Brahma Purana — Chapter 211
BrP 211.1
इत्य् उक्तो दारुकः कृष्णं प्रणिपत्य पुनः पुनः प्रदक्षिणं च बहुशः कृत्वा प्रायाद् यथोदितम् ॥
ity ukto dārukaḥ kṛṣṇaṃ praṇipatya punaḥ punaḥ pradakṣiṇaṃ ca bahuśaḥ kṛtvā prāyād yathoditam //
Addressed thus, Dāruka bowed to Kṛṣṇa again and again, and having circumambulated him many times, he set out as he had been told.
AI translation rendered from the Sanskrit, not a published edition
BrP 211.2
स च गत्वा तथा चक्रे द्वारकायां तथार्जुनम् आनिनाय महाबुद्धिं वज्रं चक्रे तथा नृपम् ॥
sa ca gatvā tathā cakre dvārakāyāṃ tathārjunam ānināya mahābuddhiṃ vajraṃ cakre tathā nṛpam //
And he went and did so in Dvārakā: he brought Arjuna, and likewise made the greatly wise Vajra king.
AI translation rendered from the Sanskrit, not a published edition
BrP 211.3
भगवान् अपि गोविन्दो वासुदेवात्मकं परम् ब्रह्मात्मनि समारोप्य सर्वभूतेष्व् अधारयत् ॥
bhagavān api govindo vāsudevātmakaṃ param brahmātmani samāropya sarvabhūteṣv adhārayat //
And the Lord Govinda too, having placed the supreme brahman, whose essence is Vāsudeva, in himself, held it in all beings.
AI translation rendered from the Sanskrit, not a published edition
BrP 211.4
स मानयन् द्विजवचो दुर्वासा यद् उवाच ह योगयुक्तो ऽभवत् पादं कृत्वा जानुनि सत्तमाः ॥
sa mānayan dvijavaco durvāsā yad uvāca ha yogayukto 'bhavat pādaṃ kṛtvā jānuni sattamāḥ //
Honouring the brahmin's word, what Durvāsas had once said, he became joined in yoga, placing his foot on his knee, O best of the good.
AI translation rendered from the Sanskrit, not a published edition
BrP 211.5
संप्राप्तो वै जरा नाम तदा तत्र स लुब्धकः मुशलशेषलोहस्य सायकं धारयन् परम् ॥
saṃprāpto vai jarā nāma tadā tatra sa lubdhakaḥ muśalaśeṣalohasya sāyakaṃ dhārayan param //
Then the hunter named Jarā arrived there, carrying an excellent arrow (made) of the iron left over from the pestle.
AI translation rendered from the Sanskrit, not a published edition
BrP 211.6
स तत्पादं मृगाकारं समवेक्ष्य व्यवस्थितः ततो विव्याध तेनैव तोमरेण द्विजोत्तमाः ॥
sa tatpādaṃ mṛgākāraṃ samavekṣya vyavasthitaḥ tato vivyādha tenaiva tomareṇa dvijottamāḥ //
Seeing that foot (of his), which looked like a deer, he took position and then pierced (it) with that very lance, O best of brahmins.
AI translation rendered from the Sanskrit, not a published edition
BrP 211.7
गतश् च ददृशे तत्र चतुर्बाहुधरं नरम् प्रणिपत्याह चैवैनं प्रसीदेति पुनः पुनः ॥
gataś ca dadṛśe tatra caturbāhudharaṃ naram praṇipatyāha caivainaṃ prasīdeti punaḥ punaḥ //
And having gone (there) he saw a man bearing four arms, and bowing down he said to him again and again, "Be gracious!"
AI translation rendered from the Sanskrit, not a published edition
BrP 211.8
अजानता कृतम् इदं मया हरिणशङ्कया क्षम्यताम् आत्मपापेन दग्धं मा दग्धुम् अर्हसि ॥
ajānatā kṛtam idaṃ mayā hariṇaśaṅkayā kṣamyatām ātmapāpena dagdhaṃ mā dagdhum arhasi //
"This was done by me unknowingly, in the belief (that it was) a deer; let it be pardoned. Do not burn (me), who am (already) burnt by my own sin."
AI translation rendered from the Sanskrit, not a published edition
BrP 211.9
ततस् तं भगवान् आह नास्ति ते भयम् अण्व् अपि गच्छ त्वं मत्प्रसादेन लुब्ध स्वर्गेश्वरास्पदम् ॥
tatas taṃ bhagavān āha nāsti te bhayam aṇv api gaccha tvaṃ matprasādena lubdha svargeśvarāspadam //
Then the Lord said to him: "There is not even the least fear for you. Go, hunter, by my grace, to the abode of the lord of heaven."
AI translation rendered from the Sanskrit, not a published edition
BrP 211.10
विमानम् आगतं सद्यस् तद्वाक्यसमनन्तरम् आरुह्य प्रययौ स्वर्गं लुब्धकस् तत्प्रसादतः ॥
vimānam āgataṃ sadyas tadvākyasamanantaram āruhya prayayau svargaṃ lubdhakas tatprasādataḥ //
Immediately upon that speech a celestial chariot arrived; mounting it, the hunter went to heaven by his grace.
AI translation rendered from the Sanskrit, not a published edition
BrP 211.11
गते तस्मिन् स भगवान् संयोज्यात्मानम् आत्मनि ब्रह्मभूते ऽव्यये ऽचिन्त्ये वासुदेवमये ऽमले ॥
gate tasmin sa bhagavān saṃyojyātmānam ātmani brahmabhūte 'vyaye 'cintye vāsudevamaye 'male //
When he had gone, the Lord, joining his self to the Self that is brahman, imperishable, inconceivable, consisting of Vāsudeva, stainless,
AI translation rendered from the Sanskrit, not a published edition
BrP 211.12
अजन्मन्य् अजरे ऽनाशिन्य् अप्रमेये ऽखिलात्मनि त्यक्त्वा स मानुषं देहम् अवाप त्रिविधां गतिम् ॥
ajanmany ajare 'nāśiny aprameye 'khilātmani tyaktvā sa mānuṣaṃ deham avāpa trividhāṃ gatim //
unborn, ageless, indestructible, immeasurable, the Self of all — abandoning his human body, he attained the threefold state.
AI translation rendered from the Sanskrit, not a published edition