Brahma Purana — Chapter 236
BrP 236.1
तव वक्त्राब्धिसंभूतम् अमृतं वाङ्मयं मुने पिबतां नो द्विजश्रेष्ठ न तृप्तिर् इह दृश्यते ॥
tava vaktrābdhisaṃbhūtam amṛtaṃ vāṅmayaṃ mune pibatāṃ no dvijaśreṣṭha na tṛptir iha dṛśyate //
Sage, for us who drink the nectar made of speech that has arisen from the ocean of your mouth, best of the twice-born, no satiety is to be seen here.
AI translation rendered from the Sanskrit, not a published edition
BrP 236.2
तस्माद् योगं मुने ब्रूहि विस्तरेण विमुक्तिदम् सांख्यं च द्विपदां श्रेष्ठ श्रोतुम् इच्छामहे वयम् ॥
tasmād yogaṃ mune brūhi vistareṇa vimuktidam sāṃkhyaṃ ca dvipadāṃ śreṣṭha śrotum icchāmahe vayam //
Therefore, sage, tell us at length the yoga that gives complete release, and the Sāṃkhya too, best of two-footed beings; we wish to hear.
AI translation rendered from the Sanskrit, not a published edition
BrP 236.3
प्रज्ञावाञ् श्रोत्रियो यज्वा ख्यातः प्राज्ञो ऽनसूयकः सत्यधर्ममतिर् ब्रह्मन् कथं ब्रह्माधिगच्छति ॥
prajñāvāñ śrotriyo yajvā khyātaḥ prājño 'nasūyakaḥ satyadharmamatir brahman kathaṃ brahmādhigacchati //
Brahman, how does one who is wise, learned in the Veda, a sacrificer, renowned, discerning, free of envy, whose mind is set on truth and dharma, attain Brahman?
AI translation rendered from the Sanskrit, not a published edition
BrP 236.4
तपसा ब्रह्मचर्येण सर्वत्यागेन मेधया सांख्ये वा यदि वा योग एतत् पृष्टो वदस्व नः ॥
tapasā brahmacaryeṇa sarvatyāgena medhayā sāṃkhye vā yadi vā yoga etat pṛṣṭo vadasva naḥ //
By austerity, by chastity, by renouncing everything, by intelligence — or in Sāṃkhya, or in yoga? Being asked this, tell us.
AI translation rendered from the Sanskrit, not a published edition
BrP 236.5
मनसश् चेन्द्रियाणां च यथैकाग्र्यम् अवाप्यते येनोपायेन पुरुषस् तत् त्वं व्याख्यातुम् अर्हसि ॥
manasaś cendriyāṇāṃ ca yathaikāgryam avāpyate yenopāyena puruṣas tat tvaṃ vyākhyātum arhasi //
By what means a man attains one-pointedness of the mind and of the senses — that you ought to explain.
AI translation rendered from the Sanskrit, not a published edition
BrP 236.6
नान्यत्र ज्ञानतपसोर् नान्यत्रेन्द्रियनिग्रहात् नान्यत्र सर्वसंत्यागात् सिद्धिं विन्दति कश्चन ॥
nānyatra jñānatapasor nānyatrendriyanigrahāt nānyatra sarvasaṃtyāgāt siddhiṃ vindati kaścana //
Not otherwise than by knowledge and austerity, not otherwise than by restraint of the senses, not otherwise than by renouncing everything, does anyone find success.
AI translation rendered from the Sanskrit, not a published edition
BrP 236.7
महाभूतानि सर्वाणि पूर्वसृष्टिः स्वयंभुवः भूयिष्ठं प्राणभृद्ग्रामे निविष्टानि शरीरिषु ॥
mahābhūtāni sarvāṇi pūrvasṛṣṭiḥ svayaṃbhuvaḥ bhūyiṣṭhaṃ prāṇabhṛdgrāme niviṣṭāni śarīriṣu //
All the great elements are the first creation of the Self-existent; they are lodged, for the most part, in bodies within the community of breathing creatures.
AI translation rendered from the Sanskrit, not a published edition
BrP 236.8
भूमेर् देहो जलात् स्नेहो ज्योतिषश् चक्षुषी स्मृते प्राणापानाश्रयो वायुः कोष्ठाआकाशं शरीरिणाम् ॥
bhūmer deho jalāt sneho jyotiṣaś cakṣuṣī smṛte prāṇāpānāśrayo vāyuḥ koṣṭhāākāśaṃ śarīriṇām //
From earth (comes) the body, from water the fluid, from fire the two eyes are held (to come); air is the support of the in-breath and out-breath, and space is the cavity within embodied beings.
AI translation rendered from the Sanskrit, not a published edition — the model flagged this verse as uncertain
BrP 236.9
क्रान्तौ विष्णुर् बले शक्रः कोष्ठे ऽग्निर् भोक्तुम् इच्छति कर्णयोः प्रदिशः श्रोत्रे जिह्वायां वाक् सरस्वती ॥
krāntau viṣṇur bale śakraḥ koṣṭhe 'gnir bhoktum icchati karṇayoḥ pradiśaḥ śrotre jihvāyāṃ vāk sarasvatī //
In striding (there is) Viṣṇu, in strength Śakra, in the belly the fire that wishes to eat; in the two ears the (intermediate) quarters as hearing, on the tongue speech, Sarasvatī.
AI translation rendered from the Sanskrit, not a published edition
BrP 236.10
कर्णौ त्वक् चक्षुषी जिह्वा नासिका चैव पञ्चमी दश तानीन्द्रियोक्तानि द्वाराण्य् आहारसिद्धये ॥
karṇau tvak cakṣuṣī jihvā nāsikā caiva pañcamī daśa tānīndriyoktāni dvārāṇy āhārasiddhaye //
The two ears, the skin, the two eyes, the tongue, and the nose as fifth — these ten are called the senses, gateways for the accomplishing of intake.
AI translation rendered from the Sanskrit, not a published edition
BrP 236.11
शब्दस्पर्शौ तथा रूपं रसं गन्धं च पञ्चमम् इन्द्रियार्थान् पृथग् विद्याद् इन्द्रियेभ्यस् तु नित्यदा ॥
śabdasparśau tathā rūpaṃ rasaṃ gandhaṃ ca pañcamam indriyārthān pṛthag vidyād indriyebhyas tu nityadā //
Sound and touch, likewise form, taste, and smell as fifth: one should always know the objects of the senses as distinct from the senses.
AI translation rendered from the Sanskrit, not a published edition
BrP 236.12
इन्द्रियाणि मनो युङ्क्ते अवश्यान् इव राजिनः मनश् चापि सदा युङ्क्ते भूतात्मा हृदयाश्रितः ॥
indriyāṇi mano yuṅkte avaśyān iva rājinaḥ manaś cāpi sadā yuṅkte bhūtātmā hṛdayāśritaḥ //
The mind harnesses the senses as (a driver harnesses) unruly horses; and the elemental self, seated in the heart, always harnesses the mind as well.
AI translation rendered from the Sanskrit, not a published edition
BrP 236.13
इन्द्रियाणां तथैवैषां सर्वेषाम् ईश्वरं मनः नियमे च विसर्गे च भूतात्मा मनसस् तथा ॥
indriyāṇāṃ tathaivaiṣāṃ sarveṣām īśvaraṃ manaḥ niyame ca visarge ca bhūtātmā manasas tathā //
The mind is likewise the master of all these senses; and in restraining and in releasing (them), the embodied self (is master) of the mind.
AI translation rendered from the Sanskrit, not a published edition
BrP 236.14
इन्द्रियाणीन्द्रियार्थाश् च स्वभावश् चेतना मनः प्राणापानौ च जीवश् च नित्यं देहेषु देहिनाम् ॥
indriyāṇīndriyārthāś ca svabhāvaś cetanā manaḥ prāṇāpānau ca jīvaś ca nityaṃ deheṣu dehinām //
The senses, the objects of the senses, one's own nature, consciousness, mind, the in-breath and out-breath, and the living soul—(these) are always in the bodies of embodied beings.
AI translation rendered from the Sanskrit, not a published edition
BrP 236.15
आश्रयो नास्ति सत्त्वस्य गुणशब्दो न चेतनाः सत्त्वं हि तेजः सृजति न गुणान् वै कथंचन ॥
āśrayo nāsti sattvasya guṇaśabdo na cetanāḥ sattvaṃ hi tejaḥ sṛjati na guṇān vai kathaṃcana //
There is no support for sattva; "quality" is (only) a word, and the qualities are not conscious. For sattva produces brightness, but in no way the qualities.
AI translation rendered from the Sanskrit, not a published edition — the model flagged this verse as uncertain
BrP 236.16
एवं सप्तदशं देहं वृतं षोडशभिर् गुणैः मनीषी मनसा विप्राः पश्यत्य् आत्मानम् आत्मनि ॥
evaṃ saptadaśaṃ dehaṃ vṛtaṃ ṣoḍaśabhir guṇaiḥ manīṣī manasā viprāḥ paśyaty ātmānam ātmani //
Thus, O brahmins, the wise man sees with his mind the self within the self—the body as a seventeenth, wrapped in the sixteen qualities.
AI translation rendered from the Sanskrit, not a published edition
BrP 236.17
न ह्य् अयं चक्षुषा दृश्यो न च सर्वैर् अपीन्द्रियैः मनसा तु प्रदीप्तेन महान् आत्मा प्रकाशते ॥
na hy ayaṃ cakṣuṣā dṛśyo na ca sarvair apīndriyaiḥ manasā tu pradīptena mahān ātmā prakāśate //
For this (self) is not to be seen with the eye, nor even with all the senses; but by a kindled mind the great Self becomes manifest.
AI translation rendered from the Sanskrit, not a published edition
BrP 236.18
अशब्दस्पर्शरूपं तच् चारसागन्धम् अव्ययम् अशरीरं शरीरे स्वे निरीक्षेत निरिन्द्रियम् ॥
aśabdasparśarūpaṃ tac cārasāgandham avyayam aśarīraṃ śarīre sve nirīkṣeta nirindriyam //
Devoid of sound, touch and form, without taste or smell, imperishable, bodiless and without senses—so should one behold it within one's own body.
AI translation rendered from the Sanskrit, not a published edition
BrP 236.19
अव्यक्तं सर्वदेहेषु मर्त्येषु परमार्चितम् यो ऽनुपश्यति स प्रेत्य कल्पते ब्रह्मभूयतः ॥
avyaktaṃ sarvadeheṣu martyeṣu paramārcitam yo 'nupaśyati sa pretya kalpate brahmabhūyataḥ //
He who beholds the unmanifest, supremely honoured (one) in all mortal bodies, after death becomes fit for the state of brahman.
AI translation rendered from the Sanskrit, not a published edition
BrP 236.20
विद्याविनयसंपन्नब्राह्मणे गवि हस्तिनि शुनि चैव श्वपाके च पण्डिताः समदर्शिनः ॥
vidyāvinayasaṃpannabrāhmaṇe gavi hastini śuni caiva śvapāke ca paṇḍitāḥ samadarśinaḥ //
In a brahmin endowed with learning and discipline, in a cow, in an elephant, in a dog, and in an outcaste dog-cooker, the wise see the same.
AI translation rendered from the Sanskrit, not a published edition
BrP 236.21
स हि सर्वेषु भूतेषु जङ्गमेषु ध्रुवेषु च वसत्य् एको महान् आत्मा येन सर्वम् इदं ततम् ॥
sa hi sarveṣu bhūteṣu jaṅgameṣu dhruveṣu ca vasaty eko mahān ātmā yena sarvam idaṃ tatam //
For in all beings, moving and fixed, there dwells the one great Self, by which all this is spread out.
AI translation rendered from the Sanskrit, not a published edition
BrP 236.22
सर्वभूतेषु चात्मानं सर्वभूतानि चात्मनि यदा पश्यति भूतात्मा ब्रह्म संपद्यते तदा ॥
sarvabhūteṣu cātmānaṃ sarvabhūtāni cātmani yadā paśyati bhūtātmā brahma saṃpadyate tadā //
When the embodied self sees the self in all beings and all beings in the self, then it attains brahman.
AI translation rendered from the Sanskrit, not a published edition
BrP 236.23
यावान् आत्मनि वेदात्मा तावान् आत्मा परात्मनि य एवं सततं वेद सो ऽमृतत्वाय कल्पते ॥
yāvān ātmani vedātmā tāvān ātmā parātmani ya evaṃ satataṃ veda so 'mṛtatvāya kalpate //
As great as one knows the self to be in oneself, so great is the self in the supreme Self; he who constantly knows thus becomes fit for immortality.
AI translation rendered from the Sanskrit, not a published edition
BrP 236.24
सर्वभूतात्मभूतस्य सर्वभूतहितस्य च देवापि मार्गे मुह्यन्ति अपदस्य पदैषिणः ॥
sarvabhūtātmabhūtasya sarvabhūtahitasya ca devāpi mārge muhyanti apadasya padaiṣiṇaḥ //
Even the gods go astray on the path of him who is the self of all beings and the good of all beings—seeking the footprints of one who has no footprints.
AI translation rendered from the Sanskrit, not a published edition
BrP 236.25
शकुन्तानाम् इवाकाशे मत्स्यानाम् इव चोदके यथा गतिर् न दृश्येत तथा ज्ञानविदां गतिः ॥
śakuntānām ivākāśe matsyānām iva codake yathā gatir na dṛśyeta tathā jñānavidāṃ gatiḥ //
As the track of birds in the sky, or of fish in water, would not be seen, so is the course of the knowers of knowledge.
AI translation rendered from the Sanskrit, not a published edition
BrP 236.26
कालः पचति भूतानि सर्वाण्य् एवात्मनात्मनि यस्मिंस् तु पच्यते कालस् तन् न वेदेह कश्चन ॥
kālaḥ pacati bhūtāni sarvāṇy evātmanātmani yasmiṃs tu pacyate kālas tan na vedeha kaścana //
Time cooks all beings, by itself within itself; but that in which Time itself is cooked—that no one here knows.
AI translation rendered from the Sanskrit, not a published edition
BrP 236.27
न तद् ऊर्ध्वं न तिर्यक् च नाधो न च पुनः पुनः न मध्ये प्रतिगृह्णीते नैव किंचिन् न कश्चन ॥
na tad ūrdhvaṃ na tiryak ca nādho na ca punaḥ punaḥ na madhye pratigṛhṇīte naiva kiṃcin na kaścana //
That is not above, nor across, nor below, nor again and again; nor does it take hold in the middle—not anything at all, nor anyone.
AI translation rendered from the Sanskrit, not a published edition — the model flagged this verse as uncertain
BrP 236.28
सर्वे तत्स्था इमे लोका बाह्यम् एषां न किंचन यद्य् अप्य् अग्रे समागच्छेद् यथा बाणो गुणच्युतः ॥
sarve tatsthā ime lokā bāhyam eṣāṃ na kiṃcana yady apy agre samāgacched yathā bāṇo guṇacyutaḥ //
All these worlds stand in it; outside of them there is nothing. Even if one were to travel straight ahead like an arrow loosed from the bowstring,
AI translation rendered from the Sanskrit, not a published edition
BrP 236.29
नैवान्तं कारणस्येयाद् यद्य् अपि स्यान् मनोजवः तस्मात् सूक्ष्मतरं नास्ति नास्ति स्थूलतरं तथा ॥
naivāntaṃ kāraṇasyeyād yady api syān manojavaḥ tasmāt sūkṣmataraṃ nāsti nāsti sthūlataraṃ tathā //
one would not reach the end of the Cause, even if one had the speed of thought. There is nothing subtler than it, and nothing grosser either.
AI translation rendered from the Sanskrit, not a published edition
BrP 236.30
सर्वतःपाणिपादं तत् सर्वतोक्षिशिरोमुखम् सर्वतःश्रुतिमल् लोके सर्वम् आवृत्य तिष्ठति ॥
sarvataḥpāṇipādaṃ tat sarvatokṣiśiromukham sarvataḥśrutimal loke sarvam āvṛtya tiṣṭhati //
It has hands and feet on all sides, eyes, heads and faces on all sides, ears on all sides; it stands enveloping everything in the world.
AI translation rendered from the Sanskrit, not a published edition
BrP 236.31
तद् एवाणोर् अणुतरं तन् महद्भ्यो महत्तरम् तद् अन्तः सर्वभूतानां ध्रुवं तिष्ठन् न दृश्यते ॥
tad evāṇor aṇutaraṃ tan mahadbhyo mahattaram tad antaḥ sarvabhūtānāṃ dhruvaṃ tiṣṭhan na dṛśyate //
That same (being) is smaller than the small and greater than the great; standing fixed within all beings, it is not seen.
AI translation rendered from the Sanskrit, not a published edition
BrP 236.32
अक्षरं च क्षरं चैव द्वेधा भावो ऽयम् आत्मनः क्षरः सर्वेषु भूतेषु दिव्यं त्व् अमृतम् अक्षरम् ॥
akṣaraṃ ca kṣaraṃ caiva dvedhā bhāvo 'yam ātmanaḥ kṣaraḥ sarveṣu bhūteṣu divyaṃ tv amṛtam akṣaram //
Imperishable and perishable: this state of the self is twofold. The perishable (exists) in all beings, but the imperishable is divine and immortal.
AI translation rendered from the Sanskrit, not a published edition
BrP 236.33
नवद्वारं पुरं कृत्वा हंसो हि नियतो वशी ईदृशः सर्वभूतस्य स्थावरस्य चरस्य च ॥
navadvāraṃ puraṃ kṛtvā haṃso hi niyato vaśī īdṛśaḥ sarvabhūtasya sthāvarasya carasya ca //
Having made the city with nine gates, the swan (the self) is indeed restrained and self-controlled; such is (the state) of every being, standing still or moving.
AI translation rendered from the Sanskrit, not a published edition — the model flagged this verse as uncertain
BrP 236.34
हानेनाभिविकल्पानां नराणां संचयेन च शरीराणाम् अजस्याहुर् हंसत्वं पारदर्शिनः ॥
hānenābhivikalpānāṃ narāṇāṃ saṃcayena ca śarīrāṇām ajasyāhur haṃsatvaṃ pāradarśinaḥ //
Because of the abandoning of (bodily) modifications and the accumulating of bodies by men, those who see the far shore call the unborn one's condition 'swan-hood' (haṃsatva).
AI translation rendered from the Sanskrit, not a published edition — the model flagged this verse as uncertain
BrP 236.35
हंसोक्तं च क्षरं चैव कूटस्थं यत् तद् अक्षरम् तद् विद्वान् अक्षरं प्राप्य जहाति प्राणजन्मनी ॥
haṃsoktaṃ ca kṣaraṃ caiva kūṭasthaṃ yat tad akṣaram tad vidvān akṣaraṃ prāpya jahāti prāṇajanmanī //
What is called the swan is the perishable; what stands fixed as a summit is the imperishable. Knowing that, having attained the imperishable, one abandons both breath and birth.
AI translation rendered from the Sanskrit, not a published edition — the model flagged this verse as uncertain
BrP 236.36
भवतां पृच्छतां विप्रा यथावद् इह तत्त्वतः सांख्यं ज्ञानेन संयुक्तं यद् एतत् कीर्तितं मया ॥
bhavatāṃ pṛcchatāṃ viprā yathāvad iha tattvataḥ sāṃkhyaṃ jñānena saṃyuktaṃ yad etat kīrtitaṃ mayā //
O brahmins, for you who asked, this Sāṃkhya joined with knowledge has here been proclaimed by me duly and according to the truth.
AI translation rendered from the Sanskrit, not a published edition
BrP 236.37
योगकृत्यं तु भो विप्राः कीर्तयिष्याम्य् अतः परम् एकत्वं बुद्धिमनसोर् इन्द्रियाणां च सर्वशः ॥
yogakṛtyaṃ tu bho viprāḥ kīrtayiṣyāmy ataḥ param ekatvaṃ buddhimanasor indriyāṇāṃ ca sarvaśaḥ //
But now, O brahmins, I shall proclaim what is to be done in yoga: the oneness of intellect and mind, and of the senses in every way.
AI translation rendered from the Sanskrit, not a published edition
BrP 236.38
आत्मनो व्यापिनो ज्ञानं ज्ञानम् एतद् अनुत्तमम् तद् एतद् उपशान्तेन दान्तेनाध्यात्मशीलिना ॥
ātmano vyāpino jñānaṃ jñānam etad anuttamam tad etad upaśāntena dāntenādhyātmaśīlinā //
The knowledge of the all-pervading self — this knowledge is unsurpassed; and it (must be known) by one who is tranquil, self-restrained, devoted to (the study of) the self,
AI translation rendered from the Sanskrit, not a published edition
BrP 236.39
आत्मारामेण बुद्धेन बोद्धव्यं शुचिकर्मणा योगदोषान् समुच्छिद्य पञ्च यान् कवयो विदुः ॥
ātmārāmeṇa buddhena boddhavyaṃ śucikarmaṇā yogadoṣān samucchidya pañca yān kavayo viduḥ //
by one who delights in the self, awakened, of pure actions — it is to be known, having wholly cut off the five faults of yoga which the wise know.
AI translation rendered from the Sanskrit, not a published edition
BrP 236.40
कामं क्रोधं च लोभं च भयं स्वप्नं च पञ्चमम् क्रोधं शमेन जयति कामं संकल्पवर्जनात् ॥
kāmaṃ krodhaṃ ca lobhaṃ ca bhayaṃ svapnaṃ ca pañcamam krodhaṃ śamena jayati kāmaṃ saṃkalpavarjanāt //
Desire, anger, greed, fear, and sleep as the fifth: he conquers anger by calm, desire by giving up intentions;
AI translation rendered from the Sanskrit, not a published edition
BrP 236.41
सत्त्वसंसेवनाद् धीरो निद्राम् उच्छेत्तुम् अर्हति धृत्या शिश्नोदरं रक्षेत् पाणिपादं च चक्षुषा ॥
sattvasaṃsevanād dhīro nidrām ucchettum arhati dhṛtyā śiśnodaraṃ rakṣet pāṇipādaṃ ca cakṣuṣā //
by cultivating sattva the steadfast one is able to cut off sleep; with firmness he should guard the genitals and the belly, and the hands and feet with the eye;
AI translation rendered from the Sanskrit, not a published edition
BrP 236.42
चक्षुः श्रोत्रं च मनसा मनो वाचं च कर्मणा अप्रमादाद् भयं जह्याद् दम्भं प्राज्ञोपसेवनात् ॥
cakṣuḥ śrotraṃ ca manasā mano vācaṃ ca karmaṇā apramādād bhayaṃ jahyād dambhaṃ prājñopasevanāt //
the eye and the ear with the mind, the mind and speech with action; he should abandon fear by vigilance, and hypocrisy by attending on the wise.
AI translation rendered from the Sanskrit, not a published edition
BrP 236.43
एवम् एतान् योगदोषाञ् जयेन् नित्यम् अतन्द्रितः अग्नींश् च ब्राह्मणांश् चाथ देवताः प्रणमेत् सदा ॥
evam etān yogadoṣāñ jayen nityam atandritaḥ agnīṃś ca brāhmaṇāṃś cātha devatāḥ praṇamet sadā //
Thus, never slothful, he should conquer these faults of yoga; and he should always bow to the fires, to the brahmins, and to the gods.
AI translation rendered from the Sanskrit, not a published edition
BrP 236.44
वर्जयेद् उद्धतां वाचं हिंसायुक्तां मनोनुगाम् ब्रह्मतेजोमयं शुक्रं यस्य सर्वम् इदं जगत् ॥
varjayed uddhatāṃ vācaṃ hiṃsāyuktāṃ manonugām brahmatejomayaṃ śukraṃ yasya sarvam idaṃ jagat //
He should avoid arrogant speech, speech joined with harm and following the mind. The seed which is made of the splendour of brahman is (that) of which all this world (consists).
AI translation rendered from the Sanskrit, not a published edition — the model flagged this verse as uncertain
BrP 236.45
एतस्य भूतभूतस्य दृष्टं स्थावरजङ्गमम् ध्यानम् अध्ययनं दानं सत्यं ह्रीर् आर्जवं क्षमा ॥
etasya bhūtabhūtasya dṛṣṭaṃ sthāvarajaṅgamam dhyānam adhyayanaṃ dānaṃ satyaṃ hrīr ārjavaṃ kṣamā //
Of this one, who is the being of (all) beings, what is seen — the standing and the moving — (proceeds). Meditation, study, giving, truth, modesty, uprightness, patience,
AI translation rendered from the Sanskrit, not a published edition — the model flagged this verse as uncertain
BrP 236.46
शौचं चैवात्मनः शुद्धिर् इन्द्रियाणां च निग्रहः एतैर् विवर्धते तेजः पाप्मानं चापकर्षति ॥
śaucaṃ caivātmanaḥ śuddhir indriyāṇāṃ ca nigrahaḥ etair vivardhate tejaḥ pāpmānaṃ cāpakarṣati //
purity, and purification of the self, and restraint of the senses: by these one's splendour increases and one draws off evil.
AI translation rendered from the Sanskrit, not a published edition
BrP 236.47
समः सर्वेषु भूतेषु लभ्यालभ्येन वर्तयन् धूतपाप्मा तु तेजस्वी लघ्वाहारो जितेन्द्रियः ॥
samaḥ sarveṣu bhūteṣu labhyālabhyena vartayan dhūtapāpmā tu tejasvī laghvāhāro jitendriyaḥ //
Equal towards all beings, living on what is got and not got, with evil shaken off, full of splendour, eating little, his senses conquered,
AI translation rendered from the Sanskrit, not a published edition
BrP 236.48
कामक्रोधौ वशे कृत्वा निषेवेद् ब्रह्मणः पदम् मनसश् चेन्द्रियाणां च कृत्वैकाग्र्यं समाहितः ॥
kāmakrodhau vaśe kṛtvā niṣeved brahmaṇaḥ padam manasaś cendriyāṇāṃ ca kṛtvaikāgryaṃ samāhitaḥ //
having brought desire and anger under control, he should resort to the station of brahman; and having made the mind and the senses one-pointed, collected,
AI translation rendered from the Sanskrit, not a published edition
BrP 236.49
पूर्वरात्रे परार्धे च धारयेन् मन आत्मनः जन्तोः पञ्चेन्द्रियस्यास्य यद्य् एकं क्लिन्नम् इन्द्रियम् ॥
pūrvarātre parārdhe ca dhārayen mana ātmanaḥ jantoḥ pañcendriyasyāsya yady ekaṃ klinnam indriyam //
in the first part of the night and in the latter half he should hold the mind on the self. Of this creature with its five senses, if a single sense is leaking,
AI translation rendered from the Sanskrit, not a published edition
BrP 236.50
ततो ऽस्य स्रवति प्रज्ञा गिरेः पादाद् इवोदकम् मनसः पूर्वम् आदद्यात् कूर्माणाम् इव मत्स्यहा ॥
tato 'sya sravati prajñā gireḥ pādād ivodakam manasaḥ pūrvam ādadyāt kūrmāṇām iva matsyahā //
then his wisdom flows away from him, like water from the foot of a mountain. He should first draw in (the senses) from the mind, as a fisherman does with turtles.
AI translation rendered from the Sanskrit, not a published edition — the model flagged this verse as uncertain
BrP 236.51
ततः श्रोत्रं ततश् चक्षुर् जिह्वा घ्राणं च योगवित् तत एतानि संयम्य मनसि स्थापयेद् यदि ॥
tataḥ śrotraṃ tataś cakṣur jihvā ghrāṇaṃ ca yogavit tata etāni saṃyamya manasi sthāpayed yadi //
Then the knower of yoga (should draw in) the ear, then the eye, the tongue and the nose; then, having restrained these, if he can fix them in the mind,
AI translation rendered from the Sanskrit, not a published edition
BrP 236.52
तथैवापोह्य संकल्पान् मनो ह्य् आत्मनि धारयेत् पञ्चेन्द्रियाणि मनसि हृदि संस्थापयेद् यदि ॥
tathaivāpohya saṃkalpān mano hy ātmani dhārayet pañcendriyāṇi manasi hṛdi saṃsthāpayed yadi //
and likewise, having driven off intentions, he should hold the mind in the self; if he can establish the five senses in the mind, in the heart,
AI translation rendered from the Sanskrit, not a published edition
BrP 236.53
यदैतान्य् अवतिष्ठन्ते मनःषष्ठानि चात्मनि प्रसीदन्ति च संस्थायां तदा ब्रह्म प्रकाशते ॥
yadaitāny avatiṣṭhante manaḥṣaṣṭhāni cātmani prasīdanti ca saṃsthāyāṃ tadā brahma prakāśate //
When these, with the mind as the sixth, come to rest in the self, and grow calm in that steady state, then brahman shines forth.
AI translation rendered from the Sanskrit, not a published edition
BrP 236.54
विधूम इव दीप्तार्चिर् आदित्य इव दीप्तिमान् वैद्युतो ऽग्निर् इवाकाशे पश्यन्त्य् आत्मानम् आत्मनि ॥
vidhūma iva dīptārcir āditya iva dīptimān vaidyuto 'gnir ivākāśe paśyanty ātmānam ātmani //
Like a bright-flamed (fire) without smoke, radiant like the sun, like lightning-fire in the sky — (thus) they see the self within the self.
AI translation rendered from the Sanskrit, not a published edition
BrP 236.55
सर्वं तत्र तु सर्वत्र व्यापकत्वाच् च दृश्यते तं पश्यन्ति महात्मानो ब्राह्मणा ये मनीषिणः ॥
sarvaṃ tatra tu sarvatra vyāpakatvāc ca dṛśyate taṃ paśyanti mahātmāno brāhmaṇā ye manīṣiṇaḥ //
There everything is seen, and (seen) everywhere, because of (its) pervasiveness; those great-souled brahmins who are thoughtful see him.
AI translation rendered from the Sanskrit, not a published edition
BrP 236.56
धृतिमन्तो महाप्राज्ञाः सर्वभूतहिते रताः एवं परिमितं कालम् आचरन् संशितव्रतः ॥
dhṛtimanto mahāprājñāḥ sarvabhūtahite ratāḥ evaṃ parimitaṃ kālam ācaran saṃśitavrataḥ //
Steadfast, of great wisdom, devoted to the welfare of all beings — thus, practising for the measured time, (he becomes) one of strict vows.
AI translation rendered from the Sanskrit, not a published edition — the model flagged this verse as uncertain
BrP 236.57
आसीनो हि रहस्य् एको गच्छेद् अक्षरसाम्यताम् प्रमोहो भ्रम आवर्तो घ्राणं श्रवणदर्शने ॥
āsīno hi rahasy eko gacched akṣarasāmyatām pramoho bhrama āvarto ghrāṇaṃ śravaṇadarśane //
For seated alone in a secret place he would attain equality with the imperishable: delusion, wandering (of mind), whirling, (disturbances of) smell, of hearing and of sight,
AI translation rendered from the Sanskrit, not a published edition — the model flagged this verse as uncertain
BrP 236.58
अद्भुतानि रसः स्पर्शः शीतोष्णमारुताकृतिः प्रतिभान् उपसर्गाश् च प्रतिसंगृह्य योगतः ॥
adbhutāni rasaḥ sparśaḥ śītoṣṇamārutākṛtiḥ pratibhān upasargāś ca pratisaṃgṛhya yogataḥ //
marvels, taste, touch, the appearance of cold, heat and wind — having held back the visions and the afflictions by means of yoga,
AI translation rendered from the Sanskrit, not a published edition — the model flagged this verse as uncertain
BrP 236.59
तांस् तत्त्वविद् अनादृत्य साम्येनैव निवर्तयेत् कुर्यात् परिचयं योगे त्रैलोक्ये नियतो मुनिः ॥
tāṃs tattvavid anādṛtya sāmyenaiva nivartayet kuryāt paricayaṃ yoge trailokye niyato muniḥ //
the knower of truth, disregarding them, should turn them back by equanimity alone; the restrained sage should make (his) practice in yoga, in the three worlds.
AI translation rendered from the Sanskrit, not a published edition — the model flagged this verse as uncertain
BrP 236.60
गिरिशृङ्गे तथा चैत्ये वृक्षमूलेषु योजयेत् संनियम्येन्द्रियग्रामं कोष्ठे भाण्डमना इव ॥
giriśṛṅge tathā caitye vṛkṣamūleṣu yojayet saṃniyamyendriyagrāmaṃ koṣṭhe bhāṇḍamanā iva //
On a mountain peak, likewise in a sanctuary, at the roots of trees, he should yoke (himself), restraining the host of the senses, like one whose mind is on the vessels in a storeroom.
AI translation rendered from the Sanskrit, not a published edition — the model flagged this verse as uncertain
BrP 236.61
एकाग्रं चिन्तयेन् नित्यं योगान् नोद्विजते मनः येनोपायेन शक्येत नियन्तुं चञ्चलं मनः ॥
ekāgraṃ cintayen nityaṃ yogān nodvijate manaḥ yenopāyena śakyeta niyantuṃ cañcalaṃ manaḥ //
One-pointed, he should meditate constantly; the mind does not shrink from yoga — by whatever means the unsteady mind can be restrained,
AI translation rendered from the Sanskrit, not a published edition
BrP 236.62
तत्र युक्तो निषेवेत न चैव विचलेत् ततः शून्यागाराणि चैकाग्रो निवासार्थम् उपक्रमेत् ॥
tatra yukto niṣeveta na caiva vicalet tataḥ śūnyāgārāṇi caikāgro nivāsārtham upakramet //
in that, being yoked, he should apply himself, and should not waver from it; and one-pointed he should resort to empty houses for a dwelling.
AI translation rendered from the Sanskrit, not a published edition
BrP 236.63
नातिव्रजेत् परं वाचा कर्मणा मनसापि वा उपेक्षको यताहारो लब्धालब्धसमो भवेत् ॥
nātivrajet paraṃ vācā karmaṇā manasāpi vā upekṣako yatāhāro labdhālabdhasamo bhavet //
He should not offend another by speech, by act, or even by thought; indifferent, of restrained diet, he should be the same whether he gets (food) or not.
AI translation rendered from the Sanskrit, not a published edition
BrP 236.64
यश् चैनम् अभिनन्देत यश् चैनम् अभिवादयेत् समस् तयोश् चाप्य् उभयोर् नाभिध्यायेच् छुभाशुभम् ॥
yaś cainam abhinandeta yaś cainam abhivādayet samas tayoś cāpy ubhayor nābhidhyāyec chubhāśubham //
Whoever praises him and whoever (merely) greets him, he is the same towards both of these, and does not dwell on good or ill.
AI translation rendered from the Sanskrit, not a published edition
BrP 236.65
न प्रहृष्येत लाभेषु नालाभेषु च चिन्तयेत् समः सर्वेषु भूतेषु सधर्मा मातरिश्वनः ॥
na prahṛṣyeta lābheṣu nālābheṣu ca cintayet samaḥ sarveṣu bhūteṣu sadharmā mātariśvanaḥ //
He should not rejoice at gains, nor brood over losses; the same towards all beings, of the same nature as the wind.
AI translation rendered from the Sanskrit, not a published edition
BrP 236.66
एवं स्वस्थात्मनः साधोः सर्वत्र समदर्शिनः षण् मासान् नित्ययुक्तस्य शब्दब्रह्माभिवर्तते ॥
evaṃ svasthātmanaḥ sādhoḥ sarvatra samadarśinaḥ ṣaṇ māsān nityayuktasya śabdabrahmābhivartate //
Thus, for the good man whose self is settled, who sees the same everywhere, ever yoked, after six months the brahman-as-sound comes to him.
AI translation rendered from the Sanskrit, not a published edition
BrP 236.67
वेदनार्तान् परान् दृष्ट्वा समलोष्टाश्मकाञ्चनः एवं तु निरतो मार्गं विरमेन् न विमोहितः ॥
vedanārtān parān dṛṣṭvā samaloṣṭāśmakāñcanaḥ evaṃ tu nirato mārgaṃ viramen na vimohitaḥ //
Seeing others afflicted with pain, regarding clod, stone and gold alike — thus devoted, he should not turn back from the path, nor be deluded.
AI translation rendered from the Sanskrit, not a published edition — the model flagged this verse as uncertain
BrP 236.68
अपि वर्णावकृष्टस् तु नारी वा धर्मकाङ्क्षिणी ताव् अप्य् एतेन मार्गेण गच्छेतां परमां गतिम् ॥
api varṇāvakṛṣṭas tu nārī vā dharmakāṅkṣiṇī tāv apy etena mārgeṇa gacchetāṃ paramāṃ gatim //
Even one of low caste, or a woman who desires dharma — these two also would go by this path to the highest goal.
AI translation rendered from the Sanskrit, not a published edition
BrP 236.69
अजं पुराणम् अजरं सनातनं यम् इन्द्रियातिगम् अगोचरं द्विजाः अवेक्ष्य चेमां परमेष्ठिसाम्यतां प्रयान्त्य् अनावृत्तिगतिं मनीषिणः
ajaṃ purāṇam ajaraṃ sanātanaṃ yam indriyātigam agocaraṃ dvijāḥ avekṣya cemāṃ parameṣṭhisāmyatāṃ prayānty anāvṛttigatiṃ manīṣiṇaḥ
Unborn, ancient, unaging, everlasting, beyond the senses, not an object of perception, O twice-born ones — beholding him, and this equality with the Supreme One, the thoughtful go to the state from which there is no return.
AI translation rendered from the Sanskrit, not a published edition