Brahma Purana — Chapter 217
BrP 217.1
श्रुत्वैवं यममार्गं ते नरकेषु च यातनाम् पप्रच्छुश् च पुनर् व्यासं संशयं मुनिसत्तमाः ॥
śrutvaivaṃ yamamārgaṃ te narakeṣu ca yātanām papracchuś ca punar vyāsaṃ saṃśayaṃ munisattamāḥ //
Having thus heard of Yama's road and of the torment in the hells, those best of sages again asked Vyāsa about a doubt.
AI translation rendered from the Sanskrit, not a published edition
BrP 217.2
भगवन् सर्वधर्मज्ञ सर्वशास्त्रविशारद मर्त्यस्य कः सहायो वै पिता माता सुतो गुरुः ॥
bhagavan sarvadharmajña sarvaśāstraviśārada martyasya kaḥ sahāyo vai pitā mātā suto guruḥ //
"Lord, knower of all dharma, versed in all the scriptures, who indeed is a mortal's helper — father, mother, son, teacher?
AI translation rendered from the Sanskrit, not a published edition
BrP 217.3
ज्ञातिसंबन्धिवर्गश् च मित्रवर्गस् तथैव च गृहं शरीरम् उत्सृज्य काष्ठलोष्टसमं जनाः गच्छन्त्य् अमुत्र लोके वै कश् च तान् अनुगच्छति ॥
jñātisaṃbandhivargaś ca mitravargas tathaiva ca gṛhaṃ śarīram utsṛjya kāṣṭhaloṣṭasamaṃ janāḥ gacchanty amutra loke vai kaś ca tān anugacchati //
"And the host of kinsmen and relations, and likewise the host of friends? Abandoning the house and the body, which is like a log or a clod of earth, people go to that other world; and who follows after them?"
AI translation rendered from the Sanskrit, not a published edition
BrP 217.4
एकः प्रसूयते विप्रा एक एव हि नश्यति एकस् तरति दुर्गाणि गच्छत्य् एकस् तु दुर्गतिम् ॥
ekaḥ prasūyate viprā eka eva hi naśyati ekas tarati durgāṇi gacchaty ekas tu durgatim //
One is born alone, O brahmins, and alone indeed one perishes; alone one crosses the hard places, and alone one goes to an evil destiny.
AI translation rendered from the Sanskrit, not a published edition
BrP 217.5
असहायः पिता माता तथा भ्राता सुतो गुरुः ज्ञातिसंबन्धिवर्गश् च मित्रवर्गस् तथैव च ॥
asahāyaḥ pitā mātā tathā bhrātā suto guruḥ jñātisaṃbandhivargaś ca mitravargas tathaiva ca //
No helper is father or mother, nor brother, son, or teacher, nor the host of kinsmen and relations, nor likewise the host of friends.
AI translation rendered from the Sanskrit, not a published edition
BrP 217.6
मृतं शरीरम् उत्सृज्य काष्ठलोष्टसमं जनाः मुहूर्तम् इव रोदित्वा ततो यान्ति पराङ्मुखाः ॥
mṛtaṃ śarīram utsṛjya kāṣṭhaloṣṭasamaṃ janāḥ muhūrtam iva roditvā tato yānti parāṅmukhāḥ //
Abandoning the dead body, which is like a log or a clod of earth, people weep for but a moment and then go away with faces turned aside.
AI translation rendered from the Sanskrit, not a published edition
BrP 217.7
तैस् तच् छरीरम् उत्सृष्टं धर्म एको ऽनुगच्छति तस्माद् धर्मः सहायश् च सेवितव्यः सदा नृभिः ॥
tais tac charīram utsṛṣṭaṃ dharma eko 'nugacchati tasmād dharmaḥ sahāyaś ca sevitavyaḥ sadā nṛbhiḥ //
That body is cast off by them; dharma alone follows after (him). Therefore dharma, the (true) helper, should always be cultivated by men.
AI translation rendered from the Sanskrit, not a published edition
BrP 217.8
प्राणी धर्मसमायुक्तो गच्छेत् स्वर्गगतिं पराम् तथैवाधर्मसंयुक्तो नरकं चोपपद्यते ॥
prāṇī dharmasamāyukto gacchet svargagatiṃ parām tathaivādharmasaṃyukto narakaṃ copapadyate //
A living being joined with dharma would go to the highest state, heaven; and likewise one joined with unrighteousness comes to hell.
AI translation rendered from the Sanskrit, not a published edition
BrP 217.9
तस्मात् पापागतैर् अर्थैर् नानुरज्येत पण्डितः धर्म एको मनुष्याणां सहायः परिकीर्तितः ॥
tasmāt pāpāgatair arthair nānurajyeta paṇḍitaḥ dharma eko manuṣyāṇāṃ sahāyaḥ parikīrtitaḥ //
Therefore let the wise man not take delight in wealth gotten by sin. Dharma alone is declared to be the helper of men.
AI translation rendered from the Sanskrit, not a published edition
BrP 217.10
लोभान् मोहाद् अनुक्रोशाद् भयाद् वाथ बहुश्रुतः नरः करोत्य् अकार्याणि परार्थे लोभमोहितः ॥
lobhān mohād anukrośād bhayād vātha bahuśrutaḥ naraḥ karoty akāryāṇi parārthe lobhamohitaḥ //
Out of greed, out of delusion, out of pity, or out of fear, a man, even one of much learning, does deeds not to be done, deluded by greed for another's property.
AI translation rendered from the Sanskrit, not a published edition
BrP 217.11
धर्मश् चार्थश् च कामश् च त्रितयं जीवतः फलम् एतत् त्रयम् अवाप्तव्यम् अधर्मपरिवर्जितम् ॥
dharmaś cārthaś ca kāmaś ca tritayaṃ jīvataḥ phalam etat trayam avāptavyam adharmaparivarjitam //
Dharma and wealth and pleasure — this triad is the fruit of one who lives; these three are to be obtained (in a way) free of unrighteousness.
AI translation rendered from the Sanskrit, not a published edition
BrP 217.12
श्रुतं भगवतो वाक्यं धर्मयुक्तं परं हितम् शरीरनिचयं ज्ञातुं बुद्धिर् नो ऽत्र प्रजायते ॥
śrutaṃ bhagavato vākyaṃ dharmayuktaṃ paraṃ hitam śarīranicayaṃ jñātuṃ buddhir no 'tra prajāyate //
"We have heard the Lord's speech, joined with dharma, of the highest benefit; but no understanding arises in us here as to knowing the aggregate that is the body.
AI translation rendered from the Sanskrit, not a published edition
BrP 217.13
मृतं शरीरं हि नृणां सूक्ष्मम् अव्यक्ततां गतम् अचक्षुर्विषयं प्राप्तं कथं धर्मो ऽनुगच्छति ॥
mṛtaṃ śarīraṃ hi nṛṇāṃ sūkṣmam avyaktatāṃ gatam acakṣurviṣayaṃ prāptaṃ kathaṃ dharmo 'nugacchati //
"For when men's body is dead, become subtle, gone into unmanifestness, arrived at what is no object of the eye — how does dharma follow after it?"
AI translation rendered from the Sanskrit, not a published edition
BrP 217.14
पृथिवी वायुर् आकाशम् आपो ज्योतिर् मनोन्तरम् बुद्धिर् आत्मा च सहिता धर्मं पश्यन्ति नित्यदा ॥
pṛthivī vāyur ākāśam āpo jyotir manontaram buddhir ātmā ca sahitā dharmaṃ paśyanti nityadā //
Earth, wind, space, water, fire, and mind within, and intellect and the self, together — these constantly behold dharma,
AI translation rendered from the Sanskrit, not a published edition
BrP 217.15
प्राणिनाम् इह सर्वेषां साक्षिभूता दिवानिशम् एतैश् च सह धर्मो हि तं जीवम् अनुगच्छति ॥
prāṇinām iha sarveṣāṃ sākṣibhūtā divāniśam etaiś ca saha dharmo hi taṃ jīvam anugacchati //
being witnesses day and night for all living beings here; and together with these, dharma indeed follows after that living soul.
AI translation rendered from the Sanskrit, not a published edition
BrP 217.16
त्वग् अस्थि मांसं शुक्रं च शोणितं च द्विजोत्तमाः शरीरं वर्जयन्त्य् एते जीवितेन विवर्जितम् ॥
tvag asthi māṃsaṃ śukraṃ ca śoṇitaṃ ca dvijottamāḥ śarīraṃ varjayanty ete jīvitena vivarjitam //
Skin, bone, flesh, semen, and blood, O best of the twice-born — these abandon the body when it is bereft of life.
AI translation rendered from the Sanskrit, not a published edition
BrP 217.17
ततो धर्मसमायुक्तः स जीवः सुखम् एधते इहलोके परे चैव किं भूयः कथयामि वः ॥
tato dharmasamāyuktaḥ sa jīvaḥ sukham edhate ihaloke pare caiva kiṃ bhūyaḥ kathayāmi vaḥ //
Then that living soul, joined with dharma, grows in happiness in this world and in the next. What more shall I tell you?
AI translation rendered from the Sanskrit, not a published edition
BrP 217.18
तद् दर्शितं भगवता यथा धर्मो ऽनुगच्छति एतत् तु ज्ञातुम् इच्छामः कथं रेतः प्रवर्तते ॥
tad darśitaṃ bhagavatā yathā dharmo 'nugacchati etat tu jñātum icchāmaḥ kathaṃ retaḥ pravartate //
"That has been shown by the Lord, how dharma follows after (one); but this we wish to know: how does the semen come forth?"
AI translation rendered from the Sanskrit, not a published edition
BrP 217.19
अन्नम् अश्नन्ति ये देवाः शरीरस्था द्विजोत्तमाः पृथिवी वायुर् आकाशम् आपो ज्योतिर् मनस् तथा ॥
annam aśnanti ye devāḥ śarīrasthā dvijottamāḥ pṛthivī vāyur ākāśam āpo jyotir manas tathā //
The gods that dwell in the body and eat the food, O best of the twice-born, are earth, wind, space, water, fire, and mind;
AI translation rendered from the Sanskrit, not a published edition
BrP 217.20
ततस् तृप्तेषु भो विप्रास् तेषु भूतेषु पञ्चसु मनःषष्ठेषु शुद्धात्मा रेतः संपद्यते महत् ॥
tatas tṛpteṣu bho viprās teṣu bhūteṣu pañcasu manaḥṣaṣṭheṣu śuddhātmā retaḥ saṃpadyate mahat //
then, ho brahmins, when those five elements with mind as sixth are satisfied, the pure self produces abundant semen.
AI translation rendered from the Sanskrit, not a published edition
BrP 217.21
ततो गर्भः संभवति श्लेष्मा स्त्रीपुंसयोर् द्विजाः एतद् वः सर्वम् आख्यातं किं भूयः श्रोतुम् इच्छथ ॥
tato garbhaḥ saṃbhavati śleṣmā strīpuṃsayor dvijāḥ etad vaḥ sarvam ākhyātaṃ kiṃ bhūyaḥ śrotum icchatha //
Then, from the mingled fluid of woman and man, O twice-born, the embryo comes into being. All this has been told to you; what more do you wish to hear?
AI translation rendered from the Sanskrit, not a published edition — the model flagged this verse as uncertain
BrP 217.22
आख्यातं नो भगवता गर्भः संजायते यथा यथा जातस् तु पुरुषः प्रपद्यते तद् उच्यताम् ॥
ākhyātaṃ no bhagavatā garbhaḥ saṃjāyate yathā yathā jātas tu puruṣaḥ prapadyate tad ucyatām //
"The Lord has told us how the embryo comes to be; but let it be told how a man, once born, fares on."
AI translation rendered from the Sanskrit, not a published edition
BrP 217.23
आसन्नमात्रपुरुषस् तैर् भूतैर् अभिभूयते विप्रयुक्तस् तु तैर् भूतैः पुनर् यात्य् अपरां गतिम् ॥
āsannamātrapuruṣas tair bhūtair abhibhūyate viprayuktas tu tair bhūtaiḥ punar yāty aparāṃ gatim //
A man who has just come near (to birth) is overpowered by those elements; but when separated from those elements he goes again to another destiny.
AI translation rendered from the Sanskrit, not a published edition — the model flagged this verse as uncertain
BrP 217.24
स च भूतसमायुक्तः प्राप्नोति जीवम् एव हि ततो ऽस्य कर्म पश्यन्ति शुभं वा यदि वाशुभम् देवताः पञ्चभूतस्थाः किं भूयः श्रोतुम् इच्छथ ॥
sa ca bhūtasamāyuktaḥ prāpnoti jīvam eva hi tato 'sya karma paśyanti śubhaṃ vā yadi vāśubham devatāḥ pañcabhūtasthāḥ kiṃ bhūyaḥ śrotum icchatha //
And he, joined with the elements, obtains life indeed; thereafter the deities who reside in the five elements observe his deed, whether good or bad. What more do you wish to hear?
AI translation rendered from the Sanskrit, not a published edition
BrP 217.25
त्वग् अस्थि मांसम् उत्सृज्य तैस् तु भूतैर् विवर्जितः जीवः स भगवन् क्वस्थः सुखदुःखे समश्नुते ॥
tvag asthi māṃsam utsṛjya tais tu bhūtair vivarjitaḥ jīvaḥ sa bhagavan kvasthaḥ sukhaduḥkhe samaśnute //
"Casting off skin, bone and flesh, and abandoned by those elements — where, O Lord, does that living being abide when it experiences pleasure and pain?"
AI translation rendered from the Sanskrit, not a published edition
BrP 217.26
जीवः कर्मसमायुक्तः शीघ्रं रेतःसमागतः स्त्रीणां पुष्पं समासाद्य ततः कालेन भो द्विजाः ॥
jīvaḥ karmasamāyuktaḥ śīghraṃ retaḥsamāgataḥ strīṇāṃ puṣpaṃ samāsādya tataḥ kālena bho dvijāḥ //
The living being, joined with its karma, quickly comes together with the semen, and reaching the flowering (menstrual period) of women, then in due time, O twice-born ones—
AI translation rendered from the Sanskrit, not a published edition
BrP 217.27
यमस्य पुरुषैः क्लेशो यमस्य पुरुषैर् वधः दुःखं संसारचक्रं च नरः क्लेशं च विन्दति ॥
yamasya puruṣaiḥ kleśo yamasya puruṣair vadhaḥ duḥkhaṃ saṃsāracakraṃ ca naraḥ kleśaṃ ca vindati //
Affliction at the hands of Yama's men, death at the hands of Yama's men, suffering, and the wheel of transmigration — (thus) a man meets with distress.
AI translation rendered from the Sanskrit, not a published edition
BrP 217.28
इह लोके स तु प्राणी जन्मप्रभृति भो द्विजाः सुकृतं कर्म वै भुङ्क्ते धर्मस्य फलम् आश्रितः ॥
iha loke sa tu prāṇī janmaprabhṛti bho dvijāḥ sukṛtaṃ karma vai bhuṅkte dharmasya phalam āśritaḥ //
But in this world that creature, from birth onward, O twice-born ones, enjoys the good deed (he has done), resting upon the fruit of dharma.
AI translation rendered from the Sanskrit, not a published edition
BrP 217.29
यदि धर्मं समायुज्य जन्मप्रभृति सेवते ततः स पुरुषो भूत्वा सेवते नित्यदा सुखम् ॥
yadi dharmaṃ samāyujya janmaprabhṛti sevate tataḥ sa puruṣo bhūtvā sevate nityadā sukham //
If, from birth onward, he joins himself with dharma and practises it, then, having become a man, he enjoys happiness constantly.
AI translation rendered from the Sanskrit, not a published edition
BrP 217.30
अथान्तरान्तरं धर्मम् अधर्मम् उपसेवते सुखस्यानन्तरं दुःखं स जीवो ऽप्य् अधिगच्छति ॥
athāntarāntaraṃ dharmam adharmam upasevate sukhasyānantaraṃ duḥkhaṃ sa jīvo 'py adhigacchati //
But if now and again he practises dharma and unrighteousness (alternately), that living being also attains suffering right after happiness.
AI translation rendered from the Sanskrit, not a published edition
BrP 217.31
अधर्मेण समायुक्तो यमस्य विषयं गतः महादुःखं समासाद्य तिर्यग्योनौ प्रजायते ॥
adharmeṇa samāyukto yamasya viṣayaṃ gataḥ mahāduḥkhaṃ samāsādya tiryagyonau prajāyate //
Joined with unrighteousness, gone to Yama's domain, having met with great suffering, he is born in an animal womb.
AI translation rendered from the Sanskrit, not a published edition
BrP 217.32
कर्मणा येन येनेह यस्यां योनौ प्रजायते जीवो मोहसमायुक्तस् तन् मे शृणुत सांप्रतम् ॥
karmaṇā yena yeneha yasyāṃ yonau prajāyate jīvo mohasamāyuktas tan me śṛṇuta sāṃpratam //
By which particular deed the living being, joined with delusion, is born here in which womb — hear that from me now.
AI translation rendered from the Sanskrit, not a published edition
BrP 217.33
यद् एतद् उच्यते शास्त्रैः सेतिहासैश् च छन्दसि यमस्य विषयं घोरं मर्त्यलोकं प्रवर्तते ॥
yad etad ucyate śāstraiḥ setihāsaiś ca chandasi yamasya viṣayaṃ ghoraṃ martyalokaṃ pravartate //
This which is spoken of by the treatises, together with the epics and in metrical scripture — the dreadful domain of Yama — operates in the world of mortals.
AI translation rendered from the Sanskrit, not a published edition — the model flagged this verse as uncertain
BrP 217.34
इह स्थानानि पुण्यानि देवतुल्यानि भो द्विजाः तिर्यग्योन्यतिरिक्तानि गतिमन्ति च सर्वशः ॥
iha sthānāni puṇyāni devatulyāni bho dvijāḥ tiryagyonyatiriktāni gatimanti ca sarvaśaḥ //
Here (in this world) there are meritorious stations, equal to those of the gods, O twice-born ones, apart from the animal wombs, and in every way possessed of (upward) movement.
AI translation rendered from the Sanskrit, not a published edition — the model flagged this verse as uncertain
BrP 217.35
यमस्य भवने दिव्ये ब्रह्मलोकसमे गुणैः कर्मभिर् नियतैर् बद्धो जन्तुर् दुःखान्य् उपाश्नुते ॥
yamasya bhavane divye brahmalokasame guṇaiḥ karmabhir niyatair baddho jantur duḥkhāny upāśnute //
In the divine abode of Yama, equal in qualities to the world of Brahmā, the creature, bound by his fixed deeds, undergoes sufferings.
AI translation rendered from the Sanskrit, not a published edition
BrP 217.36
येन येन हि भावेन येन वै कर्मणा गतिम् प्रयाति पुरुषो घोरां तथा वक्ष्याम्य् अतः परम् ॥
yena yena hi bhāvena yena vai karmaṇā gatim prayāti puruṣo ghorāṃ tathā vakṣyāmy ataḥ param //
By which disposition and by which deed a man goes to a dreadful destiny — that I shall tell next.
AI translation rendered from the Sanskrit, not a published edition
BrP 217.37
अधीत्य चतुरो वेदान् द्विजो मोहसमन्वितः पतितात् प्रतिगृह्याथ खरयोनौ प्रजायते ॥
adhītya caturo vedān dvijo mohasamanvitaḥ patitāt pratigṛhyātha kharayonau prajāyate //
A twice-born who, having studied the four Vedas, is filled with delusion and accepts a gift from a fallen man, is then born in the womb of a donkey.
AI translation rendered from the Sanskrit, not a published edition
BrP 217.38
खरो जीवति वर्षाणि दश पञ्च च भो द्विजाः खरो मृतो बलीवर्दः सप्त वर्षाणि जीवति ॥
kharo jīvati varṣāṇi daśa pañca ca bho dvijāḥ kharo mṛto balīvardaḥ sapta varṣāṇi jīvati //
He lives as a donkey for fifteen years, O twice-born ones; the donkey, having died, lives seven years as an ox.
AI translation rendered from the Sanskrit, not a published edition
BrP 217.39
बलीवर्दो मृतश् चापि जायते ब्रह्मराक्षसः ब्रह्मरक्षस् तु मासांस् त्रींस् ततो जायेत ब्राह्मणः ॥
balīvardo mṛtaś cāpi jāyate brahmarākṣasaḥ brahmarakṣas tu māsāṃs trīṃs tato jāyeta brāhmaṇaḥ //
And the ox, having died, is born as a brahma-rākṣasa; and as a brahma-rākṣasa for three months, and then he would be born a brāhmaṇa.
AI translation rendered from the Sanskrit, not a published edition
BrP 217.40
पतितं याजयित्वा तु कृमियोनौ प्रजायते तत्र जीवति वर्षाणि दश पञ्च च भो द्विजाः ॥
patitaṃ yājayitvā tu kṛmiyonau prajāyate tatra jīvati varṣāṇi daśa pañca ca bho dvijāḥ //
But having performed a sacrifice for a fallen man, one is born in the womb of a worm; there he lives fifteen years, O twice-born ones.
AI translation rendered from the Sanskrit, not a published edition
BrP 217.41
क्रिमिभावाद् विनिर्मुक्तस् ततो जायेत गर्दभः गर्दभः पञ्च वर्षाणि पञ्च वर्षाणि शूकरः ॥
krimibhāvād vinirmuktas tato jāyeta gardabhaḥ gardabhaḥ pañca varṣāṇi pañca varṣāṇi śūkaraḥ //
Released from the condition of a worm, he would then be born a donkey: as a donkey five years, five years as a pig.
AI translation rendered from the Sanskrit, not a published edition
BrP 217.42
कुक्कुटः पञ्च वर्षाणि पञ्च वर्षाणि जम्बुकः श्वा वर्षम् एकं भवति ततो जायेत मानवः ॥
kukkuṭaḥ pañca varṣāṇi pañca varṣāṇi jambukaḥ śvā varṣam ekaṃ bhavati tato jāyeta mānavaḥ //
(He becomes) a cock for five years, for five years a jackal, and a dog for one year; thereafter he would be born a man.
AI translation rendered from the Sanskrit, not a published edition
BrP 217.43
उपाध्यायस्य यः पापं शिष्यः कुर्याद् अबुद्धिमान् स जन्मानीह संसारे त्रीन् आप्नोति न संशयः ॥
upādhyāyasya yaḥ pāpaṃ śiṣyaḥ kuryād abuddhimān sa janmānīha saṃsāre trīn āpnoti na saṃśayaḥ //
The foolish pupil who does harm to his teacher — he undergoes three births here in this round of existence, there is no doubt.
AI translation rendered from the Sanskrit, not a published edition
BrP 217.44
प्राक् श्वा भवति भो विप्रास् ततः क्रव्यात् ततः खरः प्रेत्य च परिक्लिष्टेषु पश्चाज् जायेत ब्राह्मणः ॥
prāk śvā bhavati bho viprās tataḥ kravyāt tataḥ kharaḥ pretya ca parikliṣṭeṣu paścāj jāyeta brāhmaṇaḥ //
First, O brahmins, he becomes a dog, then a carnivorous beast, then a donkey; and after death, among the sorely afflicted, he would afterwards be born a brahmin.
AI translation rendered from the Sanskrit, not a published edition
BrP 217.45
मनसापि गुरोर् भार्यां यः शिष्यो याति पापकृत् उदग्रान् प्रैति संसारान् अधर्मेणेह चेतसा ॥
manasāpi guror bhāryāṃ yaḥ śiṣyo yāti pāpakṛt udagrān praiti saṃsārān adharmeṇeha cetasā //
The evil-doing pupil who approaches his teacher's wife even in thought goes, through his unrighteous mind here, to fierce (courses of) rebirth.
AI translation rendered from the Sanskrit, not a published edition
BrP 217.46
श्वयोनौ तु स संभूतस् त्रीणि वर्षाणि जीवति तत्रापि निधनं प्राप्तः क्रिमियोनौ प्रजायते ॥
śvayonau tu sa saṃbhūtas trīṇi varṣāṇi jīvati tatrāpi nidhanaṃ prāptaḥ krimiyonau prajāyate //
Born in the womb of a dog, he lives three years; meeting his death there too, he is born in the womb of a worm.
AI translation rendered from the Sanskrit, not a published edition
BrP 217.47
कृमिभावम् अनुप्राप्तो वर्षम् एकं तु जीवति ततस् तु निधनं प्राप्य ब्रह्मयोनौ प्रजायते ॥
kṛmibhāvam anuprāpto varṣam ekaṃ tu jīvati tatas tu nidhanaṃ prāpya brahmayonau prajāyate //
Having reached the condition of a worm, he lives but one year; then, having met his death, he is born in a brahmin's womb.
AI translation rendered from the Sanskrit, not a published edition
BrP 217.48
यदि पुत्रसमं शिष्यं गुरुर् हन्याद् अकारणम् आत्मनः कामकारेण सो ऽपि हिंस्रः प्रजायते ॥
yadi putrasamaṃ śiṣyaṃ gurur hanyād akāraṇam ātmanaḥ kāmakāreṇa so 'pi hiṃsraḥ prajāyate //
If a teacher should kill without cause, out of his own wilfulness, a pupil who is like a son, he too is born a beast of prey.
AI translation rendered from the Sanskrit, not a published edition
BrP 217.49
पितरं मातरं चैव यस् तु पुत्रो ऽवमन्यते सो ऽपि विप्रा मृतो जन्तुः पूर्वं जायेत गर्दभः ॥
pitaraṃ mātaraṃ caiva yas tu putro 'vamanyate so 'pi viprā mṛto jantuḥ pūrvaṃ jāyeta gardabhaḥ //
But the son who despises his father and mother — he too, O brahmins, when that creature has died, would first be born a donkey.
AI translation rendered from the Sanskrit, not a published edition
BrP 217.50
गर्दभत्वं तु संप्राप्य दश वर्षाणि जीवति संवत्सरं तु कुम्भीरस् ततो जायेत मानवः ॥
gardabhatvaṃ tu saṃprāpya daśa varṣāṇi jīvati saṃvatsaraṃ tu kumbhīras tato jāyeta mānavaḥ //
Having attained donkeyhood he lives ten years, and for a year (he is) a crocodile; thereafter he would be born a man.
AI translation rendered from the Sanskrit, not a published edition
BrP 217.51
पुत्रस्य मातापितरौ यस्य रुष्टाव् उभाव् अपि गुर्वपध्यानतः सो ऽपि मृतो जायेत गर्दभः ॥
putrasya mātāpitarau yasya ruṣṭāv ubhāv api gurvapadhyānataḥ so 'pi mṛto jāyeta gardabhaḥ //
He with whom both mother and father are angry at their son — he too, because of contempt for his elders, when dead would be born a donkey.
AI translation rendered from the Sanskrit, not a published edition
BrP 217.52
खरो जीवति मासांश् च दश चापि चतुर्दश बिडालः सप्त मासांस् तु ततो जायेत मानवः ॥
kharo jīvati māsāṃś ca daśa cāpi caturdaśa biḍālaḥ sapta māsāṃs tu tato jāyeta mānavaḥ //
He lives as a donkey for ten and also fourteen months, and as a cat for seven months; thereafter he would be born a man.
AI translation rendered from the Sanskrit, not a published edition
BrP 217.53
मातापितराव् आक्रुश्य सारीकः संप्रजायते ताडयित्वा तु ताव् एव जायते कच्छपो द्विजाः ॥
mātāpitarāv ākruśya sārīkaḥ saṃprajāyate tāḍayitvā tu tāv eva jāyate kacchapo dvijāḥ //
Having reviled his mother and father, he is born a mynah; but having struck those two, he is born a tortoise, O twice-born.
AI translation rendered from the Sanskrit, not a published edition
BrP 217.54
कच्छपो दश वर्षाणि त्रीणि वर्षाणि शल्यकः व्यालो भूत्वा तु षण् मासांस् ततो जायेत मानुषः ॥
kacchapo daśa varṣāṇi trīṇi varṣāṇi śalyakaḥ vyālo bhūtvā tu ṣaṇ māsāṃs tato jāyeta mānuṣaḥ //
(He is) a tortoise for ten years, for three years a porcupine, and having become a snake for six months, thereafter he would be born a human.
AI translation rendered from the Sanskrit, not a published edition
BrP 217.55
भर्तृपिण्डम् उपाश्नीनो राजद्विष्टानि सेवते सो ऽपि मोहसमापन्नो मृतो जायेत वानरः ॥
bhartṛpiṇḍam upāśnīno rājadviṣṭāni sevate so 'pi mohasamāpanno mṛto jāyeta vānaraḥ //
He who, eating his master's food, pursues what is hateful to the king — he too, fallen into delusion, when dead would be born a monkey.
AI translation rendered from the Sanskrit, not a published edition
BrP 217.56
वानरो दश वर्षाणि सप्त वर्षाणि मूषकः श्वा च भूत्वा तु षण् मासांस् ततो जायेत मानवः ॥
vānaro daśa varṣāṇi sapta varṣāṇi mūṣakaḥ śvā ca bhūtvā tu ṣaṇ māsāṃs tato jāyeta mānavaḥ //
(He is) a monkey for ten years, for seven years a rat, and having become a dog for six months, thereafter he would be born a man.
AI translation rendered from the Sanskrit, not a published edition
BrP 217.57
न्यासापहर्ता तु नरो यमस्य विषयं गतः संसाराणां शतं गत्वा कृमियोनौ प्रजायते ॥
nyāsāpahartā tu naro yamasya viṣayaṃ gataḥ saṃsārāṇāṃ śataṃ gatvā kṛmiyonau prajāyate //
But the man who steals a deposit, having gone to Yama's realm, and having passed through a hundred rebirths, is born in the womb of a worm.
AI translation rendered from the Sanskrit, not a published edition
BrP 217.58
तत्र जीवति वर्षाणि दश पञ्च च भो द्विजाः दुष्कृतस्य क्षयं कृत्वा ततो जायेत मानुषः ॥
tatra jīvati varṣāṇi daśa pañca ca bho dvijāḥ duṣkṛtasya kṣayaṃ kṛtvā tato jāyeta mānuṣaḥ //
There he lives fifteen years, O twice-born; having worn away his misdeed, he would then be born a human.
AI translation rendered from the Sanskrit, not a published edition
BrP 217.59
असूयको नरश् चापि मृतो जायेत शार्ङ्गकः विश्वासहर्ता च नरो मीनो जायेत दुर्मतिः ॥
asūyako naraś cāpi mṛto jāyeta śārṅgakaḥ viśvāsahartā ca naro mīno jāyeta durmatiḥ //
And an envious man, when dead, would be born a śārṅgaka bird; and the ill-minded man who betrays trust would be born a fish.
AI translation rendered from the Sanskrit, not a published edition
BrP 217.60
भूत्वा मीनो ऽष्ट वर्षाणि मृगो जायेत भो द्विजाः मृगस् तु चतुरो मासांस् ततश् छागः प्रजायते ॥
bhūtvā mīno 'ṣṭa varṣāṇi mṛgo jāyeta bho dvijāḥ mṛgas tu caturo māsāṃs tataś chāgaḥ prajāyate //
Having been a fish for eight years, he would be born a deer, O twice-born; and as a deer for four months, thereafter he is born a goat.
AI translation rendered from the Sanskrit, not a published edition
BrP 217.61
छागस् तु निधनं प्राप्य पूर्णे संवत्सरे ततः कीटः संजायते जन्तुस् ततो जायेत मानुषः ॥
chāgas tu nidhanaṃ prāpya pūrṇe saṃvatsare tataḥ kīṭaḥ saṃjāyate jantus tato jāyeta mānuṣaḥ //
And the goat, meeting its death when a full year has passed, the creature is then born as an insect; thereafter he would be born a human.
AI translation rendered from the Sanskrit, not a published edition
BrP 217.62
धान्यान् यवांस् तिलान् माषान् कुलित्थान् सर्षपांश् चणान् कलायान् अथ मुद्गांश् च गोधूमान् अतसीस् तथा ॥
dhānyān yavāṃs tilān māṣān kulitthān sarṣapāṃś caṇān kalāyān atha mudgāṃś ca godhūmān atasīs tathā //
Grains, barley, sesame, black gram, horse gram, mustard, chickpeas, peas, and also mung beans, wheat, and likewise linseed —
AI translation rendered from the Sanskrit, not a published edition
BrP 217.63
सस्यान्य् अन्यानि हर्ता च मर्त्यो मोहाद् अचेतनः संजायते मुनिश्रेष्ठा मूषिको निरपत्रपः ॥
sasyāny anyāni hartā ca martyo mohād acetanaḥ saṃjāyate muniśreṣṭhā mūṣiko nirapatrapaḥ //
and other crops — the mortal who steals (these), senseless through delusion, is born, O best of sages, as a shameless mouse.
AI translation rendered from the Sanskrit, not a published edition
BrP 217.64
ततः प्रेत्य मुनिश्रेष्ठा मृतो जायेत शूकरः शूकरो जातमात्रस् तु रोगेण म्रियते पुनः ॥
tataḥ pretya muniśreṣṭhā mṛto jāyeta śūkaraḥ śūkaro jātamātras tu rogeṇa mriyate punaḥ //
Then, having departed, O best of sages, when it dies it is born as a boar; and the boar, as soon as it is born, dies again of disease.
AI translation rendered from the Sanskrit, not a published edition
BrP 217.65
श्वा ततो जायते मूकः कर्मणा तेन मानवः भूत्वा श्वा पञ्च वर्षाणि ततो जायेत मानवः ॥
śvā tato jāyate mūkaḥ karmaṇā tena mānavaḥ bhūtvā śvā pañca varṣāṇi tato jāyeta mānavaḥ //
Then that man is born a mute dog by that deed; having been a dog for five years, he is then born as a man.
AI translation rendered from the Sanskrit, not a published edition
BrP 217.66
परदाराभिमर्शं तु कृत्वा जायेत वै वृकः श्वा शृगालस् ततो गृध्रो व्यालः कङ्को बकस् तथा ॥
paradārābhimarśaṃ tu kṛtvā jāyeta vai vṛkaḥ śvā śṛgālas tato gṛdhro vyālaḥ kaṅko bakas tathā //
But one who has touched another's wife is born indeed as a wolf, a dog, a jackal, then a vulture, a beast of prey, a kaṅka bird, and likewise a heron.
AI translation rendered from the Sanskrit, not a published edition
BrP 217.67
भ्रातुर् भार्यां तु पापात्मा यो धर्षयति मोहितः पुंस्कोकिलत्वम् आप्नोति सो ऽपि संवत्सरं द्विजाः ॥
bhrātur bhāryāṃ tu pāpātmā yo dharṣayati mohitaḥ puṃskokilatvam āpnoti so 'pi saṃvatsaraṃ dvijāḥ //
But that evil-souled one who, deluded, violates his brother's wife — he too, O twice-born, obtains the state of a male cuckoo for a year.
AI translation rendered from the Sanskrit, not a published edition
BrP 217.68
सखिभार्यां गुरोर् भार्यां राजभार्यां तथैव च प्रधर्षयित्वा कामात्मा मृतो जायेत शूकरः ॥
sakhibhāryāṃ guror bhāryāṃ rājabhāryāṃ tathaiva ca pradharṣayitvā kāmātmā mṛto jāyeta śūkaraḥ //
Having violated a friend's wife, a teacher's wife, and likewise a king's wife, the lustful one, when dead, is born a boar.
AI translation rendered from the Sanskrit, not a published edition
BrP 217.69
शूकरः पञ्च वर्षाणि दश वर्षाणि वै बकः पिपीलिकस् तु मासांस् त्रीन् कीटः स्यान् मासम् एव च ॥
śūkaraḥ pañca varṣāṇi daśa varṣāṇi vai bakaḥ pipīlikas tu māsāṃs trīn kīṭaḥ syān māsam eva ca //
(He is) a boar for five years, a heron indeed for ten years, an ant for three months, and a worm for just a month.
AI translation rendered from the Sanskrit, not a published edition
BrP 217.70
एतान् आसाद्य संसारान् कृमियोनौ प्रजायते तत्र जीवति मासांस् तु कृमियोनौ चतुर्दश ॥
etān āsādya saṃsārān kṛmiyonau prajāyate tatra jīvati māsāṃs tu kṛmiyonau caturdaśa //
Having undergone these transmigrations, he is born in the womb of a worm; there he lives fourteen months in the worm's birth.
AI translation rendered from the Sanskrit, not a published edition
BrP 217.71
नरो ऽधर्मक्षयं कृत्वा ततो जायेत मानुषः पूर्वं दत्त्वा तु यः कन्यां द्वितीये दातुम् इच्छति ॥
naro 'dharmakṣayaṃ kṛtvā tato jāyeta mānuṣaḥ pūrvaṃ dattvā tu yaḥ kanyāṃ dvitīye dātum icchati //
When the man has worn out his unrighteousness, he is then born a human. But he who, having first given a girl (in marriage), wishes to give her to a second (man) —
AI translation rendered from the Sanskrit, not a published edition
BrP 217.72
सो ऽपि विप्रा मृतो जन्तुः क्रिमियोनौ प्रजायते तत्र जीवति वर्षाणि त्रयोदश द्विजोत्तमाः ॥
so 'pi viprā mṛto jantuḥ krimiyonau prajāyate tatra jīvati varṣāṇi trayodaśa dvijottamāḥ //
he too, O brahmins, when dead, is born as a creature in the womb of a worm; there he lives thirteen years, O best of the twice-born.
AI translation rendered from the Sanskrit, not a published edition
BrP 217.73
अधर्मसंक्षये मुक्तस् ततो जायेत मानुषः देवकार्यम् अकृत्वा तु पितृकार्यम् अथापि वा ॥
adharmasaṃkṣaye muktas tato jāyeta mānuṣaḥ devakāryam akṛtvā tu pitṛkāryam athāpi vā //
Released when his unrighteousness is exhausted, he is then born a human. But one who does not perform the rite for the gods, or else the rite for the ancestors,
AI translation rendered from the Sanskrit, not a published edition
BrP 217.74
अनिर्वाप्य पितॄन् देवान् मृतो जायेत वायसः वायसः शतवर्षाणि ततो जायेत कुक्कुटः ॥
anirvāpya pitṝn devān mṛto jāyeta vāyasaḥ vāyasaḥ śatavarṣāṇi tato jāyeta kukkuṭaḥ //
not making offerings to the ancestors and the gods, when dead is born a crow; a crow for a hundred years, then he is born a cock.
AI translation rendered from the Sanskrit, not a published edition
BrP 217.75
जायते व्यालकश् चापि मासं तस्मात् तु मानुषः ज्येष्ठं पितृसमं चापि भ्रातरं यो ऽवमन्यते ॥
jāyate vyālakaś cāpi māsaṃ tasmāt tu mānuṣaḥ jyeṣṭhaṃ pitṛsamaṃ cāpi bhrātaraṃ yo 'vamanyate //
And he is also born a snake for a month, and from that (state) a human. And he who slights an elder brother, who is the equal of a father,
AI translation rendered from the Sanskrit, not a published edition
BrP 217.76
सो ऽपि मृत्युम् उपागम्य क्रौञ्चयोनौ प्रजायते क्रौञ्चो जीवति वर्षाणि दश जायेत जीवकः ॥
so 'pi mṛtyum upāgamya krauñcayonau prajāyate krauñco jīvati varṣāṇi daśa jāyeta jīvakaḥ //
he too, having come to death, is born in the womb of a curlew; the curlew lives ten years, (and then) he is born a jīvaka bird.
AI translation rendered from the Sanskrit, not a published edition
BrP 217.77
ततो निधनम् आप्नोति मानुषत्वम् अवाप्नुयात् वृषलो ब्राह्मणीं गत्वा कृमियोनौ प्रजायते ॥
tato nidhanam āpnoti mānuṣatvam avāpnuyāt vṛṣalo brāhmaṇīṃ gatvā kṛmiyonau prajāyate //
Then he meets his end and would obtain the human state. A śūdra who goes to a brahmin woman is born in the womb of a worm.
AI translation rendered from the Sanskrit, not a published edition
BrP 217.78
ततः संप्राप्य निधनं जायते शूकरः पुनः शूकरो जातमात्रस् तु रोगेण म्रियते द्विजाः ॥
tataḥ saṃprāpya nidhanaṃ jāyate śūkaraḥ punaḥ śūkaro jātamātras tu rogeṇa mriyate dvijāḥ //
Then, having reached death, he is born again as a boar; and the boar, as soon as it is born, dies of disease, O twice-born.
AI translation rendered from the Sanskrit, not a published edition
BrP 217.79
श्वा च वै जायते मूढः कर्मणा तेन भो द्विजाः श्वा भूत्वा कृतकर्मासौ जायते मानुषस् ततः ॥
śvā ca vai jāyate mūḍhaḥ karmaṇā tena bho dvijāḥ śvā bhūtvā kṛtakarmāsau jāyate mānuṣas tataḥ //
And he is born a stupid dog by that deed, O twice-born; having been a dog and worked off (that) deed, he is then born a human.
AI translation rendered from the Sanskrit, not a published edition
BrP 217.80
तत्रापत्यं समुत्पाद्य मृतो जायेत मूषिकः कृतघ्नस् तु मृतो विप्रा यमस्य विषयं गतः ॥
tatrāpatyaṃ samutpādya mṛto jāyeta mūṣikaḥ kṛtaghnas tu mṛto viprā yamasya viṣayaṃ gataḥ //
Having begotten offspring there, when dead he is born a mouse. But the ungrateful man, when dead, O brahmins, goes to the realm of Yama.
AI translation rendered from the Sanskrit, not a published edition
BrP 217.81
यमस्य विषये क्रूरैर् बद्धः प्राप्नोति वेदनाम् दण्डकं मुद्गरं शूलम् अग्निदण्डं च दारुणम् ॥
yamasya viṣaye krūrair baddhaḥ prāpnoti vedanām daṇḍakaṃ mudgaraṃ śūlam agnidaṇḍaṃ ca dāruṇam //
In Yama's realm, bound by cruel (beings), he suffers pain: the rod, the mallet, the stake, and the terrible fiery staff,
AI translation rendered from the Sanskrit, not a published edition
BrP 217.82
असिपत्त्रवनं घोरं वालुकां कूटशाल्मलीम् एताश् चान्याश् च बहवो यमस्य विषयं गताः ॥
asipattravanaṃ ghoraṃ vālukāṃ kūṭaśālmalīm etāś cānyāś ca bahavo yamasya viṣayaṃ gatāḥ //
The terrible forest of sword-leaves, the (hot) sand, the Kūṭaśālmalī (thorn-tree hell) — these and many others belong to the realm of Yama.
AI translation rendered from the Sanskrit, not a published edition
BrP 217.83
यातनाः प्राप्य घोरास् तु ततो याति च भो द्विजाः संसारचक्रम् आसाद्य क्रिमियोनौ प्रजायते ॥
yātanāḥ prāpya ghorās tu tato yāti ca bho dvijāḥ saṃsāracakram āsādya krimiyonau prajāyate //
Having undergone terrible torments, he then goes on, O twice-born ones; entering the wheel of transmigration, he is born in the womb of a worm.
AI translation rendered from the Sanskrit, not a published edition
BrP 217.84
क्रिमिर् भवति वर्षाणि दश पञ्च च भो द्विजाः ततो गर्भं समासाद्य तत्रैव म्रियते नरः ॥
krimir bhavati varṣāṇi daśa pañca ca bho dvijāḥ tato garbhaṃ samāsādya tatraiva mriyate naraḥ //
He remains a worm for fifteen years, O twice-born ones; then, having reached a womb, the man dies right there.
AI translation rendered from the Sanskrit, not a published edition
BrP 217.85
ततो गर्भशतैर् जन्तुर् बहुशः संप्रपद्यते संसारान् सुबहून् गत्वा ततस् तिर्यक् प्रजायते ॥
tato garbhaśatair jantur bahuśaḥ saṃprapadyate saṃsārān subahūn gatvā tatas tiryak prajāyate //
Then the creature repeatedly enters hundreds of wombs; and after passing through very many rounds of rebirth, he is then born as an animal.
AI translation rendered from the Sanskrit, not a published edition
BrP 217.86
ततो दुःखम् अनुप्राप्य बहुवर्षगणानि वै स पुनर्भवसंयुक्तस् ततः कूर्मः प्रजायते ॥
tato duḥkham anuprāpya bahuvarṣagaṇāni vai sa punarbhavasaṃyuktas tataḥ kūrmaḥ prajāyate //
Then, having suffered pain for many groups of years, joined again to rebirth, he is born as a tortoise.
AI translation rendered from the Sanskrit, not a published edition
BrP 217.87
दधि हृत्वा बकश् चापि प्लवो मत्स्यान् असंस्कृतान् चोरयित्वा तु दुर्बुद्धिर् मधुदंशः प्रजायते ॥
dadhi hṛtvā bakaś cāpi plavo matsyān asaṃskṛtān corayitvā tu durbuddhir madhudaṃśaḥ prajāyate //
Having stolen curds (he becomes) a crane, and (having stolen) a raft, a plava-bird; but the evil-minded man who steals uncooked fish is born as a honey-fly.
AI translation rendered from the Sanskrit, not a published edition — the model flagged this verse as uncertain
BrP 217.88
फलं वा मूलकं हृत्वा पूपं वापि पिपीलिकः चोरयित्वा तु निष्पावं जायते फलमूषकः ॥
phalaṃ vā mūlakaṃ hṛtvā pūpaṃ vāpi pipīlikaḥ corayitvā tu niṣpāvaṃ jāyate phalamūṣakaḥ //
Having stolen fruit or a radish, or a cake, (one becomes) an ant; but having stolen beans, one is born as a fruit-mouse.
AI translation rendered from the Sanskrit, not a published edition
BrP 217.89
पायसं चोरयित्वा तु तित्तिरत्वम् अवाप्नुयात् हृत्वा पिष्टमयं पूपं कुम्भोलूकः प्रजायते ॥
pāyasaṃ corayitvā tu tittiratvam avāpnuyāt hṛtvā piṣṭamayaṃ pūpaṃ kumbholūkaḥ prajāyate //
Having stolen milk-rice, one would attain the state of a partridge; having stolen a cake made of flour, one is born as a pot-owl.
AI translation rendered from the Sanskrit, not a published edition
BrP 217.90
अपो हृत्वा तु दुर्बुद्धिर् वायसो जायते नरः कांस्यं हृत्वा तु दुर्बुद्धिर् हारीतो जायते नरः ॥
apo hṛtvā tu durbuddhir vāyaso jāyate naraḥ kāṃsyaṃ hṛtvā tu durbuddhir hārīto jāyate naraḥ //
The evil-minded man who steals water is born a crow; the evil-minded man who steals bell-metal is born a hārīta (greenish bird).
AI translation rendered from the Sanskrit, not a published edition
BrP 217.91
राजतं भाजनं हृत्वा कपोतः संप्रजायते हृत्वा तु काञ्चनं भाण्डं कृमियोनौ प्रजायते ॥
rājataṃ bhājanaṃ hṛtvā kapotaḥ saṃprajāyate hṛtvā tu kāñcanaṃ bhāṇḍaṃ kṛmiyonau prajāyate //
Having stolen a silver vessel, one is born a dove; but having stolen a golden vessel, one is born in the womb of a worm.
AI translation rendered from the Sanskrit, not a published edition
BrP 217.92
पत्त्रोर्णं चोरयित्वा तु कुररत्वं नियच्छति कोशकारं ततो हृत्वा नरो जायेत नर्तकः ॥
pattrorṇaṃ corayitvā tu kuraratvaṃ niyacchati kośakāraṃ tato hṛtvā naro jāyeta nartakaḥ //
Having stolen leaf-wool (fine silk), he obtains the state of an osprey; and having then stolen a silkworm cocoon, a man would be born a dancer.
AI translation rendered from the Sanskrit, not a published edition — the model flagged this verse as uncertain
BrP 217.93
अंशुकं चोरयित्वा तु शुको जायेत मानवः चोरयित्वा दुकूलं तु मृतो हंसः प्रजायते ॥
aṃśukaṃ corayitvā tu śuko jāyeta mānavaḥ corayitvā dukūlaṃ tu mṛto haṃsaḥ prajāyate //
Having stolen a fine garment, a man would be born a parrot; but having stolen dukūla cloth, when dead he is born a goose.
AI translation rendered from the Sanskrit, not a published edition
BrP 217.94
क्रौञ्चः कार्पासिकं हृत्वा मृतो जायेत मानवः चोरयित्वा नरः पट्टं त्व् आविकं चैव भो द्विजाः ॥
krauñcaḥ kārpāsikaṃ hṛtvā mṛto jāyeta mānavaḥ corayitvā naraḥ paṭṭaṃ tv āvikaṃ caiva bho dvijāḥ //
Having stolen cotton cloth, a man when dead would be born a curlew; and (so too) the man who steals woven silk and woollen cloth, O twice-born ones.
AI translation rendered from the Sanskrit, not a published edition
BrP 217.95
क्षौमं च वस्त्रम् आहृत्य शशो जन्तुः प्रजायते चूर्णं तु हृत्वा पुरुषो मृतो जायेत बर्हिणः ॥
kṣaumaṃ ca vastram āhṛtya śaśo jantuḥ prajāyate cūrṇaṃ tu hṛtvā puruṣo mṛto jāyeta barhiṇaḥ //
And having carried off a linen garment, the creature is born a hare; but having stolen (perfumed) powder, a man when dead would be born a peacock.
AI translation rendered from the Sanskrit, not a published edition
BrP 217.96
हृत्वा रक्तानि वस्त्राणि जायते जीवजीवकः वर्णकादींस् तथा गन्धांश् चोरयित्वेह मानवः ॥
hṛtvā raktāni vastrāṇi jāyate jīvajīvakaḥ varṇakādīṃs tathā gandhāṃś corayitveha mānavaḥ //
Having stolen red garments, one is born a jīvajīvaka (pheasant); and the man who here steals dyes and the like, and perfumes—
AI translation rendered from the Sanskrit, not a published edition
BrP 217.97
चुच्छुन्दरित्वम् आप्नोति विप्रो लोभपरायणः तत्र जीवति वर्षाणि ततो दश च पञ्च च ॥
cucchundaritvam āpnoti vipro lobhaparāyaṇaḥ tatra jīvati varṣāṇi tato daśa ca pañca ca //
—a brahmin given over to greed attains the state of a musk-shrew; there he lives for fifteen years.
AI translation rendered from the Sanskrit, not a published edition
BrP 217.98
अधर्मस्य क्षयं कृत्वा ततो जायेत मानवः चोरयित्वा पयश् चापि बलाका संप्रजायते ॥
adharmasya kṣayaṃ kṛtvā tato jāyeta mānavaḥ corayitvā payaś cāpi balākā saṃprajāyate //
When the (fruit of his) unrighteousness is exhausted, the man is then born (again); and having stolen milk, one is born a crane.
AI translation rendered from the Sanskrit, not a published edition — the model flagged this verse as uncertain
BrP 217.99
यस् तु चोरयते तैलं नरो मोहसमन्वितः सो ऽपि विप्रा मृतो जन्तुस् तैलपायी प्रजायते ॥
yas tu corayate tailaṃ naro mohasamanvitaḥ so 'pi viprā mṛto jantus tailapāyī prajāyate //
But the man who, filled with delusion, steals oil—he too, O brahmins, when dead is born as an oil-drinking creature (an oil-sipping insect).
AI translation rendered from the Sanskrit, not a published edition
BrP 217.100
अशस्त्रं पुरुषं हत्वा सशस्त्रः पुरुषाधमः अर्थार्थं यदि वा वैरी मृतो जायेत वै खरः ॥
aśastraṃ puruṣaṃ hatvā saśastraḥ puruṣādhamaḥ arthārthaṃ yadi vā vairī mṛto jāyeta vai kharaḥ //
An armed, vilest of men who kills an unarmed man, whether for the sake of wealth or as an enemy, is born, when dead, as a donkey.
AI translation rendered from the Sanskrit, not a published edition
BrP 217.101
खरो जीवति वर्षे द्वे ततः शस्त्रेण वध्यते स मृतो मृगयोनौ तु नित्योद्विग्नो ऽभिजायते ॥
kharo jīvati varṣe dve tataḥ śastreṇa vadhyate sa mṛto mṛgayonau tu nityodvigno 'bhijāyate //
The donkey lives two years, and then is killed by a weapon; when dead, he is born in the womb of a deer, ever fearful.
AI translation rendered from the Sanskrit, not a published edition
BrP 217.102
मृगो विध्येत शस्त्रेण गते संवत्सरे ततः हतो मृगस् ततो मीनः सो ऽपि जालेन बध्यते ॥
mṛgo vidhyeta śastreṇa gate saṃvatsare tataḥ hato mṛgas tato mīnaḥ so 'pi jālena badhyate //
As a deer he would be pierced by a weapon; then, when a year has passed, the deer being killed, he becomes a fish, and that one too is caught in a net.
AI translation rendered from the Sanskrit, not a published edition
BrP 217.103
मासे चतुर्थे संप्राप्ते श्वापदः संप्रजायते श्वापदो दश वर्षाणि द्वीपी वर्षाणि पञ्च च ॥
māse caturthe saṃprāpte śvāpadaḥ saṃprajāyate śvāpado daśa varṣāṇi dvīpī varṣāṇi pañca ca //
When the fourth month has come, he is born as a beast of prey; (he is) a beast of prey for ten years, and a leopard for five years.
AI translation rendered from the Sanskrit, not a published edition
BrP 217.104
ततस् तु निधनं प्राप्तः कालपर्यायचोदितः अधर्मस्य क्षयं कृत्वा मानुषत्वम् अवाप्नुयात् ॥
tatas tu nidhanaṃ prāptaḥ kālaparyāyacoditaḥ adharmasya kṣayaṃ kṛtvā mānuṣatvam avāpnuyāt //
Then, meeting his death, driven by the turning of time, having worn out his demerit, he would attain human status.
AI translation rendered from the Sanskrit, not a published edition
BrP 217.105
वाद्यं हृत्वा तु पुरुषो लोमशः संप्रजायते तथा पिण्याकसंमिश्रम् अन्नं यश् चोरयेन् नरः ॥
vādyaṃ hṛtvā tu puruṣo lomaśaḥ saṃprajāyate tathā piṇyākasaṃmiśram annaṃ yaś corayen naraḥ //
But a man who has stolen a musical instrument is born hairy; and so too the man who would steal food mixed with oil-cake—
AI translation rendered from the Sanskrit, not a published edition
BrP 217.106
स जायते बभ्रुसटो दारुणो मूषिको नरः दशन् वै मानुषान् नित्यं पापात्मा स द्विजोत्तमाः ॥
sa jāyate babhrusaṭo dāruṇo mūṣiko naraḥ daśan vai mānuṣān nityaṃ pāpātmā sa dvijottamāḥ //
—that man is born as a tawny-maned, terrible rat, forever biting men, an evil soul, O best of the twice-born.
AI translation rendered from the Sanskrit, not a published edition
BrP 217.107
घृतं हृत्वा तु दुर्बुद्धिः काको मद्गुः प्रजायते मत्स्यमांसम् अथो हृत्वा काको जायेत मानवः ॥
ghṛtaṃ hṛtvā tu durbuddhiḥ kāko madguḥ prajāyate matsyamāṃsam atho hṛtvā kāko jāyeta mānavaḥ //
But the fool who has stolen ghee is born a crow, a cormorant; and the man who has stolen fish-flesh would be born a crow.
AI translation rendered from the Sanskrit, not a published edition
BrP 217.108
लवणं चोरयित्वा तु चिरिकाकः प्रजायते विश्वासेन तु निक्षिप्तं यो ऽपनिह्नोति मानवः ॥
lavaṇaṃ corayitvā tu cirikākaḥ prajāyate viśvāsena tu nikṣiptaṃ yo 'panihnoti mānavaḥ //
And having stolen salt, one is born a cirikāka; and the man who denies what has been deposited (with him) in trust—
AI translation rendered from the Sanskrit, not a published edition — the model flagged this verse as uncertain
BrP 217.109
स गतायुर् नरस् तेन मत्स्ययोनौ प्रजायते मत्स्ययोनिम् अनुप्राप्य मृतो जायेत मानुषः ॥
sa gatāyur naras tena matsyayonau prajāyate matsyayonim anuprāpya mṛto jāyeta mānuṣaḥ //
—that man, his lifespan spent, is by that born in the womb of a fish; having gone to a fish's birth, when he dies he would be born a human.
AI translation rendered from the Sanskrit, not a published edition
BrP 217.110
मानुषत्वम् अनुप्राप्य क्षीणायुर् उपजायते पापानि तु नरः कृत्वा तिर्यग् जायेत भो द्विजाः ॥
mānuṣatvam anuprāpya kṣīṇāyur upajāyate pāpāni tu naraḥ kṛtvā tiryag jāyeta bho dvijāḥ //
Having attained human status, he is born with a shortened life; and a man, having committed sins, would be born as an animal, O twice-born ones.
AI translation rendered from the Sanskrit, not a published edition
BrP 217.111
न चात्मनः प्रमाणं तु धर्मं जानाति किंचन ये पापानि नराः कृत्वा निरस्यन्ति व्रतैः सदा ॥
na cātmanaḥ pramāṇaṃ tu dharmaṃ jānāti kiṃcana ye pāpāni narāḥ kṛtvā nirasyanti vrataiḥ sadā //
And he does not know anything of the measure of himself, nor of dharma. Those men who, having committed sins, always cast them off by vows—
AI translation rendered from the Sanskrit, not a published edition — the model flagged this verse as uncertain
BrP 217.112
सुखदुःखसमायुक्ता व्याधिमन्तो भवन्त्य् उत असंवीताः प्रजायन्ते म्लेच्छाश् चापि न संशयः ॥
sukhaduḥkhasamāyuktā vyādhimanto bhavanty uta asaṃvītāḥ prajāyante mlecchāś cāpi na saṃśayaḥ //
—they become mixed with pleasure and pain, and diseased; they are born unclothed, and also as barbarians, without doubt—
AI translation rendered from the Sanskrit, not a published edition — the model flagged this verse as uncertain
BrP 217.113
नराः पापसमाचारा लोभमोहसमन्विताः वर्जयन्ति हि पापानि जन्मप्रभृति ये नराः ॥
narāḥ pāpasamācārā lobhamohasamanvitāḥ varjayanti hi pāpāni janmaprabhṛti ye narāḥ //
—men of sinful conduct, joined with greed and delusion. But those men who avoid sins from birth onward—
AI translation rendered from the Sanskrit, not a published edition
BrP 217.114
अरोगा रूपवन्तश् च धनिनस् ते भवन्त्य् उत स्त्रियो ऽप्य् एतेन कल्पेन कृत्वा पापम् अवाप्नुयुः ॥
arogā rūpavantaś ca dhaninas te bhavanty uta striyo 'py etena kalpena kṛtvā pāpam avāpnuyuḥ //
—they become free of disease, handsome, and rich. Women too, by this same rule, having done evil, would obtain (its fruit).
AI translation rendered from the Sanskrit, not a published edition
BrP 217.115
एतेषाम् एव पापानां भार्यात्वम् उपयान्ति ताः प्रायेण हरणे दोषाः सर्व एव प्रकीर्तिताः ॥
eteṣām eva pāpānāṃ bhāryātvam upayānti tāḥ prāyeṇa haraṇe doṣāḥ sarva eva prakīrtitāḥ //
They become the wives of these very sinners. Generally, all the faults in stealing have been declared.
AI translation rendered from the Sanskrit, not a published edition
BrP 217.116
एतद् वै लेशमात्रेण कथितं वो द्विजर्षभाः अपरस्मिन् कथायोगे भूयः श्रोष्यथ भो द्विजाः ॥
etad vai leśamātreṇa kathitaṃ vo dvijarṣabhāḥ aparasmin kathāyoge bhūyaḥ śroṣyatha bho dvijāḥ //
This has been told to you only in a fragment, O bulls among the twice-born; on another occasion of narration you will hear more, O twice-born ones.
AI translation rendered from the Sanskrit, not a published edition
BrP 217.117
एतन् मया महाभागा ब्रह्मणो वदतः पुरा सुरर्षीणां श्रुतं मध्ये पृष्टं चापि यथा तथा ॥
etan mayā mahābhāgā brahmaṇo vadataḥ purā surarṣīṇāṃ śrutaṃ madhye pṛṣṭaṃ cāpi yathā tathā //
This, O greatly fortunate ones, was heard by me long ago from Brahmā as he spoke in the midst of the divine seers, and (it was) asked (of him) just as it was.
AI translation rendered from the Sanskrit, not a published edition
BrP 217.118
मयापि तुभ्यं कार्त्स्न्येन यथावद् अनुवर्णितम् एतच् छ्रुत्वा मुनिश्रेष्ठा धर्मे कुरुत मानसम् ॥
mayāpi tubhyaṃ kārtsnyena yathāvad anuvarṇitam etac chrutvā muniśreṣṭhā dharme kuruta mānasam //
By me too it has been recounted to you in full, just as it is. Having heard this, O best of sages, set your minds on dharma.
AI translation rendered from the Sanskrit, not a published edition