Brahma Purana — Chapter 212
BrP 212.1
अर्जुनो ऽपि तदान्विष्य कृष्णरामकलेवरे संस्कारं लम्भयाम् आस तथान्येषाम् अनुक्रमात् ॥
arjuno 'pi tadānviṣya kṛṣṇarāmakalevare saṃskāraṃ lambhayām āsa tathānyeṣām anukramāt //
Arjuna too then, having searched out the bodies of Kṛṣṇa and Rāma, had the funeral rites performed for them, and likewise for the others in order.
AI translation rendered from the Sanskrit, not a published edition
BrP 212.2
अष्टौ महिष्यः कथिता रुक्मिणीप्रमुखास् तु याः उपगृह्य हरेर् देहं विविशुस् ता हुताशनम् ॥
aṣṭau mahiṣyaḥ kathitā rukmiṇīpramukhās tu yāḥ upagṛhya harer dehaṃ viviśus tā hutāśanam //
The eight chief queens who are spoken of, headed by Rukmiṇī, embraced Hari's body and entered the fire.
AI translation rendered from the Sanskrit, not a published edition
BrP 212.3
रेवती चैव रामस्य देहम् आश्लिष्य सत्तमाः विवेश ज्वलितं वह्निं तत्सङ्गाह्लादशीतलम् ॥
revatī caiva rāmasya deham āśliṣya sattamāḥ viveśa jvalitaṃ vahniṃ tatsaṅgāhlādaśītalam //
And Revatī too, O best of the good, embracing Rāma's body, entered the blazing fire, which was cool with the delight of union with him.
AI translation rendered from the Sanskrit, not a published edition
BrP 212.4
उग्रसेनस् तु तच् छ्रुत्वा तथैवानकदुन्दुभिः देवकी रोहिणी चैव विविशुर् जातवेदसम् ॥
ugrasenas tu tac chrutvā tathaivānakadundubhiḥ devakī rohiṇī caiva viviśur jātavedasam //
But Ugrasena, hearing that, and likewise Ānakadundubhi, and Devakī and Rohiṇī, entered the fire.
AI translation rendered from the Sanskrit, not a published edition
BrP 212.5
ततो ऽर्जुनः प्रेतकार्यं कृत्वा तेषां यथाविधि निश्चक्राम जनं सर्वं गृहीत्वा वज्रम् एव च ॥
tato 'rjunaḥ pretakāryaṃ kṛtvā teṣāṃ yathāvidhi niścakrāma janaṃ sarvaṃ gṛhītvā vajram eva ca //
Then Arjuna, having performed the funeral rites for them according to rule, departed, taking all the people and Vajra as well.
AI translation rendered from the Sanskrit, not a published edition
BrP 212.6
द्वारवत्या विनिष्क्रान्ताः कृष्णपत्न्यः सहस्रशः वज्रं जनं च कौन्तेयः पालयञ् शनकैर् ययौ ॥
dvāravatyā viniṣkrāntāḥ kṛṣṇapatnyaḥ sahasraśaḥ vajraṃ janaṃ ca kaunteyaḥ pālayañ śanakair yayau //
Kṛṣṇa's wives went out of Dvāravatī by the thousands; and the son of Kuntī went slowly, guarding Vajra and the people.
AI translation rendered from the Sanskrit, not a published edition
BrP 212.7
सभा सुधर्मा कृष्णेन मर्त्यलोके समाहृता स्वर्गं जगाम भो विप्राः पारिजातश् च पादपः ॥
sabhā sudharmā kṛṣṇena martyaloke samāhṛtā svargaṃ jagāma bho viprāḥ pārijātaś ca pādapaḥ //
The assembly hall Sudharmā, which Kṛṣṇa had brought into the world of mortals, went to heaven, O brahmins, and so did the Pārijāta tree.
AI translation rendered from the Sanskrit, not a published edition
BrP 212.8
यस्मिन् दिने हरिर् यातो दिवं संत्यज्य मेदिनीम् तस्मिन् दिने ऽवतीर्णो ऽयं कालकायः कलिः किल ॥
yasmin dine harir yāto divaṃ saṃtyajya medinīm tasmin dine 'vatīrṇo 'yaṃ kālakāyaḥ kaliḥ kila //
On the very day when Hari, forsaking the earth, went to heaven, on that day this Kali, whose body is Time (or: black-bodied), descended, so they say.
AI translation rendered from the Sanskrit, not a published edition
BrP 212.9
प्लावयाम् आस तां शून्यां द्वारकां च महोदधिः यदुश्रेष्ठगृहं त्व् एकं नाप्लावयत सागरः ॥
plāvayām āsa tāṃ śūnyāṃ dvārakāṃ ca mahodadhiḥ yaduśreṣṭhagṛhaṃ tv ekaṃ nāplāvayata sāgaraḥ //
And the great ocean flooded that empty Dvārakā; but the one house of the best of the Yadus the sea did not flood.
AI translation rendered from the Sanskrit, not a published edition
BrP 212.10
नातिक्रामति भो विप्रास् तद् अद्यापि महोदधिः नित्यं संनिहितस् तत्र भगवान् केशवो यतः ॥
nātikrāmati bho viprās tad adyāpi mahodadhiḥ nityaṃ saṃnihitas tatra bhagavān keśavo yataḥ //
The great ocean does not pass beyond it even today, O brahmins, since the Lord Keśava is always present there.
AI translation rendered from the Sanskrit, not a published edition
BrP 212.11
तद् अतीव महापुण्यं सर्वपातकनाशनम् विष्णुक्रीडान्वितं स्थानं दृष्ट्वा पापात् प्रमुच्यते ॥
tad atīva mahāpuṇyaṃ sarvapātakanāśanam viṣṇukrīḍānvitaṃ sthānaṃ dṛṣṭvā pāpāt pramucyate //
That place, exceedingly holy, destroying all sins, filled with Viṣṇu's play — on seeing it one is released from sin.
AI translation rendered from the Sanskrit, not a published edition
BrP 212.12
पार्थः पञ्चनदे देशे बहुधान्यधनान्विते चकार वासं सर्वस्य जनस्य मुनिसत्तमाः ॥
pārthaḥ pañcanade deśe bahudhānyadhanānvite cakāra vāsaṃ sarvasya janasya munisattamāḥ //
Pārtha made a dwelling for all the people in the region of the Five Rivers, rich in abundant grain and wealth, O best of sages.
AI translation rendered from the Sanskrit, not a published edition
BrP 212.13
ततो लोभः समभवत् पार्थेनैकेन धन्विना दृष्ट्वा स्त्रियो नीयमाना दस्यूनां निहतेश्वराः ॥
tato lobhaḥ samabhavat pārthenaikena dhanvinā dṛṣṭvā striyo nīyamānā dasyūnāṃ nihateśvarāḥ //
Then greed arose (in the robbers), since Pārtha was the only bowman, when they saw the women being led along whose lords had been slain.
AI translation rendered from the Sanskrit, not a published edition
BrP 212.14
ततस् ते पापकर्माणो लोभोपहतचेतसः आभीरा मन्त्रयाम् आसुः समेत्यात्यन्तदुर्मदाः ॥
tatas te pāpakarmāṇo lobhopahatacetasaḥ ābhīrā mantrayām āsuḥ sametyātyantadurmadāḥ //
Then those evil-doing Ābhīras, their minds overcome by greed, exceedingly insolent, came together and took counsel.
AI translation rendered from the Sanskrit, not a published edition
BrP 212.15
अयम् एको ऽर्जुनो धन्वी स्त्रीजनं निहतेश्वरम् नयत्य् अस्मान् अतिक्रम्य धिग् एतत् क्रियतां बलम् ॥
ayam eko 'rjuno dhanvī strījanaṃ nihateśvaram nayaty asmān atikramya dhig etat kriyatāṃ balam //
"This Arjuna, a single bowman, is leading away — passing right by us — this company of women whose lords have been slain. Shame on this! Let strength be used!"
AI translation rendered from the Sanskrit, not a published edition
BrP 212.16
हत्वा गर्वसमारूढो भीष्मद्रोणजयद्रथान् कर्णादींश् च न जानाति बलं ग्रामनिवासिनाम् ॥
hatvā garvasamārūḍho bhīṣmadroṇajayadrathān karṇādīṃś ca na jānāti balaṃ grāmanivāsinām //
"Puffed up with pride at having killed Bhīṣma, Droṇa, Jayadratha, Karṇa and the rest, he does not know the strength of village-dwellers."
AI translation rendered from the Sanskrit, not a published edition
BrP 212.17
बलज्येष्ठान् नरान् अन्यान् ग्राम्यांश् चैव विशेषतः सर्वान् एवावजानाति किं वो बहुभिर् उत्तरैः ॥
balajyeṣṭhān narān anyān grāmyāṃś caiva viśeṣataḥ sarvān evāvajānāti kiṃ vo bahubhir uttaraiḥ //
"He despises all other men who are foremost in strength, and villagers especially — what need of many more words from you?"
AI translation rendered from the Sanskrit, not a published edition
BrP 212.18
ततो यष्टिप्रहरणा दस्यवो लोष्टहारिणः सहस्रशो ऽभ्यधावन्त तं जनं निहतेश्वरम् ततो निवृत्तः कौन्तेयः प्राहाभीरान् हसन्न् इव ॥
tato yaṣṭipraharaṇā dasyavo loṣṭahāriṇaḥ sahasraśo 'bhyadhāvanta taṃ janaṃ nihateśvaram tato nivṛttaḥ kaunteyaḥ prāhābhīrān hasann iva //
Then robbers armed with clubs, hurlers of clods, ran up by the thousand against that company whose lords had been slain; then Kaunteya turned back and spoke to the Ābhīras, as if laughing.
AI translation rendered from the Sanskrit, not a published edition
BrP 212.19
निवर्तध्वम् अधर्मज्ञा यदीतो न मुमूर्षवः ॥
nivartadhvam adharmajñā yadīto na mumūrṣavaḥ //
"Turn back, you who know nothing of dharma, if you do not wish to die here!"
AI translation rendered from the Sanskrit, not a published edition
BrP 212.20
अवज्ञाय वचस् तस्य जगृहुस् ते तदा धनम् स्त्रीजनं चापि कौन्तेयाद् विष्वक्सेनपरिग्रहम् ॥
avajñāya vacas tasya jagṛhus te tadā dhanam strījanaṃ cāpi kaunteyād viṣvaksenaparigraham //
Disregarding his words, they then seized the wealth, and also the company of women, the possession of Viṣvaksena, from Kaunteya.
AI translation rendered from the Sanskrit, not a published edition
BrP 212.21
ततो ऽर्जुनो धनुर् दिव्यं गाण्डीवम् अजरं युधि आरोपयितुम् आरेभे न शशाक स वीर्यवान् ॥
tato 'rjuno dhanur divyaṃ gāṇḍīvam ajaraṃ yudhi āropayitum ārebhe na śaśāka sa vīryavān //
Then Arjuna began to string in battle his divine, unaging bow Gāṇḍīva, but that mighty one could not do it.
AI translation rendered from the Sanskrit, not a published edition
BrP 212.22
चकार सज्जं कृच्छ्रात् तु तद् अभूच् छिथिलं पुनः न सस्मार तथास्त्राणि चिन्तयन्न् अपि पाण्डवः ॥
cakāra sajjaṃ kṛcchrāt tu tad abhūc chithilaṃ punaḥ na sasmāra tathāstrāṇi cintayann api pāṇḍavaḥ //
He made it ready with difficulty, but it went slack again; likewise the Pāṇḍava could not recall the weapon-spells, though he tried to think of them.
AI translation rendered from the Sanskrit, not a published edition
BrP 212.23
शरान् मुमोच चैतेषु पार्थः शेषान् स हर्षितः न भेदं ते परं चक्रुर् अस्ता गाण्डीवधन्वना ॥
śarān mumoca caiteṣu pārthaḥ śeṣān sa harṣitaḥ na bhedaṃ te paraṃ cakrur astā gāṇḍīvadhanvanā //
And Pārtha, delighted, loosed at them the arrows that were left; yet those, shot by the wielder of Gāṇḍīva, made no great wound in them.
AI translation rendered from the Sanskrit, not a published edition
BrP 212.24
वह्निना चाक्षया दत्ताः शरास् ते ऽपि क्षयं ययुः युध्यतः सह गोपालैर् अर्जुनस्याभवत् क्षयः ॥
vahninā cākṣayā dattāḥ śarās te 'pi kṣayaṃ yayuḥ yudhyataḥ saha gopālair arjunasyābhavat kṣayaḥ //
And the arrows given by Fire as inexhaustible — even those came to an end; as Arjuna fought with the cowherds, there was exhaustion for him.
AI translation rendered from the Sanskrit, not a published edition
BrP 212.25
अचिन्तयत् तु कौन्तेयः कृष्णस्यैव हि तद् बलम् यन् मया शरसंघातैः सबला भूभृतो जिताः ॥
acintayat tu kaunteyaḥ kṛṣṇasyaiva hi tad balam yan mayā śarasaṃghātaiḥ sabalā bhūbhṛto jitāḥ //
But Kaunteya reflected that it had indeed been Kṛṣṇa's power, that by me with masses of arrows kings together with their armies were conquered.
AI translation rendered from the Sanskrit, not a published edition
BrP 212.26
मिषतः पाण्डुपुत्रस्य ततस् ताः प्रमदोत्तमाः अपाकृष्यन्त चाभीरैः कामाच् चान्याः प्रवव्रजुः ॥
miṣataḥ pāṇḍuputrasya tatas tāḥ pramadottamāḥ apākṛṣyanta cābhīraiḥ kāmāc cānyāḥ pravavrajuḥ //
Then, while the son of Pāṇḍu looked on, those excellent women were dragged away by the Ābhīras, and others went off of their own desire.
AI translation rendered from the Sanskrit, not a published edition
BrP 212.27
ततः शरेषु क्षीणेषु धनुष्कोट्या धनंजयः जघान दस्यूंस् ते चास्य प्रहाराञ् जहसुर् द्विजाः ॥
tataḥ śareṣu kṣīṇeṣu dhanuṣkoṭyā dhanaṃjayaḥ jaghāna dasyūṃs te cāsya prahārāñ jahasur dvijāḥ //
Then, when his arrows were exhausted, Dhanaṃjaya struck the robbers with the tip of his bow; but they, O brahmins, only laughed at his blows.
AI translation rendered from the Sanskrit, not a published edition
BrP 212.28
पश्यतस् त्व् एव पार्थस्य वृष्ण्यन्धकवरस्त्रियः जग्मुर् आदाय ते म्लेच्छाः समन्तान् मुनिसत्तमाः ॥
paśyatas tv eva pārthasya vṛṣṇyandhakavarastriyaḥ jagmur ādāya te mlecchāḥ samantān munisattamāḥ //
And while Pārtha merely looked on, those barbarians took the finest women of the Vṛṣṇis and Andhakas and went off in every direction, O best of sages.
AI translation rendered from the Sanskrit, not a published edition
BrP 212.29
ततः स दुःखितो जिष्णुः कष्टं कष्टम् इति ब्रुवन् अहो भगवता तेन मुक्तो ऽस्मीति रुरोद वै ॥
tataḥ sa duḥkhito jiṣṇuḥ kaṣṭaṃ kaṣṭam iti bruvan aho bhagavatā tena mukto 'smīti ruroda vai //
Then Jiṣṇu, grieving, saying "Bitter, bitter!", wept, (crying) "Alas, I have been abandoned by that Lord!"
AI translation rendered from the Sanskrit, not a published edition
BrP 212.30
तद् धनुस् तानि चास्त्राणि स रथस् ते च वाजिनः सर्वम् एकपदे नष्टं दानम् अश्रोत्रिये यथा ॥
tad dhanus tāni cāstrāṇi sa rathas te ca vājinaḥ sarvam ekapade naṣṭaṃ dānam aśrotriye yathā //
That bow, those weapons, that chariot, those horses — everything perished at a single step, like a gift (given) to one who is no reciter of the Veda.
AI translation rendered from the Sanskrit, not a published edition
BrP 212.31
अहो चाति बलं दैवं विना तेन महात्मना यद् असामर्थ्ययुक्तो ऽहं नीचैर् नीतः पराभवम् ॥
aho cāti balaṃ daivaṃ vinā tena mahātmanā yad asāmarthyayukto 'haṃ nīcair nītaḥ parābhavam //
Alas, fate is exceedingly strong, without that great-souled one — since I, robbed of my power, have been brought to defeat by lowly men.
AI translation rendered from the Sanskrit, not a published edition
BrP 212.32
तौ बाहू स च मे मुष्टिः स्थानं तत् सो ऽस्मि चार्जुनः पुण्येनेव विना तेन गतं सर्वम् असारताम् ॥
tau bāhū sa ca me muṣṭiḥ sthānaṃ tat so 'smi cārjunaḥ puṇyeneva vinā tena gataṃ sarvam asāratām //
These two arms are mine, that fist is mine, that stance is mine, and I am that same Arjuna; yet without him everything has gone to worthlessness, as if (deprived) of merit.
AI translation rendered from the Sanskrit, not a published edition
BrP 212.33
ममार्जुनत्वं भीमस्य भीमत्वं तत्कृतं ध्रुवम् विना तेन यद् आभीरैर् जितो ऽहं कथम् अन्यथा ॥
mamārjunatvaṃ bhīmasya bhīmatvaṃ tatkṛtaṃ dhruvam vinā tena yad ābhīrair jito 'haṃ katham anyathā //
My being Arjuna, and Bhīma's being Bhīma — that was surely made by him; for without him I have been conquered by cowherds — how else (could it be)?
AI translation rendered from the Sanskrit, not a published edition
BrP 212.34
इत्थं वदन् ययौ जिष्णुर् इन्द्रप्रस्थं पुरोत्तमम् चकार तत्र राजानं वज्रं यादवनन्दनम् ॥
itthaṃ vadan yayau jiṣṇur indraprasthaṃ purottamam cakāra tatra rājānaṃ vajraṃ yādavanandanam //
Speaking thus, Jiṣṇu went to Indraprastha, the finest of cities, and there he made Vajra, the son of the Yādavas, king.
AI translation rendered from the Sanskrit, not a published edition
BrP 212.35
स ददर्श ततो व्यासं फाल्गुनः काननाश्रयम् तम् उपेत्य महाभागं विनयेनाभ्यवादयत् ॥
sa dadarśa tato vyāsaṃ phālgunaḥ kānanāśrayam tam upetya mahābhāgaṃ vinayenābhyavādayat //
Then Phālguna saw Vyāsa dwelling in the forest; approaching that greatly blessed one, he saluted him with deference.
AI translation rendered from the Sanskrit, not a published edition
BrP 212.36
तं वन्दमानं चरणाव् अवलोक्य सुनिश्चितम् उवाच पार्थं विच्छायः कथम् अत्यन्तम् ईदृशः ॥
taṃ vandamānaṃ caraṇāv avalokya suniścitam uvāca pārthaṃ vicchāyaḥ katham atyantam īdṛśaḥ //
Seeing him bowing at his feet, quite resolved, (Vyāsa) said to Pārtha: "How is it that you are so utterly pale?"
AI translation rendered from the Sanskrit, not a published edition
BrP 212.37
अजारजोनुगमनं ब्रह्महत्याथवा कृता जयाशाभङ्गदुःखी वा भ्रष्टच्छायो ऽसि सांप्रतम् ॥
ajārajonugamanaṃ brahmahatyāthavā kṛtā jayāśābhaṅgaduḥkhī vā bhraṣṭacchāyo 'si sāṃpratam //
"Have you followed a woman during her menses, or committed the killing of a brahmin, or are you grieved by the shattering of your hope of victory? Your lustre is now lost.
AI translation rendered from the Sanskrit, not a published edition — the model flagged this verse as uncertain
BrP 212.38
सांतानिकादयो वा ते याचमाना निराकृताः अगम्यस्त्रीरतिर् वापि तेनासि विगतप्रभः ॥
sāṃtānikādayo vā te yācamānā nirākṛtāḥ agamyastrīratir vāpi tenāsi vigataprabhaḥ //
Or were those seeking (help) for continuing their line, and others, turned away by you? Or is it pleasure with a woman not to be approached, by which you have lost your radiance?
AI translation rendered from the Sanskrit, not a published edition — the model flagged this verse as uncertain
BrP 212.39
भुङ्क्ते प्रदाय विप्रेभ्यो मिष्टम् एकम् अथो भवान् किं वा कृपणवित्तानि हृतानि भवतार्जुन ॥
bhuṅkte pradāya viprebhyo miṣṭam ekam atho bhavān kiṃ vā kṛpaṇavittāni hṛtāni bhavatārjuna //
Or does your lordship eat something sweet alone after giving (nothing) to the brahmins? Or have the goods of the poor been seized by you, Arjuna?
AI translation rendered from the Sanskrit, not a published edition — the model flagged this verse as uncertain
BrP 212.40
कच्चिन् न सूर्यवातस्य गोचरत्वं गतो ऽर्जुन दुष्टचक्षुर् हतो वापि निःश्रीकः कथम् अन्यथा ॥
kaccin na sūryavātasya gocaratvaṃ gato 'rjuna duṣṭacakṣur hato vāpi niḥśrīkaḥ katham anyathā //
Surely, Arjuna, you have not come within range of the sun and the wind, or been struck by an evil eye? How else are you without splendour?
AI translation rendered from the Sanskrit, not a published edition
BrP 212.41
स्पृष्टो नखाम्भसा वापि घटाम्भःप्रोक्षितो ऽपि वा तेनातीवासि विच्छायो न्यूनैर् वा युधि निर्जितः ॥
spṛṣṭo nakhāmbhasā vāpi ghaṭāmbhaḥprokṣito 'pi vā tenātīvāsi vicchāyo nyūnair vā yudhi nirjitaḥ //
Or have you been touched by nail-water, or sprinkled with water from a pot? Is it by that that you are so pale — or were you defeated in battle by inferiors?
AI translation rendered from the Sanskrit, not a published edition — the model flagged this verse as uncertain
BrP 212.42
ततः पार्थो विनिःश्वस्य श्रूयतां भगवन्न् इति प्रोक्तो यथावद् आचष्ट विप्रा आत्मपराभवम् ॥
tataḥ pārtho viniḥśvasya śrūyatāṃ bhagavann iti prokto yathāvad ācaṣṭa viprā ātmaparābhavam //
Then Pārtha, sighing, said "Let it be heard, O Lord," and, thus addressed, related his own defeat just as it was, O brahmins.
AI translation rendered from the Sanskrit, not a published edition
BrP 212.43
यद् बलं यच् च नस् तेजो यद् वीर्यं यत् पराक्रमः या श्रीश् छाया च नः सो ऽस्मान् परित्यज्य हरिर् गतः ॥
yad balaṃ yac ca nas tejo yad vīryaṃ yat parākramaḥ yā śrīś chāyā ca naḥ so 'smān parityajya harir gataḥ //
He who was our strength, our fiery energy, our valour, our prowess, our fortune and our shade — that Hari has forsaken us and gone.
AI translation rendered from the Sanskrit, not a published edition
BrP 212.44
इतरेणेव महता स्मितपूर्वाभिभाषिणा हीना वयं मुने तेन जातास् तृणमया इव ॥
itareṇeva mahatā smitapūrvābhibhāṣiṇā hīnā vayaṃ mune tena jātās tṛṇamayā iva //
Bereft of him, O sage — that great one who spoke with a smile first, as though he were an ordinary man — we have become as if made of straw.
AI translation rendered from the Sanskrit, not a published edition
BrP 212.45
अस्त्राणां सायकानां च गाण्डीवस्य तथा मम सारता याभवन् मूर्ता स गतः पुरुषोत्तमः ॥
astrāṇāṃ sāyakānāṃ ca gāṇḍīvasya tathā mama sāratā yābhavan mūrtā sa gataḥ puruṣottamaḥ //
He who was the embodied strength of the weapons, the arrows, of Gāṇḍīva and of myself — that Supreme Person has gone.
AI translation rendered from the Sanskrit, not a published edition
BrP 212.46
यस्यावलोकनाद् अस्माञ् श्रीर् जयः संपद् उन्नतिः न तत्याज स गोविन्दस् त्यक्त्वास्मान् भगवान् गतः ॥
yasyāvalokanād asmāñ śrīr jayaḥ saṃpad unnatiḥ na tatyāja sa govindas tyaktvāsmān bhagavān gataḥ //
He by whose mere glance fortune, victory, prosperity and eminence never left us — that Govinda, that Lord, has abandoned us and gone.
AI translation rendered from the Sanskrit, not a published edition
BrP 212.47
भीष्मद्रोणाङ्गराजाद्यास् तथा दुर्योधनादयः यत्प्रभावेन निर्दग्धाः स कृष्णस् त्यक्तवान् भुवम् ॥
bhīṣmadroṇāṅgarājādyās tathā duryodhanādayaḥ yatprabhāvena nirdagdhāḥ sa kṛṣṇas tyaktavān bhuvam //
Bhīṣma, Droṇa, the king of Aṅga and the rest, and likewise Duryodhana and the others, who were burnt to ashes by his power — that Kṛṣṇa has forsaken the earth.
AI translation rendered from the Sanskrit, not a published edition
BrP 212.48
निर्यौवना हतश्रीका भ्रष्टच्छायेव मे मही विभाति तात नैको ऽहं विरहे तस्य चक्रिणः ॥
niryauvanā hataśrīkā bhraṣṭacchāyeva me mahī vibhāti tāta naiko 'haṃ virahe tasya cakriṇaḥ //
My earth shines bereft of youth, her splendour slain, as though her very lustre had fallen away; father, I am not the only one (so diminished) in the absence of that bearer of the discus.
AI translation rendered from the Sanskrit, not a published edition
BrP 212.49
यस्यानुभावाद् भीष्माद्यैर् मय्य् अग्नौ शलभायितम् विना तेनाद्य कृष्णेन गोपालैर् अस्मि निर्जितः ॥
yasyānubhāvād bhīṣmādyair mayy agnau śalabhāyitam vinā tenādya kṛṣṇena gopālair asmi nirjitaḥ //
He by whose might Bhīṣma and the others acted like moths (flying) into me as into a fire — today, without that Kṛṣṇa, I have been defeated by cowherds.
AI translation rendered from the Sanskrit, not a published edition
BrP 212.50
गाण्डीवं त्रिषु लोकेषु ख्यातं यद् अनुभावतः मम तेन विनाभीरैर् लगुडैस् तु तिरस्कृतम् ॥
gāṇḍīvaṃ triṣu lokeṣu khyātaṃ yad anubhāvataḥ mama tena vinābhīrair laguḍais tu tiraskṛtam //
The Gāṇḍīva, famed throughout the three worlds by his might — without him it has been slighted by Ābhīras with mere clubs.
AI translation rendered from the Sanskrit, not a published edition
BrP 212.51
स्त्रीसहस्राण्य् अनेकानि ह्य् अनाथानि महामुने यततो मम नीतानि दस्युभिर् लगुडायुधैः ॥
strīsahasrāṇy anekāni hy anāthāni mahāmune yatato mama nītāni dasyubhir laguḍāyudhaiḥ //
Indeed many thousands of women, left without protector, O great sage, were carried off, while I strove (to stop it), by bandits whose weapons were clubs.
AI translation rendered from the Sanskrit, not a published edition
BrP 212.52
आनीयमानम् आभीरैः सर्वं कृष्णावरोधनम् हृतं यष्टिप्रहरणैः परिभूय बलं मम ॥
ānīyamānam ābhīraiḥ sarvaṃ kṛṣṇāvarodhanam hṛtaṃ yaṣṭipraharaṇaiḥ paribhūya balaṃ mama //
The whole of Kṛṣṇa's harem, as it was being brought (away), was seized by the Ābhīras, who fought with staves, overpowering my force.
AI translation rendered from the Sanskrit, not a published edition
BrP 212.53
निःश्रीकता न मे चित्रं यज् जीवामि तद् अद्भुतम् नीचावमानपङ्काङ्की निर्लज्जो ऽस्मि पितामह ॥
niḥśrīkatā na me citraṃ yaj jīvāmi tad adbhutam nīcāvamānapaṅkāṅkī nirlajjo 'smi pitāmaha //
That I am without fortune is no wonder to me; that I go on living — that is the marvel. Smeared with the mire of insult from base men, I am without shame, O grandfather.
AI translation rendered from the Sanskrit, not a published edition
BrP 212.54
श्रुत्वाहं तस्य तद् वाक्यम् अब्रवं द्विजसत्तमाः दुःखितस्य च दीनस्य पाण्डवस्य महात्मनः ॥
śrutvāhaṃ tasya tad vākyam abravaṃ dvijasattamāḥ duḥkhitasya ca dīnasya pāṇḍavasya mahātmanaḥ //
Hearing that speech of his, O best of the twice-born, I spoke to the sorrowing and wretched great-souled son of Pāṇḍu:
AI translation rendered from the Sanskrit, not a published edition
BrP 212.55
अलं ते व्रीडया पार्थ न त्वं शोचितुम् अर्हसि अवेहि सर्वभूतेषु कालस्य गतिर् ईदृशी ॥
alaṃ te vrīḍayā pārtha na tvaṃ śocitum arhasi avehi sarvabhūteṣu kālasya gatir īdṛśī //
Enough of your shame, Pārtha; you ought not to grieve. Understand that among all beings such is the course of Time.
AI translation rendered from the Sanskrit, not a published edition
BrP 212.56
कालो भवाय भूतानाम् अभवाय च पाण्डव कालमूलम् इदं ज्ञात्वा कुरु स्थैर्यम् अतो ऽर्जुन ॥
kālo bhavāya bhūtānām abhavāya ca pāṇḍava kālamūlam idaṃ jñātvā kuru sthairyam ato 'rjuna //
Time is for the coming into being of creatures and for their ceasing to be, O Pāṇḍava; knowing that this has Time for its root, be firm therefore, Arjuna.
AI translation rendered from the Sanskrit, not a published edition
BrP 212.57
नद्यः समुद्रा गिरयः सकला च वसुंधरा देवा मनुष्याः पशवस् तरवश् च सरीसृपाः ॥
nadyaḥ samudrā girayaḥ sakalā ca vasuṃdharā devā manuṣyāḥ paśavas taravaś ca sarīsṛpāḥ //
Rivers, oceans, mountains, and the whole earth, gods, men, beasts, trees, and creeping things —
AI translation rendered from the Sanskrit, not a published edition
BrP 212.58
सृष्टाः कालेन कालेन पुनर् यास्यन्ति संक्षयम् कालात्मकम् इदं सर्वं ज्ञात्वा शमम् अवाप्नुहि ॥
sṛṣṭāḥ kālena kālena punar yāsyanti saṃkṣayam kālātmakam idaṃ sarvaṃ jñātvā śamam avāpnuhi //
created by Time, by Time they will again go to dissolution; knowing that all this has Time for its essence, attain calm.
AI translation rendered from the Sanskrit, not a published edition
BrP 212.59
यथात्थ कृष्णमाहात्म्यं तत् तथैव धनंजय भारावतारकार्यार्थम् अवतीर्णः स मेदिनीम् ॥
yathāttha kṛṣṇamāhātmyaṃ tat tathaiva dhanaṃjaya bhārāvatārakāryārtham avatīrṇaḥ sa medinīm //
As you have spoken of Kṛṣṇa's greatness, just so it is, Dhanaṃjaya; for the task of removing the burden he descended to the earth.
AI translation rendered from the Sanskrit, not a published edition
BrP 212.60
भाराक्रान्ता धरा याता देवानां संनिधौ पुरा तदर्थम् अवतीर्णो ऽसौ कामरूपी जनार्दनः ॥
bhārākrāntā dharā yātā devānāṃ saṃnidhau purā tadartham avatīrṇo 'sau kāmarūpī janārdanaḥ //
Formerly the earth, oppressed by her burden, went into the presence of the gods; for that purpose Janārdana, who takes what form he wishes, descended.
AI translation rendered from the Sanskrit, not a published edition
BrP 212.61
तच् च निष्पादितं कार्यम् अशेषा भूभृतो हताः वृष्ण्यन्धककुलं सर्वं तथा पार्थोपसंहृतम् ॥
tac ca niṣpāditaṃ kāryam aśeṣā bhūbhṛto hatāḥ vṛṣṇyandhakakulaṃ sarvaṃ tathā pārthopasaṃhṛtam //
And that task has been accomplished: the kings have been slain without remainder, and likewise the whole clan of the Vṛṣṇis and Andhakas has been gathered in, O Pārtha.
AI translation rendered from the Sanskrit, not a published edition
BrP 212.62
न किंचिद् अन्यत् कर्तव्यम् अस्य भूमितले ऽर्जुन ततो गतः स भगवान् कृतकृत्यो यथेच्छया ॥
na kiṃcid anyat kartavyam asya bhūmitale 'rjuna tato gataḥ sa bhagavān kṛtakṛtyo yathecchayā //
There is nothing else for him to do on the face of the earth, Arjuna; therefore that Lord, his work done, has departed as he pleased.
AI translation rendered from the Sanskrit, not a published edition
BrP 212.63
सृष्टिं सर्गे करोत्य् एष देवदेवः स्थितिं स्थितौ अन्ते तापसमर्थो ऽयं सांप्रतं वै यथा कृतम् ॥
sṛṣṭiṃ sarge karoty eṣa devadevaḥ sthitiṃ sthitau ante tāpasamartho 'yaṃ sāṃprataṃ vai yathā kṛtam //
This God of gods makes the creation at the (time of) creation, and the maintenance at the (time of) maintenance; at the end he is the one able to consume (all) — just as has now indeed been done.
AI translation rendered from the Sanskrit, not a published edition — the model flagged this verse as uncertain
BrP 212.64
तस्मात् पार्थ न संतापस् त्वया कार्यः पराभवात् भवन्ति भवकालेषु पुरुषाणां पराक्रमाः ॥
tasmāt pārtha na saṃtāpas tvayā kāryaḥ parābhavāt bhavanti bhavakāleṣu puruṣāṇāṃ parākramāḥ //
Therefore, Pārtha, you should not grieve over defeat; men's feats of prowess occur (only) in the times when they are ordained to be.
AI translation rendered from the Sanskrit, not a published edition
BrP 212.65
यतस् त्वयैकेन हता भीष्मद्रोणादयो नृपाः तेषाम् अर्जुन कालोत्थः किं न्यूनाभिभवो न सः ॥
yatas tvayaikena hatā bhīṣmadroṇādayo nṛpāḥ teṣām arjuna kālotthaḥ kiṃ nyūnābhibhavo na saḥ //
Since by you alone Bhīṣma, Droṇa and the other kings were slain — was that not, Arjuna, an overthrow of them by an inferior, brought about by Time?
AI translation rendered from the Sanskrit, not a published edition — the model flagged this verse as uncertain
BrP 212.66
विष्णोस् तस्यानुभावेन यथा तेषां पराभवः त्वत्तस् तथैव भवतो दस्युभ्यो ऽन्ते तदुद्भवः ॥
viṣṇos tasyānubhāvena yathā teṣāṃ parābhavaḥ tvattas tathaiva bhavato dasyubhyo 'nte tadudbhavaḥ //
As their defeat came about at your hands through the might of that Viṣṇu, so too your defeat at the hands of the bandits, at the end, arises from him.
AI translation rendered from the Sanskrit, not a published edition
BrP 212.67
स देवो ऽन्यशरीराणि समाविश्य जगत्स्थितिम् करोति सर्वभूतानां नाशं चान्ते जगत्पतिः ॥
sa devo 'nyaśarīrāṇi samāviśya jagatsthitim karoti sarvabhūtānāṃ nāśaṃ cānte jagatpatiḥ //
That god, entering other bodies, maintains the world, and at the end, as the world's lord, (brings about) the destruction of all beings.
AI translation rendered from the Sanskrit, not a published edition
BrP 212.68
भवोद्भवे च कौन्तेय सहायस् ते जनार्दनः भवान्ते त्वद्विपक्षास् ते केशवेनावलोकिताः ॥
bhavodbhave ca kaunteya sahāyas te janārdanaḥ bhavānte tvadvipakṣās te keśavenāvalokitāḥ //
And in the arising of your existence, son of Kuntī, Janārdana was your helper; at the end of that existence your adversaries were looked upon by Keśava.
AI translation rendered from the Sanskrit, not a published edition — the model flagged this verse as uncertain
BrP 212.69
कः श्रद्दध्यात् सगाङ्गेयान् हन्यास् त्वं सर्वकौरवान् आभीरेभ्यश् च भवतः कः श्रद्दध्यात् पराभवम् ॥
kaḥ śraddadhyāt sagāṅgeyān hanyās tvaṃ sarvakauravān ābhīrebhyaś ca bhavataḥ kaḥ śraddadhyāt parābhavam //
Who would have believed that you could slay all the Kauravas together with the son of Gaṅgā? And who would believe your defeat at the hands of cowherds?
AI translation rendered from the Sanskrit, not a published edition
BrP 212.70
पार्थैतत् सर्वभूतेषु हरेर् लीलाविचेष्टितम् त्वया यत् कौरवा ध्वस्ता यद् आभीरैर् भवाञ् जितः ॥
pārthaitat sarvabhūteṣu harer līlāviceṣṭitam tvayā yat kauravā dhvastā yad ābhīrair bhavāñ jitaḥ //
Pārtha, this among all beings is Hari's sport-play: that the Kauravas were destroyed by you, and that you were conquered by the Ābhīras.
AI translation rendered from the Sanskrit, not a published edition
BrP 212.71
गृहीता दस्युभिर् यच् च रक्षिता भवता स्त्रियः तद् अप्य् अहं यथावृत्तं कथयामि तवार्जुन ॥
gṛhītā dasyubhir yac ca rakṣitā bhavatā striyaḥ tad apy ahaṃ yathāvṛttaṃ kathayāmi tavārjuna //
And as for the women who were seized by the bandits and (once) protected by you—that too, Arjuna, I shall tell you as it happened.
AI translation rendered from the Sanskrit, not a published edition
BrP 212.72
अष्टावक्रः पुरा विप्र उदवासरतो ऽभवत् बहून् वर्षगणान् पार्थ गृणन् ब्रह्म सनातनम् ॥
aṣṭāvakraḥ purā vipra udavāsarato 'bhavat bahūn varṣagaṇān pārtha gṛṇan brahma sanātanam //
Long ago the brahmin Aṣṭāvakra was engaged in standing in water, Pārtha, for many groups of years, reciting the eternal Veda.
AI translation rendered from the Sanskrit, not a published edition
BrP 212.73
जितेष्व् असुरसंघेषु मेरुपृष्ठे महोत्सवः बभूव तत्र गच्छन्त्यो ददृशुस् तं सुरस्त्रियः ॥
jiteṣv asurasaṃgheṣu merupṛṣṭhe mahotsavaḥ babhūva tatra gacchantyo dadṛśus taṃ surastriyaḥ //
When the hosts of asuras had been conquered, there was a great festival on the summit of Meru; the women of the gods, going there, saw him.
AI translation rendered from the Sanskrit, not a published edition
BrP 212.74
रम्भातिलोत्तमाद्याश् च शतशो ऽथ सहस्रशः तुष्टुवुस् तं महात्मानं प्रशशंसुश् च पाण्डव ॥
rambhātilottamādyāś ca śataśo 'tha sahasraśaḥ tuṣṭuvus taṃ mahātmānaṃ praśaśaṃsuś ca pāṇḍava //
And Rambhā, Tilottamā and the rest, by hundreds and by thousands, praised that great one and extolled him, Pāṇḍava.
AI translation rendered from the Sanskrit, not a published edition
BrP 212.75
आकण्ठमग्नं सलिले जटाभारधरं मुनिम् विनयावनताश् चैव प्रणेमुः स्तोत्रतत्पराः ॥
ākaṇṭhamagnaṃ salile jaṭābhāradharaṃ munim vinayāvanatāś caiva praṇemuḥ stotratatparāḥ //
And, bowed down in humility, intent on praising, they bowed to the sage, sunk in the water up to his neck, wearing a mass of matted hair.
AI translation rendered from the Sanskrit, not a published edition
BrP 212.76
यथा यथा प्रसन्नो ऽभूत् तुष्टुवुस् तं तथा तथा सर्वास् ताः कौरवश्रेष्ठ वरिष्ठं तं द्विजन्मनाम् ॥
yathā yathā prasanno 'bhūt tuṣṭuvus taṃ tathā tathā sarvās tāḥ kauravaśreṣṭha variṣṭhaṃ taṃ dvijanmanām //
The more pleased he became, the more all of them praised him, best of Kauravas—him, the most excellent of the twice-born.
AI translation rendered from the Sanskrit, not a published edition
BrP 212.77
प्रसन्नो ऽहं महाभागा भवतीनां यद् इष्यते मत्तस् तद् व्रियतां सर्वं प्रदास्याम्य् अपि दुर्लभम् ॥
prasanno 'haṃ mahābhāgā bhavatīnāṃ yad iṣyate mattas tad vriyatāṃ sarvaṃ pradāsyāmy api durlabham //
"I am pleased, greatly blessed ones. Whatever is desired by you, let it be chosen from me; I shall grant it all, even what is hard to obtain."
AI translation rendered from the Sanskrit, not a published edition
BrP 212.78
रम्भातिलोत्तमाद्याश् च दिव्याश् चाप्सरसो ऽब्रुवन् ॥
rambhātilottamādyāś ca divyāś cāpsaraso 'bruvan //
And Rambhā, Tilottamā and the rest, the divine apsarases, said:
AI translation rendered from the Sanskrit, not a published edition
BrP 212.79
प्रसन्ने त्वय्य् असंप्राप्तं किम् अस्माकम् इति द्विजाः ॥
prasanne tvayy asaṃprāptaṃ kim asmākam iti dvijāḥ //
"When you are pleased, what is there that we have not obtained, O twice-born ones?"
AI translation rendered from the Sanskrit, not a published edition
BrP 212.80
इतरास् त्व् अब्रुवन् विप्र प्रसन्नो भगवन् यदि तद् इच्छामः पतिं प्राप्तुं विप्रेन्द्र पुरुषोत्तमम् ॥
itarās tv abruvan vipra prasanno bhagavan yadi tad icchāmaḥ patiṃ prāptuṃ viprendra puruṣottamam //
But the others said: "Brahmin, if you are pleased, blessed one, then we wish to obtain as husband, chief of brahmins, the Supreme Person."
AI translation rendered from the Sanskrit, not a published edition
BrP 212.81
एवं भविष्यतीत्य् उक्त्वा उत्ततार जलान् मुनिः तम् उत्तीर्णं च ददृशुर् विरूपं वक्रम् अष्टधा ॥
evaṃ bhaviṣyatīty uktvā uttatāra jalān muniḥ tam uttīrṇaṃ ca dadṛśur virūpaṃ vakram aṣṭadhā //
Saying "So it shall be," the sage came up out of the water; and as he emerged they saw him misshapen, crooked in eight places.
AI translation rendered from the Sanskrit, not a published edition
BrP 212.82
तं दृष्ट्वा गूहमानानां यासां हासः स्फुटो ऽभवत् ताः शशाप मुनिः कोपम् अवाप्य कुरुनन्दन ॥
taṃ dṛṣṭvā gūhamānānāṃ yāsāṃ hāsaḥ sphuṭo 'bhavat tāḥ śaśāpa muniḥ kopam avāpya kurunandana //
Seeing him, of those who were hiding (their laughter), the laughter of some broke out openly; those the sage cursed, having fallen into anger, O delight of the Kurus.
AI translation rendered from the Sanskrit, not a published edition
BrP 212.83
यस्माद् विरूपरूपं मां मत्वा हासावमानना भवतीभिः कृता तस्माद् एष शापं ददामि वः ॥
yasmād virūparūpaṃ māṃ matvā hāsāvamānanā bhavatībhiḥ kṛtā tasmād eṣa śāpaṃ dadāmi vaḥ //
"Since, thinking me deformed in shape, you have shown contempt by laughter, therefore I here give you a curse:
AI translation rendered from the Sanskrit, not a published edition
BrP 212.84
मत्प्रसादेन भर्तारं लब्ध्वा तु पुरुषोत्तमम् मच्छापोपहताः सर्वा दस्युहस्तं गमिष्यथ ॥
matprasādena bhartāraṃ labdhvā tu puruṣottamam macchāpopahatāḥ sarvā dasyuhastaṃ gamiṣyatha //
having by my grace obtained the Supreme Person as husband, all of you, struck by my curse, shall fall into the hands of bandits."
AI translation rendered from the Sanskrit, not a published edition
BrP 212.85
इत्य् उदीरितम् आकर्ण्य मुनिस् ताभिः प्रसादितः पुनः सुरेन्द्रलोकं वै प्राह भूयो गमिष्यथ ॥
ity udīritam ākarṇya munis tābhiḥ prasāditaḥ punaḥ surendralokaṃ vai prāha bhūyo gamiṣyatha //
Hearing this said, the sage, propitiated by them, said: "You shall go again to the world of the lord of the gods."
AI translation rendered from the Sanskrit, not a published edition
BrP 212.86
एवं तस्य मुनेः शापाद् अष्टावक्रस्य केशवम् भर्तारं प्राप्य ताः प्राप्ता दस्युहस्तं वराङ्गनाः ॥
evaṃ tasya muneḥ śāpād aṣṭāvakrasya keśavam bhartāraṃ prāpya tāḥ prāptā dasyuhastaṃ varāṅganāḥ //
Thus, by the curse of that sage Aṣṭāvakra, those lovely women, having obtained Keśava as husband, fell into the hands of bandits.
AI translation rendered from the Sanskrit, not a published edition
BrP 212.87
तत् त्वया नात्र कर्तव्यः शोको ऽल्पो ऽपि हि पाण्डव तेनैवाखिलनाथेन सर्वं तद् उपसंहृतम् ॥
tat tvayā nātra kartavyaḥ śoko 'lpo 'pi hi pāṇḍava tenaivākhilanāthena sarvaṃ tad upasaṃhṛtam //
Therefore you must feel not even the slightest grief in this matter, O Pāṇḍava; all that was withdrawn by that very Lord of all.
AI translation rendered from the Sanskrit, not a published edition
BrP 212.88
भवतां चोपसंहारम् आसन्नं तेन कुर्वता बलं तेजस् तथा वीर्यं माहात्म्यं चोपसंहृतम् ॥
bhavatāṃ copasaṃhāram āsannaṃ tena kurvatā balaṃ tejas tathā vīryaṃ māhātmyaṃ copasaṃhṛtam //
And since he was bringing about your own withdrawal, now at hand, he withdrew (your) strength, splendour, valour, and greatness.
AI translation rendered from the Sanskrit, not a published edition
BrP 212.89
जातस्य नियतो मृत्युः पतनं च तथोन्नतेः विप्रयोगावसानं तु संयोगः संचयः क्षयः ॥
jātasya niyato mṛtyuḥ patanaṃ ca tathonnateḥ viprayogāvasānaṃ tu saṃyogaḥ saṃcayaḥ kṣayaḥ //
For one who is born, death is certain, and likewise a fall from eminence; union ends in separation, and accumulation in loss.
AI translation rendered from the Sanskrit, not a published edition
BrP 212.90
विज्ञाय न बुधाः शोकं न हर्षम् उपयान्ति ये तेषाम् एवेतरे चेष्टां शिक्षन्तः सन्ति तादृशाः ॥
vijñāya na budhāḥ śokaṃ na harṣam upayānti ye teṣām evetare ceṣṭāṃ śikṣantaḥ santi tādṛśāḥ //
The wise, having understood (this), fall into neither grief nor joy; and there are others too of that sort, who learn their conduct (from them).
AI translation rendered from the Sanskrit, not a published edition
BrP 212.91
तस्मात् त्वया नरश्रेष्ठ ज्ञात्वैतद् भ्रातृभिः सह परित्यज्याखिलं राज्यं गन्तव्यं तपसे वनम् ॥
tasmāt tvayā naraśreṣṭha jñātvaitad bhrātṛbhiḥ saha parityajyākhilaṃ rājyaṃ gantavyaṃ tapase vanam //
Therefore, best of men, having understood this, you together with your brothers should abandon the whole kingdom and go to the forest for austerity.
AI translation rendered from the Sanskrit, not a published edition
BrP 212.92
तद् गच्छ धर्मराजाय निवेद्यैतद् वचो मम परश्वो भ्रातृभिः सार्धं गतिं वीर यथा कुरु ॥
tad gaccha dharmarājāya nivedyaitad vaco mama paraśvo bhrātṛbhiḥ sārdhaṃ gatiṃ vīra yathā kuru //
So go, and having reported this speech of mine to the King of Dharma, on the day after tomorrow set out on the (final) journey together with your brothers, O hero.
AI translation rendered from the Sanskrit, not a published edition
BrP 212.93
इत्य् उक्तो धर्मराजं तु समभ्येत्य तथोक्तवान् दृष्टं चैवानुभूतं वा कथितं तद् अशेषतः ॥
ity ukto dharmarājaṃ tu samabhyetya tathoktavān dṛṣṭaṃ caivānubhūtaṃ vā kathitaṃ tad aśeṣataḥ //
Thus addressed, he approached the King of Dharma and spoke accordingly, and told in full what had been seen and experienced, or (what had been) said.
AI translation rendered from the Sanskrit, not a published edition
BrP 212.94
व्यासवाक्यं च ते सर्वे श्रुत्वार्जुनसमीरितम् राज्ये परीक्षितं कृत्वा ययुः पाण्डुसुता वनम् ॥
vyāsavākyaṃ ca te sarve śrutvārjunasamīritam rājye parīkṣitaṃ kṛtvā yayuḥ pāṇḍusutā vanam //
And all of them, having heard Vyāsa's words as reported by Arjuna, installed Parīkṣit in the kingdom, and the sons of Pāṇḍu went to the forest.
AI translation rendered from the Sanskrit, not a published edition
BrP 212.95
इत्य् एवं वो मुनिश्रेष्ठा विस्तरेण मयोदितम् जातस्य च यदोर् वंशे वासुदेवस्य चेष्टितम् ॥
ity evaṃ vo muniśreṣṭhā vistareṇa mayoditam jātasya ca yador vaṃśe vāsudevasya ceṣṭitam //
Thus it has been told to you at length by me, O best of sages, and (also) the deeds of Vāsudeva, born in the lineage of Yadu.
AI translation rendered from the Sanskrit, not a published edition