Brahma Purana — Chapter 22
BrP 22.1
ततश् चानन्तरं विप्रा नरका रौरवादयः पापिनो येषु पात्यन्ते ताञ् शृणुध्वं द्विजोत्तमाः ॥
tataś cānantaraṃ viprā narakā rauravādayaḥ pāpino yeṣu pātyante tāñ śṛṇudhvaṃ dvijottamāḥ //
And next after that, brahmins, (come) the hells, Raurava and the rest, into which sinners are cast: hear of them, O best of the twice-born.
AI translation rendered from the Sanskrit, not a published edition
BrP 22.2
रौरवः शौकरो रोधस् तानो विशसनस् तथा महाज्वालस् तप्तकुड्यो महालोभो विमोहनः ॥
rauravaḥ śaukaro rodhas tāno viśasanas tathā mahājvālas taptakuḍyo mahālobho vimohanaḥ //
Raurava, Śaukara, Rodha, Tāna, and Viśasana, Mahājvāla, Taptakuḍya, Mahālobha, Vimohana,
AI translation rendered from the Sanskrit, not a published edition
BrP 22.3
रुधिरान्धो वसातप्तः कृमीशः कृमिभोजनः असिपत्त्रवनं कृष्णो लालाभक्षश् च दारुणः ॥
rudhirāndho vasātaptaḥ kṛmīśaḥ kṛmibhojanaḥ asipattravanaṃ kṛṣṇo lālābhakṣaś ca dāruṇaḥ //
Rudhirāndha, Vasātapta, Kṛmīśa, Kṛmibhojana, Asipattravana, Kṛṣṇa, and the dreadful Lālābhakṣa,
AI translation rendered from the Sanskrit, not a published edition
BrP 22.4
तथा पूयवहः पापो वह्निज्वालो ह्य् अधःशिराः सदंशः कृष्णसूत्रश् च तमश् चावीचिर् एव च ॥
tathā pūyavahaḥ pāpo vahnijvālo hy adhaḥśirāḥ sadaṃśaḥ kṛṣṇasūtraś ca tamaś cāvīcir eva ca //
likewise Pūyavaha, Pāpa, Vahnijvāla, Adhaḥśiras, Sadaṃśa, Kṛṣṇasūtra, Tamas, and Avīci,
AI translation rendered from the Sanskrit, not a published edition
BrP 22.5
श्वभोजनो ऽथाप्रतिष्ठोमआवीचिश् च तथापरः इत्य् एवमादयश् चान्ये नरका भृशदारुणाः ॥
śvabhojano 'thāpratiṣṭhomaāvīciś ca tathāparaḥ ity evamādayaś cānye narakā bhṛśadāruṇāḥ //
then Śvabhojana, and Apratiṣṭha, and Avīci as yet another — these and other hells besides, exceedingly terrible,
AI translation rendered from the Sanskrit, not a published edition
BrP 22.6
यमस्य विषये घोराः शस्त्राग्निविषदर्शिनः पतन्ति येषु पुरुषाः पापकर्मरताश् च ये ॥
yamasya viṣaye ghorāḥ śastrāgniviṣadarśinaḥ patanti yeṣu puruṣāḥ pāpakarmaratāś ca ye //
(are) in Yama's domain, dreadful, showing (nothing but) weapons, fire and poison — into which fall those men who take pleasure in evil deeds.
AI translation rendered from the Sanskrit, not a published edition
BrP 22.7
कूटसाक्षी तथा सम्यक् पक्षपातेन यो वदेत् यश् चान्यद् अनृतं वक्ति स नरो याति रौरवम् ॥
kūṭasākṣī tathā samyak pakṣapātena yo vadet yaś cānyad anṛtaṃ vakti sa naro yāti rauravam //
A false witness, and one who would speak with partiality (even when speaking) correctly, and whoever else utters an untruth — that man goes to Raurava.
AI translation rendered from the Sanskrit, not a published edition
BrP 22.8
भ्रूणहा पुरहन्ता च गोघ्नश् च मुनिसत्तमाः यान्ति ते रौरवं घोरं यश् चोच्छ्वासनिरोधकः ॥
bhrūṇahā purahantā ca goghnaś ca munisattamāḥ yānti te rauravaṃ ghoraṃ yaś cocchvāsanirodhakaḥ //
A slayer of an embryo, a destroyer of a town, and a killer of cows, O best of sages — these go to dreadful Raurava, and (also) one who stops another's breathing.
AI translation rendered from the Sanskrit, not a published edition
BrP 22.9
सुरापो ब्रह्महा हर्ता सुवर्णस्य च शूकरे प्रयाति नरके यश् च तैः संसर्गम् उपैति वै ॥
surāpo brahmahā hartā suvarṇasya ca śūkare prayāti narake yaś ca taiḥ saṃsargam upaiti vai //
A drinker of liquor, a slayer of a brahmin, and a stealer of gold go to the hell Śūkara, and so does whoever keeps company with them.
AI translation rendered from the Sanskrit, not a published edition
BrP 22.10
राजन्यवैश्यहा चैव तथैव गुरुतल्पगः तप्तकुम्भे स्वसृगामी हन्ति राजभटं च यः ॥
rājanyavaiśyahā caiva tathaiva gurutalpagaḥ taptakumbhe svasṛgāmī hanti rājabhaṭaṃ ca yaḥ //
The killer of a kṣatriya or a vaiśya, and likewise one who violates his teacher's bed, one who goes to his own sister, and one who kills a king's soldier — (these go) into Taptakumbha.
AI translation rendered from the Sanskrit, not a published edition
BrP 22.11
माध्वीविक्रयकृन् वध्यपालः केसरविक्रयी तप्तलोहे पतन्त्य् एते यश् च भक्तं परित्यजेत् ॥
mādhvīvikrayakṛn vadhyapālaḥ kesaravikrayī taptalohe patanty ete yaś ca bhaktaṃ parityajet //
A dealer in mead, a keeper of the condemned, a seller of saffron — these fall into Taptaloha, and (so does) one who abandons a devoted dependent.
AI translation rendered from the Sanskrit, not a published edition — the model flagged this verse as uncertain
BrP 22.12
सुतां स्नुषां चापि गत्वा महाज्वाले निपात्यते अवमन्ता गुरूणां यो यश् चाक्रोष्टा नराधमः ॥
sutāṃ snuṣāṃ cāpi gatvā mahājvāle nipātyate avamantā gurūṇāṃ yo yaś cākroṣṭā narādhamaḥ //
One who has gone to his own daughter or his son's wife is cast into Mahājvāla; (so too) the vile man who despises his elders and who reviles (them).
AI translation rendered from the Sanskrit, not a published edition
BrP 22.13
वेददूषयिता यश् च वेदविक्रयकश् च यः अगम्यगामी यश् च स्यात् ते यान्ति शबलं द्विजाः ॥
vedadūṣayitā yaś ca vedavikrayakaś ca yaḥ agamyagāmī yaś ca syāt te yānti śabalaṃ dvijāḥ //
He who defiles the Veda and he who sells the Veda, and he who goes to a woman he may not approach — these go to Śabala, O twice-born.
AI translation rendered from the Sanskrit, not a published edition
BrP 22.14
चौरो विमोहे पतति मर्यादादूषकस् तथा देवद्विजपितृद्वेष्टा रत्नदूषयिता च यः ॥
cauro vimohe patati maryādādūṣakas tathā devadvijapitṛdveṣṭā ratnadūṣayitā ca yaḥ //
A thief falls into Vimohana, and likewise one who violates boundaries, one who hates gods, brahmins and ancestors, and one who counterfeits gems.
AI translation rendered from the Sanskrit, not a published edition
BrP 22.15
स याति कृमिभक्ष्ये वै कृमीशे तु दुरिष्टिकृत् पितृदेवातिथीन् यस् तु पर्यश्नाति नराधमः ॥
sa yāti kṛmibhakṣye vai kṛmīśe tu duriṣṭikṛt pitṛdevātithīn yas tu paryaśnāti narādhamaḥ //
He goes to Kṛmibhakṣya; but the performer of a faulty sacrifice (goes) to Kṛmīśa; and the vile man who eats before the ancestors, the gods and guests (have eaten),
AI translation rendered from the Sanskrit, not a published edition
BrP 22.16
लालाभक्ष्ये स यात्य् उग्रे शरकर्ता च वेधके करोति कर्णिनो यश् च यश् च खड्गादिकृन् नरः ॥
lālābhakṣye sa yāty ugre śarakartā ca vedhake karoti karṇino yaś ca yaś ca khaḍgādikṛn naraḥ //
he goes to the fierce Lālābhakṣya; and the maker of arrows (goes) to Vedhaka, and he who makes barbed arrows, and the man who makes swords and the like —
AI translation rendered from the Sanskrit, not a published edition
BrP 22.17
प्रयान्त्य् एते विशसने नरके भृशदारुणे असत्प्रतिग्रहीता च नरके यात्य् अधोमुखे ॥
prayānty ete viśasane narake bhṛśadāruṇe asatpratigrahītā ca narake yāty adhomukhe //
these go to the hell Viśasana, which is exceedingly terrible; and one who accepts gifts from the wicked goes to the hell Adhomukha.
AI translation rendered from the Sanskrit, not a published edition
BrP 22.18
अयाज्ययाजकस् तत्र तथा नक्षत्रसूचकः कृमिपूये नरश् चैको याति मिष्टान्नभुक् सदा ॥
ayājyayājakas tatra tathā nakṣatrasūcakaḥ kṛmipūye naraś caiko yāti miṣṭānnabhuk sadā //
There (goes) one who sacrifices for those unfit to sacrifice, and likewise one who tells fortunes by the stars; and to Kṛmipūya goes the man who is always eating dainty food.
AI translation rendered from the Sanskrit, not a published edition
BrP 22.19
लाक्षामांसरसानां च तिलानां लवणस्य च विक्रेता ब्राह्मणो याति तम् एव नरकं द्विजाः ॥
lākṣāmāṃsarasānāṃ ca tilānāṃ lavaṇasya ca vikretā brāhmaṇo yāti tam eva narakaṃ dvijāḥ //
And a brahmin who is a seller of lac, of meat-juices, of sesame, or of salt goes to that very hell, O twice-born.
AI translation rendered from the Sanskrit, not a published edition
BrP 22.20
मार्जारकुक्कुटच्छागश्ववराहविहंगमान् पोषयन् नरकं याति तम् एव द्विजसत्तमाः ॥
mārjārakukkuṭacchāgaśvavarāhavihaṃgamān poṣayan narakaṃ yāti tam eva dvijasattamāḥ //
One who raises cats, cocks, goats, dogs, pigs and birds goes to that very hell, O best of the twice-born.
AI translation rendered from the Sanskrit, not a published edition
BrP 22.21
रङ्गोपजीवी कैवर्तः कुण्डाशी गरदस् तथा सूची माहिषिकश् चैव पर्वगामी च यो द्विजः ॥
raṅgopajīvī kaivartaḥ kuṇḍāśī garadas tathā sūcī māhiṣikaś caiva parvagāmī ca yo dvijaḥ //
One who lives by the stage, a fisherman, one who eats the food of a kuṇḍa (a son born of an adulterous wife), a poisoner, an informer, a keeper of buffaloes, and the twice-born man who has intercourse (with his wife) on the parvan days —
AI translation rendered from the Sanskrit, not a published edition — the model flagged this verse as uncertain
BrP 22.22
अगारदाही मित्रघ्नः शकुनिग्रामयाजकः रुधिरान्धे पतन्त्य् एते सोमं विक्रीणते च ये ॥
agāradāhī mitraghnaḥ śakunigrāmayājakaḥ rudhirāndhe patanty ete somaṃ vikrīṇate ca ye //
an arsonist, a betrayer of a friend, one who sacrifices for bird-catchers and for whole villages — these fall into (the hell) Rudhirāndha, and also those who sell soma.
AI translation rendered from the Sanskrit, not a published edition
BrP 22.23
मधुहा ग्रामहन्ता च याति वैतरणीं नरः रेतःपानादिकर्तारो मर्यादाभेदिनश् च ये ॥
madhuhā grāmahantā ca yāti vaitaraṇīṃ naraḥ retaḥpānādikartāro maryādābhedinaś ca ye //
A honey-stealer and a destroyer of a village — such a man goes to the Vaitaraṇī; and those who do such things as drinking semen, and those who break the (established) bounds,
AI translation rendered from the Sanskrit, not a published edition
BrP 22.24
ते कृच्छ्रे यान्त्य् अशौचाश् च कुहकाजीविनश् च ये असिपत्त्रवनं याति वनच्छेदी वृथैव यः ॥
te kṛcchre yānty aśaucāś ca kuhakājīvinaś ca ye asipattravanaṃ yāti vanacchedī vṛthaiva yaḥ //
they go to (the hell) Kṛcchra, and the impure, and those who live by trickery; one who cuts down a forest to no purpose goes to the wood of sword-leaves.
AI translation rendered from the Sanskrit, not a published edition
BrP 22.25
औरभ्रिका मृगव्याधा वह्निज्वाले पतन्ति वै यान्ति तत्रैव ते विप्रा यश् चापाकेषु वह्निदः ॥
aurabhrikā mṛgavyādhā vahnijvāle patanti vai yānti tatraiva te viprā yaś cāpākeṣu vahnidaḥ //
Sheep-butchers and deer-hunters fall indeed into the Fire-flame (hell); to that same place, O brahmins, goes one who sets fire to (others') cook-houses.
AI translation rendered from the Sanskrit, not a published edition — the model flagged this verse as uncertain
BrP 22.26
व्रतोपलोपको यश् च स्वाश्रमाद् विच्युतश् च यः संदंशयातनामध्ये पततस् ताव् उभाव् अपि ॥
vratopalopako yaś ca svāśramād vicyutaś ca yaḥ saṃdaṃśayātanāmadhye patatas tāv ubhāv api //
He who breaks a vow and he who has fallen away from his own āśrama — both these two fall in the midst of the torment of the tongs.
AI translation rendered from the Sanskrit, not a published edition
BrP 22.27
दिवा स्वप्नेषु स्यन्दन्ते ये नरा ब्रह्मचारिणः पुत्रैर् अध्यापिता ये तु ते पतन्ति श्वभोजने ॥
divā svapneṣu syandante ye narā brahmacāriṇaḥ putrair adhyāpitā ye tu te patanti śvabhojane //
Those men who, being celibate students, emit (semen) in dreams by day, and those who have been taught by their own sons — they fall into (the hell) Śvabhojana (dog's food).
AI translation rendered from the Sanskrit, not a published edition
BrP 22.28
एते चान्ये च नरकाः शतशो ऽथ सहस्रशः येषु दुष्कृतकर्माणः पच्यन्ते यातनागताः ॥
ete cānye ca narakāḥ śataśo 'tha sahasraśaḥ yeṣu duṣkṛtakarmāṇaḥ pacyante yātanāgatāḥ //
These and other hells, by the hundreds and thousands, in which the doers of evil deeds, come to torment, are cooked.
AI translation rendered from the Sanskrit, not a published edition
BrP 22.29
तथैव पापान्य् एतानि तथान्यानि सहस्रशः भुज्यन्ते जातिपुरुषैर् नरकान्तरगोचरैः ॥
tathaiva pāpāny etāni tathānyāni sahasraśaḥ bhujyante jātipuruṣair narakāntaragocaraiḥ //
Just so these sins, and others by the thousands, are experienced by persons of (various) births who move within the several hells.
AI translation rendered from the Sanskrit, not a published edition
BrP 22.30
वर्णाश्रमविरुद्धं च कर्म कुर्वन्ति ये नराः कर्मणा मनसा वाचा निरयेषु पतन्ति ते ॥
varṇāśramaviruddhaṃ ca karma kurvanti ye narāḥ karmaṇā manasā vācā nirayeṣu patanti te //
And those men who do deeds contrary to (the rules of) class and stage of life — by deed, by mind, by speech — they fall into the hells.
AI translation rendered from the Sanskrit, not a published edition
BrP 22.31
अधःशिरोभिर् दृश्यन्ते नारकैर् दिवि देवताः देवाश् चाधोमुखान् सर्वान् अधः पश्यन्ति नारकान् ॥
adhaḥśirobhir dṛśyante nārakair divi devatāḥ devāś cādhomukhān sarvān adhaḥ paśyanti nārakān //
The gods in heaven are seen by the hell-dwellers with their heads downward, and the gods look down upon all the hell-dwellers who face downward.
AI translation rendered from the Sanskrit, not a published edition
BrP 22.32
स्थावराः कृमयो ऽज्वाश् च पक्षिणः पशवो नराः धार्मिकास् त्रिदशास् तद्वन् मोक्षिणश् च यथाक्रमम् ॥
sthāvarāḥ kṛmayo 'jvāś ca pakṣiṇaḥ paśavo narāḥ dhārmikās tridaśās tadvan mokṣiṇaś ca yathākramam //
Immobile beings, worms, goats(?), birds, cattle, men, the righteous, the thirty (gods), and likewise the liberated, in due order.
AI translation rendered from the Sanskrit, not a published edition — the model flagged this verse as uncertain
BrP 22.33
सहस्रभागः प्रथमाद् द्वितीयो ऽनुक्रमात् तथा सर्वे ह्य् एते महाभागा यावन् मुक्तिसमाश्रयाः ॥
sahasrabhāgaḥ prathamād dvitīyo 'nukramāt tathā sarve hy ete mahābhāgā yāvan muktisamāśrayāḥ //
The second is a thousandth part above the first, and so on in succession; for all these are great-fortuned in ascending degree, up to those who have attained liberation.
AI translation rendered from the Sanskrit, not a published edition — the model flagged this verse as uncertain
BrP 22.34
यावन्तो जन्तवः स्वर्गे तावन्तो नरकौकसः पापकृद् याति नरकं प्रायश्चित्तपराङ्मुखः ॥
yāvanto jantavaḥ svarge tāvanto narakaukasaḥ pāpakṛd yāti narakaṃ prāyaścittaparāṅmukhaḥ //
As many as are the creatures in heaven, so many are the dwellers in hell; the evildoer who turns away from expiation goes to hell.
AI translation rendered from the Sanskrit, not a published edition
BrP 22.35
पापानाम् अनुरूपाणि प्रायश्चित्तानि यद् यथा तथा तथैव संस्मृत्य प्रोक्तानि परमर्षिभिः ॥
pāpānām anurūpāṇi prāyaścittāni yad yathā tathā tathaiva saṃsmṛtya proktāni paramarṣibhiḥ //
The expiations suited to (particular) sins, in whatever manner each is, just so have they been declared by the supreme sages, recalling (them) exactly.
AI translation rendered from the Sanskrit, not a published edition
BrP 22.36
पापे गुरूणि गुरुणि स्वल्पान्य् अल्पे च तद्विदः प्रायश्चित्तानि विप्रेन्द्रा जगुः स्वायंभुवादयः ॥
pāpe gurūṇi guruṇi svalpāny alpe ca tadvidaḥ prāyaścittāni viprendrā jaguḥ svāyaṃbhuvādayaḥ //
Heavy expiations for a heavy sin, and small ones for a small one — so those who know them, the lords among brahmins, Svāyambhuva and the rest, have declared.
AI translation rendered from the Sanskrit, not a published edition
BrP 22.37
प्रायश्चित्तान्य् अशेषाणि तपःकर्मात्मकानि वै यानि तेषाम् अशेषाणां कृष्णानुस्मरणं परम् ॥
prāyaścittāny aśeṣāṇi tapaḥkarmātmakāni vai yāni teṣām aśeṣāṇāṃ kṛṣṇānusmaraṇaṃ param //
Of all the expiations that consist of austerity and (ritual) action, of all of them the remembrance of Kṛṣṇa is the highest.
AI translation rendered from the Sanskrit, not a published edition
BrP 22.38
कृते पापे ऽनुतापो वै यस्य पुंसः प्रजायते प्रायश्चित्तं तु तस्यैकं हरिसंस्मरणं परम् ॥
kṛte pāpe 'nutāpo vai yasya puṃsaḥ prajāyate prāyaścittaṃ tu tasyaikaṃ harisaṃsmaraṇaṃ param //
For the man in whom remorse arises when a sin has been committed, the one supreme expiation is the remembrance of Hari.
AI translation rendered from the Sanskrit, not a published edition
BrP 22.39
प्रातर् निशि तथा संध्यामध्याह्नादिषु संस्मरन् नारायणम् अवाप्नोति सद्यः पापक्षयान् नरः ॥
prātar niśi tathā saṃdhyāmadhyāhnādiṣu saṃsmaran nārāyaṇam avāpnoti sadyaḥ pāpakṣayān naraḥ //
At morning, at night, and at the twilights, at midday and so on, a man remembering Nārāyaṇa at once obtains (this) through the destruction of his sins.
AI translation rendered from the Sanskrit, not a published edition — the model flagged this verse as uncertain
BrP 22.40
विष्णुसंस्मरणात् क्षीणसमस्तक्लेशसंचयः मुक्तिं प्रयाति भो विप्रा विष्णोस् तस्यानुकीर्तनात् ॥
viṣṇusaṃsmaraṇāt kṣīṇasamastakleśasaṃcayaḥ muktiṃ prayāti bho viprā viṣṇos tasyānukīrtanāt //
By remembering Viṣṇu, a man whose whole accumulation of afflictions has been destroyed goes to liberation, O brahmins, by repeatedly praising that Viṣṇu.
AI translation rendered from the Sanskrit, not a published edition
BrP 22.41
वासुदेवे मनो यस्य जपहोमार्चनादिषु तस्यान्तरायो विप्रेन्द्रा देवेन्द्रत्वादिकं फलम् ॥
vāsudeve mano yasya japahomārcanādiṣu tasyāntarāyo viprendrā devendratvādikaṃ phalam //
He whose mind is on Vāsudeva in muttered prayer, oblation, worship and the rest — for him, O chief of brahmins, the fruit such as the lordship of the gods is (only) an obstacle.
AI translation rendered from the Sanskrit, not a published edition
BrP 22.42
क्व नाकपृष्ठगमनं पुनरावृत्तिलक्षणम् क्व जपो वासुदेवेति मुक्तिबीजम् अनुत्तमम् ॥
kva nākapṛṣṭhagamanaṃ punarāvṛttilakṣaṇam kva japo vāsudeveti muktibījam anuttamam //
What is the going to the vault of heaven, marked by a return again, compared to the muttering of "Vāsudeva," the unsurpassed seed of liberation?
AI translation rendered from the Sanskrit, not a published edition
BrP 22.43
तस्माद् अहर्निशं विष्णुं संस्मरन् पुरुषो द्विजः न याति नरकं शुद्धः संक्षीणाखिलपातकः ॥
tasmād aharniśaṃ viṣṇuṃ saṃsmaran puruṣo dvijaḥ na yāti narakaṃ śuddhaḥ saṃkṣīṇākhilapātakaḥ //
Therefore a man, a twice-born, remembering Viṣṇu day and night, does not go to hell, being purified, with all his sins destroyed.
AI translation rendered from the Sanskrit, not a published edition
BrP 22.44
मनःप्रीतिकरः स्वर्गो नरकस् तद्विपर्ययः नरकस्वर्गसंज्ञे वै पापपुण्ये द्विजोत्तमाः ॥
manaḥprītikaraḥ svargo narakas tadviparyayaḥ narakasvargasaṃjñe vai pāpapuṇye dvijottamāḥ //
Heaven is what gives delight to the mind; hell is the reverse of that. Indeed, O best of brahmins, evil and merit are what bear the names "hell" and "heaven."
AI translation rendered from the Sanskrit, not a published edition
BrP 22.45
वस्त्व् एकम् एव दुःखाय सुखायेर्ष्योदयाय च कोपाय च यतस् तस्माद् वस्तु दुःखात्मकं कुतः ॥
vastv ekam eva duḥkhāya sukhāyerṣyodayāya ca kopāya ca yatas tasmād vastu duḥkhātmakaṃ kutaḥ //
Since one and the same thing serves for pain, for pleasure, for the arising of envy and for anger — for that reason, how could a thing be painful in its own nature?
AI translation rendered from the Sanskrit, not a published edition
BrP 22.46
तद् एव प्रीतये भूत्वा पुनर् दुःखाय जायते तद् एव कोपालयतः प्रसादाय च जायते ॥
tad eva prītaye bhūtvā punar duḥkhāya jāyate tad eva kopālayataḥ prasādāya ca jāyate //
That very thing, having become (a cause) of delight, arises again for pain; that very thing, from being a seat of anger, arises also for favour.
AI translation rendered from the Sanskrit, not a published edition
BrP 22.47
तस्माद् दुःखात्मकं नास्ति न च किंचित् सुखात्मकम् मनसः परिणामो ऽयं सुखदुःखादिलक्षणः ॥
tasmād duḥkhātmakaṃ nāsti na ca kiṃcit sukhātmakam manasaḥ pariṇāmo 'yaṃ sukhaduḥkhādilakṣaṇaḥ //
Therefore nothing is painful in its nature, nor is anything pleasurable in its nature; this is a transformation of the mind, characterized as pleasure, pain, and so on.
AI translation rendered from the Sanskrit, not a published edition
BrP 22.48
ज्ञानम् एव परं ब्रह्माज्ञानं बन्धाय चेष्यते ज्ञानात्मकम् इदं विश्वं न ज्ञानाद् विद्यते परम् ॥
jñānam eva paraṃ brahmājñānaṃ bandhāya ceṣyate jñānātmakam idaṃ viśvaṃ na jñānād vidyate param //
Knowledge alone is the supreme brahman; ignorance is held to be for bondage. This universe consists of knowledge; nothing higher than knowledge exists.
AI translation rendered from the Sanskrit, not a published edition
BrP 22.49
विद्याविद्ये हि भो विप्रा ज्ञानम् एवावधार्यताम् एवम् एतद् मयाख्यातं भवतां मण्डलं भुवः ॥
vidyāvidye hi bho viprā jñānam evāvadhāryatām evam etad mayākhyātaṃ bhavatāṃ maṇḍalaṃ bhuvaḥ //
Indeed, O brahmins, let both knowledge and ignorance be understood as knowledge alone. Thus this sphere of the earth has been described by me to you.
AI translation rendered from the Sanskrit, not a published edition
BrP 22.50
पातालानि च सर्वाणि तथैव नरका द्विजाः समुद्राः पर्वताश् चैव द्वीपा वर्षाणि निम्नगाः संक्षेपात् सर्वम् आख्यातं किं भूयः श्रोतुम् इच्छथ ॥
pātālāni ca sarvāṇi tathaiva narakā dvijāḥ samudrāḥ parvatāś caiva dvīpā varṣāṇi nimnagāḥ saṃkṣepāt sarvam ākhyātaṃ kiṃ bhūyaḥ śrotum icchatha //
And all the nether regions, and likewise the hells, O twice-born, the oceans, the mountains, the continents, the sub-continents, the rivers — all has been told in brief. What further do you wish to hear?
AI translation rendered from the Sanskrit, not a published edition