Brahma Purana — Chapter 216
BrP 216.1
अहो ऽतिदुःखं घोरं च यममार्गे त्वयोदितम् नरकाणि च घोराणि द्वारं याम्यं च सत्तम ॥
aho 'tiduḥkhaṃ ghoraṃ ca yamamārge tvayoditam narakāṇi ca ghorāṇi dvāraṃ yāmyaṃ ca sattama //
"Ah, exceedingly painful and terrible is what you have described on Yama's road, and the dreadful hells, and Yama's gate, O best of the good."
AI translation rendered from the Sanskrit, not a published edition
BrP 216.2
अस्त्य् उपायो न वा ब्रह्मन् यममार्गे ऽतिभीषणे ब्रूहि येन नरा यान्ति सुखेन यमसादनम् ॥
asty upāyo na vā brahman yamamārge 'tibhīṣaṇe brūhi yena narā yānti sukhena yamasādanam //
"Is there a means or not, O brahman, on that most frightful road of Yama? Tell (it), by which men go easily to Yama's abode."
AI translation rendered from the Sanskrit, not a published edition
BrP 216.3
इह ये धर्मसंयुक्तास् त्व् अहिंसानिरता नराः गुरुशुश्रूषणे युक्ता देवब्राह्मणपूजकाः ॥
iha ye dharmasaṃyuktās tv ahiṃsāniratā narāḥ guruśuśrūṣaṇe yuktā devabrāhmaṇapūjakāḥ //
Those men here who are joined to dharma and devoted to non-injury, engaged in serving their elders, worshippers of gods and brahmins—
AI translation rendered from the Sanskrit, not a published edition
BrP 216.4
यस्मिन् मनुष्यलोकास् ते सभार्याः ससुतास् तथा तम् अध्वानं च गच्छन्ति यथा तत् कथयामि वः ॥
yasmin manuṣyalokās te sabhāryāḥ sasutās tathā tam adhvānaṃ ca gacchanti yathā tat kathayāmi vaḥ //
—the human worlds in which those (men), together with their wives and with their sons, travel that road: I shall tell you how that is.
AI translation rendered from the Sanskrit, not a published edition — the model flagged this verse as uncertain
BrP 216.5
विमानैर् विविधैर् दिव्यैः काञ्चनध्वजशोभितैः धर्मराजपुरं यान्ति सेवमानाप्सरोगणैः ॥
vimānair vividhair divyaiḥ kāñcanadhvajaśobhitaiḥ dharmarājapuraṃ yānti sevamānāpsarogaṇaiḥ //
With various divine celestial cars adorned with golden banners they go to the city of the King of Dharma, attended by troops of apsarases.
AI translation rendered from the Sanskrit, not a published edition
BrP 216.6
ब्राह्मणेभ्यस् तु दानानि नानारूपाणि भक्तितः ये प्रयच्छन्ति ते यान्ति सुखेनैव महापथे ॥
brāhmaṇebhyas tu dānāni nānārūpāṇi bhaktitaḥ ye prayacchanti te yānti sukhenaiva mahāpathe //
But those who devotedly bestow gifts of many kinds upon brahmins—they travel on the great road with ease.
AI translation rendered from the Sanskrit, not a published edition
BrP 216.7
अन्नं ये तु प्रयच्छन्ति ब्राह्मणेभ्यः सुसंकृतम् श्रोत्रियेभ्यो विशेषेण भक्त्या परमया युताः ॥
annaṃ ye tu prayacchanti brāhmaṇebhyaḥ susaṃkṛtam śrotriyebhyo viśeṣeṇa bhaktyā paramayā yutāḥ //
And those who, filled with supreme devotion, offer well-prepared food to brahmins, and especially to those learned in the Veda—
AI translation rendered from the Sanskrit, not a published edition
BrP 216.8
तरुणीभिर् वरस्त्रीभिः सेव्यमानाः प्रयत्नतः धर्मराजपुरं यान्ति विमानैर् अभ्यलंकृतैः ॥
taruṇībhir varastrībhiḥ sevyamānāḥ prayatnataḥ dharmarājapuraṃ yānti vimānair abhyalaṃkṛtaiḥ //
—attended zealously by young and excellent women, they go to the city of the King of Dharma in richly ornamented celestial cars.
AI translation rendered from the Sanskrit, not a published edition
BrP 216.9
ये च सत्यं प्रभाषन्ते बहिर् अन्तश् च निर्मलाः ते ऽपि यान्त्य् अमरप्रख्या विमानैर् यममन्दिरम् ॥
ye ca satyaṃ prabhāṣante bahir antaś ca nirmalāḥ te 'pi yānty amaraprakhyā vimānair yamamandiram //
And those who speak truth and are pure without and within—they too, resembling the immortals, go in celestial cars to Yama's mansion.
AI translation rendered from the Sanskrit, not a published edition
BrP 216.10
गोदानानि पवित्राणि विष्णुम् उद्दिश्य साधुषु ये प्रयच्छन्ति धर्मज्ञाः कृशेषु कृशवृत्तिषु ॥
godānāni pavitrāṇi viṣṇum uddiśya sādhuṣu ye prayacchanti dharmajñāḥ kṛśeṣu kṛśavṛttiṣu //
Those knowers of dharma who, with Viṣṇu as their aim, bestow purifying gifts of cows upon good men who are lean and of meagre livelihood—
AI translation rendered from the Sanskrit, not a published edition
BrP 216.11
ते यान्ति दिव्यवर्णाभैर् विमानैर् मणिचित्रितैः धर्मराजपुरं श्रीमान् सेव्यमानाप्सरोगणैः ॥
te yānti divyavarṇābhair vimānair maṇicitritaiḥ dharmarājapuraṃ śrīmān sevyamānāpsarogaṇaiḥ //
They travel in celestial-hued flying chariots inlaid with gems to the city of the King of Dharma, glorious, attended by throngs of apsarases.
AI translation rendered from the Sanskrit, not a published edition
BrP 216.12
उपानद्युगलं छत्त्रं शय्यासनम् अथापि वा ये प्रयच्छन्ति वस्त्राणि तथैवाभरणानि च ॥
upānadyugalaṃ chattraṃ śayyāsanam athāpi vā ye prayacchanti vastrāṇi tathaivābharaṇāni ca //
And those who bestow a pair of sandals, a parasol, a bed or a seat, and garments, and likewise ornaments —
AI translation rendered from the Sanskrit, not a published edition
BrP 216.13
ते यान्त्य् अश्वै रथैश् चैव कुञ्जरैश् चाप्य् अलंकृताः धर्मराजपुरं दिव्यं छत्त्रैः सौवर्णराजतैः ॥
te yānty aśvai rathaiś caiva kuñjaraiś cāpy alaṃkṛtāḥ dharmarājapuraṃ divyaṃ chattraiḥ sauvarṇarājataiḥ //
they go, adorned, with horses and with chariots and with elephants, to the divine city of the King of Dharma, with parasols of gold and silver.
AI translation rendered from the Sanskrit, not a published edition
BrP 216.14
ये च भक्त्या प्रयच्छन्ति गुडपानकम् अर्चितम् ओदनं च द्विजाग्र्येभ्यो विशुद्धेनान्तरात्मना ॥
ye ca bhaktyā prayacchanti guḍapānakam arcitam odanaṃ ca dvijāgryebhyo viśuddhenāntarātmanā //
And those who with devotion offer a honored drink of molasses, and boiled rice, to the foremost of the twice-born, with a wholly purified inner self —
AI translation rendered from the Sanskrit, not a published edition
BrP 216.15
ते यान्ति काञ्चनैर् यानैर् विविधैस् तु यमालयम् वरस्त्रीभिर् यथाकामं सेव्यमानाः पुनः पुनः ॥
te yānti kāñcanair yānair vividhais tu yamālayam varastrībhir yathākāmaṃ sevyamānāḥ punaḥ punaḥ //
they go to Yama's abode in various golden vehicles, served again and again, as they wish, by choice women.
AI translation rendered from the Sanskrit, not a published edition
BrP 216.16
ये च क्षीरं प्रयच्छन्ति घृतं दधि गुडं मधु ब्राह्मणेभ्यः प्रयत्नेन शुद्ध्योपेतं सुसंस्कृतम् ॥
ye ca kṣīraṃ prayacchanti ghṛtaṃ dadhi guḍaṃ madhu brāhmaṇebhyaḥ prayatnena śuddhyopetaṃ susaṃskṛtam //
And those who with effort present milk, ghee, curds, molasses and honey to brahmins, (all) endowed with purity and well prepared —
AI translation rendered from the Sanskrit, not a published edition
BrP 216.17
चक्रवाकप्रयुक्तैश् च विमानैस् तु हिरण्मयैः यान्ति गन्धर्ववादित्रैः सेव्यमाना यमालयम् ॥
cakravākaprayuktaiś ca vimānais tu hiraṇmayaiḥ yānti gandharvavāditraiḥ sevyamānā yamālayam //
they go to Yama's abode in golden flying chariots yoked to cakravāka birds, attended with the music of gandharvas.
AI translation rendered from the Sanskrit, not a published edition
BrP 216.18
ये फलानि प्रयच्छन्ति पुष्पाणि सुरभीणि च हंसयुक्तैर् विमानैस् तु यान्ति धर्मपुरं नराः ॥
ye phalāni prayacchanti puṣpāṇi surabhīṇi ca haṃsayuktair vimānais tu yānti dharmapuraṃ narāḥ //
Those men who give fruits and fragrant flowers travel to the city of Dharma in flying chariots yoked to geese.
AI translation rendered from the Sanskrit, not a published edition
BrP 216.19
ये तिलांस् तिलधेनुं च घृतधेनुम् अथापि वा श्रोत्रियेभ्यः प्रयच्छन्ति विप्रेभ्यः श्रद्धयान्विताः ॥
ye tilāṃs tiladhenuṃ ca ghṛtadhenum athāpi vā śrotriyebhyaḥ prayacchanti viprebhyaḥ śraddhayānvitāḥ //
Those who, filled with faith, give sesame seeds and a sesame-cow, or else a ghee-cow, to learned brahmins versed in the Veda —
AI translation rendered from the Sanskrit, not a published edition
BrP 216.20
सोममण्डलसंकाशैर् यानैस् ते यान्ति निर्मलैः गन्धर्वैर् उपगीयन्ते पुरे वैवस्वतस्य ते ॥
somamaṇḍalasaṃkāśair yānais te yānti nirmalaiḥ gandharvair upagīyante pure vaivasvatasya te //
they travel in spotless vehicles resembling the orb of the moon; they are sung to by gandharvas in the city of the son of Vivasvat.
AI translation rendered from the Sanskrit, not a published edition
BrP 216.21
येषां वाप्यश् च कूपाश् च तडागानि सरांसि च दीर्घिकाः पुष्करिण्यश् च शीतलाश् च जलाशयाः ॥
yeṣāṃ vāpyaś ca kūpāś ca taḍāgāni sarāṃsi ca dīrghikāḥ puṣkariṇyaś ca śītalāś ca jalāśayāḥ //
Those who have (made) step-wells and wells, ponds and lakes, long tanks and lotus-pools and cool reservoirs of water —
AI translation rendered from the Sanskrit, not a published edition
BrP 216.22
यानैस् ते हेमचन्द्राभैर् दिव्यघण्टानिनादितैः व्यजनैस् तालवृन्तैश् च वीज्यमाना महाप्रभाः ॥
yānais te hemacandrābhair divyaghaṇṭānināditaiḥ vyajanais tālavṛntaiś ca vījyamānā mahāprabhāḥ //
they, of great splendour, (go) in vehicles gleaming like the golden moon, resounding with divine bells, fanned with fans and palm-leaf fly-whisks.
AI translation rendered from the Sanskrit, not a published edition
BrP 216.23
येषां देवकुलान्य् अत्र चित्राण्य् आयतनानि च रत्नैः प्रस्फुरमाणानि मनोज्ञानि शुभानि च ॥
yeṣāṃ devakulāny atra citrāṇy āyatanāni ca ratnaiḥ prasphuramāṇāni manojñāni śubhāni ca //
Those who have here (built) temples and wondrous shrines, glittering with jewels, delightful and lovely —
AI translation rendered from the Sanskrit, not a published edition
BrP 216.24
ते यान्ति लोकपालैस् तु विमानैर् वातरंहसैः धर्मराजपुरं दिव्यं नानाजनसमाकुलम् ॥
te yānti lokapālais tu vimānair vātaraṃhasaiḥ dharmarājapuraṃ divyaṃ nānājanasamākulam //
they go, together with the guardians of the world, in flying chariots swift as the wind, to the divine city of the King of Dharma, thronged with manifold people.
AI translation rendered from the Sanskrit, not a published edition
BrP 216.25
पानीयं ये प्रयच्छन्ति सर्वप्राण्युपजीवितम् ते वितृष्णाः सुखं यान्ति विमानैस् तं महापथम् ॥
pānīyaṃ ye prayacchanti sarvaprāṇyupajīvitam te vitṛṣṇāḥ sukhaṃ yānti vimānais taṃ mahāpatham //
Those who give water, the sustenance of all living beings, go that great road happily in flying chariots, free of thirst.
AI translation rendered from the Sanskrit, not a published edition
BrP 216.26
काष्ठपादुकयानानि पीठकान्य् आसनानि च यैर् दत्तानि द्विजातिभ्यस् ते ऽध्वानं यान्ति वै सुखम् ॥
kāṣṭhapādukayānāni pīṭhakāny āsanāni ca yair dattāni dvijātibhyas te 'dhvānaṃ yānti vai sukham //
Those by whom wooden sandals, conveyances, stools and seats have been given to the twice-born — they indeed travel the road in comfort.
AI translation rendered from the Sanskrit, not a published edition
BrP 216.27
सौवर्णमणिपीठेषु पादौ कृत्वोत्तमेषु च ते प्रयान्ति विमानैस् तु अप्सरोगणमण्डितैः ॥
sauvarṇamaṇipīṭheṣu pādau kṛtvottameṣu ca te prayānti vimānais tu apsarogaṇamaṇḍitaiḥ //
Placing their feet on excellent footstools of gold and gems, they go forth in flying chariots graced by throngs of apsarases.
AI translation rendered from the Sanskrit, not a published edition
BrP 216.28
आरामाणि विचित्राणि पुष्पाढ्यानीह मानवाः रोपयन्ति फलाढ्यानि नराणाम् उपकारिणः ॥
ārāmāṇi vicitrāṇi puṣpāḍhyānīha mānavāḥ ropayanti phalāḍhyāni narāṇām upakāriṇaḥ //
Those men here who plant wondrous pleasure-groves rich in flowers and rich in fruit, benefactors of men —
AI translation rendered from the Sanskrit, not a published edition
BrP 216.29
वृक्षच्छायासु रम्यासु शीतलासु स्वलंकृताः वरस्त्रीगीतवाद्यैश् च सेव्यमाना व्रजन्ति ते ॥
vṛkṣacchāyāsu ramyāsu śītalāsu svalaṃkṛtāḥ varastrīgītavādyaiś ca sevyamānā vrajanti te //
they proceed well adorned in the pleasant cool shade of trees, attended with the song and music of choice women.
AI translation rendered from the Sanskrit, not a published edition
BrP 216.30
सुवर्णं रजतं वापि विद्रुमं मौक्तिकं तथा ये प्रयच्छन्ति ते यान्ति विमानैः कनकोज्ज्वलैः ॥
suvarṇaṃ rajataṃ vāpi vidrumaṃ mauktikaṃ tathā ye prayacchanti te yānti vimānaiḥ kanakojjvalaiḥ //
Those who give gold, or silver, or coral and pearl likewise, travel in flying chariots blazing with gold.
AI translation rendered from the Sanskrit, not a published edition
BrP 216.31
भूमिदा दीप्यमानाश् च सर्वकामैस् तु तर्पिताः उदितादित्यसंकाशैर् विमानैर् भृशनादितैः ॥
bhūmidā dīpyamānāś ca sarvakāmais tu tarpitāḥ uditādityasaṃkāśair vimānair bhṛśanāditaiḥ //
And the givers of land, shining and satisfied with every desired thing, (go) in chariots resembling the risen sun and loudly resounding.
AI translation rendered from the Sanskrit, not a published edition
BrP 216.32
कन्यां तु ये प्रयच्छन्ति ब्रह्मदेयाम् अलंकृताम् दिव्यकन्यावृता यान्ति विमानैस् ते यमालयम् ॥
kanyāṃ tu ye prayacchanti brahmadeyām alaṃkṛtām divyakanyāvṛtā yānti vimānais te yamālayam //
Those who bestow a maiden, adorned, given by the brahma-rite, go to Yama's abode in celestial chariots, surrounded by divine maidens.
AI translation rendered from the Sanskrit, not a published edition
BrP 216.33
सुगन्धागुरुकर्पूरान् पुष्पधूपान् द्विजोत्तमाः प्रयच्छन्ति द्विजातिभ्यो भक्त्या परमयान्विताः ॥
sugandhāgurukarpūrān puṣpadhūpān dvijottamāḥ prayacchanti dvijātibhyo bhaktyā paramayānvitāḥ //
Those best of the twice-born who, filled with supreme devotion, give to brahmins fragrant aloe-wood and camphor, flowers and incense —
AI translation rendered from the Sanskrit, not a published edition
BrP 216.34
ते सुगन्धाः सुवेशाश् च सुप्रभाः सुविभूषिताः यान्ति धर्मपुरं यानैर् विचित्रैर् अभ्यलंकृताः ॥
te sugandhāḥ suveśāś ca suprabhāḥ suvibhūṣitāḥ yānti dharmapuraṃ yānair vicitrair abhyalaṃkṛtāḥ //
they, fragrant, well-dressed, of fine radiance, well ornamented, go to the city of Dharma in variegated conveyances, fully adorned.
AI translation rendered from the Sanskrit, not a published edition
BrP 216.35
दीपदा यान्ति यानैश् च दीपयन्तो दिशो दश आदित्यसदृशैर् यानैर् दीप्यमाना यथाग्नयः ॥
dīpadā yānti yānaiś ca dīpayanto diśo daśa ādityasadṛśair yānair dīpyamānā yathāgnayaḥ //
The givers of lamps go in conveyances, illuminating the ten directions, blazing like fires in conveyances like the sun.
AI translation rendered from the Sanskrit, not a published edition
BrP 216.36
गृहावसथदातारो गृहैः काञ्चनमण्डितैः व्रजन्ति बालार्कनिभैर् धर्मराजगृहं नराः ॥
gṛhāvasathadātāro gṛhaiḥ kāñcanamaṇḍitaiḥ vrajanti bālārkanibhair dharmarājagṛhaṃ narāḥ //
Men who give houses and lodgings travel to the house of the king of Dharma in gold-adorned houses resembling the newly risen sun.
AI translation rendered from the Sanskrit, not a published edition
BrP 216.37
जलभाजनदातारः कुण्डिकाकरकप्रदाः पूजमानाप्सरोभिश् च यान्ति दृप्ता महागजैः ॥
jalabhājanadātāraḥ kuṇḍikākarakapradāḥ pūjamānāpsarobhiś ca yānti dṛptā mahāgajaiḥ //
The givers of water-vessels, who bestow water-pots and pitchers, go proudly on great elephants, honoured by apsarases.
AI translation rendered from the Sanskrit, not a published edition
BrP 216.38
पादाभ्यङ्गं शिरोभ्यङ्गं स्नानपानोदकं तथा ये प्रयच्छन्ति विप्रेभ्यस् ते यान्त्य् अश्वैर् यमालयम् ॥
pādābhyaṅgaṃ śirobhyaṅgaṃ snānapānodakaṃ tathā ye prayacchanti viprebhyas te yānty aśvair yamālayam //
Those who give to brahmins oil for anointing the feet and the head, and water for bathing and drinking, go to Yama's abode on horses.
AI translation rendered from the Sanskrit, not a published edition
BrP 216.39
विश्रामयन्ति ये विप्राञ् श्रान्तान् अध्वनि कर्शितान् चक्रवाकप्रयुक्तेन यान्ति यानेन ते सुखम् ॥
viśrāmayanti ye viprāñ śrāntān adhvani karśitān cakravākaprayuktena yānti yānena te sukham //
Those who give rest to brahmins wearied and worn out on the road go happily in a conveyance yoked with cakravāka birds.
AI translation rendered from the Sanskrit, not a published edition
BrP 216.40
स्वागतेन च यो विप्रं पूजयेद् आसनेन च स गच्छति तम् अध्वानं सुखं परमनिर्वृतः ॥
svāgatena ca yo vipraṃ pūjayed āsanena ca sa gacchati tam adhvānaṃ sukhaṃ paramanirvṛtaḥ //
And he who honours a brahmin with a welcome and with a seat travels that road happily, supremely at ease.
AI translation rendered from the Sanskrit, not a published edition
BrP 216.41
नमो ब्रह्मण्यदेवेति यो हरिं चाभिवादयेत् गां च पापहरेत्य् उक्त्वा सुखं यान्ति च तत् पथम् ॥
namo brahmaṇyadeveti yo hariṃ cābhivādayet gāṃ ca pāpaharety uktvā sukhaṃ yānti ca tat patham //
He who greets Hari with "Homage to the god friendly to brahmins," and a cow saying "remover of sin" — such (people) go that path happily.
AI translation rendered from the Sanskrit, not a published edition
BrP 216.42
अनन्तराशिनो ये च दम्भानृतविवर्जिताः ते ऽपि सारसयुक्तैस् तु यान्ति यानैश् च तत् पथम् ॥
anantarāśino ye ca dambhānṛtavivarjitāḥ te 'pi sārasayuktais tu yānti yānaiś ca tat patham //
And those who eat nothing in between (meals), free from hypocrisy and falsehood, they too go that path in conveyances yoked with sārasa cranes.
AI translation rendered from the Sanskrit, not a published edition
BrP 216.43
वर्तन्ते ह्य् एकभक्तेन शाठ्यदम्भविवर्जिताः हंसयुक्तैर् विमानैस् तु सुखं यान्ति यमालयम् ॥
vartante hy ekabhaktena śāṭhyadambhavivarjitāḥ haṃsayuktair vimānais tu sukhaṃ yānti yamālayam //
Those who subsist on a single meal (a day), free from deceit and hypocrisy, go happily to Yama's abode in chariots yoked with geese.
AI translation rendered from the Sanskrit, not a published edition
BrP 216.44
चतुर्थेनैकभक्तेन वर्तन्ते ये जितेन्द्रियाः ते यान्ति धर्मनगरं यानैर् बर्हिणयोजितैः ॥
caturthenaikabhaktena vartante ye jitendriyāḥ te yānti dharmanagaraṃ yānair barhiṇayojitaiḥ //
Those with conquered senses who subsist on one meal at every fourth (mealtime) go to the city of Dharma in conveyances yoked with peacocks.
AI translation rendered from the Sanskrit, not a published edition
BrP 216.45
तृतीये दिवसे ये तु भुञ्जते नियतव्रताः ते ऽपि हस्तिरथैर् दिव्यैर् यान्ति यानैश् च तत् पदम् ॥
tṛtīye divase ye tu bhuñjate niyatavratāḥ te 'pi hastirathair divyair yānti yānaiś ca tat padam //
And those of steadfast vows who eat (only) on the third day, they too go to that place in divine conveyances, elephant-chariots.
AI translation rendered from the Sanskrit, not a published edition
BrP 216.46
षष्ठे ऽन्नभक्षको यस् तु शौचनित्यो जितेन्द्रियः स याति कुञ्जरस्थस् तु शचीपतिर् इव स्वयम् ॥
ṣaṣṭhe 'nnabhakṣako yas tu śaucanityo jitendriyaḥ sa yāti kuñjarasthas tu śacīpatir iva svayam //
He who eats food (only) at the sixth (mealtime), constant in purity, his senses conquered, goes seated on an elephant like Śacī's lord (Indra) himself.
AI translation rendered from the Sanskrit, not a published edition
BrP 216.47
धर्मराजपुरं दिव्यं नानामणिविभूषितम् नानास्वरसमायुक्तं जयशब्दरवैर् युतम् ॥
dharmarājapuraṃ divyaṃ nānāmaṇivibhūṣitam nānāsvarasamāyuktaṃ jayaśabdaravair yutam //
(To) the divine city of the king of Dharma, adorned with many jewels, filled with many kinds of music, resounding with cries of "Victory!" —
AI translation rendered from the Sanskrit, not a published edition
BrP 216.48
पक्षोपवासिनो यान्ति यानैः शार्दूलयोजितैः पुरं तद् धर्मराजस्य सेव्यमानाः सुरासुरैः ॥
pakṣopavāsino yānti yānaiḥ śārdūlayojitaiḥ puraṃ tad dharmarājasya sevyamānāḥ surāsuraiḥ //
those who fast for a fortnight go to that city of the king of Dharma in conveyances yoked with tigers, attended by gods and demons.
AI translation rendered from the Sanskrit, not a published edition
BrP 216.49
ये च मासोपवासं तु कुर्वते संयतेन्द्रियाः ते ऽपि सूर्यप्रदीप्तैस् तु यान्ति यानैर् यमालयम् ॥
ye ca māsopavāsaṃ tu kurvate saṃyatendriyāḥ te 'pi sūryapradīptais tu yānti yānair yamālayam //
And those of restrained senses who perform a month-long fast, they too go to Yama's abode in conveyances blazing like the sun.
AI translation rendered from the Sanskrit, not a published edition
BrP 216.50
महाप्रस्थानम् एकाग्रो यः प्रयाति दृढव्रतः सेव्यमानस् तु गन्धर्वैर् याति यानैर् यमालयम् ॥
mahāprasthānam ekāgro yaḥ prayāti dṛḍhavrataḥ sevyamānas tu gandharvair yāti yānair yamālayam //
He who, single-minded and firm in vow, sets out on the great journey, attended by gandharvas, goes to Yama's abode in conveyances.
AI translation rendered from the Sanskrit, not a published edition
BrP 216.51
शरीरं साधयेद् यस् तु वैष्णवेनान्तरात्मना स रथेनाग्निवर्णेन यातीह त्रिदशालयम् ॥
śarīraṃ sādhayed yas tu vaiṣṇavenāntarātmanā sa rathenāgnivarṇena yātīha tridaśālayam //
But he who perfects the body with an inner self devoted to Viṣṇu goes from here to the abode of the thirty (gods) in a chariot of the colour of fire.
AI translation rendered from the Sanskrit, not a published edition
BrP 216.52
अग्निप्रवेशं यः कुर्यान् नारायणपरायणः स यात्य् अग्निप्रकाशेन विमानेन यमालयम् ॥
agnipraveśaṃ yaḥ kuryān nārāyaṇaparāyaṇaḥ sa yāty agniprakāśena vimānena yamālayam //
He who, intent on Nārāyaṇa, enters the fire goes to Yama's abode in a flying palace bright as fire.
AI translation rendered from the Sanskrit, not a published edition
BrP 216.53
प्राणांस् त्यजति यो मर्त्यः स्मरन् विष्णुं सनातनम् यानेनार्कप्रकाशेन याति धर्मपुरं नरः ॥
prāṇāṃs tyajati yo martyaḥ smaran viṣṇuṃ sanātanam yānenārkaprakāśena yāti dharmapuraṃ naraḥ //
The mortal who gives up his breaths while remembering the eternal Viṣṇu—that man goes to the city of Dharma in a vehicle radiant as the sun.
AI translation rendered from the Sanskrit, not a published edition
BrP 216.54
प्रविष्टो ऽन्तर् जलं यस् तु प्राणांस् त्यजति मानवः सोममण्डलकल्पेन याति यानेन वै सुखम् ॥
praviṣṭo 'ntar jalaṃ yas tu prāṇāṃs tyajati mānavaḥ somamaṇḍalakalpena yāti yānena vai sukham //
And the man who, having entered into the water, gives up his breaths goes comfortably in a vehicle like the orb of the moon.
AI translation rendered from the Sanskrit, not a published edition
BrP 216.55
स्वशरीरं हि गृध्रेभ्यो वैष्णवो यः प्रयच्छति स याति रथमुख्येन काञ्चनेन यमालयम् ॥
svaśarīraṃ hi gṛdhrebhyo vaiṣṇavo yaḥ prayacchati sa yāti rathamukhyena kāñcanena yamālayam //
The Vaiṣṇava who offers up his own body to the vultures goes to Yama's abode in a foremost golden chariot.
AI translation rendered from the Sanskrit, not a published edition
BrP 216.56
स्त्रीग्रहे गोग्रहे वापि युद्धे मृत्युम् उपैति यः स यात्य् अमरकन्याभिः सेव्यमानो रविप्रभः ॥
strīgrahe gograhe vāpi yuddhe mṛtyum upaiti yaḥ sa yāty amarakanyābhiḥ sevyamāno raviprabhaḥ //
He who meets death in battle over the seizure of women or the seizure of cattle goes shining like the sun, attended by the daughters of the immortals.
AI translation rendered from the Sanskrit, not a published edition
BrP 216.57
वैष्णवा ये च कुर्वन्ति तीर्थयात्रां जितेन्द्रियाः तत् पथं यान्ति ते घोरं सुखयानैर् अलंकृताः ॥
vaiṣṇavā ye ca kurvanti tīrthayātrāṃ jitendriyāḥ tat pathaṃ yānti te ghoraṃ sukhayānair alaṃkṛtāḥ //
And those Vaiṣṇavas who, with senses conquered, make pilgrimage to holy fords travel that dread road adorned, in comfortable conveyances.
AI translation rendered from the Sanskrit, not a published edition
BrP 216.58
ये यजन्ति द्विजश्रेष्ठाः क्रतुभिर् भूरिदक्षिणैः तप्तहाटकसंकाशैर् विमानैर् यान्ति ते सुखम् ॥
ye yajanti dvijaśreṣṭhāḥ kratubhir bhūridakṣiṇaiḥ taptahāṭakasaṃkāśair vimānair yānti te sukham //
Those best of twice-born who sacrifice with rites of abundant sacrificial fees travel in comfort in flying palaces resembling molten gold.
AI translation rendered from the Sanskrit, not a published edition
BrP 216.59
परपीडाम् अकुर्वन्तो भृत्यानां भरणादिकम् कुर्वन्ति ते सुखं यान्ति विमानैः कनकोज्ज्वलैः ॥
parapīḍām akurvanto bhṛtyānāṃ bharaṇādikam kurvanti te sukhaṃ yānti vimānaiḥ kanakojjvalaiḥ //
Those who do no injury to others and provide the maintenance and the like of their dependents travel in comfort in flying palaces gleaming with gold.
AI translation rendered from the Sanskrit, not a published edition
BrP 216.60
ये क्षान्ताः सर्वभूतेषु प्राणिनाम् अभयप्रदाः क्रोधमोहविनिर्मुक्ता निर्मदाः संयतेन्द्रियाः ॥
ye kṣāntāḥ sarvabhūteṣu prāṇinām abhayapradāḥ krodhamohavinirmuktā nirmadāḥ saṃyatendriyāḥ //
Those who are patient toward all beings, who grant safety to living creatures, wholly freed from anger and delusion, without pride, with senses restrained—
AI translation rendered from the Sanskrit, not a published edition
BrP 216.61
पूर्णचन्द्रप्रकाशेन विमानेन महाप्रभाः यान्ति वैवस्वतपुरं देवगन्धर्वसेविताः ॥
pūrṇacandraprakāśena vimānena mahāprabhāḥ yānti vaivasvatapuraṃ devagandharvasevitāḥ //
—of great splendour, they go to the city of the son of Vivasvat in a flying palace shining like the full moon, attended by gods and gandharvas.
AI translation rendered from the Sanskrit, not a published edition
BrP 216.62
एकभावेन ये विष्णुं ब्रह्माणं त्र्यम्बकं रविम् पूजयन्ति हि ते यान्ति विमानैर् भास्करप्रभैः ॥
ekabhāvena ye viṣṇuṃ brahmāṇaṃ tryambakaṃ ravim pūjayanti hi te yānti vimānair bhāskaraprabhaiḥ //
Those who worship Viṣṇu, Brahmā, the three-eyed one and the sun with a single (undivided) attitude—they indeed travel in flying palaces with the radiance of the sun.
AI translation rendered from the Sanskrit, not a published edition
BrP 216.63
ये च मांसं न खादन्ति सत्यशौचसमन्विताः ते ऽपि यान्ति सुखेनैव धर्मराजपुरं नराः ॥
ye ca māṃsaṃ na khādanti satyaśaucasamanvitāḥ te 'pi yānti sukhenaiva dharmarājapuraṃ narāḥ //
And those men who do not eat meat, possessed of truth and purity—they too go in comfort to the city of the king of dharma.
AI translation rendered from the Sanskrit, not a published edition
BrP 216.64
मांसान् मिष्टतरं नास्ति भक्ष्यभोज्यादिकेषु च तस्मान् मांसं न भुञ्जीत नास्ति मिष्टैः सुखोदयः ॥
māṃsān miṣṭataraṃ nāsti bhakṣyabhojyādikeṣu ca tasmān māṃsaṃ na bhuñjīta nāsti miṣṭaiḥ sukhodayaḥ //
Among things to be eaten and consumed there is nothing sweeter than meat; therefore one should not eat meat—there is no arising of happiness from sweet things.
AI translation rendered from the Sanskrit, not a published edition
BrP 216.65
गोसहस्रं तु यो दद्याद् यस् तु मांसं न भक्षयेत् समाव् एतौ पुरा प्राह ब्रह्मा वेदविदां वरः ॥
gosahasraṃ tu yo dadyād yas tu māṃsaṃ na bhakṣayet samāv etau purā prāha brahmā vedavidāṃ varaḥ //
He who would give a thousand cows and he who does not eat meat—these two are equal, so Brahmā, best of the knowers of the Veda, declared of old.
AI translation rendered from the Sanskrit, not a published edition
BrP 216.66
सर्वतीर्थेषु यत् पुण्यं सर्वयज्ञेषु यत् फलम् अमांसभक्षणे विप्रास् तच् च तच् च च तत्समम् ॥
sarvatīrtheṣu yat puṇyaṃ sarvayajñeṣu yat phalam amāṃsabhakṣaṇe viprās tac ca tac ca ca tatsamam //
The merit that lies in all the fords, the fruit that lies in all the sacrifices—that and that, O brahmins, is equal to (the merit) in the non-eating of meat.
AI translation rendered from the Sanskrit, not a published edition
BrP 216.67
एवं सुखेन ते यान्ति यमलोकं च धार्मिकाः दानव्रतपरा यानैर् यत्र देवो रवेः सुतः ॥
evaṃ sukhena te yānti yamalokaṃ ca dhārmikāḥ dānavrataparā yānair yatra devo raveḥ sutaḥ //
Thus those righteous ones, devoted to giving and to vows, go in comfort in conveyances to the world of Yama, where the god who is the son of the sun is.
AI translation rendered from the Sanskrit, not a published edition
BrP 216.68
दृष्ट्वा तान् धार्मिकान् देवः स्वयं संमानयेद् यमः स्वागतासनदानेन पाद्यार्घ्येण प्रियेण तु ॥
dṛṣṭvā tān dhārmikān devaḥ svayaṃ saṃmānayed yamaḥ svāgatāsanadānena pādyārghyeṇa priyeṇa tu //
Seeing those righteous ones, the god Yama himself honours them with a welcome and the offering of a seat, with water for the feet and the guest-offering, and with kindness.
AI translation rendered from the Sanskrit, not a published edition
BrP 216.69
धन्या यूयं महात्मान आत्मनो हितकारिणः येन दिव्यसुखार्थाय भवद्भिः सुकृतं कृतम् ॥
dhanyā yūyaṃ mahātmāna ātmano hitakāriṇaḥ yena divyasukhārthāya bhavadbhiḥ sukṛtaṃ kṛtam //
"Fortunate are you, great souls, doers of what benefits yourselves, in that good works have been done by you for the sake of heavenly happiness.
AI translation rendered from the Sanskrit, not a published edition
BrP 216.70
इदं विमानम् आरुह्य दिव्यस्त्रीभोगभूषिताः स्वर्गं गच्छध्वम् अतुलं सर्वकामसमन्वितम् ॥
idaṃ vimānam āruhya divyastrībhogabhūṣitāḥ svargaṃ gacchadhvam atulaṃ sarvakāmasamanvitam //
Mount this flying palace, adorned with the enjoyment of divine women, and go to heaven, unequalled, furnished with all desires."
AI translation rendered from the Sanskrit, not a published edition
BrP 216.71
तत्र भुक्त्वा महाभोगान् अन्ते पुण्यपरिक्षयात् यत् किंचिद् अल्पम् अशुभं फलं तद् इह भोक्ष्यथ ॥
tatra bhuktvā mahābhogān ante puṇyaparikṣayāt yat kiṃcid alpam aśubhaṃ phalaṃ tad iha bhokṣyatha //
There, having enjoyed great pleasures, at the end, when the merit is exhausted, whatever little bad fruit (remains), that you will experience here.
AI translation rendered from the Sanskrit, not a published edition
BrP 216.72
ये तु तं धर्मराजानं नराः पुण्यानुभावतः पश्यन्ति सौम्यमनसं पितृभूतम् इवात्मनः ॥
ye tu taṃ dharmarājānaṃ narāḥ puṇyānubhāvataḥ paśyanti saumyamanasaṃ pitṛbhūtam ivātmanaḥ //
But those men who, by the power of their merit, see that King of Dharma gentle-minded, as though he were their own father—
AI translation rendered from the Sanskrit, not a published edition
BrP 216.73
तस्माद् धर्मः सेवितव्यः सदा मुक्तिफलप्रदः धर्माद् अर्थस् तथा कामो मोक्षश् च परिकीर्त्यते ॥
tasmād dharmaḥ sevitavyaḥ sadā muktiphalapradaḥ dharmād arthas tathā kāmo mokṣaś ca parikīrtyate //
Therefore dharma is to be practised always, for it bestows liberation as its fruit; from dharma come wealth and likewise pleasure, and release too, so it is proclaimed.
AI translation rendered from the Sanskrit, not a published edition
BrP 216.74
धर्मो माता पिता भ्राता धर्मो नाथः सुहृत् तथा धर्मः स्वामी सखा गोप्ता तथा धाता च पोषकः ॥
dharmo mātā pitā bhrātā dharmo nāthaḥ suhṛt tathā dharmaḥ svāmī sakhā goptā tathā dhātā ca poṣakaḥ //
Dharma is mother, father, brother; dharma is protector and likewise friend; dharma is master, comrade, guardian, and also sustainer and nourisher.
AI translation rendered from the Sanskrit, not a published edition
BrP 216.75
धर्माद् अर्थो ऽर्थतः कामः कामाद् भोगः सुखानि च धर्माद् ऐश्वर्यम् एकाग्र्यं धर्मात् स्वर्गगतिः परा ॥
dharmād artho 'rthataḥ kāmaḥ kāmād bhogaḥ sukhāni ca dharmād aiśvaryam ekāgryaṃ dharmāt svargagatiḥ parā //
From dharma comes wealth, from wealth pleasure, from pleasure enjoyment and happinesses; from dharma comes unrivalled sovereignty, from dharma the highest going to heaven.
AI translation rendered from the Sanskrit, not a published edition
BrP 216.76
धर्मस् तु सेवितो विप्रास् त्रायते महतो भयात् देवत्वं च द्विजत्वं च धर्मात् प्राप्नोत्य् असंशयम् ॥
dharmas tu sevito viprās trāyate mahato bhayāt devatvaṃ ca dvijatvaṃ ca dharmāt prāpnoty asaṃśayam //
But dharma, when practised, O brahmins, rescues (one) from great fear; and godhood and twice-born status one obtains from dharma, without doubt.
AI translation rendered from the Sanskrit, not a published edition
BrP 216.77
यदा च क्षीयते पापं नराणां पूर्वसंचितम् तदैषां भजते बुद्धिर् धर्मं चात्र द्विजोत्तमाः ॥
yadā ca kṣīyate pāpaṃ narāṇāṃ pūrvasaṃcitam tadaiṣāṃ bhajate buddhir dharmaṃ cātra dvijottamāḥ //
And when the evil formerly accumulated by men is worn away, then their mind turns to dharma here, O best of the twice-born.
AI translation rendered from the Sanskrit, not a published edition
BrP 216.78
जन्मान्तरसहस्रेषु मानुष्यं प्राप्य दुर्लभम् यो हि नाचरते धर्मं भवेत् स खलु वञ्चितः ॥
janmāntarasahasreṣu mānuṣyaṃ prāpya durlabham yo hi nācarate dharmaṃ bhavet sa khalu vañcitaḥ //
He who, having in thousands of successive births obtained human status, hard to win, does not practise dharma—he indeed has been cheated.
AI translation rendered from the Sanskrit, not a published edition
BrP 216.79
कुत्सिता ये दरिद्राश् च विरूपा व्याधितास् तथा परप्रेष्याश् च मूर्खाश् च ज्ञेया धर्मविवर्जिताः ॥
kutsitā ye daridrāś ca virūpā vyādhitās tathā parapreṣyāś ca mūrkhāś ca jñeyā dharmavivarjitāḥ //
Those who are despised and poor, and misshapen and diseased, and servants of others, and fools—they are to be known as devoid of dharma.
AI translation rendered from the Sanskrit, not a published edition
BrP 216.80
ये हि दीर्घायुषः शूराः पण्डिता भोगिनो ऽर्थिनः अरोगा रूपवन्तश् च तैस् तु धर्मः पुरा कृतः ॥
ye hi dīrghāyuṣaḥ śūrāḥ paṇḍitā bhogino 'rthinaḥ arogā rūpavantaś ca tais tu dharmaḥ purā kṛtaḥ //
For those who are long-lived, brave, learned, enjoyers (of pleasures), prosperous, free of disease and handsome—by them dharma was done formerly.
AI translation rendered from the Sanskrit, not a published edition
BrP 216.81
एवं धर्मरता विप्रा गच्छन्ति गतिम् उत्तमाम् अधर्मं सेवमानास् तु तिर्यग्योनिं व्रजन्ति ते ॥
evaṃ dharmaratā viprā gacchanti gatim uttamām adharmaṃ sevamānās tu tiryagyoniṃ vrajanti te //
Thus those who delight in dharma, O brahmins, go to the highest goal; but those who practise unrighteousness go to birth among animals.
AI translation rendered from the Sanskrit, not a published edition
BrP 216.82
ये नरा नरकध्वंसिवासुदेवम् अनुव्रताः ते स्वप्ने ऽपि न पश्यन्ति यमं वा नरकाणि वा ॥
ye narā narakadhvaṃsivāsudevam anuvratāḥ te svapne 'pi na paśyanti yamaṃ vā narakāṇi vā //
Those men who are devoted to Vāsudeva, the destroyer of hell, do not see Yama or the hells even in a dream.
AI translation rendered from the Sanskrit, not a published edition
BrP 216.83
अनादिनिधनं देवं दैत्यदानवदारणम् ये नमन्ति नरा नित्यं नहि पश्यन्ति ते यमम् ॥
anādinidhanaṃ devaṃ daityadānavadāraṇam ye namanti narā nityaṃ nahi paśyanti te yamam //
Those men who constantly bow to the god without beginning or end, the render of Daityas and Dānavas, do not see Yama.
AI translation rendered from the Sanskrit, not a published edition
BrP 216.84
कर्मणा मनसा वाचा ये ऽच्युतं शरणं गताः न समर्थो यमस् तेषां ते मुक्तिफलभागिनः ॥
karmaṇā manasā vācā ye 'cyutaṃ śaraṇaṃ gatāḥ na samartho yamas teṣāṃ te muktiphalabhāginaḥ //
Those who by deed, mind and speech have gone for refuge to Acyuta—over them Yama has no power; they have liberation for their share of fruit.
AI translation rendered from the Sanskrit, not a published edition
BrP 216.85
ये जना जगतां नाथं नित्यं नारायणं द्विजाः नमन्ति नहि ते विष्णोः स्थानाद् अन्यत्र गामिनः ॥
ye janā jagatāṃ nāthaṃ nityaṃ nārāyaṇaṃ dvijāḥ namanti nahi te viṣṇoḥ sthānād anyatra gāminaḥ //
Those people, O twice-born, who constantly bow to Nārāyaṇa, the lord of the worlds, do not go anywhere other than Viṣṇu's abode.
AI translation rendered from the Sanskrit, not a published edition
BrP 216.86
न ते दूतान् न तन् मार्गं न यमं न च तां पुरीम् प्रणम्य विष्णुं पश्यन्ति नरकाणि कथंचन ॥
na te dūtān na tan mārgaṃ na yamaṃ na ca tāṃ purīm praṇamya viṣṇuṃ paśyanti narakāṇi kathaṃcana //
Having bowed to Viṣṇu, they in no way see the (Yama's) messengers, nor that road, nor Yama, nor that city, nor the hells.
AI translation rendered from the Sanskrit, not a published edition
BrP 216.87
कृत्वापि बहुशः पापं नरा मोहसमन्विताः न यान्ति नरकं नत्वा सर्वपापहरं हरिम् ॥
kṛtvāpi bahuśaḥ pāpaṃ narā mohasamanvitāḥ na yānti narakaṃ natvā sarvapāpaharaṃ harim //
Even having done much evil, men filled with delusion do not go to hell, once they have bowed to Hari, the remover of all sins.
AI translation rendered from the Sanskrit, not a published edition
BrP 216.88
शाठ्येनापि नरा नित्यं ये स्मरन्ति जनार्दनम् ते ऽपि यान्ति तनुं त्यक्त्वा विष्णुलोकम् अनामयम् ॥
śāṭhyenāpi narā nityaṃ ye smaranti janārdanam te 'pi yānti tanuṃ tyaktvā viṣṇulokam anāmayam //
Even those men who constantly remember Janārdana out of guile—they too, having left the body, go to the disease-free world of Viṣṇu.
AI translation rendered from the Sanskrit, not a published edition
BrP 216.89
अत्यन्तक्रोधसक्तो ऽपि कदाचित् कीर्तयेद् धरिम् सो ऽपि दोषक्षयान् मुक्तिं लभेच् चेदिपतिर् यथा ॥
atyantakrodhasakto 'pi kadācit kīrtayed dharim so 'pi doṣakṣayān muktiṃ labhec cedipatir yathā //
Even one wholly given over to anger might at some time utter Hari's name; he too, from the destruction of his faults, would obtain liberation, as did the lord of Cedi.
AI translation rendered from the Sanskrit, not a published edition