Brahma Purana — Chapter 227
BrP 227.1
अहो कृष्णस्य माहात्म्यं श्रुतम् अस्माभिर् अद्भुतम् सर्वपापहरं पुण्यं धन्यं संसारनाशनम् ॥
aho kṛṣṇasya māhātmyaṃ śrutam asmābhir adbhutam sarvapāpaharaṃ puṇyaṃ dhanyaṃ saṃsāranāśanam //
Ah, the greatness of Kṛṣṇa that we have heard is wondrous — remover of all sin, meritorious, blessed, destroyer of transmigration!
AI translation rendered from the Sanskrit, not a published edition
BrP 227.2
संपूज्य विधिवद् भक्त्या वासुदेवं महामुने कां गतिं यान्ति मनुजा वासुदेवार्चने रताः ॥
saṃpūjya vidhivad bhaktyā vāsudevaṃ mahāmune kāṃ gatiṃ yānti manujā vāsudevārcane ratāḥ //
Having worshipped Vāsudeva duly and with devotion, O great sage, to what state do men go who are devoted to the worship of Vāsudeva?
AI translation rendered from the Sanskrit, not a published edition
BrP 227.3
किं प्राप्नुवन्ति ते मोक्षं किं वा स्वर्गं महामुने अथवा किं मुनिश्रेष्ठ प्राप्नुवन्त्य् उभयं फलम् ॥
kiṃ prāpnuvanti te mokṣaṃ kiṃ vā svargaṃ mahāmune athavā kiṃ muniśreṣṭha prāpnuvanty ubhayaṃ phalam //
Do they attain release, or heaven, O great sage? Or else, O best of sages, do they attain both fruits?
AI translation rendered from the Sanskrit, not a published edition
BrP 227.4
छेत्तुम् अर्हसि सर्वज्ञ संशयं नो हृदि स्थितम् छेत्ता नान्यो ऽस्ति लोके ऽस्मिंस् त्वदृते मुनिसत्तम ॥
chettum arhasi sarvajña saṃśayaṃ no hṛdi sthitam chettā nānyo 'sti loke 'smiṃs tvadṛte munisattama //
You ought to cut away, O all-knowing one, the doubt seated in our heart; there is no other in this world to cut it but you, O best of sages.
AI translation rendered from the Sanskrit, not a published edition
BrP 227.5
साधु साधु मुनिश्रेष्ठा भवद्भिर् यद् उदाहृतम् शृणुध्वम् आनुपूर्व्येण वैष्णवानां सुखावहम् ॥
sādhu sādhu muniśreṣṭhā bhavadbhir yad udāhṛtam śṛṇudhvam ānupūrvyeṇa vaiṣṇavānāṃ sukhāvaham //
Well said, well said, O best of sages, what you have uttered! Hear in due order that which brings happiness to the Vaiṣṇavas.
AI translation rendered from the Sanskrit, not a published edition
BrP 227.6
दीक्षामात्रेण कृष्णस्य नरा मोक्षं व्रजन्ति वै किं पुनर् ये सदा भक्त्या पूजयन्त्य् अच्युतं द्विजाः ॥
dīkṣāmātreṇa kṛṣṇasya narā mokṣaṃ vrajanti vai kiṃ punar ye sadā bhaktyā pūjayanty acyutaṃ dvijāḥ //
By mere initiation into (the worship of) Kṛṣṇa men go to release; how much more those who always worship Acyuta with devotion, O twice-born ones!
AI translation rendered from the Sanskrit, not a published edition
BrP 227.7
न तेषां दुर्लभः स्वर्गो मोक्षश् च मुनिसत्तमाः लभन्ते वैष्णवाः कामान् यान् यान् वाञ्छन्ति दुर्लभान् ॥
na teṣāṃ durlabhaḥ svargo mokṣaś ca munisattamāḥ labhante vaiṣṇavāḥ kāmān yān yān vāñchanti durlabhān //
For them neither heaven nor liberation is hard to obtain, O best of sages; Vaiṣṇavas obtain whatever desires they wish, however hard to attain.
AI translation rendered from the Sanskrit, not a published edition
BrP 227.8
रत्नपर्वतम् आरुह्य नरो रत्नं यथाददेत् स्वेच्छया मुनिशार्दूलास् तथा कृष्णान् मनोरथान् ॥
ratnaparvatam āruhya naro ratnaṃ yathādadet svecchayā muniśārdūlās tathā kṛṣṇān manorathān //
Just as a man climbing a mountain of jewels would take a jewel at his own pleasure, so, O tigers among sages, (do the devotees take) from Kṛṣṇa the objects of their desire.
AI translation rendered from the Sanskrit, not a published edition
BrP 227.9
कल्पवृक्षं समासाद्य फलानि स्वेच्छया यथा गृह्णाति पुरुषो विप्रास् तथा कृष्णान् मनोरथान् ॥
kalpavṛkṣaṃ samāsādya phalāni svecchayā yathā gṛhṇāti puruṣo viprās tathā kṛṣṇān manorathān //
Just as a man, having reached a wish-fulfilling tree, takes its fruits at his own pleasure, so, O brahmins, (they take) from Kṛṣṇa the objects of their desire.
AI translation rendered from the Sanskrit, not a published edition
BrP 227.10
श्रद्धया विधिवत् पूज्य वासुदेवं जगद्गुरुम् धर्मार्थकाममोक्षाणां प्राप्नुवन्ति नराः फलम् ॥
śraddhayā vidhivat pūjya vāsudevaṃ jagadgurum dharmārthakāmamokṣāṇāṃ prāpnuvanti narāḥ phalam //
Having worshipped with faith and according to the rule Vāsudeva, the teacher of the world, men obtain the fruit of dharma, wealth, pleasure, and liberation.
AI translation rendered from the Sanskrit, not a published edition
BrP 227.11
आराध्य तं जगन्नाथं विशुद्धेनान्तरात्मना प्राप्नुवन्ति नराः कामान् सुराणाम् अपि दुर्लभान् ॥
ārādhya taṃ jagannāthaṃ viśuddhenāntarātmanā prāpnuvanti narāḥ kāmān surāṇām api durlabhān //
Having propitiated that Lord of the world with a wholly purified inner self, men obtain desires hard to attain even for the gods.
AI translation rendered from the Sanskrit, not a published edition
BrP 227.12
ये ऽर्चयन्ति सदा भक्त्या वासुदेवाख्यम् अव्ययम् न तेषां दुर्लभं किंचिद् विद्यते भुवनत्रये ॥
ye 'rcayanti sadā bhaktyā vāsudevākhyam avyayam na teṣāṃ durlabhaṃ kiṃcid vidyate bhuvanatraye //
For those who always worship with devotion the imperishable one named Vāsudeva, there is nothing in the three worlds that is hard to attain.
AI translation rendered from the Sanskrit, not a published edition
BrP 227.13
धन्यास् ते पुरुषा लोके ये ऽर्चयन्ति सदा हरिम् सर्वपापहरं देवं सर्वकामफलप्रदम् ॥
dhanyās te puruṣā loke ye 'rcayanti sadā harim sarvapāpaharaṃ devaṃ sarvakāmaphalapradam //
Blessed in the world are those men who always worship Hari, the god who removes all sins and grants the fruit of every desire.
AI translation rendered from the Sanskrit, not a published edition
BrP 227.14
ब्राह्मणाः क्षत्रिया वैश्याः स्त्रियः शूद्रान्त्यजातयः संपूज्य तं सुरवरं प्राप्नुवन्ति परां गतिम् ॥
brāhmaṇāḥ kṣatriyā vaiśyāḥ striyaḥ śūdrāntyajātayaḥ saṃpūjya taṃ suravaraṃ prāpnuvanti parāṃ gatim //
Brahmins, kṣatriyas, vaiśyas, women, śūdras and the lowest-born, having fully worshipped that best of gods, attain the highest goal.
AI translation rendered from the Sanskrit, not a published edition
BrP 227.15
तस्माच् छृणुध्वं मुनयो यत् पृच्छत ममानघाः प्रवक्ष्यामि समासेन गतिं तेषां महात्मनाम् ॥
tasmāc chṛṇudhvaṃ munayo yat pṛcchata mamānaghāḥ pravakṣyāmi samāsena gatiṃ teṣāṃ mahātmanām //
Therefore listen, O sages, to what you ask of me, O sinless ones; I shall declare in brief the destiny of those great-souled ones.
AI translation rendered from the Sanskrit, not a published edition
BrP 227.16
त्यक्त्वा मानुष्यकं देहं रोगायतनम् अध्रुवम् जरामरणसंयुक्तं जलबुद्बुदसंनिभम् ॥
tyaktvā mānuṣyakaṃ dehaṃ rogāyatanam adhruvam jarāmaraṇasaṃyuktaṃ jalabudbudasaṃnibham //
Having abandoned the human body, which is the seat of disease, unstable, joined with old age and death, resembling a bubble of water,
AI translation rendered from the Sanskrit, not a published edition
BrP 227.17
मांसशोणितदुर्गन्धं विष्ठामूत्रादिभिर् युतम् अस्थिस्थूणम् अमेध्यं च स्नायुचर्मशिरान्वितम् ॥
māṃsaśoṇitadurgandhaṃ viṣṭhāmūtrādibhir yutam asthisthūṇam amedhyaṃ ca snāyucarmaśirānvitam //
foul-smelling with flesh and blood, filled with excrement, urine and the rest, with bones for its pillars, impure, and provided with sinews, skin and veins—
AI translation rendered from the Sanskrit, not a published edition
BrP 227.18
कामगेन विमानेन दिव्यगन्धर्वनादिना तरुणादित्यवर्णेन किङ्किणीजालमालिना ॥
kāmagena vimānena divyagandharvanādinā taruṇādityavarṇena kiṅkiṇījālamālinā //
by a chariot that goes at will, resounding with divine gandharva music, of the color of the young sun, garlanded with networks of little bells,
AI translation rendered from the Sanskrit, not a published edition
BrP 227.19
उपगीयमाना गन्धर्वैर् अप्सरोभिर् अलंकृताः व्रजन्ति लोकपालानां भवनं तु पृथक् पृथक् ॥
upagīyamānā gandharvair apsarobhir alaṃkṛtāḥ vrajanti lokapālānāṃ bhavanaṃ tu pṛthak pṛthak //
sung to by gandharvas, adorned by apsarases, they go to the dwellings of the guardians of the world, each in turn.
AI translation rendered from the Sanskrit, not a published edition
BrP 227.20
मन्वन्तरप्रमाणं तु भुक्त्वा कालं पृथक् पृथक् भुवनानि पृथक् तेषां सर्वभोगैर् अलंकृताः ॥
manvantarapramāṇaṃ tu bhuktvā kālaṃ pṛthak pṛthak bhuvanāni pṛthak teṣāṃ sarvabhogair alaṃkṛtāḥ //
Having enjoyed for a period of a manvantara, each in turn, their separate worlds, adorned with all enjoyments,
AI translation rendered from the Sanskrit, not a published edition
BrP 227.21
ततो ऽन्तरिक्षं लोकं ते यान्ति सर्वसुखप्रदम् तत्र भुक्त्वा वरान् भोगान् दशमन्वन्तरं द्विजाः ॥
tato 'ntarikṣaṃ lokaṃ te yānti sarvasukhapradam tatra bhuktvā varān bhogān daśamanvantaraṃ dvijāḥ //
then they go to the intermediate (atmospheric) world, which grants every happiness; having enjoyed excellent pleasures there for ten manvantaras, O twice-born,
AI translation rendered from the Sanskrit, not a published edition
BrP 227.22
तस्माद् गन्धर्वलोकं तु यान्ति वै वैष्णवा द्विजाः विंशन्मन्वन्तरं कालं तत्र भुक्त्वा मनोरमान् ॥
tasmād gandharvalokaṃ tu yānti vai vaiṣṇavā dvijāḥ viṃśanmanvantaraṃ kālaṃ tatra bhuktvā manoramān //
from there the Vaiṣṇavas go, O twice-born, to the world of the gandharvas; having enjoyed there for a period of twenty manvantaras delightful
AI translation rendered from the Sanskrit, not a published edition
BrP 227.23
भोगान् आदित्यलोकं तु तस्माद् यान्ति सुपूजिताः त्रिंशन्मन्वन्तरं तत्र भोगान् भुक्त्वातिदैवतान् ॥
bhogān ādityalokaṃ tu tasmād yānti supūjitāḥ triṃśanmanvantaraṃ tatra bhogān bhuktvātidaivatān //
pleasures, from there they go, well honored, to the world of the sun; having enjoyed there for thirty manvantaras pleasures surpassing those of the gods,
AI translation rendered from the Sanskrit, not a published edition
BrP 227.24
तस्माद् व्रजन्ति ते विप्राश् चन्द्रलोकं सुखप्रदम् मन्वन्तराणां ते तत्र चत्वारिंशद् गुणान्वितम् ॥
tasmād vrajanti te viprāś candralokaṃ sukhapradam manvantarāṇāṃ te tatra catvāriṃśad guṇānvitam //
from there those brahmins go to the moon's world, which grants happiness, endowed with qualities, (and remain) there for forty manvantaras'
AI translation rendered from the Sanskrit, not a published edition
BrP 227.25
कालं भुक्त्वा शुभान् भोगाञ् जरामरणवर्जिताः तस्मान् नक्षत्रलोकं तु विमानैः समलंकृतम् ॥
kālaṃ bhuktvā śubhān bhogāñ jarāmaraṇavarjitāḥ tasmān nakṣatralokaṃ tu vimānaiḥ samalaṃkṛtam //
time; having enjoyed auspicious pleasures, free from old age and death, from there (they go) to the world of the stars, adorned with celestial chariots,
AI translation rendered from the Sanskrit, not a published edition
BrP 227.26
व्रजन्ति ते मुनिश्रेष्ठा गुणैः सर्वैर् अलंकृताः मन्वन्तराणां पञ्चाशद् भुक्त्वा भोगान् यथेप्सितान् ॥
vrajanti te muniśreṣṭhā guṇaiḥ sarvair alaṃkṛtāḥ manvantarāṇāṃ pañcāśad bhuktvā bhogān yathepsitān //
there those best of sages go, adorned with all excellences; having enjoyed pleasures as desired for fifty manvantaras,
AI translation rendered from the Sanskrit, not a published edition
BrP 227.27
तस्माद् व्रजन्ति ते विप्रा देवलोकं सुदुर्लभम् षष्टिमन्वन्तरं यावत् तत्र भुक्त्वा सुदुर्लभान् ॥
tasmād vrajanti te viprā devalokaṃ sudurlabham ṣaṣṭimanvantaraṃ yāvat tatra bhuktvā sudurlabhān //
Therefore those brahmins go to the world of the gods, very hard to attain, and having enjoyed there for sixty manvantaras those most rare —
AI translation rendered from the Sanskrit, not a published edition
BrP 227.28
भोगान् नानाविधान् विप्रा ऋग्द्व्यष्टकसमन्वितान् शक्रलोकं पुनस् तस्माद् गच्छन्ति सुरपूजिताः ॥
bhogān nānāvidhān viprā ṛgdvyaṣṭakasamanvitān śakralokaṃ punas tasmād gacchanti surapūjitāḥ //
— enjoyments of many kinds, O brahmins, attended by twice eight ṛg (verses?), they then go again to Śakra's world, honoured by the gods.
AI translation rendered from the Sanskrit, not a published edition — the model flagged this verse as uncertain
BrP 227.29
मन्वन्तराणां तत्रैव भुक्त्वा कालं च सप्ततिम् भोगान् उच्चावचान् दिव्यान् मनसः प्रीतिवर्धनान् ॥
manvantarāṇāṃ tatraiva bhuktvā kālaṃ ca saptatim bhogān uccāvacān divyān manasaḥ prītivardhanān //
And having enjoyed there itself, for a period of seventy manvantaras, divine enjoyments high and low that increase the delight of the mind,
AI translation rendered from the Sanskrit, not a published edition
BrP 227.30
तस्माद् व्रजन्ति ते लोकं प्राजापत्यम् अनुत्तमम् भुक्त्वा तत्रेप्सितान् भोगान् सर्वकामगुणान्वितान् ॥
tasmād vrajanti te lokaṃ prājāpatyam anuttamam bhuktvā tatrepsitān bhogān sarvakāmaguṇānvitān //
from there they go to the unsurpassed world of Prajāpati, and having enjoyed there the desired enjoyments endowed with every pleasing quality
AI translation rendered from the Sanskrit, not a published edition
BrP 227.31
मन्वन्तरम् अशीतिं च कालं सर्वसुखप्रदम् तस्मात् पैतामहं लोकं यान्ति ते वैष्णवा द्विजाः ॥
manvantaram aśītiṃ ca kālaṃ sarvasukhapradam tasmāt paitāmahaṃ lokaṃ yānti te vaiṣṇavā dvijāḥ //
for a time of eighty manvantaras, which bestows every happiness, from there those Vaiṣṇava twice-born go to the world of the Grandfather (Brahmā).
AI translation rendered from the Sanskrit, not a published edition
BrP 227.32
मन्वन्तराणां नवति क्रीडित्वा तत्र वै सुखम् इहागत्य पुनस् तस्माद् विप्राणां प्रवरे कुले ॥
manvantarāṇāṃ navati krīḍitvā tatra vai sukham ihāgatya punas tasmād viprāṇāṃ pravare kule //
Having played there in happiness for ninety manvantaras, they come here again from there, into an eminent family of brahmins,
AI translation rendered from the Sanskrit, not a published edition
BrP 227.33
जायन्ते योगिनो विप्रा वेदशास्त्रार्थपारगाः एवं सर्वेषु लोकेषु भुक्त्वा भोगान् यथेप्सितान् ॥
jāyante yogino viprā vedaśāstrārthapāragāḥ evaṃ sarveṣu lokeṣu bhuktvā bhogān yathepsitān //
and are born as yogins, brahmins who have mastered the meaning of the Vedas and the treatises. Thus, having enjoyed in all the worlds the enjoyments they desired,
AI translation rendered from the Sanskrit, not a published edition
BrP 227.34
इहागत्य पुनर् यान्ति उपर्य् उपरि च क्रमात् संभवे संभवे ते तु शतवर्षं द्विजोत्तमाः ॥
ihāgatya punar yānti upary upari ca kramāt saṃbhave saṃbhave te tu śatavarṣaṃ dvijottamāḥ //
they come here and go again, higher and higher in succession; and in birth after birth those best of the twice-born, for a hundred years,
AI translation rendered from the Sanskrit, not a published edition
BrP 227.35
भुक्त्वा यथेप्सितान् भोगान् यान्ति लोकान्तरं ततः दशजन्म यदा तेषां क्रमेणैवं प्रपूर्यते ॥
bhuktvā yathepsitān bhogān yānti lokāntaraṃ tataḥ daśajanma yadā teṣāṃ krameṇaivaṃ prapūryate //
having enjoyed the enjoyments they desired, then go to another world. When ten births of theirs are thus completed in order,
AI translation rendered from the Sanskrit, not a published edition
BrP 227.36
तदा लोकं हरेर् दिव्यं ब्रह्मलोकाद् व्रजन्ति ते गत्वा तत्राक्षयान् भोगान् भुक्त्वा सर्वगुणान्वितान् ॥
tadā lokaṃ harer divyaṃ brahmalokād vrajanti te gatvā tatrākṣayān bhogān bhuktvā sarvaguṇānvitān //
then from Brahmā's world they go to the divine world of Hari; and having gone there and enjoyed imperishable enjoyments endowed with every quality
AI translation rendered from the Sanskrit, not a published edition
BrP 227.37
मन्वन्तरशतं यावज् जन्ममृत्युविवर्जिताः गच्छन्ति भुवनं पश्चाद् वाराहस्य द्विजोत्तमाः ॥
manvantaraśataṃ yāvaj janmamṛtyuvivarjitāḥ gacchanti bhuvanaṃ paścād vārāhasya dvijottamāḥ //
for a hundred manvantaras, free of birth and death, afterwards those best of the twice-born go to the sphere of the Boar (Varāha).
AI translation rendered from the Sanskrit, not a published edition
BrP 227.38
दिव्यदेहाः कुण्डलिनो महाकाया महाबलाः क्रीडन्ति तत्र विप्रेन्द्राः कृत्वा रूपं चतुर्भुजम् ॥
divyadehāḥ kuṇḍalino mahākāyā mahābalāḥ krīḍanti tatra viprendrāḥ kṛtvā rūpaṃ caturbhujam //
With divine bodies, wearing earrings, of great stature and great strength, those chief of brahmins play there, having assumed a four-armed form.
AI translation rendered from the Sanskrit, not a published edition
BrP 227.39
दश कोटिसहस्राणि वर्षाणां द्विजसत्तमाः तिष्ठन्ति शाश्वते भावे सर्वैर् देवैर् नमस्कृताः ॥
daśa koṭisahasrāṇi varṣāṇāṃ dvijasattamāḥ tiṣṭhanti śāśvate bhāve sarvair devair namaskṛtāḥ //
For ten thousand crores of years, O best of the twice-born, they remain in an everlasting condition, saluted by all the gods.
AI translation rendered from the Sanskrit, not a published edition
BrP 227.40
ततो यान्ति तु ते धीरा नरसिंहगृहं द्विजाः क्रीडन्ते तत्र मुदिता वर्षकोट्ययुतानि च ॥
tato yānti tu te dhīrā narasiṃhagṛhaṃ dvijāḥ krīḍante tatra muditā varṣakoṭyayutāni ca //
Then those steadfast brahmins go to the house of Narasiṃha; there they play, delighted, for ten thousand crores of years.
AI translation rendered from the Sanskrit, not a published edition
BrP 227.41
तदन्ते वैष्णवं यान्ति पुरं सिद्धनिषेवितम् क्रीडन्ते तत्र सौख्येन वर्षाणाम् अयुतानि च ॥
tadante vaiṣṇavaṃ yānti puraṃ siddhaniṣevitam krīḍante tatra saukhyena varṣāṇām ayutāni ca //
At the end of that they go to the Vaiṣṇava city frequented by the Siddhas; there they play in comfort for tens of thousands of years.
AI translation rendered from the Sanskrit, not a published edition
BrP 227.42
ब्रह्मलोके पुनर् विप्रा गच्छन्ति साधकोत्तमाः तत्र स्थित्वा चिरं कालं वर्षकोटिशतान् बहून् ॥
brahmaloke punar viprā gacchanti sādhakottamāḥ tatra sthitvā ciraṃ kālaṃ varṣakoṭiśatān bahūn //
Then those brahmins, the best of adepts, go again to Brahmā's world; having stayed there a long time, many hundreds of crores of years,
AI translation rendered from the Sanskrit, not a published edition
BrP 227.43
नारायणपुरं यान्ति ततस् ते साधकेश्वराः भुक्त्वा भोगांश् च विविधान् वर्षकोट्यर्बुदानि च ॥
nārāyaṇapuraṃ yānti tatas te sādhakeśvarāḥ bhuktvā bhogāṃś ca vividhān varṣakoṭyarbudāni ca //
those lords among adepts then go to the city of Nārāyaṇa, and having enjoyed various enjoyments for crores and arbudas of years,
AI translation rendered from the Sanskrit, not a published edition
BrP 227.44
अनिरुद्धपुरं पश्चाद् दिव्यरूपा महाबलाः गच्छन्ति साधकवराः स्तूयमानाः सुरासुरैः ॥
aniruddhapuraṃ paścād divyarūpā mahābalāḥ gacchanti sādhakavarāḥ stūyamānāḥ surāsuraiḥ //
afterwards those foremost of adepts, of divine form and great strength, go to the city of Aniruddha, praised by gods and demons.
AI translation rendered from the Sanskrit, not a published edition
BrP 227.45
तत्र कोटिसहस्राणि वर्षाणां च चतुर्दश तिष्ठन्ति वैष्णवास् तत्र जरामरणवर्जिताः ॥
tatra koṭisahasrāṇi varṣāṇāṃ ca caturdaśa tiṣṭhanti vaiṣṇavās tatra jarāmaraṇavarjitāḥ //
There the Vaiṣṇavas remain for fourteen thousand crores of years, free of old age and death.
AI translation rendered from the Sanskrit, not a published edition
BrP 227.46
प्रद्युम्नस्य पुरं पश्चाद् गच्छन्ति विगतज्वराः तत्र तिष्ठन्ति ते विप्रा लक्षकोटिशतत्रयम् ॥
pradyumnasya puraṃ paścād gacchanti vigatajvarāḥ tatra tiṣṭhanti te viprā lakṣakoṭiśatatrayam //
Afterwards, their distress gone, they go to the city of Pradyumna; there those brahmins remain for three hundred lakh-crores (of years).
AI translation rendered from the Sanskrit, not a published edition
BrP 227.47
स्वच्छन्दगामिनो हृष्टा बलशक्तिसमन्विताः गच्छन्ति योगिनः पश्चाद् यत्र संकर्षणः प्रभुः ॥
svacchandagāmino hṛṣṭā balaśaktisamanvitāḥ gacchanti yoginaḥ paścād yatra saṃkarṣaṇaḥ prabhuḥ //
Moving at their own will, joyful, endowed with strength and power, the yogins go on afterwards to where Lord Saṃkarṣaṇa is.
AI translation rendered from the Sanskrit, not a published edition
BrP 227.48
तत्रोषित्वा चिरं कालं भुक्त्वा भोगान् सहस्रशः विशन्ति वासुदेवैति विरूपाख्ये निरञ्जने ॥
tatroṣitvā ciraṃ kālaṃ bhuktvā bhogān sahasraśaḥ viśanti vāsudevaiti virūpākhye nirañjane //
Having dwelt there a long time and enjoyed pleasures by the thousands, they enter into Vāsudeva, the stainless one named Virūpa.
AI translation rendered from the Sanskrit, not a published edition — the model flagged this verse as uncertain
BrP 227.49
विनिर्मुक्ताः परे तत्त्वे जरामरणवर्जिते तत्र गत्वा विमुक्तास् ते भवेयुर् नात्र संशयः ॥
vinirmuktāḥ pare tattve jarāmaraṇavarjite tatra gatvā vimuktās te bhaveyur nātra saṃśayaḥ //
Wholly released in the supreme reality, which is free of old age and death — having gone there they would become liberated; there is no doubt in this.
AI translation rendered from the Sanskrit, not a published edition
BrP 227.50
एवं क्रमेण भुक्तिं ते प्राप्नुवन्ति मनीषिणः मुक्तिं च मुनिशार्दूला वासुदेवार्चने रताः ॥
evaṃ krameṇa bhuktiṃ te prāpnuvanti manīṣiṇaḥ muktiṃ ca muniśārdūlā vāsudevārcane ratāḥ //
Thus, step by step, those wise ones obtain enjoyment, and also liberation, O tigers among sages, being devoted to the worship of Vāsudeva.
AI translation rendered from the Sanskrit, not a published edition