Brahma Purana — Chapter 231
BrP 231.1
आसन्नं विप्रकृष्टं वा यदि कालं न विद्महे ततो द्वापरविध्वंसं युगान्तं स्पृहयामहे ॥
āsannaṃ viprakṛṣṭaṃ vā yadi kālaṃ na vidmahe tato dvāparavidhvaṃsaṃ yugāntaṃ spṛhayāmahe //
If we do not know the time, whether it be near or far off, then we long for the end of the age, the destruction of the Dvāpara.
AI translation rendered from the Sanskrit, not a published edition — the model flagged this verse as uncertain
BrP 231.2
प्राप्ता वयं हि तत् कालम् अनया धर्मतृष्णया आदद्याम परं धर्मं सुखम् अल्पेन कर्मणा ॥
prāptā vayaṃ hi tat kālam anayā dharmatṛṣṇayā ādadyāma paraṃ dharmaṃ sukham alpena karmaṇā //
For we have reached that time through this thirst for dharma; may we take up the highest dharma easily, with little effort.
AI translation rendered from the Sanskrit, not a published edition
BrP 231.3
संत्रासोद्वेगजननं युगान्तं समुपस्थितम् प्रनष्टधर्मं धर्मज्ञ निमित्तैर् वक्तुम् अर्हसि ॥
saṃtrāsodvegajananaṃ yugāntaṃ samupasthitam pranaṣṭadharmaṃ dharmajña nimittair vaktum arhasi //
O knower of dharma, you should tell by (its) signs of the end of the age that has drawn near, that produces terror and agitation, in which dharma has perished.
AI translation rendered from the Sanskrit, not a published edition
BrP 231.4
अरक्षितारो हर्तारो बलिभागस्य पार्थिवाः युगान्ते प्रभविष्यन्ति स्वरक्षणपरायणाः ॥
arakṣitāro hartāro balibhāgasya pārthivāḥ yugānte prabhaviṣyanti svarakṣaṇaparāyaṇāḥ //
At the end of the age kings will arise who do not protect but seize the share of tribute, being intent on guarding themselves.
AI translation rendered from the Sanskrit, not a published edition
BrP 231.5
अक्षत्रियाश् च राजानो विप्राः शूद्रोपजीविनः शूद्राश् च ब्राह्मणाचारा भविष्यन्ति युगक्षये ॥
akṣatriyāś ca rājāno viprāḥ śūdropajīvinaḥ śūdrāś ca brāhmaṇācārā bhaviṣyanti yugakṣaye //
And at the destruction of the age kings will be non-kṣatriyas, brahmins will live off śūdras, and śūdras will have the conduct of brahmins.
AI translation rendered from the Sanskrit, not a published edition
BrP 231.6
श्रोत्रियाः काण्डपृष्ठाश् च निष्कर्माणि हवींषि च एकपङ्क्त्याम् अशिष्यन्ति युगान्ते मुनिसत्तमाः ॥
śrotriyāḥ kāṇḍapṛṣṭhāś ca niṣkarmāṇi havīṃṣi ca ekapaṅktyām aśiṣyanti yugānte munisattamāḥ //
O best of sages, at the end of the age Vedic scholars and kāṇḍapṛṣṭhas (degraded brahmins), and offerings that are without (proper) rites, will eat in a single row.
AI translation rendered from the Sanskrit, not a published edition — the model flagged this verse as uncertain
BrP 231.7
अशिष्टवन्तो ऽर्थपरा नरा मद्यामिषप्रियाः मित्रभार्यां भजिष्यन्ति युगान्ते पुरुषाधमाः ॥
aśiṣṭavanto 'rthaparā narā madyāmiṣapriyāḥ mitrabhāryāṃ bhajiṣyanti yugānte puruṣādhamāḥ //
At the end of the age, basest of men, unrestrained, bent on wealth, fond of liquor and meat, will resort to a friend's wife.
AI translation rendered from the Sanskrit, not a published edition
BrP 231.8
राजवृत्तिस्थिताश् चौरा राजानश् चौरशीलिनः भृत्या ह्य् अनिर्दिष्टभुजो भविष्यन्ति युगक्षये ॥
rājavṛttisthitāś caurā rājānaś cauraśīlinaḥ bhṛtyā hy anirdiṣṭabhujo bhaviṣyanti yugakṣaye //
At the destruction of the age thieves will occupy the office of kings, kings will behave like thieves, and servants will eat what is not assigned (to them).
AI translation rendered from the Sanskrit, not a published edition
BrP 231.9
धनानि श्लाघनीयानि सतां वृत्तम् अपूजितम् अकुत्सना च पतिते भविष्यति युगक्षये ॥
dhanāni ślāghanīyāni satāṃ vṛttam apūjitam akutsanā ca patite bhaviṣyati yugakṣaye //
At the destruction of the age riches will be praiseworthy, the conduct of the good unhonoured, and there will be no censure of one who has fallen.
AI translation rendered from the Sanskrit, not a published edition
BrP 231.10
प्रनष्टनासाः पुरुषा मुक्तकेशा विरूपिणः ऊनषोडशवर्षाश् च प्रसोष्यन्ति तथा स्त्रियः ॥
pranaṣṭanāsāḥ puruṣā muktakeśā virūpiṇaḥ ūnaṣoḍaśavarṣāś ca prasoṣyanti tathā striyaḥ //
Men will be with noses destroyed, with loosened hair, deformed; and women less than sixteen years old will give birth.
AI translation rendered from the Sanskrit, not a published edition
BrP 231.11
अट्टशूला जनपदाः शिवशूलाश् चतुष्पथाः प्रमदाः केशशूलाश् च भविष्यन्ति युगक्षये ॥
aṭṭaśūlā janapadāḥ śivaśūlāś catuṣpathāḥ pramadāḥ keśaśūlāś ca bhaviṣyanti yugakṣaye //
At the destruction of the age the countries will bristle with market-halls, the crossroads with Śiva-emblems, and women will bristle with (elaborate) hair.
AI translation rendered from the Sanskrit, not a published edition — the model flagged this verse as uncertain
BrP 231.12
सर्वे ब्रह्म वदिष्यन्ति द्विजा वाजसनेयिकाः शूद्राभा वादिनश् चैव ब्राह्मणाश् चान्त्यवासिनः ॥
sarve brahma vadiṣyanti dvijā vājasaneyikāḥ śūdrābhā vādinaś caiva brāhmaṇāś cāntyavāsinaḥ //
All twice-born, followers of the Vājasaneya (school), will expound the Veda; and those who speak like śūdras, and brahmins, will dwell among the lowest.
AI translation rendered from the Sanskrit, not a published edition — the model flagged this verse as uncertain
BrP 231.13
शुक्लदन्ता जिताक्षाश् च मुण्डाः काषायवाससः शूद्रा धर्मं वदिष्यन्ति शाठ्यबुद्ध्योपजीविनः ॥
śukladantā jitākṣāś ca muṇḍāḥ kāṣāyavāsasaḥ śūdrā dharmaṃ vadiṣyanti śāṭhyabuddhyopajīvinaḥ //
With white teeth, eyes controlled, shaven-headed, wearing ochre robes, śūdras will expound dharma, living by a deceitful mind.
AI translation rendered from the Sanskrit, not a published edition
BrP 231.14
श्वापदप्रचुरत्वं च गवां चैव परिक्षयः साधूनां परिवृत्तिश् च विद्याद् अन्तगते युगे ॥
śvāpadapracuratvaṃ ca gavāṃ caiva parikṣayaḥ sādhūnāṃ parivṛttiś ca vidyād antagate yuge //
One should know that the age has come to its end (by) the abundance of beasts of prey, the destruction of cows, and the overturning of good men.
AI translation rendered from the Sanskrit, not a published edition
BrP 231.15
अन्त्या मध्ये निवत्स्यन्ति मध्याश् चान्तनिवासिनः निर्ह्रीकाश् च प्रजाः सर्वा नष्टास् तत्र युगक्षये ॥
antyā madhye nivatsyanti madhyāś cāntanivāsinaḥ nirhrīkāś ca prajāḥ sarvā naṣṭās tatra yugakṣaye //
The lowest will dwell in the middle (regions) and the middling will dwell at the outskirts; at the destruction of the age all the people there will be shameless and ruined.
AI translation rendered from the Sanskrit, not a published edition
BrP 231.16
तपोयज्ञफलानां च विक्रेतारो द्विजोत्तमाः ऋतवो विपरीताश् च भविष्यन्ति युगक्षये ॥
tapoyajñaphalānāṃ ca vikretāro dvijottamāḥ ṛtavo viparītāś ca bhaviṣyanti yugakṣaye //
At the destruction of the age the foremost of the twice-born will be sellers of the fruits of austerity and sacrifice, and the seasons will be reversed.
AI translation rendered from the Sanskrit, not a published edition
BrP 231.17
तथा द्विहायना दम्याः कलौ लाङ्गलधारिणः चित्रवर्षी च पर्जन्यो युगे क्षीणे भविष्यति ॥
tathā dvihāyanā damyāḥ kalau lāṅgaladhāriṇaḥ citravarṣī ca parjanyo yuge kṣīṇe bhaviṣyati //
So too in the Kali (age) two-year-old (cattle) will be broken to the yoke as plough-bearers, and when the age is spent the rain-cloud will rain irregularly.
AI translation rendered from the Sanskrit, not a published edition
BrP 231.18
सर्वे शूरकुले जाताः क्षमानाथा भवन्ति हि यथा निम्नाः प्रजाः सर्वा भविष्यन्ति युगक्षये ॥
sarve śūrakule jātāḥ kṣamānāthā bhavanti hi yathā nimnāḥ prajāḥ sarvā bhaviṣyanti yugakṣaye //
All those born in a hero's family become masters of (mere) patience; at the destruction of the age all people will be as if lowly.
AI translation rendered from the Sanskrit, not a published edition — the model flagged this verse as uncertain
BrP 231.19
पितृदेयानि दत्तानि भविष्यन्ति तथा सुताः न च धर्मं चरिष्यन्ति मानवा निर्गते युगे ॥
pitṛdeyāni dattāni bhaviṣyanti tathā sutāḥ na ca dharmaṃ cariṣyanti mānavā nirgate yuge //
Things to be given to the fathers will (merely) have been given, and so will sons be; and when the age has gone men will not practise dharma.
AI translation rendered from the Sanskrit, not a published edition — the model flagged this verse as uncertain
BrP 231.20
ऊषरा बहुला भूमिः पन्थानस् तस्करावृताः सर्वे ॥। वाणिकाश् चैव भविष्यन्ति युगक्षये ॥
ūṣarā bahulā bhūmiḥ panthānas taskarāvṛtāḥ sarve ... vāṇikāś caiva bhaviṣyanti yugakṣaye //
The land (will be) largely saline, the roads infested with thieves, and all ... will become traders at the end of the age.
AI translation rendered from the Sanskrit, not a published edition — the model flagged this verse as uncertain
BrP 231.21
पितृदायाददत्तानि विभजन्ति तथा सुताः हरणे यत्नवन्तो ऽपि लोभादिभिर् विरोधिनः ॥
pitṛdāyādadattāni vibhajanti tathā sutāḥ haraṇe yatnavanto 'pi lobhādibhir virodhinaḥ //
And sons will divide up what has not been given (them) as a paternal inheritance; striving even to seize it, they become opponents of one another through greed and the rest.
AI translation rendered from the Sanskrit, not a published edition — the model flagged this verse as uncertain
BrP 231.22
सौकुमार्ये तथा रूपे रत्ने चोपक्षयं गते भविष्यन्ति युगस्यान्ते नार्यः केशैर् अलंकृताः ॥
saukumārye tathā rūpe ratne copakṣayaṃ gate bhaviṣyanti yugasyānte nāryaḥ keśair alaṃkṛtāḥ //
When delicacy, beauty, and jewels have come to ruin, at the end of the age women will adorn themselves with (their) hair (alone).
AI translation rendered from the Sanskrit, not a published edition
BrP 231.23
निर्वीर्यस्य रतिस् तत्र गृहस्थस्य भविष्यति युगान्ते समनुप्राप्ते नान्या भार्यासमा रतिः ॥
nirvīryasya ratis tatra gṛhasthasya bhaviṣyati yugānte samanuprāpte nānyā bhāryāsamā ratiḥ //
There the pleasure of a householder devoid of vigour will be (only this): when the end of the age has arrived, no pleasure other than (that which is) equal to a wife.
AI translation rendered from the Sanskrit, not a published edition — the model flagged this verse as uncertain
BrP 231.24
कुशीलानार्यभूयिष्ठा वृथारूपसमन्विताः पुरुषाल्पं बहुस्त्रीकं तद् युगान्तस्य लक्षणम् ॥
kuśīlānāryabhūyiṣṭhā vṛthārūpasamanvitāḥ puruṣālpaṃ bahustrīkaṃ tad yugāntasya lakṣaṇam //
(People will be) mostly of bad conduct and ignoble, endowed with a pointless beauty; few men, many women — that is the mark of the age's end.
AI translation rendered from the Sanskrit, not a published edition
BrP 231.25
बहुयाचनको लोको न दास्यति परस्परम् राजचौराग्निदण्डादिक्षीणः क्षयम् उपैष्यति ॥
bahuyācanako loko na dāsyati parasparam rājacaurāgnidaṇḍādikṣīṇaḥ kṣayam upaiṣyati //
The world (will be) much given to begging; they will not give to one another; diminished by kings, thieves, fire, punishment and the like, it will go to ruin.
AI translation rendered from the Sanskrit, not a published edition
BrP 231.26
अफलानि च सस्यानि तरुणा वृद्धशीलिनः अशीलाः सुखिनो लोके भविष्यन्ति युगक्षये ॥
aphalāni ca sasyāni taruṇā vṛddhaśīlinaḥ aśīlāḥ sukhino loke bhaviṣyanti yugakṣaye //
Crops (will be) without fruit, the young will behave like old men, and the unprincipled will be the happy ones in the world at the destruction of the age.
AI translation rendered from the Sanskrit, not a published edition
BrP 231.27
वर्षासु परुषा वाता नीचाः शर्करवर्षिणः संदिग्धः परलोकश् च भविष्यति युगक्षये ॥
varṣāsu paruṣā vātā nīcāḥ śarkaravarṣiṇaḥ saṃdigdhaḥ paralokaś ca bhaviṣyati yugakṣaye //
In the rainy seasons (there will be) harsh winds, low (clouds) raining gravel, and the next world will become doubtful at the destruction of the age.
AI translation rendered from the Sanskrit, not a published edition
BrP 231.28
वैश्या इव च राजन्या धनधान्योपजीविनः युगापक्रमणे पूर्वं भविष्यन्ति न बान्धवाः ॥
vaiśyā iva ca rājanyā dhanadhānyopajīvinaḥ yugāpakramaṇe pūrvaṃ bhaviṣyanti na bāndhavāḥ //
And kings, like vaiśyas, living off wealth and grain — at the departure of the age, earlier (kinsmen) will not remain kinsmen.
AI translation rendered from the Sanskrit, not a published edition — the model flagged this verse as uncertain
BrP 231.29
अप्रवृत्ताः प्रपश्यन्ति समयाः शपथास् तथा ऋणं सविनयभ्रंशं युगे क्षीणे भविष्यति ॥
apravṛttāḥ prapaśyanti samayāḥ śapathās tathā ṛṇaṃ savinayabhraṃśaṃ yuge kṣīṇe bhaviṣyati //
Agreements and oaths they regard as not (binding) when unperformed; debt together with the collapse of good conduct will exist when the age is spent.
AI translation rendered from the Sanskrit, not a published edition — the model flagged this verse as uncertain
BrP 231.30
भविष्यत्य् अफलो हर्षः क्रोधश् च सफलो नृणाम् अजाश् चापि निरोत्स्यन्ति पयसो ऽर्थे युगक्षये ॥
bhaviṣyaty aphalo harṣaḥ krodhaś ca saphalo nṛṇām ajāś cāpi nirotsyanti payaso 'rthe yugakṣaye //
Men's joy will be fruitless and their anger fruitful; and even goats will be penned up for the sake of milk at the destruction of the age.
AI translation rendered from the Sanskrit, not a published edition — the model flagged this verse as uncertain
BrP 231.31
अशास्त्रविहितो यज्ञ एवम् एव भविष्यति अप्रमाणं करिष्यन्ति नराः पण्डितमानिनः ॥
aśāstravihito yajña evam eva bhaviṣyati apramāṇaṃ kariṣyanti narāḥ paṇḍitamāninaḥ //
Sacrifice not prescribed by the scriptures will likewise come about; men who think themselves learned will make (what is) no authority (into authority).
AI translation rendered from the Sanskrit, not a published edition — the model flagged this verse as uncertain
BrP 231.32
शास्त्रोक्तस्याप्रवक्तारो भविष्यन्ति न संशयः सर्वः सर्वं विजानाति वृद्धान् अनुपसेव्य वै ॥
śāstroktasyāpravaktāro bhaviṣyanti na saṃśayaḥ sarvaḥ sarvaṃ vijānāti vṛddhān anupasevya vai //
They will become non-reciters of what is stated in the scriptures — there is no doubt; everyone knows everything without having served the elders.
AI translation rendered from the Sanskrit, not a published edition
BrP 231.33
न कश्चिद् अकविर् नाम युगान्ते समुपस्थिते नक्षत्राणि वियोगानि न कर्मस्था द्विजातयः ॥
na kaścid akavir nāma yugānte samupasthite nakṣatrāṇi viyogāni na karmasthā dvijātayaḥ //
No one at all is (called) 'no poet' when the end of the age has arrived; the lunar mansions are out of joint, and the twice-born do not abide in (their proper) rites.
AI translation rendered from the Sanskrit, not a published edition — the model flagged this verse as uncertain
BrP 231.34
चौरप्रायाश् च राजानो युगान्ते समुपस्थिते कुण्डीवृषा नैकृतिकाः सुरापा ब्रह्मवादिनः ॥
cauraprāyāś ca rājāno yugānte samupasthite kuṇḍīvṛṣā naikṛtikāḥ surāpā brahmavādinaḥ //
And kings (will be) practically thieves when the end of the age has arrived; the bull-like keepers of pots(?) are cheats, drinkers of liquor, (yet) expounders of brahman.
AI translation rendered from the Sanskrit, not a published edition — the model flagged this verse as uncertain
BrP 231.35
अश्वमेधेन यक्ष्यन्ते युगान्ते द्विजसत्तमाः याजयिष्यन्त्य् अयाज्यांस् तु तथाभक्ष्यस्य भक्षिणः ॥
aśvamedhena yakṣyante yugānte dvijasattamāḥ yājayiṣyanty ayājyāṃs tu tathābhakṣyasya bhakṣiṇaḥ //
At the end of the age the best of the twice-born will sacrifice with the horse-sacrifice; but they will conduct sacrifices for those unfit to sacrifice, and likewise eat what should not be eaten.
AI translation rendered from the Sanskrit, not a published edition
BrP 231.36
ब्राह्मणा धनतृष्णार्ता युगान्ते समुपस्थिते भोःशब्दम् अभिधास्यन्ति न च कश्चित् पठिष्यति ॥
brāhmaṇā dhanatṛṣṇārtā yugānte samupasthite bhoḥśabdam abhidhāsyanti na ca kaścit paṭhiṣyati //
Brahmins afflicted by thirst for wealth, when the end of the age has arrived, will utter the word 'Bho!' (in address), and no one will study (the Veda).
AI translation rendered from the Sanskrit, not a published edition
BrP 231.37
एकशङ्खास् तथा नार्यो गवेधुकपिनद्धकाः नक्षत्राणि विवर्णानि विपरिता दिशो दश ॥
ekaśaṅkhās tathā nāryo gavedhukapinaddhakāḥ nakṣatrāṇi vivarṇāni viparitā diśo daśa //
And women (will wear) a single shell (bangle), bound about with gavedhukā (grass); the lunar mansions (will be) discoloured, and the ten directions reversed.
AI translation rendered from the Sanskrit, not a published edition — the model flagged this verse as uncertain
BrP 231.38
संध्यारागो विदग्धाङ्गो भविष्यति युगक्षये प्रेषयन्ति पितॄन् पुत्रा वधूः श्वश्रूः स्वकर्मसु ॥
saṃdhyārāgo vidagdhāṅgo bhaviṣyati yugakṣaye preṣayanti pitṝn putrā vadhūḥ śvaśrūḥ svakarmasu //
The glow of twilight will have a scorched appearance at the destruction of the age; sons will send their fathers, and daughters-in-law their mothers-in-law, on their own errands.
AI translation rendered from the Sanskrit, not a published edition — the model flagged this verse as uncertain
BrP 231.39
युगेष्व् एवं निवत्स्यन्ति प्रमदाश् च नरास् तथा अकृत्वाग्राणि भोक्ष्यन्ति द्विजाश् चैवाहुताग्नयः ॥
yugeṣv evaṃ nivatsyanti pramadāś ca narās tathā akṛtvāgrāṇi bhokṣyanti dvijāś caivāhutāgnayaḥ //
Thus will women and men dwell in the (later) ages: they will eat without having made the first offerings, and the twice-born without having offered into the fire.
AI translation rendered from the Sanskrit, not a published edition
BrP 231.40
भिक्षां बलिम् अदत्त्वा च भोक्ष्यन्ति पुरुषाः स्वयम् वञ्चयित्वा पतीन् सुप्तान् गमिष्यन्ति स्त्रियो ऽन्यतः ॥
bhikṣāṃ balim adattvā ca bhokṣyanti puruṣāḥ svayam vañcayitvā patīn suptān gamiṣyanti striyo 'nyataḥ //
Men will eat by themselves, without having given alms or the offering-portion; and women, deceiving their husbands while they sleep, will go off elsewhere.
AI translation rendered from the Sanskrit, not a published edition
BrP 231.41
न व्याधितान् नाप्य् अरूपान् नोद्यतान् नाप्य् असूयकान् कृते न प्रतिकर्ता च युगे क्षीणे भविष्यति ॥
na vyādhitān nāpy arūpān nodyatān nāpy asūyakān kṛte na pratikartā ca yuge kṣīṇe bhaviṣyati //
When the yuga is worn down, there will be no one who returns a good deed done—neither for the sick, nor for the ill-favoured, nor for those who exert themselves, nor for those free of envy.
AI translation rendered from the Sanskrit, not a published edition — the model flagged this verse as uncertain
BrP 231.42
एवं विलम्बिते धर्मे मानुषाः करपीडिताः कुत्र देशे निवत्स्यन्ति किमाहारविहारिणः ॥
evaṃ vilambite dharme mānuṣāḥ karapīḍitāḥ kutra deśe nivatsyanti kimāhāravihāriṇaḥ //
When dharma is thus held back, where will men, oppressed by taxes, dwell, and on what food will they live?
AI translation rendered from the Sanskrit, not a published edition
BrP 231.43
किंकर्माणः किमीहन्तः किंप्रमाणाः किमायुषः कां च काष्ठां समासाद्य प्रपत्स्यन्ति कृतं युगम् ॥
kiṃkarmāṇaḥ kimīhantaḥ kiṃpramāṇāḥ kimāyuṣaḥ kāṃ ca kāṣṭhāṃ samāsādya prapatsyanti kṛtaṃ yugam //
Doing what deeds, striving for what, of what measure, of what life-span, and reaching what limit will they attain the Kṛta age?
AI translation rendered from the Sanskrit, not a published edition
BrP 231.44
अत ऊर्ध्वं च्युते धर्मे गुणहीनाः प्रजास् तथा शीलव्यसनम् आसाद्य प्राप्स्यन्ति ह्रासम् आयुषः ॥
ata ūrdhvaṃ cyute dharme guṇahīnāḥ prajās tathā śīlavyasanam āsādya prāpsyanti hrāsam āyuṣaḥ //
After that, when dharma has fallen away, the creatures too, devoid of virtues, falling into the ruin of good conduct, will meet with a shortening of life-span.
AI translation rendered from the Sanskrit, not a published edition
BrP 231.45
आयुर्हान्या बलग्नानिर् बलग्नान्या विवर्णता वैवर्ण्याद् व्याधिसंपीडा निर्वेदो व्याधिपीडनात् ॥
āyurhānyā balagnānir balagnānyā vivarṇatā vaivarṇyād vyādhisaṃpīḍā nirvedo vyādhipīḍanāt //
From the loss of life-span comes the failing of strength; from the failing of strength, discoloration; from pallor, affliction by disease; from the torment of disease, disgust (with the world).
AI translation rendered from the Sanskrit, not a published edition
BrP 231.46
निर्वेदाद् आत्मसंबोधः संबोधाद् धर्मशीलता एवं गत्वा परां काष्ठां प्रपत्स्यन्ति कृतं युगम् ॥
nirvedād ātmasaṃbodhaḥ saṃbodhād dharmaśīlatā evaṃ gatvā parāṃ kāṣṭhāṃ prapatsyanti kṛtaṃ yugam //
From disgust comes awakening to the self; from awakening, the practice of dharma. Having gone thus to the furthest limit, they will attain the Kṛta age.
AI translation rendered from the Sanskrit, not a published edition
BrP 231.47
उद्देशतो धर्मशीलाः केचिन् मध्यस्थतां गताः किंधर्मशीलाः केचित् तु केचिद् अत्र कुतूहलाः ॥
uddeśato dharmaśīlāḥ kecin madhyasthatāṃ gatāḥ kiṃdharmaśīlāḥ kecit tu kecid atra kutūhalāḥ //
Some, in a general way, practise dharma; some have reached a middling state; but some are of what sort of dharma?—and some here are merely curious.
AI translation rendered from the Sanskrit, not a published edition — the model flagged this verse as uncertain
BrP 231.48
प्रत्यक्षम् अनुमानं च प्रमाणम् इति निश्चिताः अप्रमाणं करिष्यन्ति सर्वम् इत्य् अपरे जनाः ॥
pratyakṣam anumānaṃ ca pramāṇam iti niścitāḥ apramāṇaṃ kariṣyanti sarvam ity apare janāḥ //
Some are settled on this: that perception and inference are the means of knowledge; other people will make everything no means of knowledge at all.
AI translation rendered from the Sanskrit, not a published edition
BrP 231.49
नास्तिक्यपरताश् चापि केचिद् धर्मविलोपकाः भविष्यन्ति नरा मूढा द्विजाः पण्डितमानिनः ॥
nāstikyaparatāś cāpi kecid dharmavilopakāḥ bhaviṣyanti narā mūḍhā dvijāḥ paṇḍitamāninaḥ //
And some men, given over to denial (of the beyond), will be destroyers of dharma—deluded men, and twice-born who fancy themselves learned.
AI translation rendered from the Sanskrit, not a published edition
BrP 231.50
तदात्वमात्रश्रद्धेया शास्त्रज्ञानबहिष्कृताः दाम्भिकास् ते भविष्यन्ति नरा ज्ञानविलोपिताः ॥
tadātvamātraśraddheyā śāstrajñānabahiṣkṛtāḥ dāmbhikās te bhaviṣyanti narā jñānavilopitāḥ //
Trusting only in what is momentary, excluded from knowledge of the scriptures, those men will be hypocrites, robbed of knowledge.
AI translation rendered from the Sanskrit, not a published edition
BrP 231.51
तथा विलुलिते धर्मे जनाः श्रेष्ठपुरस्कृताः शुभान् समाचरिष्यन्ति दानशीलपरायणाः ॥
tathā vilulite dharme janāḥ śreṣṭhapuraskṛtāḥ śubhān samācariṣyanti dānaśīlaparāyaṇāḥ //
So too, when dharma is disordered, people who put the best foremost will practise auspicious deeds, devoted to giving and good conduct.
AI translation rendered from the Sanskrit, not a published edition
BrP 231.52
सर्वभक्षाः स्वयंगुप्ता निर्घृणा निरपत्रपाः भविष्यन्ति तदा लोके तत् कषायस्य लक्षणम् ॥
sarvabhakṣāḥ svayaṃguptā nirghṛṇā nirapatrapāḥ bhaviṣyanti tadā loke tat kaṣāyasya lakṣaṇam //
Then in the world (men) will be eaters of everything, self-concealed, pitiless, shameless: that is the mark of the (age of) decay.
AI translation rendered from the Sanskrit, not a published edition
BrP 231.53
कषायोपप्लवे काले ज्ञाननिष्ठाप्रणाशने सिद्धिम् अल्पेन कालेन प्राप्स्यन्ति निरुपस्कृताः ॥
kaṣāyopaplave kāle jñānaniṣṭhāpraṇāśane siddhim alpena kālena prāpsyanti nirupaskṛtāḥ //
In the time when the decay overwhelms (all), when steadfastness in knowledge is destroyed, those without appurtenances will attain success in a short time.
AI translation rendered from the Sanskrit, not a published edition — the model flagged this verse as uncertain
BrP 231.54
विप्राणां शाश्वतीं वृत्तिं यदा वर्णावरे जनाः संश्रयिष्यन्ति भो विप्रास् तत् कषायस्य लक्षणम् ॥
viprāṇāṃ śāśvatīṃ vṛttiṃ yadā varṇāvare janāḥ saṃśrayiṣyanti bho viprās tat kaṣāyasya lakṣaṇam //
When men of a lower class take to the perpetual livelihood of brahmins—O brahmins, that is the mark of the decay.
AI translation rendered from the Sanskrit, not a published edition
BrP 231.55
महायुद्धं महावर्षं महावातं महातपः भविष्यति युगे क्षीणे तत् कषायस्य लक्षणम् ॥
mahāyuddhaṃ mahāvarṣaṃ mahāvātaṃ mahātapaḥ bhaviṣyati yuge kṣīṇe tat kaṣāyasya lakṣaṇam //
There will be great war, great rain, great wind, great heat when the yuga is worn down: that is the mark of the decay.
AI translation rendered from the Sanskrit, not a published edition
BrP 231.56
विप्ररूपेण यक्षांसि राजानः कर्णवेदिनः पृथिवीम् उपभोक्ष्यन्ति युगान्ते समुपस्थिते ॥
viprarūpeṇa yakṣāṃsi rājānaḥ karṇavedinaḥ pṛthivīm upabhokṣyanti yugānte samupasthite //
When the end of the yuga has come, yakṣas in the guise of brahmins, and kings who judge by (what reaches their) ears, will consume the earth.
AI translation rendered from the Sanskrit, not a published edition — the model flagged this verse as uncertain
BrP 231.57
निःस्वाध्यायवषट्काराः कुनेतारो ऽभिमानिनः क्रव्यादा ब्रह्मरूपेण सर्वभक्ष्या वृथाव्रताः ॥
niḥsvādhyāyavaṣaṭkārāḥ kunetāro 'bhimāninaḥ kravyādā brahmarūpeṇa sarvabhakṣyā vṛthāvratāḥ //
Without private recitation or the vaṣaṭ-call, bad guides, full of conceit, flesh-eaters in the form of brahmins, eating everything, their vows in vain,
AI translation rendered from the Sanskrit, not a published edition
BrP 231.58
मूर्खाश् चार्थपरा लुब्धाः क्षुद्राः क्षुद्रपरिच्छदाः व्यवहारोपवृत्ताश् च च्युता धर्माश् च शाश्वतात् ॥
mūrkhāś cārthaparā lubdhāḥ kṣudrāḥ kṣudraparicchadāḥ vyavahāropavṛttāś ca cyutā dharmāś ca śāśvatāt //
and fools bent on wealth, greedy, mean, with mean trappings, living by litigation, and fallen from the eternal dharma,
AI translation rendered from the Sanskrit, not a published edition
BrP 231.59
हर्तारः पररत्नानां परदारप्रधर्षकाः कामात्मानो दुरात्मानः सोपधाः प्रियसाहसाः ॥
hartāraḥ pararatnānāṃ paradārapradharṣakāḥ kāmātmāno durātmānaḥ sopadhāḥ priyasāhasāḥ //
stealers of others' jewels, violators of others' wives, ruled by desire, evil-natured, deceitful, fond of reckless violence.
AI translation rendered from the Sanskrit, not a published edition
BrP 231.60
तेषु प्रभवमाणेषु जनेष्व् अपि च सर्वशः अभाविनो भविष्यन्ति मुनयो बहुरूपिणः ॥
teṣu prabhavamāṇeṣu janeṣv api ca sarvaśaḥ abhāvino bhaviṣyanti munayo bahurūpiṇaḥ //
While those people are flourishing everywhere, there will also arise sages of many forms who ought not to be (i.e. who are unreal, without true being).
AI translation rendered from the Sanskrit, not a published edition — the model flagged this verse as uncertain
BrP 231.61
कलौ युगे समुत्पन्नाः प्रधानपुरुषाश् च ये कथायोगेन तान् सर्वान् पूजयिष्यन्ति मानवाः ॥
kalau yuge samutpannāḥ pradhānapuruṣāś ca ye kathāyogena tān sarvān pūjayiṣyanti mānavāḥ //
And those chief men who are born in the Kali age — all of them men will honour on account of (their) tale-telling.
AI translation rendered from the Sanskrit, not a published edition — the model flagged this verse as uncertain
BrP 231.62
सस्यचौरा भविष्यन्ति तथा चैलापहारिणः भोक्ष्यभोज्यहराश् चैव करण्डानां च हारिणः ॥
sasyacaurā bhaviṣyanti tathā cailāpahāriṇaḥ bhokṣyabhojyaharāś caiva karaṇḍānāṃ ca hāriṇaḥ //
There will be stealers of grain, and likewise carriers-off of clothes, takers of food and drink, and stealers of baskets.
AI translation rendered from the Sanskrit, not a published edition
BrP 231.63
चौराश् चौरस्य हर्तारो हन्ता हन्तुर् भविष्यति चौरैश् चौरक्षये चापि कृते क्षेमं भविष्यति ॥
caurāś caurasya hartāro hantā hantur bhaviṣyati cauraiś caurakṣaye cāpi kṛte kṣemaṃ bhaviṣyati //
Thieves will be robbers of a thief, and a killer will be the killer of a killer; and when the destruction of thieves has been brought about by thieves, there will be safety.
AI translation rendered from the Sanskrit, not a published edition
BrP 231.64
निःसारे क्षुभिते काले निष्क्रिये संव्यवस्थिते नरा वनं श्रयिष्यन्ति करभारप्रपीडिताः ॥
niḥsāre kṣubhite kāle niṣkriye saṃvyavasthite narā vanaṃ śrayiṣyanti karabhāraprapīḍitāḥ //
When the age is without substance, turbulent, and settled into inactivity, men, oppressed by the burden of taxes, will take refuge in the forest.
AI translation rendered from the Sanskrit, not a published edition
BrP 231.65
यज्ञकर्मण्य् उपरते रक्षांसि श्वापदानि च कीटमूषिकसर्पाश् च धर्षयिष्यन्ति मानवान् ॥
yajñakarmaṇy uparate rakṣāṃsi śvāpadāni ca kīṭamūṣikasarpāś ca dharṣayiṣyanti mānavān //
When sacrificial rites have ceased, demons and beasts of prey, and worms, mice and snakes will assail men.
AI translation rendered from the Sanskrit, not a published edition
BrP 231.66
क्षेमं सुभिक्षम् आरोग्यं सामग्र्यं चैव बन्धुषु उद्देशेषु नराः श्रेष्ठा भविष्यन्ति युगक्षये ॥
kṣemaṃ subhikṣam ārogyaṃ sāmagryaṃ caiva bandhuṣu uddeśeṣu narāḥ śreṣṭhā bhaviṣyanti yugakṣaye //
Safety, plenty of food, health, and completeness among kinsmen — in (certain) regions men will be the best, at the age's ending.
AI translation rendered from the Sanskrit, not a published edition — the model flagged this verse as uncertain
BrP 231.67
स्वयंपालाः स्वयं चौराः प्लवसंभारसंभृताः मण्डलैः संभविष्यन्ति देशे देशे पृथक् पृथक् ॥
svayaṃpālāḥ svayaṃ caurāḥ plavasaṃbhārasaṃbhṛtāḥ maṇḍalaiḥ saṃbhaviṣyanti deśe deśe pṛthak pṛthak //
Their own protectors, themselves thieves, provisioned with rafts and stores, they will come into being in groups (maṇḍalas), separately in country after country.
AI translation rendered from the Sanskrit, not a published edition — the model flagged this verse as uncertain
BrP 231.68
स्वदेशेभ्यः परिभ्रष्टा निःसाराः सह बन्धुभिः नराः सर्वे भविष्यन्ति तदा कालपरिक्षयात् ॥
svadeśebhyaḥ paribhraṣṭā niḥsārāḥ saha bandhubhiḥ narāḥ sarve bhaviṣyanti tadā kālaparikṣayāt //
Fallen away from their own countries, without resources, together with their kinsmen, all men will then become so, through the wasting away of the age.
AI translation rendered from the Sanskrit, not a published edition
BrP 231.69
ततः सर्वे समादाय कुमारान् प्रद्रुता भयात् कौशिकीं संतरिष्यन्ति नराः क्षुद्भयपीडिताः ॥
tataḥ sarve samādāya kumārān pradrutā bhayāt kauśikīṃ saṃtariṣyanti narāḥ kṣudbhayapīḍitāḥ //
Then all, taking up their children, fleeing out of fear, men afflicted by hunger and fear will cross over the Kauśikī.
AI translation rendered from the Sanskrit, not a published edition
BrP 231.70
अङ्गान् वङ्गान् कलिङ्गांश् च काश्मीरान् अथ कोशलान् ऋषिकान्तगिरिद्रोणीः संश्रयिष्यन्ति मानवाः ॥
aṅgān vaṅgān kaliṅgāṃś ca kāśmīrān atha kośalān ṛṣikāntagiridroṇīḥ saṃśrayiṣyanti mānavāḥ //
Men will take refuge in the Aṅgas, Vaṅgas, and Kaliṅgas, the Kāśmīras and the Kośalas, and in mountain valleys pleasing to sages,
AI translation rendered from the Sanskrit, not a published edition
BrP 231.71
कृत्स्नं च हिमवत्पार्श्वं कूलं च लवणाम्भसः विविधं जीर्णपत्त्रं च वल्कलान्य् अजिनानि च ॥
kṛtsnaṃ ca himavatpārśvaṃ kūlaṃ ca lavaṇāmbhasaḥ vividhaṃ jīrṇapattraṃ ca valkalāny ajināni ca //
and in the whole flank of the Himālaya and the shore of the salt water; and (making) for themselves various worn leaf-garments, bark-garments and skins,
AI translation rendered from the Sanskrit, not a published edition
BrP 231.72
स्वयं कृत्वा निवत्स्यन्ति तस्मिन् भूते युगक्षये अरण्येषु च वत्स्यन्ति नरा म्लेच्छगणैः सह ॥
svayaṃ kṛtvā nivatsyanti tasmin bhūte yugakṣaye araṇyeṣu ca vatsyanti narā mlecchagaṇaiḥ saha //
having made (them) themselves, they will dwell (there) when that ending of the age has come about; and men will live in the wildernesses together with troops of barbarians.
AI translation rendered from the Sanskrit, not a published edition
BrP 231.73
नैव शून्या नवारण्या भविष्यति वसुंधरा अगोप्तारश् च गोप्तारो भविष्यन्ति नराधिपाः ॥
naiva śūnyā navāraṇyā bhaviṣyati vasuṃdharā agoptāraś ca goptāro bhaviṣyanti narādhipāḥ //
The earth will not be empty, nor without wildernesses; and the rulers of men, who are no protectors, will (yet) be called protectors.
AI translation rendered from the Sanskrit, not a published edition — the model flagged this verse as uncertain
BrP 231.74
मृगैर् मत्स्यैर् विहंगैश् च श्वापदैः सर्पकीटकैः मधुशाकफलैर् मूलैर् वर्तयिष्यन्ति मानवाः ॥
mṛgair matsyair vihaṃgaiś ca śvāpadaiḥ sarpakīṭakaiḥ madhuśākaphalair mūlair vartayiṣyanti mānavāḥ //
Men will subsist on deer, fish, birds, beasts of prey, snakes and insects, on honey, greens, fruits and roots.
AI translation rendered from the Sanskrit, not a published edition
BrP 231.75
शीर्णपर्णफलाहारा वल्कलान्य् अजिनानि च स्वयं कृत्वा निवत्स्यन्ति यथा मुनिजनस् तथा ॥
śīrṇaparṇaphalāhārā valkalāny ajināni ca svayaṃ kṛtvā nivatsyanti yathā munijanas tathā //
Eating fallen leaves and fruit, having themselves made bark-garments and skins, they will live just as the community of sages does.
AI translation rendered from the Sanskrit, not a published edition
BrP 231.76
बीजानाम् अकृतस्नेहा आहताः काष्ठशङ्कुभिः अजैडकं खरोष्ट्रं च पालयिष्यन्ति नित्यशः ॥
bījānām akṛtasnehā āhatāḥ kāṣṭhaśaṅkubhiḥ ajaiḍakaṃ kharoṣṭraṃ ca pālayiṣyanti nityaśaḥ //
Not having prepared oil from seeds, beaten with wooden pegs, they will constantly tend goats and sheep, donkeys and camels.
AI translation rendered from the Sanskrit, not a published edition — the model flagged this verse as uncertain
BrP 231.77
नदीस्रोतांसि रोत्स्यन्ति तोयार्थं कूलम् आश्रिताः पक्वान्नव्यवहारेण विपणन्तः परस्परम् ॥
nadīsrotāṃsi rotsyanti toyārthaṃ kūlam āśritāḥ pakvānnavyavahāreṇa vipaṇantaḥ parasparam //
They will dam the streams of rivers, dwelling on the bank for the sake of water, trading with one another by barter of cooked food.
AI translation rendered from the Sanskrit, not a published edition
BrP 231.78
तनूरुहैर् यथाजातैः समलान्तरसंभृतैः बह्वपत्याः प्रजाहीनाः कुलशीलविवर्जिताः ॥
tanūruhair yathājātaiḥ samalāntarasaṃbhṛtaiḥ bahvapatyāḥ prajāhīnāḥ kulaśīlavivarjitāḥ //
With body-hair just as it grew, matted with accumulated filth, having many offspring (yet) bereft of progeny, devoid of family and good conduct,
AI translation rendered from the Sanskrit, not a published edition — the model flagged this verse as uncertain
BrP 231.79
एवं भविष्यन्ति तदा नराश् चाधर्मजीविनः हीना हीनं तथा धर्मं प्रजा समनुवत्स्यति ॥
evaṃ bhaviṣyanti tadā narāś cādharmajīvinaḥ hīnā hīnaṃ tathā dharmaṃ prajā samanuvatsyati //
thus will men then be, living by unrighteousness; and the people, being debased, will follow after a debased dharma.
AI translation rendered from the Sanskrit, not a published edition
BrP 231.80
आयुस् तत्र च मर्त्यानां परं त्रिंशद् भविष्यति दुर्बला विषयग्लाना जराशोकैर् अभिप्लुताः ॥
āyus tatra ca martyānāṃ paraṃ triṃśad bhaviṣyati durbalā viṣayaglānā jarāśokair abhiplutāḥ //
And there the lifespan of mortals will be thirty at most; (they will be) feeble, worn out by objects of sense, overwhelmed by old age and sorrows.
AI translation rendered from the Sanskrit, not a published edition
BrP 231.81
भविष्यन्ति तदा तेषां रोगैर् इन्द्रियसंक्षयः आयुःप्रत्ययसंरोधाद् विषयाद् उपरंस्यते ॥
bhaviṣyanti tadā teṣāṃ rogair indriyasaṃkṣayaḥ āyuḥpratyayasaṃrodhād viṣayād uparaṃsyate //
Then their sense-faculties will waste away through diseases; because the supports of life are cut off, (a man) will turn away from objects of sense.
AI translation rendered from the Sanskrit, not a published edition
BrP 231.82
शुश्रूषवो भविष्यन्ति साधूनां दर्शने रताः सत्यं च प्रतिपत्स्यन्ति व्यवहारोपसंक्षयात् ॥
śuśrūṣavo bhaviṣyanti sādhūnāṃ darśane ratāḥ satyaṃ ca pratipatsyanti vyavahāropasaṃkṣayāt //
They will become willing to listen (and serve), delighting in the sight of good men, and they will take up truth, since litigious dealings have come to an end.
AI translation rendered from the Sanskrit, not a published edition
BrP 231.83
भविष्यन्ति च कामानाम् अलाभाद् धर्मशीलिनः करिष्यन्ति च संस्कारं स्वयं च क्षयपीडिताः ॥
bhaviṣyanti ca kāmānām alābhād dharmaśīlinaḥ kariṣyanti ca saṃskāraṃ svayaṃ ca kṣayapīḍitāḥ //
And through not obtaining the objects of desire they will become of righteous conduct, and, afflicted by decline, they will perform the rites of consecration themselves.
AI translation rendered from the Sanskrit, not a published edition
BrP 231.84
एवं शुश्रूषवो दाने सत्ये प्राण्यभिरक्षणे ततः पादप्रवृत्ते तु धर्मे श्रेयो निपत्स्यते ॥
evaṃ śuśrūṣavo dāne satye prāṇyabhirakṣaṇe tataḥ pādapravṛtte tu dharme śreyo nipatsyate //
Thus, being willing (to serve), in giving, in truth, in the protection of living creatures — then, when dharma has come into operation by a quarter, the good will come to pass.
AI translation rendered from the Sanskrit, not a published edition — the model flagged this verse as uncertain
BrP 231.85
तेषां लब्धानुमानानां गुणेषु परिवर्तताम् स्वादु किं त्व् इति विज्ञाय धर्म एव च दृश्यते ॥
teṣāṃ labdhānumānānāṃ guṇeṣu parivartatām svādu kiṃ tv iti vijñāya dharma eva ca dṛśyate //
For them, who have obtained (the power of) inference and who turn about among the qualities, dharma alone is seen, once they have understood, "But what is truly sweet?"
AI translation rendered from the Sanskrit, not a published edition — the model flagged this verse as uncertain
BrP 231.86
यथा हानिक्रमं प्राप्तास् तथा ऋद्धिक्रमं गताः प्रगृहीते ततो धर्मे प्रपश्यन्ति कृतं युगम् ॥
yathā hānikramaṃ prāptās tathā ṛddhikramaṃ gatāḥ pragṛhīte tato dharme prapaśyanti kṛtaṃ yugam //
As they reached the course of decline, so they go the course of increase; then, dharma being taken up, they behold the Kṛta age.
AI translation rendered from the Sanskrit, not a published edition
BrP 231.87
साधुवृत्तिः कृतयुगे कषाये हानिर् उच्यते एक एव तु कालो ऽयं हीनवर्णो यथा शशी ॥
sādhuvṛttiḥ kṛtayuge kaṣāye hānir ucyate eka eva tu kālo 'yaṃ hīnavarṇo yathā śaśī //
Good conduct belongs to the Kṛta age; in the astringent (age) it is called decline. But this time is one and the same, (only) of faded colour, like the moon.
AI translation rendered from the Sanskrit, not a published edition — the model flagged this verse as uncertain
BrP 231.88
छन्नश् च तमसा सोमो यथा कलियुगं तथा मुक्तश् च तमसा सोम एवं कृतयुगं च तत् ॥
channaś ca tamasā somo yathā kaliyugaṃ tathā muktaś ca tamasā soma evaṃ kṛtayugaṃ ca tat //
And as the moon is covered by darkness, so is the Kali age; and as the moon is freed from darkness, so is that Kṛta age.
AI translation rendered from the Sanskrit, not a published edition
BrP 231.89
अर्थवादः परं ब्रह्म वेदार्थ इति तं विदुः अविविक्तम् अविज्ञातं दायाद्यम् इह धार्यते ॥
arthavādaḥ paraṃ brahma vedārtha iti taṃ viduḥ aviviktam avijñātaṃ dāyādyam iha dhāryate //
Laudatory statement (arthavāda) is the highest brahman — thus they know it to be the meaning of the Veda; undistinguished and unrecognized, it is here maintained as an inheritance.
AI translation rendered from the Sanskrit, not a published edition — the model flagged this verse as uncertain
BrP 231.90
इष्टवादस् तपो नाम तपो हि स्थविरीकृतः गुणैः कर्माभिनिर्वृत्तिर् गुणाः शुध्यन्ति कर्मणा ॥
iṣṭavādas tapo nāma tapo hi sthavirīkṛtaḥ guṇaiḥ karmābhinirvṛttir guṇāḥ śudhyanti karmaṇā //
A declaration of what is desired is called tapas, for tapas has been made firm (thereby); by the qualities comes the accomplishment of action, and the qualities are purified by action.
AI translation rendered from the Sanskrit, not a published edition — the model flagged this verse as uncertain
BrP 231.91
आशीस् तु पुरुषं दृष्ट्वा देशकालानुवर्तिनी युगे युगे यथाकालम् ऋषिभिः समुदाहृता ॥
āśīs tu puruṣaṃ dṛṣṭvā deśakālānuvartinī yuge yuge yathākālam ṛṣibhiḥ samudāhṛtā //
But the blessing, conforming to place and time and regarding the (particular) man, has been uttered by the seers in each age according to the time.
AI translation rendered from the Sanskrit, not a published edition
BrP 231.92
धर्मार्थकाममोक्षाणां देवानां च प्रतिक्रिया आशिषश् च शिवाः पुण्यास् तथैवायुर् युगे युगे ॥
dharmārthakāmamokṣāṇāṃ devānāṃ ca pratikriyā āśiṣaś ca śivāḥ puṇyās tathaivāyur yuge yuge //
The requital of dharma, wealth, pleasure and release, and of the gods, and blessings auspicious and meritorious, and likewise lifespan — (all this differs) in each age.
AI translation rendered from the Sanskrit, not a published edition — the model flagged this verse as uncertain
BrP 231.93
तथा युगानां परिवर्तनानि चिरप्रवृत्तानि विधिस्वभावात् क्षणं न संतिष्ठति जीवलोकः क्षयोदयाभ्यां परिवर्तमानः
tathā yugānāṃ parivartanāni cirapravṛttāni vidhisvabhāvāt kṣaṇaṃ na saṃtiṣṭhati jīvalokaḥ kṣayodayābhyāṃ parivartamānaḥ
So the revolutions of the ages have long been in motion by the nature of the ordinance; the world of the living does not stand still for a moment, turning about through decline and rise.
AI translation rendered from the Sanskrit, not a published edition