Brahma Purana — Chapter 225
BrP 225.1
किंशीलः किंसमाचारः पुरुषः कैश् च कर्मभिः स्वर्गं समभिपद्येत संप्रदानेन केन वा ॥
kiṃśīlaḥ kiṃsamācāraḥ puruṣaḥ kaiś ca karmabhiḥ svargaṃ samabhipadyeta saṃpradānena kena vā //
Of what character, of what conduct, and by what deeds should a man reach heaven, or by what sort of giving?
AI translation rendered from the Sanskrit, not a published edition
BrP 225.2
दाता ब्राह्मणसत्कर्ता दीनार्तकृपणादिषु भक्षभोज्यान्नपानानां वाससां च महामतिः ॥
dātā brāhmaṇasatkartā dīnārtakṛpaṇādiṣu bhakṣabhojyānnapānānāṃ vāsasāṃ ca mahāmatiḥ //
A giver, one who honours brahmins, one of great mind (in giving) foods to eat and to consume, food and drink, and clothing, to the poor, the afflicted, the wretched and the rest —
AI translation rendered from the Sanskrit, not a published edition
BrP 225.3
प्रतिश्रयान् सभाः कुर्यात् प्रपाः पुष्करिणीस् तथा नित्यकादीनि कर्माणि करोति प्रयतः शुचिः ॥
pratiśrayān sabhāḥ kuryāt prapāḥ puṣkariṇīs tathā nityakādīni karmāṇi karoti prayataḥ śuciḥ //
He should make shelters and assembly halls, and water-booths and lotus-ponds; restrained and pure, he performs the daily and other rites.
AI translation rendered from the Sanskrit, not a published edition
BrP 225.4
आसनं शयनं यानं गृहं रत्नं धनं तथा सस्यजातानि सर्वाणि सक्षेत्राण्य् अथ योषितः ॥
āsanaṃ śayanaṃ yānaṃ gṛhaṃ ratnaṃ dhanaṃ tathā sasyajātāni sarvāṇi sakṣetrāṇy atha yoṣitaḥ //
A seat, a bed, a vehicle, a house, a jewel, and wealth, all kinds of grain, together with fields, and also women —
AI translation rendered from the Sanskrit, not a published edition
BrP 225.5
सुप्रशान्तमना नित्यं यः प्रयच्छति मानवः एवंभूतो नरो देवि देवलोके ऽभिजायते ॥
supraśāntamanā nityaṃ yaḥ prayacchati mānavaḥ evaṃbhūto naro devi devaloke 'bhijāyate //
The man who, with a mind ever wholly at peace, gives (these) away — such a man, O goddess, is born in the world of the gods.
AI translation rendered from the Sanskrit, not a published edition
BrP 225.6
तत्रोष्य सुचिरं कालं भुक्त्वा भोगान् अनुत्तमान् सहाप्सरोभिर् मुदितो रमित्वा नन्दनादिषु ॥
tatroṣya suciraṃ kālaṃ bhuktvā bhogān anuttamān sahāpsarobhir mudito ramitvā nandanādiṣu //
Having dwelt there a very long time, having enjoyed the most excellent pleasures, delighted, having sported with the apsarases in Nandana and the other (groves) —
AI translation rendered from the Sanskrit, not a published edition
BrP 225.7
तस्माच् च्युतो महेशानि मानुषेषूपजायते महाभागकुले देवि धनधान्यसमाचिते ॥
tasmāc cyuto maheśāni mānuṣeṣūpajāyate mahābhāgakule devi dhanadhānyasamācite //
Fallen from there, O great goddess, he is born among men, in a family of great fortune, O goddess, well supplied with wealth and grain.
AI translation rendered from the Sanskrit, not a published edition
BrP 225.8
तत्र कामगुणैः सर्वैः समुपेतो मुदान्वितः महाकार्यो महाभोगो धनी भवति मानवः ॥
tatra kāmaguṇaiḥ sarvaiḥ samupeto mudānvitaḥ mahākāryo mahābhogo dhanī bhavati mānavaḥ //
There the man, endowed with all the qualities of desire and filled with joy, becomes one of great undertakings, great enjoyments, and rich.
AI translation rendered from the Sanskrit, not a published edition
BrP 225.9
एते देवि महाभागाः प्राणिनो दानशालिनः ब्रह्मणा वै पुरा प्रोक्ताः सर्वस्य प्रियदर्शनाः ॥
ete devi mahābhāgāḥ prāṇino dānaśālinaḥ brahmaṇā vai purā proktāḥ sarvasya priyadarśanāḥ //
These, O goddess, are the greatly fortunate beings, abounding in giving, declared of old by Brahmā to be pleasing to the sight of everyone.
AI translation rendered from the Sanskrit, not a published edition
BrP 225.10
अपरे मानवा देवि प्रदानकृपणा द्विजाः ये ऽन्नानि न प्रयच्छन्ति विद्यमाने ऽप्य् अबुद्धयः ॥
apare mānavā devi pradānakṛpaṇā dvijāḥ ye 'nnāni na prayacchanti vidyamāne 'py abuddhayaḥ //
Other men, O goddess, and twice-born, are stingy in giving, who, though (means) are at hand, give no food, being without understanding.
AI translation rendered from the Sanskrit, not a published edition
BrP 225.11
दीनान्धकृपणान् दृष्ट्वा भिक्षुकान् अतिथीन् अपि याच्यमाना निवर्तन्ते जिह्वालोभसमन्विताः ॥
dīnāndhakṛpaṇān dṛṣṭvā bhikṣukān atithīn api yācyamānā nivartante jihvālobhasamanvitāḥ //
Seeing the poor, the blind, the wretched, beggars and even guests, when begged they turn away, possessed by greed of the tongue.
AI translation rendered from the Sanskrit, not a published edition
BrP 225.12
न धनानि न वासांसि न भोगान् न च काञ्चनम् न गाश् च नान्नविकृतिं प्रयच्छन्ति कदाचन ॥
na dhanāni na vāsāṃsi na bhogān na ca kāñcanam na gāś ca nānnavikṛtiṃ prayacchanti kadācana //
They never give wealth, nor clothes, nor enjoyments, nor gold, nor cows, nor prepared food.
AI translation rendered from the Sanskrit, not a published edition
BrP 225.13
अप्रलुब्धाश् च ये लुब्धा नास्तिका दानवर्जितः एवंभूता नरा देवि निरयं यान्त्य् अबुद्धयः ॥
apralubdhāś ca ye lubdhā nāstikā dānavarjitaḥ evaṃbhūtā narā devi nirayaṃ yānty abuddhayaḥ //
And those who are greedy though not (outwardly) covetous, deniers, devoid of giving — men of such a sort, O goddess, without understanding, go to hell.
AI translation rendered from the Sanskrit, not a published edition
BrP 225.14
ते वै मनुष्यतां यान्ति यदा कालस्य पर्ययात् धनरिक्ते कुले जन्म लभन्ते स्वल्पबुद्धयः ॥
te vai manuṣyatāṃ yānti yadā kālasya paryayāt dhanarikte kule janma labhante svalpabuddhayaḥ //
And when, by the turn of time, they come to human birth, they obtain birth in a family empty of wealth, with little intelligence.
AI translation rendered from the Sanskrit, not a published edition
BrP 225.15
क्षुत्पिपासापरीताश् च सर्वलोकबहिष्कृताः निराशाः सर्वभोगेभ्यो जीवन्त्य् अधर्मजीविकाः ॥
kṣutpipāsāparītāś ca sarvalokabahiṣkṛtāḥ nirāśāḥ sarvabhogebhyo jīvanty adharmajīvikāḥ //
Beset by hunger and thirst, cast out by all people, hopeless of all enjoyments, they live by unrighteous livelihoods.
AI translation rendered from the Sanskrit, not a published edition
BrP 225.16
अल्पभोगकुले जाता अल्पभोगरता नराः अनेन कर्मणा देवि भवन्त्य् अधनिनो नराः ॥
alpabhogakule jātā alpabhogaratā narāḥ anena karmaṇā devi bhavanty adhanino narāḥ //
Born in a family of little enjoyment, men who take pleasure in little enjoyment — by this action, O goddess, men become destitute of wealth.
AI translation rendered from the Sanskrit, not a published edition
BrP 225.17
अपरे दम्भिनो नित्यं मानिनः परतो रताः आसनार्हस्य ये पीठं न यच्छन्त्य् अल्पचेतसः ॥
apare dambhino nityaṃ māninaḥ parato ratāḥ āsanārhasya ye pīṭhaṃ na yacchanty alpacetasaḥ //
Others are always hypocritical, conceited, devoted to (their own) advantage, small-minded, who do not offer a seat to one who deserves a seat;
AI translation rendered from the Sanskrit, not a published edition
BrP 225.18
मार्गार्हस्य च ये मार्गं न प्रयच्छन्त्य् अबुद्धयः अर्घार्हान् न च संस्कारैर् अर्चयन्ति यथाविधि ॥
mārgārhasya ca ye mārgaṃ na prayacchanty abuddhayaḥ arghārhān na ca saṃskārair arcayanti yathāvidhi //
and who, being without understanding, do not give the way to one who deserves the way, and do not honour with rites, as prescribed, those who deserve the honorific offering (argha);
AI translation rendered from the Sanskrit, not a published edition
BrP 225.19
पाद्यम् आचमनीयं वा प्रयच्छन्त्य् अभिबुद्धयः शुभं चाभिमतं प्रेम्णा गुरुं नाभिवदन्ति ये ॥
pādyam ācamanīyaṃ vā prayacchanty abhibuddhayaḥ śubhaṃ cābhimataṃ premṇā guruṃ nābhivadanti ye //
who, lacking insight, do not offer water for the feet or water for rinsing the mouth, and who do not address the teacher with affection in fair and agreeable (words);
AI translation rendered from the Sanskrit, not a published edition
BrP 225.20
अभिमानप्रवृद्धेन लोभेन समम् आस्थिताः संमान्यांश् चावमन्यन्ते वृद्धान् परिभवन्ति च ॥
abhimānapravṛddhena lobhena samam āsthitāḥ saṃmānyāṃś cāvamanyante vṛddhān paribhavanti ca //
Settled together with greed swollen by pride, they despise those who ought to be honoured and treat the elders with contempt.
AI translation rendered from the Sanskrit, not a published edition
BrP 225.21
एवंविधा नरा देवि सर्वे निरयगामिनः ते चेद् यदि नरास् तस्मान् निरयाद् उत्तरन्ति च ॥
evaṃvidhā narā devi sarve nirayagāminaḥ te ced yadi narās tasmān nirayād uttaranti ca //
Men of such a kind, O goddess, all go to hell; and if those men do at last come up out of that hell,
AI translation rendered from the Sanskrit, not a published edition
BrP 225.22
वर्षपूगैस् ततो जन्म लभन्ते कुत्सिते कुले श्वपाकपुल्कसादीनां कुत्सितानाम् अचेतसाम् ॥
varṣapūgais tato janma labhante kutsite kule śvapākapulkasādīnāṃ kutsitānām acetasām //
then after a multitude of years they obtain birth in a despised family, among dog-cookers, pulkasas and the like, despised and mindless.
AI translation rendered from the Sanskrit, not a published edition
BrP 225.23
कुलेषु ते ऽभिजायन्ते गुरुवृद्धोपतापिनः न दम्भी न च मानी यो देवतातिथिपूजकः ॥
kuleṣu te 'bhijāyante guruvṛddhopatāpinaḥ na dambhī na ca mānī yo devatātithipūjakaḥ //
They, tormentors of teachers and elders, are born in (such) families. But he who is not hypocritical nor conceited, who worships the gods and guests,
AI translation rendered from the Sanskrit, not a published edition
BrP 225.24
लोकपूज्यो नमस्कर्ता प्रसूतो मधुरं वचः सर्वकर्मप्रियकरः सर्वभूतप्रियः सदा ॥
lokapūjyo namaskartā prasūto madhuraṃ vacaḥ sarvakarmapriyakaraḥ sarvabhūtapriyaḥ sadā //
is honoured by the world, one who makes obeisance, of sweet speech from birth, one who does what is pleasing in all deeds, always dear to all beings,
AI translation rendered from the Sanskrit, not a published edition
BrP 225.25
अद्वेषी सुमुखः श्लक्ष्णः स्निग्धवाणीप्रदः सदा स्वागतेनैव सर्वेषां भूतानाम् अविहिंसकः ॥
adveṣī sumukhaḥ ślakṣṇaḥ snigdhavāṇīpradaḥ sadā svāgatenaiva sarveṣāṃ bhūtānām avihiṃsakaḥ //
free of hatred, of pleasant face, gentle, always giving forth kindly words, and by his very welcoming (manner) doing no harm to any of the beings,
AI translation rendered from the Sanskrit, not a published edition
BrP 225.26
यथार्थं सत्क्रियापूर्वम् अर्चयन्न् अवतिष्ठते मार्गार्हाय ददन् मार्गं गुरुम् अभ्यर्चयन् सदा ॥
yathārthaṃ satkriyāpūrvam arcayann avatiṣṭhate mārgārhāya dadan mārgaṃ gurum abhyarcayan sadā //
he abides honouring (them) fittingly with acts of respect, giving the way to one who deserves the way, always paying homage to the teacher,
AI translation rendered from the Sanskrit, not a published edition
BrP 225.27
अतिथिप्रग्रहरतस् तथाभ्यागतपूजकः एवंभूतो नरो देवि स्वर्गतिं प्रतिपद्यते ॥
atithipragraharatas tathābhyāgatapūjakaḥ evaṃbhūto naro devi svargatiṃ pratipadyate //
delighting in the reception of guests and likewise honouring those who arrive — a man of such a nature, O goddess, attains the going to heaven.
AI translation rendered from the Sanskrit, not a published edition
BrP 225.28
ततो मानुष्यम् आसाद्य विशिष्टकुलजो भवेत् तत्रासौ विपुलैर् भोगैः सर्वरत्नसमायुतः ॥
tato mānuṣyam āsādya viśiṣṭakulajo bhavet tatrāsau vipulair bhogaiḥ sarvaratnasamāyutaḥ //
Then, reaching human birth, he is born in a distinguished family; there he is endowed with abundant enjoyments and with all jewels,
AI translation rendered from the Sanskrit, not a published edition
BrP 225.29
यथार्हदाता चार्हेषु धर्मचर्यापरो भवेत् संमतः सर्वभूतानां सर्वलोकनमस्कृतः ॥
yathārhadātā cārheṣu dharmacaryāparo bhavet saṃmataḥ sarvabhūtānāṃ sarvalokanamaskṛtaḥ //
and he becomes a giver as is fitting to those who are worthy, devoted to the practice of dharma, esteemed by all beings, saluted by all the world.
AI translation rendered from the Sanskrit, not a published edition
BrP 225.30
स्वकर्मफलम् आप्नोति स्वयम् एव नरः सदा एष धर्मो मया प्रोक्तो विधात्रा स्वयम् ईरितः ॥
svakarmaphalam āpnoti svayam eva naraḥ sadā eṣa dharmo mayā prokto vidhātrā svayam īritaḥ //
A man always obtains the fruit of his own action by himself alone. This dharma has been declared by me, (and) uttered by the Ordainer himself.
AI translation rendered from the Sanskrit, not a published edition
BrP 225.31
यस् तु रौद्रसमाचारः सर्वसत्त्वभयंकरः हस्ताभ्यां यदि वा पद्भ्यां रज्ज्वा दण्डेन वा पुनः ॥
yas tu raudrasamācāraḥ sarvasattvabhayaṃkaraḥ hastābhyāṃ yadi vā padbhyāṃ rajjvā daṇḍena vā punaḥ //
But he whose conduct is cruel, who causes fear to all creatures, whether with his two hands or with his feet, or again with a rope or a stick,
AI translation rendered from the Sanskrit, not a published edition
BrP 225.32
लोष्टैः स्तम्भैर् उपायैर् वा जन्तून् बाधेत शोभने हिंसार्थं निष्कृतिप्रज्ञः प्रोद्वेजयति चैव हि ॥
loṣṭaiḥ stambhair upāyair vā jantūn bādheta śobhane hiṃsārthaṃ niṣkṛtiprajñaḥ prodvejayati caiva hi //
or with clods, or posts, or by contrivances, should torment living creatures, O fair one — bent on harm, knowing (only) how to escape (the consequences), and indeed he terrifies (them),
AI translation rendered from the Sanskrit, not a published edition — the model flagged this verse as uncertain
BrP 225.33
उपक्रामति जन्तूंश् च उद्वेगजननः सदा एवं शीलसमाचारो निरयं प्रतिपद्यते ॥
upakrāmati jantūṃś ca udvegajananaḥ sadā evaṃ śīlasamācāro nirayaṃ pratipadyate //
and he attacks living creatures, always a producer of terror — one of such character and conduct attains hell.
AI translation rendered from the Sanskrit, not a published edition
BrP 225.34
स चेन् मनुष्यतां गच्छेद् यदि कालस्य पर्ययात् बह्वाबाधापरिक्लिष्टे कुले जयति सो ऽधमे ॥
sa cen manuṣyatāṃ gacched yadi kālasya paryayāt bahvābādhāparikliṣṭe kule jayati so 'dhame //
And if in the turning of time he should come to human birth, he is born in a lowly family afflicted by many ailments,
AI translation rendered from the Sanskrit, not a published edition
BrP 225.35
लोकद्विष्टो ऽधमः पुंसां स्वयं कर्मकृतैः फलैः एष देवि मनुष्येषु बोद्धव्यो ज्ञातिबन्धुषु ॥
lokadviṣṭo 'dhamaḥ puṃsāṃ svayaṃ karmakṛtaiḥ phalaiḥ eṣa devi manuṣyeṣu boddhavyo jñātibandhuṣu //
hated by the world, the lowest of men, through the fruits of the deeds he himself has done. This, O goddess, is to be understood among men, among kinsmen and relations.
AI translation rendered from the Sanskrit, not a published edition
BrP 225.36
अपरः सर्वभूतानि दयावान् अनुपश्यति मैत्री दृष्टिः पितृसमो निर्वैरो नियतेन्द्रियः ॥
aparaḥ sarvabhūtāni dayāvān anupaśyati maitrī dṛṣṭiḥ pitṛsamo nirvairo niyatendriyaḥ //
Another, being compassionate, looks upon all beings (kindly), with a friendly gaze, like a father, without enmity, his senses restrained.
AI translation rendered from the Sanskrit, not a published edition
BrP 225.37
नोद्वेजयति भूतानि न च हन्ति दयापरः हस्तपादैश् च नियतैर् विश्वास्यः सर्वजन्तुषु ॥
nodvejayati bhūtāni na ca hanti dayāparaḥ hastapādaiś ca niyatair viśvāsyaḥ sarvajantuṣu //
Devoted to compassion, he does not disturb living beings nor kill (them); with hands and feet restrained, he is trustworthy toward all creatures.
AI translation rendered from the Sanskrit, not a published edition
BrP 225.38
न रज्ज्वा न च दण्डेन न लोष्टैर् नायुधेन च उद्वेजयति भूतानि शुभकर्मा दयापरः ॥
na rajjvā na ca daṇḍena na loṣṭair nāyudhena ca udvejayati bhūtāni śubhakarmā dayāparaḥ //
Not with a rope, nor with a stick, nor with clods, nor with a weapon does the man of good deeds, devoted to compassion, disturb living beings.
AI translation rendered from the Sanskrit, not a published edition
BrP 225.39
एवं शीलसमाचारः स्वर्गे समुपजायते तत्रासौ भवने दिव्ये मुदा वसति देववत् ॥
evaṃ śīlasamācāraḥ svarge samupajāyate tatrāsau bhavane divye mudā vasati devavat //
One of such character and conduct is born in heaven; there, in a divine dwelling, he lives joyfully like a god.
AI translation rendered from the Sanskrit, not a published edition
BrP 225.40
स चेत् स्वर्गक्षयान् मर्त्यो मनुष्येषूपजायते अल्पायासो निरातङ्कः स जातः सुखम् एधते ॥
sa cet svargakṣayān martyo manuṣyeṣūpajāyate alpāyāso nirātaṅkaḥ sa jātaḥ sukham edhate //
And if, when his heaven is exhausted, that mortal is born among men, he is born with little toil and free from affliction, and prospers in happiness.
AI translation rendered from the Sanskrit, not a published edition
BrP 225.41
सुखभागी निरायासो निरुद्वेगः सदा नरः एष देवि सतां मार्गो बाधा यत्र न विद्यते ॥
sukhabhāgī nirāyāso nirudvegaḥ sadā naraḥ eṣa devi satāṃ mārgo bādhā yatra na vidyate //
Such a man always has a share of happiness, is free of exertion and free of agitation. This, goddess, is the path of the good, where no obstruction is found.
AI translation rendered from the Sanskrit, not a published edition
BrP 225.42
इमे मनुष्या दृश्यन्ते ऊहापोहविशारदाः ज्ञानविज्ञानसंपन्नाः प्रज्ञावन्तो ऽर्थकोविदाः ॥
ime manuṣyā dṛśyante ūhāpohaviśāradāḥ jñānavijñānasaṃpannāḥ prajñāvanto 'rthakovidāḥ //
These men are seen (to be) skilled in reasoning for and against, endowed with knowledge and discernment, wise, and expert in matters of profit.
AI translation rendered from the Sanskrit, not a published edition
BrP 225.43
दुष्प्रज्ञाश् चापरे देव ज्ञानविज्ञानवर्जिताः केन कर्मविपाकेन प्रज्ञावान् पुरुषो भवेत् ॥
duṣprajñāś cāpare deva jñānavijñānavarjitāḥ kena karmavipākena prajñāvān puruṣo bhavet //
And others, O god, are of poor understanding, devoid of knowledge and discernment. By the ripening of what deed does a man become wise?
AI translation rendered from the Sanskrit, not a published edition
BrP 225.44
अल्पप्रज्ञो विरूपाक्ष कथं भवति मानवः एवं त्वं संशयं छिन्धि सर्वधर्मभृतां वर ॥
alpaprajño virūpākṣa kathaṃ bhavati mānavaḥ evaṃ tvaṃ saṃśayaṃ chindhi sarvadharmabhṛtāṃ vara //
And how, Virūpākṣa, does a man come to be of little wisdom? Thus resolve my doubt, O best of all upholders of dharma.
AI translation rendered from the Sanskrit, not a published edition
BrP 225.45
जात्यन्धाश् चापरे देव रोगार्ताश् चापरे तथा नराः क्लीबाश् च दृश्यन्ते कारणं ब्रूहि तत्र वै ॥
jātyandhāś cāpare deva rogārtāś cāpare tathā narāḥ klībāś ca dṛśyante kāraṇaṃ brūhi tatra vai //
And others, O god, are blind from birth, and others likewise afflicted with disease, and men are seen (who are) impotent: tell (me) the cause in that matter.
AI translation rendered from the Sanskrit, not a published edition
BrP 225.46
ब्राह्मणान् वेदविदुषः सिद्धान् धर्मविदस् तथा परिपृच्छन्त्य् अहरहः कुशलाकुशलं सदा ॥
brāhmaṇān vedaviduṣaḥ siddhān dharmavidas tathā paripṛcchanty aharahaḥ kuśalākuśalaṃ sadā //
Day after day they always question brahmins learned in the Veda, perfected ones, and those who know dharma, about what is wholesome and unwholesome.
AI translation rendered from the Sanskrit, not a published edition
BrP 225.47
वर्जयन्तो ऽशुभं कर्म सेवमानाः शुभं तथा लभन्ते स्वर्गतिं नित्यम् इह लोके यथासुखम् ॥
varjayanto 'śubhaṃ karma sevamānāḥ śubhaṃ tathā labhante svargatiṃ nityam iha loke yathāsukham //
Avoiding unwholesome action and practising the wholesome, they obtain a lasting passage to heaven, and in this world (live) as they please.
AI translation rendered from the Sanskrit, not a published edition
BrP 225.48
स चेन् मनुष्यतां याति मेधावी तत्र जायते श्रुतं यज्ञानुगं यस्य कल्याणम् उपजायते ॥
sa cen manuṣyatāṃ yāti medhāvī tatra jāyate śrutaṃ yajñānugaṃ yasya kalyāṇam upajāyate //
And if he comes to human birth, he is born there intelligent, and for him arises auspicious learning that accords with sacrifice.
AI translation rendered from the Sanskrit, not a published edition
BrP 225.49
परदारेषु ये चापि चक्षुर् दुष्टं प्रयुञ्जते तेन दुष्टस्वभावेन जात्यन्धास् ते भवन्ति हि ॥
paradāreṣu ye cāpi cakṣur duṣṭaṃ prayuñjate tena duṣṭasvabhāvena jātyandhās te bhavanti hi //
And those who direct a corrupt eye upon others' wives — by that corrupt nature they indeed become blind from birth.
AI translation rendered from the Sanskrit, not a published edition
BrP 225.50
मनसापि प्रदुष्टेन नग्नां पश्यन्ति ये स्त्रियम् रोगार्तास् ते भवन्तीह नरा दुष्कृतकारिणः ॥
manasāpi praduṣṭena nagnāṃ paśyanti ye striyam rogārtās te bhavantīha narā duṣkṛtakāriṇaḥ //
Those men who, with a corrupted mind too, look at a naked woman — those doers of evil deeds become afflicted with disease here.
AI translation rendered from the Sanskrit, not a published edition
BrP 225.51
ये तु मूढा दुराचारा वियोनौ मैथुने रताः पुरुषेषु सुदुष्प्रज्ञाः क्लीबत्वम् उपयान्ति ते ॥
ye tu mūḍhā durācārā viyonau maithune ratāḥ puruṣeṣu suduṣprajñāḥ klībatvam upayānti te //
But those deluded, ill-conducted men of very poor understanding who delight in intercourse in a wrong womb, with (other) men, come to impotence.
AI translation rendered from the Sanskrit, not a published edition
BrP 225.52
पशूंश् च ये वै बध्नन्ति ये चैव गुरुतल्पगाः प्रकीर्णमैथुना ये च क्लीबा जायन्ति वै नराः ॥
paśūṃś ca ye vai badhnanti ye caiva gurutalpagāḥ prakīrṇamaithunā ye ca klībā jāyanti vai narāḥ //
And those who bind (i.e. tether/kill?) animals, and those who go to the guru's bed, and those of promiscuous intercourse — those men are indeed born impotent.
AI translation rendered from the Sanskrit, not a published edition
BrP 225.53
अवद्यं किं तु वै कर्म निरवद्यं तथैव च श्रेयः कुर्वन्न् अवाप्नोति मानवो देवसत्तम ॥
avadyaṃ kiṃ tu vai karma niravadyaṃ tathaiva ca śreyaḥ kurvann avāpnoti mānavo devasattama //
But what deed is blameworthy and what likewise blameless, (and) what good does a man attain by doing (it), O best of gods?
AI translation rendered from the Sanskrit, not a published edition
BrP 225.54
श्रेयांसं मार्गम् अन्विच्छन् सदा यः पृच्छति द्विजान् धर्मान्वेषी गुणाकाङ्क्षी स स्वर्गं समुपाश्नुते ॥
śreyāṃsaṃ mārgam anvicchan sadā yaḥ pṛcchati dvijān dharmānveṣī guṇākāṅkṣī sa svargaṃ samupāśnute //
He who, seeking the better path, always asks the twice-born, searching out dharma and desiring virtue, attains heaven.
AI translation rendered from the Sanskrit, not a published edition
BrP 225.55
यदि मानुष्यतां देवि कदाचित् संनियच्छति मेधावी धारणायुक्तः प्राज्ञस् तत्रापि जायते ॥
yadi mānuṣyatāṃ devi kadācit saṃniyacchati medhāvī dhāraṇāyuktaḥ prājñas tatrāpi jāyate //
If, goddess, he ever comes back to human existence, he is born there too intelligent, endowed with retentive memory, and wise.
AI translation rendered from the Sanskrit, not a published edition
BrP 225.56
एष देवि सतां धर्मो गन्तव्यो भूतिकारकः नृणां हितार्थाय सदा मया चैवम् उदाहृतः ॥
eṣa devi satāṃ dharmo gantavyo bhūtikārakaḥ nṛṇāṃ hitārthāya sadā mayā caivam udāhṛtaḥ //
This, goddess, is the dharma of the good, to be followed, productive of welfare; and thus it has always been declared by me for the benefit of men.
AI translation rendered from the Sanskrit, not a published edition
BrP 225.57
अपरे स्वल्पविज्ञाना धर्मविद्वेषिणो नराः ब्राह्मणान् वेदविदुषो नेच्छन्ति परिसर्पितुम् ॥
apare svalpavijñānā dharmavidveṣiṇo narāḥ brāhmaṇān vedaviduṣo necchanti parisarpitum //
Other men, of little understanding, hating dharma, do not wish to attend upon brahmins who know the Vedas.
AI translation rendered from the Sanskrit, not a published edition
BrP 225.58
व्रतवन्तो नराः केचिच् छ्रद्धादमपरायणाः अव्रता भ्रष्टनियमास् तथान्ये राक्षसोपमाः ॥
vratavanto narāḥ kecic chraddhādamaparāyaṇāḥ avratā bhraṣṭaniyamās tathānye rākṣasopamāḥ //
Some men keep vows and are devoted to faith and self-restraint; others are without vows, fallen from the rules, and like demons.
AI translation rendered from the Sanskrit, not a published edition
BrP 225.59
यज्वानश् च तथैवान्ये निर्मोहाश् च तथा परे केन कर्मविपाकेन भवन्तीह वदस्व मे ॥
yajvānaś ca tathaivānye nirmohāś ca tathā pare kena karmavipākena bhavantīha vadasva me //
And likewise others are performers of sacrifices, and still others are free of delusion: by the ripening of what deed do they come to be so here? Tell me.
AI translation rendered from the Sanskrit, not a published edition
BrP 225.60
आगमालोकधर्माणां मर्यादाः पूर्वनिर्मिताः प्रमाणेनानुवर्तन्ते दृश्यन्ते ह दृढव्रताः ॥
āgamālokadharmāṇāṃ maryādāḥ pūrvanirmitāḥ pramāṇenānuvartante dṛśyante ha dṛḍhavratāḥ //
The boundaries laid down of old, belonging to the dharmas (revealed) by scripture and by (worldly) observation, they follow as authority; indeed (such men) are seen to be firm in their vows.
AI translation rendered from the Sanskrit, not a published edition — the model flagged this verse as uncertain
BrP 225.61
अधर्मं धर्मम् इत्य् आहुर् ये च मोहवशं गताः अव्रता नष्टमर्यादास् ते नरा ब्रह्मराक्षसाः ॥
adharmaṃ dharmam ity āhur ye ca mohavaśaṃ gatāḥ avratā naṣṭamaryādās te narā brahmarākṣasāḥ //
But those who, gone under the sway of delusion, call what is not dharma dharma — those men without vows, who have destroyed the boundaries, are brahma-demons.
AI translation rendered from the Sanskrit, not a published edition
BrP 225.62
ये वै कालकृतोद्योगात् संभवन्तीह मानवाः निर्होमा निर्वषट्कारास् ते भवन्ति नराधमाः ॥
ye vai kālakṛtodyogāt saṃbhavantīha mānavāḥ nirhomā nirvaṣaṭkārās te bhavanti narādhamāḥ //
Those men who indeed come into being here through the exertion brought about by time, without oblations and without the vaṣaṭ-call — they become the lowest of men.
AI translation rendered from the Sanskrit, not a published edition — the model flagged this verse as uncertain
BrP 225.63
एष देवि मया सर्वसंशयच्छेदनाय ते कुशलाकुशलो नॄणां व्याख्यातो धर्मसागरः ॥
eṣa devi mayā sarvasaṃśayacchedanāya te kuśalākuśalo nṝṇāṃ vyākhyāto dharmasāgaraḥ //
This, O goddess, is the ocean of dharma, good and bad, of men, expounded by me for the cutting away of all your doubt.
AI translation rendered from the Sanskrit, not a published edition