Brahma Purana — Chapter 230
BrP 230.1
अस्माभिस् तु श्रुतं व्यास यत् त्वया समुदाहृतम् प्रादुर्भावाश्रितं पुण्यं माया विष्णोश् च दुर्विदा ॥
asmābhis tu śrutaṃ vyāsa yat tvayā samudāhṛtam prādurbhāvāśritaṃ puṇyaṃ māyā viṣṇoś ca durvidā //
"We have heard, O Vyāsa, what you have fully related, the holy (account) resting on (his) manifestations, and the hard-to-know māyā of Viṣṇu."
AI translation rendered from the Sanskrit, not a published edition
BrP 230.2
श्रोतुम् इच्छामहे त्वत्तो यथावद् उपसंहृतिम् महाप्रलयसंज्ञां च कल्पान्ते च महामुने ॥
śrotum icchāmahe tvatto yathāvad upasaṃhṛtim mahāpralayasaṃjñāṃ ca kalpānte ca mahāmune //
We wish to hear from you, exactly as it is, the dissolution (of the world), and that which is called the great destruction, and (what happens) at the end of the kalpa, O great sage.
AI translation rendered from the Sanskrit, not a published edition
BrP 230.3
श्रूयतां भो मुनिश्रेष्ठा यथावद् अनुसंहृतिः कल्पान्ते प्राकृते चैव प्रलये जायते यथा ॥
śrūyatāṃ bho muniśreṣṭhā yathāvad anusaṃhṛtiḥ kalpānte prākṛte caiva pralaye jāyate yathā //
Hear, O best of sages, the dissolution just as it is, and how it comes about at the end of a kalpa and in the elemental (prākṛta) dissolution.
AI translation rendered from the Sanskrit, not a published edition
BrP 230.4
अहोरात्रं पितॄणां तु मासो ऽब्दं त्रिदिवौकसाम् चतुर्युगसहस्रे तु ब्रह्मणो ऽहर् द्विजोत्तमाः ॥
ahorātraṃ pitṝṇāṃ tu māso 'bdaṃ tridivaukasām caturyugasahasre tu brahmaṇo 'har dvijottamāḥ //
A day and night (of men) is a month for the ancestors, (a month of men) is a year for the dwellers in heaven; but a thousand fourfold-yuga (periods) make a day of Brahmā, O best of the twice-born.
AI translation rendered from the Sanskrit, not a published edition
BrP 230.5
कृतं त्रेता द्वापरं च कलिश् चेति चतुर्युगम् दैवैर् वर्षसहस्रैस् तु तद् द्वादशाभिर् उच्यते ॥
kṛtaṃ tretā dvāparaṃ ca kaliś ceti caturyugam daivair varṣasahasrais tu tad dvādaśābhir ucyate //
Kṛta, Tretā, Dvāpara, and Kali — that is the set of four yugas; it is said to consist of twelve thousand divine years.
AI translation rendered from the Sanskrit, not a published edition
BrP 230.6
चतुर्युगाण्य् अशेषाणि सदृशानि स्वरूपतः आद्यं कृतयुगं प्रोक्तं मुनयो ऽन्त्यं तथा कलिम् ॥
caturyugāṇy aśeṣāṇi sadṛśāni svarūpataḥ ādyaṃ kṛtayugaṃ proktaṃ munayo 'ntyaṃ tathā kalim //
All the fourfold-yugas without exception are alike in their form; the first is called the Kṛta yuga, O sages, and the last likewise the Kali.
AI translation rendered from the Sanskrit, not a published edition
BrP 230.7
आद्ये कृतयुगे सर्गो ब्रह्मणा क्रियते यतः क्रियते चोपसंहारस् तथान्ते ऽपि कलौ युगे ॥
ādye kṛtayuge sargo brahmaṇā kriyate yataḥ kriyate copasaṃhāras tathānte 'pi kalau yuge //
Because in the first, the Kṛta yuga, creation is performed by Brahmā, and likewise at the end, in the Kali yuga, the dissolution is performed.
AI translation rendered from the Sanskrit, not a published edition
BrP 230.8
कलेः स्वरूपं भगवन् विस्तराद् वक्तुम् अर्हसि धर्मश् चतुष्पाद् भगवान् यस्मिन् वैकल्यम् ऋच्छति ॥
kaleḥ svarūpaṃ bhagavan vistarād vaktum arhasi dharmaś catuṣpād bhagavān yasmin vaikalyam ṛcchati //
O lord, you should describe at length the nature of the Kali (age), in which the lord Dharma, four-footed, comes to deficiency.
AI translation rendered from the Sanskrit, not a published edition
BrP 230.9
कलिस्वरूपं भो विप्रा यत् पृच्छध्वं ममानघाः निबोधध्वं समासेन वर्तते यन् महत्तरम् ॥
kalisvarūpaṃ bho viprā yat pṛcchadhvaṃ mamānaghāḥ nibodhadhvaṃ samāsena vartate yan mahattaram //
O brahmins, as to the nature of the Kali which you ask of me, O sinless ones, learn it in brief — how that (age), the greater (in evil), proceeds.
AI translation rendered from the Sanskrit, not a published edition — the model flagged this verse as uncertain
BrP 230.10
वर्णाश्रमाचारवती प्रवृत्तिर् न कलौ नृणाम् न साम-ऋग्यजुर्वेदविनिष्पादनहैतुकी ॥
varṇāśramācāravatī pravṛttir na kalau nṛṇām na sāma-ṛgyajurvedaviniṣpādanahaitukī //
In the Kali (age) the activity of men will not be in accord with the observances of class and life-stage, nor motivated by the carrying out of the Sāma, Ṛg and Yajur Vedas.
AI translation rendered from the Sanskrit, not a published edition
BrP 230.11
विवाहा न कलौ धर्मा न शिष्या गुरुसंस्थिताः न पुत्रा धार्मिकाश् चैव न च वह्निक्रियाक्रमः ॥
vivāhā na kalau dharmā na śiṣyā gurusaṃsthitāḥ na putrā dhārmikāś caiva na ca vahnikriyākramaḥ //
In the Kali there are no marriages according to dharma, no pupils abiding with a teacher, no sons who are righteous, and no proper sequence of fire rites.
AI translation rendered from the Sanskrit, not a published edition
BrP 230.12
यत्र तत्र कुले जातो बली सर्वेश्वरः कलौ सर्वेभ्य एव वर्णेभ्यो नरः कन्योपजीवनः ॥
yatra tatra kule jāto balī sarveśvaraḥ kalau sarvebhya eva varṇebhyo naraḥ kanyopajīvanaḥ //
In the Kali, whoever is born in any family at all, if he is strong, is lord of all; and a man of any class whatever lives off (the sale of) his daughter.
AI translation rendered from the Sanskrit, not a published edition
BrP 230.13
येन तेनैव योगेन द्विजातिर् दीक्षितः कलौ यैव सैव च विप्रेन्द्राः प्रायश्चित्तक्रिया कलौ ॥
yena tenaiva yogena dvijātir dīkṣitaḥ kalau yaiva saiva ca viprendrāḥ prāyaścittakriyā kalau //
In the Kali a twice-born is initiated by whatever means comes to hand; and in the Kali, O chief brahmins, whatever (rite) there is, that very one serves as the act of expiation.
AI translation rendered from the Sanskrit, not a published edition
BrP 230.14
सर्वम् एव कलौ शास्त्रं यस्य यद् वचनं द्विजाः देवताश् च कलौ सर्वाः सर्वः सर्वस्य चाश्रमः ॥
sarvam eva kalau śāstraṃ yasya yad vacanaṃ dvijāḥ devatāś ca kalau sarvāḥ sarvaḥ sarvasya cāśramaḥ //
In the Kali everything is scripture — whatever anyone's utterance may be, O twice-born; in the Kali all beings are deities, and any life-stage belongs to anyone.
AI translation rendered from the Sanskrit, not a published edition
BrP 230.15
उपवासस् तथायासो वित्तोत्सर्गस् तथा कलौ धर्मो यथाभिरुचितैर् अनुष्ठानैर् अनुष्ठितः ॥
upavāsas tathāyāso vittotsargas tathā kalau dharmo yathābhirucitair anuṣṭhānair anuṣṭhitaḥ //
Fasting, likewise mortification, and likewise the giving away of wealth: in the Kali dharma is performed by whatever observances one pleases.
AI translation rendered from the Sanskrit, not a published edition
BrP 230.16
वित्तेन भविता पुंसां स्वल्पेनैव मदः कलौ स्त्रीणां रूपमदश् चैव केशैर् एव भविष्यति ॥
vittena bhavitā puṃsāṃ svalpenaiva madaḥ kalau strīṇāṃ rūpamadaś caiva keśair eva bhaviṣyati //
In the Kali men will be intoxicated with even a very little wealth, and women's pride in beauty will rest on their hair alone.
AI translation rendered from the Sanskrit, not a published edition
BrP 230.17
सुवर्णमणिरत्नादौ वस्त्रे चोपक्षयं गते कलौ स्त्रियो भविष्यन्ति तदा केशैर् अलंकृताः ॥
suvarṇamaṇiratnādau vastre copakṣayaṃ gate kalau striyo bhaviṣyanti tadā keśair alaṃkṛtāḥ //
When gold, gems, jewels and the like, and clothing, have come to exhaustion, then in the Kali women will be adorned with their hair (alone).
AI translation rendered from the Sanskrit, not a published edition
BrP 230.18
परित्यक्ष्यन्ति भर्तारं वित्तहीनं तथा स्त्रियः भर्ता भविष्यति कलौ वित्तवान् एव योषिताम् ॥
parityakṣyanti bhartāraṃ vittahīnaṃ tathā striyaḥ bhartā bhaviṣyati kalau vittavān eva yoṣitām //
And women will abandon a husband who is without wealth; in the Kali only a man with wealth will be a husband for women.
AI translation rendered from the Sanskrit, not a published edition
BrP 230.19
यो यो ददाति बहुलं स स स्वामी तदा नृणाम् स्वामित्वहेतुसंबन्धो भविताभिजनस् तदा ॥
yo yo dadāti bahulaṃ sa sa svāmī tadā nṛṇām svāmitvahetusaṃbandho bhavitābhijanas tadā //
Whoever gives much, he will then be men's master; the connection that is the ground of mastery will then be (one's) noble birth.
AI translation rendered from the Sanskrit, not a published edition — the model flagged this verse as uncertain
BrP 230.20
गृहान्ता द्रव्यसंघाता द्रव्यान्ता च तथा मतिः अर्थाश् चाथोपभोगान्ता भविष्यन्ति तदा कलौ ॥
gṛhāntā dravyasaṃghātā dravyāntā ca tathā matiḥ arthāś cāthopabhogāntā bhaviṣyanti tadā kalau //
Accumulations of goods will end in the house, and the mind likewise will end in goods, and wealth will end in consumption — so it will be then in the Kali.
AI translation rendered from the Sanskrit, not a published edition — the model flagged this verse as uncertain
BrP 230.21
स्त्रियः कलौ भविष्यन्ति स्वैरिण्यो ललितस्पृहाः अन्यायावाप्तवित्तेषु पुरुषेषु स्पृहालवः ॥
striyaḥ kalau bhaviṣyanti svairiṇyo lalitaspṛhāḥ anyāyāvāptavitteṣu puruṣeṣu spṛhālavaḥ //
In the Kali women will be wanton, craving pleasures, and eager for men who have obtained wealth unjustly.
AI translation rendered from the Sanskrit, not a published edition
BrP 230.22
अभ्यर्थितो ऽपि सुहृदा स्वार्थहानिं तु मानवः पणस्यार्धार्धमात्रे ऽपि करिष्यति तदा द्विजाः ॥
abhyarthito 'pi suhṛdā svārthahāniṃ tu mānavaḥ paṇasyārdhārdhamātre 'pi kariṣyati tadā dvijāḥ //
Even when entreated by a friend, a man will then, O twice-born, refuse a loss to his own interest even of half a half of a coin.
AI translation rendered from the Sanskrit, not a published edition — the model flagged this verse as uncertain
BrP 230.23
सदा सपौरुषं चेतो भावि विप्र तदा कलौ क्षीरप्रदानसंबन्धि भाति गोषु च गौरवम् ॥
sadā sapauruṣaṃ ceto bhāvi vipra tadā kalau kṣīrapradānasaṃbandhi bhāti goṣu ca gauravam //
Then in the Kali (age), O brahmin, the mind will always be intent on (mere) manliness, and respect for cows appears (only) in connection with the giving of milk.
AI translation rendered from the Sanskrit, not a published edition — the model flagged this verse as uncertain
BrP 230.24
अनावृष्टिभयात् प्रायः प्रजाः क्षुद्भयकातराः भविष्यन्ति तदा सर्वा गगनासक्तदृष्टयः ॥
anāvṛṣṭibhayāt prāyaḥ prajāḥ kṣudbhayakātarāḥ bhaviṣyanti tadā sarvā gaganāsaktadṛṣṭayaḥ //
Then, from fear of drought, the people, for the most part terrified by the fear of hunger, will all have their eyes fixed on the sky.
AI translation rendered from the Sanskrit, not a published edition
BrP 230.25
मूलपर्णफलाहारास् तापसा इव मानवाः आत्मानं घातयिष्यन्ति तदावृष्ट्याभिदुःखिताः ॥
mūlaparṇaphalāhārās tāpasā iva mānavāḥ ātmānaṃ ghātayiṣyanti tadāvṛṣṭyābhiduḥkhitāḥ //
Feeding on roots, leaves and fruits like ascetics, men, sorely afflicted by the drought, will then destroy themselves.
AI translation rendered from the Sanskrit, not a published edition
BrP 230.26
दुर्भिक्षम् एव सततं सदा क्लेशम् अनीश्वराः प्राप्स्यन्ति व्याहतसुखं प्रमादान् मानवाः कलौ ॥
durbhikṣam eva satataṃ sadā kleśam anīśvarāḥ prāpsyanti vyāhatasukhaṃ pramādān mānavāḥ kalau //
Men in the Kali (age) will constantly meet with famine itself, with continual distress, powerless, their happiness thwarted, through (their own) heedlessness.
AI translation rendered from the Sanskrit, not a published edition
BrP 230.27
अस्नातभोजिनो नाग्निदेवतातिथिपूजनम् करिष्यन्ति कलौ प्राप्ते न च पिण्डोदकक्रियाम् ॥
asnātabhojino nāgnidevatātithipūjanam kariṣyanti kalau prāpte na ca piṇḍodakakriyām //
When the Kali (age) has come, they will eat without bathing, and will not perform the worship of the fire, the gods and guests, nor the rite of the rice-ball and water (for the ancestors).
AI translation rendered from the Sanskrit, not a published edition
BrP 230.28
लोलुपा ह्रस्वदेहाश् च बह्वन्नादनतत्पराः बहुप्रजाल्पभाग्याश् च भविष्यन्ति कलौ स्त्रियः ॥
lolupā hrasvadehāś ca bahvannādanatatparāḥ bahuprajālpabhāgyāś ca bhaviṣyanti kalau striyaḥ //
Greedy, short of body, bent on eating much food, having many children and little good fortune — such will women be in the Kali (age).
AI translation rendered from the Sanskrit, not a published edition
BrP 230.29
उभाभ्याम् अथ पाणिभ्यां शिरःकण्डूयनं स्त्रियः कुर्वत्यो गुरुभर्तॄणाम् आज्ञां भेत्स्यन्त्य् अनावृताः ॥
ubhābhyām atha pāṇibhyāṃ śiraḥkaṇḍūyanaṃ striyaḥ kurvatyo gurubhartṝṇām ājñāṃ bhetsyanty anāvṛtāḥ //
And then women, scratching their heads with both hands, uncovered, will break the command of their elders and husbands.
AI translation rendered from the Sanskrit, not a published edition
BrP 230.30
स्वपोषणपराः क्रुद्धा देहसंस्कारवर्जिताः परुषानृतभाषिण्यो भविष्यन्ति कलौ स्त्रियः ॥
svapoṣaṇaparāḥ kruddhā dehasaṃskāravarjitāḥ paruṣānṛtabhāṣiṇyo bhaviṣyanti kalau striyaḥ //
Intent on feeding themselves, angry, devoid of the care of the body, speaking harshly and falsely — such will women be in the Kali (age).
AI translation rendered from the Sanskrit, not a published edition
BrP 230.31
दुःशीला दुष्टशीलेषु कुर्वत्यः सततं स्पृहाम् असद्वृत्ता भविष्यन्ति पुरुषेषु कुलाङ्गनाः ॥
duḥśīlā duṣṭaśīleṣu kurvatyaḥ satataṃ spṛhām asadvṛttā bhaviṣyanti puruṣeṣu kulāṅganāḥ //
Of bad character, constantly conceiving desire for men of wicked character, women of good family will become of bad conduct.
AI translation rendered from the Sanskrit, not a published edition
BrP 230.32
वेदादानं करिष्यन्ति वडवाश् च तथाव्रताः गृहस्थाश् च न होष्यन्ति न दास्यन्त्य् उचितान्य् अपि ॥
vedādānaṃ kariṣyanti vaḍavāś ca tathāvratāḥ gṛhasthāś ca na hoṣyanti na dāsyanty ucitāny api //
They will make a sale of the Veda, and so will (women, i.e.) mares of such vows; and householders will not offer oblations nor give even what is proper.
AI translation rendered from the Sanskrit, not a published edition — the model flagged this verse as uncertain
BrP 230.33
भवेयुर् वनवासा वै ग्राम्याहारपरिग्रहाः भिक्षवश् चापि पुत्रा हि स्नेहसंबन्धयन्त्रकाः ॥
bhaveyur vanavāsā vai grāmyāhāraparigrahāḥ bhikṣavaś cāpi putrā hi snehasaṃbandhayantrakāḥ //
There would be forest-dwellers who accept village food, and mendicants too who are (really) sons bound by the ties of affection.
AI translation rendered from the Sanskrit, not a published edition — the model flagged this verse as uncertain
BrP 230.34
अरक्षितारो हर्तारः शुल्कव्याजेन पार्थिवाः हारिणो जनवित्तानां संप्राप्ते च कलौ युगे ॥
arakṣitāro hartāraḥ śulkavyājena pārthivāḥ hāriṇo janavittānāṃ saṃprāpte ca kalau yuge //
When the Kali age has arrived, kings will be no protectors but plunderers, seizing the people's wealth under the pretext of taxes.
AI translation rendered from the Sanskrit, not a published edition
BrP 230.35
यो यो ऽश्वरथनागाढ्यः स स राजा भविष्यति यश् च यश् चाबलः सर्वः स स भृत्यः कलौ युगे ॥
yo yo 'śvarathanāgāḍhyaḥ sa sa rājā bhaviṣyati yaś ca yaś cābalaḥ sarvaḥ sa sa bhṛtyaḥ kalau yuge //
Whoever is rich in horses, chariots and elephants, he will be king; and whoever is without power, every such one will be a servant, in the Kali age.
AI translation rendered from the Sanskrit, not a published edition
BrP 230.36
वैश्याः कृषिवणिज्यादि संत्यज्य निजकर्म यत् शूद्रवृत्त्या भविष्यन्ति कारुकर्मोपजीविनः ॥
vaiśyāḥ kṛṣivaṇijyādi saṃtyajya nijakarma yat śūdravṛttyā bhaviṣyanti kārukarmopajīvinaḥ //
Vaiśyas, abandoning agriculture, trade and the rest, which is their own proper work, will live by the occupation of śūdras, subsisting on the work of artisans.
AI translation rendered from the Sanskrit, not a published edition
BrP 230.37
भैक्ष्यव्रतास् तथा शूद्राः प्रव्रज्यालिङ्गिनो ऽधमाः पाखण्डसंश्रयां वृत्तिम् आश्रयिष्यन्त्य् असंस्कृताः ॥
bhaikṣyavratās tathā śūdrāḥ pravrajyāliṅgino 'dhamāḥ pākhaṇḍasaṃśrayāṃ vṛttim āśrayiṣyanty asaṃskṛtāḥ //
And śūdras, taking the vow of begging, low men wearing the marks of renunciation, uninitiated, will take to a livelihood that rests on heresy.
AI translation rendered from the Sanskrit, not a published edition
BrP 230.38
दुर्भिक्षकरपीडाभिर् अतीवोपद्रुता जनाः गोधूमान्नयवान्नाद्यान् देशान् यास्यन्ति दुःखिताः ॥
durbhikṣakarapīḍābhir atīvopadrutā janāḥ godhūmānnayavānnādyān deśān yāsyanti duḥkhitāḥ //
People, exceedingly harassed by famine and the oppression of taxes, will in their misery go to lands whose food is wheat and barley.
AI translation rendered from the Sanskrit, not a published edition
BrP 230.39
वेदमार्गे प्रलीने च पाखण्डाढ्ये ततो जने अधर्मवृद्ध्या लोकानाम् अल्पम् आयुर् भविष्यति ॥
vedamārge pralīne ca pākhaṇḍāḍhye tato jane adharmavṛddhyā lokānām alpam āyur bhaviṣyati //
And when the path of the Veda has vanished and people are full of heresy, then, through the increase of unrighteousness, the lifespan of men will be short.
AI translation rendered from the Sanskrit, not a published edition
BrP 230.40
अशास्त्रविहितं घोरं तप्यमानेषु वै तपः नरेषु नृपदोषेण बालमृत्युर् भविष्यति ॥
aśāstravihitaṃ ghoraṃ tapyamāneṣu vai tapaḥ nareṣu nṛpadoṣeṇa bālamṛtyur bhaviṣyati //
When men practise dreadful austerity not enjoined by the scriptures, through the fault of kings the death of children will come about.
AI translation rendered from the Sanskrit, not a published edition
BrP 230.41
भवित्री योषितां सूतिः पञ्चषट्सप्तवार्षिकी नवाष्टदशवर्षाणां मनुष्याणां तथा कलौ ॥
bhavitrī yoṣitāṃ sūtiḥ pañcaṣaṭsaptavārṣikī navāṣṭadaśavarṣāṇāṃ manuṣyāṇāṃ tathā kalau //
In the Kali (age) the childbearing of women will be at five, six or seven years, and that of men at nine, eight or ten years.
AI translation rendered from the Sanskrit, not a published edition
BrP 230.42
पलितोद्गमश् च भविता तदा द्वादशवार्षिकः न जीविष्यति वै कश्चित् कलौ वर्षाणि विंशतिम् ॥
palitodgamaś ca bhavitā tadā dvādaśavārṣikaḥ na jīviṣyati vai kaścit kalau varṣāṇi viṃśatim //
Then grey hair will appear (in people) twelve years old, and in the Kali (age) no one at all will live twenty years.
AI translation rendered from the Sanskrit, not a published edition
BrP 230.43
अल्पप्रज्ञा वृथालिङ्गा दुष्टान्तःकरणाः कलौ यतस् ततो विनश्यन्ति कालेनाल्पेन मानवाः ॥
alpaprajñā vṛthāliṅgā duṣṭāntaḥkaraṇāḥ kalau yatas tato vinaśyanti kālenālpena mānavāḥ //
Of little understanding, wearing insignia to no purpose, evil in their inner faculties, in the Kali (age) men perish here and there in a short time.
AI translation rendered from the Sanskrit, not a published edition
BrP 230.44
यदा यदा हि पाखण्डवृत्तिर् अत्रोपलक्ष्यते तदा तदा कलेर् वृद्धिर् अनुमेया विचक्षणैः ॥
yadā yadā hi pākhaṇḍavṛttir atropalakṣyate tadā tadā kaler vṛddhir anumeyā vicakṣaṇaiḥ //
Whenever heretical conduct is observed here, then and then again the increase of the Kali (age) is to be inferred by the discerning.
AI translation rendered from the Sanskrit, not a published edition
BrP 230.45
यदा यदा सतां हानिर् वेदमार्गानुसारिणाम् तदा तदा कलेर् वृद्धिर् अनुमेया विचक्षणैः ॥
yadā yadā satāṃ hānir vedamārgānusāriṇām tadā tadā kaler vṛddhir anumeyā vicakṣaṇaiḥ //
Whenever there is a decline of the good who follow the path of the Veda, then and then again the increase of the Kali (age) is to be inferred by the discerning.
AI translation rendered from the Sanskrit, not a published edition
BrP 230.46
प्रारम्भाश् चावसीदन्ति यदा धर्मकृतां नृणाम् तदानुमेयं प्राधान्यं कलेर् विप्रा विचक्षणैः ॥
prārambhāś cāvasīdanti yadā dharmakṛtāṃ nṛṇām tadānumeyaṃ prādhānyaṃ kaler viprā vicakṣaṇaiḥ //
When the undertakings of men who perform dharma collapse, then, O brahmins, the predominance of the Kali (age) is to be inferred by the discerning.
AI translation rendered from the Sanskrit, not a published edition
BrP 230.47
यदा यदा न यज्ञानाम् ईश्वरः पुरुषोत्तमः इज्यते पुरुषैर् यज्ञैस् तदा ज्ञेयं कलेर् बलम् ॥
yadā yadā na yajñānām īśvaraḥ puruṣottamaḥ ijyate puruṣair yajñais tadā jñeyaṃ kaler balam //
Whenever the Lord of sacrifices, the highest Person, is not worshipped by men with sacrifices, then the strength of the Kali (age) is to be known.
AI translation rendered from the Sanskrit, not a published edition
BrP 230.48
न प्रीतिर् वेदवादेषु पाखण्डेषु यदा रतिः कलेर् वृद्धिस् तदा प्राज्ञैर् अनुमेया द्विजोत्तमाः ॥
na prītir vedavādeṣu pākhaṇḍeṣu yadā ratiḥ kaler vṛddhis tadā prājñair anumeyā dvijottamāḥ //
When there is no delight in the words of the Veda, (but) pleasure in heretical (doctrines), then the increase of the Kali (age) is to be inferred by the wise, O best of the twice-born.
AI translation rendered from the Sanskrit, not a published edition
BrP 230.49
कलौ जगत्पतिं विष्णुं सर्वस्रष्टारम् ईश्वरम् नार्चयिष्यन्ति भो विप्राः पाखण्डोपहता नराः ॥
kalau jagatpatiṃ viṣṇuṃ sarvasraṣṭāram īśvaram nārcayiṣyanti bho viprāḥ pākhaṇḍopahatā narāḥ //
In the Kali (age), O brahmins, men afflicted by heresy will not worship Viṣṇu, the lord of the world, the creator of all, the Lord.
AI translation rendered from the Sanskrit, not a published edition
BrP 230.50
किं देवैः किं द्विजैर् वेदैः किं शौचेनाम्बुजल्पना इत्य् एवं प्रलपिष्यन्ति पाखण्डोपहता नराः ॥
kiṃ devaiḥ kiṃ dvijair vedaiḥ kiṃ śaucenāmbujalpanā ity evaṃ pralapiṣyanti pākhaṇḍopahatā narāḥ //
"What of the gods? What of the twice-born and the Vedas? What of purity and prattling about water?" — thus will men afflicted by heresy babble.
AI translation rendered from the Sanskrit, not a published edition — the model flagged this verse as uncertain
BrP 230.51
अल्पवृष्टिश् च पर्जन्यः स्वल्पं सस्यफलं तथा फलं तथाल्पसारं च विप्राः प्राप्ते कलौ युगे ॥
alpavṛṣṭiś ca parjanyaḥ svalpaṃ sasyaphalaṃ tathā phalaṃ tathālpasāraṃ ca viprāḥ prāpte kalau yuge //
The rain-cloud will give little rain, the yield of grain will be scanty, and the fruit likewise of little substance, O brahmins, when the Kali age has arrived.
AI translation rendered from the Sanskrit, not a published edition
BrP 230.52
जानुप्रायाणि वस्त्राणि शमीप्राया महीरुहाः शूद्रप्रायास् तथा वर्णा भविष्यन्ति कलौ युगे ॥
jānuprāyāṇi vastrāṇi śamīprāyā mahīruhāḥ śūdraprāyās tathā varṇā bhaviṣyanti kalau yuge //
Garments will mostly (reach only) the knee, trees will mostly be śamī, and the classes will mostly be like śūdras in the Kali age.
AI translation rendered from the Sanskrit, not a published edition
BrP 230.53
अणुप्रायाणि धान्यानि आजप्रायं तथा पयः भविष्यति कलौ प्राप्त औशीरं चानुलेपनम् ॥
aṇuprāyāṇi dhānyāni ājaprāyaṃ tathā payaḥ bhaviṣyati kalau prāpta auśīraṃ cānulepanam //
Grains will be mostly tiny, milk mostly goat's milk, and the ointment (in use) will be of uśīra, when the Kali (age) has come.
AI translation rendered from the Sanskrit, not a published edition
BrP 230.54
श्वश्रूश्वशुरभूयिष्ठा गुरवश् च नृणां कलौ शालाद्याहारिभार्याश् च सुहृदो मुनिसत्तमाः ॥
śvaśrūśvaśurabhūyiṣṭhā guravaś ca nṛṇāṃ kalau śālādyāhāribhāryāś ca suhṛdo munisattamāḥ //
In the Kali (age) mothers-in-law and fathers-in-law will chiefly be men's elders, and their friends will be those whose wives bring the food of the house, O best of sages.
AI translation rendered from the Sanskrit, not a published edition — the model flagged this verse as uncertain
BrP 230.55
कस्य माता पिता कस्य यदा कर्मात्मकः पुमान् इति चोदाहरिष्यन्ति श्वशुरानुगता नराः ॥
kasya mātā pitā kasya yadā karmātmakaḥ pumān iti codāhariṣyanti śvaśurānugatā narāḥ //
"Whose mother? whose father? — since a man is (made) of his own acts": thus will men who follow their fathers-in-law declare.
AI translation rendered from the Sanskrit, not a published edition
BrP 230.56
वाङ्मनःकायजैर् दोषैर् अभिभूताः पुनः पुनः नराः पापान्य् अनुदिनं करिष्यन्त्य् अल्पमेधसः ॥
vāṅmanaḥkāyajair doṣair abhibhūtāḥ punaḥ punaḥ narāḥ pāpāny anudinaṃ kariṣyanty alpamedhasaḥ //
Overcome again and again by faults born of speech, mind and body, men of little intelligence will commit sins day after day.
AI translation rendered from the Sanskrit, not a published edition
BrP 230.57
निःसत्यानाम् अशौचानां निर्ह्रीकाणां तथा द्विजाः यद् यद् दुःखाय तत् सर्वं कलिकाले भविष्यति ॥
niḥsatyānām aśaucānāṃ nirhrīkāṇāṃ tathā dvijāḥ yad yad duḥkhāya tat sarvaṃ kalikāle bhaviṣyati //
For those without truth, without purity, and without shame, O twice-born, whatever leads to suffering — all that will come about in the Kali time.
AI translation rendered from the Sanskrit, not a published edition
BrP 230.58
निःस्वाध्यायवषट्कारे स्वधास्वाहाविवर्जिते तदा प्रविरलो विप्रः कश्चिल् लोके भविष्यति ॥
niḥsvādhyāyavaṣaṭkāre svadhāsvāhāvivarjite tadā praviralo vipraḥ kaścil loke bhaviṣyati //
When (the world is) without private recitation and the call vaṣaṭ, devoid of svadhā and svāhā, then some rare brahmin here and there will exist in the world.
AI translation rendered from the Sanskrit, not a published edition
BrP 230.59
तत्राल्पेनैव कालेन पुण्यस्कन्धम् अनुत्तमम् करोति यः कृतयुगे क्रियते तपसा हि यः ॥
tatrālpenaiva kālena puṇyaskandham anuttamam karoti yaḥ kṛtayuge kriyate tapasā hi yaḥ //
There (in that age) in but a little time one makes that unsurpassed mass of merit which in the Kṛta age is produced only by austerity.
AI translation rendered from the Sanskrit, not a published edition
BrP 230.60
कस्मिन् काले ऽल्पको धर्मो ददाति सुमहाफलम् वक्तुम् अर्हस्य् अशेषेण श्रोतुं वाञ्छा प्रवर्तते ॥
kasmin kāle 'lpako dharmo dadāti sumahāphalam vaktum arhasy aśeṣeṇa śrotuṃ vāñchā pravartate //
In which age does a small (act of) dharma give a very great fruit? You ought to tell it completely; the desire to hear arises (in us).
AI translation rendered from the Sanskrit, not a published edition
BrP 230.61
धन्ये कलौ भवेद् विप्रास् त्व् अल्पक्लेशैर् महत् फलम् तथा भवेतां स्त्रीशूद्रौ धन्यौ चान्यन् निबोधत ॥
dhanye kalau bhaved viprās tv alpakleśair mahat phalam tathā bhavetāṃ strīśūdrau dhanyau cānyan nibodhata //
O brahmins, in the blessed Kali (age) great fruit comes from small effort; likewise woman and śūdra would be blessed — and learn something further.
AI translation rendered from the Sanskrit, not a published edition
BrP 230.62
यत् कृते दशभिर् वर्षैस् त्रेतायां हायनेन तत् द्वापरे तच् च मासेन अहोरात्रेण तत् कलौ ॥
yat kṛte daśabhir varṣais tretāyāṃ hāyanena tat dvāpare tac ca māsena ahorātreṇa tat kalau //
What (is gained) in the Kṛta age by ten years, in the Tretā by a single year, in the Dvāpara by a month — that (is gained) in the Kali by a day and a night.
AI translation rendered from the Sanskrit, not a published edition
BrP 230.63
तपसो ब्रह्मचर्यस्य जपादेश् च फलं द्विजाः प्राप्नोति पुरुषस् तेन कलौ साध्व् इति भाषितुम् ॥
tapaso brahmacaryasya japādeś ca phalaṃ dvijāḥ prāpnoti puruṣas tena kalau sādhv iti bhāṣitum //
(Thus) a man obtains the fruit of austerity, of chastity, and of muttered prayer and the rest, O twice-born; and therefore (one may) say "Good!" in the Kali age.
AI translation rendered from the Sanskrit, not a published edition
BrP 230.64
ध्यायन् कृते यजन् यज्ञैस् त्रेतायां द्वापरे ऽर्चयन् यद् आप्नोति तद् आप्नोति कलौ संकीर्त्य केशवम् ॥
dhyāyan kṛte yajan yajñais tretāyāṃ dvāpare 'rcayan yad āpnoti tad āpnoti kalau saṃkīrtya keśavam //
What one obtains by meditating in the Kṛta age, by sacrificing with sacrifices in the Tretā, and by worshipping in the Dvāpara — that one obtains in the Kali by praising Keśava.
AI translation rendered from the Sanskrit, not a published edition
BrP 230.65
धर्मोत्कर्षम् अतीवात्र प्राप्नोति पुरुषः कलौ स्वल्पायासेन धर्मज्ञास् तेन तुष्टो ऽस्म्य् अहं कलौ ॥
dharmotkarṣam atīvātra prāpnoti puruṣaḥ kalau svalpāyāsena dharmajñās tena tuṣṭo 'smy ahaṃ kalau //
In the Kali a man attains here an exceedingly high measure of merit with very little exertion, O knowers of dharma; therefore I am pleased with the Kali age.
AI translation rendered from the Sanskrit, not a published edition
BrP 230.66
व्रतचर्यापरैर् ग्राह्या वेदाः पूर्वं द्विजातिभिः ततस् तु धर्मसंप्राप्तैर् यष्टव्यं विधिवद् धनैः ॥
vratacaryāparair grāhyā vedāḥ pūrvaṃ dvijātibhiḥ tatas tu dharmasaṃprāptair yaṣṭavyaṃ vidhivad dhanaiḥ //
First the Vedas are to be received by the twice-born who are devoted to the observance of vows; and then, with wealth acquired righteously, they must sacrifice according to the rules.
AI translation rendered from the Sanskrit, not a published edition
BrP 230.67
वृथा कथा वृथा भोज्यं वृथा स्वं च द्विजन्मनाम् पतनाय तथा भाव्यं तैस् तु संयतिभिः सह ॥
vṛthā kathā vṛthā bhojyaṃ vṛthā svaṃ ca dvijanmanām patanāya tathā bhāvyaṃ tais tu saṃyatibhiḥ saha //
Idle talk, food (eaten) in vain, and wealth (spent) in vain lead the twice-born to their fall; therefore they must live with restraints.
AI translation rendered from the Sanskrit, not a published edition
BrP 230.68
असम्यक्करणे दोषास् तेषां सर्वेषु वस्तुषु भोज्यपेयादिकं चैषां नेच्छाप्राप्तिकरं द्विजाः ॥
asamyakkaraṇe doṣās teṣāṃ sarveṣu vastuṣu bhojyapeyādikaṃ caiṣāṃ necchāprāptikaraṃ dvijāḥ //
For them there are faults in doing (things) improperly in all matters; and their food, drink and the rest do not come to them at will, O twice-born.
AI translation rendered from the Sanskrit, not a published edition
BrP 230.69
पारतन्त्र्यात् समस्तेषु तेषां कार्येषु वै ततः लोकान् क्लेशेन महता यजन्ति विनयान्विताः ॥
pāratantryāt samasteṣu teṣāṃ kāryeṣu vai tataḥ lokān kleśena mahatā yajanti vinayānvitāḥ //
Because in all their duties they are dependent on others, they therefore, endowed with discipline, win the worlds with great hardship.
AI translation rendered from the Sanskrit, not a published edition
BrP 230.70
द्विजशुश्रूषणेनैव पाकयज्ञाधिकारवान् निजं जयति वै लोकं शूद्रो धन्यतरस् ततः ॥
dvijaśuśrūṣaṇenaiva pākayajñādhikāravān nijaṃ jayati vai lokaṃ śūdro dhanyataras tataḥ //
Merely by serving the twice-born, being entitled to the pāka-sacrifices, the śūdra wins his own world; hence he is more fortunate.
AI translation rendered from the Sanskrit, not a published edition
BrP 230.71
भक्ष्याभक्ष्येषु नाशास्ति येषां पापेषु वा यतः नियमो मुनिशार्दूलास् तेनासौ साध्व् इतीरितम् ॥
bhakṣyābhakṣyeṣu nāśāsti yeṣāṃ pāpeṣu vā yataḥ niyamo muniśārdūlās tenāsau sādhv itīritam //
Since for them there is no rule regarding what may and may not be eaten, or regarding sins, O tigers among sages, for that reason he was declared "good".
AI translation rendered from the Sanskrit, not a published edition
BrP 230.72
स्वधर्मस्याविरोधेन नरैर् लभ्यं धनं सदा प्रतिपादनीयं पात्रेषु यष्टव्यं च यथाविधि ॥
svadharmasyāvirodhena narair labhyaṃ dhanaṃ sadā pratipādanīyaṃ pātreṣu yaṣṭavyaṃ ca yathāvidhi //
Wealth is always to be gained by men without conflict with their own dharma, and it is to be bestowed on worthy recipients, and sacrifice is to be made with it according to rule.
AI translation rendered from the Sanskrit, not a published edition
BrP 230.73
तस्यार्जने महान् क्लेशः पालनेन द्विजोत्तमाः तथा सद्विनियोगाय विज्ञेयं गहनं नृणाम् ॥
tasyārjane mahān kleśaḥ pālanena dvijottamāḥ tathā sadviniyogāya vijñeyaṃ gahanaṃ nṛṇām //
In acquiring it there is great trouble, (and) in guarding it, O best of the twice-born; and likewise its proper disposal is to be known as a thicket (hard to penetrate) for men.
AI translation rendered from the Sanskrit, not a published edition
BrP 230.74
एभिर् अन्यैस् तथा क्लेशैः पुरुषा द्विजसत्तमाः निजाञ् जयन्ति वै लोकान् प्राजापत्यादिकान् क्रमात् ॥
ebhir anyais tathā kleśaiḥ puruṣā dvijasattamāḥ nijāñ jayanti vai lokān prājāpatyādikān kramāt //
By these and by other hardships, O best of the twice-born, men win their own worlds, those of Prajāpati and the rest, in order.
AI translation rendered from the Sanskrit, not a published edition
BrP 230.75
योषिच् छुश्रूषणाद् भर्तुः कर्मणा मनसा गिरा एतद् विषयम् आप्नोति तत्सालोक्यं यतो द्विजाः ॥
yoṣic chuśrūṣaṇād bhartuḥ karmaṇā manasā girā etad viṣayam āpnoti tatsālokyaṃ yato dvijāḥ //
A woman, by serving her husband in act, mind and speech, attains this same sphere, since (she gains) the same world as he, O twice-born.
AI translation rendered from the Sanskrit, not a published edition
BrP 230.76
नातिक्लेशेन महता तान् एव पुरुषो यथा तृतीयं व्याहृतं तेन मया साध्व् इति योषितः ॥
nātikleśena mahatā tān eva puruṣo yathā tṛtīyaṃ vyāhṛtaṃ tena mayā sādhv iti yoṣitaḥ //
Since a man (attains) those very (worlds) only with great hardship, therefore the third "Good!" has been uttered by me — of women.
AI translation rendered from the Sanskrit, not a published edition
BrP 230.77
एतद् वः कथितं विप्रा यन्निमित्तम् इहागताः तत् पृच्छध्वं यथाकामम् अहं वक्ष्यामि वः स्फुटम् ॥
etad vaḥ kathitaṃ viprā yannimittam ihāgatāḥ tat pṛcchadhvaṃ yathākāmam ahaṃ vakṣyāmi vaḥ sphuṭam //
This has been told to you, O brahmins; ask about that for which you have come here, as you wish — I shall declare it to you plainly.
AI translation rendered from the Sanskrit, not a published edition
BrP 230.78
अल्पेनैव प्रयत्नेन धर्मः सिध्यति वै कलौ नरैर् आत्मगुणाम्भोभिः क्षालिताखिलकिल्बिषैः ॥
alpenaiva prayatnena dharmaḥ sidhyati vai kalau narair ātmaguṇāmbhobhiḥ kṣālitākhilakilbiṣaiḥ //
With but little effort dharma is indeed accomplished in the Kali by men who have washed away all their sins with the waters of the qualities of the self,
AI translation rendered from the Sanskrit, not a published edition
BrP 230.79
शूद्रैश् च द्विजशुश्रूषातत्परैर् मुनिसत्तमाः तथा स्त्रीभिर् अनायासात् पतिशुश्रूषयैव हि ॥
śūdraiś ca dvijaśuśrūṣātatparair munisattamāḥ tathā strībhir anāyāsāt patiśuśrūṣayaiva hi //
and by śūdras intent on serving the twice-born, O best of sages, and likewise by women without toil, merely by serving their husbands.
AI translation rendered from the Sanskrit, not a published edition
BrP 230.80
ततस् त्रितयम् अप्य् एतन् मम धन्यतमं मतम् धर्मसंराधने क्लेशो द्विजातीनां कृतादिषु ॥
tatas tritayam apy etan mama dhanyatamaṃ matam dharmasaṃrādhane kleśo dvijātīnāṃ kṛtādiṣu //
Therefore these three are held by me to be the most fortunate; for the twice-born, in the Kṛta and the other ages, there is hardship in accomplishing dharma.
AI translation rendered from the Sanskrit, not a published edition
BrP 230.81
तथा स्वल्पेन तपसा सिद्धिं यास्यन्ति मानवाः धन्या धर्मं चरिष्यन्ति युगान्ते मुनिसत्तमाः ॥
tathā svalpena tapasā siddhiṃ yāsyanti mānavāḥ dhanyā dharmaṃ cariṣyanti yugānte munisattamāḥ //
And so men will attain success by little austerity; fortunate ones will practise dharma at the end of the age, O best of sages.
AI translation rendered from the Sanskrit, not a published edition
BrP 230.82
भवद्भिर् यद् अभिप्रेतं तद् एतत् कथितं मया अपृष्टेनापि धर्मज्ञाः किम् अन्यत् क्रियतां द्विजाः ॥
bhavadbhir yad abhipretaṃ tad etat kathitaṃ mayā apṛṣṭenāpi dharmajñāḥ kim anyat kriyatāṃ dvijāḥ //
What you intended (to ask), that has been told by me, even without being asked, O knowers of dharma; what else should be done, O twice-born?
AI translation rendered from the Sanskrit, not a published edition