Brahma Purana — Chapter 233
BrP 233.1
सप्तर्षिस्थानम् आक्रम्य स्थिते ऽम्भसि द्विजोत्तमाः एकार्णवं भवत्य् एतत् त्रैलोक्यम् अखिलं ततः ॥
saptarṣisthānam ākramya sthite 'mbhasi dvijottamāḥ ekārṇavaṃ bhavaty etat trailokyam akhilaṃ tataḥ //
When the water stands, having overrun the station of the seven sages, O best of twice-born, this whole triple world then becomes a single ocean.
AI translation rendered from the Sanskrit, not a published edition
BrP 233.2
अथ निःश्वासजो विष्णोर् वायुस् ताञ् जलदांस् ततः नाशं नयति भो विप्रा वर्षाणाम् अधिकं शतम् ॥
atha niḥśvāsajo viṣṇor vāyus tāñ jaladāṃs tataḥ nāśaṃ nayati bho viprā varṣāṇām adhikaṃ śatam //
Then the wind born of Viṣṇu's exhalation brings those clouds to destruction, O brahmins, for more than a hundred years.
AI translation rendered from the Sanskrit, not a published edition
BrP 233.3
सर्वभूतमयो ऽचिन्त्यो भगवान् भूतभावनः अनादिर् आदिर् विश्वस्य पीत्वा वायुम् अशेषतः ॥
sarvabhūtamayo 'cintyo bhagavān bhūtabhāvanaḥ anādir ādir viśvasya pītvā vāyum aśeṣataḥ //
The Lord, made of all beings, unthinkable, the creator of beings, beginningless, the beginning of the universe, having drunk up the wind entirely—
AI translation rendered from the Sanskrit, not a published edition
BrP 233.4
एकार्णवे ततस् तस्मिञ् शेषशय्यास्थितः प्रभुः ब्रह्मरूपधरः शेते भगवान् आदिकृद् धरिः ॥
ekārṇave tatas tasmiñ śeṣaśayyāsthitaḥ prabhuḥ brahmarūpadharaḥ śete bhagavān ādikṛd dhariḥ //
—then in that single ocean the Lord, resting on the couch of Śeṣa, bearing the form of Brahmā, lies down: the blessed Hari, the first maker.
AI translation rendered from the Sanskrit, not a published edition
BrP 233.5
जनलोकगतैः सिद्धैः सनकाद्यैर् अभिष्टुतः ब्रह्मलोकगतैश् चैव चिन्त्यमानो मुमुक्षुभिः ॥
janalokagataiḥ siddhaiḥ sanakādyair abhiṣṭutaḥ brahmalokagataiś caiva cintyamāno mumukṣubhiḥ //
Praised by the Siddhas gone to the Jana world, Sanaka and the rest, and meditated upon by those seeking release who have gone to the Brahmā world,
AI translation rendered from the Sanskrit, not a published edition
BrP 233.6
आत्ममायामयीं दिव्यां योगनिद्रां समास्थितः आत्मानं वासुदेवाख्यं चिन्तयन् परमेश्वरः ॥
ātmamāyāmayīṃ divyāṃ yoganidrāṃ samāsthitaḥ ātmānaṃ vāsudevākhyaṃ cintayan parameśvaraḥ //
the Supreme Lord abides in the divine yogic sleep made of his own māyā, meditating on himself, who is called Vāsudeva.
AI translation rendered from the Sanskrit, not a published edition
BrP 233.7
एष नैमित्तिको नाम विप्रेन्द्राः प्रतिसंचरः निमित्तं तत्र यच् छेते ब्रह्मरूपधरो हरिः ॥
eṣa naimittiko nāma viprendrāḥ pratisaṃcaraḥ nimittaṃ tatra yac chete brahmarūpadharo hariḥ //
This, O foremost of brahmins, is the dissolution called "occasional" (naimittika); the occasion in it is that Hari, wearing the form of Brahmā, lies asleep.
AI translation rendered from the Sanskrit, not a published edition
BrP 233.8
यदा जागर्ति सर्वात्मा स तदा चेष्टते जगत् निमीलत्य् एतद् अखिलं मायाशय्याशये ऽच्युते ॥
yadā jāgarti sarvātmā sa tadā ceṣṭate jagat nimīlaty etad akhilaṃ māyāśayyāśaye 'cyute //
When the Self of all wakes, then the world stirs; when the Unfading One lies down on the couch of māyā, this whole (world) closes its eyes.
AI translation rendered from the Sanskrit, not a published edition
BrP 233.9
पद्मयोनेर् दिनं यत् तु चतुर्युगसहस्रवत् एकार्णवकृते लोके तावती रात्रिर् उच्यते ॥
padmayoner dinaṃ yat tu caturyugasahasravat ekārṇavakṛte loke tāvatī rātrir ucyate //
But that day of the Lotus-born which equals a thousand fourfold-ages — a night of that same length is spoken of, when the world has been made a single ocean.
AI translation rendered from the Sanskrit, not a published edition
BrP 233.10
ततः प्रबुद्धो रात्र्यन्ते पुनः सृष्टिं करोत्य् अजः ब्रह्मस्वरूपधृग् विष्णुर् यथा वः कथितं पुरा ॥
tataḥ prabuddho rātryante punaḥ sṛṣṭiṃ karoty ajaḥ brahmasvarūpadhṛg viṣṇur yathā vaḥ kathitaṃ purā //
Then, awakened at the night's end, the Unborn makes creation again — Viṣṇu bearing the form of Brahmā — as was told to you before.
AI translation rendered from the Sanskrit, not a published edition
BrP 233.11
इत्य् एष कल्पसंहारो अन्तरप्रलयो द्विजाः नैमित्तिको वः कथितः शृणुध्वं प्राकृतं परम् ॥
ity eṣa kalpasaṃhāro antarapralayo dvijāḥ naimittiko vaḥ kathitaḥ śṛṇudhvaṃ prākṛtaṃ param //
Thus this destruction of a kalpa, the intermediate dissolution, the occasional one, O twice-born, has been told to you; now hear about the further one, the elemental (prākṛta) dissolution.
AI translation rendered from the Sanskrit, not a published edition
BrP 233.12
अवृष्ट्यग्न्यादिभिः सम्यक् कृते शय्यालये द्विजाः समस्तेष्व् एव लोकेषु पातालेष्व् अखिलेषु च ॥
avṛṣṭyagnyādibhiḥ samyak kṛte śayyālaye dvijāḥ samasteṣv eva lokeṣu pātāleṣv akhileṣu ca //
When, by drought, fire and the rest, the resting-place (of Viṣṇu) has been fully made, O twice-born, in all the worlds together and in all the nether regions,
AI translation rendered from the Sanskrit, not a published edition — the model flagged this verse as uncertain
BrP 233.13
महदादेर् विकारस्य विशेषात् तत्र संक्षये कृष्णेच्छाकारिते तस्मिन् प्रवृत्ते प्रतिसंचरे ॥
mahadāder vikārasya viśeṣāt tatra saṃkṣaye kṛṣṇecchākārite tasmin pravṛtte pratisaṃcare //
— when, at the destruction there of the modification beginning with mahat, starting from the particulars, that dissolution, brought about by Kṛṣṇa's will, has set in,
AI translation rendered from the Sanskrit, not a published edition — the model flagged this verse as uncertain
BrP 233.14
आपो ग्रसन्ति वै पूर्वं भूमेर् गन्धादिकं गुणम् आत्तगन्धा ततो भूमिः प्रलयाय प्रकल्पते ॥
āpo grasanti vai pūrvaṃ bhūmer gandhādikaṃ guṇam āttagandhā tato bhūmiḥ pralayāya prakalpate //
the waters first swallow up the quality of earth, namely smell and the rest; then the earth, its smell taken away, is made ready for dissolution.
AI translation rendered from the Sanskrit, not a published edition
BrP 233.15
प्रनष्टे गन्धतन्मात्रे भवत्य् उर्वी जलात्मिका आपस् तदा प्रवृत्तास् तु वेगवत्यो महास्वनाः ॥
pranaṣṭe gandhatanmātre bhavaty urvī jalātmikā āpas tadā pravṛttās tu vegavatyo mahāsvanāḥ //
When the subtle element of smell has perished, the earth becomes watery in nature; then the waters set to work, swift and greatly roaring.
AI translation rendered from the Sanskrit, not a published edition
BrP 233.16
सर्वम् आपूरयन्तीदं तिष्ठन्ति विचरन्ति च सलिलेनैवोर्मिमता लोकालोकः समन्ततः ॥
sarvam āpūrayantīdaṃ tiṣṭhanti vicaranti ca salilenaivormimatā lokālokaḥ samantataḥ //
Filling all this, they stand and they roam about; by the water with its waves the world and the non-world are (covered) on every side.
AI translation rendered from the Sanskrit, not a published edition
BrP 233.17
अपाम् अपि गुणो यस् तु ज्योतिषा पीयते तु सः नश्यन्त्य् आपः सुतप्ताश् च रसतन्मात्रसंक्षयात् ॥
apām api guṇo yas tu jyotiṣā pīyate tu saḥ naśyanty āpaḥ sutaptāś ca rasatanmātrasaṃkṣayāt //
And that quality which belongs to the waters is drunk up by fire; and the waters, heated intensely, perish through the destruction of the subtle element of taste.
AI translation rendered from the Sanskrit, not a published edition
BrP 233.18
ततश् चापो ऽमृतरसा ज्योतिष्ट्वं प्राप्नुवन्ति वै अग्न्यवस्थे तु सलिले तेजसा सर्वतो वृते ॥
tataś cāpo 'mṛtarasā jyotiṣṭvaṃ prāpnuvanti vai agnyavasthe tu salile tejasā sarvato vṛte //
And then the waters, whose essence is taste, attain the condition of fire; and when the water is in the state of fire, everything being enveloped by heat,
AI translation rendered from the Sanskrit, not a published edition
BrP 233.19
स चाग्निः सर्वतो व्याप्य आदत्ते तज् जलं तदा सर्वम् आपूर्यतो चाभिस् तदा जगद् इदं शनैः ॥
sa cāgniḥ sarvato vyāpya ādatte taj jalaṃ tadā sarvam āpūryato cābhis tadā jagad idaṃ śanaiḥ //
that fire, pervading everywhere, then takes up that water; and then this world is gradually filled by them.
AI translation rendered from the Sanskrit, not a published edition — the model flagged this verse as uncertain
BrP 233.20
अर्चिभिः संतते तस्मिंस् तिर्यग् ऊर्ध्वम् अधस् तथा ज्योतिषो ऽपि परं रूपं वायुर् अत्ति प्रभाकरम् ॥
arcibhiḥ saṃtate tasmiṃs tiryag ūrdhvam adhas tathā jyotiṣo 'pi paraṃ rūpaṃ vāyur atti prabhākaram //
When that (fire) has spread with its flames sideways, upward and downward, the wind then devours even the higher form of fire, the light-maker.
AI translation rendered from the Sanskrit, not a published edition
BrP 233.21
प्रलीने च ततस् तस्मिन् वायुभूते ऽखिलात्मके प्रनष्टे रूपतन्मात्रे कृतरूपो विभावसुः ॥
pralīne ca tatas tasmin vāyubhūte 'khilātmake pranaṣṭe rūpatanmātre kṛtarūpo vibhāvasuḥ //
And when that (fire), having become wind and pervading all, has been dissolved, and the subtle element of form has perished, the fire has done its work upon form.
AI translation rendered from the Sanskrit, not a published edition — the model flagged this verse as uncertain
BrP 233.22
प्रशाम्यति तदा ज्योतिर् वायुर् दोधूयते महान् निरालोके तदा लोके वायुसंस्थे च तेजसि ॥
praśāmyati tadā jyotir vāyur dodhūyate mahān nirāloke tadā loke vāyusaṃsthe ca tejasi //
Then the light is extinguished, and the great wind blows violently; when the world is without light and the fire has come to rest in the wind,
AI translation rendered from the Sanskrit, not a published edition
BrP 233.23
ततः प्रलयम् आसाद्य वायुसंभवम् आत्मनः ऊर्ध्वं च वायुस् तिर्यक् च दोधवीति दिशो दश ॥
tataḥ pralayam āsādya vāyusaṃbhavam ātmanaḥ ūrdhvaṃ ca vāyus tiryak ca dodhavīti diśo daśa //
then, having attained the dissolution of what arose from itself into wind, the wind shakes violently upward and sideways in the ten directions.
AI translation rendered from the Sanskrit, not a published edition — the model flagged this verse as uncertain
BrP 233.24
वायोस् त्व् अपि गुणं स्पर्शम् आकाशं ग्रसते ततः प्रशाम्यति तदा वायुः खं तु तिष्ठत्य् अनावृतम् ॥
vāyos tv api guṇaṃ sparśam ākāśaṃ grasate tataḥ praśāmyati tadā vāyuḥ khaṃ tu tiṣṭhaty anāvṛtam //
Then space swallows up touch, the quality of the wind; then the wind subsides, but space remains, uncovered.
AI translation rendered from the Sanskrit, not a published edition
BrP 233.25
अरूपम् अरसस्पर्शम् अगन्धवद् अमूर्तिमत् सर्वम् आपूरयच् चैव सुमहत् तत् प्रकाशते ॥
arūpam arasasparśam agandhavad amūrtimat sarvam āpūrayac caiva sumahat tat prakāśate //
Formless, without taste and touch, without smell, without shape, and filling everything, that vast (space) shines forth.
AI translation rendered from the Sanskrit, not a published edition
BrP 233.26
परिमण्डलतस् तत् तु आकाशं शब्दलक्षणम् शब्दमात्रं तथाकाशं सर्वम् आवृत्य तिष्ठति ॥
parimaṇḍalatas tat tu ākāśaṃ śabdalakṣaṇam śabdamātraṃ tathākāśaṃ sarvam āvṛtya tiṣṭhati //
That space is spherical in extent and characterized by sound; and so space, consisting of sound alone, remains, covering everything.
AI translation rendered from the Sanskrit, not a published edition
BrP 233.27
ततः शब्दगुणं तस्य भूतादिर् ग्रसते पुनः भूतेन्द्रियेषु युगपद् भूतादौ संस्थितेषु वै ॥
tataḥ śabdaguṇaṃ tasya bhūtādir grasate punaḥ bhūtendriyeṣu yugapad bhūtādau saṃsthiteṣu vai //
Then the source of the elements (bhūtādi) in turn swallows up its quality, sound, when the elements and the sense-organs have all at once come to rest in the source of the elements.
AI translation rendered from the Sanskrit, not a published edition
BrP 233.28
अभिमानात्मको ह्य् एष भूतादिस् तामसः स्मृतः भूतादिं ग्रसते चापि महाबुद्धिर् विचक्षणा ॥
abhimānātmako hy eṣa bhūtādis tāmasaḥ smṛtaḥ bhūtādiṃ grasate cāpi mahābuddhir vicakṣaṇā //
This source of the elements, whose nature is self-appropriation (ego), is held to be tamasic; and the discerning Great Intellect (mahat) swallows up the source of the elements.
AI translation rendered from the Sanskrit, not a published edition
BrP 233.29
उर्वी महांश् च जगतः प्रान्ते ऽन्तर् बाह्यतस् तथा एवं सप्त महाबुद्धिः क्रमात् प्रकृतयस् तथा ॥
urvī mahāṃś ca jagataḥ prānte 'ntar bāhyatas tathā evaṃ sapta mahābuddhiḥ kramāt prakṛtayas tathā //
The broad (earth) and the Great One, at the limit of the world, within and without as well: thus, in order, are the seven — the Great Intellect and the (other) primary constituents.
AI translation rendered from the Sanskrit, not a published edition — the model flagged this verse as uncertain
BrP 233.30
प्रत्याहारैस् तु ताः सर्वाः प्रविशन्ति परस्परम् येनेदम् आवृतं सर्वम् अण्डम् अप्सु प्रलीयते ॥
pratyāhārais tu tāḥ sarvāḥ praviśanti parasparam yenedam āvṛtaṃ sarvam aṇḍam apsu pralīyate //
By successive withdrawals all of them enter one into another; and this egg, by which all this is enveloped, dissolves into the waters.
AI translation rendered from the Sanskrit, not a published edition
BrP 233.31
सप्तद्वीपसमुद्रान्तं सप्तलोकं सपर्वतम् उदकावरणं ह्य् अत्र ज्योतिषा पीयते तु तत् ॥
saptadvīpasamudrāntaṃ saptalokaṃ saparvatam udakāvaraṇaṃ hy atra jyotiṣā pīyate tu tat //
That water-envelope here, extending to the seven continents and oceans, comprising the seven worlds together with the mountains, is drunk up by fire.
AI translation rendered from the Sanskrit, not a published edition
BrP 233.32
ज्योतिर् वायौ लयं याति यात्य् आकाशे समीरणः आकाशं चैव भूतादिर् ग्रसते तं तथा महान् ॥
jyotir vāyau layaṃ yāti yāty ākāśe samīraṇaḥ ākāśaṃ caiva bhūtādir grasate taṃ tathā mahān //
Fire goes to dissolution in wind, the wind goes into space, and the source of the elements swallows up space, and the Great One swallows that (source).
AI translation rendered from the Sanskrit, not a published edition
BrP 233.33
महान्तम् एभिः सहितं प्रकृतिर् ग्रसते द्विजाः गुणसाम्यम् अनुद्रिक्तम् अन्यूनं च द्विजोत्तमाः ॥
mahāntam ebhiḥ sahitaṃ prakṛtir grasate dvijāḥ guṇasāmyam anudriktam anyūnaṃ ca dvijottamāḥ //
Prakṛti swallows up the Great One together with these, O twice-born; (then there is) the equilibrium of the guṇas, with none in excess and none deficient, O best of the twice-born.
AI translation rendered from the Sanskrit, not a published edition
BrP 233.34
प्रोच्यते प्रकृतिर् हेतुः प्रधानं कारणं परम् इत्य् एषा प्रकृतिः सर्वा व्यक्ताव्यक्तस्वरूपिणी ॥
procyate prakṛtir hetuḥ pradhānaṃ kāraṇaṃ param ity eṣā prakṛtiḥ sarvā vyaktāvyaktasvarūpiṇī //
Prakṛti is called the cause, the pradhāna, the supreme source; thus this whole prakṛti has the nature of both the manifest and the unmanifest.
AI translation rendered from the Sanskrit, not a published edition
BrP 233.35
व्यक्तस्वरूपम् अव्यक्ते तस्यां विप्राः प्रलीयते एकः शुद्धो ऽक्षरो नित्यः सर्वव्यापी तथा पुनः ॥
vyaktasvarūpam avyakte tasyāṃ viprāḥ pralīyate ekaḥ śuddho 'kṣaro nityaḥ sarvavyāpī tathā punaḥ //
The manifest form dissolves in the unmanifest, in her, O brahmins; and then (there remains) the One, pure, imperishable, eternal, all-pervading.
AI translation rendered from the Sanskrit, not a published edition
BrP 233.36
सो ऽप्य् अंशः सर्वभूतस्य द्विजेन्द्राः परमात्मनः नश्यन्ति सर्वा यत्रापि नामजात्यादिकल्पनाः ॥
so 'py aṃśaḥ sarvabhūtasya dvijendrāḥ paramātmanaḥ naśyanti sarvā yatrāpi nāmajātyādikalpanāḥ //
And that too, O chief of the twice-born, is a portion of the supreme Self of all beings — (that) in which all the constructions of name and class and the rest perish,
AI translation rendered from the Sanskrit, not a published edition
BrP 233.37
सत्तामात्रात्मके ज्ञेये ज्ञानात्मन्य् आत्मनः परे स ब्रह्म तत् परं धाम परमात्मा परेश्वरः ॥
sattāmātrātmake jñeye jñānātmany ātmanaḥ pare sa brahma tat paraṃ dhāma paramātmā pareśvaraḥ //
in the knowable whose essence is mere existence, whose nature is knowledge, beyond the self. He is brahman, that supreme abode, the supreme Self, the supreme lord.
AI translation rendered from the Sanskrit, not a published edition — the model flagged this verse as uncertain
BrP 233.38
स विष्णुः सर्वम् एवेदं यतो नावर्तते पुनः प्रकृतिर् या मयाख्याता व्यक्ताव्यक्तस्वरूपिणी ॥
sa viṣṇuḥ sarvam evedaṃ yato nāvartate punaḥ prakṛtir yā mayākhyātā vyaktāvyaktasvarūpiṇī //
He is Viṣṇu, he is all this, from whom one does not return again. The prakṛti that I have described, having the form of manifest and unmanifest,
AI translation rendered from the Sanskrit, not a published edition
BrP 233.39
पुरुषश् चाप्य् उभाव् एतौ लीयेते परमात्मनि परमात्मा च सर्वेषाम् आधारः परमेश्वरः ॥
puruṣaś cāpy ubhāv etau līyete paramātmani paramātmā ca sarveṣām ādhāraḥ parameśvaraḥ //
and the puruṣa as well — both these dissolve in the supreme Self; and the supreme Self, the supreme lord, is the support of all.
AI translation rendered from the Sanskrit, not a published edition
BrP 233.40
विष्णुनाम्ना स वेदेषु वेदान्तेषु च गीयते प्रवृत्तं च निवृत्तं च द्विविधं कर्म वैदिकम् ॥
viṣṇunāmnā sa vedeṣu vedānteṣu ca gīyate pravṛttaṃ ca nivṛttaṃ ca dvividhaṃ karma vaidikam //
He is sung of under the name Viṣṇu in the Vedas and in the Vedāntas. Vedic action is of two kinds, that of engagement (pravṛtti) and that of withdrawal (nivṛtti).
AI translation rendered from the Sanskrit, not a published edition
BrP 233.41
ताभ्याम् उभाभ्यां पुरुषैर् यज्ञमूर्तिः स इज्यते ऋग्यजुःसामभिर् मार्गैः प्रवृत्तैर् इज्यते ह्य् असौ ॥
tābhyām ubhābhyāṃ puruṣair yajñamūrtiḥ sa ijyate ṛgyajuḥsāmabhir mārgaiḥ pravṛttair ijyate hy asau //
By both of these he, whose form is sacrifice, is worshipped by men; by the Ṛg, Yajus and Sāman, by the paths of engagement, he is indeed worshipped.
AI translation rendered from the Sanskrit, not a published edition
BrP 233.42
यज्ञेश्वरो यज्ञपुमान् पुरुषैः पुरुषोत्तमः ज्ञानात्मा ज्ञानयोगेन ज्ञानमूर्तिः स इज्यते ॥
yajñeśvaro yajñapumān puruṣaiḥ puruṣottamaḥ jñānātmā jñānayogena jñānamūrtiḥ sa ijyate //
The lord of sacrifice, the person of sacrifice, the highest person, whose nature is knowledge — he is worshipped by men as the embodiment of knowledge, by the yoga of knowledge,
AI translation rendered from the Sanskrit, not a published edition
BrP 233.43
निवृत्तैर् योगमार्गैश् च विष्णुर् मुक्तिफलप्रदः ह्रस्वदीर्घप्लुतैर् यत् तु किंचिद् वस्त्व् अभिधीयते ॥
nivṛttair yogamārgaiś ca viṣṇur muktiphalapradaḥ hrasvadīrghaplutair yat tu kiṃcid vastv abhidhīyate //
and by the paths of yoga that are of withdrawal; Viṣṇu grants liberation as their fruit. Whatever thing is named by short, long or prolated (sounds),
AI translation rendered from the Sanskrit, not a published edition
BrP 233.44
यच् च वाचाम् अविषयस् तत् सर्वं विष्णुर् अव्ययः व्यक्तः स एवम् अव्यक्तः स एव पुरुषो ऽव्ययः ॥
yac ca vācām aviṣayas tat sarvaṃ viṣṇur avyayaḥ vyaktaḥ sa evam avyaktaḥ sa eva puruṣo 'vyayaḥ //
and whatever is not the object of speech — all that is Viṣṇu, the imperishable. He is the manifest, and likewise he is the unmanifest; he alone is the imperishable Person,
AI translation rendered from the Sanskrit, not a published edition
BrP 233.45
परमात्मा च विश्वात्मा विश्वरूपधरो हरिः व्यक्ताव्यक्तात्मिका तस्मिन् प्रकृतिः सा विलीयते ॥
paramātmā ca viśvātmā viśvarūpadharo hariḥ vyaktāvyaktātmikā tasmin prakṛtiḥ sā vilīyate //
and the supreme Self, the Self of the universe, Hari who bears the universal form. In him that prakṛti, consisting of the manifest and the unmanifest, dissolves,
AI translation rendered from the Sanskrit, not a published edition
BrP 233.46
पुरुषश् चापि भो विप्रा यस् तद् अव्याकृतात्मनि द्विपरार्धात्मकः कालः कथितो यो मया द्विजाः ॥
puruṣaś cāpi bho viprā yas tad avyākṛtātmani dviparārdhātmakaḥ kālaḥ kathito yo mayā dvijāḥ //
and the puruṣa too, O brahmins, (dissolves) in that undifferentiated Self. The time consisting of two parārdhas, which has been told by me, O twice-born —
AI translation rendered from the Sanskrit, not a published edition
BrP 233.47
तद् अहस् तस्य विप्रेन्द्रा विष्णोर् ईशस्य कथ्यते व्यक्ते तु प्रकृतौ लीने प्रकृत्यां पुरुषे तथा ॥
tad ahas tasya viprendrā viṣṇor īśasya kathyate vyakte tu prakṛtau līne prakṛtyāṃ puruṣe tathā //
That is called the day of him, of Viṣṇu the Lord, O chiefs of brahmins — (the period) when the manifest is dissolved into prakṛti, and prakṛti likewise into the puruṣa.
AI translation rendered from the Sanskrit, not a published edition
BrP 233.48
तत्रास्थिते निशा तस्य तत्प्रमाणा तपोधनाः नैवाहस् तस्य च निशा नित्यस्य परमात्मनः ॥
tatrāsthite niśā tasya tatpramāṇā tapodhanāḥ naivāhas tasya ca niśā nityasya paramātmanaḥ //
While (he) remains in that state, that is his night, of the same measure, O you rich in austerity; yet for him, the eternal supreme Self, there is neither day nor night.
AI translation rendered from the Sanskrit, not a published edition
BrP 233.49
उपचारात् तथाप्य् एतत् तस्येशस्य तु कथ्यते इत्य् एष मुनिशार्दूलाः कथितः प्राकृतो लयः ॥
upacārāt tathāpy etat tasyeśasya tu kathyate ity eṣa muniśārdūlāḥ kathitaḥ prākṛto layaḥ //
Even so, this is spoken of that Lord only by a figure of speech. Thus, O tigers among sages, the dissolution into prakṛti has been described.
AI translation rendered from the Sanskrit, not a published edition