Brahma Purana — Chapter 238
BrP 238.1
सृजते तु गुणान् सत्त्वं क्षेत्रज्ञस् त्व् अधितिष्ठति गुणान् विक्रियतः सर्वान् उदासीनवद् ईश्वरः ॥
sṛjate tu guṇān sattvaṃ kṣetrajñas tv adhitiṣṭhati guṇān vikriyataḥ sarvān udāsīnavad īśvaraḥ //
Sattva creates the guṇas, but the knower of the field presides (over them); the Lord (remains) as if indifferent to all the guṇas as they undergo change.
AI translation rendered from the Sanskrit, not a published edition
BrP 238.2
स्वभावयुक्तं तत् सर्वं यद् इमान् सृजते गुणान् ऊर्णनाभिर् यथा सूत्रं सृजते तद् गुणांस् तथा ॥
svabhāvayuktaṃ tat sarvaṃ yad imān sṛjate guṇān ūrṇanābhir yathā sūtraṃ sṛjate tad guṇāṃs tathā //
All that is bound up with its own nature, in that it creates these guṇas; as the spider (spins out) its thread, so does that (nature) create the guṇas.
AI translation rendered from the Sanskrit, not a published edition
BrP 238.3
प्रवृत्ता न निवर्तन्ते प्रवृत्तिर् नोपलभ्यते एवम् एके व्यवस्यन्ति निवृत्तिम् इति चापरे ॥
pravṛttā na nivartante pravṛttir nopalabhyate evam eke vyavasyanti nivṛttim iti cāpare //
(Beings) once set going do not turn back, and (the origin of) activity is not to be discerned: so some conclude, while others (declare) cessation.
AI translation rendered from the Sanskrit, not a published edition — the model flagged this verse as uncertain
BrP 238.4
उभयं संप्रधार्यैतद् अध्यवस्येद् यथामति अनेनैव विधानेन भवेद् वै संशयो महान् ॥
ubhayaṃ saṃpradhāryaitad adhyavasyed yathāmati anenaiva vidhānena bhaved vai saṃśayo mahān //
Having weighed both of these, one should decide according to one's own understanding; by just this procedure a great doubt indeed arises.
AI translation rendered from the Sanskrit, not a published edition — the model flagged this verse as uncertain
BrP 238.5
अनादिनिधनो ह्य् आत्मा तं बुद्ध्वा विहरेन् नरः अक्रुध्यन्न् अप्रहृष्यंश् च नित्यं विगतमत्सरः ॥
anādinidhano hy ātmā taṃ buddhvā viharen naraḥ akrudhyann aprahṛṣyaṃś ca nityaṃ vigatamatsaraḥ //
For the self is without beginning or end; knowing it, a man should go about, not growing angry, not exulting, ever free of envy.
AI translation rendered from the Sanskrit, not a published edition
BrP 238.6
इत्य् एवं हृदये सर्वो बुद्धिचिन्तामयं दृढम् अनित्यं सुखम् आसीनम् अशोच्यं छिन्नसंशयः ॥
ity evaṃ hṛdaye sarvo buddhicintāmayaṃ dṛḍham anityaṃ sukham āsīnam aśocyaṃ chinnasaṃśayaḥ //
So (should) everything in the heart (be seen as) firm, made of intellect and thought, impermanent, resting in ease, not to be grieved over — (thus) one whose doubt is cut off.
AI translation rendered from the Sanskrit, not a published edition — the model flagged this verse as uncertain
BrP 238.7
तरयेत् प्रच्युतां पृथ्वीं यथा पूर्णां नदीं नराः अवगाह्य च विद्वांसो विप्रा लोलम् इमं तथा ॥
tarayet pracyutāṃ pṛthvīṃ yathā pūrṇāṃ nadīṃ narāḥ avagāhya ca vidvāṃso viprā lolam imaṃ tathā //
As men would cross the earth, when it has given way, like a river in flood, so too the learned brahmins, having plunged in, (cross) this unsteady (world).
AI translation rendered from the Sanskrit, not a published edition — the model flagged this verse as uncertain
BrP 238.8
न तु तप्यति वै विद्वान् स्थले चरति तत्त्ववित् एवं विचिन्त्य चात्मानं केवलं ज्ञानम् आत्मनः ॥
na tu tapyati vai vidvān sthale carati tattvavit evaṃ vicintya cātmānaṃ kevalaṃ jñānam ātmanaḥ //
But the learned one is not scorched; the knower of the truth walks on dry ground. Thus having reflected upon the self — knowledge of the self alone (remains).
AI translation rendered from the Sanskrit, not a published edition — the model flagged this verse as uncertain
BrP 238.9
तां तु बुद्ध्वा नरः सर्गं भूतानाम् आगतिं गतिम् समचेष्टश् च वै सम्यग् लभते शमम् उत्तमम् ॥
tāṃ tu buddhvā naraḥ sargaṃ bhūtānām āgatiṃ gatim samaceṣṭaś ca vai samyag labhate śamam uttamam //
But having understood that — the creation of beings, their coming and their going — a man of even conduct fully attains the highest peace.
AI translation rendered from the Sanskrit, not a published edition
BrP 238.10
एतद् द्विजन्मसामग्र्यं ब्राह्मणस्य विशेषतः आत्मज्ञानसमस्नेहपर्याप्तं तत्परायणम् ॥
etad dvijanmasāmagryaṃ brāhmaṇasya viśeṣataḥ ātmajñānasamasnehaparyāptaṃ tatparāyaṇam //
This is the whole equipment of the twice-born, and of the brahmin especially: complete in knowledge of the self and in even-handed affection, having that as its highest resort.
AI translation rendered from the Sanskrit, not a published edition — the model flagged this verse as uncertain
BrP 238.11
तत्त्वं बुद्ध्वा भवेद् बुद्धः किम् अन्यद् बुद्धलक्षणम् विज्ञायैतद् विमुच्यन्ते कृतकृत्या मनीषिणः ॥
tattvaṃ buddhvā bhaved buddhaḥ kim anyad buddhalakṣaṇam vijñāyaitad vimucyante kṛtakṛtyā manīṣiṇaḥ //
Having understood the truth, one becomes awakened; what other mark of the awakened is there? Having known this, the wise, their task accomplished, are set free.
AI translation rendered from the Sanskrit, not a published edition
BrP 238.12
न भवति विदुषां महद् भयं यद् अविदुषां सुमहद् भयं परत्र नहि गतिर् अधिकास्ति कस्यचिद् भवति हि या विदुषः सनातनी
na bhavati viduṣāṃ mahad bhayaṃ yad aviduṣāṃ sumahad bhayaṃ paratra nahi gatir adhikāsti kasyacid bhavati hi yā viduṣaḥ sanātanī
There is no great fear for those who know, that very great fear in the world beyond which is the lot of the ignorant; for no one has a course higher than that eternal one which belongs to the knower.
AI translation rendered from the Sanskrit, not a published edition — the model flagged this verse as uncertain
BrP 238.13
लोके मातरम् असूयते नरस् तत्र देवम् अनिरीक्ष्य शोचते तत्र चेत् कुशलो न शोचते ये विदुस् तद् उभयं कृताकृतम्
loke mātaram asūyate naras tatra devam anirīkṣya śocate tatra cet kuśalo na śocate ye vidus tad ubhayaṃ kṛtākṛtam
In the world a man resents his mother; there, not looking upon the god, he grieves; but if he is skilled therein he does not grieve — (such are) those who know both, the done and the not-done.
AI translation rendered from the Sanskrit, not a published edition — the model flagged this verse as uncertain
BrP 238.14
यत् करोत्य् अनभिसंधिपूर्वकं तच् च निन्दयति यत् पुरा कृतम् यत् प्रियं तद् उभयं न वाप्रियं तस्य तज् जनयतीह कुर्वतः
yat karoty anabhisaṃdhipūrvakaṃ tac ca nindayati yat purā kṛtam yat priyaṃ tad ubhayaṃ na vāpriyaṃ tasya taj janayatīha kurvataḥ
What he does without prior intention, and (what) he blames of what was done before — whether pleasing or, of the two, not pleasing — that, as he acts here, produces (its fruit) for him.
AI translation rendered from the Sanskrit, not a published edition — the model flagged this verse as uncertain
BrP 238.15
यस्माद् धर्मात् परो धर्मो विद्यते नेह कश्चन यो विशिष्टश् च भूतेभ्यस् तद् भवान् प्रब्रवीतु नः ॥
yasmād dharmāt paro dharmo vidyate neha kaścana yo viśiṣṭaś ca bhūtebhyas tad bhavān prabravītu naḥ //
That dharma than which no higher dharma is found here, and which is preeminent above (all) beings — may you declare it to us.
AI translation rendered from the Sanskrit, not a published edition
BrP 238.16
धर्मं च संप्रवक्ष्यामि पुराणम् ऋषिभिः स्तुतम् विशिष्टं सर्वधर्मेभ्यः शृणुध्वं मुनिसत्तमाः ॥
dharmaṃ ca saṃpravakṣyāmi purāṇam ṛṣibhiḥ stutam viśiṣṭaṃ sarvadharmebhyaḥ śṛṇudhvaṃ munisattamāḥ //
And I shall proclaim the ancient dharma, praised by the seers, preeminent above all dharmas: hear it, O best of sages.
AI translation rendered from the Sanskrit, not a published edition
BrP 238.17
इन्द्रियाणि प्रमाथीनि बुद्ध्या संयम्य तत्त्वतः सर्वतः प्रसृतानीह पिता बालान् इवात्मजान् ॥
indriyāṇi pramāthīni buddhyā saṃyamya tattvataḥ sarvataḥ prasṛtānīha pitā bālān ivātmajān //
Having restrained with the intellect, in accordance with truth, the tormenting senses that here run out in all directions — as a father (restrains) his young sons —
AI translation rendered from the Sanskrit, not a published edition
BrP 238.18
मनसश् चेन्द्रियाणां चाप्य् ऐकाग्र्यं परमं तपः विज्ञेयः सर्वधर्मेभ्यः स धर्मः पर उच्यते ॥
manasaś cendriyāṇāṃ cāpy aikāgryaṃ paramaṃ tapaḥ vijñeyaḥ sarvadharmebhyaḥ sa dharmaḥ para ucyate //
one-pointedness of the mind and of the senses is the highest austerity; it is to be known (as preeminent) above all dharmas — that dharma is called the supreme one.
AI translation rendered from the Sanskrit, not a published edition
BrP 238.19
तानि सर्वाणि संधाय मनःषष्ठानि मेधया आत्मतृप्तः स एवासीद् बहुचिन्त्यम् अचिन्तयन् ॥
tāni sarvāṇi saṃdhāya manaḥṣaṣṭhāni medhayā ātmatṛptaḥ sa evāsīd bahucintyam acintayan //
Having joined all those together with wisdom — the mind being the sixth of them — he remained content in himself alone, not thinking the many things to be thought about.
AI translation rendered from the Sanskrit, not a published edition
BrP 238.20
गोचरेभ्यो निवृत्तानि यदा स्थास्यन्ति वेश्मनि तदा चैवात्मनात्मानं परं द्रक्ष्यथ शाश्वतम् ॥
gocarebhyo nivṛttāni yadā sthāsyanti veśmani tadā caivātmanātmānaṃ paraṃ drakṣyatha śāśvatam //
When, turned back from their objects, they come to stand within the dwelling (of the body), then indeed you will see by the self the supreme, everlasting Self.
AI translation rendered from the Sanskrit, not a published edition
BrP 238.21
सर्वात्मानं महात्मानं विधूमम् इव पावकम् प्रपश्यन्ति महात्मानं ब्राह्मणा ये मनीषिणः ॥
sarvātmānaṃ mahātmānaṃ vidhūmam iva pāvakam prapaśyanti mahātmānaṃ brāhmaṇā ye manīṣiṇaḥ //
Those brahmins who are thoughtful behold the great Self, the Self of all, the great one, like a fire without smoke.
AI translation rendered from the Sanskrit, not a published edition
BrP 238.22
यथा पुष्पफलोपेतो बहुशाखो महाद्रुमः आत्मनो नाभिजानीते क्व मे पुष्पं क्व मे फलम् ॥
yathā puṣpaphalopeto bahuśākho mahādrumaḥ ātmano nābhijānīte kva me puṣpaṃ kva me phalam //
Just as a great tree with many branches, endowed with flowers and fruit, does not itself know: 'where is my flower, where is my fruit?' —
AI translation rendered from the Sanskrit, not a published edition
BrP 238.23
एवम् आत्मा न जानीते क्व गमिष्ये कुतो ऽन्व् अहम् अन्यो ह्य् अस्यान्तरात्मास्ति यः सर्वम् अनुपश्यति ॥
evam ātmā na jānīte kva gamiṣye kuto 'nv aham anyo hy asyāntarātmāsti yaḥ sarvam anupaśyati //
so the self does not know: 'where shall I go, whence indeed am I?' For there is another, its inner self, which sees everything.
AI translation rendered from the Sanskrit, not a published edition
BrP 238.24
ज्ञानदीपेन दीप्तेन पश्यत्य् आत्मानम् आत्मना दृष्ट्वात्मानं तथा यूयं विरागा भवत द्विजाः ॥
jñānadīpena dīptena paśyaty ātmānam ātmanā dṛṣṭvātmānaṃ tathā yūyaṃ virāgā bhavata dvijāḥ //
With the blazing lamp of knowledge one sees the self by the self; so too, having seen the self, become free from passion, O twice-born.
AI translation rendered from the Sanskrit, not a published edition
BrP 238.25
विमुक्ताः सर्वपापेभ्यो मुक्तत्वच इवोरगाः परां बुद्धिम् अवाप्येहाप्य् अचिन्ता विगतज्वराः ॥
vimuktāḥ sarvapāpebhyo muktatvaca ivoragāḥ parāṃ buddhim avāpyehāpy acintā vigatajvarāḥ //
Released from all sins, like snakes freed of their skin, having attained here the supreme understanding, free of anxiety, with fever gone —
AI translation rendered from the Sanskrit, not a published edition
BrP 238.26
सर्वतःस्रोतसं घोरां नदीं लोकप्रवाहिणीम् पञ्चेन्द्रियग्राहवतीं मनःसंकल्परोधसम् ॥
sarvataḥsrotasaṃ ghorāṃ nadīṃ lokapravāhiṇīm pañcendriyagrāhavatīṃ manaḥsaṃkalparodhasam //
(cross) the dreadful river that streams on every side, carrying the world along, having the five senses for its crocodiles, and the mind's imaginings for its banks;
AI translation rendered from the Sanskrit, not a published edition
BrP 238.27
लोभमोहतृणच्छन्नां कामक्रोधसरीसृपाम् सत्यतीर्थानृतक्षोभां क्रोधपङ्कां सरिद्वराम् ॥
lobhamohatṛṇacchannāṃ kāmakrodhasarīsṛpām satyatīrthānṛtakṣobhāṃ krodhapaṅkāṃ saridvarām //
covered over with the grass of greed and delusion, with desire and anger for its reptiles, with truth for its ford and falsehood for its turbulence, with anger for its mire — that greatest of rivers;
AI translation rendered from the Sanskrit, not a published edition
BrP 238.28
अव्यक्तप्रभवां शीघ्रां कामक्रोधसमाकुलाम् प्रतरध्वं नदीं बुद्ध्या दुस्तराम् अकृतात्मभिः ॥
avyaktaprabhavāṃ śīghrāṃ kāmakrodhasamākulām prataradhvaṃ nadīṃ buddhyā dustarām akṛtātmabhiḥ //
arising from the unmanifest, swift, thronged with desire and anger — cross that river by the intellect, hard to cross for those whose selves are unperfected.
AI translation rendered from the Sanskrit, not a published edition
BrP 238.29
संसारसागरगमां योनिपातालदुस्तराम् आत्मजन्मोद्भवां तां तु जिह्वावर्तदुरासदाम् ॥
saṃsārasāgaragamāṃ yonipātāladustarām ātmajanmodbhavāṃ tāṃ tu jihvāvartadurāsadām //
(the river) that runs to the ocean of transmigration, hard to cross because of the underworld of wombs, springing up from one's own birth, hard to approach because of the whirlpool of the tongue;
AI translation rendered from the Sanskrit, not a published edition — the model flagged this verse as uncertain
BrP 238.30
यां तरन्ति कृतप्रज्ञा धृतिमन्तो मनीषिणः तां तीर्णः सर्वतो मुक्तो विधूतात्मात्मवाञ् शुचिः ॥
yāṃ taranti kṛtaprajñā dhṛtimanto manīṣiṇaḥ tāṃ tīrṇaḥ sarvato mukto vidhūtātmātmavāñ śuciḥ //
which the wise, who have won discernment and are steadfast, cross over: he who has crossed it is freed on all sides, his self shaken clean, self-possessed, pure;
AI translation rendered from the Sanskrit, not a published edition
BrP 238.31
उत्तमां बुद्धिम् आस्थाय ब्रह्मभूयाय कल्पते उत्तीर्णः सर्वसंक्लेशान् प्रसन्नात्मा विकल्मषः ॥
uttamāṃ buddhim āsthāya brahmabhūyāya kalpate uttīrṇaḥ sarvasaṃkleśān prasannātmā vikalmaṣaḥ //
resting on the highest understanding, he becomes fit for the state of Brahman, having passed beyond all afflictions, serene of self, without stain.
AI translation rendered from the Sanskrit, not a published edition
BrP 238.32
भूयिष्ठानीव भूतानि सर्वस्थानान् निरीक्ष्य च अक्रुध्यन्न् अप्रसीदंश् च ननृशंसमतिस् तथा ॥
bhūyiṣṭhānīva bhūtāni sarvasthānān nirīkṣya ca akrudhyann aprasīdaṃś ca nanṛśaṃsamatis tathā //
And observing beings, as it were most numerous, in all their conditions, neither growing angry nor becoming pleased, and with no cruel intent,
AI translation rendered from the Sanskrit, not a published edition — the model flagged this verse as uncertain
BrP 238.33
ततो द्रक्ष्यथ सर्वेषां भूतानां प्रभवाप्ययम् एतद् धि सर्वधर्मेभ्यो विशिष्टं मेनिरे बुधाः ॥
tato drakṣyatha sarveṣāṃ bhūtānāṃ prabhavāpyayam etad dhi sarvadharmebhyo viśiṣṭaṃ menire budhāḥ //
then you will see the origin and the passing away of all beings; for the wise have held this to be preeminent above all dharmas.
AI translation rendered from the Sanskrit, not a published edition
BrP 238.34
धर्मं धर्मभृतां श्रेष्ठा मुनयः सत्यदर्शिनः आत्मानो व्यापिनो विप्रा इति पुत्रानुशासनम् ॥
dharmaṃ dharmabhṛtāṃ śreṣṭhā munayaḥ satyadarśinaḥ ātmāno vyāpino viprā iti putrānuśāsanam //
(Such is) the dharma (declared by) the sages, best of the upholders of dharma, seers of the truth: 'the selves are all-pervading, O brahmins' — such is the instruction given to the sons.
AI translation rendered from the Sanskrit, not a published edition — the model flagged this verse as uncertain
BrP 238.35
प्रयताय प्रवक्तव्यं हितायानुगताय च आत्मज्ञानम् इदं गुह्यं सर्वगुह्यतमं महत् ॥
prayatāya pravaktavyaṃ hitāyānugatāya ca ātmajñānam idaṃ guhyaṃ sarvaguhyatamaṃ mahat //
It is to be declared to one who is self-restrained, well-disposed and obedient — this knowledge of the self, secret, the greatest secret of all, mighty.
AI translation rendered from the Sanskrit, not a published edition
BrP 238.36
अब्रवं यद् अहं विप्रा आत्मसाक्षिकम् अञ्जसा नैव स्त्री न पुमान् एवं न चैवेदं नपुंसकम् ॥
abravaṃ yad ahaṃ viprā ātmasākṣikam añjasā naiva strī na pumān evaṃ na caivedaṃ napuṃsakam //
What I have spoken, O brahmins, with the self alone as witness, straightforwardly: (that) is neither woman nor man, nor is this thing neuter either.
AI translation rendered from the Sanskrit, not a published edition
BrP 238.37
अदुःखम् असुखं ब्रह्म भूतभव्यभवात्मकम् नैतज् ज्ञात्वा पुमान् स्त्री वा पुनर्भवम् अवाप्नुयात् ॥
aduḥkham asukhaṃ brahma bhūtabhavyabhavātmakam naitaj jñātvā pumān strī vā punarbhavam avāpnuyāt //
Brahman is without pain and without pleasure, having as its being what has been, what will be, and what is; not knowing this, a man or a woman would come to rebirth again.
AI translation rendered from the Sanskrit, not a published edition
BrP 238.38
यथा मतानि सर्वाणि तथैतानि यथा तथा कथितानि मया विप्रा भवन्ति न भवन्ति च ॥
yathā matāni sarvāṇi tathaitāni yathā tathā kathitāni mayā viprā bhavanti na bhavanti ca //
As all doctrines are (held), so are these, in whatever way; they have been told by me, O brahmins — they both are and are not.
AI translation rendered from the Sanskrit, not a published edition — the model flagged this verse as uncertain
BrP 238.39
तत्प्रीतियुक्तेन गुणान्वितेन पुत्रेण सत्पुत्रदयान्वितेन दृष्ट्वा हितं प्रीतमना यदर्थं ब्रूयात् सुतस्येह यद् उक्तम् एतत्
tatprītiyuktena guṇānvitena putreṇa satputradayānvitena dṛṣṭvā hitaṃ prītamanā yadarthaṃ brūyāt sutasyeha yad uktam etat
By one who is joined with affection for that, endowed with virtues — by a son endowed with the compassion of a good son — having seen (his) welfare, glad at heart, for whose sake he would speak: that is what was here said to the son.
AI translation rendered from the Sanskrit, not a published edition — the model flagged this verse as uncertain
BrP 238.40
मोक्षः पितामहेनोक्त उपायान् नानुपायतः तम् उपायं यथान्यायं श्रोतुम् इच्छामहे मुने ॥
mokṣaḥ pitāmahenokta upāyān nānupāyataḥ tam upāyaṃ yathānyāyaṃ śrotum icchāmahe mune //
Release has been declared by the Grandfather (to come) from a means, not from what is no means. That means we wish to hear, in due order, O sage.
AI translation rendered from the Sanskrit, not a published edition
BrP 238.41
अस्मासु तन् महाप्राज्ञा युक्तं निपुणदर्शनम् यदुपायेन सर्वार्थान् मृगयध्वं सदानघाः ॥
asmāsu tan mahāprājñā yuktaṃ nipuṇadarśanam yadupāyena sarvārthān mṛgayadhvaṃ sadānaghāḥ //
O greatly wise ones, that is fitting in our case, (being) of penetrating insight — you who are ever sinless, seek out all aims by means of a method.
AI translation rendered from the Sanskrit, not a published edition — the model flagged this verse as uncertain
BrP 238.42
घटोपकरणे बुद्धिर् घटोत्पत्तौ न सा मता एवं धर्माद्युपायार्थे नान्यधर्मेषु कारणम् ॥
ghaṭopakaraṇe buddhir ghaṭotpattau na sā matā evaṃ dharmādyupāyārthe nānyadharmeṣu kāraṇam //
The understanding (applied) to the equipment for a pot is not held to be that (which applies) to the production of the pot; so too, in the matter of the means beginning with dharma, other dharmas are not the cause.
AI translation rendered from the Sanskrit, not a published edition — the model flagged this verse as uncertain
BrP 238.43
पूर्वे समुद्रे यः पन्था न स गच्छति पश्चिमम् एकः पन्था हि मोक्षस्य तच् छृणुध्वं ममानघाः ॥
pūrve samudre yaḥ panthā na sa gacchati paścimam ekaḥ panthā hi mokṣasya tac chṛṇudhvaṃ mamānaghāḥ //
The road that (leads) to the eastern ocean does not go to the western; for the path of liberation is one — hear that from me, O sinless ones.
AI translation rendered from the Sanskrit, not a published edition
BrP 238.44
क्षमया क्रोधम् उच्छिन्द्यात् कामं संकल्पवर्जनात् सत्त्वसंसेवनाद् धीरो निद्राम् उच्छेत्तुम् अर्हति ॥
kṣamayā krodham ucchindyāt kāmaṃ saṃkalpavarjanāt sattvasaṃsevanād dhīro nidrām ucchettum arhati //
By patience one should cut off anger, and desire by abandoning intention; the steadfast man should destroy sleep by cultivating sattva.
AI translation rendered from the Sanskrit, not a published edition
BrP 238.45
अप्रमादाद् भयं रक्षेद् रक्षेत् क्षेत्रं च संविदम् इच्छां द्वेषं च कामं च धैर्येण विनिवर्तयेत् ॥
apramādād bhayaṃ rakṣed rakṣet kṣetraṃ ca saṃvidam icchāṃ dveṣaṃ ca kāmaṃ ca dhairyeṇa vinivartayet //
By vigilance one should guard against fear; one should guard the field (body) and one's awareness; and by firmness one should turn back longing, hatred and desire.
AI translation rendered from the Sanskrit, not a published edition
BrP 238.46
निद्रां च प्रतिभां चैव ज्ञानाभ्यासेन तत्त्ववित् उपद्रवांस् तथा योगी हितजीर्णमिताशनात् ॥
nidrāṃ ca pratibhāṃ caiva jñānābhyāsena tattvavit upadravāṃs tathā yogī hitajīrṇamitāśanāt //
And the knower of truth (should conquer) sleep and (mere) fancy by the practice of knowledge; and so the yogin (conquers) afflictions by eating food that is wholesome, digested and measured.
AI translation rendered from the Sanskrit, not a published edition — the model flagged this verse as uncertain
BrP 238.47
लोभं मोहं च संतोषाद् विषयांस् तत्त्वदर्शनात् अनुक्रोशाद् अधर्मं च जयेद् धर्मम् उपेक्षया ॥
lobhaṃ mohaṃ ca saṃtoṣād viṣayāṃs tattvadarśanāt anukrośād adharmaṃ ca jayed dharmam upekṣayā //
(He should conquer) greed and delusion by contentment, sense-objects by the perception of reality, unrighteousness by compassion, and he should conquer (the desire for merit in) dharma by indifference.
AI translation rendered from the Sanskrit, not a published edition — the model flagged this verse as uncertain
BrP 238.48
आयत्या च जयेद् आशां सामर्थ्यं सङ्गवर्जनात् अनित्यत्वेन च स्नेहं क्षुधां योगेन पण्डितः ॥
āyatyā ca jayed āśāṃ sāmarthyaṃ saṅgavarjanāt anityatvena ca snehaṃ kṣudhāṃ yogena paṇḍitaḥ //
And the wise man should conquer hope by (considering) the future, capability by giving up attachment, affection by (reflecting on) impermanence, and hunger by yoga.
AI translation rendered from the Sanskrit, not a published edition — the model flagged this verse as uncertain
BrP 238.49
कारुण्येनात्मनात्मानं तृष्णां च परितोषतः उत्थानेन जयेत् तन्द्रां वितर्कं निश्चयाज् जयेत् ॥
kāruṇyenātmanātmānaṃ tṛṣṇāṃ ca paritoṣataḥ utthānena jayet tandrāṃ vitarkaṃ niścayāj jayet //
(He should conquer) himself by compassion for the self, and thirst by contentment; by rising up he should conquer torpor, and by resolve he should conquer doubt.
AI translation rendered from the Sanskrit, not a published edition — the model flagged this verse as uncertain
BrP 238.50
मौनेन बहुभाषां च शौर्येण च भयं जयेत् यच्छेद् वाङ्मनसी बुद्ध्या तां यच्छेज् ज्ञानचक्षुषा ॥
maunena bahubhāṣāṃ ca śauryeṇa ca bhayaṃ jayet yacched vāṅmanasī buddhyā tāṃ yacchej jñānacakṣuṣā //
By silence one should conquer much talking, and by valour fear; one should restrain speech and mind by the intellect, and restrain that by the eye of knowledge.
AI translation rendered from the Sanskrit, not a published edition
BrP 238.51
ज्ञानम् आत्मा महान् यच्छेत् तं यच्छेच् छान्तिर् आत्मनः तद् एतद् उपशान्तेन बोद्धव्यं शुचिकर्मणा ॥
jñānam ātmā mahān yacchet taṃ yacchec chāntir ātmanaḥ tad etad upaśāntena boddhavyaṃ śucikarmaṇā //
The great self should restrain knowledge; the peace of the self should restrain that; this is to be understood by one who is stilled and pure in action.
AI translation rendered from the Sanskrit, not a published edition — the model flagged this verse as uncertain
BrP 238.52
योगदोषान् समुच्छिद्य पञ्च यान् कवयो विदुः कामं क्रोधं च लोभं च भयं स्वप्नं च पञ्चमम् ॥
yogadoṣān samucchidya pañca yān kavayo viduḥ kāmaṃ krodhaṃ ca lobhaṃ ca bhayaṃ svapnaṃ ca pañcamam //
Having entirely cut off the five faults of yoga which the wise know — desire, anger, greed, fear, and sleep as the fifth —
AI translation rendered from the Sanskrit, not a published edition
BrP 238.53
परित्यज्य निषेवेत यथावद् योगसाधनात् ध्यानम् अध्ययनं दानं सत्यं ह्रीर् आर्जवं क्षमा ॥
parityajya niṣeveta yathāvad yogasādhanāt dhyānam adhyayanaṃ dānaṃ satyaṃ hrīr ārjavaṃ kṣamā //
having abandoned (them), he should duly cultivate, through the practice of yoga: meditation, study, giving, truth, modesty, uprightness, patience,
AI translation rendered from the Sanskrit, not a published edition
BrP 238.54
शौचम् आचारतः शुद्धिर् इन्द्रियाणां च संयमः एतैर् विवर्धते तेजः पाप्मानम् उपहन्ति च ॥
śaucam ācārataḥ śuddhir indriyāṇāṃ ca saṃyamaḥ etair vivardhate tejaḥ pāpmānam upahanti ca //
purity, purification through conduct, and restraint of the senses. By these one's energy increases and he destroys evil.
AI translation rendered from the Sanskrit, not a published edition
BrP 238.55
सिध्यन्ति चास्य संकल्पा विज्ञानं च प्रवर्तते धूतपापः स तेजस्वी लघ्वाहारो जितेन्द्रियः ॥
sidhyanti cāsya saṃkalpā vijñānaṃ ca pravartate dhūtapāpaḥ sa tejasvī laghvāhāro jitendriyaḥ //
His intentions succeed and knowledge arises in him; with his sins shaken off he becomes full of energy, eating lightly, his senses conquered.
AI translation rendered from the Sanskrit, not a published edition
BrP 238.56
कामक्रोधौ वशे कृत्वा निर्विशेद् ब्रह्मणः पदम् अमूढत्वम् असङ्गित्वं कामक्रोधविवर्जनम् ॥
kāmakrodhau vaśe kṛtvā nirviśed brahmaṇaḥ padam amūḍhatvam asaṅgitvaṃ kāmakrodhavivarjanam //
Having brought desire and anger under control, one may enter the station of Brahman: (that is) freedom from delusion, freedom from attachment, and the abandoning of desire and anger.
AI translation rendered from the Sanskrit, not a published edition
BrP 238.57
अदैन्यम् अनुदीर्णत्वम् अनुद्वेगो ह्य् अवस्थितिः एष मार्गो हि मोक्षस्य प्रसन्नो विमलः शुचिः तथा वाक्कायमनसां नियमाः कामतो ऽव्ययाः ॥
adainyam anudīrṇatvam anudvego hy avasthitiḥ eṣa mārgo hi mokṣasya prasanno vimalaḥ śuciḥ tathā vākkāyamanasāṃ niyamāḥ kāmato 'vyayāḥ //
Absence of dejection, absence of arrogance, absence of agitation, and steadfastness — this indeed is the path of liberation, serene, spotless, pure; and likewise the restraints of speech, body and mind, unfailing at will.
AI translation rendered from the Sanskrit, not a published edition — the model flagged this verse as uncertain