Brahma Purana — Chapter 226
BrP 226.1
श्रुत्वैवं सा जगन्माता भर्तुर् वचनम् आदितः हृष्टा बभूव सुप्रीता विस्मिता च तदा द्विजाः ॥
śrutvaivaṃ sā jaganmātā bhartur vacanam āditaḥ hṛṣṭā babhūva suprītā vismitā ca tadā dvijāḥ //
Having heard thus the words of her husband from the beginning, that mother of the world became delighted, well pleased, and amazed then, O twice-born ones.
AI translation rendered from the Sanskrit, not a published edition
BrP 226.2
ये तत्रासन् मुनिवरास् त्रिपुरारेः समीपतः तीर्थयात्राप्रसङ्गेन गतास् तस्मिन् गिरौ द्विजाः ॥
ye tatrāsan munivarās tripurāreḥ samīpataḥ tīrthayātrāprasaṅgena gatās tasmin girau dvijāḥ //
Those best of sages who were there near the enemy of Tripura, twice-born ones who had gone to that mountain in the course of a pilgrimage to holy places —
AI translation rendered from the Sanskrit, not a published edition
BrP 226.3
ते ऽपि संपूज्य तं देवं शूलपाणिं प्रणम्य च पप्रच्छुः संशयं चैव लोकानां हितकाम्यया ॥
te 'pi saṃpūjya taṃ devaṃ śūlapāṇiṃ praṇamya ca papracchuḥ saṃśayaṃ caiva lokānāṃ hitakāmyayā //
they too, having worshipped that god who holds the trident and having bowed to him, asked their doubt, out of the wish for the welfare of the worlds.
AI translation rendered from the Sanskrit, not a published edition
BrP 226.4
त्रिलोचन नमस् ते ऽस्तु दक्षक्रतुविनाशन पृच्छामस् त्वां जगन्नाथ संशयं हृदि संस्थितम् ॥
trilocana namas te 'stu dakṣakratuvināśana pṛcchāmas tvāṃ jagannātha saṃśayaṃ hṛdi saṃsthitam //
"O three-eyed one, homage be to you, destroyer of Dakṣa's sacrifice; we ask you, lord of the world, a doubt that stands in our heart.
AI translation rendered from the Sanskrit, not a published edition
BrP 226.5
संसारे ऽस्मिन् महाघोरे भैरवे लोमहर्षणे भ्रमन्ति सुचिरं कालं पुरुषाश् चाल्पमेधसः ॥
saṃsāre 'smin mahāghore bhairave lomaharṣaṇe bhramanti suciraṃ kālaṃ puruṣāś cālpamedhasaḥ //
In this transmigration, greatly terrible, frightful, making the hair bristle, men of little wit wander for a very long time.
AI translation rendered from the Sanskrit, not a published edition
BrP 226.6
येनोपायेन मुच्यन्ते जन्मसंसारबन्धनात् ब्रूहि तच् छ्रोतुम् इच्छामः परं कौतूहलं हि नः ॥
yenopāyena mucyante janmasaṃsārabandhanāt brūhi tac chrotum icchāmaḥ paraṃ kautūhalaṃ hi naḥ //
By what means are they released from the bondage of birth and transmigration? Tell that; we wish to hear it, for our curiosity is great."
AI translation rendered from the Sanskrit, not a published edition
BrP 226.7
कर्मपाशनिबद्धानां नराणां दुःखभागिनाम् नान्योपायं प्रपश्यामि वासुदेवात् परं द्विजाः ॥
karmapāśanibaddhānāṃ narāṇāṃ duḥkhabhāginām nānyopāyaṃ prapaśyāmi vāsudevāt paraṃ dvijāḥ //
"For men bound by the noose of karma, who partake of suffering, I see no other means beyond Vāsudeva, O twice-born ones.
AI translation rendered from the Sanskrit, not a published edition
BrP 226.8
ये पूजयन्ति तं देवं शङ्खचक्रगदाधरम् वाङ्मनःकर्मभिः सम्यक् ते यान्ति परमां गतिम् ॥
ye pūjayanti taṃ devaṃ śaṅkhacakragadādharam vāṅmanaḥkarmabhiḥ samyak te yānti paramāṃ gatim //
Those who worship that god who bears conch, discus and mace, rightly with speech, mind and deeds — they go to the highest goal.
AI translation rendered from the Sanskrit, not a published edition
BrP 226.9
किं तेषां जीवितेनेह पशुवच् चेष्टितेन च येषां न प्रवणं चित्तं वासुदेवे जगन्मये ॥
kiṃ teṣāṃ jīviteneha paśuvac ceṣṭitena ca yeṣāṃ na pravaṇaṃ cittaṃ vāsudeve jaganmaye //
What is the use of their living here and of their behaving like cattle, whose mind is not inclined toward Vāsudeva, who consists of the world?
AI translation rendered from the Sanskrit, not a published edition
BrP 226.10
पिनाकिन् भगनेत्रघ्न सर्वलोकनमस्कृत माहात्म्यं वासुदेवस्य श्रोतुम् इच्छाम शंकर ॥
pinākin bhaganetraghna sarvalokanamaskṛta māhātmyaṃ vāsudevasya śrotum icchāma śaṃkara //
"O bearer of the Pināka, slayer of Bhaga's eye, honoured by all the world, we wish to hear the greatness of Vāsudeva, O Śaṃkara."
AI translation rendered from the Sanskrit, not a published edition
BrP 226.11
पितामहाद् अपि वरः शाश्वतः पुरुषो हरिः कृष्णो जाम्बूनदाभासो व्यभ्रे सूर्य इवोदितः ॥
pitāmahād api varaḥ śāśvataḥ puruṣo hariḥ kṛṣṇo jāmbūnadābhāso vyabhre sūrya ivoditaḥ //
"Superior even to the Grandfather is the eternal Puruṣa Hari, Kṛṣṇa, with the sheen of river-gold, like the sun risen in a cloudless sky.
AI translation rendered from the Sanskrit, not a published edition
BrP 226.12
दशबाहुर् महातेजा देवतारिनिषूदनः श्रीवत्साङ्को हृषीकेशः सर्वदैवतयूथपः ॥
daśabāhur mahātejā devatāriniṣūdanaḥ śrīvatsāṅko hṛṣīkeśaḥ sarvadaivatayūthapaḥ //
Ten-armed, of great splendour, slayer of the enemies of the gods, marked with the śrīvatsa, Hṛṣīkeśa, the leader of the herd of all the gods.
AI translation rendered from the Sanskrit, not a published edition
BrP 226.13
ब्रह्मा तस्योदरभवस् तस्याहं च शिरोभवः शिरोरुहेभ्यो ज्योतींषि रोमभ्यश् च सुरासुराः ॥
brahmā tasyodarabhavas tasyāhaṃ ca śirobhavaḥ śiroruhebhyo jyotīṃṣi romabhyaś ca surāsurāḥ //
Brahmā arose from his belly, and I arose from his head; from the hairs of his head the luminaries, and from his body-hairs gods and demons.
AI translation rendered from the Sanskrit, not a published edition
BrP 226.14
ऋषयो देहसंभूतास् तस्य लोकाश् च शाश्वताः पितामहगृहं साक्षात् सर्वदेवगृहं च सः ॥
ṛṣayo dehasaṃbhūtās tasya lokāś ca śāśvatāḥ pitāmahagṛhaṃ sākṣāt sarvadevagṛhaṃ ca saḥ //
The seers arose from his body, and the eternal worlds; he himself is directly the house of the Grandfather and the house of all the gods.
AI translation rendered from the Sanskrit, not a published edition
BrP 226.15
सो ऽस्याः पृथिव्याः कृत्स्नायाः स्रष्टा त्रिभुवनेश्वरः संहर्ता चैव भूतानां स्थावरस्य चरस्य च ॥
so 'syāḥ pṛthivyāḥ kṛtsnāyāḥ sraṣṭā tribhuvaneśvaraḥ saṃhartā caiva bhūtānāṃ sthāvarasya carasya ca //
He is the creator of this whole earth, the lord of the three worlds, and also the destroyer of beings, both the immobile and the moving.
AI translation rendered from the Sanskrit, not a published edition
BrP 226.16
स हि देवदेवः साक्षाद् देवनाथः परंतपः सर्वज्ञः सर्वसंस्रष्टा सर्वगः सर्वतोमुखः ॥
sa hi devadevaḥ sākṣād devanāthaḥ paraṃtapaḥ sarvajñaḥ sarvasaṃsraṣṭā sarvagaḥ sarvatomukhaḥ //
For he is verily the god of gods, the lord of the gods, the scorcher of foes, all-knowing, the creator of all, all-pervading, facing in every direction.
AI translation rendered from the Sanskrit, not a published edition
BrP 226.17
न तस्मात् परमं भूतं त्रिषु लोकेषु किंचन सनातनो महाभागो गोविन्द इति विश्रुतः ॥
na tasmāt paramaṃ bhūtaṃ triṣu lokeṣu kiṃcana sanātano mahābhāgo govinda iti viśrutaḥ //
There is no being higher than he in the three worlds; the eternal, the greatly blessed one, renowned as Govinda.
AI translation rendered from the Sanskrit, not a published edition
BrP 226.18
स सर्वान् पार्थिवान् संख्ये घातयिष्यति मानदः सुरकार्यार्थम् उत्पन्नो मानुष्यं वपुर् आस्थितः ॥
sa sarvān pārthivān saṃkhye ghātayiṣyati mānadaḥ surakāryārtham utpanno mānuṣyaṃ vapur āsthitaḥ //
He, the giver of honour, will cause all the earth's rulers to be slain in battle; born for the sake of the gods' purpose, he has taken on a human body.
AI translation rendered from the Sanskrit, not a published edition
BrP 226.19
नहि देवगणाः शक्तास् त्रिविक्रमविनाकृताः भुवने देवकार्याणि कर्तुं नायकवर्जितः ॥
nahi devagaṇāḥ śaktās trivikramavinākṛtāḥ bhuvane devakāryāṇi kartuṃ nāyakavarjitaḥ //
For the hosts of gods, when deprived of Trivikrama, are not able—being without a leader—to accomplish the gods' tasks in the world.
AI translation rendered from the Sanskrit, not a published edition
BrP 226.20
नायकः सर्वभूतानां सर्वभूतनमस्कृतः एतस्य देवनाथस्य कार्यस्य च परस्य च ॥
nāyakaḥ sarvabhūtānāṃ sarvabhūtanamaskṛtaḥ etasya devanāthasya kāryasya ca parasya ca //
He is the leader of all beings, bowed to by all beings—of this lord of gods, both of the task and of what is beyond,
AI translation rendered from the Sanskrit, not a published edition — the model flagged this verse as uncertain
BrP 226.21
ब्रह्मभूतस्य सततं ब्रह्मर्षिशरणस्य च ब्रह्मा वसति नाभिस्थः शरीरे ऽहं च संस्थितः ॥
brahmabhūtasya satataṃ brahmarṣiśaraṇasya ca brahmā vasati nābhisthaḥ śarīre 'haṃ ca saṃsthitaḥ //
—of him who is ever become Brahman and is the refuge of the brahmin-seers: Brahmā dwells stationed in his navel, and I am established in his body.
AI translation rendered from the Sanskrit, not a published edition
BrP 226.22
सर्वाः सुखं संस्थिताश् च शरीरे तस्य देवताः स देवः पुण्डरीकाक्षः श्रीगर्भः श्रीसहोषितः ॥
sarvāḥ sukhaṃ saṃsthitāś ca śarīre tasya devatāḥ sa devaḥ puṇḍarīkākṣaḥ śrīgarbhaḥ śrīsahoṣitaḥ //
And all the deities are comfortably established in his body; he is the god, the lotus-eyed, whose womb is Śrī, who dwells together with Śrī,
AI translation rendered from the Sanskrit, not a published edition
BrP 226.23
शार्ङ्गचक्रायुधः खड्गी सर्वनागरिपुध्वजः उत्तमेन सुशीलेन शौचेन च दमेन च ॥
śārṅgacakrāyudhaḥ khaḍgī sarvanāgaripudhvajaḥ uttamena suśīlena śaucena ca damena ca //
—armed with the Śārṅga bow and the discus, bearing a sword, having as his banner the enemy of all serpents; by his supreme good conduct, by purity and by self-restraint,
AI translation rendered from the Sanskrit, not a published edition
BrP 226.24
पराक्रमेण वीर्येण वपुषा दर्शनेन च आरोहणप्रमाणेन वीर्येणार्जवसंपदा ॥
parākrameṇa vīryeṇa vapuṣā darśanena ca ārohaṇapramāṇena vīryeṇārjavasaṃpadā //
(endowed) with prowess, with valour, with bodily form and with (fair) appearance, with the measure of (his) stature, with valour, with the wealth of uprightness—
AI translation rendered from the Sanskrit, not a published edition — the model flagged this verse as uncertain
BrP 226.25
आनृशंस्येन रूपेण बलेन च समन्वितः अस्त्रैः समुदितः सर्वैर् दिव्यैर् अद्भुतदर्शनैः ॥
ānṛśaṃsyena rūpeṇa balena ca samanvitaḥ astraiḥ samuditaḥ sarvair divyair adbhutadarśanaiḥ //
he is endowed with non-cruelty, with beauty and with strength, and furnished with all weapons, divine and of wondrous appearance.
AI translation rendered from the Sanskrit, not a published edition
BrP 226.26
योगमायासहस्राक्षो विरूपाक्षो महामनाः वाचा मित्रजनश्लाघी ज्ञातिबन्धुजनप्रियः ॥
yogamāyāsahasrākṣo virūpākṣo mahāmanāḥ vācā mitrajanaślāghī jñātibandhujanapriyaḥ //
Thousand-eyed through the magic power of yoga, of many forms, great-minded, praising his friends with his speech, dear to his kinsmen and relatives,
AI translation rendered from the Sanskrit, not a published edition
BrP 226.27
क्षमावांश् चानहंवादी स देवो ब्रह्मदायकः भयहर्ता भयार्तानां मित्रानन्दविवर्धनः ॥
kṣamāvāṃś cānahaṃvādī sa devo brahmadāyakaḥ bhayahartā bhayārtānāṃ mitrānandavivardhanaḥ //
patient and not given to speaking of himself—that god is the giver of the Veda (or of brahman), the remover of fear for those tormented by fear, the increaser of the joy of friends,
AI translation rendered from the Sanskrit, not a published edition
BrP 226.28
शरण्यः सर्वभूतानां दीनानां पालने रतः श्रुतवान् अथ संपन्नः सर्वभूतनमस्कृतः ॥
śaraṇyaḥ sarvabhūtānāṃ dīnānāṃ pālane rataḥ śrutavān atha saṃpannaḥ sarvabhūtanamaskṛtaḥ //
a refuge for all beings, devoted to protecting the wretched, learned and, moreover, accomplished, saluted by all beings,
AI translation rendered from the Sanskrit, not a published edition
BrP 226.29
समाश्रितानाम् उपकृच् छत्रूणां भयकृत् तथा नीतिज्ञो नीतिसंपन्नो ब्रह्मवादी जितेन्द्रियः ॥
samāśritānām upakṛc chatrūṇāṃ bhayakṛt tathā nītijño nītisaṃpanno brahmavādī jitendriyaḥ //
a benefactor of those who take refuge (with him) and likewise a cause of fear to enemies, knowing polity, endowed with polity, a speaker of brahman, with his senses subdued.
AI translation rendered from the Sanskrit, not a published edition
BrP 226.30
भवार्थम् एव देवानां बुद्ध्या परमया युतः प्राजापत्ये शुभे मार्गे मानवे धर्मसंस्कृते ॥
bhavārtham eva devānāṃ buddhyā paramayā yutaḥ prājāpatye śubhe mārge mānave dharmasaṃskṛte //
Just for the welfare of the gods, joined with supreme intelligence, on the auspicious path of Prajāpati, the path of Manu, hallowed by dharma,
AI translation rendered from the Sanskrit, not a published edition — the model flagged this verse as uncertain
BrP 226.31
समुत्पत्स्यति गोविन्दो मनोर् वंशे महात्मनः अंशो नाम मनोः पुत्रो ह्य् अन्तर्धामा ततः परम् ॥
samutpatsyati govindo manor vaṃśe mahātmanaḥ aṃśo nāma manoḥ putro hy antardhāmā tataḥ param //
Govinda will be born in the line of the great-souled Manu. Manu's son was named Aṃśa, and after him Antardhāman.
AI translation rendered from the Sanskrit, not a published edition
BrP 226.32
अन्तर्धाम्नो हविर्धामा प्रजापतिर् अनिन्दितः प्राचीनबर्हिर् भविता हविर्धाम्नः सुतो द्विजाः ॥
antardhāmno havirdhāmā prajāpatir aninditaḥ prācīnabarhir bhavitā havirdhāmnaḥ suto dvijāḥ //
From Antardhāman (came) Havirdhāman, an unblamed Prajāpati; and Prācīnabarhis, O twice-born ones, will be the son of Havirdhāman.
AI translation rendered from the Sanskrit, not a published edition
BrP 226.33
तस्य प्रचेतःप्रमुखा भविष्यन्ति दशात्मजाः प्राचेतसस् तथा दक्षो भवितेह प्रजापतिः ॥
tasya pracetaḥpramukhā bhaviṣyanti daśātmajāḥ prācetasas tathā dakṣo bhaviteha prajāpatiḥ //
He will have ten sons, foremost among them Pracetas; and Dakṣa, son of the Pracetases, will here be a Prajāpati.
AI translation rendered from the Sanskrit, not a published edition
BrP 226.34
दाक्षायण्यस् तथादित्यो मनुर् आदित्यतस् ततः मनोश् च वंशज इला सुद्युम्नश् च भविष्यति ॥
dākṣāyaṇyas tathādityo manur ādityatas tataḥ manoś ca vaṃśaja ilā sudyumnaś ca bhaviṣyati //
From the daughters of Dakṣa (will come) Āditya (the sun); from Āditya, Manu; and of Manu's line will be born Ilā and Sudyumna.
AI translation rendered from the Sanskrit, not a published edition — the model flagged this verse as uncertain
BrP 226.35
बुधात् पुरूरवाश् चापि तस्माद् आयुर् भविष्यति नहुषो भविता तस्माद् ययातिस् तस्य चात्मजः ॥
budhāt purūravāś cāpi tasmād āyur bhaviṣyati nahuṣo bhavitā tasmād yayātis tasya cātmajaḥ //
From Budha (will come) Purūravas, and from him Āyu will be born; from him will come Nahuṣa, and Yayāti (will be) his son.
AI translation rendered from the Sanskrit, not a published edition
BrP 226.36
यदुस् तस्मान् महासत्त्वः क्रोष्टा तस्माद् भविष्यति क्रोष्टुश् चैव महान् पुत्रो वृजिनीवान् भविष्यति ॥
yadus tasmān mahāsattvaḥ kroṣṭā tasmād bhaviṣyati kroṣṭuś caiva mahān putro vṛjinīvān bhaviṣyati //
From him (will come) Yadu of great strength, and from him Kroṣṭā will be born; and Kroṣṭā's great son will be Vṛjinīvān.
AI translation rendered from the Sanskrit, not a published edition
BrP 226.37
वृजिनीवतश् च भविता उषङ्गुर् अपराजितः उषङ्गोर् भविता पुत्रः शूरश् चित्ररथस् तथा ॥
vṛjinīvataś ca bhavitā uṣaṅgur aparājitaḥ uṣaṅgor bhavitā putraḥ śūraś citrarathas tathā //
And of Vṛjinīvān there will be Uṣaṅgu, the unconquered; of Uṣaṅgu the son will be Śūra, and likewise Citraratha.
AI translation rendered from the Sanskrit, not a published edition
BrP 226.38
तस्य त्व् अवरजः पुत्रः शूरो नाम भविष्यति तेषां विख्यातवीर्याणां चारित्रगुणशालिनाम् ॥
tasya tv avarajaḥ putraḥ śūro nāma bhaviṣyati teṣāṃ vikhyātavīryāṇāṃ cāritraguṇaśālinām //
But his younger son will be one named Śūra — among those of famed valour, endowed with the virtues of good conduct,
AI translation rendered from the Sanskrit, not a published edition
BrP 226.39
यज्विनां च विशुद्धानां वंशे ब्राह्मणसत्तमाः स शूरः क्षत्रियश्रेष्ठो महावीर्यो महायशाः ॥
yajvināṃ ca viśuddhānāṃ vaṃśe brāhmaṇasattamāḥ sa śūraḥ kṣatriyaśreṣṭho mahāvīryo mahāyaśāḥ //
performers of sacrifice and utterly pure — in that lineage, O best of brahmins, that Śūra, foremost of kṣatriyas, of great valour and great fame,
AI translation rendered from the Sanskrit, not a published edition
BrP 226.40
स्ववंशविस्तारकरं जनयिष्यति मानदम् वसुदेवम् इति ख्यातं पुत्रम् आनकदुन्दुभिम् ॥
svavaṃśavistārakaraṃ janayiṣyati mānadam vasudevam iti khyātaṃ putram ānakadundubhim //
will beget a son who extends his own lineage, a giver of honour, known as Vasudeva, (called) Ānakadundubhi.
AI translation rendered from the Sanskrit, not a published edition
BrP 226.41
तस्य पुत्रश् चतुर्बाहुर् वासुदेवो भविष्यति दाता ब्राह्मणसत्कर्ता ब्रह्मभूतो द्विजप्रियः ॥
tasya putraś caturbāhur vāsudevo bhaviṣyati dātā brāhmaṇasatkartā brahmabhūto dvijapriyaḥ //
His son will be the four-armed Vāsudeva, a giver, an honourer of brahmins, become Brahman itself, dear to the twice-born.
AI translation rendered from the Sanskrit, not a published edition
BrP 226.42
राज्ञो बद्धान् स सर्वान् वै मोक्षयिष्यति यादवः जरासंधं तु राजानं निर्जित्य गिरिगह्वरे ॥
rājño baddhān sa sarvān vai mokṣayiṣyati yādavaḥ jarāsaṃdhaṃ tu rājānaṃ nirjitya girigahvare //
That Yādava will set free all the imprisoned kings, having defeated King Jarāsaṃdha in a mountain cavern.
AI translation rendered from the Sanskrit, not a published edition
BrP 226.43
सर्वपार्थिवरत्नाढ्यो भविष्यति स वीर्यवान् पृथिव्याम् अप्रतिहतो वीर्येणापि भविष्यति ॥
sarvapārthivaratnāḍhyo bhaviṣyati sa vīryavān pṛthivyām apratihato vīryeṇāpi bhaviṣyati //
Rich in all the treasures of the kings, that valiant one will become unopposed on earth, and by his valour (unrivalled) too.
AI translation rendered from the Sanskrit, not a published edition
BrP 226.44
विक्रमेण च संपन्नः सर्वपार्थिवपार्थिवः शूरः संहननो भूतो द्वारकायां वसन् प्रभुः ॥
vikrameṇa ca saṃpannaḥ sarvapārthivapārthivaḥ śūraḥ saṃhanano bhūto dvārakāyāṃ vasan prabhuḥ //
Endowed with prowess, the king of all kings, a hero, of firm-knit frame, the lord dwelling in Dvārakā,
AI translation rendered from the Sanskrit, not a published edition
BrP 226.45
पालयिष्यति गां देवीं विनिर्जित्य दुराशयान् तं भवन्तः समासाद्य ब्राह्मणैर् अर्हणैर् वरैः ॥
pālayiṣyati gāṃ devīṃ vinirjitya durāśayān taṃ bhavantaḥ samāsādya brāhmaṇair arhaṇair varaiḥ //
he will protect the goddess Earth, having vanquished those of evil intent. Approaching him, may you (all), together with brahmins, with excellent offerings of homage,
AI translation rendered from the Sanskrit, not a published edition
BrP 226.46
अर्चयन्तु यथान्यायं ब्रह्माणम् इव शाश्वतम् यो हि मां द्रष्टुम् इच्छेत ब्रह्माणं च पितामहम् ॥
arcayantu yathānyāyaṃ brahmāṇam iva śāśvatam yo hi māṃ draṣṭum iccheta brahmāṇaṃ ca pitāmaham //
worship (him) as is fitting, as (you would) the eternal Brahmā. For whoever should wish to see me and Brahmā the grandfather,
AI translation rendered from the Sanskrit, not a published edition
BrP 226.47
द्रष्टव्यस् तेन भगवान् वासुदेवः प्रतापवान् दृष्टे तस्मिन्न् अहं दृष्टो न मे ऽत्रास्ति विचारणा ॥
draṣṭavyas tena bhagavān vāsudevaḥ pratāpavān dṛṣṭe tasminn ahaṃ dṛṣṭo na me 'trāsti vicāraṇā //
by him the majestic Lord Vāsudeva is to be seen; when he is seen, I am seen — of this I have no doubt.
AI translation rendered from the Sanskrit, not a published edition
BrP 226.48
पितामहो वासुदेव इति वित्त तपोधनाः स यस्य पुण्डरीकाक्षः प्रीतियुक्तो भविष्यति ॥
pitāmaho vāsudeva iti vitta tapodhanāḥ sa yasya puṇḍarīkākṣaḥ prītiyukto bhaviṣyati //
Know, O you rich in austerity, that Vāsudeva is the grandfather (Brahmā). He of the lotus eyes, toward whomever he becomes filled with affection,
AI translation rendered from the Sanskrit, not a published edition
BrP 226.49
तस्य देवगणः प्रीतो ब्रह्मपूर्वो भविष्यति यस् तु तं मानवो लोके संश्रयिष्यति केशवम् ॥
tasya devagaṇaḥ prīto brahmapūrvo bhaviṣyati yas tu taṃ mānavo loke saṃśrayiṣyati keśavam //
to him the host of gods, with Brahmā at its head, will be well pleased. And whatever man in the world takes refuge in that Keśava,
AI translation rendered from the Sanskrit, not a published edition
BrP 226.50
तस्य कीर्तिर् यशश् चैव स्वर्गश् चैव भविष्यति धर्माणां देशिकः साक्षाद् भविष्यति स धर्मवान् ॥
tasya kīrtir yaśaś caiva svargaś caiva bhaviṣyati dharmāṇāṃ deśikaḥ sākṣād bhaviṣyati sa dharmavān //
his will be renown and fame and heaven too; that righteous one will be the visible instructor of the dharmas.
AI translation rendered from the Sanskrit, not a published edition
BrP 226.51
धर्मविद्भिः स देवेशो नमस्कार्यः सदाच्युतः धर्म एव सदा हि स्याद् अस्मिन्न् अभ्यर्चिते विभौ ॥
dharmavidbhiḥ sa deveśo namaskāryaḥ sadācyutaḥ dharma eva sadā hi syād asminn abhyarcite vibhau //
That lord of gods, the ever-unfalling one, is to be saluted by those who know dharma; for when this pervading lord is worshipped, dharma alone would ever be (the result).
AI translation rendered from the Sanskrit, not a published edition
BrP 226.52
स हि देवो महातेजाः प्रजाहितचिकीर्षया धर्मार्थं पुरुषव्याघ्र ऋषिकोटीः ससर्ज च ॥
sa hi devo mahātejāḥ prajāhitacikīrṣayā dharmārthaṃ puruṣavyāghra ṛṣikoṭīḥ sasarja ca //
For that god of great splendour, O tiger among men, wishing to do good to creatures, created crores of sages for the sake of dharma.
AI translation rendered from the Sanskrit, not a published edition
BrP 226.53
ताः सृष्टास् तेन विधिना पर्वते गन्धमादने सनत्कुमारप्रमुखास् तिष्ठन्ति तपसान्विताः ॥
tāḥ sṛṣṭās tena vidhinā parvate gandhamādane sanatkumārapramukhās tiṣṭhanti tapasānvitāḥ //
Created by him according to rule, they abide on Mount Gandhamādana, headed by Sanatkumāra, possessed of austerity.
AI translation rendered from the Sanskrit, not a published edition
BrP 226.54
तस्मात् स वाग्मी धर्मज्ञो नमस्यो द्विजपुंगवाः वन्दितो हि स वन्देत मानितो मानयीत च ॥
tasmāt sa vāgmī dharmajño namasyo dvijapuṃgavāḥ vandito hi sa vandeta mānito mānayīta ca //
Therefore he is eloquent, a knower of dharma, and worthy of homage, O bulls among the twice-born; for when saluted he salutes in return, and when honoured he honours in return.
AI translation rendered from the Sanskrit, not a published edition
BrP 226.55
दृष्टः पश्येद् अहरहः संश्रितः प्रतिसंश्रयेत् अर्चितश् चार्चयेन् नित्यं स देवो द्विजसत्तमाः ॥
dṛṣṭaḥ paśyed aharahaḥ saṃśritaḥ pratisaṃśrayet arcitaś cārcayen nityaṃ sa devo dvijasattamāḥ //
When looked upon, he looks (upon one) day after day; when resorted to, he gives refuge in return; and when worshipped, he ever worships (in return) — he is God, O best of the twice-born.
AI translation rendered from the Sanskrit, not a published edition
BrP 226.56
एवं तस्यानवद्यस्य विष्णोर् वै परमं तपः आदिदेवस्य महतः सज्जनाचरितं सदा ॥
evaṃ tasyānavadyasya viṣṇor vai paramaṃ tapaḥ ādidevasya mahataḥ sajjanācaritaṃ sadā //
Such is the supreme austerity of that blameless Viṣṇu, the primordial God, the great one — practised always by good men.
AI translation rendered from the Sanskrit, not a published edition
BrP 226.57
भुवने ऽभ्यर्चितो नित्यं देवैर् अपि सनातनः अभयेनानुरूपेण प्रपद्य तम् अनुव्रताः ॥
bhuvane 'bhyarcito nityaṃ devair api sanātanaḥ abhayenānurūpeṇa prapadya tam anuvratāḥ //
In the world he, the eternal one, is constantly worshipped even by the gods; taking refuge in him with fitting fearlessness, (they) are devoted to him.
AI translation rendered from the Sanskrit, not a published edition — the model flagged this verse as uncertain
BrP 226.58
कर्मणा मनसा वाचा स नमस्यो द्विजैः सदा यत्नवद्भिर् उपस्थाय द्रष्टव्यो देवकीसुतः ॥
karmaṇā manasā vācā sa namasyo dvijaiḥ sadā yatnavadbhir upasthāya draṣṭavyo devakīsutaḥ //
By act, by mind, by speech he is ever to be saluted by the twice-born; the son of Devakī is to be beheld by those who approach him with effort.
AI translation rendered from the Sanskrit, not a published edition
BrP 226.59
एष वै विहितो मार्गो मया वै मुनिसत्तमाः तं दृष्ट्वा सर्वदेवेशं दृष्टाः स्युः सुरसत्तमाः ॥
eṣa vai vihito mārgo mayā vai munisattamāḥ taṃ dṛṣṭvā sarvadeveśaṃ dṛṣṭāḥ syuḥ surasattamāḥ //
This indeed is the path laid down by me, O best of sages; having seen him, the lord of all gods, (all) the best of gods will have been seen.
AI translation rendered from the Sanskrit, not a published edition
BrP 226.60
महावराहं तं देवं सर्वलोकपितामहम् अहं चैव नमस्यामि नित्यम् एव जगत्पतिम् ॥
mahāvarāhaṃ taṃ devaṃ sarvalokapitāmaham ahaṃ caiva namasyāmi nityam eva jagatpatim //
And I too constantly salute that God, the Great Boar, the grandfather of all the worlds, the lord of the universe.
AI translation rendered from the Sanskrit, not a published edition
BrP 226.61
तत्र च त्रितयं दृष्टं भविष्यति न संशयः समस्ता हि वयं देवास् तस्य देहे वसामहे ॥
tatra ca tritayaṃ dṛṣṭaṃ bhaviṣyati na saṃśayaḥ samastā hi vayaṃ devās tasya dehe vasāmahe //
And there the triad will be seen, there is no doubt; for we gods, all of us, dwell in his body.
AI translation rendered from the Sanskrit, not a published edition
BrP 226.62
तस्यैव चाग्रजो भ्राता सिताद्रिनिचयप्रभः हली बल इति ख्यातो भविष्यति धराधरः ॥
tasyaiva cāgrajo bhrātā sitādrinicayaprabhaḥ halī bala iti khyāto bhaviṣyati dharādharaḥ //
And his very own elder brother, radiant as a mass of white mountains, bearing the plough, will be known as Bala, the upholder of the earth.
AI translation rendered from the Sanskrit, not a published edition
BrP 226.63
त्रिशिरास् तस्य देवस्य दृष्टो ऽनन्त इति प्रभोः सुपर्णो यस्य वीर्येण कश्यपस्यात्मजो बली ॥
triśirās tasya devasya dṛṣṭo 'nanta iti prabhoḥ suparṇo yasya vīryeṇa kaśyapasyātmajo balī //
Three-headed, that God, the Lord, has been seen as Ananta; by whose power Suparṇa, the mighty son of Kaśyapa,
AI translation rendered from the Sanskrit, not a published edition — the model flagged this verse as uncertain
BrP 226.64
अन्तं नैवाशकद् द्रष्टुं देवस्य परमात्मनः स च शेषो विचरते परया वै मुदा युतः ॥
antaṃ naivāśakad draṣṭuṃ devasya paramātmanaḥ sa ca śeṣo vicarate parayā vai mudā yutaḥ //
was not able to see the end of that God, the supreme Self; and that Śeṣa moves about filled with the highest joy.
AI translation rendered from the Sanskrit, not a published edition
BrP 226.65
अन्तर्वसति भोगेन परिरभ्य वसुंधराम् य एष विष्णुः सो ऽनन्तो भगवान् वसुधाधरः ॥
antarvasati bhogena parirabhya vasuṃdharām ya eṣa viṣṇuḥ so 'nanto bhagavān vasudhādharaḥ //
He dwells within, encircling the earth with his coil; this Viṣṇu is that Ananta, the Lord, the supporter of the earth.
AI translation rendered from the Sanskrit, not a published edition
BrP 226.66
यो रामः स हृषीकेशो ऽच्युतः सर्वधराधरः ताव् उभौ पुरुषव्याघ्रौ दिव्यौ दिव्यपराक्रमौ ॥
yo rāmaḥ sa hṛṣīkeśo 'cyutaḥ sarvadharādharaḥ tāv ubhau puruṣavyāghrau divyau divyaparākramau //
He who is Rāma is Hṛṣīkeśa, the imperishable, the supporter of all the earth; those two, tigers among men, divine, of divine prowess,
AI translation rendered from the Sanskrit, not a published edition
BrP 226.67
द्रष्टव्यौ माननीयौ च चक्रलाङ्गलधारिणौ एष वो ऽनुग्रहः प्रोक्तो मया पुण्यस् तपोधनाः तद् भवन्तो यदुश्रेष्ठं पूजयेयुः प्रयत्नतः ॥
draṣṭavyau mānanīyau ca cakralāṅgaladhāriṇau eṣa vo 'nugrahaḥ prokto mayā puṇyas tapodhanāḥ tad bhavanto yaduśreṣṭhaṃ pūjayeyuḥ prayatnataḥ //
bearers of the discus and the plough, are to be beheld and honoured. This auspicious favour has been declared to you by me, O you whose wealth is austerity; therefore may your reverences worship the best of the Yadus with diligence.
AI translation rendered from the Sanskrit, not a published edition