaphalabhojanaḥ vividhāni ca kṛcchrāṇi sevate siddhikāṅkṣayā //
Subsisting on withered leaves, eating fallen fruit — he practices the various austerities out of a longing for supernatural attainment.
AI translation rendered from the Sanskrit, not a published edition
BrP 242.20
चान्द्रायणानि विधिवल् लिङ्गानि विविधानि च चातुराश्रम्ययुक्तानि धर्माधर्माश्रयाण्य् अपि ॥
cāndrāyaṇāni vidhival liṅgāni vividhāni ca cāturāśramyayuktāni dharmādharmāśrayāṇy api //
The cāndrāyaṇa observances according to rule, and the various outward marks (of religious orders) belonging to the four stages of life, and also those grounded in right and wrong;
AI translation rendered from the Sanskrit, not a published edition — the model flagged this verse as uncertain
BrP 242.21
उपाश्रयान् अप्य् अपरान् पाखण्डान् विविधान् अपि विविक्ताश् च शिलाछायास् तथा प्रस्रवणानि च ॥
upāśrayān apy aparān pākhaṇḍān vividhān api viviktāś ca śilāchāyās tathā prasravaṇāni ca //
And other refuges too, and the various heretical sects as well, and secluded shady spots under rocks, and springs;
AI translation rendered from the Sanskrit, not a published edition — the model flagged this verse as uncertain
BrP 242.22
पुलिनानि विविक्तानि विविधानि वनानि च काननेषु विविक्ताश् च शैलानां महतीर् गुहाः ॥
pulināni viviktāni vividhāni vanāni ca kānaneṣu viviktāś ca śailānāṃ mahatīr guhāḥ //
Secluded sandbanks and the various forests, and in the woodlands the secluded great caves of the mountains;
AI translation rendered from the Sanskrit, not a published edition
BrP 242.23
नियमान् विविधांश् चापि विविधानि तपांसि च यज्ञांश् च विविधाकारान् विद्याश् च विविधास् तथा ॥
niyamān vividhāṃś cāpi vividhāni tapāṃsi ca yajñāṃś ca vividhākārān vidyāś ca vividhās tathā //
And the various restraints, and the various austerities, and sacrifices of various kinds, and likewise the various branches of knowledge;
AI translation rendered from the Sanskrit, not a published edition
BrP 242.24
वणिक्पथं द्विजक्षत्रवैश्यशूद्रांस् तथैव च दानं च विविधाकारं दीनान्धकृपणादिषु ॥
vaṇikpathaṃ dvijakṣatravaiśyaśūdrāṃs tathaiva ca dānaṃ ca vividhākāraṃ dīnāndhakṛpaṇādiṣu //
The trade-route (of merchants), and likewise brahmins, kṣatriyas, vaiśyas and śūdras, and giving of various kinds to the wretched, the blind, the destitute and the rest —
AI translation rendered from the Sanskrit, not a published edition
BrP 242.25
अभिमन्येत संधातुं तथैव विविधान् गुणान् सत्त्वं रजस् तमश् चैव धर्मार्थौ काम एव च ॥
abhimanyeta saṃdhātuṃ tathaiva vividhān guṇān sattvaṃ rajas tamaś caiva dharmārthau kāma eva ca //
(All this) he would set his mind upon joining together, and likewise the various qualities: sattva, rajas and tamas, and dharma and artha and kāma.
AI translation rendered from the Sanskrit, not a published edition — the model flagged this verse as uncertain
BrP 242.26
प्रकृत्यात्मानम् एवात्मा एवं प्रविभजत्य् उत स्वाहाकारवषट्कारौ स्वधाकारनमस्क्रिये ॥
prakṛtyātmānam evātmā evaṃ pravibhajaty uta svāhākāravaṣaṭkārau svadhākāranamaskriye //
Thus the Self divides itself up by means of primal nature (prakṛti): the utterances svāhā and vaṣaṭ, the utterance svadhā and the act of homage;
AI translation rendered from the Sanskrit, not a published edition — the model flagged this verse as uncertain
BrP 242.27
यजनाध्ययने दानं तथैवाहुः प्रतिग्रहम् याजनाध्यापने चैव तथान्यद् अपि किंचन ॥
yajanādhyayane dānaṃ tathaivāhuḥ pratigraham yājanādhyāpane caiva tathānyad api kiṃcana //
Sacrificing and study, giving, and likewise, they say, receiving gifts, and officiating at sacrifices and teaching, and whatever else there is besides.
AI translation rendered from the Sanskrit, not a published edition
BrP 242.28
जन्ममृत्युविधानेन तथा विशसनेन च शुभाशुभभयं सर्वम् एतद् आहुः सनातनम् ॥
janmamṛtyuvidhānena tathā viśasanena ca śubhāśubhabhayaṃ sarvam etad āhuḥ sanātanam //
By the ordinance of birth and death, and by slaughter — all this fear of good and evil, they say, is everlasting.
AI translation rendered from the Sanskrit, not a published edition — the model flagged this verse as uncertain
BrP 242.29
प्रकृतिः कुरुते देवी भयं प्रलयम् एव च दिवसान्ते गुणान् एतान् अतीत्यैको ऽवतिष्ठते ॥
prakṛtiḥ kurute devī bhayaṃ pralayam eva ca divasānte guṇān etān atītyaiko 'vatiṣṭhate //
The goddess Prakṛti produces fear and also dissolution; at the day's end, having passed beyond these qualities, he alone remains.
AI translation rendered from the Sanskrit, not a published edition
BrP 242.30
रश्मिजालम् इवादित्यस् तत्कालं संनियच्छति एवम् एवैष तत् सर्वं क्रीडार्थम् अभिमन्यते ॥
raśmijālam ivādityas tatkālaṃ saṃniyacchati evam evaiṣa tat sarvaṃ krīḍārtham abhimanyate //
As the sun draws in its net of rays, so at that time (he) withdraws (all this); just so does he conceive all that for the sake of play.
AI translation rendered from the Sanskrit, not a published edition
BrP 242.31
आत्मरूपगुणान् एतान् विविधान् हृदयप्रियान् एवम् एतां प्रकुर्वाणः सर्गप्रलयधर्मिणीम् ॥
ātmarūpaguṇān etān vividhān hṛdayapriyān evam etāṃ prakurvāṇaḥ sargapralayadharmiṇīm //
These various qualities in the form of himself, dear to his heart — thus producing her (Prakṛti), whose nature is creation and dissolution,
AI translation rendered from the Sanskrit, not a published edition — the model flagged this verse as uncertain
BrP 242.32
क्रियां क्रियापथे रक्तस् त्रिगुणस् त्रिगुणाधिपः क्रियाक्रियापथोपेतस् तथा तद् इति मन्यते ॥
kriyāṃ kriyāpathe raktas triguṇas triguṇādhipaḥ kriyākriyāpathopetas tathā tad iti manyate //
(He produces) action; attached to the path of action, possessed of the three qualities, lord of the three qualities, joined to the path of action and inaction, he thinks accordingly, 'That is so.'
AI translation rendered from the Sanskrit, not a published edition — the model flagged this verse as uncertain
BrP 242.33
प्रकृत्या सर्वम् एवेदं जगद् अन्धीकृतं विभो रजसा तमसा चैव व्याप्तं सर्वम् अनेकधा ॥
prakṛtyā sarvam evedaṃ jagad andhīkṛtaṃ vibho rajasā tamasā caiva vyāptaṃ sarvam anekadhā //
By Prakṛti this whole world has been made blind, O mighty one; by rajas and by tamas everything is pervaded in many ways.
AI translation rendered from the Sanskrit, not a published edition
BrP 242.34
एवं द्वंद्वान्य् अतीतानि मम वर्तन्ति नित्यशः मत्त एतानि जायन्ते प्रलये यान्ति माम् अपि ॥
evaṃ dvaṃdvāny atītāni mama vartanti nityaśaḥ matta etāni jāyante pralaye yānti mām api //
Thus these pairs of opposites, past (and gone), go on for me perpetually; from me they are born, and at the dissolution they go into me as well.
AI translation rendered from the Sanskrit, not a published edition
BrP 242.35
निस्तर्तव्याण्य् अथैतानि सर्वाणीति नराधिप मन्यते पक्षबुद्धित्वात् तथैव सुकृतान्य् अपि ॥
nistartavyāṇy athaitāni sarvāṇīti narādhipa manyate pakṣabuddhitvāt tathaiva sukṛtāny api //
"And all these are to be crossed over," O lord of men — so he thinks, because of his partial understanding, and likewise (thinks so) of his good deeds too.
AI translation rendered from the Sanskrit, not a published edition — the model flagged this verse as uncertain
BrP 242.36
भोक्तव्यानि ममैतानि देवलोकगतेन वै इहैव चैनं भोक्ष्यामि शुभाशुभफलोदयम् ॥
bhoktavyāni mamaitāni devalokagatena vai ihaiva cainaṃ bhokṣyāmi śubhāśubhaphalodayam //
"These (fruits) are to be enjoyed by me when I have gone to the world of the gods, and right here I shall enjoy this arising of the fruit of good and bad (deeds)."
AI translation rendered from the Sanskrit, not a published edition
BrP 242.37
सुखम् एवं तु कर्तव्यं सकृत् कृत्वा सुखं मम यावद् एव तु मे सौख्यं जात्यां जात्यां भविष्यति ॥
sukham evaṃ tu kartavyaṃ sakṛt kṛtvā sukhaṃ mama yāvad eva tu me saukhyaṃ jātyāṃ jātyāṃ bhaviṣyati //
"Thus pleasure is to be pursued: having once done what is pleasant to me, my happiness will last for birth after birth."
AI translation rendered from the Sanskrit, not a published edition — the model flagged this verse as uncertain
BrP 242.38
भविष्यति न मे दुःखं कृतेनेहाप्य् अनन्तकम् सुखदुःखं हि मानुष्यं निरये चापि मज्जनम् ॥
bhaviṣyati na me duḥkhaṃ kṛtenehāpy anantakam sukhaduḥkhaṃ hi mānuṣyaṃ niraye cāpi majjanam //
"No suffering will come to me here from what I have done, nor is it endless; for human existence is both pleasure and pain, and there is also sinking into hell."
AI translation rendered from the Sanskrit, not a published edition — the model flagged this verse as uncertain
BrP 242.39
निरयाच् चापि मानुष्यं कालेनैष्याम्य् अहं पुनः मनुष्यत्वाच् च देवत्वं देवत्वात् पौरुषं पुनः ॥
nirayāc cāpi mānuṣyaṃ kālenaiṣyāmy ahaṃ punaḥ manuṣyatvāc ca devatvaṃ devatvāt pauruṣaṃ punaḥ //
"And from hell I shall come again in time to human birth; and from humanity to godhood, and from godhood again to manhood,"
AI translation rendered from the Sanskrit, not a published edition
BrP 242.40
मनुष्यत्वाच् च निरयं पर्यायेणोपगच्छति एष एवं द्विजातीनाम् आत्मा वै स गुणैर् वृतः ॥
manuṣyatvāc ca nirayaṃ paryāyeṇopagacchati eṣa evaṃ dvijātīnām ātmā vai sa guṇair vṛtaḥ //
and from humanity he goes to hell in turn. Such, then, is the self of the twice-born: it is enveloped by the guṇas.
AI translation rendered from the Sanskrit, not a published edition
BrP 242.41
तेन देवमनुष्येषु निरयं चोपपद्यते ममत्वेनावृतो नित्यं तत्रैव परिवर्तते ॥
tena devamanuṣyeṣu nirayaṃ copapadyate mamatvenāvṛto nityaṃ tatraiva parivartate //
By that (self) he is born among gods and men and in hell; enveloped always by the sense of 'mine', he revolves right there.
AI translation rendered from the Sanskrit, not a published edition
BrP 242.42
सर्गकोटिसहस्राणि मरणान्तासु मूर्तिषु य एवं कुरुते कर्म शुभाशुभफलात्मकम् ॥
sargakoṭisahasrāṇi maraṇāntāsu mūrtiṣu ya evaṃ kurute karma śubhāśubhaphalātmakam //
Through thousands of millions of creations, in bodies that end in death, whoever thus performs action whose nature is fruit good and bad,
AI translation rendered from the Sanskrit, not a published edition
BrP 242.43
स एवं फलम् आप्नोति त्रिषु लोकेषु मूर्तिमान् प्रकृतिः कुरुते कर्म शुभाशुभफलात्मकम् ॥
sa evaṃ phalam āpnoti triṣu lokeṣu mūrtimān prakṛtiḥ kurute karma śubhāśubhaphalātmakam //
he, embodied, thus obtains the fruit in the three worlds. It is prakṛti that performs action whose nature is fruit good and bad,
AI translation rendered from the Sanskrit, not a published edition
BrP 242.44
प्रकृतिश् च तथाप्नोति त्रिषु लोकेषु कामगा तिर्यग्योनिमनुष्यत्वे देवलोके तथैव च ॥
prakṛtiś ca tathāpnoti triṣu lokeṣu kāmagā tiryagyonimanuṣyatve devaloke tathaiva ca //
and prakṛti likewise obtains (the fruit) in the three worlds, going where it will—in animal birth, in humanity, and likewise in the world of the gods.
AI translation rendered from the Sanskrit, not a published edition
BrP 242.45
त्रीणि स्थानानि चैतानि जानीयात् प्राकृतानि ह अलिङ्गप्रकृतित्वाच् च लिङ्गैर् अप्य् अनुमीयते ॥
trīṇi sthānāni caitāni jānīyāt prākṛtāni ha aliṅgaprakṛtitvāc ca liṅgair apy anumīyate //
One should know that these three stations belong to prakṛti; and because prakṛti is without mark, it is inferred (only) through marks.
AI translation rendered from the Sanskrit, not a published edition
BrP 242.46
तथैव पौरुषं लिङ्गम् अनुमानाद् धि मन्यते स लिङ्गान्तरम् आसाद्य प्राकृतं लिङ्गम् अव्रणम् ॥
tathaiva pauruṣaṃ liṅgam anumānād dhi manyate sa liṅgāntaram āsādya prākṛtaṃ liṅgam avraṇam //
Just so he thinks the mark (liṅga) of the puruṣa (to be established) by inference; having taken on another mark, he (thinks) the primordial mark to be woundless.
AI translation rendered from the Sanskrit, not a published edition — the model flagged this verse as uncertain
BrP 242.47
व्रणद्वाराण्य् अधिष्ठाय कर्माण्य् आत्मनि मन्यते श्रोत्रादीनि तु सर्वाणि पञ्च कर्मेन्द्रियाण्य् अथ ॥
vraṇadvārāṇy adhiṣṭhāya karmāṇy ātmani manyate śrotrādīni tu sarvāṇi pañca karmendriyāṇy atha //
Presiding over the doors of the wounds (the bodily openings), he thinks the actions to be in himself: the ear and the rest, all of them, and then the five organs of action.
AI translation rendered from the Sanskrit, not a published edition — the model flagged this verse as uncertain
BrP 242.48
रागादीनि प्रवर्तन्ते गुणेष्व् इह गुणैः सह अहम् एतानि वै कुर्वन् ममैतानीन्द्रियाणि ह ॥
rāgādīni pravartante guṇeṣv iha guṇaiḥ saha aham etāni vai kurvan mamaitānīndriyāṇi ha //
Passion and the rest arise here in the guṇas together with the guṇas: "It is I who am doing these things; these senses are mine."
AI translation rendered from the Sanskrit, not a published edition
BrP 242.49
निरिन्द्रियो हि मन्येत व्रणवान् अस्मि निर्व्रणः अलिङ्गो लिङ्गम् आत्मानम् अकालं कालम् आत्मनः ॥
nirindriyo hi manyeta vraṇavān asmi nirvraṇaḥ aliṅgo liṅgam ātmānam akālaṃ kālam ātmanaḥ //
Though he is without senses, he thinks "I am possessed of wounds," though he is woundless; being without any mark, (he thinks) the mark to be the self; the timeless (he thinks) to be the self's time.
AI translation rendered from the Sanskrit, not a published edition — the model flagged this verse as uncertain
BrP 242.50
असत्त्वं सत्त्वम् आत्मानम् अमृतं मृतम् आत्मनः अमृत्युं मृत्युम् आत्मानम् अचरं चरम् आत्मनः ॥
asattvaṃ sattvam ātmānam amṛtaṃ mṛtam ātmanaḥ amṛtyuṃ mṛtyum ātmānam acaraṃ caram ātmanaḥ //
(He thinks) the non-existent to be the self as existent, the immortal to be the self's death, the deathless to be the self as mortal, the unmoving to be the self as moving.
AI translation rendered from the Sanskrit, not a published edition — the model flagged this verse as uncertain
BrP 242.51
अक्षेत्रं क्षेत्रम् आत्मानम् असङ्गं सङ्गम् आत्मनः अतत्त्वं तत्त्वम् आत्मानम् अभवं भवम् आत्मनः ॥
akṣetraṃ kṣetram ātmānam asaṅgaṃ saṅgam ātmanaḥ atattvaṃ tattvam ātmānam abhavaṃ bhavam ātmanaḥ //
(He thinks) the non-field to be the self as field, the unattached to be the self's attachment, the non-real to be the self as real, the unbecoming to be the self's becoming.
AI translation rendered from the Sanskrit, not a published edition — the model flagged this verse as uncertain
BrP 242.52
अक्षरं क्षरम् आत्मानम् अबुद्धत्वाद् धि मन्यते एवम् अप्रतिबुद्धत्वाद् अबुद्धजनसेवनात् ॥
akṣaraṃ kṣaram ātmānam abuddhatvād dhi manyate evam apratibuddhatvād abuddhajanasevanāt //
He thinks the imperishable self to be perishable, because of his lack of awakening—thus, from being unawakened and from attending upon unawakened people.
AI translation rendered from the Sanskrit, not a published edition
BrP 242.53
सर्गकोटिसहस्राणि पतनान्तानि गच्छति जन्मान्तरसहस्राणि मरणान्तानि गच्छति ॥
sargakoṭisahasrāṇi patanāntāni gacchati janmāntarasahasrāṇi maraṇāntāni gacchati //
He passes through thousands of crores of creations that end in falling; he passes through thousands of successive births that end in death.
AI translation rendered from the Sanskrit, not a published edition
BrP 242.54
तिर्यग्योनिमनुष्यत्वे देवलोके तथैव च चन्द्रमा इव कोशानां पुनस् तत्र सहस्रशः ॥
tiryagyonimanuṣyatve devaloke tathaiva ca candramā iva kośānāṃ punas tatra sahasraśaḥ //
In the animal wombs and in human birth, and likewise in the world of the gods—like the moon among the sheaths (of its phases), again and again there, by the thousands.
AI translation rendered from the Sanskrit, not a published edition — the model flagged this verse as uncertain
BrP 242.55
नीयते ऽप्रतिबुद्धत्वाद् एवम् एव कुबुद्धिमान् कला पञ्चदशी योनिस् तद् धाम इति पठ्यते ॥
nīyate 'pratibuddhatvād evam eva kubuddhimān kalā pañcadaśī yonis tad dhāma iti paṭhyate //
He is led on because of his lack of awakening—just so the man of poor understanding; the fifteenth portion (kalā) is the womb, and that is recited as its abode.
AI translation rendered from the Sanskrit, not a published edition — the model flagged this verse as uncertain
BrP 242.56
नित्यम् एव विजानीहि सोमं वै षोडशांशकैः कलया जायते ऽजस्रं पुनः पुनर् अबुद्धिमान् ॥
nityam eva vijānīhi somaṃ vai ṣoḍaśāṃśakaiḥ kalayā jāyate 'jasraṃ punaḥ punar abuddhimān //
Know (him) as eternal indeed: Soma is born ceaselessly, again and again, by a portion, through the sixteen parts—(such is) the unwise man.
AI translation rendered from the Sanskrit, not a published edition — the model flagged this verse as uncertain
BrP 242.57
धीमांश् चायं न भवति नृप एवं हि जायते षोडशी तु कला सूक्ष्मा स सोम उपधार्यताम् ॥
dhīmāṃś cāyaṃ na bhavati nṛpa evaṃ hi jāyate ṣoḍaśī tu kalā sūkṣmā sa soma upadhāryatām //
And this one does not become wise, O king; for thus he is born. But the sixteenth part is subtle—that should be understood as Soma.
AI translation rendered from the Sanskrit, not a published edition — the model flagged this verse as uncertain
BrP 242.58
न तूपयुज्यते देवैर् देवान् अपि युनक्ति सः ममत्वं क्षपयित्वा तु जायते नृपसत्तम प्रकृतेस् त्रिगुणायास् तु स एव त्रिगुणो भवेत् ॥
na tūpayujyate devair devān api yunakti saḥ mamatvaṃ kṣapayitvā tu jāyate nṛpasattama prakṛtes triguṇāyās tu sa eva triguṇo bhavet //
He is not used by the gods; rather he yokes even the gods. Having destroyed the sense of "mine," he is born, O best of kings; and of the three-strand primordial nature he himself would become three-stranded.
AI translation rendered from the Sanskrit, not a published edition — the model flagged this verse as uncertain