Brahma Purana — Chapter 210
BrP 210.1
एवं दैत्यवधं कृष्णो बलदेवसहायवान् चक्रे दुष्टक्षितीशानां तथैव जगतः कृते ॥
evaṃ daityavadhaṃ kṛṣṇo baladevasahāyavān cakre duṣṭakṣitīśānāṃ tathaiva jagataḥ kṛte //
Thus Kṛṣṇa, with Baladeva as his helper, carried out the slaying of the Daityas and likewise of the wicked lords of the earth, for the sake of the world.
AI translation rendered from the Sanskrit, not a published edition
BrP 210.2
क्षितेश् च भारं भगवान् फाल्गुनेन समं विभुः अवतारयाम् आस हरिः समस्ताक्षौहिणीवधात् ॥
kṣiteś ca bhāraṃ bhagavān phālgunena samaṃ vibhuḥ avatārayām āsa hariḥ samastākṣauhiṇīvadhāt //
And the Lord Hari, the all-pervading, together with Phālguna, brought down the burden of the earth by the destruction of entire armies (akṣauhiṇīs).
AI translation rendered from the Sanskrit, not a published edition
BrP 210.3
कृत्वा भारावतरणं भुवो हत्वाखिलान् नृपान् शापव्याजेन विप्राणाम् उपसंहृतवान् कुलम् ॥
kṛtvā bhārāvataraṇaṃ bhuvo hatvākhilān nṛpān śāpavyājena viprāṇām upasaṃhṛtavān kulam //
Having effected the unburdening of the earth, having slain all the kings, he withdrew his own family under the pretext of the brahmins' curse.
AI translation rendered from the Sanskrit, not a published edition
BrP 210.4
उत्सृज्य द्वारकां कृष्णस् त्यक्त्वा मानुष्यम् आत्मभूः स्वांशो विष्णुमयं स्थानं प्रविवेश पुनर् निजम् ॥
utsṛjya dvārakāṃ kṛṣṇas tyaktvā mānuṣyam ātmabhūḥ svāṃśo viṣṇumayaṃ sthānaṃ praviveśa punar nijam //
Having abandoned Dvārakā, Kṛṣṇa, self-existent, being a portion of himself, gave up his human state and entered again his own abode, which consists of Viṣṇu.
AI translation rendered from the Sanskrit, not a published edition
BrP 210.5
स विप्रशापव्याजेन संजह्रे स्वकुलं कथम् कथं च मानुषं देहम् उत्ससर्ज जनार्दनः ॥
sa vipraśāpavyājena saṃjahre svakulaṃ katham kathaṃ ca mānuṣaṃ deham utsasarja janārdanaḥ //
How did he destroy his own family under the pretext of the brahmins' curse? And how did Janārdana cast off his human body?
AI translation rendered from the Sanskrit, not a published edition
BrP 210.6
विश्वामित्रस् तथा कण्वो नारदश् च महामुनिः पिण्डारके महातीर्थे दृष्टा यदुकुमारकैः ॥
viśvāmitras tathā kaṇvo nāradaś ca mahāmuniḥ piṇḍārake mahātīrthe dṛṣṭā yadukumārakaiḥ //
Viśvāmitra, and Kaṇva, and the great sage Nārada were seen by the young Yadu boys at the great holy ford Piṇḍāraka.
AI translation rendered from the Sanskrit, not a published edition
BrP 210.7
ततस् ते यौवनोन्मत्ता भाविकार्यप्रचोदिताः साम्बं जाम्बवतीपुत्रं भूषयित्वा स्त्रियं यथा प्रसृतास् तान् मुनीन् ऊचुः प्रणिपातपुरःसरम् ॥
tatas te yauvanonmattā bhāvikāryapracoditāḥ sāmbaṃ jāmbavatīputraṃ bhūṣayitvā striyaṃ yathā prasṛtās tān munīn ūcuḥ praṇipātapuraḥsaram //
Then those (boys), maddened with youth and driven on by what was destined to happen, adorned Sāmba, the son of Jāmbavatī, like a woman, and going forth they said to those sages, with a bow first of all:
AI translation rendered from the Sanskrit, not a published edition
BrP 210.8
इयं स्त्री पुत्रकामा तु प्रभो किं जनयिष्यति ॥
iyaṃ strī putrakāmā tu prabho kiṃ janayiṣyati //
"This woman desires a son; O lord, what will she bring forth?"
AI translation rendered from the Sanskrit, not a published edition
BrP 210.9
दिव्यज्ञानोपपन्नास् ते विप्रलब्धा कुमारकैः शापं ददुस् तदा विप्रास् तेषां नाशाय सुव्रताः ॥
divyajñānopapannās te vipralabdhā kumārakaiḥ śāpaṃ dadus tadā viprās teṣāṃ nāśāya suvratāḥ //
Those (sages), endowed with divine knowledge, having been tricked by the boys — then those brahmins of firm vows pronounced a curse for their destruction.
AI translation rendered from the Sanskrit, not a published edition
BrP 210.10
मुनयः कुपिताः प्रोचुर् मुशलं जनयिष्यति येनाखिलकुलोत्सादो यादवानां भविष्यति ॥
munayaḥ kupitāḥ procur muśalaṃ janayiṣyati yenākhilakulotsādo yādavānāṃ bhaviṣyati //
The angered sages said: "She will bring forth a pestle, by which there will be the annihilation of the whole family of the Yādavas."
AI translation rendered from the Sanskrit, not a published edition
BrP 210.11
इत्य् उक्तास् तैः कुमारास् त आचचक्षुर् यथातथम् उग्रसेनाय मुशलं जज्ञे साम्बस्य चोदरात् ॥
ity uktās taiḥ kumārās ta ācacakṣur yathātatham ugrasenāya muśalaṃ jajñe sāmbasya codarāt //
Addressed thus by them, those boys reported it just as it was to Ugrasena; and a pestle was born from Sāmba's belly.
AI translation rendered from the Sanskrit, not a published edition
BrP 210.12
तद् उग्रसेनो मुशलम् अयश्चूर्णम् अकारयत् जज्ञे तच् चैरका चूर्णं प्रक्षिप्तं वै महोदधौ ॥
tad ugraseno muśalam ayaścūrṇam akārayat jajñe tac cairakā cūrṇaṃ prakṣiptaṃ vai mahodadhau //
Ugrasena had that pestle ground into iron powder; and that powder, when thrown into the great ocean, became eraka grass.
AI translation rendered from the Sanskrit, not a published edition
BrP 210.13
मुसलस्याथ लौहस्य चूर्णितस्यान्धकैर् द्विजाः खण्डं चूर्णयितुं शेकुर् नैव ते तोमराकृति ॥
musalasyātha lauhasya cūrṇitasyāndhakair dvijāḥ khaṇḍaṃ cūrṇayituṃ śekur naiva te tomarākṛti //
But of the iron pestle that was pulverized by the Andhakas, O brahmins, one piece, shaped like a lance, they were quite unable to grind up.
AI translation rendered from the Sanskrit, not a published edition
BrP 210.14
तद् अप्य् अम्बुनिधौ क्षिप्तं मत्स्यो जग्राह जालिभिः घातितस्योदरात् तस्य लुब्धो जग्राह तज् जरा ॥
tad apy ambunidhau kṣiptaṃ matsyo jagrāha jālibhiḥ ghātitasyodarāt tasya lubdho jagrāha taj jarā //
That too was cast into the ocean, and a fish seized it; from the belly of that (fish), killed by men with nets, the hunter Jarā took it.
AI translation rendered from the Sanskrit, not a published edition
BrP 210.15
विज्ञातपरमार्थो ऽपि भगवान् मधुसूदनः नैच्छत् तद् अन्यथा कर्तुं विधिना यत् समाहृतम् ॥
vijñātaparamārtho 'pi bhagavān madhusūdanaḥ naicchat tad anyathā kartuṃ vidhinā yat samāhṛtam //
Although the Lord, the slayer of Madhu, knew the ultimate truth of it, he did not wish to make otherwise what had been brought about by fate.
AI translation rendered from the Sanskrit, not a published edition
BrP 210.16
देवैश् च प्रहितो दूतः प्रणिपत्याह केशवम् रहस्य् एवम् अहं दूतः प्रहितो भगवन् सुरैः ॥
devaiś ca prahito dūtaḥ praṇipatyāha keśavam rahasy evam ahaṃ dūtaḥ prahito bhagavan suraiḥ //
And a messenger sent by the gods bowed down and spoke to Keśava in private: "I am a messenger sent thus by the gods, O Lord."
AI translation rendered from the Sanskrit, not a published edition
BrP 210.17
वस्वश्विमरुदादित्यरुद्रसाध्यादिभिः सह विज्ञापयति वः शक्रस् तद् इदं श्रूयतां प्रभो ॥
vasvaśvimarudādityarudrasādhyādibhiḥ saha vijñāpayati vaḥ śakras tad idaṃ śrūyatāṃ prabho //
“Together with the Vasus, the Aśvins, the Maruts, the Ādityas, the Rudras, the Sādhyas and the rest, Śakra makes this known to you: let this be heard, O Lord.”
AI translation rendered from the Sanskrit, not a published edition
BrP 210.18
भारावतरणार्थाय वर्षाणाम् अधिकं शतम् भगवान् अवतीर्णो ऽत्र त्रिदशैः संप्रसादितः ॥
bhārāvataraṇārthāya varṣāṇām adhikaṃ śatam bhagavān avatīrṇo 'tra tridaśaiḥ saṃprasāditaḥ //
“For the purpose of removing the burden (of the earth), the Lord descended here, entreated by the thirty (gods), for more than a hundred years.”
AI translation rendered from the Sanskrit, not a published edition
BrP 210.19
दुर्वृत्ता निहता दैत्या भुवो भारो ऽवतारितः त्वया सनाथास् त्रिदशा व्रजन्तु त्रिदिवेशताम् ॥
durvṛttā nihatā daityā bhuvo bhāro 'vatāritaḥ tvayā sanāthās tridaśā vrajantu tridiveśatām //
“The evil-doing Daityas have been slain, the burden of the earth removed; with you as their protector, let the thirty (gods) attain lordship of heaven.”
AI translation rendered from the Sanskrit, not a published edition
BrP 210.20
तद् अतीतं जगन्नाथ वर्षाणाम् अधिकं शतम् इदानीं गम्यतां स्वर्गो भवता यदि रोचते ॥
tad atītaṃ jagannātha varṣāṇām adhikaṃ śatam idānīṃ gamyatāṃ svargo bhavatā yadi rocate //
“That period, O Lord of the world, more than a hundred years, has passed; now let heaven be gone to by you, if it pleases you.”
AI translation rendered from the Sanskrit, not a published edition
BrP 210.21
देवैर् विज्ञापितो देवो ऽप्य् अथात्रैव रतिस् तव तत् स्थीयतां यथाकालम् आख्येयम् अनुजीविभिः ॥
devair vijñāpito devo 'py athātraiva ratis tava tat sthīyatāṃ yathākālam ākhyeyam anujīvibhiḥ //
“Though the God was thus informed by the gods, still, if your pleasure is here, then let (you) remain; at the proper time it must be told (again) by (your) dependents.”
AI translation rendered from the Sanskrit, not a published edition — the model flagged this verse as uncertain
BrP 210.22
यत् त्वम् आत्थाखिलं दूत वेद्मि चैतद् अहं पुनः प्रारब्ध एव हि मया यादवानाम् अपि क्षयः ॥
yat tvam ātthākhilaṃ dūta vedmi caitad ahaṃ punaḥ prārabdha eva hi mayā yādavānām api kṣayaḥ //
“All that you have said, O messenger, this too I know; and moreover the destruction even of the Yādavas has already been set in motion by me.”
AI translation rendered from the Sanskrit, not a published edition
BrP 210.23
भुवो नामातिभारो ऽयं यादवैर् अनिबर्हितैः अवतारं करोम्य् अस्य सप्तरात्रेण सत्वरः ॥
bhuvo nāmātibhāro 'yaṃ yādavair anibarhitaiḥ avatāraṃ karomy asya saptarātreṇa satvaraḥ //
“This excessive burden of the earth is (due) to the Yādavas, who have not been destroyed; I shall quickly bring about its removal within seven nights.”
AI translation rendered from the Sanskrit, not a published edition
BrP 210.24
यथागृहीतं चाम्भोधौ हृत्वाहं द्वारकां पुनः यादवान् उपसंहृत्य यास्यामि त्रिदशालयम् ॥
yathāgṛhītaṃ cāmbhodhau hṛtvāhaṃ dvārakāṃ punaḥ yādavān upasaṃhṛtya yāsyāmi tridaśālayam //
“And having taken back Dvārakā, just as it was taken (from) the ocean, and having gathered in the Yādavas, I shall go to the abode of the thirty (gods).”
AI translation rendered from the Sanskrit, not a published edition — the model flagged this verse as uncertain
BrP 210.25
मनुष्यदेहम् उत्सृज्य संकर्षणसहायवान् प्राप्त एवास्मि मन्तव्यो देवेन्द्रेण तथा सुरैः ॥
manuṣyadeham utsṛjya saṃkarṣaṇasahāyavān prāpta evāsmi mantavyo devendreṇa tathā suraiḥ //
“Having cast off the human body, accompanied by Saṃkarṣaṇa, I am to be considered as already arrived, by the lord of the gods and likewise by the gods.”
AI translation rendered from the Sanskrit, not a published edition
BrP 210.26
जरासंधादयो ये ऽन्ये निहता भारहेतवः क्षितेस् तेभ्यः स भारो हि यदूनां समधीयत ॥
jarāsaṃdhādayo ye 'nye nihatā bhārahetavaḥ kṣites tebhyaḥ sa bhāro hi yadūnāṃ samadhīyata //
“Those others, Jarāsaṃdha and the rest, who were slain, were the cause of the earth's burden; from them that burden passed over to the Yadus.”
AI translation rendered from the Sanskrit, not a published edition
BrP 210.27
तद् एतत् सुमहाभारम् अवतार्य क्षितेर् अहम् यास्याम्य् अमरलोकस्य पालनाय ब्रवीहि तान् ॥
tad etat sumahābhāram avatārya kṣiter aham yāsyāmy amaralokasya pālanāya bravīhi tān //
“So, having removed from the earth this very great burden, I shall go for the protection of the world of the immortals: tell them so.”
AI translation rendered from the Sanskrit, not a published edition
BrP 210.28
इत्य् उक्तो वासुदेवेन देवदूतः प्रणम्य तम् द्विजाः स दिव्यया गत्या देवराजान्तिकं ययौ ॥
ity ukto vāsudevena devadūtaḥ praṇamya tam dvijāḥ sa divyayā gatyā devarājāntikaṃ yayau //
Thus addressed by Vāsudeva, the divine messenger bowed to him, O twice-born ones, and went by a divine course into the presence of the king of the gods.
AI translation rendered from the Sanskrit, not a published edition
BrP 210.29
भगवान् अप्य् अथोत्पातान् दिव्यान् भौमान्तरिक्षगान् ददर्श द्वारकापुर्यां विनाशाय दिवानिशम् ॥
bhagavān apy athotpātān divyān bhaumāntarikṣagān dadarśa dvārakāpuryāṃ vināśāya divāniśam //
And then the Lord saw, day and night in the city of Dvārakā, portents divine, earthly and of the middle air, (foretelling) destruction.
AI translation rendered from the Sanskrit, not a published edition
BrP 210.30
तान् दृष्ट्वा यादवान् आह पश्यध्वम् अतिदारुणान् महोत्पाताञ् शमायैषां प्रभासं याम मा चिरम् ॥
tān dṛṣṭvā yādavān āha paśyadhvam atidāruṇān mahotpātāñ śamāyaiṣāṃ prabhāsaṃ yāma mā ciram //
Seeing them, he said to the Yādavas: “Look at these exceedingly terrible great portents; to appease them let us go to Prabhāsa without delay.”
AI translation rendered from the Sanskrit, not a published edition
BrP 210.31
महाभागवतः प्राह प्रणिपत्योद्धवो हरिम् ॥
mahābhāgavataḥ prāha praṇipatyoddhavo harim //
The great devotee Uddhava bowed and spoke to Hari:
AI translation rendered from the Sanskrit, not a published edition
BrP 210.32
भगवन् यन् मया कार्यं तद् आज्ञापय सांप्रतम् मन्ये कुलम् इदं सर्वं भगवान् संहरिष्यति नाशायास्य निमित्तानि कुलस्याच्युत लक्षये ॥
bhagavan yan mayā kāryaṃ tad ājñāpaya sāṃpratam manye kulam idaṃ sarvaṃ bhagavān saṃhariṣyati nāśāyāsya nimittāni kulasyācyuta lakṣaye //
“O Lord, command now what is to be done by me. I think the Lord will destroy this whole family; I mark the signs of this family's ruin, O Acyuta.”
AI translation rendered from the Sanskrit, not a published edition
BrP 210.33
गच्छ त्वं दिव्यया गत्या मत्प्रसादसमुत्थया बदरीम् आश्रमं पुण्यं गन्धमादनपर्वते ॥
gaccha tvaṃ divyayā gatyā matprasādasamutthayā badarīm āśramaṃ puṇyaṃ gandhamādanaparvate //
“Go by the divine course that arises from my grace to Badarī, the holy hermitage on Mount Gandhamādana,
AI translation rendered from the Sanskrit, not a published edition
BrP 210.34
नरनारायणस्थाने पवित्रितमहीतले मन्मना मत्प्रसादेन तत्र सिद्धिम् अवाप्स्यसि ॥
naranārāyaṇasthāne pavitritamahītale manmanā matprasādena tatra siddhim avāpsyasi //
to the place of Nara and Nārāyaṇa, where the surface of the earth is most purified; there, with your mind on me, by my grace you will attain perfection.
AI translation rendered from the Sanskrit, not a published edition
BrP 210.35
अहं स्वर्गं गमिष्यामि उपसंहृत्य वै कुलम् द्वारकां च मया त्यक्तां समुद्रः प्लावयिष्यति ॥
ahaṃ svargaṃ gamiṣyāmi upasaṃhṛtya vai kulam dvārakāṃ ca mayā tyaktāṃ samudraḥ plāvayiṣyati //
I shall go to heaven, having withdrawn the family; and the ocean will flood Dvārakā, abandoned by me.”
AI translation rendered from the Sanskrit, not a published edition
BrP 210.36
इत्य् उक्तः प्रणिपत्यैनं जगाम स तदोद्धवः नरनारायणस्थानं केशवेनानुमोदितः ॥
ity uktaḥ praṇipatyainaṃ jagāma sa tadoddhavaḥ naranārāyaṇasthānaṃ keśavenānumoditaḥ //
Thus addressed, Uddhava bowed to him and then went, permitted by Keśava, to the place of Nara and Nārāyaṇa.
AI translation rendered from the Sanskrit, not a published edition
BrP 210.37
ततस् ते यादवाः सर्वे रथान् आरुह्य शीघ्रगान् प्रभासं प्रययुः सार्धं कृष्णरामादिभिर् द्विजाः ॥
tatas te yādavāḥ sarve rathān āruhya śīghragān prabhāsaṃ prayayuḥ sārdhaṃ kṛṣṇarāmādibhir dvijāḥ //
Then all those Yādavas, mounting swift-moving chariots, set out for Prabhāsa together with Kṛṣṇa, Rāma and the rest, O twice-born ones.
AI translation rendered from the Sanskrit, not a published edition
BrP 210.38
प्राप्य प्रभासं प्रयता प्रीतास् ते कुक्कुरान्धकाः चक्रुस् तत्र सुरापानं वासुदेवानुमोदिताः ॥
prāpya prabhāsaṃ prayatā prītās te kukkurāndhakāḥ cakrus tatra surāpānaṃ vāsudevānumoditāḥ //
Having reached Prabhāsa, those Kukkuras and Andhakas, purified and pleased, held a drinking of liquor there, with Vāsudeva's approval.
AI translation rendered from the Sanskrit, not a published edition
BrP 210.39
पिबतां तत्र वै तेषां संघर्षेण परस्परम् यादवानां ततो जज्ञे कलहाग्निः क्षयावहः ॥
pibatāṃ tatra vai teṣāṃ saṃgharṣeṇa parasparam yādavānāṃ tato jajñe kalahāgniḥ kṣayāvahaḥ //
Then, as they were drinking there, from their rivalry with one another there arose among the Yādavas the fire of quarrel, bringing destruction.
AI translation rendered from the Sanskrit, not a published edition
BrP 210.40
जघ्नुः परस्परं ते तु शस्त्रैर् दैवबलात् कृताः क्षीणशस्त्रास् तु जगृहुः प्रत्यासन्नाम् अथैरकाम् ॥
jaghnuḥ parasparaṃ te tu śastrair daivabalāt kṛtāḥ kṣīṇaśastrās tu jagṛhuḥ pratyāsannām athairakām //
Impelled by the force of fate, they struck one another with weapons; and when their weapons ran out they seized the eraka grass that was near at hand.
AI translation rendered from the Sanskrit, not a published edition
BrP 210.41
एरका तु गृहीता तैर् वज्रभूतेव लक्ष्यते तया परस्परं जघ्नुः संप्रहारैः सुदारुणैः ॥
erakā tu gṛhītā tair vajrabhūteva lakṣyate tayā parasparaṃ jaghnuḥ saṃprahāraiḥ sudāruṇaiḥ //
But the eraka grass, once taken up by them, appeared as though it had become a thunderbolt; with it they struck one another with terribly cruel blows.
AI translation rendered from the Sanskrit, not a published edition
BrP 210.42
प्रद्युम्नसाम्बप्रमुखाः कृतवर्माथ सात्यकिः अनिरुद्धादयश् चान्ये पृथुर् विपृथुर् एव च ॥
pradyumnasāmbapramukhāḥ kṛtavarmātha sātyakiḥ aniruddhādayaś cānye pṛthur vipṛthur eva ca //
Pradyumna and Sāmba at their head, and Kṛtavarman, and Sātyaki, and others beginning with Aniruddha, and Pṛthu and Vipṛthu too—
AI translation rendered from the Sanskrit, not a published edition
BrP 210.43
चारुवर्मा सुचारुश् च तथाक्रूरादयो द्विजाः एरकारूपिभिर् वज्रैस् ते निजघ्नुः परस्परम् ॥
cāruvarmā sucāruś ca tathākrūrādayo dvijāḥ erakārūpibhir vajrais te nijaghnuḥ parasparam //
and Cāruvarman and Sucāru, and Akrūra and the rest, O twice-born ones: they slew one another with thunderbolts that had the form of eraka grass.
AI translation rendered from the Sanskrit, not a published edition
BrP 210.44
निवारयाम् आस हरिर् यादवास् ते च केशवम् सहायं मेनिरे प्राप्तं ते निजघ्नुः परस्परम् ॥
nivārayām āsa harir yādavās te ca keśavam sahāyaṃ menire prāptaṃ te nijaghnuḥ parasparam //
Hari tried to restrain (them), but those Yādavas thought Keśava had come as an ally (of the other side), and (still) they slew one another.
AI translation rendered from the Sanskrit, not a published edition
BrP 210.45
कृष्णो ऽपि कुपितस् तेषाम् एरकामुष्टिम् आददे वधाय तेषां मुशलं मुष्टिलोहम् अभूत् तदा ॥
kṛṣṇo 'pi kupitas teṣām erakāmuṣṭim ādade vadhāya teṣāṃ muśalaṃ muṣṭiloham abhūt tadā //
Kṛṣṇa too, angered, took up a handful of eraka grass to kill them; and then that handful became a pestle of iron.
AI translation rendered from the Sanskrit, not a published edition
BrP 210.46
जघान तेन निःशेषान् आततायी स यादवान् जघ्नुश् च सहसाभ्येत्य तथान्ये तु परस्परम् ॥
jaghāna tena niḥśeṣān ātatāyī sa yādavān jaghnuś ca sahasābhyetya tathānye tu parasparam //
With it, he, an aggressor, slew the Yādavas without remainder; and others too, rushing on suddenly, slew one another.
AI translation rendered from the Sanskrit, not a published edition
BrP 210.47
ततश् चार्णवमध्येन जैत्रो ऽसौ चक्रिणो रथः पश्यतो दारुकस्याशु हृतो ऽश्वैर् द्विजसत्तमाः ॥
tataś cārṇavamadhyena jaitro 'sau cakriṇo rathaḥ paśyato dārukasyāśu hṛto 'śvair dvijasattamāḥ //
And then that victorious chariot of the discus-bearer was swiftly carried off by its horses through the midst of the ocean, while Dāruka looked on, O best of the twice-born.
AI translation rendered from the Sanskrit, not a published edition
BrP 210.48
चक्रं गदा तथा शार्ङ्गं तूणौ शङ्खो ऽसिर् एव च प्रदक्षिणं ततः कृत्वा जग्मुर् आदित्यवर्त्मना ॥
cakraṃ gadā tathā śārṅgaṃ tūṇau śaṅkho 'sir eva ca pradakṣiṇaṃ tataḥ kṛtvā jagmur ādityavartmanā //
The discus, the mace, the Śārṅga bow, the two quivers, the conch and the sword too, having then circled (him) to the right, went off by the path of the sun.
AI translation rendered from the Sanskrit, not a published edition
BrP 210.49
क्षणमात्रेण वै तत्र यादवानाम् अभूत् क्षयः ऋते कृष्णं महाबाहुं दारुकं च द्विजोत्तमाः ॥
kṣaṇamātreṇa vai tatra yādavānām abhūt kṣayaḥ ṛte kṛṣṇaṃ mahābāhuṃ dārukaṃ ca dvijottamāḥ //
In a single moment the destruction of the Yādavas came about there, except for the mighty-armed Kṛṣṇa and Dāruka, O best of the twice-born.
AI translation rendered from the Sanskrit, not a published edition
BrP 210.50
चङ्क्रम्यमाणौ तौ रामं वृक्षमूलकृतासनम् ददृशाते मुखाच् चास्य निष्क्रामन्तं महोरगम् ॥
caṅkramyamāṇau tau rāmaṃ vṛkṣamūlakṛtāsanam dadṛśāte mukhāc cāsya niṣkrāmantaṃ mahoragam //
As the two of them were walking about, they saw Rāma, who had made his seat at the root of a tree, and a great serpent coming out of his mouth.
AI translation rendered from the Sanskrit, not a published edition
BrP 210.51
निष्क्रम्य स मुखात् तस्य महाभोगो भुजंगमः प्रयातश् चार्णवं सिद्धैः पूज्यमानस् तथोरगैः ॥
niṣkramya sa mukhāt tasya mahābhogo bhujaṃgamaḥ prayātaś cārṇavaṃ siddhaiḥ pūjyamānas tathoragaiḥ //
That great-coiled serpent, having come out from his mouth, went to the ocean, honoured by the Siddhas and likewise by the serpents.
AI translation rendered from the Sanskrit, not a published edition
BrP 210.52
तम् अर्घ्यम् आदाय तदा जलधिः संमुखं ययौ प्रविवेश च तत्तोयं पूजितः पन्नगोत्तमैः दृष्ट्वा बलस्य निर्याणं दारुकं प्राह केशवः ॥
tam arghyam ādāya tadā jaladhiḥ saṃmukhaṃ yayau praviveśa ca tattoyaṃ pūjitaḥ pannagottamaiḥ dṛṣṭvā balasya niryāṇaṃ dārukaṃ prāha keśavaḥ //
Then the ocean, taking a guest-offering, came to meet him, and he, honoured by the foremost of snakes, entered its waters. Seeing Bala's departure, Keśava said to Dāruka:
AI translation rendered from the Sanskrit, not a published edition
BrP 210.53
इदं सर्वं त्वम् आचक्ष्व वसुदेवोग्रसेनयोः निर्याणं बलदेवस्य यादवानां तथा क्षयम् ॥
idaṃ sarvaṃ tvam ācakṣva vasudevograsenayoḥ niryāṇaṃ baladevasya yādavānāṃ tathā kṣayam //
"Report all this to Vasudeva and Ugrasena—the departure of Baladeva, and likewise the destruction of the Yādavas.
AI translation rendered from the Sanskrit, not a published edition
BrP 210.54
योगे स्थित्वाहम् अप्य् एतत् परित्यज्य कलेवरम् वाच्यश् च द्वारकावासी जनः सर्वस् तथाहुकः ॥
yoge sthitvāham apy etat parityajya kalevaram vācyaś ca dvārakāvāsī janaḥ sarvas tathāhukaḥ //
And I too, abiding in yoga, shall abandon this body. And all the people dwelling in Dvārakā, and Āhuka as well, are to be told
AI translation rendered from the Sanskrit, not a published edition
BrP 210.55
यथेमां नगरीं सर्वां समुद्रः प्लावयिष्यति तस्माद् रथैः सुसज्जैस् तु प्रतीक्ष्यो ह्य् अर्जुनागमः ॥
yathemāṃ nagarīṃ sarvāṃ samudraḥ plāvayiṣyati tasmād rathaiḥ susajjais tu pratīkṣyo hy arjunāgamaḥ //
how the ocean will flood this whole city; therefore, with chariots well made ready, Arjuna's coming is to be awaited.
AI translation rendered from the Sanskrit, not a published edition
BrP 210.56
न स्थेयं द्वारकामध्ये निष्क्रान्ते तत्र पाण्डवे तेनैव सह गन्तव्यं यत्र याति स कौरवः ॥
na stheyaṃ dvārakāmadhye niṣkrānte tatra pāṇḍave tenaiva saha gantavyaṃ yatra yāti sa kauravaḥ //
One should not remain within Dvārakā; when that Pāṇḍava sets out from there, one must go along with him alone, wherever that Kaurava goes.
AI translation rendered from the Sanskrit, not a published edition
BrP 210.57
गत्वा च ब्रूहि कौन्तेयम् अर्जुनं वचनं मम पालनीयस् त्वया शक्त्या जनो ऽयं मत्परिग्रहः ॥
gatvā ca brūhi kaunteyam arjunaṃ vacanaṃ mama pālanīyas tvayā śaktyā jano 'yaṃ matparigrahaḥ //
And having gone, tell Arjuna, son of Kuntī, my word: 'These people, my dependents, are to be protected by you to the best of your power.'
AI translation rendered from the Sanskrit, not a published edition
BrP 210.58
इत्य् अर्जुनेन सहितो द्वारवत्यां भवाञ् जनम् गृहीत्वा यातु वज्रश् च यदुराजो भविष्यति ॥
ity arjunena sahito dvāravatyāṃ bhavāñ janam gṛhītvā yātu vajraś ca yadurājo bhaviṣyati //
Thus, let your honour, together with Arjuna, take the people (out) of Dvāravatī and go; and Vajra shall be king of the Yadus.
AI translation rendered from the Sanskrit, not a published edition