Brahma Purana — Chapter 219
BrP 219.1
परलोकगतानां तु स्वकर्मस्थानवासिनाम् तेषां श्राद्धं कथं ज्ञेयं पुत्रैश् चान्यैश् च बन्धुभिः ॥
paralokagatānāṃ tu svakarmasthānavāsinām teṣāṃ śrāddhaṃ kathaṃ jñeyaṃ putraiś cānyaiś ca bandhubhiḥ //
But as for those who have gone to the other world and dwell in the places (assigned) by their own deeds — how is the śrāddha for them to be understood by sons and by other relatives?
AI translation rendered from the Sanskrit, not a published edition
BrP 219.2
नमस्कृत्य जगन्नाथं वाराहं लोकभावनम् शृणुध्वं संप्रवक्ष्यामि श्राद्धकल्पं यथोदितम् ॥
namaskṛtya jagannāthaṃ vārāhaṃ lokabhāvanam śṛṇudhvaṃ saṃpravakṣyāmi śrāddhakalpaṃ yathoditam //
Having made obeisance to the Lord of the world, the Boar, the creator of the worlds, listen: I shall declare fully the rule of śrāddha as it has been taught.
AI translation rendered from the Sanskrit, not a published edition
BrP 219.3
पुरा कोकाजले मग्नान् पितॄन् उद्धृतवान् विभुः श्राद्धं कृत्वा तदा देवो यथा तत्र द्विजोत्तमाः ॥
purā kokājale magnān pitṝn uddhṛtavān vibhuḥ śrāddhaṃ kṛtvā tadā devo yathā tatra dvijottamāḥ //
Long ago the mighty Lord raised up the fathers who were sunk in the water of the Kokā, having then performed a śrāddha, O best of brahmins, in the manner (done) there.
AI translation rendered from the Sanskrit, not a published edition
BrP 219.4
किमर्थं ते तु कोकायां निमग्नाः पितरो ऽम्भसि कथं तेनोद्धृतास् ते वै वाराहेण द्विजोत्तम ॥
kimarthaṃ te tu kokāyāṃ nimagnāḥ pitaro 'mbhasi kathaṃ tenoddhṛtās te vai vārāheṇa dvijottama //
For what reason were those fathers sunk in the water in the Kokā, and how indeed were they raised up by that Boar, O best of brahmins?
AI translation rendered from the Sanskrit, not a published edition
BrP 219.5
तस्मिन् कोकामुखे तीर्थे भुक्तिमुक्तिफलप्रदे श्रोतुम् इच्छामहे ब्रूहि परं कौतूहलं हि नः ॥
tasmin kokāmukhe tīrthe bhuktimuktiphalaprade śrotum icchāmahe brūhi paraṃ kautūhalaṃ hi naḥ //
We wish to hear about that sacred ford Kokāmukha, which bestows the fruit of both enjoyment and liberation — speak, for our curiosity is great.
AI translation rendered from the Sanskrit, not a published edition
BrP 219.6
त्रेताद्वापरयोः संधौ पितरो दिव्यमानुषाः पुरा मेरुगिरेः पृष्ठे विश्वैर् देवैः सह स्थिताः ॥
tretādvāparayoḥ saṃdhau pitaro divyamānuṣāḥ purā merugireḥ pṛṣṭhe viśvair devaiḥ saha sthitāḥ //
At the juncture of the Tretā and the Dvāpara (ages), the fathers, divine and human, were formerly seated on the back of Mount Meru together with the Viśve Devas.
AI translation rendered from the Sanskrit, not a published edition
BrP 219.7
तेषां समुपविष्टानां पितॄणां सोमसंभवा कन्या कान्तिमती दिव्या पुरतः प्राञ्जलिः स्थिता ताम् ऊचुः पितरो दिव्या ये तत्रासन् समागताः ॥
teṣāṃ samupaviṣṭānāṃ pitṝṇāṃ somasaṃbhavā kanyā kāntimatī divyā purataḥ prāñjaliḥ sthitā tām ūcuḥ pitaro divyā ye tatrāsan samāgatāḥ //
While those fathers were seated there, a divine maiden named Kāntimatī, born of the moon, stood before them with joined palms; the divine fathers who had assembled there said to her:
AI translation rendered from the Sanskrit, not a published edition
BrP 219.8
कासि भद्रे प्रभुः को वा भवत्या वक्तुम् अर्हसि ॥
kāsi bhadre prabhuḥ ko vā bhavatyā vaktum arhasi //
"Who are you, good lady, and who is your lord? You ought to tell (us)."
AI translation rendered from the Sanskrit, not a published edition
BrP 219.9
सा प्रोवाच पितॄन् देवान् कला चान्द्रमसीति ह प्रभुत्वे भवताम् एव वरयामि यदीच्छथ ॥
sā provāca pitṝn devān kalā cāndramasīti ha prabhutve bhavatām eva varayāmi yadīcchatha //
She said to the fathers, the gods: "I am a portion of the moon; as to lordship, I choose you yourselves, if you so wish."
AI translation rendered from the Sanskrit, not a published edition
BrP 219.10
ऊर्जा नामास्ति प्रथमं स्वधा च तदनन्तरम् भवद्भिश् चाद्यैव कृतं नाम कोकेति भावितम् ॥
ūrjā nāmāsti prathamaṃ svadhā ca tadanantaram bhavadbhiś cādyaiva kṛtaṃ nāma koketi bhāvitam //
"My first name is Ūrjā, and after that Svadhā; and this very day a name has been made by you, conceived as 'Kokā'."
AI translation rendered from the Sanskrit, not a published edition
BrP 219.11
ते हि तस्या वचः श्रुत्वा पितरो दिव्यमानुषाः तस्या मुखं निरीक्षन्तो न तृप्तिम् अधिजग्मिरे ॥
te hi tasyā vacaḥ śrutvā pitaro divyamānuṣāḥ tasyā mukhaṃ nirīkṣanto na tṛptim adhijagmire //
Indeed, having heard her words, the fathers, divine and human, gazing at her face, found no satisfaction.
AI translation rendered from the Sanskrit, not a published edition
BrP 219.12
विश्वेदेवाश् च ताञ् ज्ञात्वा कन्यामुखनिरीक्षकान् योगच्युतान् निरीक्ष्यैव विहाय त्रिदिवं गताः ॥
viśvedevāś ca tāñ jñātvā kanyāmukhanirīkṣakān yogacyutān nirīkṣyaiva vihāya tridivaṃ gatāḥ //
And the Viśvedevas, having learned that those (Fathers) were gazing at the maiden's face, and seeing them fallen from yoga, abandoned them and went to heaven.
AI translation rendered from the Sanskrit, not a published edition
BrP 219.13
भगवान् अपि शीतांशुर् ऊर्जां नापश्यद् आत्मजाम् समाकुलमना दध्यौ क्व गतेति महायशाः ॥
bhagavān api śītāṃśur ūrjāṃ nāpaśyad ātmajām samākulamanā dadhyau kva gateti mahāyaśāḥ //
The blessed cool-rayed one (the Moon) too did not see his daughter Ūrjā; with a troubled mind the greatly renowned one pondered, "Where has she gone?"
AI translation rendered from the Sanskrit, not a published edition
BrP 219.14
स विवेद तदा सोमः प्राप्तां पितॄंश् च कामतः तैश् चावलोकितां हार्दात् स्वीकृतां च तपोबलात् ॥
sa viveda tadā somaḥ prāptāṃ pitṝṃś ca kāmataḥ taiś cāvalokitāṃ hārdāt svīkṛtāṃ ca tapobalāt //
Then Soma came to know that she had gone to the Fathers of her own desire, and that she had been gazed upon by them out of affection and taken as their own by the power of (their) austerity.
AI translation rendered from the Sanskrit, not a published edition
BrP 219.15
ततः क्रोधपरीतात्मा पितॄञ् शशधरो द्विजाः शशाप निपतिष्यध्वं योगभ्रष्टा विचेतसः ॥
tataḥ krodhaparītātmā pitṝñ śaśadharo dvijāḥ śaśāpa nipatiṣyadhvaṃ yogabhraṣṭā vicetasaḥ //
Then the hare-marked one (the Moon), his soul filled with anger, cursed the Fathers, O twice-born: "You shall fall down, fallen from yoga and bereft of your wits!"
AI translation rendered from the Sanskrit, not a published edition
BrP 219.16
यस्माद् अदत्तां मत्कन्यां कामयध्वं सुबालिशाः यस्माद् धृतवती चेयं पतीन् पितृमती सती ॥
yasmād adattāṃ matkanyāṃ kāmayadhvaṃ subāliśāḥ yasmād dhṛtavatī ceyaṃ patīn pitṛmatī satī //
"Since you, utter fools, desire my daughter who has not been given (in marriage), and since she, being a girl who has a father, has (herself) taken husbands —
AI translation rendered from the Sanskrit, not a published edition
BrP 219.17
स्वतन्त्रा धर्मम् उत्सृज्य तस्माद् भवतु निम्नगा कोकेति प्रथिता लोके शिशिराद्रिसमाश्रिता ॥
svatantrā dharmam utsṛjya tasmād bhavatu nimnagā koketi prathitā loke śiśirādrisamāśritā //
"— therefore, since acting independently she has cast aside dharma, let her become a river, known in the world as Kokā, resting upon the Snow Mountain."
AI translation rendered from the Sanskrit, not a published edition
BrP 219.18
इत्थं शप्ताश् चन्द्रमसा पितरो दिव्यमानुषाः योगभ्रष्टा निपतिता हिमवत्पादभूतले ॥
itthaṃ śaptāś candramasā pitaro divyamānuṣāḥ yogabhraṣṭā nipatitā himavatpādabhūtale //
Thus cursed by the Moon, the Fathers, both divine and human, fell from yoga and dropped down onto the ground at the foot of the Himālaya.
AI translation rendered from the Sanskrit, not a published edition
BrP 219.19
ऊर्जा तत्रैव पतिता गिरिराजस्य विस्तृते प्रस्थे तीर्थं समासाद्य सप्तसामुद्रम् उत्तमम् ॥
ūrjā tatraiva patitā girirājasya vistṛte prasthe tīrthaṃ samāsādya saptasāmudram uttamam //
Ūrjā too fell right there on the broad tableland of the king of mountains, having reached the excellent Saptasāmudra ford.
AI translation rendered from the Sanskrit, not a published edition
BrP 219.20
कोका नाम ततो वेगान् नदी तीर्थशताकुला प्लावयन्ती गिरेः शृङ्गं सर्पणात् तु सरित् स्मृता ॥
kokā nāma tato vegān nadī tīrthaśatākulā plāvayantī gireḥ śṛṅgaṃ sarpaṇāt tu sarit smṛtā //
Then, from (her) speed, (she became) the river named Kokā, thronged with a hundred fords, flooding the peak of the mountain; and from its gliding it is called a stream (sarit).
AI translation rendered from the Sanskrit, not a published edition — the model flagged this verse as uncertain
BrP 219.21
अथ ते पितरो विप्रा योगहीना महानदीम् ददृशुः शीतसलिलां न विदुस् तां सुलोचनाम् ॥
atha te pitaro viprā yogahīnā mahānadīm dadṛśuḥ śītasalilāṃ na vidus tāṃ sulocanām //
Then those Fathers, O brahmins, deprived of yoga, saw the great river of cool waters; but they did not recognize her, the fair-eyed one.
AI translation rendered from the Sanskrit, not a published edition
BrP 219.22
ततस् तु गिरिराड् दृष्ट्वा पितॄंस् तांस् तु क्षुधार्दितान् बदरीम् आदिदेशाथ धेनुं चैकां मधुस्रवाम् ॥
tatas tu girirāḍ dṛṣṭvā pitṝṃs tāṃs tu kṣudhārditān badarīm ādideśātha dhenuṃ caikāṃ madhusravām //
Then the king of mountains, seeing those Fathers afflicted with hunger, appointed a jujube tree and one cow that streamed honey.
AI translation rendered from the Sanskrit, not a published edition
BrP 219.23
क्षीरं मधु च तद् दिव्यं कोकाम्भो बदरीफलम् इदं गिरिवरेणैषां पोषणाय निरूपितम् ॥
kṣīraṃ madhu ca tad divyaṃ kokāmbho badarīphalam idaṃ girivareṇaiṣāṃ poṣaṇāya nirūpitam //
That milk and that divine honey, the water of the Kokā, and the jujube fruit — this was provided by the best of mountains for their sustenance.
AI translation rendered from the Sanskrit, not a published edition
BrP 219.24
तया वृत्त्या तु वसतां पितॄणां मुनिसत्तमाः दश वर्षसहस्राणि ययुर् एकम् अहो यथा ॥
tayā vṛttyā tu vasatāṃ pitṝṇāṃ munisattamāḥ daśa varṣasahasrāṇi yayur ekam aho yathā //
For the Fathers living by that livelihood, O best of sages, ten thousand years passed as if a single day.
AI translation rendered from the Sanskrit, not a published edition
BrP 219.25
एवं लोके विपितरि तथैव विगतस्वधे दैत्या बभूवुर् बलिनो यातुधानाश् च राक्षसाः ॥
evaṃ loke vipitari tathaiva vigatasvadhe daityā babhūvur balino yātudhānāś ca rākṣasāḥ //
Thus, when the world was without Fathers and likewise without the svadhā offering, the Daityas grew strong, and the Yātudhānas and Rākṣasas.
AI translation rendered from the Sanskrit, not a published edition
BrP 219.26
ते तान् पितृगणान् दैत्या यातुधानाश् च वेगिताः विश्वैर् देवैर् विरहितान् सर्वतः समुपाद्रवन् ॥
te tān pitṛgaṇān daityā yātudhānāś ca vegitāḥ viśvair devair virahitān sarvataḥ samupādravan //
Those Daityas and Yātudhānas, moving swiftly, assailed those hosts of Fathers from every side, they being deserted by the Viśvedevas.
AI translation rendered from the Sanskrit, not a published edition
BrP 219.27
दैतेयान् यातुधानांश् च दृष्ट्वैवापततो द्विजाः कोकातटस्थाम् उत्तुङ्गां शिलां ते जगृहू रुषा ॥
daiteyān yātudhānāṃś ca dṛṣṭvaivāpatato dvijāḥ kokātaṭasthām uttuṅgāṃ śilāṃ te jagṛhū ruṣā //
Seeing the Daiteyas and Yātudhānas rushing upon them, O twice-born, they in anger seized a lofty rock standing on the bank of the Kokā.
AI translation rendered from the Sanskrit, not a published edition
BrP 219.28
गृहीतायां शिलायां तु कोका वेगवती पितॄन् छादयाम् आस तोयेन प्लावयन्ती हिमाचलम् ॥
gṛhītāyāṃ śilāyāṃ tu kokā vegavatī pitṝn chādayām āsa toyena plāvayantī himācalam //
But when the rock was seized, the swift Kokā covered the Fathers with her water, flooding the Snow Mountain.
AI translation rendered from the Sanskrit, not a published edition
BrP 219.29
पितॄन् अन्तर्हितान् दृष्ट्वा दैतेया राक्षसास् तथा विभीतकं समारुह्य निराहारास् तिरोहिताः ॥
pitṝn antarhitān dṛṣṭvā daiteyā rākṣasās tathā vibhītakaṃ samāruhya nirāhārās tirohitāḥ //
Seeing the Fathers vanished, the Daiteyas and the Rākṣasas climbed a vibhītaka tree and, without food, remained hidden.
AI translation rendered from the Sanskrit, not a published edition
BrP 219.30
सलिलेन विषीदन्तः पितरः क्षुद्भ्रमातुराः विषीदमानम् आत्मानं समीक्ष्य सलिलाशयाः जगुर् जनार्दनं देवं पितरः शरणं हरिम् ॥
salilena viṣīdantaḥ pitaraḥ kṣudbhramāturāḥ viṣīdamānam ātmānaṃ samīkṣya salilāśayāḥ jagur janārdanaṃ devaṃ pitaraḥ śaraṇaṃ harim //
Sinking in the water, the Fathers, distressed by hunger and dizziness — seeing themselves sinking, lying within the water, the Fathers sang to the god Janārdana, to Hari, for refuge.
AI translation rendered from the Sanskrit, not a published edition
BrP 219.31
जयस्व गोविन्द जगन्निवास जयो ऽस्तु नः केशव ते प्रसादात् जनार्दनास्मान् सलिलान्तरस्थान् उद्धर्तुम् अर्हस्य् अनघप्रताप
jayasva govinda jagannivāsa jayo 'stu naḥ keśava te prasādāt janārdanāsmān salilāntarasthān uddhartum arhasy anaghapratāpa
"Be victorious, Govinda, dwelling-place of the world! May victory be ours, Keśava, by your grace! Janārdana, you should lift us up who are set within the water, O you of faultless might!"
AI translation rendered from the Sanskrit, not a published edition
BrP 219.32
निशाचरैर् दारुणदर्शनैः प्रभो वरेण्य वैकुण्ठ वराह विष्णो नारायणाशेषमहेश्वरेश प्रयाहि भीताञ् जय पद्मनाभ
niśācarair dāruṇadarśanaiḥ prabho vareṇya vaikuṇṭha varāha viṣṇo nārāyaṇāśeṣamaheśvareśa prayāhi bhītāñ jaya padmanābha
O Lord, (save us) from the night-roamers of terrible appearance! O most excellent one, Vaikuṇṭha, Boar, Viṣṇu, Nārāyaṇa, lord of the infinite Great Lord — come to (us who are) afraid; be victorious, O lotus-naveled one!
AI translation rendered from the Sanskrit, not a published edition — the model flagged this verse as uncertain
BrP 219.33
उपेन्द्र योगिन् मधुकैटभघ्न विष्णो अनन्ताच्युत वासुदेव श्रीशार्ङ्गचक्राम्बुजशङ्खपाणे रक्षस्व देवेश्वर राक्षसेभ्यः
upendra yogin madhukaiṭabhaghna viṣṇo anantācyuta vāsudeva śrīśārṅgacakrāmbujaśaṅkhapāṇe rakṣasva deveśvara rākṣasebhyaḥ
O Upendra, Yogin, slayer of Madhu and Kaiṭabha, Viṣṇu, Ananta, Acyuta, Vāsudeva, Śrī's (lord), you who hold in your hands the bow Śārṅga, the discus, the lotus and the conch — protect (us), O lord of the gods, from the rākṣasas!
AI translation rendered from the Sanskrit, not a published edition
BrP 219.34
त्वं पिता जगतः शंभो नान्यः शक्तः प्रबाधितुम् निशाचरगणं भीमम् अतस् त्वां शरणं गताः ॥
tvaṃ pitā jagataḥ śaṃbho nānyaḥ śaktaḥ prabādhitum niśācaragaṇaṃ bhīmam atas tvāṃ śaraṇaṃ gatāḥ //
You are the father of the world, O Śambhu; no one else is able to drive off the fearsome host of night-roamers — therefore we have come to you for refuge.
AI translation rendered from the Sanskrit, not a published edition
BrP 219.35
त्वन्नामसंकीर्तनतो निशाचरा द्रवन्ति भूतान्य् अपयान्ति चारयः नाशं तथा संप्रति यान्ति विष्णो धर्मादि सत्यं भवतीह मुख्यम्
tvannāmasaṃkīrtanato niśācarā dravanti bhūtāny apayānti cārayaḥ nāśaṃ tathā saṃprati yānti viṣṇo dharmādi satyaṃ bhavatīha mukhyam
By the chanting of your name the night-roamers run away, spirits depart, and enemies too; likewise now they go to destruction, O Viṣṇu — and here dharma and the rest, truth foremost, comes to be.
AI translation rendered from the Sanskrit, not a published edition — the model flagged this verse as uncertain
BrP 219.36
इत्थं स्तुतः स पितृभिर् धरणीधरस् तु तुष्टस् तदाविष्कृतदिव्यमूर्तिः कोकामुखे पितृगणं सलिले निमग्नं देवो ददर्श शिरसाथ शिलां वहन्तम्
itthaṃ stutaḥ sa pitṛbhir dharaṇīdharas tu tuṣṭas tadāviṣkṛtadivyamūrtiḥ kokāmukhe pitṛgaṇaṃ salile nimagnaṃ devo dadarśa śirasātha śilāṃ vahantam
Thus praised by the fathers, the bearer of the earth was pleased, and having then manifested his divine form, the god saw at Kokāmukha the host of fathers sunk in the water, bearing a rock upon their head(s).
AI translation rendered from the Sanskrit, not a published edition
BrP 219.37
तं दृष्ट्वा सलिले मग्नं क्रोडरूपी जनार्दनः भीतं पितृगणं विष्णुर् उद्धर्तुं मतिर् आदधे ॥
taṃ dṛṣṭvā salile magnaṃ kroḍarūpī janārdanaḥ bhītaṃ pitṛgaṇaṃ viṣṇur uddhartuṃ matir ādadhe //
Seeing that frightened host of fathers sunk in the water, Janārdana Viṣṇu, in boar form, set his mind on lifting them out.
AI translation rendered from the Sanskrit, not a published edition
BrP 219.38
दंष्ट्राग्रेण समाहत्य शिलां चिक्षेप शूकरः पितॄन् आदाय च विभुर् उज्जहार शिलातलात् ॥
daṃṣṭrāgreṇa samāhatya śilāṃ cikṣepa śūkaraḥ pitṝn ādāya ca vibhur ujjahāra śilātalāt //
The boar struck the rock with the tip of his tusk and hurled it away, and the mighty one, taking up the fathers, raised them from the rock's floor.
AI translation rendered from the Sanskrit, not a published edition
BrP 219.39
वराहदंष्ट्रासंलग्नाः पितरः कनकोज्ज्वलाः कोकामुखे गतभयाः कृता देवेन विष्णुना ॥
varāhadaṃṣṭrāsaṃlagnāḥ pitaraḥ kanakojjvalāḥ kokāmukhe gatabhayāḥ kṛtā devena viṣṇunā //
Clinging to the boar's tusk, the fathers, gleaming like gold, were made free of fear at Kokāmukha by the god Viṣṇu.
AI translation rendered from the Sanskrit, not a published edition
BrP 219.40
उद्धृत्य च पितॄन् देवो विष्णुतीर्थे तु शूकरः ददौ समाहितस् तेभ्यो विष्णुर् लोहार्गले जलम् ॥
uddhṛtya ca pitṝn devo viṣṇutīrthe tu śūkaraḥ dadau samāhitas tebhyo viṣṇur lohārgale jalam //
And having raised up the fathers, the god Viṣṇu the boar, with concentrated mind, gave them water at Viṣṇutīrtha, at Lohārgala.
AI translation rendered from the Sanskrit, not a published edition
BrP 219.41
ततः स्वरोमसंभूतान् कुशान् आदाय केशवः स्वेदोद्भवांस् तिलांश् चैव चक्रे चोल्मुकम् उत्तमम् ॥
tataḥ svaromasaṃbhūtān kuśān ādāya keśavaḥ svedodbhavāṃs tilāṃś caiva cakre colmukam uttamam //
Then Keśava took kuśa grasses born from his own hair, and sesame seeds arisen from his sweat, and made an excellent firebrand.
AI translation rendered from the Sanskrit, not a published edition
BrP 219.42
ज्योतिः सूर्यप्रभं कृत्वा पात्रं तीर्थं च कामिकम् स्थितः कोटिवटस्याधो वारि गङ्गाधरं शुचि ॥
jyotiḥ sūryaprabhaṃ kṛtvā pātraṃ tīrthaṃ ca kāmikam sthitaḥ koṭivaṭasyādho vāri gaṅgādharaṃ śuci //
Having made the light (of the fire) as radiant as the sun, and the vessel and the ford as desired, he stood beneath the Koṭi banyan, (with) pure water that holds the Gaṅgā.
AI translation rendered from the Sanskrit, not a published edition — the model flagged this verse as uncertain
BrP 219.43
तुङ्गकूटात् समादाय यज्ञीयान् ओषधीरसान् मधुक्षीररसान् गन्धान् पुष्पधूपानुलेपनान् ॥
tuṅgakūṭāt samādāya yajñīyān oṣadhīrasān madhukṣīrarasān gandhān puṣpadhūpānulepanān //
Taking from Tuṅgakūṭa the sacrificial juices of herbs, honey and milk juices, fragrances, flowers, incense and unguents —
AI translation rendered from the Sanskrit, not a published edition
BrP 219.44
आदाय धेनुं सरसो रत्नान्य् आदाय चार्णवात् दंष्ट्रयोल्लिख्य धरणीम् अभ्युक्ष्य सलिलेन च ॥
ādāya dhenuṃ saraso ratnāny ādāya cārṇavāt daṃṣṭrayollikhya dharaṇīm abhyukṣya salilena ca //
— and taking a cow from the lake and jewels from the ocean, he scored the earth with his tusk and sprinkled it with water,
AI translation rendered from the Sanskrit, not a published edition
BrP 219.45
घर्मोद्भवेनोपलिप्य कुशैर् उल्लिख्य तां पुनः परिणीयोल्मुकेनैनाम् अभ्युक्ष्य च पुनः पुनः ॥
gharmodbhavenopalipya kuśair ullikhya tāṃ punaḥ pariṇīyolmukenainām abhyukṣya ca punaḥ punaḥ //
and, smearing it with what arose from his sweat, scoring it again with kuśa grasses, leading (the fire) around it with the firebrand and sprinkling it again and again,
AI translation rendered from the Sanskrit, not a published edition — the model flagged this verse as uncertain
BrP 219.46
कुशान् आदाय प्रागग्रांल् लोमकूपान्तरस्थितान् ऋषीन् आहूय पप्रच्छ करिष्ये पितृतर्पणम् ॥
kuśān ādāya prāgagrāṃl lomakūpāntarasthitān ṛṣīn āhūya papraccha kariṣye pitṛtarpaṇam //
taking kuśa grasses with their tips to the east, which stood within the pores of his hair, he called the sages and asked: "I shall perform the offering of water to the fathers."
AI translation rendered from the Sanskrit, not a published edition
BrP 219.47
तैर् अप्य् उक्ते कुरुष्वेति विश्वान् देवांस् ततो विभुः आहूय मन्त्रतस् तेषां विष्टराणि ददौ प्रभुः ॥
tair apy ukte kuruṣveti viśvān devāṃs tato vibhuḥ āhūya mantratas teṣāṃ viṣṭarāṇi dadau prabhuḥ //
And when they said, "Do it," the mighty lord then summoned all the Viśve Devas and, with mantras, gave them seats.
AI translation rendered from the Sanskrit, not a published edition
BrP 219.48
आहूय मन्त्रतस् तेषां वेदोक्तविधिना हरिः अक्षतैर् दैवतारक्षां चक्रे चक्रगदाधरः ॥
āhūya mantratas teṣāṃ vedoktavidhinā hariḥ akṣatair daivatārakṣāṃ cakre cakragadādharaḥ //
Summoning them with mantras according to the rule stated in the Veda, Hari, bearer of the discus and mace, made with unbroken grains a protection for the deities.
AI translation rendered from the Sanskrit, not a published edition
BrP 219.49
अक्षतास् तु यवौषध्यः सर्वदेवांशसंभवाः रक्षन्ति सर्वत्र दिशो रक्षार्थं निर्मिता हि ते ॥
akṣatās tu yavauṣadhyaḥ sarvadevāṃśasaṃbhavāḥ rakṣanti sarvatra diśo rakṣārthaṃ nirmitā hi te //
Now the unbroken barley grains, herbs arisen from portions of all the gods, protect the directions everywhere, for they were fashioned for the sake of protection.
AI translation rendered from the Sanskrit, not a published edition
BrP 219.50
देवदानवदैत्येषु यक्षरक्षःसु चैव हि नहि कश्चित् क्षयं तेषां कर्तुं शक्तश् चराचरे ॥
devadānavadaityeṣu yakṣarakṣaḥsu caiva hi nahi kaścit kṣayaṃ teṣāṃ kartuṃ śaktaś carācare //
Among gods, dānavas and daityas, and among yakṣas and rākṣasas too, there is no one in the moving and unmoving world able to destroy them.
AI translation rendered from the Sanskrit, not a published edition
BrP 219.51
न केनचित् कृतं यस्मात् तस्मात् ते ह्य् अक्षताः कृताः देवानां ते हि रक्षार्थं नियुक्ता विष्णुना पुरा ॥
na kenacit kṛtaṃ yasmāt tasmāt te hy akṣatāḥ kṛtāḥ devānāṃ te hi rakṣārthaṃ niyuktā viṣṇunā purā //
Since they were injured ("broken") by no one, therefore they were made "unbroken" (akṣata); they were appointed of old by Viṣṇu for the protection of the gods.
AI translation rendered from the Sanskrit, not a published edition
BrP 219.52
कुशगन्धयवैः पुष्पैर् अर्घ्यं कृत्वा च शूकरः विश्वेभ्यो देवेभ्य इति ततस् तान् पर्यपृच्छत ॥
kuśagandhayavaiḥ puṣpair arghyaṃ kṛtvā ca śūkaraḥ viśvebhyo devebhya iti tatas tān paryapṛcchata //
And having made the arghya offering with kuśa grass, fragrance, barley and flowers, the Boar then asked them, saying, "(This is) for the All-gods (Viśvedevas)."
AI translation rendered from the Sanskrit, not a published edition — the model flagged this verse as uncertain
BrP 219.53
पितॄन् आवाहयिष्यामि ये दिव्या ये च मानुषाः आवाहयस्वेति च तैर् उक्तस् त्व् आवाहयेच् छुचिः ॥
pitṝn āvāhayiṣyāmi ye divyā ye ca mānuṣāḥ āvāhayasveti ca tair uktas tv āvāhayec chuciḥ //
"I shall invoke the fathers, both those who are divine and those who are human"; and when they have said to him, "Invoke (them)," then, being pure, let him invoke.
AI translation rendered from the Sanskrit, not a published edition
BrP 219.54
श्लिष्टमूलाग्रदर्भांस् तु सतिलान् वेद वेदवित् जानाव् आरोप्य हस्तं तु ददौ सव्येन चासनम् ॥
śliṣṭamūlāgradarbhāṃs tu satilān veda vedavit jānāv āropya hastaṃ tu dadau savyena cāsanam //
The knower of the Veda (took) darbha grasses whose roots and tips were joined together, along with sesame; and placing his hand upon his knee, he gave a seat with the left (hand).
AI translation rendered from the Sanskrit, not a published edition — the model flagged this verse as uncertain
BrP 219.55
तथैव जानुसंस्थेन करेणैकेन तान् पितॄन् वाराहः पितृविप्राणाम् आयान्तु न इतीरयन् ॥
tathaiva jānusaṃsthena kareṇaikena tān pitṝn vārāhaḥ pitṛviprāṇām āyāntu na itīrayan //
In the same way, with one hand placed on his knee, the Boar (invoked) those fathers, uttering, "Let (them) come to us," for the brahmins who represent the fathers.
AI translation rendered from the Sanskrit, not a published edition — the model flagged this verse as uncertain
BrP 219.56
अपहतेत्य् उवाचैव रक्षणं चापसव्यतः कृत्वा चावाहनं चक्रे पितॄणां नामगोत्रतः ॥
apahatety uvācaiva rakṣaṇaṃ cāpasavyataḥ kṛtvā cāvāhanaṃ cakre pitṝṇāṃ nāmagotrataḥ //
He said "apahata" ("be driven off"), and (performed) the protective rite with the left-hand turn; and having done so he made the invocation of the fathers by name and lineage.
AI translation rendered from the Sanskrit, not a published edition — the model flagged this verse as uncertain
BrP 219.57
तत् पितरो मनोजरान् आगच्छत इतीरयन् संवत्सरैर् इत्य् उदीर्य ततो ऽर्घ्यं तेषु विन्यसेत् ॥
tat pitaro manojarān āgacchata itīrayan saṃvatsarair ity udīrya tato 'rghyaṃ teṣu vinyaset //
Uttering, "Therefore, O fathers, unaging in mind, come," and then saying, "with the years," he should thereupon place the arghya water upon them.
AI translation rendered from the Sanskrit, not a published edition — the model flagged this verse as uncertain
BrP 219.58
यास् तिष्ठन्त्य् अमृता वाचो यन् मैति च पितुः पितुः यन् मे पितामहाइत्य् एवं ददाव् अर्घ्यं पितामह ॥
yās tiṣṭhanty amṛtā vāco yan maiti ca pituḥ pituḥ yan me pitāmahāity evaṃ dadāv arghyaṃ pitāmaha //
"The immortal words that abide," and "what is mine" for the father, and "what is mine, O grandfather" — thus the Grandfather gave the arghya.
AI translation rendered from the Sanskrit, not a published edition — the model flagged this verse as uncertain
BrP 219.59
यन् मे प्रपितामहाइति ददौ च प्रपितामहे कुशगन्धतिलोन्मिश्रं सपुष्पम् अपसव्यतः ॥
yan me prapitāmahāiti dadau ca prapitāmahe kuśagandhatilonmiśraṃ sapuṣpam apasavyataḥ //
"What is mine, O great-grandfather" — thus he gave to the great-grandfather (the offering) mingled with kuśa, fragrance and sesame, together with flowers, with the left-hand turn.
AI translation rendered from the Sanskrit, not a published edition — the model flagged this verse as uncertain
BrP 219.60
तद्वन् मातामहेभ्यस् तु विधिं चक्रे जनार्दनः तान् अर्च्य भूयो गन्धाद्यैर् धूपं दत्त्वा तु भक्तितः ॥
tadvan mātāmahebhyas tu vidhiṃ cakre janārdanaḥ tān arcya bhūyo gandhādyair dhūpaṃ dattvā tu bhaktitaḥ //
In the same way Janārdana performed the rite for the maternal grandfathers; having worshipped them again with fragrances and the rest, and having devotedly offered incense,
AI translation rendered from the Sanskrit, not a published edition
BrP 219.61
आदित्या वसवो रुद्रा इत्य् उच्चार्य जगत्प्रभुः ततश् चान्नं समादाय सर्पिस्तिलकुशाकुलम् ॥
ādityā vasavo rudrā ity uccārya jagatprabhuḥ tataś cānnaṃ samādāya sarpistilakuśākulam //
having pronounced "Ādityas, Vasus, Rudras," the Lord of the world then took up the food thick with ghee, sesame and kuśa,
AI translation rendered from the Sanskrit, not a published edition
BrP 219.62
विधाय पात्रे तच् चैव पर्यपृच्छत् ततो मुनीन् अग्नौ करिष्य इति तैः कुरुष्वेति च चोदितः ॥
vidhāya pātre tac caiva paryapṛcchat tato munīn agnau kariṣya iti taiḥ kuruṣveti ca coditaḥ //
and having set it out in a vessel, he then asked the sages, "Shall I make (the offering) in the fire?" and being urged by them with "Do it,"
AI translation rendered from the Sanskrit, not a published edition
BrP 219.63
आहुतित्रितयं दद्यात् सोमायाग्नेर् यमाय च ये मामकाइति च जपेद् यजुःसप्तकम् अच्युतम् ॥
āhutitritayaṃ dadyāt somāyāgner yamāya ca ye māmakāiti ca japed yajuḥsaptakam acyutam //
he should offer a triad of oblations, to Soma, to Agni and to Yama; and he should murmur "those who are mine" and the imperishable set of seven yajus verses.
AI translation rendered from the Sanskrit, not a published edition
BrP 219.64
हुतावशिष्टं च ददौ नामगोत्रसमन्वितम् त्रिर् आहुतिकम् एकैकं पितरं तु प्रति द्विजाः ॥
hutāvaśiṣṭaṃ ca dadau nāmagotrasamanvitam trir āhutikam ekaikaṃ pitaraṃ tu prati dvijāḥ //
And he gave what was left over from the oblation, accompanied by name and lineage — three oblations for each single father, O twice-born ones.
AI translation rendered from the Sanskrit, not a published edition
BrP 219.65
अतो ऽवशिष्टम् अन्नाद्यं पिण्डपात्रे तु निक्षिपेत् ततो ऽन्नं सरसं स्वादु ददौ पायसपूर्वकम् ॥
ato 'vaśiṣṭam annādyaṃ piṇḍapātre tu nikṣipet tato 'nnaṃ sarasaṃ svādu dadau pāyasapūrvakam //
What is left over from this of the food and eatables he should put into the piṇḍa vessel; then he gave food juicy and sweet, beginning with milk-rice,
AI translation rendered from the Sanskrit, not a published edition
BrP 219.66
प्रत्यग्रम् एकदा स्विन्नम् अपर्युषितम् उत्तमम् अल्पशाकं बहुफलं षड्रसम् अमृतोपमम् ॥
pratyagram ekadā svinnam aparyuṣitam uttamam alpaśākaṃ bahuphalaṃ ṣaḍrasam amṛtopamam //
fresh, cooked once, not kept overnight, of the best kind, with few vegetables and much fruit, having the six flavours, like nectar —
AI translation rendered from the Sanskrit, not a published edition
BrP 219.67
यद् ब्राह्मणेषु प्रददौ पिण्डपात्रे पितॄंस् तथा वेदपूर्वं पितृस्वन्नम् आज्यप्लुतं मधूक्षितम् ॥
yad brāhmaṇeṣu pradadau piṇḍapātre pitṝṃs tathā vedapūrvaṃ pitṛsvannam ājyaplutaṃ madhūkṣitam //
which he gave to the brahmins, and likewise to the fathers in the piṇḍa vessel: the fathers' own food, preceded by Vedic (recitation), drenched in ghee, sprinkled with honey,
AI translation rendered from the Sanskrit, not a published edition
BrP 219.68
मन्त्रितं पृथिवीत्य् एवं मधुवातातृचं जगौ भुञ्जानेषु तु विप्रेषु जपन् वै मन्त्रपञ्चकम् ॥
mantritaṃ pṛthivīty evaṃ madhuvātātṛcaṃ jagau bhuñjāneṣu tu vipreṣu japan vai mantrapañcakam //
consecrated with "pṛthivī" thus; and he sang the three verses of "madhuvātā," and while the brahmins were eating he murmured the set of five mantras.
AI translation rendered from the Sanskrit, not a published edition
BrP 219.69
यत् ते प्रकारम् आरभ्य नाधिकं ते ततो जगौ त्रिमधु त्रिसुपर्णं च बृहदारण्यकं तथा ॥
yat te prakāram ārabhya nādhikaṃ te tato jagau trimadhu trisuparṇaṃ ca bṛhadāraṇyakaṃ tathā //
Beginning with the passage "yat te," he then sang "nothing is higher than you," and the Trimadhu and the Trisuparṇa, and likewise the Bṛhadāraṇyaka.
AI translation rendered from the Sanskrit, not a published edition — the model flagged this verse as uncertain
BrP 219.70
जजाप वैषां जाप्यं तु सूक्तं सौरं सपौरुषम् भुक्तवत्सु च विप्रेषु पृष्ट्वा तृप्ता स्थ इत्य् उत ॥
jajāpa vaiṣāṃ jāpyaṃ tu sūktaṃ sauraṃ sapauruṣam bhuktavatsu ca vipreṣu pṛṣṭvā tṛptā stha ity uta //
He murmured the japya belonging to them, the hymn to the Sun together with the Puruṣa hymn; and when the brahmins had eaten, having asked, "Are you satisfied?" —
AI translation rendered from the Sanskrit, not a published edition
BrP 219.71
तृप्ताः स्मेति सकृत् तोयं ददौ मौनविमोचनम् पिण्डपात्रं समादाय च्छायायै प्रददौ ततः ॥
tṛptāḥ smeti sakṛt toyaṃ dadau maunavimocanam piṇḍapātraṃ samādāya cchāyāyai pradadau tataḥ //
and when they said, "We are satisfied," he gave water once, releasing (them from) the silence; then, taking up the piṇḍa vessel, he offered it to the shade.
AI translation rendered from the Sanskrit, not a published edition
BrP 219.72
सा तद् अन्नं द्विधा कृत्वा त्रिधैकैकम् अथाकरोत् वाराहो भूम् अथोल्लिख्य समाच्छाद्य कुशैर् अपि ॥
sā tad annaṃ dvidhā kṛtvā tridhaikaikam athākarot vārāho bhūm athollikhya samācchādya kuśair api //
She, having divided that food in two, then made each one into three parts; and the Boar, having scratched the ground, covered it over with kuśa grass as well.
AI translation rendered from the Sanskrit, not a published edition
BrP 219.73
दक्षिणाग्रान् कुशान् कृत्वा तेषाम् उपरि चासनम् सतिलेषु समूलेषु कुशेष्व् एव तु संश्रयः ॥
dakṣiṇāgrān kuśān kṛtvā teṣām upari cāsanam satileṣu samūleṣu kuśeṣv eva tu saṃśrayaḥ //
Having laid kuśa blades with their tips to the south, and (having placed) a seat upon them — the resting (of the offerings) is upon the kuśa blades themselves, which have their roots (intact) and are (strewn) with sesame.
AI translation rendered from the Sanskrit, not a published edition — the model flagged this verse as uncertain
BrP 219.74
गन्धपुष्पादिकं कृत्वा ततः पिण्डं तु भक्तितः पृथिवी दधीर् इत्य् उक्त्वा ततः पिण्डं प्रदत्तवान् ॥
gandhapuṣpādikaṃ kṛtvā tataḥ piṇḍaṃ tu bhaktitaḥ pṛthivī dadhīr ity uktvā tataḥ piṇḍaṃ pradattavān //
Then, having made the offering of perfume, flowers and the rest, he devotedly (offered) the rice-ball, and saying "O Earth, hold (it)", he then presented the ball.
AI translation rendered from the Sanskrit, not a published edition — the model flagged this verse as uncertain
BrP 219.75
पितामहाः प्रपितामहास् तथेति चान्तरिक्षतः मातामहानाम् अप्य् एवं ददौ पिण्डान् स शूकरः ॥
pitāmahāḥ prapitāmahās tatheti cāntarikṣataḥ mātāmahānām apy evaṃ dadau piṇḍān sa śūkaraḥ //
"The grandfathers, the great-grandfathers, likewise" — and "from the mid-air" — thus that Boar gave the rice-balls to the maternal grandfathers too in the same way.
AI translation rendered from the Sanskrit, not a published edition — the model flagged this verse as uncertain
BrP 219.76
पिण्डनिर्वापणोच्छिष्टम् अन्नं लेपभुजेष्व् अदात् एतद् वः पितर् इत्य् उक्त्वा ददौ वासांसि भक्तितः ॥
piṇḍanirvāpaṇocchiṣṭam annaṃ lepabhujeṣv adāt etad vaḥ pitar ity uktvā dadau vāsāṃsi bhaktitaḥ //
The food left over from the setting down of the rice-balls he gave to those who feed on the smears; and saying "this is yours, O fathers", he devotedly presented garments.
AI translation rendered from the Sanskrit, not a published edition
BrP 219.77
द्व्यङ्गुलजानि शुक्लानि धौतान्य् अभिनवानि च गन्धपुष्पादिकं दत्त्वा कृत्वा चैषां प्रदक्षिणाम् ॥
dvyaṅgulajāni śuklāni dhautāny abhinavāni ca gandhapuṣpādikaṃ dattvā kṛtvā caiṣāṃ pradakṣiṇām //
(Garments) two fingers wide, white, washed and new — having given perfume, flowers and the rest, and having made a circumambulation of these (fathers) —
AI translation rendered from the Sanskrit, not a published edition — the model flagged this verse as uncertain
BrP 219.78
आचम्याचामयेद् विप्रान् पैत्रान् आदौ ततः सुरान् ततस् त्व् अभ्युक्ष्य तां भूमिं दत्त्वापः सुमनोक्षतान् ॥
ācamyācāmayed viprān paitrān ādau tataḥ surān tatas tv abhyukṣya tāṃ bhūmiṃ dattvāpaḥ sumanokṣatān //
Having sipped water, he should have the brahmins sip — first those (invited) for the fathers, then those for the gods; then, having sprinkled that ground, having given water, flowers and unhusked grains —
AI translation rendered from the Sanskrit, not a published edition — the model flagged this verse as uncertain
BrP 219.79
सतिलाम्बु पितृष्व् आदौ दत्त्वा देवेषु साक्षतम् अक्षय्यं नस् त्व् इति पितॄन् प्रीयताम् इति देवताः ॥
satilāmbu pitṛṣv ādau dattvā deveṣu sākṣatam akṣayyaṃ nas tv iti pitṝn prīyatām iti devatāḥ //
Having first given water with sesame to the fathers, and to the gods (water) with unhusked grain, (he said) "let it be inexhaustible for us" to the fathers, and "may they be pleased" of the deities.
AI translation rendered from the Sanskrit, not a published edition — the model flagged this verse as uncertain
BrP 219.80
प्रीणयित्वा परावृत्य त्रिर् जपेच् चाघमर्षणम् ततो निवृत्य तु जपेद् यन् मे नाम इतीरयन् ॥
prīṇayitvā parāvṛtya trir japec cāghamarṣaṇam tato nivṛtya tu japed yan me nāma itīrayan //
Having gratified (them), turning away, he should recite the Aghamarṣaṇa three times; then, having turned back, he should recite, uttering "whatever my name is..."
AI translation rendered from the Sanskrit, not a published edition — the model flagged this verse as uncertain
BrP 219.81
गृहान् नः पितरो दत्त धनधान्यप्रपूरितान् अर्घ्यपात्राणि पिण्डानाम् अन्तरे स पवित्रकान् ॥
gṛhān naḥ pitaro datta dhanadhānyaprapūritān arghyapātrāṇi piṇḍānām antare sa pavitrakān //
"O fathers, give us houses filled full with wealth and grain" — (and he placed) the vessels of oblation-water, with their purifying blades, in between the rice-balls,
AI translation rendered from the Sanskrit, not a published edition — the model flagged this verse as uncertain
BrP 219.82
निक्षिप्योर्जं वहन्तीति कोकातोयम् अथो ऽजपत् हिमक्षीरं मधुतिलान् पितॄणां तर्पणं ददौ ॥
nikṣipyorjaṃ vahantīti kokātoyam atho 'japat himakṣīraṃ madhutilān pitṝṇāṃ tarpaṇaṃ dadau //
and having set (them) down, he then murmured "they bear vigour" over the water of the Kokā; he offered as libation to the fathers cool milk, honey and sesame.
AI translation rendered from the Sanskrit, not a published edition — the model flagged this verse as uncertain
BrP 219.83
स्वस्तीत्य् उक्ते पैतृकैस् तु सोराह्ने प्नावतर्पयन् रजतं दक्षिणां दत्त्वा विप्रान् देवो गदाधरः ॥
svastīty ukte paitṛkais tu sorāhne pnāvatarpayan rajataṃ dakṣiṇāṃ dattvā viprān devo gadādharaḥ //
When "well-being" had been uttered by those (brahmins invited) for the fathers, ... satisfying them, the god who bears the mace gave silver as the sacrificial fee to the brahmins.
AI translation rendered from the Sanskrit, not a published edition — the model flagged this verse as uncertain
BrP 219.84
संविभागं मनुष्येभ्यो ददौ स्वद् इति चाब्रुवन् कश्चित् संपन्नम् इत्य् उक्त्वा प्रत्युक्तस् तैर् द्विजोत्तमाः ॥
saṃvibhāgaṃ manuṣyebhyo dadau svad iti cābruvan kaścit saṃpannam ity uktvā pratyuktas tair dvijottamāḥ //
He gave a share to men, and they said "(it is) sweet"; someone, having said "it is complete", was answered by them, O best of the twice-born.
AI translation rendered from the Sanskrit, not a published edition — the model flagged this verse as uncertain
BrP 219.85
अभिरम्यताम् इत्य् उवाच प्रोचुस् ते ऽभिरताः स्म वै शिष्टम् अन्नं च पप्रच्छ तैर् इष्टैः सह चोदितः ॥
abhiramyatām ity uvāca procus te 'bhiratāḥ sma vai śiṣṭam annaṃ ca papraccha tair iṣṭaiḥ saha coditaḥ //
He said "let there be enjoyment"; they replied "we are indeed content"; and he asked about the remaining food, being prompted along with those (guests) whom he had wished for.
AI translation rendered from the Sanskrit, not a published edition — the model flagged this verse as uncertain
BrP 219.86
पाणाव् आदाय तान् विप्रान् कुर्याद् अनुगतस् तदा वाजे वाजे इति पठन् बहिर् वेदि विनिर्गतः ॥
pāṇāv ādāya tān viprān kuryād anugatas tadā vāje vāje iti paṭhan bahir vedi vinirgataḥ //
Taking those brahmins by the hand he should then do (so), following after them; reciting "at each contest, at each contest," he went out beyond the altar.
AI translation rendered from the Sanskrit, not a published edition — the model flagged this verse as uncertain
BrP 219.87
कोटितीर्थजलेनासाव् अपसव्यं समुत्क्षिपन् अलग्नान् विपुलान् वालान् प्रार्थयाम् आस चाशिषम् ॥
koṭitīrthajalenāsāv apasavyaṃ samutkṣipan alagnān vipulān vālān prārthayām āsa cāśiṣam //
He, throwing up water of the Koṭi-tīrtha in the leftward direction, with abundant hairs unmatted, requested a blessing.
AI translation rendered from the Sanskrit, not a published edition — the model flagged this verse as uncertain
BrP 219.88
दातारो नो ऽभिवर्धन्तां तैस् तथेति समीरितः प्रदक्षिणम् उपावृत्य कृत्वा पादाभिवादनम् ॥
dātāro no 'bhivardhantāṃ tais tatheti samīritaḥ pradakṣiṇam upāvṛtya kṛtvā pādābhivādanam //
"May our givers prosper" — being answered by them with "so be it", he turned round to the right and made obeisance at (their) feet.
AI translation rendered from the Sanskrit, not a published edition
BrP 219.89
आसनानि ददौ चैषां छादयाम् आस शूकरः विश्राम्यतां प्रविश्याथ पिण्डं जग्राह मध्यमम् ॥
āsanāni dadau caiṣāṃ chādayām āsa śūkaraḥ viśrāmyatāṃ praviśyātha piṇḍaṃ jagrāha madhyamam //
The Boar gave them seats and covered (them); then, when "let there be rest" (had been said), having entered he took up the middle rice-ball.
AI translation rendered from the Sanskrit, not a published edition — the model flagged this verse as uncertain
BrP 219.90
छायामयी मही पत्नी तस्यै पिण्डम् अदात् प्रभुः आधत्त पितरो गर्भम् इत्य् उक्त्वा सापि रूपिणी ॥
chāyāmayī mahī patnī tasyai piṇḍam adāt prabhuḥ ādhatta pitaro garbham ity uktvā sāpi rūpiṇī //
The Earth, consisting of shadow, was his wife; to her the Lord gave the ball, saying "O fathers, place an embryo (in her)"; and she too, having taken form,
AI translation rendered from the Sanskrit, not a published edition
BrP 219.91
पिण्डं गृहीत्वा विप्राणां चक्रे पादाभिवन्दनम् विसर्जनं पितॄणां स कर्तुकामश् च शूकरः ॥
piṇḍaṃ gṛhītvā viprāṇāṃ cakre pādābhivandanam visarjanaṃ pitṝṇāṃ sa kartukāmaś ca śūkaraḥ //
took the ball and made obeisance at the feet of the brahmins; and the Boar, wishing to perform the dismissal of the fathers —
AI translation rendered from the Sanskrit, not a published edition
BrP 219.92
कोका च पितरश् चैव प्रोचुः स्वार्थकरं वचः शप्ताश् च भगवन् पूर्वं दिवस्था हिमभानुना ॥
kokā ca pitaraś caiva procuḥ svārthakaraṃ vacaḥ śaptāś ca bhagavan pūrvaṃ divasthā himabhānunā //
And Kokā and the ancestors spoke words serving their own purpose: "O Lord, formerly we, while dwelling in heaven, were cursed by the cool-rayed one (the moon):
AI translation rendered from the Sanskrit, not a published edition
BrP 219.93
योगभ्रष्टा भविष्यध्वं सर्व एव दिवश् च्युताः तद् एवं भवता त्राताः प्रविशन्तो रसातलम् ॥
yogabhraṣṭā bhaviṣyadhvaṃ sarva eva divaś cyutāḥ tad evaṃ bhavatā trātāḥ praviśanto rasātalam //
'You shall become fallen from yoga, all of you cast down from heaven' — thus, as we were entering the nether world, we were rescued by you.
AI translation rendered from the Sanskrit, not a published edition
BrP 219.94
योगभ्रष्टांश् च विश्वेशास् तत्यजुर् योगरक्षिणः तत् ते भूयो ऽभिरक्षन्तु विश्वे देवा हि नः सदा ॥
yogabhraṣṭāṃś ca viśveśās tatyajur yogarakṣiṇaḥ tat te bhūyo 'bhirakṣantu viśve devā hi naḥ sadā //
And the All-lords (the Viśvedevas), the guardians of yoga, abandoned those fallen from yoga; therefore let them protect us again — for the Viśvedevas (are ours) always.
AI translation rendered from the Sanskrit, not a published edition
BrP 219.95
स्वर्गं यास्यामश् च विभो प्रसादात् तव शूकर सोमो ऽधिदेवो ऽस्माकं च भवत्व् अच्युत योगधृक् ॥
svargaṃ yāsyāmaś ca vibho prasādāt tava śūkara somo 'dhidevo 'smākaṃ ca bhavatv acyuta yogadhṛk //
And we shall go to heaven by your grace, O mighty Boar; and let Soma, the upholder of yoga, be our presiding deity, O Unfallen One.
AI translation rendered from the Sanskrit, not a published edition
BrP 219.96
योगाधारस् तथा सोमस् त्रायते न कदाचन दिवि भूमौ सदा वासो भवत्व् अस्मासु योगतः ॥
yogādhāras tathā somas trāyate na kadācana divi bhūmau sadā vāso bhavatv asmāsu yogataḥ //
Soma is the support of yoga, yet he never protects; let there be for us, through yoga, a dwelling always in heaven and on earth.
AI translation rendered from the Sanskrit, not a published edition — the model flagged this verse as uncertain
BrP 219.97
अन्तरिक्षे च केषांचिन् मासं पुष्टिस् तथास्तु नः ऊर्जा चेयं हि नः पत्नी स्वधानाम्ना तु विश्रुता ॥
antarikṣe ca keṣāṃcin māsaṃ puṣṭis tathāstu naḥ ūrjā ceyaṃ hi naḥ patnī svadhānāmnā tu viśrutā //
And for some (a dwelling) in the mid-air; and let our nourishment be monthly; and this Ūrjā is our wife, well known by the name Svadhā.
AI translation rendered from the Sanskrit, not a published edition — the model flagged this verse as uncertain
BrP 219.98
भवत्व् एषैव योगाढ्या योगमाता च खेचरी इत्य् एवम् उक्तः पितृभिर् वाराहो भूतभावनः ॥
bhavatv eṣaiva yogāḍhyā yogamātā ca khecarī ity evam uktaḥ pitṛbhir vārāho bhūtabhāvanaḥ //
Let this very one, rich in yoga, be the mother of yoga and a sky-goer." Thus addressed by the ancestors, the Boar, the fosterer of beings,
AI translation rendered from the Sanskrit, not a published edition
BrP 219.99
प्रोवाचाथ पितॄन् विष्णुस् तां च कोकां महानदीम् यद् उक्तं तु भवद्भिर् मे सर्वम् एतद् भविष्यति ॥
provācātha pitṝn viṣṇus tāṃ ca kokāṃ mahānadīm yad uktaṃ tu bhavadbhir me sarvam etad bhaviṣyati //
Viṣṇu then spoke to the ancestors and to that great river Kokā: "Whatever has been said to me by you, all this shall come to pass.
AI translation rendered from the Sanskrit, not a published edition
BrP 219.100
यमो ऽधिदेवो भवतां सोमः स्वाध्याय ईरितः अधियज्ञस् तथैवाग्निर् भवतां कल्पना त्व् इयम् ॥
yamo 'dhidevo bhavatāṃ somaḥ svādhyāya īritaḥ adhiyajñas tathaivāgnir bhavatāṃ kalpanā tv iyam //
Yama is your presiding deity; Soma is declared (your) private recitation; and Agni likewise (your) presiding sacrifice — this is the arrangement for you.
AI translation rendered from the Sanskrit, not a published edition
BrP 219.101
अग्निर् वायुश् च सूर्यश् च स्थानं हि भवताम् इति ब्रह्मा विष्णुश् च रुद्रश् च भवताम् अधिपूरुषाः ॥
agnir vāyuś ca sūryaś ca sthānaṃ hi bhavatām iti brahmā viṣṇuś ca rudraś ca bhavatām adhipūruṣāḥ //
Agni, Vāyu and Sūrya are indeed your station; Brahmā, Viṣṇu and Rudra are your presiding Persons.
AI translation rendered from the Sanskrit, not a published edition
BrP 219.102
आदित्या वसवो रुद्रा भवतां मूर्तयस् त्व् इमाः योगिनो योगदेहाश् च योगधाराश् च सुव्रताः ॥
ādityā vasavo rudrā bhavatāṃ mūrtayas tv imāḥ yogino yogadehāś ca yogadhārāś ca suvratāḥ //
The Ādityas, the Vasus, the Rudras — these are your bodily forms; (you are) yogins, with bodies of yoga, upholders of yoga, of good vows.
AI translation rendered from the Sanskrit, not a published edition
BrP 219.103
कामतो विचरिष्यध्वं फलदाः सर्वजन्तुषु स्वर्गस्थान् नरकस्थांश् च भूमिस्थांश् च चराचरान् ॥
kāmato vicariṣyadhvaṃ phaladāḥ sarvajantuṣu svargasthān narakasthāṃś ca bhūmisthāṃś ca carācarān //
You shall roam at will, giving fruits among all creatures; those situated in heaven, those in hell, and those on earth, moving and unmoving —
AI translation rendered from the Sanskrit, not a published edition
BrP 219.104
निजयोगबलेनैवाप्याययिष्यध्वम् उत्तमाः इयम् ऊर्जा शशिसुता कीलालमधुविग्रहा ॥
nijayogabalenaivāpyāyayiṣyadhvam uttamāḥ iyam ūrjā śaśisutā kīlālamadhuvigrahā //
these you shall nourish, O most excellent ones, by your own power of yoga. This Ūrjā, daughter of the moon, whose body is water and honey,
AI translation rendered from the Sanskrit, not a published edition
BrP 219.105
भविष्यति महाभागा दक्षस्य दुहिता स्वधा तत्रेयं भवतां पत्नी भविष्यति वरानना ॥
bhaviṣyati mahābhāgā dakṣasya duhitā svadhā tatreyaṃ bhavatāṃ patnī bhaviṣyati varānanā //
shall become the greatly blessed Svadhā, daughter of Dakṣa; there this fair-faced one shall become your wife.
AI translation rendered from the Sanskrit, not a published edition
BrP 219.106
कोकानदीति विख्याता गिरिराजसमाश्रिता तीर्थकोटिमहापुण्या मद्रूपपरिपालिता ॥
kokānadīti vikhyātā girirājasamāśritā tīrthakoṭimahāpuṇyā madrūpaparipālitā //
Renowned as the river Kokā, resting upon the king of mountains, greatly holy with ten million sacred fords, guarded by my own form —
AI translation rendered from the Sanskrit, not a published edition
BrP 219.107
अस्याम् अद्य प्रभृति वै निवत्स्याम्य् अघनाशकृत् वराहदर्शनं पुण्यं पूजनं भुक्तिमुक्तिदम् ॥
asyām adya prabhṛti vai nivatsyāmy aghanāśakṛt varāhadarśanaṃ puṇyaṃ pūjanaṃ bhuktimuktidam //
in her, from today onward, I shall dwell, working the destruction of sin; the sight of the Boar is meritorious, and (his) worship grants enjoyment and release.
AI translation rendered from the Sanskrit, not a published edition
BrP 219.108
कोकासलिलपानं च महापातकनाशनम् तीर्थेष्व् आप्लवनं पुण्यम् उपवासश् च स्वर्गदः ॥
kokāsalilapānaṃ ca mahāpātakanāśanam tīrtheṣv āplavanaṃ puṇyam upavāsaś ca svargadaḥ //
And the drinking of Kokā's water destroys the great sins; bathing in the sacred fords is meritorious, and fasting grants heaven.
AI translation rendered from the Sanskrit, not a published edition
BrP 219.109
दानम् अक्षय्यम् उदितं जन्ममृत्युजरापहम् माघे मास्य् असिते पक्षे भवद्भिर् उडुपक्षये ॥
dānam akṣayyam uditaṃ janmamṛtyujarāpaham māghe māsy asite pakṣe bhavadbhir uḍupakṣaye //
Giving (here) is declared imperishable, removing birth, death and old age. In the month of Māgha, in the dark fortnight, at the waning away of the moon, by you (all)
AI translation rendered from the Sanskrit, not a published edition
BrP 219.110
कोकामुखम् उपागम्य स्थातव्यं दिनपञ्चकम् तस्मिन् काले तु यः श्राद्धं पितॄणां निर्वपिष्यति ॥
kokāmukham upāgamya sthātavyaṃ dinapañcakam tasmin kāle tu yaḥ śrāddhaṃ pitṝṇāṃ nirvapiṣyati //
Kokāmukha should be approached and one should remain five days; and whoever at that time offers the śrāddha for the ancestors,
AI translation rendered from the Sanskrit, not a published edition
BrP 219.111
प्रागुक्तफलभागी स भविष्यति न संशयः एकादशीं द्वादशीं च स्थेयम् अत्र मया सदा ॥
prāguktaphalabhāgī sa bhaviṣyati na saṃśayaḥ ekādaśīṃ dvādaśīṃ ca stheyam atra mayā sadā //
he will be a partaker of the fruit stated before — there is no doubt. And on the eleventh and twelfth (days) I am always to abide here.
AI translation rendered from the Sanskrit, not a published edition
BrP 219.112
यस् तत्रोपवसेद् धीमान् स प्रागुक्तफलं लभेत् तद् व्रजध्वं महाभागाः स्थानम् इष्टं यथेष्टतः ॥
yas tatropavased dhīmān sa prāguktaphalaṃ labhet tad vrajadhvaṃ mahābhāgāḥ sthānam iṣṭaṃ yatheṣṭataḥ //
The wise man who fasts there would obtain the fruit stated before. So go, greatly fortunate ones, each to the place he desires, as he wishes.
AI translation rendered from the Sanskrit, not a published edition
BrP 219.113
अहम् अप्य् अत्र वत्स्यामीत्य् उक्त्वा सो ऽन्तरधीयत गते वराहे पितरः कोकाम् आमन्त्र्य ते ययुः ॥
aham apy atra vatsyāmīty uktvā so 'ntaradhīyata gate varāhe pitaraḥ kokām āmantrya te yayuḥ //
Saying, "I too shall dwell here," he vanished. When the Boar had gone, the fathers took leave of Kokā and departed.
AI translation rendered from the Sanskrit, not a published edition
BrP 219.114
कोकापि तीर्थसहिता संस्थिता गिरिराजनि छाया महीमयी क्रोडी पिण्डप्राशनबृंहिता ॥
kokāpi tīrthasahitā saṃsthitā girirājani chāyā mahīmayī kroḍī piṇḍaprāśanabṛṃhitā //
And Kokā too, together with the sacred ford, took her stand upon the king of mountains — the shadowy, earth-made sow, swollen by the eating of the rice-balls.
AI translation rendered from the Sanskrit, not a published edition — the model flagged this verse as uncertain
BrP 219.115
गर्भम् आदाय सश्रद्धा वाराहस्यैव सुन्दरी ततो ऽस्याः प्राभवत् पुत्रो भौमस् तु नरकासुरः प्राग्ज्योतिषं च नगरम् अस्य दत्तं च विष्णुना ॥
garbham ādāya saśraddhā vārāhasyaiva sundarī tato 'syāḥ prābhavat putro bhaumas tu narakāsuraḥ prāgjyotiṣaṃ ca nagaram asya dattaṃ ca viṣṇunā //
And that beautiful one, full of faith, having taken up the embryo of the Boar himself, then a son was born to her, Bhauma, the demon Naraka; and the city Prāgjyotiṣa was given to him by Viṣṇu.
AI translation rendered from the Sanskrit, not a published edition
BrP 219.116
एवं मयोक्तं वरदस्य विष्णोः कोकामुखे दिव्यवराहरूपम् श्रुत्वा नरस् त्यक्तमलो विपाप्मा दशाश्वमेधेष्टिफलं लभेत
evaṃ mayoktaṃ varadasya viṣṇoḥ kokāmukhe divyavarāharūpam śrutvā naras tyaktamalo vipāpmā daśāśvamedheṣṭiphalaṃ labheta
Thus has been told by me the divine boar-form of Viṣṇu the giver of boons at Kokāmukha; a man who has heard it, his impurity abandoned, freed of sin, would obtain the fruit of ten horse-sacrifice offerings.
AI translation rendered from the Sanskrit, not a published edition