Brahma Purana — Chapter 223
BrP 223.1
सर्वज्ञस् त्वं महाभाग सर्वभूतहिते रतः भूतं भव्यं भविष्यं च न ते ऽस्त्य् अविदितं मुने ॥
sarvajñas tvaṃ mahābhāga sarvabhūtahite rataḥ bhūtaṃ bhavyaṃ bhaviṣyaṃ ca na te 'sty aviditaṃ mune //
You are all-knowing, greatly fortunate one, devoted to the welfare of all beings; the past, the present, and the future — nothing is unknown to you, O sage.
AI translation rendered from the Sanskrit, not a published edition
BrP 223.2
कर्मणा केन वर्णानाम् अधमा जायते गतिः उत्तमा च भवेत् केन ब्रूहि तेषां महामते ॥
karmaṇā kena varṇānām adhamā jāyate gatiḥ uttamā ca bhavet kena brūhi teṣāṃ mahāmate //
By what action does the lowest course arise for the classes, and by what does the highest come about? Tell (us) of them, O great-minded one.
AI translation rendered from the Sanskrit, not a published edition
BrP 223.3
शूद्रस् तु कर्मणा केन ब्राह्मणत्वं च गच्छति श्रोतुम् इच्छामहे केन ब्राह्मणः शूद्रताम् इयात् ॥
śūdras tu karmaṇā kena brāhmaṇatvaṃ ca gacchati śrotum icchāmahe kena brāhmaṇaḥ śūdratām iyāt //
And by what action does a śūdra attain brahminhood? We wish to hear by what a brahmin would come to the state of a śūdra.
AI translation rendered from the Sanskrit, not a published edition
BrP 223.4
हिमवच्छिखरे रम्ये नानाधातुविभूषिते नानाद्रुमलताकीर्णे नानाश्चर्यसमन्विते ॥
himavacchikhare ramye nānādhātuvibhūṣite nānādrumalatākīrṇe nānāścaryasamanvite //
On a lovely peak of the Himālaya, adorned with various minerals, strewn with various trees and creepers, filled with various marvels —
AI translation rendered from the Sanskrit, not a published edition
BrP 223.5
तत्र स्थितं महादेवं त्रिपुरघ्नं त्रिलोचनम् शैलराजसुता देवी प्रणिपत्य सुरेश्वरम् ॥
tatra sthitaṃ mahādevaṃ tripuraghnaṃ trilocanam śailarājasutā devī praṇipatya sureśvaram //
There the goddess, the daughter of the king of mountains, having bowed down to the Great God, the destroyer of Tripura, the three-eyed, the lord of the gods —
AI translation rendered from the Sanskrit, not a published edition
BrP 223.6
इमं प्रश्नं पुरा विप्रा अपृच्छच् चारुलोचना तद् अहं संप्रवक्ष्यामि शृणुध्वं मम सत्तमाः ॥
imaṃ praśnaṃ purā viprā apṛcchac cārulocanā tad ahaṃ saṃpravakṣyāmi śṛṇudhvaṃ mama sattamāḥ //
the fair-eyed one asked this very question long ago, O brahmins; that I shall relate fully — hear me, O best of men.
AI translation rendered from the Sanskrit, not a published edition
BrP 223.7
भगवन् भगनेत्रघ्न पूष्णो दन्तविनाशन दक्षक्रतुहर त्र्यक्ष संशयो मे महान् अयम् ॥
bhagavan bhaganetraghna pūṣṇo dantavināśana dakṣakratuhara tryakṣa saṃśayo me mahān ayam //
"O Lord, slayer of Bhaga's eye, destroyer of Pūṣan's teeth, spoiler of Dakṣa's sacrifice, three-eyed one — this doubt of mine is great.
AI translation rendered from the Sanskrit, not a published edition
BrP 223.8
चातुर्वर्ण्यं भगवता पूर्वं सृष्टं स्वयंभुवा केन कर्मविपाकेन वैश्यो गच्छति शूद्रताम् ॥
cāturvarṇyaṃ bhagavatā pūrvaṃ sṛṣṭaṃ svayaṃbhuvā kena karmavipākena vaiśyo gacchati śūdratām //
The four classes were created formerly by the Lord, the Self-existent. By the ripening of what action does a vaiśya come to the state of a śūdra?
AI translation rendered from the Sanskrit, not a published edition
BrP 223.9
वैश्यो वा क्षत्रियः केन द्विजो वा क्षत्रियो भवेत् प्रतिलोमे कथं देव शक्यो धर्मो निवर्तितुम् ॥
vaiśyo vā kṣatriyaḥ kena dvijo vā kṣatriyo bhavet pratilome kathaṃ deva śakyo dharmo nivartitum //
By what does a vaiśya, or a kṣatriya (rise), or by what would a twice-born become a kṣatriya? How, O god, can the law be reversed in the contrary direction?
AI translation rendered from the Sanskrit, not a published edition — the model flagged this verse as uncertain
BrP 223.10
केन वा कर्मणा विप्रः शूद्रयोनौ प्रजायते क्षत्रियः शूद्रताम् एति केन वा कर्मणा विभो ॥
kena vā karmaṇā vipraḥ śūdrayonau prajāyate kṣatriyaḥ śūdratām eti kena vā karmaṇā vibho //
Or by what action is a brahmin born in a śūdra womb? By what action does a kṣatriya come to the state of a śūdra, O mighty one?
AI translation rendered from the Sanskrit, not a published edition
BrP 223.11
एतं मे संशयं देव वद भूतपते ऽनघ त्रयो वर्णाः प्रकृत्येह कथं ब्राह्मण्यम् आप्नुयुः ॥
etaṃ me saṃśayaṃ deva vada bhūtapate 'nagha trayo varṇāḥ prakṛtyeha kathaṃ brāhmaṇyam āpnuyuḥ //
Tell me this doubt of mine, O god, lord of beings, sinless one: how may the three (other) classes here, (being such) by nature, attain brahminhood?"
AI translation rendered from the Sanskrit, not a published edition
BrP 223.12
ब्राह्मण्यं देवि दुष्प्रापं निसर्गाद् ब्राह्मणः शुभे क्षत्रियो वैश्यशूद्रौ वा निसर्गाद् इति मे मतिः ॥
brāhmaṇyaṃ devi duṣprāpaṃ nisargād brāhmaṇaḥ śubhe kṣatriyo vaiśyaśūdrau vā nisargād iti me matiḥ //
"Brahminhood is hard to obtain, O goddess; a brahmin is (a brahmin) by birth, O fair one; and a kṣatriya, or a vaiśya and a śūdra, are (such) by birth — this is my view.
AI translation rendered from the Sanskrit, not a published edition
BrP 223.13
कर्मणा दुष्कृतेनेह स्थानाद् भ्रश्यति स द्विजः श्रेष्ठं वर्णम् अनुप्राप्य तस्माद् आक्षिप्यते पुनः ॥
karmaṇā duṣkṛteneha sthānād bhraśyati sa dvijaḥ śreṣṭhaṃ varṇam anuprāpya tasmād ākṣipyate punaḥ //
By an evil deed done here, that twice-born falls from his station: having attained the highest class, he is cast down from it again.
AI translation rendered from the Sanskrit, not a published edition
BrP 223.14
स्थितो ब्राह्मणधर्मेण ब्राह्मण्यम् उपजीवति क्षत्रियो वाथ वैश्यो वा ब्रह्मभूयं स गच्छति ॥
sthito brāhmaṇadharmeṇa brāhmaṇyam upajīvati kṣatriyo vātha vaiśyo vā brahmabhūyaṃ sa gacchati //
A kṣatriya, or else a vaiśya, who stands firm in the brahmin's duty and lives by brahminhood, attains the state of Brahman.
AI translation rendered from the Sanskrit, not a published edition
BrP 223.15
यश् च विप्रत्वम् उत्सृज्य क्षत्रधर्मान् निषेवते ब्राह्मण्यात् स परिभ्रष्टः क्षत्रयोनौ प्रजायते ॥
yaś ca vipratvam utsṛjya kṣatradharmān niṣevate brāhmaṇyāt sa paribhraṣṭaḥ kṣatrayonau prajāyate //
And he who, abandoning the condition of a brahmin, practices the duties of a kṣatriya, having wholly fallen from brahminhood, is born in a kṣatriya womb.
AI translation rendered from the Sanskrit, not a published edition
BrP 223.16
वैश्यकर्म च यो विप्रो लोभमोहव्यपाश्रयः ब्राह्मण्यं दुर्लभं प्राप्य करोत्य् अल्पमतिः सदा ॥
vaiśyakarma ca yo vipro lobhamohavyapāśrayaḥ brāhmaṇyaṃ durlabhaṃ prāpya karoty alpamatiḥ sadā //
And the brahmin who, resorting to greed and delusion, of little understanding, having obtained hard-won brahminhood, always performs the work of a vaiśya —
AI translation rendered from the Sanskrit, not a published edition
BrP 223.17
स द्विजो वैश्यताम् एति वैश्यो वा शूद्रताम् इयात् स्वधर्मात् प्रच्युतो विप्रस् ततः शूद्रत्वम् आप्नुयात् ॥
sa dvijo vaiśyatām eti vaiśyo vā śūdratām iyāt svadharmāt pracyuto vipras tataḥ śūdratvam āpnuyāt //
that twice-born comes to the state of a vaiśya, and a vaiśya would come to the state of a śūdra; a brahmin fallen from his own duty would thereafter attain the condition of a śūdra.
AI translation rendered from the Sanskrit, not a published edition
BrP 223.18
तत्रासौ निरयं प्राप्तो वर्णभ्रष्टो बहिष्कृतः ब्रह्मलोकात् परिभ्रष्टः शूद्रयोनौ प्रजायते ॥
tatrāsau nirayaṃ prāpto varṇabhraṣṭo bahiṣkṛtaḥ brahmalokāt paribhraṣṭaḥ śūdrayonau prajāyate //
There, having reached hell, fallen from his class and cast out, fallen away from the world of Brahmā, he is born in a Śūdra womb.
AI translation rendered from the Sanskrit, not a published edition
BrP 223.19
क्षत्रियो वा महाभागे वैश्यो वा धर्मचारिणि स्वानि कर्माण्य् अपाकृत्य शूद्रकर्म निषेवते ॥
kṣatriyo vā mahābhāge vaiśyo vā dharmacāriṇi svāni karmāṇy apākṛtya śūdrakarma niṣevate //
Or, O greatly fortunate one, O practiser of dharma, a Kṣatriya or a Vaiśya, having set aside his own duties, takes up the work of a Śūdra.
AI translation rendered from the Sanskrit, not a published edition
BrP 223.20
स्वस्थानात् स परिभ्रष्टो वर्णसंकरतां गतः ब्राह्मणः क्षत्रियो वैश्यः शूद्रत्वं याति तादृशः ॥
svasthānāt sa paribhraṣṭo varṇasaṃkaratāṃ gataḥ brāhmaṇaḥ kṣatriyo vaiśyaḥ śūdratvaṃ yāti tādṛśaḥ //
Fallen from his own station, having come to a mixing of classes, such a one—Brāhmaṇa, Kṣatriya, or Vaiśya—goes to the condition of a Śūdra.
AI translation rendered from the Sanskrit, not a published edition
BrP 223.21
यस् तु शूद्रः स्वधर्मेण ज्ञानविज्ञानवाञ् शुचिः धर्मज्ञो धर्मनिरतः स धर्मफलम् अश्नुते ॥
yas tu śūdraḥ svadharmeṇa jñānavijñānavāñ śuciḥ dharmajño dharmanirataḥ sa dharmaphalam aśnute //
But the Śūdra who, by his own dharma, is possessed of knowledge and discernment, pure, knowing dharma and devoted to dharma—he enjoys the fruit of dharma.
AI translation rendered from the Sanskrit, not a published edition
BrP 223.22
इदं चैवापरं देवि ब्रह्मणा समुदाहृतम् अध्यात्मं नैष्ठिकी सिद्धिर् धर्मकामैर् निषेव्यते ॥
idaṃ caivāparaṃ devi brahmaṇā samudāhṛtam adhyātmaṃ naiṣṭhikī siddhir dharmakāmair niṣevyate //
And this further thing, O Goddess, was declared by Brahmā: the (teaching) concerning the self, the final perfection, is pursued by those who desire dharma.
AI translation rendered from the Sanskrit, not a published edition — the model flagged this verse as uncertain
BrP 223.23
उग्रान्नं गर्हितं देवि गणान्नं श्राद्धसूतकम् घुष्टान्नं नैव भोक्तव्यं शूद्रान्नं नैव वा क्वचित् ॥
ugrānnaṃ garhitaṃ devi gaṇānnaṃ śrāddhasūtakam ghuṣṭānnaṃ naiva bhoktavyaṃ śūdrānnaṃ naiva vā kvacit //
The food of a fierce (ugra) man is censured, O Goddess, and the food of a group, food of a funeral rite or of a birth-impurity, and food that has been publicly announced—these must not be eaten, nor ever the food of a Śūdra.
AI translation rendered from the Sanskrit, not a published edition — the model flagged this verse as uncertain
BrP 223.24
शूद्रान्नं गर्हितं देवि सदा देवैर् महात्मभिः पितामहमुखोत्सृष्टं प्रमाणम् इति मे मतिः ॥
śūdrānnaṃ garhitaṃ devi sadā devair mahātmabhiḥ pitāmahamukhotsṛṣṭaṃ pramāṇam iti me matiḥ //
The food of a Śūdra is always censured, O Goddess, by the great-souled gods; what has issued from the mouth of the Grandfather (Brahmā) is authoritative—such is my view.
AI translation rendered from the Sanskrit, not a published edition
BrP 223.25
शूद्रान्नेनावशेषेण जठरे म्रियते द्विजः आहिताग्निस् तथा यज्वा स शूद्रगतिभाग् भवेत् ॥
śūdrānnenāvaśeṣeṇa jaṭhare mriyate dvijaḥ āhitāgnis tathā yajvā sa śūdragatibhāg bhavet //
If a twice-born dies with Śūdra food remaining undigested in his belly, then, though he has established the sacred fires and performed sacrifices, he becomes one who shares the destiny of a Śūdra.
AI translation rendered from the Sanskrit, not a published edition
BrP 223.26
तेन शूद्रान्नशेषेण ब्रह्मस्थानाद् अपाकृतः ब्राह्मणः शूद्रताम् एति नास्ति तत्र विचारणा ॥
tena śūdrānnaśeṣeṇa brahmasthānād apākṛtaḥ brāhmaṇaḥ śūdratām eti nāsti tatra vicāraṇā //
By that remnant of Śūdra food a Brāhmaṇa is thrown out from the station of Brahmā and goes to the condition of a Śūdra; there is no doubt about it.
AI translation rendered from the Sanskrit, not a published edition
BrP 223.27
यस्यान्नेनावशेषेण जठरे म्रियते द्विजः तां तां योनिं व्रजेद् विप्रो यस्यान्नम् उपजीवति ॥
yasyānnenāvaśeṣeṇa jaṭhare mriyate dvijaḥ tāṃ tāṃ yoniṃ vrajed vipro yasyānnam upajīvati //
If a twice-born dies with the food of someone remaining in his belly, the Brāhmaṇa goes to that very womb—of him whose food he lives upon.
AI translation rendered from the Sanskrit, not a published edition
BrP 223.28
ब्राह्मणत्वं सुखं प्राप्य दुर्लभं यो ऽवमन्यते अभोज्यान्नानि वाश्नाति स द्विजत्वात् पतेत वै ॥
brāhmaṇatvaṃ sukhaṃ prāpya durlabhaṃ yo 'vamanyate abhojyānnāni vāśnāti sa dvijatvāt pateta vai //
He who, having easily obtained Brāhmaṇa-hood, hard to win, despises it, or eats foods that must not be eaten, surely falls from twice-born status.
AI translation rendered from the Sanskrit, not a published edition
BrP 223.29
सुरापो ब्रह्महा स्तेयी चौरो भग्नव्रतो ऽशुचिः स्वाध्यायवर्जितः पापो लुब्धो नैकृतिकः शठः ॥
surāpo brahmahā steyī cauro bhagnavrato 'śuciḥ svādhyāyavarjitaḥ pāpo lubdho naikṛtikaḥ śaṭhaḥ //
A drinker of liquor, a slayer of a Brāhmaṇa, a thief, a robber, one who has broken his vows, impure, one who has abandoned Vedic recitation, evil, greedy, dishonest, a cheat—
AI translation rendered from the Sanskrit, not a published edition
BrP 223.30
अव्रती वृषलीभर्ता कुण्डाशी सोमविक्रयी विहीनसेवी विप्रो हि पतते ब्रह्मयोनितः ॥
avratī vṛṣalībhartā kuṇḍāśī somavikrayī vihīnasevī vipro hi patate brahmayonitaḥ //
—without observances, the keeper of a low-caste woman, an eater from a bastard's (or a paramour's) house, a seller of Soma, a servant of the degraded: such a Brāhmaṇa indeed falls from the womb of Brahmā.
AI translation rendered from the Sanskrit, not a published edition — the model flagged this verse as uncertain
BrP 223.31
गुरुतल्पी गुरुद्वेषी गुरुकुत्सारतिश् च यः ब्रह्मद्विड् वापि पतति ब्राह्मणो ब्रह्मयोनितः ॥
gurutalpī gurudveṣī gurukutsāratiś ca yaḥ brahmadviḍ vāpi patati brāhmaṇo brahmayonitaḥ //
He who violates his teacher's bed, who hates his teacher, who delights in reviling his teacher, or who hates the Veda—such a Brāhmaṇa falls from the womb of Brahmā.
AI translation rendered from the Sanskrit, not a published edition
BrP 223.32
एभिस् तु कर्मभिर् देवि शुभैर् आचरितैस् तथा शूद्रो ब्राह्मणतां गच्छेद् वैश्यः क्षत्रियतां व्रजेत् ॥
ebhis tu karmabhir devi śubhair ācaritais tathā śūdro brāhmaṇatāṃ gacched vaiśyaḥ kṣatriyatāṃ vrajet //
But by these good deeds, O Goddess, when they are performed, a Śūdra may attain Brāhmaṇa-hood and a Vaiśya may go to Kṣatriya-hood.
AI translation rendered from the Sanskrit, not a published edition
BrP 223.33
शूद्रः कर्माणि सर्वाणि यथान्यायं यथाविधि सर्वातिथ्यम् उपातिष्ठञ् शेषान्नकृतभोजनः ॥
śūdraḥ karmāṇi sarvāṇi yathānyāyaṃ yathāvidhi sarvātithyam upātiṣṭhañ śeṣānnakṛtabhojanaḥ //
A Śūdra (performing) all his duties rightly and according to rule, offering hospitality to all, eating food that is left over—
AI translation rendered from the Sanskrit, not a published edition
BrP 223.34
शुश्रूषां परिचर्यां यो ज्येष्ठवर्णे प्रयत्नतः कुर्याद् अविमनाः श्रेष्ठः सततं सत्पथे स्थितः ॥
śuśrūṣāṃ paricaryāṃ yo jyeṣṭhavarṇe prayatnataḥ kuryād avimanāḥ śreṣṭhaḥ satataṃ satpathe sthitaḥ //
—he who diligently renders obedience and service to the higher classes, without resentment, excellent, standing always on the path of the good—
AI translation rendered from the Sanskrit, not a published edition
BrP 223.35
देवद्विजातिसत्कर्ता सर्वातिथ्यकृतव्रतः ऋतुकालाभिगामी च नियतो नियताशनः ॥
devadvijātisatkartā sarvātithyakṛtavrataḥ ṛtukālābhigāmī ca niyato niyatāśanaḥ //
—honouring gods and the twice-born, having made hospitality to all his vow, approaching (his wife) only at her fertile season, self-controlled, of restricted diet—
AI translation rendered from the Sanskrit, not a published edition
BrP 223.36
दक्षः शिष्टजनान्वेषी शेषान्नकृतभोजनः वृथा मांसं न भुञ्जीत शूद्रो वैश्यत्वम् ऋच्छति ॥
dakṣaḥ śiṣṭajanānveṣī śeṣānnakṛtabhojanaḥ vṛthā māṃsaṃ na bhuñjīta śūdro vaiśyatvam ṛcchati //
—capable, seeking out cultivated people, eating food that is left over, and not eating meat in vain: such a Śūdra attains the state of a Vaiśya.
AI translation rendered from the Sanskrit, not a published edition
BrP 223.37
ऋतवाग् अनहंवादी निर्द्वंद्वः सामकोविदः यजते नित्ययज्ञैश् च स्वाध्यायपरमः शुचिः ॥
ṛtavāg anahaṃvādī nirdvaṃdvaḥ sāmakovidaḥ yajate nityayajñaiś ca svādhyāyaparamaḥ śuciḥ //
Truthful in speech, not speaking out of egotism, free from the pairs of opposites, well versed in the Sāman, he sacrifices with the regular sacrifices, is intent above all on Vedic recitation, and is pure.
AI translation rendered from the Sanskrit, not a published edition
BrP 223.38
दान्तो ब्राह्मणसत्कर्ता सर्ववर्णानसूयकः गृहस्थव्रतम् आतिष्ठन् द्विकालकृतभोजनः ॥
dānto brāhmaṇasatkartā sarvavarṇānasūyakaḥ gṛhasthavratam ātiṣṭhan dvikālakṛtabhojanaḥ //
Self-controlled, honouring brahmins, bearing no ill will toward any of the classes, keeping the householder's vow, taking his meal at the two (proper) times,
AI translation rendered from the Sanskrit, not a published edition
BrP 223.39
शेषाशी विजिताहारो निष्कामो निरहंवदः अग्निहोत्रम् उपासीनो जुह्वानश् च यथाविधि ॥
śeṣāśī vijitāhāro niṣkāmo nirahaṃvadaḥ agnihotram upāsīno juhvānaś ca yathāvidhi //
eating what is left over, with his food intake mastered, free of desire, not speaking of "I," attending upon the agnihotra and offering it according to rule,
AI translation rendered from the Sanskrit, not a published edition
BrP 223.40
सर्वातिथ्यम् उपातिष्ठञ् शेषान्नकृतभोजनः त्रेताग्निमात्रविहितं वैश्यो भवति च द्विजः ॥
sarvātithyam upātiṣṭhañ śeṣānnakṛtabhojanaḥ tretāgnimātravihitaṃ vaiśyo bhavati ca dvijaḥ //
providing full hospitality to all, making his meal of the food that remains — a vaiśya too becomes a twice-born, (by observances) prescribed with the triple fire alone.
AI translation rendered from the Sanskrit, not a published edition — the model flagged this verse as uncertain
BrP 223.41
स वैश्यः क्षत्रियकुले शुचिर् महति जायते स वैश्यः क्षत्रियो जातो जन्मप्रभृति संस्कृतः ॥
sa vaiśyaḥ kṣatriyakule śucir mahati jāyate sa vaiśyaḥ kṣatriyo jāto janmaprabhṛti saṃskṛtaḥ //
That vaiśya, being pure, is born in a great kṣatriya family; that vaiśya, born a kṣatriya, is consecrated from birth onward.
AI translation rendered from the Sanskrit, not a published edition
BrP 223.42
उपनीतो व्रतपरो द्विजो भवति संस्कृतः ददाति यजते यज्ञैः समृद्धैर् आप्तदक्षिणैः ॥
upanīto vrataparo dvijo bhavati saṃskṛtaḥ dadāti yajate yajñaiḥ samṛddhair āptadakṣiṇaiḥ //
Invested (with the sacred thread), devoted to vows, consecrated, he becomes a twice-born; he gives and he sacrifices with abundant sacrifices whose priestly fees are duly received.
AI translation rendered from the Sanskrit, not a published edition
BrP 223.43
अधीत्य स्वर्गम् अन्विच्छंस् त्रेताग्निशरणः सदा आर्द्रहस्तप्रदो नित्यं प्रजा धर्मेण पालयन् ॥
adhītya svargam anvicchaṃs tretāgniśaraṇaḥ sadā ārdrahastaprado nityaṃ prajā dharmeṇa pālayan //
Having studied (the Veda), seeking heaven, always taking refuge in the three fires, ever giving with a moist hand, protecting his subjects according to dharma,
AI translation rendered from the Sanskrit, not a published edition
BrP 223.44
सत्यः सत्यानि कुरुते नित्यं यः शुद्धिदर्शनः धर्मदण्डेन निर्दग्धो धर्मकामार्थसाधकः ॥
satyaḥ satyāni kurute nityaṃ yaḥ śuddhidarśanaḥ dharmadaṇḍena nirdagdho dharmakāmārthasādhakaḥ //
truthful, he always makes his words come true, he whose insight is pure, purged by the rod of dharma, accomplishing dharma, pleasure and wealth,
AI translation rendered from the Sanskrit, not a published edition — the model flagged this verse as uncertain
BrP 223.45
यन्त्रितः कार्यकरणैः षड्भागकृतलक्षणः ग्राम्यधर्मान् न सेवेत स्वच्छन्देनार्थकोविदः ॥
yantritaḥ kāryakaraṇaiḥ ṣaḍbhāgakṛtalakṣaṇaḥ grāmyadharmān na seveta svacchandenārthakovidaḥ //
restrained by the means of (state) business, marked by taking the sixth part (as tax), knowing the aims (of policy), he should not indulge the vulgar practices at his own whim.
AI translation rendered from the Sanskrit, not a published edition — the model flagged this verse as uncertain
BrP 223.46
ऋतुकाले तु धर्मात्मा पत्नीम् उपाश्रयेत् सदा सदोपवासी नियतः स्वाध्यायनिरतः शुचिः ॥
ṛtukāle tu dharmātmā patnīm upāśrayet sadā sadopavāsī niyataḥ svādhyāyanirataḥ śuciḥ //
But the man whose nature is dharma should always approach his wife at the time of her fertile season; always fasting, restrained, devoted to private recitation, pure,
AI translation rendered from the Sanskrit, not a published edition
BrP 223.47
वहिस्कान्तरिते नित्यं शयानो ऽस्ति सदा गृहे सर्वातिथ्यं त्रिवर्गस्य कुर्वाणः सुमनाः सदा ॥
vahiskāntarite nityaṃ śayāno 'sti sadā gṛhe sarvātithyaṃ trivargasya kurvāṇaḥ sumanāḥ sadā //
he always lies apart, outside (the inner chamber?), always in his house, ever cheerfully offering full hospitality to the three (classes),
AI translation rendered from the Sanskrit, not a published edition — the model flagged this verse as uncertain
BrP 223.48
शूद्राणां चान्नकामानां नित्यं सिद्धम् इति ब्रुवन् स्वार्थाद् वा यदि वा कामान् न किंचिद् उपलक्षयेत् ॥
śūdrāṇāṃ cānnakāmānāṃ nityaṃ siddham iti bruvan svārthād vā yadi vā kāmān na kiṃcid upalakṣayet //
and to śūdras who desire food, saying always "it is ready"; whether from his own interest or from desire, he should not take note of anything (in return).
AI translation rendered from the Sanskrit, not a published edition — the model flagged this verse as uncertain
BrP 223.49
पितृदेवातिथिकृते साधनं कुरुते च यत् स्ववेश्मनि यथान्यायम् उपास्ते भैक्ष्यम् एव च ॥
pitṛdevātithikṛte sādhanaṃ kurute ca yat svaveśmani yathānyāyam upāste bhaikṣyam eva ca //
And whatever provision he makes for the sake of the ancestors, the gods and guests, he duly attends to it in his own house, and to almsgiving as well.
AI translation rendered from the Sanskrit, not a published edition — the model flagged this verse as uncertain
BrP 223.50
द्विकालम् अग्निहोत्रं च जुह्वानो वै यथाविधि गोब्राह्मणहितार्थाय रणे चाभिमुखो हतः ॥
dvikālam agnihotraṃ ca juhvāno vai yathāvidhi gobrāhmaṇahitārthāya raṇe cābhimukho hataḥ //
And offering the agnihotra at the two times according to rule, and slain in battle facing (the foe) for the welfare of cows and brahmins,
AI translation rendered from the Sanskrit, not a published edition
BrP 223.51
त्रेताग्निमन्त्रपूतेन समाविश्य द्विजो भवेत् ज्ञानविज्ञानसंपन्नः संस्कृतो वेदपारगः ॥
tretāgnimantrapūtena samāviśya dvijo bhavet jñānavijñānasaṃpannaḥ saṃskṛto vedapāragaḥ //
having entered (a womb) purified by the mantra of the three fires, he would become a twice-born, endowed with knowledge and discernment, consecrated, having gone to the far shore of the Veda.
AI translation rendered from the Sanskrit, not a published edition — the model flagged this verse as uncertain
BrP 223.52
वैश्यो भवति धर्मात्मा क्षत्रियः स्वेन कर्मणा एतैः कर्मफलैर् देवि न्यूनजातिकुलोद्भवः ॥
vaiśyo bhavati dharmātmā kṣatriyaḥ svena karmaṇā etaiḥ karmaphalair devi nyūnajātikulodbhavaḥ //
By his own action a man becomes a vaiśya whose nature is dharma, (and) a kṣatriya; by these fruits of action, O goddess, one born in a low caste and family (rises).
AI translation rendered from the Sanskrit, not a published edition — the model flagged this verse as uncertain
BrP 223.53
शूद्रो ऽप्य् आगमसंपन्नो द्विजो भवति संस्कृतः ब्राह्मणो वाप्य् असद्वृत्तः सर्वसंकरभोजनः ॥
śūdro 'py āgamasaṃpanno dvijo bhavati saṃskṛtaḥ brāhmaṇo vāpy asadvṛttaḥ sarvasaṃkarabhojanaḥ //
Even a śūdra, endowed with (knowledge of) scripture, becomes a consecrated twice-born; but a brahmin too, of bad conduct, eating all manner of mixed food —
AI translation rendered from the Sanskrit, not a published edition
BrP 223.54
स ब्राह्मण्यं समुत्सृज्य शूद्रो भवति तादृशः कर्मभिः शुचिभिर् देवी शुद्धात्मा विजितेन्द्रियः ॥
sa brāhmaṇyaṃ samutsṛjya śūdro bhavati tādṛśaḥ karmabhiḥ śucibhir devī śuddhātmā vijitendriyaḥ //
he, casting off his brahminhood, becomes such a one as a śūdra. By pure actions, O goddess, one is purified in self and has conquered the senses.
AI translation rendered from the Sanskrit, not a published edition
BrP 223.55
शूद्रो ऽपि द्विजवत् सेव्य इति ब्रह्माब्रवीत् स्वयम् स्वभावकर्मणा चैव यत्र शूद्रो ऽधितिष्ठति ॥
śūdro 'pi dvijavat sevya iti brahmābravīt svayam svabhāvakarmaṇā caiva yatra śūdro 'dhitiṣṭhati //
"Even a śūdra is to be served like a twice-born" — this Brahmā himself declared; and where a śūdra stands firm by action in accord with his own nature,
AI translation rendered from the Sanskrit, not a published edition
BrP 223.56
विशुद्धः स द्विजातिभ्यो विज्ञेय इति मे मतिः न योनिर् नापि संस्कारो न श्रुतिर् न च संततिः ॥
viśuddhaḥ sa dvijātibhyo vijñeya iti me matiḥ na yonir nāpi saṃskāro na śrutir na ca saṃtatiḥ //
he is to be recognized as purer than the twice-born — such is my view. Not birth, nor consecration, nor learning, nor lineage
AI translation rendered from the Sanskrit, not a published edition
BrP 223.57
कारणानि द्विजत्वस्य वृत्तम् एव तु कारणम् सर्वो ऽयं ब्राह्मणो लोके वृत्तेन तु विधीयते ॥
kāraṇāni dvijatvasya vṛttam eva tu kāraṇam sarvo 'yaṃ brāhmaṇo loke vṛttena tu vidhīyate //
are the causes of twice-born status: conduct alone is the cause. Everyone in this world is (made) a brahmin, and it is by conduct that it is settled.
AI translation rendered from the Sanskrit, not a published edition
BrP 223.58
वृत्ते स्थितश् च शूद्रो ऽपि ब्राह्मणत्वं च गच्छति ब्रह्मस्वभावः सुश्रोणि समः सर्वत्र मे मतः ॥
vṛtte sthitaś ca śūdro 'pi brāhmaṇatvaṃ ca gacchati brahmasvabhāvaḥ suśroṇi samaḥ sarvatra me mataḥ //
And even a śūdra who stands firm in (right) conduct attains brahminhood; the nature of brahman, O fair-hipped one, is in my view the same everywhere.
AI translation rendered from the Sanskrit, not a published edition
BrP 223.59
निर्गुणं निर्मलं ब्रह्म यत्र तिष्ठति स द्विजः एते ये विमला देवि स्थानभावनिदर्शकाः ॥
nirguṇaṃ nirmalaṃ brahma yatra tiṣṭhati sa dvijaḥ ete ye vimalā devi sthānabhāvanidarśakāḥ //
Where brahman, free of qualities and free of stain, abides—he is a twice-born. These, O goddess, who are stainless, are the indicators of (true) station and nature.
AI translation rendered from the Sanskrit, not a published edition
BrP 223.60
स्वयं च वरदेनोक्ता ब्रह्मणा सृजता प्रजाः ब्रह्मणो हि महत् क्षेत्रं लोके चरति पादवत् ॥
svayaṃ ca varadenoktā brahmaṇā sṛjatā prajāḥ brahmaṇo hi mahat kṣetraṃ loke carati pādavat //
And it was declared by the boon-giver himself, by Brahmā as he was creating creatures: brahman's great field indeed moves about in the world as though on feet.
AI translation rendered from the Sanskrit, not a published edition — the model flagged this verse as uncertain
BrP 223.61
यत् तत्र बीजं पतति सा कृषिः प्रेत्य भाविनी संतुष्टेन सदा भाव्यं सत्पथालम्बिना सदा ॥
yat tatra bījaṃ patati sā kṛṣiḥ pretya bhāvinī saṃtuṣṭena sadā bhāvyaṃ satpathālambinā sadā //
Whatever seed falls there, that is the crop that will come to be after death; one should always be content, always relying on the good path.
AI translation rendered from the Sanskrit, not a published edition
BrP 223.62
ब्राह्मं हि मार्गम् आक्रम्य वर्तितव्यं बुभूषता संहिताध्यायिना भाव्यं गृहे वै गृहमेधिना ॥
brāhmaṃ hi mārgam ākramya vartitavyaṃ bubhūṣatā saṃhitādhyāyinā bhāvyaṃ gṛhe vai gṛhamedhinā //
For one who wishes to prosper should tread the brahmic path and live (by it); a householder in his house should be a reciter of the collected texts (saṃhitā).
AI translation rendered from the Sanskrit, not a published edition — the model flagged this verse as uncertain
BrP 223.63
नित्यं स्वाध्याययुक्तेन न चाध्ययनजीविना एवंभूतो हि यो विप्रः सततं सत्पथे स्थितः ॥
nityaṃ svādhyāyayuktena na cādhyayanajīvinā evaṃbhūto hi yo vipraḥ satataṃ satpathe sthitaḥ //
(He should be) constantly devoted to private recitation, and not one who lives off (teaching) recitation; for the brahmin who is of such a kind, ever standing on the good path,
AI translation rendered from the Sanskrit, not a published edition
BrP 223.64
आहिताग्निर् अधीयानो ब्रह्मभूयाय कल्पते ब्राह्मण्यं देवि संप्राप्य रक्षितव्यं यतात्मना ॥
āhitāgnir adhīyāno brahmabhūyāya kalpate brāhmaṇyaṃ devi saṃprāpya rakṣitavyaṃ yatātmanā //
who has established the sacred fires and studies, becomes fit for the state of brahman. Having attained brahminhood, O goddess, it must be guarded by one of restrained self
AI translation rendered from the Sanskrit, not a published edition
BrP 223.65
योनिप्रतिग्रहादानैः कर्मभिश् च शुचिस्मिते एतत् ते गुह्यम् आख्यातं यथा शूद्रो भवेद् द्विजः ब्राह्मणो वा च्युतो धर्माद् यथा शूद्रत्वम् आप्नुयात् ॥
yonipratigrahādānaiḥ karmabhiś ca śucismite etat te guhyam ākhyātaṃ yathā śūdro bhaved dvijaḥ brāhmaṇo vā cyuto dharmād yathā śūdratvam āpnuyāt //
through birth, through receiving and giving, and through (ritual) acts, O you of pure smile. This secret has been told to you: how a śūdra may become a twice-born, or how a brahmin fallen from dharma may reach the condition of a śūdra.
AI translation rendered from the Sanskrit, not a published edition — the model flagged this verse as uncertain